[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
زانة الكلمه وقلت اللي طرالي=من خفوق الروح بإحساس وشعور
قلت مايجري بوقتي وش جرالي=من عذاب كان لوإني صبور
من عذاب كان في سود الليالي=حطم اللي كان من كبروغرور
حطم النفس العزيزه وإلتوالي=هد حيلي عقب مادمي يفور
لوخذا مني حوالي مع حلالي=كان آخيرليْ من هذا الفتور
الفتوراللي إملازمني إبحالي=خارعزم الحيل مايقدريثور
ليتني ماشفت في دنياي غالي=وعشت في دنياي بالعز إمغمور
ياحسافه ياهوى زين الدلالي=حطني في ظلمة ماشفت نور
بين ناروغارلوإنه إظلالي=أتقلب فيه والملجا صخور
ماهقيت ولاتغلغل في خيالي=إنك الهاجروأنامنك إمهجور
ياحسين الدل يابدربدالي=لايصيبك شوف زينك بالغرور
خلق وأخلاق على زين وجمالي=هن تراهن للغلا جسرالعبور
أنت لوكلك جمال مع جمالي=مثل عشب الروض زايف بالزهور
لله اللي جملك كل الكمالي=كل شي كان له لب وقشور
أنت بعيوني وروحي لك جلالي=ياشبيه النورلك بالعين نور
ياشبيه البدرنورت الليالي=لك بإزاحة ظلمة الديجوردور
ياشبيه الريم داله بالمفالي=داله لوكنت بالأطباع ذور
ياشبيه الورد بي فيْ وظلالي=جنب ساقي جاري جنب القصور
ياجمال يوسفي ماله مثالي=غيربدربادي بأول ظهور
زدتني عله وأنا بي إعتلالي=منك ماجاني وأنامنك إمخطور
آه واويلاه يامخْطرحوالي=عايش لكن حالي في دبور
مدبره حالي وأنا منك إستوالي=كل سيه بين جمعي والكسور
من تصرفك الغبي ماطاب فالي=أتمنى والتماني كل أبوها في ثبور
من إغبون الروح في روس الطوالي=أزعج الونات وأصدح فوق طور
أنت يالمجمول ماغيرك زهالي=وأنت ماغيرك لنا مصدرسرور
الحياه إبغير الحب ماتسوى الريالي=في وجود الميْ بطلان العفور
ياحبيبي لك ترى إبروحي مجالي=صيحتيلك قومت نوما القبور
إنتظاري ياشريك الروح طالي=والندى لك جاك في صوت جهور
من على مرفوع بطوال الجبالي=مالقيت بقنته غيرالصقور
ليت ألا ياليت وآشوفك إقبالي=يهدأالقلب الذي بيه يمور
إنتهت ياشوق هذا اللي طرالي=قلتها من قلب بإحساس وشعور
[/poem]