رواية يا صاحبة الجسد الخمري رمل البحر أدفى أو صدري كاملة ٢٠١٤

[موكاتشينو]

بسم الله الرحمن الرحيم

رواية يا صاحبة الجسد الخمري رمل البحر أدفى أو صدري كاملة ٢٠١٤

للكاتبة: النايفة
تبدا الروايه بخاطره كتبتها الجوهره(الى اجواء مدينتي الفاتنه,والى الطرقات والمحلات,الى ناسي ,
الى اصدقائي الى كل قطعه انظر اليها لاودعها ,هاهي الساعه الخامسه فجرا متوجهه الى المطار
احمل حقائبي واحمل ذكرياتي,جروحي,تاركه كل شى حولي,تركت مدينتي وهي هادئه,ساكنه لابدا رحلتي الجديده متجاوزه خطوط الزمان والمكان ماينقصني هو ان انفث على سائر جسدي المعوذات لتحصيني من شرور الانس والجن....)

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ

يقطع حبل افكارها صوت سائقها :مدام انا ينتظر عند مطار ولا يروح؟
جوجو:لاروح وشهوله تنتظر,اسمع ياعمر تاكدت من كل الشنط موجوده تراها 3شنط ؟
(السواق):ايوه مدام كله موجود..

تاخذ جوجو جوالها تبي ترسل رساله وحده توديعيه لشخص واحد فقط قبل سفرها بنص ساعه فكرت وماجاء فبالها الاصديقتها وتؤامها ساره فكتبت لها
(سارونه ,قلبي مليان بالهم ادعي بكل صلاه ان ربي يفرج همي ويسهل دربي انا بالمطار! ولاتسالين ليه ومارح افقد بالدنيا الا انتي استودعك الله الذي لاتضيع ودائعه,احبك يااحلى اخت بالدنيا)
قفلت جوجو جوالاتها وبدت بتجهيز جوازالسفر والبوردينق ونزلت من السياره
ونزل عمر الشنط وانتظرته لين وداها للشحن وهو خارج عمر:توصلين بالسلامه مدام لازم يجيبي هديه لي انا ماينسا مدام جوجو..
ابتسامه خفيفه من جوجو
وقالت: يصير خير؛يلا ارجع للبيت لاتتاخر عليهم وراهم دوامات ..
(جوجو اخفت خبر سفرتها عن الكل حتى سواقها ماعطته اي معلومات عنها وهو طول الطريق يسال مدام وين يروح وليه يروح ومتى يرجع ,,,الخ)في كراسي الانتظار تجلس جوجو وحيده !سفرتها هذي غير عن كل سفره مامعها ريما وديمه بنات عمها ^^متربين مع بعض من الطفوله لان ابو الجوهره توفى وامهاتزوجت وهي عمرها 4سنوات فاخذها عمها وتربت معهم من الطفوله الى مرحله العشرين^^ كانت جوجومخنوقه لوحدتها اولا ولهمها ثانيا وتقول بنفسها ,يالله من الحين بديت احس اني تايهه يارررب اجبر قلبي الله يسامحك ياعمي ,وتمسح بايدها دموعها وناظرت ساعتها الا صوت المايك يامرهم بالتوجه للبوابه للمسافرين الى روما...رغم ان عم جوجو ابو ثامرسلمها الكرت للسماح لها بالسفر باي وقت وبدون اذن قبل سنتين الا انها من ذاك الوقت مافكرت تسافر الا هالمره لان صار لها حدث كرهها في بيت عمها !بل اظلمت الدنيا بعيونها
......الساعه 8 الصباح صوت منبه ساره يرن,,,دخلت
ام ساره:سارونه قومي يمه وراك جامعه وصوت منبهك سمعته وانا بالمطبخ وانتي عند راسك وماصحيتي ..
(سارونه):افففففف خلاص ماما مابي اروح
(امها) :وشهو اقول قومي ياما سحبتي مابقا الا هالشهر وتفتكين
(ساره):ترمي بلحافها وهي متذمره وصحت,,,,
بعد ماخذت ساره شور وبدت تتجهز قالت فبالها بعد مانخلص محاظرات انا وجوجو بنرجع للبيت تتغدا عندنا,,,اخذت ساره جوالها وناظرت بعدد الرسائل المرسله لها ماهتمت ساره الا بمسج صديقة عمرها,,تعودت ساره انها تلاقي بهالمسج كلام جوجو المعتاد ,ياانها تهاوشها عند التاخير بوصولها للجامعه او تكون راسله لها عن جمعه او بارتي لوحده من بنات الشله,,,قرت رساله جوجو فشهقت ساره!!! هاه ...مسافره,,كيف,,ليش,,هم ,,من جدها ,,,لالا اكيد تستهبل ! لاشعوريا اتصلت ساره ع جوالها لقته مغلق واتصلت بالرقم الثاني مغلق !! ساره قرت رسالة جوجو عشرين مره مو مصدقه عيونهااا.......

[موكاتشينو]

اتصلت ساره على بنت عم الجوهره وهي تحاول خفي بكائها :الو
(ديمه) :هلا مين
(ساره): انا ساره صاحبة جوجو....
(ديمه) :هلا حبيبتي ,,,
(ساره) :اسمعي جوجو عندك؟
(ديمه) :لاوالله من قبل البارح مدري عنها..
(ساره): بالله روحي لغرفتها ابيها ضروري ,,
(ديمه) :اوكي قلبي.....
.طلعت ديمه من غرفتها ع صوت ابوها يهاوش وعنده ثامر ونواف ومحمد ؛
اخوانها الثلاثه ,,,نزلت ديمه من الدرج تررركض,, ابوي وش فيه؟ يالله جعله خير,,,,
ناظر ابوها فيها ومارد عليها ,,,,ناظرت اخوانها وقالت: وش فيه عسى ماشر خرعتوني
(وجيه اخوانها مقلوبه )وكلهم متوترين ومو عارفين وش يسوون,, واكثر واحد متوتر ومعصصصب (محمد)بحكم علاقته القويه اللي تربطه بجوج
(محمد) :طيب ليه ليه تسافر بدون ماتقول لي ؟؟ وليه كذا فجاه وبدون مقدمات!! تعطينا خبر عالاقل محد بيمنعها ,,,
(ديمه):فتحت فمها ,,هاه,,مين اللي سافرت....
(نواف) :الجوهره سافرت السواق يقول انه وصلها المطار الفجر ,,,
(ديمه) مطااار؟؟ ليه,,,معقوله ..وش فيها جوجو ماقالت لي,,اي شي يصير لها تقول لي ,,,وتسافر وماتقول,,ليه ,لييييييه,,,صعدت ديمه تبكي راحت لاختها ريما بتصحيها بتقول لها عالكارثه,,,محمد اتصل ستين مره ع جوالاتها وارسل حوالي ثلاثين مسج طالب منها ان ترحمه وترد عليه اذا فتحت جوالاتها ........
(ثامر): بصوت مرتفع لايكون احد زعلها ,,,يمه يمه(ينادي على امه) جات ام ثامر وسالها ثامر يمه انتي زعلتي جوج ؟؟
(ام ثامر):وش تقول يمه!!! جوج مثل بنتي ورابيه على يدي والله الشاهد ماعمري هاوشتها او عاقبتها اعاملها معامله افضل من بناتي ,,,,
قالت لهم ام ثامر:طيب يمه اسالو اي احد من معارفكم فالمطار يشيك هي وين راحت،،،،صار كل واحد من الشباب يتصل عالكم الهائل من الاصدقاء لمعرفة وين راحت هالجوجو!!!....... البيت كله متوتر البنات ماداومو للجامعه والشباب ماراحو لاشغالهم حتى ابو ثامر اللي طول وقته غرقان بعمله ماراح,,الكل كان سفر جوجو بالنسبه لهم فاجعه,,صدمه,,مصيبه,,(ابو ثامر هوهو الوحيد اللي يعرف سر سفرها) وساكت !! ديمه وريما جالسين بغرفتهم ساكتين متفاجئن من اللي صار,,,رن جوال ديمه اخذت جوالها بسرعه كان المتصل ساره ,,,,(ديمه):الو ,,
(ساره) :هاه لقيتي جوجو؟
(ديمه) :سااااكته ,,
(ساره):سافررت صح!!يعني صااادقه مثل ماقالت _
ديمه ماتردي وش ترد ع ساره_
(ساره):
امانه ياديمه قولي لي وش صار لجوج وليه كذاراحت فجاه وكيف ومتى بترجع,,
قاطعتها ديمه : كل البيت مثلك مصدوم وتونا درينا من السواق قال لابوي,,,
(ساره):اكيد زعلتوها ,,,
(ديمه) :والله محد زعلها الكل متفاجئ سافرت بدون سبب ,,
(ساره): هي ارسلت لي مسج تودعني فيه وتقول ان قلبها مهموم,,
(ديمه)مهموووم!!! من ايش! هو صح ان البارح طول الوقت بغرفتها بس قلنا تبي تاخذ راحتها خصوصا ان فيه اوقات بالشهر ماتحب تطلع وتكون مسترخيه طول الوقت ,,,,
قفلت ساره الخط وهي حزينه ع صديقتها ,,ساره تترقب في كل لحظه وبكل دقيقه اي اتصال او خبر عن جوج ,,,,,,,(الشباب بعد الاتصالات اللي اجروها من الصباح وبعد الانتظار والتحري جاء الاتصال على جوال محمد الساعه 4 عصرا ؛؛؛؛؛؛
(محمد) :هلا عبود,,هاه بشر وش صار معك...^عبود ابوه يشتغل بمطار الملك عبدالعزيز^ (عبود) :خذ هالمعلومات,,الجوهره مساعد,,العمر24 ..وقت الاقلاع الساعه 6ونص صباحا من مطار الملك عبدالعزيز والهبوط بمطار ciampino بروما الساعه 12 .....
(محمد):طيب ماحجزت اياب ؟
(عبود) :الوالد يقول ذهاب فقط ,,,,,,,,,
قفل محمد الخط وقال بصوت حزين سافرت لروما ///
ام ثامر وابو ثامر ونواف وثامر وديمه وريما بصوت واحد....هاااااااه! ايش !! قام محمد وركب سيارته وخرج من الحوش وصوت عجلات سيارته يسمعها كل اللي بالبيت ,,,,,,
(ام ثامر): يمه ياووووليدي الله يستر عليك ويكفيك شر تهوورك .......
(ثامر):بصووت عالي شفت يبه مو انا دائم اقول لك لاتخلي البنات يسافرون لحالهم وانت ترد خلهم ينبسطوون,,,,,,اي بسطه واي وناسه؟ شوفها سافرت بدون لاتاخذ اذن احد وبدون لاتحشم احد ,,,هذي اخرت الدلع يبه (ويرمي بشماغه عالكنبه ويصعد لداره) ثامر لانه الولد الاكبر عمره 35 كان مثل الابو عالبنات الثلاث ورغم ان جوجو بنت عمه ماهي اخته الا انه يحاسبها عالطلعه والجيه وعالحجاب ونفس الحال مع خواته ريما وديمه,,,,,

[موكاتشينو]

ونواف كان دائم مع اصحابه خرجات واستراحات وسهر للفجر, مايدري عن شئ فالبيت حتى ابوه مايعتمد عليه باعماله الخاصه . ومحمد كان مسؤؤلا فقط عن جوجو لانه يحبها كثير يوديها ويخرجها ويوصلها الجامعه حتى بالمول يروح معها ويختار لها لبسها
((جوجو كانت تسولف له عن كل شئ بحيااتها,حتى تخصصها ادارة الاعمال محمد اللي اجبرها تدخل هالتخصص لانه يعرف انها تحب البزنس ودائم تحلم بمشاريع كثير,عقليتها عقلية رجال في امور البزنس,اهتمامهم كان متبادل حتى محمد لما اشترى سيارته اللكزس كان يستشير جوجو باللون فاختارت له اللون الاسود..ماكان محمد يبي هاللون بس اختاره تلبيه لرغبتها))
محمد يتجول بالشوارع مايدري وين يروح؟ تفكيره ساهي بجوج وفباله مئة سؤال ومية استفهام مارح احد يجاوبه عليها الا جوج,,محمد غرقان بهمه وبقلقه ,,,وفجاه ينبعث من صوت مسجله اغنية محمد عبده عيون الليل (عيونك لاتوريها ,,لغيري لاتوريها ,,عيونك لي ولو واقدر,,عيونك عنك اداريها )
وقف محمد سيارته عالبحر واطفى مسجله اللي زود عليه جراحه ,,هالاغنيه بيوم اهداها محمد لجوجو .بل لعيونها الفاتنه
(بغض النظر عن جمال جوجو كانت تتميز بشخصيه ,ساحره,تجذب الناس لها حنونه,صادقه,طيبه,حساسه متواضعه ماتحب التكبر, هذي المميزات اللي احبها محمد فيها ,,,,,,
جالس محمد عالبحر اللي يعتبره متنفسه الوحيد كل ماضاقت به الدنيا,,,وكل ماامتلى قلبه بالضيق ولكن همه الحين غير عن كل هم,,همه ان حبيبته تركته, تركت قلبه مجروح وينزف على تصرف منها لم يكن على بال احد,,قضى محمد ليلته عالبحرمشتت التفكير,,مشغول البال,,محطم القلب.
......................................
اتصلت ديمه على ساره,,,,(ساره) :ردت بشغف ,,هلا ديمه هاه بشري ,,(قالت ديمه لساره انهم شيكو بالمطار ع رحلتها وعرفو هي وين ) قفلت ساره وهي محطمه ,متشائمه, لابعد الحدود ولاول مره من 8 سنين منذ تعرفهم على بعض تحس انها فاقده جوج كانو طول الوقت عند جوجو او جوج عند ساره حتى العائلتين صارو مقربين مع بعض لقوة صداقتهم , جربت ساره تتصل ع جوجو يمكن تفتح جوالاتها,, لكن رجعت تتذمر مره ثانيه قدام اختها مها وامها ,,,,,,,,
(امها):خلاص ياسارونه طول الوقت وانتي تطالعين هالجوال ومية مره تدقين,,تاكدي يايمه ان جوجو رح تتصل عليك بس بعد ماتوصل وترتاح)) (مها) :ايه ياسارونه كلام امي صح خلاص لين متى وانتي سرحانه وماتاكلين ولاتسولفين ولا شى ,,,,,,,,,,,,,,,
قامت ساره وراحت لغرفتها بدون لاترد عليهم(مها وامها يحاولون يخففون من قلقها لكن ماقدرو)............
_______________________________________________
قالت ريما لديمه:,,غريبه من جوجو !!وش فيها انا حاسه ان فيها شئ معقووله كذا بدون لاتقول لاحد بدون ,,,,,,,
(ديمه): تصدقين ياريومه ان ساره تقول ان جوجو رسلت لها رساله كاتبه فيها انها مهمومه ومن هالكلام ,,,
(ريما) :مهمومه!! ليه وش فيها!؟ وش اللي صارر,,,
(ديمه): والله مدري ياريوم احس مخي توقف معد اعرف افكر,,,اجل كيف حمودي الله يكوون بعونه,,لايكون صاير بينهم شئ ,,,,,
(ريما): مااعتقد محمد مصدوم مثلنا ومتفاجئ ...وبعدين محمد يزعل جوجو!!! مسسسستحيل ولاعمرها صارت ,,تصدقين حتى السواق مايدري عن شئ لان ثامر استجوبه وقال انه ماقالت له ولا شئ ,,,,!
( ريما وديمه)جالسين بغرفتهم والهدووء يعم البيت,,جلوسهم مع بعض هالمره غير,,مافي هواش عالريموت ولا ضحك ولافي كابتشينو ولا شيبسات ولا فيه سهره على فلم رعب ولايحزنون,,,,,طلت ريما عالحوش شافت سيارات ابوها واخوانها موجوده ماعدا سيارة محمد ,,لحد الان مارجع البيت الساعه 2ونص
(همست في نفسها ياررررب استودعتك حمودي ياررب) قالت ريما لديمه انها بتروح تنام بغرفتها ,,,,
رجعت ريما وهي عارفه ان النوم مارح يجيها ,,فتحت ريما البوم الصور ,,صور طفولتها لاحظت بكل صوره ان جوجو وديمه معها بكل الصور ((رفعت يدها للسماء ودعت لجوجو ان ربي يحميها ويحفظها ويرجعها لهم سالمه))
ريوم ماحست بهالوقت وهي تتامل بالبوم صورها لكل صوره لها سالفه ولكل سنه من عمرهم كانت تمثل احداث وكل الصور كانت تتفق على شئ واحد وهو ان السعاده مافارقتهم من يوم كانو صغار,,,, سمعت صوت الاذان وقامت توضي وصلت,,بعد ماخلصت من صلاتها ناظرت من نافذتها شافت محمد توه داخل الحوش بسيارته ,,,,قالت الحمدلله ياررب الله يهون عليه وراحت نامت طبعا لليوم الثالث تسحب عالجامعه هي وديمه ....................................
في الصباح ,,,,رن جوال ساره فزت ساره من نومها على بالها انه جوجو ناظرت بالرقم المتصل لمياء ,,ردت ساره ك,,الو,,
(لمياء): وي لحد الان نائمه المحاظره بعد نص ساعه ترا.....
(ساره):بصوت هادئ ومبحوح وش تبين لمو؟ حضور مابي احضر ,,,,,(لمياء) طيب ايش فيكي ترا ثالث يوم ماشوفك لاانتي ولاجوجو ,,لايكون صاير حاجه وماتقولولي ,,,,,
(ساره) :ماصار شئ بس مالنا خلق نحضر سلمي عالبنات ورح اكلمك بوقت ثاني ,,,ترمي ساره جوالها وتكمل نومها,,,,
(لمياء من ضمن قروب الشله ومع جوجو بنفس التخصص ,,لليوم الثالث بعد سفر جوجو لاحس ولاخبر ولااتصال يطمن اهلها وصديقاتها
الساعه 9 صباح ,,,دخلت ام ثامر على غرفة محمد بتشوف نائم او صاحي ,,دخلت بهدوووء ..الغرفه بارده قربت من سريره,,جوالاته مرميه بجانبه ,,وريحة السقاير خانقه الغرفه !!
شهقت ام ثامرلما شافت علبتين من السقاير افرغها محمد بداخل حنجرته ,,,(ام ثامر)ياحسرررتي وش رجعه للتدخين وعلبتين بوقت واحد,,,,,محمد ترك التدخين من سنتين بعد ماقنعته جوجو بل اجبرته على تركه,,,طلعت ام ثامر بهدووء بعد ماقفلت باب غرفته تاركه وراءها ابنها العاشق المحروم

[موكاتشينو]

الوالد(ابو ثامر): يمشي ويعدل شماغه رايح للدوم...
شاف ام ثامر سالها: ماجاكم خبر عن جويج؟؟ ..
(ام ثامر) لاوالله لحد الان ولاشئ..
(ابو ثامر) يصيرخير,,يصير خير,, وطلع
________________
الساعه 2 الظهر ....صحى محمد مصدع راسه من السقاير اللي كثر منها قبل نومه لتخفف المه !! (كانت ام ثامر تشيك على غرفة ولدها مره بكل ساعه ,,كان الكل ينظر لمحمد نظرة استعطاف لانه متعلق بجوج بزياده) ..
فتحت ام ثامر الباب,,وقالت صح النوم يمه تبي فطور؟؟....(محمد):لا....
(ام ثامر) :طيب تبي غداء توه جهز,,
(محمد) لا...
(ام ثامر) طيب ياحبيبي اللي يريحك وطلعت...
( محمد مو من عادته انه يرد على امه بهالجفاف !..لكن امه حنت عليه هالايام وعاذرته.......
محمد بعد ماشيك على جوالاته طلع من غرفته متوجه لمكتب جوج
( جوج كثير تحب مكتبها ,,ودائم تجلس فيه,, مكتبها ذات اللون البني الفخم يعتبر مكان مقدس عندها.....ملئ بالكتب الثقافيه,,,
وكتب تطوير الذات,, وكتب علم النفس,,وكتب تخصصها,, وغيرها من الكتب ...)
فتح محمد باب المكتب وقال في نفسه غريبه من جوج تروح وماتقفل مكتبها !!!
دخل وجلس عالكرسي ,, رائحة عطرها عالقه بالمكتب ,,,الجرائد ملقاه على طاولة مكتبها,,,
رفع السماعه على الخدم بالمطبخ,,,
(الخادمه) الوو ...
(محمد) سوليتا سويلي كابتشينو وجيبيه لمكتب جوج ...
(الخادمه) اوكي
جلس يناظر بالجرائد ,,كانت الجرائد بتاريخ قبل اليوم اللي سافرت فيه جوج....جلس محمد يفكر ويربط المواضيع , واستنتج ان هناك شئ صار لجوج قبل السفره بيوم !!
التفت محمد يمين يسار ,فتح الادراج, يوجد فيها مجلات,اوراق تخص الجامعه,وغيرها من الاوراق الملئيه بخربشاتها وببوحها
(يبحث محمد عن شئ او سلك يوصلها لسبب غموض سفرتها )
لم يعثر الا على خواطر تبوح فيها وقت فراغها ,,, امسك بورقه مكتوب فيها ...
(والدي).. اتصدق انني اشتقت اليك ! اشتقت لكلامك الذي لم اسمعه,,اشتقت لحنانك,, اشتقت لكلمة ابوي انطقها بيوم ,,فقد صورك التي بقيت بعد وفاتك,,وسيرتك الطيبه التي اسمعها حتى الان ,,,,,,,الخ)..........
دمعت عيون محمد وخنقته العبره ,قفل الورقه ورجعها بالدرج,,مايبي يكمل الباقي ,,مايبي يعرف انها كانت تحتاج لابوها بشده) جلس محمد بمكتب جوج وهو يشرب كابتشينه ,ويتامل بكل جزء بمكتبها ,,يفتقدها,,يحتاج لها ،،
____________________
(في روما) ....
عشق روما مغروس بقلب جوج,,لاشك تعتبر بلاد الاساطير وعاصمة ايطاليا ,,يكثر فيها الاثار التاريخيه والمتاحف الفنيه الشهيره ,, روما غير عن كل مدينه او دوله زارتها جوج!!
تعتبر بلاد العجائب,, حتى ان الصور التذكاريه التي التقطت لجوج ولبنات عمها حاطتها بالبوم لحاله,, لان هالصور غير عن كل الصور التي التقطت لها عبر السنين !
اختارت جوج هالمدينه خصيصا لانها في كل مره تزورها تذهل باماكن واثار رومانيه ماكتشفتها من قبل ......لذلك ايقنت ان رووما ستنسيها همها ...!
بعد مارتاحت يومين بشقتها بدا وقت برنامجها وتجولها,,,
اتصلت
على سائق التاكسي الامريكي, رام , الذي اخذت رقمه بعد ماوصلها من المطار وتعاقدت معه لمدة اسبوع ,,,,
(جوج) :good morning ram
(رام): good morning gog
(جوج) com know to go to the street via : condotty i want shopping
(رام) ok ........
وصل سائقها بعد خمس دقائق من اتصالها ,,راحت جوج للتسوق في شارع كوندوتي ,,(يعتبر هالشارع من اهم الشوارع للتسوق ,,فيه اشهر المحلات ودور الازياء العالميه مثل جوتشي ,,بولجاري,,وفالنتينو,,جوج كانت تحس بغرابه,,تتسوق بمفردها ,,لكن كثرة المحلات وكثرة الاشخاص جعلت وقتها يمر بدون لاتحس
________
قررت جوج بعد عمل شوبينق شاق ومتعب ان تروح لمطعم ,,وجاء فبالها مطعم (برجولا)
يعتبر افخم مطعم في روما والطباخ فيه الماني وهو (هاينزبك) الحائز على شهادة كافه النقاد بانه رقم واحد منذ سنوات ,,لاينافسه في هذه الدرجه اي طباخ ايطالي,,دخلت جوج المطعم الرائق ,,,ابتسم لها الوايتر( النادل) واقترب منها رحب بها وسالها ,,اذا معها اشخاص او شخص يريد الحضور,,,جوج ردت على النادل (لا) .......
استغرب النادل من دخول فتاه جميله ,,فاتنه,,لايوجد معها من يرافقها لمشاركتها في عشائها !!
تحت جو رومانسي لامثيل له,,,جلست جوج تنتظر اكلها وهي تتامل من حولها ,,عشاق,,اصدقاء,,صديقات,,
(جاء فبالها محمد)
قالت بنفسها (سبحان مغير الاحوال) قبل 6 سنوات عزمها محمد عالعشاء تحت جو عاطفي, حالمي, تحت تاثير عباراته المعسوله التي تجعل قلبها طائر في الهواء.........
يقطع شريط ذكرياتها صوت النادل,,miss ,do you went a few drinks before dinner
(جوجno (
(النادل)may i ask question (ممكن اسالك سوال),,
(جوج) of cours, yes (طبعا,تفضل),,
(النادل) why you sad (لماذا انتي حزينه)
................
سوال النادل عن حزنها اللي يسكن بعيونها فاجائها حتى انها ارتبكت ماتدري وش ترد(النادل) احس باحراجه قدام جوج فقدم لها اعتذاره,,(النادل) صار يهتم بجوج وطلباتها طول فترة عشاءها حتى انها بعد ماخرجت,,راح معها وفتح باب التاكسي مودعا تلك الفتاه الحزينه,,,,,,

رجعت جوج لشقتها بعد يوم متعب الا انها استمتعت وهي تتسوق وتتجول بشوارع روما,,,جوج مستلقيه ع سريرها,,جاها فضول تفتح جوالاتها ,,,من اول مافتحتها وصوت المسجات ماهددت ولاتوقفت,,,جوجو عارفه انها رح تلاقي هالكم الهائل من المسجات ,,تردت انها تفتح اي مسج منها,,,قالت (اقرا المسجات؟ اوماله داعي اعور راسي ,,,,امممممم بسم الله رح ابدا)
بدت جوج تقرا مسجات محمد محتوى رسائله كانت طلب استعطاف واسترحام منها انها ترد عليه او تطمنه ع الاقل ,,
ماهتمت جوج بكل هذي التوسلات ,,الا انها في اخر مسج صعقت لما قريته ,, كان موعد ارسال المسج قبل ساعه من فتح جوالها ,,كاتب بهالمسج
((جوج والله العظيم لوماتصلتي لاجيك برووما وادورك بشارع,شارع وبكل مكان لين اطلعك من تحت الارض))!!
(جوج) يمه (مخترعه)!!وش عرفه اني بروما !!,,,اخاف يسويها ,,افففف يارربي وش اسوي الحين !.........
( محمد وصل لمرحلة ماقبل الجنون,,,ماينلام حبيبته تترك الدنيا وتهج ,,,
قرت جوج مسجات ساره وديمه وريما كانت كلها متفقه على نفس الاسئله ,,نفس العبارات,,نفس الصدمه,,من ضمن مسجات ساره كان مكتوب هالنص((جوج,,,الدنيا ظلمه بعيوني,,احس انك مو موجوده بالحياه,,,احس اني بفقدك للابد ,,كلامك اللي ارسلتيه لي كل يوم اقراه عشرين مره وابكي,,,اررحمي اختك الله يسعدك))
كلام سارونه ادمع عيونها ,,تذكرت المها وتذكرت سبب رحيلها بكت بصوووت مرتفع ,,بمكان الغربه لااحد بجانب جووج ,,
حتى ام جوج ماتسال عنها الا مره بكل 3 شهور,,منغمسه بحياتها مع زوجها واولادها,,,انجبت ام جوج 4 اولاد فقط وعلاقة جوج فيهم رسميه لان امها اخفت عنهم ان عندهم اخت ,,وعرفو بعد ماكبرو وصارو مو متقبلين جوج او بالاصح مو متقبلين ان تطلع لهم اخت فجاه,,,,ام جوج لاتعتبر مثالا للام ,,جوج تشتاق لابوها اللي مات من طفولتها اكثرمن امها اللي على قيد الحياه

[موكاتشينو]

جوج تفكر تقول لهم على اللي صار....على اللي خلاها ترحل..على اللي خلاها تسافر....او تسكت؟؟ او ترسل لمحمد حتى يعذرها او ..........
جوج محتاااااااره ماتدري وش تقول؟؟وش تسوي؟؟ وكيف تتصرف؟؟
فجاه رن جوالها
(شهقت جوجو من الفجعه نست انها ماقفلته,,ناظرت بالجوال المتصل^حمووودي^ جلست تناظر بالاسم مو قادره ترد,,طفا الاتصال وثواني سريعه الا بالاتصال الثاني من محمد,,اتصل مره ثانيه وثالثه ورابعه وخامسه ,,
وبعدها ارسل لها رساله ,,فتحت جوج الرساله وهي خائفه مكتوب بالرساله(انا جايك بالمطار).......
(جوج) :هااااااااه؟ حمودي بيجي لالالالا,,,,,,,مو معقوله ياربي....رفعت راسها للسماء وهي تبكي,, بكت جوج لان سرها كان صعب في بوحه وكيف تبوح لمحمد وسبب الجرح هو والده!! وعمها .....
كان اللي يفصلها بينها وبين وصول محمد 6 ساعات فقط ,, استرخت جوج تبي تاخذ غفوه ماقدرت من التفكير,,,
(سالت نفسها مليون مره اقول له ولا لا؟؟........وسالت نفسها عشرين مره,,طيب كيف اقول له كيف ابدا؟.......
تمر الساعات وراء بعض الا ان جاء وقت وصول محمد ,,,كل
ماقترب موعد وصوله اكثر كل ماتزيد نبضات قلبها,,
جوج جالسه ع اعصابها وقفت على نافذتها تناظر في الشوارع, في البشر, في المحلات, في السيارات,
(صوت المسج) يلفت انتباه جوج,, راحت شافت جوالها المسج كان من محمد كاتب:
(انا توني وصلت مطار روما,,لو ينقفل جوالك مايصير خير,,ارسلي اسم الاوتيل اللي انتي فيه).....
ارسلت له جوج اسم الاوتيل (دي روسي) مو مصدقه جوج ان سبع ساعات راحت في التفكير والتوتر!! ومو مصدقه ان محمد وصل بهالسرعه ,,
قالت بنفسها...ليه كذا الساعات تركض ؟؟ لييييييييييه؟؟
اتصل عليها محمد: الوو...
جوج: الوو
محمد:جوجو مو مصدق اني اسمع صوتك ؟؟ مو مصدق!! ليه كذا تسوين فيني,,,ليه ترووحين وتاخذين قلبي معك
جوج ماقالت ولا حرف الا ان دموعها سبقتها قبل حروووفها
محمد بصووت عالي : جوجو لاتبكين,,,انا بالتاكسي وقريب من الاوتيل,,ثواني واوصلك,,,,
قفل محمد من جوج وقلبه مقبوض للاخررررر,,حاس ان اللي صاير لجوج شى كبير,,شئ مجهووول
محمد سال السواق اكثر من مره كم باقي ونوصل ؟؟ مره رد عليه 15 دقيقه ومره 10 دقائق ومره 5 دقائق .....
الا ان وقف عند اوتيل جوج ,,,نزل محمد مسرع قال للسواق خل الشنط بالسياره بعد نص ساعه انزل ,,,
اخذ رقم غرفة جوج من الرسيبشن......اتصل ع جوج : انا عند الباب ....جوج: هااااه
محمد:قلت عند الباب ,,,,,,,,,
جوج مو قادره توقف من الرهبه , من الموقف الصعب,,,,فتحت جوج الباب : وهي تلمح طول محمد وضخامة جسمه ,,ماحطت عينها بعينه الا لمحه بعد مانتبهت ان محمد يناظرها بنظرات تعجب,, وجهها الذبلان ,, وجو شقتها الكيئبه كانت مبررات لحزن جوج الغامض ,,,,
جوج صارت ترتجف بعد ماجلست هي ومحمد عالكنبه ,,,محمد بصوت هادي :جوج انتي بخير ؟؟
جوج ردت على محمد ببكاء قطع قلب محمد عليها,,,,مسك بيدها وعيونه مدمعه ,,حاول انه ماينهار هو ايضا امامها ,, قال لها بصوت مخنوق: جوجتي الله يرحم اهلك قولي لي وش فيك ؟ وربي احس عمري ماعشت احداث غريبه الا لما سافرتي,,,,ترا مابي اعاتبك ليه رحتي ؟ وليه سافرتي بروحك , بس قولي من اللي زعلك وررربي رح انهي حياته ع يدي ,,بدت جوج تبكي اكثر وبصوت مرتفع ,,,
جلس يناظر محمد بجوجته ينتظرها لين تهدى ,جلس يناظر بشعرها,بنعومتها, بضعفها,,,
رفعت جوج راسها وقالت: محمد بقول لك ,,بس لاتقول لاحد وخصوصا ريما وديمه ,,مابي ابوهم يصغر بنظرهم
محمد: هاه ..ابوووي ! وش فيه ابووي؟؟ وش دخله ؟؟ بدت جوج تشرح وش صار معها مع عمها بالتفصيل .....
((بيووم كان ابو ثامر بعمله جلس يدور على اوراق مهمه ضائعه ,, راح لمكتب محمد اللي بجوار مكتب ابوه,, سكرتير محمد ماقدر يمنع ابوثامر من الدخول ,,لان اللي بيدخل ابوه مو شخص غريب...محمد كان دائم ينبه سكرتيره بان يمنع ايا كان من دخول مكتبه اثناء غيابه ,,
دخل بوثامر وبدا يفتش باوراق محمد المنثوره على طاولته وماحصل اوراقه,,فتح الادراج جلس يقرا ورقه,,ورقه
لقى ابوثامر ملف مغلف ومغلق بالكامل,, صار يفتح اللزق اللي موجود عالملف^^قرا الملفات,,كانت الملفات تتضمن على مجموعه من املاك محمد مسجلها باسم جوج,,
صرخ بو ثامر اييييييش؟؟وش فيه محمد ماعنده عقل !!! يكتب اهم 4 مواقع ومحلات باسم جويج ؟؟ليه من تكوون ؟؟ لهالدرجه غاسله مخه ))
ابو ثامر صحيح انه ربى جوج ويحبها لكن تغيررت مشاعره 180 درجه بعد اللي قراه باوراق محمد ,,,ابو ثامر يحب المال , ورغم انه عايش بخير الا ان الطمع معمي قلبه.....
اخذ الملف بو ثامر وراح للبيت ,, وقال لوحده من الخدمات روحي نادي جوج ضروري ,,كان ذاك اليوم ماعندها جامعه,, نزلت جوج ودخلت المجلس وهي مبتسمه وقالت آمر ياعمي تقول انك تبيني
كانت نظرة بوثامر مملؤه بالحقد عليها ....
رمى الملف على وجه جوج وقال لها اقري وتعرفين انا وش بغيت
فتحت جوج الملف وهي ترتجف ..وتقول عسى خير ياعمي,,
جلست تقرا المكتوب ...مو مصدقه ان محمد مسجل نص املاكه باسمه ..جوج: وش ذا ياعمي؟؟ ......
بوثامر: مسويه نفسك ماتدرين ,,,,هاالحركات ماتمشي علي ,,,تغسلين مخ ولدي وتقولين وش ذا !! نتعب ونكد ليل ونهار وتجين انتي تاخذين كل شئ بارده مبرده ,,,ماقول الا حسبي عليك يامحمد مالقيت الا هذي تطالع بوجهها ,,سحب الملف بقووه من يد جوج وطلع من المجلس.........
جوج مو قادره رجوولها تشيلها من الصددددمه !! كلام عمها مثل السكاكين اللي تنغرز بالقلب ,,
كلام عمها انهى حياتها بل تمنت انها توفت قبل لاتسمع اللي سمعته ,,جوج مو مستوعبه ان عمها عشان الفلوس يسوي فيها كذا,,كان كلام عمها مثل اخر كلمة بالافلام the end(النهااااايه)
صعدت جوج لغرفتها منهاره ورمت بنفسها على سريرها بعد مافتحت لابتوبها وحجزت ع اقرب رحله لروما وبقيت يوم كامل بغرفتها..