[poem=font="Simplified Arabic,4,red,bold,normal" bkcolor="transparent" bkimage="backgrounds/39.gif" border="groove,6,burlywood" type=2 line=0 align=center use=ex num="0,black"]
على بيض الورق بكتب خوافي غاية الأشواق=وابيّن للبشر حبـك واقـول البعـد منطاقـي
احبك واعشق انفاسك واموت بطرفك السـراق=سرق فكري وخلاني احبـك حيـل وانساقـي
احبك ضمني بصدرك وسافر بـي ورا الأفـاق=لعالم حبنا الوافي وبتـرك عالمـي الشاقـي
تعال وامسك يدينـي ودفـي قلبـي المشتـاق=تعال واقترب مني ضميـت وقربـك الساقـي
تعال وباعد افكاري عن هموم تصيـح افـراق=ابنسى كل مافينـي واعيـش لحبـك الباقـي
حبيبي هالهوى قاسي ونـاره طبعهـا حـراق=حرام ان غبت عن عيني تغيب الشمس بشراقي
غرامك اوجد بعيني بحر فـي داخلـي غـراق=تعال وهدي امواج تصافـق داخـل اعماقـي
احبك غايه آمالـي بقلبـي غايـه الأشـواق=اخاف ان طول غيابك تزيد وتحـرق اوراقـي [/poem]
مواقع النشر (المفضلة)