ماينفعك مال ورجال .. ولا ملك ساعة مماتك
ما تنفعك غير لاعمال .. اللي درتا في حياتك
راك تحسب العمر مازال .. في اللهو تقضي اوقاتك
لا تغر بك راحة البال .. انكان هي الدنيا عطاتك
مرات تكسبك مال ميال .. ومرات يشواء حتاتك
ياعبد لا تكون زعال .. راه صاحبك هو مراتك
ايجيك يوم في نعش تنشال .. وتندم علي شي فاتك
يامن اذنوبك اثقال .. نين واكلأت احسناتك
ويا من ادروب الضلال .. لاقط وناسي صلاتك
انوصيك وابشر بلامال .. انكان هي الوصا لازماتك
اياك من شين لافعال .. اللي اتواطي اصياتك
اياك من القيل والقال .. وين ما تفضي قناتك
اياك من حب لعيال .. اينسيك للي ضناتك
امك اللي كم من جال .. من حليبها رضعاتك
امك اللي لذ لوكال .. ياطول ما طعماتك
امك اللي ليلها طال .. وين غبت ياما رجاتك
امك اللي دمعها سال .. م الفرح وين نظراتك
اليوم كيف يالاك تنذال .. و ما طول فيها عناتك
اياك تنقص المكيال .. انكان بدينها طالباتك
ودين بوك في عام لكلال .. ياما سعى في رضاتك
واليوم قاصرا بيه لارجال .. وليام ما علماتك
وقول يالله ايهد لجبال .. وهد طامه كان جاتك
ومفيت ربنا ما يدوم حال .. خوذ موعظه من امواتك
وصلي علي طيب الفال .. المبعوث فيها لنجاتك

ما ينفعك مال ورجال .. ولا ملك ساعة مماتك
ما تنفعك غير لاعمال .. اللي درتا في حياتك