رواية تدري ايش اللي في حياتي عشقته وجودك اللي صار يسوى الخلايق ٢٠١٤ كاملة

[موكاتشينو]

بــــارت الخـــــامس..

الـــيوم أول يوم رمضــان و قــمر من الظــهر و هي تجهز الأطباق مع أمها و البشاكير.. اليوم أهل أبوها بيون و سمعت من جـاسم و جـراح انهم عازمين ربعهم.. فـ الاخت تتحرطم شرات العاييز.. و امها و البشاكير يضحكون عليها..

قــريب الأذان استـأذنت هي من امها عسب تسبح أمها قالت لها انها بتلحقها.. طلعت فوق و اختارت بدلتها و الشـال اللي راح تلبسه طبعا الشـال الملون لانهم افي حد غريب إلا هم عمامها و عماتها و عيالهم اللي يعتبرونها شرات اختهم و متعودين عليها..
بــعد ما اتسبحت أميرتنا أقصد قمرتنا سـارت تتجهز و تلف الشيلة لفة كويتية.. و ختمت كشختها بـ اكسسواراتها الهاديه اللي يليق عليها.. ((للمعلوميه قـمر ما تحب المكياج و ما تتمكيج إلا بالمناسبات))
نزلت تحت و شـافت الكـل موجود و سلمت عليهم أما عيال عمها من بعيد و بعضهم.. و سـارت عند بنت عمتها المعرسه بدريه..
قــمر: هــلا و غــلا بـ ام خـالد..
بدرية (ام خالد): اهلين بـ قمرهم أم جعفر هههههههههه..
قــمر بـغرور: أنا ولدي جعفر.. هه ولدج انتي جعفر و بنتج ام الدويس لا تخليني أقوم ادوس بكرشتج اللي صايره مترين جدامج (( بدرية حامل و ببـنت ))
بــدرية مسوية روحها زعلت: أفاااا ألحين بنتي هاي ام الدويس.. و انا كنت مقرره اسميها قمر..
قـــمر بابتسامه فيها غرور: محد مثلي يا بعدي أنا غــــــــــير لو تييبين 100 قمر فـ أنا شيختهن..
البنات و الحريم يضحكون على قمر المغرور و بدرية اللي مسوية روحها زعلانه.. نشت قــمر و سـارت عدال بـدرية و بـاست خدها: فديت الزعلانين أنا امــوت فيهم..
بدرية ضحكت و حضنت قـمر اللي تتصنع الغـرور و يحق لها لأنها أحلى البنات من العايلة..

الكـل نش ييلـس ع السـفرة لأنه ما بقى شي ع الفطور و الشـباب هالمرة سفرتهم داخل ميلس الرياييل لأنه أخوان قمـر عازمين ربعهم..


و عـــدت رمضــان كـ البرق..
قـــمر كـــانت شـــاريه كل شــي من الكــويت للعيدين بعد هع البنت مرتاحه..
و اليــوم أول أيام عيد الفطر..
و هالمرة أول مرة الكل يجتمع بـ بيت أبو جـاسم لأنه أكبر بيت و أكبر أخوانه و دام ابوه و امه متوفين فـ الاخوان يجتمعون عند الكبير..

قــمر كـــانت لابسه بدله كويتيه و قصير بس تحته لقنز و لابسه صندل لايق ع الفستان و رافعه شعرها ذيل حصان و حطت ميك أب بس ع خفيف و المفاجأة أن خالها أبو مروان تحت و هي ما تعرف كان حاب يعيد عندهم هو و أهله..

قـــمر طلبت من راكان انه يـشوف لو في حد مب محرم لها تحت عسب تاخذ احتاطها و شاف ان مروان موجود هو و اخوه فـ قال لأبوه انه قمـر تبا تنزل و ملابسها ما يناسب انها تنزل جدام عيال خالها..
أبو جــاسم: مرحبا بـ أبو مروان و الله نورتنا..
أبو مروان: النور نوركم يا النسيب..
أبو جــاسم بابتسامه: يا عــيال قــمر تبا تنزل فـ ممكن نيلس بـالميلس عسب تاخذ راحتها..
الكل نش ما عدا أبو مروان لانه محرمها و راكان قال لـ قــمر أنها تنزل محد تحت..
نزلت قــمر و هي متأكدة ان محد بـالصـالة بس تفاجأت بـ خالها اللي كان يالس عند أمها و هو يبتسم لـ أحلى قمــر بـ العايلة..
قــمر فرحت وايد بــشوفه خالها: هــلا و غــلا بـ أحلى خــال.. تو ما نورت الامارات فيك..
خالها نش لها عسب يسلم و اخذها بالاحضان لانها غـاليه و عزيزة عليه..
بعدها قــمر سلمت ع حرمه خالها و بناتها و عرفت ان مروان موجود بالبيت فـ كانت تتمنى الصدف تلعب دورها عسب يشوفها و هي كاشخه << البنت راحت فيها ههههههههه..


بعد سـاعه الناس قــامو يهلون ع بيت أبو جـاسم و قــمر كانت تسـاعد امها في المطبخ تدخل و تطلع تشيل و تحط..
و هي طالعه من باب الفله الجانبيه تبا تسير المطبخ شـافت شــاب وسيم طـالع من سيــارته و داخل البيت من بـاب القراج و كان قبالها و شـافها و هي بلا شيله و لا عباة و شـافها و هي كاشخه ع الاخر ما رام يشيل عينه و هي ما رامت تتحرك كانه حد صاب عليها ماي بارد.. بس بعد ثواني بسيطة تحركت بس كانت مرتبكه مب عارفه شو تسوي و وين تروح من المستحى..

ســعود كــان داخل الميلس لأنه كان بشكل دايم يفطر عند أبو جـاسم.. دخل و سـلم ع الكل و من بين الحظور كان مروان موجود و تعرفو على بعض و تمو يرمسو إلين سـعود استأذن و رجع الفجيرة بس قبل لا يركب سيارته لف صوب المطبخ يطالع قال يمكن الصدف تلعب دورها و اشوفها بس ما شافها..

ع الغـدا..
قــمر سارت لبست عبــاتها و شيلتها و شافت مكياجها الخفيف و عجبها شكلها و نزلت بس قبل ما يشوفها مروان تغشت لأنها ما تعودت تتمكيج و تبين ويها لحد حتى لو كان حبيب قلبها..

و الكل أكل اكله إلا قــمر اللي ما عرفت تاكل و هي متغشيه نش مروان و معاه اخوه فـ قمر نزلت الشيله من على ويها و اكلت غداها و بعد الغدا خالهم استأذن عسب يرجع الكويت لأنه يبا يكمل العيد بالكويت و في الليل الكل يتجمع ببيت ام مشعل..

قـــمر رقدت شوي لانها كانت سهرانه طول الليل ما ياها النوم و تعبت من الفير و هي بالمطبخ مع امها يسوون حلى و البسكويت لانه امها قالت لها أحلى شي يسوون الحلويات بـ البيت و تحت ايدهم له طعم ثاني و جربته قـمر هالمرة و استانست ان الحلويات حلوة و له طعم ثاني شرات ما امها قالت لها..

ع المغرب..
نشت الأميرة النائمة و هي بعدها ما شبعت نوم بس قالت بتنش عسب تروم ترقد في الليل..
لبست و كشخت من اول و يديد و نزلت شـافت حريم العـايلة موجودات بالبيت دخلت سلمت عليهن و سارت تيلس روحها في حجرتها لانها ما تحب تيلس معاهم.. و أمها تعرف طبعها اللي ما تحب تجامل الناس اللي ما تعودت عليهم..

خلص العيد و قــمر ميته تعب لأنه عيال عمها تعشو عندهم و كانت مع امها ما خلتها روحها..
قــبل لا يرقدون سارت قمر لأمها: أمي مره ثانيه ما بساعدج هلكتيني من كثر الشغل أهئ أهئ..
أم جــاسم بتعب: و الله انا اللي تعبانه ما قدرت انام العصر نفسج..
قــمر بــاست راس امها بحب و سارت ترقد..


مـــرت شــهور..

قــمر و جــاسم رجعو للدح و الدراسه..
ســـعود كان ماخذ اجازة شهر و رجع للدوام و تعبه..
مروان تخرج من الجامعه و بدأ يشتغل بشركه البترول و قال حق امه عن حبيبته (شـ...) و قالت له انها بتخطب له بعد كم من شهر لين يكون نفسه اكثر..


قـــمر كـــانت تعبانه من الكلية و التخصص..
أووووووف متى بس اتزوج و افتك من الكرف.. هم يكرفون كراف و نحن نتعب و نسكت كل هاا عسب نحصل درجات و شهادة..

جـــاسم كان تعبان بعد من الجـامعه لانه هالسنه هو آخر سنة و يـاخذ البكالوريوس..
أنا اللي يايبه لـ عمري منو قال لي أكمل البـكالـوريوس.. بس الحمدلله ما بقى شي و اتخرج إلا كم شــهر و ارفع راس أهلي بـ شهادتي..

ســـعود اللي كان سرحان و مسوي طاف لشغله..
يااااا وييييييييل حــــالي و الله انها كانت طررررررر.. ربي يحفظها و يخليها لي و لين أهلها.. أنا ليش ما اتحرك و اطلب أيديها؟!
بــدر: حووووووووووووو اناديك من ساعه و انت سرحان..
نش ســعود من سرحانه: هاااااااااااا شووووو تباااا؟!
بــــدر: ســعود مرتي ذابحتني بالاتصالات تقول انها تباني ارجع عندها و تعبانه تعرف عـــاده دلع الحــريم..
ســـعود: و المطلوب؟!
بــــدر بابتسامه: تمسك شغلي و تخلصه دخيلك طلبتك..
ســـعود بملل: انزين طير.. بس باجر انا ما بداوم انت راح تكمل شغلي..
بـــدر: موااااافق يالله مع السـلامه..
ســــعود: فمان الله..

رجع لـ سرحانه..
اللي مخليني ما اتحرك حركات الحريم.. ما يخلون الريال يطلع مع ربعه.. و لو تأخر اتم ادق عليه تساله انت وين و مع منو و شو تسوي.. ((تحقيق)) أووووووف الله ياخذ هالطبع اللي فيهن و لا كنا نحن بخير..



بــــعد 5 شــهور..

قــمر كانت توها واصله من الكلية.. و شــافت أمها تنزل شنطه السفر و الابتسامه ع ويها..
قـــمر باستغراب: ع وين يا قميل؟!
أم جـاسم: رايحه لديرتي الكويت لانه ولد خالج خطب و خطوبته راح تكون باجر و انتي اكيد ما بتقدرين تيين معاي عشان جي باخذ اختج فـجر و اخوج راكان اما انتي و جـاسم و جـراح راح تقعدون مع ابوكم ما بطول و انا امج يعني يوم الجمعة الصبح انا بكون بالامارات.. (( باست بنتها و طلعت هي و اخوانها ))..

و قـــمر سوت طــاف توقعت انه مــاجد أو واحد من الأولاد ما توقعت أبدا انه مروان.. فـ سارت تذاكر و مجتهده لانه ما بقى شي و تخلص السنة..
دخل عليها جـاسم و ويهه ما يبشر بالخير.. بس ابتسم يحاول ما يوضح لاخته..
جـــاسم: هلا و الله بـ قمر البنات..
قـــمر سوت طـاف له و ما سـألت بلاه ويهه جي غادي: أهلين جسوم..
جــاسم: شوو تسوين؟!
قــمر: مثل ما تشوف اني اذاكر باجر عندي امتحان و كويز و يوم الاحد لازم اسلم المشروع.. يعني هالاسبوع حـــــــافل هع..
ابتسم لانه عرف ان اخته ما عرفت باس راسها و سار حجرته و يشوف شغله و المشاريع اللي عنده..


ع العــشـــا..
أبو جــاسم كان يالس مع قــمر و أخوانها جــاسم و جــراح..
أبو جــاسم: هااا بنتي عرفتي أن ولد خالج بيخطب؟!
قـــمر بابتسـامه: هيه أبوي عرفت الله يسعده..
جـــاسم يبا يغير الموضوع عسب ما تعرف منو هالشخص بس ما مداه إلا جــراح: هــــيه و الله الله يهني مروان بـ حبيبته اللي خطبها لو انا سرت قلت حق ابوي اني احب جـان دفني و انا حي هههههههه..
جـــــاسم غمض عينه و تم ساكت..
أما قــــمر ما رامت تاكل اللقمه اللي كان بفمها تمت ســاكته فترة.. بس بعد ثواني بلعت اللي بفمها و نشت: نعم الله عليكم..
ابو جـاسم استغرب انها ما كملت اكلها لانه مب من عوايدها تهد اكلها: ما اكلتي بنتي..
قـــمر ماسكه دمعتها: الحمدلله شبع يابوي..
ســــارت دخلت حجرتها بس ما صاحت كملت شغلها لانه لو صاحت بتخرب كل شي و هالشي مب لصالحها لانه بعد اسبوعين اجازتها..

جـــــاســـم ما رام يسير لها و يشوف رده فعلها فـ سار حجرته..



و مر اليوم ع قــمر شـــرات الجحيم بس تبا تخلص اللي بايدينها و تفتك..




يوم الجمعة..
الكل رجع من المسيد و جاسم عزم سعود لبيتهم و قال لـ قمر ان سعود تحت و هي ما تكلمت كـ العاده من بعد ما عرفت بـ خطبه مروان لـ حبيبته ((شـوق))

و عرفو ان ام جـاسم راح تيلس هناك لانه امها تعبت شوي و ابو جاسم قرر يودي عياله بعد ما يخلصو امتحانات للكويت..
الكل كان عارف بقرار ابو جاسم إلى قمر اللي كانت تتجنب تيلس معاهم..

قمر نزلت تحت نست ان جاسم عطاها خبر ان سـعود بييهم و بيكونو بالصـاله لانه الميلس وايد عود و دام قمر ما تبا تتغدا فقررو ييلسون بالصاله..

كانت لابسه كت و برمودا و شعرها لامته ع طرف و ويها كان تعبان.. هي لما نزلت ابوها و اخوها جاسم كانو يبدلون ملابسهم أما جـراح فـ كان بالمطبخ يعطيهم الاوامر..

نزلت اميرتنا الحزينة و ما انتبهت للشخص اللي تبلم من لما شافها و تمنى ينش و يخفف هالحزن اللي ع ويهها.. بس تعوذ من الشيطان و تم يالس يشوفها لانها تجذب بجمالها..
انتبهت انه في شخص بالصاله رفعت راسها و شافت سـعود تمت واقفه ما رامت تتحرك لانها في هالمواقف تتيبس و ترتبك فـ اتم واقفه..
ســـعود رحم حالها فـ نش و دخل الميلس عسب هي تروم تتحرك و تسوي اللي تبا ســعود فكر انه يروم حمام الميلس ((عزكم الله)) عسب لو صادف ان واحد من اهل البيت شاف قمر يعرف ان سعود كان بالحمام و ما عرف بنزولها << ياويلي عليه جنتل..


بعد ما دخل سـعود للميلس قــمر صعدت فوق و شافت بويها ابوها.. خافت منه انه ممكن يفهم غلط..
ابو جــاسم بعصبية: شوووو منزلج انتي؟! اخوج ما قال لج ان ربيعه تحت؟!
قـــمر خايفه: قــال بس انا ما شفت حــ حــد فــ.. أههه فــ سرت ادور ع شي ضيعته..
ابو جــاسم ما صدقها: أوريج بعدين يا .............. صعدي حجرتج أشوف بسرعه..
نزل ابو جـاسم و دخل الميلس شـاف سـعود توه طالع من الحمام و شكله ما شاف قـمر و هالشي ريح ابو جـاسم.. << يا عيني عليه..
ابتسم سـعود لـ ابو جـاسم: شكلك كنت ادور علي.. السموحه نشيت كنت ابا الحمام الله يعزك..
ابو جـاسم ابتسم له: يا ولدي توقعت في الميلس لا اكثر و لا اقل لاني استغربت انك مب بالصاله..
ســعود: و هذا انا جدامك هههههههههه..
أبو جــاسم: تفضل ع الغــدا..
ســارو ابو جاسم و عياله و ســعود يتغدو..

أما قــمر فـ كانت خايفه ان سـعود يقول حق ابوها انه شافها فـ عسب جي هو يالس بالميلس.. و كانت تروح و ترد بالحجرة من الخوف و الارتباك.. ع العصر سمعت صوت ابوها و اخوانها سوت روحها تذاكر عن يحس عليها ابوها و يشوفها مرتبكه..

دخل عليها ابو جـاسم: شحال قمر؟!
قمر كانت منزلة راسها: الحمدلله يابوي..
صوتها كان مبين انها كانت خايفه فـ عسب جي ابوها سار لها و حضنها.. و استسمح منها لانه صرخ عليها قبل شوي طبعا ما قال لا اسف و لا سوري لانها تعصب قـال لها: بنتي و الله ما كان قصدي ازاعق عليج قبل شوي بس انتي تعرفين ان الريال كان موجود بالبيت بس الحمدلله انج لما نزلتي هو كان بالحمام و هالشي ريحني انه ما شافج..
قمر ارتاحت لانه ربيع اخوها ما قال لابوها انه شافها فدعت له بقلبها له بانه يفرح طول العمر لانه انقذها من عصبيه ابوها..

مضى اليوم ع خير و قمر غصبت نفسها تتعش امعاهم و ترمس معاهم شوي و ما تبين لاخوها جاسم انها تحسست او زعلت من خطوبة ولد خالهم..

و عدت السنة الدراسية ع خير و طبعا طول هالفتره و قمر كانت ماسكه نفسها لا تصيح او تعصب و تخرب ع نفسها..
فـ اول يوم اجازة ابوها فجر القمبله الموقوته هع هع..
ابو جـاسم: يالله يا قمورتي سيري جهزي شنطتج عسب نسافر الكويت امج تقول تبا تيلس لين عرس مروان و تباكم تييون نفس كل سنة..
هني قمــر ما رامت تمسك دموعها فـ ركضت لحجرتها بس بطريقة محد يحس انها تبا تصيح.. دخلت الحجرة و تمت تصيح و تصارخ بس ع خفيف عسب محد يسمعها.. و هي تصيح فكرت انها تقول حق ابوها انها ما ودتها تسافر..
نزلت تحت و ما شافته و سالت البشاكير عنه قالو لها انه طلع.. اتصلت عليه ما رد لانه هو جي لو كان مشغول ما يرد ع الفون فطرشت له مسج: ابوي مالي بارض اسافر الكويت اجل السفر لبعدين..
و بعد دقايق وصلها الرد: قـمير عن الدلع الزايد انا قلت كلمتي و ما اثنيها روحي مشغول و تيين انتي تقولين أجل السفر..
صاحت قمر عرفت ان ابوها راح يسافر معاهم لانه يضغط ع روحه بالشغل عسب يرتاح و يسافر معاهم هالمره..
فقررت انها تشرد الحين دام البيت فاضي و مافيه حد.. جهزت شنطه صغيرة و طلبت من البشاكير يرقدون من وقت عسب باجر يرتبون معاها شنطه السفر.. لما تأكدت ان محد بالبيت و ان اخوانها مع ربعهم و ابوها مشغول خذت شنطتها و لبست عباتها و خذت نقاب كان عندها.. لبست النقاب و طلعت من الفيله بدون ما البشاكير يحسون فيها..
بس لما طلعت حست بـ أن شي سيارة بتدخل البيت فركضت و اندست في دبه سياره اخوها جاسم.. و قالت تنتظر لين هو يطلع بعدها بتكمل الشردة هع..

بس الاخت ما انتبهت ان اخوها ركب هالسيارة اللي هي فيه و هو رجع لان السيارة اللي كان فيها ما تساعده يسير فيه للوديان.. لأنه مواعد مع سـعود يسيرون صوب الوديان.. فـ هي تمت خايفه ان اخوها يحس فيها و سمعت اخوها يكلم سعــود و اتفقو ان جــاسم يوقف سيارته قريبه من الوادي و ما ينزلون تحت و من هالكلام..

قـــمر تمت مكانها ســاكتة و تراقب الشوارع من دون ما يحس فيها اخوها جـاسم و بعد ساعتين تقريبا وصل جـاسم المكان فـ وقف سيارته و سكر الباب و نزل هو و الشباب صوب اليمعه اللي هم مسوينها كانو يلعبون كوت و سهرتهم صباحي..

قــمر قدرت تنزل من سيارة أخوها و فـ قالت بتشرد اي مكان بس ما تبا ترجع البيت و تسافر هناك و تشوف حبيب قلبها زوج لبنت هي ما تعرفه.. قــمر تركض في المكان الخالي من الناس و المكان يخوف و هي معانده ما تبا ترجع تقول تضيع و لا انه تشوف مروان معرس تمت تقريبا ساعه و نص مابين تمشي و تهرول صححح تعبت بس كانت تعاند نفسها ما تبا ترجع.. بعدها سمعت صوت ذيب من بعيد زاغت فـ قررت ترجع رجعت و هي تهرول المهم توصل لمكان آمن..

بعد ساعه و نص ثانيات وصلت صوب سيارة اخوها فتحت الباب حسب ان السيارة هاي غير عن سيارة اخوها لان هالسياره فيها بدله شرطة و ريحتها مب شرات ريحه عطر أخوها سكرت الباب و تمت ادور سيارة اخوها من بين هالسيارات.. الاخت توقعت انها غلطانه بالمكان مشت بعد نص ساعه و شافت الشارع و عرفت ان هالمكان اخوها نزل و سار عند ربعه بس هو وين الحين ما تعرف يتها الصيحه بس مسكت روحها عن تصيح.. ركضت للسيارة اللي تشابه سيارة اخوها و فتشت بالسيارة شافت صورة الشاب الوسيم اللي شافته يوم العيد فـ عرفت ان هالشخص ربيع اخوها.. تمت تفكر شو تسوي فما لقت غير انها تندس بالدبة و تنتظر الريال يسير الشارجة..


ع الســاعه 4 الفير..

السيارة تحركت و قـمر كانت راقدة ما حست بشي لانها كانت تعبانه و في السيارة كان فيها الوسيم و ربيعه فـلاح.. و تمو يرمسو عن جـاسم و الشباب و السهرة و أميرتنا نايمه بالعسل و مب حاسه بـ شي..
الوسيم وصل ربيعه بيته و هو كان عنده دوام في دبي.. ضرب خط من الفجيرة لـ دبي عسب يرتاح و لو ساعه و بعدها يسير الدوام.. قـــمر بعدها راقدة و مب حاسه بشي و الشخص وقف جدام الشقه و نزل لما نزل نشت قــمر و شافته يسير داخل العمارة.. فـ هي ركضت تنزل وراه لانها حست بالخوف..
توه ضغط ع زر اللفت قـــمر سارت صوبه و ما تكلمت دخلت معاه و كان معاهم شـاب غير هالريال هي ما رفعت راسها عسب تعرف منو هالشخص.. كانت منزله راسها في اللفت كانت واقفة بعيدة عنه و الشـاب هذا كان عديم الاحساس قال يبا يتحرش فيها بطريقه ان الريال اللي معاهم ما يحس و قام يسوي حركات و هي صرخت.. لف الوسيم عليها و شاف هاك يتحرش فـ مسكه و تضاربو باللفت و قـمر من الخوف لزقت بـ الوسيم اللي اول ما فتح باب اللفت هد الريال و سار صوب شقته و قـمر بعدها لازقه فيه..
الوسيم: نعم اختي ليش لاحقتني و لازقه فيني..
قــمر منزله راسها فيها الصيحه ما تكلمت..
...........: أووووووووووووووف منج تكلمي تبين بيزات بعطيج بس خوزي عن ويهي اذيتيني تراج..
قمـــر بدت تصيح و بعدت عن الريال لانه كان مفول ع الاخر.. الريال سكت تم يطالعها و قــمر كانت تكسر الخاطر تصيح من قلب
من الصياح عصبت و فتحت النقاب و عقته ع طرف و تمت تمسح دموعه و تصيح رفعت راسها عسب تشوف لو سار و لالا.. انتبهت انه واقف جدامها و مندهش كـأنه يقول شوي ابج هني..

قـــمر بصيـــاح: انت وين ما اسير أشوووفك لوعت جبدي قسم بالله..
ســعود بـ غرور: انتي اللي تطلعي بويهي لاني جميل صح..
هــــــــــــــــو ويــــــــــــــــن و البـــــــــنت ويـــــــــــن..
قمر عصبت تمت تسب فيه و تلعن و ألخ..
و ســــعود واقف جدامها و يبتسم بعد ما خلصت: عـــــــــــــــــــــادي قولي اللي بـخاطرج..
بعد ثواني سكتت قــمر.. ســــعود قرب منها و مد لها كلينكس: امسكي و امسحي دموعج ما عاش من ينزل هالدموع الغاليه و حتى لو كنت انا..
قــــمر استغربت من كلامه و اخذت الكلينكس و مسحت دموعها..
ســـــعود: الا تعالي شو تسوين هنا؟!
قـــمر: يعني عاجبك ترمس معاي في هالمكان و تاشر ع الممر اللي كان فيها ولدين عمرهم ما بين ((12 لـ 14)) سعود ابتسمت لها و نش فتح باب الشقه و طلب منها تدخل..
قـــمر تمت تطالع فيه: نـــــــــــعم تباني أدخل بيت شخص غريب و ما اعرفه؟!
ســــعود: و الله يا بنت الناس انا ما راح اسوي فيج شي و لا راح ايي صوبج..
قمر تمت تطالع فيه بنص عين مب مصدقته.. ســـعود تجاهلها و دخل الشقه يعرف انها راح تخاف و تيي صوبه لانه المكان غريب عليها..
ما انتظر إلا دقيقتين البنت دخلت الشقة و ويها مبين ان حد ضايقها طلع من الشقه و شاف شـاب سوري الجنسية كان واقف قريب من مكانها لما هداها.. تجدم عسب يضربه قــمر ما خلته لانها خافت عليه ما تباه يتمشكل معاها..
قـــمر: دخيلك لا تتمشكل مع هالأشكال..
ســــعود بعده معصب: خليني عليه هالـطوووووط ما يستحي ع ويهه أقول لج خليني.. << الاخت كانت ماسكته..
الريال السوري شرد أما قــمر تفاجأت بالسبه القوية اللي طلعت من هالريال..
بعد ما شرد الريال لف عليها: يوم اقول ليج هديني يعني تهديني مب تمسكيني يا..... استغفر الله..
قـــمر هني تمت تصيح ما تستحمل حد يصرخ عليها او يهزبها..
ســـعود سوى طاف لها و سار يرقد له شوي لانه باقي ثلاث ساعات ع دوامه و قــمر من تعبت من الصياح سارت ادور شيي تاكله لانها شبعانه نوم..
بعد ساعتين نش سعــود شــاف قــمر راقدة ع الكنب و التلفزيون مفتوح ع القرآن و عدالها ورقة مكتوب فيها..
لــو سمحت مره ثـانية لا تصرخ علي و ييب معاك شي ناكله تراني ميتة يوع..

ضحك ع الخفيف ع الكلام المكتوب و استانس على اسلوبها.. يعني حتى لو عصبت فيها شي جميل ألا و هو انها تحترم الناس ما تسب شراته..


فـي الشــارجة..

طيـــارتهم ع العصر و قمــر قفلت بـاب حجرتها قبل لا تطلع و تشرد و البشاكير تعبو من دق الباب و نزلو تحت لانهم توقعو ان قمر راقدة..
ابو جـاسم طلع من البيت يكمل شغله الباقي و الشباب كانو رقود لانهم نقدو متاخر..
ثواني و الا فون جاسم يرن بس جاسم حاط الفون ع السايلنت و مب داري عنه و المتصل اتصل عليه كم من مرة و هو ما يرد لانه راقد.. فتعب المتصل و ما حاول معاه..

ع الظهر رجع ســعود الشقة و الاخت ماخذه راحتها عاقه الشيلة و يالسة تشوف التلفزيون.. ســـعود ما نزل راسه تجدم لها و هي بعدها ع وضعيتها.. هي لما تندمج ما تحس باللي حولها حتى لو ينادونها ما بتحس.. ســعود شـــاف ان قــمر ما انتبهت عليه قال خلني اوقف جدامها يعني جدام التلفزيون و فعلا مشى لين وصل للتلفزيون ساعتها قــمر انتبهت عليه و ركضت تندس بالحجرة.. ســـعود تم يضحك عليها و ع انها الحمدلله هالمره ركضت بالعاده تتيبس ما تعرف شو تسوي..

قـــمر غطت شعرها بالشيلة و تمت يالسة بالحجرة مستحية تطلع مرة ثانية..
سمعت سـعود يتكلم بـ الفون خافت انه يكلم جــاسم فـ ركضت له و مسكت الفون و سكرته و قـالت: دخيلك لا تقول حق جــاسم أني عندك مابا ارجع البيت..
استغرب ســعود منها هو كان يكلم اخته ام منصور اللي كانت تكلمه عن موضوع الزواج.. نسيت اخبركم (( ام ذياب يابت ولد و سمته حارب، اما ام منصور يابت بنت سمتها: شيخه))
ســعود تم واقف ما تكلم و هي كانت قريبة منه تتكلم و تقول له لا يخبر أخوها تسوي اللي يباه بس ما تروح بيتهم..
قــمر لما حست انه مب معاها ضربت جتفه: أنت تسمعني و لا لا؟!
ســعود كان سامعها بس كان يطالع في جمالها اللي يبهره فـ رد بغرور: هــــــيه لا ادزين سمعتج أونج بتسوين اي شي أباه بس ما تبين تردين عند اهلج..
قــمر هزت راسها ببرائه: هــــــيه و الله لو تباني بشكارة عندك أسوي اللي تباه راضيه..
ســـعود يلس و حط ريل ع ريل: أوك يا هانم دامج وافقتي فـ ممكن تجهزين نفسج لي..!
قـــمر تمت تتطالع فيه ما فهمت قصده: اتجهز لك ليش ان شاء الله؟!
وقف ســــعود جدامها و بينت قصيره: أقصد يا عسل أنتي قلتي راح تسوين اللي اباه فـ أنا أبـــــــــــــــــــــــــــاج..
هني خافت قـــمر و قالت: بس انت وعدتني ما تيي صوبي و ما تسوي فيني شي و وعدك كله كلام في كلام..
ضحك ســـعود لانه ما كان يباها بس يبا يخوفها.. قـــمر تمت مكانها وانها ما تخاف منه و لا من كلامه ســعود اطالعها بنظرات خبيثة و تجدم صوبها و هي بدون ما تحس رجعت ورا و هو فيه ضحكه بس ماسكها و هي ترجع و ترجع إلين وصلت اليدار تيبست و سكرت عينها لانها خلاص في مأزق هي تستاهل منو قال لها تحط راسها بـ راس ريال.. فتحت عيونها شوي تشوفه قريب بس بنظرات تأمل و يبتسم ع خفيف ففتحت عينها له و تمت تطالعه يعني خوز هو ما حس بروحه إلا و هو مقرب أكثر..
قـــمر: لااااااااااااااااااااااااا خوز عني.. ((دزته ع ورا))
ســـعود رجع و استغفر ربه شو كان بيسوي بالبنت و لا و هاي أخت ربيعه..
ســــعود بأسف: ما كان قصدي و الله ما حسيت بـ عمري آسف << الريال نسى انها ما تحب اللي يتأسف..
قـــمر بـ عصبيه واضحه: أنا ما بعيد و أزيد و أقول لك أنـــــــــا ما أداني اللي يتأسفـــــــــــــــــــــــــون..
ســـــــــعود سكر أذنه من زعيق قـــمر: أووووووووووف بس صخي عنعن شكلج..
قــــمر: أحترم نفسك يـــــــــا .... ..
ســـعود عباله انها بتسبه بس كملت قــــمر: تــعال أنت شو اسمك ههههههههه..
سعــــــود ابتسم: معـــــاج الجميل و الوسيم ســــعود الــــ........... و أنتي شو اسمج؟!
قـــمر بابتسامه تذوب القلب: اسمي قـمر الـ.....، تراك مغــــــرور ع ولاشي..
ســــعود جنه حد صافعنه كــــــــف بسبب جمــــلتـــهـــا: كـــيف يــعني ع ولاشي..
قـــــمر حــطت إيديها ع فمها ما كانت تقصد تقلل من قيمته او شي بس كانت تتمصخر: أمممممم أخوي أنا.......
ســــــــــعود عــــــــــــصب: أنا مــــــــــا أخـــــــــوج فــــــــــاهمه..!
قــــمر ميته عــلامة استـــفهـــام ع راســـها: أنزيــــن شو أقول لك بـ شـو أناديك؟!
ســــعود بـ غرور: يعني بـشو تناديني غـــــير بــ أسمي..
قــــــــمر: بــــس أنــــا مـــــــب متـــعودة أزقر شــخص مـــا أعرفه بـ اسمه أنادي الكــل بـ أخوي..
ســــعود بـ عصبية خفيــــفة: أن زقرتيني بـ أخـــوي بتـــشوفي شـــي ما شــفتيه..
قـــمر خـــافت منه: إن شـــــاء الله..
ســــعود بـ همس ما وصل لـ قــمر: فــديت اللي يـسمعون الرمـسة..
قــــمر: شـــــو قـــــلت؟!
ســــــــــعود بـ ابتسامه: مـــــاشي..
عـــــصبت قــــمر بس ما قــــالت شــــي تـــمت ســـاكتة..
شـــافت الفــون اللي كـــان بــ ايديها و شــافت 6 مكالمات لم يرد عليها.. كــانت بتنبهه ع المكـالمات بس شـافت اسم اخوها ينور بـ الشاشه ((جـسـوم الـ... يتصل بك))..
قــــمر: أ أخـ و و و و و و... أخـــــــوي..
عــصب ســـعود: كم مرة بقول ليج إني ما أخوج افهمي..
قـــمر مدت الفـــون صوب ســعود عسب يـــشوف المتصل.. و عرف انها كانت تقصد ان أخوها يتصل عليه..
ترجته انه ما يقول له انها معاه بـ الشقة.. لانه سـعود اتصل على جـاسم لما كان راقد كان بيخبره ان قــمر معــاه و انها بالحفظ و الصـون..
ســعود اخذ الـفون منها: هـلا و غـلا بـ جسوم..
هـــــــــــاه هـــــيه اتصلت عليك عسب كنت بـقول لك اني انا اللي راح اوصلكم للمطار..
لااااااااا لا كلافه و لا شي..
أمممممم الســـاعه كم تقلع الطـيارة؟!
أهــــــــــا يعني تقريبا (( يشوف ساعته )) بـــاقي 3 ساعات عيــل ألحين أنا بطلع بييكم عـسب تكونون بـ المطار قبل موعد الاقلاع بـ ساعتين للاحتياط و انا اخوك..
أوكي تمام.. أشوفك ان شاء الله بعد ســـاعه..
ســــكر منه و شــاف 4 مكالمات من اخته و وحدة من جــاسم..
قـــمر تمت تطالع فيـــه و مـــا تكلمت..
ســـعود شــــافها و تم يفـــكر شـــو راح يسوي فيها..
قــــمر: أخوي ما عرف لحد الحين اني شـاردة من البيت؟!
ســعود يهز راسه بـ لا..
قـــمر ابتسمت و ارتاحت: الحمدلله..
ســــعود: قـــمر ممكن تتجهزين أبا اطلعج..
قـــمر: مب انت توك قـايل لـ أخوي انك راح توصلهم للمطار..
ســـعود اللي جذب ((كذب)) عليها و هو أصلا نادر ما يجذب ((يكذب)): هـــيه بس بتصل بربيعي يسير لهم و يقول لهم اني انشغلت..
قـــمر بنبرة تكسر الخـــاطر: دخـــيلك لا ترجعني البيـــت..
ســـعود: ان شـــاء الله (( ابتسم لها ))..
ســــارت قـــمر تحط أغراضها اللي كانت في حجرة من حجر الشقة..

ســـعود اتصل في اخته و فهمها انه انشغل و الموضوع اصلا ما يباها تفتحه مرة ثانية لانه ما يبا الزواج الحين و قال لها متى ما هو بغى الزواج راح يخبرهم..


فــي الشــارجة..

أبو جــاسم يدق البـــاب على قـــمر و هي ما تفتح البـــاب و يدق عليها و فونها مغلق.. فــ خاف انها اغمى عليها او صار لها شي.. طلب من أولاده يكسرون الباب..

لـما كســرو الباب ما شــافوها بالبيت..
أبو جــاسم على طـول ســار يتصل بـ الشرطة يفتح بـلاغ عـسب يدورون عليها.. أما جـاسم و جـراح طلـعو يدورونها عند ربيعاتها أو بـ اي مكان يخطر ع بالهم انها ممكن تسير له و اللي خوفهم اكثر ان موترها موجودة بالبيت..

الكـل كـان لاهي بالبيت و يدور على قـمر.. خلال دقايق وصل سـعود بس لاحظ أن موتر جـاسم مب موجود ((الـbmw))..
قـــمر ميته من الزيغه و معصبه من ســـعود: أنـــــــا شــــــــو قــــلت لـــك؟!
ســـــعود سكر فمها بـ ايديه: أوش و لا كلمة خليني افكر بالورطة اللي ورطيني فيها..
قـــمر بوزت و ربعت ايديها: ما ورطت حد أنا..
ســـعود فــكر: أنتي كيف وصلتي موتري أمس؟!
قـــمر بابتســامة غبية: كنت بشرد بس شفت موتر أخوي دخل الفيلا فـ سرت بـ دبة موتره الـ فتك..
ســــعـــــود: عـــــــــــرفت كيــــــف اصـــلح كـــل شــــــي..

قـــــــــمر مستغــــــــربة و ســــــــــاكتة..

[موكاتشينو]

بـــــارت الرابــــع..
الاحراج ماكل ويه قــمر أكال.. لانه طبعها خجول فـ ما بالكم جدام الكل و خاصه حبيب قلبها ((مروان))..

اليدة أم مشعل: فديت البنات الخجولات.. ههههههههههههههههه..
مروان يتمصخر: لاااااا قمور ما بتتزوج إلا كويتي صحححح..
قمور احمرت من الخجل تعالو دوروها.. نشت من مكانها و سارت تركض لداخل الفلة و جـــاسم يضرب جتف مروان كـ مصخره..
اليدة قالت: مروان يعني انت حاط عينك عليها و لا انا يتهيأ لي ههههههههه..
مروان تورط: هع أنا قلت بتاخذ كويتي ما قلت باخذها أنا صححح شباب..
الكل قال: صححح.. ما عدا جـاسم اللي تم يطالع في مروان و الشباب..
كل البنات نشو دخلو الفلة بعد ما عرفو ان قمر ما راح تطلع من الفلة بسبب الاحراج اللي صابها جدام الكل..
و اليدة نشت ترقد و منها تعتذر من أحلى حفيداتها و هي قمر.. لأنه مهما كان ما تحب تقفطها جدام الشباب..

الشــباب كانو يالسين و كل واحد يكلم اللي عداله أما جــاسم فـ كان يفكر بـ أخته اللي حبت ولد خالها مروان و محد عارف غيره و كلام مروان ما كان مريح بالنسبة له مهما كان هو ما يبي اخته تتعذب من هالحب من طرف واحد.. شــاف علبة الـ أورنامين سي الفاضي ع الارض و فكر انه يلعب معاهم جرأة و صراحه و يسحب الكلام من فم مروان عسب يتأكد هل مروان يحب وحدة و لا يحب قمر نفسها..

جـــاسم: شــــباب شو رايكم نلعب جرأة و صراحة..
الكل وافق ما عدا فارس اللي قال يبا يرقد..
الكل قام و سوى حلقة و جــاسم تعمد ييلس قبال مروان عسب لما يلف و ايي دوره بالسؤال يستلمه عدل هع هع..
اللفة الاولى كان السؤال ع جراح و ماجد اللي يجاوبه.. و تمو يلفو و إلين بعد خامس لفة كان السؤال ع جـاسم يسال فيه مروان..
جــــاسم: أحم طحت و محد سمى عليك هع هع..
مروان: لا ما أبي ألعب شكلك مب خالي وراك أشياء..
الشــباب: أيه عليك فيه هههههههه..
جـــاسم: لالالالا هذا مروان حبيب القلب..
مروان ارتاح بس ما عرف أن جــاسم يتمصخر: أوووووف الحمدلله ريحتني عبالي وراك اسئلة تشيب الراس..
الشـــباب ضحكو على شكل مروان..
جــــاسم: دامك اخترت صراحة فـ سؤالي هوووووو..
مروان ينتظرة: أيه كمل لا توقف دمي..
جـــاسم: هل حبيت من قبل؟! و من هي اللي حبيتها؟! من الأهل و لالا؟! و أول حرف من اسمها؟! هع
مرواااان عصب: غشاااااااااش ما ابي ما أبي ألعب معاكم انتو قلتو سؤال واحد..
الشبـــاب: لاااا هو قال سؤال واحد و كل هالسؤال عن شخص فـ لا تتهرب..
مروان: ما أبي قلت ما بقول و لا شي..
جـــاسم: انزييييييين موافقين بس بشرط تقول لي انا و بس لأني أنا اللي سألتك مب لازم تقول للكل..
الكل: أووووووووووك.. (( بس الكل عارف ان جـاسم راح يقول لهم او يلمح لهم ع الاقل ))..
مروان: جســــوم تعلمني فيك يعني أعرفك خبز أيدي تكر الكلام كر ما تخلي جي بحلجك ما بقول لك شي..
جــــاسم: أفااااااا وعد يا ولد خالي ما بقول لأحد و الرمسه ما بتطلع من فمي مهما صار.. قلت لك وعد..
مروان ارتاح لأنه جـاسم لو قال وعد هو قد الوعد: أوك..
و نشو الاثنين و راحو بعيد عن الشـباب اللي عصبو من هالحركه و نشو سارو داخل الفلة..
مروان: أحم أجابة سؤالك بالترتيب هع.. هيه أحب و من هي ما تعرفونها لانها من برا العايلة.. و أول حرف من اسمها شـ..
جـــاسم ابتسم بويه مروان بس داخله كان حيران كيف يفهم اخته ما تتعلق في هالشخص اللي ما يعرف عن حبها و ما يحبها بعد يحب وحدة مب من العايلة..
و تمو يسولفو في مواضيع ثانية عسب جــاسم يرتاح من الهم اللي بقلبه و هم اخته اللي تموت بالشخص اللي معاه و لو عرفت اكيد بتتخبل او بيصير فيها شي ((بسم الله عليها)) << جـــاسم يقول حق روحه..

بعد المشي و السوالف اللي دامت ساعه و نص دخلوا لفيله و شافو الكل راقد و محد يالس بس كانت قمر ناشه و تشوفهم من الدريشة و محد حولها عايشة أحلام اليقظة و تحلم انها مع مروان في بيتهم المستقبلي و تتخيل بالمستقبل انها تمشي حذاله و ترمس معاه إلين اييهم النوم..


بعد هاليوم ما كان في أحداث في الكويت أماااا في الامارات و صوب البطل ((سعود))

كان توه مخلص من دوامه و باجر بعد عنده دوام لانه مثل ما قلت لكم دوامه يومين و يومين اجازة و هو من يخلص يروح لشقته اللي اشتراها في دبي و قريبة من دوامه..
بعد ما وصل شقته و تسبح لانه تعب من الدوام.. بعد ما خلص سار رقد عسب يرتاح و نش ع حد يدق عليه باب الشقة..
فتح الباب كان ربيعه بدر..
سعــــود بنعاس: مرحـــــبا..
بــــدر: مرحبـــتين.. شفطني يا ريال سكر فمك سحبت الاكسجين كله..
ســـعود ضربه ع راسه: ما يخصك أسحب الاكسجين و لا ما اسحب الشقة شقتي و كيفي ياخي..
بـــدر يضحك على ســعود اللي ما شبع رقاد: ههههههه الله ياخذ ابليسك نش اشوف نسير نقردن.. يقول لك البنات ترس اليوم في المولات يالله عسب تجحل عينك..
ســــعود: أووووووووف مالي بارض اطلع متعايز..
بدر يسحب سعود للحـمام ((الله يعزكم)): يوم أقول لك يالله تسمع الرمسه فاهم..
ســـعود عصب فـ قام يزاعق ع بدر و بدر يضحك عليه و على عصبيته..
ســعود من العصبية ضرب بدر ع ريوله و بدر شرد من بعد الضربة هاي..
ســـعود: أوووووف نـــــاس ما تيي إلا بالعين الحمرا السب ما ينفع معاك الا لما اضربك تشرد يا الياهل..
بدر يضحك شرات الخبل: خخخخخخخخخ أخخخخخ يا قلبي شوف شكلك كيف غادي بعدين تكلم..
ســـعود يطالع في ويهه و شكله: فـــديت هالويه تراني أحلى عنك..
بدر: هييييه أونه احلى عني سير أبوي قص ع هندي..
ســــعود: اصلا انت ما تعرف اني جميل و كل البنات يراكضن وراي و يبون بس نظرة مني..
بدر: هييييييييييييه صحححح صحححح بس فكني سير البس قبل لا البسك بروحي..
ســــعود حرج كل شي و لا انه حد يقول له هالجمله: شووووو تلبسني هاااااااه.. حرمتي و انا ما اعرف.. طسسس أشوووف طسسسسس.. طوووووووووووط << شفرت الكلمة ×_×

بدر نقع من الضحك ما يعرف ليش يستانس مع هـ الشخص مع انه عصبي و لسانه طويل: سعـــــود تراني أموت فيك ياخي و الله مع انه لسانك وصخ و عصبي و دومك تسب فيني إلا اني اعرفك انسان حبوب و تدخل القلب..
ســـعود طالع من حجرته و هو يعدل عصامته: يوم أقول لك حرمتي و انا ما ادري..
بدر يقلد البنات في المشية و الدلع: يااااووووويل حـــالي فديتك أنا و فديت قلبك اموت فيك..
ســـعود لاعت جبده منه: وع وووووعععع وووووووععععع خوووووز عني لوعت جبدي ما اتخيل حرمتي اكذا شكلها و صوتها.. يـــاخي انت تييب لي المرض..
بـــــدر انسدح من الضحك: ههههههههههههههه ااااااااخخخخخخ يا بطني اخخخخ ههههههههه..
ســــعود طلع من الشقة و لحقه بدر اللي مب قادر يصلب طوله من الضحك.. و ســـارو للمول و بدأ كل واحد يعرض مواهبه في التقردين و طبعـا محد يعلا على ســعود الـ....... ..


بــــعد اسبوعين..

ســـعود لاعت جبده من كثر الشغل اللي عليه لأنه ربعه طلعو اجازة و خلوه يخلص شغلهم و هو ما عارض بس بالمقابل انه في المرات اللي يايه هو اللي يطلع و هم يسوون له شغله..
و خلص دوامه ع غير العاده الســاعه 9 في الليل.. و ضرب خط من دبي لـ الفجيرة عسب عنده يومين اجازة.. و طــبـــعا الاســتاذ ما يعـــرف يسوق ع راحـــته يبا يـــوصـــل البيت بـ أسرع وقت ممكن.. و مولع الشـــارع بسبب سرعته الجنونيه..

صـــوب مــطار دبي..
كانت قــمر و أهلها توهم واصلين دار زايد.. و قمر كــانت زعــلانة لأنها ما شبعت من شوفه البنات و لا من شوفه مروان اللي حست من خلال هالسفرة انه قريب وايد منها.. المسكينه ما تعرف أن الريال يحب وحده ثانية.. و جــاسم في الاسبوع الاخير كان يظهر مع قمر برا البيت يوديها المولات و السينما و يخليها بعيده عن مروان و مرات من البنات لأنه ما يباها تشوف أخت مروان و تفكر فيه.. << يا لبى قلبك ^,^

كان باستقبالهم أبو جـاسم اللي اليهال ركضو له و اخذهم بالاحضان و حتى قمر حصلت نصيب من حضن أبوها اللي اشتاقت له موت..
بعيد شوي عن الاجواء الحميمة.. ســعود و بـــدر من بعد ما خلصو من التقردين اتصل عليهم ربيعهم راشد اللي كان مسافر للعلاج في الخارج و قال لهم اييون يستقبلونه بالمطار.. فـ لما وصلو الحبايب للمطار شـافو قمر و اهلها و هم يحضنون بعض و سـعود ما رام يشيل عينه من على قمر لأنها كانت بلا عباة و الشيلة شرات الكويتيات فـ تم متنح مب عارف الحين هل هي كويتيه و لا اماراتيه.. و قال بيعرف ألحين لان هالبنت لخبطت كيانه من اول مرة شافها..
ســـعود و بـــدر كــانو يمشون عدال عايلة بو جــاسم و ســعود عق فونه البلاك بيري عسب ينحني و ياخذها و خلال هالوقت يبا يحاول يعرف هل هي اماراتيه او كويتية..
مشـــو حذال العايلة و سعود عق فونه قريب منهم بشوي و سار ياخذه و سمع بو جاسم: تو ما نورتو دار زايد يا الغوالي..
جــاسم: منورة بـ أهلها يا أبوي شـحالك؟!
قــمر: باباتي النور نورك يا الغالي..
أبو جـاسم: فديتكم.. أنا الحمدلله بس و الله البيت بدونكم ما يسوى شي..
قــمر: أكييد دام أم جـاسم مب موجودة فيه هع.. و شردت و الاخت ما شافت اللي كان منحني يبا ياخذ فونه..
ســعود كان منحني يحط بطاريه الفون فيه و توه ناش يبا يرجع لـ بدر إلى قـمر تدخل فيه و هو طاح لانه ما مداه يوقف عدل و ما انتبه لها.. و هي طاحت فوقه لانها تعثرت لما كانت تركض..
بـــدر شـــاف الموقف قال بـ خاطره: هالـولد دومـــه محـــظوظ أوووف يــا حظك ياخي.. تام واقف يطالع ربيعه و البنت فوقه..
و ابو جـاسم ركض لبنته اللي من المستحى غطت ويها و عقت روحها ع الارض لانها ما تبا تشوف شكل الشخص اللي طاحت عليه..
ســـعود عدل عـصامته و كندورته و نزل ياخذ الفون اللي طاح مرة ثانية هههههه.. أبو جـــاسم و جــاسم وصلو صوب قمـــر و ســعود..
أبــو جــاسم: قمــور يابوج صار فيج شي تعورتي؟
قمر من الحيا ما رفعت راسها: لا يابوي ماشي يعورني بس مفتشله من الريال ((قالت آخر جملتها بصوت خفيف بس ابو جاسم سمعها))
جـــاسم ارتاح من بعد ما عرف انها ما تعورت و سـار صوب ســعود: السموحه أخوي اختي ما كانت تقصد هالحركه..
سـعود مستانس ع الحركه و تمنى لو انها صدق قاصدتها: أحم لا عــادي نحن اخوان ما صار شي..
جــاسم مد يده لـ سعود اللي كان منحني: نش و انا اخوك.. و السموحه مرة ثانية..
ســعود مد يده له و نش من مكانه: مسموح بالحل أخوي و البنت انا اللي اسف لاني كنت موخي اخذ فوني اللي طاح مني و هي ما انتبهت..
جــــاسم دق سعود ع جتفه ع الخفيف: حصل خير يا اخوي حصل خير و سلامات..
سعــــود ضحك مع جــاسم و عرف أنه شخص حبوب و على نياته و يدخل القلب بسرعه: الله يسلمك.. خخخخخ السموحه معاك ســعود الـ..... و اتشرف بمعرفتك ياخوي..
جـــاسم فرح وايد و سلم ع سـعود: والنعم و الله فيك ياخوي.. الشـرف لي و الله و أنا جـــاسم الـ.....
قـــمر نشت مع أبوها اللي كلمها و فهمها ان الريال فهم الموضوع و هي بصعوبه نشت و تمت تتطالع فيه.. انصدمت انه نفس الريال اللي شافته بـ شيك شـاك هاك المرة..
قـــمر: أنـــــــــــــت!!
ســــعود اطالعها بعدين نزل راسه عسب ابو جـاسم و جـاسم كانو موجودين و يطالعون فيه: السموحه اختي ع اللي صـــار شكــلج تعرفيني؟! << يسوي روحه مب عارفها..
قـــمر: أنت اللي كنت هاك اليوم يا ربي.. انت اللي مال شــيك شـــاك..
ســــعود ابتسم لانها تذكرته بس الاخ يبا يستعبط: هاااااااه شووو انتي اللي كنتي تساعديني هاك اليوم في المطعم هاكِ؟!
قمــر ابتسمت بـ حيا: هيه أنا هي البنت اللي سـاعدتك.. و السموحه ع اللي صار قبل شوي و الله مب قصدي..
ســـعود بابتسامته الجذابة: لاا أختي انا اللي اسف لاني كنت موخي و انتي ما انتبهتي..
قــــمر ما تحب شــاب يعتذر حتى لو كــان هو الغلـطان: أخوي لا تعتذر ما صار شي << قالت الجمله مع شويه عصبية..
ســـعود حس بـ هالنبره و رفع راسه لها: اختي شفيج عصبتي انا ما قلت شي..
ابو جاسم و جاسم ضحكو عليه و قمر سارت هي و ابوها عن الاهل.. جـــاسم: خخخخخخ ســعود اختي ما اداني أي شــاب يعتذر ليها حتى لو كان هو الغلطان..
ســـعود استوعب: أهاااااااا قــول أكذا من أول..
و تمو يضحكو و استأذن منه جــاسم عسب يسيرون البيت.. و ســعود ســار لـ بدر اللي كان يتطالع الموقف من بعيد.. يعني كل واحد راح بـ دربه..


مــن بعد هالموقف قــمر و ســعود ما قـامو يتصادفو..
أما جـــاسم أخذ رقم ســعود بعد ما شــافه مره بـ مكان عــام.. و صــارو يطلعو مع بعض.. و قـــمر انقطعت عن العــالم لانها كانت تساعد امها في تجهيز حق رمضان.. لأنه ما بقى عليه غير أسبوع و هـ السنة كل يوم الفطور الاهل عندهم.. لأنهم هـ السنة أول سنة لهم في فيلتهم اليديدة..

ســـعود و جـــاسم كــانو بـ المــول..
ســـعود ما قام يقردن لأنه خلاص قرر انه يوقف و بعد ما يبا جــاسم يفكر انه شخص لـعـــاب لأنه حب قــمر مب لعبه حبها من كــل خــاطرة..
جـــاسم: هااااااه ســـعود أي نعــال أحلى ((عزكم الله))
ســـعود احتار معاه: أممممممممم و الله ما ادري الاثنين وايد حلوين شو رايك انا اخذ واحد منهم و انت تاخذ الثاني هههههههه..
جــــاسم: تممم خــلاص.. أنا باخذ النعال الاسود.. و انت الابيض شو رايك؟!
ســعود ابتسم و قــال: أوك تمام التمام..
و اخذو النعل ((الله يكرم القارئ))
و بعدها سـارو صــوب العطــور..
و كــانو يشمون و يختارون اللي يعجبهم.. و هم هناك..
جــــاسم: أوووف نسيت أختي طلبت مني أييب لها عطرين و اكـسسوارات ع ذوقي..
ســعود مسك ايديه و سـارو صــوب عطور النسائية و قامو الاثنين يشمون و يختارون احلى عطرين بس بالاخير تم لهم ثلاث عطور حلوة و احتارو بس ســعود قــال: خلاص هي قالت لك عطرين قول لها الثالثه هديه مني هع هع << يابها بطريقة مازحه..
جـــاسم تم يضحك و قال: أوكي بس لو عقته و ما تعطرت منه ما يخصني << و طبعا مكمل الريال ع اساس مصخره مب جد..
ســـعود ضحك و غلفو العطور و ســارو صوب محل الاكسسوارات يختارون لها..
جـــاسم لما شــاف الالوان ما عرف شو لون ملابس اخته للـعيد.. ســعود يقول له يالله اي لون مناسب لـ ثوب اختك؟!
جــاسم ضحك: خخخخخ ضحكتني اسكت عن تسمعك أختي خخخخخخ..
ســـعود مستغرب: بــلاك شو قلت انا ما قلت شي غلط..
جـــاسم: أختي يا حظرة جنابك ما عندها شي اسمه ثوب كله تنانير و بناطلين يعني ثوب و مخور و من هالكلام ما عندهاااااااا..
ســـعود تم ســاكت لانه بنات عايلته في العيد الكل يلبس ثوب أو مخور ما عندهم بناطلين و تنانير إلا كم من وحدة بس اللي تلبس تنورة أما بناطلين فـ عيب البنت تلبسه عندهم..
جـــاسم يطالع ســعود: هييييي يابو الشــباب وين سرت؟!
ســـعود يســأل جــاسم مستغرب: يعني انت تشوف اختك لما تلبس بنطلون جينز و جي؟!
جـــاسم مستغرب من السـؤال: هــــيه أشوف أختي لمـا تلبس جينز عــادي..
ســــعود ما تكلم حس بنـــار تحرقه حس بالغيـرة مع انه عـارف كل البنات يـلبسن بـناطلين و جينز بس هو مب مقتنع ان البنت تطلع أكذا جدام اخوانها لانه عندهم بـ الفجيرة عيب ((متعصب الاخ))
جـــاسم اتصل ع قــمر و سألها عن لون ملابسها عسب يختار الاكسسوار المناسب.. قــالت له تبا اكسسوارات سودا لأنه فستانها أبيض و ع اطراف الفستان خطوط سودا..
جـــاسم شـــاف ثلاث اكسسوارات سودا و احتار أي واحد احلى: ســعود أي واحد أحلى؟!
ســـعود يحب الأسود فـ ابتسم: أمممممم والله الشي محير شوووف الاول مب حلو لين هناك أحسه ما يناسب البنات.. و الثاني و الاخير نوعا ما.. الحين انت شوف أي واحد أحلى هع..
جـــاسم ابتسم على ربيعه: و الله لولاك كنت بعفن بالمحل ساعتين عسب احصل لاختي شي حلو..
ســـعود: أحم من قدك أحمد ربك أنا ربيعك محد مثــلي.. أنــــــــــا غــــــــــــــير..
جـــاسم انتبه لـ كلمه أنا غــير: استغفر الله شرات اختي أنا غـير و أنا غـير ما ادري شو فيكم زود عن باقي الخلايق..
ســعود من دون ما يحس: فديتها و الله..
جـــاسم انتبه على كلامه: شــــــــــــــــووووووووو!!
ســــعود: قلت أنا فدييييييتني و الله بــلاك حرجت؟!
جــــاسم ما حب يعصب: اتحسب بعدك تقول فديتها.. فداك يني يا الخسف..
ســـعود بطل عيونه من الصدمه: أنا يفداني يني يا طووووووط..
جــــاسم ابتسم ابتسامه ترفع الضغط: انا ما قلت انت اللي قلت هههههههه..
ســـعود: اسحب كلامك..
جـــاسم ضحك: خخخخخخخخ محد يتمصخر معاك إلا حرجت مـــــالــــت..
ســـعود ضربه ع جتفه: مــالــت عليك اختار عسب نروح و لا أقول أنا بختار ما منك فـايدة أووووف...
و ســعود اختار و قال لهم يحطوه بالكيس و دفع بدال جـاسم اللي كان يشوف السوع له و اختار هنتين و دفع حسابهم و غلف وحدة منهم..
لــما ســـار صــوب ســعود عرف انه دفع و حاول وياه يعرف السعر بس سعـود حلف عليه ما يحاول و لا بينهي الصداقه اللي بينهم و مافي فرق بينه و بين جـاسم.. جـــاسم حب ســعود و كل ماله هالشـخص يكبر بـعينه.. مع ان لسانه طويل بس ينحب << فديته p=

[موكاتشينو]

بـــــــــــــارت الســــــــــادس..

استــــــغربت قـــــــمر من جـــــــملة ســــــــعود و عــلامات الاســتـــفهام فوق راسها..

ســــعود نزل من الموتر و ســار صوب بــابها و فتحه و مسك ايدها و سحبها لين الفتك اللي كانت واقفة و الأبواب مفتوحه كـ العــادة..
دخـــلها داخـــل الفتك.. مسك ويهها بـ حنان.. تفــــاجأت قـــمر من لمسته لويهها..
ســــعود بـ صوت حنون: حبيبتي انتبهي لـ روحج.. كوني عـاقله ترا اللي سويتيه شي كبير محد راح يسامحج لو عرفو انج كنتي تبين تشردين من البيت..
قـــمر: بـــــس....
ســـعود حط صبعه ع شـفايفها: أوووووووص أبي منج تنتبهي لروحج أوكي حبيبي..
استحت قـــمر و نزلت راسها.. ســـعود بـــاس راسها و قــال: لو اهلج سـألوج و قــالو ليج وين كنتي قولي ليهم انج من الفير ما ياج النوم و من شفتي اخوج وقف موتره ركبتي الموتر و تميتي تطالعين فيلم من فونج.. اعرفج غالقتنه..
ابتسمت قـمر ابتسـامه شيـطانه و هزت راسها بـ هيه..

ضحــــك ســـعود و بــــــاس راسها للمرة الاخيرة و سكر باب الدبة و كتب ع زجاجة الموتر ((أحبج)) استحت قـــمر و اشر لها بـــاي و ركب سيارته و اتصل ع جـــاسم..

عند جـــاسم و جـــــراح اللي توهم واصلين بيت عمهم..
اتصل عليه ســعود.. جـــاسم اشر لـ جراح يسير و هو راح يرد ع الفون..
جـــاسم: أهلين هلا بيك..
هـــيه طــلعت نـاسي شي من أغــراض السـفر فـ قلت ع السريع بسير اشتريه..
ههههههههههه لالا شووو اللي بدسه عنك مافي شي بس انا و جراح سرنا نبا نكمل باقي الاغراض الناقصه لنا..
أقــــــــــول يـا الخسف المغرور ادخل البيت و انتظرنا ثواني و نحن عندك..
يـــالله مع الـسلامه..

رجع جــراح و قــال له أن قــمر ما سـارت بيت عمــها من آخر مره سـارو له..
فـ جــاسم قرر يرجع البيت و يقول لـ سعود عسب يساعده لو يقدر..


أبو جــاسم كان عند فونه و ينتظر مكالمه من الشرطة عسب يعطونه خبر عن بنته..
سمع صوت الجرس و البشكارة سارت تفتح الباب له..
ســعود: مـــرحـــبا عمـــي..
أبو جــاسم يبتسم لـه: مـــرحبـــتين بـ الغــالي.. شــحالك؟!
يتخاشمو.. ســعود: بخير دامك بخير و دامي اشوف هالابتسامة اللي ترد الروح..
ضحك أبو جــاسم مع انه ما وده يضحك: هههههههه الله ياخذ ابليسك ههههههههه فديتك و الله..
ســـعود ضحك معاه و تمو يرمسو بموضوع السـفر بعد ثـواني دخلت قــمر اونها عادة ناشه من الرقاد و الشيلة اللي حاطتنه ع جتفها عبالها ســعود رجع دبي..

أبو جـــاسم من شــاف قـــمر ركض لها: أنتي وين كنتي يا الطوووووووط ×_×
قــمر عدلت شيلتها: بلاك أبويه كنت بالبيت ما سرت مكان..
أبو جــاسم ضربها ضرب من خوفه عليها.. سعود ركض لهم و بعد أبو جـاسم عن بنته: اركضي سيري فوق بسرعه..
قـــمر ركضت و هي تصيح.. توها تدرك الخطأ اللي سوته مهما كان لازم ما تسوي اللي سوته..
أبو جـــاسم من العصبية سـار يضرب بـ سـعود اللي وقفه عن ضرب بنته: و انت ليش ما خليتني اكسرها هاللي ما تستحي ع ويهها وطت راسنا الله يـــاخــ....
سعــــــــود: لاااااااا يــــــــا عمي.. لا يــا عمي لا تقولها.. الله يحفظها و يخليها ليكم.. عمي دخيلك اسمعها اعرف وين كانت مع اني مب عارف شو السـالفه و ليش كل هالعصبية..
أبو جـــاسم هدت اعصابة: السموحه يا ولدي و الله بس البنت هاي اليوم خوفتني عليها.. من الصبح نضرب عليها الباب و بالاخير هي مب بالحجرة و ندورها و ما حصلناها أخوانها ظهرو يدورو عليها.. أخخخ منها خلني اتصل ع جـاسم اقول له يرجع..
ســــعود: أنا اتصلت عليه قبل لا ادخل البيت و هو قال بعد ثواني يوصل البيت ان شاء الله..
أبو جــاسم مسك جتف سـعود: الله يعطيك الصحة و العافيه و اعذرني ع اللي صـار قبل شوي..
ســـعود بابتســامه تذوب القلب: لا يا عمي كل شي منك حــلو و البنت ربي يهديها يمكن ما كانت تقصد هالحركة افهمو منها سيــر يـا عمي افهم وين كانت و لا تضربها مهما سوت هي بتظل بنتك الدلوعه..
ضحك أبو جـاسم: خخخخخخ الله ياخذ الشيطان و الله اني ضربتها ضرب.. أخليك و أنا أبوك بسير أشوفها..
ســــعود بابتســامه: و ما تضرب يا عمي دخيلك..
أبو جــاسم: حـــاضر يـــا ســـعود حـــــــــــاضر.. ((ابتسم له قبل لا يصعد الدري))..
ســـــعود ارتاح: الحمدلله الموضوع عدى على خير مع بعض الضربات.. اخخخخخ يا جسمي ما شاء الله عليك يا عمي عليك ايد تكسر العـظام.. الله يعينج يا قــمور ع أيدين أبوج..


عند أبو جـاسم و قـمر..
قــمر جذبت ((كذبت)) ع أبوها و قـالت له انها في الليل ما رامت ترقد و لما شافت اخوها يوقف الفتك بالكراج قررت انها تسهر تشوف فلم و هي بدبة سيارة اخوها عسب جي رقدت الصبح لانها بعد الفلم سوت لها ريوق و اكلتها و تمشت و كملت يلستها بالفتك و من هالكلام.. << ما تبا توهق سـعود معاها و لا هي كانت بتقول له شردت و اللي رداني سـعود..

في هاللحـــــظة دخلو جـــاسم و جـــراح و البشكارة قـالت لهم ان قــمر بـ البيت..
دخلو و سلمو ع ســعود و ما حبو يبينون شي لـ ســعود جـاسم اشر لـ جــراح انه يصعد و يشوف ابوه و قمر شو صار معاهم و جـراح فهم عليه و ســار لهم و هو معصب و خايف ع اخته..

جـــاسم: مــرحبا و الله..
ســـعود: مــــرحــــبتين يـــا قـــلاد خخخخخ حقوق الطبع محفوظة..
جـــاسم: يـــــاخي من عـــاشر قـــوما أربعــين يـــوما صــار منهم يعني الشي مب بـ ايدي..
ســـعود يضحك: خخخخخخ غربلات ابليسك..
و تمو يرمسو و قــمر البشــاكير ســـارو يســاعدونها بـ ترتيب شــنطتها.. و جـــراح فــهم من أبوه اللي صــار و مشت علــيهم الســالفه.. و حتى جــاسم اللي عـرف بعد ما جــراح فهمه عن طريق الـbbm هع..

بعد دقــــايق..
جـــراح و أبو جــاسم و البــشاكير كــانو ينزلون الشــنط عسب يحطوها بـ الموتر و يسيرون المطار ما بقى شي ع موعد الاقلاع..
و ســـعود ســـاعدهم و يرتب الأغراض بـ دبه الفتك و كل شي صـار تمام التمام.. و قـــمر نزلت معاهم بعد و كانت تتطالع في ســعود وايد و تحس بـ أحساس غريب أول مرة تحسه مع هالشخص حتى مروان ما حست معاه بـ هالاحاسيس.. كانت تتطالع فيه تبا تشبع منه.. و هو بعد كان كل شوي يطالع فيها يشوفها و يبا يشبع منها << أبـــــــا اعـــرف ليش محد مسكهم هع..

الكــل ركب الموتر و كانت قـــمر يالسة ورا ســعود و كانت تتطالع برا الدريشة ما تبا تسير الكويت و تشوف مروان متزوج و في نفس الوقت تحس انها عادي لو شافته ما بتزعل لانها الحين تحس بـ أحاسيس حلوة مع هالشخص اللي جدامها..

ســـعود طول الدرب ما كان يسرع كان يمشي ع أقل من مهله عسب يروم يشبع من هالقـمر اللي معاه بـ السيــارة.. اعترف لها بـ حبه لها و ارتاح لانه ما كان يلعب صدق يباها و صح انه اخذ راحته بس حس انها كانت تحتاج هالشي شراته..
اللي بالسيارة يرمسو عن كل المواضيع و الحبيبه مب معاهم يعني مرات سـعود يرمس شويات و بعدها يرجع يسكت أما قـمر بس تسمع ما تتكلم و اكثر أوقاتها سرحانه بـ أفكارها مع سـعود و عــايشه بـ عـــالم غـير بس الموجودين في هـ العالم هي و ســـعود بــــــــــــــــس..


بعد نص ســــاعة إلا ربع..

ســـعود وصل المطــار و الكل نزل من الموتر يشيل شنطته و قــمر كانت مع أبوها و قلبها مب معاها مع اللي كان يشيل معاهم الشنط و يحطها بـ العربانه.. ابتسمت لما شـال شنطتها و غمز لها ع السريع و هي استحت و ابتسمت له و الابو يوم حس في ابتسامتها سوت روحها تشوف الفون اللي كان بأيديها..

دخـــلو المطـــار و ســـعود معــاهم يبا يكون معاها إلين آخر لحظة.. و هي استانست انه ما خلاهم يدخلو المطار روحهم.. قـــمر كانت تبا تعق عباتها فـ استأذنت من ابوها انها بتسير الحمام و ســعود استأذن من جــاسم ع اساس بيسير اييب فونه الجالكسي من الموتر..


قـــمر دخلت الحمام (( الله يعزكم )) و عقت عباتها و لفت شيلتها شرات الكويتيات و كانت لابسه تنورة فـ رتبت شـكلها ع السريع و حطت مرطب شفاف بس ما حطت بطريقه ملفت حطت ع خفيف و طلعت.. و هي أول ما طلعت حست بـ حد يسحبها.. و وداها مكان فـاضي بعيد شوي عن الحمامات (( الله يكرم القـارئ ))..

أول شي كانت راح تصرخ بس هو حط ايديه ع شـفايفها و قـال: أنا ســـعود شــفيج زغتي؟!
قـــمر: و انت يوم انك ما تباني ازيغ ليش تسحبني جي؟!
ســــعود يسوي روحه يفكر بعدين: يـــاخي كيـــــفي..!
قــــمر مسويه روحها معصبه: أنــــــــــا مـــــــــا أخــــــــــــوك ((طلعت لسانها و هي فيها الضحكه ))..
ســـــعود مات من الضحك عليها لأنها كانت تقلده بـ هالجمله: خخخخخخخخ حقوق الطبع محفوظة يا حلوة..
قـــمر استحت و كانت تبا تسير بس سعـــود وقفها: صبـــري شـــوي..
قـــمر لفت له بدون ما تتكلم تنتظره يقول اللي عنده..
ســـعود: أنتي بعد شوي راح تسافري و ما راح تشوفيني او تصادفيني بعد اليوم.. يعــــني أباج تعتني بـ عمرج و ما تسوي حركات تندمي عليها بعــدين.. و أوعديني تسمعي الكلام و لو ضاقت فيج الدنيا تلجئين لـ ربج.. و اتخيليني عدالج و اسمع لج..
قــــمر دمعت عينها: ان شــــاء الله..
ســــــعود يبا يستظرف: أوه الحلوة دمعت أكيد تحبني.. يا نـــاس من قدي.. ههههههههه..
قــــــــمر ضحكت و ضربت جتفه ع الخفيف: تستظرف دمك حظرتك..
ســــعود فرحان و مستانس ع ضحكه قــمر اللي أول مره يسمعها و يشوفها: فـــديت الضحكه يـــا نـــــاس.. ربي يحفظج وين ما كنتي و يخليج لين ســـعود و أهلج..
قـــمر استحت و قـالت بـ قلبها: آميـــــــــــــــــــن..
ســــعود: انـــــزين.. أبا أودعج لانه بعد شوي انا راح اودع الكل الا انتي..
قــــمر ابتسمت له و قالت: يعني تباني اسلم عليك و اصافحك؟!
ســــعود يتمصخر: لا يا حلوة ابا احضنج و ابوسج..
قــــمر احمرت من المستحى و ضربته ع راسه: صدق ما تستحي ع ويهك..
ســـــــعود: هــــــــيه انتي تراج عـــورتيني..
قـــــمر من غير قصد طلع منها نبره دلع و قـــالت: عـــــــــــــــــــــــــــــــــــــاديييييييييي يي..
ســــــــــــعود نسى الالم و نسى كل همومه: عــــــــيدي دخيلج..
قـــمر عـادتها من غير نبره الدلع: عـــــــــــــــــــــــــادييي..
ســــــــــــعود: لااااااا هاييج كانت احلى..
قــــمر: و الله طلعت من غير ما اقصد يعني ما راح تضبط معاي لو عدتها..
ســــــعود بخيبه امل: أووف أوك.. أنزين انتي تأخرتي ع أهلج.. يالله حبي أخليج..
قـــمر: انت سير بالاول و بعد خمس دقايق انا بلحقك لين عندهم..
ســــــــعود ابتسم: أوك..
قـــــمر تأشر له بــاي: يالله بــــــــــــــــاي..
ســــــــــعود ابتسم و قرب منها و بــــــاس خدها ع السريع و شرد.. << ما تشوفون الا غبرته..
قــــمر تيبست بـ مكانها و قالت بـ قلبها: صدق ما يستحي ع ويهه.. أخخخخخخخخخ منه و الله يدخل القلب بسرعه.. الله يحفظه و يحميه لأهله وووووووووووو لي..


رجع ســـعود لـ أبو جــاسم و الشــباب.. و كان ماسك فونه الجالكسي بـ ايديه و يسوي روحه توه منتهي من اتصال..
ســــعود: هـــــــــاه خـــــلصتو كل شي..
جـــــاسم: هــــــيه بس منتظرين ست الدلال ع ما تشرف..
ســـــعود بـ قلبه: على ما اعتقد ما بيي الا بعد ساعتين لانها تيبست من الحركه..

بعد خمس دقايق مثل ما قالت وصلت لهم و هي منزله راسها من الحيا..
أبو جـــاسم: وين كنتي لحد الحين كل هــــــــا حمام.. ((عزكم الله))
قــــــــمر المستحيه قربت من اذن ابوها: أبوي لا تقفطني ترا بطني وايد كان يعورني..
أبو جــــاسم: أوكي فكيني يالله جدامي كنا ناطرينج..
قـــمر ابتسمت له: يالله توكلنا على الله..
ســـــعود سلم ع الكل و ودعهم و اطالع صوب قمــر اللي كانت تتطالع فيه و طرش لها بوسه بالهوا هي بطلت عينها ع الآخر من حركته.. و عطته ظهرها أونها قوو و لا قلبها كان يدق دق خبال..


أبو جـاسم و عياله دخلو و كملو الاجراءات و ركبو الطيارة.. أما ســـعود فـ رجع لـ دبي لشقته.. و تذكر لما كانت معاه باللفت و لما كانت تصيح قريب من باب شقته و لما دخلها و كل شي تقريبا..
دخل حجرته عسب يرتاح شوي.. شـــاف شي طايح صوب شبريته.. كــان هالــشي فستان يوصل لين الركب شكله بجاما أو فستان بيت خفيف.. شم الفستان و كانت ريحتها فيه.. ابتسم لانه حصل شي من ريحتها و تذكر انها كان معاها شنطه صغيرة و ما اخذتها معاها لانه سحبها اول ما وصلو البيت.. ركض و نزل اللفت و سار سيارته و شاف بالمقاعد الخلفيه اللي محد كان يالس هناك لانه اول ما شاف الشنطة عقها عسب محد يشوفه من اخوانها..

و شــاف الشنطة و اخذها معاه للشقة و شاف فيها عطرها و ملابسها خذهم و حطاهم في كبت الموجود بحجرته و رتب الكتب لقسمين.. قسم لـ ملابسه و القسم الثـاني فيه ملابس و اغراض قمـر.. و قرر انه كل ما ينزل للسوق او المول يشتري شي لـ قمر و يحطها بـ الكبت.. << يا عيني ع العـاشق..


وصــلو ابو جاسم و العيال لـ الكويت و كان باستقبالهم مروان و الشـباب مع راكان اللي اول ما شاف ابوه ركض يحضنه هو و قمر اللي اشتاق لها..

قــمر اول ما شافت مروان ما حست بأي احساس له و حتى كانت عندها عادي انه بيروح لـ وحدة هو اختارها و حبها.. و قالت (( حتى لو حبيته ما أبا اكون انانية دامه مستانس انا بكون مستانسه و لو ما كنت انا هي البنت اللي يباها.. الله يتمم لك يا ولد خالي و يخليكم لـ بعض ))..

مضــت يومين.. من دون أحداث مهمه..

صــــــوب أهل الفجـــيرة..
ســــعود كان مع اهله و اخوانه و خواته و امه و حريم ابوه اللي يعتبرهم شرات امه من دون نسايبه.. اللي فتح الموضوع أخوه الكبير ســـالم
ســــــالم: هــــــــا يـــــــــا ســــــعود.. متى راح نفرح فيك فكنا ياخي تزوج لوعت جبد الوالد و الوالدة ((يعتبر ام محمد امه))..
الكل ضحك و الكل تم يقول له يالله تزوج و من هالكلام.. سعـــــود بـ ابتســامه غـــرور: بــــــــس خــــــلاص بـــقول شي واحد.. أنــــــــــــــــــا غــــــــــــــــــير..
الكــــــــل: بــــــــــــــس فكنا و اللي يعـــــافيك..
ضحكو لانهم عــارفين مافي فايدة من هالولد ما راح يتزوج إلين يشبع من المغازل و البنات حتى ابوه عارف انه مغازلجي..
أبو سيـــف: يـــا ولد يوز عن سوالفك و خل نفرح فيك يا ابوك ابا اشوفك فرحان مع حرمتك و اشوف عيالك..
ســـــعود فتح عينه: السـالفه فيها حرمة و عـيال.. أبوي خلني ابلع موضوع الحرمة بعدين افكر بـ عيال هههههههه..
خواته من امه يعرفون انه يتمنى يشوف عياله بس هو ما يتحمل المسؤولية و امه بعد تعرف ان ولدها يموت في العيال و الدليل انه وايد مع عيال اخوانه و خواته ما عدا منصور و ذياب المسكين اللي دوم طايح بمصايب منصور..

كانو يرمسو عن العروس و كل وحدة تقول له بنت فلان تصلح لك.. و هو مبتسم ابتسامه اللي كانه و انا شو لي فيهن ماباهن..
دخل ذياب اللي مب رايم يركض لحد الحين و وراه منصور معصب منه و يركض هو الثـاني بعد.. ذياب كان يركض و يضحك بس ضحكه خوف هع.. ركض ذياب و شـاف ان سـعود اقرب له يحتمي فيه.. ســــار صــــوبه و كان قريب منه تعثر و طاح ع ويهه.. ســــــعود نش بسرعه له و تم يهديه و يبوسه عسب يسكت و يقول له وين تعورت.. الكل تم يطالع ملامح ســعود اللي كان مبين انه ميت ع ذياب و مبين انه يموت في الصغار كلهم بس ذياب غير يمكن لانه هادي و على نياته..

منصـــور زاغ عباله ســعود بينازعه عسب ذياب تعثر بسببه.. و ســـعود انتبه له و ضحك و شل ذياب و طلعه برا الميلس و سار لـ منصور اللي كان مندس عنه زقره عسب كان يبا يطلعهم يغيرون جو و هو بعد كان نفسه يغير جو من جوهم اللي ما يخلص كل شوي عرس و نباك فرحان و من هالكلام..
أخذهم و سـار فيهم لـ الشـارجة جدام بيتها و تم يتأمل المكان لمدة دقايق لانه الاولاد ملو يبون يتمشون و يطلعون من السيارة أخذهم ع الدكان و خلاهم يشترون اللي يبونه.. و بعدها رجعهم الفجيرة خواته اتصلو عليه كانو يدورون اليهال و قال لهم بعد ساعه و نص بييبهم لانهم كانو يبون يرجعون البيت..



مــــــر الوقـــت إلين عـــرس مروان..

الكل كــان مشــغول بـ الترتيبات و اللي كان بالحلاق و اللي كانو بالصالون و اللي و اللي و اللي.. << الكل عارف كيف هو الوضع أيام العرس..
قـــمر كانت مخلصه بس ســارت تلبس فستــانها الكحلي.. و مكياجها كان هـــــــادي و حـــلو وايد عليها.. رافعه شــعرها شنيون و منزله قدلتها طــالعه قـــمر اسم ع مسمى..

و البنات كل وحدة تلاحق ع عمرها اللي تسوي المكياج و اللي كانت تسوي شعرها و اللي كانت تحط مناكير..
بالمختصر محد كان فـاضي لـ حد قــمر بعد ما خلصت يـلست ســرحانه بـ ســعود اشتاقت له مــوت تتمناه الحين يكون جدامها و يشوفها و يسوي حركاته اللي يوقف قلبها و يخليها تتيبس.. سرحت يوم كان يبا يزيغها ((يوم كانو بـ الشقه)) ابتسمت لما تذكرت نظراته و ابتسامته و لما استغفر ربه و تغيرت ملامحه للجدية.. (( أخخخخخخخخخ يا ســـــــعود و الله اشتقت لك يا الخسف )) << سمعت جـاسم يقول له خسف مرة من مرات لما اتصل عليه..

يلست عدالها أحلام كانت حامل بـ الشهر الخامس و تنافخ..
أحلام: الحلو بشنو سرحان..
قـــمر ابتسمت لها: ماشي و الله..
أحلام: شكلج اليوم بتغطين على العروس ما شاء الله عليج قمر أربعتعشر..
قـمر ضحكت على الـ14 لأن بالامارات ما بقولونها نفس الكويت و قـمر تحب الكلام الكويتي أكثر من الامارات ع كلامها اونه الكلام الاماراتي دفش اما الكلام الكويتي دلع..
قـــمر: ويه يا حـافظ منو قـال إني بغطي ع العروس.. كل وحدة لها ميزتها..
أحلام: يا عيني ع الثقة.. و شنو هي ميزتج يا حلوة..
قـــمر: أني قـــمر هع..
أحلام ضحكت و تجمعو البنات حولهم و يلسو يرمسو بكل شي و اللي تحش و اللي تتكلم عن العروسة و كيف راح تكون شكلها..

فــي العـــرس..
الأمهات كـانو يرتبون الاكل و الطاولات و يشوفون السيرفس.. و البنات من وصلو قالو للدي جي انها تفتح عسب يرقصو.. و بداو المعازيم يدخلو للقـاعة و المكان صــار مزدحم من كثر الحريم.. قــمر كانت تسلم ع الكل بـ ابتسامه تذوب الحجر.. أمها مسكتها و قرت عليها لانها سمعت حريم بتكلمو عنها و هي خافت من عيونهم..

البــــنات بــدو يرقصو إلا أحلام و بثينه اللي كانو حمل و كل وحدة كانت لابسه فستان أوسع من الثانية.. قـــمر ما رقصت بـ الاول لأنها كانت تمشي بـ الحلى بين الضيوف.. كانت تبا تسوي هالشي رغم وجود البنات اللي يوزعون..
وحدة من الحريم مسكتها و سألتها أنتي بنت منو؟! و قمـر قـالت له هي بنت منو و هي مستحيه بس بعدين تذكرت ســعود و ســارت حطت الحلويات و ســارت للبنات ما كملت التوزيع..


حــــطو أغنيه ميامي الحب بـلا و قــمر نشت ترقص مع البنات.. قـــمر كـــانت تعرف ترقص أكثر عن البنات بالامارات قــمر تعتبر ثاني احسن بنت في العايلة ترقص بس بالكويت هي احسن وحدة من بين البنات.. و الحريم ما نزلو عيونهم من على قــمر اللي غطت على كل البنات..
و بعد أغنيه الحب بلا الدي جي كملت فرقة ميامي بس أغنيه طفشان و قــمر بدت لأنها و هي ترقص تذكرت ســـعود و شوف الحماس اللي صار بـ القاعه بسبب قــمر و البنات تحمسو معاها.. أم جـــاسم في قلبها كانت تقرا ع بنتها و ع بنات أختها و خواتها و تدعي ربي يحفظهم و يرزق بنتها ولد الحلال اللي يفرحها و يستر عليها..


بعد ما خلصت الاغنية قــمر يلست عدال أحلام اللي كانت متحمسه معاهم و تصفق لهم و كانت تتمنى انها مب حامل عسب ترقص و تتحمس اكثر معاهم..
أحلام: ما قلت لج بتغطين على العروسة.. طـــالعي الكــل يشوفج و متحمس معاج حتى العيايز يا الحلوة..
قـــمر استحت: انتي تبالغين يا أم فهد..
أحلام: لا و الله ما أبالغ شوفي الحريم اللي في القاعه بعدين قولي أبالغ..
قـــمر تمت تتطالع الحريم اللي كانو يبتسمون لها و اللي كانت عند امها و شكلها من اللي يبونها حق ولدها.. بس قــمر ما تبا غيره هو هالايام مالت له و حبته أكثر عن أول..

نشت قــمر و طلبت من الدي جي أغنيه سـلام العـشق ((الوسمي))..
و نشت ترقص صح الاغنية جديمه بس قــمر تموت عليها و تحب كلامها قبل كانت تسمعه بسبب مروان و تتخيله أما ألحين ســعود ماخذ كل مساحات تفكيرها و ما كانت تتخيل أبدا أنها ممكن ترقص بـ عرس مروان بس ألحين هي بـ عرسه و ترقص و فرحانه له من كل قلبها..
كانت هي الوحيدة اللي ترقص و البنات يصفقو لها و كل ما تحمست وحدة منهن تيي تلف معها لفه لانهم ما يقدرون يرقصون أحسن من رقصها.. و هي ترقص يت بنت من عمرها أو اصغر منها و رقصت معاها كانت ترقص بشكل جميل و هــادي.. قـــمر قالت في نفسها لازم تتعرف عليها مبين عليها حبوبة و تدخل القلب بسرعه..

بعد ما خلصت الاغنية قــمر ســارت لـ عندها و سلمت عليها و هي مبتسمه و تعرفت عليها و عرفت انها بنت عم العروس و اسمها فوز و قــمر عرفتها على نفسها و فوز حبت قــمر..

صـــار موعد زفــة العــروس..
العروس دخلت ع زفة راقيه.. كانت بأبهى حلتها و بنت جميلة بس مب كـ جمال قـمر.. قـــمر انبهرت بـ جمال العـروس صح انها مب ذاك الجمال بس أنها تلفت انتباه الكل بـ شكلها و أناقتها.. قـــمر قـالت ممكن هالشي اللي لفت انتباه مروان لـ شــوق..

بــعد ما ســـارت العـــروس للكــوشة و يلست البنات ســارو لها يباركو لها و يهنونها.. شـــوق من شــافت قــمر حست بـ غيره لانها أحلى منها و أكيد راح تغطي عليها بـ عرسها.. قــمر كانت تبتسم لها و تهنيها بس شــوق ما رامت تتحمل ان في بنت أحلى عنها..
شـــوق: قــمر ممكن اطلب منج طلب..!
قـــمر: تفضلي آمري حبيبتي..
شـــوق: ممكن انج تمسحين مكياجج و تنزلين شوي من تسريحتج .. لانه بصراحه أبا أكون المميزة بـ العرس..
كل البنات استغربو من شـــوق أما قـــمر فـ انصعقت كيـــف تــباها تمسح المكياج و تخرب من التسريحه.. و السبب انها ما تبا وحدة حلوة أو أحلى منها..

أم جـــاسم تضايقت من طلب شــوق لأنه قــمر قالت لانها و هي مصعوقه.. بعدها قــمر قــالت: يمه يعني انا مب مهمه بـ العرس انتو كملو العرس و انا أبي أرجع البيت.. و بصراحة أنا تعبانه امس و اليوم ما حصلت نوم كافي..
أم جـــاسم عصبت: وين رايحه انتي الثانية منتي طالعه من هني فاهمه..
قــمر اتصلت في أخوها جـــاسم و خلت الموضوع أمام الامر الواقع.. و طلعت من القاعه بعد ما سلمت ع خالاتها و حريم خوالها و البنات.. و بالموتر جـاسم مستغرب أن قــمر ما كملت العرس توقع أنها ممكن بعدها تحب مروان..
جـــاسم: قــموره يعني انتي لحد ألحين تحبين مروان و عسب جي طلعتي من العرس..
قـــمر: لا جــسوم و الله تمنيت له كل الخير.. الموضوع و ما فيه اني تعبت و أصلا البنات كانو يسهرون و ما يرقدون أنت تعرفني أتعب جي لو ما رقدت عدل و خذت 12 ساعه رقاد ههههههه..
جـــاسم: هههههه كيس نوم أنتي ما راح تشبعي لو شو سوينا فيج.. بـــس أنا متأكد في شي ثــاني اللي خلاج تطلعين من العرس..
قــمر: تبا الصــراحة هيه في شي..
جـــاسم بـ أبتسامه: و اللي هو..
قــــمر بـ ابتسامه حلوة: أنت يا قلبي ههههههههه..
جـــاسم تلفت يمين و يسار يدور على هالشخص اللي قمر تتكلم عنه: انتي تقصدين منو هــــــاه؟!
قـــمر: يعني منو معانا في الموتر خبرني؟!
جـــاسم: محد خخخخخخخخ.. قصدج أنا اللي مخلنج تطلعي من العرس بـ هالوقت..
قـــمر تهز راسها بـ هيه.. و تبتسم له..
جــــاسم بـ غرور: أحم يا ناس من قدي..
قــــمر ضحكت عليه لأنه مب لايق عليه الغرور متعوده على جـــاسم بـ انه يكون متواضع.. بس في نفس الوقت ذكرها بـ ســعود و غروره..
نشت من سرحانها ع صوت فون جــاسم و كان (( الحب متصل بك )).. قـــمر كانت قريبة من الفون و اونها عاده مسكته بالجرم المشهود..
قــــمر فتحت المكالمه: ألو منو انتي يا قليله الادب يا اللي ما تستحين ع ويهج تتصلين بـ اخوي صدق ما فيج مذهب..
ســـعود ما تكلم اشتاق لـ هالدلوعه بعدها قــال: أنا ما قليله أدب أنا قليل أدب و ثــانيا منو سمح ليج تمسكي فون أخوج هــــاه..
قـــمر من الزيغه عقت الفون ع جـــاسم و جــــاسم نقع ضحك عليها: هههههههههههه مـــرحبـــا يا الحب ههههههههههههه..
ســــعود: بلاك تضحك يا الطفس.. مستانس يا الهرم ع اختك اللي من حد يتصل عليك تعطيه من اللي بخاطرها..
جــــاسم: ههههههههه السموحه تراك ناسي مسمي روحك الحب ههههههههه..
ســــعود فهم: ههههههههههه هيـــــــــــه أشوفها مشتطه تقول قليلة الادب و ما تستحي ع ويهج و من هالكلام هههههههههه مسكينه..
جــــاسم: هاي مسكينه إلا سجينه.. و هاي و هي اختي لو حرمتي ما ادري شو كانت بتسوي..
طول الدرب كانو يضحكو عليها و هي تسب في روحها ليش ردت ع فون أخوها و هي متأكدة أنه ما يرمس بنات..

[موكاتشينو]

بـــــــــــــــارت الســـــابع..


بـــعد ما شــبعو من الضحك عليها بدو بـ سوالف الجد و قــمر سرحت في صوته اللي اشتاقت له و ولهت عليه.. تتمنى ترجع الامارات ألحين و تسير له الشقة و تعيش عنده.. لانها متهورة تسويها ابتسمت بـ شر.. بس تذكرت كلامه لازم تكون عاقله و ما تسوي شي تندم عليه بعدين..

وصلو بيت اليدة أم مشعل و جــاسم نزل معاها لأنه عرس الرياييل خلص بس ياكلون و يطلعون ما يسوون شي ثاني.. هع جـــاسم تم يرمس ســعود لين ســعود استأذن منه عسب يرقد باجر عنده دوام و جــاسم أول ما خلص من ســعود حط الفون في الصالة عند قــمر اللي سارت تبدل فستانها و نزلت عند جـاسم..

لما صعد جــاسم الدري عسب يبدل ملابسه.. قــمر خذت فونه و شافت رقم ســعود و سجلته عندها و اخذت بن كوده عرفته من النك ولد الـ...... ((اسم العايلة))..


سجلت الرقم و البن كود في الملاحظات.. نزل جــاسم و هي قـالت له تبا تسبح عسب ترتاح من هالتسريحه و هو قال لها انه بيروح اييب لها عشا.. و قال لها ان فونه بيخليه ع الجرج لانه بيفضى.. هي خذت الفون و خلته ع الجرج و سارت تسبح اول ما خلصت سمعت صوت فون اخوها و شافت المتصل الحب فـ ردت بس هالمره بـ أدب..

ســـعود: مــرحـــبا بالحب بس كلمتك ع البيبي أم و ما رديت كنت بقول لك متى بترجعون الامارات اشتقت لك يا الحلو..
قـــمر تكلمت بـ صعوبه: أحم أنا قــمر جـــاسم ظهر اييب لنا عشا..
ســـعود ابتسم: مرحــبا بالحب شحالج؟!
قـــمر: بخير الحمدلله أنت شحالك؟!
ســـعود: أنا ما بخير..
قـــمر خافت عليه: بسم الله عليك شو فيك؟!
ســـعود: تعبـــــان..
قـــمر: ســـلامات ما تشوف شر..
سعـــــود فيه الضحكه: الشر ما اييج..
سكتت قــمر كمل ســعود: بس ليش ما سألتي من شو تعبان..
قـــمر بضحكه خجل: انزين من شو تعبان؟!
ســـــعود: من الشوق و الوله أخ يا بنت الناس و الله مشتاق لج..
قـــمر استحت و سكرت الفون بويهه و مسحت المكالمة عسب ما يعرف جـــاسم..
تكلم ســعود ع البيبي أم بس ما ردت عليه.. اونها تسوي روحها ثقيله بس الحلو انه كاتب ع اساس انه يكلم جــاسم بس كان يقصد قــمر في كلامه.. و قــمر تضحك عليه..

وصل جـــاسم و ســارو ياكلو و هم ع العشا دخل أبو جـــاسم و شــاف قــمر مع جـــاسم يتعشو فـ يلس يسولف معاهم.. بعدها قــال..
أبو جـــاسم: انا باجر راجع الامارات و امكم تبا تيلس بعد اسبوع.. ترجعون معاي و لا تيلسون..
جـــاسم رد بسرعه: بنرجع معاك نحن الاثنين بس أما جراح و راكان و فجــر خلهم مع أمايه..
قـــمر ابتسمت موافقه ع كلام أخوها.. و ابو جـــاسم استانس انه في حد بيرجع معاه الامارات..

بعد ما كملو اكلهم سـارو حجرهم عسب يرقدون و قـمر قالت لـ جــاسم ان ســعود حرق البيبي أم من البنقات و يكلمه.. و جـــاسم شــاف كلام ســعود و رد عليه و تمو يدردشو إلين استأذن سعود مره ثـانية عسب يرجع.. جـاسم قال له ان هو و ابوه راح يرجعون الامارات من دون ما يذكر ان اخته بعد راجعه معاهم و سـعود قـال انه هو اللي راح يكون بـاستقابله هو و ابوه..


الــــيوم الـــثانـــي الصبح..

أبو جــاسم يوعي جــاسم و ســار وعى قـــمر عسب يتجهزو لانه ما بقى شي ع اقلاع الطيارة.. و فعلا نشو و تجهزو و الكل كان راقد الا أم مشعل اللي متعودة تنش من وقت سلمو عليها و وصوهم يوصلون السلام للكل.. و سـارو المطار بـ التاكسي و دخلو الطيارة و اقلعت الطيـــارة تودع دار آل صباح رايحه لـ دار آل نهيان دار زايد..


قـــمر طول الدرب كانت تتكلم عن العرس و عن اللي صــار و ارتاح جــاسم انه سحب اخته معاهم للامارات لانه من كلامها عن شـوق ما ارتاح لها.. و ابو جــاسم بعد ما ارتاح لـ شوق و الحمدلله ان بنته ما بينت انها انجرحت من كلامها و هو و ولده ما قصرو مع قـمر قالو لها انها أجمل و الحركه اللي سوتها غيره من جمالها و قـمر استانست ان اخوها و ابوها يفرحونها بـ كلامهم..


وصلو ارض الامارات و خلصو الاجاراءات و خذو الشنط و سـارو يشوفون المستقبل قــمر توقعت انهم يروحون البيت بـ تاكسي لانه رحلتهم مفاجاة.. بس من شـافت ســـعود عيونها تحولن لـ قلوب هع هع..


ســــعود شـــاف قـــمر بـ قلبه: يااااااااااااوووووووويييييييل حـــــــــــــــالـــــــــــــــي و الله اني اشتقت لهاي القزمة..
و قـــمر بـ قلبها: فديت الحب اللي يدامي و الله اني استقت له مووووووت..


ســـعود سلم ع أبو جـاسم و جـــاسم و تحمد لهم بالسلامه أما قـــمر من بعيد تحمد لها بالسلامة.. و قــمر استحت منه على انه كان يسوي اعظم من هالشي بس بعد تستحي منه.. ركبو الفتك موتر ســعود و قـــمر هالمره كانت ورا أبوها و هالشي زعل ســـعود و كان يمشي بسرعه 140 عسب يوصل البيت بسرعه هع..

وصـــلو البيت..

و كـان وقت صــلاة الظــهر..
أبو جـاسم و الشــباب ســارو المسيد.. و قــمر صـلت بالبيت و كتبت مسج لأخوها جـاسم عسب اييب غدا من مطعم.. و ســـارت المطبخ سوت الجـاي و القـهوة و حطت المكسرات و سوت حلى ع السريع و حطتهم في اطباق الضيافة.. أول ما وصلو من المسيد هي حطت الجاي و القهوة مع المكسرات و سارت تكلم الحلى و لما جهزتها قدمتها لهم و يلست ع طرف عند ابوها اللي كان بعيد عن سـعود لانه كان يبي سعود و جـاسم ياخذون راحتهم بالكلام و ابو جاسم يلس مع بنته و جـاسم نش يصب الجاي و القهوة و قال لـ قمر انه ياب الغدا و بعد نص ساعه خلها تجهزه و تحط الغدا..

بعد نص ســـاعة الغــدا جــاهز و الترتيب كان حلو البيت ما كان فيه بشاكير لانه ابو جاسم وداهم لبيت امه عسب البيت فاضي مافيه حد.. قــمر اتصلت ع يدتها و طلبت من السواق يرجع بـشاكيرهن و ســارت تصب لـهم المشروبات و كان في لبن و بيبسي كان عندهم اخر علبه.. الكل طلب لبن بعد ما ضيفتهم ســارت الصــالة عسب تخلي ســعود ياكل ع راحته بس بعد ثواني ابو جـاسم زقر قــمر و طلب منها تيلس معاهم لانهم في الكويت عادي ييلسون مع بعض و قبل لا يزقر قــمر استأذن من ســعود لو يوافق انها تيلس معاهم ع نفس السفرة و هو وافق يباها من الله عسب ما تغيب عن عينه و هي ما قدرت ترفض فـ يلست تاكل معاهم..


بعد الغدا هي ســـارت حجرتها تبا ترقد طبعا بعد ما نظف السفرة و شافت البشاكير وصلو و قالت لهم يتولون مهمه التنظيف عسب هي تعبانه تبا ترقد.. استأذنت و طــلعت لـ حجرتها..



مـــرت الايام..

في الفجيرة..

ســـعود دخل عند امه و ابوه اللي كانو بـ الصـالة بروحهم يتقهوو..

ســـعود: أحم أماية أباه اباكم بموضوع..
أم محمد: شو عندك يابوي؟!
ســــعود نزل راسه: اماه اباج تخطبين لي اخت ربيعي جـاسم..
ابو سيف: من صدقك و لا تلعب علينا.. << الشـايب مب مصدق هع..
ســــعود ضحك: يابوي تتوقع اني ممكن اتمصخر في هالسوالف؟!
ام محمد: ما يندرا عنك و الله انت مول ما اداني طاري العرس شو اللي غيرك..
ســـعود: ربنا هو اللي يغير و لا يتغير..
امه وابوه: سبحانه.. أمه: خلاص يابوي عطني رقم بيتهم بكلم امها و ما يصير خاطرك الا طيب..
ســــعود بــاس راس امه و ابوه و طلع من عندهم و ســار لـ الشــارجة عند جــاسم راح يظهرون و يسيرون المول اليوم جـاسم عازم ســعود ع السينما و بيعشيه بعد..


بـــعد يومين (( الفــجيرة ))..
ســـعود كان يالس بـ حجرته و سرحانه بـ قــمر.. دخلت عليه أخته أميــــرة كانت مستحيه منه لانها ما تيلس معاه و لو تباه بس تطلب منه أغراض تحتاجه.. ســـعود ابتسم لها و يلس عدل و قال لها تقرب و تقول اللي عندها..
أميــــرة مستحية: ماشي بس بغيت أشوفك شو تسوي.. ملانة بالبيت..
ســــعود اللي بعده مبتسم: أميرة ملانة شي غريب العادة ما تحبين تطلعي.. المهم دام الجو حلو سيري يا حلوة قولي لأماية تجهز أغراض العزبة باخذكن هناك تغيرن جو..
استانست أميرة و شكرت ســعود و طلعت تراكض لأمها تقول لها ان سـعود راح يوديهن العزبة.. و أم محمد بعد فرحت بـ الفكرة الجو خـــبال و يحتاجون يطلعون يسيرون العزبة..

(( الشـــارجة ))..
أم محمد كـلمت أم جـاسم بـ الموضوع.. و هي بدورها خبرت أبو جـاسم اللي فرح لانه يعرف سـعود و يعرف انه يروم يفرح بنته و ما يزعلها لانه شـاب متفهم على رغم عصبيته و لـسانه الطـويل..

قــــمر مـــا كــــانت تعرف عن كل اللي يدور حولها.. كل اللي تعرفه انها بعد كم من أسبوع بتبدأ اخر سنة لها في التخصص و تفتك من الدراسة و تبدا تشتغل و تحصل ع بيزات من تعبها..

أم جـاسم رمست أبو جـاسم ان هناك حرمتين غير أم محمد طلبو يد قـمر في عرس مروان اللي ما كملته قـمر لـ آخر شي.. أبو جــاسم قــال لـ أم جـاسم انها تخبر بنتهم عسب هي اللي تقرر و تستخير لأنه الموضوع مب بايديهم ها مستقبل بنتهم و هم اللي عليهم يخبروها..


(( الكــويت ))..

مــــروان عرف من امه باللي صــار في العــرس و شو سوت شـــوق بـ قمر و كيف خـلتها تطلع زعـلانة..

مــروان دخل الشـقة و بـ ايديه أكياس الجمعية كانت طالبه منه النواقص.. و هي من شافته ابتسمت و سـارت لين عنده تشيل عنه الاكياس و هو يحاول يمسك اعصابة لانهم توهم معاريس و مب عارف ليش هي سوت جي..
بعد ما رتبت الأغراض بـمكانها ســارت عند مروان و كان بايديها قــلاص عصيــر بــارد لها و له.. و هو شرب شوي منه بعدها اطالعها: شـــوقي..
شـــوق بدلع: عنــــــوني آمرني..
مــــروان: قبل اسبوع لما زرنا اهلي سمعت عمتي ام جـاسم كانت تتحجا ((تتكلم)) مع أمي انها ما توقعت حركه العروس ببنتها.. انتي شنو مسويه في قـمر؟!
شــــوق تورطت: أأأأأأأأأأأأأه مـــا ســـويت شي..
مــــروان ماسك أعصابة: شـــوق انا ابي اسمع كل شي منج كنت اقدر اروح لأمي تقول لي كل شي..
شــــوق ما عرفت كيف تتكلم تمت سـاكتة..
مـــــروان نش: شـــوفي يا شـــوق أنا بدخل أبدل دشداشتي و لمن أخلص اتمنى اسمع كل شي..
دخل مروان حجرته يبدل كندورته و يتسبح لأنه ما توقع هالشي من شــوق توقعها انسانة محترمه و خلوقة..

بـــعد ســاعة إلا ربع..
مـــروان دخل الـصالة شــافها مجهزة له العــشـــا.. و يــالسة بـ الصالة سـرحانه.. هو مشى و وقف عدالها و مد ايديه لها عسب تنش ياكلون عشــا..
شـــــوق توقعت انه نسى لانه كان مبتسم لها.. مدت يدها و سارو بتعشو..

بعد العــشا و بعد ما خلصت شـــوق شــغل التنظيف يابت معاها جــاي و يلست عدال مـروان تبا تنسيه أكثر السـالفة بس من أخذ منها الاستكانه: مشكورة بس ما قلتي لي شنو سويتي بـ العرس لدرجة ان عمتي كانت زعلانة..
شـــوق نزلت راسها خلاص ما راح ينسى: بــصـــراحة.. أنا من دخلت القــاعة و البنات يوني يسلمون علي شــفت قـــمر و هي كانت حلوة وايد و غطت علي بـ العرس طلبت منها تخفف مكياجها أكثر بس..
مـــروان: بس ليش عمتي قالت لأمي انج طلبتي منها تمسح المكياج كله و لا تنزل التسريحه شوي.. مب هذا اللي قلتي لها؟!
شـــوق نزلت راسها: أيه صح لاني أغار عليك ما أباك تشوفها بـ هالحلا كله..
مـــروان: قـــولي غرتي منها لأنها كانت أحلى عنج و كنتي تبين تكونين انتي الأحلى صح..
شـــوق عصبت: أيه وش فيها يعني لو بغيت أكون الأحلى في ليلة عرسي ما أجرمت أنا..
مـــروان يتأفف: أووووووووووووف.. و لا قــمر اجرمت هي ما كانت قـاصدة انها تغطي عليج.. انتي بروحج قلتي كانت حلوة.. و ثـانيا انتو يا الحريم تبون كل شي مميز في يوم العرس و لما تشوفون البسيطات و احلى عنكم تضايقون و تزفينها عشان تخفف من جمالها.. ((مـروان فول من العصبية))..

بعد هالـكلام مــروان اخذ مفتاح الموتر و المحفظة و طلع من الشقة عسب ما يسوي شي يندم عليه بعدين.. و حب انه يهدا و بعدها يصلح الموضوع..



(( الفــجيرة ))..

وصـــلو للـعزبة هو و امه و خواته (( أميرة و فاطمة و اليـازية )) و العصــابة (( وديمة و منصور و ذياب )) و الاطفال (( حارب و شـيخة ))..
يــلسو الكل و البنات طلعو القـهوة و الجاي و الفوالة اللي يحتاجونها في اليلسة.. ســـعود كان فرحان بـ يلستهم لانه نادر ما ييلس معاهم كله بـ الدوام أو محاوط مع ربعه و كله يغازل و من هالكلام.. <<فاهمين الشـباب أكثر مني طبعــا هع..

ذياب كان مع منصور اللي دوم يسوي المصايب و يشرد و كل شي يطيح ع هالولد البريء.. ســـعود نش له و باسه و تم يـلاعبه يرفعه و يمسه و ذياب يضحك معاه..

أم محمد بـ حنان: الله يخليهم و يحفظهم لنا يـــا رب..
أم ذياب بـ خوف: ســــعـــــــــــــــــودوه راح يطيح منك الولد.. ســـــــعودوه لا تسوي فيه أكذا نزله..
ســــعود و هو معاند: مــــــــــــاشـــــــــي دامــــــــــج تزقريني ســــعودوه..
نشت اليــازية ((أم ذياب)): دخيلك بس.. أبا ولدي عنعن شكلك..
ســــعود نزل ذياب و تم يضحك ع شكل اخته اللي من نزل الولد شلته و حطته عدالها هي و حـارب..
ســــعود خلاهن و ســـار بعـــيد شوي صـــوب الـبوش يشـوف الحلال.. تم سرحـــان في قــمر اشتاق لها ما شــافها من يوم رجعو من الكويت.. و الحين امه تكلمت مع ام جـاسم و يدعي من كل قلبه انها توافق و بـ اسرع وقت..
ســــعود طلب من العمـال يولعون الفحم و يجهزو اللحم عسب يشوو لانه وعد أميرة بـ ليلة عشا غير عن باقي الايام..

بـــعد ما شـــوّو سوالهم ســــعود جاي كرك عسب يعدل مزاجهم للســهره.. الكل شرب الكرك ما عدا أمه لانها لو شربت ما بتروم ترقد.. و البنات فرحو وايد بـ الطلعه الخفيفة لانه النسيم كان بـارد و الجو خــبال..



(( الـــشــــارجة ))..

أم جـــاسم خبرت بنتها أن يوها خطاب بس بنتها طلبت من امها تخبر الكل انها ما تبا تعرس إلا بعد الكلية يعني بـعد سنة تبا تفتك من الدراسة عقبها تفكر تتزوج و لين هاك الوقت هي راح تفكر و تقرر..

أم جـــاسم ما تكلمت لان هالشي مالها خص فيه هي قالت لها عن اللي طلبو ايديها و هي طلبت انهم ينتظرونها لين بعد ســنة.. خبرت الحرمتين اللي من الكويت ان بنتها تبا تعرس بعد سنة و ما مستعيله.. ردو عليها لو شي نصيب بيكونو لبعض.. و ام محمد ما كان عندها درايه بالموضوع لانها برا البيت و تعرفون ما عندها فون..

أبو جـاسم اتصل في ســـعود عسب يخبره لان ام جـاسم اتصلت وايد ع بيتهم و ام محمد ما درت عليها و منه عسب يتطمن عليهم..
بو جــاسم: هلا و الله بولدي.. شحـــالك؟!
ســـعود بـ فرح: أهلين عمي.. أنا الحمدلله تمام يسرك حالي و من صوبك؟!
بو جــاسم: عساك دوم.. و الله الحمدلله إلا وينكم ام جاسم حرقت التلفون ع الوالدة و محد يرد عسى خير فيكم شي؟!
ســــعود ضحك: هههههههههه لا عمي ما فينا شي كلنا بخير بس الاهل كانو مضايقين من البيت فـ حبيت اغير جوهم و ظهرتهم من البيت..
ابو جـاسم: هههههه الحمدلله ربي يخليك لهم و يحفظك..
ســــعود بـ ابتســـامة: آميـــــــــــــــــــن و يخليك لعيالك..
بو جـــاسم: إلا يا ولدي ســـعود حبيت أخبرك ان بنتي ما تبا الزواج الحين مب رافضتك بس تقول أنها تبا تخلص دراستها عقب تفكر تعرس..
ســــعود: أهـــــــا.. نش من عند خواته و امه و ســار بعيد شوي.. انـــزين عمـــي ما بها شي لو هي تزوجت و كملت دراستها.. انا ما راح اوقف بويه تعليمها صدقني راح اشجعها و اخليها تكمل..
بو جـــاسم احتار: و الله يابوك انا بقول لها اللي قلته و ان شاء الله خير..
ســــعود بـ ابتسامه: ان شاء الله و انا انتظر الاخبار الحلوة هههههههههه..
بـــــو جــــــاسم: هههههههههه ان شـــاء الله هههههههههههه أخليك ما اعطلك أكثر.. ســــلم ع الوالد..
ســـــــــعود: يـــــــوصل.. وانت ســـلم ع جـــاسم و الشــباب..
بـــو جــــاسم: يوصل ان شاء الله.. يالله مع الســـلامة..


ســــعود رجع لـ أهله.. و امه كانت تبا تعرف شو كان يبا فـ ســـعود قـال لها يدام خواته و ام محمد قالت له لا يستعيل دام البنت تبا تكلم دراستها و هو قال ان شاء الله عسب امه ترتاح و ما تشيل هم الموضوع..



(( الشـــارجة ))..

بــــو جــــاسم هالمرة هو اللي ســـار لــ بنته عسب يفهمها كلام ســـعود.. دخل عليها الحجرة شــافها يالسة مع الكتب من اخت ربيعتها خذتها منها عسب تلخص لها حق السنة الاخيرة تبا تييب درجات حلوة و تتخرج و ترفع راس امها و ابوها شرات اخوها جـاسم.. اللي صـار له من كم من يوم يشتغل في ادنوك..

بـــو جـــاسم: الســــلام عليج بنتي..
قـــمر سكرت الكتاب اللي بايديها و بابتسامه: عليك السـلام ابويه ((نشت تبوس راسه))..
بــــو جـــاسم: كيف اصبحتي..
قـــمر: بخير و الحمدلله.. اشوف الشيخ منور حجرتي..
بـــو جـــاسم منزل راسه: و الله يابوج انا مابا اغصبج بس واحد من اللي خاطبينج قــال ان مب عيب او مستحيل تعرسين و تدرسين بـ نفس الوقت و هو ما بيوقفج عن الدراسة إلا راح يشجعج.. فــ طلب مني اني افهمج هالنقطة..
قـــمر محتارة بـــس قــالت: أبويه أنا مب رافضة فكرة الزواج و انا ادرس.. بس انا كنت خايفة ان الزواج يأثر ع مستواي التعليمي لأنه هالسنة آخر سنة لي.. و شي رياييل ما راح يخلون حريمهم يركزون بـ الدراسة أكثر من تركيزهن في ترتيب البيت و انها تشوف متطلباته..
بــــو جـــاسم يلعب بلحيته: و الله يابوج كلامج صحيح بس ما اعتقد هو من هالنوع.. و لو تبيني افهمه كلامج ما عندي مانع..
قــــمر هزت راسها بـ مستحى شوي هع..
بـــو جـــاسم اتصل ع ســـعود و هو بـ حجرة قـــمر عسب كان متعايز ينش.. قال لقمــر: سدي اذنيج عنا..
قـــمر استحت و نشت تشرد عنه و تخليه ياخذ راحته بـ الكلام..
بس قبل لا تطلع سمعت: هـــلا و الله بولدي ســـعود..
قـــمر حست بـ حرارة غير طبيعية يقول ســـعود منو هالســعود هل هو ســـعود ربيع أخوها و لا واحد ثـــاني.. المهم انها طلعت من الحجرة و خلت ابوها يتفاهم مع ريلها المستقبلي..

ســـعود و بو جـــاسم كانو يتكلمون عن الموضوع انها خايفة ان الحياة الزوجية ممكن يأثر على درجاتها و ســعود بين لـ بو جــاسم أنه ما راح يضايقها و وقت مذاكرتها هو راح يساعدها و يخليها تذاكر من غير ما يشتت تركيزها..

بعد حوار دام ربع ســاعه بــو جـــاسم خبر قــمر ان ســعود ما راح يشتت تركيزها بـ الدراسة و قال انه ممكن يساعدها لو تحتاج هالشي منه او من المعاهد.. فـ قمر قالت لأبوها انها تبا تستخير و تفكر اكثر و هو ما ضغط خلاها ع راحتها..

(( الــــكويــــــــــــت ))..

مــــروان عـــرف ان شـــوق تغــــار عليه وايد و تغـــار من اي بنت أحلى عنها و كم من مرة ظهرو للمول و كانت دايما تعصب لو شـافت وحدة حلوة مشت يدامهم..
هالشـي متعب مـــروان وايد.. صح يبا وحدة تغـار عليه بس مب جي.. هي وايــــــــــــــــــــــــــــــــد تـــــــــــغار و ما يروم يظهر روحه إلا الشيطان يوسوس لها انه عنده حبيبه أو طلع يشوف له بنات..

أهله حـــسو بـ أنها تحب تمتلكه و هالشي حلـو بس مب بـزيادة.. أم مــروان دايما تدعي لولدها بطول البـال لان لو شـوق تمت أكذا على هالحال ممكن تخلي مـروان يكرهها و ما يدانيها و يطلقها..

مـــروان دخل الشـقة شـــافها يالسه ع أعصابها لانه كان طالع من العصر مع ربعه الشـاليهات.. و هي تتصل عليه رد عليها أول ما اتصلت له عسب يعطيها خبر و ما تحاتي و الحين السـاعة 1 في الليل و هي كانت كل نص ساعه تتصل عليه تبا تعرف شو يسوي و مع منو يالس و............. إلخ..

شــــوق: صـــباح الليــــل.. وين كنت؟!
مـــروان اللي كان مفول من العصبية: بـ جهنم الحمرا و انتي ليش كل شوي تتصلين علي فشلتيني يدام ربعي..
شــــوق مستغربه من مـروان: و انت ليش جي تتحجا جني مسويه جريمة؟!
مــــروان: جـــــــــب و لا كــلمة و الله سكت عليج وايد بالاول فشلتيني يدام عمتي و بعدين يدام خواتي و اهلي و الحين يدام ربعي.. شنو أسوي فيج؟!
شــــوق وقفت يدامه و بكل عصبية: طقني أحسن..
مـــروان من دون ما يفكر و من العصبية ضربها كف ع ويهها: قلت لج جب و الله صدعتيني..
شــــوق من الصدمة ما تكلمت تمت يالسة ع الارض و منزلة راسها و تصيح.. تعرف انها هي اللي خلته جي مفول بس تتحسب انها هي الصح في كل شي..
شــــوق بعد ما هدا الجو شوي: أول مرة اشوف واحد ما يبي زوجته تغـار عليه..
مـــــروان اطالعها: لو واحد حصل مثل اللي عندي راح يصير مينون و الله زين مني لين الحين انا بعقلي..
شــــوق فتحت عينها ع الاخر ما توقعت منه هالجملة: شنو يعني انا اخلي الشخص يستخف..
مــــروان: افهميها مثل ما تبين انا صدعت بروح انام و ما ابي اسمع حس..
شـــــوق ما استحملت كلامه انتظرت لين رقد مـروان و سارت تاخذ اغراضها و ملابسها و اخذت مفتاح موترها الـ Infinity و ســارت بيت أهلها و السـاعة كـانت قريب الـ 3..

[موكاتشينو]

بــــــــــــــــــارت الثــــــــــــــامن..

(( الكـويت ))..
ع الســاعة 3 الفير..
كــانت شــــوق بحجرتها.. و بين ايديها شنطتها اللي خذتها عسب ترجع بيت اهلها بس ما توقعت ان ابوها يشوفها و يقول لها ما عندنا بنات يدلعون و يهدون بيت رياييلهم تالي الليل.. فـ قال لها ترقد اليوم و من الصبح ترجع لـ مـروان..

يلست ع الشبرية ((السرير)) و تمت اطالع حجرتها كانت تتمنى تتزوج و تبتعد عنها و الحين تتمنى انها ترجع شرات قبل ترقد فيها و تشوف خواتها محتلين حجرتها او داخلين ياخذون شي من اغراضها..

نشت فتحت كبت ملابسها و من بين الملابس شافت مريول مدرستها.. ابتسمت امها كانت تقول لها شو تبين في هالمريول انتي الحين ما تحتاجينها و بس ماخذ مكان بـ الكبت.. شلته و لبست مريولها و سارت صوب الكومودينه و مشطت شعرها و سوته ذيل حصان و نزلت قدلتها و شويه من خصل شعرها و رافعه كم الملابس و شـافت شنطتها ايام الثـانوية ورا السدات ((ادراج)) لان امها ما كانت راضيه انها تحتفظ بـ هالاشياء لانها تقول هالاشياء تاخذ مساحه و ان شــوق ما راح تستخذمهن..

فتحت شنطتها كانت فاضية.. تمت يالسة تذكر ايام الثانوية و ايام تسترمض عسب تغيب و ايام الامتحانات.. و هي جي سرحانه بـ تخيلاتها خطرت في بالها فكـرة..


تـــــوقــــعاتكم شو سوت؟!


(( في الفجيرة ))..

ســــعود و اخوه ســالم و ســـعيد كـــانو سهرانين مع الشباب.. عـــادة الشــباب يوم يسهرون يلعبو بتة ((الورق)).. و ســـعود معروف انه شــاطر فيها و محد يروم يفوز عليه حتى عيال عمه ما يرومون عليه..

ســـعيد كـ العــادة ما يداني الفوز لـ حد غيره.. و هالمرة قــال: ســـعود شـــو رايك أباريك ع الـبليارد..
ســــعود ولا مرة لعب البليارد و لا يعرف قوانين اللعب: أوك.. بس انا ما اعرف العبها..
ســـعيد ابتسم: شــو ما تعرف تلعبها دامك انت حريف بـ الكيرم.. ((الكيرم لعبه هندية الاصل))
ســــعود: انزين الكيرم غير و البليارد بعد غير و شو ياب اللي ياب..
ســــعيد: ياخي لا تضحكني قواعد اللعبتين شرات بعض بس باختلاف طريقة اللعبه..
ســـعود تحمس دام اللعبتين متشابهات: أوك تمام و اللي يفوز شو يحصل..
ســـعيد: خمسة ألاف درهم..
ســــعود تحمس اكثر: متأكد تبا تباريني ع خمسة الاف درهم..
ســـــعيد: لو تبا تزيد كيفك..
ســـــعود: هـــــيه بــزيد ع عشــرة ألاف درهم..
ســـــعيد: تــــم و الخسران فينا يدفع لين الفـايز..
ســـــــــعود: تــــــــــــم..

لــــعــــــــــــبو و كــــان ســـعود أول مرة يلعبها و ولد عمه علمه كيفيه استخدام العصا ع السريع..

يعـــــــــــني مــــــــــــــنو اللي فــــــــــــــــاز؟! هع هع..




الصــــــــــــبح..
(( الشـــارجة ))..

جــــاسم اليوم كان معاهم بـ العادة هو بـ الدوام و سكنه بـ أبوظبي.. و قـــمر اليوم لازقه فيه تبا تطلع معاه تقول طول الوقت ملانة و ما صدقت شافت اخوها..

جــاسم: قـــمرة و الله بطلعج بس خليني استريح و ارقد عقبها اختاري المكان اللي تبينه و انا بطلعج..
قــــمر بوزت بـ دلع: أوكيك..
أم جـــاسم: الله يعين اللي بياخذج يا الدلوعه..
قـــمر استحت: يــــــــــــــــــــمه..
الكــــل ضحك و حتى جــاسم اللي إلين الحين ما عرف ان اللي خاطبها ربيعه ســعود..
قــــــمر بـ غرور متصنع: أصـــلا يبوس أيديه ورا و يدام اني انا حرمته..
جــــاسم: استغفر الله غرورج شرات ســـعود الخسف..
أم و أبو جـــاسم ضحكو ع قــــمر اللي تمنت الارض تبلعها و نشت تركض ع حجرتها و جــاسم أكبر علامة استفهام ع راسه هو و جـراح..


ع الظـــهر..
نش جـــاسم و ســار لـ قـمر اللي كانت تقرا رواية ((قـــمر خـــالد)) << أعشق هـ الرواية صح جديمة بس و الله لحد الحين انا لما اكون ملانه اقراها هع..
ســـار يلس ع الشبرية و هي ماحست فيه لانها كانت حاطه سماعات ع اذنها تسمع اغنية (( Toygar Isikli – Hayat gibi )) أغنية تركية روعه.. كان يروم يسمع الاغنية لانها معلية ع الصوت حدة و عايشة جو الحزن مع الرواية..
و دموعها شوي و اطيح مع انها قرت الرواية اكثر من خمس مرات..

جـــاسم لمس جتفها و قـــمر زاغت ع الآخر.. جـــاسم: بسم الله عليج شو اللي ياج ها كله من الاندماج مع خلود و قـمور..
قـــمر: انت اللي شو ياك يالس حذالي و تدخل الحجرة شرات الحرامية..
جـــاسم مسك سماعاتها اللي إلين الحين ما خلصت الاغنية: بالله عليج هالشي يخليج تسمعين شي أو تحسين باللي حولج..
قـــمر: مالك خص خلني عايشة الرومانصية..
جــــاسم يأشر عليها "مـــالت": رومانسية وين و انتي مع كشتج وين.. تعالي رومانسية مب رومانصية..
قـــمر: كيفي حقوقي الطبع محفوظة هع..
جـــاسم: أبا افهم ســـعود شو يصير لج عسب انتي جي تشابهينه..
قــــمر استحت: و منو ها ســـعود اللي كل شوي تييب طاريه..
جــــاسم يدق راسها: ربيعي اللي هاك اليوم طحتي عليه بـ المطار.. << نسى كل شي و تذكر الطيحة..
قــــمر ضربته ع خفيف: طاع الحــاء ما تذكر إلا الشي الطفس.. << حــاء سبة ((حقوقي الطبع محفوظة هع))
جـــاسم: شووو هاااا بعد حــاء..
قـــمر اطالعه بـ نص عين: حـــاء هي سبه..
جـــاسم: قصدج حمار و لا حيوان؟!
قـــــمر: و الله اللي تشوفه مناسب لك اختاره هع و نشت تشرد عن اخوها..

جـــاسم كان متفاجأ يعرف انها تتمصخر معاه بس مهما كان هو اخوها العود.. شافها شردت ركض وراها و هي تصارخ و تنزل الدري و سارت تركض عند ابوها.. ابو جـاسم متفاجأ من جــاسم يراكض ورا قــمر آخر مرة شــاف هـالمشهد لما كان جــاسم بـ عمر الـ 14 سنة و قمــر كانت بـ عمر 10 سنين..

قــــمر: يـــــــــــــــــــــــــــــبـــــــــــــــــــ ـــة..
جـــــــــــاسم: يـــبة امسكها خلني امردغها هاللي ما تستحي ع ويهها..
أبو جاسم دس بنته دلوعته وراه: جـسوم خوز عن بنتي..
جــاسم: هالدلوعه ضاربها ضاربها ما يخصني..
أبو جــاسم: شــو اللي صــار عسب تركض وراها جي و لا كانك غديت ريال..
جــاسم تقفط: هــاي اونه تسب فيني اصغر عيالها انا عسب تسب فيني و تقول حاء و باء و ما ادري شو..
قـــمر: انا ما سبيت انا قلت حـاء و قلت له انها سبه و هو اللي قـال انتي قصدج حمار و لا حيوان..
جــــاسم: و هيه و الاخت تقول اختار اللي يناسبك.. خلني عليها ابوي..
ابو جــاسم يضحك: ههههههههه كل ها عسب حرف الحـاء..
جــــاسم: مب بنتك الدلوعه قالت اونها سبة..
قـــمر: شفت أبوي انا ما سبيت قلت له حاء بس و هو اللي سب روحه بروحه..
أم جـاسم: قـمور يوزي عن وليدي ها أخوج البجر يعني تحترمينه..
قـــمر نشت و سارت باست راس اخوها: هاه حصلت بوسه الحين ارتحت و اصلا ما سبيتك يا الثـاء..
جـــاسم عصب: يعني ثـــور..
قمـــر هزت جتفها: شفتو منو الحين اللي سب؟!
الكـــــــل ضــــــحك ع قــــمر اللي محد يروم عليها.. و جــــاسم يضربها ع خفيف و هي تضحك..

ع العصـــر..

قـــمر قـــالت له تـــبا تسيـــر البحر قبل ما تغرب الشمس و طلبت بعد البحر يوديها اي مكان مطعم او ممشى المهم مكان تروم تاخذ راحتها ترمس مع اخوها العود..

جـــراح و راكان و فــجر تجهزو عسب يسيرون معاهم لأنهم قـالو لهم انهم راح يسيرون البحر و بعدها لـ مكان عسب ياكلو و يلعبو..

اول شي سارو البحر و الكل سار يحط ريوله في الماي و قــمر تمت تصورهم و تصور ريولها داخل الماي و وقت الغروب خذت لها مكان مناسب تصور لحظات غروب الشمس.. و اخوها جـاسم كان يسوي روحه يمسك الشمس او ياكلها او يشوتها و قـــمر تصور و هي تضحك على حركات اخوها..
عقب قالت لأخونها و اختها يوقفو عدال بعض و هي سوت روحها شلتهم و تضحك و صورت اختها لما كانت تركض ليها عسب تعطيها صدفة حلوة حصلتها..
يعني قـــمر فرحت بـ هالطلعه البسيطة اللي ماخذت من وقتهم إلا ساعه إلا ربع و بعدها نشو سـارو لـ المكان اللي اختاره جـاسم و كان مول من مولات الامارات.. و قــمر كانت تبا الكوفي عسب ترمس مع جـاسم.. جـــاسم كان فاهم قــمر من اول عسب جي طلب من اخوانه يسيرون يلعبون و طلب من جـراح ينتبه لـهم لين قـمر تخلص من التسوق..

جــراح و راكان و فــجر سارو يلعبون بعد ما جـاسم عطاهم البيزات و أخذ قـمر و وداها لـستاربكس.. و طلبو لهم اللي يبونه بعد ما وصلت الطلبية..
جـــاسم: يالله يا حلوة انا انتظرت وايد ما بقى فيني صبر..
قـــمر ابتسمت: من يومك عارفني من نظرتي..
جـــاسم: يالله عاد قمــر و الله من الصبح و انا افكر فيج حتى ما رمت ارقد عدل..
قـــمر: ســـعود..
جــــاسم يطالع يمي و يسار كـأنه يدور على شخص: وينه؟!
قــــمر ادور معاه: منووو؟!
جـــاسم: ســـعود وينه تقولين شفتيه!!
قــــمر ضربت جتف جـاسم ع خفيف: ركز الله ياخذ ابليسك.. قلت لك ســعود ما قلت لك شـفته..
جـــاسم: اهـــــا بـــلاه هالخسف..
قـــمر: لا تقول عنه خسف ((حطت ايديها ع حلجها))..
جـــاسم: هــــــــــــاه قــــــــــــمور لا تــــــــقولين تحبينه..
قـــــــــمر عصبت: انت شو تقول؟! ابا افهم انت اللي بلاك اليوم مب ع بعضك..
جـــاسم: والله يا قمر ما تكلمتي عدل لا اهفج بـ الكوب اللي يدامي..
قـــمر: انزين ركـــــــــــــــــز دخــــــــــيل اللي رباك..
جــــاسم: أوك بركز.. كملي..
قــــمر: ســـعود ربيعك طلب ايدي.. (( استحت (0.0) ))
جـــــاسم متفــــــــــاجأ.. قـــمر كملت: و اباك تتكلم عنه..
جـــــاسم مب عــــارف شـــو يقـــول من هول المفاجأة..

قــــمر سكتت و تمت تشرب الموكا اللي طلبتها.. و جـــاسم لما استوعب قال لها انه يبا يتكمل عنه بشكل بسيط لانه احلى شي الحرمة هي اللي تستكشف ريلها..
جـــاسم: ســـعود الله يسلمج آخر عنقود أخوانه ابوه متزوج 3 حريم.. عمره 23 بيدخل 24 شهر 5 يعني يا حلوة تقدرين تقولين هو اكبر عنج بـ 3 سنين..
قــــمر ســـاكتة و تشرب المـــوكا أونها تشغل نفسها عسب اخوها ما يشوف انها قافطه.. ((مستحية))..
و كـــان راح يكمل بـــــــس قـــــــمر شـــافته مع وحدة متغشية و طلب منها ما تدخل الـ ستاربكس و سـار هو يطلب لها..
قـــــمر من غير ما تحس: مغـازلجي و يلعب ع بنات الناس..
جـــــاسم: لاااااا لااااااا منوووو قــــال لج و الله ما عمري شفته يرمس او يغازل..
قــــمر اشرت عليه و هو واقف عدال وحدة متغشية و كان يرمس معاها و هي ماسكة ايده..
جـــــــاسم عصب: خلج هني بسير اسلم عليه..
بــــس قــــمر ما رامت تيلس لحقت اخوها اللي طلع من الكوفي و لحق ســعود اللي دخل مع البنت محل The body shop.. و البنت كانت صوب مجموعه العطور ((عطور اللي تنحط بـجهاز عسب تعطر الحجرة)) << ما اعرف كيف اشرح لكم..
البنت كانت تشم و ســعود يختار معاها و يقول اي واحد احلى و البنت اعجبت بـ 4 عطور و ما عندها بيزات كافي لهالعطور..
ســــــعود: أقلج خلي بيزاتج عندج و انا اللي راح ادفع لج هدية مني ليج..
البنت: لاااااااا ســـعود و الله مابا اكلف عليك..
ســــعود يأشر ع شـفايفه كـانه يقول لها أوص: كلمتي ما اثنيها..
البنت فرحت و مسكت ايديه و همست له بـ أذنه و هو ضحك..

جــــاسم تجدم: مـــــرحـــــبا بــ بــو سيـــف..
البنت من شــافت جـاسم هدت ايد ســـعود و بعدت عنهم..
ســـــعود بـ ابتســـامة: مــــرحـــبتين بالــحب..
جــــاسم سلم على ســـعود بس من غير ما يبتسم و ســعود حس ان جـــاسم فهمه غـلط و تأكد لما بعد عنه انه كان يطالع بـ البنت..
ســــعود: انت فـــاهم غـــلط.. ((و ضرب راس ربيعه ع الخفيف)) نـــظف هالمكان زين مازين..
جــــاسم باستغراب: و انت شو اللي عرفك اني فاهم غلط..
ســــعود بـ ابتسامة: من شكلك شوف حتى ابتسامتك ما شفتها يا القاطع..
جـــاسم ابتسم له: جي أوكي..
ســــعود يأشـــر ع قلب جــاسم: ما طلعت من هالمكان.. ما علينا المهم انت كيف حالك؟!
جـــاسم: أنا بخير الحمدلله و انت شـحالك؟!
ســــــــعود: الحمدلله بس انا شوي ما زين..
جـــاسم بـ استغراب: خــير ياخوي تشكي من شي..
ســــعود يطالع في قـــمر: اشتكي من بعض الناس طـولو ع ما يردون خبر.. << قـالها بـ صوت شبه عــالي عسب قــمر تسمعه..
قـــمر قفـــطت فـ ســــارت تمشي بـ المحلات تبتعد عن هالانســـان اللي صـارت ما تروم ترقد بسبب تفكيرها فيه..
البنت شـــافت كل شي و سمعت ســـعود.. ســـارت ورا قـــمر: أخــــــتي.. يــــــا الغـــــالية..
قــــمر لــفت عليها: نــــعم انـــتي كنتي تزقريني..
البنت: هــــــــــيه..
قــــمر عرفتها: نــــعم بغيتي شي مني؟!
البنت: هـــيه بــغيت اتعرف عليج..
قــــمر بـ عصبية: بـصفتج مــــنووووووو..!
ســـمعوها جـــاسم و ســـعود اللي طلعـــو من المحل و ســـارو ورا قـــمر و البنت..
ســــعود: أمـــــــــيرة.. تعــــــالي..
أمــــيرة اطـــالعت في ســـعود: ان شــاء الله..
و ســــارت له و هو مد ايده لها و هي مسكت ايده و سعــود ودع جــاسم و ســـار هو و اخته و خلا قـــمر واقفة مب عـارفة ليش اخذ هالبنت و ســـار..
أما جـــاسم ما عــرف شو يسوي غــير انه مسك ايد قمــر اللي كانت تتطالع في ســـعود اللي ماسك ايد البنت و البنت تتطالع لـ قـــمر..
قـــمر دمعت عينها ما تحب هالحركة و من منو كانت من حبيبها و اللي راح يخطبها.. ســـحبت ايدها عن ايد اخوها و قالت: جــاسم دخيلك خلني روحي ابا اتمشى و اشم هوا.. ممكن تخليني..
و ســـارت بعيد كانت تمشي بكل عصبية و كان مبين عليها انها كانت تصيح.. جـــاسم ما عرف شو يسوي خلاها و ســار يمشي صـــوب المحلات و مب عارف منو هاي أميرة و ليش سـعود جي سوى..
وهو يمشي بين المحلات شــاف ســـعود واقف عدال باب محل من محلات الفـساتين و اكيد أميرة داخل..
جـــاسم بـ هم: لــيش جي سويت؟!
ســــعود مستغرب: شو اللي ليش؟! أنا ما سويت شي..
جــــاسم: ترا قــمر ما تحب الحركة اللي سويتها.. فـ تخيل هالشي يصير و من منو من ريلها المستقبلي..
ســـعود بـ استغراب: كل هذا عسب ما خليتها تاخذ راحتها بـ العصبية على أختي..
جـــاسم: اختك على عيني و راسي بس قــمر لما تغـــار تعصب لما حد يلمس شي من ممتلكاتها.. و دامك طلبت ايدها يا عسل ((تقرب منه و مسك ياقة كندورة سـعود)) فـ تعتبر انت من ممتلكاتها..
ســــعود فـــاتح عينه ع الآخر: قــــصـــــــدك.....
جـــاسم يهز راسه له: هــــــــيه..
ســــعود ابتسم: انزين وينها اختك..
جــــاسم يبا يرفع ضغطه فـ: ((هز جتفه)) ما اعرف..
ســــعود سوى له طــاف و نسى اخته و ســـار يركض بين المحلات يدور ع قــمر..
بــعد ثواني من الركض.. سمع صوت فونه شـاف المتصل جـاسم: هـــاه شـــو تــــبا؟!
جـــاسم: اختي ســارت برا المول تتمشى..
ســــعود: و انت ليش ما تقول من اول..
جــــاسم: كــــــــيفي.. و سكر الفون بويه ســـعود..
ســـــعود ركــــض بـــرا المـــول.. و جـــاسم كان يبا يتحرك عسب يسير عند اخته اللي عرف انها صوب النوافير.. بس شــاف أميرة كانت تنادي ع ســـعود..
جـــاسم: هلا اختي.. ســعود ياه اتصال و سـار يتكلم بعيد عن هني..
أميرة ما رامت تتكلم فـ مشت عنه بعيد كانت تبا بيزات للفستان بس دام سعود مب موجود ما خذت..
جـــاسم كان يبا يلحقها سمع صوت البايع: اختي ما بدك الفسطـان << لبناني هع..
جـــاسم: هـــاه هيه تبا بس شكلها نست.. لانها هاليومين وايد تنسى..
اللبناني: مين انت؟!
جـــاسم: اخوها ع كم الفستان؟!
و اشترى جــــاسم الفستان و استلمه منه و مشى وراها و قال: اختي انا اعرف مكان سعود ممكن تلحقيني..
جـــاسم ســـار صوب النوافير اللي برا المول و أميرة لحقته.. بس ما شـافت ســعود شــافت قـــمر..
أميرة كانت زايغة ان ممكن جــاسم يقص عليها فـ قـامت تصيح..
جـــاسم وقف ما عرف كيف يتصرف معاها: اختي بلاج ليس اتصيحي؟!
أميرة ما تكلمت بس تصيح جــاسم ســـار ياب لها مــاي يبا يهديها و يبا يفهم ليش هي تصيح.. ســـار و رجع شــافها هدت من الصياح..
جـــاسم: تفضلي اختي اشربي الماي و لو تبيني ابتعد عسب تاخذين راحتج انا ببتعد..
تمت ناطرة يبتعد من ابتعد ارتاحت و خذت الماي اللي حطاه ع الارض عسب متى ما تبا بتاخذه و جـاسم كان يراقبها هي و قمــر من بعيد..
ســـعود كان يركض المكان كله ما كان متوقع انها ممكن تكون صوب النوافير..
أمـــيرة ســـارت يلست ع الكراسي اللي برا و تشرب من الماي و هي كانت تطالع لـ جـاسم اللي كان واقف بعيد و يراقبها هي و قــمر اخته.. نزلت راسها و تمت تشرب من الماي لانها من الزيغة ما نشف ريجها..
قـــمر كانت تصيح بعدها و تشاهق كل ما وقفت عن الصياح تتخيل الموقف مرة ثـانية و تصيح..


أميرة كانت تشرب الماي لما حست بـ شي طــاح في ثبانها ((حضنها)).. كانت ورقة صغيرة و هي اللي ولا مرة شافت هالحركة من قبل فـ ما عرفت هالشي شو..
لما فتحت الورقة استغربت انها تشوف ارقام ما فهمت شو سالفة هالرقم فـ تمت تتطالع يمين و يسار عن صـاحبة الرقم او صـاحب الرقم اللي شكله ضيعها << على نياتها..
شـــافت واحد يأشر لها كلميني بس هي استغربت شو يقصد هذا و جــاسم اللي شـاف كل شي ركض و ســار للريال و عفد عليه و قام يضربه بكل قوته..
جــــاسم: صدق انك حقير و نذل.. ما تخاف من ربك ما تخاف ع خواتك هــــاه..
أميــــرة ماتت من الزيغة: اخوي خوز عنه شوفه ينزف.. الله يخليك خله عنك..
جـــاسم: بخليك يا الحقير بس عسب تتذكر الضرب هذا و تكون عبرة للكل يا الخسيس..
جـــاسم ســـار صوب أميرة و مسك ايدها و سحبها لين عند قــمر اللي سمعت صريخها اللي كان واصل لآخر المول..
ســـعود انتبه لـ صوت اخته و شـاف جـاسم ماسك ايدها و قـمر يدامهم بـ مسافه ركض لـهم و هو خايف ع اخته و كان يبا يضرب جـاسم..
أول ما قرب أميرة رامت تفلت من ايد جــاسم و سـارت صوب أخوها اللي كان راح يضرب جاسم اللي انتبه و مسك ايد سـعود و قال له يهدا: اهدا ياخوي خلني افهمك..
ســـعود بعصبية: شــــــــــو افهم هــــــــاه.. مــــنو ســـمح لك تــمسك أيد اختي..
جـــاسم حصل له بكسين من ســـعود اللي اخته بعدها مسكته و قالت: اخوي هو ما غلط هاك الغلطان..
ســـعود وقف من الضرب و شــاف اخته تاشر ع واحد ملعون خيره من الضرب و لما شـاف ســعود شرد من الزيغة..
ســعود شــاف جــاسم اللي كان طايح ع الارض متالم من البكسين.. ســـعود نزل له و مسك جتفه: نش ياخوي و الله من العصبية ما رمت امسك روحي..
قـــمر قربت من اخوها: خوز عن اخوي يا الثــاء..
جــــاسم من سمع الثــاء: خخخخخخخخخ الله يقطع ابليسج يا قمـور حتى سـعود ما سلم منج خخخخخخ..
قــــمر بدفاشة: أقول نش نش خلنا نسير عند اخواني و نسير البيت مابا اتم معاهم في نفس المكان احس بـ الخنقة..
ســــعود تضايق: قـــمر لا تقولين جي و الله من العصبية ما رمت امسك روحي..
قــــمر لما تعصب ما تعرف شو تقول: جــب و لا كلمة مابا اسمع صوتك.. اونك تحبني.. لو تحبني جان ما مسكت ايد هالبنت و ما لعبت عليها و على قلبي يا الحــاء.. و تصيح..
ســـعود قفط من جـــاسم اللي تفاجأ من كلام اخته و نش و سـار هو و اخته بعيد عنهم..
جـــاسم سكت قــمر و نش ورا ســعود و طلب منه ييلس معاه في الكوفي شوب..
من الفشيلة سعود مب رايم يرفع راسه لـ ربيعه و اللي وثق فيه و أمنه ع اخته و بيته.. جــاسم: ســـعود رفع راسك و الله ما صار شي شو فيها يعني لو اللي قالته اختي صح.. نحن متعلمين و نعرف ان الحب مب عيب << هالكلام كله يدام أميرة اللي متفاجأة من اخوها..
ســــعود: اوك خلنا نيلس مع بعض..
قـــمر: قلت لك يا جــاسم مابا اتم في هالمكان معاهم.. ((تتطالع في اميرة بنظرات خايسة))
جـــــاسم مسك قــمر و تكلم معاها بشويش عسب سعود و اميرة ما يسمعونهم: قمرو بس خلاص الحين لازم تفهمين ان اميرة اخت سعود اوف انتي اللي فيج شي اليوم مب انا..
قـــمر جنه حد صـافعنها: شـــــــــو اخته؟!
جــــاسم: هــــيه يا الـــبـــــاء.. و ضحك ع خفيف..
قـــمر لفت تتطالع في أميرة اللي كانت تصيح مع اخوها اللي كان يطالع في قـمر.. قــمر قالت: جـــسوم البنت تصيح الله يخليك خلنا كلنا نيلس مع بعض و انا اتفاهم معاها و انت تفاهم مع هالخسف..
جـــاسم: اوك الحين سيري لها و امشي معاها شوي لين تهدا و انا و سعود راح اوديه ال ستاربكس..
قـــمر اشرت ع عيونها: من عيوني يا عيوني انت..
جـــاسم و قــمر لفو ع ســعود و أميرة.. جـــاسم اخذ ســعود و استأذن من أميرة اللي كانت تصيح إلين ألحين و قــمر مسكتها و أخذتها ع الحمام ((الله يعزكم))..
ســعود و جــاسم يلسو بمكان داخل الـ ستاربكس و جـاسم طلب من الموظف ان من يشوفون خواتهم يالسات معاهم يسكرو المكان بـ الحاجز.. بس الموظف قال ان ما عندهم هالحـاجز فـ جـــاسم قال مب مشكلة راح يدبرون عمارهم..

قـــمر مسكت ويه أميرة اللي كانت تصيح و مبين عليها انها صغيرة رغم انها متغشية..
قمـــر تمصح دموع أميرة: حبيبتي أميرة ليش اتصيحي ممكن أعرف..
أميرة: انا اللي ابا اعرف.. انتي و اخوي كنتو تكلمون بعض و تتواعدون و تيلسون مع بعضهم؟!
قـــمر فتحت عينها: شـــو لاااااا و الله انا و اخوج ما عمرنا سوينا شي غلط.. و لو كان قصدج ع كلامي لما قلت لأخوج انه يحبني و جي فـ كلامي طلع بسبب العصبية.. أنا جي لما اعصب اقول اي شي و ما احسب لـلكلام اللي طلع مني إلا بعد ما أخلص..
أميرة مسحت دموعها ببراءة: يعني أنتي كنتي بس تقول اكذا و مافي شي صدق..
قمـــر ابتسمت لها ابتسامه تأسر القلب: هـــيه يعني كنت أخرط..
أميرة: بس أخوج قال انه متعلمين و من هالكلام..
قـــمر مسحت مكان دموع أميرة: حبيبتي أخوي متفاهم و قال اللي قاله.. بس أعرفني ان انا و اخوج ما عمرنا سوينا شي غلط أوكي..
أميرة ابتسمت لها: أوك..
قـــمر: تعــــالي يا الدبة خلينا نغسل ويوهنا و نرتب اشكالنا اللي تزيغ..
أميرة ضحكت و سارت تغسل ويها بعد ما شـالت الغشوه من ع راسها و رتبت شعرها الطويل الناعم و لفت شيلتها.. و حتى قـمر فتحت شعرها و لفته بس شـعر قـمر شبه ناعم يعني لو تنا تخليه يكش راح يكش معاها..
بـــعد ما رتبو اشكالهن طلعن و ســارن للـ ستاربكس و كل وحدة يلست يم أخوها.. أول ما يلسو..
قـــمر: ممكن يا اللي يالسين هني تنسون اللي فات و نتكلم عن اشياء ثانية..
جـــاسم يبا يقفطها: هيــه صح و نبدأ مع ســعود عرفنا ع نفسك عسب أختي تعرف شو من الناس يتاخذ..
قــــمر قفطت ع الآخر و نشت من مكانها كانت تبا تطلع بس جـاسم مسك ايدها: خلاص.. ايلسي ما اعيدها..
قمــر يلست بس تغشت بـ شيلتها..
ســعود: ما بتكلم بس ممكن طلب لـ قمر..
قـــمر قافطة ورا الغشوة: تفضل..
ســـعود: تتغشي و ما تبيني ويهج لـ حد إلا لأخوج و أبوج و المحارم يعني عيال خوالج و عمامج ما يشوفون ويهج..
قـــمر تفاجأ: بس أنا متعودة اني ما اتغشى..
ســـعود: أدري و هيه تذكرت و طلب ثاني اسهل من هالطلب..
قـــمر: تفــــضل..
ســــعود: ما تلبسي بنطلون يدام حد حتى اخوانج..
قـــمر ما توقعت هالشي و جـاسم تم يضحك لانه تذكر لما قال حق سعود ان عادي الاخوان يشوفون خواتهم بـ البناطلين..
أميرة: قــمر انتي تلبسي بناطلين جينز جدام اخوانج و ابوج؟!
قـــمر تهز راسها.. أميرة غطت ايديها ع ويها من المستحى: انتي ما تستحي البسي تنانير و جلابيات و مخاوير يعني إلا البناطلين..
قـــمر: شوفي أميرة انا عمري ما لبست إلا البناطلين و التنانير أما المخاوير و الجلابيات.. فـ ما عمري لبستهم يمكن بس في عيد الوطني أيام الابتدائية..
ســـعود و أميرة مستغربية من كلام قــمر هم عندهم البنات دوم يلبسو جلابيات و مخاوير..


بعد دقايق وصلو جـراح و راكان و فـجر من قسم الالعاب فـ اضطرو يسيرو للمطاعم عسب ياكلو و طلبو من سـعود و أميرة اييون معاهم..

البنات يلسو بقسم العوايل عسب ياخذون راحتهم و الشباب يسلو بالكراسي اللي في المطعم مب بقسم العوايل.. و كل واحد طلب له اللي يبا من المطعم اما فجر و راكان طلبو من ماكدونالدز..