رواية تدري ايش اللي في حياتي عشقته وجودك اللي صار يسوى الخلايق ٢٠١٤ كاملة

[موكاتشينو]

بـــــارت التـــــاسع..

نـــرجع لـ هاك اليوم...
(( الكويت ))..

عند شـــوق اللي كانت تفكر بشي خلونا نشوف شو سوت.. نشت و سارت تسبحت بروايح الفواكهة اللي يحبها مـروان و بعد ما تحسبت مشطت شعرها شـرات لما كانت تسوي أيام المدرسة و نزلت قدلتها و شوي من خصلات شعرها و لبست مريول المدرسة و دورت ع جوتي المدرسة و لبست حتى الزلاغ كـ أنها بنت مدارس.. حطت قلوس خفيف و خطت كحل ازرق و لبست اكسسوارات اللي كانت تلبسها ايام المدرسة و حطت ملابسها اللي خذتهم بـ شنطة صغيرة و حطتهم بـ شنطة المدرسة و هي مبتسمة خلاص الحين بتبدأ صفحة يديدة مع مـروان و تحاول تغير من طبعــها..

بعد ما لبست شـرات بنات المدارس شافت السـاعة اللي كانت ع السـاعة 6 و ربع يعني ألحين أكيد مروان نش حق صـلاة الفير و ما شـافها.. و بعد شوي راح ينش حق دوامه اللي يبدأ الساعه 8..

لبست عباتها اللي ما تلبسها إلا للأعراس أو لما تطلع برا الكويت هع.. لأنها اكثر الاوقات ملابسها مناسبة للطلعات او للعزايم.. ركبت سيارتها و سـارت لـ شقتها اللي كانت قريبة من بيتهم و نزلت بسرعه قبل لا ينش مروان.. وصلت الشقة فتحت الباب و دخلت الصـالة شـافته راقد ع الكنبة و مبين انه كان متضايق من الحركة هي راحت المطبخ و جهزت ريوقه ع السريع و سارت حجرتها حطت قلوز لانه راح لانها من الخوف قامت تاكل شفايفها.. و تعطرت عطر خفيف و رتبت شعرها و طلعت لـ مروان اللي شكله راح ينش من نومه الكنبة.. ســـارت له و مسكت جتفه تبا توعيه.. بس مـــروان زاغ و نش خايف لانه يعرف ان الشقة فاضية منو اللي راح يمسك جتفه..
شــــوق مسكت أيده: بسم الله عليك حبيبي..
مـــروان ارتاح انها شــوق: اوووووووووف خوفتيني..
شــــوق حضنته: ســـوري ما كان قصدي بس كنت أبي أقومك للدوام..
مـــروان استغرب منها و بعدها عنه و تم يطالعها مستغرب من ملابسها و شكلها..
نزلت راسها: رووروو أنا آسفة والله توقعت غيرتي هاي راح تخليك قريب مني ما توقعت ابد انك تتنرفز..
مــروان: نـعم انتي منو شو تسوي بـ شقتي..
شــــوق ضحكت بـ دلع: رووروو الله يسامحك ما عرفتني..
أول شي هز راسه بـ هيه بعدين لا.. و اصلا يبين عليه انه ما شبع رقاد..
نشت شـــوق بـمريول المدرسة و لفت بـ مكانها حولين نفسها: شــرايك؟!
مـــروان فاتح عينه ع الآخر: شنو هذا شسويتي بنفسج؟!
شـــوق بوزت و يلست فـ ثبان ((حضن)) مـــروان مسكت ياقه بجامته: أفــــــا كل هذا و مب عاجبتك.. خـــلاص زعـــلت ((كانت تتكلم و هي تتدلع))..
مــــروان مسك خصرها: وين رايحه يا الدلوعه؟!
شـــوق بعدها ع دلعها: جهنم الحمرا <<تقلده.. و نشت من ثبان مـروان مسويه روحها زعلانه.. و ســارت المطبخ..
تعرف ان مروان راح يلحقها بعد شوي و مثل ما توقعت لحقها: انتي من وين يايه؟!
شـــوق تتمصخر: أنا شاردة من المدرسة ييت عندك..
مـــروان و علامات الاستفهام ع راسه: مدرســـــــــة؟!
شــــوق راحت للصالة و يابت شنطة المدرسة شالتها ع ظهرها: شـــوف.. صدقت شوفني شايلة شنطة و لابسه مريول و شوف بعد طلعت من مخباها ((جيب المريول)) شــــوف فــلوس المدرسة أبوي اليوم عطاني حق المقصف..
مــــروان يلس يضحك عليها: خخخخخخخخخخخخ أخخخ يا بطني من زمان ما ضحك جي.. خخخخخخخخخخخخخ.. انـــــــزين يا حلوة و انتيل يش شردتي من مدرستج؟!
شـــوق: عشان انا احب واحد و امس زعلته ييت عندك قلت يمكن انت تعرفه و تسوي لي واسطة.. عشان يرضى علي..
مــــروان فهم عليها ألحين: أهـــــــا جي الســـالفة.. انـــزين أنا ما أعرف حد يحب بنت في المدرسة.. و بعدين انا تأخرت على شغلي.. خليني آكل بسرعه و ما عليج امر يا حلوة روحي جهزي ملابسي و من اوصل من دوامي بساعدج لو قدرت و أيه روحي المدرسة قبل لا يحسون انج شردتي..
شـــــوق بوزت من كلامه و عقت شنطتها في المطبخ و طلعت تجهز ملابسه: أووووووووووووووووووووووووف..
مــــروان فيه ضحكه: لا تنافخين يا البطة..
شـــــوق من بعيد: أنا مب بطة يا الدب..
مـــروان يلس يضحك و ياكل بسرعه عسب يلحق ع دوامه و أول ما خلص غسل ايديه و سار عند شنطة شـــوق و فتحها شــاف فيها ملابسها اللي كانت ماخذتها امس و بعد وردة حمرا ههههههههه..
ضحك و رجع الشنطة مكانها يسوي روحه ما مهتم بموضوعها.. ســار الحجرة شــافها مبوزة و تشم عطره و عيونها مدمعه.. سوى لها طاف أونه ما شـافها و لبس ملابسه و وقف عدالها صوب التسريحة و أخذ العطر اللي كان بين ايديها: تبيني اتعطر من هالعطر.. شـــوق تقاوم الدموع: أيه عشان جي كنت اشم عطورك و اختار الاحلى..
ابتسم مــروان و تعطر: يالله أنا بروح تبيني اوصلج المدرسة على طريجي؟!
شـــوق: أوووووف لا تتغشمر وايد..
مـــروان ضحك و اخذ مفتاح الموتر و المحفظة اللي كانو ع التسريحة و طلع من الشقة.. شـــوق استغربت أول مرة ما يبوسها قبل لا يروح الدوام..

يلست تصيح من خاطرها و قالت انها تبا تتغير و راح تتغير مافي شي مستحيل.. نشت ترتب الشقة و هي قلبها يحرقها على حركة مـروان و بعد ما خلصت يلست تسمع اغنية حكاية ناي عسب تعيش جوها.. بس بعدين فكرت انها ما تستلم نشت و سارت حجرتها و شلت المفرش و حطت واحد يديد و رتبته بشكل جميل.. فكرت انها تسير تشتري اشياء تساعدها في ترتيب الشقة بكل رومانسي و نزلت تسير السوق عسب تمديها ترجع و تطبخ له الاكله اللي يحبها..

^ حريم ما اتيي الا بالعين الحمرا نيااااااااهاااااااهاااااااااا..


(( الشـــارجة ))..

ع الســــاعة 5 العــصر..
جـــاسم عزم ســـعود و أميرة اللي قــمر طلبت من جـاسم يقول حق سـعود انها معزومه بعد.. و لما وصلو قــمر استقبلت أميرة بـ أحلى حله كانت حاطه مكياج خفيف مع انها ما تحط المكياج الا بالمناسبات و لابسه فستان بسيط مناسب للعزايم و لابسه كعب اللي ما تعرف تمشي فيه بس اونه تبا تكشخ.. و طلبت من أميرة تعق عباتها لانه اخوانها ما يدخلون عليهم إلا راكان مرات و راكان صغير..

أميرة عقت عباتها و كانت لابسة مخور باللون الذهبي كان حلو عليها و كانت حاطة جحال داخل عينها بشكل تبرز عيونها و قلوز وردي فاتح و بلشر خفيف.. قــمر تسمي على جمالها البدوي.. عيون أميرة شرات البدويات و هالشي اللي عجب قــمر اللي مافيها ملامح أماراتية..

يلسو بـ ميلس الحريم و ام جـاسم دخلت عليهم و اعجبت بـ أميرة لانها كانت بنت مأدبة و عرفت انها تستحي وايد لانها ما كانت تتكلم وايد عكس قــمر اللي كانت تاخذ و تعطي معاها عسب تكسر خجل البنت و تخليها ترمس بكل اريحية..

أم جــاسم: ما شـاء الله أميرة أنتي كم عمرج؟!
أميرة بـ حيا: عمري 18 سنة و هالسنة راح اخلص من الثانوية..
قــمر: أنتي متأخرة سنة دراسيا؟!
أميرة: هــيه لاني من مواليد شهر 6..
أم جــاسم: هــيه صح شــرات راكان مأخرينه لانه من مواليد شهر 6.. تشرفت بمعرفتج بنتي و الله انج تدخلين القلب عكس بعض الناس..
قـــمر تشوف يمين و يسار: منو هاي يمه اللي تتحجين عنها << تتكلم باللهجة الكويتية..
أم جـــاسم: قمور يما اللي ع راسه بطحا.. كمليها يا حلوة..
أميرة ضحكت على أم جـاسم و قـمر هي صح عندها ام بس امها اكبر عنها و تيلس تتمصخر معاها.. و لا تيل سمعاها ترمس بس تتأمر لانها ما تعرف بنتها شو تبا و ما تعرف ان بنتها تحتاج ام تسمع لها.. ((الفرق بين ام و بنتها ما يساعد الام على فهم احتياجات بنتها و خاصة لو الفرق بينهم اكثر من 30 سنة أما لو الفرق اقل الام راح تفهم و تكون صديقة بنتها أكثر من أنها تكون ام))..

أميرة فـرحت معاهم و كسرت خجلها و كانت تسولف مع الكل و تضحك.. جــاسم نسى أنه عـازم أمــيرة مع ســعود دخل الميلس لانه سمع صوتهم: فديت هـ الضحكات.. أ........
لف بسرعه و طلع من الميلس لانه شـاف أميرة أم جــاسم: سامحينا يما و الله شكله كان ناسي.. سامحينا..
أميـــرة كانت حمرا من الحيا.. قـــمر: أميرة و الله أخوي شكله كان ناسي انج هني لانه ما تعود انج اتيين بيتنا..
أميرة بحيا: لا عـادي بس يعني.... خـــلاص انسي..
قـــمر مسكت ضحكتها لان أميرة كانت حمرا من المستحى.. قــمر: بس عــادة شوفي ويهج كيف غاطي شرات الطماط ههههههههههه..
أميرة ضربت قــمر بـ المخدة الكنبة: استكي و الله ودي حد يخليج تغدين شرات الطماط يا النحيسة..

جـــاسم كان مغطي ويهها: أماية و الله ما كان قصدي نسيت انها موجودة..
أم جـــاسم حطت ايدها ع جتفه: يا يمه البنت عرفت انك مب قاصد تدخل عليها بس نزل ايديك..
جـــاسم نزل ايديه و كان قافط الريال: يما لا تتطالعين ويهي تراني قافط من خاطري داخل عليكم أقول فديت هالضحكه..
أم جـــاسم ضحكت و ضربت جتفه: انـــــزين عـــادي بـــس أقـــول لك..
جـــاسم تبدلت ملامحه للجدية: هـلا يما آمري..
أم جـاسم: شـفتها؟!
جـــاسم: بالله عليج أمي داخل عليكم ما تبيني اشوفها..
أم جـاسم: أنــــــــــزين شـــو رايك أخطبها لك؟!
جـــاسم: هـــاه.... يمـــا أنا ييت أقول لج ان ابوي يطلب منج تعطيني الملف الازرق..
و ســـار الميلس عند ابوه و ســعود.. ((الملف بس حجة عسب يشرد عن امه))..


دخــــلت أم جـــاسم و يلست ترمس معاهم و طلبت يحطو العــشا عسب ما تأخر الضيوف.. ضيفوهم ع العشــا الرياييل لهم غرفة طعام داخل الميلس و الحريم نفس الشي فـ البنات خذو راحتهم في الاكل و بعد العــشا أبو و أم جـاسم استأذنو من الضيوف عسب يخلونهم ع راحتهم..

البـــنات قــمر فتحــــت الستيـــريو و فتحته و علت ع الصـــوت و طلبت من أميرة ترقص بس أميرة رفضت قالت: أنتي من صدقج؟!
قـــمر: هـــيه يالله نحن حشينا و ما عندنا شي نسويه غير الرقص هع..
أمــــيرة: نحن عندنا البنات عيب يرقصو الا بـ الاعراس و نادرا نرقص..
قـــمر سكرت الستيريو: من صدقج لا تـــقولين ان حتى روحها ما ترقص؟!
أميرة ضحكت: ههههههههه لا مب لـ هالدرجة.. عـــادي ترقص روحها بس ما ترقص يدام البنات إلا في الاعراس..
قـــمر مدت بوزها: شـــو تسوون يـــوم تتيمعون؟!
أميرة بـ زعل: ما نتيمع وايد يعني هالشي نادر..
قــــمر: لـــيش؟!
أميرة: ما عندنا اعمام غير واحد و كل واحد مشغول بـ دنيته.. و ثــانية نحن بس نيلس مع امهاتنا و خواتنا و الوقت يمشي و نحن ما نحس.. نحن البنات نوزع الحلى و القهوة و هـــيه تـرا لو سوينا عزايم الحريم صوب و الرياييل صوب..
قــــمر دست ويها بـ إيديها: الله يعيني أهئ أهئ..
أميرة ضحكت على قــــمر: ههههههههه و الله راح فرحي معانا.. و دامي معاج لا تحاتي بساعدج ههههههههه..
قـــمر: الله يخليج لي و يحفظج..

كـــملو ســـوالف..


عند الشــباب..
ســـعود و جــــاسم و جـــراح كانــو يلعبو كيرم.. و الفــايز الكل عــارف..
جـــاسم: هيــه تــعال ما قلت لي منـــو اللي فـــاز بينك و بين أخوك..
ســــعود: خـــلني ســـاكت..
جــــاسم: انزين يا الخقاق اعترف انه غلبك و اخذ منك عشرة ألاف درهم..
ســــعود: هيـــه صح غلبني ((و يركز في اللعب)).. جاسم يدقه عسب يكمل.. هــــاه هيــــه و اليوم بنتحدا بعض مرة ثــانية و هو مب عــارف أني ادربت ليل نهار ع البليارد و بخليه يزيد من 10 إلى 20 ألف هههههههههه..
جــــاسم: و الله انك مب ســـهل..!
ســـــعود يفــــوز للمرة الثـــانية: يــــــــــــــس.. تــــبوني اخلص عليكم للمرة الثالثة؟!
جــــاسم شــاف الســـاعة: شي وقت بعده خلنا نلعب بعد قــيم..
ســــعود: ليش السـاعة كم؟!
جــــاسم: الســـــــــاعة 9 و نص..
ســــــعود نش: أووووف تقول شي وقت مع راسك ليش انت ناسي ان اختي موجودة مـــعاي؟!
جــــاسم: أوف و الله نسيت ع العموم بوصلك لين البـــاب..
نش جـاسم مع سـعود لين البــاب و ودعه و شــاف أميرة اللي توها طلعت من عند أخته و شاف قـــمر و هي معاها توصلها للباب بس قـــمر ما كانت متغشية لانها قالت دامها بالبيت و ما بتطلع ما بتتغشى..
وصلو عند جــاسم.. جـــاسم: مع ســلامة اختي..!
أميرة بـ حيا: مع الســلامة.. و محد رام يسمعها لانها تكلمت بصوت واطي..
ســـعود شــاف قــمر: في نـــــاس طلبت منهم يتغشو بس ما أشوف يسمعو الكلام..
قـــمر تغشت: قالو لانهم في البيت ما لازم يتغشو لانه محد يشوفها..
ســــعود ضحك: الله يعـــيني عـــليهـــا..
أميــــــــرة: و الله انها تنحب و يا حظك لو كانت من نصيبك طبعــا..
ســــعود بــ صوت مسموع: أصــــلا هــــــم لــــــنا محـــــد بــياخذها غـــــيري..
قـــــــمر قفطت و شـــردت داخل الفيلا و جـــاسم مسوي روحه معصب: أقـــول يـــا الأخــــو ادل دربك و لا أنا أدليك؟!
أميرة كــــانت تضحك بس لما جـاسم جرب و نزل لمستواهم سكتت.. و جــــاسم اعجب فيها من لما كــــانو في المــــول لأنه توقع كل البنات ما يستحو و يكلمو شــباب..
ســـعود: أدلي دربي بس انت ليش ما تخليني اخذ راحتي مع زوجتي المستقبلية.. <<يتمصخر..
جــــاسم: متى ما خذيتها يـا الحـــب بتروم ترمسها و تاخذ راحتك معاها.. فـــــــاهـــــم..
ســــعود بلع ريجه: فــــــــــــاهم أوف منك..
جــــاسم: هــــــادم اللذات..
ســــعود و جـــاسم و أميرة ضحكو و بعدها ســـعود حرك الفتك و ســـار الفجيرة عسب يعق اخته في البيت و يسير بعدها يباري أخوه ســعيد و يكسر راســه..


(( الكـــويت ))..

ع الســــاعة 5 العــصر..

رجعــنا بـالوقت عسب نشوف شو سوت أم الدويس أقصد ((شـــوق)) مع روميو أقصد ((مــــروان))..


مـــروان دوامه ينتهي الســاعة 3 الظهر بس اليوم كـان عندهم زام لين السـاعة 6 يعني 3 ساعات أضافية.. << يشتغل بـ الشرطة..


شـــوق رتبت البيت و سوت الغـدا و كل شي جاهز من السـاعة 3 الظهر و هي ألحين تنتظر مـروان يدخل عليها شــافت الســاعة صـارت 5 العـصر نشــت ترجع الغـدا في المطبخ و هي رتبت المفرش و الورود اللي على الشبرية و الشـموع اللي كانت حاطتها في الحجرة و الصـالة و على طـاولة الطعـــام..


ع الــساعة 5 و نص اتصل عليها مـروان..
شــــوق: هـلا و عليكم الســـلام..
أنـــــا مب بـ بيت أهلي أنا بـ الشقة..
لا مافي شي بس الـيوم قلت برتب الشقة..
مــــنو قــــال لـــك أنــــي انتظـــرك؟!
ههههههههه أنــــزين أنت وينك الحين؟!
أوف كـان عندك زام...
خـــلاص تـــمام بس سؤال تغديت؟!
أيـــه سويت الغــدا و بسخنه لك ألحين..
الله يحــفظك مع الســـلامة..

نشـــت شــــوق تركض للـحمام ((الله يعزكم)).. سوت لـ مـــروان حــوض مــاي حـــار و حطت بـ الحوض زيوت عطرية عسب ترخي اعصابة و رتبت الشموع ع طرف الحوض.. و نثرت ورود حمرا فوق الماي..
ســـــــارت المطبخ تسخن الأكل حق مـــروان.. و بعدها ركضت للـحجرة رتبت شكلها و زادت من المكياج شويات و عطرت نفسها..

ع الســـاعة 6 المغرب..
دخـــل مــــروان الشـــقة هـــلكـــــــان.. يبــــا يرتاح و حد يسوي له مساج..
شـــاف شـــوق بـ مريول المدرسة و مبوزة هع..
مــــروان: لا حــــــــــــــــــــول أبا ارتاح..
شـــوق مسكت ايده: تــــعال.. ((نزلت شنطتها)) و مشت معاه للحمـــام {الله يعزكم}.. شـــاف شـــموع مضيئة و المكان روعه.. شـــاف شـــوق اللي كانت عداله و ماسكه ايده و تبتسم له: حــــمام الهنى.. ((طلعت عسب تكمل تضيء الشموع الباقية))..


مـــروان أخذ له حمام حـــار و ارتاحت اعصابة بعد هاليومين اللي كان فيها كله عصبي و يفكر كيف يغير في أطباع شــوق اللي باين انها بروحها تغيرت.. و بدت تحاول ما تغار عليه وايد..

شـــوق بعـــد ما ولعت كل الشموع راحت للمطبخ و حطت الغـــدا بـ حرارة و ســـارت للـحجرة و اطلع ملابس مناسب حق مــروان اللي لحد الحين كان يـتسبح بـ ماي الحـــار.. ســمعت فتحه البــاب عرفت انه خلص فـ طلعت بـدون ما اطالعه..


بـ المختصر (( الـــــــلــــــــيــــــــــــــلة صـــبـــــاحيــــــــــــــة))..
نـــخليــــــهم..!!



(( الشــــارجة ))..

قـــمر ردت على أبوها انها موافقة لأنها استخارت أكثر عن مرة و هي مرتاحه و فكرت انها بتروم توفق بين دراستها و حياتها الزوجية و طبعا كانت بادية السنة الأخيرة من أسابيع..

أبـــو جـــاسم قــال لها انه راح يخبرهم بعد يومين و هي ارتاحت بس بنفس الوقت تحس انه حمل كبير ع ظهرها و يدامها متاعب و مشاكل الين ترتاح بـ الاخير..

((الفــجيرة))..

ســـعود و ســـعيد في المقهى و يلعبون بـليارد اللي كـان ســعيد غـالب سـعود بـ ثلاث كور و باقي له كورة و الكورة السودة و يفوز بـ 20 ألف درهم..
ســـعيد و هو يفكر كيف يلعب بـ كورته: هـــاه يا ســـعود بعدك تبا تـباريني؟!
ســــعود اللي كان عـارف ان اخوه ما راح يدخل الكورة بسبب مكانها المحرج: هــــيه و إلا أفوز عليك..
ســـعيد لـعب بس مثل توقعات سـعود ما راح تدخل كورته: يالله بـنشوف كيف بتفوز علي..
ســــعود ابتسم بـ ثقة: بنــــشوف.. ((لعب إلين خلص كل كوره باقي له بس الكورة السودة))..
ســــعيد بلع ريجة.. و منتظر أخوه يمكن يفوز عليه هالمرة.. بس ســـعود ضرب الكورة و خلاها بمنطقة محرجة لأنه يعرف انه الفايز و راح يخلي اخوه يلعب و يتوقع ان ســـعود لعب كل كوره بـ ضربة حظ..

ســــعيد ارتاح ان اخوه ما دخل الســـودة و قــال راح يــضرب الكــورة الســـودة بـ كل قـــوته عسب أخوه ما يدخلها و حاول بس شــاف انه لو ضربها بتدخل فـ خلاها و ضرب كورته اللي ما دخلت و ســارت بعيد عن الهدف..
ســــعود كان دورة يلعب و بـ ضربه خفيفة بيروم يفوز ع ســعيد بــس ســـعيد تم يزاعق و يقول ان لعب ســعود غش و ســـار له و ضربه و ســـعود لما يعصب محد يروم أيوده فـ ضربو بعض و دخلو من بينها الشــباب و الكل حاول يهدي الوضع إلين ســـعيد اخذ اغراضه و طلع برا المقهى.. أما ســعود لما هدا طلع برا المقهى يدوخ من المدواخ ((أفضل صديق له)).. شـــافه ولد عمه و تم يدوخو مع بعض و هم يدوخو ولد عمه قاله يبا يباريه بس ع 25 ألف درهم و ســـعود وافق و دخلو المقهى و تمو يلعبو و فــاز ســـعود على ولد عمه اللي كان حريف بـ البليارد و حصل 25 ألف بـدال 20 ألف هع..

[موكاتشينو]

بــــارت العـــــاشــــــــــر..

((الفجيرة))..
أم جـــاسم اتصلت على أم محمد و خبرتها أن قــمر وافقت ع الزواج و حددو يوم عسب يزورونهم و تكون الخطبة رسمية..
ســـعود كان بـ الدوام و طبعا دوامه ممنوع الفونات عسب يشتغلو و ما ينشـغلو..
بعد ما خلص من دوامه رد للفجيرة باجر اجازة و هو اليوم اللي راح يسيرون لـ الشـارجة عسب تكون الخطبة رسمية.. ما كان يعرف ســـعود اول ما وصل البيت سـار تسبح و بعدها رقد لانه ما اخذ قسط كافي أمس و خواته كانو بـ البيت و محترينه يرجع من الدوام و يفاجأونه بـ الخبر السـار.. بس هو اللي فاجأهم بـ انه راقد هع اخته ام ذياب قالت حق ذياب عسب يسير عند خاله و يوعيه و هو كان عدال اخوه حـارب اللي كمل 9 شهور..

ذيـــاب ســـار حجرة خاله ســعود و ســار عنده فوق ع الشبرية و تم يطالع في خاله اللي كان مبين انه تعبان ذياب هز راس خاله و قال: خـالي ثعـــود.. خـالي ثــعود نث ((خالي سـعود نش))..
ســــعود راقد ((لا حياة لمن تنادي يا ذياب))..
ذياب نقز ع خاله اللي إلين الحين راقد و تم يتع شعره ((يمط شعر سـعود)): ثـــــعـــــــــــود نــــــث.. نــــــــث يالله.. ثـــــعـــــــود..
بس ســــعود ما فتح عينه او تحرك و هالشي طبيعي لما سـعود يكون تعبان و ما رقد عدل في الليل.. أمـــيرة لما شــافت ان ســـعود ما تحرك عرفت انه ما رقد عدل امس فـ سـارت شـالت ذيـــاب و طلعت بعد ما غطت أخوها..

خـــلوه يرقد لأنه كان تعبان.. بس تأخر في النشة و امه لما توعيه ما ينش معاها أميرة سـارت له و مسكت يبهته و شـافته حـار صرخت ع أختها الـيازية عسب تييب جهاز الحرارة و يشوفون كم حرارته.. و شـافوه و كان 39o يلست أميرة تسوي له كمادات و أمها سارت تسوي له شـوربة و كانو يوعونه بـ صعوبه عسب يشرب الشـوربة و بعدها عطـوه خافض حرارة و خلوه يرقد..

أم محمد اتصلت ع أم جـاسم و خبرتها انهم بيأجلون إلين سـعود ينش من مرضة اللي ياته فجأة.. و ام جـاسم تفهمت الوضع و خبرت قـمر انهم ما راح اييون باجر كانت زعلانه و فرحانه في نفس الوقت..
قـــمر: ليش ما بييون مب هم اللي اختارو هاليوم؟!
ام جـاسم: المعرس مرض عليهم..
قـــمر قلبها دق بسرعة: بسم الله عليه.. أجر و عـافية ان شاء الله خـلاص تمام ان شاء الله خيره لنا..
ام جـاسم بابتسامة: ان شاء الله.. فديتج روحي قولي لأبوج بعد لانه ما عنده خبر..
قـــمر و هي مستحية: اوكيك..
و ســارت خبرت أبوها و أبوها تفهم الوضع و قال انه بيتصل عسب يطمن ع ســعود.. و قـــمر ســارت الحجرة فتحت فونها شـافت أميرة كاتبه لها ع البيبي ام..
أميرة: كله منج p=..
قـــمر: والله ما سويت شي.. كله بـ ايدين ربنا.. و بعدين يا السخيفة انتي تعرفين اني خايفة من باجر و عيني باردة..
أميرة :هههههههههههه أدري و الله أدري فديتج انا.. ترا اخوي لما كان مسخن يناديج..
قـــمر استحت: جــــذابة ما اصدقج..
أميرة: حسيت و الله انج ما بتصدقيني فـ سجلت لج صوته.. استلمي..
قـــمر استلمت الملاحظة الصوتية و سمعت صـوت ســعود و هو يناديها و يقول اشيـاء مب مفهومه.. قلبها دق بسرعه أكبر هي تحبه و تخاف عليه.. بس ما تبا تبين لحد هالشي حتى حق سـعود..
قـــمر ما تكلمت تمت فترة سـاكتة و أميرة تتكلم بس قــمر ما ردت عليها فـ تحسبتها انشغلت بس اللي قــمر كانت تعيد في الملاحظة و تسمع صوت سـعوج التعبان و هو يناديها فـ تمت تصيح على انه تعبان و يناديها و هي مب عداله تعتني فيه..

بعد ما سكتت ردت على أميرة اللي كانت عند سـعود لان امها ما تروم تسهر فـ طلبت من امها انها هي اللي راح تسهر عند اخوها و صورت شكل سـعود التعبان و حطته ع دي بي.. و هني قــمر ما رامت تتحمل و تمت تصيح من كل خـاطرها و ما رامت ترقد إلا بعد ما كتبت أميرة ان اخوها بخير و نش و الحين ياكل ريوق لانه كانت الساعة 7 الصبح يعني قـمر ما تعشت و لا رقدت بس عسب تطمن على سـعود..


أم جـاسم عرفت ان بنتها كانت سهرانه من طريقة نومتها.. خلتها راقدة دام اليوم أوف عندها بـ العادة هي تودي أخوانها للمدرسة.. فـ خلتها راقدة و أم جاسم هي خذت عيالها للمدرسة بعد ما جهزو نفسهم..

((الفــجــــيرة))..

ســــعود كان يتريق مع أخته أميرة و امه اللي كانو خايفين عليه البارحة..
ســــعود: يعلني ما خلا منكن و الله لولا الله ثم انتن جان انا تعبت اكثر و يمكن مت..
أميرة و امها ضربو سـعود.. أميرة: بسم الله عليك يا الخايس لا تقول اكذا..
أمه: يعل يومي قبل يومكم..
أميرة و ســـعود على طول: بسم الله عليج أماه لا تقولين جي..
أم محمد: ســـعود انا حددت موعد مع أم جاسم.. و كان اليوم بس دامك ميهود ما بنسير لهم..
ســـعود كان ياكل خبز و بيض غص بـ الاكل: كح كح كح شـــو ليش ما بنسير كح منو قـال لج اني ميهود أصلا..
أميرة و امها يلسو يضحكون على سـعود اللي مبين عليه تفاجأ و يبا الموضوع بـ أقرب وقت..
أم محمد: ويدي البارحة منو اللي كان طايح ما يروم يمسك طوله..
ســـعود بترجي: أماااه الله يخليج قولي لهم بنييهم اليوم..

أم محمد: يابوي انته ميهود بعدك شوف شكلك كيف غادي خله بعد شـهر <<تلعب بـ اعصابه..
ســــعود فتح عينه ع الاخير: أماه الله يهديج شو شهر ما شهر.. اليــــوم دخيلج اليوم..
أم محمد: ان شاء الله بتصل الحين عليهم و اقول لهم ان موعدنا مثل ما هو.. بس انت الحين اكل و ارتاح..
ســـعود اللي شبع: اكرمج الله امايه شبعت..
ام محمد: ســـعود..
ســــعود لف لها: نــــــعــــــــــــــم..
ام محمد نشت: بيي معاك للحجرة ابا اقول لك شي..
أميرة اطالعهم: انزين قولي من اول عسب انش و اسير عنكم..
أم محمد: خلج اكلي اكلج انا اباه بحجرته..
أميرة يلست تكمل اكلها: الله معاكم..
ســـارو الحجرة و من وصلو..
ســــعود: هـلا أماه في شي؟!
أم محمد سارت لين كندورة سـعود و طلعت من مخباه مدواخ: هـــا شــــو؟!
ســــعود ســـار صوبها و اخذه منها: يمة انتي تعرفين هـا شــو.. و تعرفين اني ما اروم اهده..
أم محمد: و تتوقع قـــمر بـ ترضى تشوفك تتعب بسبب هالمدواخ..
ســــعود يطالعها: أماه انا اكذا من قبل ما اخطبها يعني ما بتغير لو تباني اكذا او لا..
أم محمد: انت ليش عنيد و راسك يابس؟!
ســـعود: السموحه اماه بس و الله ما اروم اهده اتعب اكثر صرت مدمن هالمدواخ..
أم محمد هزت راسها بالنفي: الله يهديك ان شاء الله..
و طلعت برا الحجرة أما سـعود العنيد دام امه فتحت موضوع المدواخ فـ هو بيعاند و بيدوخ أكثر و اكثر.. من طلعت ام محمد من الحجرة هو اخذ المدواخ و سـار الفتك و داخ هناك مع انه يعرف لو داخ بيتعب اكثر بس ما همه المهم انه يعاند امه..


(( الشـــارجة ))..

أم جــاسم: حصـــل خــير غلاي.. مع الســلامة..
أبو جــاسم و العيال كلهم كانو يالسين مع أم جاسم و عرفو انها كانت تكلم أم محمد..
أبو جـاسم: هـــاه يا عالية طمنينا شو قـالت أم محمد سـعود فيه شي؟!
أم جـاسم تبتسم لـ قمر: لا الحمدلله ما فيه بـــــــس..
أبو جـاسم يطالع في قـمر: بـــــــس شــــــــو؟! إنتي مسويه شي قمور؟!
قـــمر هزت راسها بـ لا: لا يابوي و الله ما سويت شي..
أم جـــاسم بعدها مبتسمه: بنت اليوم بيونها يخطبونها رسمي..
بعد هالجملة تعالو دورو قــمر وينها تمنت الارض تنشق و تبلعها من الاحراج نشت بسرعه و ركض ع حجرتها.. و الكـــل ضحك عليها..


** نفس المكان **
الســــاعة خمس و ربع العصر و صلو اهل ســـعود (( أمهاته – خواته من امه و اخوانه ))..
كانت قــمر في حجرتها ترجف من الزيغة و تحس ما تروم تتنفس اليوم امهاته بيشوفونها لأول مرة.. و البنت ما تعرف ان سـعود قال لهم يبا العرس و الملجة بـأقرب وقت و لو يكونو بنفس اليوم وايد احسن..
(( أهل سـعود ما عندهم ان الريال يطلع مع حرمته ايام الملجة يعني لو يبون يطلعون يطلع معاهم اخوها )).. عسب جي سـعود طلب الملجة و العرس بنفس اليوم.. ما يعرف ان اهل قـمر عادي عندهم البنت تطلع مع خطيبها هع..

قـــمر كـــانت لابسه جي..



و لبست تحتها لقنز كركمي شرات لون الحزام.. و لبست كعب ((عزكم الله)) و اكسسوارات هادية شرات لون الفستان.. طلعت لها أمــيرة اللي كانت لابسة جلابية مغربية و طالعة حـلوة..

أميرة كانت جي لابسة..




و طبعا أميرة كانت ماخذه راحتها عسب أم جـاسم اكدت لها أن الشباب ما راح يطلعو من الميلس و كانت فاله شعرها ((فاتحه شعرها)) و حاطة ميك اب خفيف مناسب لـ عمرها و شـكلها الرقيق..

و بعد دقايق دخلت عليهم ام جاسم اللي قالت لـ قـمر انها تنزل و نزلت للضيوف اللي عندها و بعدها بـ خمس دقايق نزلت قـمر و معاها أميرة اللي ما خلتها بطلب من قــمر طبعا..


أم محمد و الباقي هاي أول مرة لهم يشوفون فيها قــمــر.. و كانت ام محمد تكلمها بكل رقة شرات لما تكلم بناتها و هالشي حبب قمر فيها و يلست عدالها بطلب من ام محمد لها.. و تمو يرمسو عن كل الاشياء اللازمه في هالمناسبات..

أميرة كانت يالسة حذال قــمر: هـــاه يا قـمور كبرنا و خطبونا المعاريس هع..
قـــمر و هي مستحية: اسكتي عني و الله ارجف من خاطري..
أميرة: و الله انج قــمر اسم ع مسمى يختي عطيني شوي من هالجمال..
قـــمر: بس بشــرط آخذ منج الملامح البدوية..
اميرة تسبل بـ عيونها: أحم هالشي مميزني من بين خواتي.. يختي كل وحدة لها جمالها..
قـــمر ضحكت: هههههههه صدقتي و الله..

الشـــباب اتفقو على كل شي.. و ابو سيف قال لهم انه ســعود يبا العرس و حفلة الملجة بنفس اليوم.. أبو جاسم احتار و قال يبا ياخذ راي البنت مع انه ما كان راضي بس قال يمكن قمر بعد ما تبا..

ابو جاسم استأذن منهم عسب يعرف رد بنته و في هالوقت ابو سيف كلم الشيخ عسب يعرف هو وينه لانه اتاخر عليهم يبون يكتبون كتاب سـعود على قـمر.. أبو جاسم رمس بنته و عرف انها رافضه هالشي و تبا عرس بقاعه شرات كل البنات..

ابو جاسم رد على ابو سيف و سعود بـ الخصوص ان قمر تبا عرس و قالت عادي لو كان صغير بس المهم تسوي عرس.. و ســعود تضايق بس سكت لان من حق قمر تسوي عرس..

وصــل الشيـــخ و كتب كتابهم ((سعود و قـمر)) و الاثنين وقعو بدون ضغوط من احد و كانت قـــمر ترتجف من خاطرها و تحس الحمل ثجل عليها الحين اكثر من اول توقعت من توقع راح تحس براحه بس ما حصلت الراحه لانها راح تكون مسؤولة ع ريال و بيت و عيال بـ المستقبل..

ألحين قــمر حرمة ســعود ع سنة الله و رسوله.. يا حلوين الحين راح تتعرفون ع سـعود ثـــــاني..

بعد العــشا و قبل ما يرجعون اهل الفجيرة لـ بيوتهم ســعود طلب من أبو جاسم انه ييلس مع قــمر و الاخ توقع انه راح ييلس معاها عند الحريم لأنه يسمع اخوانه يقولون له لما كانو يخطبون انهم كانو ييلسون مع حريمهم عدال امها و امهم..
فـ الريال كان متهيأ انه ييلس مع امهاته و امها و هي بس المهم يشوفها و يلمسها و يحسها جريبة منه هذا يكفيه..

ابو جاسم طلب من ام جاسم انها تاخذ قـمر لـ ميلس الحريم المفتوحه على الصالة و اخذتها هناك و قالت لها ان ريلها يبا ييلس معاها.. فـ قمر تمت ترجف شرات لما تكون مسخنه شــافت ابوها و ســـعود داخلين الصالة.. ماتت من الزيغة بس تماسكت بس بعد كان مبين عليها الرجفه و الكل يروم يشوف جسمها اللي يهتز هع..

ســـعود شــافها في الصالة روحها و شاف انها ترجف عرف انها خايفة من هالشي بس ابتسم و مشى لين عندها بس اللي تفاجأ منه ان ابو جاسم خلاهم لـ حالهم و هو التفت يمين يسار ما شاف امهاته او امها.. استغرب وين العالم اللي لازم يكونون يالسن معانا.. بس ما اهتم..
ســــعود: الحمدلله توقعت اشوف كل الحريم حذالج..
قـــمر: .....................
ســــعود: السلام عليج.. شــحالج؟!
قـــمر بـ الموت: الحـــ ـــــمـ ـــــد لله..
ســـعود: انا بخير الحمدلله دام اني يالس مع اللي سلبت قلبي و عقلي..
قـــمر استحت و نزلت راسها اكثر من ما هو منزل..
ســــعود مسك ذقنها و رفع راسها: كل هالحلا و الزين و بالاخير باخله علي أشوفه..
قـــمر نزلت نظرها للارض عسب ما اطيح عينها بـ عينه..
ســــعود: ليش ما تبين تحطين عينج بـ عيني؟! يعني كل ها مستحى..
قــــمر ما زالت منزله نظرها و ما تبا تحط عينها بـ عينه..
ســـــعود يلتفت يمين و يسار شـــاف مافي حد يعني المـــكان بس هو و هي فيه.. قرب منها و هي حست بـ نصخه من الزيغة دزته ع ورا و هو طاح ع الكنبة..
قـــمر حطت ايديها ع حلجها لانها ما توقعت تسوي هالحركة بس هي من الزيغة سوتها فـ: آســــــفة و الله مـــا كــــان قصدي..
و ســـعود مسوي روحه متألم: أأأأأأأأأأأأأخ..
قــــمر خافت عليه: بسم الله عليك شو صار لك؟! قـــربت منه و مسكت ايده و هي تتطالع في عيونه اللي تبان منه الالم << كله تمثيل طبعــا..
قـــمر: ســـعود وين يعورك؟!
ســـعود اشـــر ع قلبه: انا اصلا فيني مرض القلب و انتي جي ادزين الله يسامحج أأأأأأأأأأخ..
قــــمر كانت تبا تصيح: ســـعود انا آســــفة..
ســــعود و هو حاط ايده ع قلبه: لا تتأسفـــين ما احب حد يتأسف..
قــــمر نزلت دموعها مسكت صوب قلبه و تمت تقرا قرآن و هي مسكرة عيونها..
ســــعود من حس انها حطت ايدها ع قلبه شـافها مسكره عيونها و تقرا عليه القـران.. مســـكت ايدها و باسها و قـال: سبحانه فيه ســحر عجيب..
قـــمر ابتسمت بـ حيا: ألحين انت احسن.. << على نياتها البنت هاي..
ســــعود: أحسن و مب أحسن..
قـــمر: ليش من احسن؟!
ســـــعود اشر ع خده و قــال: بوسي بطيب اكثر عن اول..
قـــمر ضربته ع خفيف: صدق عـيار..
ســــعود سحبها و بـــاس خدها: ألحين انا أحسن عن اول بـ وايد..
قـــمر نشت من عنده: انت ما ينفع معاك الا اني ابتعد عسب تعرف ان في حواجز..
ســـعود مسك ايدها: يا بنت الحلال خليني اشبع منج اخاف باجر لما بيي اشوفج اهلج ما يخلوني او ايلسون جــاسم بينا..
قـــمر مستغربة: و لــيش ان شــاء الله ايلسون جــاسم بينا؟!
ســــعود: لأني ما عرست عليج بعدني..
قـــمر: هــــــاه.. انت شو تقول؟!
ســــعود: انتي بلاج جي طمه ما تفهمين..
قـــمر: انت اللي تقول كلام ما يدخل الراس..
ســـعود: انا روحي مستغرب ما شفت حد يالس معانا.. و انا اللي اعرفه من اخواني الحريم ييلسون معاي و معاج ما يخلونا روحنا..
قـــمر: و لـــيش ان شــاء الله؟! مب انت كتبت كتابك علي؟!
ســـعود: هــــيه!!
قــــمر: يـــابوي عيل محد بييلس معانا و يحق لك تشوفني اكثر عن مرة..
ســــعود: ريحتيني الله يريحج.. بس ســـؤال ممكن..
قــــمر بابتسامة حلوة: ممكن.. تفضل..
ســــــعود: لـــو ابا اطلع معاج بــاجر او اللي عقبه أروم؟!
قــــمر هزت راسهــا بـ هيه: تــــــــروم..
ســـــعود ماسك ايدها: اقصـــد أنا و انتي بس..
قــــمر مستغربة: هـــــيه اقول لك تـــروم..
ســــعود متفـــاجأ: بــــدون أخوج يعني انا اخذج و اردج عــــــــــادي؟!
قـــــــــــمر ما زالت تهز راســـها بـ هــــيه: عـــــــــــــادييي..
ســــــعود من الحماس بـــاسها بــ فمها: و الله اموت فيج يا الطفسة..
قــــمر من الحيا نشت و ســـارت حجرتها و هو مـــا تهنى بـ اللحظات..

بــعد خمس دقايق نزلت توقعت ان ســعود دخل عن الرياييل بس تفاجأت فيه يالس في الميلس اللي في الصالة و معاه أبو جـاسم..

أبو جــاسم: ما تستحي ع ويهج مخليه ريلج و طالعه فوق..
قـــمر مستحية من ابوها: كنت ناسية شي و سرت اييبه ما توقعت اني اتأخر جي..
بو جــاسم: ايلسي معاه.. عندكم بس خمس دقايق.. قــمر ضحكت ع خفيف لان ســعود كان فاتح عينه عباله بـو جاسم من صدقه..
بــو جــاسم انتبه ع ويه ســعود و ضحك عليه: خخخخخخخ شو شكلك ياخي والله تضحك خخخخخخ كل هذا لاني قلت لكم بس خمس دقايق..
ســـعود بلع ريجه: ما عرفنا لكم الحين من صدقك بس خمس دقايق ايلس مع البنت؟!
بــو جـــاسم: يا ولدي خذ راحتك لو تبا تطلعون خذها و طلعو و متى ما تبا ترجعها رجعها..
ســــعود كأنه معطينا كنز و مب مصدق فــاتح حلجه و عيونه بعد: صــــــدق..
بــــو جــــاسم: بنتي قــمور روحي لبسي عباتج و طلعي مع هاللي مب مصدق..
قــــمر نزلت راسها و طلعت لـ حجرتها و ســـعود بعده مستغرب شــاف الســاعة اللي كانت 11 في الليل.. و أهله بعد شوي راح يرجعون الفجيرة.. و أكيد امه ما بتوافق انه يطلع معاها..

نزلت قــمر و هي لابسه عباتها و تبتسم لـ سعود اللي لحد الحين واقف مكانه و مب مصدق كلام أبوها ضحكت بـ صوت شوي مسموع..
ســعود نش من سـرحانه: انتو من صدقكم عـــادي و لا انا اللي اتخيل هالشي؟!
قــــمر: مثل ما تشوف.. و اكيد سمعت ابوي و على ما اعتقد ابوي ما يتمصخر في هالمواضيع..
ســــعود مسك ايد قــمر: عيل خليني اخذج مكان قبل ما يطلعون اهلي يسيرون للفجيرة..
قـــمر: و يعني خلهم يرجعون و انت بعدين ارجع روحك..
ســــعود قــافط: يا بنت لازم اقول لج ان امي ما بترضى نطلع.. ترا عاداتنا غير عنكم و اكيد هالشي انا ما كنت اعرفه و انتي تشوفين شكلي كيف غادي من المفاجأة..
قـــمر ضحكت و طرشت مسج لأمها تخبرها انها طلعت مع ســعود.. عسب لو تأخرو ما تخاف عليها..


بــو سيـــف استأذن من بو جـــاسم عسب يسيرون الفجيرة و طلب من جـاسم يسير يزقر ســعود.. طلع جـاسم في نفس الوقت اللي أميرة طلعت عسب تسير تاخذ عباتها من حجرة قــمر.. و شــافو بعض جــاسم من شـــافها نزل راسه و رجع للميلس و هي لما تاكدت انه رجع ركضت لـ فوق..

جـــاسم اتصل على ســـعود و هو قريب من باب الميلس و بعد ما تاكد ان أميرة مب موجودة ســار صـــوب المطبخ و رد عليه ســعود..
جـــاسم: انت وينك مختفي لا يكون انت و هي بـ الحديقة؟!
ســـعود: ههههههه يا الحب انت ما دريت اني انا و هي طالعين؟!
جـــاسم: قول احلف!! و ابوك شكله مب عارف يقول ازقره عسب ترجعون البيت..
ســـعود: خلاص انا بتصل عليه و بدبر روحي.. اجلب ويهك..
جــاسم: بعد ما اخذت اختي تقول لي اجلب ويهي اوك يا الخسف..
ســـعود: احلى عنك يا الوسيم.. يالله خلني اتصل ع ابوي قبل لا يعصب..
جـــاسم: تلاحق ع عمرك.. بالســلامة و هالله هالله فـ اختي و لا تسرع ادري بك انا..
ســـعود: الله معاك..
بعد ما سكر.. اتصل على ابوه و خبره انه طالع مع قــمر بعد ما اخذ الاذن من اهلها و هي الحين معاه و قال بعد دقايق بيرجعون البيت و هو بيرجع الفجيرة و طلب من ابوه يرجعون روحهم و هو يلحقهم بعدين.. و ابو سيف ماسك اعصابه لان ما عندهم الريال يطلع روحه مع خطيبته و قال انه بيهزبه بعدين لما يرجع..

رجـــعو عايلة بو سيــف بعد ما سلمو ع اهل قــمر و بعد ما تعرفو عليهم و عرفو انهم احسن ناس و استانسو على هالقرب و اهل قمر استانسو ع هل النسب..

ســـعود ما طول مع قـــمر رجعها بيتهم ع السـاعة 12 إلا ربع لأنه ما يبا الناس تتكلم عنها و هي اللي ما سوت شي غلط بس كلام الناس ما ترحم..

رجع الفجيرة ع السـاعة 2 تقريبا و شــاف الكل راقد و هو راح حجرته و اتصل على قــمر اللي اخذ رقمها و بن كودها عسب يتواصل معاها..

ع الســـاعة 4 قــمر و ســـعود رقدو و كانت احلى ليلة بـ النسبة لهم لأنهم رقدو ع اصوات بعض و سـعود عبر لها عن حبه لها و هي شوي نست الخجل و تكلمت معاه بـ كل صدق و كانت صريحة معاه و هالشي اللي خلا سـعود مرتاح لها وايد..

[موكاتشينو]

بـــــــــــــارت الــ11..

((الشــارجة))..

قـــمر نشت ع السـاعه 9 الصبح <<متعودة ع الكلية و نشت الصبح..
قـــمر: أووووووووف تعبانة بس ليش انا جي اشبع بسرعه مع اني راقدة متاخر اهئ اهئ..
ام جاسم دخلت عليها: ما شاء الله نشيتي مع انج امس راقدة متاخر!!
قـــمر تفرك عيونها: و الله جسمي متعود ينش 9 حتى لو رقدت 5 الفير لو صارت الساعة 9 تنش لا اراديا..
ام جـاسم: عسى دوم يالله نشي عسب نتريق معاج..
قـــمر: ان شاء الله.. و نشت غسلت ويهها و فرشت اسنانها.. نزلت غرفة الطعام و شافت ابوها و اخوها راكان و اختها فـجر اما جاسم و جـارح فـ أكيد راقدين هاذيل لو ما رقدوا 24 ساعه ما يشبعوا..
قـــمر: صـــباح الورد..
الكل: صـــباح الفــل و اليــاسمين..
ابتسمت قـــمر و يلست عدال اختها فجـر و اكلت ريوقها و كانو يتكلموا عن اهل ســعود و عن ســعود نفسه.. و قـــمر بس تسمعهم و قلبها مع ســعود الراقد..

ســـعود كان واعي و ما كلم قــمر مثل ما اتفق معاها لانه كان متوقع انها هي راقدة.. نش و سـار يتريق مع اهله.. أبوه اليوم مع زوجته الثـانية يتريق و تقريبا طول اليوم معاها.. و بــاجر بيكون بالبيت لما هو بيروح الدوام..
بـــعد الريوق دخل بــو سيف و الكل سلم عليه.. اول ما شـاف ســعود سكت ما تكلم و طلب من ام محمد انها تزقر ســعود و تقول له انه يباه في الحجرة..

و ام محمد سوت اللي قال عليه بـو سيف و سـعود دخل حجره ابوه: هــلا يا الغـالي طلبتني؟!
بــو سيـــف: هــيه ايلس خلني اتفاهم معاك..
ســـعود يلس: أمرني ابوي..
بـــو ســـيف: من متى و نحن عندنا رياييل يطلعون مع الحريم في فترة الملجة؟!
ســـعود نزل راسه كان متوقع هالشي: ابوي بس هم عندهم عـادي هالشي و لازم بعد عسب البنت تفهم الريال و العكس..
بــو سيـــف: عندكم التلفون ارضعو منه لين تقولو بس.. أما الطلعات و اليلسات رواحكم ماشي فــــــــــاهـــــــــــم..
ســــعود بـ عدم اقتناع: فـــاهم.. تــامر على شــي ثــاني؟!
بـــو ســـعود: هــيه لو تبا تطلع معاها مرة ثــانية خذ اختك معاك لا تسير روحك.. إذا هم عندهم عــادي نحن عندنا عــيب..
ســــعود تضــايق: ان شــاء الله اللي تامر فيه..
نش ســـعود عسب يطلع بس..
بـــو ســيف: اصبر.. لـــو سمعت انك سرت عندهم و يلست روحك معاها او طلعتو ما تلوم الا نفسك فـــاهم..
ســـــعود غمض عينه: فــــــــاهم..
طلع برا الحجرة و هو متضايق.. و اول ما طلع شــاف اخوه ســعيد و اللي وصل ابوه لـبيتهم و اكيد عـارف ان ابوه كان يباه عسب يهزبه.. ســعيد اول ما شــاف ســـعود يلس يضحك بـ صوت مسموع: ههههههههه عشنا و شفنا صدق ما تستحي ع ويهك ههههههههه..
ســــعود فول ع الاخر و شــاف امه ماسكه ايده: دخيلك ما نبا مشاكل معاه..
ســـعود بــاس راس امه: ان شـــاء الله.. و طلع برا البيت و ســار الشــارجة و اتصل على قـــمر و طلب منها تلبس عسب يطلع معاها و اتصل على بو جـاسم يستأذن منه.. و اول ما وصل سلم ع الجميع و انتظر قـمر تخلص..

طلع ســعود مع قـــمر و اخذها للبحر.. و راح يشتري لها و له عــصير..
قـــمر و هي اطالعه: ســـعود بــلاك فيك شي؟!
ســـعود ابتسم: لا مـــاشي..
و تمو يرمسو عن مواضيع و اولهم متى الملجة و متى العرس و ســـعود طلب من قــمر تجدم العرس و الملجة.. و هي ما عرفت ليش هو مستعيل..
قــمر: انت ليش مستعيل أنا قلت لك تروم تيلس معاي و تطلع بعد.. خلنا جي خمس شهود عقبها بنعرس هالوقت بتكون فاهمني و انا فاهمتك..
ســـعود: أوووووف أنا اقول لج نرد البيت احسن لان الطلعة معاج تسد النفس..
قـــمر انصدمت بكلامة فــ تمت ســاكتة و ركبت معاه السيــارة و قبل لا تنزل.. ســـعود مسك ايدها و بــاسها: حبيبتي لا تتضايقي.. و الله اللي فيني مكفيني..
قـــمر لفت له: قـــول اللي بـ خاطرك صدقني بترتاح..
ســـعود يهز راسه بـ لا: لو قلت لج ما بتساعديني..
قـــمر: أفــــــــا ما تثق فيني عيل خلاص لا تقول و تمت مبوزة..
ســــعود شــاف شكلها ضحك: فديت المبوزات.. تـــعالي بــقول لج في اذنج مابا حد يسمعنا..
ابتسمت قـــمر و قربت اذنها منه بس هو سحب ويهها له و بـــاسها و تم فترة جي: حبيبتي هاي اخر يوم ابوسج فيها..
قــــمر زاغت: لــــــيش؟!
ســــعود بـ ابتسامة تكسر الخاطر: لأن ابوي مانعني ايلس معاج روحنا و طلب اني اخذ اختي و نطلع او تيلس معانا لما نكون روحنا..
قـــمر: عسب جي طلبت اجدم العرس و الملجة..
ســــعود هز راسه هـــــــيه: هـــيه عسب جي طلبت اجدم العرس..
قـــمر: أوك خلني افكر و ارد لك خبر.. بس سؤال..
ســـعود بابتسامة: تفضلي بس قبله لازم بوسة..
قـــمر: صدق ما تستحي ايــــــه عن المصاخة..
ســــعود: خخخخخخخخ أمري حبي..
قـــمر: ما يامر عليك عدو و لا ظالم.. بــس لما بتكلمني فون او بيبي ام اختك بتكون معانا بعد؟!
هني ســـعود نقع من الضحك: خخخخخخخخخ أخ يا بطني خخخخخخخ..
قـــمر زعلت: أوك خلاص بـــاي و نزلت من السيــارة لحقها ســـعود قبل لا تدخل: صبري انزين ما جاوبتج..
قـــمر معصبة: مابا اعرف خلاص..
و كانت مبوزة و تبا تصيح ما تحب حد يضحك عليها.. ســــعود ما استحمل شكلها و قرب و بــــاسها و قمر كانت تضربه عسب يخوز بس هو عــايش جوه هع..
في هاللحظة طلع جــاسم لانه شــاف فتك ســـعود بس ما شــافهم داخلين البيت.. و شــــاف كل شي مــباشر هع..
جــــاسم: احم احم نحن هنا..
ســـعود بعد عن قـــمر اللي كانت تتمنى صدق ان الارض تنشق و تبلعها بس محد يشوفها جي غطت ويها بـ الشيلة و ركضت ع حجرتها.. أما ســعود كان يحك راسه من الاحراج بس بعدها: و انت ما تعرف تيي الا في احلى اللحظات..
جـــاسم: مب انا هادم اللذات و لا انت ناسي..
ســـعود يضحك: رحم الله امرأ عرف قدر نفسه.. خلني اسير اسكر موتري و ارجع لك..
جـــاسم: انتظرك يا الحبيب..
ســـار ســـعود لـ موتره و شــاف اتصال من ابوه و قال له انه عند قــمر و اخوها يالس معاهم و وافق ابو سيف بس قال له المرة اللي ياية ياخذ اخته.. و هو قال ما اخذها لانها اكيد بتكون مشغوله بـ الواجبات و الدراسة.. ابو سيف وافق هالمرة و خلاه عندهم.. لانه يعرف باجر دوام ولده و ما يروم يسير عندها << و الله يا بو سيف انت على نياتك هع..

(( الفجيــرة ))..

بــوسيف مع ســعيد كانو يبا يسيرون العـــزبة و ســـعيد كــان تعــبان ما رقد امس عدل بس لانه يبا يتطمش ع ســعود نش.. و هم بـ الدرب ســعيد ما حس بعمره إلا و هو راقد و بــو سيـــف ما كان منتبه لـ ســعيد و يرمس اونه عسب ما يرقد.. و خلال خمس دقايق ســعيد طلع عن الشــارع و دخل الشـارع اللي عداله و كان شي شــاحنة مارة و ســعيد بعده راقد فـ سوى حــادث ســعيد دخل تحت الشــاحنة..

**بيت ام سيف**
كانت يالسة مع بناتها و ولدها ســالم اللي كان اليوم عندها هو و عياله و حرمته..
ســمعو صوت تلفون البيت.. نش ســالم يرد ع التلفون: مــرحــبتين..
شـــــــــــو!!
خـــ خـــــلاص يـــاينكم...
الكل زاغ و يبا يعرف شو بلاه.. بس هو قال لهم انهم يلبسو و بيقول لهم في الموتر و الكل نش يلبس و هو اتصل على امهاته أم سلطان و ام محمد..

وصل ســـالم و معاه اهله و ســلطان مع امه و محمد مع امه و حرمته..
ســـالم ما رمــس بس اللي قــال انه ســعيد سوى حــادث و طلبو الكل يكون موجود.. مع انه عــارف ان ســعيد بين الحيا و الموت و ان ابوه حاله متوسطه و هم في العناية..

أول ما وصلو صوب العناية شــافو بــو سيف اما ســعيد مب موجود و ام سـلطان تصيح هي و الحريم.. ســـالم و ســلطان و محمد طلبو من الحريم ما يتحركو عسب يسيرو يرمسو مع الدكتور المسؤول عن حاله سعيد و بو سيف و يعرفون كل شي..

ســـارو و الدكتور المسؤول عزاهم في ســعيد و قـال لهم ان بـو سيف ان شــاء الله حالته بتكون مستقرة و لو ما استقرت بيدخل الغيبوبة..
سـالم و محمد و سـلطان مب عـارفين كيف يخبرون الحريم بـ موت سـعيد اللي ما رامو يسعفونه لانه كان تحت الشاحنة.. سـارو لهن و هم منزلين راسهم و مب عارفين ينطقون بـ و لا حرف.. ام سـلطان نشت: قولو لي وين ســعيد؟!
ســالم ما رام يتكلم ســار عنهم هو و محمد و خــلو ســلطان مع امه: أمـــاه قولي لا إله إلا الله..! مب زين عليج اللي تسوينه في روحج و الله ما زين عليج..
أم ســلطان: وينوه ولدي اقول لك وينه اخوك؟!
ســـلطان بحزن: عــطاج عمره..
أم ســلطان اغمى عليها من الخبر و اسعفوها الممرضات اما الحريم دعو له بـ الرحمه و عرفو ان بو سيف لو ما استقرت حالته بعد يومين بيدخل الغيبوبة..

[موكاتشينو]

بـــــارت الــ12..

ســـــعود عرف بـ اللي صـــار و قـال لـ بو جاسم و جاسم اللي كانو موجودين و سألوه شـو السـالفة و طلعو معاه أما قمر فـ يلست ع أعصابها و كل شوي تتصل على جـاسم او ابوها عسب يطمنوها و ام جـاسم بعد كانت تحاتي و تدعي ربها ان كل شي يمر على خير و ما فيهم الا كل الخير << مب عارفين بـ موت سـعيد..

ســـعود كان يمشي 200 إلين وصل المستشفى اللي هم فيه و ابو جاسم و جاسم كانو يمشو 140 و يخففو لو شـافو الدرب فيه رادار او حد يدامهم اما سـعود فـ لا كان يمشي و يدور له درب عسب ما يخفف و ما كان هامه شي إلا انه يوصل بـ أسرع وقت..

ســــعود وصل و نزل مسرع حتى ما قفل باب موتره و بعده بـ نص ساعة وصل جـاسم و ابوه.. و شــافو موتر ســعود حتى ما سكرها ركض جــاسم وقفها عدل و سكرها و قفل بابها عن حد يسرقها هم مب ناقصين.. دخلو المستشفى و سـألو عن بو سيف.. و خبروهم انه في العناية و سـارو هناك.. شـــافو ســـعود طايح عند اليدار و يصيح شرات اليهال و امه فوق راسه تهديه و تقول له يدعي لابوه يقول بـ السلامة و يدعي لـ أخوه بـ أن ربي يرحمه..

ســـعود تم في المستشفى لمدة نص ســاعه بعدها اختفى و الكل يتصل عليه و ما يرد على حد جــاسم طلب من قـــمر تتصل عليه يمكن يرد عليها.. و هي اتصلت بالبداية ما رد بس بالمرة الثـالثة رد و كان صوته وايد تعبان و خبر قــمر هو وينه و طلب منها ما تقول لـ حد..

قـــمر طلبت من جــاسم ياخذها للمكان اللي قالت عنه قــمر و هو اخذها كان هالمكان صوب اليبال و المينون يسير هناك في الليل.. و قــمر توكلت على ربها و ســارت ادور ســعود و شافته يالس يصيح و يكسر الخاطر.. ركضت له و حضنته لانها ما تتمنى تشوفه في هالشــكل..
قـــمر: حبيبي ســعود لا تسوي في روحج جي عشان خاطري..
ســـعود حضنها اكثر: قـــمر و الله مب رايم لو صار لـ ابوي شي ما بلوم إلا نفسي..
قــــمر تمت حـاضنته و طلبت منه انه يهدا و يرجع معاهم الشـارجة و طلبت منه بعد انه يتصل على واحد من ربعه يقول لهم ان باجر ما راح يقدر يداوم.. و هو نفذ طلباتها و ســـارو الشــارجة و هو اتصل على واحد و خبره و هو تفهم الوضع و طلب له اجازة لمده اسبوع..

وصــلو الشــارجة و ام جـاسم جهزت له حجرة الضيــوف.. و قــمر خذته للحجرة و اهلها راحو يرقدون بعد ما قالو لها انها تهدي من حالته و ترقد و امها قالت لها انها ما راح ترقد الا و هي فوق قـ يعني لا تتأخر في الحجرة معاه.. و قـــمر قالت لها اوك ما بتأخر..

دخلت قــمر الحجرة شــافت ســعود يصيح بعده بس بدون صوت عسب محد يحس فيه.. ســـارت له و حطت ايدها ورا ظهره و تمت تحرك ايدها ع ظهره و تمت ساكته لانها ما تعرف شو تسوي في هالمواقف.. ســـعود حط راسه على كتفها و حضنها و طلب منها انها ما تتحرك إلا لما هو يطلب منها و هي بس تقول أوك..

طلب منها تمد ريولها و تسند جسمها ع الشبرية عسب هو يرقد في ثبانها هي استحت بس لانها تعرف انه يحتاجها في هاللحظة و لازم توقف معاه سوت اللي طلبه منها و هو رقد و هي حطت ايديها ع راسه و تمت تلعب بـ خصل شعره و تكلم ســعود: تعرفي قــمور انا الوحيد اللي كان يسوي مشاكل مع ابوي.. و لا واحد من اخواني دخل ابوي في مشاكل إلا انا في المدرسة و مع البنات و مع الشبــاب كان يقول لي الله يعين اللي بتاخذك و محد بياخذك ع مصايبك..
قـــمر تفاجأت: بـــنات؟!
ســـعود لف عليها يعني هو راقد بس ويهها صوب ويها: هـــيه بـــنات.. أنا مغازلجي عـــود.. بــس و الله من عرفتج هديت كل شي لأني حبيتج..
قـــمر كانت تتطالع فيه: و تقول جي عــادي لا تخليني الحين اطلع و اخليك..
ســـعود نش من ع ريولها بـ أنكسار: ســيري ما بـقول لا..
قـــمر ســارت صوبه: لا ما بسير انت تحتاجني الحين ((مسكت ايده)) و انا ما بخليك..
ســـعود باس ايدها: فديت اللي رباج.. ابا ارقد ابا ارتاح ابا لما انش تقولون لي كل شي حلم و كل هذا ما صـار..

قـــمر: ســـعود انت ادعي لابوك بـ انه يقوم بـ السلامة و اخوك بـ الرحمه.. لا تسوي في روحج جي..
ســـعود رقد في ثبانها يشاهق و هي دمعت ما تروم تستحمل كل هااا حضنت راس سعود و تمت تبوسس راسه و تهديه و تقرا عليه قران إلين هدا و رقد..
هي كانت تبا تنش تسير ترقد في حجرتها بس ســعود نش: لا تسيري تعـــالي ((هو كان راقد ع المخدة و قال لها ترقد عداله))..
قـــمر مستحية: لا ســعود بـعدين شوب يقولون عنا؟!
ســـعود مد ايده: يــقولو اللي يقولوه ما يهمني المهم انتي عدالي دخيلج..
قـــمر مدت ايدها له: لا تقول دخيلج تخرفني تراك ههههههه ×_×
ســـعود حضنها خلاها تعطيه ظهرها و حضنها و قال لها بـ همس: اوش خليني اعرف ارقد يا احلى البنات..
قـــمر استحت و غطت ويها بـ ايديها و ما تكلمت بس حست بـ نصخ ســعود قريب منها و عرفت من تنفسه انه راقد لفت عليه شــافته راقد و فاتح فمه ×_×..
قـــمر ضحكت ع خفيف و نشت ســـارت حجرتها لأنها قالت لأمها انها بترجع وصلت حجرتها و امها سمعت صوب باب حجرتها و رقدت بس قــمر لما بدلت و غسل اسنانها ما رامت ترقد تفكيرها كله عند ســـعود فـ هي ما رقدت بـ حجرتها لأنها ســـارت حجرة الضيوف شـــرات الحرامية و رقدت ع الكنبة بس كل نص ساعة تفتح عينها تشوف ســعود إلين تعبت و رقدت بـ عمق..

الســـاعة 5 الفير..

نش ســعود على صــوت الاذان.. و شــاف نفسه بـ مكان غريب عليه و عرف انه في الشـارجة و لف يدور ع قـمر شـافها ع الكنبة متكورة ابتسم على شـكلها.. نش ســار صوبها و وعاها عسب تصلي و هي نشت تفرك عيونها و شــافت ســـعود قريب من ويهها استحت و نزلت راسها و هي تعدل شـعرها اللي اكيد كشه..

ســـعود ضحك و مد ايده لها و هي نشت معاه و ســارت حجرتها بسرعه لانه بعد شوي ابوها بينش مع امها و يوعونها للصلاة.. و هي سوت روحها راقدة و لما وعوها نشت صلت و لما شـافت الكل رقد نزلت عند ســعود بس قفلت بـاب حجرتها.. عسب لو تاخرت عند سـعود محد يحس فيها..

لــما دخلت الحجرة ما شـــافت ســـعود ع الشبرية خـافت انه طلع و رجع الفجيرة هناك راح يتعب أكثر فـ كانت راح تطلع بس شـافته عند الباب قفله.. و هو يبتسم لها: عسب ما تشردي شرات امس انا حسيت فيج بس ما تحركت..
قـــمر استحت: انزين لو حد كان يبا يدخل و شاف الباب مقفول شو بيكون موقفنا؟!
ســـعود: بقول لهم قفلت الباب لاني ما كنت مرتاح لان المكان غريب علي و انتي اكيد قافلة الباب شرات لما كنتي تبين تشردين..
قـــمر ضحكت و هزت راسها بـ هـــيه: طبعـا كــيف عرفت؟!
ســـعود اشر ع قلبه: هـــذا اللي قــال لي..
قـــمر بــ صوت غير مسموع: فـــديت..
ســـعود رقد ع الشبرية و اشرد عداله: تـــعالي..
قـــمر رقدت ع الكنبة: هني اريح لي و لك..
ســـعود: يعني ما بتنشي و ترقدي عدالي؟!
قـــمر بـ عناد: نــــــــــو تصبح على خير..
ســـعود نش: و انتي من اهل الخير.. ((ســـار صـــوبها و شلاها و هي كانت بتصارخ)) ســـعود: أوووووووووووووش عن حد يسمعنا و نروح فيها..
قـــمر مسكت صراخها و قــالت بـ همس: نزلني..
ســـعود مسوي روحه ما سمعها و رقدها ع الشبرية و هو رقد عدالها و حضنها و هي تمت مبوزة بس سكتت ((حكم القوي ع الضعيف))..
رقدت قـــمر هالمرة في حضن سعـــود لما ســعود حس انها رقدت رفعها و حطاها ع صدره.. ((فديت الجمال و البراءة و كل شي فيها حتى شيطانتها أخ اموت فيها.. ربي لا تحرمني منها.. يــا رب اشفي والدي انت الشـافي المعـافي)) و بعدها غمض عيونه و رقد..

((الفجــيرة))..

أم محمد ما رامت ترقد عدل لا هي و لا ام سلطان و ام سيف.. ام محمد تطمنت على ســعود من ام جـاسم اللي خبرتها ان ســعود رجع مع جـــاسم و قالت لها انهم طلبو منه انه يتم عندهم الليلة عسب يرتاح.. ام محمد ما عارض إلا وافقت و طلبت من ام جـاسم تهتم فيه.. << لاتخافين عليه يا ام محمد قمر تكفي و توفي p=..

أم محمد ســارت عند ام ســلطان و يلست تقرا عليها القران عسب ترتاح و دعو لـ بو سيف يقوم بـ السـلامة و لـ سعــيد بـ الرحمه و ارتاحن و طلبو من سـلطان يوديهم المستشفى و هو ما رفض لهن طلب و ســار معاهن المستشفى عسب يتطمنو على بو سيف.. سـلطان شـاف الدكتور و الدكتور قـال ان حالته شبه مستقرة بس منتظرين انه ينش عسب ما يدخل بـ غيبوبة..

تمو بـ المستشفى و يقرو القران و يدعون ربهم بـ الشفا العـاجل لـ أبو سيف..


((الكويت)).. << من زمان عنهم..!

بيت اليدة أم مشعل الكل كان موجود من البنات و الشـباب و الأباء و الأمهات طبعا كانو عارفين بـ خطوبة قــمر و الكل فـرح لهــا حتى شــوق لانها تطمنت انها ما راح تجذب زوجها لـها.. و دامها على ذمة ريال فـ مروان لها أكيد << بعدها رجعت حليمة لـ عادتها القديمة..

شـــوق تحسنت وايد بس لا تقولون لها قـمر هي بخير و مـروان مرتاح خخخخ..
ريــم بعد أسبوعين عرسها و الكل يتكلم عن العرس و الترتيبات و الشبـاب متحمسين لـ العرس عسب يشوفون أهلهم اللي من الامارات و السعودية..

اليدة أم مشعل: يا أولاد أنا بعد أسبوع راح انزل الامارات عشان ملجة قـمر هم حددوها يوم الخميس.. و ان شـاء الله انتو نازلين معاي و انت بعد يا مروان و خذ معاك شـــوق ((عطتها نظرة)).. << تعجبني العيوز..

البنات بعد بيروحو و اخذو موافقة من رياييلهم بس ريم ما راح تنزل لأنها تبا تجهز لـ عرسها..


**شــــقة مـــروان**

شـــوق مبوزة: مـــروان انت لو تبي تروح روح بروحك ما ابي اشوف قــمر نهائيا و لا اقول لك لا تروح لاني بموت من الغيرة..
مـــروان فيه الضحكه: يا بنت الحلال ليش ما اروح و هي بنت عمتي و لا تنسين انهم اول مرة يسوون أعراس و يحتاجونا نحن لو نحن ما وقفنا معاهم منو بيوقف معاهم قولي لي؟!
شــــوق و غـــيرتها واضحة وضوح الشمس: بـــس لا تنسى الكل راح يروح يعني ما يحتاجونك انت بـ الذات..
مــــروان و عاجبه الوضع: لا يــا شوق انا لازم اروح علشان اهنيها و ابارك لها مثل ما هي يت عرسي و خليني اشوفها يمكن ما اقدر اشوفها مرة ثانية..
شــــوق فولت من العصبية: نـــــــــــــــــعـــــــــــــــم تبي تشوفها!!
مــــروان ما رام يمسك ضحكته: ههههههههههههههه و الله اتغشمر معاج شفيج جي؟!
شــــوق بدت تصيح: اهئ اهئ روح ما بمنعك اهئ اهئ..
مـــروان استغرب اول مرة شـــوق تصيح بسبب الغيرة: شفيج شوقي ليش تبجين؟!
شـــوق: اهئ اهئ كله منك تعرف اني اغار عليك بس بعد ما ترتاح الا لما تخليني اعصب..
مــــروان ابتسم: فديت اللي تغار علي.. ربي يخليج لي و لا يحرمني منج..
قرب منها يبا يحضنها بـــــس..
شــــــوق ركضت للحمام ((الله يعزكم)) و استفرغت ((الله يكرم القـارئ))..

^ مبـــروكين يعني مافي روحه للإمارات هع..




((الشـــارجة))..

الســاعة كانت 9 الصبح.. نشت قـــمر و شــافت ســـعود راقد و حاضنها.. ابتسمت و كانت تبا تتحرك بس ســـعود ضغط عليها بـ القو كـانه ما يباها تنش..
قـــمر: نــــش يـــا العـــيار << بصوت مبحوح..
ســـعود فتح عينه: عيـــديها شوفي شو يصير فيج..
قــــمر: يــــالله ســـــعود نــــش قبل ما يحسون اني مب موجودة بـ الحجرة..
ســـــعود دفن راسه ع ظهرها: مـــــابـــــــــــــــــــا..
قـــــمر ضحكت: هههههههه الله ياخذ ابليسك.. ما بتنش يعني بس انزين هدني انا انش عشان خاطري..
ســــعود مسوي روحه زعـلان: يعني انتي باخله علي بـ هاليوم الوحيد اللي راح اكون عدالج؟!
قــــمر لفت عليه و همس في اذنه: لا و الله يا سـعود بس انت عندك الأيام اللي يـاية لا تكون طمـــاع..
ســـــعود رخى إيديه عنها بسبب همساتها و هي شردت عنه بس ما طلعت من الحجرة إلين تأكدت ان مافي حد في الصـالة لأنها سمعت صـوت امها و ابوها في غــرفة الطــعام و أخوانها الصـغار راكان و فجرو تعرف بعد ان جـاسم و جــراح يرقدون إلين صـلاة الظهر فـ ركضت على حجرتها و بدلت بـجامتها و لبست بدلة كويتية قصيرة ..





و لبست تحتها ليقنز بـ اللون الأخضر.. و اكسسوارات هادية نفس لون الملابس و حطت كـ العادة مرطب لأنها ما تحب تحط قلوس او روج و تعطرت بـ عطرها المفضل first love و رتبت شـعرها ذيل حصان و نزلت قدلتها..


نـــزلت تحت و ســارت حجره ســـعود شـــافته توه مخلص من الســباحة و كان لابس كندورة جـاسم اللي أطول منه و اعرض بـ شوي بس كان شـكل ســعود كــيوت قـــمر قـالت له يصبر ســـارت ركض حجرة جــراح و اخذت العطر اللي تحبه و ســـارت عنده و عطرته و هي تبتسم و قـال لها انه يبا غترة لانه يبا يتعصم..
و قـــمر نفذت كل اللي يبا و ســـارت الحجرة و عطته و هو تعصم و بعدها مسك ايدها و سـارو لـ غـرفة الطـعام عند ابو جاسم و ام جاسم و راكان و فــجر دخلو عندهم و سلمو عليهم..
بو جـاسم: و عليكم الســلام هــلا و غــلا بـ عيالي..
ام جــاسم ابتسمت اول ما شـافتهم: و عليكم الســلام.. بسم الله ما شـاء الله عليكم لايقين على بعض.. يــمة ســـعود شو تحس ألحين..
ســـعود بـ ابتســـامة: الحمدلله.. يزاكم الله ألف خير ارتحت و زين اني ييت هني عسب اتناسى الحزن و الهم.. مــشكورين..
بـــو جـــاسم: ســـعود نحن أهل ما يحتاج انك تشكرنا.. نحن نعرف شو كان احساسك و هذا كان اقل شي نسوي لك..
ســـعود بـ ابتسـامة: الله يحفظكم لـنا..

يـــلسو يــاكلون اما أبو و ام جاسم مع العــيال نــشو لانهم من زمــان ماكلين و خـلو قــمر مع ســعود يتريقو.. و هم كانو ياكلو و يرمسو و خبرها ســعود انه بعد الريوق يبا يسير الفجيرة و طلب منها انه ياخذ فتك اخوها و هي قالت بتستأذن وما يصير خاطرة إلا طيب..

[موكاتشينو]

بـــــــارت الـ13..

بـعد يومين..
بــو سيـــف نش و الكل تحمد له بـ الســلامة و قــالو الاطباء انه بيكون غير قـادر ع المشي لـ مدة عسب ما يخافون قـال لهم الدكتور انه مستعد يطرش اوراق بو سيف لـ ألمانيا و واحد من اولاده يسير معاه..

وافقو الكل على كــلام الدكتور.. بـس القــرار منو يسير مع بــو سيف أولاده في حيرة الكل يبا يسير بس هم عندهم أولاد و حريم و بيت و ســـعود كان هو الوحيد اللي ما فكر بـ شي إلا انه يروح مع ابوه و قـال بيطلب اجازة من الدوام و لو ما عطوه هالشـي ما بيمنعه من روحته مع أبوه..

الكــل قـالو كل فترة حد يسير مع بــو سيف الامهات وافقو و هن بعد كانو يبون يسيرون بس بـو سيف ما رضى قـال لهم ييلسون عند البنات و ما يخلونهن و وافقن عصبا عليهن..

خلصت الأوراق و ســعود طلب اجازة و عطوه لأنهم عـارفين الظــروف و عـارفين ان اخوانه ما يرومون يسيرون بسبب البيت و العيال و دامه هو الوحيد اللي ما وراه شي فـ طلب هو اللي يروح..

ســــعود طلب من قــمر تيي معاه و توقف سمستر لأنها توها بـادية بـ السمستر الثــاني و هي يلست تفكر و قـال لها انه يباها معاه لأنه ما بيروم يتحمل كل شي روحه و دامها معاه ما يبا شي من الدنيا.. و هي فكرت و قررت انها تسير معاه بعد ما ردو عليها الكلية بـ الموافقة فـ قــمر قـــامت تجهز نفســها للســفر مع ســعود اللي راح يــصادف يــوم الجمعة الظــهر..


ســــعود كان يكلم السـفارة الاماراتيه اللي بـ المانيا عسب يساعدونه في أمور المستشفى و الشـقة.. و خلص كل شي معاهم و بعدها ســار يشتري ملابس له و لـ أبوه لأن الجو هناك أبرد من الامارات فـ عسب جي جـهز له و لـ أبوه ملابس ثجيلة تـســاعدهم هناك..!


قـــمر كـــانت كل ما تسير تتجهــز كــانت تمر صـوب مـحلات فـساتين العـرايس و تتحسر انها ما راح تلبس و تسوي عرس شـرات ما تبا فـ كانت تمسك دموعها عن تشوفها أمها أو مرات كانت أميرة تسير معاها..


يـــوم الخمـــيس ســـعود عزم كـل أهله و أهل قــمر لـ شــاليه صــوب راك ((راس الخيمة)).. و كانت الشـالية مطله ع البحر و المــكان و لا أروع..


الــكل كـــان مستانس ع المــكان و اللي كان يصور و اللي سـار يرتاح بـعد تعب الدرب.. أما قـــمر على طـــول ســـارت صـــوب المسبح تــصور المــكان.. بــس ســعود طلبها بـ حجرته.. و هي ســارت لأنه قـال لها موضوع مهم..

ما كــانت حجرة عـادية كـانت جــناح كبير و حــلو و فخم.. استانست قـــمر ع جناح ســـعود و قــالت: انت الحين حاجز للكل شقق و انت جناح ليش ان شـاء الله؟!
ســــعود بـ ابتسـامة حلوة: لأني صـاحب العزيمة p=
ضـــحكت قـــمر بس اللي قطع ضحكتها كان صوت الباب و فتحه ســعود و شــافت حرمة داخله عليها و معاها كم من وحدة و معاهم أغراض تمت تطالع قــمر عرفت انها الصـالونه ((الكوافيرة)) بس استغربت وجودها..

قـــمر بـ نظرات مب مفهومه: حق شــو كل هــا؟!
ســــعود: يالله يا مدام شـوفي شــغلج و انا الحين طـالع و كل اللي تبونه بييكم.. ((ســـعود طلع من الجناح أما قــمر استلموها البــنات يعدلون فيها))؟؟؟؟؟؟؟!!!!!!

ســـعود قــال للحريم في الليل يلبسو احلى شي عندهن لأنه مجهز لهم مفاجأة حلوة.. و طلب منهن بعد يسيرون الصـالون هو كان حاجز لهن مب صـالون واحد لا أربع و هن يقسمن روحهن على هـ الـ4..!


نـــسيت أقـــول لكـــم.. أن أهل الكــويت مب موجودين لأن ام جـاسم قــالت ان قــمر ما راح تسوي ملجة و لا عرس و انها بتسـافر مع ريــلها و محد نزل الامارات غير أم مشعـل و مـشعل ولدها و بنته أحــلام..

**نفس المكــان**

الـســـاعة 6 المغــرب ((الكوافيرة)) خلصت من قــمر اللي مب فــاهمه ليش هي كـــاشخة.. و قـــالت لــها انها تلبس الفســـتان المعلق بـ الكبت.. فتحت اول كبت شــافت ملابس ســعود و ريحة الكبت كله عطرة اللي تموت عليه.. فتحت الكبت الثـاني شــافت فــستـــان يشــبه الفــستـــان اللي كـــانت تتطالعه أيام لما كانت تتجهز حق الســفر كانت تتمنى تـلبسه << هي تتخيل صح..!

تلفت يمين يسـار ادور ع فونها حصلته و دقت على أمها قـالت لـها تيي الجناح << مب مصدقة المسكينة..
قــالت حق امها انها تســاعدها ع اللبس و شــكلها كــانت قــمر ع اسمها.. ام جــاسم: لا تقولين يا قــمور ان ريلج مسوي كل هــا عسب ما يكسر بـ خاطرج؟!
قـــمر دمعت عينها: أماية هالفـستان كنت كل ما اسير اتجهز اطالعه انتي خلي كل شي هو كيف عرف اني تمنيت ألبسه؟!
أم جـــاسم دمعت عينها و يلست تصيح: ما توقعت ايي اليوم اللي تلبسين فيه الابيض.. توقعت ان ريلج ما بيفرحني فيج يا أحلى البنات..
قـــمر صــاحت مع امها و ((الكوافيرة)) دخلت بعد ما تأكدت ان قـمر لبست..
تــالة: ولي شو هاد؟! بـــنت عم تبكي؟!
قـــمر مسحت دموعها: شو تشوفين يا حظي؟!
تـــاله: ولك خربتي المكياج تعي خليني ازبط لك شكلك..
قـــمر ســـارت عسب تــالة تعدلها بعد ما خربت شـكلها بـ الدموع.. و بعدها لبستها الطرحة الطويلة و سمعو دق الباب تـــالة راحت فتحت الباب و اخذت المسكة اللي كانت هادية و عليه كرستالات هادية.. قـــمر عـــيونها ملت بـ الدموع.. ســـعود ما خلا شي في خــاطرها و كانت مع المسكة بـطاقة صغيرة..

خذتها قــمر و يلست تقرا:

تدرين شو اللي في حياتي عشقته؟!

قــــمر لفت البطاقة ادور الاجابة بس مالقت احتارت و خلت البطاقة ع طرف و بعد دقــايق قــالت لها تــالة تــلبس عباتها و تغطي نفسها عسب يركبون الموتر و يسيرون للمكان المفـاجأة..

قـــمر ابتسمت و غطت نفسها و مشت مع انها وتالة اللي كانت ادليهم مكان الموتر أقصد ((الليموزين)).. قـــمر تفــاجأت بـ كل شي اليوم و شــافت جـــاسم واقف عدال الليموزين مع ابوها و اخوانها و الكل سلم عليها و بارك لها و هي دخلت الليموزين و حركو إلين مكان المفـاجأة و جـاسم و جـراح و مشــعل كل واحد بـ سيارة خـذو الحريم أم جاسم و فـجر ركبو مع قــمر في الليموزين..

وصـــلو للــفندق..

كـــان ســـعود حاجز القــاعة و مرتب المكان كله ع ذوقه.. دخلو قــمر لـ حجره العـرايس و كانت في انتظارها المصورة اللي خلت قــمر ترتاح شوي و عطتها عصير عسب تهدي اعصابها و حطت لها أكل خفيف لان ســعود عــارف انها ما اكلت غــداها عدل ((تــالة خبرته))..


ســـعود عــازم كل اللي يعرفه و طلب من جــاسم يعزم اللي يعرفه ((من اهلهم طبعا)).. و جــاسم خبر أهل الكويت و هم ألحين في الصالون اللي جاسم حجزه لهم في الوقت الضايع.. و بعد ما وصل الحريم اللي معاه ســار للحريم اللي بـ الصــالون ما نساهم الزعيم هع..

و كان كل شي بسرعة بسرعة.. و الحمدلله الموضوع مر ع خير أهل الكويت كلهم حضرو إلا مروان اللي ما رام بسبب دوامه و حرمته الحامل في شهرها الثــاني..

الحفــلة ما كانت عوده و لا بسيطة بس اللي محلي الحفلة انها كانت مفاجأة و قلوب الكل كانت صافية مافيه حقد او بغض.. و العــروس تصورت و ما كان باقي إلا دقايق ع زفتها..




كانت بـ دون قــفاز و المسكة كانت هادية و باللون الابيض و الكرستالات نازلة من المسكة..
دخلت قـــمر ع زفة كانت بـ البداية موسيقى بسيطة و الدخان تصادع من كل مكان و لما دخلت سمعو شــعر بـ صوت ســعود مع لحن خفيف و قــمر دمعت لأنها ما توقعت و لا ربع هاليوم..

(ســعود) يقول ياعمري وحالــــــــــي
. . . . . . . . . . . . اضحكي تضحك لنا كل الليالـــــي


غالياً كفه مسك بكف غالــــــــــــــي
. . . . . . . . . . . . مع (ســـعود) و(قـــمر) الفرحة كبيـــــــــرة


ليلة ما هي تشبه كل الليالــــــــــــــي
. . . . . . . . . . . .من الصوت فيها من يشيلــــــــــــــه


الغلى والحب له قصه طويلـــــــــــه
. . . . . . . . . . . .مع (ســـعود) و (قـــمر) الفرحة كبيــــــره


( قــــمر ) أجمل من حكى الليلة عنهــــا
. . . . . . . . . . . .هي عروستنا يغار الورد منهـــــــــا


أغنيها يعجبني الليلة لحنهـــــــــــــا
. . . . . . . . . . . .مع (ســـعود ) و ( قـــمر ) الفرحه كبيـــــــره


بنت ناس ترفع الهامه باسمهـــــــــم
. . . . . . . . . . . . يتعب التاريخ لو مهما كتبهـــــــــــم


هو ( هو ) بها لعالم عجبهـــــــــــم
. . . . . . . . . . . . مع (هو ) و ( هي ) الفرحه كبــــيره

بعدها سمعو قرع الطبول و قــمر شــافت حريم لابسات شــرات حريم الســلطان واقفات ع آخر درج كـ أنها السـلطانة و هن الجاريات..

بــعدها ســمعو يباب و ها كله من الدي جي و بعدها بدت الزفة و كــانت قــمر بـعدها ما نزلت الدري..
يوم أقبلت أحلى عروس صابت الصاله سكون عم الهدوء كل المكان والكل يناظر زينها


الناس من كثر الجمال ماهي مصدقه العيون يحسبون أنها ملاك يوم رمشت في عينها


لولا خوفها على الحضور يصيبهم عشق الجنون كآن ضحكت بشفاتها أو أشرت بيدينها


حرف القـاف بداية أسمها معطر بعطر الدخون يزيدها روعه وحيا ونور وسط جبينها


والميـم ثاني حروفها معطيها بهجه مع شجون النون زودها حلات وزود حلا لسنينها


والرائ اخر حروفها يعطيها فن من الفنون الألف ختام لأسمها منى الله شزينها


الخير طير بقدومها غرد على كل الغصون الخير كله ياملا في قلبها وفي أيدينها


الورد خدر في كفها من لمسه الكف الحنون يذوب من لمسه أيدها وعطرها وحنينها


ومالوم أنا الصاله اذا صابها صمت وسكون مادام قـمر هي العروس بنسكت ونطالع زينها


قـــمر مشـــت بــكل ثقـــة مع انها كانت خـايفة اطيح او ما توصل بـ الوقت المناسب.. و امها كانت تمشي عدال المصورة و أميرة كانت تأشر لها تبتسم لما تشوف ملامحها تتغير لـ خوف او تسرح..

لمــا فـستان قمر يخترب الحريم اللي واقفات ع طرف الممر كانن يعدلن لها الفستان و منحنيات بـ طريقة حـلوة ملفته و الكل فرح ع الحركة و من تمر قـمر صوبهن ينزلن و لما اطوفهن يوقفن بشكل مستقيم..

و اول ما يلست ع الكوشة الحريم توزعو ع القـاعة و لانهن العـاملات ((يصبو الشاي و القهوة و يوزعو الحلا و يحطو العشـــا))..!

و الكل نش يسلم عليها و يباركو لها و الكل كان فرحان فيها لأنهم ما كانو متوقعين انها تسوي عرس مب عارفين انها هي بعد متفاجأة شراتهم.. و ان كل شي ع السريع مثل ما عرفته من تـالة اللي خبرتها لما وصلتها لـ((الليموزين))..

البنات نشـــن يرقصن و الامهات يلست يدعون لـ قـمر بـ كل الخير و الفرح.. العــرس كـــان اســلامي بسبب موت ســعيد اخو ســعود و ســعود كلم ام ســلطان انه لو سوى عرس عـادي لو خـلاه اســلامي و هي وافقت حتى لو بـ الدي جي العــادي لان الحزن بـ القلب.. و ســـعود ما دخل موسيقى إلا ع دخله قـــمر..

بـــعد ما تعشو و استانسو ســـعود اتصل على أميرة و طلب منها تقول للدي جي انه يبا يدخل و دخلته كانت اسـلامية بـعد و معاه كان اخوانه لأن ابوه كان بـ الشـالية قـال لهم تعــبان و ســعود خلاه يرتاح بس قـال للمصورة تجهز عدتها لأنه راح ياخذها معاهم لو راحو هناك و يبا ياخذ صورة مع ابوه و العروسة اليديدة..


الدي جي طلبت من الحضور انهن يتغطن لأنه المعرس راح يدخل.. و غطو قـــمر معاهن لأن أخون ســعود راح يدخلو معاه و طلبو من قـمر ما تخاف و لا شي لأنها كانت تحاتي إذا تبين لهم و لالا و هم يقولون لها ما تبين و لا تتعبثي فيه..

دخــل ســـعود بـ هيبته هو و اخوانه و اخوان قــمر و ابوها طبــعا و كل الحريم تسمي عليهم و تدعي لهم ربي يحفظهم.. و ام ســلطان تذكرت ولدها ســعيد و يلست تدعي له بـ الرحمه و تمنت لو عنده ولد بس هي تعرف ان ولدها عقيم و حرمه ســعيد عرفت انه عقيم بعد ما تزوجته لانهم ما سوو تحاليل قبل الزواج و لما عرفت رضت بـ أمر ربها و صبرت قـالت هذا امتحان من ربي..
وقفو الكل عدال بعض و تصورو كم من صورة و بعدها اخوان ســعود طلعو مع عيالهم و فضى المكان بـس لـ أهل قــمر ام جـاسم ســارت ع الكــوشة و شلت من على قــمر الغطا و ســلمت ع ســعود و باركت له و وصته ع قــمر و هو مبتسم لها و يقول قــمر في عيوني لا تحاتين..

بعد ما قــمر تصورت صور مع اهلها و ريلها لبسها ســعود الشبكة لأنه ما كان ملبسها إلا الخاتم و على اساس انه يلبسها الشبكة في الملجة و ما صــارت.. فـ لبسها ألحين و قطـعو الكيك اللي كانت من ثــلاث طبقــات و مكتوب فيها..
((ألف مبروك لـ قمر و ســعود))..


قـــمر أول ما قـال لها ســعود يـالله نطلع دمعت عينها ما تتخيل انها اليوم راح تكون معاه و بتهد أهلها مشت معاه إلين الحجرة و تصورو كم من صورة في هالوقت جـاسم دخل و قـال للحريم يقسمن روحهن لـ المواتر اللي واقفات بــرا.. و يرتبو أمورهن عسب من يخلصــو المعــاريس يسوون لهم أحلى زفة..