رواية تدري ايش اللي في حياتي عشقته وجودك اللي صار يسوى الخلايق ٢٠١٤ كاملة

[موكاتشينو]

بـــارت الـ 19..

قمر ما استحملت و انفجرت: تقول شو هالكلام ما تشوف كلامك و حركاتك معاي.. حتى شهر العسل ما بغيته بس عسب اعيش معاك دقيقة حلوة بدون حزن و هالمرض اللي فيك ((تقصد الغيرة الزايدة))..
سعود تم ساكت.. كملت قمر: خربت شهر العسل ما تكلمت قلت ان سعود يستاهل اني اتغاضى عن شي تافهه اسمه شهر عسل بس بعد هالحركه عرفت انك ما تستاهل غير انك تفارقني لانك تعبتني.. تغشي، لا تضحكين بصوت عالي، لا تسوي حركات، لا تعانديني، لا تحطين راسج براسي و وايد اشياء.. اكرهك يا سعود اكرهــــــــــــــك..


ســـعود ما تكلم بس اخذ مفتاح موترة و طلع من البيت و خل قمر تصيح قهر على ايامها معاه..


الشـــارجة..
الكل وصل البيت و يلسو يسولفون و ام جاسم بالاول زعلت لانه بنتها ما حضرت بس لما قالت لها ام محمد ان سعود مسوي لها مفاجاة و ما يقدر يأجل المفاجاة ما زعلت المهم عندها فرحة بنتها و راحتها مع زوجها..


بعد الغــدا يلسو يسولفون الين قريب العصر بعدها بوسيف استاذن بوجاسم و طلب من اهل بيته يرجعون معاه للفجيرة..

و طلب من سالم و سلطان انهم يسيرون للعزبة عسب يتعشون هناك و يغيرون جو لانه الصبح طلب من العامل يذبح لهم ذبيحة و يتبلها عسب يشوون للعشا..

الكل حول دربه لـ العزبة.. و الكل استانس على هالقرار لانهم يحبون جمعتهم في العزبة لانهم ييلسون الين الساعة 12 في الليل و بعدها كل واحد يسير لبيته..


في الفجيرة..
بيت ام محمد..

قمر كانت مبدلة ثيابها و ماسحه مكياجها و يالسه في الصالة مالها بارض لا يشي تبا بس سعود يوصل و يوديها بيت اهلها.. كانت مجهزة شنطتها و منتظرة وصوله..

وصل و شافها انها كانت مبدلة ثيابها و من شافته لبست عباتها و اخذت شنطتها و وقفت يدامة..
قمر: انا جاهزة..
ســعود: ما تحتاجين الشنطة خليها الا هي بنسير العزبة و نرجع ما بنبات هناك..
قمر تمت ساكته و سعود تكلم: انت يشو فيج فهميني ها كله عسب قلت لج غيري ثيابج..
قمر: دخيلك بس خلاص.. رجعني عند اهلي ماباك..
سعود: انا خذتج من اهلج عسب ارجعج.. شو الدنيا فوضى؟!
قمر: انا ماباك و خلاص..
ســعود: قولي هالجملة و انتي تطالعين فيني..
قمر اطالعت فيه بس ما رامت تقول الجملة الا بعد ما بعدت عينها من عينه و سعود ما تقبل الجملة اخذ شنطتها و عقها في الحجرة و سحب قمر معاه عسب يسيرون العزبة..

طول الدرب قمر كانت ساكتة لانها ما تبا تبين للكل انها كانت معصبه مع سعود و قبل لا يوصلون العزبة بنص ساعة قال لها: الحين بنسير العزبة مثل ما تعرفين و الكل هناك ناطرنا أبيج لو سألوج شو كانت المفاجاة قولي لهم مب قايلة لكم لانه هالشي بيني و بين سعود و لو تبون تعرفون سيرو سألو سعود..

قمر كانت منصدمة: تباني اقص عليهم شراتك اونه مفاجاة!!
سعود وقف السيارة ع طرف: هيه وشو فيها يعني.. لا يكون تبين تقولين للكل اني خليتج في البيت و ماشي مفاجاة..
قمر اطالعت برا و ما تكلمت..
سعود مسك ويها صوبه: لما اتكلم لا تلفين راسج عني..
قمر ما تكلمت تمت ساكتة بعدها سعود حرك السيارة و وصلو العزبة و نزلو ماسكين ايدين بعض..
كان اشكالهم حلوة بس قمر كانت تتصنع الابتسامة عكس سعود اللي الابتسامة كانت من خاطرة..


اليوم مر على خير و الكل كان يسأل قمر عن المفاجاة بس هي كانت تسوي روحها مستحية و قالت: لو فيكم لقافة جي سيرو سألو سعود.. شوفوه هناك..
البنات سكتو عنها لانهم يعرفون سعود يذبحهم لو سألوه هالسؤال..


صارت الساعة 10:00
الشــباب سارو يلعبون ما عدا سعود اللي ينفذ نصايح الدكتور و لفت انتباه قمر انه ما ينش يدوخ و ياكل دوا و هالشي ريحها شوي..

كانو مسوين فريقين و الحريم قسمو عمارهن لقسمين.. كل وحدة تشعج اخوها او ابوها او ريلها.. و الكبار يشجعون اولادهم و احفادهم..


قمر كانت تطالعهم من بعيد و كانت تشجع فريق محمد لانهم كانو اقل عدد بس ما شاء الله عندهم المهارة.. و سعود كان يطالع و يالس مع ابوه اللي يضحك على اشكال احفادة اللي اونهم يعرفون يلعبون و من هناك مب عارفين يشوتون الكورة..

سعود بعد فترة نش من مكانه و سار صوب قمر اللي كانت يالسه روحها و الحريم هدوها يشجعون.. مد يده لها عسب يمشون مع بعض و هي ماحبت تفشله لان بوسيف كان يطالعهم..
نشت معاه و خذاها ع السيارة و قال لابوه انه راح يدورها ع العزبة و يمكن يتأخر شويات.. و حركو السيارة و مشاها حولين العزبة و وقف بمكان ما يمر عليه حد و متأكد محد بيي هالقسم لانه ناااادر ما يمرون العمال هناك..

نزل هو و خلا قمر في السيارة و فتح دبة السيارة و طلع منه سماط و فرشه ع الارض و نزل الوسايد و رتبهم على السماط و نزل بعد دلال كان هو مجهزهم و حاطهم في السيارة و قمر ما كانت منتبه للاغراض.. بعدها سار لـ قمر و نزلها من السيارة..
هي مشت معاه كانت خايفة بس ما بينت له بس هالشي ما يمر على سعود.. و يلسو على السماط و سعود كان يعطيها الشاي و الحلى اللي كان في سله القهوة و الشاي..

قمر كانت ساكتة.. سعود: انتي اليوم قلتي كلام قوي و جارح..
قمر ما تكلمت تمت صاخة..
سعود: جرحتيني يا قمر و ما توقعت هالكلام منج انتي.. توقعت تتفهميني و ما تسوين اللي سويتيه..
قمر: يعني على كلامك تبيني اتفهم انا حرة بملابسي و باللي البسه..
سعود: بس انـــــــــــــا أغـــــــــــار عليج من نسمة الهوا.. فما بالج من الناس!؟
قمر نزلت راسها: بس يا سعود انت وايد تغار على كل شي و كل شي انا اسويه ما يعجبك..
سعود: حبيبي كيف ما تبيني اغار عليج.. انتي روحي و حياتي مابا حد يطالع جمالج غيري انا و لا تقولين حريم تراني اغار بعد منهن يطالعونج بجمالج..
قمر استحت: انزين حتى لو كانو امي و اختي و خواتك و حريم اخوانك؟!
سعود قرب صوبها: حتى منج.. انا أغار عليج حتى من نفسج يا بنت..
قمر نزلت راسها و هي مستحية: يوم اقول عنك مريض.. ههههه
سعود مسك ويها و خلاها تشوف ويها: مريض في حبج يا قمورتي..
قمر دمعت عيونها: فديتك و فديت قلبك..
سعود مسح دموعها: كل شي و لا دموعج يا عيوزتي..
قمر ضحكت و حضنها سعود و يلسو يسولفون بمواضيع ثانية..

بعد ربع ساعة سعود و قمر رجعو عند الاهل و كانو الشباب مخلصين اللعب و يالسين ع السفرة ينتظرون سعود يرجع هو و قمر.. و بعدها أكلو عشاهم و كلمو اليوم باللعب و السوالف اللي ما تخلص..

خلص اليوم و القلوب متصافية مع بعضها.. بوسيف فرح لما شاف قمر رجعت لها الابتسامة و حمد ربه على هالتجمع الجميل و دعى ربه انه ما يغير على اولاده هالمحبة اللي بينهم..


رجعو بيوتهم و قمر ميته تعب و نوم لانها ما نامت عدل خلال هاليومين لان الحجرة و المكان غريب عليها..
فـ اول ما وصلت لبست ملابسها و حطت راسها و رقدت اما سعود كان ينزل الاغراض مع امه و يحطهم في المطبخ و لما وصل الحجرة شاف ملاكه نايمة و ميته تعب ابتسم لها و سار بدل كندورته و رقد عدالها و سحبها لحضنه و رقد هو بعد..


في يوم جديد كان يوم الجمعة..

نشت قمر لانها اصلا ما نامت عدل بسبب المكان اليديد عليها..
شافت سعود راقد و الساعه كانت 9:54 نشت بسرعة و طلعت تشوف ام محمد وينها و تسوي ريوق معاها بس ام محمد كانت ناشه من وقت و مسويه الريوق و هي يالسه في الصالة تشرب الشاي مع بوسيف اللي كان زايرها اليوم..

ابتسمت قمر و سلمت عليهم و باست راسهم..
بوسيف: كيف اصبحتي بنتي؟!
قمر: بخير ابوي و كيف اصبحت؟!
بوسيف: بخير و سهاله بنتي..
قمر: الحمدلله عسى دوم يا ابوي.. شحالج اماية؟!
ام سيف: الحمدلله فديتج انتي شحالج و شحال سعود معاج؟!
قمر بـ ابتسامة: الحمدلله ما اشكي باس و سعود زين معاي و الحمدلله..
بوسيف و ام سيف: الحمدلله.. الله يهنيكم و لا يغير عليكم..
قمر استأذنت منهم و سارت المطبخ و جهزت لسعود الشاي و رتبت الطاولة بـ اللي يباه و سارت توعيه..

بعد ما نش سعود سار مع قمر للمطبخ و تفاجأ بـ أميرة يالسه تشرب من الشاي اللي سوته قمر له و الاخت تشرب و لا على بالها..
قمر كانت تضحك على شكل سعود و هو معصب بس مسكته و قالت: بسوي لك احلى عن هالشاي.. ((همست في اذنه)) كم سوسو عندي؟!
اطالعها سعود و هو مبتسم: واحد و احلى واحد بعد..
أميرة طالعت فيه بنص عينها: الاخ واثق اقول اكل و انت ساكت..
سعود ضربها على راسها: انتي شربي و انتي ساكتة..
أميرة تحك راسها مكان الضربة: هب ايد عليك.. <<شردت هع هع..
سعود: استغفر الله يا ربي من هالبنت متى تعرس و تفكنا..
قمر و هي يايبه الشاي لـ سعود: حرام عليك.. و الله بفقدها..
سعود: بتسير عند اخوج يعني متى ما اشتقتي لها بتنقز عندج لا تحاتين..
قمر ضحكت و يلست عدال سعود و بدأوا يتريقون..


الشــارجة..
ام جاسم كانت توعي عيالها كلهم عسب ينشون و يتريقون و بعدها يسبحون و يلحقون ع المسيد..
بعد ما وعتهم و تريقت معاهم.. نشت و يلست في الصالة و مسكت تلفون البيت و اتصلت على قمر تطمن عليها..

كانت قمر مع سعود يتريقون لما امها اتصلت عليها..
قمر: السـلام عليج ماما..
ام جاسم: هلا و غلا و عليج السلام حبيبتي.. شلونج شخبارج و شخبار ريلج؟!
قمر تطالع في سعود: انا بخير الحمدلله ماما و سعود بعد بخير و سهاله..
ام جاسم: وينج عني امس و الله كنت ولهانه عليج وايد..
قمر دمعت عيونها: بصراحة سعود كان مسوي لي مفاجاة و ما كنت ادري انه ما نلحق عليكم و صار اللي صار..
ام جاسم: فديتج حبيبتي.. و الله فرحت لج لما قالو انه مسوي لج مفاجاة انا اهم شي عندي سعادتج..
قمر و دموعها نزلت: تسلمين لي أمي..
ام جاسم: قمور ليش تبجين؟!
سعود خذ من قمر الفون لانها كانت تصيح و ما حب ام جاسم تشيل بخاطرها او تحس ان قمر تجذب عليها: هلا عمتي شحالج؟!
ام جاسم: انا بخير يا وليدي بس قمر شفيها مب من عوايدها تبجي لما اكلمها حتى لو كانت مشتاقه ما تسويها.. فيها شي تشكي من شي؟!
سعود يطالع في قمر: لا و الله ما فيها الا العافية بس بنتج صايرة دلوعه و عسب تتأكدين انها ما فيها شي اليوم بعد صلاة الجمعة بنتج عندج..
قمر اطالعت في سعود هي تعرف ان يوم الجمعة اهله كلهم يجتمعون و ما يحبون اي حد ما يحضر بس ما تكلمت.. كانت تسمع الكلام اللي دار بين سعود و ام جاسم لان سعود حط الفون ع السبيكر..
سرحت قمر و ما انتبهت لـ الكلام اللي دار بينهم اكثر.. كانت تفكر بالكلام اللي قالته لـ سعود امس و كيف طلع منها هالشي و هي تحبه و تموت في التراب اللي يمشي عليه..
سعود سكر من ام جاسم و شاف قمر سرحانة و الدموع في عيونها.. استغرب ان قمر صايرة حساسة بـ زيادة و يحس انه الحين مب فاهمها موليه..
سعود: قمور حبيبي شو فيج؟!
قمر مسحت دموعها: ماشي بس اشتقت لامي وايد..
سعود: يالله الحين سيري لبسي و تجهزي لاني بعد ما اسبح باخذج معاي للشارجة و بصلي بـ أقرب مسيد..
قمر ابتسمت: فدييييييييييييتتتتتتتتتك و الله..
سعود ابتسم لها و غمز: كم قمر عندي؟!
قمر: وحدة و هي احلى بنت في هالكون كله..
سعود ضحك و نش سار يسبح اما قمر كانت تشيل السفرة و طلبت من البشكارة تنظف الطاولة و هي تنظف الاكواب و الصحون..

بعد ما خلصت من التنظيف حطت فحم ع النار و طلبت من البشكارة انها تييبه لها اول ما يجهز و تحطه في المبخرة.. بعدها سارت الحجرة تجهز نفسها ما نست انه يغار عليها عسب جي دورت على بدلة حلوة و ساترة مع انها بتسير عند اهلها و محارمها بس ما تروم على غيره سعود الزايدة..

بعد ما تجهزت سمعت صوت باب الحمام ينفتح عرفت ان سعود خلصت نزلت راسها و سارت لباب الحجرة عسب تسير تييب المبخرة لسعود..

سعود شافها و هي منزله راسها و مستحية و طالعه من الحجرة ضحك عليها: فديت الخجلان هههههههه..
سمعته قمر و ضحكت على خفيف و كملت دربها للمطبخ.. و شافت البشكارة توها تحط الفحم في المبخره و هي شايلة المبخره من عند البشكارة سمعت صوت واحد من اخوان سعود داخل البيت و هي ما كانت لابسه شيلة او اي شي يستر راسها و كانت خايفه من سعود لانه ما راح يسامحها على هالحركه فـ ركضت بسرعه للحجرة بعد ما عرفت انه دخل الصالة و ما يروم يشوفها..

أول ما دخلت تنفست بـ صعوبه.. سعود: بــلاج تنافخين و ليش تراكضين و المبخره بـ أيديج تخبلتي الشو؟!
قمر: سعود بخبرك بس لا تعصب علي..
سعود: يالله قولي اتحفيني شو سويتي؟!
قمر: لا تعصب بس اخوك دخل البيت و انا ما كنت متغطية يعني سمعت صوته و انا في المطبخ و لما تأكدت انه دخل الصالة ركضت ع الحجرة..
سعود: تبيني افجر راسج اليابس كم من مرة حذرتج انج ما تطلعين الا و عندج شي يغطيج..
قمر: و الله ما توقعت حد من اخوانك ايي ع الصبح..
سعود: توقعي كل شي حتى ممكن اييون في نص الليل..
قمر مبوزه: انزين خلاص اسفة ما اعيدها..
سارت و حطت العود في المبخرة و سارت صوب سعود ادخنه و هو كان يعدل غترته و هي قربت عنده و بخرته و شلت العطر اللي تحبه و رشته عليه و هو ابتسم لها: فديت ام عيالي.. ربي لا يحرمني من هالبنت و دلعها لي..
قمر: امييييين و لا يحرمني منك يا شيخ الشباب..
باسها سعود و هي استحت: يلا مناك خلني اجهز و البس عباتي..
سعود: انا مناك اوك يا قمير هههههه..
قمر: انزين ابا اتجهز و انت جذا ما بتخليني حتى اتحرك..
سعود ضحك و طلع من الحجرة يسلم على اخوانه و ابوه و امه اللي ما سلم عليهم اول ما نش لانه لما نش كانو مب موجودين..
قمر تمكيجت ع الخفيف و لبست عباتها و تغشت و طلعت سارت الصالة و يلسو شوي مع بعض و بعدها استأذنو و طلعو سايرين الشارجة و طبعا خبرو ام سيف و هي ما تكلمت لانه امس قمر ما سارت لامها و اليوم تعوض و وعدوها انهم ع العشا بيكونون موجودين و هي ابتسمت لهم..


نهاية البارت..

[موكاتشينو]

بـــارت الـ 20 و الاخيرة..

قبل لا يطلعون من البيت شـافو ذياب و حارب الصغير اللي الحين يركض و يلاعب مع ذياب و مشكلين ثنائي جميل.. قمر ابتسمت لهم هي تموووت فيهم و خاصه ذياب لانه يذكرها بـ سعود وايد..

ذياب طلب من امه انه يسير معاهم و امه ما وافقت بس سعود هالمرة تكلم بدال ذياب و قال: اماية دخيلج خليني اسير مع خالي سعود ما بسوي شطانة و لا بأذيهم دخيلج..
ضحكت قمر و معاها اليازية و قالت ام ذياب: اوك سير مع خالك بس لا تأذيهم و تحمل على روحك اوك حبيبي..
ابتسم ذياب اما حارب ما كان وايد مع سعود عسب جي ما سار مع ذياب و قمر استانست ان ذياب بيسير معاهم الشارجة.. شلته و باسته من خاطرها و سعود قال: انزين ماشي حقي؟!
قمر استحت: شي بس مب الحين..
سعود: اوك فديتج يالله ركبي الموتر و خليني اركب الولد ورا.. سعود شل ذياب و ركبه في الموتر و قمر ركبت يدام و ربطت الحزام بعد بعدها سعود ركب و حركو للشارجة..

طول الدرب ذياب كان يسولف و كانت قمر مستانسه عليه و حتى سعود.. و بعد شوي سعود سرح كان يتخيل ان عندهم ولدهم و الحين يتكلم معاهم و قمر مستانسه عليه و ما انتبه للموتر اللي يدامة الا بعد ما صرخت قمر عليه: انــــتــــــبــــــه سعـــــــــــــوود..
سعود رام يخفف و يبتعد عن الموتر و هو ينتفس بـ صعوبه: استغفر الله كيف سرحت.. السموحه و الله ما ادري شو بلاني و خلاني اسرح جي..
قمر لفت على ذياب اللي كان يصيح و طمنته انه مافي شي و بعدها قالت: ما كان لازم تسرح سعود الحين الولد تروع و انت الله يهداك تسرع ما تحسب حساب الموجودين معاك..
سعود نزل راسه على السكان بعد ما وقف الموتر على طرف الشارع: و الله سرحت ان ذياب هو ولدنا ما ادري يمكن من الفرحة لاني اشوفج مستانسة و فرحانة فيه وايد..
قمر سكتت من المفاجاة ما توقعت هالشي كان شاغل بال سعود:........
بعدها قالت: انزين سوسو شو رايك انا اسوق و انت ارتاح؟!
سعود اطالعها بنص عينه: لا عيوزتي ما اباج اتعبين حالج و ثاني شي فديتج ما فيني شي شوفيني..
قمر ابتسمت و لفت على ذياب اللي هدا و يلس يطالع فيهم: فديت هالويه شرات ويه اللي عدالي..
سعود ضربها ع الخفيف: هالويه محد يشبهه..
قمر ابتسمت له: و الله ذيوب نسخه منك..
ذياب: انا اشبه خالي سعود ثح خالوه قمر.. ((صح))
قمر: هيه فديت خالتك انا تشبهه ((همست)) بس خالك احلى عنك بشويات..
ضحك سعود:ههههههههههههه كح كح آآآآآآخ كح كــــــح..
قمر طلعت مطارة الماي اللي كان معاها: خذ حبيبي صحه صحه..
سعود بعد ما شرب: على قلبج حبيبتي..
ذيــــــاب: خالي شايب وايد يكح..
قمر ضحكت على ويه سعود اللي كان معصب و ماسك عصبيته: خخخخخخخخخخخخخخخخخخ..
ذياب ضحك على ضحكه قمر: ههههههه
هني سعود ضحك ما رام يمسك روحه: خخخخخخخخ بسج يا العيوز بس خخخخخخخخ..
قمر: خخخخخخخخخخ أأأأأأخ يا بطني خخخخخخخخخ..
سعود سوى روحه معصب و صرخ: بــــــــــــــــــــــــس..
الكل سكت و بعدها قال: ما تييون الا بالعين الحمرا.. ((و حرك سيارته))..



في الفجيرة..
دخلت ام ذياب و حارب و سلمت ع الموجودين.. و يسلت
ام محمد: وين ذياب بنتي؟!
اليازية: خذاه سعود معاه و ما كسرت بخاطرة..
ام محمد: هيه زين تسوين بصراحة هم الاثنين متعلقين بـ ذياب وايد..
اليازية: هيه فديتهم.. ربي يرزقهم ان شاء الله..
الكل: امـــــــــين..
الشباب و بوسيف نشو و سارو المسيد اما اليازية و امها نشو يصلون في البيت و بعدها يجهزون للغدا..

اليازية كانت لابسة جلابية حلوة..






بعد ساعة و نص..
وصلو سعود و قمر معاهم ذياب لبيت بو جاسم..
ام جاسم حضنت بنتها و يلست تبوس فيها بعدها سلمت على سعود اللي كان شايل ذياب معاه..

يلسو كلهم في الصالة استاذنت قمر عسب تفصخ عباتها.. طلعت فوق لحجرتها الاولانية اللي كانت مشتركه مع فجر و شافت فجر تمشط شعرها عسب تنزل لهم تحت..




اما فجر كانت كيوت بملابسها و شعرها اللي رفعته..




و ذياب كان كاشخ من اول.. و كان شكله جي..


بعد ما فصخت عباتها قمر نزلت و معاها فجر اللي كانت حلوة و تدخل القلب بسرعة.. سعود يلس يطالع فيهن و ابتسم << اليوم سعود فيه شي..

ابتسمت قمر لانها كانت تعرف انه سرح بموضوع انها ممكن تكون بنته و جي يعني لانه حافظه الريال عدل..

فجر سارت عند امها و سلمت عليها و بعدها عند ابوها و اخوانها و بالاخير سارت عند سعود بس ما باسته لانها كانت مستحية بس سعود سحبها في حضنه و باسها..
همس في اذن قمر: فديتج و انتي نازلة و بـ أيديج اليهال.. تراج قمر اسم على مسمى..
قمر استحت منه و مب عارفة ليش تغير و كل شوي يايب موضوع العيال..

يلسو يتكلمون و يسولفون و قمر بعدها نشت مع امها يشوفون الغدا و يرتبون الطاولة و كان الغدا ربيان و ام جاسم ناسية ان قمر ما تحب الربيان لانها كانت تعرف ان سعود يموت في شي اسمه ربيان.. و هم يرتبون السفرة قمر شمت ريحة الربيان ما استحملت الريحة و ركضت ترجع ((الله يعزكم))..
ام جاسم خافت على البنت لانها تعرف ان بنتها ما ترجع من هالاشياء.. سارت ورا قمر و شافتها تعبانة و ويهها مصفر..
ام جاسم: بسم الله شفيج يما؟!
قمر: دايخة يما.. و اغمى عليها..



في المستشفى..

كان سعود ناطر الدكتورة على احر من الجمر.. و بو جاسم و جاسم اللي طلب من جراح يتم مع العيال في البيت و يتأكد انهم اكلوا و اولهم ذياب و ينتبه عليه و وعده انه يطمنه على قمر ام جاسم كانت مع قمر عند الدكتورة اللي كانت تكشف عليها..

طلعت الدكتورة و هي مبتسمة: وين زوج انسة قمر؟!
سعود نش بسرعة: انا يا دكتورة طمنيني عليها..
الدكتورة: مبروك المدام حامل و بـ الشهور الاولى..
سعود ابتسم و كان طاير من الفرحة على هالخبر: مشكورة دكتورة ع الخبر الحلو..
دكتورة: انا ما سويت شي.. بس انا بعطيها شويه فيتامينات تاخذهم يوميا و لازم تبعد عنها الحزن و النكد لانها تتعب بسرعة و حساسة وايد..
سعود: ان شاء الله دكتورة..

راحت الدكتورة عسب تكتب لها على الادوية.. سعود سار وراها عسب اييب الادوية و يطمن عليها اكثر.. بوجاسم و جاسم دخلو على قمر اللي كانت توها طالعة من الحجرة و امها ماسكة ايدها..
الكل بارك لها و هي مستحية: الله يبارك فيكم..
جاسم: لو شايفة شكل سعود بتنقعين ضحك عليه..
قمر: بـــس جب ما يخصك في ابو ولدي..
جــاسم: خخخخخخ ما تروم بعد صايرة محامية دفاع له..
قمر: قلت لك اسكت.. وينه؟!
بوجاسم: سار مع الدكتورة عسب ياخذ الادوية اللازمة..
قمر ابتسمت و مشت مع امها للموتر لانهم راجعين البيت.. و قمر كلمت سعود و خبرته انهم سايرين للموتر و هو قال لها انه بيلحق عليهم خل يتحركون يرجعون البيت.. بس قمر ما رجعت مع اهلها لانها قالت لهم تبا ترجع مع ريلها و هم خلوها على راحتها..

سعود لما وصل موتره شاف قمر واقفه ناطرته: آآآآآخ منج يا العنيدة..
قمر: مب عنيدة بس انا حبيت اكون معاك في هالمناسبة الحلوة ع قلبك..
سعود: فديت قلبج انا ما اصدق انج حامل يا قمور..
قمر: و هذا و انا قلت لك مابا حمل من اول سنة..
سعود: حبيبي كل شي من ربج و نحن لازم نقول الحمدلله على النعمة..
قمر: الحمدلله مليون مرة..
سعود حط ايده ع بطن قمر: ولدي لا تأذي ماماتك انزين سير شاطر شرات أبوك و كون هادي..
قمر ضحكت: أذا انت توصيه يطلع شراتك فـ الله يعيني..
سعود ضحك: هههههههه شو تقصدين يعني اني مب شاطر؟!
قمر: لا فديتك بس انت مطلع لي قرون فـ ما بالك في ولدك شكله بيطلع لي عيني..
سعود: بسم الله عليج حبيبي ان شاء الله ما يأذيج و يطلع حبوب شراتج..
قمر: ان شاء الله يطلع يشبهك..
سعود: بعدين نتكلم في هالموضوع خلينا نحرك و نسير ناكل الربيان اللي خربتيه علي..
قمر لاعت جبدها: ســـوســــو دخيلك وقف عند ماك ابا ((mac chicken))
سعود: يصير خير قالت تبا ماك تشيكن.. اقول لج انتي بتاكلين اكل صحي و من ايدي بعد..
قمر: فديتك بس هالمرة عشان خاطر سيفاني..
سعود: لااااا حــــــــــــــول ان شاء الله هالمرة بس..
قمر باست خده من الحماس: فديتك و الله و فديت سيفاني..
سعود: لجل البوسة بسوي اي شي..
قمر ضحكت: عن الطفاسة حبيبي و ما عليك امر مر على ماك لا تنسى..
سعود: من عيوني يا عيوني انتي..
قمر: تسلم لي عيونك الناعسات..

سعود تحرك و سار لماك و طلب لها الوجبة اللي تبا و بعدها سار لـ بيت بو جاسم و يلسو ياكلون اما قمر كانت تاكل في الصالة عسب ما تشم ريحة الربيان و لما خلصت نادت على البشكارة تشيل الكيس..

لما سعود خلص من الغدا سار يلس مع قمر و اهلها و كان ذياب يالس في ثبان قمر و هي تلاعبه.. سعود: ذياب خالي تعال هني..
ذياب نش من ثبان قمر و يلس في ثبان سعود: حبيبي لا اتعب خالوه قمر انزين..
ذياب: ليــــث؟!
سعود: حبيبي خالوه الحين حامل..
ذياب: ثو يعني؟!
سعــود: يعني في نونو في بطنها..
قمر استحت لما شافت ذياب ابتسم و يطالعها: ثدق خالوه في نونو داخل بطنج..
قمر: هيه حبيبي نونو صغـير و بعدين بيلعب معاك..
ذياب نش من ثبان سعود و يناقز: يــــث يـــث حــارب ثغــير..
ســعود: لا ذياب ســيف مب حــارب..
ذيـــاب: الله ســـيف..
الكل ابتسم لـ هالولد اللي ينحب..

بعد ما شربو شاي و سولفوا بموضوع حمال قمر استأذن سعود منهم عسب يرجعون الفجيرة و ما سلم من وصاية ام و ابو جاسم على قمر..


بعد ما ركبو الموتر..
سعود: يلا بـسم الله توكلنا على الله..
قمر: توكلنا..
ذياب كان دايخ: خالي سعود أبا ارقد..
سعود: ارقد حبيبي..
رقد ذياب و سعود ما كان يسرع و كل شوي كان يطالع في بطن قمر مب مصدق انها حامل و بعد 9 شهور تقريبا بيشيل ولده..
قمر همست: فديت السرحان لا تسرح وايد حبيبي خلنا نوصل سالمين و نرجع الولد لامه..
سعود: ان شاء الله..

و بعد ساعة و نص وصلو الفجيرة..
و نزلو من السيارة و سعود شل ذياب اللي كان للحين نايم من تعب المسافة..
اول ما دخل عطى الولد لامه و دخل الصالة هو و قمر و هم ماسكين ايدين بعض و يلسو عدال بعض.. اللي بالصالة كانو بس خوات سعود و امهاته و ابوه.. فـ قمر شلت الغشوة..
سعود بـ ابتسامة: افــــا مــــا بـــاركتو لنا..
الكل على ويهه علامة استفهام كبيرة؟؟؟
سعود: هههههههه اخيرا بصير أبو..
الكل فرح على هالخبر و باركو لهم و قمر كانت قافطة من الحيا..

كملو اليلسة بـ الوصاية لها و لسعود عليها و هم مستانسين يسمعون لكل كلمه يقولونها لهم و هم بين الفترة و الثانية يبتسمون لبعض..

بعد العشا الخوات رجعو بيوتهن و حتى ام سيف و ام سلطان رجعو بعد هالليلة الحلوة بخبر حمل قمر..


في حجرة قمر و سعود..
قمر كانت يالسة و تبتسم بينها و بين نفسها.. سعود شافها و قال: سكنهم في مساكنهم بلاج تبتسمين لنفسج؟!
قمر: لاني تذكرت اللي صار اليوم و يالسه ابتسم..
سعود: ليش؟!
قمر: لانك طول اليوم تسرح فيني و بـ ايدي ياهل و تتخيل ذياب ولدنا و فجر بنتنا بس الحين انا حامل..
سعود: الحمدلله و الله فرحان يا قمر ما تتصورين فرحتي بـ هالخبر..
قمر: عسى دوم هالفرحة ما تفارقك حبيبي..
سعود: امين وياج يا روح روحي..
سعود انسدح و سحب قمر على صدرة: لو ولد بنسميه سيف..
قمر: اكـــــيد و لو بنت جود..
سعود: و الله متحمس لـ هاليوم وايد..
قمر: و انا اكثر بس خايفة..
سعود: من شو حبيبي؟!
قمر: من موضوع الولادة و الطلق و يعني هالسوالف..
سعود: ان شاء الله ميسوره حبيبي..
قمر: ان شاء الله..
سعود: انتي تعرفين انج راح تكونين في بيتي لما تربين؟!
قمر: الشـــو.. ما بكون عند اهلي؟!
سعود: لا حبيبي ما بتكونين عند اهلج بتكونين في بيتي و بدلعج و بخليج ما تتعبين مولية..
قمر: ان شاء الله كل شي بوقته حلو..
سعود: قمور باجر انا مداوم..
قمر: لااااااااا و الله ما شبعت منك..
سعود: راح تشبعي و بتملي مني بعد..
قمر: حشى و الله ما بمل.. انزين يا الشايب ارقد عسب تنش باجر من وقت..
سعود: اوكي.. تصبحين على خير..
قمر: و انت من اهل الخير ((سكرت ليت الابجورة))..




بعد سنتين من هالاحداث..

قمر في غرفة العمليات..
و سعود واقف برا عند باب الغرفة و ناطر الدكتورة تبشره..
و في نفس الوقت جاسم كان ناطر الدكتورة تبشره على أميرة اللي اول ولادة لها..

سعود متوتر: لا تحاتي جسوم ان شاء الله خير..
جاسم: انت شوف شكلك بعدين تكلم انا ميت خوف عليها مبش رات قمر هالولادة الثانية لها اما اميرة فديتها هاي اول ولادة لها و ان شاء الله تقوم بـ السلامة..

بعد ربع ساعة..
طلعت الدكتورة و بشرت جاسم بـ أن أميرة يابت له ولد مثل القمر.. و فرح وايد و حب يسميه محمد..

و بعد نص ساعة..
طلعت دكتورة قمر و بشرت سعود بـ أنه حرمته يابت له بنوته كيوت.. حمد ربه سعود لان قمر تأخرت وايد بس تفاجا من الدكتورة تقول له تراها كانت حامل بـ توأم و نبشرك البنتين و امهم بخير.. سعود دمعت عينه من الفرح: الحمدلله لك يا ربي الحمدلله..
بوجاسم و ام جاسم و جاسم باركو له و سعود وصل خبر لـ أهله ان قمر ربت و يابت توأم بنات..


بعد يومين..
الكل مجتمع في بيت ام محمد لانها كانت مستقبله بنتها و قمر بعد الولادة..
جاسم كان يالس حذال أميرة و سعود يالس حذال قمر و بثبانه سيفاني..
سعود: فديت بناتي الجميلات و فديت جود و جوري..
جاسم: ولدنا محمد بياخذ وحدة من بناتكم من الحين اقول لكم..
سعود: يصير خير يا بو محمد.. البنات هن اللي يختارن و لو قالو ما نبا ما بغصبهن..
قمر: يحصلهن واحد شرات شيخ الشباب محمد ولد جاسم..
دخل ذياب: انـــا أبي جود خالي سعود..
سعود: تم خلاص جود محجوزة لـ ذياب هههههههه..
جاسم: خلاص عيل جوري محجوزة لـ محمد..
سعود: تمام يا بو محمد بس بخلي الراي و الشور لبناتي ما بغصبهن لو قالو ما نبا ماشي لا محمد و لا ذياب..
اليازية: اوك يا اخوي..



توقعاتكم:
هل جود و جوري يوافقون على محمد و ذياب؟!


سعود و قمر:
سعود خفف من التدخين و الحين يدخن بس شوي من ورا قمر.. بس قمر عارفة هالشي و ساكتة و تسوي روحها مب دارية لانها تعرف انها لو تتكلم ما راح يسمع لها.. اما سعود مدلع قمر و حاطها في عيونه و كل ما طلبت شي يقول لها سمعا و طاعة..

جاسم و أميرة:
حب صادق و احترام و تقدير.. مولد لهم احلى اجواء و اسعد اوقات يمر بينهم..

بوسيف:
اب صابر و متحمل لكل المسؤوليات.. القلب الذي يحاول تغير الناس للاحسن و يبعد عنهم الحزن و الهم و القلب الكبير الذي يحمل فيه اعباء عائلة بدون كلل او تعب..


ام محمد و ام سيف و ام سلطان و ام جاسم:
امهات صبورات و مربيات قديرات.. يتحملن المصائب و المتاعب و هن العيون الساهرة عند تعب احد ابنائها و هن القلب الرحيم عندما يلجأ لها اي شخص..


ربي احفظ كل اب و كل ام لابنائها و ارحمهم يا ارحم الراحمين و ارزقنا برهم و ارزقهم جنان النعيم..

انتهت روايتي..
اتمنى تنال اعجابكم..


اختكم: مجنونه هواك..!