رواية ولد الترف و الدلال كاملة ٢٠١٤ , روايه تجسد الحب الحقيقي

[موكاتشينو]

شوق تدور مع ربى في حياة مول


شوق :تدرين حسيت من عيون أمي أنها بتذبحني لو ما رحت


ربى : أحيانا أمي تخوف غصب عنك تسوين الشي


شوق :محددة لون معين


ربى :لا


شوق : ولا انا بأشتري أي شي


ربى: وش رايك بأسود


شوق :أسود؟؟؟!!!! ليه


ربى : لأننا مو فرحانين


شوق : والله جبتيها ....بس وش ذمب قمر


ربى :مدري أمشي بس ندور على أسود .........


دورو وما لقو وطلعو وراحو الفيصلية ........


ولقو لهم أسود وأختارو نفس الفستان بس المقاس غير ..........


شوق :وش رايك نكمل اغراضه بكرة عشان نطلع مره ثانية


ربى : بكرة علي اختبار


شوق :ما عليك مو ضارك يله بس نطلع تعبت من المشي


ربى : يله


....................................


حدود الساعة 12 ونص


شوق جالسة على سريرها وتفكر ...........


((زواجين في وقت واحد!!


أكيد مشاري ما راح يقول لسعد اخطب رسمي إلا بعد زواج سلطان


بس سلطان بيملك والزواج بعده بشهر يعني فترة طويلة ويمكن يخطب رتاج


اففف يا فهد حملتني مسؤلية كبيرة وأنا توي صغيرة على هالأمور لو قال لجواهر كان احسن هي متزوجة وعندها ولد وتعرف تتصرف بحكمه أكثر مني.....شكلي بأقول لفهد يحمل مسؤلية هالخطبه لجواهر وأنا بأرتاح منها .......كذا أحسن ))))


غطت راسها بالمخدة ونامت ..........


.................................................. .


الساعة 2 الليل .....................


حصه .:منيرة......منيرة قومي ............


منيرة :هممم


حصه :قومي بسرعة


منيرة تحاول تفتح عيونها بس ما تشوف إلا الظلام :وشو


حصه :قومي أبيك


منيرة :وش صاير


حصه:لا قمتي قلت لك


منيرة :طيب كم الساعة


حصه : 2


منيرة :يوه مقومتني من اللحين تونا


حصه تهزها :قومي اخلصي


منيرة تقوم :طيب روحي وأنا وراك


حصه :متأكدة ما بترجعين تنومين ؟؟


منيرة :والله ما برجع


حصه :يله أنتظرك في الصالة


منيرة :طيب


مشت حصه وطلعت من الغرفه وجلست في الصالة


دقايق إلا جتها منيرة ووجهها كله نوم


وجلست جمب حصه


منيرة:ها ..وش صاير


حصه :غسلتي


منيرة :أيه غسلت


حصه :طيب صحصحي معي


منيرة :حصوص وش عندك ترى ما أحب كذا أخلصي بأروح أرجع أنوم ما بقى على الفجر شي !


حصه : الموضوع يخصك أنتي وماجد


منيرة وراح فكرها على الورقة وطار النوم كله :وش


حصه حست بتغير منيرة :عرف وش قصد البنت


منيرة ساكته


حصه :ليش ما قلتي لي


منيرة : وهو وش دخله ياخذ الورقة وهي جوا شنطتي


حصه : لا تصرفين الموضوع


منيرة : ما صرفته بس وش دخله ياخذها ماله حق يتدخل في خصوصياتي


حصه بتشكك عشان منيرة تقول لها كل شي:ليه وش كنتي ناوية تسوين


منيرة : وش قصدك


حصه :ما قصدي شي بس ليش ما قلتي لي


منيرة :وش أقولك هذي بنت تهددني أنها بتسحبني معها وتغريني بالفلوس عشاني بنت فراش والفقر ماليني من فوقي وتحتي لا والله ما أبي الفلوس اللي تجي بهالطريقة الدنيئة وبعدين أنا ما أبيع نفسي عشان واحد بيعطيني فلوس بعد..وخنقتها العبرة ....والله أنكم ما تحسون فيني ..كل يوم تجي فصلي وتقعد ترمي كلام قدام كل البنات وما خلت أحد إلا قالت له وين أحنا ساكنين وأبوي وش يشتغل واحنا بنات فقر ومن هالكلام ..وبعض البنات يناظروني برحمة وبعضهم بأستحقار ..وكل هذا عشان أجي معها الخسيسة الحقيرة الواطية الملعو.


سكرت فمها حصه ونزلت دموع منيرة على يدها:اووووش لحد يسمعك وحرام اللعن .....


اسمعي ماجد لقى لك حل........


ناظرتها منيرة بامل ......ومسحت دموعها :وش بيسوي يعني .........


حصه :أنتي واثقة من ماجد


منيرة :بأشرب موية واجي


حصه :روحي


قامت منيرة وشربت موية وغسلت وجهها و رجعت لحصه .........


حصه :ها ما قلتي واثقة من ماجد ولا لا.......


منيرة :واثقة


حصه :متأكده .......يعني ما راح تخافين من اللي راح يصير


منيرة:واثقة بس يفكني من هند


حصه :اسمعي هو راح لعبدالرحمن زين


منيرة تفاجأة:راح!!!


حصه :ايه راح مو هو صح خوي هند ومتشاركين في هالأمور


منيرة :اتوقع كملي


حصه :راح له وأختارك أنتي من بين البنات الموجودين عشان تطلعين معه


ولا مع غيره


منيرة :ايوه


حصه: انتي روحي لهند وقولي أنا موافقه أجي معك زين وهي وانتي بتروحون مثلا يوم الخميس لشقة عبدالرحمن ويجي ماجد ويعطي فلوس لعبدالرحمن وياخذك معه ..... وبيرجعك لهنا بدون ما يضرك ولا شي ...........


منيرة : بيقعد كل مره يدفع فلوس لعبدالرحمن عشاني


حصه : عاد هو يحب الخير بتمنعينة يعني بعدين عرضك اهم من الفلوس


منيرة : بس حتى ولو مفروض ما يدفع وهو خسران


حصه : يعني تبين يسوي لك شي عشان يكون ربحان وش هالتفكير يا منيرة هذا جزى ماجد أنه بيفزع معك


منيرة :لا مو قصدي ما أدري أحس ماله داعي مدري كذا


حصه :اقول لا يكثر واليوم الصباح روحي لهند هذي


وقولي أبي أروح معك وأنك موافقه


منيرة بيأس :بأروح لها


امري لله ................


.......................


رتاج تقوم من النوم وتحس أنها أحسن ....


طالعت الساعة كانت بحدود 9 ونص ........


انتفضت .....


اليوم ضروري تكون في الجامعه ....


عندها عمل لازم تسلمة .....


قامت بسرعه وتسبحت وبدلت وطلعت وعطت الشغالة كم كلمة عشانها ما قومتها وراحت الجامعه ...............


وفي جوالها 4 مكالمات من راشد بس مو فاضية له .....................


............................


منيرة طول الحصص بالها مشغول في اللي جاي


وما صدقت يخلص الدوام حتى تطلع وتروح البيت وتقول لحصه عن اللي في راسها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


........


شوق :ألو فهد


فهد :هلا ايه فهد مين ؟؟؟؟؟؟


شوق


فهد :هلاوغلا ...شخبارك؟؟؟؟؟؟؟؟؟؟


شوق : الحمد لله تمام أنت كيفك؟؟؟؟؟؟؟؟؟؟


فهد : كل شي تمام ..ها من وين خذتي رقمي


شوق :من زمان عندي بس عمري ما دقيت


فهد :اها ... في شي صاير خلاك تدقين صح


شوق :ايوه ...


فهد :وش


شوق :صراحة نفسي تشيل عني الموضوع ذاك


فهد :ليه؟؟؟؟؟؟؟؟؟؟؟؟؟؟


شوق:جواهر أحسن مني


فهد : يعني أنتي ما تحسين نفسك متهيئة تستحملين رتاج وردها وماجد كيف تقنعينة صح


شوق :أيه ...جواهر أحسن مني


فهد : كيفك بس أنا مقدر أكلم جواهر متزوجة يعني أحس غلط لم أدق عليها كلميها انتي


شوق :اوكي راح أكلمها اليوم إذا قدرت ..بس لا يكون زعلت


فهد : لا ما زعلت


شوق: اوكي خلاص بأسكر وإذا صار شي جديد دق علي اوكي


فهد :اوكي باي


شوق :باي


سكر فهد ومشى رايح للبيت ........


أول ما دخل مالقى أحد مثل العاده


راح غرفته وخذ أدويته وطلع من البيت؟؟؟؟؟؟؟؟؟؟؟؟؟


............


ماجد واقف مع الدكتور ويسمع نصايحة وهو شوي ويصفقه


لم خلص منه وطلع من عنده وراح الصيدلية وخذ أدويتة الخاصه بفقر الدم ....


هالأيام ما يهتم بأكله أبدا ......


وتسبب له في فقر الدم ولازم ياكل الخضروات والفواكة وووإلخ


حتى يعدي هالمرحلة قبل ما تصل للخطورة .............


وقف عند هايبر بندة ..ونزل


وجلس يتذكر وش يقول له الدكتور عن أنواع الخضروات


لكن ماجد ما يعرف أشكالها ضف من كل شي أخضر كيلو ووزنة ..


ثم راح وشرى له سمك وهو كاره نفسه من الريحة ..


وخذ كم كيلو من المكسرات اللي فيها حديد ..


ثم حاسب وطلع .....................


وصل للبيت ........


ماجد : مدينننننننه


أم مشاري في الصالة :ما خبري عندنا شغالة أسمها كذا


ماجد :أقصد ستي وينها


أم مشاري :وش تبي بها


ماجد : شاري أغراض من السوبر ماركت أبيها تنزلها


أم مشاري :أها ..أنت بس خلها وهم بينزلونها لك


ماجد:قولي لرويدا أبي تسوي لي جميع السلطات الخضراء على الغدا


أم مشاري : وشفيك أنت


ماجد :فقر دم آآآه منه


أم مشاري :والله من أكل هالمطاعم ..ما عليك رح بس تسبح ريحتك مدري وشي


وأنزل بتلقى كل شي جاهز ..


ماجد :اوكي


ركض ماجد لفوق عشان يتسبح من ريحة السمك اللي علقت فيه


.........


حصه :لـــــــيــش ما قلتي لها


منيرة :اصبري أفهمك بعدين صارخي


حصه: يله فهميني


منيرة :الحين كيف بأطلع الخميس مثلا على قولتك وأبوي موجود


حصه : عادي بتطلعين مع صديقتك ما راح يقول شي


منيرة : بس كل مره بيقول شي


حصه : لا جى وقتها انا بأتكلم عنك المهم أنتي ترتاحين من هالهند


منيرة : خلاص على ذمتك لا جى بكرة بأقول لها


حصه : اوكي


..............................


مشاري جالس عند ساره في بيت أهلها....


مشاري :ما ودك ترجعين البيت ما شاء الله ما صابك شي


ساره :خلني أكمل أسبوع بعدها تكلم


مشاري :ما بتحضرين ملكة سلطان


ساره :وش يوديني ومن بيقعد عند هالبزر بأحضر الزواج بس


مشاري: ملكة وشبكة مره وحده


ساره :البنت اللي طالبه ولا سلطان يبي كذا


مشاري : كني سامع أن البنت هي اللي تبي كذا


ساره : يمكن تستحي تطلع مرتين عند أهل سلطان اللي هم أنتم


مشاري : كيفها وأحسن كذا


ساره : الله يوفقهم ....


مشاري :أمين \


ساره :وحصه ما بيرجعها


مشاري :أقولك شي بس ما تقولين لأحد


ساره :وش


مشاري : بيرجعها بنفس يوم الملكه


ساره :بعد الملكة ولا قبل


مشاري : لا بعد الملكة


ساره :ومن بيروح لها


مشاري :جواهر


ساره :غريبه رضت


مشاري :سلطان طلب منها


ساره : جد سلطان


مشاري :أي والله عجيبه منه


ساره : بتنصدم حصه لو تعرف


مشاري :هو بيرجعها لكن بنفس اليوم بيكسر خاطرها


ساره :والله أخوك هذا أنسان عجيب عمره ما تم الجميل


مشاري: ما يبي يوضح أنه تنازل لها


ساره : الله يهدية


مشاري :جميع ....وين الأولاد


ساره : جو من المدرسة ونامو


مشاري:خسارة ناوي أطلعهم


ساره : مره ثانيه


مشاري يقوم :أجل أستأذن أنا تعبان من الدوام تبين شي


ساره : سلامتك


مشاري :الله يسلم قلبك


طلع مشاري من عند ساره وتوجهه للبيت ...


وانتظر موعد غدا أهله وراح للبيت ودخل عليهم وسلم لقاهم مجتمعين


((أبو مشاري ,أم مشاري , سلطان ,ربى .شوق ,ماجد ,رتاج ))


مشاري يجلس : ما شاء الله وش هالسلطات


ماجد : فقر دم وأنا أخوك لعب فيني


مشاري :وأنا أقول مو من العادة كل الخضروات والله زين جاك


عشان تتأدب وتأكل مثل الناس


ماجد :أقول لا تتطنز بكرة يبلاك


مشاري يمد يده يغرف له :بسم الله


أم مشاري :رتاج وش فيك كلي


رتاج :ها


أم مشاري :كلي لا يجيك مثل ماجد......


رتاج بتعب:ايه طيب


ماجد بضحكه : يمه خليتيني مثال


مشاري : العبرة وأنا اخوك زينة


ماجد :هذا وانا ما بعد جاني شي .....إلا والله رتاج وجهك متغير تعبانه .....


رتاج :لا ماني تعبانه و ما بأكل طيـــب


وقامت معصبه


ربى وشوق:هههههه


أبو مشاري :أششش


الواحد عند الأكل يسكت ...........


الكل سكتت وجلس ياكل بهدوء


...........بعد الغداء .................


راح أبو مشاري ينوم شوي قبل أذان العصر .................


ربى :وش فيها رتاج عصبت


شوق :من جت من الجامعه وهي معصبة مره


ربى :المهم متى بنروح السوق .......


سلطان :لحظة وش صار على الشبكة


أم مشاري :محد راح يشتري لك شكلي محد غيري بيروح


مشاري:وليش ما تروح أنت


سلطان :ما اعرف ذوق الحريم


ماجد :لحظة وش السالفة !!!! 


شوق :سلطان بيعرس


ماجد بعدم تصديق:أما عاد


شوق :والله وملكته الخميس


ماجد :وحصه


سلطان :أحد جاب طاريها


ماجد : بس يعني وش اللي يخليك تتزوج وأنت معلق وحدة عند أهلها وحامل


أم مشاري :أنا اللي أبيه يتزوج على حصه


ماجد :وليش البنت ما شفنا منها إلا كل خير


مشاري ساكت ما يحب يتدخل في هالأمور ......


سلطان يحب العناد مع ان مو مقتنع بوحدة ثانيه :الشرع محلل أربع


ماجد :طيب على الأقل لم تولد مو تكسر بخاطرها بعدين شاورتها؟


أم مشاري : أصلا من متى لها راي عشان يشاورها سلطان


ماجد بعصبيه: إلا لها راي أحنا وش درانا وش يدور بين حصه وسلطان


سلطان : عشان ترتاح بأقول لها بعد الملكة


ماجد بسخريه:أحلف اللحين يعني شاورتها


سلطان عصب:أقول ما تلاحظ انك تتدخل في أمور مالك خص فيها رح بس صع في باريس ولندن احسن لك من التدخل في كلام الرجاجيل


ماجد رفع صوته ويأشر بيد ويتكلم:ومن متى يا سلطان صرنا نعاير ........


على الأقل أنا أعترف أني صايع بأحترام لكن مارحت ألعب في بنات فقارا مالهم ذمب وأخر شي تطلقها وهي حامل وتتزوج عليها وانت ما شاورتها


سلطان :ترى النفس إلا الأن عليك طيبه ...............


ماجد واصل حده من سلطان :أنا اللي أقول هالكلام لكن بيجي يوم بنت


وحطها بين قوسين بتكسر لك خشمك اللي رافعه علينا


رفع صوته سلطان :"أقول توكل مناك لا يجيك شي مايرضيك


ماجد :أنا طالع أصلا أتمشى مع الكلــــــب ((رص على هالكلمة )) وطلع من البيت ..........


أم مشاري:أستغفر الله حتى وهي بعيدة تسبب مشاكل


قام سلطان وهو متضايق من تدخل أخوه وراح فوق .........


ومشاري طلع من البيت


شوق وربى ساكتين ما توقعو هالدفاع اللي من ماجد لحصه ....


كان ودهم يتكلمون لكن خافو من نظرات سلطان النارية اللي ما أهتم لها ماجد..


أم مشاري صرخت :وأنتم وش قعدكم هنا عاجبكم اللي يصير يله بس كل وحدة لغرفتها...


شوق :طيب لا تصارخين أصلا بنروح السوق نكمل أغراض ملكة الاخ سلطان


ربى سحبت شوق قبل ما تقول أمها شي ورقو فوق ..


........... في الحديقة ماجد يمشي وماسك كلبه ....


جى عنده مشاري .........


ماجد :لا تكلمني عن اللي تو


مشاري: لا بأكلمك من متى يا ماجد تقل أدبك على سلطان بهالطريقة


ماجد حط عينه بعين مشاري :أنا ماقليت أدبي أنا أدافع على هالمسكينة اللي مالها ذمب


مشاري :ندري أنه غلط يوم تزوج حصه لكن وش نسوي طبعه


ماجد :والله لو اني حصه لأفقع عيونه أنت ماتعرف وش سوا فيها ..


أولا :تزوجها بمهر نصه خذاه أبوها ..


تزوجها بدون لا طققه ووناسه .


ثانيا:قطعها من دراستها


ثالثا :ما سفرها شهر عسل


رابعا :مطلقها وهي حامل


خامسا : بيتزوج بدون شورها


سكته مشاري : بس يكفي ... اللحين بتحضر ملكته ولا لا


ماجد :لا


مشاري :كلمة رجال


ماجد :ماني حاضر لا ملكة ولا زواج


مشاري : أوكي ............


ومشى رايح عنه ..........


مشى ماجد في الحديقة شوي ثم ودا الكلب عند فاهم وطلع من البيت ........................


في غرفة شوق ......


ربى :تبين تهاوشين مع أمي عشان تكملينها


شوق : لا والله ما أحب احد يصارخ علي وأنا ما سويت شي


ربى :هوشة رجاجيل أحنا وشوله كنا جالسين


شوق :وأحنا وش عرفنا أنها هوشة بعدين ماجد ماقال


إلا كم كلمة تسمينها هوشة


ربى :بس اول مره نشوفهم كذا


شوق :ما عليك المهم متى بس نروح السوق ما بقى إلا يومين


ربى : بأشتري له الشبكة


شوق : من جدك


ربى :وش نسوي يعني


شوق :كيفك أنا أحب حصه ما أقدر أسوي كذا


ربى :مدري يعني وشو أيه يعني يجي الملكه وما معنى الشبكة


شوق :والله محد قاله يحط ملكة وشبكة


بنفس الوقت وهو ما أستعد لا لهذي ولا لذي


ربى : يله خلاص ما علينا منهم اهم شي


نكمل اغراضنا ومتى ما قالوا يله


رحنا معهم


شوق :روحي لبسي أنتظرك تحت


طلعت ربى ولبست شوق وطلعت وركبت


السيارة دقايق إلا ربى جايه وركبو متوجهين للمملكة ........


.................................................


صيته : هلا قمر وش أخبارك


قمر :أهلين بخير أنتي كيفك


صيته :تمام كيف تجهيزات الملكة


قمر :كل شي جاهز


صيته : متى الموعد الساعة كم


قمر : 9 الكل بيكون حاضر


صيته : ما غيرتو عن بيتكم


قمر : لا والله


صيته :أها ..كيفكم براحتكم أنا داقه أسلم وأشوف كان تحتاجون شي


قمر : الله يسلمك وما تقصرين


صيته : سلمي على خالتي والأهل زين


قمر :يوصل حبيبتي


صيته : أجل يله مع السلامة


قمر : مع السلامة


سكرت صيته من المكالمة القصيرة على دخلت مشعل ........


مشعل : السلام عليكم


صيته :وعليكم السلام


مشعل جلس جمبها ...


مشعل :وين العيال


صيته : نايمين


مشعل : اها...بأروح أتسبح وبارجع وأبيك في موضوع مهم


صيته : غريبه عندك شي مهم


مشعل ما أعطا لها بال ورقى فوق تسبح ولبس ونزل لقى صيته في محلها


مشعل : صيته حبيبي ما أبيك تعصبين ولا شي


صيته رافعه حاجب :الدعوى فيها حبيبي قول وش عندك


مشعل : أنا حاسب بعد ما تكمل رند 4 سنوات يكون جبتي لي ولد جديد


وأنا صراحة أحب الأطفال ومتخصص في طب الأطفال من كثر ما أحبهم


وما يكفيني 3 أولاد ..اعتقد وصل اللي أبغاه


صيته :أستغفر الله .... والله يا حبيبي متى ماجربت متاعب الحمل والولادة تعال تكلم قال طفل جديد والله ..............وقامت وراحت للدرج ولفت وبعصبيه:ولا يكون في بالك تسوي مثل سلطان وتتزوج علي لأن ساعتها ما راح أرحمك في اللي بأسويه .......ومشت رايحة لفوق


وتنهد مشعل على صيته وانعدام التفاهم اللي بينهم


توه ما قال شي ألا هي معصبه ..بس يمكن معاها حق


الحمل والولادة تعب ..........


لكن هي طول الوقت في البيت وما تحط ولا تشيل فيه شي


والعيال على الشغالات .......


يعني مالها داعي لم قالت هالكلام .........


.................................


ماجد : هلا نورة


نورة : هلا ماجد أخبارك ؟؟؟؟


ماجد :ماشي الحال أنتي وش أخبارك


نورة :تمام أنت وينك ما دقيت ولا شي


ماجد : أخاف أدق ويرد أحد من أهلك


نورة :مم معك حق أنا اللي أسفه على الغيبه


ماجد : معذوره


نورة :وشفيك أحسك زعلان


ماجد :نورة


نورة :لبيه


ماجد:أذا كان عندي لك غلا تكفين لا عاد تدقين


نورة :ليــه وش سويت لك


ماجد : ما سويتي شي بس أفضل لك لأني


واحد صايع ما وراه إلا الدجة وأنتي بنت توك صغيرة


استمتعي بباقي حياتك بعيد عني ....................


والجواب كان سكرت بوجهه ........................


ابتسم ماجد على ردة فعلها المتوقعه ........


هي بنت حبوبه وما شاف منها عيب من شهرين يعرفها ........


يله راحت مثل غيرها ....................


مشى رايح لغير هدى


................................


ربى وشوق رجعو من المملكة وهم مخلصين كل أغراضهم ..................


دخلو لقو في الصالة رتاج وجمبها أمها جالسين يطالعون التلفزيون .......


كان شكل رتاج يروع محمره عيونها وشعرها متناثر على كتفها بأهمال


رتاج : يله رجعو خلينا نروح


ام مشاري :من وين راجيعن


ربى : من المملكة


أم مشاري : خلصتو كل أغراضكم


ربى :ايه ...............


رتاج : يله يمه خلينا نروح ....................


ولبست عبايتها أم مشاري وقبلها لحقتها رتاج ..........


شوق بحماس : شفتي عيون رتاج


ربى :والله أرتعت


شوق :وش فيها مو صاحية هاليومين


ربى :يمكن تعبانة وما قالت لنا


شوق :والله مدري عن هالبنت غامضة


ربى : ليه ينتظرونا نجي


شوق : ما شفتي برى كل السواويق رايحين


ربى :اها ....أقول يله باي من زمان معطيتكم وجه وما دخلت النت


شوق :قلعتك .......


راحت ربى وركبت المصعد قبل شوق ورقت وخلت شوق تنتظر ....


بعدين رقت شوق وتذكرت جواهر ....


لكن بتصلي وبتنوم وبتدق عليها بعد العشا


.................................................. ........................


حصه : خلاص بكرة أروح السوق ونشتري لك اللي تبين


لطيفة :إذا ما معك فلوس خلاص بعدين


حصه :لا وش بعدين بكرة بعد ما ترجعين من المدرسة نروح نشتري لك جزمة


لطيفة :طيب ماراح تروح معنا منيرة


حصه :مدري عنها أكيد باخذها أذا تبي شي


لطيفة :أروح أسألها


حصه :لا جينا ننوم مو عند أبوي بيقعد يقول


خساير وماراح نروح


لطيفة :نسيت أنه بخيل


حصه :وش هالكلام


لطيفة :والله هذا الصدق


حصه :طيب دام أنك عارفه اسكتي ولا تقولين لأحد عن أبوك أنه كذا


لطيفة : عشانك أختي أقول لك ولا لو أحد ثاني أكيد بأمدح كل ذمه في ابوي


حصه : الله يصلحك بس


لطيفة بصوت عالي :جمييييييييع


.....................


رتاج :هذا أحلا


أم مشاري :قمر ناعمه نشتري لها كبير ما راح يعجبها


رتاج :بالعكس أكشخ


أم مشاري : لا لا ما يصلح ما عمري شفت وحدة لابسه كثر كذا ....


رتاج طنشت أمها :لو سمحت هذ كم سعره


البايع :يختلف السعر حسب الكمية أنتي بتاخذي معها سواره وحلق وخاتم


رتاج :طقم كامل بكل شي


البياع:هذا يا أختي 500ألف


أم مشاري :طيب هذا ...أشرت على واحد ثاني


البياع : هذا بـ 350 ألف


أم مشاري :هذا أحلى بكثير


رتاج :يمه ما شفتي السعر كيف مختلف


أم مشاري :تعالي نروح محل ثاني يمكن فيه موديلات أحلى


رتاج :اوكي يله ................


أول ما طلعو من الباب ..........


رتاج :يمه خلصي علينا أشتري له أي شي


أم مشاري :وأنتي وش وراك بترجعين البيت


يا بتنامين ولا بتطلعين تتعشين مع وحدة من صديقاتك


رتاج :يمه أنا تعبانه ما أبي أمشي فخلصي أشغالك بسرعه


أم مشاري :أقول أرجعي البيت أحسن


وخلي ربى تجي بدالك أنتي ما منك رجى


رتاج : انا ما مني رجى يعني اللحين ربى بتختار أحسن مني


لا قوليها أن ذوقي شين


أم مشاري :على الأقل ربى ما تزعج مثلك ............ومسكت الجوال وقالت للسواق يقرب .........


وعصبت رتاج وطلعت معه .......................................


وجلست ام مشاري تدور على المحلات بعد ساعة إلا ربع جت ربى


ودقت على أمها عشان تسأل وينها فيه وجت لها وهي مو راغبه أنها تختار لسلطان بس الشكوى لله..


ربى :ها


ام مشاري :وش ها هذي بعد قولي أنك تبيني اخلص بسرعه


ربى :لبيه وشفيك كلتيني واناماقلت شي


أم مشاري :أمشي نختار لنا


ربى :طيب الدبل مخلص منها


ام مشاري :من زمان ..يله ندخل هالمحل..........


ودخلو ......


وكان فيه موديلات مره حلوه واعجبت ربى وجلست تتناقش مع أمها


وما طلعو منه إلا شارين طقم ألماس بـ230 ألف ............


ناعم وكيوت بس وزنه ثقيل ويستاهل هالقيمة ...


وأم مشاري شرت لها طقم ذهب أبيض عشان الملكة ...


وربى شرت لها سلسال قلب بالذهب الأبيض ....


بس مو للملكة


وصلو للبيت ونادو سلطان يشوف الطقم وطالعه نظره وقال :زين


ورجع لغرفته ............


..........................


رتاج ماسكة راسها تتقلب على السرير من ساعة تبي تنام ما قدرت


دقت على راشد :راشد


راشد :لبيه وشفيك


رتاج بصوت مخنوق : ذبحني الصداع والله ذبحني


راشد : قلت لك كلي من الحبوب اللي معك


رتاج رفعت صوتها :حبوب حبوب أكلها تهدي راسي ساعات ويرجع يصدع حرام عليك قولي وش هذي وخلصني ترى من جد تعبت


راشد في نفسه(بدري على التعب) :طيب أنتي كلي اللحين وحدة ولا قمتي الصباح وحدة واوعدك أني أعطيك حبوب أحسن منها تخلي راسك 12 ساعة رواااق


رتاج بصوت ياس :خلاص على رايك يله تصبح على خير\


راشد : وأنتي من اهل الخير باي ........وسكر ...............


قامت رتاج وهي تسب نفسها وكلت الحبه ونامت بعد نص ساعة


.................................................. ............


صباح يوم جديد وجميل ............


لأن أخر يوم لدوامات المدارس .........


........منيرة جالسه تنتظر الفسحة تخلص عشان تروح تقول لهند


وهي تحس بطعم الهزيمة أنها راحت لها ..


رن الجرس وطار قلب منيرة من الخوف ........


ومشت بخطواتها الهادية لفصل هند لقتها طالعه مع شلتها وضحكهم مالي المكان .........................


نادتها منيرة بصوتها الهادي وسمعتها هند لكن طنشت


لكن بنت جمب هند قالت :ماتسمعين تناديك منيرة


لفت هند : أها منيرة أقول اسمع صوت بس مدري من ينادي!!


اوكي بنات راجعه لكم شوي ..........


ومشت متجه لمنيرة :نعم


منيرة : ممكن نتفاهم


هند :على ذاك الموضوع


منيرة :ايه


هند :وش فيه


منيرة :أنا موافقه


اتسعت عيون هند من المفاجأة وانرسمت على وجهها ابتسامه خبيثة :جد


هزت منيرة راسها بالموافقه .....


وجلست هند تناقشها على الموضوع لدرجة أن الفسحة خلصت ومنيرة تأخرت عن الحصه وهاوشتها الأستاذة .......................


...........................


في الجامعه


رتاج :هذي اللي وصاك عليها راشد


العنود :أيه


خذتها رتاج بسرعه وابتعدت عن العنود وراحت واستغرب العنود من تصرفاتها لكن طنشت وراحت


........................................


نهاية الدوام .....


منيرة تلبس عبايتها بسرعة قبل ما يروح عنها الباص ....


مسكتها وحدة من كتفها ولفت تشوف مين وطلعت هند


هند :الوعد اليوم العصر خليك عند التلفون ..بأقول لك أي وقت بأمرك فيه الخميس .............


منيرة:اوكي


وتغطت منيرة وخذت شنطتها وطلعت رايحة للباص


وهي كارهه نفسها انها تنازلت لهند .............


.................


مشعل : وعد


وعد : نعم دكتور


مشعل : أنتي عندك أخوان


وعد : ليه السؤال؟؟


مشعل : أسأل


وعد :أيه عندي


مشعل :كبار ولا صغار


وعد : فيه كبار وفي صغار ... ليش محتاج شي منهم


مشعل : لا ما تقصرون


وعد :أجل ليه السؤال


مشعل : مجرد فضول


سكتت وعد ورجعت تكمل شغلها ومية سؤال يدور في راسها من سؤال مشعل


...............................


حصه ومنيرة ولطيفة واقفين على الشارع ينتظرون تكسي ياخذهم للسوق .....


وبعد 5 دقايق وقف لهم واحد وركبو معه ..................


منيرة :أي سوق بنروح


حصه : بأخذكم لصحارى


لطيفة : أخاف غالي


حصه : لا مو غالي سوق مثل كل الأسواق أنتم ماعليكم أنا بأدفع كل شي


أنتي بس أختارو ..........


وصلو لصحارى وقفو عند بوابه (1) ونزلو .............


وكانت الساعة حدود 1 إلا ربع .........


جلسو يمشون وشرت حصه للطيفة جزمة وبلوزتين وبنطلون


ولمنيرة بنطلون وتنورة و3 بلايز وجزمة .............


ولنفسها جلابيه حلوه


أذن العصر .............................


منيرة :يله نرجع البيت


حصه : أيه يله نرجع بس ما تبون شي ثاني


منيرة : لا بس خل نرجع قبل ما يرجع ابوي


حصه : يله


وطلعو وما وقف لهم تسكي لأنه وقت صلاة


رجعو أنتظرو جوا بعد الصلاة رجعو للبيت ..


قبل ما يجي أبوهم بربع ساعة .........


لكن هو على طول راح نام ...


وجلست منيرة عند التلفون تنتظرة يدق من هند


.....................................


شوق خلصت من مكالمتها من جواهر وتحس أنه جبل وانزاح عن صدرها


راحت تدق على فهد :الو


فهد : هلا وغلا بهالصوت


شوق استحت : هلا بك ..شخبارك


فهد : تمام انتي كيفك


شوق :تمام مثلك


فهد : كلمتي جواهر


شوق :لسه مسكرة منها


فهد :وش قالت


شوق :تقول لخطبوها ذيك الساعة لها حلال


فهد : يعني بتتصرف هي


شوق :ايه


فهد جته مكالمة خارجية :شوق أكلمك بعدين


شوق :اوكي براحتك .....


فهد : مع السلامة ...............


سكر فهد وعلى طول فك الرجل الصناعية وارتاح نوعا ما ......


ورد على المكالمة الخارجية


.....................


ماجد متربع على سريرة وقدامه الاب توب يشيك على أيميله.........


رن جواله ورد على عبدالرحمن :هلا


عبدالرحمن :هلا ... ها ما غيرت رايك


ماجد : ولا بأغير


عبدالرحمن : الوعد الخميس


ماجد :في شقتك


عبدالرحمن :ايه


ماجد : اوكي بس أي ساعة


عبدالرحمن : متى ما تبي


ماجد : 10 اليل


عبدالرحمن :اوك .على الموعد.باي


وسكر وراح يدق على هند يقول لها أن الموعد الخميس في شقته .....


وهند دقت على منيرة وقالت لها ................................


...........................


بكرة ملكة سلطان وبيت قمر مرتبش يجهزون كل شي عشان بكرة ما يكون كل شي حوسه ..................


قمر متوترة مره ولا عرفت تنام ...........


أما سلطان في سابع نومه وما عكر عليه شي ..................

[موكاتشينو]

االمحطة الثامنه:
صباح يوم الخميس.....


رائد : ترى من الصبح ندور وللحين مالقينا بيتهم


جواهر : طيب أسأل هالولد يمكن يعرف بيتهم


رائد :أمرنا لله ......


فتح الشباك وصوت على الولد : يا محمــــد


قرب الولد لرائد


رائد : السلام عليكم ....ما تخبر بيتن قريب لواحد يقال


عنه أبو حصه


الولد أشر :هذا البيت الأبيض ......


رائد :زين مشكور


الولد :العفو ........وراح


رائد : يله انزلي


جواهر :والله أخاف ما ترضى ترجع معي


رائد :أقنعيها ترجع وأن سلطان هو اللي طالب مو أحنا


جواهر :أوكي ...بس أنت بتروح ولا بتقعد هنا


رائد : لا بأنتظرك


جواهر "اوكي ..........


نزلت جواهر وراحت للبيت ودورت الجرس ورنته ..........


فتحت لطيفه :ممممين


أنا جواهر


لطيفة تطالع الحرمه الكاشخة من عبايتها


وولفت طرحتها ورسمة عيونها ....


لطيفة :حياك


جواهر تدخل :الله يحيك ......أنتي لطيفه صح


لطيفه: أيه ....تفضلي محد جوا


دخلت جواهر وجلست في الصالة ..............


جواهر :وين حصه؟؟


لطيفة :جوا بأناديها لك


راحت لطيفة ودخلت الغرفة :حصه وحدة اسمها جواهر تبغاك


حصه اللي توها قايمه من النوم :من جواهر


لطيفة :مدري بس تبيك


حصه تستوعب وتقوم من الفراش :أخت سلطان


لطيفة :وش جابها


حصه : مدري بس روحي جيبي لها موية واشغليها لين أجي


لطيفة :طيب


طلعت لطيفة وجلست عند جواهر ........


جواهر :وش أخبارك يا حلوه


لطيفه استحت : بخير


جواهر : أنتي في أي سنة


لطيفة : ثاني متوسط


جواهر :عقبال الجامعه أن شاء الله


لطيفة :أمين ....إلا وش تشربين


جواهر :الله يسلمك ما أبي شي


لطيفة سكتت........


جواهر : عندك أخت أكبر منك .منيرة ولا


لطيفة :ايه منيرة في ثالث ثانوي


جواهر :وينها ماشفتها


لطيفة :نايمه تبين أقومها لك


جواهر : لا ما دام أنها نايمه خليها


رجعو يسكتون ......................


لمدة دقيقة ..................


وجت حصه .: السلام عليكم


قامت جواهر وسلمت على حصه .......


وجلسو وقامت لطيفة ودخلت الغرفة ..........


جواهر :وش أخبارك وش علومك من زمان عنك


حصه : والله الحمد لله أنتي اللي وش أخبارك وشخبار العيال


جواهر :والله كلنا بخير


سكتو شوي


جواهر :أكيد مستغربه من جيتي


حصه :والله هذا اللي في بالي اللحين


جواهر : بس أني موصاة من أحد


حصه :مين


جواهر :سلطان


حصه زادت نبضات قلبها :على أيش


جواهر :أنك ترجعين له


حصه سكتت


جواهر : يا حصه لك اللحين 4 شهور وأنتي تعرفين سلطان وتعرفين طباعه وما ننكر أنه متكبر وما يعرف يتكلم مثل الناس لكن هذا ما يمنع أنك ترجعين له


وحاولي فيه ترى بيتغير مع الزمن بس يبي له شوية صبر


وكل الرجاجيل كذا


وهو اللي قال لي أجيك عشان ترجعين له


حصه :وليش ما جى هو


جواهر :وليه أنا ما أسد


حصه سكتت


جواهر : ها وش قلتي


حصه :أفكر وأرد لك


جواهر :ترى أنتي حامل ومو زينة تفترقون وبينكم عيال


حصه : قلت لك بافكر وأرد لك


جواهر :متى


حصه :مدري بأستخير وبأرد لك


جواهر :حصه الله يعافيك أرجعي له والله هالأيام صاير عصبي وما يننطاق


حصه :تعتقدين أنه عشاني


جواهر :أكيد من رحتي وهو كذا


حصه ابتسمت :والله يا جواهر أن جيتك على العين


والراس لكن مثل ما قلت لك بأفكر


جواهر : لا تفكرين ولا شي العصر بأجي أخذك وجهزي أغراضك


وبأسلوب مازح : ما عندنا حريم يطلعون من بيوت رجالهم


ويله عن الدلع الزايد يعني عشانك حامل قمتي تتدلعين


.......ورائد عن الباب ينتظرنا نجي معه ...


لكن على شان خاطرك بأقول له يجيبني لك العصر وأن ما كنتي جاهزه لأزعل عليك ليوم الدين ........وقامت من محلها .......


وسلمت على حصه :ويله مثل ما اتفقنا


ابتسمت حصه لطيبة جواهر ووصلتها للباب ......


وودعتها ..................


حصه في نفسها


((توكم تشوفون عصبيته هه عشانه أول عصبيته الا أرادية تطلع علي ويوم رحت طلعها على اهله ....))


جتها لطيفة اللي سمعت كل شي :ارجعي له


لفت حصه عليها :بأفكر


لطيفة : مالك حق تفكرين لأن أبوي لو عرف أن أحد جى يرجعك وما رحتي


ليقوم الدنيا ويقعدها


حصه :أصلا نايم وش عرفه


ليطفة :بس أكيد بيسمع من الحارة أن في سيارة ولد عز وقفت عند باب بيتنا


حصه تتنهد : بس لازم أفكر يعني حرام أفكر


لطيفة : يعني بتقعدين طول عمرك عندنا


حصه : طبعا لا


لطيفة : اجل أرجعي له ...على الأقل زوجك عنده فلوس يغطي شوي على عيوبه


حصه : الفلوس مو كل شي أهم شي راحة البال


لطيفة :حصه زوجك يسكر


حصه : لا


لطيفه : يدخن


حصه : لا


لطيفة : يحشش


حصه : لا


لطيفة : يضربك


حصه : برضو لا


لطيفة :أجل شايفة نفسك ليه .............


أنت أرحم من فلانه اللي زوجها 24 ساعة سكران ولايضربها


يعني عشانه عصب وقال لك كم كلمة طلعتي من البيت ........


أنتي الغلطانه مو هو ....


قالت كلمتها ودخلت الغرفة وخلت حصه بصدمتها من كلام لطيفة


اللي مو في عمرها يقولونه ...


هلت دمعتها على خدها ........


ليه دايم هي الغلطانه...........


...............................................


أذن الظهر ...............


دقت جواهر على سلطان رد عليها وهو نايم


سلطان : الو


جواهر : هلا سلطان


سلطان :جواهر


جواهر :أيه ما عرفتني


سلطان :وش فيه؟


جواهر :بأقولك أني رحت لحصه وكلمتها وأن شاء الله


أنها بترجع


سلطان :طيب


جواهر تفشلت : يعني داقه أقولك لك


سلطان :مشكورة على الروحة ...


جواهر :لا العفو ما بيننا رسميات ..


سلطان :طيب ممكن تخليني أكمل نومتي


جواهر :يله نم باي ........وسكرت منه


سلطان تقلب على السرير ثم قام تسبح ..


ثم صلى الفجر والظهر .......


وطلع من البيت وراح للحلاق يزبط وكته ...


وقص شوي من شعره اللي وصل لنص رقبته ..


وراح خذ ثوبه وبشته كاويهم في المغسلة .....


وبعده رجع البيت ........


رقى فوق لقى في الصالة ربى نايمه على الكنبه وشوق تطالع


فديو كليب راشد الماجد ساعات ...........


سلطان :وش فيها ذي نايمه هنا


شوق تقصر على صوت التلفزيون :نعم


سلطان تركها على مقولة ((كلام الشيوخ ما ينعاد))


شوق :وش عنده ذا ...ورجعت تعلي على الصوت ..


وهي ودها تروح تكسر راسه قبل ما يملك على حصه .....


قامت ربى وبصوت عالي :قــــصري


وشوق بعناد علت أكثر لأنها برضو منقهرة من ربى لأن أمس راحت


مع أمها تشتري الشبكة .................


ربى ترمي المخدة عليها :فقعتي أذنــــــي


شوق بصوت عالي :روحي نومي في غرفتك أحد ينوم هنا


ربى :اففففففففففف وهو بكيفي الست هانم قومتني وأنا مانمت إلا


الساعة 10


شوق :أمي مشغولة تحت روحي نومي


سمعت كلامها ربى وراحت تكمل نومتها في غرفتها ......


وشوق تدعي في نفسها أن امها تهاوشها ..


من الحرة اللي فيها ...............


طلع ماجد من غرفته :هيه أنتي الصوت واصل للجيران


شوق تقصر عليه : نعم


ماجد :قصري عليه راعي النايمين


شوق :الساعة 2 إلا ربع وشوله تنوم لهالوقت


ماجد بعصبيه : قصري عليه ولا تناقشين


شوق قامت وطفت التلفزيون :طفيته ارتحتتتت


ماجد رجع غرفته وسكر الباب بقوة ..


اليوم لازم ينام كويس لأن في الليل بيكون غير .....!!!


شوق رجعت تشغله بس بصوت واطي .............


سمعت صوت باب ينفتح وصوت كعب ..........


ووصلت للصالة ..........


شوق بعد ما طالعت رتاج ماقدرت تمسك نفسها:هههههه هههه


ههه ههههه الحمد لله يا ربي هههههه ......


رتاج تطالعها بأستغراب :وشفيك أنتي انهبلتي


شوق :هههه كعب وبجامه هههه


رتاج تطالع كعبها :افففففففففف


ورجعت لغرفتها ..............


شوق على وجهها استغراب من رتاج تغيرت 180 درجة ..


صارت ما تهتم بشكلها ...ونوم كثير ..........


طلعاتها قلت .........وجودها في غرفتها بالساعات ..........


أمور تؤدي إلى الشك أحيانا خاصه عيونها الحمرا دايم .............


صحت شوق من تفكيرها الغير عميق ورجعت تطالع التلفزيون .............


وانتظرت رتاج تطلع مرة ثانية من غرفتها لكن ما طلعت .......


..........


منيرة منصدمة : بترجعين له


حصه :ايه


منيرة :وأنا


حصه :وأنتي وش فيك


منيرة : اليوم نسيتي أني بأروح مع هند


حصه :طيب وين المشكلة


منيرة : ومن بيدبر اموري


حصه :أنتي مو صح بتطلعين الساعة 10


منيرة :ايه


حصه :أبوي ينوم 9


منيرة :ولا قام وما لقاني


حصه : قولي رايحة عند صديقتي


منيرة :وإذا ما صدق


حصه :اسمعي انا بأقول له أني بأخذك معي بنروح السوق زين


وهو لا قام من النوم يحسب أنك ما رجعتي من السوق


منيرة :مدري أخاف


حصه : لا تخافين ولا شي كلها بتروحين مع هند للشقة ويستلمك ماجد ويرجعك لهنا ولا من شاف ولا من دري


كلها نص ساعة على بعضها ........


منيرة : والله أني بأنهبل من التوتر


حصه :بأكون مع ماجد على الخط لا تخافين


منيرة :هي مرة وحدة بس


حصه : أكيد مره وحدة عشان تخلين هالخايسة تمسك لسانها عنك


منيرة :هي أكيد بتعتقد أني مع ماجد دايم يعني بالأحرى شبكتنا


حصه :أيه ....


منيرة تطالع وجهه حصه :بتكشخين له


حصه :ودي ألبس الجلابيه اللي لبستها أمس


منيرة :والله حرام ب700


حصه : بس كشخة تستحق


منيرة : طيب عشان خاطري قومي تسبحي وتزيني له


حصه : مع ان مهما سويت ما يبان في عينه بس عشان خاطرك بأقوم .....


وقامت حصه تتسبح ........


..........................


الساعة 3:55.....العصر ...............


سلطان لابس ثوب وشماغ ومتعطر ..........


أرسل لجواهر : (( أنا بأجيب حصه ريحي ..))


وردت على طول : (( الله يعافيك ولا تجرحها بكلمة يكفي اللي بيصير بالليل))


ما رد عليها ...


طلع من غرفته وماشي للدرج بينزل ....


أم مشاري : على وين


سلطان :مشوار


أم مشاري :وش هالمشوار اللي ما طلع إلا بيوم ملكتك ....


سلطان :مشوار وخلاص لا تحنين


ومشى رايح عنها وانقهرت أم مشاري منه ...........


ركب سلطان سيارته ومشى رايح لحصه ...................


.............


رتاج وهي شوي بتموت وبترجي:راشد تكفى وش هالحبوب اللي عطيتني


صرت مدمنه عليها ما أقدر أفكها الله يخليك قلي وش هذي


راشد :أنا أكلها وشوفيني مافيني شي أنتي اللي جسمك توه في بدايته ما تقبلها مره أصبري على عمرك أسبوع وبتصيرين اوكي


رتاج : حرام عليك اليوم ملكة أخوي ومو قادرة أركز في شي


راشد :ما عليك كلي حبتين قبل ما تروحين لملكة أخوك


وتصيرين أوكي إن شاء الله!


رتاج : خلاص أمري لله ..يله تبي شي ...


راشد : سلامتك قلبي يله بيباي


رتاج :باي


سكرت رتاج وقامت تطلع فستانها وأغراضها قبل ما تروح المشغل ...


جهزت كل شي وطلعت من الغرفة .............


........................


4:20


سلطان واقف عند باب بيت حصه ......


وأشغلوه البزارين اللي يمرون في الحارة وكل شوي يطالعونه


ويطالعون سيارته الكشخة ..............


عدل نظارته الشمسية إلا بأحد يطق شباك السيارة لف يشوف مين ..


لقاه بو حصه وشكله توه جاي من دوامه ......


فتح له الشباك !


أبو حصه يمد يده : السلام عليكم


سلطان صافح أبو حصه بسرعه ووخر يده :وعليكم ... قول لحصه تطلع لي


أبو حصه : بتاخذها


سلطان :ايه قل لها تستعجل


أبو حصه يأشر على خشمه :على هالخشم دقيقة وهي عندك ....


حتى لو أنه كان مار بيشوفها بيخليه ياخذها .......


دخل أبو حصه البيت وبصوته الجهوري :حـــصه


حصه اللي جالسه في الصالة ومتزينة بجلابيتها الأورنج


ومكياجها الخفيف ومستشورة شعرها على نعومته وطايح على وجهها...


وريحة عطرها ماليه المكان


حصه :سم


أبو حصه : زين جاهزة ..سلطان عند الباب ينتظرك ......


حصه فرحت بس في قلبها ..قامت بتلبس عبايتها .....


أبو حصه متشقق من الوناسه أن حصه بتروح وتخفف عليه من مسؤولية وجودها والبزر اللي في بطنها ............


حصه وهي تلف الطرحة: يبه ترى بأخذ منيرة السوق الساعة 10


أبو حصه راحت الأبتسامه : بس ما معي فلوس


حصه : لا تخاف أنا معي


أبو حصه رجعت الأبتسامه:إذا على كذا انا موافق


حصه لبست نقابها :يله مع السلامة ....


ومشت ولطيفة شايله الشنطة لأنها تخاف على البيبي اللي بيجي ...


وصلت للباب ودعت خواتها وطلعت ولقت سلطان عند الباب ..


ركبت الشنطة ورا ....


ثم راحت ركبت جمبه ....


حصه : السلام عليكم


سلطان :وعليكم ........


حصه مشتاقه لوجهه :كيفك ؟؟؟؟؟


سلطان : تمام ......أنتي وش أخبارك


حصه خلاص شوي بتطير من الفرحة ...يسألها عن أخبارها ..يعني فراق هالأيام أثر فيه لهدرجة ..ليتها جت من زمان ..:الحمد لله ........


حرك سلطان سيارته وطلع من الحواري العتيقة ..........


والسكوت يعم المكان ..................


حصه:نروح البيت


سلطان : ايه ...وتضايق من شماغه فصخة وحطه جمبه وحرك شعره بيده


وعدل نظارته ...............:تبين تروحين مكان معين


حصه :كيفك


سلطان : تغديتي


حصه : لا


سلطان ":بيتنا مليان أكل


حصه لفت عليه وكتمت ضحكتها توقعته بيقول أمري


أي مطعم تبين ما توقعت هالرد


سلطان :وشفيك سكتي


حصه وفي صوتها الضحكة : لا أبد سلامتك مافي شي


سلطان لف يطالعها ورجع يطالع الطريق........


حصه نست عمرها وجلست تتأمل فيه ..


كل ذره بجسمه فيها كبرياء !


كانه محد في الكون مثله ......


مع ذلك أشتاقت له ........


لصوته ...لعصبيته .. لعنادة ...لقوانينه .......


كل شي أشتاقة له فيه ................


أشتاقت له لم يقول : ((طفي اللمبه بأنوم ..))


أشتاقت لم يجي من الدوام ويبدل ملابسه وكل شي ينطله في مكان


الجزمة .الثوب . الشراب . الشماغ .................إلخ


لا إراديا : سلطان


لف سلطان وطاحت عينه في عينها .........


حصه :أشتقت لك


لف سلطان يطالع الطريق وهو ساكت .......


دائما هو كذا ....


عمره ما قال كلمة حلوه وكأنها من المحرمات .......


أنتظرت يرد عليها لكن خاب ظنها ......................


رن جوال سلطان وكانت ربى ............


سلطان : نعم


ربى : ترى كلنا رحنا المشغل


سلطان :طيب


ربى : بس عشان ما تدورنا في البيت


سلطان : كلكم رحتو


ربى :أنا وأمي وشوق ورتاج .....


سلطان : يله سكري ماني فاضي لك


ربى سكرت ........


حصه فيها فضول بس ما تبي تسأل من كان يكلم وفشلها ...........


وصلو للبيت .......


وقرب سلطان لم البوابه ونزلو ...........


دخل سلطان ووراه حصه ........


دخلو المصعد ورقو فوق ......


ومشى سلطان ووراه حصه لم دخلو جناحهم ............


في غرفتهم ولفت انتباه حصه البشت المحطوط على السرير


وودها تسأل لكن ماسكة نفسها ......


فسخت عبايتها وحطتها على الجمب .....


وسلطان بدل ولبس بجامته وطلع للصالة وفتح التلفزيون وجلس يطالع ......


حصه انقهرت .......


وراحت وجلست جمبه ..مايفصل بينهم شي ....


حصه :البشت حق مين


سلطان لف عليها :حقي


حصه :ليه مطلعه


سلطان :بأحضر زواج خويي اليوم


حصه : اها .....وهي ما أعجبها الرد


((زواج خووية ويلبس بشت؟؟؟؟؟؟؟؟وش خلى للمعرس))))


سلطان جلس يطالع وجهها المملوح ولكن مو لدرجة الجمال ,,,,


لكن دايم يعجبه لفحة الحزن اللي فيه .............!


سلطان :حصه انتي تعبانه


حصه بهمس:لا


سلطان ويلف وجهها له :إذا تعبانه قولي ماراح أقول شي


حصه نبضات قلبها تتسارع من مسك سلطان وجهها :والله موتعبانه بس تعرف الحمل يغير الوجه .......


ترك سلطان وجهها وهو متوتر ما يدري وش السبب ............


طالع ساعته ...4:56....


باقي 3 ساعات ويروح يملك .............


لف على حصه السرحانه في يدها وتفركهم في بعض دليل انها متوترة .........


سلطان لم شاف حركتها توتر زيادة ..........وقرب يده وفك يدين حصه وفرقهم عن بعض عشان ما توترة .......:خليهم كذا


حصه انرسم فوقها علامه أستفهام كبيرة من تصرفة الغريب .........


سلطان :حصه أبيك تصيرين قوية


حصه متفاجأة :ها


سلطان :من قال ها سمع


حصه :وش مناسبة هالكلام


سلطان تراجع:ماله مناسبه خلاص انسي اللي قلته .............


حصه سكتت ...........


قام سلطان ومسك يدها ومشاها للغرفة وسكر الباب ...................


سلطان وهو يرجع شعر حصه لورا ويرجع من نعومته :شفتي هالبشت ...


حصه تنتظره يكمل وعيونها مليانه براءة ..


حضن وجهها بكفوفة ثم قربها له وحط راسها على صدرة المكان اللي تقدر توصله حصه بسبب طول سلطان..............


حصه قلبها طبول ما تعرف تقول شي وهي ماتعرف وش في سلطان وهالتصرفات الغريبه ..............


مرت دقيقة وهم على هالحال .............


بعدها شوي سلطان عنه وباس جبينها وخدها ........


وحصه مجمدة ...


سلطان : اليوم ملكتي .......................


وقف قلب حصه وابتعدت عنه مسافة متر:ايششش؟؟؟؟؟؟؟؟؟؟


سلطان : بعد المغرب بأروح للناس واملك على بنتهم أسمها قمر


واسم على مسمى ........


جامعيه وحلوة أخلاق وهدوء وماتحب الطلعات الكثيره فعجبتني وقلت اخطبها


واليوم ملكتي عليها ........


فحرام أملك وأنا ما قلت لك .......!!!!!!


حصه تطالعه وهي منصدمة ما تقوى تقول شي


ولا حتى تتحرك وتعطيه كف على الأقل ..............


ماحست به إلا طالع من الغرفة ومن القسم بكبره .............


...................................


الساعة 6:44 .....


شوق وهي تطالع مكياجها :حلو صح


ربى :تمدحين نفسك


شوق : لا ما أمدح بس احس أنه حلو


ربى :أهم شي أنتي تحسين أنه حلو


قطع كلامهم رتاج بصوتها اللي فيه نوم:خلصتو


ربى وشوق : أيه


رتاج :بشرو أمكم ....


وراحت .............


لفت ربى على شوق :وش فيها ذي


هزت شوق كتوفها وعلى وجهها ابتسامه :مدري


ربى : مو صاحيه أحلف لك


تخيلي تو تقول لي :العيد متى يجي؟؟؟؟


شوق :أخاف أنها تبي العيد


ربى : لا تسأل سؤال وهي جاده


ولم ما جاوبت سبتني وراحت ....


شوق : لا اختنا فيها بلا ..............


ربى : اللحين باقي أمي ماخلصت .......


شوق :ايه توها تحط المكياج


ربى :اجل بأصلي .............


وراحت تصلي .............


أما شوق ماعليها صلاة فامريحة .............


............................


يا ليتهُمْ قبلْ إنكشَافْ الأقِنعہ دارِوِ محازِنْ {ِ دنيتّي }ِ وِ عِذرُِوِها


لعَبوِّا بـ حِ‘ـَسبة ( دمعِتّي ) وِ ألمآسِي


حتىا مَلامِحْ بـ سْمِتّي ضيعُوِهّا


وِالله لوِلا رِهبتِك يا إلهّي ~


لـَ أنهِيّ معَالِمْ عِ‘ـَيشتِّي كلْ أبوُِهـا . . !



الساعة 7:30 ................


كان الكل مجتمع في بيت أبو مشاري ................


مشاري وولده بدر ومشعل مع زوجته صيته الكاشخة على الأخر..


وجواهر وأم مشاري اللي توها ما لبست فستانها وربى وشوق مثلها ....


لأن الرجال جمعتهم بعد المغرب والحريم بعد العشا ...


مجتمعين في الصالة ينتظرون سلطان ينزل ..................


.......في قسم سلطان .........................


حصه جالسه في الصالة وما تغيرت ملامحها من تركها بصدمتها لم رجع وجلس يتجهز .....................


طلع سلطان من الغرفة وبيده بشته اللي لابسه بزواجة من حصه .........


طالعته حصه من فوق لتحت ...............


وهو طالعها وملامحة على وجهه جامده .........وطلع من القسم ولحقته حصه


حصه بصوت مخنوق :سلطان ........


سلطان : ارجعي الغرفة أحسن لك


حصه :ما تبخرت


سلطان مستغرب من جرائتها :بأتبخر تحت


حصه بأسلوب غريب : لا مو أنت زوجي لازم أبخرك أنا .............!!!


سلطان اللي ما أهتم : كيفك ........


ونزل من الدرج ووراه حصه ..............


الكل تفاجأ بوجود حصه في هالوقت الحرج ................


نزلو وتوجهو للمطبخ وبخرته حصة ثم رجعو للصالة ,,,,,,,,


جواهر نزلت راسها لأنها الصباح كانت عندها وتقنعها ترجع لسلطان وهي عارفه أن ملكته اليوم .............


ربى وشوق يطالعون بعض وفي قلوبهم الم على حصه


حصه :السلام عليكم


أبو مشاري طالع حصه :وش أخبارك من زمان عنك


حصه تجلس جمب رتاج : الحمد لله بخير أنت وش أخبارك


والكل حاس بتغير صوت حصه اللي واضح أنها وحدة كاتمه الصيحة


رتاج :بتروحين ههه معنا!!!!!!!!


حصه تطالع رتاج : لو أعرف من زمان كان رحت


وطالعت جواهر اللي رفعت راسها وطاحت عينها في عين


حصه ونزلت راسها مره ثانيه ....................


صيته :إلا يا خالتي لو تشوفين قمر بس على الطبيعة لتسمين عليها من الحلا اللي فيها وزيادة على كذا من بناتنا ...


أم مشاري :خابرتها بنت وش حليلها .....


يله يا عيال ما ودكم تروحون تملكون.


ناظر سلطان حصه ثم قال : مشينا ........


وقام الكل من الرجال وطلعوا من البيت أما الحريم كلن رايح يشوف شغلة ويتجهز إلا صيته جاهزة من زمان ..........


قامت حصه وقلبها شاب نار من القهر وودها لو تحرق البيت كله فوق روس أصحابه ....................


وصلت غرفتها ..............


وما قاومت نفسها انسدحت على السرير وانخرطت في نوبة بكاء حادة .......


..............................


عند الرجال ...........


تمت الملكة بحمد الله ......


وطلع الشيخ وقامو المعازيم يباركون لسلطان .........


وسلطان ما غير كلمته : (( الله يبارك بعمرك ))


.........


عند منيرة ..........


كل شوي تطالع الساعة وقلبها طبول مع انه بدري على الروحة


توها مسكره من هند اللي دقت تأكد عليها .........


الساعة حدود 8 ونص ...................


قامت تصلح عشا لها واللي عندها حتى ينام أبوها في موعدة المحدد...


.......................


ماجد داخل البيت وأهله كلهم بعباياتهم بيطلعون ...........


ماجد :على وين


أم مشاري :نسيت ملكة سلطان


ماجد : ايه ذكرت ....................


ورقى لفوق ...................


والحريم طلعو بسيارة وحدة لبيت قمر ................


.............................................


حصه ما حست بعمرها إلا نايمه .......................


ناسيه أن منيرة اليوم مغامرتها


...........................................


ماجد واقف عند دولابه محتار وش يلبس


ثوب ولا بدله مثل العاده ..............


أستقر على بنطلون جنز وتشيرت أزرق .........


لبسهم وتعطر وحط بجيبه فلوس وبيده جواله ومفاتيح السيارة ........


ونزل متجهه لسيارته ....................


والساعة حدود 9 وخمس .............


........................


عند الحريم ............


كان الجو ربشة وأغاني والحريم المعزومين كثار بحدود 100 حرمة


كانت اللي ترقص رتاج وكم بنات معها ............


أما ربى وشوق جالسين بطفش ينتظرون الهانم تشرف وتنزل لهم ويدخل سلطان يلبسها ويطلعون ويتعشون ويرجعون البيت .......


صيته جت لشوق وربى :قومو أرقصو مو من عوايدكم تجلسون


شوق : والله لا صارت العروس مو بنت خالتك رقصنا


انقهرت صيته وراحت ترقص شوي ...........


شوق : الساعة 9 وربع متى بتدخل ذي


ربى : يمكن عشر


شوق:يا لليل ......افففففففف


...................................


سلطان يكلم مشعل :دق على حرمتك تقول لقمر تستعجل


ماني فاضي لها انا !!!


مشعل :مستعجل عليها ؟؟؟


سلطان :الساعة اللحين 9 ونص يله عجلونا


مشعل :طيب لا تنافخ بأدق عليها .............


وبعد مشعل عن الرجال حتى يكلم صيته ...........


وقالت انها اللحين بتنزل .............


.....................


عند الحريم ..............................


انزفت قمر على موسيقى هاديه ..............


كانت قمر بمعني الكلمة بفستانها الوردي والأبيض


الناعم ومكياجها الخليجي ........


ومسكتها ورد أبيض ...............


وصلت للكوشة ............


وخذو لها كم صوره .........


بعدها راحو المعازيم يسلمون عليها ...........


ورجع الجو رقص وأغاني لحد 10 .............


وقالت أم قمر أن المعرس بيدخل ...............


عشان اللي يبي يتغطا لكن محد راح يجيب عبايته .........


دخل سلطان ونظرة للأرض لم وصل للكوشة وسلم على قمر ................


وجت أم مشاري وجواهر وأم قمر


لعندهم وباركو لهم ............


ولبس سلطان قمر شبكتها وهو معجب بذوق أمه ما عرف أنه أصلا ذوق ربى


...ولبسو الدبل ................


وجلسو شوي .....................


لم طلب سلطان أنهم يطلعون .....................


وطلعو العروسين


............................................


منيرة بعد ما تأكدت أن لطيفة نامت خذت ملابسها اللي شرتهم لها حصه ولبستهم ......


وجلست عند الباب تنتظر هند ......


وفعلا لم جت 10 كانت هند عند الباب ........


وطلعت لها منيرة وهي ترجف من الخوف ركبت السيارة وكانت تاكسي ......


هند : هلا وغلا


منيرة :هلا


هند :وشفيك خايفة


منيرة :ماني خايفة


هند :أيه نشوف ........يله محمد أمش قدام ...........


ومشو رايحين للعمارة اللي فيها عبدالرحمن ..........................


...................


سلطان جالس متملل جمب قمر في المجلس بعد ما خلوهم لحالهم ..........


سلطان :متى تبين العرس..........


قمر طالعته بصدمة من السؤال ونزلت راسها .........


سلطان اللي ما أهتم لجمال قمر مسك جواله :كم رقم جوالك


قمر بصوت هامس نقلته رقمها .......


سلطان وقف : انا طالع تبين شي .........


قمر : سلامتك ............


طلع من عندها وراح لسيارته ومشى للبيت .....


أما قمر مستغربه من سلطان بس قالت يمكن مستحي ........


ورحت لفوق لأن المعازيم جالسين يتعشون .......


......................


منيرة واقف مع هند عند شقة عبدالرحمن وماجد جوا عند عبدالرحمن


ماجد :قلتي لي 10 ألاف واللحين صارت 15 ألف


ما اتفقنا كذا


عبدالرحمن :3 ألاف لمنيرة والباقي بيني وبين خويتي اللي جابتها لك


ماجد بطولة بال :10 ألاف غيره ماراح أدفع .......


عبدالرحمن :وما بعطيك البنت إلا لدفعت 15 ألف


ماجد :خلاص أتفقنا 10 اللحين وبكرة أجيب لك الباقي


عبدالرحمن :وأنا وش يضمني أنها بتعجبك وبتجي بكرة يمكن تنحاش وتسحب علي


ماجد :يالليل ...... جب دفتر شيكات وبأكتب لك


عبدالرحمن ما صدق وراح يجيب الدفتر ...


وكتب له ماجد شيك ب12 ألف ...


عبدالرحمن : ليه 12 ألف


ماجد : الباقي 3 الاف وبأعطيه البنت ليه أكتبه لك


عبدالرحمن وياخذ الشيك : كيفك تفاهم انت وياها ..........


ماجد : يله فمان الله


عبدالرحمن : ليله سعيده ..........


ماجد وقف عند الباب وطالع منيرة : مشينا


مشت منيرة جمبه ورجولها تتصافق من الخوف ........(ياعمري).


ركبو السيارة .........................


ماجد لاحظ رجفتها فحب يطمنها: لا تخافين


منيرة :حصه دقت عليك


ماجد : لا خليها في حالها مسكينة


منيرة خافت أكثر : ليه وش صاير لها


ماجد : اليوم سلطان ملكته على وحدة ثانية


منيرة عصبت :وليه جاي ياخذها


ماجد أستغرب:سلطان جى ياخذها اليوم بنفسه !!!


ظنيتها جواهر ..........


منيرة : جواهر جت الصبح كلمتها وسلطان جى العصر .......


ماجد :اها ....................


وسكتو ......................


منيرة قلبها على أختها:وهي وش أخبارها اللحين


ماجد : ما شفتها بس لم أشوفها راح أخليها تدق عليك


منيرة : طيب رجعني البيت


ماجد :دافع 12 ألف على الفاضي ......!!!!!!!!!


...........................................

[موكاتشينو]

المحطة التاسعه : طلعو الحريم من الملكة حدود 11 ونص ........


وصلو للبيت 12 إلا ربع ..............


والكل اتجه لغرفته ....................


سلطان منسدح جمب حصه اللي نايمه وعلى وجهها دموع ............


و ماحس بعمره إلا هو الثاني نايم .......


.................................................. ............


منيرة وقف قلبها .....................:اييييييييشششش


ماجد حب يلعب بأعصابها أكثر قفل الأبواب :وشفيك مو هذا اتفاقنا


منيرةجلست تستوعب : بس حصه تقول


أنك بترجعيني ....وخنقتها العبرة ...


ماجد فتح الأبواب :أمزح معك على طول خفتي مافي ثقة .......


بعدين أنا مو لهدرجة نذل ...


منيرة والخوف لازال في قلبها :أحلف


ماجد :هه والله يا بنت الحلال ما راح أزين فيك شي


منيرة : طيب رجعني البيت


ماجد : اوكي من عيوني .........


ومشى رايح لبيت حصه ووقف بعيد ........


منيرة : ليه ما قربت للبيت


ماجد : أخاف أحد يشوفك نازلة من سيارتي وياخذ عنك فكرة


منيرة : بس الدنيا لليل وأنا اخاف


ماجد يقرب عشان منيرة تخاف ووصلها لعند الباب..........


منيرة :مشكور


ماجد : العفو ... وإذا قالت لك هند عطاك 3 الاف ولا أكثر


قولي عطاني 3 ألاف واسكتي وإذا قالت ..


ليلة ثانيه ولا هددتك ..


ابد خذي حقك بيدك لا يعوقك شي


هزت راسها منيرة بالموافقه ونزلت ودخلت البيت .......


وماجد حرك ويحس أن منيرة مثل أخته وواجبه عليه ...............


ومنيرة تحس أنه اخوها بعد,,,,,,,,,,,,,,


.....................................


الساعة 3 الفجر ............


قامت حصه من النوم وتطالع حولها تذكرت انها في غرفتها ...


واللي جمبها سلطان ................


طالعت الساعة وانصدمت أن طول هالوقت كانت نايمه ...


تذكرت منيرة وقامت بسرعة وطلعت من الغرفة ....


لقت جوالها في الصالة وعلى طول دقت على ماجد اللي رد :


ماجد : هلا


حصه :منيرة وينها


ماجد : اوص قصري صوتك ..منيرة خلاص رجعتها البيت


حصه : ما صار لكم شي


ماجد : بسم الله علينا ماصار شي


حصه تطمنت : طيب مشكور ما تقصر


ماجد : العفو ...ترى واجب ...أنتي وين؟؟


حصه :في غرفتي ...


ماجد :أها .....


حصه : يله نشوفك على خير مع السلامة


ماجد :مع السلامة ...........


سكرت حصه ....


ودخلت الغرفة وولعت الأبجورة ...........


وخذت ملابسها وفوطتها وراحت الحمام تسبحت ..


ولبست بجامه ..


وجلست في الصالة ..........


حست بصوت سلطان قايم .....


شوي إلا هو جايها :من متى قايمه


حصه من دون نفس: من شوي


رجع الغرفة ثم طلع وجلس معها : أذن


حصه ما تبي تكلمه فسكتت يكفي اليوم وش صار .........


سلطان : اتكلم أذن ولا لا ؟؟؟؟


حصه عصبت وعلت صوتها :ما تشوف الساعة 3 وربع يعني توه ما أذن .......


طالعها سلطان بأستغراب :والله الشي........ صرنا نرفع صوتنا يا حصه


حصه لفت ما تبي تشوفه


سلطان :ترى مهما يصير وصار ما ترفعين صوتك


وترى ما أحب قلة الأدب فاهمه ..........


لفت حصه وبعناد : لا


سلطان طنشها وهو ودة يضحك تبي تقهره بس ما تقدر :ترى يوم السبت الجاي مو هذا عندي سفره لمدة 3 شهور لندن دورة تبين تجين


معي ولا تروحين لأهلك ..........


حصه بقهر :خذ قمر حقتك مو هي عروس جديدة


اما أنا أكل تبن


سلطان : أنا طريت قمر اللحين ...........


أسألك تبين تروحين تجهزي ماتبين انطقي عند أهلك مع أني أفضل تجين معي


لأن أبوك ما يبيك


حصه :وأنت وش عرفك انه ما يبيني


سلطان : من زمان وأنا عارف .........


سكتت حصه :بأقعد هنا


سلطان بأسلوب تفاهم :في بيتكم أبوك ما يبيك


هنا في أمي ورتاج وصيته وأنتي عارفه وش أقصد ........


حصه والعبرة خنقتها :بس أنا حامل وخطر السفر علي


سلطان : لا إن شاء الله ما راح يضرك


حصه نزلت دمعه يتيمة :خلاص باروح معك ........


مسحت دمعتها بكفها .........بس أبي توعدني وعد


سلطان :وش


حصه : تتغير .............


سلطان :ههههه أتغير وليش وش فيني عيب ..........


حصه صرخت لكن في داخلها ((كلك عيوب )) : لا أبد كامل والكمال لله ......


رن جوال سلطان ........


سلطان :قومي جيبيه في الغرفة


حصه :ما أبي


عطاها نظرة نارية وقامت غصب ....


لقت المتصل : قمر


عطتها مشغول ورجعته مكانه ...


وراحت للصالة ....


سلطان :وينه


حصه :رقم غريب عطيته مشغول


سلطان :رقم غريب ؟؟؟؟؟؟؟؟


طيب مالك دخل تعطينة مشغول جوالك ولا جوالي


حصه : تبيه قوم جيبه أنت


سلطان : افففففف حركات الجهلة ...........


اتسعت عيون حصه


وقام سلطان دخل الغرفة وطالع اللي كان متصل لقاها قمر ...


وحمد ربه أن حصه عطتها مشغول ولا أحد يدق هالوقت .........


بس عناد لحصه رجع دق عليها .....


سلطان : هلا حبيبي


قمر استحت :هلا


سلطان :أسف كنت نايم وعطيتك مشغول


قمر : لا عادي


سلطان :شخبارك بعد تعب اليوم


قمر : تمام ::أخبارك أنت


سلطان :تمام مثلك ............


وابتسم على حصه المعصبه وواقفه عند الباب ........


سلطان :كويس دقيتي حتى أخبرك أن زواجنا راح يكون بعد 3 شهور


قمر : ليه


سلطان :عندي رحلة للندن يوم السبت الجاي مو هذا ماخذ دورة لمدة 3 شهور .


بس أذا تبين أقطعها ونرجع نتزوج عادي


قمر : لا على راحتك


حصه سكرت الباب الغرفة بقوة واتجهت لسلطان وسحبت الجوال


حصه :أحد يدق هالوقت ما تستحين أنتي و


جت بتكمل لكن قمر سكرت بوجهها ................


حصه رمت الجوال على السرير :حقيرة


سلطان وقف :مهبوله أنتي


حصه :ايه مهبولة ومجنونه وكل شي


صفقها كف بس مو قوي ما ودة يعورها وهي حامل ...


حصه تجلس على السرير : تصفقني عشانها


سلطان مسك شعرها:وأكسر راسك بعد ولا اللي تسوينة حركات وحدة صاحية


حصه دمعت عيونها وجت بترد لكن أذن الفجر وسكتت ....


وهو سكت


وكأن شياطينهم هجدت


سلطان وخر يده من شعرها : أستغفر الله ................وطلع من الغرفة ....


وصلت رسالة لسلطان وفتحتها حصه ............


((أنا اسفه لأن واضح دقيت بوقت غلط ...


بس مين اللي ردت علي ؟؟؟؟؟ )))))


رمت حصه الجوال وجلست تصيح .....


دخل سلطان الحمام وتوضى وصلى في الصالة ورجع الغرفة لقى حصه تصيح


سلطان :وخري عن مكاني بأنوم


حصه اللي منسدحة في مكان سلطان انقلبت وراحت جهتها وهو ضحك على حركتها الطفولية وانسدح بينوم لكن ازعجته حصه بصياحها ...


سلطان ":حصه أسكتي أنتي اللي جبتيها لنفسك


زاد صياح حصه وطفش سلطان خذ مخدته وطلع وراح للصالة


واختار الكنبه الأطول ونام عليها ..


.................


مر أسبوع ...........................


الصباح يوم الجمعه ....


راحو العيال للصلاة ورجعو تقهو ثم كلن راح لأمره ...............


رتاج قايمة من النوم وعيونها متفخة وتمشي بالبجامه في الصالة الفوقية ....


أم مشاري توها طالعه من جناحها هي وأبو مشاري وشافت رتاج :


رتــــاج


انتفضت رتاج على الصوت :ها .... روعتيني


أم مشاري تطالعها من فوق وتحت :لابسه البجامه وبقواة عين


تتمشين بها في البيت


رتاج تطالع عمرها :نسيت حرام


أم مشاري بقرف من رتاج :بسرعة روحي غرفتك تسبحي والبسي عقب أطلعي


رتاج : اففففففف


وراحت تمشي ببطئ لغرفتها .........


تصاقعت بالكتوف هي وشوق .......


ولأن رتاج توها قايمة من النوم ومافيها حييل من اسبوع طاحت .....


وتأفف ودخلت غرفتها وشوق تضحك على هالتصادم وشكل رتاج وهي تطيح وتدخل غرفتها وكأنه وحدة ساحبة على أم الدنيا .....


شوق وصلت للصالة ومتجهه للدرج ........


أم مشاري :شوق


وقفت شوق ولفت لأمها الواقفه بداية الدرج :نعم


أم مشاري :ربى نايمه


شوق :لا توها تنوم من أمس


أم مشاري :افف هالنت لاعب فيها .....لاجى العصر روحي قوميها


شوق :أيه إن شاء الله


وكملت شوق مشيها لتحت مالقت أحد مثل العادة ..


جلست تطالع التلفزيون ...


دخل سلطان وجلس عندها :شوق روحي لحصه وساعديها في ترتيب الملابس


لأن بكرة ماشين


شوق :أها بتروح معك للدورة


سلطان :ايه ..ساعديها وكان ناقص شي خلوني أوديكم السوق


شوق تقوم :إن شاء الله


ورقت لفوق وصلت لعند حصه وسلمت عليها .......


وجلسو في الصالة .....


شوق :بتروحين مع سلطان خلاص


حصه :وش أسوي أجلس هنا


شوق : طيب مو ناقصك شي


حصه :والله مدري توني ما رتبت


شوق :قومي نرتب لأن سلطان موصيني لا ناقص شي نروح نجيبه


حصه : اخاف أتعبك معي


شوق : أقول يله بس بعدين ما وراي شغله خليني أساعدك


حصه : الله يعافيك


وقامو مع بعض لغرفة الملابس ............


شوق : كم بتاخذين من شنطة


حصه :والله ما أعرف شي بأمور السفر ماقد سافرت


شوق رحمت حصه :ممم شوفي عشانك بتطولين


شنطة لملابس الطلعات وشنطة للبجامات وخرابيطها ..ابتسمت ..


وشنطة للجزم والأشياء الباقيه ..........


وما يحتاج حجابات وخرابيط خذي عباية لونها مو أسود ويكفي


حصه : بس ما عندي هالعبايه اللي تقولين عنها


شوق :هه خلاص أنا عندي ما احتاجها ووقت دراسه ماراح نسافر


أن شاء الله تكون قدك ولا خذي حقت ربى


حصه : طيب جيبها أشوف


شوق :اوكي


وطلعت شوق وجابت العباية ورجعت ..


لبستها حصه وطلعت اوكي


حصه :ههه اللحين بألبس هذي هناك


شوق :ايه عادي دايم لاسفرنا برى نلبسها


حصه :أحس أنها مو عبايه


شوق : عشانك متعودة على الاسود ما تقبلتي البني


حصه : يمكن ....


شوق : يله نشوف شغلنا لا ياخذنا الوقت .......


واندمجت حصه مع شوق في ترتيب الملابس ..


ونست سالفة أن سلطان متزوج عليها


أو بالاصح تتناسى .......


............


الساعة 6 العصر .........


خلصت حصه وشوق من الترتيب بس باقي


ملابس قليلة تغسلها الشغالة ...


شوق : باقي ملابس سلطان ......


حصه بتعب : يوه شوي شوي باقي بكرة بعد يعني يمدينا


دخل سلطان وشاف وجيهم ...


شوق : شف حرمتك ما تعبت إلا يوم خلصت الترتيب ومابقى


إلا شناطك


سلطان بجدية :مرتبتها الشغالة من ثلاث أيام ومحطوطة عندها


شوق حست أن جلستها غلط : أجل أنا أستأذن ............


وطلعت ....


..........................


رتاج :تكفى خلصت اللي عندي


راشد :حبيبتي تراها غالي ودلعتك


رتاج :بكم؟؟؟؟؟؟؟؟ أعطيك اللي ما وراي ودوني ...............


راشد : متى


رتاج : اليوم اليوم مافي مجال أصبر


راشد :اوكي تعالي لبيتنا بعد العشا


رتاج : بعد العشا واجد أبي اللحين


راشد يبي يعذبها : الساعة 9 تكونين عند البيت أن تأخرتي بأسحب عليك


رتاج : خلاص 9 عندكم ما بتأخر


راشد : يله سلام


رتاج : سلام .......


سكرت رتاج وتحس نفسها بتموت ...


كل الحبوب خلصت ...................


خذت لها حبتين بندول وما نفع ............


حست بحرارة بجسمها .........


لكن تصبرت .....


....................


حصه منسدحة على السرير وسلطان يتعطر بيطلع ........


سلطان : ناقص شي\


حصه : لا


طلع سلطان من البيت .............


وماجد طالع من العصر مع الكلب يمشيه .....................


وربى نايمه للحين مع أنه أذن العشا .............


وشوق جالسه في غرفتها تحل واجباتها .....................


......كان الهدوء يعم البيت .........


طلعت رتاج بخفية وركبت مع السواق ............


وصلها لعند بيت العنود وراح .....


رتاج اللي تاكلها عظامها ألم ..دقت على راشد


راشد :الوووو


رتاج :انا عند بيتكم أطلع


راشد :أنا مو في البيت وباقي نص ساعة على 9


رتاج :حرام عليك انا في الشارع


راشد :والله محد قالك تجين في وقت مو اتفاقنا


رتاج :يعني وش أسوي


راشد :أدخلي للعنود


رتاج : لا ما أقدر ...


راشد :اجل انطقي لين أجي


رتاج : يله باي وسكرت ..


وهي تلعنه من قلب ...


قعدت على عتبه بيتهم تنتظرة وكانها من المتشردين .........


وصل راشد وركضت لسيارته وركبت ....


راشد :هههههههه


رتاج مزاجها مو رايق : مو وقت ضحك يله عطني


راشد : مو قبل الفلوس


رتاج تفتح شنطتها وتعطيه ألف


راشد :ههه ما تكفي


رتاج : كم تبي


راشد :زيادة ألف


رتاج وتفتح شنطتها :مامعي إلا متين تبيهم


راشد :اوكي جبيهم ..........


وعطتهم وعطاها حبتين وقارورة موية .............


وكلتهم .........................


ورجعت نفسها للمرتبه :الله يخليك قولي وش هالحبوب إذا مخدرات


قولي لأني خلاص طحت فيها إذا شي ثاني قول بس لا تخليني مثل الهبله أبلع وبس..................


راشد : هههههه لا حبيبتي هذا دوا أعصاب


رتاج :أعصاب ههه تهديني ساعات وأرجع أسوء عن قبل


راشد :والله هذا نضامها وكل مره تاخذين حبوب مفعوله أقوى لم توصلين


لدرجة أنك تأخذين حبه ليوم واحد تكفيك من قوتها ..........


طفى راشد زقارته وحط وحدة ثانية بفمه وشغلها عقب مدها لرتاج


راشد :خذي


رتاج خذتها من غير راي تبي أي شي يشغلها وصارت هي وراشد يدخنون .....


حرك راشد سيارته ...........


رتاج : طيب أبي كمية للأيام الجاية .....


راشد :والله أنها بفلوس


رتاج :أول مره أشوف حبتين بألف لو أنها من ذهب


راشد :ووالله كيفك إذا تبينها أدفعــي


رتاج فتح الشباك وترمي الزقارة وكأنه


وحدة محترفه :وقف عند صراف بأسحب..


راشد :اوكي على أمرك ..


ويوقف لها على أقرب صراف وتنزل تسحب ....


3 ألاف .................


ركبت السيارة وعطتهم لراشد ........


قرب راشد وفتح الدرج اللي قبال رتاج وطلع كيس ورماه عليها


راشد :تسدك


رتاج : كم حبه


راشد : 10


رتاج :وكل مره بأدفع لك هالمبلغ


راشد : ايه


رتاج عصبت : وش هذا استغلال لأني بنت عز ولا وش قصدك


راشد عصب : اعتبرية اللي تبين


رتاج مقهوووره: اوكي ............يا راشد ..تستغلني


راشد : وش بتسوين يعني


رتاج صارخت:ماراح أسوي شي


لأني ما أقدر أسوي شي


راشد ويمد لها زقارة ثانية :طيب روقي ورانا سهرة طويله لا تتعبين أعصابك


رتاج تاخذ منه الزقارة وترميها من الشباك بحركة نرفزت راشد:ما راح أروح معاك مكان رجعني بيتكم


راشد :اسمعي شكلك متعودة انك تامرين يا بنت الشيوخ


لكن اسمعي إذا تبين الصراحة ....


رتاج تنتظره يقول اللي هي متوقعته وفعلا كمل كلامه


راشد : وأنتي اللحين من عداد المدمنين وأنا خليتك تدمنين معي


لأني ماراح أموت لحالي لأن نهاية هالطريق الموت


ومافي غيره مصيـــــــر


صرخ بأخر كلمة .......


لكن رتاج ضحكت لأنها كانت متوقعه هالأمور .....


تنرفز راشد من ضحكتها ودعس على البنزين ..........


لكن لفت أنتباها زحمت سيارات وخمن أنه تفتيش ...


راشد بصوت يخوف: تفتيش .......


رتاج اتسعت


عيونها وصرخت : لف لف يمين لف .....


...............................



سلطان منسدح على الكنبه .....


جلست قباله حصه : بكرة متى بنروح


سلطان : 9 الصباح ...........


حصه :اها ..طيب ممكن طلب


طالعها سلطان يعني وش تبين


حصه : بأكلم خواتي وأقول لهم


أشر سلطان بدون اهتمام يعني روحي كلمي ...


قامت حصه وراحت الغرفة ودقت على اهلها ........


بس محد رد ............


مثل العادة في هالوقت ينومون ...........


فكرت وقالت بأدق الفجر لا قامو يصلون ...


رجعت الجوال مكانه .....


وانسدحت على السرير ونامت


..........................


لف راشد بسرعة في حارة ........


رتاج تطمنت نوعا ما :اوووه الحمد لله


مشى راشد وخذ كم لفه ثم وقف في مكان مظلم ...


راشد ":انزلي


رتاج :أنزل؟!!!!!!!!!!!


راشد : انزلي ولا أنتي الخسرانه


رتاج :وين تحطني في هالمكان رجعني بيتكم


راشد صرخ في وجهها :ســـــــيارتي مشبـــــــوه


أنــــــــــــــزلي ولا بتتورطين معي


رتاج بخوف : يعني تعتقد شافوك وأنت لاف بسرعه


راشد : أكيد مو أول مره تصير!!!


رتاج تحاول تستوعب:مو أول مــــرة تصيــر !؟؟؟؟؟؟


طيب أحنا في أي حي وأي شارع ترى ما أعرف هالمنطقة .....


عشان أوصف للسواق ............


راشد : في ماك قريب أمشي واجلسي هناك بيسهل على السواق يجيك اما الحواري بيطول وبيضيع من الأساس ..........


رتاج :طيب أي حي والله راسي داير فيني


راشد :حي ...............شارع .............


رتاج :اوكي طيب انزل عشان أكلم أمي وهي تقول له


راشد :وشوله أنزل


رتاج ولأول مره تفكر :أخاف تكح ولاتطلع صوت وتقول جالسه مع رجال ...


راشد : يا حـــــــوووول ..........يله نزلنا ,,,,,,


ونزل راشد من السيارة وجلس يمشي في الحارة يتأكد من الوضع وهو خايف ...


رتاج تدق على السواق مو أمها وتقول له وينها فيه ...


وطالعت راشد وينه كان بعيد نوعا ما .............


فتحت الدرج اللي طلع منه الحبوب وانصدمت من الكمية الموجوده وخمنت أنه مروج مخدرات


وخذت كميه مو بسيطة ودخلتها شنطتها بسرعة ..


وطلعت من السيارة على أنها خلصت المكالمة .........


جاها راشد .....


راشد :خلصتي


رتاج :ايه خلاص


راشد :أمشي من هنا ولفي يمين واقطعي شارع تلقين ماك هناك ..


رتاج :أوكي ....طمني أول ما توصل البيت


راشد يركب سيارته ويمشي ورتاج مشت على وصف راشد


ولقت ماك .....


جلست ربع ساعة هناك وجاها السواق ......


ركبت وهي خايفة من اللي سوته ...


بس وش يضمنها أن راشد بيرجع البيت وما تمسكه الشرطة دام


سيارته مشبوهه على قولته .....


ومن ثم من بيجيب لها الحبوب ...........


وصلت البيت وعلى طول لغرفتها وخبت الحبوب في مكان محد يوصل له ....


وكانت الساعة تقريبا 10 ونص ........


تسبحت ولبست بجامتها وانسدحت على السرير تفكر وهي تحس بأنكسار ...


(( أنا بنت فلان الفلاني يطيحني مثل هذا ......


أنا رتاج بيومين كلمتهم راشد قدر علي ....


صدق أني غبيه ..........


غبيه


غبيه


غبيه .........


لكن كيف أطلع من هالبلوة اللي طحت فيها ..


معقولة أخرتها أموت ....


وبمخدرات ........


وش هالنهاية يا رتاج ...


لكن من بيستر علي وأروح أعالج ......


الأفضل أستمر ولي يصير يصير ..


لأني ما أقدر أفك عنها وأنا في البيت .....


ولا أقدر أروح المستشفى .......


فأحسن أستمر ..........))


نامت على تفكيرها اللي شويه عليه غبي ..


لكن فعلا المخدرات تجري في دمها وصعب التخلص منها بسهولة بدون دكتور مشرف ومستشفى متخصص...


...........................


أذن الفجر .............


قامت حصه بسرعة ولقت سلطان نايم


قومته عشان يصلي بس ما قام ...كيفه


راحت للصالة ودقت على بيتهم وردت لطيفة .


لطيفة :الـو


حصه : هلا لطوف صباح الخير أنا حصه


لطيفه : هلا حصه صباح الورد وشفيك داقه هالحزة


حصه :وين منيرة أول بعدين بأقول لك


لطيفة : في الحمام تتوضا اللحين بتطلع لا هذيه طلعت ....(صرخت)منيـــــره تعالي حصه على التلفون تبيك ........


حصه :هه فقعتي أذني


لطيفة :خذي منيرة جت


خذت منيرة السماعه :الو


حصه:هلا منيرة وش أخبارك عقب الخميس


منيرة : الحمد لله الوضع مشى بالتمام


حصه : طيب اسمعي أنا الساعة 9 اليوم مسافرة لندن عند سلطان دورة مدري وش وبأروح معه


منيرة :جد كويس بياخذك يعوضك عن شهر العسل .. إلا كم يوم


حصه : يحليلك 3 شهور


منيرة : 3 شـــهور


حصه :وش أسوي هو يقول كذا


منيرة : طول هالمدة بتكونين هناك!!!


حصه : ليه وش فيها


منيرة : والله بنشتاق لك


حصه :الله يسلمك بأحاول في سلطان أمركم قبل ما أروح


منيرة :ورانا مدارس


حصه :أيه صح ... خلاص بأدق عليكم من فترة لفترة أشوف أوضاعكم


منيرة :طيب خذي لطيفة سلمي عليها


خذت لطيفة السماعه :خذيني معك تكفين ما قد سافرنا الله يخليك


حصه انكسر خاطرها :عاد انا متقطعه أبي أسافر أول مره بأسافر عسى ما أفشل بس سلطان هناك ويرجعني


لطيفة : بس أنتي تعرفين تتكلمين انجليزي


حصه : يعني مو مره بس أقدر أمشي حالي


لطيفة :طيب لا تنسينا ودقي علينا


حصه :إن شاء الله بأدق عاد سلمي على منيرة وقولي لأبوي زين


لطيفة : إن شاء الله


حصه : يله مع السلامه


لطيفة : مع السلامة


سكرت لطيفة السماعه ...


منيرة :مسكينة 3 شهور كثيره


لطيفة :إلا يا حظها تسافر وتشوف الدنيا والناس


منيرة :وناسه عندي أخت بلندن


لطيفة :بأقول لكل صديقاتي


منيرة : ههههه قومي بس نصلي ونرجع ننوم شوي قبل المدرسة


لطيفة مستانسه وكأنه هي اللي بتروح :يله


...................


رتاج قامت على صوت جوالها اللي يدق للمره 11 وما ترد


طالعت الشاشة وكان راشد عطته بزي ورجعت ترقد


لكن رجع يرن ...


ومو فاضية له من صارت تداوم على هالحبوب لازم تاخذ كفايتها من النوم


سكرت الجوال ........ورجعت ترقد


.................................................. ....


حصه : سلطان قوووم الساعة 6 وربع


طبعا حصه من حماسها للرحلة ماقدرت ترجع ترقد


سلطان :طيب تونا على 9


حصه :يله عاد قوم تسبح وغير ملابسك وخلنا ننزل نفطر مع البنات


هذي أخر مرة نشوفهم


سلطان نطل البطانية على جمب وقام وشعره منكش وحالته حاله


خذ فوطته واتجهه للحمام .......


خمس دقايق وطلع بعد ما رش جسمه ......


لبس ثوبه وتعطر ونزل هو حصه ....


لقو أم مشاري وشوق على الفطور مع مشاري وبدر


ودانه اللي متجهزين للمدرسة


انظمو لهم ...........


حصه تكلم مشاري :وش أخبار ساره


مشاري : الحمد لله بخير


حصه : معليش ما زرتها


مشاري : ما تقصرين اعتبريها وصلت ......


حصه : سلم عليها


مشاري : يبلغ


أم مشاري :متى بتسافر


سلطان :9 إن شاء الله


أم مشاري :اها ....


سلطان :قولو للشغالة تنزل الشناط اللي عندها وشناط حصه في الغرفة


أم مشاري :بتروح معك


سلطان :ايه


طالعت أم مشاري حصه ورجعت تكمل فطورها ...


حصه :شوق وين ربى ؟؟؟؟؟؟؟


شوق:مدري عنها أظاهر نايمه


بدر :ما أبي أقعد هنا ودني عند ماما


مشاري :إن شاء الله بكرة بأوديكم عندها


دانه:وع فطورهم شين


طالعها مشاري بنظرات خلتها تسكتت


بدر :يله نروح المدرسة تأخرنا


مشاري:صاير الأبو ما شاء الله


بدر ينزل من الكرسي وياخذ شنطته ويروح وما يرد على مشاري


ولحقته دانه


أم مشاري :بتوديهم بكرة لأمهم


مشاري :ايه هي ذا اليومين كاثرين الحريم يزورونها ومزعجينها هالثنين وقالت خذهم


أم مشاري :أها


قام مشاري وشوق وكلن راح لأمرة


شوي قامت أم مشاري تقوم أبو مشاري .....


وبقى على الطاولة سلطان وحصه ...........


دخلت ربى عليهم وهي تهتز من النوم اللي فيها جلست على الطاولة


ربى :صباح الخير


حصه : صباح النور هههه النوم للحين ما طار من عيونك


ربى :أيه والله .... وتدخل التوست في فمها ...تدرين متى نمت


حصه :متى ؟؟؟


ربى :5 ونص كله من ذا العلة


سلطان بتشكك : من ؟؟؟


ربى :بسم الله نسيت أنك فيه هههه لا تخاف أقصد النت


سلطان :أنتي تذاكرين دروسك ولا لا


ترى ما نحب يكون في العائلة فاشلين في الدراسة


ربى تشرب الشاهي :خف على عمرك من هالكلام ترى أنت متخرج نسبة شينة بس الوالد الله يخليه هو اللي جاب لك واسطة ودخلك حاسب ولا مو من اجتهادك............................


طالعها سلطان بنظرات نارية وهي ما اهتمت لأن برودها الدايم ما يحب أنها تتنرفز من أي شي ...........


ربى : سمعت أنكم بتسافرون


حصه :أيه والله 3 شهور


ربى :لندن ولا؟


حصه :ايه ....


ربى تقوم :تروحون وترجعون بالسلامة ...


وسلمت على حصه وراحت .............


.........


الساعة 7 ونص .......


قامت رتاج وعلى طول بلعت لها حبه .....


وقامت تتسبح وتلبس عشان الجامعه ..


مثل العادة تنورة سودا ميدي


لبست قميص ضيق وردي ومقلم بأبيض ...يوصل للكوع.....


رفعت شعرها المبلول فرس وحطت كحل وروج وردي ...


لبست جزمة رياضية بيضا وساعة وسوارة....


ثم لبست عبايتها ولفت الطرحة ......


وخذت شنطتها وكيس أغراضها الفنية اللي تحتاجها ...


وجوالها ....


طلعت من الغرفة وهي تفتحه .........


وجاها مس كول 44 من راشد وكم رسالة ...


ضحكت بقوة وركبت المصعد ونزلت تحت ...


وراحت برى لقت السواق بأنتظارها ....


والساعة حدود 8 إلا عشر .........


ركبت السيارة .............


وجلست تقرا الرسايل ...


الأولى : ((( والله وطلعتي لعيبه واستغليتيني يا بنت ال....))


الثانية : (( لك للظهر إن ما رجعتيهم لا تندمين على


اليوم اللي عرفتيني فيه))


الثالثة : (( أنتي متورطة معاي لاتحاولين تلفين وتدورين وأقدرأبلغ على الكمية اللي عندك يا فالحة تراها حقت كبار مو لك بيبي فهالأمور .....))


خافت رتاج انه يبلغ على الكمية اللي عندها ....


خلت السواق يرجع البيت ودخلت بسرعة خذت اللي عندها ورجعت مشت وبعد مسافه شوي خلت السواق يوقف عند زبالة البلدية (الصفرا)


ورمتهم فيها .............


وقلبها ماكلها أن راشد ما بيسكت على اللي سوته وحاليا هي مو محتاجة للحبوب هذي .........


جى في باله تتغدى عليه قبل ما يتعشى عليها .........


بس مين اللي يقدر يخليها تتعالج


لو كان فعلا راشد مروج بتكون هي ضحية


ولا مو معقولة كل هالكمية عندة .....


جى في بالها أختها جواهر أكيد بتساعدها بدون علم أحد


وحاليا رجلها طالع الشغل وهي في البيت لحالها ..


بس صعب الموقف تروح تقول لأختها


أنا تورطت وادمنت .........


بتطيح من عينها .......


لكن الاعتراف بالخطأ فضيلة ..............


خلاص انا قررت أفك عمري من هالورطة ومالي ذمب .........


صرخت للسواق يغير اتجاهه لبيت جواهر وهي دقت عليها وقالت لها أنها بتجيها واستغربت وقالت :حياك الله ...........


....................


حصه وسلطان متجهين للمطار ...........


حصه :طيارتكم الخاصة


هز راسه سلطان .بأيه


من بعد الأزعاج اللي في المطار والحوسة ....كانت الساعة 9 .....


ولسه مركب سلطان الحزام لحصة ...........


حصه بصوت شوي بتصيح :خاااايفة ممرررره


ضحك سلطان وما رد عليه .......


وأقلعت الطيارة ......


وحصه ماسكة يد سلطان وشادة عليها لدرجة عورته بس ساكت لم


استقرو بالجو


سلطان : عورتيني \


حصه اللي لازالت ماسكة يد سلطان :خايفة والله خايفة


ووااااع تحول إلا صياح


سلطان ابتلش فيها :لا تصرين بزر خلاص استقرينا بالجو


حصه وهي تشاهق :ما أبـــي رجعنا أهيء لهيء


سلطان : سيارة أبوك رجعنا حلوه هذي


حصه تمسح عيونها : أخاف نطيح


سلطان : أقول أهجدي لا أكفخك اللحين ترى ما أحب حركات البزران هذي ...


حصه تسكت بس دموعها تنزل يحق لها أول مره تسافر ...


ويوم سافرت راحت للندن .... عجب !


......................


ماجد دخل البيت جاي من سهرته مع ربعه في الشقة ..........


مالقى أحد في البيت مثل العادة .....


راح لغرفته وبدل ملابسه وانسدح على السرير .{..........


الدوخة اللي كانت تجيه خفت وتقريبا راحت ولا بالعادة


كل ماقام حس بدوخة


وإذا مر فترة ما كل شي داخ ..........


حمد ربه على سلامة عمره أنه ما داخ وهو يسوق سيارة وجاه


حادث ومات .................


مل من حياته روتين يومي ...


يطلع من البيت العشا ولا يرجع إلا اليوم الثاني الصبح ويرقد لم الغداء يقوم عشان أبوه ما يفقده ويربطة فراغة بالشغل ويخليه يشتغل غصب عنه .....


ويرجع يكمل نومه للعشا ويطلع ..


وعلى هالحال ...........


إلى متى يا ماجد كذا ......؟؟؟


رن جوالها وكان رقم غريب رد عليه وكان صوت بنت


الو


ماجد ما رد


البنت :الو عمى رد


ماجد لم عرف انها بنت سابقا يعرفها وسحب عليها...\


سكر الخط وقفل الجوال


..................................................


جواهر ساكته كل الوقت وتسمع رتاج تتكلم لم خلصت ......


جواهر الي كاتمه صدمتها:ليــــش سويتي كذا؟؟؟؟؟؟؟؟؟


رتاج : اسمعي ترى أنا وثقت فيك لأني عارفه أنك ما تخيبين ظني


وتخبرين أحد ولأني عارفة أنك راح تطلعيني


من هالمشكلة وترى أنا ضحية ما ادمنت من كيفي


والدليل ما كملت شهر إلا قلت عن كل شي


جواهر لا زالت بصدمتها :وليش سويتي كذا ؟؟؟؟؟؟؟؟


حنا قصرنا معك بشي ؟؟؟؟؟؟؟؟؟؟؟؟؟؟؟؟؟


رتاج ساكته ومو عاجبها الكلام .........


جواهر :ردي ...........


رتاج :وش أقولك يله ساعديني ............


جواهر : لم حسيتي أنك بتتورطين طلبتي مساعدتي


رتاج :تعرفين طبعي ما أحب أحد يمن علي


جواهر :ما أمن عليك ... لكن أنتي للحين تعتقدين أنك ما سويتي غلط


متعرفه على واحد وورطك معاه هذا وش أسميـــه ......؟؟؟


رتاج : وأنا ندمانه بعدين ما صار بيننا أي شي غير المكالمات والطلعات حتى صوري ما عطيته هي يعني أقدر أطلع من الموضوع بسهولة ....


تنهدت جواهر على رتاج والمصيبه القاسية اللي انحطت فوق راسها


يكفي سالفة سعد ... طلع مو هو الخربان للحاله حتى زوجة المستقبل ..


رحمت رتاج اللي تنتظر منها نتيجة ...


لكن هي غلطت غلط كبير وكانت بتؤدي سمعة العائلة في داهية لو أخر مرة


مسكتهم الشرطة ...........


احتارت وش تسوي مع هالبلية لكن في هالأمور يبغى لها


حكمة وسرعة اتخاذ قرارات حاسمة وناجحة


وما يقدر عليها إلا زوجها رائد


اللي هي مستحيل تخبي عليه شي أو تتصرف من دون شورة


حتى لو أن الأمر بيمس علاقتها مع رائد


لم يكتشف أن أختها مدمنه ولازم تتعالج


لكن لازم تضحي لأن اللي في حالة رتاج ممكن تتصرف بأمور طايشة وما تحمد عقباها ...


يمكن راشد يذبح رتاج على الكمية اللي سرقتها اللي ما راح تكون


بمبلغ بسيط ..............


لكن رائد اللحين بالشغل ...


معقولة لم تقوله أمر مهم بيجي البيت ...


بيساعدها من دون ما يعايرها بعدين بأختها


لكن هذا مو طبع رائد .........


هو فاهم بشكل جدي للحياة وما ظنتي بتخرب علاقتهم بسبب رتاج......


أحيانا


نخطىء في أمور ويتحمل نتايجها أشخاص أخرون


كانت خاطىء أم ناجحة .........


صحت جواهر من غمر تفكيرها ..........


وطالعت رتاج .............:::بأدق على رائد


رتاج بخوف :أخاف يقول لأحد


جواهر :ما أقدر أتخذ خطوة في هالأمور


وصرخت:


هذي مخدرات تحسبينها لعبه


ما يحلها إلا الرجاجيل ...


وقامت وابتعدت عنها ودقت على رائد :الو


رائد بطبيعة حالة متعود على الريق الحلو مع جواهر :هلا حبيبتي


جواهر :بغيت منك طلب


رائد :أمري


جواهر :تجي البيت ضروري


رائد خاف:صاير شي


جواهر :لجيت بتعرف


رائد :قلبي لاتخوفيني إذا صاير شي قولي من اللحين أخاف أجي ويطلع شي سخيف


جواهر :لا صاير شي وتعال بسرعه


رائد :اوكي بأستأذن و


بأجيك .....


جواهر :لا تسرع شوي شوي خابرتك


رائد :هه اوك حبيبي تبين شي


جواهر : سلامة قلبك


رائد : فديتك يله باي


جواهر :باي


رتاج تطالعها بقهر ((انا متورطة وذي تغازل زوجها صدق ناس ماتستحي!!!))


جواهر جلست قبال رتاج وساكتين ينتظرون حضور رائد حلال المشاكل

[موكاتشينو]

المحطة العاشرة:

حصه :باقي كثير؟؟؟؟؟


سلطان اللي شوي وينام :مدري


حصه:لا تعرف قول


سلطان :تونا باقي كثير نومي أحسن لك لأن راح نتعب هناك


حصه تنهدت :ما بتعب إن شاء الله


سلطان :طيب خلاص ما بتتعبين بس اسكتي أبي أنوم


حصه:نوم العوافي


ورجعت نفسها على ورا وتطالع الشباك


وتنتظر متى الرحلة تخلص


...........................


رائد دخل البيت ولقى رتاج في الصالة واستغرب :السلام عليكم


رتاج وجواهر :وعليكم السلام


قامت جواهر ومسكت يد رائد ورقو فوق ..................


ودخلو غرفتهم ...........


جلسو على السرير قبال بعض


رائد :وش جاب أختك هالوقت


جواهر :عشان كذا دقيت عليك تجي


رائد :وش السالفة اشغلتيني


جواهر :رائد أمنتك على هالموضوع أن ما يطلع لأحد


رائد :جواهر الزبدة


جواهر:لا مو الزبدة اصبر ...أنا خايفة منك


رائد مبتسم :ليه أكل أنا


جواهر ابتسمت : لا خايفة تتغير علي


رائد : لا أن شاء الله ما راح أتغير أبدي في موضوعك المهم


جواهر حطت عينها في عين رائد وسمت في نفسها


وجلست تقول له سالفة رتاج من أولها لأخرها


وهو ملامحه جامد يمكن من الصدمة ..........


شاف جواهر سكتت


رائد : خلصتي


جواهر:ايه وش نسوي معها


رائد سكتت شوي ثم رد: سالفة الرجال خليها علي أنا أعرف ناس في الشرطة وأقدر أودية في داهية بمجرد أني أبلغ عنه بيمسكونه دام قلتي أنه مشكوك


فيه لكن أختك صراحة ...وبصوت منخفض :شــي أبــدا ما توقعته يا جواهر


هذي مخدرات وشلون ما كانت تدري لهدرجة غبيه


جواهر : أعرف أنها غبيه والحل فيها


رائد سكتت لدقيقة وجواهر سكتت احترام له


رائد :لازم تتعالج لكن الخوف من شي


جواهر :وش؟؟؟؟؟؟؟؟؟؟؟؟


رائد:أنها مو مقتنعة من الداخل أن اللي سوته غلط


جواهر :وهذا اللي شفته بعيونها


رائد:اللحين هي على تأثير حبه وحدة لو راح مفعولها بتسوي فضايح في بيتكم وانا عارف هالأمور ..............


جواهر : يعني أخليها عندي وما أخليها ترجع البيت


رائد :أكيـــــــــد خليها عندك لم نشوف لها حل


جواهر :وش رايك نسافر


رائد :وش نسافر


جواهر :نعالجها برى


رائد :عندي دوام وشلون نسافر


جواهر :ما أدري أحس أنه أحسن حل


وتعرف أحنا عايلة معروفة أي شي يصير بينتشر


رائد :يبي لنا وقت عشان نحجز ومن هالأمور...


أقولك ....لقيت حل ........................


جواهر :وش؟؟؟؟؟؟؟؟؟؟


رائد :أحتمال أني أخذ أجازة اضطرارية لمدة 5 أيام بس


ومع الخميس والجمعه تصير أسبوع


أسافر بكم لوحدة من دول الخليج ونضبط أمورها عند مستشفى هناك


ولم تخلص أجازتي أرجع للرياض وأنتم تقدرون تدبرون أموركم


جواهر:وين الكويت البحرين قطر عمان الامارات وين بالضبط


رائد :أشوف الأمارات مناسبه


جواهر : وبتخلينا لحالنا


رائد :ما تبين تعالجين أختك


جواهر :ألا أبي بس أحسها صعبه


رائد : ما عليك


اللحين بس طيري أنتي ورتاج لبيتكم وضفو أكبر عدد من الملابس وجيبيها هنا


بدون محد يحس عليكم ولا رجعتو دقي على أمك قولي لها أن رتاج بتنوم كم يوم هنا ......لم أضبط اموري مع السفر .........


جواهر :ونواف وش نسوي فيه


رائد :أكيد بيكون عندك


جواهر تمسح على راسها:آآآآآه يا رتاج صدق لعبتي فينا


رائد : اسمعي ترى أنا أتوقع أي شي منها


لأنها محد مهتم فيها ويعرف وين رايحة ومن وين جايه


تطلع وتدخل محد درى عنها


لكن بادرة زينة أنها جت ووثقت فيك وقالت لك


لأنها لو أستمرت في هالطريق راح تودي الكل في داهية


لكن هي ضحية وتوها ماكملت شهر يعني ما أقدر أقول عنها شي


جواهر :تعرف لو انها مدمنه سنين ولا قالت لأحد بأكون أنا الوحيدة اللي بأضربها وأعلمها السناعة لكن شكلها ما عجبها هالطريق


رائد :وهو قد عجب أحد اللي تورطو فيه ما عرفو كيف يطلعون ..


وبأسلوب يحمس جواهر : يلــه بسرعة لبسي أوديك أنتي وياها


جواهر قامت : يله ....


.......................................


في غرفة رتاج ...


سكرو شنطتين ...............


رتا ج: ما تكفي


جواهر :إلا بتكفي وماضني علاجك بيطول بعدين بتكونين طول الوقت في


المستشفى تتكشخين لمين


تضايقت رتاج وبان في وجهها :لنفسي


جواهر :أسمعي أنا بأخذ ملابس كثيرة وإذا أحتجتي مني شي ما بقول لا .....


رتاج تفتح الدرج وتطلع جوازها وتعطيه لجواهر :خلاص يله نطلع قبل ما يجون البنات من المدارس........


نزلت الشغالة الشنط وركبتها في سيارة رائد


وهم ركبو ...


رائد :خلصتو ؟؟؟!!!


جواهر : شنطتين


رائد :بــس


جواهر :ايه يكفي لو أحتاجت شي تاخذ من ملابسي


ولا نشتري من هناك مو قاصرنا شي ...........


سكتت رائد


و توجهوا للبيت ..


ونزلو.......


رائد ": أنا بأرجع الشغل وأشوف إذا قدرو يعطوني أجازة بكرة ولا بعدة


وبأمر الخطوط بأشوف في حجز ولا لا ؟؟


جواهر :الله يسهل امرك ........


طلع رائد ..


وتوجهت جواهر مع رتاج لغرفة الضيوف عشان رتاج تنوم فيها لم يسافرون .


.......................


مشعل :وعد


وعد لفت وبيدها كم ملف مريض :نعم دكتور


مشعل : أبي أتعرف على أخوانك


ارتبكت وعد : نتشرف دكتور بس وش السبب


مشعل :عادي مافي سبب بس أبي أتعرف على أخوانك


وعد :خلاص انا بأرتب لك زيارة في يوم تجي لبيتنا وتتعرف على هلي


مشعل رجع لجو الشغل :وياليت تستعجلين دكتورة وفاء على ملف الطفل محمد


وعد :أن شاء الله


طلعت وعد وهي تفكر وش يبي الدكتور مشعل بأخوانها


لكن الخبر اليوم بفلوس بكرة ببلاش


...............................


وقت الغدا .......


ماجد :وين رتاج


أم مشاري :دقت علي جواهر الظهر قالت أنها بترقد عندها كم من يوم


عقد أبو مشاري حواجبه :وش تبي فيها متزوجة


وعندها ولدها فاضية لرتاج هي


أم مشاري :رتاج تبيها بنقول لا بعدين أحسن لها من الطلعات اللي مالها داعي


سكت أبو مشاري ..........


ربى تذكرت شي وهمست لماجد للي جالس جمبها وفيه النوم :ماجد


ماجد لف:ها


ربى :بورش ماشفته من الصبح


بورش الكلب


ماجد بدون أهتمام :تلقينه عند فاهم


ربى :سألته يقول ما شافه


ماجد :اووص بعد الغدا لا يدري أبوي ويعطينا محاضرة


ربى :اوب اوكي بأسكت .............


.....................


ساره :ليه أهلك ما زاروني بس ماجد اللي فيه خير يعني


اللي جاب لي هدية


مشاري يبرر عن أهله وبحضنة صقر: لا يمكن بيجونك جميع ومالقو فرصة


ساره :أهلك فاضين 24 ساعة ما فكرو يزوروني


مشاري :بأقول لهم يزورونك


ساره : لا نبههم عشان ما يجون غصب


مشاري :ان شاء الله من عيوني بس وش هالحرص عليهم


ساره:أنا أبي شوق وربى مشتاقة لهم


مشاري :بأقولهم أنك مشتاقه لهم وهم بيجونك


ساره سكتت شوي ثم ابتسمت :مشاري بالله ما فكرت كيف بندلع (صقر)


مشاري:هههه ما يصلح


ساره : يعني عشانك تحب رابح صقر وسميت ولدك كذا


مشاري :تقريبا بعدين احس له هيبه


ساره :ها ترى أخر ولد


مشاري : يصير خير اطلعي من النفاس أول ثم نتناقش على هالموضوع


ساره :ممم متى زواج سلطان


مشاري : لم يرجع من دورته بيتزوج


ساره :سافر


مشاري :ايه اليوم وخذ معاه حصه


ساره :يا حليلها لها فقدة مشتاقة لها


مشاري : كل الناس مشتاقه لهم أنتي


ساره :وش أسوي أحب الطيبين


مشاري :وأنا


ساره :لا أنت مكانه خاصة


ابتسم لها مشاري وهي ردة الأبتسامة


..............


صيته :عمرك ما تغديـــت


مشعل فتح عيونه :كل هذا عشاني قلت لك ما اشتهي غدا


صيته :أول مره أسألك وتردني


مشعل :طيب ما اشتهي أكل غصب يعني


صيته :كيفك بالطقاق


مشعل :صيته تعدلي بالكلام لسانك صاير طويل بزيادة


صيته :والله انا كــذا


مشعل بقهر: اوكي


ومشى طالع لغرفته وانقهر أكثر لم شاف


شوق جالسة تطالعهم من زمان ......


....................


ماجد ماسك فاهم من ثوبه بعصبيه:هيــــه تكلـــم وين راااااااااححححح


فاهم :والله معرفش يا سيدي


ماجد ترك ثوبه :ويـــــن بيروح يعني ؟؟؟كان عندك


فاهم :والله ما عرفش الصبح أمت من النوم ما لأيتهوش عند الباب


ماجد تنهد


ربى :يمكن طلع الشارع لا تظلم فاهم ماله ذمب


ماجد :روحي بيت مشاري يمكن يكون هناك


ربى :مشوار


ماجد صرخ :روووحي بسرررعه من بعد بيته


ربى :ااااوووف


ومشت رايحة لبيت مشاري ودورت مالقته ورجعت لماجد


ماجد :روحي لمشعل


ربى :مستحيل صيته تدخل بيتهم كلب


ماجد :روحي شوووفي


ربى :ماني رايحة أرسل وحدة من الشغالات اللي مالين البيت تتعبني ليه


ماجد :اووف طيب روحي البيت وارسلي وحدة من الشغالات تدورة هناك


ربى مكشرة من الشمس مع أنه عصر :طيب


وراحت للبيت وارسلت شغالة لبيت مشعل ودورت ما لقته


اضطر ماجد يلبس ويدورة في الحارات لعل وعسى يلقاه


...................


شوق تضحك بشر :ههههه أحسن جعله ما يرجع


ربى : لا حرام عليك ماجد مستانس فيه واللحين انحاش ورايح يدوره في الحارات القريبه


شوق :ههههه لا تحاولين فيني أني أرحمه


ربى :مالت عليك إلا تتوقعين سلطان وصل


شوق :ممم مدري ما ظني للحين


ربى :ما اتخيل حصه كاشخة بلندن ما يصلح لها


شوق :إلا يصلح لها بعدين أنسب شخص شفته لسلطان حصه ولا تتوقعين قمر هالمدلعه بتتحمله


ربى : بس لو حصه ظروفها أحسن كان تركت سلطان ولا أحد يتحمله هذا


شوق :ههه ما علينا مصيرة بيدرك وش يسويه بعدين هو وهي هناك مالهم


إلا بعض أكيد بيتغير شوي لو بنسبه بسيطة


ربى :صرتي محلله


شوق :افا عليك أنا شوق بنت خالد آل((....)) مو حي الله ..


ربى :طيب يا ممحلله وش تفسرين نومة رتاج المفاجأة عند جواهر


شوق :مدري لم يجيني خبر بأقولك أو أحس بشي


ربى :ههه قمت أخاف منك صراحة تعرفين أشياء ما أعرفها


شوق :أنتي بس لو تخفين قعادك على النت عرفتي وش في الدنيا


ربى بدون أهتمام:وأنا وش علي من الناس


شوق : والله اللي يشوفك يقول ما عمرها شافت نت


ربى: هههه ما يضحك؟؟!!


شوق :ممم كم ساعة تجلسن


ربى:اسمعي انا أجي من المدرسة قولي 1 الظهر


أجلس عليه لم الغدا ....


ثم انوم أقوم العشا المغرب على حسب بعدين أجلس عليه لم 1 الليل


ثم أشوف إذا عندي أختبار أول لا او واجبات وأحلها في ساعة


ثم أرجع أجلس لم أحس أني أدوخ


وبــــــس


شوق :قلت كم ساعة مو تقرير مفصل عارفه حياتك أنك


طول عمرك معششة في الغرفة.....


ربى :خلاص تعودت المهم بأدق لماجد أشوف وش صار


مع بووووورش حبببببيبي .....تعمدت تقهر أو تقرف شوق


قامت شوق من على سرير ربى :الله يقفرك أنت وماجد جعلكم ما تلقونه


أنا بأروح تحت مشاري وعياله جايبهم بأجلس معهم شوي وبأروح أذاكر


ربى :بـــاي


سكرت شوق الباب ونزلت تحت ......


تجلس مع مشاري اللي جالس لحاله .........


شوق حبت راس مشاري وجلست جمبه :وين العيال


مشاري :طلعو للحديقة


شوق :اها ..وش أخبار ساره


مشاري : بيني وبينك متشره عليكم


شوق :ليه؟؟؟؟؟؟؟؟؟؟


مشاري :ما زورتوها وأنتم أقرب الناس


شوق :هم قالو بنروح جميع بعدين سكتو


مشاري :أمي شكلها ما ودها تروح لأنها قالت سو سابع


وأعزمو كل من هب ودب


ورفضت ساره وشكلها انقهرت وقالت ما بزورها


عشان كذا تسكتكم ب (نروح جميع )) ولا هي موب رايحة


شوق :اوكي إذا كذا بعد العشا أنا وربى نروح لها


مشاري :ورتاج


شوق : لا رتاج راحت بيت جواهر بتنوم عندها كم من يوم


مشاري مستغرب :غريبه


شوق :عليها طلعات هالبنت ..المهم العيال بيجلسون هنا ولا بترجعهم


مشاري : ماني فاضي لهم بأرجعهم هناك


شوق :ومتى


مشاري : [امشيهم وبأرجعهم


شوق :طيب ليش ما تاخذني أنا وربى معك ونوسع صدورنا ومنها نشتري


هدية لسارة ونروح البيت ونسلم عليها


مشاري يطالع ساعته اللي بحدود 5 ونص وخمس ...


مشاري :عادي عندي بس بعد المغرب تكونون جاهزين


شوق مستانسه :من زمان ما طلعنا جميع المهم بأروح أقول لربى


لا تسحبها نومه وأنت وش مجلسك هنا كنك موسوس محد نازل لك


رح بيتك أحسن!!!! 


مشاري :أفاااا كنها طردة


شوق :والله راحمتك جالس لحالك ومرتك في بيت أهلها


مشاري يقوم :أصلا طالع كنت أنتظر ماجد بس ماجى


شوق :ههههه ماجد يدور بورش انحاش


مشاري بحواجب معقودة :من بورش ؟؟


شوق :الكلب حقه أنحاش من الصبح عاد هو طلع يدوره


مشاري :يا دين الله


والله فاضي هالرجال


شوق :ههههه وأنت وش عليك منه


مشاري :فاضي يقهر


شوق :ههههه اوكي راح أشوفك المغرب


مشاري طلع من البيت وشوق راحت لربى دخلت الغرفة وكانت ربى تجهز


سريرها عشان تنوم .......


ربى :نعــــم لا تقولين بتسولفين ترى خلاااااص راسي قفل من كثر كلامك وتحليلاتك


شوق مبتسمه :مالت عليك وهذا انا جايه لك بطلعه


ربى وتنسدح على السرير :ويــن؟؟؟


شوق لازم تعطيها التقرير المفصل :مممم قبل شوي نزلت


لقيت مشاري لحالة جالس تحت سولفنا شوي وقال أن ساره متشره علينا وبررت له الموقف وصارت أمي زعلانه وما راحت لها عشان هي اقترحت يسون سابع ويعزمون الناس كلهم مره وحدة لكن ساره ما طاعت عاد أمي تعرفينها ما تحب تنرد وما راحت تزورها للحين وسألت مشاري عن عياله قال أنهم يلعبون في الحديقة وأنه بيمشيهم وبيرجعهم لأمهم قلت وش رايك تمشينا أنا وربى معكم ونشتري هدية لسارة ولجى العشا رحنا لها سلمنا ورجعنا ...


ها بتروحين ولا لا؟؟؟!!! 


ربى مغمظمة عيونها


شوق :ها بتروحين ولا لا ؟؟؟؟


ربى :متى ووووجع


شوق :بعد المغرب


ربى :طيب لاجى وقتها قوميني


شوق :ما بتقومين أعرفك


ربى : طيب باقي ساعة على المغرب ارحمي أهلي


شوق :ما برحمك قومي يييييله


ربى :شوق لا تخليني ما أروح وأعاند قلت لاجى وقتها قوميني


لأن من أمس ما نمت خلصيني سكري الباب واللمبة


شوق :اففف خلاص بعد ساعة بأقومك


ربى :اوكي


طلعت شوق بعد ما طفت اللمبة وسكرت الباب ....


.................


رتاج أول ما طلعت جواهر من غرفتها راحت تدور بين شناطها عن حبتين أحتياط لقتهم بالصدفة بجيب بنطلونها أول ماجت لهنا


جهزتهم متى ماحست أنها محتاجه لهم .... بعد ما تطمنت بقربها انسدحت على السرير بتعب وتفكير .. وش راشد بيسوي ؟؟؟ أكيد قاعد عند بوابة الجامعه اللي دايم اطلع منها ههه مسكين بأتغدا فيه قبل ما بيتعشا علي لكن رائد هل خبر مكافحة المخدرات عنه .... يمكن بيصبر هالأمور ماتجي بسرعة لازم تخطيط قبل ... اففففف وش هالعيشة القرف ....... اللحين ولد مدري مين بظرف كم اسبوع صرت ضحية بيدة لهدرجة أسلوبه يجذب لخرابيطة ...؟؟؟ والا أنا الغبيه اللي مافهمت وش مقصدة ؟؟؟؟؟؟ اااوووه وش هالأفكار خلني أنام احسن ... ......... ...حصه واقفه في المطار بلندن وسلطان راح يخلص أمورة وقبل ما يروح وصاها : لا تردين على أحد لا تتحركين من مكانك لا تفشليني .... حست أنها فعلا غريبه بين هالأجانب من جميع الأشكال والألوان وبعبايتها البنية والحجاب الكل يطالعها ..... شافت سلطان مقبل وهو لابس بنطلون جنز وقميص كحلي وعاقد حواجبه ....... وصل لحصه وبدون ما يقول لها شي دف الشناط ومشو طالعين وقفو لهم تكسي ووصلهم الفندق ........ بعد الأستقرار في الغرفة ........... حصه :الحمد لله ما حسيت بألام سلطان :وش قصدك حصه :أقصد أني ما بعد كملت الشهر الثالث وخطر السفر علي
لأن ما بعد استقر الحمل وو....سكتها سلطان ...:اطلعي برى أبي أنام ........ حصه : وين تنام وتخليني سلطان : وأنتي وش مخليك صاحية ارقدي وفكين من ازعاجك حصه :ما قلت شي يسوى سلطان :أقوووول سكري اللمبة وانقلعي بررى حصه تغيرت ملامحها للجدية :طيب متى أقومك سلطان :أنا بأقوم من نفسي أنتي بس فكيني حصه :أن شاء الله ......... طلعت حصه من الغرفة وجلست في الصالة وجذبها الشباك الكبير وراحت تطل منه وكان المنظر روعه .. المحلات والناس اللي يمشون والسيارات .. كل شي حركة في حركة ابتسمت حصه على هالمنظر اللي ماقد شافته بحياتها ...... ودها تنزل تكتشف هالمكان اللي ماعمرها طبته لكن ما عندها الشجاعة في النزول دون علم سلطان ولا عندها قدرة التحدث بطلاقة بـ E راحت وسحبت كرسي وقربته من الشباك عشان تبي تشوف الناس وهي جالسه للأستمتاع أكثر وبدون تعب الوقفة لكن بدت تفكر .. ((سلطان ماخذ دورة في أيـــش؟؟؟ ضحكت على عمرها لكن متى مالقيت الفرصة بسألة لأنه بيعصب وبيقول ....:. ما تعرفين أمور زوجك ....)) .......تذكرت قمر ..... ((معقولة جميلة مثل اسمها لدرجة انفتن بها سلطان \ لكن ما أشوفه دق عليها أول ما وصل مم وانا وش عرفني يمكن دق وهو را
يح عني أو أرسل لها رسالة ... مممم ودي أشوفها ....... يارب يصير شي وتتفركش هالزواجة ....... يارب توي عروس ما كملت سنة ياخذ علي ضرة ليش ياربي ؟؟؟؟؟؟ أستغفر الله ..............)) تضايقت من تذكرت قمر ورجعت الكرسي مكانه وقامت تنام لها شوي حتى لو أنها متحمسة تخاف يفوتها شي ............ دخلت الغرفة بهدوء وخافت تبدل ملابسها ويزاعق سلطان اضطرت تنام بملابسها لحد ما يقوم من النوم ..... ........................... شوق :ربىىىىىىى قومييييي مشاري تحت ينتظرنا فتحت ربى عيونها بتثاقل :لقاه ؟؟؟؟ شوق استغربت :وش اللي لقاه ؟؟؟؟؟ ربى قامت واعتدلت : الكلب في غيرة يعني شوق :اقول قومي ذا اللي هامك ولا مشاري اللي يتنظرنا تحت مو هامك ربى :اففففففف كم الساعة شوق :أن شاء الله مليوون أنتي قومي وخلصينا ربى :خلاص قمت انزلي أنتي وانا بأتسبح على السريع وألبس وأنزل ما صارت روحة شوق طلعت من الغرفة ونزلت تقعد مع مشاري لم تجي ربى ............ دخل عليهم ماجد وهو تعبان من كثر ما دور الكلب مشاري :بشر لقيتاه ماجد :لا ومشى ولا رد على تعليقات شوق ورقى فوق لغرفته ........ نزلت ربى لهم وركبو السيارة ربى جمب مشاري وورا كان شوق وبدر ودانه .....
.. مشاري :وين بتروحون ؟؟؟؟؟ دانه : الملاههههههي شوق :ودنا رياض جاليري بأشتري من هناك ربى :وش بتشترين ؟؟؟ شوق :هدية ساره ربى :بس ما أخبر هناك شي يصلح هديه شوق :وأنا وش بأخذ ساعة عليها القيمة ربى :بسسس شوق :ايه بس وش بعد بعدين ما يمدي نقعد نختار ونجمع وهالحركات خلاص ساعة تسد ربى : أنا وياك شوق :أكيد جايين مع بعض .......... بدر :ليش كذا زحمة ؟؟؟؟ مشاري : الرياض دوم زحمة ربى ترجع المرتبه على ورا وتغمض عيونها مشاري :جايبك عشان ترقدين ؟؟؟؟؟؟ ربى :والله ما نمت زين شوق :وأنتي قد نمتي زين ربى :ايه كثيررر جلسو يسولفون لم وصلو رياض جاليري ......... ونزلو ... ربى وشوق مشو لحالهم ودانه وبدر ركضو على طول لفوق لجته المطاعم متعودين على أمهم اللي كانت تحب الأسواق وعارفين كل الأماكن مشاري احتار لكن مو فاضي للأزعاج ففضل أنه يروح مع شوق وربى .. اللي دخلو محل الساعات ...... شوق :تعرف ذوق زوجتك تحب الناعم ولا الفخم مشاري :مممم مدري بس أكثر شي أشوفه عليها ساعات كبار شوق : طيب أختار معنا مشاري :انتم أول أختارو وأنا بأشوف وابتعد عنهم شوي دليل أنهم يروحون يشوفون وش يبون ربى وشوق جلسو يشوفون الموديلات والأسعار وطلعو من ا
لمحل وراحو ثاني واستقرو على ساعة حلوة ونوعا ما ناعمه بس شكلها مره حلو واعجبت مشاري واشتروها بقيمة محترمة طلعو وراحو لجهة المطاعم وجلسو شوي لكن مشاري ما يحب الازعاج ففضل انهم يطلعون ولقو بدر ودانه بسرعه بسبب تنقلهم الكثير بين الاماكن وطلعو للمواقف وركبو سيارتهم ومشو ........... كانت الساعة تدق 7 ونص ....... من بعدها راحو مكتبة جرير عشان دانه تبي ألوان وخرابيط ونزلو كلهم يجبون هالخرابيط ماعندهم شغلة ......... وربى استغلت وجودهم في جرير ومهي فاضية تجي مره ثانية .. شرت لها هارديسك جديد من نوع توشيبا أما مشاري خذ له كم كتاب ...... حاسبو وطلعو ............. شوق :الساعة 8 وعشر نروح لساره ولا بعد في مشاوير مشاري : كيفكم والله بدر :أبي أروح عند أمي دانه:أنا بعد أبي أروح البيت ربى :عشان تقعد ترسم وتلون هههه محد ضحك عليها خخ مشاري :ها بنات نروح ولا في خاطركم شي شوق :لا خلاص نروح لسارة دام العيال يبون يرجعون توجه مشاري لبيت أهل ساره ......... ......... ...دخل رائد البيت وركض له نايف مثل كل مرة شاله رائد :اوووبه صار ثقيل جواهر :ممم نزله لا يجيك شي رائد : لا خليه مستانس ... جلس رائد في الصالة وبحضنة نايف :مم
م بعد بكرة السفر جواهر :لقيت حجز رائد :أقولك بعد بكرة السفر جواهر :لدبي رائد :ايه ... ما صار لأختك شي جواهر :نايمة ما بعد صحت رائد : ترى سويت اللي علي والباقي عليهم جواهر :ما فهمت رائد :قلت لواحد من ربعي ضابط وبيشوف أمره جواهر:يعني أختي بأمان رائد :أن شاء الله .............. مشاري : يله خلاص الساعة 9 ما ودكم ترجعون البيت سارة : خلهم عندي وش عليك مشاري : لأني أنا اللي بأوصلهم شوق بحضنها صقر : ياخي اصبر تونا جايين مشاري:ما نمت العصر يله بس شوق:خمس دقايق مشاري : يعني بتفرق هالخمس يله بس والدليل على اصرار قام من مكانه وعطت شوق صقر لسارة وطلعو رايحين البيت ............... ...................... حصه قامت من النوم ....ما لقت جمبها سلطان حصه :وين راح تعدلت وقامت خذت ملابسها ودخلت الحمام تسبحت وطلعت ناظرت ساعتها : 12 ونص ..... طلعت من الغرفة ودورت سلطان مالقته :وين راح وتركني يالله .............. تذكرت أنها ما صلت العشا راحت وصلتها ورجعت تجلس في الصالة تنتظرة ........ .........لكن طول ..... 1:30 ...... خافت حصه وراحت لبس عبايتها وتحجبت وطلعت من الفندق ........ تدور بأنظارها بين الناس اللي يخوفون خنقتها
العبرة :ويــن راح .... مشت على الشارع اللي هي فيه للأخر مع محلاته لكن ماله أثر..... وما معها جوال .... جت بتقطع الشارع لكن خافت تصدمها سيارة لأنها بأختصار ما تعرف تقطع ........\ رجعت للفندق ......... وانتظرت هناك لحد الساعة 2 وربع .......... دخل سلطان .......... حصه ما تعودت تسأله وين رايح ومن وين جاي لكن للحين مالها إلا هو .. حصه :وين كنت سلطان :وليش لابسه العباية حصه :نزلت أدورك سلطان عصب :لـــــــــــــــــــــيش تطللللللللللعين انتفضت حصه :أدورك سلطان مسك راسها :لوووووو تضيييييعيييييييييين ابتلش فييييييييييييييك حصه :ما ضعت عارفة مكان الفندق بس مشيت لنهاية الشارع ورجعت سلطان يقصر صوته وياخذ نفس :لم أطلع من هنا أنتي تنطقين لين ارجع فاهمه أن شاء الله لو أرجع الصبح أنتي مالك طلعه من دوني فااااااهمه صدق ناقصات عقللللللل دخل الغرفة وططططراخ بالباب ........... حصه خنقتها العبرة لكن مسكت عمرها لأنها هي الغلطانه لو كان الوقت صباح كان أهون من اللحين ........ انسدحت على الكنبه وبطنها عصافير من الجوع ..\ حتى سلطان ما فكر يسألها :جوعانه ولا لا ؟؟؟؟؟؟ طلع تعشى هو ورجع ... ولا راعى ضروف حملها اللي لازم تتغذا ...
.......نذل))))) ....الساعة 7 الصباح .............. قامت حصه من على الكنبه وتحس بثقل براسها ..... نامت من أمس عليها بالغلط .......... مشت ودخلت على سلطان اللي في سابع نومه .. مشت لدولاب وخذت لها بجامه مريحة ولبستها ثم توضت وصلت ............ جلست في الصالة ويدها على راسها ........ ثم رجعت نفسها على ظهر الكبنه. حصه /آآآآآآآآآآآآآآآه يا راسيييي ومتى ذا بيقووووم اففففففففففف سمعت صوت سلطان لفت تشوفه كان واقف عند باب الغرفة سلطان :ما تعرفـين تسكرين باب الحمام شوي شوي نكدتي نومي .......... حصه :أسفه .........((بس أنا مسكرته بشويش ...صدق يحب يهاوش)) سلطان :قومي لبسي بنطلع نفطر فرحت حصه من طاري الفطور مو الطلعه لأن الجوع ماكلها أكل .......... لبست وطلعت مع سلطان وقفو عند مطعم وطلبو 2 كبتشينو مع كروسانات ... سلطان ياكل بهدوء وحصه تاكل وتطالع الناس :سلطان متى بتروح لشغلك سلطان : مالك دخل ؟!!!!!؟؟؟؟؟؟؟؟؟!!!! حصه : عشان أعرف سلطان :وليش تعرفين حصه :عشان ما أجلس انتظرك أعرفك أنك رايح الدوام مدري الدوره سلطان :انتظريني لين اجي حصه سكتت بضيق من هالحاله سلطان بعد ما خلص من أكله قام :يله حصه :ما كملت أكلي سلطان :
مو لازم يله قومي تركت حصه الباقي وقامت تمشي ورا سلطان اللي خطواته سريعه ولا كأن معاه احد يمشي معه .................. رجعو للفندق ......... حصه :أبي أكلم أهلي سلطان : لا حصه : تكفى سلطان أنا قايله لهم بأدق أول ما نوصل سلطان : لا طلعت لك جوال دقي حصه :ومتى بتطلع لي سلطان :متى ما بغيت وعن الهذرة ..طلعي لي ملابس بأتسبح حصة : إن شاء الله وقامت تطلع لسلطان ملابس ...وهو دخل يتسبح طلع ولبس وخذ معه أوراق .... حصه : بتطلع سلطان :وش تشوفين حصه : خذني معك سلطان طنشها وطلع من الفندق ,,,,,,,,,, حصه تتمدد على السرير :طفشششششششش لو نستمر 3 شهور كذا بيجيني شي ......حضنت المخدة :أأأأااه يا حياة الشقاااااا ............................. رتاج قامت من النوم وراسها شوي بينفجر من الصداع


لا أردايا توجهت لشنطتها وطلعت حبه ........


طلعت من الغرفة والبيت هادي ..استغربت


ونزلت تحت للمطبخ شافت جواهر واقفه مع


الشغالة وشكلهم يطبخون الغدا


جواهر تطالع رتاج : صباح الخير


رتاج من دون نفس :هلا ..أبي موية


جواهر :ما طلبتي شي


وراحت صبت لها كاس موية وعطتها


حطت رتاج الحبه بفمها ثم شربت الموية


وحطت الكاس في المجلى .....


جواهر والشك ما كلها :وش اللي كلتيه


رتاج تطالعها بنص عين :بندول وش بيكون يعني


جواهر :اها ...لا راح فكري بعيد


رتاج : المهم لقى حجز


جواهر :أيه بكرة السفر


رتاج :وين؟؟؟؟؟؟؟؟؟


جواهر :لدبي ورتبي أغراضك من اللحين


رتاج :اوكي


طلعت رتاج ورقت فوق لغرفتها ترتب شناطها اللي أمس فاكتهم


لم خلصت كانت الساعة حدود 2 .........


انسدحت على السرير تشيك على جوالها واستغربت


مالقت مكالمة من راشد أبدا ...........


لقت كم مكالمة من سديم اللي أكيد داقه تسأل عن


غيابها................


تذكرت كيف بتسافر دون ما تاخذ أجازة لو على الأقل أسبوع واحد


يخف من غيابها .............


نزلت تحت لجواهر لقتها جالسه عند التلفزيون وقدامها جالس


نايف ومنسجم مع


mbc3 جلست رتاج :أقول كم بنقعد هناك


جواهر تلف لها :ممم على حسب فترة علاجك


رتاج : والجامعه


جواهر : وقفي هالكورس


رتاج : أوقف وما بقى إلا شهرين وأخلص؟!!!!


جواهر :وأنتي بتطيبين بليلة ...أكيد مدة طويلة


بعدين محد جاب هالبيلة إلا أنتي يعني لازم تتحملين أخطائك شوي وراح توقفين هالكورس وتكملين بعدين


رتاج مكشرة " اففففففففففففف


منك ومن راشد ومن كل شي


وقامت ورقت فوق ...............


صرخت لها جواهر :ماتبيييييييييين غدا


ردت تصارخ مثلها :لللللللللللللللللللللللللا


جواهر :كيفك .......

[موكاتشينو]

سلطان يدخل على حصه الغرفة لقاها حاضنه المخدة ونايمه


قومها :حصــــه


حصه قامت بسرعه لأنها غفت ..........


حصه :سم


سلطان:قومي لبسي نطلع


حصه : كم الساعة


سلطان :12 الظهر


حصه قامت من السرير وراحت لدولاب طلعت لها لبس ثم دخلت


الحمام غسلت وجهها وطلعت لبست............


لم خلصت طلعو مع بعض .....................


ركبو تاكسي ....


وجلس يرطن سلطان معه بالـ e


حصه واللي تذكرت شي :سلطان ممكن طلب


سلطان :نعـم


حصه مستحية من نفسها وسلطان ينتظر الطلب الكبير اللي من حصه..


حصه بتردد :آآ ما أبيك لا مشينا تتقدمني أخاف أمشي لحالي


سلطان ابتسم على الطلب :أنتي بطيئة مشكلتك


ورجع يطالع الشباك وكأنه يقول أسكتي .............


وصلو للمكان المطلوب ونزلو ............


وراحو المطعم ............


طلبو لهم شي خفيف (تصبيرة ) وهم سكووووت


قامو يمشون .......


حصه :غريبه رجعت من الدوام مبكر


سلطان:بكرة بأبدا


حصه :أها طيب وش طبيعة الدورة


سلطان :في الأدارة


حصه : بس أنت ما شاء الله دكتور


سلطان :كفي عن الأسئلة البايخة


حصه سكتت ...................


سلطان : اسمعي بكرة بنروح لشقة ماجد


حصه :عنده شقة هنا


سلطان :من كثرة سفراته وأنا ماخذ المفتاح من زمان


حصه :ليش ما نروح اليوم


سلطان :أنا دفعت حق ليلة اليوم بس ما تأكدت من مكانها


حصه : يعني نروح نشوفها اللحين


هز سلطان راسه ب(ايه)


ركبو تاكسي وتوجهو لمكان شقة ماجد على حسب العنوان اللي عطة سلطان للتكسي ....................


وفعلا كانت الشقة المقصودة ........


فتح سلطان الباب ... وولع اللمبات ........


دخلت وراه حصه .......


وراحت تتجول فيها ...........


كانت عبارة عن صالة


صبغتها تعتيق باللون البيج والكنب


أورنج ومخططه بسكري فاتح مره ...........


الشباك كان كبير مثل حق الفندق ومغطى بستارة طويلة مرة توصل للأرض لونها أورنج فاتح مره ........


والتلفزيون كبير..........


وقبالها كان مطبخ تحضيري ........


ومن ثم سيب وبعدها تجي الغرف وكانت عددها 3 .......


غرفة الرئسية ولونها أزرق وحلو وفيها تلفزيون معلق على الجدار


والغرفة الثانية


كان فيها سريرين كل واحد في جهة .....


ودولاب بسيط ...


الغرفة الثالثة أيضا نفس الثانية


وخمنت حصه أنها لربع ماجد اللي يسافرون معه دايم ...


الشقة حلوة بس يبي لها شوية نظافه لأنها من زمان ما دخلت ...


راحت لسلطان الجالس في الصالة ..


حصه :لازم ننظفها


سلطان :بأنزل أجيب لك أدوات تنظيف وتنظفينها


وانا بأروح أشتري أغراض للثلاجة


حصه : بأطبخ


سلطان :ايه يعني بنقعد كل يوم ناكل مطاعم .......


قال كلمته وطلع من الشقة وهي جلست تنتظره ........


لم جاب أدوات التنظيف وأنشغلت وهو نزل مره ثانية


للسوبر ماركت يتقضى


................................



على الغدا .............


أبو مشاري :وليش تروح دبي مع أختها ..........


أم مشاري :مسكينة رتاج لها وقت ما سافرت


أبو مشاري :يمكن هي وزوجها يبون لحالهم هي راميه وجهها ليه


أم مشاري :هم بيروحون هناك وبيجلس رائد معهم مدة وبيرجع هنا يعني لو يبي يسافر كان خذ أجازة طويلة


أبو مشاري سكتت ورجع يكمل أكله ,,,,,,,,,


مشاري :ودراستها


أم مشاري :الله أكبر وش هالتخصص اللي داخلته ..فنية


خبط وتلوين ولصق حركات بزران !!!!!!


مشاري :طيب بتوقف ولا بتتركها


أم مشاري : كيفها........ اللي تسوية ما راح نقول لها شي


.................................................. ..............


أبو حصه :منيرة ما دقت


منيرة : لا والله ما دقت


لطيفة :أخاف صار لهم شي


منيرة : بسم الله عليهم بس قالت أنها بتدق


لطيفة :ااف أكره الأنتظار


.................................................. .................


دخل سلطان معه أكياس من السوبر ماركت ........


لقى حصه جالسه في الصالة ...


سلطان :خلصتي


حصه :ايه


سلطان :رتبي الأغراض .......


قامت حصه تشوف المطبخ وجلست ترتب ...


وكانت الأغراض ...


((معكرونه بجميع الأشكال , مرتدلا ,جبن , مربى ....إلخ من أغراض الفطور ,لحم,


خضروات بجميع الأشكال والألوان , عصيرات , غازيات ,,,,,


وبعض من الشوكلاتات المعروفة من جالكسي ومارس وباونتي ...


ودقيق وبيض ............))


سلطان :خلصتي ؟؟؟؟؟؟؟؟


حصه وهي تحس بتعب :أيه


سلطان : مشينا نتغدا ....


حصه راحت تلبس عبايتها وطلعت مع سلطان


ركبو تاكسي ورجعو للمنطقة اللي فيها الفندق ............


راحو لمطعم وجلسو ياكلون ...........


بدون أي حوار يذكر ...........


لم خلصو رجعو للفندق ,,,,,,,,,,,


سلطان منسدح على السرير جت حصه وجلست جمبه ........


حصه :كلمت أهلك ؟؟؟؟؟؟؟؟


سلطان :لا اليوم بأكلمهم


حصه :وانا


سلطان :أن شاء الله بتكلمينهم .........


حصه بعيون فرحانه :جد


سلطان : يعني أكذب


حصه : لا حشى مممم طيب بتنام كم ساعة


سلطان :للمغرب


حصه سرحت في وجهه سلطان ويدور في راسها كلام جواهر .....


((يا حصه لك اللحين 4 شهور وأنتي تعرفين سلطان وتعرفين طباعه وما ننكر أنه متكبر وما يعرف يتكلم مثل الناس لكن هذا ما يمنع أنك ترجعين له


وحاولي فيه ترى بيتغير مع الزمن بس يبي له شوية صبر


وكل الرجاجيل كذا )))))))))))))


معقولة أقدر أغيره بس أنا شخصيتي ضعيفة قدامه


لكن ليش ما استغل هالفرصة وأقربه مني


يمكن في الرياض ما أقدر بسب وجود اهله والكلام اليومي عني


واللحين صارت لي عديله ..........


والله ما أخليها تتمتع مع سلطان وأنا واقفه أشوفهم ,,,,,


صحت من تفكيرها بكف خفيف من سلطان


سلطان :حصه عن السرحان قومي طفي اللمبه .........


حصه :طيب ممكن أكلمك


سلطان منسدح على يساره وحصه متربعه قدامه :وش عندك


حصه بردت أطرافها ولا عرفت وش تقول ما تعودت تكون جريئة بكلامها وتناقش مع سلطان أي موضوع وهذا دليل على ضعف الشخصية .........سلطان : بتقولين وش عندك ولا خليني أنوم


حصه بسرعه عطته بوسه على خده: شكرا .........


وقامت وطفت اللمبة وطلعت من الغرفة ....


وسلطان مستغرب منها...........


لكن طنش ونام ........


حصه جالسه في الصالة لكن خدرت أطرافها دليل التعب ودخلت الغرفة ونامت مع سلطان اللي على طول في سابع نومه ..........


.................


الساعة 12 ليلا بتوقيت الامارات ,,,,,,,,,,,,,


رائد :أنا حاجز في شقق


جواهر بحضنها نايف : ليه مو فندق


رائد :بتطولون هنا الشقة أحسن لكم وأريح


جواهر :كيفك


رتاج ساكته وتطالع شوارع دبي من الشباك .......


وصلو للشقق .....................


ونزلو الشناط ودخلو .....


كانت عبارة عن غرفتين مع حماماتهم وصالة كبيرة وتلفزيون


ومطبخ متوسط ...........


كانت تناسبهم نوعا ما .......


رتاج :وااع أنا بأسكن في هالضيق طول المدة


جواهر:بتكونين في المستشفى يا عمري


رتاج حاست فمها دليل القرف خذت شناطها ودخلت وحدة من الغرف.........


رائد :أسمعي انا متفق مع مستشفى لها وراح تبدا تعالج من بكرة


قولي لها لا تفك شناطها زين .,,,أنا نازل أجيب عشى


مشت جواهر ودخلت على رتاج لقتها متربعه على السرير وتفكر....


جواهر :رتاج لا تفكين شناطك بكرة الصباح راح نروح المستشفى


هزت راسها رتاج بالموافقة


بدون ما تعلق ...........


طلعت من عندها جواهر وراحت ترتب ملابسهم في الدالوب ......