المحطة الثانية ::::::::::
الساعة 2 ونص الظهر ,,,
الجميع نزل عشان وقت الغدا ,,,,
الكل كان موجود ,,
((أبو مشاري , أم مشاري , رتاج ,ربى ,شوق ,ماجد))
والباقين متزوجين لهم خصوصيتهم ..
أبو مشاري بصوته الجهوري :وين سلطان؟؟؟
أم مشاري :سافر جده اليوم ؟؟؟
أبو مشاري :وحصه وينها ؟؟؟؟
أم مشاري : عند اهلها
كمل أبو مشاري أكله بهدوء ثم قام ,,,
ارتاح الجميع لم قام لأنه فرعون وهو جالس ما يحب الكلام
وأي حركة تصدر منهم بيعلق عليهم أو بالأصح يعيب
هذي حالة أبو مشاري لجلس مع كل الناس مو بس عياله ...
أم مشاري توجه كلامها لشوق: شفتي الفراشه
شوق :مين ؟؟؟
أم مشاري بأسلوب سخرية:من غيرها أم حصه
شوق:لا ما شفتها ؟؟؟
رتاج :عسى ما قلتي لأحد أنها أم زوجة أخوي
شوق :بالعقل أول يوم لي في المدرسة بأسولف
مع البنات وأعرفهم على عايلتنا
رتاج رفعت حاجبها الأيمن:خير تأدبي
شوق :وش أتأدب أنتي اللي تستغبين
أم مشاري :شـــوق
سكتت شوق وهي تطالع رتاج بنظرات ناريه ...
أما ماجد راح تفكيره في أم حصه ونتيجة التحليل وش بتكون
وتذكر منيرة كيف كانت خايفة ومنها تذكر منى خويته الجديدة اللي متعرف عليها من أسبوع في الشرقيه مواعدها العشا بيكون في الدمام ويتقابلون لكن الظروف ما سمحت له يسافر لأن سلطان سافر بالطيارة الخاصه وهو ما حجز ومو هو اللي يمسك خط عشان بنت ,,,
.....
الدكتور : أنتي البنت الكبيرة ؟؟؟؟
حصه :ايه نعم
الدكتور :تفضلي معاي لو سمحتي
قامت حصه ومشت وراه لحد ما طلعو من غرفة أم حصه
الدكتور : أختي التحاليل أكدت لنا أن الوالدة فيها فشل كلوي في الكلى اليمنى ولازم نسوي لها غسيل كل أسبوع.....وضغطها منخفض مره .......
حصه بعد ما كتمت الشهقة :قول غيره
الدكتور :والله هذا أمر الله واللحين بنسوي لها غسيل
وبنكتب لها أدوية والباقي على الله ...
حصه:وبتنوم اليوم في المستشفى
الدكتور : يومين بأذن الله وتطلع
حصه بحزن: مشكور الله يعافيك
الدكتور : ياليت تروحين تكملين أجرائات الغسيل والدفع حق اليومين
حصه تذكرت أن المستشفى أهلي وتورطت ما معها فلوس وماجابت بطاقة الصراف حقتها ,,,,أستأذنت من الدكتور وراحت تدق على ماجد وقالت له وقال أنه جاي في الطريق .....
ودقت على بيتهم ورد أبوها ...
حصه : هلا يبه
أبو حصه : هلا مين ؟؟؟؟
حصه : يبه أنا حصه
أبو حصه :هلابنيتي وش أخبارك وش علومك طمنينا عليك
حصه : يبه انا بخير بس أنا وأمي وخواتي في المستشفى
أبو حصه بصدمه: في المستشفى؟؟؟
حصه : أيه إذا تقدر تجي تعال
أبو حصه : أسأل عبيد ولد جيرانا عنهم يقولون أنهم في بيتهم جالسين ..!!!
حصه :تصدق هالبزر أكبر نصاب ها يبه تجي
أبو حصه :وش فيها أمك أكيد تعبت وأنتي وشلون جيتي ورجلك يعيي عليك ..
حصه : يبه أنت بس تعال وتعرف كل شي
أبو حصه : طيب أي مستشفى
حصه :مستشفى (.........)
أبو حصه طارت عيونه : أهلي ,,من وين لنا ندفع لهم ....
حصه ارتسمت ابتسامة سخرية منه :دبرناها بس أنت تعال
أبو حصه : بعد ساعة أنا عندكم ,,,
وسكرت حصه وجلست على كرسي قريب تنتظر ماجد يجي ..
وهي تفكر في أبوها وكيف زوجها بسرعه لسلطان لم عرف أنه ولد نعمه وأخذ نص مهرها عشان يسدد ديونه اللي ما تخلص والباقي ما تدري وين وداه فيه ظلمها مع سلطان ظلم ما راح تنساه طول حياتها ,,,,,,
مسكت جوالها وأرسلت لسلطان : ((انتبه على نفسك ))
عشان بعد ما يقول لها أنتي ما تهتمين فيني مثل باقي الأزواج
مع أنها شايلته فوق راسها تذكرت أنها ما تسبحت من أمس تقرفت من نفسها بتروح البيت تتسبح وترجع المستشفى بعد ماتجيب ملابس لها ولأمها ..
منيرة :حصه حصه
حصه انتبهت : نعم
منيرة تجلس جمبها وبنبرة جاده :وش في امي ؟؟
حصه : مثل ما قالو
منيرة : فشل كلوي ...!!!!
حصه :أمي عايشة اللحين بكلية بس
منيرة : لا تكذبين علي قولي الصدق
حصه : منيرة أمر الله وش نسوي هذا كلام الدكتور وبنسوي لها غسيل اللحين وكل أسبوع بتجي هنا تسوي غسيل بعد وبتنام يومين هنا لحد ما تتحسن ,,,
منيرة :والله حرام
حصه :استغفري ربك وترى ماجد جى ,,,
قامت منيرة ودخلت الغرفة ...
ماجد : اللحين بيغسلون لها
حصه :ايه بس ياليت تحسب تكاليف المستشفى حتى أخلي سلطان يدفعها
ماجد :تلعبين على نفسك سلطان ما يسوي شي في هالامور وانا بادفع كل شي لهم تعالي أنتي بس معي نناقش الدكتور أكثر ..
حصه : يله
راحو كلهم للدكتور واخذو منه جميع التعليمات الخاصه بأم حصه,,
ومن بعدها راح ماجد يتولى حساب المستشفى وفتح لأم حصه ملف حتى تداوم العلاج عندهم لحد ما تشفى بأذن الله ,,
طلع ماجد من المستشفى ومعه حصه وصلها لبيت أهلها عشان تاخذ ملابس لها ولأمها ووتتسبح ’’’
دخلته حصه صالة البيت وهي راحت تشوف شغلها وهو بدوره قام يتأمل المكان ويقارنه بقصرهم الواسع ,,
كان البيت مكون من غرفتين نوم وصالة ومطبخ صغير وحمام
حتى أستغرب أن مافي تلفزيون ,,
شاف شنطة مدرسة مرمية على الأرض وسحبها يفتش فيها كان الفضول ماكله من شافها ,,,
كانت الكتب حقت ثالث ثانوي علمي وقرا الأسم :منيرة
مكتوب خلف كل كتاب تذكر أيام الثانوي وكيف كان داج فيها
لقى ورقة محطوطه في كتاب الفيزيا فتحها ,,
وقراها ((حبيبتي الشي اللي أبغاه أسويه وغصب عليك وإذا فكرتي دقي على هالرقم :*****05544 باي ))
استغرب ماجد من الرسالة اللي واضح أنها وحدة تهدد منيرة
حط الورقة بجيبه لم سمع صوت حركة وكأنه حصه جايه
ورجع الشنطة مكانها ....
شوي وجت حصه ومعها شنطة ولابسه عبايتها
ماجد يقوم :خلصتي ؟؟
حصه :ايه
ماجد : مشينا
طلع ماجد من البيت وطلعت وراه حصه وركبو السيارة راحين
للمستشفى ,,,
كان تفكير ماجد بالرسالة اللي بجيبه وحصه تفكر
كيف أن ماجد أخلاق وأحسن من زوجها
لو كان سلطان مثل ماجد لكانت
حياتها بشكل ثاني غير اللحين .....
وصلو عند بوابه المستشفى ...
ماجد :حصه أن بغيتو شي دقي علي زين
حصه:مشكور ماجد ما تقصر يله مع السلامه
نزلت حصه ومشى ماجد ...
دخلت حصه غرفة أمها لقتهم كلهم مجتمعين سلمت على أبوها وجلست لكن ما أمدا إلا دق جوالها من سلطان ردت بعد ما سكتتهم:الو
سلطان: وينك فيه؟؟؟
حصه كذبت: في بيت اهلي
سلطان : من وصلك
حصه : ماجد
سلطان : ألعبي غيرها
حصه :روح أسأله وتأكد
سلطان : وإذا طلعتي كذابه
حصه:سوي اللي تبي تسويه
سلطان سكر بوجهها ..
وحصه ناظرت أبوها ما كان يطالعها كانت
تعرف أنه يسمع المكالمه ويعرف انه سلطان .
وهي تعمدت ما تطلع عشان تبين لأبوها انها هي وسلطان مو اوكي ..
أم حصه : روحو البيت وتعالو بكرة
لطيفة :يممماه وشلون نخليك هنا لحالك
أم حصه : ما فيني شي وانتم وراكم مدرسة يله روحو
حصه : كلهم بيرجعون مع أبوي وأنا بأجلس
ولا جى بكره تعالو مع أبوي العصر ...
بعد جدال وأقناع لطيفه طلعو البنات مع أبوهم وراحو وحصه بقت عند أمها ,,
حصه : يمه
أم حصه : نعم حبيبتي
حصه : من متى تعانين من هالمرض وساكته
أم حصه : يا يمه والله أني ما أدري وش فيني مره يوجعني جمبي ومره بطني والله مدري وين الألم فيه ....
حصه : طيب تعرفين وش فيك أللحين
أم حصه : لا والله ما أدري من جابوني هنا ما قالو لي شي
حصه تطالع الأرض ما تبي
تشوف ردة فعل أمها : طيب يمه والله مدري وش أقولك لكن هذا قضاء وقدر لازم ترضين به يمه أنتي فيك فشل كلوي في الكلية اليمنى
ووووأحتمال أن أهملتيها تسبب لك أضرار كثيرة ,,,
خلصت حصه كلامها وانتظرت أمها تقول شي لكن ما قالت
رفعت راسها لقتها مبتسمه استغربت وعقدت حواجبها :يمه وشفيك ......
أم حصه : أنتي اللي وش فيك مكشره
حصه:ها........لا أبد سلامتك
أم حصه :وبيسون لي غسيل ولا ؟؟؟
حصه:ها....ايه ...لا ..إلا بيسون لك وقامت تنادي الدكتور
أما أم حصه ابتسمت على حصه الي خايفه من ردة فعل وحدة عاشت أقسى من كذا مع الفقر وش تكون الكلية عند هالمعانات اللي عاشتها ...؟؟
دخل الدكتور مع حصه ومن ثم راحو لغرفة المخصصة لغسيل الكلى
وسو الأجرائات الخاصه بالغسيل ....
جلست ساعة حصه جمب أمها لكن ماحست بعمرها إلا نايمه من التعب
طول أمس وهي ما ارتاحت .....
ماهي إلا عشر دقايق من غفوتها إلا أمها تناديها
حصه قامت مرتاعه ما كانت تدري أنها نامت :ها وش صار ؟؟؟
أم حصه :ههههه
حصه :وش صاير ؟؟
أم حصه : جوالك من ساعة يرن
حصه على طول ناظرت جوالها :6مكالمات من سلطان ..
زينت عبايتها وأستأذنت من أمها وطلعت ودقت عليه :هلا
سلطان معصب :عمى ما تردين ساعه أدق
غمضت عيونها:أسفه ما كنت أعرف
سلطان :من قالك تودين أهلك المستشفى من دون شوري
حصه:أمي تعبانه مره وش أسوي أتركها يعني
سلطان صرخ :لا ترادديني لم أقولك شي تسكتين واللحين مشعل بيجي ياخذك وتروحين بيتنا وتنطقين لين أجي فاهمه
حصه :بس أمي من يقعد عندها في المستشفى وخواتي
لكن ما سمع من كلامها شي لأنه سكر في وجهها مثل العادة ...
تنهدت حصه بألم على هالزوج العجيب وجلست تفكر كيف تروح وتخلي أمها
لحالها في المستشفى وسلطان لا قال شي يعني بيصير ولا بيسوي لها سالفة
لكن مالها إلا تقول لأمها انها بتروح ,,
دخلت الغرفة وقالت لأمها وجلست تتعذر لها وتعلمها انها جايبه لها ملابس في الشنطة ...
بعد نص ساعه طلعت حصه المستشفى وركبت سيارة مشعل بس ورا لأن زوجته صيته موجودة ,,
حصه : السلام عليكم
مشعل :وعليكم السلام ها وشلون أمك اللحين ؟؟؟
صيته :وأنت وش دخلك في أمها طالع الطريق لا يصير لنا شي بس
طنشها مشعل :وش صار فيها ؟؟؟؟
حصه :فشل كلوي
مشعل : لا حول ولا قوة إلا بالله
صيته : مـشـــــعل
مشعل طالع الطريق ويتأفف من داخله من زوجته ,,,,
.... وصلو البيت وعلى طول حصه راحت لقسمها ماتبي تتقابل مع أم مشاري لأنها أكيد بتتريق عليها ...
دخلت غرفتها ورمت عبايتها على السرير وهي أستلمت لدموعها
صحيح أنها متعودة على طبعهم 3 شهور معاشرتهم لكن ليه يوم أهلها أحتاجو لها منعها عنها .....
مسحت دموعها لم سمعت صوت أذان المغرب قامت وتوضت وصلت وراحت لجوالها وأرسلت لسلطان
(أنا في البيت وبأنام )
عشان يمكن يدق ويعصب ليه ما ترد ,,,
وهي على طول نامت من الإعياء ...............
.............................
في بيت أبو حصه ,,,
لطيفة:يبه قلت للمدرسة أن أمي ما راح تداوم بكرة
أبو حصه : ذكرتيني الله يذكرك بالشهادة لا جى بكرة قلت للإدارة عنها
منيرة : أول مره لطيفه تقول شي سنع
لطيفه :يببببه شوفها
أبو حصه : منيرة خلي أختك في حالها ........
منيرة وهي تقوم : إن شاء الله ...
أبو حصه :وين رايحة
منيرة : بأصلح العشا
لطيفة :ماني مشتهية ,,,
منيرة :محد شاورك ها يبه تبي شي معين ,,
أبو حصه : جيبي لي زبادي بس
لطيفة : وأنا أبي بيض مسلوق
منيره :وش غير رايك مو أنتي ما تبين ؟؟؟
لطيفه : لا خلاص جعت ,,,
ابتسمت منيرة وراحت المطبخ تحضر العشا ومن ثم جلسوا
مع بعض وتعشو ,,,
ونامو مع أن الساعة 9 الليل لأن وراهم بكرة دوامات
,,,,,,,,,,
أم مشاري:رتااااج
طلعت رتاج لها :هلا مام
أم مشاري :بتروحين معي يوم الخميس؟
رتاج : وين ؟؟؟
أم مشاري : صيته كلمتني الظهر وقالت أن وحدة من خواتها ولدت وجابت بنت وسابعها الخميس مسوين عزيمة كبيرة وعازمتنا ,,,
رتاج : ما أدري أشوف إذا عندي لبس رحت وإذا ما عندي ما بروح ولا بأطلع أشتري ممم ما أدري أرد لك الأربعاء ,,,,
وعطت رتاج ظهرها لأمها ومشت دخلت غرفتها طلعت لها بنطلون جنز ضيق مع تشيرت وردي لبستهم وتوجهت للتسريحة رفعت شعرها فرس ونزلت كم خصله على وجهها حطت كحل وروج وردي خذت عبايتها ولبستها وطلعت بس رجعت وخذت شنطتها ورجعت
تطلع وهي تمشي في الدرج تقابلت مع ماجد
ماجد :وين على الله
رتاج : معزومه على العشا
ماجد :ومن سمح لك تطلعين هالوقت ما تشوفين الساعه
رتاج تطالع ساعتها : 10 وش فيها ؟؟؟
ماجد :لا فيها وبعدين ليه لابسه هالعبايه المخصرة وين طالعه زواج؟؟؟
رتاج :اوووف ماني فاضيه لك بتأخر على البنت
ومشت عنه لكن مسكها مع يدها
رتاج :اايييي عورتني
ماجد :سكري عبايتك المفتوحه وش بقى ما طلعتيه
رتاج : كيفي ألبس اللي ابي وأسوي اللي أبي ولا صرت بابا تعال تكلم
مشت عنه وهو انقهر
منها لأنه ما له كلمه بعد أبوه اللي سامح لبناته كل شي ..
رقى لغرفته وانسدح على سريره وفتح جواله وراح يدق على الرقم اللي كان مسجل في الورقة حقت منيرة ...
دق ورد رجال تورط ماجد :هذا جوال عبدالله
الرجال: لا من تبي ؟؟!!!
ماجد :ههههههههههه
الرجال :من تبي ؟؟؟؟
ماجد : والله شكلك منت صاحي هه باي ...
سكر ماجد ولازالت الضحكة فيه من الرجال اللي صوته مو واحد صاحي !
لكن جلس يفكر وش دخل هالرجال يعرف منيرة فيه سر لازم يعرفه ,,,,
نقز وهو يتذكر أنه واعد أمه يجلس معها نص ساعة !
بدل ملابسه وطلع دور على أمه لقاها في غرفتها جلس معها يسولف وعرف أن أبوه بيجي بعد ساعة من شغله ,,,وهو بدوره انحاش وطلع من البيت ما يحب يجلس مع أبوه لوحدهم لأنه بيقول له سالفة الشغل معه وهو ما يبي
يبي يعيش حياته بدون قيود ,,,
,,,,,,,,,,
الساعة 12 الليل ....
دقت جرس الساعه أعلان حضر التجول داخل البيت
الكل لازم يكون في غرفته ولا أحد يطلع لأن أبو مشاري يكون نايم هالوقت
وكأنه سندريلا ,,!!
شوق نامت لأن وراها مدرسة
ربى جالسه على النت وبتغيب بكرة تخاف تروح وتتعب
رتاج للحين ما جت من برى ....
ماجد رجع ونام
حصه للحين ما قامت ....
............في مكان مو بعيد داخل سور القصر الكبير ..
في فله مشعل ,,,,,,,,,
صيته : اليوم أنا مشيتها لك لأن سلطان داق عليك لكن مره ثانية
والله لا أروح لأهلي وما أرجع ,,,,
مشعل :طيب من عيوني بس تكفين طفي اللمبة بكره عندي دوام ...
وبرابط لليل يله عاد فكينا من حنتك
صيته : اف منك ,,,,وراحت سكرت اللمبه وطلعت من الغرفة راحت تشوف العيال إذا نامو ولا يلعبون خاصه أن شوق وراها مدرسة وسلمان تمهيدي....
لقتهم نايمن وراحت هي نامت ...
.........
قامت حصه من ألم في بطنها ما تدري وش سببه تذكرت أنها ما كلت شي من أمس راحت مشت للمطبخ التحضيري الموجود في الصالة حقتهم
فتحت الثلاجة وخذت عصير شربته وتذكرت أنها ما صلت العشا راحت توضت وصلت ..مسكت
جوالها مالقت أي أتصال أو رسالة من أحد وهذا أصلا دايم كذا لأن سلطان محدد لها من تدق عليهم أو ترسل,,
طالعة جزمة سلطان المرمية بأهمال في نص الصالة
راحت وشالتها وحطتها في مكانها
دايم سلطان فيضوي وما يرجع كل شي مكانه ,,,
جاها حالة شوق لسلطان صحيح أنه غثيث لكن في الوقت الحالي ما عندها إلا هو
ماحست بعمرها إلا ماسكه الجوال ومرسله لسلطان ,,
((أشتقت لك ))
انتظرت يمكن يرد عليها لكن ضحكة على نفسها لأن سلطان ما عنده هالسوالف
طفشت وقالت أتهور وأنزل تحت يمكن أحد قايم
توها طالعه من قسمها إلا تشوف رتاج طالعه من المصعد ففضلت انها ترجع لغرفتها أحسن لها ...
دخلت غرفتها وهي ما تدري وش تسوي
كان الجو ممل لدرجة غير طبيعه ...
طق طق طق طق طق
كانت 5 طقات على الباب خلت حصه تقوم تشوف مين اللي يجي هالساعه فتحته لقت ربى ومعها لاب توبها وبأبتسامه:صباح الخير
حصه توسع لها عشان تدخل : صباح النور
ربى تدخل وتجلس في الصالة وتحط لاب توبها جمبها : لا يكون نايمه؟؟
حصه : لا والله قايمه
ربى : طيب ها إلا صح مو أنتي رحتي بيت أهلك وش جابك
حصه : سالفة طويله بعدين أقولها لك ..
كيفك اللحين راحت الحرارة
ربى :الحمد لله أحسن من أول
حصه : الحمد لله ها وش جايبك عندي غريبه ...
ربى : هو صراحة عشان حاجتين
حصه : وش هم
ربى :أول شي أن رتاج قالت لي أنها شافتك طالعه من قسمكم قلت أكيد في شي صاير لك ولا ما تطلعين هالوقت ....
طبعا أنا ملقوفه ....
وثاني شي في موضوع خاص بأخذ شورك فيه ..؟؟!!
حصه :خلي الأول وشو الثاني ....؟؟
ربى تاخذ نفس :هو الصراحة أنا مالي دخل فيه بس لازم أسوي شي
هو الموضوع ومافي يخص ماجد ووحدة من بنات المدرسة ؟؟!!
حصه :وش فيه ماجد ؟؟؟
ربى : كلنا نعرف أنه داج من زمان صح
حصه :معروف كملي ..
ربى :أنا وحدة في المدرسة أكرها كره العمى ما أطيقها في عيشة الله
بيني وبينها عداء وهي تقرب لسارة مرت مشاري من بعيد وكم مره شفتها في مناسبات الزواج المهم أن هالبنت صح نسيت أقولك وش أسمها
أسمها : (نوف)زين هالبنت شفتها تركب مع ماجد عند المدرسه خفت أقول للسواق يلحقهم ويشك ماجد ...
بعد مدة جتني وحدة من صديقاتي وقالت أنها كانت جالسه مع نوف وسمعتها تقول أنها تحب واحد اسمه ماجد عاد انا قلت أنه أكيد مو أخوي عشان أستر على ماجد ولم وصلت البيت رحت قلت له وقال أن مالي دخل في هالمواضيع ومن يومها وانا بيني وبين ماجد مشاحنات صحيح عادي عندي انه يتعرف على بنات لكن جوا مدرستي لا ....ومدري وش أسوي مع ماجد ,,,,؟؟
حصه:ربى أنتي اللحين كبيرة وتفهمين لا تشغلين بالك بأمور أنتي أصلا ما تقدرين تتسوين فيها شي ...
ماجد وطبعه كذا مغازلجي يعني توقعي يسوي أي شي وأمك تعرف عنه يعني حتى لو قلتي لها ما راح تقول أكثر من كلامي وإذا على البنت وتكرهينها ومنقهره منها لو أني مكاني بأفرح لأن أصلا ماجد يلعب عليها ولا يحبها وراح يقول لها بيوم وتشوفين إذا ما صار هالشيء وهي بتتحطم ولا تستبعدين تجيك في المدرسه وتتهاوش معاك عشانك أخته أنتي بس خلي الأمور تمشي وهي لها خاتمتها ..
ربى اللي اقتنعت بكلام حصه : طيب ماجد زعلان علي
حصه : ماجد ما ظنتي زعلان بس كل رجال ما يحب أحد يتدخل في أموره الشخصية أنتي بس عامليه مثل قبل وهو بيرجع زي أول ...
ربى : أشوفك حليتي مشكلتي لكن ما حليتي مشكلتك!!
حصه استغربت :وش فيني ؟؟؟
ربى : أنتي مع سلطان غير عن مشعل وصيته ومشاري وساره ...
حصه بلعت غصه بحلقها:الحياة كذا
ربى :طيب ممكن أتدخل وأسألك سؤال .؟؟
حصه ابتسمت لها : أسألي
ربى : تحبين سلطان يعني تحسين أنه زوج مثل ما تبين
حصه أكتفت بهالكلمة : الحمد لله على كل حال
ربى اللي بتغير الجو : ترى ههه نسيت جايبه
لابتوبي عشان أعلمك على النت
عشان أخليك تقعدين معي ....
حصه:قبل تكفففين ترى مره جوعانه
ربى :ممم أنا وشوق متعشين بيتزا وباقي كثير في ثلاجة غرفتي
قامت من جلستها : بأروح أجيبها لك تحمينها في المكرويف
وطلعت قبل ما تنتظر رد من حصه ...
وراحت تجيب البيتزا وعطتها حصه اللي شكرتها وحمتها في المكرويف وجلست تاكل منها وشاركتها ربى مع أنها ماكله منها قبل ساعتين ....
ومن ثم جلست ربى تعلم حصه كيف تدخل النت ....
قضو وقتهم بسرعه لم أذن الفجر وراحت ربى غرفتها ,,
وحصه صلت وجلست تقرا قرآن بعد ما خلصت حطته في مكانه ,,
وكانت الساعة حول 6 الصباح ...
انطق الباب وماكان فيها حيل تقوم تفتحه فقالت :أدخل
انفتح الباب بس الشخص الموجود ما دخل فاضطرت حصه تقوم لقت ماجد
حصه : هلا
لكن سكتت لم شافت علامات الحزن على وجهه
ولابس بجامته وشعره ما رتبه .
.واضح أن في شي صاير خلاه يجي بهاالشكل ,,
حصه بصوت خايف : وش صاير ؟؟؟
ماجد سااكت
حصه :سلطان فيه شي ,,,,,؟؟؟
ما ذكرت إلا هو لكن ذكرها ماجد :دقو علي المستشفى
صرخت حصه :أمي فيــــــــها شي ؟؟؟؟؟؟؟؟؟؟؟؟؟؟؟؟
رواية ولد الترف و الدلال كاملة ٢٠١٤ , روايه تجسد الحب الحقيقي
رد مع اقتباس
مواقع النشر (المفضلة)