رواية كلن بقدره يحدد مقامه يا ولد الناس كاملة 2014

[موكاتشينو]

بسم الله الرحمن الرحيم

رواية كلن بقدره يحدد مقامه يا ولد الناس كاملة 2014

هذي روايتي الاولى راح اكتبها لكم
بتاريخ 9 يناير راح انزل اول جزء
مارح اقول ما احلل وذا الكلام اللي مأخوذ خيره
بس مافي شخص يرضى ان احد ياخذ تعبه
وبيني وبينه الله في الاخره

للكتابة: لمياء محمد ..~*


عائلة ابو وليد :
ابو وليد : رجل اعمال مهم صاحب اكبر الشركات ب البلد انسان جدي حنون على اولادة واخر همه الفلوس.. طويل صاحب البشره السمراء عنده عارض كثيف ويتخلله اللون الابيض عمره 58


ام وليد : ربة منزل تهتم باولادها وزوجها حنون.. طويله بيضاء عيونها كبار وناعسه لونها بني وشعرها الى كتفها عمرها 50


وليد : الابن البكر صاحب اكبر مستشفى في الخليج وعنده شكره صغيره للسياحه.. طويل وجسمه معضل حيل كانه بديقارد ولونه حنطي وشعره فوق اذنه ولونه اسود وعيونه حاده وسوداء وانفه سلة سيف عمره 26


رعد : لسى في المدرسه ثالث ثنوي ادبي.. طويل ونحيف يشبه تؤمه رنا وديم يتهاوشون مع بعض 19 سنه


رنا : في سن رعد بس عي داخله علمي.. نسخه رعد بس هي اجمل وعيونها زي امها وطويله مره 19سنه

^العائله كلها عمالقه ههههع

************************
عائلهة ابو عزام :
ابو عزام : دكتور في جامعة الامام وانسان شدشد وصارم.. قصير بس مو مره ملامحه حاده 53سنه

ام عزام : ربة منزل انسانه متدينه وتحب تحظر ندوات وحيل حنونه.. طويله ورشيقه عيونها مو كبار وتحب التجديد 45سنه

عزام : مهندس ديكور هو ما كان يبي هذا التخصص بس ابوه جبره.. ملامحه زي ابوه حاده بس طويل ومعضل 25سنه

نواف : متزوج من بنت عمه امل ومسافرين اسبانيا يكملون دراستهم 28سنه

روان : في ثاني ثنوي دابي : سمراء طولها وسط شعرها اسود الين كتفها فرفوشه وتحب تنكة 17 سنه

***************************

ابو سيف : رجل متقاعد عنده شركات تصنيع.. حنون على عياله وزوجته63 سنه


ام سيف : مدرسة عربي حبوبه وفرفوشه يحبونها طالباتها كثير.. شعرها طويل وسمراء وعيونها رماديه وفي العين اليسرى فيها جزء بسيط اسود 50 سنه

سيف : دكتور اورام يحب مهنته.. يشتغل في نفس المستشفى حق وليد.. طويل عريض ومعضل عيونه رماديه زي امه بس كامله وشعره فيه شقار خفيف 26سنه


مها : تدرسه ثالث ثنوي ادبي.. قصيره شعرها طويل وبني عندها نقص نظر تلبس نطاره وشوي هاديه 18 سنه


شادن :تدرس ثاني ثنوي علمي.. طويله شعرها مو طويل لونه اسود فرفوشه وتحب المقالب وفله وعكس مها 17سنه

****************************
ابو سعود :
ابو سعود : متوفي من تسع سنين

ام سعود : كبيره في السن ومقعده توفى زوجها من مرض السرطان ب المعده 55سنه

حلا : ثالث ثنوي علمي.. طويله ونحيفه جسمها مره جميل ولها خصر مرسوم بشكل واضح شعرها طويل بيضاء عيونها مو مره كبيره وسط ورموشها كثيفه.. وتحب الفله والمزح وتعشق صديقاتها وهي وحيدة امها 19 سنه
*************************

ابو نايف : رج كبير ب السن متقاعد وعايش هو وعياله على راتب التقاعد وتوفت زوجته بعد ما جابت جمانه وهي صغيره 58 سنه

جمانه : ثالث ثنوي علمي.. طولها وسط مو نحيفه مره بس جسمها حلو شعرها اسود الى نص ظهراها عيونها كبار وعسليه وتحب اخوانها التؤم وتهتم فيهم زي امهم ومره حساسه وحنونه 19

نايف : ثالث جامعه.. طويل واسمر وشعره طويل ومعضل عنده تؤم 22

نواف : ثالث جامعه.. اقصر من نايف واسمر شعر قصير وعضلاته اكبر من نايف


****************************

ابو فهد : رجل اعمال ناجح يسافر كثير بسبب طبيعة شغله 50سنه

ام فهد : اخصائيه نفسيه ودايم براء البيت وتروح ندوات 45 سنه

فهد : يدرس ب الخارج.. ماله دور 23 سنه

بيسان : ثالث ثنوي علمي طويله وشوي نحيفه شعرها بني طويل عيونها ناعسه بنيه فله وتحب صديقاتها وشخصيتها قويه 19

[موكاتشينو]

### الجزء الاول ###


بيسان ~ جمانه : سنه حلوه ي جميل سنه حلوه ي
جميل سنه حلو ي حلا سنه حلوه ي جميل

بيسان وجمانه : كل عام وانتي احلى حلا

حلا: حبيباتي وربي ماله داعي كل هذا كلفتو على نفسكم كلن كلمة كل عام وانتي بخير تكفيني

جمانه :الله يسامحك كم عندنا حلا

بيسان : ماعندنا غير وحده تسوى الدنيا ومافيها

حلا : ي لباكم

جلسو البنات وطفت حلا الشموع وبداء الرقص واكلو الكيكه وفجاء رن جوال حلا

حلا:الو.. مرحبا.. ايه انا حلا.. مين معي... شنـــــــو!! .. من متى.. طيب هي عايشه الله يوفقك قولي هي عايشه.. طيب انا جايه الحين

بيسان : حلو حياتي وش فيك

حلا : امي راحت للسوبرماركت وهي ب الطريق تعبت واهل الخير ساعدوها ونقلوها المستشفى

جمانه : يلا خلونا نروح

لبسو البنات عباياتهم وراحو المستشفى...
وصلو المستشفى وسالو عن الحاله وقالو لهم رقم الغرفه وراحو لها وكان الدكتور برى الغرفه

حلا :دكتور كيف امي

الدكتور : تمام الحمدلله صارت احسن بنخليها 24 ساعه عشان نتأكد انها صارت احسن

حلا : اوك اقدر اشوفها

الدكتور : اكيد

تطمنو البنات عليها وراح كلهم عدا حلا

### في الليل ~ في المستشفى ###
سيف : خلاص وليد روح البيت

وليد : لسى عندي كم شغله بخلصها وبروح

سيف : وش عندك بعد

وليد : بروح ازور ام رامز

سيف : مين ام رامز

وليد : وحده رموها اعيالها هنا وراحو

سيف : طيب ماتعرف مكانهم او ارقامهم

وليد : للاسف لا والمره مخرفه

طلع وليد وراح عند ام رامز

وليد : كيفك ي خاله

ام رامز : بخير ي ولدي كيفك انت

وليد : الحمدلله بخير عسى مبسوط عندنا

ام رامز : ايه ي ولدي وجت من جديد وحده اسمها ام حلا ماقصرت معي هي وبنتها

وليد : زين الحمدلله خفت انك طفشتي لوحدك

ام رامز : دقيقه ي ولدي ( ترفع صوتها) ام حلا ي ام حلا

ام حلا تبعد الستار : لبيه يوخيتي

ام رامز : هذا ولدي وليد اللي كلمتك عنه

ام حلا بحنان: هلا ي وليدي الله يعطيك العافيه على اللي سويته ب الحرمه المسكينه وربي مابينساك بيوم

وليد بفرح من دعائها : امين وتسلمين ي خاله

حلا رفعت راسها وطاحت الطرحه من على وجهها : ماتخلون الواحد ينام

ام حلا : استري وجهك ي بنت ترى فيه رجال هنا

ووليد ماشال عينه عنها وهو مصدوم من شكلها

حلا رجعت الطرحهه بخوف : هيه هيه انت اشلون تدخل بدون ما تطق الباب

وليد واثار الصدمه لسى في وجهه : انا دخلت وطقيت الباب وسولفت وبمشي وانتي ماتدرين وين هوى دارك مدري من مخليك مرافقه

حلا بعصبيه : هيه انت منو عشان تتكلم معي كذا ليه مستشفى ابوك هو

وليد يكره البنات اللي يراددون الشباب : لا وانتي الصداقه هذا المستشفى حقي


### عند سيف ###

سيف :ي ربي وينه.. هذا ليه تاخر

جاء عزام من بعيد وهو مبتسم كعادته : هلا هلا ب ابو راكان

سيف بعصبيه : كم مره قلت لك لا تناديني ابو راكان قول ابو طلال

عزام يسلك له : طيب طيب وين ذا العله ما اشوفه


سيف يضحك : ههههه مع ام رامز

عزام ب استغراب : مين ذي

سيف : بعدين بقولك امش تعال معي نروح نشوف وينه


### عند وليد ###
حلا بعصبيه : واذا يعني تدخل بدون احم ولا دستور

واخيراً تكلمت ام حلا : حلا خلاص ي بنتي هو استاأذن مني وانا سمحت له وانتي الله يهديك فكيتي حجابك ( وجهت كلامها لوليد) وانت بعد سامحني وامسحها بوجهي هي كذا طبعا ماتحب احد يغلط عليها لان ما عندها سند يحميها

وليد رحم حلا : خلاص ي خاله حصل خير

حلا حست انها قلة ادبها : اسفه اخوي ما كنت اقصد

طلع وليد مع اصحابه.. حلا رجعت تنام


### في الصباح ###

حلا : يمه بروح اشوي وارجع

ام حلا :طيب ي بنتي بس لا تتأخرين


## الرسبشن ##

حلا : لوسمحت انا ابي ادفع الرسوم

الرسبشن : طيب اختي شنو اشم المريض او المريضه

حلا : شيخه عبدالله الـ(......)

الرسبشن : 5 الٱف

حلا بصدمه : شنـــــــــــــو!!!!؟ 5 الاف

الرسبشن : ايه نعم اختي
لاننا سوينا لها تحاليل شامله وغده وسكر وحطيناها بغرفه مايشراكها الا شخص واقامه يوم


حلا : يعني حتى الاقامه تحاسبون عليها

وليد من وراها : طبعاً اختي الليله 1500 واذا خاصه 2000

حلا التفتت عليها : انــــــــت!!!

وليد : مين انتي

حلا : انا حلا بنت ام حلا

وليد اللي تذكرها : اها ايه ايه

حلا : طيب انا ابي اخرج امي

وليد : ادفعي الرسوم اول

حلا بخجل وفشله : بس انا ما معي فلوس وابوي متوفي وامي مقعده هذا غير اني لسى ادرس


وليد وهو يفكرها تستعطفه عشان يتركها : اقول دبري نفسك انا مو مسوي المستشفى دار رعايه للعجز مجاني وترى كل ما تأخرتي راح تزيد الرسوم

حلا بصدمه : انا ما اقصد كذا اقصد انتظر الى الليل

وليد : اوك بس امك في ضيافتنا الى تدفعين الرسوم

راحت حلا والدنيا مسكرها فوجهها وتردد : اللهم اني وكلتك امري

### في غرفة ام حلا ###
حلا : يمه انا بروح البيت عشان اجيب لك شي تلبسين

ام حلا : ليه ي بنتي مارح اطلع

حلا بحزن تحاول تخفيه : لا يمه لازم تجلسين هنا كم يوم

ام حلا : طيب. ي بنتي انتبهي لنفسك

راحت حلا البيت على امل تلقى لها حل


### عند عائلة ابو وليد ###

رعد : رنـــــــا رنـــــا يَ رنــــــــــا

رنا قامت من الازعاج: نعم وش تبي ازعجتني

رعد : وين الايباد

رنا بنرفزه : وش عرفني

رعد: الا تعرفين اقولك طلعيه

يوسف : رودي رودي انا احددت الاعيباد حدك
( رعد رعد انا اخذت الايباد حقك)

رعد : وينه

يوسف يمد الايباد له : حده ( خخذه)

رعد : الله ياخذك وش سويت

يوسف : والله علطه ( والله غلطه)

ام وليد : وش سواء

رعد : كسر الجراب ذا الحيوان

رنا تبي تنرفزه : احشن عشان ثاني مره ما تتهمني

رعد سواء نفسه بقوم ورنا هربت


### في المدرسه###
بيسان : يوه حلا ما داومت اليوم

جمانه : اكيد مابداوم لان امها في المستشفى

بيسان: طيب اشلون تغيب عندها اختبار كيمياء لو تموت مارح تعيد لها

جمانه : طيب تعالي معي

بيسان : طيب

راحو عند حقت الكيمياء

جمانه : استاذه

الاستاذه : هلا جمانه

جمانه : استاذه حلا غايبه اليوم

الا ستاذه : طيب

بيسان تكلمت بسرعه : يعني مارح تختبر اليوم ممكن تعيدين لها الاختبار

الاستاذه : ما اقدر ما اقبل غيابها الا بعذر طبي من مستشفى حكومي ( الجمله اللي عقدت الملايين)

جمانه : استاذه اقسم ب الله انها في المستشفى بس اهلى مو حكومي وما تقدر تطلع

الاستاذه : اسفه ما اقدر

بيسان : استاذه تكفي وضعها مايسر الخاطر بعدين هي طالبه مجتهده ودايم علاماتها كامله وما تغيب ابد انتي تعرفينها زين

الاستاذه برحمه : طيب قولو لها يوم الاربعاء الاعاده واذا ما جت راح تاخذ صفر

جمانه وبيسان بفرح : ان شاءالله

جمانه : اوعدك انها تذاكر زين

### عند حلا ###
حلا رجعت البيت وكانت بتدخل بس انتبهة لجارتهم امل وخطرت ببالها فكره ( الله يستر)

حلا : امـــــــــال امـــــــال

امل: هلا حلا

حلا : انتي فاضيه

امال : حالياً ايه

حلا : طيب بس ربع ساعه واجيك بموضوع مهم

امل : طيب ي بنتي انتظرك

( امال: فقدت زوجها وابنتها في حادث من 6 سنين وتحب جيرانها واكثر شي ام حلا وحلا اللي تعتبرها مثل بنتها)

حلا * راح البيت اخذت شوي ولبست بنطلون اسود وتيشيرت نيلي وجزمه نيلي وفكت شعرها ولبست عبايتها وطلعة > ملاحظه : حلا ماتحط مكياج بس تحط قلوس

### بيت امال ###

امال : امري ي بنت وش بغيبتي

حلا تشجع نفسها : ايه ي خاله ما يامر عليك ظالم
ابي اشتغل عندك

امال بصدمه : كيـــــــف!!!


**********************
احم احم هذاء اول جزء ابي تقولون رايكم بصراحه وترى انا ما ازعل لاني منكم اتعلم وابي توقعاتكم وش تكون وش ممكن تشتغل حلا وهي لسى ما خلصت دراستها


لمياء محمد..•~*

[موكاتشينو]

***البارت الثاني ***

### بيت امال ###

امال : امري ي بنت وش بغيبتي

حلا تشجع نفسها : ايه ي خاله ما يامر عليك ظالم
ابي اشتغل عندك

امال بصدمه : كيـــــــف!!!

حلا : ي خاله انا امي بالمستشفى وابي فلوس لانه في مستشفى خاص وزي مو شايفه محد يرضى يوظف وحده ما كملة الثنوي

وقفه ( شغلت امال هي تجمع الخدم الهاربين واللي ما عندهم اقامه وتشغلهم في البيوت على حسب شهر اسبوع « طبعاً عرفتو حلا وش تبي تشتغل)

امال : مقدر
حلا بأنفعال : ليه ما تبين تساعديني
امال بحزن : الا بس محد راح يقبل انه يشغل عنده وحده سعوديه
حلا بتفكير : مارح يعرفون اني سعوديه
امال بعدم استيعاب : كيف؟؟!!
حلا: يعني راح البس زي الخدم واتكلم الانجليزي واذا اضطريت تكلمت عربي مكسر مو صعبه
امال. بصدمه : لا لا انا اخاف يصير لك شي وبعدين امك بحاجه لك بالمستشفى
حلا : لاتخافين علي انا اعرف ادبر نفسي وبعدين امي بزورها بين فتره وفتره
امال وهي تفكر بالتلفون اللي جاها اليوم : حلا انتي تعرفين تطبخين
حلا بفرح : اي اعرف كل شي حتى الاكلات الغربيه
امال ببتسامه باهته : خلاص لقيت لك عائله محترمه واكابر ويبون طباخه لان حقتهم اخذت اجازة اسبوعين
حلا بفرح : طيب
امال : وش رايك تروحين لهم بكره
حلا وفرحتها زادت : وبيكون احسن
امال بخوف : ولا يهمك بس اخاف يكون عندهم عيال
حلا: لا تخافين اذا احد ضايقني بطلع على طول
امال : خلاص بكره الظهر تجهزي
حلا : طيب

*طلعت حلا وراحت البيت تريح و جهزت ملابسها وملابس امها ونامت *

* امال كلمتهم وخبرت انها لقت طباخه *

### عند الاولاد ###

سيف : شباب وش رايكم نروح بكرة الشاليه من الصباح
عزام : ما عندي مشكله
وليد ميت ضحك : وتسحب علينا زي كل مره الى العصر
سيف : بعدين يقول ( يقلده) يووووووه نسيت
عزام ضحك عليهم : لا لا بتشوفون انا اول واحد بيجي
وليد : بيجي بكره ونشوف ههههههههههههههه
سيف بعبط : بجي بجي
وليد : وش رايكم تظفون وجيهكن عندي شغل
عزام يصرف : اصلاً حتى انا مشغول

* طلعو الاولاد وكمل وليد شغله وبعد ما خلص قرر انه يزور ام رامز*

* عند باب الغرفه قابل حلا وهي تشيل شنطة واكياس *
حلا : صدته ودخلت بغرور
*وليد عصب من حركتها ودخل جواسلم على ام رامز وام حلا *

ام رامز: كيفك ي ولدي عساك بخير
وليد يطالع لحلا وهي ترتب : بخير يمه انتي كيفك وكيف ام حلا
ام رامز : بخير وام حلا بخير
ام حلا : تسلم ي ولدي
حلا: يمه انا جبت لك اغراضك وبجيك كل يوم الظهر لان عندي اختبارات ولازم اذاكر
ام حلا : ولا يهمك ي بنتي انا بخير دام ام رامز ووليد معي
وليد : يلا عن اذنكم بروح اكمل شغلي
ام رامز + ام حلا : الله معك
حلا: يمه وين احط الشنطه
ام حلا : فوق الدرج
حلا بخجل : ما اوصل
ام حلا : لا هنت ي وليد حط الشنطة بدل حلا

* وليد يطالع بحلا وحلا تضحك ~ اخذ الشنطة وحطها فوق الدرج وطلع *


### صباح يوم جديد ###

بيسان : مجنونه انتي
جمانه : اشلون تقدرين تسوين كل ذا بدون ماتخبرينا
حلا : هذا اللي صار بروح من الظهر وارجع بالويكند بيسان : ضروري يعني تروحين عندهم
حلا : اي ضروري ي بنات افهموني
جمانه : طيب والاختبارات
حلا : بتواصل معكم واذا فيه اختبار بحاول اجي

### عند الشباب ###
وصل عزام اول واحد وكسب التحدي
سيف: ابعدي والله
وليد بعبط : شكله ما نام من امس
عزام : لا والله بس نمت بدري
سيف : يلا امشو ولا عاجبكم الجلسه عن الباب
وليد : انا ما فطرت
عزام : طيب اجل بروح اجيب فطور
وليد : تسوي خير فيني
* دخل وليد وسيف الشاليه ودخلو الاغراض وجلس يرتبونه ~ الشاليه : اول متدخل مساحة عشب والاطراف شجر وممر بالوسط ونهايته باب متوسط وبعدين صاله ومطبخ والدور الثاني ثلاث غرف وراء الفله الصغيره كان فيه مسبح وغرفه صغيره فيها مشب و فيه زجاجه كبيره تطل على المسبح *
* راح عزام يجيب للاولاد الفطور *
### عند حلا ###
* راحت عند امال واخذت العنوان وراحت له ~ وصلت حلا ودقت الجرس وكانت مبهوره من البيت ”قصر“ ماتوقعته كذا كان له بوابه كبيره وحرس على البوابه وساحات داخليه وحدايق واشجاء كثيره ومشتل ورد وممرات ونافوره في الوسط كان المنظر خيالي وكان مبهر بالنسبه لحلا لانها اول مره تشوف مكان زي كذا ولا كانت تحلم فيه *

حلا : ي الله ي رب انك تجعل الايام الجايه حلوة زي ذا المكان
رنا :مرحبا
حلا تتكلم مكسر : مرحباً انا طباخه جديده
رنا مصدومه : انا رنا
حلا : انا ابي ماما ماما صاحبة البيت
رنا : اها تبين امي
حلا : يس
رنا تنادي امها : يمه يمممممممه يممممممممممممه
نوره : هلا ي يمه
رنا: يمه هذي الطباخه الجديده
نوره مصدومه : هذي
رنا بضحكه : اي يمه
نوره وحست بالغيره من حلا : طيب وديها المطبخ وخليها تسوي الغداء مافي وقت
رنا : ان شاء الله
* حلا ارتاحت لهم ~ راحت مع رنا للمطبخ وقالت لها وش ممكن تسوي و حلا جلست ساعه تدولا الاغراض بما ان المطبخ كبير *

### عند الشباب ###
عزام : ياخي العب زين
سيف : ياخي صعب
وليد مشت ضحك : ههههههههههههههههههه وش اللي ياخي ياخي
عزام : ياخي ريحنا انت الثاني
وليد يضحك بصوت علي وبقوه : هههههههههههههههههههههههههههههههههههههههههههههههههه هههههههههههههههههههههههههههههههه
سيف متنرفز : كل تبن
وليد وهو يضحك : ههههههههههههه ياخي ريحنا ههههههههههههههه
عزم : بدل الضحك روح جيب لنا غداء
وليد : ليه ماتروح انت
عزام : اولاً انا جبت الفطور والحين دورك والعشاء على سيف وثانياً انا مشغول بالعبه
وليد : طيب طيب خلاص انا بروح الحين وما ابي ارجع والقى المكان محيوس
سيف : ولا يهمك انت بس اذلف واحنا بنرتب

* راح وليد وكملو الشباب لعب ورتبو المكان *

### عند حلا ###
طبخت لهم كبسه وايدامات و3 اصناف سلطة وعصير واكيد سوت الحلو ورتبت السفره

نورمان رئسة الخدم جنسيتها لبنانيه وصار لها سنين عندهم : ساندي

* اسم حلا ساندي *
حلا تتكلم انجليزي : نعم نورمان في شي
نورمان : اسمعيني منيح بعد ما تخلصي من الشغل ولم بتحطي العصير بتوأفي عندهم. ولم يخلصو تنادينا نشيل الاكل وبعدين تروحين عندهم وتعطينهم الحلو

حلا بابتسامه : اوك

* راحت حلا وسوت كل اللي طلبته نورمان ~ كان الكل ياكل بصمت بعدين دخل رعد ويوسف *
رعد : الله الله وش ذا الزين ( يكلم امه) ليه ماخبرتيني ان عندنا ملكات جمال كان كشخنا

رنا : استح على وجهك هذي الطباخه
نوره : حرام مايجوز تتكلم كذا
رعد : بسم الله اكلتوني بقشوري ترى ماقلت شي وبعدين هيه انتي ( يكلم رنا) كل ذا غيره عشانها اجمل منك
رنا : انكتم بس
* حلا كانت تسمعهم لا اصواتهم مرتفعه بس كانتتضحك لانها تعرف ان رعد مراهق *

نوره : ساندي
حلا : نعم ماما
نوره : تسلم ايدك الاكل كان حلو
حلا استحت : مشكورة ماما
رنا : ي الله الذ كبسة ذقتها مع اني ما احب الرز بس طعمه جنان كأنها طباخه سعوديه
حلا ب ابتسامه باهته وفي نفسها : ااااااه لو تدرين اني سعوديه اب عن جد
رعد : ي ناس اروح كبسه
يوسف يقلد رعد : انا اروح سلطه
الكل : هههههههههههههههههههههههههههههههههههههههههههههههههه هههههههههههههههههههههههههههههههه

نوره : ساندي جيبي الحلو في الصاله
ساندي : حاضر
* راحت حلا وجابت الحلى ووزعته *
رعد : اول مره اشوف حلو يوزع حلو
خالد : استح على وجهك ي ولد
رعد بصصدمه : يبــــه !!! الحمدلله على السلامه
ابو رعد يأشر لحلا : انتي روحي
*وجلس ابو رعد مع عياله سوالف وضحك..... الخ *

###عند الشباب ###
بعد الغداء راح سيف يرتاح ووليد وعزام يلعبون ( بلاستيشن)
عزام : وليد
وليد : هلا
عزام : ماتحس ان سيف متغير
وليد : من اي ناحيه
عززام : مدري احس مو زي اول يضحك ودايم مهموم
وليد : والله ما ادري

* عند سيف جاه اتصل من مها ما رد اتصلت مره 1 و2 و3 *
مها بصياح : سيــــــف
سيف : هلا
مها تبكي : سيف شادن طاحت من السلم وهي مره تتالم وامي وابوي مو موجودين
سيف بخوف : اوك الحين جاي
* طلع سيف بسرعه والشباب يلحقونه حاولو يفهمون منه وش فيه بس مارد عليهم *
عزام : شفت قلت لك فيه شي
وليد ياخي لا تظلم الرجال يمكن جته حاله طارئه
عزام يضحك : هههههههههه شفت حتى انت صرت زينا هههههههههههههه
وليد مفهي : نعــــــم؟؟
عزام : صاير تقول ياخي
وليد بضحكه : من عاشر قوم 40 يوم صار منهم وانا صار لي قرون معكم

### عند حلا ###
حلا : نورمان
نورمان : هلا
حلا : خلصت وش اسوي الحين
نورمان : ولا شي روحي غرفتك ورتاحي شوي واذا جاء المغرب سوي قهوه للمدام واسأليها وين تشربها
حلا : اوك ، بس وين غرفتي
نورمان : تعالي وراي
* مشت حلا ورى نورمان *
حلا : نورمان عندي سوال
نورمان : تفضلي
حلا : الحين بس اللي ساكنين هنا المدام وزوجه ورعد ورنا ويوسف
نورمان : اي وولدهم الكبير
حلا : اها طيب وينه ما شفته
نورمان : بالعادة مانتدخل فيهم بس اتوقع ي مسافر او في شغله
* وصلَت نورمان حلا لغرفتها *
نورمان : هذي غرفتك لوحدك
حلا استانست لان لها غرفه لوحدها : اوك
* راحت نورمان وحلا جلست تتفرج على غرفتها كانت عباره عن غرفه متوسطة الحجم وسرير بوسط وتلفزيون قدام السرير وصوفا كبيرة شوي تحت الشباك وكانت الوانها ابيض ووردي وسماوي فاتح *

### عند الشباب ###
كان وليد وعزام يتصلون على سيف ومايرد وخافو كثير عليه خصوصاً لمى عرفو انه مو في المستشفى
وبعد فتره ارسل رساله يطمنهم عليه وقال لهم انه مابيجي وطبعاً الكل رجع بيت

### عند حلا ###
بعد ما ارتاحت وعلى المغرب راحت تسوي قهوه وبعدين سالت ام رعد وين تحب تشربها وقلت انها تبيها برا بالحديقه

### عند سيف ###
سيف : شادن شلون طحتي
* شادن ساكته وطالع بالارض *
مها : قلت لك طاحت من السلم
سيف : الله يهديك انتبهي مره ثانيه
شادن : طيب

### عند عزام ###
* رجع البيت *
عزام : السلام عليكم
روان وهي تفرفر بالصاله : وعليكم السلام
عزام : وين الثنائي
روان : ابوي نايم وامي عند جدتي
عزام متنرفز : يوووووه اجلسي شوي دوختيني
روان : لازم اتحرك عشان يخف وزني
عزام يبي ينرفزها : مهما حاولتي بتبقين دبه
روان بعصبيه : دبه تشيلك من ارضك ي الفيل
عزام يضحك على الدعوه : انا فيل ي البقره
روان روان واقفه وراه ورافعه حاجب : اذا انا بقره انت اخوي الثور
عزام كان واقف وبيجلس : وانتي الجاموسه حقتي
*روان انقهرت وسحبت الكرسي وطاح بالارض وقام يبي يلحقها بس هربت *
عزام : الله ياخذك كسرتيني
روان من فوق الدرج : سمعتك سمعتك.
*عزام يضحك على هبال اخته *

### ببيت ابو رعد ###
رنا : يااااااااااي يجنن الاكل ( تكلم ساندي) انتي اللي سويتيه اكيد
حلا ببتسامه : يس برنسيسه
رنا بحماسها المعتاد : يمه وش رايك
نوره : ب وش ي بنتي
رنا : نسوي حفلة ونعزم فيها كل اللي نحبه بمناسبة الوسام الفرنسي اللي كرمو بابا فيه
نوره : والله فكره حلو ومن زمان ما احتفلانا وبعد الاكل برتب لكل شي ( تكلم رعد) يمه وش فيك ساكت
رعد : ولا شي بس تعبان ابي انام
* طلع رعد ينام وكملو اكل وبعدها كل واحد راح غرفتها ~انتهت الليله وكانت حلا حييييل مستانسه ومرتاحه كثير *

****************************************
انتهى البارت الثاني
وانتظر تعليقاتكم وتوقعاتكم وش بتصير بالحفله
وعلى طاري الاكشن الاكشن بيبداء من نهاية البارت الثالث ويبداء الاكشنات

﷽﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آَمَنُوا صَلُّوا عَلَيْهِ وَسَلِّمُوا تَسْلِيمًا﴾. ﷺ

الكاتبه : لمياء محمد..~•*

[موكاتشينو]

### البارت الثالث ###


### ببيت ابو رعد ###

رنا : يااااااااااي يجنن الاكل ( تكلم ساندي) انتي اللي سويتيه اكيد
حلا ببتسامه : يس برنسيسه
رنا بحماسها المعتاد : يمه وش رايك
نوره : ب وش ي بنتي
رنا : نسوي حفلة ونعزم فيها كل اللي نحبه بمناسبة الوسام الفرنسي اللي كرمو بابا فيه
نوره : والله فكره حلو ومن زمان ما احتفلانا وبعد الاكل برتب لكل شي ( تكلم رعد) يمه وش فيك ساكت
رعد : ولا شي بس تعبان ابي انام
* طلع رعد ينام وكملو اكل وبعدها كل واحد راح غرفتها ~انتهت الليله وكانت حلا حييييل مستانسه ومرتاحه كثير *

### بالمستشفى ###

*ولدي بعد ماخلص شغله قرر يروح يزور ام رامز لانه من زمان ما زارها*

وليد : السلام عليكم
ام رامز : وعليكم السلام
وليد حس ان ام رامز فيها شي : الله يحييك يمه كيفك
ام رامز : الحمدلله ي ولدي انت كيفك
وليد لاحظ طريقة كلامها : الحمدلله وش فيك صاير شي
ام رامز وهي تناظر للستاره اللي بينها هي و ام حلا : ام حلا ي ولدي متضايقه
وليد تذكر حلا وسالفتها مع الرسوم : ليه وش فيها
ام رامز : بنتها تركتها وقالت لها انها بتزورها وماجت
*وليد قام وفتح الستار وحصلها جالسه على السجاد تدعي وتبكي *
وليد : السلام عليكم
ام حلا تمسح دموعها : هلا وعليكم السلام
وليد : ليه يمه كل ذا الدموع
ام حلا : بنتي ي وليد من امس قالت لي بتزورني وما جت ولا سمعت صوتها خايفه عليها
وليد : لا ان شاء الله هي بخير بس زي ما قالت لك هي عندها اختبارات
ام حلا: لا انا اعرف بنتي عمرها ما اخلفت موعدها وانا اخاف ان عمها عرف اني بالمستشفى واخذ بنتي مني
وليد تذكر انها بنت لوحدها : يمه تدلين طريق بيتكم
ام حلا. : ايه •••••••••••• فهمت
وليد حس بفرح لانه بيصلح اللي سواه : اي يمه الحين اروح لها واجيبها لك
ام حلا بفرح : الله يجزيك الجنه طمن قلبي
* طلع وليد وراح للعنوان اللي اعطته ام حلا وكانت الساعه 11 وصل الحاره وسأل الاطفال اللي يلعبون عن البيت ودلوه على البيت وليد كان مصدوم من شكله ~كان بيت عباره عن دور والبويه رايحه فيها واسالك مرميه على الجدر وحالته حاله ~ طق وليد الباب بس محد رد *

ابو حمزه : هلا اخوي
وليد : اهلين
ابو حمزه : اهل البيت مو موجودين
وليد بخوف : وينهم
ابو حمزه : الام بالمستشفى والبنت شافوها الاولاد تركب سياره الصباح وراح وما رجعت

* وليد خاف ان عمها اخذها ورجع لسياره وهو حاس بتأنيب الضمير وكلم ام حلا وقال انها نايمه وبعد ماخلص رجع البيت وكان يفكر وين راحت حلا وبعد صراع طويل مع نفسه نام *


### عند حلا ###
صباح يوم جديد
*حلا قامت من الساعه 7 وجهزت الفطور وجهزت السفره وطبعاً العائله كلها مجتمعه الا شخص*

ابو رعد : صباح الخير
ام رعد : صباح النور والسرور
رعد : ي عيني ي عيني
رنا : الله لا يفرقنا
الكل : امين يد رب
ام رعد : ساندي بليز جيبي لي دواي من عند نورمان
حلا : اوك ماما
* حلا راحت تجيب الدواء *
ابو رعد :وين وليد من يوم رجع ماشفته
وليد توه دخل : انا جيت الحمدلله على السلامه ي الغالي
ابو وليد : الله يسلمك
* وليد قام يسلم على راس ابوه وايده ولمى جلس دخلت حلا وكانت نورمان وراها وقربت حلا من ام وليد ورفعت راسها واعطتها الدواءولمى كانت بتمشي لمحت وليد وهو يطالع فيها ومن الصدمه رجعت على ورا وصدمة في نورمان وكبت المويه عليها والكوفي طاح بس على الارض *
ام وليد : بسم الله عليك صار لك شي
حلا بربكة وخوف : لا لا ادي ماما
ام حلا : انتبهي ثاني مره الله ستر وماصار شي
*وليد كان يطالع لها ومبهور فيها *
رعد : وش رايك بالقمر
وليد يطالع بحلا بتمعن : كأني شايفها قبل كذا ليكون هاربه
ام وليد تطالع بنص عين : عيب عليك انا اجيب هاربات
وليد يطالع برعد بنظره ترعب : يلا على الدوام
* رعد ورنا قامو بسرعه من الخوف وابو وليد استأذن وراح شغله ~ اما حلا ارتاحت ان وليد ماعرفها *
ام وليد : ترى بنسوي بارتي يوم الاثنين
وليد : وش المناسبه
ام وليد : عشان تكريم ابوك
وليد : طيب وش المطلوب مني لا تقولين ادور على استراحه لانه مستحيل
ام وليد رافعه حاجبها : لا بنسويها هنا بالبيت
وليد بستغراب : اوك حلو ببس وش المطلوب
ام وليد : ابيك تتكفل بكل التحضيرات
وليد بأنفعال : لا لا لا مشتحيل انا مو فاضي
ام وليد بحزم : انا اعجبتني تحضيراتك للبارتي اللي سويته اخر مره وابيك تسوي هذا البارتي بعد

* وليد عصب وقام وحلا كانت واقفه بطريقه وهو اضطر يدفها وحلا لانها نحيفه طارت وطاحت وطبعاً ام وليد اعتذرت نيابة عنه *

### بالمدرسه ###

بيسان : جمانه في حفل بتسويه رنا لي ابوها راح تجين ؟؟
جمانه : يب اتصلت علي وقالت لي بس اذا بتجين بجي
بيسان : يب حفلاتهم دايم تكون فله وراح القى صحباتي ايام الابتدائي
جمانه : يعني بتسحبين علي
بيسان : وانا اقدر
جمانه : طيب وش بتلبسين
بيسان : امممممممممم خليها موفاجئه
جمانه تضحك : هههههههههههه طيب بس لاتنسين تتصلين على حلا تذكرينها بالاختبار
بيسان : اوك

### بيت ابو عزام ###

ام عزام : وش رايك ي ابو عزام باللي يصير
ابوعزام : وش صار
ام عزام : يالحفله اللي بتسويها ام وليد لزوجها
ابوعزام : ابد مافيها كلام
ام عزام : بس ماله داعي التكاليف وكل شوي تسوي حفله وش ذا التبذير
ابوعزام : خلي الناس بحالهم
* قام ابو عزام وترك ام عزام وهي مقهور من تصرفه ~ ودخلت روان *
روان : وش في الحلو زعلان
ام عزام : مافي شي خلاص تغدي وروحي صلي وذاكري
روان : رجعنا لنفس الموال
* قامت روان ودخل عزام وامه تكلم نفسه *
ام عزام تكلم نفسها : ي ربي ليه الكل كذا يطلعون ومايجلسون معي عشان اقول الحقيقه
عزام ايتسم : لا لا من قال هم اكيد مشغولين بس انا فاضي لك ي بعد روح عزام
ام عزام تبوس راسه : الله يخليك لي محد يفهمني غيرك

### عند حلا ###

*طلبو الغداء وحطت لهم حلا الغداء وكان فيه ام وليد ويوسف ووليد *

ام وليد :يلا سمو بالله وكلو
وليد : وين ابوي ورنا ويوسف
رعد : رنا تعبانه راححت تنام
ام وليد : ابوك راح عنده مؤتمر ويوسف توه افطر
* وليد كان يفطر وحلا تطالع فيه *
وليد : فيه شي
*حلا نزلت عينها *
وليد : يمه هذي الخدامه متاكد شايفها
ام وليد : هذي تشتغل طباخه بالاسابيع اكيد شفتها عند احد
* وليد اقتنع بكرم امه *

### بيوم الحفل ###

* الكل كان متلبك والكل يجهز للحفله اما حلا تكسرت ايدينها وهي تطبخ ~ طبعاً هم جايبين بوفيه جاهز بس بعض الاكلات طلبو من حلا تسويها *
ام وليد : ساندي
حلا : نعم ماما
ام وليد جابت لبس لحلا لان اللبس موحد : هذا لبسك حق الحفله بس ففي الحفله لا تلبسين ايشارب فكي شعرك
* حلا شافت اللبس عباره عن [ بلوزه ماسكه لونها ابيض ال الخصر وبعدين تنوره قصيره خربزي ومعها اكسسوارات خربزي ]

حلا مصدومه من اللبس : لا لا لا ماما انا مافي البس كذا
ام وليد : عادي بس بيكون حريم مافي رجال ابد
حلا برتياح : اوك ماما

* في العشاء بدو الضيوف يكثرون والكل كان لابس ومتكشخ وخصوصاً البنات لانهم خاقين عند وليد
ومفكرين انهم بيشوفونه *

رنا لابسه * فستان ابيض عاري الاكمام وقصير من قدام ومن ورا فيه طبقه مزخرفه بالذهبي ومن عند الخصر مشكوك بالذهبي وكانت لامه نص شعرها وحاطه مكياج خفيف *

ام وليد لابسه * جلابيه لونها نيلي ساتره واكمامها واسعه ومنقوشه بالفضي ولامه شعرها على شكل فيونكه وكانت شكلها حلو وكأنها صغيره *

حلا * لبست وكانت خايفه واستشورة شعرها ولمت اطراف غرتها كان شكلها كيوت وحطة قلوس ومسكرة وكحل خفيف وبلشر وطلعت روعه * راحت تساعد الخدم في التحضيرات*

* اكتملو الناس وبداء عرض البلوجكتر وانطلقت صور ابو وليد ووليد ورعد ويوسف والكل تصفيق وصراخ وتصفير وبداء يجيبون اعماله ويجيبون التكريم وكيف كرموه وصور الوسام وام وليد راحت عند حلا *

ام وليد : ساندي
حلا : نعم ماما
ام وليد : روح خلي الخدم يوزعون العصير
حلا : اوك

راحت حلا : يلا يلا روح وزع عصير

* راحو الخدم ودخل وليد المطبخ وحلا من الخوف والصدمه شهقت *
وليد استغرب : وين نورمان
حلا بربكة : في الحديقه
وليد : الكروت اللي كانت بالصالون وينها
حلا وعينها على الارض : حطيتها بالدرج
وليد : اي درج ما لقيتها تعالي وريني

* راحت حلا مع وليد وكانت خايفه لانها اول مره تكون مع ولد بدون حجاب وخصوصاً اذا كان وليد ~ اخذت على الكروت واعطتها وليد *

----------- : حلا وش جالسه تسوين

حلا ألتفتت بصدمه : جمانه بيسان

* وليد كان يطالع في البنتين ويطالع في حلا *

جمانه مصدومه : انتي وش جابك هنا مو انتي عند عمك


****************************************
انتهى البارت الثالث

اتمنى انه عجبك البارت صح شوي قصير بس ان شاء الله البارت الثاني اطول

خبروني توقعاتكم وش بيصير مع حلا في البارت الرابع لمى عرفو صحباتها

لمياء محمد..~•*

[موكاتشينو]

### الــبــارت الـــرابـــع ###

* راحت حلا مع وليد وكانت خايفه لانها اول مره تكون مع ولد بدون حجاب وخصوصاً اذا كان وليد ~ اخذت على الكروت واعطتها وليد *

----------- : حلا وش جالسه تسوين

حلا ألتفتت بصدمه : جمانه بيسان

* وليد كان يطالع في البنتين ويطالع في حلا *

جمانه مصدومه : انتي وش جابك هنا مو انتي عند عمك

بيسان : ليه واقفه مع رجال بدون حجاب ليه لبسك زي الخدم

*حلا كانت تالع لوليد اللي موفاهم شي ولصديقاتها *

بيسان : حلا ردي برري لنا وش يصير
جمانه : لايكون انتي !!!!
حلا : لا لا لا صدقوني مو اللي ببالكم تعالو معي وانا افهمكم
وليد تذكر حلا : انتي حلا بنت ام حلا
* حلا نزلت راسها ووليد انصدم *
جمانه قربت لحلا واعطتها كف : صدق انك حقيره وواطيه ومنحطه
بيسان قرب واعطتها كف ثاني : انخدعنا فيك وماتوقعناك كذا كنا نقول لو كل البنات العالم يتيهون انتي بتبقين فاهمه وعاقله وعارفه طريقك

حلا وهي مصدومه من الكفوف : طيب اسمعوني اول افهمو بعدين اضربوني

جمانه : وش تفهمينا كل شي واضح كذبتي علينا وقلتي انك عند عمك وطلعتي تصيعين واقفه مع رجال ما تعرفين ومعريه جسمك اظن كل شي واضح

حلا تصارخ وهم طالعين : لا لا لا لا لا لا لا كذب

*جلست تبكي بصوت عالي ~ وليد كان يطالع لها ويتذكر حلا اول ما قابلها ولمى قالو ان سياره اخذتها ولمى امها قالت انها اختفت ~ حلا كانت تبكي وحست على نظرات وليد *

حلا بعصبيه: لا تناظر فيني كذا

وليد : !!!!!!!!!!!!

* طلعت على بسرررررعه من البيت ~ وليد جلس على اقرب كرسي وكان مصدوووم *

وليد يكلم نفسه : ليه كذا ي وليد ظلمت بنت الناس واهنتها وخليتها تشتغل عندك خدامه عشان تدفع رسوم وين قلبك وين مساعداتك للناس المحتاجه آآآآآه وين راوح من ربي، ي رب سامحني *

* خلص الحفل والكل نام ما عدا الخدم كانو يرتبون المكان لان الحديقة معفوسه بس لان فيه ضيوف نامو عند ام وليد فأضطرة تخليهم ينظفون ~ وليد دخل البيت*
وليد : جسمـــا
جسيما : نعم مسيو وليد
وليد : وين حلا اااا اقصد ساندي
جسما : مدري يمكن في الحديقه تنظف
وليد : تنظف شنو
جسيما : ماما عندها ضيوف عشان كذا طلبت مننا ننظف الحديقه

* طلع وليد بسرعه للحديقه بدون شعور وهو مايدري ليه راح لها *
وليد : نورمان وين ساندي
نرومان : ما اعرف كانت تشتغل وفجاءه راحت
وليد : وين
نورمان : يمكن في المشتل لانها راحت جهة الاشجار

* وليد راح غرفته وجلس يحاول ويقنع نفسه انه اللي سواه هو الصح وان هذا الشي من حقه *

ام وليد : والله لو تشوف اللي صار ي ابو وليد من بداء العرض والحريم تصفيق وتشجيع وتبريكات
ابو وليد ببتسامه : كيف انتي مستانسه
ام وليد : اي ي قلبي ان شاء الله دوم انت بالعلاء
ابو وليد باس راسها : بس كل من فضل الله ثم وليد
ام وليد : بسم الله على وليد طلع رجال مثل ابوه
ابو وليد ضمها : تصدقين ي ام وليد الحين لمى اموت اموت وانا مرتاح لان فيه رجال وراي بيحميكم ويخاف على خيركم
ام وليد بخوف ونزلت دموعها : جعلني ما اشوف هذا اليوم بعزيز
ابو وليد : امين

### عند البنات ###
ام بيسان : بيسان جمانه نامو ترى مافي غياب بكره اقولكم من الحين راح تداومون غصب
بيسان بضحكة : طيب ان شاء الله
جمانه وهي تدق ومتوتره : طيب خالتي ولا يهمك
ام بيسان : وش فيك يمه على مين تتصلين بهذا الوقت
جمانه : على ابوي ابي اتطمن عليهم
ام بسان بحنيه مقدره مشاعرها : طيب نامي الحين والصباح رباح ولا تزعجينهم يمكن نايمين
جمانه هدة شوي : طيب ان شاء

* طلعت ام بيسان *
بيسان راحت للسرير : جمانه وش رايك باللي صار
جمانه جالسه تفك اللي بشعرها : مدري بس احس اننا ظلمنها ومعطينها فرصه تتكلم وقسينا عليها
بيسان تفكر : ظلمنها يمكن بس قسينا عليها تستاهل احنا اخواتك متفقنا نخبي على بعض او نكذب على بعض وبعدين وش تفسرين انها واقفه مع وليد بهذاك اللبس وتعطيه رسايل
جمانه : مين وليد
بيسان : ولد ام وليد
جمانه : كيف عرفتيه
بيسان : ما شفتي العرض
جمانه : لا كنت مسرحه في السالفه
بيسان بخوف : يووووووه الساعه 2
جمانه بضحك : ههههههههههههههههههه طيب

### بمكان ثاني ###
صارت تمشي وماتدري وين هي كانت مضيعه الطريق وخايفه حصلت شجرة ششبه عريضه وجلست تحتها
وصارت تبكي لـ 3 اسباب 1-. لانها خسرت صحباتها 2- ولانها اعطت فكره مو حلوه لوليد 3- لانها تاهت وماتقدر ترجع القصر ~ كانت تبكي وبداء ينقطع صوتها وحاولت تصارخ يمكن احد يساعدها ماقدرت *

### بنفس المكان من جهه ثانيه ###

* حاول ينام بس ماقدر قاعد يفكر باللي يصير ويفكر اذا كان صح اوخطأ طلع من غرفته ونزل المطبخ سواء له كوفي وجلس في الصاله على Tv. وكان الشباك مفتوح ويسمع صوت وقف وراح عند الشباك ماحصل شي رجع يجلس وسمع الصوت وطلع عشان يشوف مصدر الصوت وكان قطوه على غصن الشجره وكل ما تبي تنزل ماتقدر تخاف الغصن ينكسر راح وليد ونزلها ورجع اخذ الكوفي وطلع يتمشى وجلس يمشي وكانت مسرحه وفجاء شاف شخص جالس تحت شجره وشبة طايح ركض لعنده بسرعه وتفاجاء *
وليد : حلا!!
حلا إلتفتة بفرح: وليد
وليد بستغراب : وش جالسه تسوين
حلا بخوف تبكي بكاء يوجع القلب : مدري كنت امشي وفجاء تهت
وليد بحنيه : ر تخافين مارح اسوي لك شي انتي زي رنا بالنسبه لي
حلا : شكراً
وليد جلس على الارض : حلا ليه ما خبرتيني
حلا : انا قلت لك وقلت دبري نفسك وان المستشفى مو دار عجزه
وليد بحزن : طيب ليه اشتغلتي هذي الشغله وعندي بالذات
حلا بحزن : انا لسى ادر وماعندي اخوان ولا ابو وما كان قدام الا هذا الحل عشان كذا طلبت من جارتنا تشغلني وكانت امك مكلمتها بنفس اليوم وانا ما اعرف غير اطبخ وما كنت ادري عنك ابد
وليد بحزن وهو يتذكر : عشان كذا تفاجأتي وكبيتي المويه يوم شفتيني
حلا بخوف : اي
وليد بحزم : طيب اسمعي ابيك من بكرة تروحين عند امي وتقولين انك ماتبين تشتغلين وانا من ناحيتي مسامحك بكل قرش وما ابي منك غير انك تاخذين امك وتعيشون حياتكم مستورين
حلا بأصرار : بس انا مو بحاجة شفقه واقدر ادفع الرسوم ولا راح اطلع امي بمساعدة احد
* وليد كان بيتكلم بس وصلت حلا رساله *

[ صح ان ماتستاهلينبس حبيت اذكرك بكره اختبار كيمياء اعادة واخر اختبار - بيسان ]
*حلا نزلت دموعها *
وليد : حلا ليه تبكين
حلا : ولا شي
وليد بعصبيه : اوك استغلي اذا تبين بس من اليوم ورايح ما ابيك تخبين شي علي مهما كان اللي يضايقك سامعه

حلا : !!!!!!!
وليد يبي يصلح لو جزء بسيط من اللي سواه : سامــــعه
حلا تهز راسها : اي
وليد بارتياح : وش فيك
حلا : بكرا هلي اختبار كيمياء اخر اعادة
وليد : طيب قومي ذاكري
حلا : ليه
وليد ت عشان تختبرين
حلا : شلون
وليد : انتي ذاكري الحين وانا بكره بدبر الموضوع واوديك المدرسه
حلا مسحت دموعها : شكراً
وليد : العفو روحي نامي الى الفجر بعدين قومي ذاكري وعلى الساعه 8 راح اجي اخذك
حلا تذكرت : ما عندي كتاب
وليد ضرب يده على جبينه : يوه نسيت امممممم انتي اي سنه
حلا : ثالث ثنوي
وليد : علمي
حلا : اي
وليد : روحي نامي وانا على الفجر بدبره لك
حلا بفرح : شكراً الله يخليك لهلك
* قامت حلا عشان تروح تنام الى الفجر عشان تقدر تركز بس اذن الفجر *
وليد : يووووه اذن
حلا بحزن : اي
وليد طيب روحي صلي بعدين بجيب لك الكتاب
حلا : طيب بس كيف بتجيبه
وليد : قابليني هنا
حلا :بس انا ما اعرف الطريق
وليد : طيب عطيني رقمك عشان اقولك وين بحطه
حلا بتفكير ولان ما عندها خيار ثاني : اوك
وليد : يوه على ذا الليل نسيت جوالي بالغرفه طيب خذي رقمي وارسلي كولمي
حلا: طيب
*كان همها الوحيد تختبر وسجلت رقمه وراحت تصلي وكلمت وليد وحط لها الكتاب على الطاوله وهي راحت تاخذه *

### الساعه 7 ونص على الفطور ###
وليد : يمه انا باخذ ساندي اليوم الشركه
ام وليد : ليه
وليد يناظر حلا : عندي ضيوف دبلوماسيين وابيها تسوي لنا الغداء
ام وليد بتعجب : طيب ليه ماتخلي طباخك يطبخ او تجيبهم هنا
وليد : ساندي طبخها احلا من مليون وبعدين هم بيجون ويخلصون الشغل ويتغدون ويمشون
ام وليد : خلا خذها
* وليد ار لحلا تروح تلبس وراحت حلا بعد خمس دقايق جت وهي لابسه العبايه ومتحجبه ومعها شنطة صغيره وكتاب الكيمياء *
دخلت حلا السياره : سلام
وليد حركة السياره بسرعه : وعليكم السلام ها ذاكرتي
حلا : اي بس فيه كم مسأله ماعرف الجواب
وليد ابتسم
حلا : الكتاب لمين
وليد : رنا طيب وريني المسأل اللي ماعرفتي تحلينها
* وقف وليد السياره وشرح لها *
حلا : لوسمحت ممكن توديني البيت ابدل ملابسي
وليد : حاضر
* راح وليد بيت حلا ونزلت تلبس [ لبسة مريول ولمة شعرها ذيل الحصان وحطو شوية كحل ومسكره وقلوس واخذت شنطتها وعبيتها وتلثمة وطلعة] كان شكلها ملفت لدرجه ان وليد نسى حاله وجلس يطالع بعيونها *

حلا : يلا استاذ حرك
وليد بفهاويه : اسمي وليد
حلا : طي

* وصل وليد حلا وقالها رايح يرجع لها بعد ساعه طبعاً لمى دخلت حلا لازم تحقيق معها ودخلت تختبر ولمى خلصت راحت الفصل تنتظر وليد ال ان يجي وكان على انتهى الحصه الثانيه. ودخلت شافت جمانه وبيسان كانوا مصدومين من وجودها دخلت وجلست باول طاول ومرت الحصه ولمى خلصت كانت حلا تفكر تكلمهم بس وليد جاء واستأذنت كانت راح تبكي بس مسكة نفسها ~ دخلت حلا السياره ووليد كان يكلم ولمى خلص التفت عليها حصلها تبكي *


### عند البنات ###
بيسان : شفتي كيف تناظر لنا
جمانه : صدقني هي تكابر
بيسان : طيب ليه وش تخسر اذا جت واعتذرت وتحكي لنا اللي صار
جمانه مدري بس هي تكابر مستحيل تعتذر
بيسان : كيفها هي اللي خسرانه

### حلا ووليد ###
وليد : حلا ليه تبكين
حلا : ................
وليد : حليتي زين بالاختبار
* حلا تهز راسها بنعم *
وليد : طيب ليه تبكين
* حلا ساكته وتبكي *
وليد انجن لانه مايحب احد يبكي : تكلمي وش فيك
* حلا ما ردت عليه واكتفت بالدموع اما وليد حرك السياره وهو ساكت وبعدين وصل *
وليد : انزلي
حلا رفعت راسها تناظر : وين
وليد بعصبيه وامر : اقولك انزلي
*نزلت حلا ونزل معها وليد ودخلو الفندق ووليد راح الرسبشن وخلى حلا في اللوبي رجع وليد لحلا وطلب فطور طبعاً حلا كانت تناظر وساكته*

وليد : افطري
حلا بخوف : وليد وش تبي مني
وليد اللي لاحظ الخوف في نبرة كلامها : ولا شي ابيك تفطرين وانا حاجز لك غرفه
حلا بخوف وانفعال : غرفة شنو ( تركة الشوكه ووقفت) وليد رجعتي البيت بسرعه
وليد ابتسم عشان يطمنها : اقول اجلسي لا تخافين مارح اسوي شي بعدين انا قلت حجزت لك مو لنا ععشان تريحين لانك من امس مانمتي وبتجلسين الى العصر عشان امي ما تشك وانا بروح الشركه والعصر بجي امرك.

*حلا جلست وارتاحت*
وليد : حليتي زين
حلا : اي
وليد : طيب ليه تبكين
حلا : البنات لسى زعلانين مني ومو راضيني يكلموني
وليد: ولا يهمك مصيرهم يعرفون الحقيقه ويرضون

* راح وليد الشركة بعد ما ترك حلا ترتاح *

### بالمستشفى ###

عززام : وين وليد صار لي يومين ما شفته
سيف : الا امس جاء بس ما طول راح البيت على طول
عزام : ياخي امش خلنا نروح اي مطعم نفطر جوعان
سيف : خلاص ياخي انقلع مو فاضي لك
دخل وليد وسمع كلام سيف : هههههههههه عسى ماشر
سيف : ذا الغثيث مو راضي يحل عن سماي
عزام يلعب بحواجبه : طفشــــــــــان
وليد : طيب تعال معي المكتب وخله يشوف شغاله
عزام نقز من مكانه : اوك
* طلع عزام ووليد وسيف جلس يكمل شغله وفي العصر مر وليد على حلا وودها البيت اما عزام جالس فوق راس سيف الين خذاه سيف المطعم» بزر *


£ مر اسبو كامل وخلصت مدةة حلا وكان عادي ونادر تقابل وليد لانه يجلس برا البيت وما يجي الا للضروره عشان تاخذر راحتها واليوم راحت واستلمت الراتب وراحت المستشفى ودفعة الرسوم £

### المستشفى ###
وليد : دكتوره امل
د. امل : نعم دكتور
وليد : جهزي غرفة العمليات
د. امل : ليه ي دكتور
وليد : المريضه غرفه 311 حالتها مستعصيه جهزي الغرفه بسرعه ونادو الدكتور سيف
د.امل : حاضر

* وليد راح غرفته وجلس يناظر الاوراق اللي قدامها فجاء طق الباب *

وليد :ادخل
السكرتير : استاذ وليد هذا الظرف لحضرتك
* وليد اخذ الظرف وقراه *

[ مسيو وليد شكراً على مساعدتك لي وحسن تعاملك واحترامك لوجودي وبعد معرفتك حقيقتي اتمنى لك التوفيق

ساندي / حلا ]

*وليد انصدم واستغرب لانه مايدري وش المناسبه ولمى رفع راسه شاف التقويم وان اليوم الجمعه انصدم وعلى طول رفع سماعة التلفون واتصل بالرسبشن اللي خبروه ان رسوم ام حلا اندفعت كامله *


***********************************************
انتهى البارت الرابع
اتمنى انه نال اعجابكم عارفه اني ما تكلمت الا عن وليد وحلا بهذا البارت بس لان بدايتهم طويل فحبيت اختصرها ببارت واحد ، وحابه اعرف توقعاتكم وش بيصير


لمياء محمد..~•*