### البــــــارت 10 ###



رنا : ســـــاندي
* حلا وجمانه وبيسان التفتو لها وانصدمو *
حلا : رنا لو سمحتي لا تفهمي غلط اسمعي مني بعدي سوي اللي تبين
جمانه : ايه صح اسمعي منها بعدين احكمي
رنا : وش اسمع
بيسان : تعالي معنا واحنا نخبرك بسالفه

* البنات اخذو رنا وراحو غرفة حلا ~ حلا حكت لرنرا كل شي من مرض امها الى مقابلتها لصحباتها *
رنا : طيب ومجد وش مكانها
حلا بجديه : مجد مكانها مثل قبل وانا ما ابي اخرب على وليد حياته عشان كذا رضيت ارجع اشتغل بدون محد يدري وانا بالاول والاخير زوجته على الورق
رنا ببتسامه : الله يعينك وربي بيوقف معك ويكتب اجرك على اللي تسويه
جمانه نطت وضمت حلا : ي بنت لك وحشه
بيسان صاحت : بنات وربي اشتقت لكم
* حلا وجمانه وبيسان صارو يصيحون *
رنا : وش فيكم مو من جدكم كل هذا عشان صار لكم فتره ماشفتو بعض
جمانه : لو تعرفي ان كل يوم نشوف بعض ونجلس مع بعض
بيسان : بس الحين الوضع اختلف
رنا : الله ما احلى صحبتكم
حلا: فيكِ تكوني معنا
رنا تستهبل : اوك افكر
البنات : هههههههههههههههههههههههههههههههههههههههههههههههههه ههههههه
رنا : يوه تركنا الصبايا لوحدهم
حلا : يلا روحو وانا بروح اشوف المطبخ
الكل : اوك


### عند الشباب ###
الوليد : عزام قم صب للرجال مافيني حيل
عزام : يووه ترى طفشتوني
سيف : قوم صب انا والوليد من جينا واحنا نصب
نواف : انا بقوم
عزام : لا والله ما تقوم
* سيف مسك يد عزام يقوله اتركه يصب ~ قام نواف ببتسامه وصار يصب ويدخل بسوالف الاكبار ويناقشهم ~ ونايف الدنيا مو سايعته من الفرحه *
عزام : سيف تستهبل تخلي الضيف يصب واحنا نجلس
سيف : عزام نواف نفسيته تعبانه وعند مرض الخبيث ومن بعد ماعرف صار انطوائي عشان كذا انا احاول اخليه يختلط مع الناس
الوليد : الله يعطيه العافيه ويشفيه عشان كذا نايف انبسط
نايف جلس جنبهم : وش فيه نايف سمعة اسمي
وليد : سلامتك سيف قالنا عن اخوك وفرحنا له يوم قام
نايف ببتسامه ترد الروح : اللهم لك الحمد كله بفضل الله وفضل سيف من يشوفه احسه يرجع نواف القديم
سيف ببتسامه: الفضل لله
* فهد كان يكلم ومحتاس *
عزام : وش فيه فهد كذا
سيف : مدري بس يقول عند مشاكل في الجوازات وهو يبي يرجع بسرعه
* فهد خلص الكالمة ورجع لهم *
فهد :عن اذنكم انا بطلع
الوليد : على وين توها احلوت الجلسه
فهد : بروح لصديقي اعطيه الاوراق عشان بكره يوديها الجوازات
الوليد : طيب ناده خله يجي يجلس معنا
فهد : ما اظن يجي لانه مايعرف احد هنا
سيف : عرفنا عليه
* فهد اتصل عليه *
فهد : ايوه عبدالله....... لا تعال انت......... تعال انا بمزرعة صديق ابوي والشباب يبونك تجي معهم.......... خلاص خلها بكره........ يلا ننتظرك...... مع السلامه
عزام عرف عبدالله : بيجي
فهد : ايه
الوليد : عزام روح خل فهمي يجي ينظف المكان
* عزام حاس بضيقه عشان كذا قام بدون نقاش *

### عند الصبايا ###
رنا : ان شاء الله يكونون ثقه
جمانه : رنا والله ماله داعي
بيسان: يعني وربي اخاف يخبرون الحريم وتكبر السالفه
رنا : روان ومها وشادن ثقه عادي بس مجد مارح نخبرها بكل شي
بيسان : كيف يعني
رنا : تعالو معي

### قسم الرجال ###
عبدالله : السلام عليكم
رعد : وعليكم السلام حياك ( ياشر على الخيمه) هنا الرجال
* عبدالله مشى مع رعد الى الخيمه *
عبدالله : السلام عليكم
الكل : وعليكم السلام
* بداء الكل يسلم على عبدالله ولمى وصل الى عزام عزام خامسه بس *
سيف : يو ي عزام شكل حرارتك ارتفعت
عزام : لا انا بخير
سيف حط يده على وجه عزام : نار
الوليد بخوف : قوم عزام معي
عزام : يبه شف كيف يعملوني كاني بزر
ابو عزام ميت ضحك على ولد : هههههههههههههههههههه. خلوه ترى يدلع عليكم
الوليد : اقول ي روح امك ترى انا وليد مو خالتي عشان تدلع
عزام : ي ليييييل وش تبون مني الحين
الوليد : قوم
عزام قام وجلس على الارض : وهذي جلسه ومو قايم مره ثاني
* الوليد غمز لشباب وشالوه ورموه بالمسبح *
الوليد : ههههههههههههه هذي نتيجة اللي يعاندني
سيف : تستاهل
* وليد رمى سيف في المسبح وفهد رمى الوليد وعبدالله رمى فهد ونايف ونواف شالو رعد ورموه وجلسو يضحكون على الشكالهم » بطتنا بطت بطن بطتكم..... الخ هههههههههه *

### عند الصبايا ###
رنا : فهمتو
روان : ايه بس مجد ماتعرف عن زواجهم
رنا : لا واهم شي الحريم مايعرفون
مها : اوك بس مين يخبر مجد وماجده
شادن : رنا
رنا : اي بس وينهم
مها : مجد راحت تبدل ملابسها وماجده مدري وينها
رنا : اوك بروح لهم واخبرهم بس يويلكم تكلمون حلا عن اي شي
الكل : اوك

### عند الشباب ###
* كملو سباحه الى عصر وطلعو بدلو ملابسهم وراحو يصلون *
عزام : انا بروح اريح
سيف : اوك وانا بجي معك
فهد : عبدالله تعال اعطيك الاوراق
رعد : نايف نواف تعالو افرجكم على المزرعه
* الكل راح مابقى الا الوليد *


### عند البنات ###

رنا : بس هذي هي القصه
مجد : والوليد يدري
رنا : لا
مجد : اخاف تحط عينها عليه
رنا : لو بتحط عينها عليه كان من زمان مو الحين
مجد : اساساً هي مؤدبه ومن حالها في بالها
رنا : اي والله
مجد : طيب اوك انا ابي اكلم وليد اركب خيل
رنا : اي بالله وخليه يطلع لنا الخيول نبي نركب احنا بعد
مجد : اوك ( اتصلت على وليد)
____________________
مجد : الو
الوليد : هلا والله
مجد : وليدي ممكن طلب
الوليد : امري
مجد : ابي اركب خيل
الوليد : تحت امرك
مجد : بكرب معك
الوليد : اوك بكلم فهمي يجهزها ربع ساعه بعدين تعالو
مجد : اوك شكراً
الوليد : العفو

### بقسم البنات ###
مها : ياااااي بنركب خيل
روان : بس انا ما اعرف
مها : انا بعلمك
جمانه : وانا كمان
شادن : خلا بنعلمكم
رنا : بنات وش رايكم ناخذ حلا
بيسان : مستحيل ترضى
مجد : ليه
بيسان : مو انتي تقولين ان وليد فيه بعدين وليد بيعرف
مجد : عادي بركب معها ونروح بعيد
بيسان : اوك قولو لها

### حلا ###
* حلا كانت تطبخ اخر طبق وكان الحلا ولمى دخلته الثلاجه تنهدت بقوه *
حلا : نورمان انا بروح غرفتي ارتاح
نورمان : .........
حلا وهي ترتب الثلاجه : نورمان تسمعين
نورمان :.........
حلا التفت : نورمان
* حضلت البنات كلهم في المطبخ وطردو الخدم *
حلا : I'm sorry
مجد بعصبية مصطنعه : وش تسوين هنا ليه ماتشتغلين
حلا بربكة : انا في اشتغل
روان : يخرب بيتك ضابطه اللغه
الكل عدا حلا اللي مو فاهم : ههههههههههههههههههههههههههههههههههههه
حلا : ؟؟؟؟؟؟؟
جمانه : خلاص حلو الصبايا صارو يعرفون ورنا خبرتهم عشان ماتضلي لوحدك مع الفلبينيات
حلا بحزن : ليش
رنا : حبيبتي ما يهون علي انبسط وانتي هنا تكرفين ومن اليوم ورايح اذا بتسوين شي احنا بنساعدك
حلا : وامك
رنا : امي امنيتها تشوفني اشتغل وبعدي بنطبخ بحجة اننا نتعلم
حلا : اوك
مجد : يلا بسرعه وليد ينتظرنا
حلا : ليه
مجد : بنركب خيل ولا تخافين مارح يحس بشي باخذه بعيد
حلا ببتسامه : اوك اساساً خلصت

* طلعو البنات وراحو اسطبل الخيل وحصلو وليد ينظرهم ~ وليد يوم شاف حلا ارتبك *
مجد : هاااااي
الوليد يطالع بحلا : اهلين
مجد : يلا مشينا
الوليد : وش جاب الطباخه هنا
مجد بربكة: رنا تعلمها الطريق عشان تجيب لنا عصير هنا
الوليد بعدم اقتناع : اها طيب ليه ماتخلون الخدم يجيبونه
مجد بخوف : خلاص وليد لا تسألني وش عرفني انا

* الوليد مسك يد مجد وطلعها على الخيل ومشو بعيد عن الاسطبل~ كان شكل الوليد جنااااان كان لابس بلوزه بيضاء ماسكه وبنطلون بني وبوت اسود ولابس نظارات سوداء بدون ايطار ~ وممجد لابس بنطلون برمودا ابيض وبدي سمواي ساده ماسك من الصدر بعدين وسيع من تحت وجزمه سبور ابيض وكاب ابيض وفاكة شعرها. وحاطه مكياج خفيف *

### عند الصبايا ###
ماجده : حلا يلا اركبي الخيل
حلا : لا اخاف بس بشوفكم وانتو تركبون
ماجد : بارحتك
* الكل ركب خيل عاد روان وحلا ما قدرو *
جمانه : يمه يمشي بسرعه خليه يخفف
بيسان : امسكي السير ( السير _ اللي زي الحبل يمسكون فيه الخيل )
جمانه : مقدر بطيح
بيسان : لا تمسكي زين
حلا بصراخ تخوف جمانه : لالالالا بطيحين
جمانه من الخوف طاحت : اااااااااااه
حلا راحت لها تركض : صار لك شي
جمانه : ي الدبه كله منك خوفتيني
حلا بضحكه : ههههههههههههههههه طيب صار لك شي
جمانه : ظهري
حلا تساعدها توقف : بسم الله عليك
بيسان جت تركض وتبكي : بنات صار لكم شي
حلا بخوف : لا ليه تبكين
بيسان : مدري شفتكم طايحين على الارض
حلا بضحك : ههههههههههههههههههههه وانتي ام دميعه بس تبكين
جمانه : انا اللي ببكي الحين اذا ماوصلتوني الغرفه

* راحت بيسان وجمانه وحلا وتركو البنات يكملون *


### عند الوليد ومجد ###
الوليد : مجد وش رايك
مجد : بشنو
الوليد : نسوي خطبتنا باقرب وقت
مجد : يعني متى
الوليد بجديه : بكره
مجد : ههههههههههههههههههه تمزح
الوليد : لا جد اتكلم
مجد بصدمه : بكره بكره
الوليد : اي هنا بالمزرعه والكل مجتمع
مجد : وين الكل
الوليد : مافي غير عمتك نوره نناديها ويصير حفلة عائليه
مجد بفرح : اوك
الوليد : اوك لمى نرجع بنخبرهم
مجد : بس انا ماجهزت نفسي
الوليد : مو مشكله الفستان انا راح اجيبه والمكياج بخلي وحده تجي هنا تضبطك وش بعد
مجد ضمته : شكراً
الوليد : حبيبتي انتي ماله داعي تشكريني
مجد : يلا نرجع نخبرهم
* الوليد ركب فوق الخيل ومد يده وشال مجد وصارت وراه ورجعو الاسطبل ~ مجد جمعة الحريم والصبايا كلهم وخبرتهم وفرحو كثير ~ ووليد نفس الشي سواه مع الرجال *
رنا : حلا ماتضايقتي صح
حلا كانت تفكر وش تسوي بكره : لا
رنا : طيب وش فيك
حلا نقزت عن رنا : رنا بالحفلات اللي زي كذا وش يكون نكهة القاتو
رنا : يعني بتسوين القاتو
حلا : اجل حبيبتي وش مفكره
رنا برتياح : اممممم تكون بيضاء ومن جوى اي نكهه
حلا : ي ربي طيب وش تحب مجد نكهة القاتو
رنا : اظن الفرولا والوليد شكوليت
حلا : اوك بسويها الثنتين
رنا : اوه بتسوين 2
حلا : يب بس بخليها 2 في 1
رنا : اها

### صباح يوم جديد ###
* مجد حست بأزعاج فتحت عيونها حصلت ماجده تلبس جزمتها *
مجد : على وين
ماجده : صحصحي ي ماما ناسية اليوم شبكتك
مجد جلست بسرعه : اوه صح
ماجده : نص ساعه وانتي جاهزه عشان الكوفيره بتجي
مجد : اوك
ماجده : بروح اشوف حلا
مجد : ليه
ماجده : سوت لكم مفاجاءه
مجد : وش هي
ماجده : لا ممنوع اقول
مجد : ي حبي لها وربي عسل هذي البنت
ماجده : يلا قومي بسرعه انا بنزل تحت باي

* طلعت ماجده وقامت مجد اخذت شور وبدلت ملابسها ولبست بنطلون جنز رمادي وبلوزه موف فاتح مره وكمها حيران وبالوسط فيونكه بالفضي وجزمه فلات فضي ومجففه شعرها ولامه نصه وماحطة مكياج لانها مو لازم جمالها الطبيعي احلى ~ نزلت لتحت حصلت الدنيا معفوسه وناس تح كراسي وناس تضبط المكان وام وليد وام بيسان واقفين معهم*
مجد : السلام عليكم
ام بيسان + ام الوليد : وعليكم السلام
ام بيسان : يلا ي بنتي روحي للكوفيره
مجد : طيب وين ماما
ام الوليد : مع جمانه وبيسان يضبطونها
ام عزام جايه مسرعه : يلا ي بنت روحي بسرعه
* مجد صارت تركض وام عزام تركض وراها *
ام بيسان : هههههههههههههههه الله يوفقهم
ام الوليد : امين ي رب

## بعد المغرب##
* الكل كان جاهز وينتظرون عمة مجد ~ نتكلم شوي عن لبسهم *
___________________________
مجد : كانت لا بسه فستان وردي فاتح اكامه دانتيل طويله والصدر دانتيل ماسك على الصدر بعدين وسيع ولابسه حلق ذهبي كبير وخاتم طقم الحلق ومسويه شعرها كيرلي ومكياج خفيف »طلع قمر

ماجده : لا بسه فستان اسود قصير الى فوق الركبه وكم واحد بس وفيه بوف بسيط ولابسه كسورات فخمه وكعب تكواز وشعرها مسوية زي مريام فارس ومكياجح ثقيل

رنا : لا بسه فستان ابيض روماني وفي حزام ذهبي على شكل ثعبان وكعب فوشي ومسويه شعرها ذيل حصان ولافه اخره ومكياج ناعم

مها: لابسه فستان سيور قصير الى الركبه ومن الخصر في نفخه صغيره وكعب ابيض وشعرها مستشورته ولامه غرتها وفاكته ولا بسه سلسال طويل فضي و وساعه فضيه واساور

### في غرفة مجد ###
مجد : طيب نادو حلا
ماجده : وش تبين فيها
مجد : ب الله عشان تكمل جمعتنا
جمانه : لا رافضه تقول خايفه احد يشوفها
مجد : ي ربي وربي مو مستانسه وهي كذا

* مها جت تركض *
مها : بنات جت عمتها سميره وبنتها سلوى
مجد : جد جت سلوى
ماجده بفرح : بروح اشوفها
مجد : اوووف ي القهر ابي اطلع
رنا : انثبري مكانك الين تنزفين
مجد : اوف اوف

_______ نعرفكم على عمة مجد ______
سميره : عمتة مجد الوحيده متزوجه وساكنه بالرياض بس ماتحب تطلع كثير وتعشق مجد وماجده جابت سلوى وبعدها سوت عمليه وماتقدر تجيب عيال ~ بيضاء طويله وشعرها قصير الى رقبتها وشبابيه وفله واللي يشوفها يفكرها مراهقه

سلوى : عمرها 18 سنه تدرس ثالث ثنوي ادبي تخرجت من الثنويه بمعدل حلو عربجيه شوي وصوتها مبحوح وفله وتتستهبل كثير ~ حنطيه وقصيره ونحيفه وشعرها الى اذنها ولو بيدها حلقته بس امها ترفض مو دلوعه ابد

### وقت الزفه ###
* دخلت مجد على موسيقى هاديه وبعدها بشوى دخل الوليد ولمى وصل الى عندها باس فوق راسها وججت امه وامها وسلمو عليهم بعدين جلسو *
ماجده : رنا وين حلا
رنا : ليه
ماجده : هي قالت انها بتجيب القاتو
رنا : اي خلتها تفك حجابها وهي مره زعلانه ومعصبه
ماجده : ليه
رنا : تقول خلاص تعودت عليه

### عند حلا ###
* فكت الحجاب وطاح شعرها الناعم على كتفها جلست تفكر اذا هذا صح او غلط بس لحظات وجت مها وشادن. وران لعندها ومسكوها ولبسوها فستان وسوو لها مكياج وسوو تسريحه بسيطه في شعرها *
مها : يممه
حلا تقوم تبي تشوف : وش فيه
شادن ترجعها مكانها : مارح تشوفين الين نخلص
روان : من جد يمه
حلا بعصبيه : بنات شكلي يخوف ( تكلم شادن) انتي وش تسوين فيني اساساً مارح اطلع بيعرفون
شادن : لا مارح يعرفون
حلا : الا
شادن سحب حلا للمرايه : والحين بيعرفون او لا
حلا من الصدمه ماتحركة : هذي مستحيل انا
روان : يخرب بيت المكياج كيف يغير الواحد
مها : اتحدى اذا عرفوك انا لو مو جالسه معكم كان ماعرفتك
شادن : يلا بسرعه تاخرنا
حلا : لا اخاف
شادن : والله ان تطلعين تعبت وان اسوي مكياجك
حلا :طيب اجلسو جنبي لا تتركوني
الكل : طيب بسرعه

### قسم الرجال ###
* الرجال مبسوطين والمملك جاء وينتظرون وليد يجي *
عبدالله : عمي عماد
عماد التفت له : لبيه
عبدالله : لباك بس بمناسبة الجمعه الحلوه وقدام الوجيه الطيبه حاب اطلب يد بنتك بيسان على سنة الله ورسوله
عماد : والله والنعم ومارح نلقى رجال احسن منك وانا لو علي عطيتك بس بنستشير البنت
عبدالله : تسلم هذا العشم، خذ راحتك وهذا حق وواجب
* عزام جلس يطالع بالارض مصدوم *
سيف : عزام قوم معي
عزام : !!!!!!!!
سيف يهز عزام : عزام ي عزام
عزام بفهاوه : هاه
سيف : قوم معي
* عزام قام بدون نقاش وطلع هو وسيف لبارا وراح سيف يجيب له مويه *

### قسم الحريم ###
* دخلت حلا وكل الانظار عليها *
حلا : يمه برجع
شادن : مافي الكل يطالع لك
* جمان وبيسان جو ومصدومه ~ ورنا تاشر لشادن تسالها مين هذي *
حلا تكلم بيسان وجمانه : بلا بياخ تسوون نفسكم ماتعرفوني
جمانه وبيسان صارخو : واااااااااااو
حلا : وجع اذني
بيسان تاشر لرنا تجي : يمه تغيرتي
جمانه : وربي ما عرفناك
روان : شفتي صحباتك اللي 24 ساعه معك ما عرفوك
رنا : السلام عليكم
حلا تغيرصوتها تستهبل : اهلاً اختي وعليكم السلام
رنا ببتسامة غباء تكلم شادن : ماعرفتينا
شادن بضحك : ههههههههههههههههه معك حلا
رنا بصدمه : حلا حلا ماغيرها
ماجده ورنا يطالعو حلا بتفحص : اااااااااااء صدق هي

* مجد كانت تناظر لهم وتبي تعرف مين هذي اللي دخلت *
الوليد : حبيبتي وش فيك
مجد : ولا شي بس في وحده جالسه مع البنات ما عرفتها
الوليد : يمكن بنت عمتك
مجد : لا حبيبي سلوى جالسه هناك مع عمتي
* الوليد التفت يشوف وجلس يتاملها حاول يعرف بس ما عرفها *
مجد : جاء القاتو
الوليد التفت : مين جابه
مجد : محد الطباخه هي اللي صلحته
الوليد ببتسامه : جميل
مجد : من جد ابداع هذي الطباخه ماجده تقول طوال الصباح تشتغل فيه ومسويته مفاجاءه بس خربت عليها ماجده وخبرتني
الوليد : يعطيها العافيه
مجد : امين

*صورة القاتو
http://arbload.com/wp-content/upload...3902552151.jpg
كان من برى شوكليت ومن جوا فراوله*

* قطع وليد القاتو واكل وكان طعمه لذيذ وكان وليد يتلذذ بالطعم ولما خلص لبس مجد الشبكة واستأذن وراح للرجال عشان المملك وقال لمجد تقابله بعدها ~ لمى طلع وليد شاف عززام جالس وسيف جنبه وباين انهم متاضيقين *
الوليد ببتسامه : الحين وش فيكم متضايقين كل هذا عشان تزوجت قبلكم
سيف : لا
الوليد : اجل
سيف : عبدالله خطب بيسان قبل شوي
الوليد اختفت الابتسامه : تمزح
عزام : يلا وليدوه الشيخ بيروح
الوليد : عزام ي خوي لا تضيق خلقك وبدل الوحده الف وبعدين هي نزوة حب وبتعدي
عزام بضحكة استهزاء : نزوه مالت عليك وعلى تعبيرك الميت امش ادخل الشيخ بيروح
الوليد يحك راسه : طيب لا تدف
عزام يحاول مايبين زعله : ترى والله اخليه يروح واخليك تتورط
الوليد دخل وراح عند الملاك : مجنون تسويها
* قال الملاك المقدمه وووقع وليد وارسلو الملف لمجد ووقعت وبعدها استأذن وليد وراح عند غرفته لانهم متفقين يتقابلون هناك *

### عند الحريم ###
* رنا كذبت وقالت ان حلا صديقتها ومحد انتبه وجلسو يقصون والحريم معجبين بحلا ~ وبعد ما انتهى الرقص والكل راح ينام حلا اخذت شالها ومشت تبي تروح غرفتها بس شافت وليد ومجد جالسين على الكراسي ومندمجين عكست طريقها وراحت الحديقه وجلست تفكر الين جاها النوم ~ عند مجد كان الوليد يسولف وفجاءه دق جوالها *
مجد : الو
ماجده : مجد خلاص ارجعي ما طفشتو
مجد : وش تبين
ماجده : امي معصبه منك تقول خلاص
مجد : اوك اشوي واجي
ماجده : بسرعه قبل تجيك امي بالجزمه
مجد بخووف : والله تسويها الحين اجي باي

مجد : سوري وليد بروح
الوليد : اوك انتبهي لنفسك
مجد : وانت كمان باي
الوليد : الله معك
* راحت مجد بسرعه ووليد قام غرفته واخذ شور وبدل ملا بسه اخذ جواله كان بيشحنه بس تذكر انه تركه بالمجلس طلع وليد من غرفته وحس بالبرد رجع واخذ جكيت وراح للمجلس ولمى وصل شاف وحده نايمه على الكراسي قرب بيشوف حصلها نفس البنت الغريبه اللي كانت تسأل عنها مجد قرر ان يكمل طريقه بس قامت حلا *
حلا : يمه
الوليد : اسفه ما كنت اقصد
حلا برعشه : لا عادي انا اللي اسفه غفيت بدون ما احس
الوليد : حلا؟؟
حلا : هلا
الوليد : انتي حلا وش فيك كذا وبعدين ليه نايمه هنا
حلا لمى استوعبت خالفت : البنات لبسوني والله والله محد عرف مين انا
الوليد رحمها : طيب ليه نايمه هنا
حلا : كنت بروح الغرفه بس شفتك انت ومجد وماحبيت اقاطعكم
الوليد حس انه سبب لكل شي يصير لها : طيب خلاص روحي غرفتك
* قامت حلا واخذت شالها وحطة على راسها وراح غرفتها تنام ~ ووليد كمان اخذ شاحنه وراح ينام *


### صباح يوم جديد على ابطالنا ###
* اليوم هو اخر يوم لهم عشان كذا البنات حزينين *
مها : يلا بنات خلونا نسوي اي شي بما ان باقي 9 ساعات ونودع بعض
روان : مثل ايش
سلوى : وش رايكم نسوق
رنا : نسوق ايش
سلوى : حمار ايش بيكون مثلاً اكيد سياره
شادن : اوك قداااام
سلوى : امممممم يلا روحو البسو عباياتكم
مجد : مين بيسوق
سلوى : في غيري
ماجده : اوك يلا ربع ساعه ونجتمع تحت
بيسان : ومن وين لنا سياره
سلوى : ناخذ اي سياره
جمانه : انا عندي مفتاح سبير حق نواف
سلوى : حلو يلا بسرعه قومو

* راحو البنات يلبسون عباياتهم ونزلو تحت وركبو السياره وساقت سلو وطلعتهم من المزرعه ووصارو يمشون حوالين المزرعه وشوي ووقفت السياره *
مجد : وش فيه
بيسان : يمه
سلوى : مدري يمكن الكفر نسم
* نزلو البنات يشوفون بس طلعت سليمه *
مها : يمه وش نسوي
شادن : نتصل على احد يجينا
حلا : على مين مثلاً
جمانه : نتصل على نواف مالنا الا هو البقين لو عرفو بيذبحونا
* جمانه اخذ تجواله واتصلت على نواف وقالت له وعصب وقال لهم يدخلون السياره ويقفلون عليهم الباب وينتظرونه ~ نواف بدل على طول وراح لهم وفهم منهم انهم في بدايه الشارع العام ولمى وصل حصلهم جالسين جوء السياره *
نواف : انزلي
جمانه نزلت وركبة جنبه : اسفه
نواف ببرود يقتل : حصل خير
جمانه تطالع لاخوها بستغراب : فيك شي
نواف : لا ليه
جمانه : نواف اخذت دواك
نواف يطالع في المرايه للبنات : لا
جمانه عصبت : وليه لا
نواف بصراخ يخوف : لان حضرتك اخذتي السياره وخربتيها وانا جيت بسرعه وما امداني اخذه
جمانه دمعت عيونها : خلاص قلت اسفه
نواف بصراخ : بعد ايش بعد ماعرفت المنطقه اني مريض
* طبعاً نواف يحاول ان محد يدري ويفكر ان الكل مايدرون عن مرضه *
عزام يحاول يشغل السياره : يووووووه وش فيها ذي بعد
* عزام نزل راسه وبدى يغمى عليه *
جمانه : عزام عزام صحصح
عزام : .............
* فجاءه تشنج عزام *
جمانه بصراخ : عزززززام يمه عزززززام ااااه عززززام


**************************************
انتهى البــــــارت 10
وان شاء الله انه يعجبكم ادري تاخرت بس كانت عندي شويت ظروف وحابة اشوف توقعاتكم

الوليد ومجد هل بتستمر علاقتهم او تنتهي ؟؟
حلا بيضل هذا السر بين الصبايا او بيعرفون الحريم واذا عرفو وش بيكون موقفها؟؟
عزام وش بيسوي مع بيسان وهل يرضى انها تروح من بين ايده ؟؟
نواف والصبايا وش مصيرهم ؟؟

قراءة ممتعه •َ_*َ

لمياء محمد..~•*