الــــــبــــــــــــــ(10)ـــــــــــــــــــــــ ـــارت
اصبحت تائهه...
متاهات الدنيا يا امي كثيره...
فـ اين انتي عن متاهاتي...
اماه الحاضر قد اقترب..............
جالس عند مسبح الفيلا وعينه على بنته اللي تلعب مع اخته الصغيره بوناسه كشر لما سمع صوت اخوه اللي ناداه التفت وقال بضجر:نعـــم
ابتسم عادل باستفزاز :انتبه لا يطق لك عرق يا العريس ههه
قبض طلال على يده بقوه وهو يصبر نفسه رد ببرود:اذا ماعندك شي فورنا عرض اكتافك
تقدم عادل وجلس بجنبه بمسافه :له له له ليكون شوفتي تعكر مزاجك
ابعد طلال نظره عن عادل وهو يزفر بغضب:عادل ترا للحين انا ساكت عنك واذا على شوفتك ترا اكره شي عندي وجهك
ضحك عادل وهو ناوي يستفز طلال:هههه اجل شوفتي تكدرك ...وقف... اجل الله يعينك على شوفتي لانك بتشوفني بعين خطيبتي سوري خطيبتك هههههه
صبر نفسه اكثر من الازم وماعاد تحمل قام على عادل وهو مايشوف شي الا انه يخلص عليه ويرتاح
عائلة السرحي..
الجد..متوفي من 11سنه رجل معروف وله سمعته كان شديد على عياله له شركات لسيارات بكل مكان تزوج ثنتين زوجته الاولى جابتله ولد وهو يحيى وبعدها انفصلوا وهي تزوجت..وزوجته الثانيه ...شريفه... قلبها طيب لاكنها مسيطره على الكل وكلمتها دايما اللي تمشي تحب احفادها بس تفضل منهم اثنين طلال وخالد ومكلفتهم بامور الشركات كلها...عيالها
علي...عمره 50 رجل طيب وحكيم هو اليد اليمنى لامه ماسك ادارة شركة ابوه
زوجته...سلوى...عمرها 47طيبه وماترد لعمتها ام زوجها طلب هوايتها اللي تحبها التطريز ولها محل كبير معروف ماسكه ادارته
عيالهم...طلال29 سنه دكتور ومتثقف ومساعد لابوه في الشركه كــان متزوج وعنده بنت اسمها ريتاج عمرها سنتين ,,,وبنعرف قصته بعدين
عبير...27سنه معلمه كيمياء طيووبه وفرفوشه مع اللي تعرفهم بالنسبه لاخوانها هي مستشار لامورهم متزوجه من ولد عمها وعندها ولد وبنت
عادل....26سنه كان يشتغل مع صديقه نايف بس احتال عليه فترك الشغل معه انساني اناني ومغزلجي يحب اخته عبير واي مشكله تواجه يركض لحضنها
اروى..اخر العنقود عمرها 5 سنين جت بعد عقم دام سنوات طويله دلوعه وتحب بنت طلال اخوها ودايما معاها تتعب دائما من الانيميا المنجليه والمتبرع الدائم لها طلال
الابن الثاني...كريم... عمره 48سنه متشدد واجد على عياله والكل يهابه متسرع في حل اموره ومايهمه شي بس كلمة امه تمشي عليه وغصبا عنه حتى لو ماعجبته
زوجته..فوزيه ..44سنه حكيمه وطيبه صابره على تصرفات زوجها ووقت غضبه تقدر تسيطر عليه بكلمه تحبه ولاترضى عليه الزله
عيالهم..خالد 29سنه انسان مزاجي ومثقف عنده مكتب هندسه معماريه وماسك الاداره مع ابوه واعمامه غامض في كل شي بس مع اهله مافي احسن منه
..سعد...26سنه انسان هادئ داخل البيت وبرا البيت الكل يشهد على هبلنته لدرجة ان جدته تطلبه لجل يونسها يكره تشديد ابوه ومتعقد منه بس مابـاليد حيله
حياة..20 نعوومه وطيوبه ماسكة مسؤولية البيت مع اخوانها درست لين الثانوي وجلست بالبيت بسبب ابوها,,لها دور بنعرفه بعدين
مشاعل:16سنه بنت غيوره لكنها حبيبه وداهيه تقدر على ابوها
الابن الثالث ...بنت اسمها عزيزه عمرها 38سنه متزوجه من ولد عمها وعندها اربع عيال حبووبه وشخصيتها قويه زوجها يممموت عليها وهي بعد تموت عليه
زوجها..مشعل..عمره 40انسان محترم وكريم دكتور بالجامعه
عيالهم....اسامه 13سنه مغرور واللي براسه يسويه
اسيل...10 سنوات
مرام...8سنوات
مازن..5سنوات
الابن الرابع...ناصر عمره 28سنه عزابي ودلوع امه غيور ومزاجي ووقت الفله يبيع الدنيا بكبرها يحب بنات اخوانه ومايرد لهم طلب يشتغل مع اخوانه بالشركه
..سووري على الاطاله....
رفع نفسه على اصابع رجوله وهو مستغرب مين اللي في بيت ابراهيم ذكر الله على اللي شافه حاول يغض بصره بس ماقدر خاف تختفي هالجنيه ولاعاد يشوفها
ثانيه رجولها وحاضنتها بيديها ومقابله كرستانة<<حوض>>الورد الذابل اللي زرعته خالتها :يقولون البكا يعذب الميت بس والله مو بيدي الكل يحاول يتناسى حزنه بس انا ما اقدر ياخالتي ..رفعت يدها تمسح دموعها ونزلتها على قلبها...وينك تشوفي عذاري كيف كبرت وصارت نسخه مصغره منك هههه حسام اخوي رجع له نظره بس مسكين مارجع الا لعين وحده تدرين أي عين للعين اللي كنتي تمسكي عليها وتدعين له وخالي اللي كنتي تبكين ودك تشوفيه اللي ياما حضنتي صورته ودعيتي له تراه جى ونفكر نخليه يسكن ببيتك اكيد ماراح تعترضين ....سحبت يدها من قلبها ومسحت دمعتها وباقي الدمع اللي بيدها مسحته على الورد... الله يرحمك انتي وعمي فراقكم مسبب فراغ كبير
رفعت راسها لسماء وهي تستنشق اكبر كميه من الهوا
حط يده على حلقه من كلامها يحس بغصه من شكلها الباكي همس:الله يرحمهم لهالدرجه موتهم كاسر قلوبهم
سمع صوت احد ينادي فركض طالع لشارع وهو ناسي وش السبب اللي جابه هنا
طلعت هديل تدور اختها اللي لها ساعه من طلعت ماعاد رجعت:ساره سوووير
نزلت راسها ومسحت وجهها من بقايا الدموع وقامت تشوف اختها وش تبي فيها
تمشى بكل شوارع الرياض لين تعب وقف السياره في مكان خالي من السيارات ضرب الدركسون بيده اكثر من مره وصرخ بقهر حط راسه على الدركسون وهو يلقط نفسه ناظر لجواله اللي رن مليون مره ولارد رفع عينه لساعة السياره شافها 10:00له تقريبا 6ساعات برا البيت رجع ظهره على المقعد وباله مشغول بجدته وحلفها مايدري وش يسوي تنهد بعجز وحط ذراعه على عيونه يحاول يهدي نفسه شوي بس ماقدر سالفة سمر ووعده لاهل عذاري شاغله
لبست عبايتها وكلمت بدر يجيها لانها جهزت نزلت تحت وشافة البيت هدوء استغربت :وين هنادي وسامر اللي يزعجون البيت برجتهم
سمعت امها تناديها من الصاله راحت لها :هلا مامي
ام بدر:هلا فيك هاه بتروحين بيت خالتك
سمر:ايه يمه بتروحين معاي
ام بدر:لا لا مافيني شده على سوالف خالتك ان رحت ما راح تفكني
:هههههه لاتسمعك ثم تسكن عندك
:هههههه خلاص عاد تراها اختي ما ارضى عليها
ضحكت سمر:يعني اللحين يايمه ماتكلمتي عنها
قطع عليها نغمة جوال سمر:هلا بدر
بدر:يلا اطلعي انا برا
:اوك يلا طالعه ..قفلت ...يلا يمه توصين بشي
ام بدر:لا حبيبتي الله يحفظك وسلمي على خالتك وبناتها
:يوصل يالغاليه يلا مع السلامه
:بحفظ الله
طلعت وراحت من الجهه الثانيه لجل تركب قدام بس لمحت احد راكب قدام تداركت نفسها قبل لايسوي لها بدر سالفه وركبت بالخلف ورا اخوها وهي ساكته ومنزله عينها شدها الصوت ..هالصوت انا اعرفه زين ..رفعت عينها بسرعه لجل تتأكد وابتسمت لما شافت جمال ولد خالتها حست بحراره تسري بجسمها
جمال:وراه نايف مايرد
التفت له بدر:يمكن نايم او انه مشغول
حرك جمال كتوفه:يمكن
بدر:الا انت متى مسافر
جمال وكانه ذكره بهم كبير:ان شاء الله بعد بكره
بدر:وكم بتجلس
جمال بتنهيده:تقريبا خمس سنوات
بدر:اوووه الله يعينك عاد الواحد مايكره الا الغربه بس ان شاء الله تتعود
جمال كشر:ياخي انت ماعندك اسلوب احسن من ذا الواحد مايكره الا الغربه ..يقلده
بدر:هههههههههههههه للاسف لا وقفل بلاعيمك تراك نسيت حنا مو بوحدنا هههههه
استحى جمال لمى تذكر ان سمر معاهم وهو يبتسم بداخله المهم انه شافها حتى ولو بالعبايه
اما سمر بحاله مايعلم فيها الا الله قلبها مقبوض وفيها الصيحه من سالفة سفره ودها توصل بيت خالتها بسرعه لجل تفجر هالبركان اللي داخلها
عائلة محمود المنوار
الاب محمود عمره 51سنه رجل طيب وراعي واجب عنده محلات للماكولات وهو رجال يشهد له الكل بكرمه
زوجته: فاطمه بنت الجده هيا واخت سعود وسعاد عمرها 43سنه انسانه تحب السوالف واللي بقلبها على لسانها سعادة عيالها عندها بالدنيا
جمال ..عمره 25سنه انسان هادئ وعاطفي بس اذا عصب لاحد يتقرب منه يحب بنت خالته سمر من الطفوله يدرس بأمريكا تخصص ادارة اعمال وتعليم متنوع>>يعني لغات
لمياء:عمرها 22سنه تدرس ثاني جامعه تخصص انجليزي انسانه محافظه ومؤدبه وهي توأم روح سمر
شيماء..عمرها 19سنه بنت حبوبه وطيبه وعيبها انها تثق باي احد ثالث ثانوي
سيف..عمره 12 سنه انسان ماهمه الا بطنه
وهم جيران ابو سطام
نزل وهو مصدع من النومه اللي نامها سمع ضحك وازعاج تحت وكأن عندهم ضيوف:ياولد
جت له لمى تركض :سطام ارجع ارجع روح من الباب الخلفي
عقد جبينه:ليه
لمى:اوف منك عندنا عيال خالي يحيى يلا روح
كشر بوجهه وطلع لسانه وراح مادرى ان اللي في صاله شافوه وماسلم من تعليقات سهاد
نزل من الجهه الثانيه وراح لبيت الشعر اللي شاف اضأته منوره انتبه لخاله من بعيد وابتسم وصل لعندهم:السلام عليكم
الكل:وعليكم السلا
الجد:وينك يابوك نصحي فيك وماصحيت عسى ماشر
ابتسم لجده باعتذار: الشر مايجيك والمعذره منك ياجدي والله الشغل تاعبني هالايام ...التفت لخاله...علومك ياخال
ابتسم يحيى له:بخير الله يسلم انت بشرني عنك عساك طيب
سطام :الحمدلله دامك طيب انا طيب
جى راكان مفحط لسطام وبيده الدله صب لسطام وحط الفنجال بيد سطام بالغصب:والله ماتردنتي
سطام يطالع لراكان ومو مستوعب شي
الجد:رويكن يالعنز خرعت اخوك يامال العافيه
راكان:ههههههههههه عارفه بيردني
ناظره سطام :ايه باردك ولاتذكر سواتك فيني من قبل
ضحك راكان بصوت عالي على هالذكره
ابو سطام:هههه وش سوا فيك
رشف من فنجاله:الله يسلمك هذاك اليوم جانا حمد وطلعنا كشته بالبر وقام الشيخ راكان يسوي القهوه صب لحمد وراح يقول بيسخن الدله اثاريه راح يبهرها بالتراب وجى تاليها وصب لي وانا ماقصرت شربت الدله كلها
ابوسطام:هههههههههههه والله ان هالرويكن ماهوب صاحي
تكى راكان بجنب جده:طالع لهالذيب اجل اقله اعطني موترك يعي علي
ضربه جده على راسه:والله يا ان انت واختك دواهي عويذ الله منكم
ضحك راكان :أي اخت فيهم
:هديل منهو بعد غيرها
راكان:وش سوت فيك هالخبله
ناظر الجد فيه:والله ما الخبل الا انت اما هي عقلها كبر عقلي واضعافه
ضحكوا الكل على كلام الجد اللي باين انه تعجبه هديل اكثر من أي احد
وقف عند كشك كوفي طلب له قهوه فرنسيه وجلس يشربها يحس نفسه هدي وكل امره لربه ولازم يسوي اللي بباله اخذ جواله وشاف فيه اكثر من اتصال طنشها كلها ودق على رقم واحد بس جاه صوتها الخايف :نايف وينك فيه اشغلتنا عليك
ابتسم بحب:افا ندوووي تخاف
ارتخت ملامحها الخايفه:ايه اخاف عليك شوف كم الساعه وانت باقي مارجعت
ضحك بود:ندوي وش رايك تتجهزين واجي اخذك نتمشى
استغربت ندى طلبه:اوك اصلا بكره اجازه ومافي مدارس
:اجل دقايق وانا عندك وش مشتهيه انتي موكا ولاقهوتك المحببه
ابتسمت:طلبي انت عارفه
ضحك:عاد ايس كريمك ذا ودي انفيه
:وليه ان شاء الله
:ابد مو لشي بس كذا
ضحكت:يلا انا منتظرتك
:اوك يلا في امان الله
:مع السلامه
قفل وهو يتنهد ان شاء الله هالطريقه تجيب فايده
جلست عذاري بجنب لمى وعيون سهاد وهدى وشهد وامهم عليها يحسون بحزن عليها اشرت لها سهاد تجلس بجنبها
قامت وهي مستحيه جلست بجنب سهاد
سهاد:ازيك ياحلوه
ضحكت عذاري بخفه:الحمدلله كويسه
ناظرت سهاد لعيونها وهي تسمي عليها ...ماشاء الله قمر ..:مو انتي قلتي لي من قبل انك بتوديني لمرجيحتك
عذاري بحماس:اييه بس اللحين انا اسفه ما اقدر اوديك لها لانها انكسرت وسطام قالي بيصلحها لي بس نام مسكين لانه تعبان
ابتسمت لها ..شكلها تحب هالسطام...:اجل مره ثانيه
:ان شاء الله
:وش قلت يايحيى
عدل شماغه بتوتر:مدري وش اقولك ياعم بس احسها صعبه انا الحمدلله بيتي مكفيني
عدل الجد جلسته وهو وده يقوم ويدوس ببطن يحيى اللي مو راضي له ساعه يحاول معه ومافي فايده:ولو قلت لك لجل هالفقيره عذاري
سكت يحيى
ابو سطام: هي تحبك والله انها من وقت ماشافتك وهي تسولف عنك وحنا نبيك قريب منا وحولنا وانت مانت بغريب منا وفينا
يحيى:احم والله انتو وترتوني عطوني وقت افكر
الجد:لك كل الوقت بس لاتبطي وان بغيت تسكن فيه بايجار ماعندنا مشكله
يحيى:طيب ان سكنت هنا بيتي وش اسوي فيه
الجد:استثمر منه لو تبي تاجره اجره او تبي تسويلك مشروع فيه ذا الشي راجعلك
سطام:ايه ياخالي ترانا بحاجتك واللي بحاجتك اكثر عذاري
ناظر فيهم يحيى وشاف الرجا بعيونهم دنق وهو يفكر
رفع راسه بعد لحظه:خلاص انا موافق بس ما اسكنه الا بايجار
تنهد الجد براحه:مابغيت قطعت نفسي
ضحك راكان:حتى عرقك اللي براسك اشوفه ينبض من تحت الشماغ
طالع فيه الجد من طرف عينه وسكت راكان وهو يبلع ضحكته على حماس جده
دخل جناحه وقفل الباب بقوه فتح اول صدفتين من ثوبه وهو يتنفس:الله يلعن ابليسك ياعادل
مشى لين سريره وتمدد عليه بالعرض وكل الذكريات اللي مايبيها رجعت له
ابو طلال :تراني اخترت لك وحده ولا تحلم تحصل مثلها
تنهد طلال:يبه واللي يحفظك انا ما ابي اتزوج اللحين
ابو طلال عقد جبينه :وليه
طلال:ماني حق مسؤوليه
جدته:لا بتتزوج والمسؤوليه انت فيها من زمان
زفر بضيق:ومين اللي بتزوجوني فيها
الجده بفخر:بنت جارنا ابو محمد تغريد
كشر بوجهه:غريبه ما اخترتوا من العيله
قالت الجده بحزم:ترا من عوايدنا إنا العيال يتزوجن من بغوا بس البنات من العيله واللي يخالف شرعنا مانبيه
كتم غيضه بقهر :وانا ياجدتي ما ابي اتزوج اللحين
:ماهو بكيفك بتتزوج وترانا كلمنا اهلها وبكرا تروح انت وابوك واعمامك وتخطبون رسمي وتصير الشوفه
فتح عيونه بقهر من هالذكرى اللي جاته:بغيتك ياهدى من زمان بس احرموني منك لكن اللحين والله مايوقف بوجهي احد
انتـــــــــــــــــــــــــــــهى
مواقع النشر (المفضلة)