البــــــــــــــــ (24) ـــــــــــــــــــــــــــارت


الله اكبر كبيرا والحمدلله كثيرا



قصص مرعبه....

استودعك الله ياذاك البعيد ..





طقت الباب طقتين خفيفه وفتحته
راحت عينها عليه
كان واقف قدام التسريحه ويجفف شعره بالفوطه
تقربت منه وبيدها كاس فيه عصير ليمون
لف عليها وابتسم على طول
لانت ملامحها من ابتسامته الي نادر مايطلعها
مدت العصير له: تراني تعبت عليه
سحبه منها وهو يضحك: كان ماقلتي عشان يكتمل اجرك
مشى لسرير وجلس عليه رشف رشفه من العصير وهو يتلذذ به
جلست بجنبه وحطت يديها خلفها وتكت عليها ورفعت عينها للسقف : متردده اسألك او لا بس الفضول ذابحني ولا اقدر اسيطر عليه
ناظر لها عادل من طرف عينه وهو يبلع ضحكته: انتي مأثر عليك هالاتراك اللي تتابعينهم
لوت فمها بزعل: ذا جزاتي اني ناويه اخفف عنك
وقفت وهي بتطلع: اجل انقلع عني باروح اشوف زوجي ابرك لي
وقف بسرعه وهو يحط الكاس على الكومدينو: تعالي تعالي امزح معك
لفت عبير عليه وهي رافعه حاجبها: ايه تعدل كذا
ناظر لها بغرور ولف لدولابه لجل يطلع له ثوب يلبسه بدل البجامه اللي عليه: اروح اشوف ابوي وش يبي وراجع لك
: اوك بس لاتتاخر لان يمكن خالد بيجي وياخذني
عادل: من عيوني







نادى من فوق عليها: لمـــــــــــــــــى
كشرت بكسل : نعـــــــــــــم
نزل ووقف بنص الدرج : اخذتي البندول امس ؟
قصرت على صوت التلفزيون ولفت براسها عليه: ايه بتحصلها بغرفتي بالدرج الثاني من التسريحه
مشى بسرعه لغرفة لمى وعذاري وهو يمسد راسه من الصداع اللي اجتاحه
وقف بنص الغرفه وهو يناظر لتسريحه:هي قالت باي درج يا ربي
لو كنت ادري كان ناديتها تطلعها
جلس على ركبه وهو يفتح في الادراج
لين وصل لدرج الثالث من الجهه الثانيه استغرب وجود المفتاح فيه وكأن احد ناسيه فتحه بفضول ضحك بمسخره من اللي فيه.... خخخ اكيد عرفتو وش فيه......
جى بيقفله لكن لمح شي فتحه وهو يسحب هالعلبه الزجاجيه اللي فيه واللي واضح من شكلها انها دواء
ناظر لها باستغراب وهو جاهل هالشي فتحها وزاد استغرابه من اللي فيها
قلب العلبه بين يده وانصدم من اللي مكتوب عليها






طلعت من المطبخ ونفسيتها زفت
ناظرت لها لمى : كيفك اللحين
انسدحت على الكنبه وهي تمسك على بطنها: مثل ماتشوفي المغص كل ماله يزيد
لمى: طيب شربتي الينسون اللي سوته ساره
عذاري :ايه شربته وان شاء الله يفيد.. الا تعالي كأني سمعت صوت حسام ينادي عليك
لمى وعينها على التلفزيون: ايه نادى يبغى البندول
عذاري: اها
وفجأءه فزت لما تذكرت ان المفتاح مو معاها
ركضت بسرعه وهي مطنشه نداء لمى واستغرابها من عذاري


فتحت باب الغرفه بسرعه واسرعت لدرج فتحت وبعثرت بالاشياء اللي فيه
: تدوري على ذا
لفت بسرعه بخوف وانبلم لسانها
تقرب منها والعصبيه على ملامحه
: تكلمي انتي تدوري لهالحبوب
نزلت دموعها من الالم اللي تحس فيه ومن غضب حسام
حسام بعصبيه اكبر وصراخ: تدرين وش هي هالحبوب
حركت راسها بـ ايه: استخدمتها لراحتي ما استخدمتها عبث
حسام : ومتى رحتي المستشفى
غطت بيديها على عيونها : من زمان
قبض على يده وهو يتعوذ من ابليس :ومين اللي وداك
زاد بكائها والم بطنها ذابحها
تقرب منها لجل يهديها
عذاري:لاتقرب مني خلك بعيد تكفى
وقف والصدمه واضحه عليه من رجائها له
:عذاري انا
صرخت : لاتقرب مني تكفى خلك بعيد لاتقرب
دخلت بسرعه على صراخ عذاري
ساره: وش فيه ..ركضت لعذاري.. بسم الله عليك علامكم وش صاير
قبض بيده على علبة الحبوب اللي معه وطلع بسرعه وهو يسب بسره
رفعت ساره وجه عذاري : خلاص ياقلبي طلع هدي نفسك وفهميني وش صار معكم
مسحت عيونها بحركه طفوليه : استحيت منه
عقدت ساره جبينها: استحيتي منه؟!!
دنقت عذاري بحياء: وسخت نفسي وما ابيه يشوف
ابتسمت ساره : يلا ماصار الا الخير اللحين قومي للحمام لين ما اجهز لك ملابس تدفيك
قامت بحياء للحمام : ساره خليك بالغرفه ابيك بسالفه
ساره: اوك قلبي خذي راحتك





ربط حزام الامان ولسانه يذكر الله
لف براسه على يوسف :عندك علك
سحب يوسف العلكه من جيب تيشيرته وناوله لنايف بكل هدوء
ابتسم نايف من هدوء يوسف وبروده
دخل العلكه بفمه وغمض عيونه لما حس بقلوع الطائره

بعد دقيقتين تقريبا استقرت الطائره بالجو
فتح عيونه وفتح حزام الامان
طلع جواله بعد ماحطه على وضع الطيران
دور بين الملاحظات على الشي اللي يبيه وسرح بفكره لبعيييييييد






لبس نظارته الشمسيه و نزل من سيارته وبيده ملفين ومجموعه اوراق
رفع يده وناظر لساعته
12:17 الظهر
: الوقت يمشي بسرعه
لمح من بعيد سيارة عادل اخوه
: غريبه عادل في الشركه هالوقت
رن جواله ورد على طول من بعد ماشاف الاسم
: وعليكم السلام امر يبه ..ايه الحمدلله مريت عندها وابشرك هي بخير بس شوي تاعبه نفسها .. ايه ايه انا اللحين دخلت الشركه..ان شاء الله خمس دقايق وانا عندك..في وداعة الله
قفل من ابوه وهو مستغرب نبرة ابوه له حسها جافه شوي
: الله يستر
..
..
..
سلم على السكرتير وطق باب مكتب ابوه ودخل: السلام عليكم
ابوه: وعليكم السلام تعال اجلس
عينه على عادل اللي جالس باريحيه قدام ابوه ويرشف من كاسة الشاهي اللي بيده
جلس مقابل له : سم يبه بغيت مني شي
ابوه: سم الله عدوك بغيتك تروح بكره انت وعادل وتستقبل وفود لندن
طلال بتعقيده : وفود لندن.. مو كأنه بدري كيف بيجون قبل مانوقع الاتفاقيه اللي معهم
ابوه وعينه على عادل : لاتشيل هم هالشي عادل اخوك خلص لنا هالمهمه ووقع كل الاتفاقيات
بصراحه يثنون عليك ياعادل
عادل وهو ينزل كاسة الشاهي: بس انا ماقلت لهم عن اسمي انا رحت نيابه عن ولدك بس
غمض ابو طلال عيونه من تعامل ولده اللي مجننه: لكن انا قايل لهم عن اسمك من قبل ماتروح
وقف عادل : اذا مافي شي ثاني انا بامشي
ابو طلال بقلة حيله: من بكره بتبدا تداوم هنا وبتكون مساعد لي تسمعني
مشى عادل لين الباب وهو مو حيل للمشاكل : ان شاء الله
طلع وعين طلال تتبعه يحس اخوه اليوم مختلف مو مثل باقي الايام
ابو طلال: الله يصبرني على هالولد
ناظر لابوه : يبه ترا خير اعمال عادل اكثر من خيري لاتشد عليه يالغالي




امريـــــــــــكا
10:30 مساءاً


قطعت لها بطيخ وجلست قدام التلفزيون
: انوااااار سوووووسن البرنامج بدا
طلعت انوار من الغرفه وشعرها منكوش وحالتها حاله
جلست وهي تسحب حبه من البطيخ : قسم لو ان ايام دوام كان نمت بس هالراس الحمار عارف ان بكره اجازه
ضحكت بشاير على شكلها اللي تو تلاحظه: الله يخلف علي بس
الناس تفرح بالاجازات وانتي تبين تنامين فيها
انوار : يا اخي بنام مانمت من صباح ربي بكره بيطلع لي سواد تحت عيوني اهــــــئ
طلعت من الحمام .. يعز القارئ.. وهي تدفئ نفسها : اااااااااء برد
بشاير : ايه الشتاء على وشك انه يبدا
اندمجو مع البرنامج اللي يحبوه
وقضوا كل وقتهم على هالحال



...........


دقت لمليون مره واخيرا جاها صوته المرح : حي الله بالمزيونه
مدت شفتها بزعل : ليييييييييييه ماترد علي
خالد بعد صمت : كنت مشغول ياقلبي
عبير: يعني شغلك اهم
خالد: افاااااااااا من قال ان شغلي اهم منك
عبير : قلبي يقول
خالد: خاب ظني بقلبك وانا اللي اقول ماحد يفهمني مثل قلب عبورتي
ابتسمت بتودد: بعدي والله
خالد بابتسامه يخفي وراها الكثير من الالم :هاه شبعتي نوم عند اهلك
عبير بحياء : ههههه ايه شبعت والعيال كل الصباح يسألون عنك
فهم قصدها وهو وده يبكي من اللي بقلبه : الله يخلي لي هالعيال اللي يسألون عني

انتهى حديثهم حينها لكن لم ينتهي ذلك الذي في قلوبهم





تمغطت بكسل من صوت الشغاله اللي ازعجتها
: خلاص خلاص صحيت بلا في هالصوت
شمقت الشغاله ومشت وهي تتحلطم
قامت بكسل وهي ترفع الجوال وتناظر لساعته
فتحت عيونها على وسعها : اوييييييييييلي
ركضت لحمام وهي تدعي ان جدتها ماتوريها الويل




جالسه في الصاله وجاسم يهمز لها رجولها
: ياعيني ياجسوم متى ازوجك وافرح فيك
ابتسم جاسم بابتسامه دعايه : توني صغير يالغاليه
كشرت بملامحها : صغير وشو وانت كبرك كبر البعير قوم بس قوم
تقهقه ابو نايف : الله يهديك يمه تدرين ان مايكرهون الا هالسالفه
الجده هيا: ايه انت عودهم وكرهم في الزيجه اكثر والله يا ان ماتعدلوا وتزوجوا الا اعدلهم انا قال صغير قال قم بس قم
قام جاسم وهو ميت ضحك على تعصيبة جدته وهبهبتها على ابوه : جعلني فداك يالغاليه كنت امزح معك
ناظرت له من طرف عينها :اللحين صرت تمزح
ناظر لها بضحكه: والله كنت امزح انا كنت ناوي اكلمك انتي وابوي
عدلت جلستها وحطت عصاها بجنبها : مناي يايمه تجوني انت واخوك وتقولولي نبي نتزوج
جاسم : وهذاني جيتك وابي اعلمك بالعلوم الزينه تراني عزمت واستخرت ربي انا ابي لمياء بنت عمتي مريم حليلتن لي
التفتوا على صوت الزغروده اللي صجت الكل
ندى وهي تتقرب منه بطريقه تمثيليه : الف الصلاة والسلام عليك ياحبيب الله محمد كلوووووووووووووووش
سلمت على اخوها شرقي : هذي الساعه المباركه مابغيت يا اخوي
ااااااااااااااااااااااااااااااااااااااااااي
لفت بالم على جدتها : يممممممممممه حرام عليك والله يان وركي اعوج من كثر ضربك
الجده: تستاهلين يا ام الهوايل اجل صاجتن البيت لامخليه اخوك يحكي ولاتخلينا نسمع
جلست وهي تمسد مكان الضربه ومنقهره من ضحك ابوها وجاسم عليها
الجده هيا : ايه يابوي ومتى تبيني اخطبها لك
جاسم بربكه : كلميها اليوم وخليها تشاور البنت وبعد مايرجع نايف نروح نخطب
ندى : ليه عسى وين راح نايف
الجده: اسكتي انتي .. وانت ترا نايف بيطول قالي يمكن مايرجع الا بعد شهر
جاسم : ماعليه باستنى لين مايرجع ماني مستعجل يمه
قالت الجده بسرعه قبل لايغير رايه : خلاص مايصير الا اللي تبي
ندى : جاوبوني نايف وين راح
لف عليها ابوها وحس بمدى تعلق ندى بنايف : راح لندن بيكمل اشغال الشركه
سكتت ندى وهي تستودعه ربي بسرها
الجده : عقبال نايف يارب
ندى : نايف متزوج
ناظرت لها الجده وسكتت لانها نسيت تماما سالفة نايف









طلعت من الحمام على دخول لمى للغرفه : سووير
ساره اللي تتصفح المجله : ووجعه كم مره قلت لك لاتناديني سوير
مدت لمى لسانها : اقول انتي وياه يلا الغدا جاهز ..طلعت وخلتهم
ناظرت عذاري لساره : اجل بعد الغدتا ابيك ضروري لان حسام شاف الحبوب وفهم غلط
ساره : يعني شافها توقعت كذا
عذاري والدموع تتجمع بعيونها :والله ماقد استخدمتها رغم ان لها سنتين لكن وربي ماقد ذقتها حتى
ساره: عارفه حياتي بس احنا غلطانين لان ماعلمناه من الاول
عذاري : مابغيت اخوفه ولاني كنت عارفه انه راح يرفض فكرت اني مريضه
تقربت ساره عندها وهي تقرص خدها: كم مره قلت لك انتي مو مريضه كل اللي فيك وهم وصدمه ماتجاوزتيها وبعدين هو وش عطاك غير حبوب منومه ومفعولها بسيط جدا يعني الحمدلله مافيك شي
سكتت عذاري وتفكيرها كله عند حسام









فتح شنطته الصغيره اللي معه وطلع منها الاوراق الاساسيه جلس يقلب فيها لين ماطاحت صورة عــــــــــذاري على فخذه نزل الاوراق من يده ورفع الصوره رجع راسه لورا وعينه ترسم تقاسيم وجهها

رجعت به الذكرى لذاك اليوم


وصل ندى ولما كان بيطلع لمح بنت تمشي كان بيغض بصره بس عرف وقتها انها عذاري لان ملامحها ما اختلفت عن ملامحها يوم شاقها بسوق مع راكان طالت نظراته لها
:سبحان من خلقك
صارت انثى بكل ماتعنيه الكلمه الايام تجري وهو مو حاس بنفسه
كل ماحاول يغض طرفه شيطانه يحرضه على التأمل فتح درج السياره وطلع الكميرا الفوريه منه صور لها صوره سريعه من غير مايحس بنفسه
عقله يرفض هالفكره وقلبه يشجعه لانها باختصار هي ملكـــــــه وحلاله هو وبس هالشي اللي يسويه مو حرام

شافها تقربت من وسط الحديقه لف بالجمس من جهتها وتلثم يبي يشبع من شوفتها
سمع صوتها الهادئ ونغمات الحزن فيه


ياصغر الفرحه في قلبي وياكبر الالم والاه

ترددت الكلمات في اذنه حسها انها توصفها تنهد بألم من حالها وطلع بسرعه وهو متجاهل كل شعور خالجه هاللحظه


غمض عيونه بنعس والصوره مازالت بكفه

....ربي اسعدها ولاتجعلني الم جديد في حياتها....


انتهـــــــــــــــــــــــى
وللبقيه انتظار ,,,,