رواية برائتك يا ابوي انا بطلعها كاملة 2014 , روايات بدون ردود ٢٠١٤

[موكاتشينو]

الـــبـارت السـادس
ببيت أم خالد
وتحديدا بغرفة شجن
انصدمت باللي سحبها ؤعلى طوول فكت نفسها
وكل خليه بجسمها ترجف
ولفت جهة الباب وانصدمت أول ماا شافته سكر الباب ولف يناظرها وماسك بيده المفتاح وظهره للباب ؤعينه بعينها
شجن بخوف : م مـين انتـه ؤبعـدين كـ يف تسمح لنفسك تناظرني وانا مو حلالك
... باستهزاء : أنا طـلال ؤكيف اسمح لنفسي عاد سألي نفسك أول يوم دخلتي بيتنا فتحتي وجهك بكل جراءه بس هذا مو موضوعنا حبيت بس أخبرك بكلمتين فقط ( وهو يأشر بعلامة حبتين ) وحطيها حلق بإذنك
قاطعته شجن ببكى : أطلللللع بررررع لإا أصرخ والم عليك الكللل يإا خسيس
ما حست إلا بالكف اللي على خدها
وبعصبيه : اقسم بالله ورفعتي صوتك علي لأوريك نجوم الليل بعز الظهر بكــره أحصلك طالعه من البيت واذا ما طلعتي والله وهذاني حلفت لتشوفي شئ عمرك مااا تصورتيه
شجن بنفس الصراخ : مو بكيفك سامع موووو بكيفك ويله اطلع بررع
طلال وهو يناظرها من تحت لفوق : نشووف
يا مدام
وفتح الباب وطلع برع الغرفه
وما انتبهه للعيون اللي ناظرته بحقـد
أما شجن من الصدمه لأنه أول مره بحياتها أحد يعطيها كف سكرت الباب بالمفتاح وجلست جنب الباب ( يعني بكره لازم اطلع يا ربي ؤوين أروح أااه يااا يبه الله ينتقم من اللي كان السبب )
كانت دموعها تنزل بغزاره على خدودها
بكت وبكت حتى غلبها النوم ونامت عند الباب

ببيت أبو شهاب
وتحديدا بصاله
دخلوا شهاب وشمس وكانت شمس للحين متعلقه بيد شهاب
بس انصدموا أول ما شافوا أمه وخالته واقفين وجنبهم بدور بلبس الفاصخ على طول شهاب ناظر تحت وبعصبيه : استغفر الله ايش هذا اللي انتتي لأبسته
شمس بقهر وهي فرحانه انه شهاب هزاء بدور : صج ناس ماا تستحي رؤووحي لبسي عبايتك
أم شهاب وهي تأشر بيدها بمعنى شنو ( أتمنى فهمتوا الحركه خخخخ ) : شنوووو شنوووو داخلين حررب أنتوا ؤش هذا الكلام ( وهي تناظر شمس بحقد وتحط يدها على خصرها : ولاا بنت إبليس فرت مخك
شمس وهي تناظر شهاب اللي يناظر الأرض وبقلبها ( هذا انت يا شهاب ماا تغيرت ولاا دافعت عني ) وبصوت فيه عصبيه : بنت إبليس على قولتك محترمه على الأقل وما تتعدى الخطووط الحمراء مثل بعض النااااااااسس
أم بدور وهي وتقرب من بنتها وبهمس : تكفين روحي لبسي عباتك
بدور بنفس الهمس : وشوو يمه لإا تخلين هذي تأثر عليك ؤبعدين ا
قاطعتها أمها بنفس الهمس : روحي يا غبيه خلينا نبداء أول خطه رؤوحي
بدور ضربت برجلها بقوه بالأرض وراحت
أم شهاب بحقد : ليش ماا سلمت على أمـك يإا شهااب
شهاب وهو يقرب من أمه ويسلم على رأسها : السموحه يمه
قربت شمس بتسلم بس قاطعتها أم شهاب وهي تبعدها عنها بقرف
شمس وهي تناظر شهاب وشهاب يناظر لها بنظره حنونه كأنه يقول لها صبري
وسلم على خالته بس شمس جلست وجاء وجلس جنبها
أم بدور بشهقه : هئئئئ أه ياللي ماا تستحين ليش ماا سلمتي على خالت زوجك
شمس أخذت علبة ماي من الطاوله اللي جنبها وفتحتها وشربت عل وعسئ تبرد على النار اللي بقلبها وما ردت
أم بدور صارت تناظرها بحقد وبقلبها والله أوريك يإا شميسووه

ببيت أبو شاهر
وتحديدا بجناح شاهر
كانت مرام جالسه على السرير وتكلم أحلام صديقتها مرام ودموعها على خدها : ب بـ س شاهر ذبحني ذبحني يا أحلام
أحلام : حبيبتي ليش ذبحك ترى هذااا حلااااله بـس انتي أنانيه ومااا تفكرين إلا بنفسك ( وبصوت حنون ) مرام ترى شاهر يموووت فيك ويحبك وصبر عليك كثير بـس انتي اللي مو راضيه تفكين الحديد اللي بينكم
مرام بصدمه : أنا لهذي الدرجه شايفتيني أنانيه وماا أحب إلا نفسي الله يسامحك واذا كارهته هإاه شنو أسوي اذبح لنفسي عشان أحبه
وسكرت مرام على طول الخط من قهرها
مرام بقهر : خسيس يإا شاهر
قطع عليها صوت شاهر : أنا الخسيس
رفعت مرام رأسها ببطئ وانصدمت أول ماا شافت شاهر واقف عند الباب ويناظرها بغموض
سمعت خطواته متجهه صوبها
مرام بتوتر وعيونها بالأرض : ا أب ي أروح ببيت ا هلي
شاهر وهو يحط يده على حنكها ويرفع رأسها بقوه حتى تناظره وبعصبيه مكبوته : أنا خسيس قد كلمتك
مرام وعيونها بعيونه : ....
شاهر وهو يضغط على حنكها : مااااا تررردين
مرام بشهقه لأنها تالمت وبصوت فيه رجفه : هدني
عوورتني
شاهر وانفاسه صارت سريعه من العصبيه : هين يااا مرااام ؤوإلله العظيم لإخليك تبوسين رجولي عشان أطلقك
ودفها على السرير كأنها شئ يقرف منه
وطلع برع الجناح وبرع البيت بكبره
مرام وهي تبكي حطت وجهها على الوساده وبعصبيه أصدرت صرخه : ااااااااااااااااااا هى هى إن اناااا اللي ه هددددمت بيتييي هى هى

بمكان أول مره نروح له
كان طلال جالس معا أصدقائه بالكوفي شوب
وكان يدخن ( يا ويله لو عرف خالد )
مؤمن وهو ينفث الدخان من فمه : إلا ؤوينه إخوك
طلال وهو يسحب من الشيشه : تركته بالبيت نايم
خبرك ما يعرف أني أدخن
سالم وهو يلعب بتلفونه وما كان يدخن : وليش عاد أحسن لك تخبره لأنه اليوم أو بكره راح يدري
طلال انخطف لونه أول ماا فكر أنـه هلال ممكن يدري : شباب تحملووو يعررف تحملووو موو ناقص خالد
مؤمن وهو يغمز له وينفث الدخان : ما راح يدري لإا تخااف
طلال ورجع له لونه : كفووو
وجلسوا يشيشون
ببيت ابو شهاب
وخاصه بغرفة الطعام
كان شهاب جالس بمكان ابوه على رأس الطاوله وعن يمينه شمس وعن يساره امه وخالته وبنت خالته
طول الجلسه كانن تنرفزن شمس بس شمس يا جبل ما يهزك ريح
بدور وهي تاخذ قطعة خيار وتحطها بفمها بدلع : اجول مااذر
ام بدور وهي تناظر بنتها وتغمز لها بمعنى زيدي الدلع : يا عيون ماذر
بدور بدلع ماصخ : شو رأيك ننام هينا
ناظرت شمس على طول وجهه شهاب
شافته يأكل ولا همه
امها بتردد كاذب : والله عاد م انبي نثقل على الناس
ام شهاب وهي تناظر اختها وتحط بفمها قطعة كباب : لاا ثقل ولا حاجه ( وهي تغمز لام بدور ) تراه بيت اختك
بدور بفرح : يسلمووووو خاله خلاص اتفقنا راح ننام
ام بدور : براحتكم
شمس بقلبها ( صدق ان كيدهن عظيم الله يستر منكن بس اذا ما كرهتكن بنومة اليوم ما اكون شمس )
باليوم الثاني
الساعه تسع الصبح
تشوف ظلااام وكانت لابسه فستان ابيض
وتركض والشخص المجهول يركض خلفها ومعاه شاب اول مره تشوفه
شجن وهي تركض :يببببببه
وفجأه تعثرت بحجاره وطاحت واول ما ناظرت خلفها اختفوا الشخص المجهول والشاب ناظرت امامها بخوف شافت ابوها
شجن بشهقه : يبببه يبه انا تعبانه
ابوها ببتسامه حنونه : شجن يا بنتي دامك جالسه كذا بالبيت حاولي تنقذيني طلعي برائتي يا يبه
شجن بقهر ودموعها تنزل : شلووون شلوون اطلع برائتك يبه ايديني مربطه ماا اقدر
ابو شجن ببتسامه وهو يمد لها يده : الا تقدرين انتي بتصادفين مثل هذي الحجاره اللي عثرت لك مشاكل ( وهو يأشر على الحجاره اللي طاحت منها ) وبتحصلين اشخاص يحاولوا يمنعونك مثل هذولا وهو يأشر خلفها ( ناظرت خلفها وشافتهم رجعوا يناظرونها وبينها وبينهم حاجز بالاشجار ) وبتصير حياتك ظلمه مثل هذي الظلمه بس انا متأكد انك راح تكونين قويه اوعديني يا شجن اووعديني قبل يعدموني
شجن مدت يدها ليد ابوها الممدوده وبصوت بانت فيه الرجفه : و و ع د يبه اثبت برائتك
شجن بفزع : يبببه ( وفتحت عيونها بقووه ) يبه ووينك
حصلت نفسها نايمه جنب الباب وناظرت الدريشه اللي قدامها شافت نور الصبح
على طول تذكرت طلال وتهديده بس سرعان ما تلاشى اول ما تذكرت الحلم
ونزلت دموعها : يبه اهى ( وتذكرت كلام ابوها بالحلم انا متأكد انك راح تكونين قويه اوعديني يا شجن اووعديني قبل يعدموني )
على طول مسحت دموعها ووقفت على رجولها عشان تبين لنفسها انها قويه
: برائتك يا ابوي انا بطلعها وهذاا وعد
ودخلت الحمام تأخذ شاور
لهنااااا اتوووقف وبجد اتمنى عجبكم البارت
حاولت اطوله وان شاء الله نال اعجابكم
لاا تحرمووني من ردودكم وتوقعااتكم اللي تشجعني اكتب اكثر واكثر
وودي للجميع

[موكاتشينو]

ســـلإام
آتـــمنى تعـــذرووني علـئ آلتـأخير
والله صار لي تقريبا ساعتين وانا بضبط
الجهاز معي وبصعوبه حـتى وصلكم البارت
بدز لكم البارت وبروح أنام ؤوربـي تعبت
بتمنى ماا تخيبون ضني بالردود عشان أعرف إن تعبي مـا راح بلاش
قــــــرأه ممــــــتـــــعه
.
.
.
.
.

البارت السابع
باليوم الثاني
الساعه تسع الصبح
تشوف ظلااام وكانت لابسه فستان ابيض
وتركض والشخص المجهول يركض خلفها ومعاه شاب اول مره تشوفه
شجن وهي تركض :يببببببه
وفجأه تعثرت بحجاره وطاحت واول ما ناظرت خلفها اختفوا الشخص المجهول والشاب ناظرت امامها بخوف شافت ابوها
شجن بشهقه : يبببه يبه
ابوها ببتسامه حنونه : شجن يا بنتي دامك جالسه كذا بالبيت حاولي تنقذيني طلعي برائتي يا يبه
شجن بقهر ودموعها تنزل : شلووون شلوون اطلع برائتك يبه ايديني مربطه ماا اقدر
ابو شجن ببتسامه وهو يمد لها يده : الا تقدرين انتي بتصادفين مثل هذي الحجاره اللي عثرت لك مشاكل ( وهو يأشر على الحجاره اللي طاحت منها ) وبتحصلين اشخاص يحاولوا يمنعونك مثل هذولا وهو يأشر خلفها ( ناظرت خلفها وشافتهم رجعوا يناظرونها وبينها وبينهم حاجز بالاشجار ) وبتصير حياتك ظلمه مثل هذي الظلمه بس انا متأكد انك راح تكونين قويه اوعديني يا شجن اووعديني قبل يعدموني
شجن مدت يدها ليد ابوها الممدوده وبصوت بانت فيه الرجفه : و و ع د يبه اثبت برائتك
شجن بفزع : يبببه ( وفتحت عيونها بقووه ) يبه ووينك
حصلت نفسها نايمه جنب الباب وناظرت الدريشه اللي قدامها شافت نور الصبح
على طول تذكرت طلال وتهديده بس سرعان ما تلاشى اول ما تذكرت الحلم
ونزلت دموعها : يبه اهى ( وتذكرت كلام ابوها بالحلم انا متأكد انك راح تكونين قويه اوعديني يا شجن اووعديني قبل يعدموني )
على طول مسحت دموعها ووقفت على رجولها عشان تبين لنفسها انها قويه
: برائتك يا ابوي انا بطلعها وهذاا وعد
ودخلت الحمام تأخذ شاور

((ببيت ابو شاهر ))
بنفس الوقت الساعه تسع الصبح
كانت مرام نايمه بالعرض على السرير
دخل شاهر وقرب من السرير وهو يناظرها ( ولا همها نايمه ومرتاحه وانا نمت بالكنبه اللي كسرت ظهري بس والله العظيم لاربيك يا مرام )
شاهر بصوت شوي عالي : مررراااام
مرام ......
شاهر بصوت اعلى : مراااامووووه يااا تبن
( وهو يهزها من كتفها ) قووومي لاعطيك كف من هالصبح
فتحت عيونها وناظرته ولسى فيها النوم : نعمم خير وش تبي
شاهر : يا سلام اصغر عيالك انا تكلميني بهذي الطريقه ( وبعصبيه ) قووومي يله سوي لي فطور
مرام توها تصحصح : انااا اسوي لك فطور ينيت انت
شاهر وهو يكتف ايدينه : ايه انتي يله قومي اقسم بالله بدخل اخذ شور واذا حصلتك مو مسويه فطور لا تلومين الا نفسك
وفسخ دشداشته وغترته ورماهم بوجهها
: وهذولا اغسليهم
مرام بصدمه : اغسللللهممم صاااحي
شاهر وهو بيدخل الحمام وفيه الضحكه على شكلها : ايه صاحي ولا تسوين من اللي قلت لك عليه وحتشوفين
مرام وهي توقف وبقهر : بسس بس ماا اعررف
شاهر وهو يفتح باب الحمام : عاد سألي سنتيا وهي بتخبرك
وسكر الباب بوجهها
مرام وهي تحط يدينها على راسها : وبعد اسأل الخدامه لاا بالله مطلعني من مكتب الخدم ( وهي تناظر الملابس ) اوووووف
وراحت للمطبخ وهي تتحلطم
ببيت ابو شهاب
وتحديدا بالمطبخ
كانت شمس تفتح علبة عصير مانجو وتحضر بصينيه عدة اطباق لشهاب
كانت لابسه جلابيه طويله سوداء وعليها شيفون اسود وكان كم اليد لونه ذهبي
وحزام على الخصر باللون الذهبي وحاطه كحل بالحركه الفرنسيه وروج احمر ومسكارا وبلاشر فوشي
وطالعه نااعمه ووحلووه
شمس وهي تغني : تعرف شو يعني حبيبي يعني انته نصيبي فرحت عم
وقطع كلماتها صوت تكرهه مررره
: يويويويويو ومين قال انه نصيبك يا ماما تهني فيه الحين بس بعد شهر بضبطط
راح تكونين ملقبه بأسم مطلقه
لفت لها شمس عشان ترد عليها بس انصدمت وبشهقه : هئئئئ ماا تستحين على نفسك تلبسين كذاا صدق المثل اللي قال ان لم تستحي فأفعل ما شئت
بدور كانت لابسه قميص ينربط على الرقبه لونه فوشي والظهر طالع ولابسه شورت لفوق الركبه جينز وحاطه اي شدو فوشي وروج فوشي ولابسه عدسات رصاصيه
طالعه حلووه مره
بدور وهي تطالع شكل شمس وما تنكر انها انقهرت وحاطه يدها على خصرها : مووتي حرره على جمالي وحلاتي يا جيكره
وقربت من الصينيه اللي بدور عامله فيها الاكل واخذت العصير وراحت بس قبل تطلع
شمس بقهر : آاآه ياللي ماا تستحين
وركضت حتى وقفت قدامها واخذت العصير
: اظن ان من الاصول ما تعملين كذا يا حقيره بس ما اوسخ ايديني فيك شبعي فيه
وكتت العصير بوجهه بدور ووخرتها من طريقها وراحت غرفتها وهي تسمع صراخ بدور
بدور وهي ماسكه عيونها وبصراخ : يمه يمممممه يمممه هين يااا كلبه وووالله اراويك يااااا يمممممممه عيوووني ااااه
ام بدور وام شهاب
كانن جالسات بصاله
وتشربن شاهي حتى شهاب وشمس ينزلون ويتريقون معا بعض طبعا أم بدور ما عجبها الوضع بس سكتت عشان أختها
ام شهاب وهي تحط كوب الشاهي بطاوله اللي قدامها وباستغراب : مو كأن صوت بدور
ام بدور وهي توقف وبخوف على بنتها : الااا بنتي
وركضن للمطبخ لان الصوت صادر منه
ببيت ابو خالد
وتحديدا بغرفة شجن
كانت لابسه عباتها وجاهزه
نزلت تحت وهي حاطه جزء من الشيله على وجهها
واول ما وصلت الصاله شافت من تحت الغطوه الكل مجتمع
شجن بصوت هادئ : السلام عليكم
الكل : وعليكم السلام
ام خالد باستغراب : شجن على وين رايحه
شجن بتوتر من نظرة طلال وكأنه يشوف وجهها : ب بروح بيتنا يا خاله
خالد برجوله وهو يوقف : لا يا شجن انتي مهما كان بتظلين بنت وشلون بتروحين بيتكم ولا تنسين اللي كان يحاول يخطفك يمكن يقدر يخطفك هذي المره من دون علمنا
شجن برجفه اول ما خطر ببالها انها ممكن تنخطف وتذكرت تهديد طلال وتذكرت الحلم
: ما م ا بي اج لس بروح ب بيتنا
خالد بهدوء : احد مضايقك من بيتنا
طلال على طول فتح عيونه وناظر شجن وكانه عارف انها تناظره غمز لها
شجن بخوف : ل لا ا انا استأذن
أم خالد على طول وقفت وبشمؤخ : انتي ما تطلعين صرتي وحده مننا وفينا ولا تنسين تراك بنت
شجن وهي متوجهه للباب تخاف تغصبها
أم خالد تجلس : بروح ما ا اقدر
وعلى طول طلعت برع البيت
حـتى دون ماا تسمع ردهم
راحت لشارع وهي بتموت من الخوف والوحده وقفت تاكسي وقالت له يروح لشرطه

ببيت ابو شهاب
وتحديدا بجناح شهاب وشمس
دخلت شمس الجناح وصفقت بالباب بقوه
كان شهاب توه طالع من الحمام
شهاب بأستغراب : حبيبتي ايش فيك كأنك داخله بحرب
شمس بعصبيه : اسأل الحقيره بنت خالتك
وجلست على السرير وموجهه لشهاب ظهرها
شهاب وهو ينشف شعره قدام التسريحه
: اففف وش سوت لك بعد
شمس وهي توقف من القهر وتناظر شهاب : ياااا بروودة اعصاابك يإاخي شهااب انا ما عدت اتحمل هالعيشه وعدتني ما تخليهم يعيدون حركاتهم السخيفه بس انا اشووف العكس الا حركاتهم ما تغيرت الا كثرت
شهاب وهو يلتف لها : بالله عليك ايش اسوي
شمس لهنا وفقدت اعصابها : لااا تنرفزززني
اليوووم تطلعني ببيت ابرووحي ومالي جلسه فهالبيت يااخي ارحمني ارحمني الله يرحم والديك ترى هذي مووو عيشه
شهاب بعصبيه : لاا ترفعين صووتك علي مفهوم تراني مو اصغر عيالك بتجلسين هنا وما راح نطلع من هذا البيت
فااااهمه
شمس نزلت دموع قهر وذل : الله اكبر عليك يااا شهااب الله اكبر
وركضت وسكرت على نفسها بالحمام
شهاب قرب من الحمام وبعصبيه : شمسسس فتحي الباب
شمس من الداخل بصراخ : اتررركني برووحي اتركنني
شهاب بعصبيه وهو يطق الباب : فتتتتحي ولااا كسرته على رأسك
شمس وهي تصرخ : روووح عني يااخي حراام عليك روووح
قرر شهاب ينزل تحت عشان تهدئ ويفهم السالفه
بنفس البيت بس بالصاله
كانت بدور تتصنع البكاء
وشكلهااا يخررررع الكحل والماسكارا عاملين عمايلهم بوجهها ولا خريطة العالم
وعيونها منتفخه من العدسات
بدور : الحقيررره شكلها غيرانه من شكلي ( وهي ترمي علبة العدسات على الطاوله اللي قدامها وتناظر أم شهاب بنظرات ناريه)
وين اللي تقول وعد ما تقرب صوبك هإاه خالتي ردي علي
ام شهاب بحزن على شكل بنت اختها وبفشيله من عملة شمس : ما عليه يا بنتي حسابها عندي
ام بدور لقتها فرصه : اي حسابها عندي
حبيبتي بدور قومي اخذي اغراضك شكلنا بهالبيت غير مرحب فينا
( وقفت وقامت معاها بدور وهي فاهمه امها ) حاضر يمه
ام شهاب بصدمه : وش هالكلام يا ام بدور
تراك اختي والظفر عمره ما يطلع من اللحم
ام بدور وهي تتصل بالسايق : الو عبدالسلام .... تعال بيت مدام ام شهاب بسررعه .... اقول لك بسرعه
وسكرت بوجهه وراحت غرفة الضيوف تأخذ عباتها
صادفت شهاب عند الدرج
شهاب وهو نازل من الدرج : خالتي ايش فيكم
ام بدور وهي توخره من طريقها : وووخرر
شهاب يكلم نفسه ( هااه ايش فيهم كبريتات خلني اشوف امي بس الله يستر لا تكون مثلهم )
ام شهاب وهي مو منتبهه على شهاب اللي داخل الصاله كانت جالسه وحاطه أيدينها على رأسها : الله يأخذك يا شميسووه فشلتيني الله يفشلك
شهاب : ايش سوت

عند شجن
توه وقف التاكسي
شجن بتوتر : لو سمحت لا تمشي ما راح اتأخر داخل
راعي التكسي : حاضر يا ست
نزلت وهي كلها ترجف
دخلت مركز الشرطه وهي متوجهه لمكتب
الضابط

ببيت ابو خالد
بصاله
كانت ام خالد رايحه راده ومره متوتره
خالد بهدوء : يمه ايش فيك البنت مستحيل ترجع اهدي
ام خالد وهي تجلس مقابلة خالد وتضرب كفينها بفخوذها
: وشلون اهدئ البنت اذا صار فيها شئ راح يكون بسببنا احنا ما حافظنا على الأمانه شوفت عينك طلعت حتى بدون ما تسمع شوري
خالد بقهر : كيف بسببنا يمه ترى ما طردنيها اهي من نفسها راحت
ام خالد وهي تفكر جلست على الكرسي ( ما في غير هذا الحل لازم اكلم خالد )
خالد : يمه بأيش تفكرين
ام خالد بصوت هادئ : تعال غرفتي ابيك بموضوع
خالد بأستغراب : موضوع
ام خالد وهي توقف : ايه موضوع يله تعال
وقف خالد وراح معا امه
هلال وهو يكفخ طلال برأسه وبقهر : تفكرني ما ادري بسالفة البنت ليش طلعت
طلال وبيموت من الفضول ليش امه نادت خالد : وش لنا فيها بنت ابليس
هلال بحقد: ليش طردت البنت صحيح أبوها قتل أبوي بس مهما صار تراها بريئه ومالها يد بسالفة قتل أبوي
طلال على طول ناظر اخوه وبتوتر : وانا ا ايش ددر اني
هلال بهدوء : ادري فيك متهور طلال خبرني ليش طردتها ولا تقول ماا كلمتها لان ابتسامتك ما تخفي علي وشفتك امس وانته طالع من عندها
طلال بتوتر : مالك شغل
وقام وراح غرفتهم المشتركه
تنهد هلال واخذ الريموت وجلس يقلب بالقنوات
انتهى البارت السابع ومااا حد يقوول قصيرر
تعبت وانا اكتبه
لاا تنسووون التشجيع والردود الحلوه والتوقعات
ابتدت معركـه بين شاهر ومرام يا ترى ميـن راح يطلع منها ربحان ؟؟
شجن هل صحيح راح تقدر تثبت برائت أبوها ؟؟
أم بدور بدور أم شهاب ايش نهاية مخططاتهم وهل راح تنجح ؟؟
المجهول اللي حاول يختطف شجن هل هذي المره راح يقدر يختطفها ؟؟
أيـش هو الموضوع اللي نادت أم خالد خالد عشانه ؟؟

[موكاتشينو]

البارت .... الثاامن
بمركز الشرطه
وتحديدا بمكتب الظابط ( هاشم )
كانت شجن جالسه قدام المكتب وتتكلم معا الضابط وعامله بغطوتها نقاب
شجن بقهر : كيف يا حضرت الضابط انتو جالسين تظلمون ابوي كم مره وانا اعيد وازيد بهذا الكلام
الضابط هشام : عندك ادله تثبت برائت المتهم
شجن وهي تنزل عيونها بالأرض : لا ما عندي بس من المفروض ( وهي ترفع عيونها وتناظره ) تتابعون القضيه وتطلعون ادله تثبت برائته حتى لو من تحت الأرض ولا يرضيك ترمي انسان بالسجن و تأخذه للقصاص وهو بريئ بريئ ماا له اي ذنب ( ونزلت دموعها بألم وبصوت فيه رجفه )
تراكم راح تحاسبون على ظلمكم لأبوي
وهذا الشئ ما يرضي الله
الضابط هشام بهدوء : والنعم بالله يا أخت شجن وش تبينا نعمل اذا كل الأدله ضد ابوك وقلت لك روحي بيت المرحوم وحاولي فيهم يتنازلون عن القضيه
شجن وهي توقف : الكلاام معاكم يجيب المرض بس الله على الظالم
وطلعت من المكتب
الضابط وهو يناظر الباب : لا حول ولا قوة الا بالله العلي العظيم
ورجع يناظر الاوراق اللي على مكتبه
شجن وهي تركب التاكسي
وتبكي : حرك
وجلست تدليه على بيتهم

ببيت ابو شاهر
وتحديدا بصالة جناح شاهر § مرام
كانت مرام مرره فرحانه كأنها سوت انجاز
قرب منها شاهر وهو لابس روب الحمام لونه ازرق غامق وشعره يقطر منهن ماي وطالع شكله خيال
قرب حتى وقف امام الطاوله اللي عليها الفطور وبأستغراب : شنوو هذا
مرام بفخر وهي جالسه على الكنبه : عمى ما تشوف ( وهي تنفخ صدرها ) هذا الله يسلمك بيض مقلي بطماطم
شاهر وهو يناظرها : مين خبرك عن هذي الطبخه
مرام بقهر : ليييش طايحه من عينك
شاهر وهو يجر الحكي منها : لا حشى بس ابي اعرف
مرام ورجعت نفخت صدرها : ولا احد بس دووم كنت اسمع شمس اختي لما تكون جوعانه تقول بروح اسوي بيض مقلي بالطماطم
شاهر وهو كاتم ضحكته : كيف عرفتي المكونات
مرام : عاد جبتها من عندي بس ضبطت معي
شاهر بنفسه ( اوريك طباخه فاشله ) : اممم
وقرب من الطاوله واخذ قطعة توست وغمسها بالبيض وقربها من فم مرام
شاهر بخبث : ذوقي طباخ ايدك
مرام ببرأه : ذوقها انته
شاهر بخبث ويده عند فم مرام : يله فتحي فمك ابيك انتي تذوقينها قبلي
مرام ببرأه فتحت فمها واول ما حطها بفمها
: اااااااااااااا ( ومدت يدها واخذت الكلينكس من الطاوله اللي قدامها وطلعتها على طول )
مرام : يمه شو هذا بيض ولا ماي
شاهر يالله يالله ماسك نفسه لا يضحك عليها : وش فيك
مرام ببرأه وهي شوي وتبكي : شكلي عملت زياده بالماي
شاهر بصدمه : ماااي لعنبو ابليسك انتي وشو مسويه
مرام وهي تناظره وتعد بأصابعها : ماي وبيضتين وملعقه ونص ملح وشوي زيت
لهنا وبس انفجر ضحك عليها
شاهر : ههههههههههههههههههههه
مرام بدلع طبيعي : لا تضحك
بس شاهر من كل قلبه يضحك
مرام وهي توقف وتضرب رجلها بالأرض : يووووه احسن لي اروح اخذ شاور
وراحت اول ما غابت عن عينه مسك نفسه ( وانا وش اللي ذبحني وعلقني فيك غير برائتك ) وتذكر اول ما حط التوست بفمها
ورجع يضحك

ببيت ابو شهاب
وتحديدا بصاله بعد ما طلعت بدور وامها لبيتهم
شهاب بهدوء وهو يناظر امه : هذي كل السالفه
ام شهاب وهي تزيد بالبهارات : ايه وجات لعندنا انا وخالتك هنا وقالت روحوا علموا بنتكم الاصول وتعلموا انتم معاها الاحترام
شهاب وهي يشد على شعره لوراء لأنه
ما صدق الكلام ولازم يحترم امه : طيب بتفاهم معا شمس استأذن
وقام وطلع لغرفته
ام شهاب وهي توقف وتحط يدها على خصرها : هين يا شميسوه اذا ما طلعتك من هذا البيت ما اكون انا بنت ابوي

بالشاليه
كان يمشي عند البحر وجنبه صديق عمره
...... بقهر : يعني لمتى على هذا الحال حرام عليك اعترف لناس انك انته القاتل الحقيقي
..... وهو ينفث من فمه دخان السيجاره
ويناظر صديقه بغموض : انت ما تفهم كم مره اعيد وازيد لاا تتدخل بحياتي يا عبد الرحمن
عبد الرحمن وهو يوقف عن المشي ويناظر بوجهه صديقه المجرم : حرام عليك وش بتستفيد هاه قول لي وش بتستفيد
.... وعيونه يتطاير منهن الشرر : لاا تتدخل بحياتي ولا نسيت يوم تقدمت لبنته وطردني مثل الكللب ولاا احترمني وانا وش مسوي له هااه ( وهو يرمي السيجاره بالأرض و يمسك قميص عبد الرحمن
من ياقته )
خبرررررني وش اسووي
( وخره عنه وعطاه ظهره ) انا حبيتها من كل قلبي بس متى ترجع بيتهم متى
( وبهمس ) هين يا شجن إذا ما تركت أبوك ينزل رأسه أكثر واكثر وأدوووس برأسه بالأررررض
ماا اطلع اناا ....

بالسجن
كان ابو شجن جالس جنب الباب على فراشه وجنبه ابو يزن
ابو يزن : الا متى راح تكون محكمتك
ابو شجن وهو يرفع عيونه عن الارض ويناظر ابو يزن بأنكسار : ما دري وانا اخوك للحين ما عطوني خبر ما ادري ليش
ابو يزن وهو يتنهد : ان شاء الله خير
ابو شجن وهو يحط يده على رأسه : خاطري بس اتطمن على شجن ما ادري ايش تسوي بدوني ولا مره جاتني زياره
ابو يزن وهو يتكلم بهدوء وعيونه بالأرض : ان شاء الله ما عليها زود ومن كلامك انها عن سبعة رجال لا تخاف عليها وانا اخوك
ابو شجن وهو يرفع ايدينه لسماء : يا رب الله يسمع منك وتكون بخير

نهاية البارت الثامن اتمنى نال اعجابكم
ولا تنسوووني بردودكم الحلووه
وتوقعاتكم

[موكاتشينو]

ســـلإام
قــــــرأه ممــــــتـــــعه
.
.
.
.
.

البـــــــــــــــــــارت
الــــــتــــــاســـــع ^^
ببيت ام خالد
وتحديدا بغرفة ام خالد
خالد وهو يوقف ويعطي امه ظهره وبعصبيه : مااني متزوجها يعني ماني متزوجها
ام خالد وهي توقف وبعصبيه اكبر : الا يا خالد راح تتزوجها وغصبن عليك بعد
خالد وهو يلف لأمه وصدره يرتفع وينزل من العصبيه والقهر : يمه ايش هذا الكلام عااارفه انتي هذي بنت من تكون
ام خالد بنفس العصبيه : ايه ادري بنت قاتل ابوك بس مهما يكون الظفر عمره ما يطلع من اللحم
خالد وهو يحاول يفهم امه : يمه افهميني افهميني ترى طيبتك الزايده راح تودينا بستين داهيه
ام خالد وهي تأشر بيدها : انتهى الكلام يا خالد وراح تتزوج شجن غصبن عنك انت ما بقلبك رحمه ماا تعرف الرحمه البنت بروحها ببيت اشكبره وجات لعندنا عشان تحتمي فينا هذي سواه تسوونها انته واخوانك المفروض انته الكبير تجئ لعندي وتقول ابي استر عليها يا يمه ما تشوفها تطلع ولا تتكلم
خالد بقهر امه راح تطلع له قرون بطيبتها : يمه حرام عليك شاايفتني بنت تغصبيني على الزواج
ام خالد وهي تنهي النقاش : انا بكره راح اخطبها واول ما توافق شجن نملك عليكم وتجئ بهدومها وتجلس هنا لا زواج ولا طقطقه
خالد بقهر طلع وصفق الباب
ام خالد اول ما طلع خالد : سامحني يا وليدي بس مهما كان شجن ما لها ذنب باللي سواه ابوها

ببيت ابو اسماعيل
وتحديدا بالمرجيحه الموجوده بالحديقه
كانت لارا تلعب بالأي باد
اما عنود كانت سرحانه وتفكر بأخوها اسماعيل ( من يوم ما ابوي طرده ما قد شفناه اوف وش فيني اوجع رأسي فيه )
عنود تكلم لارا : تصدقين ساعات احس اني اكره اسماعيل واتمنى ربي يبلاه بزوجه يكره الدنيا عليها
لارا وهي مركزه بالأي باد : شعور متبادل
بس مهما يصير بيظل اخونا لا تنسين هذا الشئ
عنود وهي تلف بوجهها للارا : خير قالوا لك غبيه عشان انسى
لارا وهي تتنهد : يووه عنود سكتي عني واللي يرحم والديك
عنود سكتت ورجعت تفكر بأخوها

عند شجن
دخلت البيت بخوف وهي كل خليه بجسمها ترجف فتحت الباب وحصلته مفتوح من يوم هربت ما قد دخلته
شجن برعب : يمممه خايفه يارب كن معي
دخلت الصاله وحست بالأمان لانها ما شافت احد
راحت متجهه لدرج وما انتبهت لشخص اللي دخل البيت لأنه كان جاي صدفه وشافها اول ما دخلت البيت
وصلت الدور الثاني وشافت باب غرفتها مفتوح وما ينسمع بالبيت همس الا صوت خطواتها
اما الشخص كان يمشي على الدرج بخفه
لدرجه ما حست فيه ناظرها وهي تتوجه لغرفتها ودخلت بحذر
شجن تنفست براحه : الحمدلله البيت آمن
الشخص المجهول دخل الغرفه وعلى طول سكر بالمفتاح شجن على طول دارت للباب لانها سمعت الخطوات وصوت المفتاح
شجن بخوف لزقت بطوفه والدموع بعينها وكانت للحين عامله بغطوتها نقاب :
ميين انتتتتته وايش تبي مني
الشخص وهو يقرب منها : لا تخافين انا جاي عشان احذرك من ناس بلا ضمير
شجن اول ما سمعت كلامه حست بشوي راحه وبصوت بان فيه الخوف : ما فهمت انت وش جالس تقول
الشخص وهو يعطيها ظهره : انا افهمك

ببيت ام شهاب
وتحديدا بجناح شهاب وشمس
كانت شمس جالسه على طرف السرير من اليمين وشهاب جالس على طرف السرير من الجانب الثاني
شهاب : وبعدين معاك يا شمس
شمس : ........
شهاب وهو يلف لها : حبيبتي خلاص كفايه
صد جاوبيني وشو تبيني اسوي
شمس بقهر : ما ابي اسكن هنا طلعني بشقه بروحي
شهاب : لا تنسين انا وحيد امي كيف تبيني اطلع وابوي بعد يومين راح يرجع من السفر راح يزعل علي اذا حصلني طالع
شمس وهي تلف له وبقهر : لا والله تراني مو ملزومه اتحمل هذي المعيشه
تحملت بما فيه الكفايه
شهاب وهو يوقف : الا ملزومه ترى هذولا اهلي تعرفين وشو يعني اهلي
شمس وهي توقف : اعرف ما يحتاج تذكرني بس انته شايف تصرفات امك ولا تجلس تتعذر صار لنا سنتين ونص متزوجين وانا متحمله ( وبنرفزه لان طاقتها نفذت )دامك ما راح تقدر توقف بوجهم ليشش رفضت تطلقني وتركتني معلقه
شهاب وهو يأخذ شماغه ويتوجه للباب : انتي الحين معصبه لما تهدين يصير خير
وطلع وترك شمس فاتحه عيونها على الاخر : هين يا شهاب والله ما اسكت لك

ببيت اول مره نزوره
ببيت شعبي
كان جاي يزور اخته
وجالسين بصاله
خوله وهي تناظر اخوها وتبتسم على حنانه : متى تتزوج واشوف ذريتك يا اخوي
عماد وهو يبوس ولد اخته مبارك :
ههههههههه بدري على ايش مستعجله
خوله وهي تتكلم معاه بحنان : حبيبي الوقت يمشي وشوف نفسك عمرك 25
واذا على الشغل اشتغل معا ابو مبارك بالشركه
عماد وهو يبتسم لأخته : لاحق على الهم
يصير خير بعد سنتين او ثلاث سنين
خوله بشهقه : من جدك انت
عماد وهو يطبع بوسه على خد مبارك : ايه
( وحب يتهرب كالعاده ) انا استأذن مواعد الشباب بالدوانيه
فطست خوله ضحك : ههههههههه اهرب مثل كل مره
عماد وهو يوقف : ههههههه وش اسوي اذيتيني بسالفة الزواج
( وهو يمسح على راس مبارك ) عن اذنك بروك حبيبي روح لماما
خوله وهي تأخذ ولدها اللي عمره اربع سنين : اذنك معك الله يحفظك

ببيت ابو شجن
وتحديدا بغرفتها
اصدرت شهقه قويه من الكلام اللي سمعته
: تمززح انت ص صح
....: لا ما امزح هذي الحقيقه ابوك تراه بريئ وما له يد بسالفه
شجن وهي تبكي اكثر : كنت متأكده انه ابوي بريئ كنت متأكده اهئ اهئ انا خايفه ع عل ى ابووي اخاف يموت مقهور او يذبحونه بالقصاص
وركضت حتى جلست قدام رجول .... : ابوووس ارجولك س ساعدن ي تكفى تكفى
......: ما راح يكون بصالحك الحين لأن كل شئ ضد ابوك
قاطعته شجن بشوية امل : ب بس انته اذا اعترفت بكل شئ راح يعفون عنه ابووس ارجولك اخ اا
.... : عبدالرحمن اسمي المهم راح يظنون انه انتي متفقه معاي وراح تنقلب الأيه صدقيني
واوعدك راح اساعدك وبعد راح احاول اجيب ادله من القاتل نفسه
وقفت شجن وبدموع وببتسامه خفيفه من تحت النقاب : مشكوور مشكوور والله لو شكرتك من الحين لبعد مليون سنه ما اوفيك حقك
عبدالرحمن ببتسامه : العفو ما سويت شئ انا بس مصدوم من رفيق عمري لأنه قلبه طيب وفجأه انقلب ( تنهد بأسف على حال صديقه ) انا استأذن ( وطلع من جيبه كرت ) هذا الكرت فيه كل ارقامي اذا احتجتي شئ لا يردك الا لسانك
اخذت الكرت برجفه وتابعته حتى طلع برع الغرفه وبرع البيت بكبره
جلست على سريرها : ان شاء الله اقدر اساعدك يا الغالي يا نور عيوني
ومدت يدها لتلفونها اللي على الكومدينيه وحصلته مسكر من البطاريه
: انا لازم احطه بشاحن واتصل على خالتي ام خالد اطمنها عني
وطلعت الورقه المكتوب فيها رقم بيت ام خالد من جيب الجلابيه اللي لابستها

ببيت ابو شاهر
وتحديدا بجناح شاهر
كانت مرام جالسه على السرير وحاطه يدها على خدها بملل : اووووف زهقت
احسن لي اتصل على شميسوه اتطمن عليها
مدت يدها واخذت تلفونها بلاك بيري بولد
المرمي جنبها وضغطت بأناملها الناعمه على الاسماء حتى وصلت رقم شموسه
....
....
وبعدها بشوي ردت
مرام : اهلين شموس
شمس وهي تحاول تتمالك اعصابها من الحره اللي ما بردت بقلبها : هلا مرام كيفك حبيبتي
مرام ببتسامه : تمام الحمدلله انتي كيفك وكيف شهاب معاك
شمس بعصبيه : ماا ني بخيرررر دام امه بعدها بحياتي من وين بيجيني الخيرررر هااااه
مرام بأستغراب وهي تبعد السماعه عن اذنها ورجعتها : حشى حشى بالعه راديو انتي ايييش فيك شابه نار
شمس بتنهيده : بخبرك بكل السالفه
مرام ببتسامه معا شويت استغراب : كلي اذان صاغيه

ببيت ام خالد
بصاله
كانت ام خالد تفكر بشجن وخالد
( يا ترى كيف بتكون حياتهم معا بعض اه ي ...) قطع عليها رنين التلفون اللي جنبها
رفعته : الو
.....: السلام عليكم
ام خالد بأستغراب وكأنها مشبهه بالصوت
: وعليكم السلام شجن
شجن ببتسامه وهي واقفه ببلكونة غرفتها
وشعرها يتطاير معا نسمة الهواء البارده
: ايه يا خالتي شخبارك
ام خالد بفرحه : بخير دام اني سمعت صوتك
شجن ببتسامه : عساك دوم بخير يارب
ام خالد : انتي طمنيني عنك يا يمه فديتك
شجن وهي تغمض عيونها اشتاقت لابوها ما حد يسألها عن حالها الا ابوها : الحمدلله بخير
ام خالد وكأنها تذكرت : شجن يا بنتي ابيك بموضوع مهم
شجن بأستغراب : موضوع ( وعلى طول تداركت نفسها ) ا اقصد
قاطعتها ام خالد : يا بنتي اذا فاضيه بكره اجيك البيت واكلمك فيه
شجن بأستغراب شديد : افضى عشانك يا الغاليه وبيتنا مفتوح لك في اي وقت
ام خالد : ربي يحفظك يا بنتي انا استأذن بروح اسوي لخالد عشاء
شجن برجفه ما تدري ليش حست بربكه اول ما سمعت اسمه : ب بح فظ الرحم ن
واول ما سكرت حطت شجن يدها على قلبها : يااا ربي وشو فيني

عند مرام
مرام وهي تهز راسها بأسف على حال اختها : شمووس حبيبتي انتي لازم تتحملين
وتعملين اي شئ لساعدة زوجك لأنك تحبينه مو مثلي ( امتلت عيونها بدموع )
شمس بصدمه وعيونها مغطيه بدموع : تبين تثبتين لي انك للحين كارهه شاهر
مرام وهي تغير سالفه : اممم شمس انا مضطره اسكر
وعلى طول سكرت حتى بدون ما تسمع ردها ورمت نفسها على السرير وبكت بصوت عالي عل وعسئ تخف النار اللي شاعله بقلبها
اما عند شمس استغربت بس سكتت ومسحت دموعها وقامت تأخذ شاور تهدي اعصابها
باليووم الثاني ولاا اقول نترك احداث اليوم الثاني للبارت العاشر ...... اتمنى ما زعلتووا
لاا تنسوني بتوقعاتكم وردودكم اللي تسعدني وتشجعني للكتابه
وودي لكم

[موكاتشينو]

الـــــبارت الـــعاشــــر

بســـم لله نـــبداء


اليوم الثاني
الساعه سبع ونص مساء
ببيت ابو شجن
كانت واقفه بصاله وتبخر البيت وكل تفكيرها ايش هو الموضوع اللي جايه عشانه ام خالد
وبعدها بثواني سمعت جرس البيت

ببيت اول مره نزوره
كان ماسك شعرها ويضربها
درئ ببكى والدم طالع من فمها وخشمها
: والله مالي ذنب انا ما عملت لك شئ
رجعني بيت جدي رجعني
..... وهو يتكلم بعصبيه : ماني مرجعك
وبتتكلمين هذا اللي ببطنك ولد ميييين هاااه رردي علي
درئ بقهر وهي تصرخ : وووولدك انته ماا عندك احساس لمتى راح تظل شاك فيني
لمتى ( رمت نفسها على الارض ويده لساتها على شعرها ) ارحمننني هذي جزاتي اني تزوجتك واصريت على جدي وجدتي يوافقون انهم يزوجوني مسيار
.... بضحكة استهزاء : ههههه حزنتيني ( وبحده ) والله وهذاني حلفت لاتركك تبكين بدل الدمووع دم عشان تعرفين كيف تلعبين على الحبلين
تففف عليك يا زباله ( وانتم بكرامه )
درئ بصراخ : انت انسسسااان مرييييض
..... بعصبيه : الانسان المريض راح يعلمك المرض على اصوله
وطلع برع الشقه ومن العماره بكبرها تارك خلفه قلب محطم ومكسور ذاق كأس من المرر القاسي

ببيت ابو شجن
وتحديدا بصاله
شجن بصدمه : وش وشو خا لتي تراني اممم م ما فهم ت
ام خالد وهي تحط كأس العصير على الطاوله : وش فيك يا شجن اقول لك خالد تقدم لك وانا اعتبريني بحسبت امك ومن الحين يا بنتي اقول لك اول ما توافقين راح يطلب يدك من ابوك
شجن بخجل والم : بس ا ابوي ب سجن
ام خالد ببتسامه : يا بنتي لا تخافين عادي خالد راح يتقدم لك من ابوك حتى لو كان بالسجن
شجن والدموع غرقت عيونها : خالتي ما م ا اب ي ماااني م موافقه
ام خالد بصدمه : لييش ياا بنتي
شجن وهي توقف : ادري ولدك متزوجني شفقه وراح ي يعذب ني نسيتي ا ابوي مين ي كون
ام خالد بعبره : لا يا بنتي ما نسيت بس ابوك كان بحسبت اخو ابو خالد والظفر عمره ما يطلع من اللحم وخالد مو متزوجك شفقه لا تتركين الوسواس يلعب براسك
شجن وهي تعطي ام خالد ظهرها وتتكتف : ماا ابي قولي له اني مو موافقه
ام خالد وهي تتنهد : بعطيك فرصه يومين وبأخذ رايك الاخير بعدها
واخذت عباتها اللي كانت على الكنبه ولبستها وطلعت بهدوء اما شجن غمضت عيونها اول ما سمعت تسكيرت الباب وانسابت دموعها بكل هدوء على خدها

ببيت ابو شهاب
وتحديدا بصاله
كان ابو شهاب جالس على رأس طاولة الطعام وعن يمينه شهاب وجنب شهاب شمس اما عن يساره ام شهاب
كانت شمس حاطه يدها على رأسها وتلعب بالشوكه ( اووف ياا ربي ايش صاير فيني ' رفعت عينها لأم شهاب وشافتها تناظرها بغرور '' ااه مو ناقصني الا انتي احس كبدي تقلب بشكل مو طبيعي )
ابو شهاب وهو يرفع عينه لشمس وببتسامه حنونه : وش فيك ما تأكلين يا بنيتي
شمس :.,,,,,,
شهاب لف على شمس لأن مو من عوايدها ما ترد على ابوه : شمس شمسسسس
شمس بخرعه تركت كبدها تغلب زياده : هاااه اقصد لبيه
شهاب بأستغراب : وش فيك ابوي جالس يكلمك
ام شهاب بغرور : اتركها تراها مو اول مره
,,من عرفناها وهي كذا ماا شئ جديد
ابو شهاب ناظر زوجته بنظره انخرست بعدها
شمس وهي تناظر ابو شهاب : سم عمي اسمح لي م
انقلبت كبدها زياده قبل ما تكمل كلامها
حطت يدها على فمها وعلى طول ركضت لحمام الصاله
شهاب بأستغراب : وش فيها هذي ( وهو يبعد الكرسي ) عن اذنكم بروح اشوف وش فيها
ابو شهاب : اذنك معك يا ولدي
انسحب شهاب وبعده ابوه راح لصاله
وبغيت ام شهاب وهي توها تستوعب وبصوت هامس : هئئئئ لاااا تكون حامل
يا ربي ظني ما يكون بمحله الله يأخذك يا شميسووه
بالحمام
غسلت وجهها بتعب وناظرت شهاب اللي واقف جنبها ويناظرها بخوف
: حبيبتي ايش فيك
شمس وهي تسحب منشفه وتمسح وجهها : ما فيني شئ شويت تعب وارهاق
شهاب : انا مو متطمن روحي لبسي عباتك وخليني اوديك المستشفى نتطمن اكثر
شمس ببتسامه عشان ما تخوفه : ما فيني شئ وش فيك شهاب صاير تحن
شهاب : خايف عليك وعلى صحتك
شمس وهي تمسك يده ويطلعون من الحمام متوجهين لصاله : لا تخاف حياتي قلت لك ما فيني شئ
ام شهاب توها طالعه من المطبخ وشافتهم متوجهين لصاله حطت يدها على خصرها وبهمس : هين انا اوريك يا شميسوه انا وراك والزمن طويل

بالشقة ....
كانت درئ نايمه مكانها اللي مبارح تركها فيه زوجها القاسي
فتحت عيونها بهدوء حاولت تقوم بس حست بألم ببطنها تذكرت احداث الليله الماضيه
درئ بألم : الله يأخذك يااا حقير انا لازم اهرب بيت جدي بأسرع وقت قبل يرجع ويذبحني انا وولدي
قامت بصعوبه واخذت اغراضها وتسحبت برع البيت وهي تحس بألم بكل جسمها من ضرب زوجها القاسي

ببيت ابو شاهر
تحديدا بصاله الساعه تسع ونص مساء
كان الكل متجمع بصاله ما عدا شاهر
ام شاهر : مرام يمه ما قال لك شاهر وين بيروح مو من عوايده يتأخر
مرام بلعثمه : ا لا خالتي م ما قال لي بس اكيد انشغل شوي بالشركه
جنى وهي تأكل فصفص : لا تخافين يمه اكيد الحين بيجئ
الجوري وهي تأكل معا جنى : اتصلي فيه يا مرام ( وهي تغمز لمرام بخبث لأنها تعرف كل شئ عن اخوها ومرام ) وتطمني عليه وطمني قلب امي يله
وهي تأشر على التلفون اللي جنب مرام
ناظرتها مرام بعصبيه ( الشرهه علي انا اللي كل ما ضقت خبرتك بكل شئ هين يا جوري)
ام شاهر بأستغراب : هااو مرام يا بنتي وش فيك سرحانه دقي على شاهر وطمنيني
مرام وهي تأخذ التلفون : ا ان شاء الله خ التي
ضغطت على الارقام وهي ترجف وحطت السماعه بأذنها ( ياا رب ما يرد يارب )
بس خاب ضنها
شاهر اللي كان توه موقف السياره عند البيت بالباركنج : الو
مرام : ا ا الو ش شاهر
شاهر بأستغراب : مرام ( وبخوف من المكالمه اللي اول مره مرام تعملها )
امي فيها شئ تكلممممي
مرام : لا لا خالتي ما فيها شئ بس حبييت اتطمن عليك
شاهر وهو يريح ظهره على مقعد السياره وببتسامه جانبيه : تتطمنين علي يعني اهمك
مرام وهي تغير سالفه : راح تتأخر
شاهر بضحكه :هههههه لاا تتهربين جاوبي
مرام وهي تنهي الكلام : طيب لا تتأخر مع السلامه
وسكرت بوجهه
وخر السماعه وناظرها : هيين ياا مرام هيين ههههههههه
ونزل من السياره بهدوء
اما عند مرام
ام شاهر : هاه يا بنتي
مرام : ا يقول انه راح يتأخر شوي عنده اجتماع
قبل تتكلم ام شاهر دخل شاهر
فتحت مرام عيونها بقوه ( يااا ويلي وش اسووي )
استغرب شاهر نظرتها بس كمل طريقه حتى وصل الصاله : السلام عليكم
الكل ما عدا مرام : وعليكم السلام
جلس جنب امه وبأس رأسها : شلونك يا الغاليه
ام شاهر : بخير يا وليدي ( وجهت نظرها لمرام ) مو توك تقولين راح يتاخر وعنده اجتماع
مرام بلعثمه : ا ايييه خالتي بس شاهر يمكن حاب يمزح معي
شاهر ناظرها وكان بيكذب كلامها بس رحم نظرتها اللي كلها رجاء : ايه يمه حبيت اتغشمر معاها
ام شاهر : الله يرضئ عليك يا وليدي واشوف ذريتك عاجل
شاهر وهو يناظر مرام : اميين يا الغاليه
مرام بقلبها ( ياا ربي وش فيني اليوم من سمعت مكالمته واحس قلبي بيوقف من الرجفه )

الساعه ثلاث ونص الفجر
بغرفتها كانت للحين مواصله ما نامت وهي تفكر ( اوافق ولا ما اوافق اه احس امه قالت له يتزوجني خايفه اتزوج واندم وخايفه ارفض واندم ما في غير هذا الحل )
قطع عليها صوت برع الغرفه وكأنها تحفه انكسرت
شجن وهي حاطه يدها على قلبها : يممه بسم لله وش ذا الصوت
وقامت بسرعه بخوف تجاه الباب وحصلته مسكر تنهدت بأرتياح بس انتفضت من الرعب اول ما شافت عجلة الباب تتحرك وكأن احد يحاول يفتحها
شجن بخوف وبهمس : يمممه من هذا
وناظرت من العين السحريه وشافت شخص ملثم ومو مبين منه الا عيونه
ركضت حتى مسكت التلفون وبدون تفكير اتصلت على بيت ام خالد وهي تشوف عجلة الباب تدور وكأنه يحاول يفتحه بحاجه
ركضت حتى دخلت الحمام وسكرت بالمفتاح وكانت ورقة الارقام اللي من عند ام خالد للحين بيدها : رردوووا رردوووا تكفوون
نزلت دموعها وهي تحس ببروده بقلبها من الخوف

ببيت ام خالد
كان الكل نايم
شجن وهي تبكي : ابووس ايدينكم ردووا
وناظرت الورقه وهي تبكي
طاحت عيونها على رقم ......

انتهى البارت العاشر واتمنى نال اعجاب الجميع واعذرووني على القصوور
ولاا تــنـــســوني بــردودكـــم الحـــلوه وتـــوقعـــاتــكم ،،