البارت التاسع ,,,
أمن عاصف يا قلب نمضي لعاصف
ألم يسأم البحار زمجرة البحر؟
و من موقف باك على أذرع اللقا
إلى موقف دام على راحة الهجر
و من وقع سيف نام بين أضالعي
إلى وقع رمح راح يوغل في ظهري
ألا فامنحيني هدأة.. رب هدأة
ترد شتيتا من ظنوني و من فكري
المرحوم ,,غازي القصيبي..
صحت من سرحانها ووجها وجسمها يضرب الأرض بقووة..
وقبل لا تدرك او تستوعب اللي صار لها حست بيدين تقلبها على ظهرها وتشيلها عن الارض..
حاولت تركز في حالتها وش اللي يصير معها بس الالم اللي بوجها منعها من التركيز لفترة..
قدرت تفتح عيونها ويدها على أنفها اللي كان ينزف من شدة الضربه با الارض ..
وأكتشفت أن وجها لاصق برقبته بعدت وجها عنه وصرخت فيه وهي تتألم..
هديل بدموع\نزلنيييييييييي مالك حق تلمسني مااالك حق نزلنيييييييييييييييييي
غازي بحدة\انكتمي خلينا نشووف وش صار بوجهك
هديل صارت تتلوى بين يدينه تبيه ينزلها..وهو يصرخ عليها..
هديل\نزلني اقدر أمشي نزلني <<كانت تضربه على صدره ورقبته
غازي بصرخة\اهجدي لا أكفر فيك ألحين <<أكفر فيك معناتها يضربها ويئذيها بحد كبييير لحتى يغضب الله
هديل دفته عنها بقوووة فقد توازنه وماقدر يمسكها قبل لاتوصل الأرض طايحة على ظهرها..
هديل بألم تمسك ظهرها\ااااااااااااااااااه ااااااااااااااااه يووومه
غازي جلس على ركبه جنبها مد يده يبي يقومها بس هي صرخت عليها ببكااء وبصووت مقهوور..
هديل\حلفتك با الله العظيم ماتلمسني حلفتك با الله ..
غازي بقهر\ماراح أسويلك شيء يامتهورة عطيني يدك أساعدك<<كان يتكلم وهو مااسك نفسه با الغصب لا يضربها.
هديل بوجع\حلفتك با الله ابععععد عني
غازي يستغفر بصوت عالي\استغفر الله العظيم..يابنت استهدي با الله والله ماراح أأذيك..
اللي فيك الحين يكفي خليني أشيلك واشوف وجهك..
هديل تبكي وتحاول تجلس\لا لا لا حلفتك با الله ابعد عنيي ابعد..حراام لاتلمسني مايحقلك لك تلمسني
غازي\طيب ماراح المسك ألحين لأنك حلفتيني..بس مايحقلي هذي انسيها..أنتي ملكي ألمسك بكيفي..
هديل توقف وتبعد عنه كم خطوة صغيرة وهو يقرب ماد يده يبي يسندها لانها تترنح بوقفتها..
هديل\ما ابيييك ابعد ابعد
غازي بعصبية\انكتمي لا أضربك ألحين..تعالي نعالج وجهك
مشى ناحية القصر اللي صار قريب منهم وهديل غيرت الاتجاه ناحية الملحق..
غازي\وين رايحة تعالي هنا..
هديل ويدها على فمها\بأرووح أعالج نفسي مالك شغل فيني.
غازي قرب منها\وعزة الله اذا مامشيتي الحين للقصر لأشيلك غصب عنك
هديل\ما ابي منك شيء كفاية اللي عطيتني اياه اليوم.
غازي\قداااامي
هديل تبكي\مااالك شغل فيني ماالك شغل ليش مهتم؟؟
غازي ببرود\جاريتي ولازم أهتم ورااك أشغال كثيرة.وألحين تجين ولا كييف؟؟
هديل نزلت راسها بألم ومشت وراه..
جاريتك ليش أنا نسيت ها الشيء مو طوول الوقت تذكرني فيه..جاريتك خادمتك عااملة في الاسطبلات وبكره
في المزرعة..بترميني مع العمال مع رجال مايعرفون الله ومايخافونه..يشبهونك با الضبط..
وضربك لي هل يرضي رجولتك..هل يشعرك باالعلوو والقوة..أخااف على نفسي منك..
يالقسوتك ياجلمووود..
دخلوا القصر وتوجهوا لغرفة اول مرة تشوفها هديل وتدخلها..خرج ورجع بعد دقايق وظل يناظر فيها بصمت..
دخلت ماريا و أول ماشافت وجه هديل مدت يدها على راسها وصدرها با الجهتين...
ماريا\يا اله السماء..ماذا حدث لكي؟؟
غازي ياخذ اللي بيد ماريا وكانت حقيبة طبية..قرب من هديل قرب كرسي وجلس عليه مقابل لها ..
غازي بهدؤ\بعدي يدك عن وجهك خليني أشووف..
هديل بعبرة\ما ابيك ماريا تشوفه انت لا.
غازي مارد عليها سحب يدينها وشد عليها وناظر بعيونها..
غازي\خليني أداوي الجرح..
,,,بأي جرح راح تبداء..وكيف تداويني وانت اللي جارحني..ما ابييك تتفضل علي بدوااك وعلاجك..
ما ابي يكون لك فضل علي ما ابييييييك..رحمتك يارب..
هديل سحبت يدها منه وحطتها على عيونها ووجها وصارت تبكي بشدة
هديل\ما ابيييك ابعد أنا اداوي نفسي ابععد عني لا تلمسني..
غازي يكلم ماريا\ماريا هل يمكنك تطهير الجرح حتى أعود..
خرج من الغرفة بشكل سريع..قربت ماريا من هديل ومسحت على راسها ..وبدات تهديها بالكلام المكسر..
ماريا\لاتبكي عزيزتي ستكونين بخير..
هديل\أنا أتالم كثيييرا ..
ماريا تبعد يدين هديل عن وجها وبدت تنظف الدم\لاتقلقي سيعالجك السيد انه طبيب ماهر
هديل بصدمة\طبيب؟؟
ماريا بلغتها الغير مفهومة تتكلم وهديل تناظرها مو مصدقة..
هديل تمسك يد ماريا\ماري أرجوووكي من يكون الطبيب؟؟
ماريا\السيد هو الطبيب.
هديل بتكذيب\هل السيد هو الطبيب؟؟متأكدة بانه طبيب؟
ماريا\أجل ياصغيرتي انه طبيب ولكنه ترك الطب منذ زمن بعيييد.
طبيب هذا القاسي يكون طبيب..مستحيل هذا أقسى وألعن من انه يكون طبيب ويداوي..ماراح اخليه يداويني..
مستحيييل أسمحله بها الشيء يعني يطعن ويعالج بنفس الوقت مو توه كان بيفك رقبتي با الكف اللي يبي يعالجني به..
هديل وقفت بسرعة وراحت عند المراية تشوف وجها وماريا وراها..
خذت المطهر وكملت تطهير فمها وانفها بشكل سريع..وأخذت لاصق طبي وخرجت من الغرفة بسرعة رايحة الملحق..
أول ماوصلت قفلت الباب عليها من داخل..وركض على غرفة النوم دخلت وقفلت الباب..
جلست على السرير مخطووف لونها من الركض..
وتفكر وش تسوي اذا هو جاء هنا..ما ابيه يلمسني ولا با الغلط..وهذا ماغير يمسك فيني ويشيلني..
قليل الخاتمة لازم يعرف حدوده وين ..بس كيف افهمه وهو مايسمعلي مهما صرخت وبكيت..
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛
وصلوا للقبر بعد معنااة طوويلة مع ابووه اللي كان يحاول فيه ينسى موضوع القبر..
بس هو كان مصر ومقتنع با اللي يسويه..
خلني أزورها يوبه أقل شيء أقدر أسويه اني ازورها با القبر..
ألمس ترابها وأوصي القبر عليها..لا يعورها با الضييق ..
اسمحلي استجدي الدوود يترك جسدها ولا ينخر عظمها..
يووبه ابي أكوون بمكانها..أعيش بظلمت القبر وأفديها..
وقف على قبرها والماء بيده..
هديل ياتوئم الروح تحسين فيني..؟
هذاني جيت يا الغالية..رجعت من الغربة بس مالقيتك..دورتك قالوا لي انك هنا,,
ليه يا الغلا وش اللي جابك لها المكان...
هو صدق ياهديل تركتيني وجيتي تعيشين هنا؟؟!
طيب ليه مافكرتي فيني..ماضاق قلبك بغيابي وأنا حي..
كيف يهنى قلبي بغيابك وأنتي ميته..
ميته..
هو صدق ياهديل صرتي ميته..
جلس على ركبه وصار يمسح على القبر وهو يبكي..
ماتبين تصحين وتروحين معي..
وشلك بظلام القبر والمقابر..تعالي معي..
والله بيتنا احسن من القبر..
رش الماء على القبر ودموعه تشارك بري القبر..
تبين اطلعك..احفر واخرجك يا الغلا..
يمكن لساتك عاايشة وتنتظرين اطلعك من ظلام القبر..
تكفون دلـونـي علىالقبر هالحـيـن
مـاعـااااد فيـنـي للصبر مقـدريـه
ووقفـت اطالـع قبرها بيـن نصبـيـن
وجلست اضـم اغلـى النصايـب عليّـه
واصيح وش بك يا غلا مـا ترديـن
اشتقـت همس إشفاهك النرجسـيـه
وش فيك جيت من السفر مـا تهليـن
ماهي بلك عـاده ولا انتـي رديـه
وحاولت في لحظة جنون اجـرح الديـن
وازيـح تـربـة قبرهـا فـي يـديّـه
وبالغصب شالوني حشـا تقـل مسكيـن
واصـرخ بهم والله والله حـيّـه
اقفت وتاهـت بـي جميع العنـاويـن
والحـزن يلعب داخلـي سامـريـه
ورجعت لـدروب الشقـا قبـل عاميـن
مدري مـن اللـي صـار فينـا ضحيـه
حس بيد أبووه على كتفه وعلي اخوه يمسكه يقومه من على قبرها..
هادي بقهرحزين\يووبه لييه ماتت؟؟ ليييييييييييييه؟
أبوعلي يضم ولده\مقدر يا ابووك..كلنا على هذا الطريق
هادي\مااالي صبر يوبه أحس روحي بتلحقها والله العظيم
علي\اذكر الله ياهادي..هذا امتحان من رب العالمين لك ولنا..مايجووز انك تعترض
هادي\من غبنتي يااخووي..>>غبنتي بمعنى حسرتي
علي\انت ترضى هديل لوكانت مكانك تسوي بنفسها كذا؟؟ترضى انها تعترض على حكم رب العالمين؟؟
صل على النبي واحمد الله على كل حال..ولكل شيء حكمة يا هادي.
ابوعلي يمسح دموعه بغترته\خلصنا يا ابووك الميت يزيدك غبن..عسى ربي يحرسها وينور لها..
كان هادي يبي يظل اكثر بس ابوه وعلي سحبوه ل السيارة وهم يدارون فيه..
كان يناظر قبرها بقلب محرووووق ويردد بصووت يقطع القلب..
يوصي القبر وكأنه يوصي انسان يفهم ويرد عليه الصوت..
ياقبر أعز انسان غالي سكن فيك
خفف عليه من التراب الثقيلي
ياقبر ماني بطيب عقب راعيك
اللي رعاني صار عندك نزيلي
أغليك أنا ياقبر من عز غاليك
مرحوم ياراعي الوفا الجميلي
يا اللي سكنت القبر صوتي يناديك
موتك جرح قلبي وهديت حيلي
ما أنساك والله لين قبري ينازيك
وأعلن من الدنيا العريضة رحيلي
وأشق جيبي كل ماحل طاريك
كنت أفتكر عمرك معنا طويلي
يبكي عليك البيت من عرض أهاليك
واليا دخلت البيت دمعي يسيلي..
:::::::::::::::::::::::::::::::::::
مر عليها يومين وهي على ها الحالة..فرااغ قااتل..
من بعد أخر موقف بينهم ماشافته ولا هو طلبها..
كانت تتمشى با القصر بس ما تجرأت أبدا تطلع الدور الثاني والثالث..
أغلب وقتها تقضيه مع ماريا في المطبخ او تساعدها بأي شغلة ثانية..
ماكانت تحتك مع اي خادمة من الخادمات..بس مع ماريا..
وكثير من وقتها كانت تتسلل للمكتب وتحاول تقنع نفسها بانها تماشي غازي وتدخل كلمة السر باسم رسل ..
بس اول ماتلمسه تقفله..وهي متاكدة انه يكذب عليها ..
مستحيل يسمحلي اراسل هلي..يمكن اذا انا كتبت رسل كلمة السر تطلع غلط وهو يضحك علي..
أو يمكن تكون صح..وأول ما احاول اشتغل عليه يطلع حاذف المسن بكبره..
ماراح أثق فيه..ماراح اسمحله يسيرني بكيفه ..
كانت مع ماريا جالسين على الطاولة اللي بحديقة القصر والقريبة من جهة المطبخ ..
كانت تستفسر عن غازي وعن غياابه ..
كل اللي قالته لها ماريا أن السيد طلب منها تهتم في رسل لحتى يرجع..
هديل\ولكن أين ذهب؟؟
ماريا\الى المدينة..
هديل\أين هي المدينة ..أووه ماريا اريد ان أسالك أين نحن الأن؟؟
ماريا\في الريف.
هديل\أعرف ذلك ولكن ماهي هذه الدولة..أعني ما اسم هذه البلاد؟؟
ماريا تتكلم بلغتها الغير مفهومة
هديل بقهر\ماري أعرف بأنك فهمتي سؤالي لما لاتجاوبيني..وتكفي عن المراوغة؟
ماريا تبتسم\لا أستطيع السيد حذرني من اخبارك..
هديل\لن أخبره أنك أخبرتني..
ماريا\أتريدين مني أن أخلف بوعدي ل السيد..لن أفعل.
هديل\لماذا لا يريدني أن أعرف أين أنا ألا يحق لي بأن أعرف..
...\بلى يحق لك أيتها الصغيرة.
هديل بارتباك تثبت اللثمة عليها\أهلا ماكس كيف حالك؟
ماكس يبتسم\بخير كيف حالك أنتي؟؟
هديل\الحمدلله بخير<<قالت الحمدلله با العربي بس ماكس فهم الكلمة
ماكس بعربية مكسرة\الحمد لله
هديل بابتسامة كبيرة ومفاجئة\ماكس هل تتكلم العربية؟؟هل تعرف الله؟؟
ماكس جلس قدامها على الطاولة\ومن لايعرف الله ياصغيرة..في الحقيقة انا لا أعرف العربية أبدا..
ولكني أعرف هذه الجملة الحمدلله ..فأنا أسمعها كثيرا وخصوصا من السيد..
هديل\هل تؤمن بالله؟؟
ماكس\بالتأكيد انا اؤمن با الرب..جميعنا نؤمن بالرب ولكن ديانتي ليست الاسلام..
هديل أرتاحت معه\أمقتنع انت بديانتك؟؟
ماكس\مقتنع بشدة..وماذا عنك؟؟
هديل\مقتنعة بشدة.
ماكس يبتسم بمحبة\اذن لن أقدر على تغيير ديانتك؟
هديل بخبث\أبدا لن تقدر على ذلك..أما انا فلدي الثقة بقدرتي على تغيير ديانتك انت..
ماكس بنفي\لا أعتقد هذا فأنا مؤمن بديانتي..
....\لابأس ان حاولت فهم الاسلام والدخول فيه.
ماكس يوقف\اهلا با السيد .
غازي\أهلا بك.
هديل نزلت راسها وشدت على لثمتها..وهي حاسة بعيونه عليها..
ماكس\ان الانسة الصغيرة تحاول تغيير ديانتي ولديها الثقة في ذلك.
غازي بتشجيع\وأنا لدي الثقة بقدرتها على ذلك..
ماكس يضحك بصوت عالي\اوووه لا أعتقد بأنك ستشاركها في المحاولة..
غازي\لاضير في ذلك..سأعلمك الاسلام وباستطاعتك ان تقراء عنه..فان صعب عليك شيء
قم بسؤالي او سؤال الانسة الصغيرة..فان اقتنعت به ووصلت الى النور..فساكون هناك لمساعدتك.
ماكس\لم لا تحاولون دراست ديانتي أنتما أيضا؟؟
غازي يجلس على نفس الطاولة معهم\لقد درستها ولكني لم أصل الى اي فائدة..أعتذر منك فلم اجد بديانتكم
مايجيب عن أسئلة كثيرة..وكأنك تتخبط في الظلام..
ماكس\لربما أنت تبالغ ياسيدي فتعليمات ديننا مفهومة جدا.
غازي\أنتم مومنون بان الرب هو ثلاثة بينما الرب الحقيقي اله واحد أحد ليس له شريك.
ماكس\لن تفهم ديانتي مادمت ترفض دراستها.
غازي\وأنت لن تفهم الاسلام مادمت متمسك بديانتك ورافض لدراست الاسلام.
ماريا بغضب\هل ستتشاجران الان ؟؟
ماكس\ههههههههههههههههههه لا بالتاكيد لن نفعل لقد كبرنا على الشجار
غازي بمرح\أجل ماريا لقد كبرنا كثيرا..ألم تنسي بعد؟؟
ماريا\وكأنني سوف أصدقكما..ولا سيدي النبيل لم انسى شجاركما الاخير بعد فلا تحاولا اللعب علي..
ماكس يتكلم بلغة ماريا الغير مفهومة..وغازي يشاركهم الكلام بنفس اللغة..
هديل حست بنفسها زيادت عدد وغير مهتمين بوجودها..
بس الحقيقة كانت انها تبي تهرب من اي مكان غازي يتواجد فيه..
وقفت بهدوء وأنسحبت قبل لا أحد يتكلم معها وهي تشكر الله ان غازي ماهاوشها على اللثمة..
تركت القصر بخطوات سريعة متوجهة للملحق..
دخلت وقفلت الباب بسرعة راحت لغرفتها تحممت وطلعت من الحمام ..
ظلت تناظر بملابسها القليلة جدا..
أووف أنا ماتعوودت على نفس اللبس أظل لابسته لازمني أغراض كثيرة بس ماني عارفة كيف أجيبها..
ماريا مارضت تاخذني معها لما طلعت تتسوق..
هديل\أرجوك ماريا أنا بحاجة للخروج من هنا.
ماريا\لا لن تذهبي معي..فا السيد حذرني من ان اسمح لك با الخروج أو مرافقتي الى أي مكان.
هديل\تنقصني بعض الحاجيات المهمة ماري يجب أن اقوم بشرائها..
ماريا\صغيرتي سيعاقبني السيد ان خالفت أوامره..لن تخرجي من هنا الا برفقته هذا ماقاله لي..
هديل بضجر\لن يعرف باني رافقتك..
ماريا بحزم\لن تذهبي معي كفي عن التذمر الان.
هديل\بل سأذهب..
ماريا\حسنا اخبريني ماذا تحتاجين من السوق وساحضره لكي..
هديل باحراج\أنتي تعلمين أعني أريد أغراض الفتيات الخاصة..
ماريا\حسنا ساحضرها لكي والان اقبعي بمكانك حتى أعوود..
قال ما اطلع من المزرعة الا معه..معناتها ماراح أطلع أبدا الله يعين يبي يحبسني هنا لزمن غييير معلووم..
يحسب انه راح يقهرني..عادي راح ابين له انه عادي مهما حبسني هنا ماراح اطلب منه يخرجني..
جلست على السرير بعد ماخلصت لبس وهي تفكر ..
ارجع القصر اشووف اذا يبيني بشيء او اطنشه..وانا وش مستعجلة عليه غير الغثاء يعني..
بكره من الفجر بيطلع اجازة ها اليومين من عيوني..أحسن شيء أظل هنا وأنام وبكره يصير خير..
ماعندي طاقة الحين لمواجهة وهواااش..وأكيد بيقول اتركي اللثمة ..ياارب رحمتك..
والله كنت مرتاحة يوم انه غايب عن المزرعة..
وقفت وراحت للمراية تناظر وجها اللي خف عن الورم من يومين..
والله احس اني راح أنسى ضربة الارض ولا باقدر انسى ضربته على وجهي..
لعل يدك الكسر ان مديتها مرة ثانية ..والله ان ضربني لا اضربه,,
ماراح اسكت له اكثر من كذا..والله ضربه يعوورني مرررة..
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛
مواقع النشر (المفضلة)