رواية غرور عشاق كاملة 2014 , روايه بدون ردود

[موكاتشينو]

_




















الـفصــل الأخـــيــر

((غرور عشـــاق))


فهود زهق منه وشاف عبدالله/بااااابااا
نواف استغرب منه/
فهد حاول يتفكك من نواف وتركه نواف..
فهد راح يركض بالقاعه لين وصل عبدالله/باابااا باابااا
عبدالله بقمة فخره وفرحته فيه شاله وضمه/هلا يا حبيب بابا
فهد تعلق برقبة عبدالله/بابا انا احبك لا تلووح وتخليني بعد
عبدالله قلبه رهيف من ناحيته وهو يخز نواف من بعيد/ابشر ياقلب بابا ماراح اخليك
فهد ببراءه/بابا ثفت ثوبي
عبدالله ببتسامه/ياحلو ثوب ولدي شاااطر الرجال يلبس ثووب
فهد استاانس/بابا تعال شوف ثعد هنااك
عبدالله/يلا نسلم ع الرجال ونروح لسعد
/
/
/
عند العروس عالم ثاني~
كاتي كانت بالموعد ونجمة الحفل ستايلها كعروس ستايل اوروبي ناااعم والميك اب هاادي مبرز ملامحها العربيه الحاده خصوصي عيونها وناظرها القوي..عطرها يسحر واطلالتها مبهره..
زفوها مع زياد اللي لابس غتره بيضاء على ثوبه الابيض وبشت اسود وجزمه سوداء وكبك انيق ومحدد السكسوكه بشكل خفيييف مفاجأ لـ كاتي...
انغام اغنية بأسمهم اثنينهم..قطعوا كيكتهم ام 5ادوار وعليها صورتهم والتقطت الصور التذكاريه~وزفوهم لجناحهم في نفس الفندق اللي مقام فيه الزواج...
ام كاتي خنقتها العبره والبنات حواليها وجلسوا يسكتونها ويهدونها....
ام متعب معهم/يا ليلى اللحين مستانسين وانتي تصيحين الله يهداك بس ههه
ام كاتي/هههههه
الكل/هههههه
مايا/والله وزوجنا بزارين العايلتين
الكل/هههههههه
ام متعب/هههه والله خايفه بكرا يجيني مهند يقول يماما ابي اتزوج هههه
الكل/هههههه
رسيل/هههه انا الحمدلله ولدي توه صغير
الكل ألتفت عليها بنص عين/!!!!!
رسيل ارتااعت/جمااعه شفيكم تناظروني كلكم كذا
كلهم بنفس واحد/متى بتتزوجين انتي؟!
رسيل خززتهم وهي رافعه حاجب ومنزله الثاني ولفت وتركتهم/
ام متعب/يمممه منها ماتدااني طاري الزواج..
مايا مقهوره من حياة رسيل/الله يهديها..
/
/
/
/
/
[في جناح العرسان]

ٺجين نحڪـﯦﮯ لـ السماء
قصّة النور..........ونعيد ٺرٺيب
المسا والأغانـﯦﮯ !
وأصوّرك في وسط
هالقلب عصفور..............عيّا يطير
إلا بوسط المحانـﯦﮯ
وآقول أحبڪ والهوا فينـﯦﮯ يثور
.............. وإنٺي ٺقولي : ڪيف ٺسرق لسانـﯦﮯ ؟!
يافٺنة إحساسي وأنا فيڪ مغرور
............ هاتي يدڪ بأوقّف أم الثوانـﯦﮯ
..
كاتي بغرفتها بنص السرير وبفستانها بس شايله الطرحه وفاكه شعرها
زياد جالس جنبها وعليه ثوبه ومنزل الشماغ وطول ليلهم يسولفون عن سنين البعد..ويعلقون على بعض في الزفه..،
كاتي استغربت حركات زياد معها بليلة الدخله!!الوضع مو نفس ما قرأت عنه في النت..كان زياد متفهم ويحاول يزيل الرهبه -..
زياد انعس أو يسوي نفسه ينعس/كاتي
كاتي خافت/هلا
زياد/النوم جاني شرايك ننام ترى ورانا استقبال بكرا بالنهار وسفر بالليل
كاتي ارتبكت وخافت لا يكون بيسوي شيء..
بعد لحظات بدل زياد واتجه للسرير وناام واعطاها قفاه علشان ترتاح انه ماراح يقرب منها
كاتي بدلت ملابسها ولبست روب نوم ابيض قصير..واتجهت للسرير واستغربت ان زياد مو مهتم لها ونام وتركها!!!
زياد قلبه معها بس ما يبيها تخاف منه..
كاتي انتظرته ربع ساعه ونص ساعه علشان يلتفت عليها...
زياد ماقدر ينام وهو ماقرب منها وما لمسها!!!
كاتي مبسوطه كذا.ونامت براحه
.
/
/
/
/
بعد خروج المعازيم~كلللهم
جلست رسيل ومعها مايا...
مايا/ياحبيبي ياسعد ماشفته من الساعه ثمانيه
رسيل/اي والله لا هو ولا فهود
تحنحن عمر ودخل وبيده سعد نايم
مايا قامت بشوق واستقبلته /هلا هلا بحيــاااتي سعّوّدي
عمر ناظرها بنص عين وابتسامه/بس سعّودي
مايا قربت منه وطبعت بوسه على خده/وانتا كمان كــل حيـاتي لا تنسى انك حبيبي قبل سعد
عمر راح وطي/الحمدلله باقي لنا مكانه ..
مايا وهي تمسح على شعر سعد وعينها بعين عُمر/ومكانه عــاليه حيــل ي تاج راسي
عُمر أكتفى بنظراته لها وراسم ابتسامه تزيده وسامه/..

رسيل واقفه و تناظرهم من بعيد وتشوف حركاتهم مع بعض وتتمنى عبدالله(الله يديم سعادتكم يارب)..
اقبل عُمر ومايا ومعهم ولدهم..
رسيل استغربت/عُمر وين ولدي
عمر/اخذه ابوه من بدري
رسيل عصبت/وليش تسمح له ياخذه هااه..ليش
عمر/رسييل صعبه مقدر امنع الرجال من ولده...انا اب واعرف شعور الاب..
رسيل بانفلات اعصاب/لانك رجال تعصبت له هااه.لكن انا اوريك في عبدالله هذا
عمر/وش بتسوين يعني
رسيل/ماعليك مني
عمر/اقول ارركدي وبس،فهود مع ابوه ماله داعي تخافين
رسيل ناظرته بنظرات ناريه واخذت عباتها ومشت لغرفتها بنفس الفندق..وهي بقمة زعلها..
مايا استغربت عصبيتها الزايده/ياقلبي يا رسيل
عمر/مادري شفيها من عرف عبدالله بالولد وهي صايره عصبيه وش هالكراهيه اللي تكنها لعبدالله..
مايا ببتسامه/ بالعكس قصدك العشق
عمر/واللي قاعد يصير قدامك
مايا جلست على الكرسي/اللي قاعده تسويه هذا كله تمثيليه علشان تغطي عشقها له..وتحاول تبين عكس ماتخفي،هذي رسيل وانا عارفتها كويس
عمر/لا ما اصدق
مايا بنظرة تحدي/راح تثبتلك الايام صحة كلامي..
عمر سكت وهو يفكر...،
//
/


وصلت جناحها بالفندق ورمت عباتها واخذت جوالها ودقت عليه بسرعه/
عبدالله بالجوال/هلا
رسيل بدون مقدمات/وين وديت ولدي ياعبدالله
عبدالله/فهودي معاي
رسيل بعصبيه رفعت صوتها/ومن سمحلك تاخذه هاااه
عبدالله /قصري صوتك لاتنفخين
رسيل/اقولك بس مالك شغل ارفع صوتي والا اقصره رجع لي ولدي حالا
عبدالله/يابنت اقصري الشر لا اكسر راسك
رسيل /اسسمعني انا نازله في الفندق تبع الزواج وجناحي رقم66 يلا خمس دقايق وانت جايب ولدي
سكرت الجوال بوجهه
عبدالله ولع من العصبيه ونوى عليها نيه شر وبيضربها علشان تتأدب!!
~~~~
وهي جالسه على طرف السرير وشالها وعبايتها مرميات ع السرير وما نزلت فستانها تنتظر تتهاوش مع عبدالله
رن جوالها وردت/خيير
عبدالله بالجوال/انا عند باب الجناح افتحيلي
رسيل رمت الجوال وراحت تفتح بسرعه
عبدالله شايل فهودي نايم وراسه على كتفه،شاف رسيل وانبهر/صباح الخير
رسيل ابعدت عن الباب/دخله داخل
عبدالله دخل وسكر الباب واتجه للسرير
ونزله وغطاه.....
رسيل جاءت وابعدته عنه/ابعد خلني انزل جزمته
عبدالله ابعد وهو يطالعها مبهور..فستانها ازرق ملكي لامع من الصدر لين الركبه وعااري..وفاكه التسريحه ومنتثر كل شعرها لين اسسفل ظهرها بشكل فااتن..
رسيل باست ولدها ولحفته ووقفت وتفاجأت..ما قدرت تلف..
عبدالله ضمها من وراها وهو يشم شعرها ويلمس كل قطعه بجسمها/يابنت متى بتعقلين عاد اتعبتيني معك
رسيل دااخت بس تحاول تتمالك نفسها/عبدالله فكني
عبدالله/هو على كيفك متى مابغيتيني استدرجتيني ولامن بغيتي قلتي فكني...
رسيل ماعاد تتحمل/عبدالله ابعد... اهلي كلهم هنا ان دروا عنك ذبحوك
عبدالله/انا تعباان ابييك حرام عليك يابنت
رسيل زاد تنفسها ...
انطق باب الجناح وكان عمر ينادي/رسسييل يارسيل
عبدالله ارتتبك/الله يستر
رسيل/يا ويل قلبي عز الله رحت وطي.
عبدالله/قوليله توني جايب فهود بس
رسيل حاولت ترتب نفسها وراحت
عبدالله لحقها وغطاها بعبايتها/لا يشوفك غيري كذا لوكان قريبك
رسيل ودها تضمه وكبريائها يردها لبست العبايه وفتحت الباب/هلا عمر
عمر شاف عبدالله موجود وعصب/خير خير وش مدخلك جناح بنت اختي هاااه
عبدالله/جايب ولدي لأمه وش فيها يعني،لا تكبر الموضوع ياعمر
رسيل/ايه ياخالي تووه دخل اللحين ما ابطى
عمر معصصب/يعني اصدقكم هااه
عبدالله اخذ عمر بيده/ممكن اتكلم معك بموضوع يا عمر
عمر/خيررر
عبدالله/كلام رجال بيننا
عمر/يلا طلعنا للوبي
طلع عبدالله مع عمر وسكروا الباب...
رسيل جلست ونزلت دمعتها الحاره على خدها وهي تحس ببرد يسري بكل جسمها رفعت يدينها تمسح عل كتفيها العاريات بساكت/
/
/
/
عمر متفاجأ/وشو
عبدالله/ابي ارجع زوجتي واربي ولدي بجو طبيعي..انا اعشق رسيل وهي تبيني ادري
عمر استغرب وخززه/وانت شدراك انها تبيك؟!!!
عبدالله/لا تنسى انها كانت زوجتي ونعرف بعض
عمر/بصراحه انا ماعندي اي مانع..واتمنى ان رسيل تستقر بحياتها،
عبدالله/يعني افهم انك بتساعدني علشان تخليها توافق
عمر/ايه..بس خل موضوعك علي
عبدالله انبسط/اجل ما أأخرك عن اهلك يا بوسعد،فمان الله
عمر/فمان الكريم ياهلا
طلع عبدالله~
عمر احتار وهو يفكر في رسيل،شلون ماتوافق ترجع له وبنفس الوقت تستقبله بالبيت وتتكلم معاه وتدخله بغرفتها بالفندق!! (رسيل ليش تعذبين عبدالله وتدوخينه معك؟!!!)
/
/
/
اليوم الثاني~
استقبالات وناس وتعب....
بالليل الكل ســآفر لجده اما العرسان سافروا ”ايطاليا”..
/
/
/
#بعد اسبوع من الاحداث السابقه~
مايا بالمكتب ومعها رسيل ويتابعون شغلهم كالعاده...
مايا/شسويتي علشان حفلة ميلاد فهودي
رسيل ببتسامه/شريتله هديه تووحفه وشريت لسعودي مثلها بعد شسووي
مايا/ههه فديتك طيب وبالنسبه للحفله ترى نبيها عائليه بس،عمر يقول ابي اعيش معكم ميلاد فهودي
رسيل/ههههه ايه قالي..بس قلتله انت بتصير المصور وبتصورنا بالفيديو مالي شغل
مايا/هههههه ....الا ايش اخبار زياد وكاتي
رسيل/ما اتصل ابد علي هالنتفه زيااد ...يادووب كلم أمي مره بس
مايا/هههههه تلومينه ..ترى عشااق ومفضوحين بعد ماينلامون لو نسوا العالم وهم مع بعض
رسيل تذكرت عبدالله وتبعثرت من ذكرياته وكيف انها نست نفسها والعالم قبل اسبوع لمن شافته،دخلته غرفتها وقفلتها ونست كللل شيء ونست حتى انه طليقهااا من سنوااااات...!!
مايا لاحظتها سررحت/رسيل فيك شيء
رسيل قامت مستعجله وتتهرب/لا لا
مايا استغربت ردها وسكتت وكملت شغلها...
/
/
/
/
/
/
#ايطاليا~

{عيوني لڪ.. وروحي لڪ ..
وڪل اللي ٺبيه ڪلۂ"
أنا هـ الوجه.. ما أملۂ !!
أنا يا غير ڪل هالناس..حياتـﯦﮯ لڪ.. و عمري لڪ..
وڪل اللي ٺبـﯦﮯ ڪلۂ "
أحبڪ ما تڪفينـﯦﮯ .. و لا يا قلبـﯦﮯ .. و عينـﯦﮯ .. !!
...
تو دخلوا الفندق وجايين من مشوار تمشيه وبيرتاحون علشان يكملون بعد العصر...
زياد جلس ع الاريكه ويتفرج بالتلفزيون..ويتحاشا يطالع ”كاتي” لأنهم ما صار بينهم اي علاقه طبيعيه حتى الآن،وكان هالشيء مخليه متوتر!! وبنفس الوقت مايبي يخوفها منه يدري انها ناعمه..
كاتي هالشيء ازعجها وقفت قدام مرايتها بالغره وتطالع شكلها بعدما بدلت ملابسها ولبست لانجري قصييرر احمر لنص الفخذ وحطت قلوس وفكت شعرها وتشبعت بالعطر..وتذكرت سوالفها مع زياد قبل لا تعرف شيء(ليه ما يحاول يقرب مني!!..ليه ما حتى يناظر فيني زي قبل...معقوله ماعجبته!! لامستحيل زيزو يعشقني.......طيب ليش يتهرب مني!!)..

وطلعت له بصالة الجناح وجلست جنبه متعمده وتطالع فيه شوي وشوي تطالع بالتلفزيون ومدت يدها ومسحت على ظهر كفه وضمت كفه بكفها.
زياد توتر من قربها منه بتخليه يتهور/...
كاتي طبعت بوسه على خده/احبك
زياد ضاعت علومه/وانا بعد امووت عليك
كاتي بغنج/ههههه زيزوو
زياد بلع ريقه/سمي
كاتي/ممكن اسألك سؤال
زياد/اسألي
كاتي بجرءه/كيف تحمل الزوجه من زوجها
زياد ألتفت عليها وتذكر سالفتهم اول مره طلعوا مع بعض وسألت نفس السؤال وهربت لانها ماكانت تعرف شيء...
كاتي استحت من نظراته الحاده/شفيك زيزوو لا تناظرني كذا استحي
زياد ابتسم على براءتها/متأكده انك تبين تعرفين الجواب هالمره
كاتي هزت راسها بالإيجاب بدلع/اها
زياد/يمكن يطول الشرح وتهونين
كاتي بدلع /ههههه لا ما اهون يلا قووول
زياد ناظرها بنظرات حاده ووقف/
كاتي قامت معه من خوفها/شفيك قمت وين بتروح؟!!
زياد شالها بخخففه/هههه بجاوبك على سؤالك
كاتي/بططييييح يا زيااد لا تركض
زياد/ههههههه
//
/
//
/

/
جــــده~
بالليل
العايله كلهم متجمعين ..،
والاولاد مسوين هيصه سعد وفهد واصيل ..
وعلى جنب بالصاله الجانبيه جالس عمر ويستنى وليد ومتعب وابوهم والبنات داخل ويجهزون اغراض الحفله...
الشغاله جابت الكاميرا الفيديو لان رسيل قالتلها تجيبها وتعطيها عمر علشان يجهزها للتصوير...
عمر أخذها وجلس يتفحصها علشان يجهز شريط التصوير..وتفاجأ انه مليااان وساعات التصوير كلها مليانه!! وشغله يشوف وجلس يتبسم على سوالف رسيل وفهود شكلهم يجنن وهم مايدرون عن الكاميرا/هههه شكلها ماتدري عن الكاميرا ههه
وسررع الشريط شوي وكان بينادي رسيل وتردد بعدما تفاجأ بدخول عبدالله الغرفه وكلامهم طلع برا الصاله علشان يسمع زين وانصدددم من رسيل وجرأتها وأول ما وصلوا السرير وتأكد انهم.. .وتذكر انه هذاك اليوم مر عليها بالصباح و لقى اغراض عبدالله عندها وكانت مررتبكه معناته ايش يا رسيل ..لف الشرررييط بسرررعه للنهايه وشاف العحب العجاااب..اخذ جواله واتصل على رسيل علشان تطلع له برا..وجلس ينتظرها....
بعد لحظات طلعت رسيل وهي تبسم/خير عموري شفيك تنادي ومستعجل
عمر يحاول يتمالك اعصابه/تعاالي اجلسي بهالكرسي
رسيل جات وجلست/هذي جلسه...شبلاك ؟!...لا تقول الكاميرا خربانه
عمر خززها وتكلم بجديه/اسمعي ترى عبدالله كلمني بموضوع رجوعكم لبعض وانا قررت انك ترجعين له وبرتب الموضوع مع ابوك واخوانك اوكي
رسيل عصصبت/لاااا
عمر/شقصدك؟!!!!..يعني ماتبينه؟!!
رسيل لفت وجهها للجهه الثانيه بغروور/لااا ما بيه وماراح ارجع له
عمر عصب اكثر وتنرفز/ترفضين ترجعين له وتنادينه بغرفتك علشان ينام معك هااه!!!
رسيل استحت والتفتت عليه/عمر عييب هالكلام
عمر فتح الفيديو وشغل التسجل وحطه قدامها/وهذا وشو
رسيل انصددمت من الفيديو وتذكرت ان فهود كان يلعب فالكاميرا هذيك الليله،استحت وطفت الفيديو وهي منحرررجه وخجلانه منه،انربط لسانها وما قدرت ترد...
عمر/ماتقولين لي كم مره عزمتيه من ورانا؟!!!
رسيل/عمررر
عمر بانفلات اعصاب/ماني ولد ابووي ان ما خليتك..
رسيل قاطعته/ان ماخليتني ايش؟!!

عمر هدأ/استغفر الله...علميني وش اسوي بك انا هااه وش اسوي..شرشحتي الرجال،حرمتيه من ولده مايشوفه غير بالسبوع ثلاث ساعات ورفضتي ترجعين له وبعد هذا كلله تعزمينه من ورانا.!!„وحنا ياغافلين لكم الله!! شسويتي بعبدالله
رسيل/عمر كفايه
عمر/انا ماني مستغرب الا من عبدالله اللي يعرف انك استغليتيه هذيك الليله وطردتيه فالصباح،وبعدها بيومين يطلبني اكلمك بموضوع الرجوع ويترجاني اقنعك بعد!!
رسيل تنهدت وبلعة عبرتها/انت ماتدري عن اللي بيني وبين عبدالله،علشان كذا صعب افهمك..
عمر بجديه/اللي افهمه شيء وااحد وجهزي نفسك له..زواجك من عبدالله
رسيل قامت معصبه واخذت الفيديو معها ودخلت..
..~


مرت الايام واجتمع عمر مع ابومتعب واقنعه بكل شيء وواقنع اخوانها وجاء عبدالله وكملوا الخطبه وحددوا الزواج مع الملكه بيوم واحد~
رسيل رفضت تقابل احد وفضلت تجلس بغرفتها، ومع ولدها..
الليل~
مايا/رسيل شفيييك محززنه هالقد...اللي يسمعك يقول تكرهه وماتطيقه،،انا عارفه انك تعشقينه،،وانك فرحانه برجوعك لحبيبك
رسيل نزلت دمعتها بقهر/مايا أنا مجروحه من داخل،جرح عبدالله بقلبي مابعد برى،اهاناته لي ما نسيتها،شلون كان يهجرني ويتلذذ بتعذيبي ماراح انساها..حتى بعدما حملت انتي عارفه ايش صار..عبدالله جرحني قدام الكل..والمصيبه اني اعشقه...وعلشاني اعشقه حرجه غييير...
مايا فهمتها/انا فاهمتك يا قلبي بس ايش نسوي تحملي وان شاء الله يقدر عبدالله يعوضك عن كل جراحاته لك.
رسيل سندت راسها على الكرسي ودمعتها تعبر خدها/...
مايا تبي تغير جوها/اسمعيني بكره زواجك ابيك من اوول ليله تقطعين ذيل القط علشان مايلعب من وراك
رسيل ضحكت غصصب على كلام وحركات مايا/هههههههههههههه
/
/
/
/
بسام وعبدالله يرقصون بالبيت ورافعين صوت الموسيقى لآخر حد وأمهم تطالع وتضحك/هههالله يديم هالوناسه عليكم ياعيالي
عبدالله جلس/ههه امين يمه محتااج دعوااتك يمه بكره زواجي
ام عبدالله/الله يوفقك يارب وتسنع امورك
عبدالله/يارب ترضى عني رسيل وتسامحني علشان تكتمل
فرحتي
ام عبدالله/امين
بسام/عقب اللي سويناه اكيد بترضى هههههه
عبدالله/ياررب
ام عبدالله/سويت اللي قلتلك
عبدالله/ايه ضبطت كل شيء وجبت طقم الذهب بعد
ام عبدالله/اهم شيء لا تنسى اللي قلتلك..ومن ناحية غرفة نومكم طلعت تهبل مصمم الديكور اللي جبته ماشاء الله عليه
عبدالله/يارب تعجب رسيل
بسام/وغرفة فهود طلعت احلى من غرفتي
ام عبدالله/يستاهل فهد وتستاهل أمه
عبدالله سرح باللحظه اللي بتجمعه في رسيل من جديد.....„
/
/
/
//
/
اليوم الثاني~
يوم الزواج الموعود
نجد وساره يجهزون اغراض رسيل معها ويطقطقون عليها
ساره ببتسامه تغمز/الله الله...بتتزوج رسيل الليله
رسيل/ساااره بتتكلمين كلمه ثانيه بشوتك برااا
نجد تغني بالمصري/يافرحتي يافرحتي الليله ليلة دخلتي..ههههه
رسيل ناظرتها بنص عين/لا والله
ساره/هههههههه
نجد ترد لها النظرات/يعنني ما ابيــه..يا مغرووووورره هههههه
رسيل/ههههه نجدوووه تعاالي بدال هالتميلح طلعي اغراضي من هالدرج وحطيها بالشنطه يلااا
نجد سوت نفسها خايفه/ابشري عمتي آمري بس
رسيل عصبت/ تتريقين حضرتك
نجد/هههه لا لا شفيييك نااار شااابه ترى الزواج حلو وسعة صدر لا تضيقين صدرك ترى وناااسه مايخوف الزواج
ساره/هههه
رسيل/لا والله على اساس ماقد جربت الزواج انتي وياها وعندي بزر في الروضه بعد...نجد ساااره والله بهالتحفه على روسكم يالرايقات
نجد وساره/هههههههههه
نجد مشت خطوه بتروح للدرج وحست بدوخه وجلست على السرير/بسم الله
رسيل وساره خافوا عليها/نججد شفيك
نجد ببتسامه/لا تخافون عادي والله عادي
ساره/شلوون عادي بتذبحيني
رسيل/نجد انا اشوفك تدوخين من اسبوع شالسالفه مارحتي دكتور
نجد/ههههه مايحتاج يا ذكيات...
رسيل/شلون مايحتاج
نجد ببتسامه عريضه/أنا حاامل
رسيل ابعدت عنها/قولي قسم
نجد/هههه قسسم
ساره/وفرحانه انك حامل ولدك ماكمل سنه ونص
نجد بدلع واثقه/حبيبي وليد يبيني احمل ونكثر اولادنا ،ماقدر ارفضض له طلبه
رسيل/يععع حمل كرهت سيرته
ساره/ههه علمينا من اللحين نخطب لاخوي عبدالله وحده تحمل له وتجيب اولاد
نجد/هههه احسن من رسيل ماراح يلقى..وبعدين ياحبيبتي هو يمووت على تراب رجليها ولو يبي يتزوج غيرها تزوج من زماان
رسيل فرحاانه بهالكلام/يانااااس فددديتها..احبك يانجد
نجد بابتسامه/هههه وانا بعد
ساره/مااالت عليكم من بنات عم
رسيل ونجد/ههههههههههههه
/



زياد وكاتي بفندق في جده~
كاتي/حبيبي ليش ماخليتنا نروح بيتكم على طوول
زياد وهو يلعب بخصل شعرها/ما يصلح..
كاتي/لييه الليله زواج اختك
زياد وهو ذايب فيها/تونا متزوجين ابي اختلي فيك لحاالنا بعيد عن عيون الناس
كاتي ابتسمت وبانت غمازاتها/حبيبي انت...طيب الليله الزواج شسوي ترانا قطعنا شهر العسل علشانه
زياد/شووفي لازم نحضره اكيد..بس ها ترى بعد الزفه ابيك تكونين جاهزه نرجع هنا اووكي
كاتي حطت راسها على صدره/اوكي حبيبي

/
/
/}

يتبع .

[موكاتشينو]

_














#الليل~
حفلة زواج وعودت رسيل وعبدالله لبعض~
كان كل شيء قمة بالترتيب والتنسيق..وكل شيء يتعلق بالتقديمات عليه وسم[رسيل+عبدالله]

وقت الزفه فهود كان مع ساره ماسكته ومجلسته جنبها...
دخل عبدالله وسط زفه خليجيه وبإيقاع..ومعها عرض صور بروجكتور لهم اخذها عبدالله بتنسيق مع ساره وعمر.من ضمنها صورهم ورسيل حامل وصورهم في زواج ساره ومتعب وآخره لقطات فيديو خاصه لهم...
وقت دخول العروسه..
دخلت رسيل على ايقاع اغنية
انتي اجمل حب واحساس وشعور~
الغلا اكبر من اني اوصفه~
انتي اكبر هم عشته في سروور ..
والاسى ماكاان قلبي يعرفه!!
أنتي النورين منك النور نوور~
في غيابك وفي صدودك مسررفه!!!
........
رسيل حبت الاغنيه اللي عرفت قصدها من عبدالله..
بنص الطريق عبدالله اتجه لها ومسكها وباسها على جبينها وخدها ومسك طرف يدها
وسط ذهولها،عوضها عن زواجهم الاول...
عبدالله اخذها للكوشه وسط تصفيق البنات والغطرفه.....
وقفوا عند الكوشه وجات ام عبدالله ومعها الشغاله تدف عربه على شكل طاوله ملكيه وعليها هدايا وبالنص طقم ألماس فخخخم..اخذه ومده عليها/تفضلي ياعمري
رسيل موووب مستوعبه اللي يصير/عبدالله كل هذا لي أنا!!
عبدالله ببتسامه ساااحره/ويارب تعجبك بعد..الوقت ضيق وهذا اللي امداني اسويه..
رسيل اكتفت انها تطالع بعيونه اللي تقطر حب وسعاده وصددق بلعة ريقها وعينها تلمع من دموع الفرح باللي يسويه لها!!
ام عبدالله مدت عليه علبة الدبله/هذي دبلكم يا قلبي الله يكتبلكم السعاده ولا يفرقكم ابد
عبدالله اخذ العلبه/ااامين يمه
رسيل ودها تضمه بس مستحيه مو قادره تسوي ردت فعل قدام الناس!!!
عبدالله اخذ يدها اليسار ولبسها الدبله _كانت الماس ناعمه/
اخذت خاتمه ولبسته بسرعه...،
بدأت الاغاني ...
وجاءت ساره ومتعب لان متعب طلب يدخل مع رسيل ويرقص مثلما رقصوا بعرسه..وفعلا قامت ساره ومعها متعب ويرقصون،ساره ماتعرف ترقص مثل رسيل بس تحاول تجاري متعب لانه طلبها وما تقدر ترده!!!
في اخر القاعه هناااك جالسه نجد تبسم وبقلبها جمره رفضت تنطفي ”عبدالله”معشعش بقلبها وما راح حبه ابد..
/
/بالجهه الثانيه جالسه كاتي ومعها زياد ع الجوال ويطلبها تطلع بعدما ينزفون المعاريس مو قادر يصبر الأخ وهي تبي تنبسط مع البنات....
/
/
/
/
/
زفوا العرسان لغرفتهم~

رسيل مرتبكه وخاايفه من عبدالله لانه حاليا زوجها وله الحق عليها،اختلطت المشاعر،لانها خايفه لا ينتقم منها..
عبدالله عينه مانزلت منها،قرب منها وهو ينزل بشته وحطه على الاريكه ومسكها/روسي
رسيل استغربت انه ناداها بدلعها وهي قربت تنساه!!
عبدالله نزل طرحتها ورماها على جنب واخذ منها المسكه بهدوء وحطها على الطاوله،ورجع يخزها بنظرات ناريه..
رسيل،بلعة ريقها من نظراته،بس تسوي نفسها قويه وتخزه بنفس نظراته/
عبدالله ابتسم لها ماقدر يقاوم/حتى وانتي متنرفزه حلوووه وتسحرين،
رسيل ذوبتها ضحكته بس تسوي معصبه وعينها بعينه وبجديه/اصلن انا بكل حالاتي حلوه
عبدالله اعجبه غرورها،وثقتها قرب اكثر وعينه بعينها/أحبك
رسيل تفاجأت بالكلمه وبلعت ريقهاوانربط لسانها..،
عبدالله قبل جبينها/اقسم اني أحبك،،وابيك تسامحيني على كل ضيقه سببتها لك..وكل دمعه نزلت منك وكنت سببها..
رسيل نزلت دموعها غزيره وبدون تردد ضمته بسكات وبس/..
عبدالله تنفس بعمق وهو يحتضنها/هاللحظه اعترفلك اني ندماان على كل لحظه مضت من عمري منتي فيها..
رسيل ماقدرت ترد،ويكفي اللي سواه في الزواج واعتذاره منها قدام الناس..
عبدالله همس لها/أحبك
..
ايه احبك ..
وكل مافيني يبيك ~
ايه احبك ..
وكل كلي { بين ايديك .. !
احب [ البسمه ] لاطارت من شفاتك ..
وحطت || في محاجر عين !
احب ليلٍ منسدل ~ من فوق هامتك !
وغافي على كتفك بلين
احب خدك اللامع .. / من قوة صفاتك !
يطغى على الكل ويبين .. }
احب "عينك ورمشك " وياملح نعساتك .. !
تخلي كل - مافيني يزين .. !
ينشطر قلبي || عشانك لنصفين ,, !
واحد يدور [ رضاك ]
وواحد يبين [ غلاك ]
واتسابق اياديي ‘‘ لاجل أثنين .. !
لأجل مسكة .. / من يدآك ..

/
/
/
/
/
بعد اسبوعين جلسه عائليه في البر..والكل مجتمع..
نجد وهي شايله ولدها بحضنها/والله ناقص هالجلسه الحلوه رسيل
ام متعب/تو وصلوا أمس من السفر انا كلمتها ويارب تجي..اشتقت لفهود
ساره/بس فهود يا خاااله هههههه
ام متعب ببتسامه/فهود وام فهود بعد
نحد/مسسكينه هههههه رايحه شهر العسل ومعها ولد
الكل/ههههههههه
ام متعب/هههههه عاد فهود مززعج
ساره/هالولد مزعج بس مع ابوه ينقلب ازعاجه هدووء..الحيوان يبي ابوه ياخذ راحته ههههه
ام متعب لاحظت كاتي ساكته وماتشاركهم السوالف وضحكتها باهته/كاتي حبيبتي فيك شيء
كاتي/لا مافيني خالتي انا بخير
ام متعب/لونك اصفر وعيونك ذابله
كاتي/والله مافيني شيء ياخاله
ساره/هههه شكله من كثر السهر هههههه
نجد/ههههههه لاتثقلون بالسهر مو زين لكم
كاتي استحت وابتسمت بحياء/بناااات وجعع
ام متعب/هههههههه ماعليك منهم بابنتي
نجد/الله يصلح وليد اخذ اصيل معهم على الدبابات الله يستر
ام متعب/اصرت عليه تروح معه وهو يبيها اصلن تروح معه
ساره/انا حلفت ماياخذون عزوز كفايه راما الله يهديها وراكبه دباب لحالها بعد لولا عمي بومتعب حلف علي والا والله ماخليها تروح معهم هي بنيه صغيره وش عرفها
ام متعب فرحت من قلبها لان ساره تعتبر راما بنتها مو بنت ضرتها المتوفيه/الله يستر عليهم كلهم
...
/
/
في بيتهم وينتظرهم تحت/رسسيييل...يمااااااه وينكم
بسام وبحضنه فهد/عبدالله انا بطلع السياره انا وفهود
عبدالله/انتبه عليه
بسام وهو طالع/ابشر
نزلت ام عبدالله وهي جاهزه/هذا انا خلصت
عبدالله/زين وين رسيل
رسيل نزلت برشاقه لابسه برمودا جينز وتوب كات/خلاص عبدالله جيت يلا مشينا
عبدالله تغيرت ملامح وجهه/تذكرت شيء مهم فوق
ام عبدالله/وشو
عبدالله انتي يمه اطلعي للسياره جايك اللحين
ام عبدالله/يلا لا تتأخرون
رسيل استغربت نظرات عبدالله لها/عبدالله شفيك تناظرني كذا
عبدالله جاها ومسك يدها/تبيني ارتاح والا لا
رسيل ببتسامه/وش هالسؤال حبيبي
عبدالله/متأكده انك تحبيني؟
رسيل قربت من خده وباسته/اعششق انفاااسك
عبدالله ضمها برومانسيه وهمس باذنها/البسي غير هاللبس،،لانك كذا تخليني انجن.،ماتحمل اشوفك كذا واخليك
رسيل فهمت قصده، وحبت اسلوبه/من عيوني اغير هاللبس
عبدالله مسك يدها وهي مقفيه/اخذيني معك
رسيل/عبود امك برا وفهود وبسام
عبدالله شالها برومانسيه وراحوا للغرفه...،
{باغيه قلبي والمشاعر تناديه
........................قلبي عشق قلبه مع الليل ناداه

يفداك منهو يجمع اريال وجنيه
.........................يفداه وجه الطيب والعز يفداه

مثل البواخر لا رست في مراسيه
...................حبك رسا صبح ومسا ابكل مرساه

بين الظلوع الحدب حبه ابنيه
....................واكتب عليه من الغلا شي يزهاه
/
/
/
/
بالليل~
الاجواء بالمخيم رووعه..،
بو متعب/ياعيال صلحتوا القهوه
زياد/ايه يبه لحظه بس اخذ فناجيل
الوليد/من هذيك السياره اللي اقبلت
متعب/هذا عبدالله واهله
بومتعب/اخيرا بنشوف فهد
زياد/ههههه مشتاقله يبه هههه
بومتعب/يالبى قلبه وقلب أمه اي والله مشتاقله
متعب/ياحليله ذالنتفه هههههههه
نزل عبدالله وهو شايل فهد..
وبسام معهم...
ام عبدالله راحت للحريم..
رسيل راحت مع عبدالله لابوها واخوانها تسلم عليهم...
/
/
/
عند الحريم^
ام متعب/هلا بأم عبدالله
ام عبدالله/البقى شلونكم شخباركم
ام متعب/بخير ابشرك...انا قلت اكيد ضيعوا مكان المخيم...تأخرتوا وااجد
ام عبدالله/ههه والله انا وبسام وفهود طلعنا بدري ولطعونا رسيل وعبدالله ثلاث ساعات...عاد تدرين معاريس هههههههه
البنات وام متعب/ههههههههههههه
ساره تهمس لنجد/احراااج
نجد/الحمدلله ان رسيل ماسمعت ههههه
جاءت رسيل واستقبلوها ووسلمت وقعدت/بناات شفيكم تهامسوون وتضحكون وجع
ساره بنص عين وابتسامه/نقول صايره تفااحه خدودك موورده وش السرر
نجد/ههه معرووف من لقى حبيبه نسى طبيبه
الكل/هههههههههههه
رسيل انحررجت وتحاول ماتبيت/اقوول بس بلا حركات تميلح انتي وياها وين كاتي ماشوفها ذالقطوه؟!
ام متعب/اي والله حتى انا فقدتها
نجد/تركتها بالخيمه تقول بترتاح وراسها مصدع
ام متعب/انا قلت شكلها موطبيعي اليوم
لحظات وطلعت كاتي من الخيمه وراحت ركض لوراء المخيم وبعيد شوي وجلست تستفرغ...
ساره قفزت لها/كااتي شفييك
رسيل ونجد راحوا لها..
ام متعب/يووه وش في البنيه
ام عبدالله/يمكن انها حامل ههه وجالسه تتوحم
ام متعب ابتسمت/حامل!!..ماصددق ولدي زيااد البزر زوجته حامل هههه
ام عبدالله/ههههه لا موب بزر الا رجااال بس بعينك للحين بزر هههههههه
ام متعب/هههههههههه
/
عند البنات~
كاتي جلست تبي ترتاح/افففف تعععبت ابي أمي
رسيل/انتي اكيد ماكله شيء مخليك تستفرغين
نجد/اي صح كلام رسيل
ساره/كاتي مرتاحه والا اخلي زياد يوديك المستوصف
كاتي/لا لا لا تقولون لزياد شيء انا بخير......
قامت وراحت تستفرغ مره ثانيه/
نجد ورسيل رحموها/
ساره عندها وواقفه جنبها/كاتي انتي ماببطنك شيء علشان تستفرغين،لازم المستوصف..
استراحت وجلست/سسااره مافيني شيء صدقيني مافيني الا العاافيه بنات لا تخافون..
البنات/!!!!!؟؟؟
كاتي صدت عن وجيههم مستحيه/طبيعي يصير معي كذا..أنا حامل والدكتوره قالت بتوحم وبتلوع كبدي.
البنات فتحوا افوامهم متفاجئين وضحكوااا وبقهقه عاليه/ههههههه
كاتي استحت من ردت فعلهم وانحرجت وقامت وتركتهم/بايخاات مالكم دااعي
البنات لحقوها ويطقطقون عليها..
عند الحريم سلمت وجلست كاتي ~
اقبلت رسيل مع البنات،وجلسوا...
ام متعب/وش فييكم صحككم وصل عندنا
رسيل/ههههه ابد نضحك على كاتي ام20سنه
ام متعب وام عبدالله/ايش فيها كاتي
البنات بصوت واحد/حــآمل هههههههههه
ام متعب ماصدقت/وه وه مبرووك يا كاتي عسى الله يهون عليك ههههه
ام عبدالله/عالبررركه يا بنتي
كاتي مستحيه/الله يبارك فيكم
البنات/مبرووك ياكتكووته
كاتي مدت لسانها عليهم وصدت بدلع...
البنات /هههههههه
ام متعب/غرريبه ماقالي زياد
كاتي ارتبكت مت طاري زياد/ماقلتله ياخاله
الكل/!!!!
نجد/وليه يالذكيه
كاتي سكتت وصدت
ام متعب/استحيتي ياقلبي
كاتي ابتسمت وقامت/عن اذنكم راسي مصدع برتاح شوي
ام متعب/اذنك معك يا بنتي
رسيل فهمت نبرتها وقامت تلحقها/عن اذنكم بتطمن عليها وجيكم..
/
/
/
دخلت رسيل وشافت كاتي جالسه وسرحانه، وجلست جنبها/هلوو
كاتي بصوت مبحوح/هلا رسيل
رسيل ببتسامة اخت/زيزو مزعلك صح
كاتي/مو بالضبط كذا
رسيل/اجل كيف،وليه ماعلمتيه بالحمل
كاتي/رسيل،زياد مايبيني احمل اللحين،طلب مني استخدم موانع حمل ورفضت وقلت اخاف تأثر علي وما احمل بعدين واقنعني وانا اوهمته اني استخدم موانع حمل كنت اظن اني ماراح احمل باللسرعه..وهذي النتيجه
رسيل/علشاان كذا انتي متضايقه...طيب وش ناويه عليه انتي
كاتي بحيره/ماني عاارفه ايش اسوي
رسيل تنرفزت وهي تتذكر سالفتها وهي حامل لمن طلبها تسقط/انا بكلمه هالرجال على كيفهم..يحبون ينامون مع حريمهم ولا يبونهم يحملون!!
كاتي استغربت/ليش قد مريتي بهالموقف
رسيل هزت راسها/ بفهد تحداني ابوه وحاول يسقطني وهجرته علشانه واللحين مايقدر يعيش من دونه
كاتي مستغرربه/وسامحتي عبدالله بعد كل اللي سواه
رسيل ببتسامه هزت كتفها/شسووي اعششقه ماقدرت اصبر ..وهو اعتذر وانا كلي مسامحته لكن بعدما عذبته وعاقبته شوي ههه
كاتي/ياطيب قلبك يا رسيل
رسيل ابتسمت وقامت/بروح اقنع اخووي بطريقتي الخااصه،انتي بس تجهزي له وانتظريه هنا اوكي
كاتي ببتسامه/وش ناويه عليه انتي
رسيل ببتسامة ثقه/خليه علي بس والله لاخليه يجيك رركض اللحين.
/
/
/
راحت رسيل عند خيمة الرجال وكلهم محارمها/السلام عليكم
الكل/وعليكم السلام
عبدالله يطالعها ويبلع ريقه ويصد عنها ببتسامه مايبي نظراته تفضحه قدام الرجال..
رسيل شافته وتقول لقلبها لاتفضحني/زياد
زياد التفت/هلا رسيل
رسيل/تعاال ابيك بسالفه
هنا عبدالله وللع علباله تبيه وطلعت تبي زياد”أنقهرر”

~برا خيمة الرجال~
زياد/وش فيه يا رسيل
رسيل تمثل الخوف والزعل/انت اناني ماتحب الا نفسك
زياد انصدم/ليش وش سويت
رسيل/كاتي وقفناها قبل شوي بغت تذبح نفسها وحنا ماندري وانت السبب
زياد ارتااع وتغيرت نبرة صوته وهزهاا بقوه من كتوفها/انا السبب...تكلمي زوجتي وش فيها انطقيي
رسيل/ابد بس جالسه تبكي لأننا انقذناها كانت ناويه تسمم نفسها علشان تسقط الجنين وترضيك،تقول انك ماتبيها تحمل اللحين!!
زياد، بغى ينهبل/انا انا..صحيح مابيها تحمل اللحين بس ماني كاره انها تحمل وراح انبسط لو انها حملت..مابيها تسقط ولا شيء
رسيل/روح فهمها البنت حابسه نفسها بالخيمه ومكتئبه علشانك
زياد مارد عليها وانطلق للخيمه.....،
رسيل بغت ترجع لخيام الحريم لـــــكن..نازعها قلبها وهواها وطلعت الجوال من جيبها وارسلت واتساب لعبدالله علشان يطلع لها[[ تعال كلك .. مثل / ما جيت كلي
أنا لك .. وما عندي الا / حلالك

ماني من اللي حبهم / للتسلي
حبي لك اكبر من تصوّر خيالك]]]
وقفت رسيل وانتظرت وهي تضبط شعرهااللي يحركه الهواء...

لحظات وطلع عبدالله وشافها تأشر له بدلع...تلفت حوله وراح لها..
رسيل تناظر فيه بفخر وهو مقبل عليها كله رجوله ووسامه/..
عبدالله/لبيه ياقلبي جيتك،وش بغيتي
رسيل،وعينها بعينه/الجو حلو ونسيم الليل اغراني
عبدالله، فهمها ويستهبل/يعني؟!!
رسيل حست ان الظلام بالليل محد شايف،قربت اكثر وعينها شوي على شفايفه وشوي بعيونه/يعني....
عبدالله يسوي مافهم/يعني
رسيل سحبتها لصدرها،وقربت لشفايفه وباسته/

{يا إبتسامة قلبي ولهفة حنينه
ياشقاه وياحنانه

يابعد كل المسافات الحزينه
معك امانه

الدروب اللي مشينا .. لاتضيع ونغترب}
/
/
/
/
في الخيمه عند كاتي~
زياد بلهفه/كات ليش ماقلتيلي انك حامل ليش تبين تعذبين نفسك
كاتي خنقتها العبره/انت موتقول ماتبي اولاد اللحين
زياد انهد حيله وقرب منها وضمها/مابي عيال بس ان جو حياهم الله اكييد ابي افرح شفيك ياروحي تبين تذبحين نفسك ع الفاضي
كاتي مبسوطه باحضانه/يعني منت زعلان اني حامل
زياد/لا من يقوول
كاتي تكلم نفسها(ههه وش سوت بك رسيل)
زياد/يلا ياقلبي قومي وانبسطي وانتبهي على نفسك..اوكي
كاتي ببتسامه/اووكي
/
/
/
/
/
في مكان بعيد شوي وهم يتمشون~على رجليهم~
عبدالله/تعالي بسألك انتي شقلتي لزياد علشان يختفي
رسيل،ببتسامه/قلتله ان زوجته حامل..
عبدالله انصصدم/اما عاااااد..رسيل تتكلمين جد انتي
رسيل هزت راسها/ايووه
عبدالله/لا كذا بغيييرحتى البزارين صاروا زينا عندهم ولد
رسيل/شقصدك
عبدالله/قصدي اننا لازم نجيب أخ والا اخت لفهود
رسيل مدت بوزها زي الاطفال ،رافضه الفكره~
عبدالله شالها وباسها/متنظر منك بنت حلوه تشبهلك
رسيل ذاابت وتعلقت برقبته/احبببببك
..
يا أدفى من حروف الشعر
يا أرق من حلم السنين

إذا تركتك تنتظر
حسسني إن انتا حزين

مابي تقول مسامحك
قل : ماأبيك

وإذا رجعت اصالحك
أبعد يديك

أنا انجرح قبل اجرحك
وأبكي عليك

لكن أبي مره تحس
وشلون أنا أمووت فيك

هي التفاصيل الصغيره
اللي تخلينا نحب

ماأحب أنا أقسى عليك
أقسى أنا لأني أحب

ماأحب أنا أقسى عليك
أقسى أنا لأني أحب

ماأحب أنا أقسى عليك
أقسى أنا لأني أحب

***




/
/
/
/
وانتهت الروايه :)
[غرور عشاق]
أتمنى تكون عجبتكم...



بقلم/رشا السبيعي..

ملاحظه
وتم إلغاء اللقب (قلب نجد) لتشابهه مع أخرى..


وشكراً


((منقــــووووله))