بسم الله الرحمن الرحيم

طريقة استرجاع النقود عند شراء تطبيق بالخطأ من الآب ستور APP STORE

السلام عليكم ورحمة الله وبركاته ..

موضوعي السابق للي ماشافه وحاب يستفيد
"برنامج تصوير الشاشه فيديو للايفون والايباد بدون جيلبريك"


...

نبدا بالموضوع ..

الاب ستور فيه ملايين البرامج والالعاب المميزه وكل برنامج يختلف عن غيره سواء في الفكره او التصميم .... او "السعر"

لكن احياناً تشتري برنامج ..

قد لايعجبك ، او اشتراه احد اخوانك الصغار عن طريق الخطا !

او في مشكلة في التطبيق نفسه مثل "خروج مفاجئ ممن التطبيق"

او اي مشكله ثانيه تخليك تندم انك شريته ..

اليوم اشرح لكم كيفية طلب استرجاع نقودك من ابل !

يفضل يكون عندك انجليزي اشوي عشان تعرف تتكلم معاهم

او مو مشكله اعطيهم الزبده على طول بخمس كلمات ..

في طريقتين ..

- عن طريق الكمبيوتر .
- او عن طريق الايفون نفسه

الطريقه الثانيه اسهل بككثير .. لكن للاسف مو متوفره للكل لانه تعتمد على فاتورة البرنامج اللي تجيك عالايميل بعد عملية الشراء !
وبعضكم حذفها او مايدري وينها ..


نبدا ، "طريقة استرجاع نقودك عن طريق الايفون نفسه او الايباد"

افتح الايميل وادخل على فاتورة البرنامج ..





..

اضغط report a problem




..

بتجيك صفحة لتسجيل الدخول الى حسابك .. ضع الابل اي دي اللي اشتريت منه البرنامج ..




من هنا فيه كذا مشكلة ، اذا لقيت مشكلتك من بينها اختار ..

حنا بنختار الاخيرة "مشكلتي ليست هنا"

Problem is not listed here !

الآن اكتب مشكلتك في المستطيل الابيض ..

او اعطيهم الزبده ع طول زي كذا ، للي ماله في الانجليزي




اضغط submit ، بتطلع لك رساله انجليزيه معناها انه سيتم التواصل معك خلال 48 ساعه بالكثير ..

بالعادة ماتاخذ اكثر من 24 ساعه ..

بعدها بتوصلك رساله تلقائيه لاترد عليها ، تقول انه تم استلام طلبك وبيرد عليك احد الموظفين في خلال 48 ساعه ..

انتظر ساعات وبتجيك رساله من الموظف .. يقولك انه في خلال ساعات قليلة بتحصل ال1.99$ في حسابك "ع حسب سعر البرنامج"

وقد تحتاج لتسجيل الخروج ، وتسجيل دخول مره اخرى ..

تقدر تسوي نفس الطريقه من الكمبيوتر لكن بشرط يكون عندك الفاتوره ..

وتقدر بدون الفاتوره لكن تحتاج برنامج itunes عالكمبيوتر ..
وحالياً عندي مشكله فيه ، وسيتم تحديث الموضوع باذن الله في اقرب فرصه ..


"تحديث "

خلال خمس ساعات تقريباً .. من وقت كتابة الموضوع !
وصلتني الآن الرساله من موظف ابل تفيد بانه خلال 48 ساعه بالكككثير بتكون وصلت النقود لحسابي .. بالعادة ماتاخذ اكثر من خمس ساعات !




 وطبعاً زي ماقلت الافضل ترد عليه بعد ماتوصلك الفلوس .. تشكره وتقوله انها وصلتك وكذا عشان يتطمن خلاص



المدة اللتي تستطيع فيها تطبيق الطريقه .. "90" يوم ، اي ثلاث شهور بالضبط

"رجاء عدم استخدام الطريقه الا في الضروره واذا فعلاً انت ماتحتاج البرنامج "


بالتوفيق ، واي مشكله انا موجود ان شاء الله ..