محد غيرها تمكن من قلبي
محد غيرها هدم حصونه
صرت أفديها بكل عُمري
عذبت قلبي وعيشته شجونه
وأـنا إللي صعب أنفهم
وأـنا إللي مايهزني جبل ’,
فهمتني ’, زلزلتني ..
ولعتني ’, جننتنتي ..
صرت العذاب منها أشتهيه
وأـنا إللي عذبت قبلها كثير
ضحكها صرت بوقتي أفتديه
وأـنا اللي كنت بضحكتي كـ الأمير
كان قلبي مايميل ’, ولا يهيم ’, ولا يذوب
صرت أذوب من أسمع همسها ’,
ومايدوخني غير بسمة ثغرها ’,
يالبى غمازتـ(ن) حول خدها ’
ولبى مشيها ولبى كلها ’
هي وحدها من تمكن مني
هي وحدها نستني أسمي
عشقتها والعشق أمرهـ صعيب
لكن معها وحدها له طعم رهيب
عيشتني لذته وعيشتها دنيتي
وحدها أشوفها ولا غيرها عزتي

كان جالس يفكر .. بنت خالته تقدم لها واحد ووافقت عليه ومع هذا ناشبه له .. صحيح مايرد عليها ولا اهتم لها كلش .. لكن إلا تمسج له .. صار مايفتح مسجاتها .. يعمل مسح على طوول .. وبعد زواجها بـ شهر غطت عنه .. وحمد ربه على هـ الشيء .. ودعاء إنها تنشغل عنه في حيااتها الجديدهـ .. تذكر أخر مكالمتين كانت بينهم قبل لا تنخطب .. وكان مخانقها خناقه قلبت كيانها كله .. أول مرهـ بسبب المسج إللي دزته
لـ وسن وقت زواج إخته .. وكلش عشان وسن .. والمرهـ الثانيه لما وصل لهم خبر مرض عمه .. دازهـ لـ وسن تتشمت فيها " أحسن .. يستاهل وإن شاء الله مايتشافى "
وسن قرت المسج وإنهارت عليه وإهي تصارخ من الحرهـ إللي فيها .. خذا موبايلها وقرا المسج والإخت مسجله إسمها بعد .. إنقهر من جد .. مهما حقد الواحد وكرهـ .. المفروض مايتشمت .. اتصل فيها وشرشح فيها وإهي خافت وقفل منها .. وجلس يهدي في وسن إللي خايفه إنو ربي يستجيب دعاءها ..
طلعت له وسن وإهي لسا منتهيه من التكشخ كلش .. وطالعه روعه .. طلعت بـ تاخذ عباتها حس فيها وفي وجودهـ معاهـ بـ الغرفه .. ناظرها وشافها وإنهبل زود فوق هبله عليها كل وقت .. وقف ومكسها من إيدها قال : وين ؟
وسن تبسمت له وهذا إللي زادهـ .. : أخذ عباتي .. بـ نطلع .. لإننا تأخرنا ..
راكان واهو يناظرها كلها .. فستان ليموني فاتح وتلعيقاته حول الرقبه وطويل اهو وماسك على جسمها إلى الخصر وبعدين يتوسع لـ تحت وتاركه شعرها مفتوح والميك آب فوشي مناسب مع الفستان .. خق وبقووووووهـ .. قال : لاحقين على العزيمه ..
ناظرته وإهي تقول : لا ركوووني ..
راكان : وفيها ركوني بعد !!
وسن : راكان خلاص .. والله نرجع ولك كل شيء .. بس ذا الحين نتأخر ..
راكان : إذا تأخرنا ينتظرونا .. إحنا شـ ورانا .. { غير نبرته } تحرميني شيء خاطري فيه ..؟
سكتت .. لإنها ماتبي تقول إيوا .. واهو يفهمها ..
قال : صدقيني كل شيء بيتم بـ رضاك ..
قرب منها ..
وسن ناظرته قالت : حرام عزيمة خالتي ..
راكان : لا تنسين الأـيام إللي مرينا فيها .. ! ماكنا قريبين من بعض .. { يقصد لما كان أبوها تعبان وبـ الخارج وإهي معذبته معاها }
تبسمت .. لإنو من جد كانت حارمته أوقات طويله .. واهو ساكت ولا تكلم .. قربت منه وقالت وإهي أصابيع إيدينها مشبكتها ورا رقبته وجهها قريب من وجهه : واـنا أقدر أحرمك من شيء ..
ناظرها واهو رايح فيها من جد قال : خلينا ننسى العزيمه اليوم .. أهم شيء رآحتنا .. ورآحتي معاك هـ اللحظه ..
ذابت من قربه منها ووجهه قريب من وجهها .. قال بـ نبرهـ تحوسها : تدرين إنك كثيرهـ علي .. تدرين إني أحمد ربي عليك .. وإنك معاي وراضيه فيني ..
ذابت زود قالت : أـنا إللي بختي فيك كبير ..
تبسم لها وقال : دنيتي كلها إنتي ..
قالت وإهي ناسيه العزيمه : أـحبك ..
قال بـ نبرة ذوبان وبقووووهـ .. تعرف هـ النبرهـ .. تدششها عالم ثااااني .. عالم مافي إلا إهي وراكان : أـعشقك ..
جنننته .. هزت كيانه كله .. بـ حزنها بـ تعبها .. بـ حُبها وبـ إهتمامها بـ حننانها
بـ طيبها .. بـ دلعها بـ ضحكها .. جننته .. عشقها كلها .. بكل حالاتها .. وإهي ماتشوف غيرهـ بهـ الدنيا ..
وهنا ...... .. ~_^



كان حمد وخلود بـ الشاليه بـ يجلسون أسبوع قبل زواج وسام بـ أسبوع ونص وبيرجعون .. تجديد لهم .. وبروحهم .. الأولاد تاركينهم عند العنود والماسه .. كل وحدهـ ماخذهـ واحد .. { العدل كويس } ..
كانوا عايشين أـيام روعه .. كل واحد منهم تفكيرهـ في الثاني وبس ..
كانوا شبه متمددين على السرير وراسها على صدرهـ قالت : تعرف إني كنت غبيه من قبل ..!
حمد إستغرب : ليش ؟؟
خلود : كيف صدقت فيك ..!
تبسم وقال : وأـنا كنت أغبى واحد بهـ الدنيا ..
خلود : بـ العكس إنت مافي منك إثنين .. لكن أـنا إللي متنحه وبقوهـ .. كيف صدقت .. ناس متصلين فيني .. حتى إذا أعرفهم المفروض ما أصدق نهائياً إلا لما أرجع لك .. لكن إللي أكد لي كلامهم .. إنو إنت مو مثل باقي شباب العائله .. يعني ماطلبت مكالمه .. تواصل حتى إذا بـ الماسنجر .. هذا إللي شككني ..
قال : إللي حارقني من جد إنك ماتتكلمين .. بس ترمين الإتهامات وتمشين .. أسأل ما أسأل .. ماعندك رد ..
خلود تبسمت وقالت : قلت لك غبيه .. لكن مع هذا .. اجي أطلب الـطـ .....
حط إصبعه على شفايفها قال : رجيتك لا تنطقينها ..
تبسمت وإهي تبوس إصبعه قالت : مع هذا وربي حبيتك كذا فجأهـ .. من بين العذاب إللي كنت عايشته .. إلا إني عشقتك .. كيف هذا ما ادري .. لكن سبحان الله ..
لم جسمها لـ جسمه قال : تعرفين أـحبك من أول .. وذا الحين أكثر .. وبعدين أكثر وأكثر .. حياتي معاك غيــــر ..
تبسمت وباست صدرهـ قالت : أحمد ربي إننا ما استعجلنا بـ طيشنا من قبل .. كيف أقول لك أـحبك وأـنا أشوفها قليل على إللي بـ داخلي .. كيف أوضح لك مشاعري وكل شيء أشوفه مايوفي رُبع إللي أحمله لك ..
ضغط عليها وقال : يكفي وجودنا مع بعض نفس ذا الحين .. هذي اللحظه تسوى الدنيا بـ إللي فيها ..
قالت وإهي ذايبه من إللي فيها بـ همس : حمد !!
تبسم واهو مو أقل منها وبـ نفس الهمس : عونك ياروح حمد ..
حلو إنها طلعت منها بعد هذا كله : أـعشقك ..
أفعالهم إللي كملت إللي بداخلهم لـ بعض .. بدل الكلام ... ~_^

بكرهـ زواج وسام .. كانوا جالسين بـ الإستراحه ووسام وبدر وياسر يرقصون ..
على أغنية التاكسي بصوت أحدى مطربات الأفراح .. لإنو يكون حماسها أكثر ..
ووسام يرقص ويسوي حركات لـ بدر على كلمات الأغنيه .. وثلاثتهم خاشين جو مع الرقص ..
والشباب يناظرونهم ومرهـ يسولفون .. ومرهـ يشجعونهم ..
دخل عليهم عزام والمكان إزعااااااااااااااااااااااااج من الأغنيه ..
غصب عليه وقف يرقص لهم ..
جا له وسام واهو يرقص ورقصوا بـ جنب بعض .. إنتهت الأغنيه .. وجلس بدر ..
وسام : قووووم .. خلنا نقضيها الليله رقص ..
بدر : والله تعبت ..
وسام : من تزوجت وإنت تعبان .. قوم بس ...
ضحك بدر وقام معاهـ يكملون رقص مع ياسر .. { ياسر معتود .. يرقص مع هنادي
بـ البيت على طوول .. }

{ فيني خقق كبر السماء والشوق بهذل عيني .. } << مالها خص بـ الأغنيه .. ^_^

كانت روزان متصله ولا رد عليها وقال إذا رجع لـ جناحه راح يكلمها على روآآآآق ..
وكان جالس بـ جناحه .. ويكلم روزان موبايل : وربي مافيني أتحمل ..
تبسمت وقالت : ولا أـنا .. لكن هانت .. بكرهـ إن شاء الله .. راح نكون مع بعض على طوول ..
تبسم وقال : بس مافيني أتحمل لـ بكرهـ .. من أسبوع وأـنا محروم منك ..!
ماترضى إنو يتعذب والحل بـ إيدها .. لكن إهي خايفه على أخر شيء ينكشفون .. صحيح عادي عند أهلهم .. لكن فشله لها وله .. قالت : حبيبي تعال ..
قال واهو مو مصدق : أجي ؟؟
روزان : إيوا حبيبي .. وقفت على الليله .. بكرهـ الحفله الكبيرهـ .. يعني خلاص ..
تبسم وعطاها بوسه ..

كانوا أمه وأبوهـ بـ جناحهم جالسين يسولفون ...
أبو خالد واهو يضحك : ليش ؟؟
جوهرهـ ضحكت وقالت : مادش العقل ..
سُلطان : ههههههههه .. والله هذا إللي بيصير سبحان الله .. وسام زواجه بكرهـ إن شاء الله ... منو يتخيل بس .. الأـيام تمشي بسرعه .. الحمدلله ..
أم خالد : عشان كذا أقول مو داش العقل .. مو متخيله كلش .. أخر ولد لي وزواجه بكرهـ ..
سُلطان : خلاص كبروا والحمدلله .. والله يوفقهم .. ولا بقى إلا أـنا وإنتي ووليد نقابل بعض ..
ناظرته وقالت : ليش ناوي تبعد ..!
ضحك وقال : أـنا اقدر ..!
ضحكت وقالت : حسباالي .. تطق مع أولادك زواج ..
قال : تصدقين ماهي شينه ..
ناظرته وقالت : لا والله ..!
ضحك واهو يمسك كفوفها : عسى الله يخليك لي .. ما آبي غيرك ..
ضحكت وقالت : يخليك لي إن شاء الله ..
سُلطان : إن شاء الله .. مانتي نايمه .؟؟
جوهرهـ بترفع ضغطه : لا ناويه أسهر شوي ..
سُلطان : شـ تسهرين .. الساعه 2 .. !!!
ضحكت وقالت : في فيلم بـ أشوفه ..
سُلطان واهو ياخذها بـ إيدها : معاي على السرير الفيلم .. مو اليوم ..
جوهرهـ : إلا عرضه اليوم ..
سُلطان : عادي أسوي لك فيلم إذا بغيتي ..
ناظرته فاتحه عيونها على الأخر وخدودها متلونه ..
ضحك عليها وقال : أجل فيلم التليفزيون أفضل ..!!
ضحكت على شكله وإهي مذوبته بـ حركاتها .. ~_^

على الساعه 1 الظهر .. دقت أمها عليها الباب : ماما روزان إصحي .. يلا تأخرتي
بـ النومه .. ومشت من عند جناح بنتها .. متعودهـ تدق عليها وتصحى على طوول ..
كانوا شبه متمددين على السرير وراسها على صدرهـ .. ماطلع من عندها من بـ الليل .. نام معاها نومه كامله ..
قالت : مافي طلوع .. قببل لا أخذ شاور وإنت نفس الشيء .. عشان أشغلهم شوي وتطلع إنت ..
تبسم وقال : لو تبيني أجلس معاك جلست ..
ضحكت وقالت : والله بودي .. لكن تعرف ..
تبسم وقال : من الليله وإحنا على طول سوأ بـ إذن الله ..
تبسمت وقالت : إن شاء الله ..
كانت ماسكه كفه وتلعب في أصابيعه ..
قال يستهبل : عاجبتك ..؟!! خذيها ..
تبسمت وباستهم ..
حضنها له أكثر وباسها وقام من السرير ..
قالت : لو مرهـ وحدهـ بس ..
تبسم وقال : صعب .. مابقى وقت .. وأكيد أبوي بيجلس معاي ..
قالت وإهي تناظر حالها : أطلع كذا ذا الحين ؟؟
تبسم وقال : شـ حلاتك كذا ..
ضحكت وقالت : عندك بس ..
ضحك وقال : إلبس شيء وإطلعي عشان تتأكدين وإذا طلعت حوسي في نفسك ..
تبسمت وبدلت ملابسها ..
مسكها قبل لا تطلع .. قال : وعدنا الليله إن شاء الله ..
تبسمت وخدودها متلونه .. قالت بـ همس : إن شاء الله ..
باسها من خدها .. وطلعت وإهي تشوف أمها وأبوها وأخوها راشد يتغدون بـ غرفة الطعام .. مسجت لـ وسام يطلع .. وإهي دخلت عليهم .. خمس دقايق ليما مسج لها إنو طلع .. وطلعت من عندهم تاخذ لها شاور وتجهز حالها للمشغل .. { أـنا اشوف إنو ماله داعي .. يعني الولد حافظها .. يعني بلا مشغل بلا هم ... المفروض إختصروا وسافروا على طوول من غير حفلة زواج .. ' على فكرهـ راحه بـ المرهـ ' ^_^ .. هذا بـ النسبه لنا .. لكن إنتم كيفكم .. }