رواية حالة عشق كاملة 2015

[موكاتشينو]

الجزء 15




بمطبخ الفندق

طارق يتكلم مع لهيب بالجوال و يسأل عن اخباره
مزون تمد الصينية لزميلها : اتفضل
الزميل اخذها : متشكرين و طلع
كمل طارق المكالمة و ناظر مزون اللي تاخذ الورقة من رتاج
طارق : يسلم عليج لهيب
مزون : الله يسلمه
طارق : تعرفي نادر له وحشة
مزون : مكانه فارغ
طارق : كلمته امس
مزون : الله يووفقه بدراسته
طارق : ان شاء الله ما صدق انه حان وقت سفرته ينتظرها من فترة
مزون بابتسامة : كأنه واحشك مزاجه و مزحه
طارق بابتسامة : و الله كثير هالملقوف
و بتفكير : الاستاذ جسوف له فترة ما نزل المطبخ
مزون : يمكن مشغول
طارق : يمكن , و انا جاي لقيته داخل المدخل الغريب انه جاي من وقت و فوق هذا
اللي استغربته ان مو عوايده ما يسلم و ياخذ الاخبار
مزون : يمكن ما شافك
طارق : رغم كنت قدامه بس ملامحه متغيرة و كأنه حزين ما ادري وش صاير
مزون : ان شاء الله ما في شي تلقاه مشغول مو اكثر







.,’~\...,’~\...,’~\...,’~\...,’~\..







راسيل تتصل الى سرمد ما يرد عليها حاولت مرة ثانية
سرمد بتنهيدة : هلا حبيبتي
راسيل : هلا سرمد
سرمد : يا هلا عمري شخبارج
راسيل : سرمد شفيه صوتك
سرمد بابتسامة : ما كو شي شنو تسوي
راسيل : سرمد شفيك و لا تغير الموضوع
سرمد مبتسم : يا حبيبتي ما فيني شي شفيج
راسيل : سرمد سميرة مضايقتك
سرمد بابتسامة عريضة : عادي يبه تعودنا
راسيل بقهر : و هالمرة شنو مسوية
سرمد : يا عمري يا حبيبتي ما قلت لج طنشي و خلها بكيفها
المهم انتي شخبارج شنو مسوية







~’,.ٍِـ،/:"ًٌَُ×؛ّ~^~’,.ٍِـ،/:"ًٌَُ×؛ّ~^~’,.ٍِـ،/:"ًٌَُ×؛ّ~^







جسوف جالس بحيرة
" طول الفترة اللي راحت و انا انتظر لياج تاخذ علي و تتكيف معاي
صحيح بالبداية و شي طبيعي تنفر مني بس الحين وش يستدعي
بالايام الاخيرة تحسنت و بشكل كبير
معقول ما حست شي ناحيتي
ليش ما تبي حفلة كبيرة و هي بنت صغيرة
اننا لله و انا اليه راجعون
ما راح تنسى اني انفرضت عليها و انجبرت فيني
حتى لو تصرفت بشكل طبيعي ما بيروح من بالها ان ارتباطنا مو مثل اي اثنين "




~’,.ٍِـ،/:"ًٌَُ×؛ّ~^~’,.ٍِـ،/:"ًٌَُ×؛ّ~^~’,.ٍِـ،/:"ًٌَُ×؛ّ~^




لياج تفكر
" حتى ما فكر يتصل فيني يسأل عن اخباري
ما كلف على نفسه يوصل لي سلام مع خالته
يا جسوف شفيك ترى اللي صار ما يستدعي كل هذا
انا محتارة كثير وش اسوي "


.
\
/
\
/
.



في بيت ابو سرمد
بعد ما خلص ابو سرمد كلام مع سميرة
سميرة بنفسها " شنووو ؟!
راح يتزوجون ؟؟ الله لا يوفقكم الله لا يسعدكم فوق كل اللي سويته
و للحين متصافين يا علهم الانفصال
الله ينتقم منكم و يوريني يوم فيكم انتوا الاثنين
ما راح اخليكم متهنين ما راح اخليكم بحالكم "





×/×/×/×/×/×/×/×/×/×/×





إنمار بدون شعور تلقى لهيب ببالها و تتذكر لما رد عليها حاولت تطرد هالشي من بالها و تنسى
شغلت موسيقى صاخبة و ظلت ترقص مع الموسيقى
ناسية ان هالشي يغضب رب العالمين و غافلة عن عقاب ربها

لهيب و هو جالس بالحديقة على مسافة بسيطة من السيارة و هو المكان المخصص له من قبل ام إنمار
سمع صوت الموسيقى العالي و الصاخب عرف انها هي اللي مسببة كل هالازعاج

لهيب بنفسه " اننا لله و انا اليه راجعون استغفر الله العظيم لا حول و لا قوة إلا بالله العلي العظيم ... متى بتعقلي و تفهمي اللي تسويه غلط "

الام تحت بالصالة سمعت الصوت من فوق تجاهلت و هي تتصفح مجلات الموضة





’,.’,.’,.’,.’,.’,.




بمطبخ الفندق


مزون مو قادرة تتجاهل نظرات البنت لطارق و المشكلة ان البنت مساعدة يعني ما تتطلع من المطبخ
رتاج : مزون شفيج اليوم
مزون بابتسامة : ما فيني شي
رتاج بهمس : مزون يبين انج ملاحظة اللي لاحظته في هالبنت
مزون و داخلها قهر قالت بهمس : لاحظت و جايبة لي المرض ما هي شايلة عينها
رتاج : اممم طيب غيروا الاماكن يعني مثلا طارق يطلع و احد يتم معاج او تبيني اظل معاج و احد يطلع مع طارق
مزون : ما ادري بس افكر في التغيير ما هي مخليتنا بحالنا
و مدت الصينية لرتاج
اخذتها رتاج و قالت : بوصل الطلب و برجع لج
مزون : اوك طاولة رقم 000 بالحديقة
رتاج : اوك
و راحت للحديقة تنزل الطلب

ليث كان جالس على احدى الطاولات و ينتظر
رتاج مشت لرقم الطاولة و بدأت تنزل الطلب
ليث ظل يناظرها بهدوء
جسوف دخل الحديقة و بيده ملف
اشر له ليث و تقرب جسوف
جلس : السلام عليكم شخبار
ليث و هو يناظر رتاج : و عليكم السلام
و ناظر جسوف و قال : تمام انت شخبار
جسوف ناظر مكان ما ناظر ليث بعدها ناظر ليث : تمام ! و الله يبين انك مو تمام المهم ليه تبيني هنا بالفندق
ليث : لاني هنا بالفندق نازل
جسوف التفتت يبي يشوف اي عامل شاف رتاج تمشي
جسوف : لو سمحتي
التفت رتاج و تقربت
رتاج بهدوء : نعم استاذ
ليث ناظر رتاج
جسوف : اذا ما عليج امر هذا الملف وصليه الى ابو نايف مكتبه
رتاج : ان شاء الله
جسوف ناظر ليث : اممم ما طلبت شي
ليث : قهوة سادة
جسوف ناظر رتاج : اثنين قهوة و اللي يعافيج
رتاج : ان شاء الله اي خدمة ثانية
جسوف : الله يعافيج مشكورة
راحت رتاج
جسوف ناظر ليث : انت شفيك وش ناوي عليه ( يقصد نظراته الى رتاج )
ليث مسح على شعره : وش فيني ! انت تعال يعني دايم تتعامل مع موظفينك بهالشكل الله يعافيج مشكورة و اذا سمحتي و ما عليج امر
جسوف بابتسامة : شنو هذي غيرة
ليث بملامح عادية : جسووف
جسوف بابتسامة : طيب انت ليه جالس بالفندق
ليث : و اذا ليكون ما تبيني بفندقك
جسوف بضحكة : طيب ههههههه
ليث يناظر مدخل الحديقة
جسوف بضحكة : كأنك تنتظر احد
ليث : اننا للله و انا اليه رجعون
جسوف بابتسامة صغيرة : ليث اذا في بالك شي سوه بلاه النظرات و المراقب
ما كأنك قبل كم يوم متضارب مع واحد مطيح له اسنانه لانه وقف معاها
ليث ابتسم
جسوف : و نازل بالفندق و مراقبة و حركات يا اخي ريح عمرك و اخطب
ليث بابتسامة : من قال طاحت اسنانه
جسوف بقهر : احلف طلع ملابسه مبتله بدمه
ليث بابتسامة و هو يناظر رتاج تمشي بالقهوة لهم : و انفي من الوجود من يناظرها






~’,.:/،"<؛ـ,.ـ.||.,/





و بالمطبخ

مزون : اممم اقول طارق
طارق كان راح يرد { قولي حبيبتي } بس انتبه لنفسه
طارق بابتسامة : آمريني
مزون بصوت ناعم : اممم تمللت و انا هنا دوم ليش ما نغير مكاننا مثل قبل
طارق مبتسم : و نصير مثل قبل انتي داخلة و انا طالع
مزون بابتسامة : طيب و اذا
طارق بهمس : لاني ما راح اشوفج من كثر توصلينا للطلبات
مزون نزلت راسها بارتباك خفيف
طارق بهمس : و انا ما اقدر ما اشوفج جنبي على طول
مزون عن طريق الخطأ طاح نظرها على البنت الجديدة
رفعت راسها له : امممم خلاص نبقى
طارق فهمها انها غيرت رايها بسبب البنت الجديدة و نظراتها
ابتسم : و ليش غيرتي رايج
مزون : ااامم ما ادري
طارق ناظر البنت الجديدة
مزون بدون شعور و بسرعة حطت اصبع واحد على ذقنه و لفت وجهه
مزون : وين تناظر و ليش
و نزلت يدها
طارق تحرك قلبه و بهمس : اناظر السبب اللي غير رايج
ابتسمت مزون و تكتفت و ضيقت عيونها و بضحكة : ليكون مو عاجبك
طارق بابتسامة عريضة : افاااا من يقول مو عاجبني
عاجبني و نص




~’,.:/،"<؛ـ,.ـ.||.,/





و بعد يومين


و هو يوم ملجة جسوف & لياج

الكل كان متواجد من الاهل و المعارف و الجيران و الكل عرف ان تمت ملجتهم قبل بيوم من الحفلة

لياج بفستان ازرق فخم و فيه شغل حلو طويل و فتحة الظهر واسعة قليل مع تسريحة فخمة و مكياج مغير ملامحها و مطلعنها رهيبة
اخذوا كم صورة و جسوف و لياج ملتزمين الصمت رغم ان جسوف مو مصدق ان اللي جنبه هي لياج بسبب تغيرها اللافت اما لياج قلبها يضرب بقوة و مو قادرة تسيطر على ارتباكها
ارتبطوا بوجود الدبل على اصابعهم

و لما صاروا بروحهم
جسوف ظل يناظرها بحب و شوق و هو حاس بشوقه يقطعه بس يبي ياخضها بحظنه و يحسسها بالامان
لياج ساكته و هي تحرك الدبلة باصبعها بتوتر
جسوف بنبرة وترتها : الف مبروك
لياج بتوتر و بقلبها عتب : الله ه يبارك فيك
جسوف : ما ودج تسلمي علي
لياج مدت يدها بتوتر شد على يدها ارتجفت اقترب و قبل خدينها غمضت من قربه ابتعد قليل و نزلت يدها ببطئ
جسوف يتأمل ملامحها همس بصدق : وحشتيني
لياج ببطئ رفعت راسها له و ناظرت عينه و ارتبكت من نظرته
جسوف بهمس : اشوف بعينج زعل
لياج بصوت ناعم : زعلت مني و فهمت شي ما قصدته و ما فكرت فيه
جسوف بهمس : لياج احبج و خايف ما تنسي اني مو اختيارج و ......





~’,.؟\":/،÷×؛ ~’,.؟\":/،÷×؛




عند البنات
راسيل : اشلونج مع طارق
مزون : تمام
راسيل بهمس : شاللي صار بينكم
مزون بحيا و حدة : انتي وش قاعدة تقولي
رتاج ابتسمت بخفة
راسيل : انتي وين راح مخج تراني ما اقصد اللي فهمتيه اقصد شنو الجديد بينكم يعني يا عصافير الحب اربع و عشرين ساعة متقابلين يعني هالشي قربكم لبعض اكثر من اي اثنين
مزون بضيق : و يمكن هالشي يضايق بعض الاحيان
رتاج : وين الضيق الله لا يجيبه
راسيل باستغراب : شنو يعني
مزون : اا احم ما ادري بس فوق شوفتنا لبعض كل يوم ان اني مو قادرة اتخلص من خجلي منه
راسيل : و هالشي يضايق ؟
رتاج : هالشي طبيعي بالعكس راح تتعودي عليه اكثر
مزون : أكيد هالشي مو مريحه بس هو ما يقول شي و مراعيني بشكل كبير
راسيل : انتي حاسة انج مقصرة بحقه
مزون : يمكن اي و يمكن لا





~’,.؟\":/،÷×؛ ~’,.؟\":/،÷×؛





عند جسوف و لياج

جسوف بهمس : لياج احبج و خايف ما تنسي اني مو اختيارج و ......
سكت لما رفعت اصابعها لشفاته غمض و مسك يدها و قبلها
لياج بهمس : لو ما كنت راضية او حتى مترددة ما شفتني طول الفترة اللي راحت
جسوف بهمس : يعني
لياج بدون شعور و عينها بعينه و بصوت متغير : يعني اني مشتاقة لحظنك و وحشتني كثير
جسوف شدها له و هو يحظنها حست بدفا حظنه مثل ما حست اول مرة اخذها بحظنه استنشق عطرها و هو يحاول يغطي شوقه لها طيلة الايام اللي راحت





~’,.؟\":/،÷×؛ ~’,.؟\":/،÷×؛




عند البنات

راسيل : يمكن يعني انكم على طول مع بعض هالشي ما ساعد انه يبان اهتمامج فيه
رتاج بتفكير : ممكن
مزون بتنهيدة : طارق ما في منه بس يمكن المشكلة فيني
راسيل بتفكير : هالشي صاير روتيني بينكم اممم طيب انتوا ابتعدوا عن بعض من الزواية و غيروا اطلعوا توصيل هالشي بيساعدكم اذا ما لقيتيه على طول بتهتمي اكثر فيه
رتاج : و انا هم قلت لها قلنا تتعودي عليه بس على طول مع بعض يعني تغيير افترقوا شوي
مزون بقهر : هو اساسا فكرت في الشي و وافقتني رتاج ولان توظفت مجموعة جديدة و منهم بنت على طول تناظر طارق انا ناقصتها تجي تكمل علي
رتاج ابتسمت بشدة
راسيل : ناس ما تفتهم طيب خلاص غيروا و بجذي ترتاحي
مزون : راح اشوف هالشي
راسيل : انتي بعد اهتمي فيه بيني اهتمامج و غلاه عندج
رتاج بابتسامة : بل وش هالغيرة على طرووق
راسيل : هههههههه
مزون بضحكة : رتاااج
رتاج : ههههههه





~’,.؟\":/،÷×؛ ~’,.؟\":/،÷×؛





جسوف بابتسامة : صدر الحكم الاميري اني اطلع خالتي ام ياسمين تستعجلني
لياج ناظرته بخجل و حب و هو ماسك يدها
جسوف بهمس : لا عاد تنعاد انقطاعنا عن بعض و ربي ما تحملت الشوق عذبني
نزلت لياج راسها بخجل
جسوف ظل يناظرها بتأمل و تركيز تفاجأت لما قربها منه و التقى معاها بهدوء





:/،/:،/:،/:،/:،/:/،/:::/،/://،،/:




و بعد ما انتهت الحفلة

راسيل شافت سرمد ربع ساعة للمرة الاخيرة لانها ملزمة ما يشوفون بعض لين الزواج





و يوم ثاني


بمنزل ابو مزون

بغرفة مزون اللي تكلم طارق بالجوال قبل ما يرحون للدوام

مزون : فعلا ما انتبهت رجعت ما ادري اشلون راحت علي نومة
طارق : انتي عارفة انا ابي اشوفج بهالليلة ليش تتجاهلي طلبي
مزون حست بكبر كلامه و زعله : طارق ما كنت اقصد امس بطوله مشغولين حتى الجوال ما انتبهت له
طارق : طيب اسكر الحين بكلم لهيب قبل ادخل الدوام





/../../../../../../../../../../




بمنزل ام إنمار

لهيب جالس بمكانه بالحديقة

رغم ان ام إنمار حذرت انمار انه تخبر السواق بمواعيد محاضراتها علشان تنسق هي مواعيدها لكن إنمار ما اهتمت و تقريبا نست تقول له و تخبره

إنمار لابسة بجامة بنطلون بني غامق لين الركب مع تيشرت اكمامه قصيرة باللون البني الفاتح
رفعت الهاتف كلمت المطبخ خبرت الخادمة تجيب لها كوفي
وقفت على النافذة تناظر حديقة بيتهم و بعد سياج الحديقة البوابة و بعدها الشارع
شافت السواق لهيب جالس بالجلسة اللي عبارة عن اربع كراسي و طاولة و على يمينه السيارة بعد مسافة
فتحت النافذة و هي تناظر برى جات الخادمة و اخذت الكوب

لهيب و هو ينتظر وقف حط يدينه بجيوبه و مشى بشويش لبداية الحديقة و ظل يناظر البوابة

إنمار تشوفه من جانب واحد ظلت تناظره و هي متكئة على حافة النافذة و تشرب كوب الكوفي

لهيب لابس جينز اسود مع تيشرت عنابي بالوسط كلمة باللون الابيض

ظلت تناظره و تقول في نفسها :
" اااا لما كان قرصون بالفندق كان شكله عادي الحين فيه شي متغير شنو هالشي ! شكله محتاج شاللي يحده على شغلة القرصون و الحين سواق و الاكثر سواق و في بلده اممم و انا شعلي منه ليش افكر فيه اففف "
لهيب بدون قصد طاح نظره عليها و هي من النافذة
خصلات شعرها الثلجي تتحرك من الهوا و بيدها كوب تشرب منه
يناظرها و تناظره
عرف لهيب ان هالنافذة هي نافذة غرفتها
اتكى بوحدة من رجلينه على الجدار و هو يناظرها و مستمتع من داخله بنظراتها له
إنمار سكرت النافذة و جرت الستار جلست عالسرير و هي مستغربة من روحها وش فيها ناظرته جذي ليش
اففف انا وش قاعدة اقول
اخذت شور و لبست لبس انيق


نزلت تحت و امها جالسة على طاولة الفطور الام شافتها لابسة و ما عندها كتبها و شنطتها
الام : متى دوامج
إنمار اخذت مجلة و هي تمشي للباب : بعد ساعتين
طلعت من البيت لهيب شافها طالعة ناظرها و هي تمشي للطاولة و تجلس
جلست و هي تناظر المجلة بتجاهل للهيب
عرف انها ما راح تتطلع الحين بتعمد ظل يناظرها و هو مستند على الجدار
إنمار ترفع خصلات شعرها القصير من الهواء و هي تناظر المجلة بهدوء حست انه على بعد المسافة إلا انه يناظرها تجاهلت و عينها على المجلة

طلعت الام من البيت لابسة و جاهزة
تحرك لهيب من مكانه مشى لين الطاولة اخذ كابه و جواله و المفتاح ناظرته انمار و مشى لين السيارة
إنمار لما تقرب و هو ياخذ الكاب ناظرته و ريحة عطره الرجولي القوي وصلتها ظلت تناظره و هو يرفع الكاب بطريقة انيقه لبسه و فتح السيارة ركبت الام ورى ركب بخفة و سكر الباب
و طول هالوقت و إنمار تناظره بدون شعور
حرك السيارة و هو يطلع من البوابة للشارع
إنمار تذكرت ان جواله اللي كان عالطاولة كان فخم و عصري هذا غير اناقته و لبسه هذا ما يدل على فقره و حاجته علشان يشتغل سواق او قرصون
" و انا شكو فيه وش علي منه "





×.\×.|×|.×\.×.|×.\×.|×.\×.|×.\×.




جسوف اتصل بلياج

لياج ردت بحيا : ننعم
جسوف بابتسامة : صبااح العشق
سكتت لياج بحيا
جسوف مبتسم : شخبارج
لياج : آآاام مم تمام
جسوف بهمس : اما انا احس نفسي بجن
لياج بحرج : احححمم آأأ ( سكتت ما عرفت وش تقول )
جسوف بابتسامة : امس اعلان ملجتنا و اليوم منتي قادرة تكلميني
لياج انحرجت بشدة و سكتت
جسوف بضحكة : و ربي وحشني صوتج ما قلتي غير كلمة






~’,.ٍِـ،/:"ًٌَُ×؛ّ~^~’,.ٍِـ،/:"ًٌَُ×؛ّ~^~’,.ٍِـ،/:"ًٌَُ×؛ّ~^






رتاج بغرفتها ترتب شعرها قدام المنظرة
عمتها اروى : ها كملتي رتاج
رتاج و هي ترتب ياقتها : كملت عمتي
اروى : يلا الجوري عند الباب
طلعت رتاج من الغرفة و هي تمشي باتجاه الباب
رتاج : منتي محتاجة شي اجيبه و انا جاية
اروى : لا يا عمري سلامتج
رتاج : اذا تبين اي شي او صار اي شي اتصلي فيني على طول
اروى : ان شاء الله توكلي على الله الله يوفقج و يسلمج
طلعت رتاج مع الجوري للسيارة اللي تنتظرهم بتوصل الجوري للروضة و بعدها بتوصلها الفندق

(( رتاج عمرها 19 سنة ساكنة مع عمها و عمتها
العم سطام النحاس 29 سنة غايب عن البيت حاليا و بعدين بنعرف ليش
العمة اروى عمرها 28 سنة متزوجة و زوجها متوفي عندها بنت اسمها الجوري عمرها 5 سنين





~’,.~’,.~’,.~’,.~’,. ~’,.~’,.~’,.~’,.~’,.





بمطبخ الفندق لما ابتدأ الدوام

مزون : طارق شفيك فعلا ما قصدت
طارق ياخذ ورقة من رتاج اللي ابتعدت تساعد ابو جوانا
طارق بصوت هادئ و ما يناظرها : قلت لج خلاص
مزون : ليه زعلان مني تعتقد تقصدت
طارق ناظرها بنظرة : لانج تجاهلتي و ما اهتميتي حتى .. كثير علي يعني .. و لا صعبة اشوفج بهاليوم
و تحرك بهدوء و هو ينادي على زميلة لهم تاخذ مكانه
تحرك و هو يمشي برى المطبخ





/.,’/.,’/.,’/.,’/.,’





ليث كلم جسوف بالجوال

ليث : تعال الفندق ابيك
جسوف : خاف ربك امس ملجتي
ليث : هههههه و اذا الملجة و تمت تعال ابيك
جسوف : قول وش عندك
ليث : انا جايك الحين
و بعد ما جاه البيت و تكلموا

جسوف بقهر : ليث تراك زودتها مرتز بالفندق تراقبها لا هالحال ما يعجبني ما خبري فيك جذي
تبي البنت روح بيت اهلها و اخطبها غير جذي لا سامعني
ليث بابتسامة : و من قالك مو رايح بس ابي اكلم ابوي اول
جسوف بنظرة : الحين انت تبي تكلم ابوك و محتاج كل هالفترة بلاه المزح يا رجال
ليث : يا جسوف محتاج اعرف عنها كل شي و انت منت راضي تساعدني
جسوف : وش تبيني اسوي انا حاضر
ليث : ابي ملفها
جسوف بقهر : احللف لا تقول
ليث مبتسم : مو محتاج اعرف عنوانها علشان اروح مع ابوي
جسوف : اشوف العنوان انا و اعطيك اياه
ليث : جسوف كأنك منت مأمن لي يعني وش بسوي باخذ العنوان
جسوف : تصدق انك انسان تقهر يا اخي انا اخذت العنوان و لا انت واحد اللي تبيه تعرفه موقع بيتها لا اكثر
ليث بابتسامة : طيب و اسم ابوها الكامل
جسوف بتنهيدة : اننا لله و انا اليه راجعون






~’,.ٍِـ،/:"ًٌَُ×؛ّ~^~’,.ٍِـ،/:"ًٌَُ×؛ّ~^~’,.ٍِـ،/:"ًٌَُ×؛ّ~^





لهيب دخل البوابة بالسيارة بعد ما وصل الام
ناظرته إنمار و هو يطلع من السيارة و هو عارف انها تناظره راح للباب الخلفي للمطبخ اللي يكون بجانب الطاولة تماما
( لان الام خبرته ان ياخذ من الخادمة ورقة حاجيات تبيه يجيبها )

ضرب الباب بخفة و هو يناظر البوابة و إنمار تناظره فتحت الباب الخادمة
الخادمة : هذي ورقة الاغراض
لهيب اخذ الورقة : مشكورة
هزت راسها الخادمة و هي تدخل
إنمار بسرعة قبل ما يتحرك : ..............................






انتهى الجزء 15

[موكاتشينو]

الجزء 16



لهيب دخل البوابة بالسيارة بعد ما وصل الام

ناظرته إنمار و هو يطلع من السيارة و هو عارف انها تناظره راح للباب الخلفي للمطبخ اللي يكون

بجانب الطاولة تماما

( لان الام خبرته ان ياخذ من الخادمة ورقة حاجيات تبيه يجيبها )


ضرب الباب بخفة و هو يناظر البوابة و إنمار تناظره فتحت الباب الخادمة

الخادمة : هذي ورقة الاغراض

لهيب اخذ الورقة : مشكورة

هزت راسها الخادمة و هي تدخل

إنمار بسرعة قبل ما يتحرك : آآ ا الاستاذة قالت لك متى ترجع

لهيب ناظرها : اذا كملت تخبرني

إنمار ناظرت ساعتها و هي توقف : اا انتظر توصلني للجامعة و بعدها هات اللي بيدك ( تقصد الاغراض )

هوعرف من امها انه يوصلها بعد ساعتين

لهيب بنظرة ثابتة : خبرتني الاستاذة اوصلج بعد ساعتين مو مشكلة ارجع لج مرة ثانية

إنمار و هي تمشي للبيت : الطريق واحد

( لو كان سواق غيره كان زفته و قالت له ما يدخله و هو شكو ينفذ و بس خصوصا انها تكره تروح و ترجع مع السواق بينما امها حريصة على مظهر السواق بالروحة و الجية )

ابتسم لهيب و هو ملاحظ تأثيره عليها

إنمار دخلت جابت كتبها و شنطتها و طلعت لقت لهيب بالسيارة ركبت السيارة على طول لاحظ عطرها و انقهر لانها تبالغ باستخدام العطر حرك و هو يطلع من البوابة

و هم بالطريق إنمار تناظره و بنفسها " الدنيا برد و هو لابس كم قصير "





~’,.ٍِـ،/:"ًٌَُ×؛ّ~^~’,.ٍِـ،/:"ًٌَُ×؛ّ~^~’,.ٍِـ،/:"ًٌَُ×؛ّ~^






رتاج رجعت المطبخ لقت مزون و طارق مو موجود اعطت مزون الصينية اخذتها مزون بضيق و عطتها صينية ثانية

مزون : غرفة رقم 000

رتاج اخذت الصينية : شفيج طارق وينه

مزون : لا بس طلع يغير مكانه

رتاج : انا اقول لو تغيري مكانج انتي بعد ترى التوصيل ممتع و راجعة لج

و راحت توصل الطلب علشان ما تتأخر

دخل طارق و بيده بعض الطلبات اعطاها الورقة و هو يناظر الورقة

و بصوت هادئ : تفضلي

مزون اخذت الورقة و هي تناظره بتأمل و التفت لزميلتها اعطتها الورقة و هي تناظره

مزون بهمس : طارق

طارق و هو يتصفح الدفتر الصغير حق الطلبات : نعم

مزون بصوت انثوي متأثر : لا تروح

طارق ناظر زميلته اللي ورى مزون : ااا استعجلي بالطلبات و اللي يعافيج

مزون طلعت من الزاوية و تقربت من طارق مسكت يده بشدة مشت مشى معاها دخلت الزاوية المكان المخصص لهم و هو يناظرها اخذت الورقة من يده و اعطتها زميلتهم و ناظرته بلمعة و هي قريبة منه

مزون بهمس : طيب ازعل و انت بمكانك جنبي ليش تروح

طارق لف للجهة الامامية و ناظر المكان بهدوء


مزون استعجلت الطلبات و هي توصي احد يكون بدل طارق

تقربت منه رفعت راسها له : طارق لا تتجاهلني

طارق ساكت و متكئ بيده على سطح الزاوية و يده و اصابعه على ذقنه

مزون تناظره : طارق طيب ناظرني انا فعلا يعني ما قصدت أكيد اني مو متجاهلة مثل ما اعتقدت انت

طارق ساكت

مزون : و لا هو كثير عليك و لا هي صعبة بس ما ادري اشلون جذي انا ما تقصدت ازعلك و ربي

طارق ساكت للحين

مزون تناظره و تضايقت كثير بسبب زعله منها و هي المرة الاولى اللي طارق يزعل منها و يتجاهلها بهالشكل و هي ما تقدر على زعله

مزون بنبرة متغيرة قريبة للبكا : ط طارق لاا تتزعل منيي اانت عارفف ما اقدر على زعلك

طارق ناظرها و بهمس : اذا نزلت دموعج بزعل زيادة و ما راح ارضى

مزون تناظره و عيونها تلمع و الدموع متجمعة بس ما نزلت

طارق التفت لها بكامل جسمه و بصوت حنون : تضايقتي مني

نزلت نظرها عنه

طارق ابتسم و همس : يعني ما يحق لي اجرب غلاي

ابتسمت مزون بحيا

طارق بابتسامة : و لا حتى ادلل

مزون بصوت هامس : يعني انت ما كنت زعلان صدق و تخدعني صح

طارق : ههههه لا بلى زعلت بس هم اجرب غلاي

مزون ناظرته برقة و بصوت ناعم : و للحين زعلان

طارق بنظرة خاصة : اي كنت زعلان بس لما عرفت غلاي عندج رضيت

مزون مسحت على جبينها بحرج






|×|×|×|×|×|×|×|





بعد انتهاء دوام الفندق

لياج اتصلت الى جسوف و استأذنته بتطلع مع صديقتها السوق لتجهيزها

طلعوا جميعا لياج رتاج راسيل مزون بالاضافة الى ام راسيل و ام لياج



و بالسوق


رتاج تشوف بعض الاكسسوارت مع لياج

راسيل جات لهم و بيدها اكسسوار : شرايكم صبايا

رتاج : حلوو ناعم

مزون : هذي الحلق حلوو

راسيل بابتسامة و همس : رتاج ترى امي شكلج عجبتيها

لياج بحماس : ليكون تبي تخطبها

راسيل بضحكة : الصراحة ايوة تبيها لولد خالي

مزون : و من هذا ولد خالج

رتاج بصوت هادئ : اا احمم بس انا ما ابي الحين

راسيل بقهر : هو انا عارفة هالشي بس حتى لو انتي ما عندج مانع انا عندي مانع تراه الولد صايع مايع

لياج بابتسامة : لا عااد كل شي إلا رتاج يبي لها واحد مثلها شخصية قوية

مزون : و انا اشهد


و كملوا تسوق لمحلات الملابس






|×.×| |.×.| |×.×| |.×.| |×.×| |.×.|






و انتهى هذا اليوم



يوم ثاني بالصباح


بمنزل ابو سرمد

طلع سرمد من غرفته و هو يتكلم بالجوال

سرمد : هلاا راسيل

شاف سميرة بالصالة العلوية

سرمد من باب الاحترام و اللباقة : صباح الخير

سميرة : صباح النور

مشى سرمد للدرج و هو يتكلم

سميرة بنفسها " الله لا يجيب لا الخير و لا النور عليكم انتوا الاثنين "





××××~.~.~.~.~.~.××××





بمطبخ الفندق


دخلت رتاج المطبخ و اعطت مزون الصينية

مزون تعطيها صينية ثانية : هذا لطاولة رقم 000 بالحديقة

رتاج : اوك

و طلعت

طارق بهمس و هو يناظر ابو جوانا يقطع الخضراوات : مزون

مزون التفت له : هلا

طارق : ودي اسألج سؤال

مزون ناظرت مكان ما يناظر و بعدها ناظرت طارق : انت وين تناظر

طارق ناظرها : تراني اناظر ابو جوانا مو اللي تساعد ابو جوانا
( لان البنت اللي تساعد ابو جوانا هي البنت اللي دايم تناظره )

مزون نزلت نظرها بحرج من كلامه هي ابدا ما كانت تقصد انه يناظر البنت

طارق : مزون لا تتحسسي زيادة عن اللزوم

مزون رفعت راسها و هي تناظره : طيب شنو كنت بتسأل






.. ×× ~~ .. ×× ~~ .. ×× ~~






إنمار حست ان الجو مو برد لبست و نزلت




لقت امها جالسة على التيفي و بيدها بعض اوراق الخاصة بجمعيتها

الام شافت إنمار لابسة و بيدها كتبها يعني بتروح الجامعة

الام بدون ما تناظر انمار : خلج لا تطلعي الحين بغيت السواق شوي

إنمار بقهر : اوووووف

و جلست عالكنب

غافلة ان تعاملها مع امها يغضب رب العالمين حتى لو امها تعاملها بالمثل

الام : ريتااا يا ريتا

جات الخادمة : نعم مدام

الام و عينها على الاوراق : نادي لي السواق

ريتا : ان شاء الله مدام
و راحت

إنمار ناظرت الباب دقايق و دخل لهيب

إنمار رمشت عينها و كأنها حست بشي يشبه التوتر

لهيب بصوت رجولي : السلام عليكم

و هو يناظر الام متجاهل إنمار

الام : عليكم السلام و الرحمة

إنمار بهمس و قلبها تحرك من صوته : و عليكم السلام

الام : سمعني لهيب اليوم بعد ما توصل البنت للجامعة راح تروح عدة مشاوير

لهيب : اوكي ؟

إنمار تناظر لهيب بدون شعور لابس جينز ازرق مع قميص بني مخطط مع ساعة جلد بني

الام و هي تعطيه ورقة : راح تروح .... للاثاث فيه طلب باسمي لقطع اثاث للجمعية راح تستعجلهم بتخليصه

لهيب اخذ الورقة و هز راسه

الام مدت له ملف : و هذا الملف بتوصله الى بيت ام ناجي

و مت له ملف ثاني : و هالملف بتوصله للجمعية تعطيه السكرتيرة راح تعطيك اوراق تهاتها لي

لهيب : ان شاء الله

الام : و الحين تقدر توصلها

مشى لهيب و بيده الملفات و الورقة و هو منقهر من لبسها

مشت إنمار وراه

ركب السيارة و هي ركبت







××××~.~.~.~.~.~.××××






بالفندق


رتاج تمشي بممر الغرف بالبس الموحد و عامله شعرها بحركتها المعتادة

ما تحب تغير هالحركة دايم تسويها و نادرا ما تغيرها و تخليه مفتوح

و هي تمشي ليث طلع من غرفته بالممر المقابل و ما لحق يشوف وجهها عدل بس عرف انها هي

طلع من الفندق و هو عارف عنوانها

ما فكر انه يروح بيتهم و يتفقد اي شي حرك على بيتهم على طول





......... ؛ ‘":/،ـ.,’~××××؛‘":/،ـ.,’~ ........





طارق بابتسامة : مو انت قلتي شنو سؤالي كاني سألتج و اعيد شنو لي بقلبج

مزون تناظر الباب و بحيا : طارق انت تحرجني

طارق بابتسامة : انا عارف لي شي عندج بس شنو هو

مزون مرتبكة بتوتر

طارق يتفحص ردة فعلها : ما بتريحيني و انا اللي بشتاق لج بعد روحتي

رفعت راسها بسرعة : ليش انت وين بتروح

طارق بهمس : لان باقي بس هالفترة يعني بس هالكورس و بتبتدي فترة الصيف

مزون بعدم راحة : اي و بعدين ؟

طارق : عندي كورس صيفي بالجامعة

مزون بضيق : يعني بتم هنا بس هالكورس

طارق : بس هالكورس و بعدها ....

مزون قاطعته بضيق : و بعدها بتروح عني

طارق بحنية و هو يلمح ضيقتها : طيب نتفاهم بعدين

مزون نزلت راسها بضيق : اوك نتكلم بالبيت






××......××






ببيت ابو ليث


ابو ليث يقرأ الجريدة

ليث : هلا يبه شعلومك

اقترب و باس راس ابوه باحترام

ابو ليث بابتسامة : هلا بولدي علومي تسرك
وينك ما تغديت اليوم بالبيت

ليث بابتسامة : انشغلت يبه و تغديت مع جسوف

ابو ليث : شخباره عساه سالم

ليث : الله يسلمك يبه سالم تسلم
يبه ودي بشورك

ابو ليث بصوته الخشن : قول يا وحيد ابوك

ليث : ودي اخطب

ابو ليث بفرحة : ما بغيت تفرحني و تسر خاطري تبيني اشوف لك من عوائل المعارف

ليث : لا يبه ببالي عايلة النحاس

تغير وجه الابو لحظات و ملامحه رخت و تمنى يكون مجرد تشابه اسماء او من عائلة ثانية

ابو ليث : و من اي منطقة يا ابوك

ليث : من منطقة ....... ليش !

ابو ليث و توتره يزيد : و انت وش عرفك فيهم وين شايفها

ليث حس ان الموضوع فيه ان و ابوه متغير

ليث : ليش يبه تعرفهم

ابو ليث بصرامة : اقولك من وين تعرفهم

ليث : رغم اني حاس في شي لكني ما اعرفهم الله يستر عليهم
البنت شفتها و عجبتني و عرفت عايلتها

ابو ليث : عطني العنوان و ارد لك خبر

ليث مو مرتاح ابدا

ليث : يبه ليش في شي ؟

ابو ليث و هو يقوم : ما في شي اعطني العنوان و ارد لك خبر




[ لميع الليث ( ابو ليث ) عمره 43 سنة زوجته ام ليث متوفية عنده ليث عمره 23 و رميث 19 سنة .. لما تزوج كان عمره 20 سنة انجب ليث و لما كمل 4 سنين انجب رميث و بعدها توفت ام ليث يعني ترمل ابو ليث و هو عمره 24 سنة و ظل الى هذا الوقت بدون زواج ظل عازف عن الزواج 19 سنة .. انسان شديد التعامل يفرض قرارته بصرامة و ما يفضل النقاش بنى حياته العملية بصعوبة و تعب بجهد جهيد لين وصل الى موقعه الاساسي بالسوق غني و مستواه فوق الممتاز .. و حاليا يفكر انه يتزوج بعد 19 سنة من وفاة زوجته ام ليث ]






........×××××.......







جسوف اتصل بلياج


جسوف : هلاا عمري شخبارج

لياج : هلا فيك تمام انت شخبارك

جسوف بابتسامة : طيب دامج طيبة يا قلبي

لياج بحيا : اااا تسلم

جسوف مبتسم : اممم متى اشوفج

لياج بصوت ناعم : ماا ادري

جسوف مبتسم : طيب يا ما تدري بعدها اشلون تعزمي خالتي و بنتها و ما تعزميني

لياج بضحكة : هههه من انا و بعدها هذي جمعة حريم

جسوف : و لو هم يشوفونج و انا لا

لياج : امممم انت تشوفني اكثر منهم

جسوف : حرام عليج تراني وقت من شفتج

لياج : مو انا مشغولة مع صديقتي و وقتي ضيق

جسوف : لا ما يصير افضي لي شوية بس شوية

لياج بضحكة : طيب تآمر

جسوف مبتسم : ايوة اخدعيني و انا مشتاق لج موت




انتهى الجزء 16

[موكاتشينو]

الجزء 17



××......×× ××......××




و بعد يومين


ليث وصل اخته جامعتها و راح للفندق و هو يفكر

" شعندك يبه انا شاك بشي و انت منت خالي ابدا
وش عنده مع عايلتها ليش تغير و انقلب حاله "

و هو امس راح سأل و استفسر عن رتاج

عرف ان ابوها و امها متوفين و هي ساكنة عند عمها و عمتها هذا عرفه من الجيران

فكر انه يبحث اكثر و يعرف كل شي





......... ؛ ‘":/،ـ.,’~××××××~.~.~.~.~.~.××××××؛‘":/،ـ.,’~ ........





بالمطبخ


مزون بضيق : يعني بعد بقية هالكورس منت هنا

طارق يلمح ضيقتها : لازم آخذ الكورس الصيفي

و ليش الزعل شهور الصيف بقضيها بروحي و بيبدأ العام الجديد و بتجي معاي الجامعة

مزون و عينها تحت و بصوت زعلان : بس فترة على ما تكمل كل هالشهور

طارق بابتسامة : و انتي تحاتي من الحين باقي هالكورس و بعدها يصير خير

مزون رفعت نظرها له : بتعارض اني اكمل شهور الصيف و انت منت موجود

طارق : الى ذاك الوقت يصير خير , انتي تبي تتمي

مزون : و الله بيت ملل و وحدة على الاقل هنا رتاج و جميلة و بقية البنات

طارق : المشكلة اني الاول مأمن بوجود نادر

مزون بسرعة : لا طارق لا تعارض ترى الكل هنا طيب و ما منهم شي

طارق : هههههههه انا ما قلت معارض

مزون بابتسامة : كأنك منت مأمن علي بدونك

طارق بتنهيدة : الصراحة صعبة و ابيج بالبيت

مزون نزلت راسها : شفت اشلون انت معارض

طارق : على الاقل لو عمي موجود كان تغير شي

( لان ابو مزون ترك الفندق و راح يشتغل بشي ثاني )







؛ ‘":/،ـ.,’~××××؛‘":/،ـ.,’~







رتاج تمشي بالممر و بيدها الصينية

ليث يمشي بالممر العرضي بياخذ لفة الممر العام

و هو يتكلم بالجوال : هلاا جسوف لا مــ

انقطع صوته

و رتاج رجعت على ورى قليل





ـ|ـ|ـ|ـ|ـ|ـ|ـ|ـ|ـ|ـ|ـ|ـ




إنمار بغرفتها و لهيب مو رايح من بالها ما تدري ليش تفكر فيه

قامت بسرعة و ناظرت النافذة ما لقته جالس و لا واقف مثل العادة

طلعت من غرفتها نزلت من الدرج وصلت للنص شافت لهيب واقف مع الام و تعطيه بعض الاوراق

لهيب بالصدفة طاح نظره عليها واقفة تناظره نزل نظره للام

إنمار شافته توترت ضرب قلبها بقوة لما جات عينها بعينه رجعت غرفتها بتوتر و هي تناظر لبسها
كانت لابسة جينز ماسك للركب مع تيشرت طويل لربع الفخذ اخضر و بدون اكمام بسيور ضعيفة و من ورى حرف x حست نفسها سخنت و ارتفعت حرارتها


" وش هالنظرة اللي عليه"
حطت يدها على قلبها
" انا شفيني جذي انت شسويت فيني اففف اش شاقول لا لا اهدأي ما فيج شي لا تتوهمي ... اشلون بشوفه بعد شوي لاا لا ما بروح لا راح اروح هذا شفيه ليش يسوي جذي معاي "

لهيب من داخله ابتسم على توترها لما شافته

راح للحديقة بمكانه


بعد فترة إنمار لبست و نزلت

و هي ماشية شافت امها جالسة مع ام ناجي مشت للباب بدون ما تسلم او حتى تهتم

ام ناجي : هلا إنمار شخبارج

إنمار بدون نفس : هلا

ام ناجي : تعالي اجلسي معانا

إنمار مشت و كأنها ما تسمع طلعت من البيت وقفت و ناظرت لهيب

لهيب وقف اخذ جواله و المفتاح و راح للسيارة و هي تمشي بتركب

لابس جينز ازرق فاتح مع تيشرت ابيض على ناحية الصدر اليسار رقم 7 باللون الاصفر مع ساعة باللون الاسود

لبس نظارته و هي تناظره ركبت بهدوء و ركب قبل ما يشغل السيارة

همس : بسم الله الرحمن الرحيم
و حرك السيارة

ارتبكت من صوته رغم انه هامس توترت لان جو السيارة كان متشبع بعطره القوي

عم السكوت بالمكان كانت تبي تشوف عيونه إلا انه كان حاط النظارة بدون شعور تنهدت

لهيب و هو يناظر الطريق رفع نظارته على شعره ناظرها من المراية بنظرة ثابتة تحرك قلبها لما تلاقت عينه بعينها تظاهرت انها ما تأثرت ناظرت النافذة بتجاهل

و مر بعض الوقت و هم يمشون

فجأة تذكرت انها نست بروجكت مهم لليوم

ناظرته : ارجع البيت

لهيب ناظرها من المراية بنظرة : طيب

حاولت تتجاهل نظراته

لهيب اخذ الشارع الثاني و هو يرجع
رجع للبيت

إنمار و هي تنزل : انتظر راجعة

نزلت و خلت شنطتها و جوالها بالسيارة

و لهيب ينتظر رن جوالها برنة صاخبة شوي

تنهد بتفكير

رجعت إنمار ركبت حرك لهيب

انمار ردت على جوالها : هلاا ود
اوك اليوم
طيب انتي تعالي عندي
مو مشكلة اتصل فيج
اوك حبيبتي باي

و سكرت

وصل لهيب الجامعة

توها بتفتح الباب

لهيب لف لها بسرعة و بصوت يحرك القلب : لحظة

إنمار ناظرته بنظرة و عينها تلمع




ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.




ليث و هو بيلف الممر

رتاج و هي جاية بتلف

صدموا ببعض و صدمت الصينية بصدر ليث و طاحت على الارض و تكسر الكوب مع الصحن

رجعت على ورى و بهدوء و احترام : السموحة ما انتبهت

نزلت تشيل القطع المتكسرة بقوت نزول ليث يساعدها

ليث و عيونه على الارض و يشيل القطع : حصل خير

رتاج تشيل بعض القطع بهدوء

و ليث يكمل مكالمته بهدوء : هلاا لا جاي بالطريق

صاروا مقابل بعض لانهم نازلين يشيلون القطع

ارتفعت رتاج بعد ما نزل معاها القطع بالصينية

راحت علشان ترجع بطلب ثاني






ـ . ـ . ـ . ـ . ـ . ـ . ـ . ـ . ـ . ـ . ـ . ـ .






رفعت خصلات شعرها و بهمس : شنو

لهيب يناظرها بتأمل و بنبرة رجولية : متى اجيج

إنمار بلعت ريقها بتوتر من نظرته و قلبها سريع لانها تشوفه من قرب

إنمار : اا اذا كملت اتصلت فيك

لهيب بهمس : انتظرج

لفت و نزلت و هي تحس بقلبها ثقيل و اصابعها ترجف


" ليش صوته يربكني
ليش نظراته مستمرة في شي بعيونه
ليش يعاملني بهالشكل ينتظرني يقول لا هذا اكيد مجنون
انا وش فيني مو قادرة اشيله من بالي .. هذ فيه شي عيونه مخبية شي نظراته فيها سر
لا لا إنمار انتي تفكري بسواقج لا لا اعقلي انتي على ذمة رجال اففففف وش هالتخريف اللي اقوله وش فيني قمت اخرف "

لهيب من حرك و هو يبتسم و يخطط لحالهم هم الاثنين






~’,.~’,.~’,.~’,.~’,. ~’,.~’,.~’,.~’,.~’,.






في بيت ابو سرمد


سميرة مو مرتاحة ابدا تدور على طريقة تهدم حياة سرمد و راسيل اذا ما كانت سريعة على الاقل تأثر و تفرقهم و لو شوي

ظلت تفكر تفكير عميق و طويل و بعدها اتصلت في اختها






'-' '_' '-' '_' '-' '_' '-' '_'




و بعد فترة




بمطبخ الفندق

رتاج بابتسامة : اممم اقول طارق وش رايك تعتقها لوجه الله

طارق ناظر مزون و ناظر رتاج و ابتسم : هي تبي بس انا ما ابيها تغيب عني

مزون لفت تناظر الناس بحيا

رتاج : اممم اساسا انتوا الاثنين يبيلكم تغيير اماكن

طارق بابتسامة على حيا مزون : هي تآمرني بس كم مزون عندي

مزون اعطت الصينية رتاج : غرفة رقم

رتاج : شكرا يا كم مزون عنده

طارق ضحك و راحت رتاج و مزون نزلت راسها بحيا منه

طارق بابتسامة : شفيج

مزون : منك تحرجني

طارق : افااا انا طروق البريئ اسوي جذي

مزون ناظرته : على فكرة ابوي عازمك عندنا





×.\×.|×|.×\.×.|×.\×.|×.\×.|×.\×.






ليث راح الى صديقه جسوف


جسوف : علامك

ليث : انا عارف ابوي عدل و الوضع ما يطمن و انا حاس

جسوف : و هو للحين ما خبرك بشي

ليث : للحين لا بس ما هو على بعضه و متغير من يوها

رن جوال ليث و رد

ليث : هلا يبه

ان شاء الله

ناظر الجوال لقى ابوه سكر

( كل اللي قاله الاب : تعال البيت بغيتك )

ليث : يبيني الحين

جسوف : توكل على الله فرجت





~’,.ٍِـ،/:"ًٌَُ×؛ّ~^~’,.ٍِـ،/:"ًٌَُ×؛ّ~^~’,.ٍِـ،/:"ًٌَُ×؛ّ~^




و بعد فترة لهيب وصل إنمار الى البيت بعد ما كملت جامعة

كلمتها صديقتها ود بتجي عندها


إنمار سكرت من صديقتها ود و اتصلت الى لهيب

لهيب بتعمد : هلا
( قبل كان يرد نعم )

إنمار : ااا احمم روح حق صديقتي منطقة ...... و وصلها عندي

لهيب بصوت رجولي فخم : اي اوامر ثانية

إنمار : ااا لا باي

و سكرت بتوتر


" آآه يا قلبي هذا شفيه
هاا شنو إنمار هاذي مو عادتج
ليش تتصرفي معاه بهالاسلوب "


لهيب راح لبيت صديقتها وصلها عندها و ظل بمكانه

و هي قاعدة مع ود من غير ما تحس تلاقي نفسها تتطل من النافذة و تناظر مكانه







انتهى الجزء 17

[موكاتشينو]

الجزء 18


|×|×|×|×|×|×|×|



بمنزل ابو ليث

ابو ليث : اسمعني يا ولدي و افهمني
ليث بعدم اطمئنان : آمر يبه
ابو ليث بصوت ثابت : تبي شوري
ليث : شورك على راسي يبه
ابو ليث بصوت جهوري : اصرف نظر عنها و خل اشوف لك بنت ثانية ازين
ليث يحاول يكون هادئ : ليه يبه وش السبب
ابو ليث بصرامة و ثبات : يا بوك ما يناسبونا و تستاهل اللي احسن
ليث : بس لان ما يناسبونا يعني لانهم متوسطين الحال
ابو ليث : اقولك شف لك عايلة ثانية و انا مستعد و بعدها ليش انت مصر
ليث : يبه الله يطولي بعمرك ليش انت شايف على العايلة شي
ابو ليث : يا بوك لا تطولها و هي قصيرة
ليث بصوت هادئ : طيب افرض اني صرفت نظر مو من حقي اعرف السبب
ابو ليث : ليث اقولك شف لك اختيار سنع
ليث بصوت هادئ و احترام واضح : يبه انا ملاحظ انك تغيرت من عرفت اسم العايلة
ما يحق لي اعرف ليش هالعايلة بالذات لا
انت تعرفهم شايف عليهم شي قولي خلني اقتنع منك
وقف ابو ليث و التفت و هو يناظر الواجهة الزجاجية اللي تطل على الحديقة
و بصوت جهوري شديد حاد : لما اقولك كلمة تطيعها بدون اي اعتراض يا ولد الليث
دخلت رميث البيت جاية من عند صاحبتها عرفت ان الموضوع فيه حدة من ابوها و ما يتحمل تجلس بينهم راحت غرفتها بهدوء
ليث وقف و هو يلاحظ عصبية ابوه و ادرك ان الموضوع كبير
حاول يهدئ علشان يتصرف بعقل و بباله موال
اقترب و قبل راس ابوه و همس : عساك سالم يا بو ليث
و بصوت هادئ و نبرته واضحة : صرفت نظر عن الخطبة يبه اذا بغيت اخطب جيتك
التفت ابو ليث له و هو يطلع و فهم انه يحاول يوصل له فكرة معينة
انه ما يبي يخطب الحين بسبب رفض ابوه للبنت و يمكن يقصد انه ما يبي غير هالبنت و رفض الخطبة من غيرها
حاول انه يهدأ و بيكلمه مرة ثانية



|×.×| |.×.| |×.×| |.×.| |×.×| |.×.|



و اليوم الثاني


إنمار طلعت من البيت و لهيب بالسيارة ينتظرها
لابسة





ركبت السيارة و بيدها كتبها و شنطتها
لهيب ناظرها من المراية ناظرته تنتظره يحرك
طفى السيارة و ناظر الشارع
بصوت هادئ و فخم : الجو بارد نزلي لبسي ثقيل
( او يمكن يقصد تغير لبسها لشي مناسب و ساتر )
ناظرته باستغراب رغم توترها من حدة صوته
إنمار بحدة و قهر : نعععم و انت شكوو حرك و اللي يعافيك
لهيب بهدوء و عينه عالشارع : غيري لبسج
إنمار بصراخ : خير خير و انت شكو تتدخل بشي ما يخصك الزم حدودك و لا ...
لهيب بنبرة رجولية بحتة : نزلي غيريه
إنمار فقدت اعصابها : تعرف انك واحد وقح و تافه
نزلت من السيارة بقهر و سكرت الباب بقوة مشت عنه باتجاه البوابة بنيتها تمشي بروحها
حرك معاها و داخله مبتسم
و هو يمشي بستواها : اركبي
إنمار و عينها عالشارع و تمشي : بعد عني و اتركني و ارجع لمكان ما جيت
طلعت للشارع و هو معاها
لهيب : اركبي يلااا بتتأخري
وقفت بقهر و ناظرته و هو وقف السيارة
إنمار بحدة : انت من فاكر نفسك يا اللي ما تستحي انتبه لا تشوف شي ما شفته
لهيب بهمس : امج صرحت لي لو عيتي تركبي معاي اجبرج
إنمار بقهر : ما تهمني فاهم و بعدين تعال وش بتسوي مثلا روووح زين واحد متفرغ
و مشت
لهيب مشى معاها بالسيارة و فجأة لف و اعترض طريقها و هو يوقف بطريقها بالعرض بسرعة وقفت
طلع من السيارة
إنمار بقهر : انت شفيك تبي تقتلني يا التافه يا المجرم
لهيب و هو يقترب مسك يدها و سحبها معاه حركت نفسها بقوة ما تبي تمشي
إنمار : اتركني ابعددد
لهيب فتح الباب و خلاها تدخل السيارة و ركب مكانه و حرك السيارة
إنمار بحدة و صراخ : يا اللي ما تستحي ما تخجل على وجهك ما ابي اركب رجعني البيت ما ابيك توصلني
لهيب ساكت و هو يسوق بهدوء
إنمار بقهر : اقولك رجعنييييي ما ابيك توصلني فاااهم وقف السيارة اقولك وقف السيارة
لهيب ساكت و كأنه ما يسمع
وصل للجامعة
لهيب بصوت هادئ و هو يناظر الشارع : اذا خلصتي كلميني
إنمار ناظرته بقهر شديد و نزلت قفلت الباب بقوة
لهيب مشى و هو يبتسم



××××~.~.~.~.~.~.××××



ليث مع جسوف
جسوف : و انت مصر عالبنت
ليث بتنهيدة : دخلت قلبي يا اخوك
ابتسم جسوف على حال صاحبه و لما فرح له اختربت فرحته برفض ابوه
ليث بهدوء : حتى لو افترضت ان ابوي سببه هو حالهم المتوسط مثلا
كان راح يعارض بطريقة مفهومة لاني عارف و متاكد ان لميع الليث ما بيقبل إلا بنسب عالي
جسوف : طيب ؟
ليث : بس لانه عارض لما سمع اسم العايلة متأكد ان للعايلة شي ما اعرفه و لا ليش بيعارض
جسوف : يمكن يعرف العايلة
ليث : يعرفها ممكن بس يقول لي السبب الحقيقي و يقنعني مو يتعذر لي بسبب مو هو السبب الاصلي
جسوف : سواء في سبب ثاني او لا بكلا الحالتين ما رايح يرضى بسبب حالهم مثل ما قلت اللي ما يعتبر عيب
ليث : مو مشكلة بس افهم السبب الحقيقي و ما راح ارتاح لين اعرفه
هذا لميع الليث و ما يخبي شي إلا و هو جايد



.. ×× ~~ .. ×× ~~ .. ×× ~~



إنمار كملت جامعة و ما اتصلت في لهيب كانت تقدر ترجع مع ود او اي صديقة ثانية لكنها فضلت انها تمشي عناد في لهيب و هي مقررة ترجع البيت تتهاوش معاه
لهيب لما ما شافها اتصلت راح الجامعة و وقف
اتصل فيها فصلته مشى ناحية الشارع لقاها تمشي راح و مشى بمستوى مشيها
إنمار ناظرت السيارة اللي جنبها لقته لهيب ناظرت الشارع بتجاهل و هي تمشي بهدوء
لهيب : اركبي آخذج البيت
إنمار تمشي و ساكته عنه
لهيب بنبرة خاصة : تعالي بلا عناد
إنمار رفعت شعرها و هي تناظر الشارع و بحدة : امش و لا تلحقني
لهيب بشبه ابتسامة : يلاا امشي خلينا نتوكل
إنمار وقفت و هي تناظره بقهر : احلف عااد لا تقول ما لك دخل فيني فااهم لا تتدخل في شي ما يخصك شي ما يعنيك الزم حدودك
لهيب بأحساس بنبرة خاصة : تعالي لاني بضطر اتصرف
ارتبكت و قلبها تحرك و بعناد مشت عنه بتجاهل
وقف السيارة و نزل منها مشى لها بدون ما يناظرها تقرب مسك يدها من المعصم و مشى و هو ماسكنها
إنمار بحدة و هي متوترة من يده : اتركني ما ابي اروح معاك لا تلمسني اوقف ما ابيك
يمشي و ماسكنها و هي ترجع لورى ما تبي تمشي معاه حركت يدها بقوة و هو ماسكنها بقوة اكبر
و لانها تتحرك و توقف لهيب لف لها و هو ماسك يدها صدمت قليل بصدره
لهيب بهمس خاص : اششش لا تخليني اعصب
تحركت بقوة و هي تتحاشى عينه لانها ارتبكت بسبب صدمتها بصدره
لهيب ما اهتم و مشى لين السيارة خلاها تركب و ركب بمكانه و حرك
إنمار بحالة رعشة واستغراب شديد و قوي من تصرفه
إنمار بصراخ و قهر : من سمح لك يا تافه تسوي جذي لا تتعدى حدودك ما ابي اركب موب غصب
لهيب ساكت بهدوء و هو يناظر الشارع و اعصابه مثل الثلج
رفعت شعرها على ورى بقهر و هي تنافخ
ناظرت المراية و بصوت عالي : لا تسوي نفسك ما تسمع يا ابو اعصاب باردة يا اللي ما تستحي اشلون تتطاول علي
ملتزم السكوت و لا كأن احد يكلمه
بعد دقايق إنمار هدأت شوي شوي سندت راسها على الكرسي و هي تناظر نافذتها
لهيب كل شوي يناظرها من المراية
تعمد انه يطول بالطريق و ياخذ شارع ثاني علشان تتطول معاه و بمثل الوقت تهدى بروحها
خطر على بالها سالفة ابوها و زواجها هالشي يتكرر بعقلها كل فترة ما تقدر تنسى حتى لو تناست
تنهدت و هي ترفع خصلات شعرها ورى اذنها بضيق
لهيب حس ان فيها شي من عدم انتظام تنفسها ناظرها من المراية
إنمار تحول نظرها من نافذتها الى المراية و شافته يناظرها بنظرة تجهل معاناها
رجعت تناظر النافذة و بداخلها الف تساؤل على تصرفاته و سر نظراته اللي تحمل الكثير

وصلوا البيت و قبل ما يفتح الباب علشان تنزل لف لها و ناظرها
إنمار شافته و هو يلف لها ارتبكت شوي
بتوتر حاولت تخفيه و حدة تعمدتها : نعم وش تبي خيير
لهيب يناظرها بنظرات خاصة و عيونه تلمع
و بصوت رجولي : انتي حديتيني اتعامل معاج هالشكل
إنمار بانفجار : انت من سمح لك اساسا تكلمني و تتصرف هالشكل معاي ما لك حق تتدخل بشي ما يخصك ..
قاطعها و على شفاته شبه ابتسامة و بهمس : خلاص خلج مني
و ناظر كتفها الباين و ناظر عينها
همس بنبرة تضرب القلب : بكيفج تلبسي اللي يريحج سواء زين او لا .. او يكشف او لا .. لكني سواقج و شغلي اوصلج و ارجعج
إنمار توترت من نظرته اللي تحولت من كتفها لين عينها و من كلامه و قصده
إنمار بحدة خفيفة : انت ما لك حق تتدخل بأي شي يخصني فاهمم الزم حدودك و اعرف من تكلم
و بعدها تراك ما تقدر تغصبني غصب اركب معاك
لهيب ناظر يدها جهة معصمها فيه اثر للون الاحمر مكان ما مسكها بقوة
لهيب بهمس : هذا مني
إنمار ناظرت يدها و ناظرته و بحدة : ما لك خص فااهم
و مدت يدها للباب
بسرعة مسك يدها مكان الاثر و بهمس رجولي : لا تاخذيها حجة و ترفضي اوصلج
( مو لانه خايف انه ما تركب معاه من بعد اليوم لانه يبي يأثر عليها بأبسط الامور و يخليها تحط ببالها انه مهتم فيها و مهتم لامرها و يهمه يشوفها كل يوم )
إنمار بتوتر حاوت تخفيه و هي تحرك يدها : اتركني و بعد
نزلت و دخلت البيت بقهر لهيب ابتسم على اللي صار اليوم و قدر يأثر عليها و يربكها بحضوره و شوفته



××××~.~.~.~.~.~.××××



و باليوم الثاني

بالصباح
لهيب ينتظر بمكانه المعتاد و إنمار تاخرت و ما طلعت

و بغرفة إنمار
ديكور الغرفة عبارة عن اللون الاسود و الاصفر اعطى الجو شي من المبالغة و شعاع غير محبب
التسريحة عليها كتابين بطريقة غير مرتبة و شنطة مفتوحة و بعض حافظات الاكسسوارات باهمال
بالاضافة الى حافظات و شنط المكياج اللي كانت مفتوحة و بعض الاشياء متناثرة بغير ترتيب
السرير مو مرتب و إنمار نايمة بشكل عرضي و المخدة على راسها
التيفي شغال على فلم و الصوت عالي
و جوالها يرن برنة صاخبة و قوية
إنمار فتحت عينها بكسل دورت على جوالها ما لقته جنبها اعتدلت بتعب و هي تمسح عينها و شعرها معفوس
دورت تحت الوسادة ما حصلته رفعت البطانية لقته بجانب رجلها
ردت بصوت نايم : خيييير !
ود : هاي للحين نايمةةة قووومي صحصحيي
إنمار ترفع شعرها بتعب : موب مدوامة اليوم
ود : سهرانه امس و نايمة للحين قوومي وراج محاضرات
إنمار بكسل و تعب : موب جاية
و سكرت الجوال بدون باي او حتى تنتظر ود ترد
رجعت نامت و تغطت بالكامل


طلعت إم إنمار و وصلها لهيب جمعيتها
ما شافت إنمار قبل ما تتطلع و لا طلت عليها اذا بتروح الجامعة او لا و الامر ما يهمها نهائيا

لهيب رجع البيت
و ضرب الباب فتحت له الخادمة
الخادمة : نعم
لهيب : شوفي اذا كانت بنت االاستاذة عندها جامعة
( رغم انه يقدر يتصل فيها , و غير جذي من المعروف ان اذا محد نزل للسواق يعني محد بيطلع اشلون يروح يسأل , هذا لهيب و هذي مخططاته )
الخادمة : اوك الحين اشوفها
راحت الخادمة غرفة إنمار ضربت الباب ما في اي رد سمعت صوت التيفي
فتحت الباب و دخلت سكرت التيفي و وقفت عند السرير
الخادمة : آنسة إنمار
لا رد
الخادمة : آنسة إنمار
إنمار و هي نايمة و بصوت كسلان : نعـم
الخادمة : ااا في دوام اليوم للجامعة
إنمار بكسل و نوم و هي مغمضة : روحي كملي شغلج ريتا عمري ما راح اروح
( رغم شخصية إنمار المتمردة و الغير المسوؤلة و عديمة الاهتمام إلا انها ما تعامل الخدم بطريقة غير محببة او تنقص من قدرهم و تعصب اذا امها حاولت تصرخ على ريتا )
الخادمة : السواق يسأل آنسة إنمار اذا في دوام
إنمار سمعت السواق قامت بفزعة و هي تمسح عينها
إنمار بصوت مبحوح : شنوو السواق
الخادمة : اي السواق برى يسأل يوصل للدوام او لا
إنمار حست بقلبها يضرب و بتفكير و حيرة : ااا قولي له اي في دوام
مشت الخادمة شوي
إنمار بصوت سريع : لاااا لا لا ريتا اااآآ م امم قولي له لا ما في دوام اوكي
الخادمة : اوكي آنسة
و طلعت
إنمار تنهدت و قلبها يخفق
تذكرت و قامت بسرعة طلت من النافذة بدون ما تفتحها شافت لهيب واقف بجانب الباب و نظره للباب ظلت تناظره و لما الخادمة طلعت كلمته رفع نظره لنافذتها حست بالتوتر رغم انه ما يشوفها لان الزجاج عاكس و هي مو فاتحة النافذة رجعت على ورى

و ظلت تفكر و هي تحس بشعور غريب
حاولت تنفظ افكارها و تركز انها على ذمة رجال و ما يصبير تفكر بهالشكل
غصب عنها رجعت تفكر في لهيب
" قال لي اغير لبسي لان الجو و لا لانه مهتم ؟!
نظرته و نبرة صوته لما قال بكيفي البس يكشف او لا ما كانت تدل على هالشي
كانت تدل على انه ما يحب هاللبس
اوووف انا وش فيني اربكني و لخبط عقلي عليه صوت يذبح نبرته احسها تربكني و توترني
مجرد ما يناظرني يسبب لي الرعشة و ارتجف "

راحت لدورة المياه تغسل

لهيب ابتسم و هو يتابع مخططه بنجاح راح لجهة الجدار اللي مقابل نافذتها استند عليه و رفع جواله و اتصل فيها

إنمار طلعت من دورة المياه سمعت تلفونها راحت له ركض شافته هو ارتبكت
ردت بصوت مبحوح : نعم
لهيب بنبرة هادئة : السلام عليكم
مغصها بطنها من صوته : وعليكم السلام
لهيب بنبرة رجولية : ما راح تداومي
إنمار غمضت من نبرة صوته و برجفة : لا عندك مانع خير ليش متصل
لهيب بشبه ابتسامة و بهمس تعمده : ما عندج دوام او ما تبيني اوصلج
ارتبكت وقفت و طلت من النافذة و فتحت الستار : ما لك دخل

يناظر النافذة و هي تناظره و يعرف انها تناظره بدون ما تفتح النافذة
لهيب بصوت واثق : انتي تناظريني و تشوفيني و انا تمنعيني اني اشوفج

غمضت بقوة من شعورها بسبب كلامه
يقصد انه يعرف انها تناظره و متأكد
و انه حاس و عارف انها معجبة فيه و مهتمة فيه و تناظره باهتمام مثل ما هو مهتم انه يشوفها لانه مهتم فيها و معجب

عرف لهيب ان هالكلام اثر فيها و ارتبكت
فتحت النافذة و ناظرته و هو يناظرها
اول ما شافها
همس بنبرة خاصة : صباح الخير
إنمار بأنفاس مضطربة : صباح النور
و عم السكوت و بس انفاسهم اللي تنسمع و نظراتهم مستمرة

لابسة بيجامة بنطلون قطني بنفسجي مع بلوزة اكمام قصيرة بيضا بورود صغيرة بنفسجية
لابس جينز اسود مع تيشرت رصاصي و ساعة جلد اسود

من خلال هالكلام و من خلال نظراتهم و تصرفاتهم مع بعض ايقنوا هم الاثنين انفضاح مشاعرهم لبعض عرفوا الاثنين ان الطرف الثاني مهتم فيه و معجب و على حافة الحب

قطع السكوت بصوته الفخم : اذا زعلانة على تصرف امس انقهري فيني بس دوامي
( يقصد ان اذا منتي جاية علشان تصرف امس تعالي و طلعي حرتج فيني بس تعالي علشان اشوفج )
إنمار : ما لي خلق دوام
لهيب بهمس : ما لج خلق دوام او ما لج خلق تشوفيني
إنمار بارتباك : ااا آ بسكر
لهيب : لحظة
إنمار ظلت تسمعه
لهيب : انا هنا اذا بغيتي تطلعي

سكروا
و دخلت بتوتر
" انا شفيني ليه ما وقفته عند حده و تهاوشت معاه ليش تماديت بالكلام
لا انا على ذمة احد و حتى لو كنت مو متزوجة هذا ما يرضيني و بعدها هذا سواقي
إنمار بلا جنون بلا هبل انتي وش تسوي "

لهيب تأكد انه علق قلبها فيه و نجح بخطته



××......×× ××......××



ثلاثة ايام مرت على ابطالنا
جسوف و لياج
مرتاحين و متواصلين بالجوال و بهالفترة بعد اعلان ارتباطهم رسمي بالملجة و الخطوبة ريحت الاثنين

لهيب و إنمار
لهيب مواصل بمخططه اللي ادرك انه نجح و يبيله تثبيت قوي
إنمار حاسة بمشاعرها القوية اتجاه لهيب و حضوره المربك لها و تحاول بعض الاحيان تنسى بسبب ارتباطها و بعض الاحيان تحاول تنسى مو بس لانها مرتبطة تحاول تنسى لانه السواق إلا ان تمردها و جرئتها باللبس و التصرفات موجودة للحين

ليث و رتاج
ليث مواصل بحثه عن عائلة رتاج بهدوء و بدون شوشرة
اما رتاج مع عمتها و بنت عمتها تحاول تغطي غياب عمها سطام و تقوم ببعض الواجبات الضرورية و مواصلة شغلها

سرمد و راسيل
سرمد يحاول يتجاهل سميرة بتعاملها و تدخلها بكل شي و الاكثر اختلاق المشاكل مع ابوه
راسيل جهزت كليا للزواج و متجهزة للحرب المتوقعة بينها و بين سميرة

طارق و مزون
طارق يحاول عدم التجرء مع مزون سواء بالكلام او بالفعل ما يبي سبب لها اي احراج بطبعها الخجول يبيها مثل ما هي و ما يطلب تتغير
مزون يوم عن يوم تتعلق بطارق اكثر و اكثر و مواصلة تواصلها مع امها

يا ترى شنو احداث حياتهم بالفترة الجاية
عادية مفرحة او محزنة
متوقعة او مفاجئة
الزمن بيكتم اسرارهم او بيعلنها و بيفضحهم



......... ؛ ‘":/،ـ.,’~××××؛‘":/،ـ.,’~ ........



بمنزل ابو ليث
ضربت رميث باب غرفة ليث
ليث و هو منسدح عالسرير توقع اخته : رميث ادخلي
لان حزة جامعتها و توقع بتجي علشان يوصلها
التفت رميث لليث و بابتسامة : هلاا فيك صباح الخير شخبارك
ليث مبتسم : صباح النور و السرور المهم انتي شخبارج
مر الاب و لقاهم داخل الغرفة و بدون ما يدخل
بصوت خالي من الحنية : رميث منتي رايحة للجامعة
رميث ارتبكت بسبب وجود ابوها : إلاا يبه رايحة ...
قاطعها بصوته الخشن : يلاا انزلي للسواق
ليث : يبه خلها تروح معاي انا اوصلها
ابو ليث : لا انزلي للسواق بنت لميع الليث ما تمشي إلا بسواقها
رميث بغضب عنها و بصوت هادئ مرتبك : ان شاء الله يبه و طلعت
ليث يلاحظ توتر رميث من ابوها و خوفها من معاملته و ما يفوته انها ما ترفع نظرها لابوها ابد
ابو ليث : الدوام
ليث و هو قايم : اي يبه تآمرني على شي
ابو ليث : سلامتك يبه
ليث : عساك سالم

ليث بعد ما راح دوامه اتصل بجسوف يجيه

جسوف : قول شعندك وراي دوام
ليث : و انت على طول مستعجل
جسوف : عندي اشغال يا اخوك
ليث بابتسامة : بتحملك علشانك رئيسها بس
جسوف بضحكة : يا الذرب انا صاحبك من قبل صدق خوان
ليث : ههههه اساسا وحشتني و انت مانعني من الجية
جسوف مبتسم : يا اما عليك عيارة و انا اخوك
المهم وش صار
ليث : للحين و بظل لين القى الشي المهم
جسوف : على فكرة لا تعب نفسك تراها اليوم طالبة اجازة
ليث بخوف : ليش مريضة يعني
جسوف بابتسامة : لا تطمن ما عليها شر بس عندهم مناسبة اجتماعية
ليث بخرعة : جسوف لا تطيح قلبي مو هي اكيد مو ملجتها
جسوف بابتسامة : ارتاح يا اخوك ارتاح ريح عمرك لا يجيك شي بس


/.
\.


[ ... قبل ما يجي جسوف لليث
كان بالفندق و بمكتب ابو نايف يراجع معاه بعض الاوراق
انضرب الباب
ابو نايف : تفضل
دخلت رتاج مع مزون
رتاج : السلام عليكم
ابو نايف مع جسوف : و عليكم السلام
رتاج : احنا جايين و عندنا طلب و نستأذن ابو نايف
ابو نايف : تفضلي يا بنتي
رتاج : احنا محتاجين نطلع بنصف الدوام
ابو نايف : يا ابوج انتوا الثنتين
رتاج : اي نعم احنا الثنتين
ابو نايف : و عسى ما شر يا بنتي
رتاج : احمم ااا هو عندنا ظرف اجتماعي و ضروري نطلع
ابو نايف : هو الموضوع صحيح عندي بس دام الاستاذ جسوف موجود
جسوف بابتسامة : ما في اي مانع
ابو نايف : عجل بوقت نصف الدوام تعالوا لي توقعوا و تطلعوا ارتب الموضوع مع البقية
رتاج : للعلم ان مزون بتطلع مع نصف الدوام بالضبط بس انا محتاجة اطلع قبل بساعتين
ابو نايف : تجيني بوقت خروجج
جسوف : اذا في اي ظرف احنا بالخدمة اختي محتاجين شي الاهل في اي مشكلة
رتاج : لا شكرا استاذ جسوف ما تقصر الله يعطيك العافية نستأذن
ابو نايف : اذنكم معاكم

طلعوا من المكتب
مزون : ليش بتطلعي قبلي
رتاج : نسيت ما قلت لج تذكرت لما سألني ابو نايف لان عمي سطام له زيارة اليوم و بمر آخذ عمتي و بنروح له علشان و احنا راجعين نرجع معانا الجوري من المدرسة
مزون بضيق : الله يفكه ان شاء لله
رتاج : ان شاء الله
مزون : و بعدها اشلون نتلاقى
رتاج : مو انتي بتطلعي بتمري لياج البيت انا بعد ارجع عمتي و بنتها البيت بجهز و بجيكم اذا تأخرت باتصل فيكم تروحوا و انا وراكم

لان اليوم زواج راسيل
لياج و رتاج و مزون بيروحوا مع بعض للصالون ... ]


/.
\.


ليث : اهااا و زوجتك اكدت لك انه زواج صديقتهم
جسوف : صاحي انت يعني لو زواجها بتجي الدوام و بتطلع
ليث : بس ليش بتطلع قبل
جسوف : يا اخي البنت مشغولة انت شكو
ليث بتفكير : بحاول اعرف

.
.
.

يتبع

[موكاتشينو]

××......××


بالمطبخ

طارق : و بس انتي اللي تكلمتي
رتاج بابتسامة : بس و مزون زيادة عدد
طارق ناظر مزون اللي تناظر الجهة الامامية : ما ابيها تكلم احد
و ناظر رتاج
و بدون شعور اقتربت يد طارق من يد مزون مسكها و هو يخلي فراغات اصابعه بفراغات يدها و هي بهدوء مسكت يده
رتاج ناداها ابو جوانا و راحت
طارق ناظر مزون و همس : ما راح يصير مثل المرة اللي راحت
فهمته مزون و التفت له بدون ما تناظره : اول ما اوصل البيت اكلمك
طارق شد على يدها : وعد
مزون : وعد اشوفك




........×××××.......




و بعد فترة

ليث راح منطقة رتاج و وقف على الشارع المقابل لبيتها
دقايق و وصلت السيارة اللي توصلها و ما نزلت رتاج من السيارة ثواني و طلعت ام الجوري و ركبت السيارة تحركت السيارة و تحرك وراها ليث

ليث " حتى ما نزلت تغير ملابس الدوام ! وين رايحين ؟

وصلوا المركز استغرب ليث ليش جايين مركز الشرطة
نزلوا بسرعة و دخلوا زاروا عمها سطام و شافوه و تطمنوا على صحته
طلعوا و راحوا روضة الجوري اخذوها و راحوا البيت
و بعد فترة طلعت رتاج و راحت بيت لياج و طلعوا جميعا للصالون


......... ؛ ‘":/،ـ.,’~××××××~.~.~.~.~.~.××××××؛‘":/،ـ.,’~ ........


و بالمغرب

إنمار طلت من النافذة ما لقته موجود و لا السيارة نزلت و سألت الخادمة قالت لها ما ارسلته مكان
يعني راح يرجع الام البيت
انتظرت بالصالة و هي تناظر التيفي
رجعت الام و راحت فوق
إنمار قامت طلت من نافذة الصالة لقته موجود بالسيارة استغربت ليه ما نزل
طلعت من البيت
لابسة جينز ازرق مع تيشرت اخضر غامق و عليه جاكت اسود و اسكارف خفيف اخضر
لهيب انتبه و شافها نزل من السيارة وقف بجانب بابه و استند عليه
وقفت قريبة من باب البيت
إنمار ترفع خصلة من شعرها : ااا آآ الاستاذة بتطلع
لهيب : راح اوصلها و ارجع
إنمار ناظرت ساعتها و استغربت امها بتطلع هالحزة
الام طلعت من البيت و شافت إنمار واقفة
الام : شنو طالعة
إنمار : لا
الام : ام ناجي عاملة حفلة لاحد اولادها راجع من السفر و اعرف انج ما بتورينها وجهج اتصلي فيها و قومي بالواجب
إنمار تناظر البوابة و هي ترفع خصلات شعرها و بدون نفس : موب متصلة و تضرب راسها بالحيط
الام بحدة : انا رايحة لها و راح يرجع السواق و اذا بتطلعي معاه .. سامعة معاه .. بنت سماح الـ..... ما تطلع إلا بالسواق فاهمة
إنمار ناظرتها بقهر : تراج صرعتيني بطلعتي مع السواق
الام بقهر : قلت لج و لا تراددي تبي تفشلينا يا بنت ابوج
و ناظرت لهيب
الام : راح توصلني و ترجع هنا لين اتصل فيك تجيني و احتمال اتأخر ما ادري لمتى راح تتم لين اخبرك
لهيب هز راسه بخفة
ركبت الام و ركب لهيب و حرك بوقت دخول إنمار البيت


؛ ‘":/،ـ.,’~××××؛‘":/،ـ.,’~


بصالة الزواج
راسيل و سرمد يمشون للكوشة
و البعض متغطي
لياج : الله يهنيهم
مزون : يهبلون ما بغينا نزفهم لبعض
رتاج : ما شاء الله عليهم الله يبارك لهم و يسعدهم
لياج بضحكة و همس : رتاج الحريم قطعوج بنظراتهم
مزون بهمس : ناوين عليج يخطبونج
رتاج بابتسامة : بنات خلاص
لياج : ههههههه منهبلين فيج
مزون بضحكة : امممم اذا تقدموا لج بمثل الوقت تنقي و اختاري
رجاج بضحكة : بنااات بسس احرجتوني تراهم يناظرونا
لياج و مزون : هههههههه

جلسوا عالكوشة
سرمد بهمس : متى نطلع
راسيل بابتسامة صغيرة : حرام عليك ما جلسنا
سرمد بابتسامة : ما اقدر اتحمل ابي انفرد فيج
راسيل ناظرت الناس بحيا
سرمد مبتسم : بدينا بحياج اللي يخليني اتهور
راسيل بحرج : سسرمدد
سرمد : ههههه طيب
و بدأو يهنونهم الناس و يسلمون عليهم


ـ|ـ|ـ|ـ|ـ|ـ|ـ|ـ|ـ|ـ|ـ|ـ


ليث مو مصدق اللي عرفه مو قادر يتخيل هالشي
راح بيتهم و بقلبه قهر و هو مو قادر يستوعب بس مصبر نفسه
شاف اخته رميث
رميث : هلاا ليث
ليث بقهر حاول يخفيه : هلا بقلب اخوها
ابوي وين
رميث بهمس : بالصالة فوق انا رايحة غرفتي
ليث : لا لا تعالي ابيج معانا
رميث تمشي معاه : ليش في شي
ليث : امشي انتي الحين

ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.

و بعد انتهاء الحفلة

بمنزل ابو مزون

مزون لابسة فستان باللون الكركمي ميال للاصفر مع تسريحة ناعمة فيها رفعة قليل مع ترويل خصلات و مكياج مغير ملامحها على الرغم من نعومته

مزون بهمس و عينها بالارض : ط طارق لا تناظرني جذي
طارق ناظر ابو مزون اللي يراجع بعض الاورق على بعد مسافة منهم و بعدها ناظر مزون
طارق بهمس : ما سويت شي انتي المتغيرة خيال طالعة
مزون بحيا : اا احم امم وش سويت اليوم
طارق بابتسامة : تميت بروحي وحيد فريد وحشتيني
ابو مزون دخل يجيب بعض الاوراق من الغرفة
طارق اقترب و مزون غمضت
قبل خدها باحساس اربكها و رفع ضربات قلبها
طارق بهمس : اشوفج بالدوام
مزون بهمس و حيا : ططيب
طارق : تصبحي على خير
مزون بربكة : و انت من اهله



ـ . ـ . ـ . ـ . ـ . ـ . ـ . ـ . ـ . ـ . ـ . ـ .


ابو ليث
و ليث و رميث جالسين


ابو ليث : رجعت فتحت الموضوع يا ابوك مو قلت لك اترك و اصرف نظر
ليث بصوت هادئ : يبه انا محتاج اعرف السبب و لا تقول لي الفارق المادي لاني متاكد ان في شي
ابو ليث بحدة : وش تقصد يا ولد
رميث بنفسها " ابوي دايم جذي يفرض قرارته بحزم بدون مراعاتنا طيب وش فيها و حالهم متوسط يعني حرام تتزوج دام ليث يبيها هو حر "
ليث بعقلانية : يبه تراني مو صغير و ما افهم الشي واضح انت ما رفضت علشان حالتهم المادية انت رفضت من سمعت اسم العايلة
ابو ليث وقف و هو يدور له سبب يقوله غير السبب الحقيقي
راح للواجهة الزجاجية الكبيرة
قال بصوت حازم : اذا كنت ما تدري عمها مسجون
لاحظ ليث تغيير ابوه للسبب اللي مستحيل يقوله بس يتعذر بأشياء ثانية
قال باحترام : عارف يبه مسجون و على فكرة تراه مو مسجون موقوف
لان ما عليه شي و مظلوم و صاحبه ورطه ما علينا هالشي مو مهم و ما ينعد سبب للرفض
ابو ليث بعصبية واضحة و صوت عالي : انت ما تفتهم يا ولد ما تفتهم تبي تناسب عايلة مثل هالعايلة و اقولك ما راح تاخذها يعني ما راح تاخذها سامعني و الله طالت يا ولد الليث تراددني و تحاسبني هذي آخرتها ولد الليث ياخذ من النحاس
ليث و نظره الى ابوه بنظرة ابو ليث يجهل معناها
بصوت واضح و دقيق : و الليث يبه رافض النحاس بس لهذا السبب
ضربة قوية ضربها ليث الى ابوه الاب ناظر ولده بقوة و كانه فهم سبب رفضه الحقيقي
ظل يناظر ولده يكمل و قلبه يشتعل نار
ليث بهدوء : يبه انت عارف ام البنت من اي عايلة ؟
الاب تغيرت ملامحه و رجفت يده و نظرته تغيرت
رميث جالسة بعدم فهم و مجرد تحلل كلام ابوها و اخوها
ليث بصوت هادئ و مجروح : رافض البنت اللي ابيها لانها بنت اختك يبه


~’,.~’,.~’,.~’,.~’,. ~’,.~’,.~’,.~’,.~’,.


مر وقت على على خروج ام إنمار و رجع لهيب البيت و للحين ما اتصلت علشان ترجع
ظل لهيب بمكانه ينتظر
إنمار كل شوي تناظر النافذة و تشوفه
ارسلت الخادمة له علشان ياكل عرف انها هي اللي ارسلتها قال للخادمة ما يبي ياكل لانه اكل
إنمار طلت قليل من النافذة و هي مستعدة انه لو انتبه لها راح تهرب
لهيب جالس بهدوء وسط الجو الحلو بهواء لطيف خفيف
إنمار فتحت النافذة و اتكئت على الحافة و هي تناظره لهيب بحسب انه جالس بالكراسي تشوفه من جانب واحد انتبه للضوء الصادر من جهة غرفتها و ناظر النافذة لقاها واقفة ظل يناظرها
إنمار : اا احمم كليت
لهيب رغم انه سمع صوتها بس حسب المسافة الصوت خفيف جدا
اشر على اذنه بمعنى ما يسمع
إنمار نزلت من غرفتها راحت للصالة و فتحت النافذة لقته بمثل مكانه و على بعد مسافة قليلة
إنمار : تعشيت ؟
لهيب بابتسامة مثيرة : ليش ارسلتي ريتا ؟
إنمار تبلعمت عرفت انه فاهمها
إنمار : اا آأ لانك ما كليت
لهيب مبتسم و بصوت يضرب القلب : كان جيتي بدون ما ترسليها
إنمار حركت يدها جهة رقبتها و هي تبعد السكارف الملفوف حول رقبتها بارتعاش من صوته
إنمار بربكة حاولت ما تظهرها : اححم طيب تعشى
لهيب : الحمدالله كليت
إنمار بضحكة : كأنك تجذب لانك وصلت امي و رجعت
لهيب : هههههه لا كليت
تحرك قلبها من لحن ضحكته و سكتت
لهيب بابتسامة و همس : لفي السكارف الجو بارد
تترتبك اذا يهمس و تتغير نبرة صوته
حطت يدها على السكارف و هي ترتبه و بابتسامة : اذا الجو بارد انت منت بردان بدون جاكت
لهيب : لا الجو مو بارد
إنمار : توك تقول الف السكارف الجو بارد
لهيب : انا مو بردان بس انتي يبين انج بردانة
إنمار و هي تلف السكارف كله : الجو حلو
ظل لهيب يناظرها
إنمار ناظرت ساعتها : آأممم روح بيتك و امي ترجع مع اي احد الوقت تأخر
لهيب بابتسامة : اا اعتقد و كأنها طردة
إنمار : هههههه لا الوقت تأخر
لهيب بابتسامة : هذا شغلي
إنمار : ااااممم اوك
توها بتقفل النافذ و رن جوال لهيب
لهيب رد بهدوء : نعم ..... ان شاء الله
سكر و هو يوقف
ناظرها بنظرة خاصة : تصبحي على خير
إنمار بهمس و هي تناظره : و انت من اهله
راح لهيب ركب السيارة و حرك
و هي قفلت النافذة و دخلت



'-' '_' '-' '_' '-' '_' '-' '_'



راسيل مع سرمد دخلوا البيت بيقضون هاليوم و يوم ثاني راح يسافرون
طبعا استقبال سميرة و تعاملها ما خلا من التلميحات المزعجة

راسيل بفستانها الابيض ماسك و ضيق و مبين رشاقتها و بعدها ينتشر
بدون سيور بدون علاق مبين كتفها و نحرها مع تسريحتها المرفوعة بأناقة و مكياجها الصارخ الخليجي
جالسة و بيدها مسكتها سرمد جلس جنبها
سرمد يناظرها و بهمس : لا تفكري بسميرة انسي انها موجودة
راسيل تنهدت و هزت راسها
سرمد لف وجهها له : شفيج
راسيل نزلت نظرها : و لاشي
سرمد نزل راسه لخدها و هو يقبلها غمضت راسيل من دقات قلبها
سرمد بهمس : غيري علشان العشى
راسيل هزت راسها : ان شاء الله
سرمد بابتسامة : اساعدج
راسيل ناظرته مبتسمة : مشكوور
سرمد : ههههه طيب قلبي غيري على ما اغير بالغرفة الثانية و يوصل العشى



×.\×.|×|.×\.×.|×.\×.|×.\×.|×.\×.



جسوف يكلم لياج
جسوف : جذي تأخرت شوي تقومي تغيري رايج
لياج بابتسامة : جسوف الوقت تأخر و قلت بتجي من وقت الحين اشلون اشوفك
جسوف : غيرتي لبسج ؟
لياج بنعومة : لا للحين
جسوف : شفتي خليني اشوفج ثواني و بعدها اروح
لياج بصوت ناعم : لانك تاخرت و امي دخلت تنام ما تقولي الحين اشلون تشوفني
جسوف بهمس : قبل شلون شفتج
فهمت انه يقصد شافها كم مرة و امها موجودة
لياج : لو امي طلعت و شافتك بالبيت بالله مو احراج لي اشلون ابرر لها
جسوف : اقولج ثواني بس مشتاق لج و ربي بعدين تراج زوجتي
لياج بهمس خجول : طيب ثواني بس وعدني
جسوف بابتسامة : افتحي لي انا عند الباب
لياج بضحكة : طيب
راحت فتحت الباب دخل و سكر الباب و هي وراه
المكان كان ظلام بس مضوي بسبب الابجورتين المفتوحتين
جسوف بهمس : مسا الشوق
لياج نزلت راسها بحيا : هلاا مسا النور
لابسة فستنان عنابي فييه شغل مبين رشاقتها و بياض جسمها
بتسريحة ناعمة و بقية الخصلات على جانب واحد
مكياجها عنابي خفيف مع ذهبي

جسوف بهمس و هو يتأملها : شخبارج
لياج : تتمامم اانت شخبارك
جسوف اقترب شوي منها قبل خدها : متغيرة
ارتبكت من قربه منها
جسوف مسح بأصابعه على خدها و بهمس : المهم شفتج وحشتيني
لياج غمضت و هي تحس بأصابعه على خدها
جسوف اقترب و التقى معاها بهدوء و ابتعد
اربكها بتوتر واضح لما لامست شفاته شفاتها
جسوف بهمس : تصبحي على خير قلبي انا رايح باتصل فيج
لياج بهمس خجول : طيب انتبه لنفسك



~’,.ٍِـ،/:"ًٌَُ×؛ّ~^~’,.ٍِـ،/:"ًٌَُ×؛ّ~^~’,.ٍِـ،/:"ًٌَُ×؛ّ~^


انتهى الجزء 18

.
.
.
و التقيكم يوم الخميس مع الجزء 19
اختكم هذيان صمت