رواية وصية الحقد كاملة بدون ردود 2015

[موكاتشينو]

الفصل السابع


أفترقنا
.................

افترقنا حبيبي افترقنا انا وانت
وكلن صار بسم شخصا ثاني
وان تذكرنا حبنا قلت عنه كنت
اسف يا قلبي ان خلص عليك حناني
عذبتك بحبه وامرتك وانت لحبه صنت
انا السبب انا اللي خليتك يا قلبي تعاني .................................................. .......... .....................







جود دخلت الغرفه اللي جنب حمام السباحه وقعدت تنشف شعرها

ولبست ثيابها وطلعت


لقت قدامها كامل



جود_ وش قاعد تسوي انجنيت اخوي يمكن يشوفك ويذبحني

كامل _ خليه يذبحني انا مو قادر للحظه اني اخليك بموت خلاص بموت


جود ضحكت _ عارفه انك بتموت علي ولا ليه احبك


كامل _ جود انا قررت خلاص بكلم اخوك اليوم عن موضوعنا ايش رايك


جود ناظرته بخوف بعد ين ابتسمت _ كلمه وانا معك راح اساعدك


كامل بعد _ راح اتركك الحين بس تذكري احبــــــــــــــك





.................................................. .......... ..........


في _ هدي يا موزه ما كان يقصد انا عارفه سالم ما يداني هيوف بلا كلمه وقالها ما تعني شي



موزه _ بلا يعنيها انا عارفه ما شفتي خوفه عليها



في _ موزه تكفين بلا حركات غيره عميا لك مني انها ما يحبها ولا يفكر فيها كيف اصلا اكبر منه بسنه كامله انتي هبل



موزه بالم _ لا مو هبل انا عارفه ان فيه شي عارفه وبس حسيت بذا الشي بقوه اليوم



.................................................. .......... .............




الساعه التاسعه ليلا

دبي




جود تبكي وترتجف وهي تسمع الحوار اللي يدور بين كامل واخيها كانت اصواتهم عاليه وطالعه لها وهي في الصاله كانت بتنجن

تمنت انها ما قالت لكامل يروح اليوم او شجعته تحس نفسها جبانه ولا تقدر تسوي شي وهي تسمع صوت اخيها العالي اكيد معصب لدرجه مخيفه خافت منه ومن مواجهته كيف حاله كامل اذا




طلع كامل والتفتلها انصدمت جود من نظراته كانه يودعها



جود ركضت له ووقفت عن بعد خطوات منه _ كامل اسفه اسفه والله اسفه انا احبك ومستحيل احب غيرك



كامل ناظر لاخيها اللي طلع من المكتب بكره






بعدت يوم شافت اخيها ونظراته وقعدت تناظر بينهم ما تقدر تعيش بدونهم في الحالتين





جاسر اقترب من اخته وجود تجمدت في مكانها


كان على بعد خطوات منها وما شافت الا يده تهوي قريبا من وجهها


عرفت ان فيه شي تحسست خدها اذا اللي شافته قبل شوي في عيون جاسر اخيها مو تخيل


جاسر عطاها كف


جاسر بغضب ما حاول اخفاءه كعادته _ عطيتك حريتك ولا فرضت عليك شي ووثقت فيك ثقه عمياء وانتي ما تستاهلين أي شي مني غير اني احطك في غرفتك واقفل عليك



كامل وقف في وجهه _ مو جود اللي ينقال عنها هالكلام هذا وانت اخوها اقسم بالله ما صار بيني ولا بينها شي وهذا انا طلبتك يدها لكن غرورك هو اللي معميك اسمحلي اقول انت الاعمى انت الوحيد الاعمى



جاسر والكلمات تخرج من بين سنونه _ انت اخرج منها انت مو من قدنا انت حشره لا تناظر فوق اكسر لك عينك


جود اللي طول ذا الوقت ماسكه خدها وتناظر اخوها منصدمه



كامل تراجع _ تعرف صدق انا مو من مستواكم لكن صدقني بجي اليوم اللي تضطر تتعرف على مستواي وتعرف انك انت ومستواك ولا شي


جود ناظرت كامل وهو يطلع من البيت



جاسر _ اطلعي لغرفتك ولا عاد اشوف وجهك


جود بدون معارضه طلعت وقفلت على نفسها الباب


.................................................. .......... ........................



بعد مرور اربعة ايام




اليوم السبت




همايل تستعد للخروج مع السواق لتذهب الى المستشفى لاجراء الفحوصات بعد رفضها الخروج مع سعد في سيارته وها هو سعد ينتظر في سيارته للذهاب خلف السائق ......سعد كان سعيد للغايه ولا يريد أي شئ ينقص من هذه السعاده حتى لو كانت تصرفات همايل





جود ما زالت تمكث في غرفتها لا تاكل ولا تشرب ولا حتى تتكلم رفضت جميع محاولات الخدم معها للكلام وحتى صديقاتها ........




كامل لم يعد الى الرياض وفضل البقاء في دبي والمخطط الذي بدا بالخروج من مخيلته يجتاح ذرات تفكيره وعقله بل يجتاح كيانه المشتاق لجود



طارق لا يشعر بالرضا نهائيا اذ ان الامور سارت في صالحه بكل سهوله الاسهم والنسبه الاكبر اصبحت ملكه الان و حاتم ما زال يسعى في مشروعه الذي يعلم طارق علم اليقين بفشله اذ ان هو من يقوم بالاشراف على انجاح الفشل



عمار اصبح ينتظر ان يطل احد عليه من على سطح بيت الجيران لكنه لا يرى احد وفارس بدا يعد ايام انتهاء الاجازه
لكن التطور الذي حصل هو محاوله سالم ادخالهم في حياه الحاره الليليه ومع تجمعات الشباب وهاهما اصبحا افضل بقليل




موزه وفي ما زالوا مرابطين على السطح كل ليله لكن مع الحذر التام رغم ان موزه تبدو حزينه جدا لدرجه غير متوقعه من فتاه من عمرها حتى انها بدات بتغيير طريقه معاملتها مع هيوف



هيوف ما زالت تعمل على انهاء طلب الالتحاق بالبعثه طبعا بدون علم أي شخص قريب كان او بعيد ما عدى ديمه



دانه حالتها لهذا اليوم لا تلام عليها اذ انا هذا اليوم يصادف موعد زواج فايز
وهاهي تبكي بصمت وتنظر لهيوف لعلها تواسيها لكن هيوف اثرت تجاهلها






.................................................. ..........





الساعه الثالثه عصرا



الرياض




هيوف التفتت لدانه اللي تبكي _ دانه تقولين متى راح يعطونا الشهايد



دانه زاد بكاها


قامت هيوف وجلست جنبها




هيوف _ انتي الحين تبكين من جدك على شين الوجه فايز



دانه مالت على هيوف وحطت راسها على كتفها _ هيوف احس روحي تناخذ مني


هيوف _ ما به احد روحه تناخذ منه الا ويموت وهذا انتي قدامي زي الفل صدقيني.... انتي بتروحين للزواج صح



دانه _ لا اذا انتي مو رايحه انا ما راح اروح


هيوف _ لا روحي انا عشان سالفتي مع وعد ما راح اروح ولا كان رحت ولا همي بس انتي مفروض تروحين وتستانسين



دانه _ ما ابغى امثل اني بخير انا تعبانه جد



هيوف _ كيفك انتي ضعيفه دايمن وبتبقين طول عمرك ضعيفه اوووف انا بطلع تبغين شي



دانه بخنوع _ وش البس


هيوف ضحكت بلا مباله _ ما اعرف اذا ما اعجبتك ملابسك خذي من ملابسي انا ما اطلع كثير فاغلبها ما احد شافها





طلعت من الغرفه وهي بدون شعور ذي الايام ما سوت شي باحد ممكن عشان اشتغالها بالبعثه


دخلت الصاله وفتحت التفلزيون


وقعدت تناظره وهي اصلا ما تناظر الا افكارها


ليه ابغى اسافر



عشان ابعد انا عارفه اني اصلا مستحيل اطلع من هذا البيت عروسه مالي امل ابغى ابعد انا اول شي باقول باخذ البكالوريوس بعدين راح اجلس هناك لين اخلص الدكتوراه انا ما اقدر ارجع هنا الا اذا عرفت انه مو موجود وانه صار في عالم الاموات الكل بيروح من هذا البيت وانا اللي بابقى هدم حياتي وانا ما قدرت اجمع شتاتي احس بالضياع احس اني اكره نفسي على اللي قاعده اسويه مع دانه وفي وهم مالهم ذنب بس لان نفس الدم يمشي في عروقهم لكن الطامه ان الدم نفسه يمشي في عروقي انا بابعد وراح اتاكد اني ما راجع لهذا البيت الا لما ما يكون فيه




هيوف ما عرفت ان دموعها سالت على خدها




سالم اللي طول الوقت كان يناظرها ويناظر سرحانها ودموعها _ ليه تبكين



هيوف ناظرته منصدمه ومسحت خدها _ مالك علاقه يالبزر



سالم خذا الرموت من يدها _ لا عاد تقولين بزر لا اوريك من البزر صدق



هيوف بقناع الاستهزاء اللي لبسته لتخفي تشوشها _ عشتو لما تتخرج من الثانوي تعال اقنعني انك مو بزر


سالم _ مو محتاج اقنعك ولا افهمك خبري انك غبيه



هيوف ناظرته من فوق لتحت _ الغبي انت وامثالك


سالم بسخريه _ ماني براد عليك اعصابك تعبانه انتي ودموع الدلع اللي منزلتها



هيوف تذكرت سببها وضاق صدرها ولفت وجهها وقعدت تناظر معه المسلسل البدوي



وسالم انقهر ليه ما رادته ليه سكتت وش كانت تبكي عليه وقعد يناظرها من ورا ظهرها





دخلت موزه



هيوف ناظرت اختها المتغيره بس ما عليها هي ما تبغى اختها تتعلق فيها عشان لما تبعد




سالم يوم شاف موزه جلست _ موزه سويلي شاي وجيبي معه دبه مويه



موزه قامت بسرعه _ ابشر


هيوف _ موزه تكفين وانا بعد جيبيلي مويه عطشانه



موزه من غير ما تناظرها _ لا معك رجول قومي بها



هيوف فتحت فمها اول مره موزه ترادها او ترفض لها طلب سكتت ما ردت ممكن انها تمزح وبتجيب لها


رجعت تناظر المسلسل وهي كل شوي تناظر الباب صدرها يوجعها هي وش سوت اكثر الناس اللي تراعيهم هم اختها وامها وما ترضى عليهم الغلط معقوله غلطت ولا في قالت شي لموزه لا مستحيل في طيبه ما كان سوت شي مثل ذا




دخلت موزه بكوب شاي ودبه مويه



هيوف ناظرتها منصدمه ورجعت تناظر التلفزيون



موزه جلست



سالم خذا المويه ورماها لهيوف _ خذي


هيوف تناظر المويه اللي في حضنها _ ما عاد ابغى


ورمتها عليه



رد ورماها عليها



سالم – خذي واخلصي علي




موزه طول الوقت تناظرهم وهي ودها تبكي منقهره


قامت وطلعت بهدوء


هيوف خذت المويه وشربتها وقامت تلحق موزه



وخلت المويه سالم خذاها وشرب وراها





.................................................. .......... ....





طارق مد الاوراق لمحمد _ محمد رتب امورك راح نرجع للسعوديه بكره راح نطول ممكن لمدة شهر



محمد وهو ياخذ الاوراق من يد طارق_ ان شاء الله



طارق _ ايش الرساله اللي ارسلها امس حاتم



محمد_ شي غير مهم لكن بما ان حن راح نرجع للسعوديه فلازم نحضر



طارق فصخ نظاراته وناظر محمد باهتمام _ وش نحضر


محمد_ زواج بنت ابو حاتم الشهال بعد حوالي ثلاثه اسابيع او ممكن نهايه الشهر عشان كذا ارسلنا حاتم عشان نرتب مواعيدنا



طارق قعد يناظر محمد بهدوء لكن صدره لم يكن بذاك الهدوء نهائيا



طارق بهدوء مريب _ زواجها من هذاك اللي اسمه سعد الغافل



محمد ابتسم _ غريبه حفظت اسمه يا استاذ طارق



طارق نزل نظراته وركز على نقطه غير محدده في الورقه اللي قدامه _ ابغى اعرف عن هذا السعد كل شي


محمد استغرب لكن ما سمح نفسه يبان هذا الاستغراب _ ان شاء الله اليوم التقرير يكون عندك



طارق ناظر محمد وهو يطلع من المكتب عقد يدينه واسند دقنه عليهم وغمض عينه




. .................................................. .......... ................



هيوف وصلت باب غرفة اختها وبغت تدخل لكنها سمعت بكى موزه وفي تواسيها



موزه _ يعطيها المويه عشان لا تزعل شفتي



في _ انتي مجنونه هاذي اختك وانتي عارفه اختك ما كان فكرت به خليه يفكر فيها لكن هي مستحيل



موزه _ ما ابغى اصدق ان هيوف ممكن تحبه



هيوف _ ليه شايفتني بزر مثلك عندي ذي الحركات


موزه وفي تجمدوا وهم يناظرونها


هيوف تكمل _ شوفي يا موزه علمن يوصلك ويتعداك اذا عاد سمعتك تتكلمين عن سوالف الحب والمراهقه المقرفه لاوريك وافضحك عند الكل اولهم سالم يا قليله الحيا قالولي تحبين سالم قلت ما عليه مراهقه والبنت بتستحي ولا هي مبينه لكن انتي زي المهبله فيه ما عاد تعيشين بدونه حتى اختك تتكلمين عنها عشانه صدق طحتي من عيني



في قامت -0 هدي يا هيوف انتي عارفه موزه رومانسيه زياده عن اللزوم



هيوف _ وانتي بعد اذ عاد شفتك تطلعين السطح تالي الليل لافضحكم تراني ساكته بمزاجي لكن انتوا شكلكم ما تبغون من يستر عليكم



في حمر وجهها من الحرج _ اسفه يا هيوف بس والله ما اعيدها خلاص


هيوف ناظرت موزه _ وانتي بعد منتي متاسفه



موزه بكت بقوه _ بس انتي يحبك سالم ولا قلنا شي


هيوف راحت لاختها ورفعت وجهها _ لا عاد اسمعك تتكلمين بذي الطريقه معي تفهمين من اليوم براقبك عدل وخليني اشوف شي غريب في تصرفاتك



وطلعت



.................................................. .......... ...........





قعدت تناظر الممرضه الي تسحب منها الدم ودها تسئلها هل اللي تسويه صح



الممرضه قعدت تناظر البنت اللي قدامها وهي خايفه نظرات البنت غريبه اول فكره طرت للممرضه ان البنت تعبانه نفسيا



سبحان الله الزين ما يكمل حلاه


الممرضه تقدر تحلف بالاله اللي تقدسه ان هاذي البنت من اجمل من قامت بفحصهم فحوص ما قبل الزواج لكن البنت فعليا شكلها تعبان ومريضه نفسيا



همايل نزلت نظراتها ودها تصارخ وتطلبهم يخلونها تجلس عندهم في غرفه منعزله عشان تبعد عن العالم اللي ما قدرت تعرفه او تميزه



الوحده قتلتها وما عرفت تنهيها




الممرضه _ خلاص


همايل قامت ونزلت كم العبايه



وطلعت بهدوء




.................................................. .......... ............................



دخلت غرفتها وهي معصبه


دانه _ هيوف ها زين ذا اللبس


هيوف ناظرت دانه _ لا باس البسي الازرق احسن انا بنام انتوا متى بتروحون



دانه _ بعد ساعه امي وخالتي وانا بس



هيوف _ عارفه


دانه _ هيوف تكفين لا تنامين استشوري شعري


هيوف حطت راسها على المخده _ لا ماني بفاضيه روحي للمراهقات خليهم يساعدونك


دانه _ في وموزه ليه وش سو شكلك معصبه منهم


هيوف _ دانه تكفين اسكتي ابغى انام تعبانه


.................................................. ........










دانه _ انتوا وش سويتوا قولوا بسرعه هيوف تعبانه


في قالتلها السالفه كلها



دانه ناظرت موزه _ تعرفون انكم مجانين وش بيفدكم الحب بلا قهر


في وموزه عارفين بسالفه فايز بس ما قالوا لدانه وقعدوا يناظرون بعض


في تبغى تغير الموضوع _ اللبس زين يله اجلسي نستشورك





.................................................. .......... ............................





جود الجوع بيموتها والعطش وشوقها لكامل ولاخوها اللي صدمتها فيه كبيره هي وش سوت


ليه وش سويت يا جاسر عشاني حبيت واحد مو من مستوانا ما ظنيت في يوم يكون هذا تفكيرك



اندق بابها وانفتح



وتفاجات لما شافت جاسر يدخل لها اربعه ايام من بعد هذاك اليوم ما شافته فيهم



جاسر ناظرها ثواني بعدين جلس في نهايه السرير حقها وناظر قدامه بعيدا عن ملاقاه عيونها _ ممكن اعرف ليه ما تاكلين



جود بجفا _ ما ابغى


جاسر _ جود اذا تظنين انك بهالطريقه راح تخليني اسوي اللي تبغينه فانسي كامل امره انتهى وانقضى وما راح عاد افتحه لا عشانك ولا عشان غيرك


جود_ يعني انا ما اهمك


جاسر قام _ ابوي وصاني عليك وحملك عندي اكبر واقسى من حمل الشركه خليتك على راحتك في كل شي لكن عمري ما غفلت عنك صح انا مو عارف كيف جات سالفه كامل ذي لكن اللي عرفته انها من زمان انا ما راح الوم نفسي على بدايتها لكن بقنع نفسي اني انهيتها جود كامل ما راح يهنيك ولا راح يريحك انا عارف بكل شي عنه بكل شي عنه انا ما ابغى اصدمك لكن ابغى افهمك انه كامل امر وانتهى وما عاد ابغى اسمع عنه أي شي




جود قامت _ فهمني ليه؟؟؟؟؟؟ ابوي وصاك علي وانا ابغى كامل ما اعيش بدونه يا جاسر



جاسر ناظرها وهو شكله ماسك عصبيته _ جود انتهى النقاش في هذا الموضوع طيب و الاكل تاكلينه ولا عقابك عندي




جاسر طلع وجود جلست على الارض _ بس انا ما ابغى اكل ابغى كامل وابغاك يا جاسر ليه تسون فيني كذا ليه



.................................................. .......... .............







في احدي المباني القريبه من بيت ابو كامل العابد اقيم زواج فايز على غاليه



كان الحوش الكبير حق البيت مزين صدق


وعد كانت عايلتها حالتها الماديه زينه يعني متوسطه بس قريبه للراحه الماديه



دخلت دانه البيت ولقت قدامها وعد الحضور كان شوي لان الوقت بدري



وعد بلبسها الفخم _ اهليييين بالغاليه حيا الله ام كامل وحيا الله ام هيوف تفضلوا



جلستهم وسحبت دانه



وعد بابتسامه _ ها وش رايك فيني لبسي حلو التسريحه المكياج


دانه _ ما شاء الله وين ديمه


وعد_ جات قبل شوي في المطبخ يله نروح لها



...........في المطبخ



ديمه اول ما شافت دانه لفت على نفسها _ سمو علي


دانه صدق سمت اللبس حلو مره على ديمه وباين عليه غالي لان ديمه كانت احسن وحده فيهم ماديا



وعد_ قلتلها افصخيه خليني البسه انا اللي مفروض اجذب مو انتي لكنها رفضت



ديمه _ ايوه برفض منا لبكره دانه بسم الله عليك لبسك حلو


دانه ناظرت لبسها الهادي الازرق كان شيفون كله وملموم من عند الخصر وبس بدون أي شي مميز لكن كان عليها حلو مره



وعد_ دانه أي شي تلبسها يطلع عليها حلو



دانه ابتسمت ودخلوا خوات وعد الاربع وسلموا عليهم كانوا لابسين ملابس فخمه وقريبه من لبس وعد



وعد_ بنات خلونا نطلع ونشغل المسجل ونرقص يله


بهجه اخت وعد_ وعد انتبهي لا احد يولع شريط الزفه بالغلط


دانه تحس صدرها ضاق من طاري الزفه ماهي عارفه وش ممكن تسوي


وعد ضحكت بتخامل_ ليه شايفيني خبل ولا عميا يله يا بنات بسرعه اليوم مو مثل كل يوم ممكن احد يشوفني ويقرر اني البنت المناسبه لولده




.................................................. .......... ...........




الساعه الثامنه ليلا


الرياض

بيت ابو كامل العابد



هيوف داخل المطبخ تجهز العشا مسويه مكرونه حمرا




دخلت في وموزه



في _ هيوف



هيوف _ انتي واللي معك اطلعوا من المطبخ المطبخ ضيق وانا مو ناقصه


في _ جايين نعتذر



هيوف ناظرتهم _ ليه انتوا غلطتوا علي اول مره اعرف ...شوفوا انا لو فكرت لثانيه وحده انكم غلطتوا علي كان ما شفتوا وجوهكم صافيه كذا


موزه قربت منها _ انا اسفه والله اسفه ما عاد راح اعيدها


هيوف _ ما تقدرين تعيدينها اصلا



في _ اوووف خلاص لا عاد تسوين فينا كذا


هيوف _ اووووف منك انتي وهي اطلعوا يله خلاص



في _ راضيه


هيوف بامتعاض _ طيب طيب..... شوفوا انا بضغط المكرونه الحين وانتي وهي بعد شوي ادخلوا وقطعوا السلطات وجهزوا السفره




.................................................. .......... .......





في احدى احياء دبي الراقيه


توقف طارق امام المنزل الذي يملكه وعائلته كان هناك منزلان يملكان نفس التصميم المعماري الفخم والمهيب لعائله طارق وعائله علي



لم يكن منزله يستحق هذا الاسم المجرد باستطاعتنا وصفه بقصور الروايات القديمه اذ توجد بوابه كبيره محاطه بعموادان ينتهيان بتمثال لاسد يرتكز على قوائمه الاماميه وعندما تنتفتح تلك البوابه تدخل على عالم يمثل عالم ساكنيه اذ توجد على حافه الطريق الموصل للبيت متاهات من الشجيرات الخضراء الصغيره ونوافير رائعه تنتشر على طول هذا الطريق تحيط بهذه النوافير الصغيره تاج من الورد الاحمر الجوري الرائع




من بعيد تستطيع رؤيه الاسطبل وبعض الجلسات الصغيره المنتشره





وامام المنزل يقبع دوار كبير رسم بداخله اسد بالعشب الاخضر توقفت سياره طارق الرينج روفو البرتقاليه امام المنزل





داخل المنزل




امل تناظر بسمه _ بسمه بسمه بسرعه طارق جا



بسمه ركضت ووقفت قريب من الباب عشان اول ما يدخل طارق تكون في وجهه




طارق دخل وشاف بسمه في وجهه شكلها طالعه من غرفه التلفزيون



طارق ابتسم _ السلام



بسمه بخجل رقيق_ وعليكم السلام ايش اخبارك طارق


طارق مشى وهي وراه _ الحمد لله انتي كيف


بسمه لحقته للصاله _ كويسه



امل قامت ودارت حول نفسها _ طارق حبيبي ها ايش رايك


طارق ناظرها لبرهه مو عارف وش الشي اللي مفروض يعطي رايه فيه _ في ايش


امل جلست جنبه وحضنت كتفه _ وش ذا القهر يعني ما فتحت الكريم ما ينفع على كذا


طارق سكت ما يحب يرد على ذي الامور التافهه



بسمه جلست قدامه وقعدت تناظره


طارق _ امل وين امي


امل _ امي بتنزل بعد شوي راحت تجيب البوم صور لي ولبسمه



طارق قام من مكانه ومشى للدرج


امل _ وين رايح


طارق ما رد عليها وطلع




بسمه ناظرت امل _ شفتي ما عطاني وجه وش ذي الحاله


امل _ وش اسويلك طارق وهذا طبعه هذا وانا اخته ما يعطيني وجه


بسمه _ يعني ايش لمتى وانا انتظر


امل _ يا خوفي تنتظرين لين تموتين طارق ما به امل منه صدقيني


بسمه _ فال الله ولا فالك ان شاء الله ان طارق يكون لي ولحالي


امل _ اوووه كان غيرك اشطر




في احدى غرف الطابق العلوي



طارق دق الباب باحترام



ام طارق فتحت الباب _ هلا بالغالي


طارق دخل _ يمه


ام طارق قاطعته _ لبيه


ابتسم _ لبيتي في مكه انا راح اسافر بكره يالغاليه بروح اقصد برجع للسعوديه راح اطول شوي وممكن ارسلكم تجوني


ام طارق ضاق وجهها _ وليه تطول


طارق قرب منها وحضنها _ يمه لا تخافين علي


ام طارق ناظرته وكانها تبغى تسبر اغواره _ انا حاسه انك تبي تسوي شي انا عارفتك يا طارق تكفى لا تكون ناوي تأذي احد


طارق _ يمه ارجوك هدي انا رايح لشغل


ام طارق _ طارق بقولك شي واسمعني زين السيئه ما يردها المؤمن بالسيئه وانا امك لا تحاول تسوي شي عشان شي ثاني



طارق قام امه دايمن تكشفه وتفهمه رغم غموضه _ يمه ابغى ارتاح ابغى ارتاح



وسلم عليها وطلع




.................................................. .......... .....................




وعد _ طيب طيب



بهجه _ هاكم افرشوا ذا الساتان وانتبهوا البزران يمشون عليه



وعد_ خلاص قلتلك طيب



بهجه راحت بعيد



وعد التفتت لديمه ودانه -_ يله يا بنات ساعدوني العريس جاي بعروسته



دانه ترتجف بقوه


ديمه _ انا علي بامسك الخيزرانه وابعد البزران احب اسوي ذا الشي



وعد_ وانتي يا دانه تكفين اجلسي عند المسجل لما اشرلك شغلي الزفه طيب




دانه هزت راسها وقالت بصوت مهزوز _ ابشري


ديمه بعدت ووعد جلست تناظر وجه دانه


وعد قربتلها وحضنتها _ اسفه



دانه _ لا تسوين كذا ببكي وبتخرب العرسه يله روحي انا بلبس عبايتي وبجلس عند المسجل


وعد صاحت للحضور _ يا حريم تغطوا المعرس واخوانه بيدخلون الحين


الحريم بدوا يلبسون والعجايز ما لبسوا والبنات الشابات اعتنوا بلبسهم





دانه لبست العبايه والشيله والنقاب وراحت قرب المسجل الكل لابس اسود ما عدا خوات المعرس اللي كانوا لابسين شالات كبار على كتوفهم







وعد من بعيد اشرت لدانه المتجمده بدون أي تعابير على وجهها انها تولع المسجل





دانه ولعت المسجل باصابع ترتجف والانوار انطفت










موسيقى هاديه بعدين زغاريط طويله بعدين شعر بالقاء صوت رجالي يمدح فيه العريس والعروسه واهلهم



وفي هذا الوقت ولع نور باتجاه الباب ودخل منه فايز وماسك يد غاليه اللي كانت اقل كلمه تنوصف بها حوريه جميله




.................................................. .......... ..............


ذكريات مسروقة2(وصية الحقد)###

[موكاتشينو]

الفصل الثامن
جسر العبور
فصلي هذا ...جسر عبور
وفصلي التاسع ... غير صبور
صدمه عنيفه قابله للظهور
هيوف ضحيتها تخلف الما في قلبها المكسور
.................................................. .....



..........................تابعوا هذا الفصل .... لان الفصل التاسع (الذي يليه) يحمل فجيعه
لن تتوضح الا في الفصل العاشر(الامر معقد)
.................................................. .......... ...........................




هيوف حطت الصحن في السفره


هيوف _ في روحي ادعي عمي وسالم يله الزاد بيبرد


في قامت _ ابشري



هيوف طلعت غرفتها وقفلت عليها الباب وحده من البنات دقت عليها وحده معرفتها بها سطحيه لكنها تحب هيوف وتعزها وقالت لهيوف الخبر اللي مو عارفه هيوف اذا تفرح او لا



البنت هاذي اختها تشتغل في المدرسه على الحاسب وقالت لاختها نتايج بعض البنات ومنهم هيوف ودانه



قالت لها ان دانه جابت 3 4. 98 وهيوف جابت نسبه 88 .94


هيوف جلست جنب الباب ورفعت يدها لله تطلبه وتدعيه _ يالله لا تخذلني ما اقدر اعيش هنا اكثر ما قد عشت تعبت يا رب تعبت


لان الشك بدا يستولي على قلبها هالمعقوله ذي النسبه ما تدخلها والقدرات اختبارها بعد يومين يا رب انها تحل فيه لازم تجيب اعلى من سبعين عشان ترتاح




.................................................. .......... ........................



دانه بدون شعور طاحت مكانها وما مسكت نفسها بكت بقوه بس بصوت واطي محروق ويحرق كل العوالم اللي بنتها وكان فيها فايز بطلها




مشى فايز والانوار تولع في كل السطح


كان يناظر حوله يبغى يشوفها بيعرفها لو لبست مليون عبايه


دانه بصوت واطي تناجي نفسها _ خلاص دانه هذاك هو راح راح لا عاد تبكين اهدي تكفين اهدي وتماسكي لا تفشلين نفسك


وحاولت تقوم لان النور بدا يقرب لللمنطقه اللي هي فيها قامت ورفعت عينها




والالم زاد بثواني وصل لدرجه لا تحتمل يوم تلاقت عينها بعينه




فايز شافها لقاها ليه عيونها حمرا كذا اكيد تبكي معقوله تبكي ليه عشاني بس ليه ابغى اعرف ليه



دانه شافته وهو يناظرها عرفت انه عرفها وعرفت ان حبهم انعدم اليوم وهو ما تمنى الا يعيش بينهم ومعهم



دموعها رفضت توقف وعيونها رفضت تبعد عن عينه


جلس فايز في الكوشه البيضاء وغاليه كل شوي تناظره وتناظر البنت اللي يناظرها بكل جراءه حست بالاهانه



غاليه قربت منه لانهم جالسين في سيت واحد


غاليه بخجل وحرج _ لو سمحت لا عاد تناظرها الكل يناظرك ويناظرها


فايز لاول مره ينتبه لغاليه


دانه قلبها تالم زياده يوم بعد نظراته وقعد يناظر غاليه حست بالهجر


فايز – اسف بس


غاليه ابتسمت عشان تبين للناس انه قالها شي يضحك


فايز لف وقعد يناظر قدام وما عاد التفت لهاذيك الجهه اللي فيها كل اماله



وعد قربت من دانه وهي مبتسمه _ دانه حبيبتي مشكوره وحطت شريط ثاني فيه اغاني طق



وعد تكمل كلامها وهي تناظر دانه شكلها متحمسه _ شوفي الحين بيدخل صديق اخي فايز شوفيه وبتنسين الاول والتالي بسم الله عليه بس تريه محجوز لي انسي تفكرين فيه ديمه بتجيك بعد شوي قلتلها عنه راح يدخل بعد شوي


وعد تبغى تقول أي كلام عشانها شافت دموع دانه


وعد_ راح يدخل بعد شوي مع اخواني انا وخواتي عادي نطلع عليه لانه دايمن عندنا من يوم عرفت نفسي وهو يدخل البيت ويخرج بكيفه شوفيه يا ويلي منه بسم الله عليه ااه اشتقتله يله بروح



راحت ودانه رجعت تناظر فايز اللي قريب في المكان وبعيد عن كل الاماكن من قلبها




.................................................. .......... .................





جود ناظرت جوالها وهو يدق



انا بعشق الغنا قدام عنيك
انا عايشه العمر ليك
انا روحي فيك

وانت جنبي هنا
انا بحلم فيك انا

واروح منك اليك

بحبك قد عمري ....قبل عمري ... بعد عمري
حبي ليك فوق المشاعر والحدود


بحبك قد روحي.... قبل روحي.... بعد روحي
مش حلاقي زيك انتا في الوجود

مستحيل استغني عنك
مستحيل دنا كلي منك
يا حبيبي ان سبت حضنك
يوم اموت
انت اكتر من حبيبي
انت كل ما فيك حبيبي
نفسي اقولك اني
عاشقه ودايبه موت

خليني جنبك
في حضن قلبك
خليك معايا دايمن قريب
قرب في حضني
من روحي خذني
انت ملاكي واجمل حبيب









عرفت المتصل لان هاذي نغمته الخاصه


ما قدرت ترد قعدت تسمع النغمه حستها تقص قصتها ما عرفت ان دموعها نزلت

مستحيل اتخلى عنك لكن وش اسوي يا كامل

وش اسوي


احب من على قلبي ما يحبون بعضهم


ما يحبون



بس انا عارفه اني بعدك بضيع

وبعد اخوي بضيع





رجعت النغمه تدق مره ثانيه


جود مسكت جوالها


الحب الكامل يتصل



جود حطت السماعه في اذنها واختنق صوتها وما قدرت تتكلم



كامل وصوتها باين عليه الحزن _ جود تسمعيني تكفين ردي علي لا تعذبيني مو ناقص


جود تحاول لكن صوتها رفض الخروج


كامل _ جود انا فكرت كثير بس ما لقيت حل جود قرري تبيني ولا تبين اخوك جود اخوك يقدر يعيش بدونك لكن انا ما عندي غيرك يراف بقلبي ويحسسني اني انسان مابيك تتركيني ما راح اعيش من دونك




جود بصوت مخنوق _ كيف تطلب مني ذا الطلب كيف تبغاني اختار بينكم


كامل _ لان الزمن اجبرنا اخوك راح يمنعك من شوفتي وراح يدبر لك زواج يرضيه تكفين جود انتي عارفه قدرك في قلبي


جود_ وش تبي مني اسوي


كامل _ جود روحي معي بنسافر ونترك كل شي راح تنزوج برا


جود بصوت باكي _ كامل ما اقدر ما اقدر اترك اخوي



كامل _ اخوك راح يرضخ للامر الواقع ما راح نطول لو هو يحبك صدق راح يرضى جود تكفين انا تعبان



جود عارفه انه صادق بكل كلماته ولا ما كان امنت روحها وعقلها له


جود_ كامل انا ............






.................................................. .......... ................






ديمه بصوت عالي خوف دانه السرحانه _ دانه يمه ماشا الله دانه امسكيني ولا بروح واسوي جريمه وش ذا ذا انسان ولا ملاك


دانه ناظرت ديمه بخوف _ وش فيه


ديمه _ ناظري الرجال اللي قالت وعد نشوفه


دانه ناظرت الكوشه وشافت ثلاثه ومعهم شايب يسلمون على فايز هي تعرف اخوان فايز فعشان كذا عرفت من الغريب منهم



دانه فتحت فمها رغم عنها وعن حالتها كان اطول واحد رغم ان فايز وخوانه معروفين بطولهم ايش تقدر تقول عنه ....... ولا شي



دانه _ من ذا


ديمه _ وعد تقول اسمه زيد دانه دانه ناظريه في عيونه لين يناظرك انا بسوي كذا انتي تشوفين فمه ليه وردي كذا



دانه ناظرت فايز بعدين ناظرت الولد _ ما شاالله عرفت ليه وعد تقول انه لها


ديمه ناظرت دانه وقربت منها وحضنتها من جنب_ دانه انا ما احب اتدخل لكن فايز راح خلاص لا عاد تناظرينه كذا انسيه


دانه بصوت تخنقه العبره _ ابغى اشبع من شوفته


ديمه ناظرتها بقهر مقهروه على صديقتها الرقيقه _ تعرفين ناظري المزيون هذاك اللي ما ينشبع من شوفته لا لا لا ( قعدت تصيح بصوت واطي وهي تقول لا لان الشاب خرج هو الوحيد اللي خرج كان مشيته رائعه رزينه ولا ناظر حوله ابد ولا حتى ناظر خوات المعرس ) حسافه راح الحين مو مديني اشبع من شوفته


دانه ابتسمت رغما عنها وشافت فايز يقوم ويمسك يد غاليه برقه ويقومها شكلها يبغى يروح اخوانه مشوا قبله وامه طلعت ومسكت يده ويد غاليه وجمعتها مع بعض دانه مع كل حركه كانت دموعها تنفجر



مشى فايز على الساتان هو ويا غاليه رفيقه دربه من اليوم


وقبل ما يطلع عطى دانه اخر نظره حط فيها كل حبه وتركها



دانه مسكت صدرها بحركه غصبا عنها صارت



انت يلي تناظرني بالعذاب تراك لي فارس احلامي ))
وما اصدق ان حظي خلاني اشوفك مزفوف قدامي
ليه انا وش سويت ومن اللي قتل لي اوهامي
ومن اللي بعد هاليوم بيبصرني على الالامي
ومن اللي بيرد من بعيد على خافي سلامي
ما ارتويت تراني من حبك وما زلت للهوا ضامي
لكن خلاص انت خلاص وانا خلاص انتهى الفرح من ايامي )))

دانه ناظرت ديمه اللي طول الوقت تناظرها من يوم قام فايز


دانه بهدوء محزن لذاته _ راح


ديمه هزت راسها _ ايوه راح خلاص راح



دانه مشت لهلها بهدوء وتركت وراها ديمه اللي غمضت عينها تمنع الدمعه تنزل



.................................................. .......... ..............



هيوف جلست على طراحتها بعد ما نظفت غرفتها تبغى تشغل نفسها باي شي الا بالتفكير بفشل خطتها بس ديمه قالت انها المهم تقنع هلها وهي بتخلي عمها يبعثها



الاسبوع الجاي هو المهم الحرب راح تبدا فيه


.................................................. .......... .......




في مطار دبي الدولي





طارق _ علي انتبه للاهل



علي _ لا تخاف عليهم هم بالحفظ الصون


طارق _ انا راح اخليكم تجون السعوديه ممكن على اخر الشهر


علي عبس _ والله ما اعرف يا طارق اذا هذا صح ولا لا انت عارف امي وعمتي ما عاد يبغون يرجعون


طارق بحزم _ لازم يرجعون


علي خذا نفس



طارق بابتسامه _ علي لا عاد تلبي كل رغبات امل انت عارف ان هذا ماله داعي



علي ضحك _ ما اقدر وانا اخوك خبرك فيني لا ضحكت ذبت ولا بكت تهبلت وفي الحالتين انا المغلوب



طارق _ انا نصحتك اختي واعرفها اذا انعطت وجه يعينك ربي


علي _ يله وش نسوي راضي


طارق _ يله يابو صالح مع السلامه


علي _ في وداعة الله




.................................................. .......... .....



الساعه الحاديه عشر والنصف ليلا



في السياره اللي يقودها سالم




ام هيوف _ هم منين يعرفون الشيخ زيد


ام كامل _ والله ما اعرف


دانه ناظرتهم ليه يتهزن فيه ويقولون الشيخ وش سووا


سالم _ الشيخ زيد دخل عندهم ليه هم يعرفونه


دانه رغم الحزن استغربت وش فيهم استلموا الرجال ويتهزون فيه


ام كامل _ ايوه دخل الزفه وسلم على فايز وطلع



ام هيوف _ تعرفين يمكن فايز يعرفه من سفرته ولا وش جاب لجاب


دانه تشوشت وش السالفه


ام كامل _ بسم الله عليه الشيخ زيد مؤدب ما جلس سلم وطلع ما بغى يطول صدق متربي


دانه ناظرت هلها وعقلها بيوقف بعد شوي امها تتهزا فيه ولا اتمدح ولا ايش



دانه بتردد- يمه انتي ليه تقولين عنه الشيخ


ام كامل _ قصدك الشيخ زيد لانه شيخ تعرفين هو ولد اخي زوج الشيخه حصه اللي نروح لهاانا وخالتك في العطل عشان الضيفات اللي تسويها



دانه _ اللي تسون لها الحلويات كل خميس وتروحون تقدمونها


ام كامل _ ايوه



دانه استغربت وش عرف وعد وعايلتها بعايله العاصي اللي امها وخالتها يشتغلون عندهم




.................................................. .......... ..




فتحت الاب تب حقها وقعدت تشوف موديلات فساتين الزواج



رفعت الاب وحطته قدام صوره امها


همايل _ يمه اعتقد ان هذا كويس صح ولا لا


ناظرت وجهه امها _ انا محتاره تقولين اخذ ابيض ولا سكري


ردت الاب للارض وطفته وتمددت قربه


ناظرت السقف _ يمه تعرفين كم فيه مربع في السطح


انتظرت وكانها تسمع رد امها


ضحكت _ انا عارفه سبعه وخمسين ليه يمه سبعه وخمسين ليه مو ستين



ناظرت الباب ما احد دخل عليها اليوم ولا احد سئل عن نتايج الفحص اكيد سئلوا سعد وممكن انهم ما سئلوا وش همهم


شافت جوالها ياشر لانها حاطتها على الصامت لقته سعد ردت الجوال لها عذر الحين نايمه


التفتت مره ثانيه لصوره امها

همايل _ يمه ابوي وحاتم شكلهم مختبص لهم اربع ايام وحالهم مو زينه اسمعهم يقولون انهم في ورطه وتقول غدير ان شكلنا راح نفلس بس انتي عارفه غدير تكبر المواضيع بس مع ذلك ممكن يكون كلامها صحيح انا كرهت هذاك الرجال اللي جاهم هذاك اليوم مع ان وجهه طيب وتعابيره تريح لكن شكل ان له دخل في السالفه وابوي عارف بس مو قادر يسوي شي انا معصبه منه ودي اضربه لان ابوي تعبان منه يمه انا قررت انا راح اضربه



قربت مره من اللوحه وحطت راسها قريب من حضن امها وغمضت عينها





.................................................. .......... .........






في _ بسرعه قولي كيف غاليه انا اعرف اختها عهود اللي عندكم زينه اكيد غاليه مثلها


دانه بهدوء _ لا باس


هيوف حاطها اظافيرها في فمها



موزه _ وش الاغنيه اللي انزفت عليها


دانه _ على شعر بنات روحوا ناموا انا ما اعرف اوصف وابغى انام ثانيا


في قامت – اوووف ليت هيوف هي اللي راحت كان وصفت كل شي


وطلعوا


هيوف جلست على طراحتها


دانه باهتمام _ هيوف انتي تعبانه


هيوف -_ انا لا لكن انتي كيف

دانه _ احس اني ما في داخلي شي بكيت في الزواج لين قلت بس

هيوف _ مفروض ما بكيتي ولا بينتي قهرك كان ضحكتي ولعبتي يالغبيه


دانه _ ما قدرت


هيوف _ انسي


دانه _ هيوف ابغى اقولك شي بس لا تخافين


هيوف بدون خوف وش تخاف منه اصلا _ وش فيه


دانه _ خالتي اليوم شفتها تمسك راسها كثير خفت عليها انتي عارفه ايش انا اقصد


هيوف قعد قلبها يدق بقوه _ بس الورم طلع حميد


دانه _ انا بس بغيت اقولك


هيوف تمددت على طراحتها ولقت دانه ظهرها



دانه _ اسفه يا هيوف


هيوف ما ردت


دانه _ هيوف تبكين لا تبكين


هيوف ضحكت بسخريه _ ما عاد الا ابكي على كلامك يا دانه


دانه ناظرت هيوف ما فهمت بس ضحكت معها وقامت للحمام تستحم




هيوف بصوت واطي _ مو انتي اللي تبكيني




.................................................. .......... ....................




كامل يناظر التذكره الى السعوديه باهتمام


ناظر شنطته الجاهزه وطلع من الفندق بعد دفعه الحساب




.................................................. .......... ...........



يوم الاحد

الساعه الثانية عشر ظهرا



بيت عبدالله الشهال


نزل طارق ومحمد
كان باستقبالهم حاتم وابو حاتم وسعد وابو سعد


طارق ناظرهم وركز نظراته على سعد



ابو حاتم _ السلام عليكم حياكم الله


طارق _ الله يبقيك



سلموا على بعض كان سلام طارق على الكل بارد



دخلوا المجلس



...........................





غدير _ يا عمه جات جات

زهور مسكت ضحكتها


همايل دخلت عليهم غريبه وش مجلسهم في المطبخ شكل الخادمات بعد مستغربين متعودين على همايل اللي تجي تاكل هنا لكن هاذولا غريبه همايل ناظرتهم وناظرت غلا الضيفه اللي غريب وقت زيارتها


همايل فتحت الثلاجه وقال باستهزاء تتغدى فيهم قبل ما يتعشون بها – اشوف العايله هنا


غدير بابتسامه شريره ناظرت عمتها زوجه ابو زوجها اللي هي اصلا هي عمتها اخت ابيها _ مفروض تخافين يالمعقده بيتكم واستحليناه عمتي وانا


همايل خرجت السلطه المقطعه _ وغلا وش دورها في الاستحلال


غدير بحقاره _ لسعد


همايل ابتسمت هي عارفه ان غدير جاده في كلامها


همايل _ غلا مبروك سعد لك واهل سعد كلهم لك حلال عليك


زهور زوجه ابيها تمثل دور الطيبه _ بنات بس


غلا بدلع _ بس يا غدير انا سعد ما مو معجبني مو طويل زي مثل ما ابغى انا اعجبني شريك عمي


غدير ناظرت همايل _ اوووه صح انتي عارفه من عندنا


همايل ناظرتها وهي تاكل السلطه وجالسه في طاوله ثانيه



غدير ببروده تذبح _ شريك ابوك واخوك اووه وش تظنين يبغى اكيد جاي عشان يعلن افلاس ابوك



همايل _ وانتي ويش مستفيده اخوي وفلس وش تبين منه


غدير _ اشياء تخصني اخوك له منافع ترا يعني هو مو عقيم في كل شي


همايل قامت وشالت السلطه وحطتها في المجلى ورجعت لغدير _ يعني هاذي المنافع مثل ايش انه غطى لك عشان لا احد يعرف بالخيانات اللي انتي طايحه فيها


غدير قامت وكانها ملسوعه _ احترمي نفسك



همايل اللي اصلا ما هي عارفه كيف ماسكه نفسها


_ انا اللي احترم نفسي ولا انتي



ازهور بنهر _ همايل بس



غدير قربت منها _ تعرفين انتي صدق ولا شي انسانه متعقده (وعيونها بدت تدمع عرفت همايل انها بدت تمثل )



همايل _ انا معقده وانتي ضايعه راضيه ولاني ناويه نتبادل الادوار



غدير رجعت ورا وبصوت عالي جدا قريب للصراخ تمثيلي بابداع _ انا وش سويتلك يا همايل وش سويت



وركضت بدرعاتها الساتان اللي منقوش عليها نقوش تايقر


غلا مبتسمه بحقد وتناظر همايل المستغربه وزهور طلعت بسرعه عشان لا تكون في مكان الجريمه


همايل ما هي عارفه وش صار



...........................




طارق يستمع لحاتم


حاتم _ بس انا متاكد ان الخطوه القادمه راح يكتبلها الله النجاح



طارق _ ان شاء الله



ابو حاتم _ خلونا نبعد عن مواضيع الشغل ايش رايكم........



في هذا الوقت سمعوا صراخ


حاتم وابو حاتم ناظروا بعض وطارق رفع حواجبه من ارتفاع الصوت



والمفاجاءه كانت دخول بنت عليهم لابسه دراعه تايقر وشعرها اشقر طويل




.................................................. .......... ..............


طارق نزل نظراته



غدير ودموعها تنزل من عيونها وقفت في نص المجلس وناظرت حاتم اللي قام من الخوف _


غدير _ انا بنت محترمه يا حاتم ما جبتني من الشارع وتراني خلاص تحملت بس اكثر من كذا ما راح اقدر اختك المعقده طفح الكيل منها


طارق يوم قالت اختك المعقده ناظرها من فوق لتحت وقام


طارق _ اعتقد ان فيه مواضيع عايليه اهم انا انشاء الله لي زياره قريبه


حاتم مسك غدير ودخل بها وابو حاتم لحق طارق


ابو حاتم _ ارجع يا طارق ارجع الامور بتنحل اسفين على الازعاج تفضل



طارق ناظر ساعته _ والله اسف يا ابو حاتم بس انا صدق ابغى اروح



ودخل سيارته ومع دخول محمد السياره انطلق بها





.................................................. .......... ....



حاتم دخل المطبخ والغضب معمي عيونه



همايل خافت تراجعت لورا وهي ترجف من الخوف


حاتم _ وش فيه يالمريضه تراك زودتيها كل شوي ناطتلي بسالفه خلاص ابعدي



همايل وهي تبكي _ لا عاد تتكلم معي بالطريقه هاذي


حاتم _ انقلعي من وجهي لاوريك


همايل ركضت من الخوف وطلعت لغرفتها


غدير _ هذا اللي انت فالح فيه ليه ما بردت كبدي فيها


حاتم _ اسف حبيبيتي بس انتي عارفه اني ما اقدر اضربها

غدير _ هذا اللي مخليها تستقوي علينا حضرتها غلا تعالي معي


وتركت المطبخ بزعل



.................................................. .......... ................



همايل دخلت غرفتها وهي ترتجف


جلست جنب صوره امها وحطت وجهها بين يدينها وبكت



.................................................. ........





غلا تضحك _ انتي مجنونه ليه تسوين كذا


غدير ضحكت مع اختها _ انتي مجنونه كيف كنت راح اجذب شريك عمي حاولت معه هاذيك المره بس ما عطاني وجه ابتسمت وسلمت بس هو ولا أي رده فعل قلت اكيد يبغى وحده تجادل وتخاصم يعني يبغى شخصيه قويه وبعدين لا تنسين سعد تحت الحين بيخاف من كلامي عن همايل وانها تعبانه صدت عصفورين بحجر واحد




.................................................. ..........



في _ اهليين كامل وش ذي المفاجاءه



كامل وهو مبتسم _ تعالي سلمي انتي وذي اللفه اللي على راسك


في _ تعرف قالوا لي فكيها بعد يومين وهاذي لها في راسي اسبوع معجبتني ياخي


جلسوا العايله وهم مستغربين ليه كامل جاي الحين وهو عاده رايح قبل ايام



هيوف _ عسى ما شر وش الزياره له


كامل _ وانتي منتي بتاركه اللقافه جاي مشتاق


هيوف +_ يا خوفي جاي مفصول


كامل عبس _ اقول لا يكثر بس يا المحلله عموما انا مسافر الليل جاي اخذ اوراق واروح


الكل استغرب


ام كامل _ ليه ابغاك تجلس اكثر


كامل _ ماني فاضي يمه خبرك بالمدير ما عنده وقت راحه


دانه _ ليه حرام انا اكره مديرك ذا دايم شاغلك عنا


كامل بالم _ حتى انا اكرهه


دانه _ كويس يعني انا وأخي نكره نفس الاشخاص


هيوف _ بس حسافه ليه تروح اليوم كان جلست لبكره تاخذنا لاختبار القدرات


كامل _ انتوا اختبار قدرات عندكم خبري البنات ما عندهم بعدين ما قلتوا لي كم جبتوا


ام هيوف _ ملفاتهم فوق جابوها اليوم هيوف اربعه وتسعين ودانه



ام كامل قاطعتها _ ودانه ثمانيه وتسعين فاصله ثلاثه واربعين


كامل _ ماشاء الله ماحد بشرني ( وخذا محفظته وطلع منها ورقتين من فئه الميه )


هيوف وهي تاخذ الفلوس من يده _ تسلم


دانه وهي تاخذ _ تسلم ما تقصر



كامل قام _ يله بالاذن بروح اخذ الاوراق


ام كامل _ وانا بروح اجهز الغدا وابوك راح يجي بعد شوي


.................................................. ..


كامل طلع لغرفته دخلها وجلس

ما كان يبي لا اوراق ولا ما يحزنون هو بس يبغى يسلم على هله قبل ما يبعد لانه مو عارف كم بتاخذ هاذي السالفه



.................................................. .......... ...................



الرياض


الساعه الثامنه ليلا



محمد _ استاذ طارق


طارق رفع وجهه من على الاوراق _ نعم

محمد بخوف _ الاجتماع اللي بعد شوي والقرار اللي فيه ليه


طارق _ ايش تقصد بليه

محمد بخوف شديد وشك اشد _ انا معك من البدايه وعارف ان فيه شي بينك وبين عايله ال شهال وما عرفت سببه واليوم والموقف اللي صار والشابه اللي دخلت وتكلمت عن اخت الاستاذ حاتم حسيتك عصبت ففكرت هل السبب اقصد ممكن يكون السبب هي البنت



طارق ناظر محمد لفتره طويله البنت اللي يتكلم عليها ممكن هي السبب الوحيد اللي عشانه يراف بهم هي السبب الوحيد الغير مفهوم بالنسبه له


طارق _ السبب غير كذا غير كذا يا محمد


محمد يبغى يتكلم بس ما تجرا


طارق ابتسم _ وش تبغى تقول يا محمد



محمد_ ابغى اعرف السبب لانك يا استاذ طارق من اكثر الناس اللي اعرفهم طيبه واهتمام بالناس حتى لو كان الناس ما يفهمون طريقتك في الاهتمام


طارق قفل الملف اللي فيه معلومات عن سعد الغافل وفتح الملف الثاني




محمد نزل راسه لانه يئس من انه يسمع الجواب من طارق وقعد يرتب الاوراق


طارق _ هم السبب في موت ابوي


محمد ناظره بصدمه لكن طارق ما رفع وجهه من الملف


محمد_ معقوله


طارق باستخفاف _ معقوله

وقام


محمد قام بعده



ونزلوا لمطعم الفندق للقائهم مع حاتم وابو حاتم الشهال

[موكاتشينو]

"]الفصل التاسع
المبكي .... المبكي

عدوي.. لقد رميت الطعم ووقعت في شبكي
اخي.. سأذهب لان الرجل الآخر كل عوالمي وفلكي
حبيبي .. لقد ارسلت لك ورقه بخط الطفوله واعتبرتك ملكي
امي.. لماذا تؤلميني اكثر اتريدين ان تريني وانا ابكي

.................................................. .......... .................................






الرياض


الساعه الثامنه ليلا



محمد _ استاذ طارق


طارق رفع وجهه من على الاوراق _ نعم

محمد بخوف _ الاجتماع اللي بعد شوي والقرار اللي فيه ليه


طارق _ ايش تقصد بليه

محمد بخوف شديد وشك اشد _ انا معك من البدايه وعارف ان فيه شي بينك وبين عايله ال شهال وما عرفت سببه واليوم والموقف اللي صار والشابه اللي دخلت وتكلمت عن اخت الاستاذ حاتم حسيتك عصبت ففكرت هل السبب اقصد ممكن يكون السبب هي البنت



طارق ناظر محمد لفتره طويله البنت اللي يتكلم عليها ممكن هي السبب الوحيد اللي عشانه يراف بهم هي السبب الوحيد الغير مفهوم بالنسبه له


طارق _ السبب غير كذا غير كذا يا محمد


محمد يبغى يتكلم بس ما تجرا


طارق ابتسم _ وش تبغى تقول يا محمد



محمد_ ابغى اعرف السبب لانك يا استاذ طارق من اكثر الناس اللي اعرفهم طيبه واهتمام بالناس حتى لو كان الناس ما يفهمون طريقتك في الاهتمام


طارق قفل الملف اللي فيه معلومات عن سعد الغافل وفتح الملف الثاني




محمد نزل راسه لانه يئس من انه يسمع الجواب من طارق وقعد يرتب الاوراق


طارق _ هم السبب في وفاة الوالد


محمد ناظره بصدمه لكن طارق ما رفع وجهه من الملف


محمد_ معقوله


طارق باستخفاف _ معقوله

وقام


محمد قام بعده



ونزلوا لمطعم الفندق للقائهم مع حاتم وابو حاتم الشهال






.................................................. .......... .............







كامل يسلم على الكل بشكل مبالغ فيه هيوف لاحظت



دانه ودموعها تنزل من غير توقف واقفه قرب هيوف اللي متملله تبغى ذا الموقف ينتهي


كامل مسك شنطته وعطاها سالم اللي طلع


كامل _ الله الله في نفسكم انتبهوا على انفسكم في وداعة الله


ام كامل _ مع الله يا كامل طمن امك عليك اول ما توصل يا ولدي


كامل ابتسم _ ابشري يا الغاليه



.................................................. .......... ..................





محمد يناظر الطاوله اللي جلس عليها حاتم وابو حاتم و للغرابه سعد وابوه غريبه كيف نظرتك للناس تتغير اليوم في الظهر كان ينظرلهم نظره مهنيه مبنيه على الاحترام لكن الحين نظره احتقار حاول يخفيها لكنها تمردت هو ما عرف و ش قصد طارق بانهم السبب في موت ابوه لكن هو واثق ان هذا الشي صحيح لانه واثق من طارق وكلامه




بعد السلام الكل جلس


ابو حاتم _ المعذره على اليوم واللي صار


طارق _ ما صار شي هاذي اشياء تصير في كل عايله



سعد بطيبه ومزح خفيف _ معليه يا عم راح تفتكون كلها كم اسبوع وما عاد تسمعون في البيت صوت



طارق ناظره بنظراته الغامضه


ابو حاتم ضحك _ هاذولا الحريم لو مالقوا احد يهاوشونه هاوشوا نفسهم صدقني يا سعد



حاتم _ انا قلتله اتركك من الزواج وخلك عزابي ما رضى ها وانت يا استاذ طارق احد صادك ولا لا


طارق بغموض_ كنت ناوي انا اللي اصيد من عندكم


حاتم ضحك _ والله فاتك صادها سعد


طارق ناظر سعد وقال بجراءه _ ما زلت ناوي اصيد من عندكم


سعد ناظره بارتباك


ابو حاتم بمزح _ سعد مفروض تخاف من هذا التهديد



سعد ضحك بس واضح الحيره في صوته _ والله اني خفت يا عم تكفون اعجلوا علي قربوا موعد الزواج


طارق قاطع كلامه _ حاتم انا راجعت ملف المشروع


سعد سكت وهو منحرج وحاتم ناظر طارق بخوف وابو حاتم بترقب وابو سعد يناظر طارق وهو حاس ان هذا الشاب ناوي على شي



طارق _ اعتقد اني اقدر اقول ان المشروع للحين يمشي نحو الفشل بسهوله



الكل سكت


طارق _ فيه تفسير


حاتم خذا نفس غير واضح _ الحقيقه يا استاذ طارق احنا توقعنا دعم اكبر منك لكن ما شفناه



طارق بصوت مخيف هادي _ تقصد انا السبب في الفشل


حاتم _ اكيد لا


طارق _ طبعا اكيد لا بسهوله المشروع وتنفيذه فاشل (قال كلمه فاشل وهو يشدد عليها )



ابو حاتم _ بس يا طارق اعتقد ان المشروع ما اكتمل تنفيذه


طارق _ ما راح يكتمل لان اكتماله تتويج لفشله



ابو حاتم _ لكن انت عارف ايش معنى هذا معنى ان الشركه مهدده بالافلاس



طارق وكانه يقرر موضوع واقع _ مو الشركه بس اعتقد انكم اخذتوا قرض بضمانه شخصيه يعني الاضرار تعود عليكم كافراد والخساره ما راح تلحق الا اسهمكم في الشركه بعد


حاتم وابو حاتم ناظروا بعض بخوف


ابو سعد بصوت ملئ بالحكمه _ المقصود يا استاذ طارق


طارق ناظره وهو واثق وتحيطه هاله من الوثوق _ الشركه انتهت



ابو سعد _ اذا على الفلوس انا مستعد اساعد


طارق _ على علمي شركتك وشركه ابو حاتم من نفس الفئه وعلى مستوى واحد من التصنيف يعني راح تساعدهم في حاله وحده انك تبيع شركتك وتشتري شركتهم ورغم هذا كله تبقى الديون المستحقه على عائله ال شهال موجوده والقرض كبير لا يستهان به



ابو سعد _ وانت ايش راح تسوي كشريك


طارق ناظر حاتم _ انا على عكس كلام حاتم حاولت كثير امنع فشل المشروع والتطوير لكن المشروع من الاول محكوم عليه بالفشل وثانيا مو خطاي ان بنود الروزنامه النهائيه للمشروع تنص على ان الخساره تتحملها اسهم ال شهال


ابو حاتم قام من مكانه وشكله كان تعبان والعرق باين على جبينه


ابو حاتم _ اعذروني انا لازم ارجع البيت احس اني تعبان شوي


حاتم قام ومسك ابوه من وراه



طارق قام وقال باسف ما وصل لعيونه _ انا جد اسف ما تمنيت الامور توصل لهاذي المرحله



حاتم نزل نظراته وكان باين في عيونه القهر والكره لطارق بس ما قدر يرد عليه زي ما يبغى



حاتم _ انا متاكد ان لكل شي حل


طارق ناظره ووده يقوله بصوت عالي انهم انتهوا وان ما فيه امل


سعد قام وناظر طارق بحقاره من فوق لتحت


طارق ما عطاه وجه وراح وتركهم ومشى وراه محمد المنبهر من اداء طارق







.................................................. .......... .......






كامل نزل من السياره ونزل سالم وطلع الشنطه من السيت الخلفي


كامل خذا الشنطه من سالم وناظره في عيونه _ سالم انتبه لهلي خل بالك عليهم


سالم مسكه وهزه _ كامل انت مو ببخير ايش فيك ايش اللي صاير


كامل ابتسم _ ما فيه شي بس انا شفت الكدمات اللي على وجهه امي وخفت سالم اهتم بهلي اكثر


سالم فك اخوه _ انت عارف ان حن لو افتكينا من هيوف وشرها كان كنا بخير


كامل _ هيوف طيبه والله اني ما اصدق فيها اللي قاعدين تقولونه



سالم _ الله يعين منت تعرفها اتجيك مره طيبه ومره شيطان


كامل _ سالم انتبه على هلي


سالم _ شوف رغم كلامك لكن انا ما زلت حاس ان فيه شي ثاني


كامل وهو يمشي _ ما به شي يله انت ارجع انا بكمل من هنا


سالم _ طيب يله مع السلامه


كامل _ مع السلامه








...............................................




واقفه قدام باب اخوها تدق عليه ولا لا


خذت نفس عميق


ودقت



جاسر _ ادخل



جود فتحت الباب وهي مبتسمه _ اقدر ادخل



جاسر جلس شوي يناظر وجه اخته بعدين ابتسم _ تعالي



جود قربت منه وقعدت تناظر وجهه وكانها اخر مره تشوفه


جاسر _ رغم زعلي عليك لكن اشتقت لضحكك يالشقيه


جود قربت منه وحضنته _ احبك احبك يا اغلى شي بحياتي


جاسر ضحك _ وانت اغلى شي عندي


جود دمعت _ عارفه وابغى اكون دايما الاغلى لا تخلي احد ياخذ مكاني


جاسر مسح دمعتها


جود _ ها ما قلتلي ما احد راح ياخذ مكانك يا جودي يالغاليه


جاسر بابتسامه متوجسه _ ما احد راح ياخذ مكانك يا جودي يالغاليه


جاسر كان فرحان انها طلعت من غرفتها ونفسيتها متحسنه بس حاس بشي غير مريح



جود _ ممكن اجلس اناظرك وانت تشتغل


جاسر _ لا بس وش رايك تساعديني في شغلي يا طالبه اداره الاعمال


جود_ موافقه بس كم راح تعطيني راتب


جاسر _ بالساعه ؟


جود_ اممم بالساعه ايوه ها كم راح تعطي


جاسر _ الساعه الرولكس اللي طلبتيني ياها


جود_ والساعه اللي بعدها


جاسر وهو يفكر _ ما اذكر بس انتي طلبتيني شي من باريس بس نسيته



جود ضحكت _ الحمد لله انك ذاكر انك نسيت ايوه طلبتك الشنطه الجديده من شانيل وانت نسيت


جاسر _ هذا انتي ذكرتيني وما اظن ان فيه شغل لساعه لثالثه


جود بحزن _ لا ما اظن يله عطني مهامي الجديده



.................................................. .......... ...................




الساعه الواحده ليلا


الرياض



في وموزه فوق السطح رغم تهديدات هيوف



موزه _ انا خايفه بس يارب ان هيوف نايمه


في _ ايوه نايمه بكره عندهم قدرات هذاك هو موزه انتي حاسه مثل مانا حاسه


موزه _ لا وش انتي حاسه فيه


في_ انه ينتظر كل يوم في نفس المكان وكانه يبغاني اطل واشوفه


موزه _ تكفين بس يالمهمه


في _ انا حاسه بكذا



موزه _ اوووه وش بلاه قرب في لاا يكون كلامك صدق


في وقلبها يدق بقوه وهو يناظر السطح حقهم



موزه _ وش ذا يسوي

عمار ناظر فارس اللي يقرا في كتاب عن الاساطير المخيفه عطاهم ياه العم مهدي


بعدين قرب من الجدار اللي يفصل بينهم وبين البيت اللي جنبهم اللي هو بيت ابو كامل العابد



عمار بصوت عالي جرئ_ للي شكرتني اقولك العفو رغم اني مو عارف وش عليه هذا الشكر



في حطت يدها على فمها وقعدت تناظر موزه اللي قدها تدمع من الخوف


في _ صوته حلو


موزه _ تكفين خلينا ننزل انا خايفه انتي منين جبتي ذا القلب

في _ لا ما راح انزل


فارس ناظر عمار وهو مندهش بعدين ناظر على طول على السقف وهز راسه بقرف


عمار رجع وجلس جنبه وهو مبتسم



في _ موزه تكفين ابغى اعرف هم منهم وش اسمائهم


موزه _ قسم بالله استخفيتي



في _ خليني استخف تكفين يا موزه انا حاسه ان هذا الشي ما راح يصير منه شي ولا رح نتاذى


موزه _ لو عرفت هيوف بننذبح


في _ وش عرفها


موزه _ انتي عارفه هيوف جني تعرف اشياء واحنا مخبين عليها


في راحت للغرفه الهجوره وطلعت دفتر قديم وقلم جاف قديم مره



في ورتها موزه _ خذيتها من اغراض كامل القديمه اللي في الغرفه


موزه _ يا خوفي


في _ وش عليك انتي


موزه سكتت وهي تناظر في بخوف


في كتبت في ورقه



انتم من ؟
وليه عايشين عند عمي مهدي؟



وراحت تدور على حجر صغير بعدين لفت الورقه حول الحجر ورمته على حوش عمها مهدي



عمار وفارس قعدور يناظرون الحجر المرمي عليهم بصدمه بعدين قاموا الثنينه وركضوا للورقه


عمار فتحها وقراها بعدين ناظر السطح


فارس _ وش فيك


عمار _ متضايق


فارس وهو مستغرب _ ليه


عمار – ما ظنيتها تسوي كذا


فارس _ ايش


عمار _ ما كان رضيت على اختي انها تسوي كذا


فارس _ عمار انت تسمع نفسك من هو اللي كان يلعب مع البنات


عمار ناظر السطح _ ظنيتها غير


فارس _ هاك الورقه ورد على البنت اتركك من ذا الكلام


عمار _ اذا هي من ذا النوع انا ليه احرق نفسي عليها



ودخل الغرفه وخرج بقلم غالي انيق هديه من علي مسك الورقه وقلبها وكتب على ظهرها


انا عمار اللي شكرتيه

الثاني اسمه فارس اللي ما شكرتيه


احنا ضيوف عند عمي مهدي معاقبين وعقابنا ان حن نرجع لهذه الحياه ونعاني مثل ما تعاني هذه الطبقه ايش رايك


مسك الحجر ولفها ورماها بمهاره


في ناظرت الورقه وهي مستنانسه ولا حاسه بالذنب اما موزه فقد العرق مغطسها



قرت الرساله وضحكت



موزه _ وش فيها



في _ قايل انهم هنا معاقبين الاخ يبغى يكذب علي ويسوي نفسه غني وحركات



مسكت ورقه ثانيه وقطتعها وكتبت فيها


انت يالمعاقب بالله تسمي هذا عقاب صدق انك بزر
اصلا الشرهه مو عليك الشرهه على ابوك اللي ما عاقبك بالعقال تعال شف ظهري وهو منقلب مخطط من كثر الضرب اللي فيه والعلامات اللي من كل شكل ولون



وحطتها في حجر ورمتها


موزه _ تعرفين محترم ما سئل عن اسمك كويس صح


في _ بتستغربين كلامي لكني واثقه فيه ما اعرف ليه





عمار وفارس ناظروا بعض


عمار _ هاذي شكلها ما تعرف علي


فارس _ لا وتقول ابوك وابوي هم وينهم كان رافوا بحالنا اتركها ذي بنت فقر


عمار قلب الورقه وبدا يكتب عليها



في خذت الورقه وبدت تقراها


اولا ابوي الله يرحمه انا اللي معاقبني اخوي واخو فارس ولو تبغين اتكلم عن اخوي فاقدر اقولك لما يعصب مو بس يخلي ظهري مخطط الا يخلي جسمي على بكره ابوه مخطط بس احنا وصلنا لمرحله ما عاد ينفع معها الضرب

وللاشاره عن مخطط ظهرك سلامات ليتني مرهم وعن دعوتك اني اجي عشان اشوف ظهرك ما عندي مانع بتلقيني عند الباب


في شهقت


موزه خذت الورقه وقرتها


موزه _ قليل ادب


في _ ابوه ميت


موزه _ هذا اللي همك شفتي كلامه


في باستخفاف _ يمزح


موزه_ في زودتيها يله خلاص


في _ طيب بس اخر ورقه




عمار وفارس يناظرون السطح وهم مبتسمين



عمار – تقول خوفناها


فارس _ اعتقد


لكن ما ان شافوا الورقه طاحت مدوا بوزهم حسوا انهم في حرب



الله يرحم ابوك
والله يرحمك يالدلوع مع هذا العقاب ايش قلت اخوك يضربك وما عاد الضرب ينفع هههه اضحك على غيري عموما انتبه على بشرتك من الشمس لا تجيك تصلخات

وقف لا تقول انك عند الباب لانك تعرف اني في السطح وما اقدر انزل عشان افتحلك و اخاف ان ارجولك تتعب يالدلوع
انا بروح انام وانت بعد نام تحسبا من الارهاق يجيك خبرك انت حساس وجسمك ما يتحمل



عمار ناظر فارس اللي ماسك نفسه يبغى يضحك



في _ انتظري شوي اكيد بيرمي علينا


عمار كتب ورمى الورقه


في قرتها ووجهها سود


موزه خذتها وشهقت بقوه


موزه _ كيف عرف


في وهي تقوم _ ما اعرف



موزه رجعت تقرا الورقه


لا توصين حريص المهم انتبهي على نفسك يا في




.................................................. .......... ........



على متن الطائره التي تقل ركابها الي مدينه امستردام الهولنديه






جود تبكي بقوه من تحت النقاب اللي اول مره تلبسه


كامل مد يده لها ومسكها بقوه _ جود ما راح اخليك في يوم تحزنين صدقيني



جود ناظرته _ جاسر جاسر بشتاق له



كامل _ راح نرجع راح نرجع ان شاء الله راح نرجع


جود ناظرت نافذه الطياره


جود_ كامل انتبه علي


كامل _ انتي زوجتي وملكي


جود ناظرته بحب _ اتمنى اني ما اندم


كامل _ ما راح تندمين ما راح تندمين وعد


جود_ اوفي بوعدك يا كامل اوفي به



.................................................. .......... .....



الساعه الرابعه فجرا



هيوف قامت ما قدرت تنام من الخوف على الاختبارات هي مهتمه بنسبه القدرات عشان ترفع نسبتها الموزونه علشان البعثه



قامت من فراشها وقعدت تناظر دانه من فوق لتحت لانها مرتاحه ونايمه براحه



طلعت من غرفتها ونزلت وهي نازله سمعت بسمعها المرهف باب ينفتح ويقفل استغربت من اللي بيرجع هذا الوقت سالم رجع من زمان


نزلت بهدوء وهي تبغى تشوف من


راحت للباب القدامي وما فكرت تروح لباب المطبخ ما شافت احد استغربت هي متاكده انها سمعت احد فتح الباب وقفله


مشت متوجهه لصاله ممكن يتهيئ لها وهي تمشي مرت من غرفة امها ولقتها منوره استغربت باقي نص ساعه على اذان الفجر ليه امها قايمه لا يكون كلام دانه صدق وامي مو قادره ترقد من الم راسها


قربت من باب امها ومن غير ما تدق افتحت باب امها لانها متعوده تسوي كذا



تجمدت مكانها



مرت ثواني كثيره


كثير



وهيوف تحس صدرها مو قادر يصبر على كل اللي صاير



مو قادر


ليه


ليه


مصيبه ورا مصيبه



وهاذي اكبر مصيبه



ام هيوف وهي تناظر بنتها المتجمده _ هيوف هيوف

هيوف بهدوء _ وش ذا (وهي تاشر على ثوب امها وهيئتها الغريبه )




وصيه الحقد(ذكريات مسروقة 2)###

[موكاتشينو]

الفصل العاشر

ثلاثيه الفصل

مواجهه ........غضب ..........لقاء

هانا اواجهك وانا مليئه بالحقد كم اكرههك
لقد رحلت واخذتها سارجعك هنا دون ان انبههك
كيف لم اشعر انك هنا ولما من اذكره لا يشبهك


.................................................. .......... ....................





الساعه الرابعه فجرا



هيوف قامت ما قدرت تنام من الخوف على الاختبارات هي مهتمه بنسبه القدرات عشان ترفع نسبتها الموزونه علشان البعثه



قامت من فراشها وقعدت تناظر دانه من فوق لتحت لانها مرتاحه ونايمه براحه



طلعت من غرفتها ونزلت وهي نازله سمعت بسمعها المرهف باب ينفتح ويقفل استغربت من اللي بيرجع هذا الوقت سالم رجع من زمان


نزلت بهدوء وهي تبغى تشوف من


راحت للباب القدامي وما فكرت تروح لباب المطبخ ما شافت احد استغربت هي متاكده انها سمعت احد فتح الباب وقفله


مشت متوجهه لصاله ممكن يتهيئ لها وهي تمشي مرت من غرفة امها ولقتها منوره استغربت باقي نص ساعه على اذان الفجر ليه امها قايمه لا يكون كلام دانه صدق وامي مو قادره ترقد من الم راسها


قربت من باب امها ومن غير ما تدق افتحت باب امها لانها متعوده تسوي كذا



تجمدت مكانها



مرت ثواني كثيره


كثير



وهيوف تحس صدرها مو قادر يصبر على كل اللي صاير



مو قادر


ليه


ليه


مصيبه ورا مصيبه



وهاذي اكبر مصيبه



ام هيوف وهي تناظر بنتها المتجمده _ هيوف هيوف

هيوف بهدوء _ وش ذا (وهي تاشر على ثوب امها وهيئتها الغريبه )


ام هيوف ناظرت ثوبها الفاحش ذا الالوان الفاقعه العاري من كل مكان _ اسمعيني



هيوف قعدت تناظر وجهه امها اللي كانه لوحه رسام غير متقنه ملئ بالوان الي تطمس معالم وجه امها وتحوله لوجه امرأه من نساء الشارع




ام هيوف جلست على سريرها وغطت نفسها بعبايتها _ هيوف تكفين اسمعيني


هيوف ولا أي حركه جالسه تناظر امها بلا معالم ولا تعابير



ام هيوف _ انا تعبانه تعبانه انا مريضه وخايفه عليكم



هيوف _ بتموتين


ام هيوف ناظرت بنتها منصدمه _ هيوف لا تقسين علي ايوه صدق انا بموت الورم اللي قالوا انه حميد طلع خبيث وفات الاوان على علاجه


هيوف ببرود مميت _ يعني بتموتين


ام هيوف وهي تبكي _ ايوه ايوه



هيوف _ وكنتي برا عشانك راح تموتين


ام هيوف ناظرت بنتها بالم _ خايفه عليكم وكيف راح تعيشون بدوني انتي عارفه اني اشتغل مع خالتك ليل نهار عشان اصرف عليكم وعمك لا يصرف عليكم ولا على بناته واذا مت خالتك راح تقصر بحقك وما لقيت الا ذا الحل




هيوف نزلت نظراتها تعبانه منهد حيلها شافت امها تقوم وتفتح شنطتها وتخرج ضرف



واتمده لهيوف _ هذا اللي جمعته جمعت احدعشر الف راح تعيشكم زين لين تروح كل وحده مع نصيبها



هيوف ناظرت الظرف بعدين ناظرت امها _ تعرفين اتمنى انك تموتين قريب وفي حضن اخوياك وما تلحقين على الشهاده وجعل ربي ما يخذلني في طلبي وفلوسك يالفاجره اصرفيها على نفسك وعلى جلدك المترهل هذا وانتي عمرك خمسه واربعين تسوين كذا وش تنتظرين من بناتك


قفلت الباب بهدوء وهي تسمع بكى امها العالي


طلعت وهي ما هي تشوف قدامها ضربت في صدر احد ناظرت لقته سالم



سالم باهتمام _ هيوف انتي بخير


هيوف نزلت راسها وحطت يدها على وجهها وبكت


سالم قعد يناظرها مو مصدق


سالم _ هيوف هيوف انتي بخير فيك شي



هيوف بعدي يدها _ لا ماني ببخير تعبانه فيني قهر قهر


وبعدت عن طريق سالم وطلعت ولما وصلت للدور الثاني طاحت مغمى عليها قدام سالم



.................................................. .......... ...................




اذن الفجر فرشت سجادتها



وبدت تصلي

. .
....
. . . . .
. . . . . .
. . . . . . . . .
. . . . . . . . . . .



سلمت



لفت السجاده


وجلست جنب صوره امها ما نامت من امس خافت على ابيها كثير اعتقدت انها راح تفقده ليه يسوي كذا هذا الرجال


ناظرت امها



همايل بصوت واطي _ يمه ابوي بغى يموت امس خفت عليه كثيرخفت انكم ثنينكم تتركوني حاتم يقول ان السبب هو شريكهم تعرفين ايش اسمه يمه طارق كيف يكون اسمه طارق ويسوي كذا هذا طارق شرير مو مثل طارق (سكتت وغمضت عينها بعدين فتحتها )


وقامت وهي رايحه لسريرها وقبل ما تتمدد على سريرها


همايل بصوت واطي _ هذا انا طولت وصرت بطوله بس ما تزوجني




.................................................. .......... ......................


دانه _ هيوف انتي بخير


هيوف ناظرت حولها بعدين ناظرت دانه وقامت


دانه _ هيوف ايش فيك



هيوف _ ما فيني شي


دانه قامت _ بروح اطمن سالم

هيوف _ هو وينه



دانه _ عند الباب ما راح حتى يصلي في المسجد صلى هنا



هيوف _ كم الساعه فاتتني الصلاه


دانه _ ايوه فاتتك الساعه خمسه ونص انتي صلي الحين بعيد البسي عشان نروح للاختبار



طلعت دانه


وهيوف قامت وتحركت وكانها اله


عزمها على التفوق في القدرات كبر تبغى تبعد عن هذا العالم العالم اللي هي فيه ناقصه غصبا عنها وامها ناقصه برضاها





.................................................. .......... .............




الساعه الرابعه عصرا

دبي



جاسر الحبيب


اسفه انا اسفه انت اكرهتني على هذا الشي انا عارفه ان خيبت املك فيني كبيره بس ما قدرت ابعد عنه روحي فيه يا جاسر روحي فيه ما زلت متامله انك تحبني وما احد يحتل مكاني في قلبك واتمنى ان حبك لي يخليك تغفرلي وتسمح اني ارجع لك ولحضنك يا جاسر ... انا تزوجته يعني لا تفكر اني سويت شي خطى تزوجته على سنه الله ورسوله



اختك ومحبتك للابد


جود


جاسر لف الورقه بغضب ورماها في الجدر


بغضب وصوت هادر عصف باركان القصر _ كامل كامل اوريك اوريك



.................................................. .......... ............



ها هو يوم اخر يشرق
هناك من انتصر
وهناك من انصدم
وهناك من قرر الامر وعزم






الساعه خامسه عصرا


الرياض





محمد_ يقولون انه دخل المستشفى امس


طارق بسخريه _ سلامته


محمد ابتسم _ تزوره اليوم


طارق بهدوء _ لا راح ازوره لما يكون لزيارته سبب محمد دق على علي وخلهم يجون خل علي يجيبم بعد عشرة ايام


محمد _ ان شاء الله (سكت ) فيه شي لازم تعرفه


طارق ناظره



محمد_ ابو سعد شكله ناوي يسدد القرض


طارق كانه ماسك غضبه _ محمد سدده انت اليوم


محمد_ انا عارف انك كنت راح تقولي هذا الشي انا سددته


طارق ابتسم _ الحمدلله بس ابو سعد هذا لازم ابعده عن طريقي



محمد_ كنت افكر بكذا بعد


طارق ناظر ورقه بعدين ناظر محمد_ راح اشوف وش اسويله



.................................................. ........



الساعه الرابعه عصرا
دبي


شكري _ يا بيه ما فيش حد بالاسم ده سافر امبارح ولا على أي رحله



جاسر بغضب _ وش معناة ذا الكلام


شكري وهو خايف مديره _ انا عمال افكر ممكن انهم زوروا الباسبورتات بتاعتهم



جاسر مسك راسه وطاحت خصلات شعره السودا الناعمه على يده



جاسر _ كامل راح تندم راح تندم



.................................................. .......... ..............


غابت شمس ذاك الذي اشرق
وغابت شمس اليوم الذي بعده
والذي بعده
شمس خمس ايام غابت


وهاهي تشرق في اليوم السادس



جالسين حول صحن الغدا


هيوف تحاشى نظرات امها ملتزمه الصمت من هذاك اليوم نادرا ما تتكلم


في ناظرت موزه بعدين ناظروا هيوف اللي شكلها ناحفه


في وموزه ما عاد راحوا للسطح لان سالم صار يجلس في البيت



ام هيوف كانت تناظر هيوف وموزه كان واضح انها تعبانه كثير



سالم ياكل بصمت


اما ابو كامل فما كان ياكل معهم معودهم على كذا من الصغر انهم يجيبون له زاده برا في غرفته




هيوف قامت فجاءه


ام هيوف بخوف _ هيوف ما كليتي


هيوف _ ما ابغى


قعدوا يناظرونها وللمفاجاءه شافوها تطلع برا البيت


دانه ناظرت سالم


سالم؟_ وينها رايحه


دانه _ شكلها رايحه لابي


سالم قام بسرعه




هيوف وقفت قدام باب غرفه عمها المبنيه برا في الحوش


سالم من وراها _ وش تبين من ابوي


هيوف ناظرته بعدين رجعت تناظر الباب دقته وفتحته



ابو كامل غص بلقمته وقعد يناظرها وهي قاعده تناظره بهدوء خاف منها وهو اللي عمره ما خاف من احد شكلها ناويه على شي



سالم دخل وراها واستند على الباب وانتظر يبغى يشوف وش هي تبغى



هيوف وهي تناظر عمها في عيونه وتتمنى انها تناظر عيونه وهي مسلمه الروح وتشوف جسده بلا روح



هيوف _ انا ابغى ابتعث ادرس برا


سمعت صوت سالم العالي وهو يقول وش ذي المجنونه تقول


لكنها ما هتمت قعدت تناظر عمها



عمها نزل نظراته _ انتي عارفه ان هذا شي مستحيل عندنا يا بنت علي



سالم وهو يدخل الغرفه _ انتي مهبوله اقول ضفي وجهك احمدي ربك ان حن موافقين على دراستك هنا


هيوف ناظرته _ اسكت يالبزر


سالم قرب منها بسرعه يبغى يرضخها


ابو كامل بصوت ناهي _ سالم


سالم وقف وناظر ابوه _ انت سامع وش تقول ذي الصايعه


ابو كامل قام _ اخرج يا سالم لاقص لسانك


هيوف _ ابغى اسافر ابتعث انت موافق ولا لا


ابو كامل _ يا بنت علي ما اقدر ما اقدر انتي عارفه ان ذا الشي صعب حن خايفين عليك من الغربه وعيال الحرام


هيوف ناظرته بكره وطلعت



المعركه لم تنتهي



.................................................. .......... ...




الساعه السابعه مساءا




الرياض




طارق نزل مع محمد من سيارته الرينج لقوا حاتم عند الباب يانتظارهم رحب بهم


طارق _ سلامات طمنا ان شاء الله انه بخير


حاتم _ الحمد لله تفضلوا


طارق دخل البيت ولقى في وجهه البنت الشقرا اللي دخلت عليهم هذاك اليوم



غدير مدت يدها _ السلام عليكم


طارق ناظر يدها بعدين ناظرها _ وعليكم السلام


غدير لمت يدها وهي ودها تضربه على غروره


غدير وقفت قرب حاتم _ حياكم الله تفضلوا


حاتم مشى قدامهم هاذي المره حطوهم في الصاله مو مثل هاذيك المره حطوهم في مجلس الرياييل


حاتم _ ابوي بيجي بعد شوي



طارق _ خل ياخذ راحته


بعد شويه دخلت غدير بالقهوه والشاي


طارق ومحمد ناظروا بعض وش السالفه اليوم النسوان دخلوا بس شكل حاتم متعود


طارق فكر ان همايل كذا تخرج على الناس عصب من الفكره بقوه استغربها



..................................................



في مكتب ابو حاتم الشهال


همايل _ يبه انت بخير صدق


ابو حاتم _ اكيد لا تخافين بس انتي عارفه ان فيه مشاكل مع الشركه لا تخافين


همايل _ بس يبه انت تعبان ليه يسوي شريكك كذا


ابو حاتم _ والله ما اعرف يا بنتي ما اعرف


غدير دخلت عليهم


غدير _ يا عم جاو


ابو حاتم طلع لهم اما غدير فجلست شوي تبغى تسم همايل بكم كلمه



غدير _ ما تبين تطلعين تشوفين اللي مخلي ابوك عاجز وتعبان


همايل _ ابوي مو عاجز ولا تعبان


غدير _ بس مديون وديونه لي راسه بالله اطلعي شوفي البطل ورا هذا كله


همايل بسخريه_ المهم انتي شوفتيه


ابو حاتم رجع وقعد يناظر همايل


غدير وهمايل قعدوا يناظرونه



ابو حاتم بصوت غريب _ همايل حبيبتي روحي البسي واطلعي لنا


همايل مصدومه _ ايش يبه


غدير قعدت تناظرهم _ يا عم همايل ما تخرج للغرب


همايل ناظرتها مستغربه وش ذي المدافعه



ابو حاتم قرب منها _ همايل انتي تحبين ابوك صح


همايل ما زالت تناظر غدير المستغربه مثلها واكثر



همايل _ اكيد انت اللي باقيلي في هالدنيا


ابو حاتم _ ابوك يبيك تلبسين زين وتخرجين علينا مع غدير



همايل ناظرته _ليه


ابو حاتم _ لاني ابغى منك هذا الشي بتردين ابوك





.................................................. .......... ............






جود قامت من نومها وناظرت جنبها لقت كامل يناظرها بحب



جود ابتسمت _ للحين انت توفي بوعدك


كامل قرب منها _ ما شفتي شي


جود_ ابغى اطلع اشوف الدنيا برا


كامل _ بس هذا امري يا حرم كامل العابد



جود بدلع _ حلو حرم كامل العابد وانت وش اسميك


كامل _ بعل السيده جود الباري


جود عبست يوم سمعت اسم عايلتها


كامل حضنها _ ما ابغى اشوفك حزينه


جود_ اشتقتله


كامل _ راح نرجع


جود_ متى


كامل _ بعد اسبوعين




.................................................. ....


في _ انت مجنونه من صدقك تظنين ابوي يرضى يسفرك صدق انك مضحكه


هيوف ناظرتها من فوق لتحت _ خذي موزه واطلعوا يله


في _ بس ابغى اجلس معكم



هيوف _ وانا ما ابغاكم تجلسون يله بسرعه


في وموزه طلعوا



دانه _ راح تسكتين


هيوف _ لا بس سالم خرب علي لو هو مو موجوده كان قدرت اتكلم



دانه _ سالم معصب ويحاول يدق على كامل يبغى يقوله بس كامل مو يرد



هيوف _ خله يدق على اللي يبي انا بسافر يعني بسافر



دانه قربت من هيوف _ لو وافق ابوي متى راح تسافرين


هيوف _ بعد ثلاثه اسابيع



دانه _ بس الدراسه هناك ما راح تبدا الا بعد شهر ونص


هيوف _ ابغى اجهز اموري


دانه _ الحمد لله انك تعرفين اللغه


هيوف _ الحمدلله



.................................................. .......




همايل لبست بلوزه اخضر بحري طويله لحد الركبه وعليها جاكيت رمادي في صور بالخرز الاخضر وبنطلون واسع رمادي



غدير ناظرتها من فوق لتحت _ ما اعرف عمي وش قصده شكله يبغى يخلي ضيفه يهرب


همايل بتخامل _ انا مو خايفه من هروب الضيف هذا هو شافك ولا هرب انا مطمنه


غدير بسخريه _ ضبطي شعرك


همايل ناظرت شعرها الاحمر الملموم بدون عنايه بس مع ذلك جاي روعه


همايل _ ما في شعري شي انا اصلا مفروض ما اطلع له وشعري مفتوح ولا وجهي كاشف بس ما اعرف ابوي وش يبغى


غدير بسخريه _ قلتلك يبغى الضيف ينحاش


.................................................. .......... .......



خرج من بوابه المطار لابس الثوب السعودي بدون غتره ولا شي وشامر الكم لحد العضدين ويسحب وراه شنطه سودا صغيره معلقه فيها شنطه الاب تب




ناظر ساعته بعدين وقفت قدامه سياره مرسيدس سودا دخلها



السواق _ السلام عليكم


جاسر _ وعليكم السلام


االسواق _ تو ما نورت السعوديه


جاسر _ نورت بوجود هلها


السواق _ لوين الفندق ولا البيت


جاسر رغم انه ما يبغى يرجع لبيتهم اللي في الرياض لان اخر مره كان هو فيها كان يوم موت ابوه _ البيت


.................................................. .......... ............





همايل نزلت ووقفت في نص الدرج وهي كارهه نفسها لحاجتين انها نازله بلبسها هذا ثانيا عشانها راح تسلم على هذا الانسان الكريه اللي متعب ابوها وكان السبب في احتمال موت ابوها


ابو حاتم بصوت عالي _ غدير وين همايل


غدير وهي تجلس معهم _ وراي



طارق اللي كان ملقي ظهره للدرج ناظر غدير لاول مره عصب وش جاب همايل وش نزلها



ما توقع يشوفها


ما توقع


همايل نزلت وشافت الكل جالس في الصاله عمتها وابوها وغدير وحاتم وطارق ومساعده هذاك اللي ملقيها ظهره



شافت طارق قام لها غريبه مو مصدقه ان هذا اللي مسوي هذا كله وهذا اللي ملقيها ظهره ما قام



ابو حاتم _ همايل قربي حبيبتي


همايل قربت ومشت سيده لطارق (اللي هو محمد)



ابو حاتم كان ياشر لها على طارق لكن يوم شافها متقدمه لمحمد ما وقفها



همايل مدت يدها _ السلام عليكم


محمد مد يده وسلم _ وعليكم السلام



همايل ناظرت ابوها


ابو حاتم اشر لها على الثاني


ابو حاتم _ تعالي سلمي على طارق


التفتت بهدوء و على وجهها ابتسامه

.
.
.
.
.



ذكريات مسروقه 2(وصية الحقد)###
.................................................. .......... ......................................

[موكاتشينو]

الفصل الحادي عشر

اللقاء ............والصدفه

كم تمنيت الاقيك بحضاني مشتاق
بس لقيتك ناوي الشر فيني
ومان سمعت صوتك تمنيت لو لثاني القاك
بس صدمه غيرك والله تكفيني



همايل نزلت ووقفت في نص الدرج وهي كارهه نفسها لحاجتين انها نازله بلبسها هذا ثانيا عشانها راح تسلم على هذا الانسان الكريه اللي متعب ابوها وكان السبب في احتمال موت ابوها


ابو حاتم بصوت عالي _ غدير وين همايل


غدير وهي تجلس معهم _ وراي



طارق اللي كان ملقي ظهره للدرج ناظر غدير لاول مره عصب وش جاب همايل وش نزلها



ما توقع يشوفها


ما توقع


همايل نزلت وشافت الكل جالس في الصاله عمتها وابوها وغدير وحاتم وطارق ومساعده هذاك اللي ملقيها ظهره



شافت طارق قام لها غريبه مو مصدقه ان هذا اللي مسوي هذا كله وهذا اللي ملقيها ظهره ما قام



ابو حاتم _ همايل قربي حبيبتي


همايل قربت ومشت سيده لطارق (اللي هو محمد)



ابو حاتم كان ياشر لها على طارق لكن يوم شافها متقدمه لمحمد ما وقفها



همايل مدت يدها _ السلام عليكم


محمد مد يده وسلم _ وعليكم السلام



همايل ناظرت ابوها


ابو حاتم اشر لها على الثاني


ابو حاتم _ تعالي سلمي على طارق


التفتت بهدوء و على وجهها ابتسامه

.
.
.
.
.
.
.
.
.



طارق قعد يناظر وجهها المنصدم معقوله عرفته


ابتسم رغم عنه ونظراته تغيرت رجعت نظرات طارق السخريه مع الموده


هاذي هملال


شعرها الاحمر بس اللي بقى لكن كل شي تغير


كل شي تغير


عيونها بدت تلمع من الدموع اللي اختنقت داخلها


قربت منه ممكن يتهيا لي



مدت يدها وقالت بصوت غير مسموع _ السلام عليكم


غدير ناظرته تبغى تشوف هل هو بيمد يده ولا لا

طارق ما زال مبتسم ناظر يد همايل الممدوده


قعدت تناظر يدها وبدت ترجعها من الحرج


مسك يدها قبل ما تردها وسلم عليها وهو يناظرها في عيونها

همايل ما قدرت تبعد عنه عيونها وكانها منجذبه بمغنطيس


طارق _ وعليكم السلام



فك يدها


تراجعت وناظرت ابوها المبتسم وكان فيه شي صار مثل ما يبغى








.................................................. .......... ..............






واقف يناظر البيت اللي تركه من سبع سنين تركه بكل الامه تركه وهو ماسك يد اخته الصغيره لكن هذا هو رجع ورجعت الالمه ....... لكنه ناظر يده لقاها فاضيه وين اخته وليه سوت كذا





دخل جوهر الخادم اللي من يوم عرف نفسه وهو يشتغل هنا كان البيت مليان بالخدم وما يفضى لكن جاسر عمره ما رجع هنا




جوهر _ جاسر جهزت لك غرفتك


جاسر ابتسم رغما عن ضيقه _ ما زلت تعتني بكل صغيره وكبيره يا جوهر



جوهر _ والله انا ما احب احد يشتغل شي وهو يخصك يا ولدي


مشى وجلس على كنبه منفرده وغمض عينه


جوهر _ تبغى شي ثاني



جاسر بصوت متعب _ لا



فتح عينه وما عاد لقى جوهر ورجعت الصاله تسبح في وحدتها ناظر الكنبه اللي هو جالس عليها كانت هاذي الكنبه ما احد يقدر يجلس عليها لانها ملك لابوه مكان ابوه المفضل


تحسسها بيده ووجه بانت عليه علامات الالم كان متعلق كثير بابيه وما يقدر ينسى ان ابوه ضيع سنين عمره عشان يربيهم لحاله لان امه كانت دايما مشغوله بغيرهم اه كم يكره النساء هذا الجنس اللعين لطالما حاولت اشوف جود شي نادر لكن هاذي هي تثبتلي انها مثلهم مثلهم بالضبط




كان يكره ضعف ابوه لكن عرف ان هذا الضعف كان السبب وراه الحب حب ابوه لامه سمحلها تسوي اللي تبغى تخونه تهمله تنسى اسماء اولادها اسماء اولادها اللي سماهم تيمنا بالحرف الاول من اسمها حرف الجيم جاسر وجود



رغم ان امه ما زالت عايشه لكنه ما يتعب نفسه بالسؤال عليها وهي كذلك ما كان يشوف وجهها الا لما تبغى مصروف يكفيها ويلبي رغباتها




حاول يبعدها عن طريق جود


لكن جود مشت في طريق هاذيك الانسانه وانتهى الامر




انتهى الامر


لكن ما راح اسمح لشي يخرب تنظيمي لحياتي



.................................................. .......... ........




طارق منشغل بالحوار مع ابو حاتم لكنه عارف ان همايل ما بعدت عينها عنه
ما زالت ببرائتها ما يهمها وش يقولون الناس



همايل ما قدرت تبعد عينها عنه معقوله هذا طارق
طارق

طارق اللي ما قدرت يوم تناساه
ما قدرت لحظه تنساه

معقوله هذا طارق نفسه اللي كان ورا كل شي صار لابوها



التفت لها طارق ارتبكت بقوه ونزلت نظراتها


طارق ابتسم



ابو حاتم بتساؤل _ طارق نسيت ما أسئلك وين ساكن


طارق _ للحين انا في فندق



حاتم بتعجب_ وراح تظل ساكن في فندق



طارق _ لا اكيد انا الحين اخلص اجراءات بيت ناوي اشتريه في العليا



حاتم _ كويس


ابو حاتم _ شوف يا طارق اذا تبغى احد يضبط لك الديكور فقول ترا همايل دراستها تصميم داخلي



طارق ناظر همايل بتفكير _ تصميم داخلي ليه ؟



همايل ناظرت ابوها اللي كان مستغرب ويناظرها


رجعت تناظر طارق معقوله عاده يذكر حلمها



همايل بهدوء يعكس العواصف اللي في فكرها وكيانها _ احب الديكور



طارق عقد حواجبها _ تحبين الديكور والطب


ابو حاتم وحاتم ناظروا طارق بندهاش كيف عرف ان همايل كانت تبغى طب



ابو حاتم وصوته ما اخفى التعجب _ سبحان الله يا طارق تعرف ان همايل صدق كانت تبغى طب



طارق ما زال يناظر همايل وكانه يبغى منها الجواب


همايل ناظرت طارق في عينه _ ما قدرت .. ما قدرت اكون السبب في موت ناس مالهم ذنب


طارق رفع عينه بسرعه ورجع يناظر ابو حاتم بابتسامه وتكلم معه وهو يوجه الكلام لها _ بس كنتي راح تكونين السبب في حياه ناس كثير


ورجع يتكلم مع ابو حاتم عن مواضيع ثانيه


ورجعت تناظره مره ثانيه



يعني انت طارق

ويعني انت عارف اني همايل


ويعني ما زلت تذكر حلم الطب


بس هل ما زلت تذكر حلمي اللي يتعلق فيك


همايل قامت الكل ناظرها



ابو حاتم _ وين رايحه يا همايل


همايل ابتسمت لابوها _ تعبانه بروح انام ( ناظرت الكل باستثناء طارق ) تصبحون على خير


الكل باستثناء طارق _ وانتي من اهله


قعد يناظرها وهي طالعه الدرج ما بعد نظراته سبحان اللي خلقك كيف تغيرتي بس ما زلتي همايل الطفله اللي اعرفها


حس ان فيه احد يناظره التفتت لقاها غدير تناظره نظره تبغى تعرف وش هو يفكر فيه بس هو ما عطاها وجه ورجع للحديث مع محمد وحاتم وابوه





.................................................. .......... ..................






دخل غرفته ما زالت بالوانها الذهبيه والزرقاء


حتى الوانه تغيرته


غرفته في دبي اللون الرمادي منتشر في كل ركن من اركانها


لكن هنا كان واضح ان حياته ما كان فيها هم ترك هذا البيت بعد موت ابوه ما زال يذكر هذاك اليوم اللي اضطر يرجع من امريكا ويقطع دراسته


عشان حالة ابوه المتدهوره



توفي ابوه بعد ما كمل دراسة الحقوق


واضطر يمسك حلال العايله



جلس على سريره وطلع جواله من جيبه وقعد يناظر الرساله اللي فيها وصف الطريق لاحدى الحارات اللي يوجد فيها منزل كامل



رمى جواله



وتمدد على سريره



بكره يوم



.................................................. .......... .............................







الساعه الواحده ليلا



الرياض




همايل ما زالت تناظر صوره امها بوجه جامد من يوم طلعت من عندهم


قلبها يتقطع الم ما تستحمله


لان قلبها برئ
وروحها ما تعرف وش اللي صاير



ليه طارق يسوي كذا

وش صار


انفتح الباب


ما التفتت



غدير وهي تضحك ضحكه قصيره كان واضح فيها انها منقهره استغربت همايل وش فيه



التفتت لها



غدير ناظرتها في عيونها _ تعرفين عمي ليه طلعك قدام شريكه .... يبغاك تغوينه يعني بالعربي عمي يبيعك


همايل رجعت تناظر صورة امها وهي تردد في نفسها همايل لا تصدقين كلامها



غدير _ عمي هذا شيطان صدق يوم عرف ان سعد ما عاد راح ينفعه قرر يحول على المسكين طارق بس شكل طارق فاهم هاذي الحركات وبعدين مو انتي اللي تجذب مثل هاذاك الرجال



همايل _ اطلعي من غرفتي


غدير _ ما كملت كلامي انا ابغى اعرف انتي منين تعرفين طارق ولا تقولين لي اني ما اعرفه


همايل غمضت عينها وحطت راسها بين ركبتها تحاول تهدي نفسها



غدير _ تعرفين ما راح اسمحلك تاخذينه


همايل فتحت عينها بقوه


همايل _ ايش


غدير _ ما راح اسمحلك تاخذينه لاني ابغاه ابغاه وما راح اسمحلك تاخذين واحد ابغاه لذي الدرجه تفهمين يالمريضه تفهمين


وطلعت وقفلت الباب



حطت وجهها بين يدينها وبكت



همايل _ وانا بعد ابغاه وانا مو مريضه مو مريضه




.................................................. .......... .....



الساعه الثانيه ليلا


الرياض




في تنتظر موزه تطلع


في _ اطلعي اخلصي علي


موزه وصلت للسطح في قفلت وراها الباب



راحوا يناظرون ما لقوا احد


في بحزن _ ما به حد


موزه _ اكيد لك ست ايام ما عاد جيتي هنا اكيد ظن انك ما عاد راح ترجعين


في رجعت تناظر _ بغيت اشوفه اشتقتله


موزه _ انتي من جدك تحبينه ما توقعتك كذا ممكن هذا يصير مني لكن انتي لا


في بابتسامه _ احس بالراحه لما اسوي كذا ما اعرف ليه


موزه جلست _ مفروض تخافين


في _ ما ابغى اخاف ...موزه انتي ملاحظه تصرفات هيوف


موزه _ ايوه صارت قاسيه مع امي وبعدين ذي الفكره اللي طالعه بها الدراسه برا


في _ هيوف غريبه احسها ما تخاف من حد


موزه _ وهو الصدق ما تخاف من احد



في _ ااااااح



موزه ناظرت في _ وش فيك



في تدور الحجر اللي انضربت فيه لقته حجر عادي ما فيه ورقه

ناظرت لقته موجود يناظر سطحهم شكله كل يوم يسوي كذا



مسكت ورقه وكتبت فيها ورمتها



عمار قعد يناظر الورقه وهو مو مصدق اشتاقلها بجنون



عمار _ فارس تعال تعال


فارس طلع _ كتبت شي


عمار رفع في وجهه الحجر


فتحوه


انت ايه ليه ترميني بالحجر لا يكون تناظل في سبيل الحريه



عمار كتب لها



اناظل اعجبتني هاذي الكلمه بس مو في سبيل الحريه في سبيل انك تكونين فوق السطح كل يوم



في _ شوفي وش كاتب


موزه _ شكله حبك


في برجا _ ان شاء الله



كتبت


تعرف تلعب بالكلمات اقول انت كم عمرك وش تدرس



عمار


ليه تسئلين عني بس ليه ما تسئلين عن فارس بعد

عموما انا عمري 17 سنه وفي الصف الحادي عشر وكان تخرجي هاذي السنه لكن ظروف


ملاحظه ...فارس نفسي بالعمر والسنه الدراسيه



في _ وش يقصد بالصف الحادي عشر


موزه _ شكله يدرس برا صدق وشكله ولد عز بعدين اسئلي عن الظروف




كتبتله


وين كنت تدرس
وش هي الظروف هاذي
انت وفارس


عمار


تذكرين العقاب اللي ما اعجبك هذا هو السبب وكنت ادرس في فرنسا
وانتي كم عمرك



في


اوله صدق العقاب قاسي يعني انت ولد عز صدق
عمري 15 سنه طالعه اول ثانوي



عمار


ايه اكيد انا ولد عز ليه كان عندك شك
وبعدك بزر صدق كلامك اكبر من سنك منين تجيبنه


في ناظرت موزه وقامت


موزه متعجبه _ وين رايحه


في _ بدخل البيت ما ابغى اكتب خلاص


موزه _ في ليه


في _ ما اعرف ليه احس اني غلطت بدخل يا موزه


موزه _ على الاقل اكتبي له انك ما عاد راح تكتبين


في ناظرت الورقه وكتبت فيها


انت انا خلاص بدخل البيت وما عاد راح ارجع هنا لا تسئل كيفي اسوي اللي ابي يا ولد العز



دخلت في وموزه


عمار ناظر الورقه وحواجبه مرفوعه


فارس _ وش فيها


عمار لم الورقه ورماها _ ما اعرف كيفها


ودخل وهو معصب






..............................................




موزه _ في بس خلاص وش فيك


في تتكلم وصوتها مخنوق من الدموع الي تسيل على خدها


في _ ما اعرف بس فكرت انه راح يرجع لفرنسا ويتركني يعني وش الفايده



موزه عبست _ في لا تزعلين انسيه


في بتكبر _ نسيته



.................................................. .......... .................


قامت قبل ااذان الفجر


ونزلت بتسوي اللي في راسها يعني بتسويه


فتحت باب البيت وقعدت على الدرج تنتظره يخرج من غرفته اللي برا لانه ينام فيها ما ينام في البيت


شافت انوار الغرفه تشتغل


ثواني الا وهو خارج


قامت وطلعت



ابو كامل _ الله اكبر اصبحنا واصبح الملك لله


هيوف من وراه _ ابغى ادرس برا


ابو كامل تجمد وتجمدت يده اللي كانت ممدوده للباب البراني



ناظرها كانت وراه وفي وجهها كره وحقد



هيوف بصوت مليان مشاعر تخوف _ وافق ابغى ادرس برا ابغى ابعد من ذا البيت مالك حق ترفض ولا تقول انك خايف علي من عيال الحرام هذا انت واحد منهم ما عاد باقي شي احافظ عليه وانت عارف....... و الغربه خايف علي من الغربه هذا انا غريبه حتى هنا اعتقني وخلني اروح

ابو كامل نزل نظراته تطلبه شي مستحيل شي مستحيل

كيف يوافق وكيف يرفض



ابو كامل _ يا بنت علي ما اقدر عيالي بيوفقون في وجهك


هيوف _ ما يقدرون يمنعوني لا وافقت انت انت عارف انهم ما يقدرون يتزوجوني انت عارف بذا الشي يعني ما لي ولي امر الا انت وافق



ابو كامل _ يا بنت علي وش لك بالسفره ذي


هيوف _ قلتلك لا تخاف ما به شي بيضيع مني ولا بخسره خلاص عفت الرجاجيل لا تخاف ما راح يجي بكره وتلقاني متزوجه ما راح يصير ذا الشي خلني اروح اشوف نفسي بتموت انت ووبتموت امي وما راح يبقى من يرعاني غير نفسي


ابو كامل نزل نظراته بعدين ناظرها _ موافق يا بنت علي ولي تبينه سويه والله يلوم من لامك الله يلوم من لامك



وطلع من البيت وعيونه تحبس الدموع اللي ياما حاول يحبسها



هيوف مشت مثل الميت كيف قدرت تكلمه لحالها
كانت ترجف بخوف
وقهر
وظلم يصرخ في نفسها




دخلت البيت
وفي الدور الثاني فيه ستاره تقفلت



.................................................. .......... .............






الظهر



دانه تبكي وهي داخله غرفتها هيوف ما قامت من نومها للحين


دانه تحاول تقوم هيوف برقه



دانه _ هيوف هيوف قومي


هيوف فتحت عيونها وشافت دموع دانه قامت وجلست على فراشها وعيونها شبه مغمضه _ وش فيه


دانه حضنتها _ خالتي تعبت علينا خذيناها المستشفى هيوف قومي ابوي يبغى ياخذك لها هي تبغى تشوفك



هيوف مثل الصنم في حضن دانه



دانه فكتها وناظرتها _ هيوف قومي واهدي ان شاء الله انها بخير



هيوف ناظرت دانه ورجعت تتمدد على الطراحه حقتها



دانه منصدمه _ هيوف قومي



هيوف ببروده _ ما ابغى ابغى انام قولي لعمي اني ماني برايحه ما ابغى علميني لا صار شي جديد



دانه قامت وقعدت تناظر هيوف خايفه عليها على بالها ان هيوف منصدمه



موزه دخلت الغرفه وهي مثل المجنونه _ هيوف هيوف امي امي بتموت بتموت الحقي علي



هيوف قامت مره ثانيه وكانها منقرفه وناظرت اختها

موزه ارتمت في حضنها قبل ما تشوف تعابير وجه اختها


موزه _ هيوف امي تبغى تشوفك هيوف بخبل امي امي


هيوف سكتت ومسكت شعر اختها برقه وقعدت تمسده _ اهدي اهدي



موزه _ امي انا محتاجتها


هيوف ما ردت



ام كامل دخلت وهي لابسه عبايتها


ام كامل ودموعها تنزل بغزراه _ هيوف وانا امك قومي البسي عبايتك عمك يستنانا


هيوف _ ما ابغى اروح



ام كامل ناظرت بنت اختها اللي وجهها ما كان باين فيه شي



هيوف _ خلي موزه تروح انا ما ابغى



ام كامل _ تكفين يا هيوف تكفين وانا امك


هيوف _ ما ابغى اشوفها وهي تموت ما علي منها


الكل انصدم من كلامها وموزه بعدت من حضنها وقامت _ لا عاد تقولين عن امي ذا الكلام


هيوف _ اذن روحي لامك وخلوني انام


دانه _ هيوف حرام عليك اللي قاعده تسوينه


ام كامل جلست جنب هيوف _ طلبتك طلبتك اذا كان لابوك معزه عندك قومي معي


هيوف ناظرت عمتها غريبه كيف عرفت ان ما يلين قلب هيوف إلا طاري ابوها



قامت بصمت ولبست عبايتها



.................................................. .....




.................................................. .....



جاسر قام وصلى فرضه




وطلع من غرفته



في الدور الاول



جوهر _ جاسر الفطور جاهز



جاسر _ ما ابغى انا عندي شغل بروح انجزه وارجع




دخل سيارته البنتلي وشغلها وتوجه للبيت اللي موصوف له


.................................................. .......... .




وقف عمها سيارته قدام المستشفى



نزلوا الا هيوف اللي ما تبغى تنزل ولا تبغى تكون اصلا هنا


ام كامل _ هيوف


نزلت بهدور مشوا وهي وراهم دخلت المستشفى بريحته اللي نادرا ما شمتها ما كانت تحب تدخل مستشفيات تخاف يعرفون بنقصها


كانت تناظر الارض وما تشوف الا مكان دعستها


عمها وام كامل كانوا يمشون قبلها وكانوا بعيدين عنها سمعت اصوات قريبه منها سمعت صوت هز كيانها غريب وخارج من داخل مره استغربت كيف ان فيه انسان يملك مثل هذا الصوت الرائع بس مع ذلك ما ناظرت ممكن انها انشغلت بهذا الصوت عشان تبعد تفكيرها عن امها او ممكن ان هذا الصوت اجبرها على التفكير فيه رغما عنها


سمعته يقرب شكله معصب


ما زالت تناظر الارض


وما زالت تناظر خطواتها وفي لحظه شافت صوره احذيه قريبه منها وامامها مباشره رفعت وجهها


لكن كل اللي شافته اللون الابيض


هي متاكده انها تناظر منطقه الصدر له هاذي الازرار قدامها كل شي يمشي بالبطء رغم ان كل شي يمشي بالرتم العادي في الحقيقه



رفعت نظرها اكثر


شافت احد يناظرها بالاحرى شافت نظارات شمسيه تناظرها


لكن مع ذلك عرفت انها تشوف لوحه فنيه جميله خلقها الله هيوف عمرها ما فكرت كذا عمرها ما ناظرت الرجال الا كحشرات وجب التعامل معهم دون ابادتهم



الرجل الغريب بعد وتراجع _ اسف ورجع يمشي بعيد عنها وفي الطريق المعاكس لطريقها


هيوف ما زالت واقفه مكانها لسببين


اولا



صوته
نفس الصوت اللي سمعته قبل شوي
يعني هو اللي كان معصب قبل ثواني لكن كيف تكلم معها بهدوء



ثانيا


ان عمها يناظرها ويناظر غرفه اذا وصلوا للقسم اللي امها موجوده فيه صح انها حطت هذا السبب الثاني لكن هذا السبب كان غير مهم عندها



امها وموضوعها انتهى عندها



ابو كامل _ هيوف تعالي امك تناديك



مشت بخطوات ثقيله وصوت الغريب يرن في اذنها وش كان يقول تمنت انها سمعت صح وش كان يقول



دخلت غرفة امها وغمضت عينها من اللي شافته




وصية الحقد(ذكريات مسروقه 2)##