رواية وصية الحقد كاملة بدون ردود 2015

[موكاتشينو]

الفصل الثالث والخمسون ....



لاننا ...أقتربنا




ذكريات مسروقه
كتبت ... باوراق محروقه
ذكريات سروقه
لابد ان تجد ... سارقها .... والا ما كانت ..مسروقه

.................................................. ............................
ليل ...سويسرا


هيوف ))))



ناظرت نفسها في المرايه


بلبسها البرتقالي والتموجات النيليه


وحجابها الذي لطخ بذات الالوان

كانت بشرتها البيضاء تعطي انعكاس رائع


لهاذي الالوان


دخل وهو لابس لبس رسمي ناظرته بخوف ووجل


لقته يطلع من جيبه كيسه صغيره بيضاء وحطها على الكوميدينو

والمفجأه لقته يقرب منها

عطاها ربطه العنق السوداء


ناظرته بستغراب بس شالتها بسرعه


عاصي _ ضبطيها علي


كانت ايدها ترتجف


حطتها على رقبته..... قربه منها


وجعها

وفرحها



بس كانت ترتجف ودموعها الغبيه نزلت لتعلن ضعفها شافته يمسك يدها ويبعدها بهدوء



تراجع خطوتين حسته يناظرها بس ما رفعت عينها له


وما سمعت الا صوت الباب ينقفل يعلن خروجه

اقتربت من الكيسه


وفتحتها لقتها


أدويه ومسكنات عشان الحراره والانفلونزا ...ابتسمت ومسحت دموعها بيدها

هذا يبغى يجنني

ما فهمته ...هو يبغى غاده ولا لا
هو يلومني على اني استغبيته وما صارحته
هو يكرهني
هو ايش ما فهمت
هو بس يبغاني افكر فيه ..هو ما يرحم ما يرحم


.................................................. .............




زهور _ كلي يا همايل تكفين حرام ما كليتي شي يذكر


همايل بهدوء _ ما ابغى



زهور مشت للدريشه تبغى تفتحها


همايل _ لا تفتحينها خليها مقفله



زهور ناظرتها _ خلي الشمس تدخل



همايل _ ما ابغى ابغى انام


زهور _ سعد اليوم جا


همايل _ ايش يبغى



زهور _ قال كلام يسم البدن الله يسم بدنه ...ابوك طرده


همايل _ وش قال



زهور _ قال انه يبغاك اذا طلقك طارق الله لا يقوله بعد طارق تاخذين واحد مثله ما بقى الا هي


همايل ناظرت زهور ليه سعد يجي ويتكلم عن طلاقها من طارق الا وهو سامع شي معقوله طارق سمع كلامها وبيطلقها



زهور قربت من همايل _ همايل ... سامحي طارق مسكين الله كل يوم هنا ما رحم نفسه ارحميه يا همايل مهما كان هذا طارق


همايل تنهدت وقالت بالم _ غيري الموضوع يا زهور ما ابغى اتكلم عنه بعدين هو اليوم ما جا شكله خلاص زهق


زهور قامت وناظرت الدريشه وما شافته كعادته
سكتت


همايل _ حاتم ما جاني امس على غير عادته


زهور _ اليوم وامس في المحكمه يخلص اوراق طلاق غدير


همايل مصدومه _ بيطلقها



زهور _ ايوه ... غدير تبغى الطلاق خلاص


همايل سكتت


زهور _ الله يسمعنا خير انا رايحه تبغين شي يا همايل


همايل هزت راسها _ لا




طلعت زهور


همايل قامت وناظرت الدريشه


لقته



وصل



بس شافته متوجه لبيتهم



ايش تبغى يا طارق ؟




.................................................. ..........




ام لؤي _ والله عاد مادري انا كل يوم اقعد الصبح وما اشوفه خلاص الشغل شالهم منا



غاده ضحكت _ عاد انا الحمدلله تخلصت من اعباء الزوجيه



هيوف ناظرتهم كرهت كلامهم تملقهم بس لازم تجلس معهم



كانت قاعه كبيره بس ما فيها ناس كثير

وكانوا اغلبهم نساء عربيات


والقاعه الثانيه الخارجيه فيها الرجال يتفقون




ام لؤي _ وانتي يا هيوف توك عروس وهاذي انتي دخلتي في مشاكل زوجك شفتوا الزوج ماله امان



هيوف ما عطت ام لؤي وجه كان واضح عليها انها منقرفه


كلهم ما حبوا هيوف

وهيوف ما حبتهم


ياسمين _ غاده عاصي تزوج وانتي نبغى نفرح فيك


ضحكت ضحكتها الي تكرهها هيوف


غاده _ خلوني انتظر ممكن عاصي يرجع عن قراره


اكبرهم في العمر كانت عجوز مهيبه فخمه _ ما اظن عاصي يرجع قراره هالمره هو لما دق علي يخبرني عرفت انها المطلوبه


غاده شكلها تكره الحرمه هاذي _ يا أم خالد يعني ما زال عاصي يخبرك بكل صغيره وكبيره


ام خالد _ مو انا خالته وبحسبه امه اكيد انه راح يقولي كل شي وخاصه لما يكون الموضوع يهمه مثل موضوع هيوف

هيوف ناظرتها بغت تقوم تبوسها بس حست ان العجوز مو كلامها صدق تحسها تقوله عشان تغيض غاده بس


غاده وهي تسوي نفسها عادي عندها _ على كذا انا بعد لما القى شريك الحياه المطلوب بدق عليك يا ام خالد


ام خالد بوقار _ انتظر اتصالك


وطول هالمحادثه هيوف كانت لابسه قناع البرود


وتناظرهم بترفع تخفي فيه انخفاض معنوياتها



وطالت هالسهره واملتئت باحاديث النساء المعتاده في جميع الطبقات الاجتماعيه
كانت غاده متسيده الجلسه بلا منازع
اما هيوف فكانها في زاويه مظلمه لم تعطي احدا اهتمامها ولم تعطى هي ايضا


ولم يحدث شي يذكر


غير محادثتها التي حدثت من قبيل الصدفه مع ام خالد وجها لوجه



هيوف وهي تجلس قرب ام خالد حسب طلبها


ام خالد _ اشوفك زعلانه ...امدى عاصي يزعلك


هيوف _ لا بس ما احب الاجتماعات


ام خالد _ بس لازم تحبينها او على الاقل تعتادين عليها

هيوف كل اللي فكرت فيه انها ما راح تكون موجوده عشان تعتاد على الاجتماعات


ام خالد بجو من المرح أجادته _ مو مهم الكلام هنا المهم ابغى افهم وش فيك عشان عاصي يكرر غلطته مره ثانيه


هيوف ناظرت ام خالد بأدب _ انا اظن ان المره الاولى بس هي الغلطه المره الثانيه تصير عاده ولا


ضحكت ام خالد _ تعرفين يا هيوف من اول ما دخلت هنا وشفتك عرفت انك لعاصي يعني اقصد اشوف فيك عاصي


هيوف بوزت _ الحمدلله على كل شي


ام خالد _ اذا ضايقك عاصي دقي علي واوريك فيه ولا تهتمين بغاده عاصي عمره ما فكر فيها تزوجها بالاول عشان ابوها وعشان الشركه ولا تلومين عاصي عقله تجاري شوي ومستحيل يرجع لها



هيوف هزت راسها علامه تفهم


اراحها كلام ام خالد لكن ما معنى الراحه وهي تعلم المشكله الكبرى



قامت وتركت ام خالد


تركت القاعه ككل طلعت تريد ان تختلي بنفسها

فهذا ليس بعالمها

ولن يكون



.................................................. .........................



طارق بقوه _ خلها تقابلني ... ما راح اطلع الا لما اشوفها



ابو حاتم بتفهم _ طارق قسم بلله رافضه



طارق ناظر باب المجلس مشى بسرعه وفتحه وطلع



الدرج



حاتم بغى يمشي وراه



ابو حاتم بتعقل _ خله مالك علاقه فيه


حاتم جلس _ الله يستر انا خايف على همايل



ابو حاتم _ ماهو بصاير لها شي خلها تفوق على نفسها





\\\\\\\\\\\\\\\\\\\\\\\
\/
\
/
\
/
\
/
\
/
\
/





طارق وهو يدق الباب _ همايل افتحي الباب ...افتحيه



همايل من ورا الباب _ لا ما راح افتحه تفهم ما راح افتحه



طارق بصوت عالي ...فقط لكي تسمعه _ همايل بلا حركات الاطفال افتحيه خليني اقول اللي عندي


همايل بصوت طفولي _ ما راح اسمعك ما ابغى اسمع منك شي




طارق بتهديد _ راح اكسر الباب صدقيني راح اكسره


همايل ما ردت بس سمعته يدف الباب بقوه حست ان الباب بينفتح لا بينكسر



همايل _ خلاص خلاص بفتحه بعد


فتحت الباب


وبعدت بسرعه عنه




دخل وقفل الباب وراه بهدوء وجلس يناظرها


كيف قدر انه يعيش دونها الايام الماضيه هذا اول شي خطر في باله


همايل عيونها كبرت من الدموع اللي فيها _ انت دايم تستعمل القوه عشان تفرض رايك



ما قدر الا انه يحط يده على عينه حس انها تشع وشعاعها بيحرقه


مشت تبغى تطلع لكنه وقف في وجهها


همايل بصوت حملته اكثر معاني ... حزنها _ اذا جاي تتكلم ما ابغى اسمع كلامك



طارق بهدوء مفاجئ _ همايل انا ضايع بدونك والله ضايع ارجعي لي خايف اكمل بدونك


همايل بين دموعها _ مابغى اصدقك


طارق _ وانا بعد ما ابغى اصدق انك تبين تتركيني يهون عليك طارق يهون عليك هملال


همايل _ هنت عليه من قبل


طارق _ عمرك ما هنتي عليه ..وعمره ما سمح لنفسه يقولك انه يحبك همايل احبك لا تضيعيني زياده لمميني خايف انكسر خايف


همايل غطت اذانيها _ طارق بس لا تكذب لا تكذب ..


قعد يناظرها


قرب منها بسرعه وحضنها بقوه


حاولت تبعد


بس ما قدرت احاسيسها تعاندها


تركها وبعد شوي



ناظرها خافت من نظرته ذي _ همايل ...انتي كل شي لي من صغري للحين ولبكره بتضلين كل شي بس ما ابغى اغصبك لان لو في قلبك حب لي ما قسى كذا ..همايل انا غلطان ابوي طلع غلطان بغيتك تواسيني تخليني في حضنك كل اللي كنت اشوفه صح طلع مزيف همايل ما اقدر اعيش بدونك بس اذا انتي ما تقدرين تعيشين الا بغيابي وش اسوي ببعد انا بسافر دبي برجع ...بس ابيك تعرفين اني سويت اللي سويته فيك عشان تكونين تحت عيني عشان الشوق ذبحني...... لازم اروح اللحين ما ابغى اغصبك ابغاك تاخذين قرارك وانا بنفذه تبيني انتي عارفه وين بتلقيني تبين فرقاي وبعدي ما الومك ما شفتي الا الحزن معي واطلبي اللي تبين مني بنفذه


همايل قبل ما يروح _ انتي وش شايف نفسك جاي تقولي ذا الكلام وتبغاني اركضلك واقول احبك يا طارق خلاص


طارق بتعب _ همايل وش تبين مني ...


همايل وبكاها ارتفع _ ابغى منك ..ما ابغى شي ..ما اعرف أطلع يا طارق اطلع سمعتك خلاص ..اطلع



جلس يناظرها وكأنه يبغى يرتوي هز راسه علامه يأس هو عارف انه ما يرتوي الا بوجودها الدائم مو ثواني تسرق العمر وما تنسرق


طلع


وهو عارف ان المحاوله هاذي الاولى والاخيره


.................................................. ......................




.......................................



في... وقت .ما بعد منتصف الليل


استيقظت هيوف


................................





قامت من كابوسها فزعه


كانت تشوف نفسها توقع في بير


خافت كثير


بس قامت بدون صراخ

قامت بهدوء مفجوع

وشعور بالعطش داهمها


ناظرت جنبها مالقت شي


يعني لازم اروح للمطبخ التحضيري الموجود في الشقه

ما ابغى امر قربه

خايفه منه

رغم امانه خوفي من لومه كبير


عطشها قومها


طلعت من الغرفه بهدوء ما لقته على الكنبه اللي توقعت ينام عليها

قلبها نغزها

معقوله يكون سهران مع غاده وابوها او مع غاده بروحهم


جلست ثواني تناظر الكنبه وهزت راسها علامه اللي مالهم حيل ولا قوه


دخلت المطبخ المظلم وقربت من المغسله بعد ما خذت كوب من حماله الاكواب القريبه منها


فتحت الصنبور


قال من وراها بصوت منخفض _ ترا عندك مويه قرب سريرك


هيوف شهقت بس تمالكت نفسها ناظرت وراها بس عينها ما تعودت على الظلام لكنها عرفت انه جالس على الطاوله



رجعت للصنبور _ ما لقيته


عاصي _ لقيتي خالتي


هيوف حست انه يكلمها بطريقه حذره _ ايه ..لقيتها


توها حست انها ترتجف .....رغم ان الجو داخل الشقه معتدل
وتوها عرفت انها ترد على قد السؤال رغم انها مفروض تفرح لانه خرج من سكونه



لكن انا خايفه
خايفه ان بدايه خروجه عاصفه
تبدد أماني المتزعزع


حطت الكوب بهدوء في المغسله
لكن ريحته صارت قريبه
وجوده صار قريب
ظله حجب ظلي
لو بس ارجع خطوه بصدم فيه
كان واقف بالضبط وراي
أحس نسمه يلفح رقبتي الخاضعه بشكل غريب
يده تطوق خصري


قالها بهدوء _ هيوف


لكن ما سمع الا شهقاتها ...وعبراتها لفها له وناظرها وهو الي عيونه تمرست في الظلام لقى وجهها تغسله الدموع


بدون شعور لقت نفسها تقوله اللي يدور في نفسها _ خايفه ..خايفه .عاصي أنا خايفه


كل التواصل اللي بينهم انتهى بكلماتها بس مو هذا اللي كانت تبيه
كانت تبغاه يطمنها بكلمه بس شكله مو مستعد
او شكله مستكثر عليها الراحه

هذا اللي فكرت فيه هيوف في ذيك اللحظات
في ذيك اللحظات
التي اعلنت عن انسحاب عاصي وخروجه كعادته الاخيره





.................................................. .....................





دانه ودموعها تنزل ببطئ _ يمه انتبهي على نفسك تكفين يمه


ام كامل تمسك يد بنتها بقوه _ وانتي انتبهي على نفسك


في تقاطعها وتحضن دانه _ اول ما ترجعين له وتتراضون تعالوا لنا في مكه خلونا نسوي لكم حفله على الطريقه المكاويه


سالم بسخريه _ وتعرفين وش هي الطريقه المكاويه



في _ اتعلمها ...ليش لا



كامل ناظر ابوه اللي جلس بعيد عن هله ابوه خلاص تعبان بقوه بس كامل حس ان ابوه انكسر بعد زواجه هيوف ابوه مو كذا


ابوه حتى الدوا ما عاد يشربه بانتظام


دانه توجهت لابوها وسلمت عليه وخذت يده وباستها



ابو كامل ناظرها بتعب _ انتبهي على نفسك


دانه ... _ ان شاءالله يبه


توجهوا للطياره


وهم كلهم على امل ان مشكله دانه تنحل



لكن امل دانه


كان غير كانت متشبثه باي....... بارقه امل



.................................................. ..............




على كورنيش الخبر

جلس و ركبته قريبه من صدره ساعات الليل الاخيره قللت عدد المتواجدين


ناظر حوله بنظرات هايمه غير مستقره


ورجع يناظر البحر اللي يشاركه بصوت مده وجزره


يا بحر قطعت المسافات
ابي القى فيك الرفيق

ابي اشكيلك
هم
سكني وانا بعدني على الهم صغير


ابى اشكيلك هم الحب
اللي طحت فيه بليا سبب
هي مو لي
وعمرها ما كانت لي



وحتى اللحين وهي حره ما راح تكون لي


كيف يرضى قلبي
لا للاسف ويا للاسف قلبي راضي


كيف ترضى عزتي
كيف يرضى وجودي
اني اخذها وانا عارف ان قلبها عاشق غيري


غيري تركها
بس ما زال يحبها
غيري تركها
وانا ما ابغى بقايا عشق غيري


ابغى قلب اعلمه يحب
ويعلمني انسى


توني على الحب صغير
بس حبي ... أنهيته بكرامه

ما علقتها بحلم عمار
وما حاولت اني اسكن مكان غيري



أنا ما اخذ فتات غيري


أنا فارس الراسي
انا فارس هزمتني ...بظروفي
بس إعلان هزيمتي
ما راح ينسمع ولا ينقال







.................................................. .....................




إنتهى هذا اليوم





طارق مواجهه صريحه حملت مشاعر اكتنفها الظلام مده لا يستهان بها من الزمن


لكن هل فات الاوان على الاعتراف



.........




دانه

وجدت في تصرف جاسر تصرف بطولي
وبحثت بين طيات هذا التصرف على سبب وجيه لفعله هل يكون قد احبها
والحب يتبع المسامحه
الحب الذي لطالما امتلئ في قلبها لبطلها جاسر


لكن مع تخوف جاسر
هل سيجد القدر نقطه لملاقاة الطرق
ام ان القدر ...بالضبط يريد ابعادهم عن بعضهم البعض



..........


هيوف

الغيره
شعور قبيح والاقبح ان توجهيه لشخص لا تعلمين اذا كان من حقك ان تغاري عليه ام لا


هيوف
افكارك تعصف بكي
وخاصه مع وجود هذه المرأه (غاده ) وهي التي كان اسمها تابع لاسم عاصي


عاصي

سؤال واحد فقط
ماهي أمورك الخاصه .التي اجبرتك ان تتزوج هيوف ؟



..........



في

أتضح انكي تعلمين بامر الرساله
وأتضح أنكي ايضا مازلتي عاشقه صغيره
ولكن من قال ان العشق في الصغر يمحوه الزمن
العشق في الصغر
هو من يوجهنا طوال حياتنا من الناحيه العاطفيه
ولتسألوا انفسكم


..........................


فارس
كلام وجيه
رغم كلام الغير
انا معك ايها الصغير
فأنت لست مجبر في خوض معركه تعرف في قراره نفسك المطلعه على حب لم ترده ان الفتاه لن تكون لك و لن تنسى رفيقك وانت لا تريد ان تكون خيار بل جواب وحيد ورغبه اولى
ولكن اتعلم سأخرج بشئ واحد من كل هذا
انك مازلت تعشقها
............


انتهى هذا اليوم
وقرب موعد زفاف سلطان وزيد
هل سيحدث شئ ذلك اليوم المنتظر بعد خمسه ايام



لكن لن نقفز بهذه السرعه الى ذلك اليوم فهناك بضعة ايام في اجنده الذكريات المسروقه



اريدكم ان تتطلعوا عليه

ان تعرفوا ماذا حصل فيه





ذكريات مسروقه2(وصيه الحقد )####

[موكاتشينو]

الفصل الرابع والخمسون


جبآر حبك ولكن انك على غالي
وقلبي ع حبك الجبار وصيته
يااول غلاه في خفوقي واخر امالي
من قلبك الحب والاخلاص حسيته



مرت شهور في غيابك وانت في بالي
اشتاق شوفك وبعدك ماتمنيته
غيبتك يا روح الروح عذبت حالي
عانيت جرح الغلاه والشوق قاسيته



ماهمني قول عذالك وعذالي
والا الزمن لا ناوى الفرقا تحديته
العمر دونك حبيبي كيف يحلالي
غيرك من الناس كم جاني وصديته



عادي تموت البشر بس انت تبقى لي
يامن ع الروح قبل القلب ولايته
غالي وتبقى ع بعد المدى غالي
مايطوى الوقت صفحة شخص حبيته


انتهى ذاك اليوم
وقرب موعد زفاف سلطان وزيد
هل سيحدث شئ ذلك اليوم المنتظر بعد خمسه ايام



لكن لن نقفز بهذه السرعه الى ذلك اليوم فهناك بضعة ايام في اجنده الذكريات المسروقه



اريدكم ان تتطلعوا عليه

ان تعرفوا ماذا حصل فيه





ذكريات مسروقه2(وصيه الحقد )####



.................................................. ............



لاني اعلم
ان للخطايا نهايه ......وثمن


واعلم ... ان نهايه الخطايا ..رجوع .. البدايه


سأعود لك ..لأني اعلم ... اني لا استطيع المضي دونك

ولا أستطيع ..إلا ان افكر برحيلك ويعتريني الخوف ..من هذه الحقيقه


توقف ... لا تذهب
سأعود

واريدك
........أن تفتح لي ذراعاك ...وتعتذر ...لعشقنا
واريدك ... لأني ...لطالما أردتك

لطالما ........أردتك ........أنت






نزلت من سياره ابوها

ومشيتها البطئيه اكبر دليل على توترها

وقلقها




مشت في حديقه البيت ............ اللي كان ضد احلامها من الطفوله

ما تحققت فيه ....احلامها .,..أبد


مشت بتوتر

حست ان دمها يفور


راسها ملئ باصوات

وقفت


خافت تكمل


تلقاه راح .............تلقاه سافر وتركها


مشت بسرعه حست انها ممكن تلحقه

وقفت عند بابه



التفت وراها بسرعه


حست ان فيه شخص يناظرها



فارس بصدمه _ همايل ........أنتي هنا


همايل تراجعت خطوتين _ طارق ......طارق سافر ؟


.................................................. .....................






ناظرت للجزيره الهاديه



بصراحه هي ما تحب المناظر الطبيعيه


او على الاقل ما تهمها لكن سحر هذا البحر اللي لونه اخضر سحرها


خلاها تبغى تصارخ


تنادي باسم حبيبها اللي كان يتكلم مع واحد من سكان الجزيره الاصليين



رجع لها_ راح اركب لنش ابغى اكون لحالي بس اذا تبين تجين معي ما عندي مشكله


هيوف ماتت من كلماته طعنتها سكين من حروف


قالت _ تقدر تروح لحالك


جلس يناظرها كانه محتار


_ لا تبعدين من الشاطئ


ما ردت عليه

حست دموعها تبغى تطيح تبغى تمنعها


لكن وان ما نزلت بس كانت تلمع في محيط عيونها



شافته وهو يبعد

ليه يا عاصي

لا يكون عشاني نجسه

ابغى افهم ليه مخليني على ذمتك

رجوله منك


يمر شهر شهرين وتطلقني يعني

وتكون اديت واجبك


ووتكون بعد ريحت ضميرك

ليه يا عاصي

ليه احبك ؟



جلست على فرشه طوليه وناظرت بدون تركيز


وتاهت في تفكيرها


بعد فتره فاقت لعالمها الحقيقي

لقت فيه واحد امريكي يناظرها ويبتسم باغراء لها وش فيه ذا


عرفت انها غلطت لانها وهي تفكر ناظرته هو بدون تركيز


عطته نظره من فوق لتحت


خلته يضحك


ناظرت عاصي اللي كان يقرب منها وشكله معصب بس بشكل متحضر


وقف فوقها وقال بسخريه _ اظن خلاص نقدر نرجع للفندق

ناظرته بتعصيبه وقامت


مشت قدامه بسرعه موجوعه


مسكها لما دخلت الشقه _ وش فيك معصبه


هيوف بغضب _ لا تسال


عاصي بصوت عالي _ جاوبي


هيوف _ تظن اني ما اعرف وش تفكر فيه عارفه انك تظن اني رخيصه

عاصي تركها _ هيوف ادخلي غرفتك


هيوف _ ابغى افهم بما انك مخليني معك استفيد مني ولا انت مخليني صدقه جاريه


عاصي مسكها وقربها منه هيوف بدت تقاوم _ شفت انك مثل غيرك مستبد اكرهك


تركها




عاصي _ هيوف ادخلي غرفتك


هيوف بألم ساخر تجيده _ هيوف ادخلي غرفتك هيوف ابغى اروح لحالي بس اذا تبيغين تعالي هيوف طليقتي بتلقانا لا تغارين منها لان ما يحقلك هي الحب الاول والاخير هي اللي عشانها تزوجتك هيوف انتي رخيصه هيوف تزوجيني عشان اموري الخاصه عشاني اكره اخوك وعشانه بعدني من جدي هيوف انتي روحي يمين هيوف انتي روحي شمال هيوف انتي موتي موتي احسن لك


عاصي بعصبيه تخوف _ غبيه


هيوف وهي تبكي بهدوء قاطعته _ نسيت وذي بعد ......هيوف انتي غبيه... مو بس انت حتى اخوي كان يقولها تعرف صدق انا غبيه .....غبيه


ومشت بسرعه لغرفتها وقفلت الباب



لحقها وقعد يدق الباب بقوه _ هيوف افتحي


هيوف _ انقلع ما ابغى اشوفك



ناظرت حولها وعرفت انها بيغمى عليها لان الدنيا بدت تدور


واخر شي سوته من خوفها صرخت باسم عاصي


.................................................. ......................



........................................

.................................................. ....



سأحاول ..حتى تتعب المحاوله

أما عن تعبي .... فلا تخبر المحاوله ...أني انهكت من قبلها

وانت .... لم تظهر

أريد حفظ ماء وجهي ..أمام المحاوله ..فهي عدوتي ..التي اقوم بفعلها مرار وتكرار هذه الايام .... من اجلك أنت

فقط ..أريد منك ان تواجهني ...لتخبرني ..أنك تعشقني

لأن ذلك سيؤلمني ...أن أعشقك ..وأنت لا تعشقني

أريد ان أعرف لما فعلت ,,ّذاك ... وذاك .... ولما ما زلت هائمه في مداك

لما ما زلت ...عاشقه .... وأنت لم تخبرني ...أنك تعشقني






دخلت البيت


وناظرت الخدامه اللي تقول العذر



دانه _ انتي ايه ..انا عارفه انه هنا



الخدامه بصوت عالي _ لا لا بابا مو هنا


دانه بعدتها

وفتحت الباب الاول

لقته مكتبه ...........كان فاضي


والاغراض اللي عليه مأخوذه


ناظرت الخدامه بقلق لايكون كلامها صح


طلعت ...الدرج بخطى ثقيله


كافي ان حملها متعبها ........


لقت الدور الثاني كله بلا نور .......


مسكت عنقها _ جاسر ........وينك ...(وبصوت عالي) جـــــاسر ... انا دانه ..وينك


ما احد رد


رجعت تنزل ببطئ


وقفت في نص الصاله


تناظر ببلاهه


كان موجود


واقف قدام للباب

وكأنه يمنعها من الخروج


قربت منه


لكنها تفاجأت من حركته الي سواها


فتح الباب وقال بصوت جاد _ ... لا تخافين طلاقك راح يجيك ما كان له داعي تتعبين نفسك



.................................................. ..............




_ شكرا يا فارس



فارس بمرح لم يخفه _ انا اللي اشكرك تعبنا منه والله خفت عليه بالصراحه


همايل بخوف ناظرت بيتها _ فارس انت متاكد انه هنا



فارس _ ايه متاكد



دخلت بهدوء لقت امل وبسمه وام طارق في الصاله


قاموا لما دخلت



ابتسمت


البدايه الجديده اللي في بالها خلتها تبتسم



ام طارق راحتلها بسرعه وجلست تناظرها وكأنها تبحث عن الكلمات المثلى لقولها كبدايه _ همايل تكفين ...سامحيني

همايل بصدمه _ لا يا عمه لا تقولين كذا تكفين خلونا ننسى




امل حضنت همايل _ خفت عليك هذاك اليوم اسفه يا همايل طارق يبغاك وهذا المهم


همايل ضحكت _ بس خلاص لا تتذكرون ايام مضت الباقي جاي


بسمه سلمت بهدوء _ اهلين همايل البيت دونك ظلمه يله انا لازم اروح


فارس _ انا بوصلك


بسمه _ انتظرني


طلعوا بعد ثواني



همايل ناظرت الدرج تبغى تلطع بس اللي تبغاه نزل بخطى بطيئه كان ببيجامته تعبان


خافت ايه خافت من رهبه اللحظه


ام طارق كانت تبكي

الكل كان يبكي

طارق التفت ولقاها


نزل ببطئ وناظر حوله


حس هدوء البيت عكس اللي يشوفه واللي يحس به

خاف انه يحلم مثل عادته الايام اللي فاتت



نزل من الدرج

لقاها تبكي

لا


مو صدق


ناظر امه


همايل ارتمت في حضنه وقالت وصوتها مخنوق من شده ضمته لها لصدره _ طارق طارق خفت انك رحت وتركتني ...طارق خفت



طارق _ همايل تكفين خليك ثواني ابغى اصدق


همايل ودموعها لطخت بلوزته _ انا هنا حبيبي انا هنا


مسك وجهها وقعد يبوسه _ همايل تعبت


همايل _ فديت تعبك يا عيون همايل فديت روحك يا روح همايل يا قلب همايل يا كلي


رجع يضمها _ همايل احبك


ناظر امه _ يمه احب همايل احبها


ضحكت امه _ توك دريت اقول عندنا هنا بنت اطلع بزوجتك


امل وهي تبكي _ لا يمه خليهم هنا مساكين


امها ضربتها


وخذتها وراحوا للمطبخ


همايل ضحكت وطارق يضحك لما ضحكت وكانه يتابع تكونات وجهها ويقلدها


همايل _ مطولين هنا


طارق وهو ماخوذ بوجهها _ ما اعرف



مسكت يده وطلعت للدرج


لكنه شد يدها وحملها


طارق _ تعبك ما اتحمله ...راحتي راحة هملالتي


همايل _ دلعني يا طارق


طارق _ همايل احبك ورب الكون احبك واعشق حتى ريحه اسمك في الهوى



............

........................






دانه تقدمت بسرعه


ومسكت الباب وقفلته بقوه _ جاسر بس


ناظرها بألم _ انتي الي بس .... ما ابغى اسمع منك .... انك تبين اطلقك

دانه باستغراب_ وليه تظن اني ابغاك تطلقني



جاسر بجديه متألمه _ دانه انا تركتك بهاذيك الطريقه عشان كان بينا اشياء صعبه كان لازم امهدها عشان نكمل انا وانتي كانت مشكله كامل باقيه يا دانه وما كنت اعرف وش مفروض اتصرف يعني اذا عذبته وهذا اللي كنت ناويه اكيد ما راح تبقين معي بس كامل تغير مثل ما انا تغيرت بسبب(وسكت ) دانه اسمعيني ......


قاطعته _ لا انت اللي اسمعني اللي سويته مع كامل مستحيل انساه .,لكن هذا ..


قاطعها بسرعه _ سويته عشانك .. بس ما ابغاك ترجعين اذا هذا السبب دانه ارجوك اذا جايه تطلبين الطلاق فابعدي الحين ... راح البي طلبك .. بس خلك بعيده



دانه وكأنها تبغى تهزه _ وليه ابغى الطلاق


جاسر بواقعيه ... من نظره _ لاني ما استاهلك ولان اخوك رجع وما اظن فيه شي يجبرك تبقين معي واذا على رد المعروف مشكوره ما ابغى انك تبقين معي عشان هذا السبب بس



دانه _ ما خطر في بالك ان ممكن يكون في سبب ثاني



جاسر يناظرها يبغى امل يلقاها بين ملامحها _ اتمنى انه يكون فيه سبب ثاني يا دانه ...ما ابغى اطلقك ( قرب منها ) اشتقت لك كنت اخاف اقابلك ما ابغى اسمع كلمه طلقني



دانه بجديه _ اذن لازم تطلقني ...تطلقني من الهم اللي سكني بعدك يا جاسر..... يا مجنون ...انا احبك


مسك يدها بلهفه _ دانه


دانه ارتمت في حضنه _ احبك جاسر احبك لا تتركني لا تطلقني ولا تبعد عني تكفى ما ابغى احزن مره ثانيه


جاسر رفع راسها بجنون _ وانا بعد احبك اكيد انتي عارفه احبك من اول ما شفتك...... عند الباب دخلتي في روحي ببراءه ما عرفتها في جنس حوا انتي الوحيده اللي منعتني ما اكل تفاحه الاثم يا دانه وما راح اعيدها ما راح اتركك


دانه بكت في حضنه _ رغم اللي بينا من ذكرى جود وكامل خلنا نحولها ذكرى حلوه


جاسر _ دانتي الحب وعرفته وعرفت السبب اللي عشانه جود باعتني بس


دانه مسكت يده وحطتها على بطنها _ باذن الله جود هنا


جاسر مو مصدق _ حامل


دانه _ والحمل متعبني بس بما انك هنا فاكيد برتاح


جاسر بفرحه _ دانه انتي حامل


ضحكت _ مو صعبه لذي الدرجه


جاسر _ يا الله ايش فكرت وتمنيت انك تكونين صدق حامل

دانه _ دونك كنت وحده مذنبه بحملي بس جاسر احبك


جاسر بألم _ اسف دانتي .والله اسف ..تصدقين لازم نسافر الحين لهلك عشان نطمنهم تعرفين خفت انك سافرتي معهم بس كامل طمني


دانه مسكت وجهه _ جاسر انت هنا


حضنها _ احبك يا روح جاسر ويا عذابه و يا دانته




>>>>>>>>>>>>>>>>>>>>>>>>>>>>>>>>>>>>>>>>






الحب
سبب للحقد
ولكن ايضا
دواء لكل شئ
فما بالك بالحقد
وخاصه ان الحب يعرف
نقطه ضعف الحقد
ولن نبتعد هنا
نقطه ضعف الحقد
الحب


انتهت وصيه حقدي
لان قدري جمعني بملاك طاهر
اظهر ذنوبي
وساعدني على تركها



البطل .... الذي فشلت وصيه حقده بسهم الحب
توقيعي.....وصيه كتبت من اجل الحب...أيضا
مخلص ...لمن أحب
توقيعي

جاسر

جـــــــــاسر




.................................................. ................



حط راسها في حضنه _ طارق ابغى نسكن في دبي


طارق _ انا بعد فكرت بكذا البيت هذا لازم ينباع


همايل _ نبغى ننسى


طارق _ راح ننسى


همايل _ طارق تحبني

طارق _ احبك من صغرك احب الصغيره اللي انضرب عشانها احب الصغيره اللي طلتها تعدل عندي طله الف غيرها همايل احبك

همايل بمشاغبه_ وفيت بوعدك وتزوجتني

طارق يماشيها _ رجل شهم وش اسوي

ضحكت وحضنته _ بما انك رجل شهم وش اكون انا


طارق _ المره اللي ربي كتبها وقدرها للرجل الشهم


سكتوا شوي


طارق بحب _ قلتلك احبك من قبل


همايل بحب مماثل _ ما اعرف قولي السالفه خلني اتذكر


طارق _ همايل


همايل _ بدينا بالغلط هملالتي وبس


طارق _ هملالتي ...أحبك





.................................................. ...............

توقف ايها الالم ... لقد مللت منك
ما رأيك ..ان نقوم .... بأختبار لعبه اخرى


النسيان ........أعلم اني سأفشل

لكن .لنلعب ..ما رأيك


رن جوالها


ناظرت الرقم


لقت رقم دانه


ناظرت عاصي اللي ناظرها بخوف



ردت عليها _ الو اهلين دانه


دانه بصوت فرحان _ هيوف حبيبتي ابغى اقولك حاجه


هيوف ناظرت حولها للغرفه اللي هي فيها اللي قامت بعد اغمائتها ولقت نفسها فيها


ما تحب المستشفيات ما تحبها


هيوف _ دانه قولي


دانه _ انا بكره راجعه للسعوديه مع جاسر خلاص تصالحنا


هيوف فرحت بقوه _ مبروووووووووك يا دانه اكيد فرح لما عرف انك حامل


دانه _ اكيد فرح ...تمنيت انك هنا بكره بنسوي احتفال يعني بدال الزواج اللي ضاعت علينا فرحته


هيوف ناظرت عاصي اللي كان يناظرها بهدوء _ ان شاء الله برجع قريب


دانه _ احبك هيوفه يا الله باي



هيوف _ مع السلامه


قفلت الجوال وحطته



ناظرته لقته جالس قربها


ويناظرها


هيوف _ ابغى اطلع من هنا ما احب المستشفيات


عاصي بدون تفكير _ تعرفين اول مره شفتك كانت في المستشفى


هيوف بعدم تصديق _ كيف عرفتني


عاصي _ صوتك .................ريحتك

هيوف حسته يعذبها وهو يكلمها بالحنان ذا كله _ عاصي بس


عاصي _ تذكرتيني

هيوف بلهفه وقتيه _ ايوه عرفتك هذاك اليوم ماتت امي ... (ناظرته بخجل) تعرف انا بعد شفتك في


عاصي قاطعها وكانه يكلم نفسه _ في المطار ...صدفه ... تظنين انها صدفه يا هيوف

هيوف بخوف _ ابغى اطلع من هنا يا عاصي


قام ونادى ممرضه


وفكت منها المغذيه ورجعوا للفندق


يتبع ....



.................................................. ...........




سالم ناظر جاسر



جاسر وهو يكمل كلامه _ وبنرجع بكره للسعوديه


سالم وهو مبتسم _ يعني معي بتسافرون

دانه بضحكه _ ايوه احنا ثلاثتنا معك

سالم ناظر فرحتها _ الله يتمها عليكم ذي الفرحه


دانه قامت وحضنت سالم _ تعرف يا جاسر ان سالم كان الوحيد اللي يدافع عني


جاسر بابتسامه متألمه وكانه يتذكر اللي صار لدانته +_ اعتذر... انا عارف اني غلطان والله


سالم _ يا ابو عبدالباري بلى ذا الكلام اللي بينا من حزن وتعب باذن الله انتهى وفرحه دانه ذي تسوى الدنيا عندي


دانه فرحت حولها

كل هذولا الرجال


اللي يحمونها


صدق هي محظوظه

حمدت ربها كثير


السعاده

وانكتبت لقلبها


.................................................. .....................



السعاده

اهلا بكي .... سأقولها لكي

لاني لم اراكي يوما ...ٍسأبحث عنك

هناك ...وهناك ...لكن ليس هنا ..في جنبات ذكرياتي

لانك قد هجرتي ...ّذكرياتي ...فلا أمل منها

سأذهب اليه

وأقول له أحبك .......أتركني

ٍاقول له ..أريد ان أغار عليك .... خـــنــي

سأقول له .... أريد سجنك ....أعتقني

ليبحث هو عن ..سر كلماتي

وأبحث انا .... عنك يا سعادتي



دخلت الغرفه وغيرت ثيابها بتعب


لازم تسوي اللي ناويه عليه خلاص ...السعاده ما تبغاها بس هي بتدور عليها




خرجت للصاله الكبيره اللي كان جالس فيها على الكنبه بدون حراك



قربت منه



شافته غارق في افكاره


جلست بركوع تحت في الارض


ناظرها بدهشه


عاصي بنهر _ هيوف



هيوف رفعت نفسها ومسكت يده _ عاصي ...تكفى ...طلقني



قعد يناظر يدها وما رد


مسكت يده بقوه وبدت تقول بين شهقاتها اللي خنقتها الدموع _ عاصي ما اقدر ما اقدر استمر معك ...انا احبك....... ابغى اغير عليك ابغى حبك ...بس ما يحقلي


عاصي بدون حراك


هيوف _ عارفه انك تفكر اني ...رخيصه ...ضايعه بس اللي صار غير كذا غير (وبدت تبكي وكانها خايفه)


عاصي بصوت جاد_ ولما انتي عارفه ان اللي صار غير كذا ليه تبكين ليه ؟ ليه لما اقرب منك تبكين ........ هيوف جاوبيني ليه الحين بعد تبكين


ناظرته بصدمه _ ابكي عشاني عارفه انك بتفكر ...


عاصي _ هيوف انا عارف..... ليه ما تفهمين ليه ان كل ما يخصك تعبت عشان اعرفه هيوف عمك قالي بس انتي اللي تبكين هو اللي مفروض يبكي مو انتي ليه ضعفتي معي ليه ما تكلمتي


هيوف تشاهق _ تعرف انت تعرف يا عاصي ... اسفه


عاصي_ اسفه على ايش ابغى افهم ليه مو واثقه فيني اني احبك ولا ممكن ائذيك هيوف ناظريني


ناظرته بخوف وببطئ_ ليه تزوجتك ليه

هيوف بالم _ عشان امورك الخاصه


عاصي _ اموري الخاصه هي انتي ... هيوف .. ما نسيتك من يوم المستشفى رجعت زي المجنون عشان اعرف اسم المريض اللي دخلتي له وش ممكن تكونين له ..هيوف فهمتي اموري الخاصه حبي لك



هيوف تذكرت هذاك اليوم اللي خذت دانه للمشفى لقته معقوله كان هناك يدور عن معلومات عنها بس هزت راسها ما تبغى تصدق ان فيه احد مهتم فيها _ عاصي بس ...انت كنت تبعد عني دوم


عاصي_ مو انا.... انتي اللي تبعدين عني اجيك القاك تبكين اقرب منك تبكين مو كنك عارفه ان دموعك تعذبني اخاف اشوفك وعلى خدودك دمع ..واخاف اكون انا السبب



حضنته بدون سوابق_ عاصي احبك والله وقلبي يوجعني لما تقرب مني ابغاك تكون لي ابغى اغير من غاده ابغى اقولك اني ما ابغاك تشوفها مره ثانيه ابغى اقولك ان قربها منك يعذبني


عاصي_ تخسى غاده ..من هي هيوف انا ما تزوجتها عشاني احبها ولا شي ابوها طلبني اتزوجها وانا كنت في هذاك الوقت مجروح من جدي فحبيت العناد يكبر لكن فقت .... وطلع زواجي كله غلطه هيوف افهمي ابغاك تغيرين ابغاك تحبيني,,,ثانيا هذاك اليوم كان توقيعي لشركتي انا الشراكه بين وبين ابو غاده صارت شراكه مصالح مو شراكه فعليا



هيوف _ احبك

عاصي _ واياني واياك تطلبيني الطلاق ...ما راح اخليك يوم تبعدين عني ثواني كيف اخليك تبعدين عني عمر ..... هيوف احبك


هيوف _ وعمي


عاصي _ لا نتكلم عنه هو فهمني انه كان سكران ..... هيوفي بس انسي ما راح تحتاجين تتذكرين


هيوف _ تحبني لدرجه اني ناقصه وتحبني


عاصي_ من قال انك ناقصه ..انت لي وبس انتي تكمليني كيف تكونين ناقصه


هيوف _ عاصي مو مصدقه انك تقول ذا الكلام


عاصي بفكاهه _ عندي طرق تبغين اجربها عليك


ضحكت وضحكت


هيوف _ انت اللي ارسلت لي الورده مع الصبي الصغير

عاصي_ مو قلت دموعك اخاف منها


هيوف ضحكت لاول مره من قلبها ببراءه _ بس راح ابكي لما اولد

عاصي _ خليك اول تحملين بعدين فكري بالولاده

هيوف بحب _ بس احذرك من اللحين


عاصي بخبث_ اوكيه راح نشوف ..... شكلي راح اتبني ..


هيوف _ بس تبناني انا

عاصي _ انتي بالذات علاقتي بك بعيده عن علاقه الاب والبنت(وحملها)...تبغين اثبتلك


.................................................. .....................

توقفوا

هل تريدون ان اكتب


نهايه وصيه حقدي


للاسف لم تكن وصيه حقدي موجهه
للحب


بل كانت موجهه لشخص واحد

اتعرفونه


لننتظر ...هل ستنتهي وصيه حقدي


.................................................. .......................




قد تكون انتهت .... ذكرياتي المسروقه هنا


لكن هناك

وهناك ............ خربشات من جنبات الزمن

أحتاج لسرقتها ...وضمها بين جنبات هذه الذكريات








انتهى هذا اليوم



ببدايه الحب .....


في قلوب جميع الابطال


انتهى هذا اليوم

وفعليا انتهت القصه


لكن هناك مستحقات هنا وهناك يجب النظر فيها


حتى تنتهي القصه فعليا ...حقا



طارق& همايل


سأظل اكتب اسميكم معا دائما

حتى يفرقنا الموت عباره

كتبت لكم



جاسر &دانه
سأظل اكتب اسميكم معا دائما

سيظل الاخلاص رفيق دربكم


كتبت لكم



عاصي&هيوف

سأظل اكتب اسميكم معا دائما

السعاده توجد دائما في نهايه درب الحزن


كتبت لكم

[موكاتشينو]

.................................................. ..........
قبل
ثلاثه ايام
من

يوم زفاف


سلطان


و


زيد


هناك مكالمه صغيره


دارت بين


هيوف& ودانه

...............



هيوف _ دانه لا تنسين بعد ثلاثه ايام القاكم هنا زواج اخو زوجي و...ولد عمه


دانه _ طيب اوكيه بقول لجاسر


هيوف بهدوئ عاصف _ دنودون اطلبك طلب


دانه _ امري

هيوف _ ابغى ...تجيبين موزه معك


دانه ضحكت _ ما اظن سالم بيوافق الاخ غيران عليها


هيوف بفرحه _ قولي والله ..بس مع ذلك ارجوك دانه ابغى موزه تجي


دانه _ اوكيه بحاول مع سلوم نشوف ولا بخلي جاسريتكلم معه الثنين صايرين اصدقاء


هيوف ضحكت


دانه _ هيوف انا فرحانه انك فرحانه احس صوتك متشقق من الفرح

هيوف ناظرت عاصي اللي جالس قربها يناظرها بموده وحب كبير عارف انها تحاول تجيب اختها عشان يحضرون زواج اخوهم

هيوف _ عاصي مو مقصر مخليني احبه واحب الدنيا قربه


دانه _ الله الله وصارت هيوف تتكلم عن الحب يا حركات


هيوف _ وانتي بعد الفرح من صوتك


دانه _ جاسر وفي غيره



وبعد عده جمل من الكلام انتهى الاتصال


..........................................






.....................يوم الزفاف ............................



أزادنت

صاله الشيخه مشاعل العاصي ..... بأبهى حله

الكل كان مثال على الجمال الراقي ...

فاليوم غير كل يوم

زواج ثنين من عيال ال عاصي مو واحد كالعاده



ناظرت هيوف

العالم ...... اللي صار عالمها لا محاله

وابتسمت بهدوء

اهم شي عاصي قربها

وكل شي ............له حل


نظرها طاح ...على شخص تخاف تواجهه ...شخص حست انها سرقت سعادته

لكن ............ سعادتي بعد .... احتاجها



هيوف قربت من العنود


العنود ابتسمت بكبرياء وسلمت على هيوف


العنود_ وش هذا الجمال هيوف .....


هيوف بتضرع _ عنود ...ابغى اكلمك


العنود بكبرياء اتقنته_ لا يا هيوف ....خلاص ...(وضحكت بهدوء)لا تنسين ولا كيف تنسين بس لازم تحضرين زواجي بعد شهرين


هيوف مسكت يد العنود_ الله يهنيك

العنود بتصميم _ لا تخافين بتهنى مع غازي

هيوف تركت يدها ببطء_ عارفه


حصه قربت منهم _ هيوف ممكن كلمه على انفراد


العنود تركتهم بهدوء


هيوف بنهي هادر _ ارجوك ممكن ما تكلميني ...ممكن

حصه _ هيوف ارجوك.....هذاك اليوم قلتي ان لو سلطان موجود كان تغير شي ...وش هو اللي صار قوليلي انتوا عندي امانه


هيوف ضحكت _ انتي من جدك تقتلين القتيل وتمشين في جنازته ...شوفي يا حرمه ...اتركيني فاهمه اتركيني ...انا ما قلت لسلطان عشان مصلحته لكن لو تطلب الامر بخرب الدنيا على راسك..انا مو خايفه منك ولا خايفه من أي احد عاصي قربي وانتي عارفه وش معنى عاصي


حصه ناظرت حولها كان في خاطرها اعتذرات كثيره لكن اسلوب هيوف منعها _ الله يهنيك مع عاصي يا هيوف ...عاصي يحبك


هيوف _ هذا مو موضوعنا ..بس صح عاصي يحبني قد حبي له ...ابعدي عن حياتي دخيل الله


حصه _ بس يا هيوف مو انا المذنبه بس حتى عمك عارف


هيوف _ وتظنيني ما شكيت بس عادي كل شي عادي منك ومنه ... ما اقدر اقول الا الله لا يسامحكم ......... ابعدي عن طريقي


مشت وتركت حصه معبسه مهمومه



...............................................


وش ذا القمر __


همايل ضحكت _ لا يكون تقصد نفسك


طارق _ هموله بلاها روحه اليوم خلينا في البيت


همايل بابتسامه _ طروق بعد ذي الكشخه اجلس في البيت انسى


طارق _ زهقتي مني


همايل حضنته _ انا زهقت؟ ....ناظرني



ناظرها وضاع في عالم حبه


طارق _ فديت الغالي بس


.................................................. .......



سالم _ دانه ليه تلبس موزه كذا ستري كتفها خلها تلبس شال


دانه _ يمه منك بس كافي خلها


سالم _ موزه البسي شال


موزه _ طيب

دانه _ سالم غيرتك بتذبحك


سالم _ زوجتي كيفي على فكره زوجك وصاني اناديك



..............


جاسر اول ما دخلت حضنها


جاسر _ وش الحلاوه ذي


دانه _ ايش رايك اجلس


جاسر _ ما عندي مانع


دانه _ ..... بس مشكله هيوف تبغى اختها



جاسر _ خلي سالم يوصلها


دانه _ انا اشتقت لهيوف


جاسر _ وشوقي لك من يرويه


دانه _ كلها ساعتين وراجعه


جاسر _ دقيقتين عذاب وساعتين انتحار


دانه ضحكت _ على كذا اقرا قران وبتهدا


جاسر ضحك معها _ بس عشان عيونك وعشان حبي لك ...روحي اليوم افراج


قربت من حضنه _ جاسر اموت فيك


جاسر _ انا اعيش عشانك

......................................




هيوف جالسه مع مرت حمد اخو عاصي .... وضحى


وضحى _ هيوف حبيبتي هاذيك دانه صح


هيوف وهي لابسه ثوب تصميم واحد مشهور كان لونه بنفسجي ليلكي

وفاتحه شعرها ومسويته على شكل غجري كانت قمر


والبسمه مو راضيه تفارق شفاهها



هيوف _ أي والله هي تعالي نسلم عليها


وضحى _ انا بروح اسلم على مرت طارق الراسي جات


هيوف ناظرت معها لوحده جميله ملامحها رقيقه مررره

ولبسها على بساطته مبينها هيبه ومعطيها هاله نور وحلاوه حولها _ ماشاءالله عليها


وضحى _ هي حلوه وزوجها حلو .....(وضحكت )


هيوف _ طالعه علي بنجيكم انا ودانه بعد ما اسلم عليها اوكيه


وراحت لدانه


اللي لابسه ثوب واسع ابيض مشجر بوردي

فخم بس بسيط يعكس ذوق دانه


اول ما شافوا بعض حضنوا بعض بقوه


ناظروا بعض وكأنهم يقولون اللي بينا انتهي من حزن


خلاص ما في غيرك خوي في الدنيا ذي


..........

لابد للدنيا تجارب يا صاح
واحنا ...لها كنا ..... تجربه خوف
ولابد ..القاك وفي .. وتلقاني ناسي ما راح
ونلاقي بعض ...ونقدر للزمن هالمعروف


............................................





هيوف سلمت على موزه

هيوف بلقافه _ اقول الحمدلله الشيخ سالم عتقك وش الغيره ذي

موزه بخجل _ ما اعرف


دانه _ اتركينا منهم مسوين فلم هندي الثنين مزعجين امي


ضحكوا مع بعض


هيوف _ ليه ما جبتوا في


دانه _ امي بتذبحني على أخذي لموزه تخيلي بفي اموت ههههه


هيوف من بين ضحكاتها _ تعالوا نبغى نسلم على وحده زوجه صديق العايله



قربوا من همايل اللي كانت جالسه برقه تكلم وضحى


قامت لما قربوا وسلموا عليها


وضحى _ دانه تري همايل زوجه طارق الراسي صديق عاصي الباري زوجك

همايل _ والله انتي زوجه عاصي...اخو جود الله يرحمها ... صدق ان المرض ماله امان (قالت الجمله الاخيره بمواساه)


دانه عبست شوي بعدين رجعت تضحك _ تشوفين الثنين ذول ما عرفونا على بعض اليوم برجع اغسل شراعه

همايل _ لا تخافين انا متاكده ان كنا راح نشوف بعض اكيد


هيوف _ نحن هنا عاصي ما يعرف احد من ازواجهم يا وضحى ابغى ادخل بينهم

ضحكوا عليها

وضحى _ وهاذي هيوف زوجه عاصي طيار العايله


,,,,,,,,,,,,,,,,,,,,,,,,,,,,





وقت الزفه


همايل ودانه وهيوف تعرفوا على بعض واغلب الزواج ما تركوا بعض ما عدا هيوف اللي تدور بين المعازيم بحكم انها من العايله


لما جات وقت الزفه


هيوف قربت من موزه

ومسكتها من ورا


وجلسوا يناظرون المعاريس وهم ينزفون


انزف سلطان مع الجوهره اولا


موزه _ ياي حلوين الثنينه


هيوف بحزن خفيف _ ايوه حلوين


موزه _ هيوف الولد يشبه احد اعرفه


هيوف ناظرتها وحضنتها _ ما اعرف ...من تظنين يشبه ؟


موزه ناظرتها بعدين ابتسمت ما فهمت شي


جا وقت زفه زيد مع لامار


هيوف ناظرتهم في الكوشه الاربعه كان يمثلون لوحه جميله


بس ناظرت اخوها


اخوها اللي تمنت انها تروح تحضنه

تفرح به لذاته


دخلوا ال عاصي


شافت عاصي داخل نست همها

مع بسمته اللي وجهها لها


ودعاها عشان تطلع للمسرح


طلعت بعد ما لبست الشال وحطته فوق شعرها


مسكها من خصرها وراحوا يسلمون على المعاريس


سلمت على زيد بهدوء

زيد كان نعم الرجل

من يوم جاو ما بين انه كان بينهم شي ابدا

سلطان حسته يمد يده لعاصي ببطء


هيوف مدت يدها له _ مبرروك سلطان

ناظرها بعتب _ الله يبارك فيك


ناظرته شوي وحست عاصي يدفها عشان تمشي


قعدت تناظرهم من بعيد وعاصي ما بعد منها قربها منه اكثر وهمس في اذنها بحب _ هيوفي انا معك

مسكت يده وضغط عليها بدوره


ناظرته بحب

........

انت ...سأظل احلم معك
سأظل اعيش ...لاحلم اني معك
انت الوحيد المؤمن ان لي سعاده ...معك
بقلب وحيد ......... دخلت اليك ,,ليكون قلبي معك
من بعد عتمة المشاعر ..اصبحت مشاعري مشرقه لك
من بعد عبوسي اصبحت ابتسم ...لك
من بعد ظلمه الرؤيا ...اصبحت رؤياي واضحه ... بك
حياتي ... اصبحت ,,جديده ...بك
انت من الان يقول لي ...هيوف انا معك
وانت من سأقول له ...سأظل ...لك

.................................................. ..............




انتهت ............




بعد مرور ثلاثه سنين


..........................................


لقطات من مفترق طريق الابطال



لقطات مهمه ولابد ان تذكر


وصيه الحقد

نفذت

نعم نفذت

نفذتها ...............هيوف


(العم )


توفي بعد زواج سلطان باربعه اشهر

طلب رؤيه هيوف التي لم ترفض دخلت عليه في غرفه مرضه

رفضت ان يدخل معها عاصي الذي كان سيجن لم يرد ان تكون هيوف لوحدها لكنها رفضت .........فهذه معركتها


العم ودموعه تغسل وجهه _ هيوف سامحيني طالبك سامحيني ..رب العباد بياخذا امانته .. غلطت يا بنت علي مالي وجه اقابل رب العباد و ابوك وانا مذنب بيحيني يا بنت علي طالبك


ناظرته بهدوء _ انا سكت ما قدرت اكون قربك الا خايفه ..ذليله خليتني اكره كل شي ...كرهتني في عيالك في هلي في نفسي كنت اخاف المحك ..الله لا يسامحك كل يوم بدعي عليك الله لا يسامحك


بدت دموعها تنزل بهدوء وعادت جملتها اللي تمنت انها تعذبه مثل ما عذبها _ على كل يوم كرهت نفسي ...الله لا يسامحك




خرجت وهي هاديه

ولقت حضن عاصي ينتظرها

اخيرا انتصر الحقد في احدى وصاياه

...............

حقدي هنيئا لك
وصيتك نفذتها
لن ارضى بان اكون
ضحيه للمسامحه .... المخادعه
.................................................. ..............



همايل & طارق


عاشا كما ارادا

الحب موجود
المسامحه موجوده
....العناد ايضا موجود

قررا ان يعيشا في دبي
وهذا ما فعلاه

لديهم الان ابنان...تؤم

حمد & فارس


طارق _ حمد فارس يله صلاه الجمعه


همايل _ طارق لا تصير كذا توهم صغار ياله يعرفون يمشون


طارق _ ابغى اعودهم على الصلاه


همايل _ خلاص بخليهم يصلون جنبي لا تخاف


طارق بحقد مضحك _ مو هذا اللي قاهرني يصلون قربك ....هملالتي خليهم يجون معي


همايل ضحكت على طارق


طارق قربها منه وباسها


حمد ناظر ابوه _ طاتد ابد عن امي (طارق ابعد عن امي)

طارق _ شفتي مو معترفين اني ابوهم

همايل _ مثلك طالعين عليك يغارون (ورجعت تضحك)


ورجع يحضنها

فارس_ طارد اكهك ( طارق اكرهك )



طارق بضحك ضم همايل _ حره يا عيال ال راسي تبون تشاركوني امكم ها خسئتوا


همايل _ فديت الجيش الرجالي اللي حولي

طارق _ طيب واللي هنا (مسك بطنها ) لا يكون عقيد نسائي

همايل _ وش تبغى


طارق _ اببغاك بس انتي


همايل _ بس


طارق _ ...وش ابغى اكثر من حب مالي على ..كوني وش ابغى اكثر


همايل _ ولا شي ...مثلي تمام ابغاك حولي قربي ولي


طارق _ هملالتي .... أحبك

همايل _ طروقي ...أحبك



باسها بس سمعوا صوت بكى ناظروا حمد يبكي
من الغيره

يكره لما امه تقرب من ابوه


طارق _ لا حول ...كل يوم من ذا ...شكلي بتبرعبه لجمعيه خيريه


.................................................. ....................



جاسر &دانه

قررا العيش في دبي ايضا
دانه عادت تكمل تعليمها
كان زواجهم قريب من المثاليه
الاخلاص ...الوفاء موجودان من كلا الجانيبن


انجبت دانه
جود
حبيبه خالها كامل الذي لا يستطيع مفارقتها عند زياره امها لهم في مكه






دانه بابتسامه _ جود من لبسك هذا الثوب


ردت عليها طفله آيه من الجمال الرقيق _ ابوي


جاسر اللي دخل الغرفه _ ايش رايك

دانه _ لا تقول انك خذيتها كذا معك للشركه


جاسر بقهر _ بدال ما تقولين مشكور يا جاسر لانك تساعدني لما اكون في الجامعه وتاخذ معك جود للشركه تلوميني اني ما اعرف اختار صح

دانه قربت منه

ورسمت على وجهها علامات براءه

جاسر بحب _ خلاص سامحتك ... ( حضنها )


جود قربت منهم وحضنت ابوها من عند رجوله

دانه بعدت منه

جاسر بتأمر مع بنته _ قولي تغارين من بنتك

دانه رفعت يدها _ يا رب انك تهبلي ولد يغار منه هذا الادمي


جاسر نزل يدها _ لا تكفين انا من جود اغار وش تبين تجلطيني

رجع يحضنها _ دانتي أحبك

دانه ناظرته ........ولم تبقى للكلمات فائده


.................................................. ..........


عــــــاصي& هيوف

أدار عاصي اعماله من فرع شركته في دبي
وهيوف ايضا اكملت دراستها الجامعيه

تاخرت هيوف في الحمل
لكنها..واخيرا
انجبت ...... رفاف
ابنتها ذات السبعه اشهر
وايضا صاحبه العينان الزرقاوتان

اما عن زواج عاصي بهيوف

فيكفي ان يقال عنه جالب للابتسامه

كانا سعيدان
متفاهمان
عنيدان ... لكن يعلمان ان يقف ذلك العناد

كانت جالسه في حضنه
وفي حضنها بنتها



عاصي من بين ضحكاته _ هيوفي بسك خلاص بنتي بتخاف من نظراتك


هيوف بجزع مضحك _ عاصي ليه عيونها زرقا انا خايفه بنتي ملخبطين فيها ولا شي

رجع يضحك وناظر معها بنته _ يا عيون عاصي.. قلتلك جدتي تركيه يعني عادي ممكن منها


هيوف _ عمتي قالت ان عيون جدتك عسليه مو زرقا

عاصي_ هيوف تكفين فديت روحك بس خلاص ...سؤال تحبين رفاف


هيوف حضنت بنتها _ اموت فيها ...

عاصي_ طيب بما انك تحبينها .. واكيد مو اكثر مني ... ليش البلشه في سالفه الخبطه


هيوف ضحكت في وجه بنتها _ عاصي حبيبي على فكره من قالك اني احبك اكثر من بنتي

سوا نفسه مصدوم _ اذن خلاص بعترف ....البنت هاذي مو بنتي


هيوف ضحكت _ ايوه قل كذا..بنت على حقيقتك


عاصي_ ترا عادي عندي اغتال ..اي احد ياخذ غلاتي

هيوف بستغراب مشاغب _ انت غريب الرجال يحبون بناتهم اكثر من أي شي

عاصي_ ما علي من الرجال الباقين انا احب زوجتي ..وبعدين بنتي عندك مانع مثلا

هيوف بدلع _ مسكينه رفوفه ابيها يحب امها اكثر منها

عاصي مسك وجه زوجته _ وقولي لرفوفه ان ابوها ... مستحيل يحب احد اكثر من امها


هيوف قربت منها وباسته _ وتقولك أم رفوفه ...طال الزمن ولا قصر مالها غيرك ...أحد


.................................................. ......

والاهم ان هذه الثلاث العائلات

عائله طارق الراسي
عائله جاسر الباري
عائله عاصي ال عاصي


اصبحت عائلات صديقه

يجتمعون كل شهر في بيت احدهم

ولكم ان تتخيلو
اجتماع ثلاث شخصيات رائعه
كطارق وجاسر وعاصي


اما من الجانب الاخر

فالثرثره طاغيه على حديث النساء

هيوف _ همايل انا ابغى فارس لبنتي خلاص حجزته


دانه _ لا جود تحبه


هيوف _ يا الله انتي ايه جود اكبر منه


دانه _ بشويه شهور


همايل وهي تمسك حمد_ وحمود ما احد يبغاه

دانه ناظرته بحب _ خلاص انا باخذه لجود خلي فارس لرفاف

هيوف تنهدت _ دانه انتي ناويه على انا بعد خلاص قررت اخذ حمد لرفوفه

همايل ضحكت على خبالهم

هيوف ضحكت بعد _ يا خوفي من عيونها الزرقا ذي ما ترضى الا باجنبي


ضحكوا كلهم على هبال هيوف لانها ازعجتهم دائما بعيون بنتها اللي مدهشتها

دانه _ اقول خلي رفوف تاخذ ولد خالتها موزه ..كامل


هيوف _ يله وكامل يبقى خيار اخر ..


.................................................. ..................








سالم

أبتعث



وتزوج موزه قبل السفر

رغم صغر سنهم
الا ان سالم كان بمثابه رجل يعتمد عليه


وموزه كانت نعم الزوجه ....المطيعه ..المسالمه

التي كانت عند الشدائد موجوده تساند زوجها بحب وعطف


رغم كل شئ سالم
تعلم
ان يكن لموزه مشاعر ..جميله
وتعلم
ان يقتل مشاعره الموجهه لغيرها ... وان كان تعلمه من هذه الناحيه بطئ نسبيا




.................................................. ............


أمل تزوجت علي

وبقيا في الرياض

برفقه ام طارق وام علي


بسمه تزوجت ايضا بابن خالها

ولم يكن هناك الكثير ليقال عن هؤلاء الشخصيات


..........................................


فارس

عاد ليسافر

تاركا ... كل شئ

خلفه

حتى عشقه ..... تركه للذكرى
التي سترافقه
بغباء


دوما


........................................



حاتم لم يتزوج

مره اخرى .......

رغم محاولات والده

لكنه لم يعد يرغب ...بأن يثق بجنس حواء مره اخرى



..........................


غدير

عاشت حياه عاديه

حياه عاديه بنظرها
شخصيتها بقيت كما هي


لا شئ جديد بخصوصها


...............................ز


غلا عادت لسعد بعد ما تشفت منه
فلا يخفى عليكم من كان وراء

اخبار طارق بأمر المكالمات بين ...سعد وهمايل


سعد ..... أتعرفون

لا تعليق


.............................................


كامل


اصبح مؤذن في المسجد المقابل لبيتهم


وقام برعايه عائلته خير رعايه بعد وفاه اباه
وسفر اخاه سالم

كان كالاب لفي التي لم تعتد على هذا الاهتمام


والأهم

كامل
وجد له عشق أخر


أبنه اخته دانه ...جود

وأصبح ينظم ندوات توعويه عن مخاطر الادمان لكن بطريقه مؤثره
تصل بسرعه الى المراد


فيكفي انه كان من ..... الضحايا

............................................


عاصي حاول تقريب

سلطان من حياته..وحياه اسرته

رغم ممانعه سلطان ..........واستغرابه

لكن استغرابه لم يدم طويلا

لقد ... علم بالسر ....بواسطه امه ...؟(التي رحلت )

ولكن ...المفاجأه انه قرر ... ان يبقى امام الناس..جاهل به


لا تسالون

فطريقه رغم حزن هيوف لم يعد يقابل طريقها ابدا



.........................................


زيد ...حياه جميله مع لامار
وزيد في النهايه سيبقى ...اخ عاصي

زوج هيوف لا غير

.................................................. .....

فَي

خطبت لهادي ..اتذكرون هادي ..اول القصه صديق سالم


عودوا بالوراء وتذكروا


وهاهي اليوم

في هذا اليوم ...بتوقيت قصتنا


تستعد للذهاب الى المستشفى ....... لاجراء فحوصات ما قبل الزواج

....................


عمـــار

اتستغربون اني قمت بذكره

اذا اتبعوا كلماتي

عمار تزوج هنادي

وهاهي تشعر بتوعك بسيط لكن بسبب حملها لم يرضى عمار الى ان ياخذها الى مشفى قريب منهم

وبالاخص انها قد تكون تعبت من السفر

فهم الان في .................مكه
لاداء العمره



...................



في ناظرت المرأه التي كانت تجلس بالقرب منها



كانت نظرات في ........ حزينه ...مصدومه


هل ما سمعته من الممرضه يعقل


الممرضه قالت ..... مدام عمار الثمري

لا قد يكون فقط اسمه يبث فيني هذا الشعور بالالم الغبي الذي يرفض الرحيل


لكن هذه المرأه عادت للجلوس قربها

هنادي دقت على عمار _ عمار تعال يقولون ما فيني شي كل شي كويس بس تعب

عمار _ ....................


هنادي _ اوكيه مع السلامه


هنادي ناظرت في اللي تناظرها _ ليه جايه هنا


في تلعثمت _ ها ...أفحص فحوصات قبل الزواج

هنادي _ مبروك ..الله يهنيك ..ايش اسمك ..ابغى اسماء لبنات طلع معي بنت


في بهدوء _ اسمي ........ في


وفي غفله شعور خائن


ناظرت الباب ...لقته موجود ...لقت حلم ... حلم ,,ظنته عايش في مخيلتها


ناظرت اللي جنبها


لقت هنادي تقوم وتودعها تقولها كلام ما تفهمه

عمار .... زوجتك حامل

وانا ما نسيتك ..كيف ؟


.....................


في
ركبت السياره مع كامل


ودموعها
نزلت


بهدوء تام كهدوء وجودها ........ في سياره اخوها


عمار

اوراقك معي ما زالت .... اهتمامك حتى لو كان زائف ما زال يمس قلبي كل ما تذكرته

عمار .... كل ما ظنيت بنسى
لقيتك اول شي اذكره

عمار .. وش اسوي





هاذي السنين ابلا هواك
عتمه ولا تسوى بلاك
كل احاسيسي معاك
قلي يا كل الحب من خذاك
احاول انساك واشيأئك ملت عمري
يا اجمل من اجمل حلم في عيني
ايامي تذبل ووردك ينبت في صدري
مع كل نبضه اموت وتبتدي فيني
اكلم الحب عنك وانت من صغري
تعلم الحب كيف يلملم سنيني
شريتني في زمن ما فيه من يشري
واليوم بعد الغلا عييت تشريني
لا يشغلك هواي ولا وصلي ولا هجري
يا شي قبل الوصل والهجر يعنيني
يكفي ان بالك يجي مره على ذكري
ويكفي ان ذكراك وان ما جيت يكفيني



..........................................




هنادي ناظرت ..عمار اللي من يوم خرجوا المستشفى وهو ساكت


هنادي _ ما قلتلي وش بنسمي ...بنتنا ...



عمار _ كيفك


هنادي _ طيب ايش رايك بفي هاذي وحده لقيتها في المستشفى اسمها لاباس فيه ..ولا هنادي خلني اسمي بنتي باسمي ايش رايك

عمار بألم تذكرها ... او تذكر قبل ثواني وجودها ...في ..فارس يحبك كيف اختار بينك وبينه انا راعي العشره وهو اللي خان لكن معزته تمنعني ادخلك بينا رغم عشقي لك _ هنادي ..أبغى في ...خلينا نسميها ....فَي


.................................................. ...........



تمــــــــــــــــــــت


يوم الخميس

5\4\1432هـ
الموافق
لـ 10 \3\2011م
الساعه 7:32 صباحا



بسم الله الرحمن

ابتدى وانتهي


تعرفون قبل كل شي سبحان الله


في كل القصتين انتهيت منهم لخميس


سبحان الله


وارجعوا اقروا اخر جمله

تذكرون نهايه قصتي الاولى

هاذي هند ........هاذي بنته



................. ابغى اقول شي مهم


القصتين كلها

تحت مسمى واحد ذكريات مسروقه
يعني لابد ان يكون بينهم
صله

النهااااااااايه
هي تلك الصله


نرجع للقصه


وصيه الحقد .......... ذكريات مسروقه 2


بديت اكتبها في العطله الصيفيه


رغم اني كتبت قبلها ...روايه ثانيه اعتقد كتبت في الثانيه 100 صفحه وسميتها تعويذه عشق مشوه

لكن وفجاه قررت ان افتح صفحه وورد جديده واكتب هذا الاسم

وابدا قصه لا تمت للاولى بصله


وهانا اليوم انتهي منها

........... وانا حزينه


فقد فارقت ابطالي
الذين تحكموا فيني ... عكس المتوقع



احس اني كنت ابغى اقولكم كلام كثير

تعرفون احب اعطيكم قصه حياتي بعد القصه

لكن خلونا نتكلم عن الابطال مره ثانيه من وجه نظري



و


يكفي ان اقول

طارق ...

عاشق الى النخاع ؟.... لكن بطريقته


همايل ...
بريئه ... تحتاج الى شخص كطارق في حياتها ..يحتاج الى ضعفها وتحتاج الى قوته


طارق وهمايل

قصه اردتها منذ البدايه واضحه ..... لقد اردت ان تعلموا منذ البدايه ان كليهم للاخر




جاسر
كاره النساء ,,, لكن بطريقته .. لا يحتقرهم ..لكن لا يستسيغهم ..نفاهم من مجريات حياته ..وقرب احداهن ..فخانته هي الاخرى


لكن ..الخطئ منذ البدايه خطأه فغروره اعماه ..اراد الافضل لجود لكنه لم يرد لها الحب الذي اختارته

للأسف ... نسى انها .... انثى

دانه

انثى لكل ما لتلك الكلمه من معنى ... وقعت في غرام رجل ..منتقم .. ويضاف الى ذلك كاره لها ولجنسها ولاهلها ولكل ما يتعلق بها

لكن كما قال ... منعته من اكل تفاحه الاثم


عظيمه هي دانه
كبتت الالم ... داخلها منذ بدايه القصه

هيوف ... جاسر

كم تعشقهم هي ..
وكم اذوها هم

لكنهم عادوا .... في النهايه

همسه :


دانه ... كان اسمها هدى
وانتوا تعلمون ان دلالتي للبطوله هي حرف الهاء
لكن بضعه مواقف حدثت جعلتني افكر بالابتعاد عن هذا الاسم





جاسر & دانه

قصه اردت ان اتلاعب بها الى حد معين ... ومن بعدها اقوم بتوضيحها لكم لتعرفوا نهايتها .....تلاعبت فقط بتوقعاتكم فالبعض اعتقد ان جاسر قد يكون له دور مع هيوف او ان دانه ليست بطله ... ولكن !


عاصي
بطل عنيد درجه اولى ..غامض ايضا ...اتى في اخر القصه ليحمل الفرحه لاهم بطلات هذه القصه بالنسبه لي
رجل ..واثق هو عاصي
لم يهتم الى بالحقيقه
ولم يهتم الى برأيه ........منذ البدايه


هيوف

حقوده .... محقه في حقدها
لكنها وجهته الى الاشخاص الخطأ
والحقيقه انها لم تستطع توجيه هذا الحقد الى من يستحقه فقد كانت تخافه
فقامت بالحوم حوله تنثر حقدها كالسنه لهب لم يتاذى بها هو قط


هيوف عشقت عاصي لانه .... عاصي لجميع حواجزها


همسه :
هيوف ليس مشتق من دلع هيفاء
لكن بكسر الهاء وتسكين الياء ومد الواو



هيوف وعاصي

هيوف كانت اول انثى في قصتي تحصل على حفله زفاف رغم نقصها عن الباقيات
هيوف ... قصه كانت لي اتحكم بها ... حتى اعلن عنها في وقت مناسب لكن الوقت خدعني ....




سالم ::

اعتبره بطل

كنت عندما تشتد بس القصه ولا اجد مخرج ..ابحث عن سالم
لا اعلم لماذا
عشق هيوف ... لكنه عشق محرم بنظري
وساعد دانه لانه كان يبحث عن حل لارجاع كامل .... وستر اخته
كان العاقل ... من بين مجانين الواقع




كامل وجود

لقد عشق كامل جود
لكن اخطئ
لم يقدرها لم يحترمها
خطفها بغباء
وماتت هي من اجل اهماله
اعلم ان كامل اخذ جزاءه
فجود رحلت
وهو لا يرغب ... ولا يعشق
الا جود
لكن .... المشاكل فعليا كانت بسببه



في
اخطئت بقوه
تهورت
لكنها .... ايضا لم توفق



.. عمار
أحبها
لكنه قام بالتخلي عنها ...
قال لصاحبه اني استطيع ان اعشق غيرها
ولكنه لم يقل له ..اني استطيع تركها لاجلك
لاجل ان نبقى عمار وفارس دوما


فارس :
رغم موقفه البطولي
لكنه خان صاحبه
ولم يعلم مكنونات قلبه كما عمار يعلم
عمار كان يفهم فارس
والعكس ليس بصحيح

....


موزه
رغم سلبيتها
الا ان شخصيه اجابيه جدا في القصه اضحت من نصيبها
اعرف ان الجميع اراد مني ان اضع موقف يكبرها في عين سالم لكن الحقيقه ليس هناك مثل هذا الشي اعني ليس كثيرا
وكفى..


حصه
ماذا اقول عنها
ارادت ان تكفر عن خطئها بنظرها
فقربت هيوف من العائله لكي تلقتي باخيها دون ان معرفه الحقيقه وارادت تسهيل الامور امامها
لكنها لم تعلم انها اعادت غرس السكين في جرح هيوف




سلطان ...
تحطم نعم
لكن اختار حياه يكون فيها ابن عائله مهمه على ان يكون ابن غير شرعي
واعتقد انه بين طيات عالمه الداخلي قرر انه مشاعره لهيوف اساسها احساسه الاواعي بانها اخته ..........





وبقيه الشخصيات اعتقد اني ...قلت ما يكفي عنهم

اعذروني اذا فيه شي ما وضحته

اعتقد الباقي عليكم ......



واخيرا ....


القصه من خيالي ...يعني ..خيالي هو المصدر الاساسي للاحداث

واكيد ... لما الامر يتعلق بخيالي ابتعد عن الواقعيه قليلا


للعلم

جاءتني انتقادات كثيره

سواء على الرسائل الخاصه او مباشره

لكنها رغم تالمي منها ..الا انا جعلتني ارى بشكل واضح ان القصه لم تكن لي ولذاتي واني لست الوحيده المتابعه لها وان غيري قد يتاثر بها

أسفه وأكرر اسفي كثيرا اذا القصه آذت ذوقكم
واكرر واقول ان القصه لا تمت للواقع بصله فلا تجعلوها منهاجا لكم ارجوكم

سرقه قصه

قصتي ... لقيتها في عده منتديات باسم كتاب ثانين
لا اعلم هل هو سهو من الناقل
ام شئ اخر

لقد تألمت لكن قلت انا متاكده ان اسمي هو الابرز لها ... لن يضيع الله حقي


اسم القصه
وصيه الحقد
لم تكن وصايا الحقد بل وصيه واحده
والسبب ...ان وصايا الحقد في القصه ستفشل ماعدا واحده ...وصيه حقد هيوف


... ...وايضا

اريد ان اهدي قصتي هذه لأناس
...فأنا ارى .... انهم كانوا حافزا لي


أطهر الخلق ...*أمي*

أختي....الفراشه

أنجل&H

وصديقاتي الغاليات ....جميعهم


واهديها ايضا ..........الى اسم ....كنت حقا ارغب ان يكون هنا اليوم فلقد وعدت نفسي ان اهديها هذه القصه

اسبابي ستكون في طي الكتمان


الى غسق ....دائما



وطبعا الى جميع من كان هنا

دون ذكرا اسماء تأكدوا اني اذكر كل اسم منكم

كل اسم .... وربي الشاهد
دعمتوني ...وساعدتوني ..... شكرا لكم ..جدا




القصه لا ابيح نقلها الا باسمي


لا اعتقد ان سأكتب قصه اخرى ...... أتمنى ان ابقى ذكرى جميله لكم



لم يبقى هناك ............كلمات ..
دموعي ....... تساقطت .....

سأشتاق لكم حقا .....والله بشتاق

أذكروني بالدعاء
لي ولاهلي
ارجوكم



يا رب العباد


يا منجينا من الذنوب وغافرها

اغفر لي ما فعلته دون قصد مني او بقصد واغفر لمن قرأ هذا الدعاء
واعطني فأنت الجواد ..وانا فقيره محتاجه لجودك يا كريم


أنتهت

اختكم .........الدائمه


New moon
(مووون)