رواية شمس و سحاب كاملة بدون ردود 2015

[موكاتشينو]

<<<7>>>
~حب من طرف واحد
لابد ^يذبل^ وشلون ورد يعيش من دون ساقيه


حاااالة قلب شمس مثل تقلباااات الطقس..احياناًيرتجف من البرووده....واحياناً يتصبب عرقاً..من القهر والمذله
كل هذاااا موو من مرض عضوي...لكن من مشاااعرهاا المتناااقضه
الدكتور :يمه بنتك ماتعاني من اي مرض عضوي كل الاوراق الي قدامي من تحاليل واشعه
وتخطيط القلب سليم بس بكتب لها على حديد وفتامين واذا استمرت
حالتها ممكن تزوري العياده النفسيه اذا حبيتي
شمس :يمه حبيبتي شفتي مافيني شي ارتحتي الحين
ام راشد :انا كنت عارفه انج سليمه حبيت اطمن
شمس ضمت امهاا وحبيت راسها :وعسى تطمنتي على دلوعتج
ام راشد :اناعارفه انج مب خاليه بس بخليج اليوم وراي طبخ ونفخ يالله روحي بدلي مابقى شي وتوصل حنين

اختارت شمس تلبس فستان موف قصير وبدون اكمام فتحتةالصدر سبعه من ورى وقدام
ودرابيه على الخصر و حلق وسلسال قصيرذهبي ..فلات ذهبي اخر شي لمسات بسيطه مسكره وقلوس بطعم العنب
تلاااقوو شمس وحنين بالاحضاان مشتااااقين لبعض شهر كااامل ما شافو بعض لفت نظر شمس..حقاائب حنين ....ثنتين من الحجم الكبير
شمس : حنون انتي يايه تعيشين عندنا
حنين :ههههههه نو منتديات ليلاس
شمس :انا قلت لج تعالي يومين وما استحملج اكثر
حنين : وحق الضيف ثلاثه اياام صارو خمسه ..واليوم ماينحسب
شمس : والخميس والجمعه عطلة رسمية
رجعت شمس تحضن حنين...تذكرهااا براشد
يذهب مدينة الجبيل للعمل من السبت ويعود الخميس والجمعه
حنين :شموس ضعفانه حتى رهف امتن منج
شمس: اووف شفيكم علي..حتى انتي يا ملاااذي تشبهيني برهف
تراني اليوم مب مخليتج تنامين بقولج سر رشاقتي


كثيـر الـلـيـ تمنـانـيـ وطـلـبـ وديـ ولاجيـتـهـ
ازعلهـمـ وابكّيهـمـ واراضـيـ منـهـو اشقـانـيـ
صحيحـ الوقتـ ياصـاحـ يبيّـنـ كـلـ مـا اخفيتـهـ
وانـا كلـيـ غـلا اعطيـتـ وبالـجـرحـ تجـزانـيـ
انا منـ وقتـ ما شفتهـ وعشقتهـ حيلـ وحبيتـهـ
فديتـهـ غالـيـ العمـر وملـكـ قلـبـيـ ووجـدانـيـ
منتديات ليلاس
انـا مالـيـ بحـبـ أبـكـمـ جيـتـهـ وكــمـ ترجيـتــ
طلبتـهـ يقـولـ احـبـكـ بــسـ ولكـنـهـ تناسـانـيـ
غريبـهـ دنيتـيـ واللهـ غريـبـ الـحـزنـ عانيـتـهـ
غريبـهـ حلمـيـ يتحطـمـ وعمـريـ كلـهـ اعانـيـ
خسـارهـ ليتنـيـ فـكـرتـ قـبـلـ اخـتـار خـلانـيـ
ابرحلـ فيـ سما عشقـ ٍ بكـلـ إحسـاسـ ناديتـهـ

حنين :تدرين شمس احس كلام عبد الله صحيح وانج للحين تعيشين مرحلة الطفوله
شمس ترمي علبه المناديل على حنين :مسويه فاهمه انتي وويهج
حنين: طبعاً فاهمه انتي ما سمعتي الي يقول اكبر منج بيوم افهم منج بسنه .. وانا اكبر منج بسنتين .. وعليج الحساب
شمس : احسن الي جت منه المغرور مادري على شنو شايف نفسه
حنين :يحق له يشوف نفسه دين واخلاق ومال وجمال ووظيفه براتب مغري وماكسيما يعني المواصفات اللي تتمناها اي بنت لزوج المستقبل
شمس :نسيتي شي مهم عند اخوج مخ مصدي وقلب حجر
حنين: لا لا حرام عليج والله انج ظالمه
شمس :يعني في الاخير طلعت انا الي ظالمه قومي نامي ابرك لج لا ارتكب فيج جريمه منتديات ليلاس
مادري رشود شعاجبه فيج
حنين : شمس صكي التكيف.. برد
صوووت الاغااااني صاار واضح..بعد ما كان صوت المكيف مغطيعلى الاصوات القاادمه من الخاارج
حنين :ياربي صوت الاغاني مزعج جيرانكم مايراااعون حقوق الجااار
شمس :بس هذا الصوت موو من جيرانا
شمس بصووت حزين :انا على ها الحاله اكثر من شهرين كل ماتجي الساعه وحده ونص اسمع اغيه شكل
حنين :ما يطلبه السهرانون هههههههههه والله عنده ذوق في الاغاني

كااااانت اغنية ايهاااب توفيق...اكتر من كده ايه

**************************
<<<<8>>>>>>>
!!حلااااااااوة الدنيامن ~حلاااااا~روحك



راشد دخل البيت ورفع صوته :السلام عليكم ورحمة الله
يشمس :ياااا حي الله ها الصوت وراعيه تو ما نور البيت
راااااشد متى وصلت والله لك وحشه .... وحضنته بقوة
راشد :حتى انتو وحشتوني
شمس من فرحتها بشوفت راشد نست ان حنين في المطبخ
راشد دخل المطبخ ..مستعجل على شوفت امه..تفاجاءبحنين قداامه
راشد: احححم احححم عندكم احد
حنين :حمدلله على سلامتك عسى ماتعبت في الطريق.. وهي منزله راسها
راشد :الله يسلمك وانتوو شخبااركم
حنين :راشد تعال افطر ويانا .. حنين مسويه بيض لوتذوقه.. ههههههه تشرب وراه كأسين ماي
مااااااااالح
راشد:احلىىىى .... انا احب الأكل مالح بس انا متريق .. وين امي ؟؟
شمس:امي لو تدري انك بتجي اليوم كان الحين تنطرك عند الباب.. ليش قلت ماتقدر تجي هالخميس
راشد: خلصت شغلي.. وقلت اسويها لكم مفاجئه .. طلعتو انتو الي فاجئتوني
شمس :تطلع لامي ولا اناديها لك
راشد وهو يطلع الدرج: انا بروح لها
طاحت حنين فيني تشوت منتديات ليلاس
حنين :كله منج ماخليتيني امشط كشتي ولاالبس شي عدل ....عاجبج الحين
شمس :لو ادري انه بيجي صدقيني لبستج فستان العرس وزفيتج وارتحت منكم

*********
ام راشد ردت فيها الروح ..واعزمت كل العائله الكريمة
شمس لبست تنوره جنز طويله وبلوزه حمرا بدون اكمام هاي نك.. حنين لبست بعد تنوره جنز وبلوزه حمرا
حنين سشورت شعرها وخلته مفتوح اما شمس حطت كميه بسيطه جل.. المكياج .. خفيف
شمس لاااحضت تحركاات غريب في اجتماع العائله
ام راشد وخواتهااا يتبادلون الكلاام بصوت اقرب للهمس وانضمت لهم عليا.. شمس تحااول الاقتراب
منهم .. تبي تحمل لجين من حضن عليااا
لكن الجمااعه سكتووو .. خذت شمس لجين ونادت البنات
وتجمعوو ..على سوووالف ونكت ...وضحك
عهود:شسويتو في العمره انشاء الله انبسطتو
حنين :الحمدلله ...بس في عنز سارحه طفشتنا
شمس :وااو فااتكم الحنا..روووعه
رهف :لاتقصين عليهم انتي ماتعرفين تسوين حنا
شمس انحرجت من صرااحة رهف:الا..اعرف ..لكن ساحت الاشكال على بعض ....حنين وريهم الصور
حنين :ماورى عبيد صور ولاذكرى
شمس: اووف وشدخله
حنين:انا نقلت الصور على الفلاش مموري ونسيته في الاب توب وشافهم الاخ وكسر المومري
عليا :زين سوى ليته مكسر راسج
حنين :خييييييير.... يكسر راسي ..لييييه ترى مابينت الاسيقانا وفيها الحنا
عليا : وانتي شايفتها عدله ان احد يبحلق في سيقانكم هاذا جزاته الي خايف عليكم
حنين :خلصنااااا ...احنا ماكنا براويها احد ...البنات بس وبينا وبين بعض
عليا:طيب وهاذا عبد الله شافها وانتو ماكنتو بتراونه ....مره ثانيه قبل ماتسون شي فكروا باالعواقب
********
دخل نايف يسلم على الخاالات .. شمس من حبها لنايف تعااااتبه :هلاهلا نايف وينك مانشوفك ولاتتصل ولا تسأل
انحرج و نزل راسه :ماعندي فرص... بس الحين عندي ايميل .... واقدر اكلمج على المسنجر
شمس :صحيح منو سوالك ايميل
نايف : عبد الله شرا له لابتوب جديد وعطاني القديم... عشان اتعلم وانا سويتلي ايميل بعد ماخذينا درس الحاسب
شمس :بضيفك عندي .. خلااااص
نايف :اول بسأل عبد الله
اووووووف هالمغرررررور يبي يتحكم في الكل
*************



<<<9>>>



الايام الي قعدت فيها حنين عند شمس ...كااانت.. سهر ووناسه واستهبال
حنين :قومي يالله بلا مصاخه
شمس :قلت .. لا.. يعني لا
حنين :والله مافيها شي يوصلنا ويمشي مب قاعد ويانا
شمس:ماقدر اشوفه.. يذكرني شكثر كنت غبيه
حنين :طيب شبتسوين .. بتحبسين عمرج .. ولابتقطعين علاقتج فينا .. ماتقدرين
شمس : بس فتره لين يسافر.. وبعدين خلاص نرجع زي اول
حنين : طيب هو بس سنتين ويرجع
شمس :اذا رجع يحلها الحلاااال
حنين : شلون نطلع السوق مجيد مسافر وراشد مب هني وانتي ماتبين عبد الله يوصلنا
شمس :دقي على واحد من خوالي ..ما يقولون لا
حنين :شمس لا ترفعين ضغطي.. يعني اعني وااااحد خوالي .. تعرفين ان مافي احد منهم قريب واحد في الخبر والباقي في الجبيل
شمس :مالازم نروح السوق اليوم
حنين : زواج عهود ماباقي عليه شي مايمدي نجهز
شمس :انا بنطر راشد لين يجي واروح وياه
حنين :صدقيني مايمديج الااذا بتشترين جاهز
شمس :شكلي هذا الي بسويه
حنين : يقولون مذركير منزل فساتين تينن
شمس حذفت علبة العصير الفاضيه على حنين بس ماا جاات فيهاا
حنين وهي تمد لسااانها:اممم..يااالحولاا..اشرايج نفصل لج نفس موديل رهف بيطلع حلو عليج
شمس:حنون بسج استهبال انتي روحي وشوفي وقوليلي
رن جوال حنين :انت برا ... الحين طالعه
حنين:هذا عبد الله ... انا بطلع باااااااااي
شمس حزينه ان حنين بتروح عنهاا:حنون لا تأخذين اغراضج روحي السوق بعدين ردي عندي
حنين:ياربي ....شاسوي اقطع عمري .. محد قادر يستغني عني امي وابوي واخواني وصديقاتي كل شوي داقين علي
وانتي وخالتي ماتبوني ارجع بيتنا
شمس: ااااااااقول جوالج من اسبوعين مارن الا اليوم
بعد مااراحت حنين ...شمس قداامالتلفزيون وتفرفر بالقنوووات... رن تلفون البيت
عبد الله:شمس ننطرج براا... لاتتأخرين
شمس:ماقالت لك حنين اني مابي اروح..وياااك
عبد الله وهو مااسك نفسه لااا يعصب:بتطلعين ولا مافي روحه السوق ....الامع راشد
شمس:ادري .... ماانطرك تعلمني ..وصفقت التلفون في ويهه .....المغرور

*************
شمس فرفرت في المنتديات بين الموضه والأزياء واخر صيحات المكياج والعطور
دخلت على الخلطات .... تبيض , تنعيم , تنحيف , تسمييييييين هاذا الي ابيه... وسجلت بعض الشغلات لزووم الخلطات من العطار
دخلت على الإيميل 10رسايل 4من هاديه 2من حنين و2منتدى ـــــ
وحده من فداء ووحده من ايميل حسبته نايف ....سويت له إضافه
فداء راسله تاريخ زواج هيفا وتسألني بحضر ولا لا وباقي الرسايل عاديه
شمس استغربت من محتوى رساااالة ناااايف ...اكيد راسلهااا موب عاارف معناهااا
v
v
v

حبيبي نام ياعمري على صدري وصارحني

وفض الصمت باحساسك وخل الحب لي يجري

وفضفض لي بعد عمري وعاتبني وفهمني

أنا أطري على بالك كثر ما أنته علي تطري؟!

تعال أقرب من أحضاني ترى خدك مواعدني

يبي يلامس شغف روحي ويقطف بوحي من شعري

تعال أنثر هنا ليلك وخل ويلك يولعني

أنا أحبك وأبي قربك.. ترى مني قضى صبري

أنا نبضك زهر أرضك وأنت؟! ايه تملكني

بنحل خصرك ..جمر ثغرك وزود بلونك الخمري

تتوهني .. تغرقني.. ومن بردك تدثرني

وتبكي لي وتشكي لي وله قلبك ومن سحري

أبي دموعك مع أنفاسك بصدق الود تحرقني

وأبي عطرك مع سحرك وآهك بالحشا تسري

أبي همسك يبعثرني غلا ولمسك يلملمني

وأبي عيونك من عيوني تذوب من الولع كثري

وأبي عهدك مع وعدك وأبي كلك تسلمني

أبي أيدك تسافر بي وزهر قدك يلحفني

وأهيم بعالمك عاشق جنوني أنت .. وانت بي تدري

تشوف الجمر بعيوني؟! تشوف الشوق جنني؟!

أجل تدري مثل ما أدري بأنك حلمي يابدري

حبيبي قوم وصارحني عن احساسك وعلّمني

أنا أطري على بالك ؟! كثر ما أنته علي تطري؟!

رديت ارسلت له صوووووووور سيارات ومقاطع تفحيط

ومن الطفش قعت على النت لين الفجر اقوم اصلي اواكل وارد اكمل قرايت الروايه
بعد الساعه ثنتين سجل دخول نايف غريبه يمكن عشان عطله سهران

احرص على الي دايم الدوم شآآآآآآريك ~~واحذرمن الي لاقسى الوقت بآآآآآآآآعك
مسا ء الخير شمس
نحله ورديه:نقول صباح الخير شلونك نايف

حرص على الي دايم الدوم شآآآآآآريك ~~واحذرمن الي لاقسى الوقت بآآآآآآآآعك
تمام عرفتيني
نحله ورديه :وهل يخفى القمر وش الرسايل الحلوه يابطل

حرص على الي دايم الدوم شآآآآآآريك ~~واحذرمن الي لاقسى الوقت بآآآآآآآآعك
تسلمين هاذا من ذوقك بس شلون عرفتيني اكيد فداء قالت لك
نحله ورديه:؟؟؟؟؟؟؟؟
حرص على الي دايم الدوم شآآآآآآريك ~~واحذرمن الي لاقسى الوقت بآآآآآآآآعك
تصدقين انا اسعد واحد في الدنيا اليوم عشاني قدرت اكلمك
نحله ورديه :؟؟؟؟؟؟؟؟
حرص على الي دايم الدوم شآآآآآآريك ~~واحذرمن الي لاقسى الوقت بآآآآآآآآعك
من يوم شفتك وسمعت صوتك وانا مو قادر انساك او افكر في احد غيرك
نحله ورديه :انت منو
حرص على الي دايم الدوم شآآآآآآريك ~~واحذرمن الي لاقسى الوقت بآآآآآآآآعك
نايف ناصر الـ
نحله ورديه:اخو هيفا الـ
****************

<<<10>>>




شمس: انت شنو بالضبط ........وش قصدك من هالحركات تبيني احبك واصير اكلمك.. اواطلع معاك
نايف :شمس ....لاتقولين هالكلام انا زاد اعجابي فيج من كلام هيفا بس عطيني فرصه
شمس ...قطعت الاتصال و حذف لنايف وقفلت جهااازهااا
******
انشغلنا بتجهيزات زواج عهود
وحجزنا كلنا بنفس المشغل مع العروس عهود..وريما ...اخت المعرس
كل شي منظم ومرتب في قاعةــــ
حنين فستانها شيفون اسود مع شك بسيط عند الصدر والخصر ومع المكياج والتسريحه طالعه روعه
اما شمس فستانها ناعم حييل .. لونه ازرق و قصير .. فيه زم تحت الصدر وقصة الظهر شكل اكس.. ولبست كعب عالي
تجمعنا على طاوله وحده ومعانا عليا والاء
عليا :شمس كنج متنتي شوي
شمس : بس يعني ماطولت
الاء: الا وطلعت عندج المعالم النسائيه هههههههه
حنين :البركه في خالتي تزقط فيها اربع وعشرين ساعه
لما:بس الأكل ماينفخ الخدود ويخليها حلوه زي كذا وكملت لين:اكيد مسوييه عملية تجميل
شمس تستهبل:ماتدرين كنت في لبنان في نفس العياده الي فيها ـــ وسويت زيهاشد ونفخ
ريما سلمت وقعدت على نفس الطاوله
رهف لابسه فستان احمر قصير من قدام وطويل من ورا وفيه جيبون طبقات وطوق فيه ورود حمرا
قربت رهف من ريما :انتي لابسه قناع
ما قدرت شمس تمسك ضحكتها :هععععععععععععع
حنين:عيب رهف هذي مثل ماما
ريما :خليها معليه تعالي رهف تبين حلاوه وفتحت شنطتها بطلع الحلاوه
رهف بوزت :لا مابي شنطتج فيها قرف
شمس وحنين بعد ما تبادلوو نظرات الاعجااب ضحكوو بصووت مرتفع... هههههههههههههههههه

قبل زفة عهود..علياعطت شمس علبه مزخرفه :شمس طلعيها عند الباب .. بيجي راشد ياخذها ..طلال مشغول
ناديت حنين وسحبتها معاي وانا في راسي فكره اني اشوف ردة فعل راشد... ويعجل بالزواج
فتحت شمس الباب ووقفت عنده وحنين وراهااا
بس الي طلع من ورى الحاجز...مو راشد
عبد الله... طالع في شمس وجنه ما عرفهااا ...فنزل راسه
الملقووفه حنين :ههههه عبد الله هذي شمس ماعرفتها .... شمس رمت العلبه على حنين وتبي تهرب
يد عبد الله سحبت شمس ووقفهاا قباااله...
شمس عصبت من حركته لان الحريم وقفووو يتفرجون عليهم: مااتشووف الحريم شلوون يطاالعونك.....اكيد عااجبك الوضع ..تحب
ترقم كم وحدة فيهم؟؟؟؟؟

[موكاتشينو]

<<<<11>>>>


انتهت العطله .. وبدينا مرحله يديده ..وكانت المفاجئه .. فداء وهيفا مع شمس في نفس االمدرسة
فداء:واااو شمس ماعرفتج
من يوم سالفة اخو هيفا على المسنجر وشمس مطنشتها وصاكتها بلوووووك
شمس :اهلين فدا اهلين هيفا مبروك الزواج ان شاءالله مبسوطه
هيفا بكل حقد : ولج عين تباركين لي والله لاخليج تصيحين بدل الدموع دم والشهر الي عشته مع بدر
وذوقني فيه المر بطلعه من عيونج وبتعرفين مين هيفا يالــــــ
شمس :ليه وانا الي قلت لج تزوجيه
وعلا الصرااخ.. وتجمعو البنات...طالبتين ماسكين هيفا لا تهجم على شمس.. ومن اول يوم كتبونهم تعهد

شمس ركضت لصديقتهااا وحضنتهاا :نسيم حبيبتي وحشتيني
نسيم:يااااي شمس طالعه بتعئدي شو هالحلا ولييييك شو عامله بحاليك
شمس:لا موعامله شي انتي الي صاير لونج حلو شمسويه برونزاج
نسيم قضت العطله كلها في سوريا وجايه مبسوطه ومتحمسه للدراسه
شمس ونسيم خاااابت اماالهم وماااطلعو بنفس الفصل زي مااكانووو يتمنوون
***********
حنين :شعندها ثانوي وخرو عنها
شمس: بعدج ماشفتي شي
حنين :راشد ماجيه هالخميس
شمس :الحين انتي تسأليني ولا تعلميني ان كنتي تسأليني فألجواب انتي ادرا وان كنتي
تعلميني فألجواب ادري
حنين :ول كل هذا تأثير الثانوي هههههه
شمس :حنين بسكر الحين في خط ثاني ازعجني بشوف مين مع السلامه بوسيلي رهوف
فتحت الخط الثاني:الو الوو الووووووو مين.. محد رد ..
شمس اتصلت على حنين واول مانفتح الخط::حنون لاتبوسين رهوف انا بجيكم بنفسي ابوسها واااااحشتني مممممموت
عبد الله :مافي السلام عليكم
على طول سديت التلفون بويهه ورجعت اتصلت على جوال حنين
شمس :حنين لي ياااادوووبه تخلين اخوج عبد الله يرد علي
حنين :واناشدراني انج بدقين مره ثانيه
شمس:اكيد بدق ما خلصنا سوالف وماقلت لج السالفه الأهم
حنين:انتي اصلن سوالفج كلها مهمه فديتج
شمس : اممممم ترى عمي فارس موجووود عندنااا ويمكن هالسبوع يتقدمون رسمي لخطبتج
حنين : وعمج مافضا الا يوم بدينا دراسه
شمس:حنين.. يعلج اليهد !!!!المفروض رشود مأخذج من زمان بس عم تركي الي مسوي رسميات
حنين:لازم رسميات هذي حنين ال ـــ بس عمج متى وصل ؟؟ماقالي راشد
شمس:هههههه مسكتج يعني تكلمون بعض من ورانا.... بس معليه كلها كم شهر وتصيرن عندي
********
العم فارس عم شمس الوحيد ساكن في الكويت عنده سلطان 20 سنه ووليد 15 سنه وريناد 8سنوات وعماد 3سنوات
ام راشد ..تهلي وترحب فيهم وفرحانه بجيتهم
ام سلطان:الله يخليج سامحونا تأخرنا عليكم.. وان شاءالله على البركه
ام سلطان حااطه عينهاعلى شمس :شالزين .. تعالي شمس قعدي يمي ويارب تصير الفرحه فرحتين
شمس :استانستو في امريكا
ام سلطان :ايه استانسنا .. وغيرنا جو
ريناد: انتو ماعندكم يهال..؟؟ يا حظكم
شمس:ليه بلعكس انا احب اليهال.. معليه اخلي عماد عندي
ريناد:ايه خليه عندكم نفتك منه ..ونصير كل سنه نجي السعوديه
************
راشد.. الدنيا موو شايلته من الفرحه .. واتفقو مع العم تركي ان الملكه في عطله العيد ...والزواج بعد تخرج حنين
شمس : حنين لو ما نجحتي ما في زواج...هههههه
حنين :لا ..بنجح وبتفوق
شمس : كل سنه بزور تنجحين ...والحين عشان العرس.. بتااخذين امتياز
نطت رهف في حضن شمس :شمس انتي تحبيني
شمس:امووووووت فيج
رهف: وريناد .. ماتحبينها
شمس همست في اذن رهف : بس احبج انتي اكثر وحده ..حتى اكثر من حنين ..بس لاتعلمينها ههههه
*********
ام راشد..دموع الفرحه مااخلتهاا..تتكلم و تبااارك لولدهاا
شمس : يمه الحين تصيحين ؟؟ في الزواج وشبتسوين
راشد :خليها تصيح وتخلص دموعها.. مابي اشوف دمعه وحده ..لا في الملكه ولا في العرس ..
ام راشد: يعله مبااارك عليك وان شاء الله اشوف عيااالك..وافرح فيهم
راشد: يمه ..اليوم عمي فاارس..طلب شمس حق سلطااان
ام راشد وبدون مااااتفكر في الطلب :لا ياراشد ..شمس تو الناس عليها
شمس..تفكر ان هاااذي فرصتهااا عشااان تثبت لعبد الله انهاا كبيير..وتقدر تتزوج

شمس:يمه اناااا مواافقه اتزوج..سلطااان

***************







<<<12>>>


راشد : شمس شفيج مستعيله على العرس.. هذا زواج.. موو لعبة
ام راشد:صحيح انه ولد عمج والنعم .. بس هذامايمنع انج تفكرين بالموضوع ..راااشدلاا ترد عليهم الحين
شمس :بكيفكم.. انا ردي قلته لكم ومو مغيرته

*****
ام سلطان:كللللللللوووش
نخلي الملجه قبل مانرجع الكويت... بعد يومين وقربت من شمس وحضنتهااا :هااذي البنت الي اتمناها لولدي.. الله يسعدج
شمس..حمر ويهاااا من الحيااا
ام سلطان :ياربي على الي يستحون يا حظ سلطان فيج
****
هيفاااا.. مستهتره ..كثيرة الغياااب ..دايماً تتهرب من الحصص..وزادت علي جذي التدخين في دورااات المياه..
فدا ء ..تحولت الى بوووية ... وتصرفاااتها شاااذه .. وتمشي مع رفيجتها.. ياسمين المايعه
ودائماً..يتبااااهون بتصرفااتهم الغريبه..قدام الطااالبات

فداء:هاااااي ياحلوااات ..ومسكت شمس من كتفهااا ..وضغطت عليهاا
شمس:فداا....كم مره قايله لج لا تقربين مني.... والله مايحصل لج طيب
فداء: الولهااان ..يسلم عليج .. ويقول اسمعي الاغنيه اليو م ضروري
شمس ويهاا احمر :انقلعي ..انتي ونايف
فدا ء:كل هااا الجمال والرقه.. بس..خليني اعلمج شلون تستفيدين منهم.. ولفت يدها على كتف شمس
شمس دفتهااا بعيد وشدت شعرهاا :يا ... الي مسمي نفسه الولهان.. هذااا يصلح لج انتي ولي وياااااج
تجمعوو ا شلة فداا حول شمس .. وضربوهاا بكسين على بطنهااا ..طاحت شمس على الارض وهي تتلوى من الالم
نسيم..مسكت صديقتهااا شمس.. وودتهاا غرفة الصحه
بعد ساااعتين..شمس حست بتحسن ..راحت تحضر ااااقي الحصص
فداء وشلتهااااا .....خذو فصل لمده اسبوع
عند بااااب المدرسة... الولهااان بلبااسه العسكري..واقف يراااقب الطااالباات
طااحت عينه على شمس...يعرفهاا مهمااا سوت
نايف :حرام عليج عطينا ويه.... ارحمي الولهان
شمس كملت طريجهاا للبااص :الله يأخذك انت ..وهيفا ..وفداء.. في يوم واحد
*********
يوم الملجه العائله كلهااا موجوده .. شمس وحنين في المشغل وما خصووالا بعد المغرب
حنين : شموسه المكياج عليج اينن ومع الفستان شكل سلطان موو راجع الكويت الا انتي وياه
شمس : حنون مادري اش فيني خايفه وقلبي ...يعورني
حنين : سلاااامت قلبج..يمكن طبيعي ..كل بنت تحس جذي يوم ملكتهاااا
شمس وهي تشووف الساااعه : راشد تأخر
حنين ترد على اتصااال: انزين طالعين الحين
في الشاارع انتبهت شمس ان الي في السياره عبد الله مووراشد
شمس..في نفسهااا..احسن خل يشوفني ..فرحاانه ولاااا هااامني رفضه لي
عبد الله وهو رافع راسه ويشوف شمس من المراايا الي قداامه:مبروك.... شمس الله يسعدج مع سلطاان
شمس :عقبالك ... مع وحده تناسبك
شمس..احساااسها بان عبد الله موو هاامه انهاا تزوجت ولاا قعدت.خلاااها تمشي زى الرجل الالي
..
ام سلطان وهي تمد يدهاا لشمس: سلطان من امس معطيني هاالكيس ويقول لازم تلبسه شمس
شمس خذت منهااا الكيس..وطاعت تبدل .. لبست فستان احمر وازرق قطعتين وذيله طويل فيه شك بسيط وناعم
في الكيس خاتم بفص الماس رررروعه ومعاه ورقه اهداء من سلطان
السلام عليكم
شمس.... سامحيني انا ماقدر اتزوجج واظلمج معاي
انا احب رفيجتي في الجامعه ....واهلي رفضوا ...فتزوجنا بالسر ..وهي الحين حامل
ياليت اليووم مااتم الملجه والاااا بتتعقد مشكلتي زوود....
مره ثانيه ....سامحيني
*****
ياسنين عمري كفايه حزن ياسنينــــي خلاص راح الذي يستــــاهل احـــــزانك
لمي جروحــك وكفي الدمـع ياعينـــي ردي لزهــرة حيــاتي باقـــــي الــــوانك
وش ذكـــرك باليـــالي الــي تبكينـــي والجـرح الاول والصوت نايب الحـــانك
حاولت اداري الحزن الي عايش فيني واحاول اضحك غصب في وجه خلانك
لكن حــــزن الليالي بان في عينــــــي واقول ياسنيـــــن هذي اخــر احــــزانك

*************************

[موكاتشينو]

<<<13>>>



الوقت مر.... وشمس ماسكه الورقه وتطالع فيها .... مب عارفه شلون اتصرف....
عليا :واوووو شمس طالعه تجننين بالاحمر روووووعه
حنين :يعني لو البس احمر اصير حلوه مثلج
عليا :والله لو تلبسين شنو.... ماتطلعين حلوه مثل هالقمر
حنين :خلاص عليا ... شكلها الحين بتصيح .. يالله ننزل الكل ينطرج تحت.. وام سلطان اذا ما نزلتي بتطلع لج هههههه
عليا :اكيد بتطير من الفرحه .... والله قهر سلطان الدعله دلوعت امه بيأخذ شمس
حنين :صج ان شمس تستأهل احسن من سلطان .. بس مدام هي راضيه وعاجبها بكيفها ....صح شمس
شمس هزت راسهاا :يالله ننزل

ام سلطان :الف الصلاة والسلام عليك ياحبيب الله محمد كلوووووووش
ام راشد مبين عليها الحزن :يالله شمس البسي عبايتج ... الشيخ يبيج توقعين
شمس ما قدرت تستحمل اكثر ...:يمه تكفين مابي اتزوج سلطان الكل التفت لشمس
ام سلطان :شمس حبيبتي الشيخ ينطر برى
شمس :اسفه يا عمه بس انا ما احب سلطان ولا ابي اتزوجه ...وغطت ويها بييدينهااا وبدت بالصياح
ام سلطان :اكيد عين ما صلت على النبي
شمس :انا مابي اتزوج سلطان وخلاص واذا عندج اي سؤال وجهيه حق سلطاان
شمس ركضت لغرفتهااا و لحقتهااا حنين
حنين :فهميني اشفيج ...وشلي صاير ؟؟ شمس عطت حنين الورقه ....
امتدت يد ام سلطاان وسحبت الورقه وقرتهاا
ام سلطان : انا قلت اكيد السالفه فيها ان ....وانا احسبه نساها.... الله يأخذها لعبت بعقل ولدي.. لا وبعد حامل لازم اتصرف بسرعه
ام سلطان توجه نظرااتها لشمس : من وانتي صغيره وانا تمنيتج لسلطان .. ولو نصيبج مع سلطان او غيره الله يوفقج
حنين :لا تزعلين عمرج الله بيرزقج الي احسن منه
شمس حطت الخاتم في علبته ومعاه الرساله :حنون عطيه ام سلطان ماله لزمه
حنين وهي سرحانه في الخاتم: ياالله قبل كم سنه مريت بنفس الموقف
شمس :شلون
حنين:عبد الله كان خاطب بنت عمي خالد ..وبعد الملكه بفتره عطتني الخاتم ارجعه لعبد الله واقوله انهم ما يصلحون لبعض
شمس : اها عشان جذي مقاطعين بيت عمج خالد
حنين:مع ان عبد الله ما غلط عليهم... لكن إلهام دلوعه شوي
دخلت عليا شايله لجين :السلام عليكم ... عسى ما قطعت شي مهم
حنين :لا ..مافي شي اهم منج انتي وبنتج
عليا : يوم انج ماتبين سلطان ليش وافقتي ... ولا عرفتي شي عن سوالفه في الكويت .....خلاج تهوننين
شمس: محد قالي شي عن السوالف الي انتي تقولين عنها ... بروح اشوف امي شكلها تعبت اليوم
عليا :هههههه ...انا اشك انها ماكانت موافقه على سلطان
حنين:و احنا ماكان عاجبنا .. بس انتي يا شمس فأجئتينا بردج
شمس :يالله حنين ودي الخاتم قبل ما يطلعون
عليا:بيت عمج من زما ن طلعو .... خالتي تحاتيج نزلي شوفيها ..انا بنوم لجين وبنزل وراكم ..بصلحي مكياجيج لا تخرعينها عليج
شمس :لا حبيبتي انا ببدل وغسل ويهي وانزل لهم
عليا:شمس والله ما استانسنا ..اليوم انتي قلبتيها مناحه يالله تعالي اصلح لج مكياجيج ونزلي
خلي خالتي تعرف انج مب زعلانه على سليطين الدعله

شمس بااست امهاااوقعدت يمها :يمه سامحيني على الي صار اليوم ...مابي اشوفج زعلانه مني يالغاليه
ام راشد: الله يسعدج مع واحد يستاهلج .شمس سندت راسها على كتف امها وغمضت عيونهاا تبي تحس بالامااان الي صار اليوم
ام راشد: بااتصل على راشد ..واخليه يدخل يشوف حنين ..الشوفه الشرعيه
راشد:السلاااام عليكم
فتحت شمس عيونيهااامبتسمه حق راشد الي واقف قدامهاا ..ووراه ..عبد الله عيوونه مركزه على شمس
انخشت ورااا امهااا خصوصاً ان لبسهااا شبه عااري
عبد الله انحرج من الي صااار ..وطلع بسرعه
شمس:راشد مادامنا كاشخين اليوم وجاهزين ليش ماتملك على حنين ونخلص
حنين :لا شمس مب اليوم انا ما جهزت
راشد مسك يدها وحطها على قلبه :يعني شلون ما حفظتي الكلام الي بتقولينه للشيخ تراه برى ينطرج
حنين صار ويها طماطه
راشد :هههههه ههههههه لاتحترقين ترى امزح... الملكه اذا خذيت إجازة العيد عشان اتفرغ لج ...
مسكينه حنين كانت طماطه وصارت موزه خخخخخخخخ
راشد قبل مااايطلع حب يوضح شي :ترى عبد الله مايدري انج هني .. عليا قالت دخلو ..مافي الاخالاتي وحنين
شمس :عليا شقصدها.... اكيد الي قاعده تخطط له..... لا يمكن يصير

********************

حنين :شمس مايصير كل مابغينا نطلع السوق مع عبد الله تسوين جذي ابي اخلص قبل الاختبارات
شمس :حنون انا قايله لج اذا تبيني اروح معاج ..لا تقولين حق عبد الله يوصلنا .. ما احب اشوف نضراته الي كلها استخفاف فيني
حنين:هههه ههههههه حلوه استخفاف يا الثانوي.. وانتي متى تلحقين تشوفين عيونه.. من يوم نركب لين نوصل
وانتي منزله راسج وساكته شنج بلعتي لسانج
شمس :شفتي يعني ماأخذ راحتي في الطلعه وياج واتم متوتره لين نرجع البيت
حنين :ياحبيبتي ما قدر اروح السوق بدونج.. انتي صقيقتي الصقوقه هههههه وبعدين كلها كم يوم وعبد الله بيسافر خلنا نستفيد ونخلص
شمس:شلون ...ما قلتي انه مو مسافر الابعد مايتزوج وهو للحين ماخطب
حنين:لو علينا كان زوجناه من زمان.. بس اهو مايعجبه العجب.. كل ما قلناله عن وحده ما عجبته مادري شنو يبي
طلعت من شمس تنهيده ..اااااه.. حنين:شمس اسم الله عليج شفيج
شمس :لا ..مافيني شي يالله متى بتمرين.... مااقدر على زعل راشد
حنين: راشد بعد عمري ليه بيزعل
شمس: اذا رحتي.. وشريتي على ذوقج الخايس .. بيزعل عشان ماعلمتج تشترين .. وانا اعرف ذوقه
حنين : اصلاً رشودي يموت فيني واي شي يعجبني يعجبه.. اسأليه وشوفي
شمس:ما يحتاج اسأله ..الجواب مبين من عنوانه هههههه
حنين :حبيبتي كلها خمس دقايق ونكون عند بابكم ..خلج جاهزه
شمس: صار يالله باي.. بشوف ها لخط ازعجني
شمس :الو
/الو شمسي وحياتي ارجوج اسمعيني لا تسدين الخط /
شمس:لا اكيد انت غلطان
/مستحيل ماااعرف الصوت الي راعيته هوى روحي /
شمس :انت من تبي
/صدقيني انا قصدي شريف بس جاوبيني تراي تعبت من الوقفه في شارعكم/
شمس..عرفت انه الولهاان ..وخاافت انه يكون عند بيتهم..:انت وين الحين؟؟
وين يعني ... شكلي بسكن في حيكم ولا اجيب لي خيمه عند بابكم لين تحنين علي/
سديت التلفون .. واتصلت على حنين
شمس :الو حنين خلاص لاتمروني
حنين :لا احنا الحين عند بابكم يالله فتحي حق اخوي نايف ونزلي وياااه

فتحت شمس الباب لنايف :هلا نايف البطل ومسكت يده وطلعت معاه لسياارة عبد الله .. عبد الله واقف برى معطيهم ظهره
عبد الله :خير ياالاخو هذي مو اول مره اشوفك
/معاك نايف الـــــــ ابي راشد لو سمحت/
عبد الله :راشد الحين مو هنا امر تبيني اخدمك بشي
نايف :تسلم ابيه بموضوع شخصي لو سمحت تعطيه كرتي وخله يكلمني باقرب فرصه
اول ماركب عبد الله السياره اتصل براشد:السلام عليكم
ــــــــ
عبد الله :اقول راشد ..تعرف واحد اسمه نايف نااصرالـــــ
ــــــــــ
عبد الله: وانا اقول راشد من وين عرف هالشكال .. المهم هذا رقمه كلمه شوف شيبي .. ولا تنسى
تقوله اني لوشفته عند بيتكم مره ثانيه ..لا يلوم الانفسه..
ـــــــــــــــ
عبد الله: راشد وش سويت في الموضوع الي قلت لك عليه
ــــــــــــــــ
عبد الله :هههههههههه لا لازم قبل ما اسافر.. يالله تامر على شي
ـــــــــــــــ
نزلنا للسوق... و عبد الله معانا
حنين :عبد الله اذا مشغول روح احنا يمكن ما نخلص الا الساعه 12 بنكلمك اذا خلصنا
عبد الله :انتو روحو مع نايف وحاولو تخلصون قبل عشر انا بشتري بعض الشغلات الي ناقصتني وبكلمكم
حنين:تعالي نروح اول شي محلات الاقمشه
دخلووو محلااات كثيره للاقمشه.. ومحلات ملابس السهره الجاهزه.. حنين تفرج على الفساتين وشمس معااهاا
وسمعت شمس صوت هاديه
قربت منها :السلام عليكم هاديه شلونج
هاديه:مين شمس معقوله
شمس :وحشتيني شخبارج
هاديه :شمس والله ماعرفتج تغيرتي وااايد يعني شنج كبرتي
شمس:هههههههه لا ابشرج بعد... قمت اكل وامشي
هاديه:هههههه من صج ..خلا ل سنه بس تغيرتي تعالي اعرفج على اختي ساجده .. وبنات عمي منار ومنال
شمس :وانا اعرفج على بنت خالتي حنين.. واخوها نايف الي واقف برى
هاديه :شمس تعالي نطلع للكافي شوب ..عازمتج على شيز كيك وكوب كافي
شمس:امممممم ماعندي مانع مشيت وياااهم بعدماعطت لحنين خبر ..الكاافي طبعاً مايدخلونه الا العوائل
طلبنا كلنا على حساب هاديه وقعدنا تعليقات وضحك ووناسه
منال :بنات ترى الي مساعه شفناه في محل الساعات موجود هني ومعاه وحده
منار تلفتت يمين ويسار :من صج وينه
شمس:ههههههههه انتو شفيكم ما شفتو خير
منار وشكلها خاقه :صراحه شفت مزاين بس مثل هالمزيون ماشفت ودي ارقمه مره ثانيه
منال :هههه تبينه هالمره يقطج برى المجمع
هاديه :بنات خلكم هادين ترى الناس قامت تطالعنا والسبه صوتكم العالي
مرووو وهم طالعين على الطاوله الي قالو عنها البنات
منار قرصت شمس تنبهها : شمس ..قزي المزيون يطالعج.. لتفتت شمس..
وما توقعته عبد الله ومعاه وحده ..شمس متأكده انهااا مو حنين
شمس حست نألم في بطنهاا .. ماقدرت توقف وماقدرت تمشي .. عبد الله مسك شمس من خصرهااا وسااعدهاا توقف
عبد الله :شمس... شمس .. ردي علي
شمس.بعدت يده عنها ومشت .. والبنات وراهااا
منار :واااو.. شمس ..المزيون يعرفج
منال :تكفين عرفينا عليه
هاديه :بنات اسكتو ما تشوفونها تعبانه ... صج انكم مهابيل
شمس وهي تتألم :هاديه انتي شلون مستحملتهم لو انا منج كنت تبريت منهم
هاديه..حاولت تعتذر عن تصرف منال ومناار..اعذريهم هذول مراهقااات
هاديه يالله بااااي ..بينا اتصال .. اوكي
الدمووع متجمعه في عيون شمس...وانهمرت مثل السيوول..يوم اكتشفت انهاا ....شبهه ضاايعه
شمس :يا ربي وين راحو ..لو عندي جوال كان كلمت حنين..ووقفت تتلفت يمين ..ويساار
واخيراً..شاافت حنين ونيووف قدااام محل العطوور...صااارت تمشي
وهي حاااطه عيونهاا عليهم تخاااف تضيعهم ..وماااشااافت نفسهااا الا.. طااايحه على الارض
شمس..صدمت في واااحد هندي...معليه ماااماا.. انااا...ماايشووف انته
وقفت شمس وصلحت عبااايتهاا ..وتدوور شنطتهاا رفعت راسها الا عبد الله واقف وبيده شنطتهاا
عبد الله :شكلج تبين تلفتين انتباه الي حواليج وبأي طريقه
سحبت منه شنطتهااا وركضت على نيووف وحنين
**
في السياااره ..عبد الله التفت لشمس وهي تون من الم بطنهاا: شمس ..شفيج ..ستحسين فيه
شمس..تتالم من بطنهااا .. ومتضااايقه من الي شااافته في الكووفي
ردت والدمووع محتقنه بعيوونهاا: مااافيني شي..وكملت تبي تقهر ه..الشباااب الله يهديهم..
ماايشووفون بنت حلووه الا يتحرشوون فيهاا
عبد الله : لو ..انتي محترمه نفسج ..محد تجراء وتحرش فيج..وعشاااني عاارف انج تربيت خاالتي
جااان فشلتج في السووق ووريتج شلووون تتمشين مع بنااات ..مشفووحاات
وصلناااا بيتنااا..عبد الله:يالله نيوووف..انزل مع شمس
شمس: ماايحتااااج..ينزل هذا البيت قداامي....نزلت وصفقت البااب ورااااي
****
شمس سمعت صوت بااب السيااره ينفتح ويتسكر..واحد واقف وراها مالفت تتأكدا عاارفه انه نيوووف
شمس:خلاص حبيبي نااايف ..روح وانا اذا صرت احسن بكلمك
شد هاا من يدهاا ولفهاااا تقااابله : انتي اي احد في الشارع ......تقولين له حبيبي

[موكاتشينو]

<<<14>>>

شمس :عبد الله !!! لا انا كنت احسبك نايف
عبد الله تغير ويهه :وبعد تقولين له حبيبي.. وبكلمك ..وانااا اقول شعنده عند بيتكم كل يوم والثاني .. ورفع يده وصفقني كف
شمس :يااالحقير..ورفعت يديهاا بترد له الكف ومسكهاا ودفهااداخل البيت :الحين ابيج تقولين.. شبينج وبين نايف نااصر
شمس :نايف الـ ؟؟؟ انت شتفكر فيه ....اه بطني
وصرخ وهو يهز شمس :تكلمي .. شمس :انت مالك خص فيني احب واكلم الي ابي ..شعليك مني..
حست شي يفور داخل معدتهاا
دخلوو حنين ونيوووف :شمس عبد الله ..شفيكم
عبد الله فك يد شمس ومسك شعرهاااا وشده بقوة :اذا ماتهمج سمعتج .. ما فكرتي بخالتي.. وراشد
شمس :فكني يا الحقير... حست انهاااا خلاااص بترجع قربت منه اكثر.... ورجعت كل الي في بطنهااا.. على ملابسه
عبد الله رجع لورى ..وهو راافع راافع يده وقرفااان.... من مفااجئت شمس
حنين :شمس تبين نوديج المستشفى
شمس:لا ..مابي خلاص ...مااافيني شي
حنين :عيل انا بروح ....كلميني اذا صااار شي
دخلت شمس غرفتهاوبعدماا تسبحت و لبست بجامه ورديه فيها قلوب لونها اسود...رااحت تنااام عندامهااا
ام راشد :هلا بأحلى البنات ..وشيختهم .. ان شاءالله انبسطتو في المجمع
قربت من امهاا وضمتهااا اكثر : انبسطت.. وما انبسطت
ام راشد وهي تمسح على شعر بنتهاا شمس: شلون يعني
شمس: انبسطت لاني شفت هاديه في المجمع وقعدت معاها ..وسولفنا ..وما انبسطت.. لان بطني عورني من ال شيز كيك
وولد اختج ...يحسبني ابي الفت انتباه الي حولي
ام راشد :شفتي هاديه .. صدفه حلوه..شخبارها وشلون امها وخواتها
شمس:كلهم بخير .. كان معاها في السوق اختها ساجده.. وبنات عمها المشفوحات ..
من شافو عبد الله خقوا ..جنهم اول مره يشوفون ريال
ام راشد: لاحول ولا قوة الا بالله.. المفروض يغضون النظرالله يهديهم ..وانتي سكتي لهم
شمس:يمه شقالولج عني المحامي حق عبد الله ؟؟.. انا من عورني بطني مشيت وخليتهم
رفعت يدهاا وشاافت الساعه 11 ..ييووووو بكره وراي مدرسه شلون بقدر اداوم وانا
ما شبعت نوم .يالله يمه تصبحين علي خير .. صحيني حق الصلااه
امي: شمس ..اذا بطنج يعورج نروح المستشفى
شمس :سلامتج يالغاليه .. يمكن عشان كليت الشيزكيك دسم .. قعد على جبدي ..وارتحت يوم رجعته

وضحكت.. وهي تذكر شكل عبد الله ..وهو واقف وملابسه مبهدله وقرفان ههههههههه احسن يستأهل
*******
هيفا تضحك واخوها نايف ماسكني .. وانا اصرخ وفي واحد قدامنا معطينا ظهره ناديته يبه !!ما رد ناديت راشد !! بعد مارد
ناديت عبد الله !!رد علي يوشفت ويهه معصب وعاقد حواجبه
فزت شمس من النوم.. اعوذ بالله من الشيطان الرجيم ..الحمد لله انه كابوس
نزلت المطبخ سوت لهاا ساندوش جبنه وخيار ..وعصير فراوله.. وقعدت تاكل في الصاله
نقزت من رنة التلفون .. من بيتصل هالحزه ؟ شافت الرقم في الكاشف****055
ردت وهي خاابفه ان راشد فيه شي:الو
نايف ناصر:صباح الخييير.. حياتي
شمس:اوف.. هذا انت
نايف : شمس ..عشان تعرفين اني قصدي شريف .. انا كلمت راشد ..عشان يوم الخميس اتقدم لج
شمس:لا تعب نفسك لاني ماراح اوافق على واحد مثلك
نايف :شوفي ..يااحلوووةانا نايف نااصر الـ وذا بقيت شي اخذه اخذه ..وانتي لي بلطيب بالقوة انتي لي
شمس:مو بكيفك .. وسديت التلفون
رن مره ثانيه.. نفس الرقم ماردت وطلعت تنااام عند امهااا

***************************



<<<15>>>

أرتمــي بين إيـديـــك .. أترك همومــي وأجيـــــــك . . .
ياااااااااهـ ياما من حبــك شكيــت . .
ويااااااااااامــا من ورى قلبــك بكيـــت . .
بس وينــك . . . ؟ ؟

قلت تكفى . .
حبّــنـــي . .
إقترب منــي . . تعال وضمّـنـــي . . .
نسّنــي مامضــى . .
لمّـنــي باللقــا . .


ماطلبنــا غير حبك . . غير قربك . .

ولاّ تدري . .



مانبي غير كلمــــه . . .
تحيي قلــب . .
وتجلــي همــــه . .
دخيلك بس كلمـــه . . .

قــول أحبــــك بأعلى صوتك وبسكوتك ..
قولــها وإبهر خفوقـــك ..

قولـــها . .
قولــها ..
رجيتك لمّــنــي من ضياعي . .
إرفعه ومـدهـ شراعـــي . .

بس أحبك وتحبنــــي . .

**********
يوم الخميس ..وبعد ماطلعو الضيوف من عند راشد.. دخل راشد الصالةسلم وقعد
ام راشد:ها راشد ..راحوا ضيوفك
راشد وهو يطالع شمس: هو بالصراحه.. ضيف واحد .. شمس تدرين من الي كان عندي
نزلت راسهااا :وانا شدراني
التفت لامه :يمه تعرفين عايله ناصر الــ
ام راشد وهي تحاول تتذكر شي عن عايلة ناصر الـــ :والله يايمه يمكن سمعت عنهم.. بس ماعرفهم معرفه شخصيه
راشد يتكلم وهويطالع شمس:هذا ولدهم نايف.. جاي يخطب شمس
ام راشد:هوو هوو وياي بروحه وين ابوه ولا حد من جماعته وين سلومنا وتقاليدنا ليش امه ماكلمتني قبل مايجيك ولدها
لااااااا هذا من اولها مايعرف السنع
ابتسمت شمس لانهاا عارفه امها.. اذاماعجبها شي
راشد وهو يتنهد ويمسح دقنه:على العموم انا ماارتحت له .. انا اعرف نسيبهم بدر مايمدح فيهم ..والله
لو ادري انه جاي يخطب ما استقبلته
شمس حست بالاحراج..وتبي تطلع.. راشد مسكهااا :وين بتروحين.. توني ماخلصت كلامي
شمس:اووووووف شعندك كمل
راشد :عمي ابو عبد الله .. مكلمني قبل كم يوم ..يبيج حق عبد الله ..وانا كلمت عمي ابو سلطان وخوالي كلهم ماعندهم مانع
كن احد صاب عليهاااماي باااااااارد
امي :ايه عبد الله ريال ينشد فيه الظهر.. والنعم فيه .. وترى الحين بس خطبه والزواج
بعد مايرجع من البعثه ..تكونين انتي خلصتي دراستج
شمس: يعني انا شنو.. مالي راي .. تخططون على كيفكم ..وجني بوافق على عبد الله
راشد وهو مستغرب :تبين ترفضينه!!!لييييييش؟؟
اشمس محتااره:يمكن.. عبد الله مغصوب
راشد:هههههههه هو بنت عشان ينغصب .. لا تخافين هوبنفسه مكلمني عشان اخلص الموضوع قبل مايسافر
اختفت ابتسامة راشد يوم سمع رد شمس :بس هو مايحبني ..ولا يبيني .. شلون يخطبني
راشد :انتي شدراج انه مايبيج ..دخلتي قلبه
شمس:انا بنفسي طلبت منه يتزوجني.. ورفض .....!!؟؟
اول مره راشد يمر باهااالموقف ..جنه بركان وانفجر:شمسووووو انت عرضتي نفسك على عبد الله يال..... ومسكنهاا من شعرهااا
وطاح فيهااااا طق وامه تحاول تفكهااا منه :راشد فكها البنت بتموت تحت يدك .. خلاص فكها
راشد :ليش تطلبين منه يتزوجج شبينج وبينه ؟؟؟
شمس والدم يصب من اذنهاا وانفهاا :والله .. مابينا شي..بس اسمعني
ام راشد نادت ميرنا .. تمسك راشد معاها .. راشد مافك شمس الاااا يوم شاااف امه طااايحه وترتجف
رفعها على الكنبه :ميرنا ..جيبي ماي بسرعه
شمس :كله منك.. شوف اش سويت بأمي .. اتصل على الاسعاف شتنطر
ميرنا جابت الماي وعطته راشد حاااول يخلي امي تشرب شوي شوي
ميرناااقربت من شمس وسندتهااا عشان ا تقوووم
راشد :شمسوووو روحي فوق.. الحين يجون الاسعاف
شمس :مابي ...بقعد مع امي
راشد وهو صاك على اسنانه :روحييييييي.... لا اقوم اخلص عليج
راشد ..ناااادى شمس قبل ماا تطلع فوق:شمس ....ترى ملكتج على عبد الله ..مع ملكتي انا وحنين
*******************************************


<<<16>>>



شمس :ميرنا انتي روحي تحت عند ماما ... واذا راح دكتتور... تعالي ناديني
دفنت جسمهااا في السرير وبكت من الالم ..والغباء ..وتهور راشد .. انا الي جبته لنفسي استاهل
تسبحت وبدلت .. تبي تمشط شعرهااا بس ماقدرت
فيه بقعه حمرا مكان الالم عند اذنها اليمين,, حطت فوقها ماي بارد عشان يخف الالم ..وبلعت حبتين بندوول..
شمس:اوووووف ..وينها ذي ..معقوله مرت اكثر من ساعتين للحين الدكتور موجود .. بنزل اطمن على امي
طلعت شمس تشوف اذا في احد .. سمعت حس راشد في غرفه امهااا
راشد :سلامتج يالغاليه ماتشوفين شر
ام راشد:يمه راشد ..كلم شمس وتفاهم معاها ..بدون ما تمد يدك عليها .. ضعيفه
راشد :اقهرتني وطلعتني من طوري ..فشلتنا .. لو انه واحد غير عبد الله فضحها
و لو ماعطيت عمي تركي كلمه ولااا جااان لي تصرف ثاني وياها ..الغبيه
ام راشد : انت تعرف ان عبد الله مب راعي هاالسوالف .. وانا الي مكلمه عليا .. تحاول تقنعه يتزوج شمس
راشد:يمه.. الحين نامي و ارتاحي .. لا تشيلين هم .. اسمعتي الدكتور يقول انه الزعل مش حلو عشانك
راشد فتح الباب ..ولاااا شمس بويهه ..مسك يدهاا وسحبهاا على الصاله
راشد:تعالي لاتشوف امي ويهج .. بتتعب
شمس :فكني ابي اشوف امي
راشد: بتشوفينها بعد ما تنام وترتاح
شمس:الدكتور وش قال عن امي
راشد:هبوط في الضغط و ....رن تلفون البيت
راشد: السلام عليكم ...... راشد مرة ثانيه :الوووووو
..راشد..من انت....تكلم يااا
سد التلفون .. ضغط على زر اظهار رقم المتصل
راشد :هذا رقم جوال مميز ..وتغيرت ملامح ويهه .. وطلع جواله وسجل الرقم
واتصل عليه.. وقبل مايرد سكر ..جنه يبي يتأكد
شد التلفون وارفعه واحذفه على الجدار بأقوى ماعنده
وطلع من البيت
*********
ام راشد نااايمه ..شمس حبت راسها ويدها ..ونااااامت عندهاااا

فتحت عيونهااا على صوت راشد ..وهو شايل كيس الادويه: هذي الادويه واحد مرتين في اليوم ..والثاني مره بعد الاكل
وقعد على طرف السرير :الله يخليج لنا يالغاليه.. انا قلت لميرنا تسوي لج عشا وتجيبه عندج ..اهم شي راحتج
امي : حبيبي انا مافيني الاالعافيه .. كلش خليتني عيوز .. تراني بعدي شباب
راشد :ههههه الي يشوفج انتي وشمس ..يقول خوات مو ام وبنتها
ام راشد وهي تمسح على شعر شمس:لا يمه تحطني عند ها لقمر .. اطلع ولا شي
شمس قاااامت بدون ماااتتكلم
راشد وهومتضايق :ها على وين ست شمس
شمس:بروح اشوف ميرنا شسوت .. وطلعت بسرعه
ميرنا: هادا جوال مال مدام سوي جرس واجد انا ما يئرف يرد
شمس خذتالجوال وشاافت المكالمات
ثنتين من حنين وحده من خاله حصه
دقت على حنين
شمس:اهلين حنون
حنين :شمس توني بدق على جوال راشد
شمس: تبيني اسكر ترى ماعندي مانع
حنين :اووب شالاخلاق شفيج
دخل راشد واخذ الجوال من يدشمس .. وبعد ماسمع صوت حنين رجعه
شمس:حنون بعدين اكلمج باي
راشد :انتي من وين تعرفتي على ..نايف ناصر
شمس بتردد:لا لا ....ما ما اعرفه بس عشان اخته وياي في المدرسه
راشد :طيب وليه ماقلتيلي ان في احد مزعجكم على تلفون البيت نوقفه عند حده
شمس:هاه ..مادري.. بعدين انا ما ارد على الارقام الغريبه
راشد :بس هاذا ..يقولج شمسي وحياتي
شمس:والله مابيني وبينه شي الحقير الـنذل
راشد:للأسف .... انا عرفت اليوم انج مب قد الثقه الي عطيناج اياها
وترى احذرج لايوصل لامي شي من سواياج ...تروح فيها
شمس بقهر :ليش يعني هي امك بروحك
صفقهااا كف فر راسهااا : بعد الي سويته ولج لسان تردين يالـ
انتي لو همج احد جان فكرتي.. قبل لا تفشلينا قدام عبد الله
ومسك شمس من رقبتهااا : تعالي.. لا يكون ماتبين عبد الله بعد ماعرضتي نفسج عليه
والسبه ولد ناصر لكن هذا عشم ابليس في الجنه

*****
شـــــــمـــــس

اول مره في حياتي بيمر علي العيد وراشد زعلان... في اليومين الي راحو انشغل مع امي ومرضها
والتجهيزات للملكه ..و يتعمد يتجاهلني وما يكلمني او يرد علي.. بس في وجود امي يحاول يكون طبيعي
قربت من غرفة راشد وطقيت الباب .. ودخلت ..شفته قاعد على السرير.. لابس وكاشخ .. ويطقطق عل اللاب توب قعدت يمه
شمس :السلام .. كل عام وانت بخير.. ممكن ادخل
راشد :وش عقبه انتي دخلتي ..وقعدتي
شمس :راشد والله العيد مب حلو وانت زعلان علي.. خلاص انا بسوي الي انت تأمر عليه
راشد :انتي تحبين عبد الله ..وهذا شي واضح .. ليش ماتبينه
شمس:لانه مغرور.. ويحب يتحكم في الكل.. وبعد يعرف بنات
راشد:ههههه اما يعرف بنات.. ههههه كثري منها .. الغيره دليل الحب هههههه
امي راشددخلت عليهم شافت راشد يضحك مع اخته تهلل ويها :شمس انتي هني
يالله.. الجماعه تحت يبون يعيدون عليكم ..راشد طلع لانه جاااهز
واشمس رجعت اتبدل لبست تنوره قصير فوق الركبه لونها اسود ومخططه رمادي تحتها بنطلون برموده رمادي سترش
وبلوز ه سودا فوقها جيليه رمادي معاه بوت طويل وكعبه عالي
فتحت شعرها الي كااانت ملففته من امس .. حاطه خلطه خذتها من النت ..تخلي الشعر متموج وفيه لمعه
حطت روج وردي فاتح واي لاينر رمادي ومسكره واخر شي رشه من عطرهااا الجديد .. اس تي دوبينت
انفتح الباب ودخلت رهف :عيدك مبارك
شمس :عيدك مبارك.. حبيبتي شالزين.. انتي الي محليه العيد
رهف :والله!!!! حنين تقول تنورتي لونها مو حلو
شمس : ماعليج منها .. اش عرفها في الموضه ..تعالي وريني كم جمعتي عيديه
وفتحتت شنطتها :ناقصني ميتين ريال عشان اشتري نفس العروسه الي في سبيس تون
شمس :بس ميتين غالي والطلب رخيص ..شوفي انا عندي خمس ميه عطيني الي عندج الفكه وخذيها
رهف مو مقتنعه :شلون تأخذين كل هذول ..وتعطيني بس وحده
شمس:هههههه خلاص مابي منج شي ..حلال عليج ياقلبي
ورفعتها على التسريحه وحطت لها مثلهاا روج وردي وايلاينر رمادي ونزلو مع بعض
رهف فرحانه :بروح اوريهم المكياج وراحت المجلس
دخلت شمس وسلمت .. خالاتهااا وحريم خوالهااا وعهود محليها الحمل
وام طلال و عليا سلمت عليهم وخذت منها لجين عشان ماتسلم على ريما الابيدهااا
شمس احضنت حنين :وحشتيني يالدبه من زمان عنج
حنين :وانتي تغلين ولا شايفه نفسج .. ماتردين على تلفوناتي ..ولاحتى تنشافين على المسن
شمس :هوا انا ائئدر استغنا عن روح البي وعمري
وقربت من حنين اكثر واهمست :هاذي اش يايبها. لايكون تفكر نفسها من العيله ..قطع
ريما نطت :اوووووف حررر انا ما حب الزحمه بطلع الصاله
شمس : قومي شوفيها صوت راشد في الصاله مع امي
حنين :لحظه ريما يمكن في راشد
ريما :اش فيها .. بيأكلني ؟؟هههههه وبعدين انا لابسه عبايتي .. وطلعت ولااا هاامها احد
حنين وراها ركض
شمس:وين الاء ليش ماجت وياكم
لما : حامل وتوحم لها كم يوم تعبانه عند اهلها
شمس: الله يتمم لها وتقوم بالسلامه
رجعت حنين :يمه .. خالتي .. تعالو الصاله.. راشد وعبد الله بيعيدون عليكم
شمس:خيررررر وريما وين
حنين:انا مالي خص في احد ..كل واحد يدافع عن ممتلكاته
شمس: ممتلكات خاصه ..ولا عامه .. ههههه مايض
ورجعنا قعدنا نسولف ادخلت ريما بعد فتره وقعدت تسولف مع البناااات
حنين :شفتي الاقمشه الي شريتهاوياج.. من مجمع الـ ..ابيلها موديلات
ريما وهي تتعمد تسمع الكل: ايه انا كنت في المجمع ..وشفت حنين وسألتها عنج ..صحيح كنت تتمشين بروحج في السوق؟؟
عصبت شمس من كلاام ريمااا ونقزااتهااا ...
شقصدها ماتشوف نفسها اكيدهي الي كااانت مع عبد الله...شمس تتستهبل على ريماا :لااااا ..اناا كنت في الكوفي مع عبد الله
اكيد صوت شمس عالي لأن الكل صخوووووو
واكيد اكيد فهمو غلط
عليا :انا كنت وياهم رحنا شرينا الشبكه وبعدين قعدنا في الكوفي لأن مافي وقت
زي مانتو عارفين بعد يومين الملكه في النهار والحفلة بالليل
تصدقون !!!!! العروس اخر من يعلم
*********

عهود: مع السلامه ومره ثانيه على البركه الله يتمم لكم على خير
شمس:الله يبارك فيج
عهود:تصدقين انا كنت عارفه من وحنا صغار ان عبد الله معجب فيج لانه كان يعاملج انتي غير عنا
حنين وهي طالعه:مع السلامه شمس بس غريبه ما مسكتي فيني ..زي كل مره عشان مانروح
شمس:حنون وخري عني كفايه عليا باطه جبدي
حنين:ههههههه الا طلعتج من الورطه الي حطيتي نفسج فيها قدام الحريم
يالله روحي سلمي على خوالي بيروحون وانتي مااا شفتيهم
شمس:وانتي ليش ماتسلمين
حنين :يعني لازم كل شي تسوين مثلي .. رفعت راسها .. ارحمني يارب
ارتاحي.. سلمت عليهم يوم مرونا بعد صلاة العيد.... باي مرت اخوي
شمس تبي تروح تسلم على خواالها في المجلس.. وتبي تتأكد ان عبد الله وابوه طلعوو..اتصلت على حنين
شمس:الو حنين انتو وين
حنين :باقي شوي ونوصل بيت عمي خالد ليش
شمس: اذا رحتي البيت كلميني
الحين تطمنت ان عبد الله مب في المجلس
دخلت من المقلط وبعدين مغاسل الرجال تتسحب
الارهف قداامهاا
نزلت راسهاا تكلم رهف نزل شعرهاا على ويهااا :رهوفه ليش مارحتي
رهف رفعت شعر شمس ورا اذنهااااا :باقي انا ونايف.. ما نبي نروح بيت عمي خالد
شمس:احلــــــى ..خلاص نامو عندنا اليوم
رهف:عبد الله بيودينا البيت... ورفعت يدها واشرت ورا شمس
لفت شمس مكان مااشرت رهف .. عبد الله واقف ومتكتف يبحلق فيهم
هذا من وين طلع ماشاااافته يوم دخلت
بس بطنهاا يعورهااا من تشوووفه..
عبد الله :ههههههههع مادري من فيكم الي تقلد الثانيه هههههه
فعلاً رهف لابسه تنوره رمادي وبلوزه سوداعشان جذي شمس حطت لها نفس مكياجهاااا
عبد الله مد يده قدام شمس وسد الباب : عيدج مبارك
رهف :عبد الله ترى شمس ماعندها عيديه عطتني كل فلوسها
هاااذي طلعت اخس من حنين ملقووووووووفه
نزلت راسهااا وطلعت من تحت يده فرريره على غرفتهاااا
********
اول شي الشيخ ملك شمس وعبد الله وبعدين ملكو راشد وحنين
بالمشغل قبل الساعه ثلاث وام راشد وام عبد الله خلصو قبل وطلعو القاعه
حنين وهي ملفلفه شعرها : يعني ماتبين توريني فستانج ..ولو طلعنا زي بعض
شمس وهي منسدحه يسون لها مكياج:لا تخافين انا شفت فستانج انتي ورهف وشريت غيركم
حنين :تخيلي تطلعين انت ورهف لابسين زي بعض هههههه
شمس:بيستانس اخوج
الكوفير ه قالت لشمس وحنين يسكتون عشان تحط المكياج مضبوط
خلصت شمس قبل حنين وقعد ت انطرها
حنين :شمس والله انج قمر
ههههههههه
فستان شمس تفاحي فاتح قطعتين ويتسكر بخيوط تنشد من عند الظهر وله جيبون
اما فستان حنين احمر وفيه شك راقي و ضيق ورهف فستانها موف فيه شرايط على الخصر
شمس :الحين شلون ندخل انا وياج بنفس الزفه
حنين :لا حبيبتي وانا شبي فيج كل وحده ولها زفتها وانتي قبلي
شمس:لاحنين خلج انتي قبل عشان اشوفج واتشجع
حنين :بس انتي ملكتي قبل وعبد الله اكبر واحد فينا
الخال احمد جاااي ياخذ حنين وشمس:مبروك الله يسعدكم ويوفقكم ..
والله انا قايل ان شمس بتتزوج وهي ماتمت الست طعش
شمس:بس ياخالي ...بدون تعليمك ..انا تميت الست طعش وفوقهم سته شهور
خالي :ههههه لايابنتي انا قصدي ان جمالج ملفت للنظر ..وبتنخطبين بسرعه.. فهمتي
شمس:الله يسعدك يااااحلى خااال,,باالدنياااا
خالي :اليوم كنت حاط يدي على قلبي ..لين تمت الملكه ..خفت تسوين فيهم زي ماسويتي في سلطان خخخخخ
ام عبدالله وام راشد اليوم تبااادلوا الادواار..ام راشد عند حنين..وام عبد الله عند شمس
عليا دخلت :كلللللللللوش ويه مابغيتو نشفتو دمي ..والمصوره ذي عله متى بتخلص يالله بسرعه خلصي شمس اول
عليا تاشر لي اوقف :كللللللللوش.. تفضل يابو تركي
عبد الله قرب ومسك يد شمس :مبروك
شمس :عليا انتو ماقلتوا بننزف مع بعض
عبد الله :يالله حبيبتي ..عشان مانأخر زفة حنين وراشد
شمس قلبها يدق بقوه يبي ينط من مكانه وبطنهاا بدى يعلن عن موجة تغلصات مؤلمه
الزفه كانت ابيات شعريه
الله أكبر يا عرب أجتمع ماس وذهب
عبدالله الغالي خطب شمس وهي عز الطلب
شمس الماسه وهي نور العيون
تمون بالنظره تمون الله كساها بالجمال
فتون ما مثله فتون يا الله طلبتك يا عظيم
تديم فرحتهم تديم وتوفق لقاهم
******
وصلو المنصه قعدت شمس اول على الكنبه وعبد الله قعد قريب منهااا لان الكنبه وحده لشخصين
قدامهم صندوق كبير فيه الشبكه طلعته خاله حصه وعطته عبد الله يلبس شمس
شمس :عليا بطني يعورني بقوه خلو الشبكه بعدين
عليا : خلاص بس الدبل يلله وتطلعون
مسك يد شمس اليمين ولبسها الدبله بعدين رفعها وحبها
دورشمس تلبسه مد يده لبسته الدبله ..وهي ترتجف وبعد رفع يد شمس الثانيه وحبها
لااااا هاذا ناوي يوقف قلب شمس اليوم
طلعووو اسرع .. بس مافات شمس الي تصفر وتأشر لعبد الله وهي متلثمه .. الحقيره
في نفس الغرفه الي صوروو فيها كان راشد يصور مع حنين ا كيد الصور بتطلع حلوووه
المصوره طلبت نصور صوره جماعيه كلنا مع امي وخالتي
حنين وبعدين راشد لاف يده اليسار على كتف حنين واليد اليمين ماسك فيها يدها الثانيه
وام راشد وام عبد الله في النص .. المصوره تبسمت :شو بك استاز عبد الله تلحلح شوي تعلم من خيك راشد
عبد الله ردلها الابتسامه بأحسن منها :ولو ست تهاني هيك تمام ولف يده على كتفي واليد الثانيه لفها على خصري من قدام
المصوره :اها هيك بتطلع الصوره حلوه
قعدت شمس على الكنبه ويدهااا على بطنهااا عبدالله لف بشته وقعد يطالعهااا
عبد الله :لايكون اليوم ماكله شيز كيك
شمس حست ويهااا احمر :لا .. تذكرت اني ما كلت شي من امس.. يعني بس شربت كبتشينو في المشغل
عبد الله:تدرين انج احلى بدون مكياج
طلع جواله واتصل:هلا وغلا
......
هههههه البركه فيج ياقلبي
........
تعشيتو ولا بعد
.......
عطيني ربع ساعه بس
....
تطلع تتعشى مع الحريم احسن
في امان الله
عبد الله :شمس انتي عارفه اني يوم الاثنين مسافر يعني مافي وقت نتعود على بعض
بدت دموعهاااا تتسيل وبعدين تحولت الي شهقات
وقبل مايكمل ركضت على الحمام تسندت على الباب بعد ماقفلته
شمس : استاز عبد الله روح انا كل ماشوفك يعورني بطني وتلوع جبدي

[موكاتشينو]

<<<17>>>

من قال اني بغيبتك ~~~ مرتاح

راشد منسدح على الكنبه وراسه على رجل امي وهي تمسح على شعره
وانا ماسكه الرموت وافرفر من قناة لقناة : اوووووف مافي شي عدل
راشد:انا من يوم السبت بصير اروح اداوم وارجع نفس اليوم
امي :لايا راشد تقطع ها لمشوار رايح جاي كل يوم خطر عليك
راشد :يمه مايصير الا الي ربي كاتبه ماقدر اخليكم بروحكم بعد سفر عبد الله
شمس:يعني هو الي كان بيحمينا
طالعني راشد بعصبيه
راشد: عبد الله ريلج لا اسمعج تطولين السانج عليه بوجوده او عدمه فاهمه
هزيت راسي يعني فاهمه ورجعت اطالع التلفزيون
رن جوال راشد مديت يدي وخذيته لانه على الطاوله الي قدامي:خذ حنين عمري يتصل
راشد وهو منسدح :هلا حنونة قلبي
.....
زين الله يعافيها صراحه الست تهاني تعبت ويانا
......
لا انا مكسل حدي شوفي عبد الله ولا خليها بكره
.....
........ خلاص شوي واكلمج مع السلامه
راشد:يمه حنين تسلم عليج وتقول ان المصوره دقت عليها تبي احد يستلم الصور
امي:ايه والله الحرمه ماقصرت من قلنالها ان عبد الله بيسافر قالت بتخلص الصور قبل عشان يشوفهم
راشد يتمقط:انا بروح اريح وصحوني الساعه اربع بنروح نوصل عبد الله المطار
امي :الساعه كم رحلته
راشد :الساعه ست ..... لاتنسون تصحوني وطلع فوق
قربت من امي وحطيت راسي زي راشد على رجلها :يمه راشد للحين زعلان مني
امي :خلاص انتي صرتي زوجه لعبد الله والي راح انسيه وترى راشد قلبه عليج ويبي مصلحتج كلها كم يوم ويرجع زي اول واحسن
بس انتي صحتج مب عاجبتني بروح اسويلج عصير ليمون دافي مع العسل بينفعج بأذن الله
سوت امي العصير شربت نصه وخليت الباقي ماقدرت لانه حامض
شمس :يمه انا مافيني شي بس من اشوف عبد الله يعورني بطني
امي :معليه هههههه مسكين ماخليتيه يلبسج الشبكه ولا قعدتو مع بعض حتى صور ماصورتو زي الناس ترى عبد الله حبييب
شمس : يمه انتي شدراج عنه ونزلت دموعي
راشد صرخ من وراي:شمسسسسسسسسسو انطمي
امي:راشد اشفيك ؟؟؟ليه مانمت؟؟؟
راشد :عبد الله دق علي الحين هو عند الباب والتفت علي روحي بدلي وتعالي المجلس
شمس :الحمد لله والشكر اش يايبه هالحزه
راشد مد يده يبي يمسكني بس انخشيت ورى امي
راشد:شمسو لو مرت عشر دقايق وما نزلتي بطلع انزلج غصب يلله الريال وراه سفر موب فاضين للدلع
*******
فتحت دولابي :اممممممممم شلبس
طلعت لي بلوزه حمرا تحتها بدي ابيض وتنوره بيضا فيها من الجنب سحاب من فوق لي تحت وحلقات على الخصر ونازل منها سلاسل
كنت بحط مكياج خفيف وتذكرت كلامه < بدون مكياج احلى > فما حطيت ولا حتى روج
رفعت شعري وخليت خصلات كبير ه نازله ورشيت من عطر سيلين ونزلت قبل ماتنتهي المهله الي عطاني راشد
دخلت المجلس :السلام عليكم ورجعت ورا بسرعه انتبهلي راشد وناداني هذا عمي تركي ونايف وعبد الله لابس بدله بنطلون وجاكت اسود وقميص سماوي
صاير في هالبس اكثرمن وسيم لايق عليه
عمي تركي:وعليكم السلا م ورحمة الله وبركاته هلا بنتي شمس
سلمت عليه وحبيت راسه وسلمت على نايف وقعد ت بين عمي ونايف
!!!! عبد الله :شخبارج شمس ان شاءالله بخير
عمي : مبروك يابنتي الله يسعدكم يارب ترى انتي من اول غاليه عندي والحين زاد غلاج اذا بغيتي شي لا يردج الالسانج
رديت بصوت واطي مستحيه من كرم عمي تركي: تسلم ياعمي الله يخليك لنا
عمي يوقف :يلله تامرين شي مانبي نتأخرفي امان الله
عبد الله ننطرك لاتبطي علينا يلله يا نايف وطلع معاهم راشد
عبد الله قام من مكانه وقعد قريب مني وحسيت بطني بدا يعورني
كان في يده اكياس وفيها علب طلع اول علبه كبيره
عبد الله :هذي شبكتج وكان ودي اشوفج لابستها بس الحين مافي وقت
والكيس الثاني كان فيه البوم الصور:وهذي صور الخطوبه انتي بتشوفينهم قبل حنين هههههههه
ضحكته خلت دقات قلبي تتسارع
وانا افرفر في الالبوم قرب عبد الله اكثر يبي يتفرج كنت اشوف وانا اضحك على حركات حنين وراشد ررررررروعه
عبد الله :الصراحه الست تهاني فنانه
اختفت ضحكتي :فنانه عشان شوية صور ولا فنانه عشان شي ثاني
عبد الله رفع حاجبه يعني مب فاهم
سكرت الالبوم :اوووف تراني موب غشيمه هي تبوسم لك وانت ترد لها الابتسامه ناقص ترقمها
تذكرت الموقف وسالت دموعي وبطني زاد في الالم
عبد الله: معقوله شمس تغارين ههههههههههههه
حط يده تحت دقني ورفع راسي وتم يطالع فيني وانا غمضت عيوني بقوه
اكيد سمع دقات قلبي : ليه تغارين!!!!! معقوله انتي عندي واطالع وحده ثانيه مثل ست تهاني حرام عليج
تجمدت و كتمت انفاسي رفع يده الثانيه ومسح دموعي بطرف ابهامه
عبد الله :دموعج غاليه مابي اشوفها مره ثانيه
قرب اكثر حسيت بريحة عطره وانفاسه حاره وطبع بوسه ناعمه على خدي
حسيت ويهي ولع حريقه
وقف بسرعه وقال : اكيد تأخرت عليهم مع السلامة حبيبتي
ورجع قال :الاكياس فيها ساعه وخاتم على ذوق عليا
وجوال مع شريحه ههههه ابي اكلمج بدون ماامر على راشد
ورجع قعد :شمس تبين شي قبل مااروح
هزيت راسي لا وانا منزله راسي رجع وقف بس هالمره وقفني معاه
ومشى لعند الباب :ماتبين تودعيني
شمس :مع السلامه وصنمت وانا اطالع فيه يرجع يحضني
راشد: اححم احححححححححم ياولد عبد الله انت مأخذ راحتك في السلامات وحنا برى خسنا ننطرك
عبد الله :مع السلامه شغلي الجوال ابي ادق عليج اول مااوصل
طحت على الكنبه صدري يطلع وينزل بسرعه جنونيه
ضاعت علومي
كنت اعتقد انه اذا سافر برتاااااح
*******
منسدحه على السرير وسرحانه بعبد الله رن الجوال وبعده انطق الباب بقوه فتحت الباب قبل مااشوف الي متصل
حنين واقفه ورافعه جوالها :ليش ماتردين
سحبتها داخل الغرفه وسكيت الباب : هلااااااااا وغلااااا
حنين وهي تطالع الجوال :احلــــــــى تبادلين
خشيت الجوال وراى :نووووووو
حنين وهي مبوزه:مابي رشودي لو ابي واحد بييبلي احسن منه
واشرت لي بيدها فوق وتحت:يلله اشوف طلعي الالبومات مالت عليه من اخو اقوله
عط راشد الالبومات قبل ماتشوفهم شمس يقوم يوريج اياهم
فتحت الدرج وعطيتها الالبوم:هاج الست تهاني طلعت صوركم روووعه
حنين قعدت تفرفر في الصور وكل صوره تقعد تتمقل فيها
شمس :حنون والله جنج بتطلعين الاخطاء السبعه خخخخخخخ
حنون :سبحان الخلاق مافيني ولا غلطه احمدك يارب
ههههههههههههههه
حنين :شمس شوفي البومج ناقص صورتين ليه
نطيت عندها :شلون
حنين :البومي 40 صوره والبومج 38 صوره بس
شوفي مكان الصورتين فاضي لايكون مأخذهم احد
شمس :منو يعني بيأخذهم من المصوره لعبد الله لبيتنا وبس
حنين:مادري لازم نتأكد خل نتصل على الست تهاني
حنين خذت جوالها ودقت على المصوره
انا انسدحت ورجعت اسرح في عبد الله وابتسمت
حنين قربت مني وحطت يدها على جبهتي:بسم الله عليج من متى عندج هالحاله
شمس:ها اي حاله
حنين وهي تحاول تشمشم: حاله حب وعشق وهيام واشم ريحة عبيد فيها صح
شمس: اه فديته
حنين تطق راسها وتحول :انا كني سمعت شي
ههههههههه
حنين :هذا بس عشان جاب لج جوال عيل لي جاب غرفة النوم شبتسوين
سندت راسي على كتف حنين:حنون مادري شلون باستحمل فرقاه
حنين وهي تقلد صوتي:اخوج مغرور ماحبه بعيش حياتي بدونه بطول والعرض
طلعتي خرطي
**********


<<<<18>>>>

!!!!! حــــــزيـــــنــــــة!!! !!

"" لحظة المغرب""



تموت الشمس مجبورة



!!!!! تـــــكـــــابـــــر!!!!!

""ودهاترجع""



وتعطي الناس من نوره



ترى هذا (انا) بدونك



بنفس الشكل والصورة



??????



نحله ورديه
هلااااا وغلاااااا حنين عمري....خخخخخخخ
نحله برونزيه
اهلين شمسوووووووو ....كككككك
نحله ورديه
اخباركم
نحله برونزيه
عندي اخبار فرششششش
عبد الله توه مكلمنا
وابشرج انه بخير وكل شي تمام
نحله ورديه
الحمد لله كنت احاتيه
يلله عطيني رقمه
نحله برونزيه
لااااا تبين تدقين عليه لا تصيرين مخفه صبري لين هو يدق عليج
وتعرفين رقمه
نحله ورديه
والله ماالمخفه الا انتي
شفيها لا دقيت انا عليه اول
نحله برونزيه
هههههه مافيها شي
الله يهنيكم
نحله ورديه
خلاااااااص مابي منج شي
وصلتني مسج من رقم دولي
باااااااااي
نحله برونزيه
لحضه وين بتروحين اقري الرساله وقوليلي اشفيها
مارديت على حنين وقريت
سلام
وصلنا نيو يورك قبل ساعتين
الحين انا تعبان برتاح شوي واكلمج
رديت عليه بمسج
الف الحمد لله على سلامتك
اشتقت لك

حنين ترسل جرس تنبيه
الوووووووو
شمس عبد الله اش كاتب لج
نحله ورديه
اذا انتي قريتي لي اول رساله ارسلها لج راشد
لوووووول
***********
يوم السبت كانت نسيم اول وحده تبارك لي
نسيم:مبروك ياالبي الف الف مبروك
شمس:عقبالك
نسيم :شو بشوفيك محلوه بزياديه شو الزواج بيحلي مو هيك
شمس:لااا شوفي انتي مو متزوجه وبتاخدي العئل
ههههه
نسيم:ماتنسي بكره تجيبي الصور بدي شوف سعيد الحظ هنيالو

دخلت الفصل كانو البنات متجمعين على هيفا
قربت منهم وشفت على ويهها اثار ضرب وعيونها وارمه
ويدها اليمين مجبسه
شمس:سلامات شفيج
هيفا طالعتني وضحكت :هههههههههههه عقبالج هههههههه
شمس :عسى ماشر حادث ولا ايش
ردت وحده من البنات :زوجها طاقها
هيفا وهي تشد على اسنانها :جعل يده الكسر
شمس :طيب ليه ماتتطلقون ما دام انتي ماتبينه وهو مايبيج
هيفا :انتي غبيه هههههه مايبيبي يفرط فيني يحبني يموت فيني بس انا مابييه لصقه يامال الماحي
هذا وهو يحبج مسوي جذي عيل لو مايحبج شبيسوي:
!!!!!!
هيفا :عشانه مايقدر يستغنى عني يسوي جذي يعني لو ما يحبني جان طلقني وخلاص يعني ومن الحب ماقتل
بس من كثر مايحبني كل مااطلب منه الطلاق يطيح فيني طق وما يطلق
هههههه ههههههههه بس هالمره غيررررررررر
خليته يطلقني بعد ماجننته
كل البنات قالوو:شلوووون
!!!!!!هيفا:قلت له اني احب واحد ثاني واني حامل منه
انصدمت من وقاحتها :والكلام الي قلتيه له صحيح
هيفا : هو كان عارف من قبل لا نتزوج اني احب واحد ثاني ووافق يتزوجني
وحده من البنات:والله انج شيطانه
شمس:يعني انتي الحين صج حامل
هيفا وهي تغطي بيدها عينها الوارمه:طبعاًلا شقالولج عني مينونه؟؟
شمس:لاااا كل الي سويتيه الامينونه وفاصخه بعد
هيفا تصارخ:انتي لاتشوفين نفسج علينا تراج اخس مني
فتحت عيوني على كبرها مستغربه من كلامها:انتي اكيد الطق الي خذتيه اثر على مخج
ورفعت يدي عند راسي وحركتها يعني موب صاحيه
هيفا:يعني تخلين اخوي يتولع فيج ويلاحقج من مكان لي مكان ومسويه روحج الشريفه
ولما يجي يخطبج ترفضينه؟وتوافقين على واحد ثاني واخوي مسكين بقى يموت من الصدمه
يا شيخه كان رديتيه من البدايه وخلاص
شمس:صراحه انتو مادري شلون تفكرون ؟؟؟؟
دخلت فدا وهي ماسكه ياسمين:هاي
واول ماشافت هيفا : المفروض ماتجين اليوم المدرسه
هيفا:يعني شاسوي مافي غيرها لين تفرج ههههههه
*********
الحمد لله افتكيت من الباص وزحمته
حسب اوامر سي السيد عبد الله يمرني السواق الصبح ويوصلني مع نايف ورهف
والظهر نفس الشي واحلى شي في السالفه اني اشوف نايف ورهف كل يوم
اما الولهان صج صار له اكثر من شهر ماله اثر لا يكون صاير له شي

بعد ما طلعت الابله رحت عند فدا مع اني ماحب اقرب منها: ليه هيفا غايبه اليوم
فدا:مادري مع اني مكلمتها امس وقالت انها بتجي اليوم
شمس:معليه انا كنت سمعت منها ان نايف تعبان شفيه
فدا:يعني ماتدرين
كانت بتقول شي وسكتت
لا مافيه شي عنده اجازه شهرين ومسافر فيها
وتبسمت تراه بيستانس اذا درى انج تسألين عنه
شمس:لا لا انا كنت خايفه يكون صارله شي ...يعني من كلام هيفا
انا ماحب احد يتأذى مني
وبعدين انا مخطوبه واحب خطيبي
لاتقولين له شي بعدين يفسر الموضوع بكيفه
فدا ضحكت:صحيح نسيت ابارك لج وقربت مني فرجعت على ورى بسرعه
الله يعينج الي بتاخذ واحد مزيون لازم تتعب
وكملت يوم شافتني استغربت:ابوي مدير القسم الي يشتغل فيه عبد الله واختي
معاه تشتغل في نفس القسم ودايم تتكلم عنه
شمس: تتكلم وش تقول
فدا :يعني انه مميز وملفت للنظر وانه اغلب الموظفات معاهم يتمنون يسون علاقه وياه

************
عبد الله وصوته فيه النوم:هلا شمس شخبارج
شمس: احنا بخير انت شخبار ك
عبد الله:شلونج في الاختبار ان شاالله شاده حيلج
شمس:شادته ورافعته ولا يهمك هههههههه
عبد الله :تسلملي هالضحكه عطوكم الجداول
شمس:اووووه من زمان
عبد الله :شمس حبيبتي انتبهي على دروسج
شمس:حاضر يااستاز عبد الله اي اوامر ثانيه
عبد الله :ههههه مشتاق لج وبس
شمس:مو اكثر مني ....عبدالله شلون البنات في امريكا حلوات زي الي في الافلام
عبد الله:خخخخ لا كلهم شيف وجياكر
شمس: تقص علي تأخذني على قد عقلي صح
عبدالله :انتي الي قلتي انا ماقلت شي
شمس:شكلك تعبان وفيك النوم انا اسفه الي ازعجتك
عبد الله : انا عاجبني ازعاجج وما ودي اقول مع السلامه بس وراي دوام بعد كم ساعه
شمس:يلله مع السلامه واحلام سعيده
عبد الله : احلام سعيد ه حاف بدون مرفقات
حسيت ويهي صار احمر يوم عرفت قصده:احلام سعيده يا قلبي وسكرت بسرعه قبل ما اسمع رده
حطيت الجوال على قلبي وقلت والله احبك مووووووت
*******
امي نازله وهي لابسه عبايتها :هلا شمس حبيبتي
كنت قاعده اذاكر في الصاله:هلا يمه .....على وين
امي : مادريتي ان عهود جابت توم
فرحت لها من كل قلبي:صحيح !!وانتي الحين بتروحين لها المستشفى
يمه بروح وياكم اشوف عهود
وقفت وناديت ميرنا تجيب عبايتي وطلعنا للسواق
وقبل مانروح المستشفى مرينا محل للهدايا ومحل للحلويات
في السياره امي لفت علي:ماشفتي ريما داخل هالمحل
استغربت:ريما شجيبها هنا
اشرت امي على سياره طلال:جايه مع اخوها اكيد عرفتج
شمس:الحين بنشوفها عند عهوداووووووف لاحقين على الغثا
عند عهود زوجها وامه وامها وريما
زوج عهود على طول سلم وطلع
باركنا لعهودو شفنا التوم
شمس: يحليلهم يهبلون
رن جوال امي :السلام عليكم هلااااا ولدي عبد الله
على طول دورت جوالي مالقيته في الشنطه
امي :ايه شمس معاي في المستشفى
خذيت الجوال من امي :هلااا عبد الله
عبد الله وهو معصب:انتي شلون تطلعين من البيت بدون ماتقولين لي
وطيت صوتي :يعني انا وين رايحه المستشفى ومع امي
عبد الله :من الاصول انج تعطيني خبر ولا انتي ماتعرفين الاصول
شمس:يووووووووه عبد الله ليه معصب الموضوع مايسوى
عبد الله :ابي اعرف انتي متى بتكبرين
بدت دموعي تتجمع في عيني:ليش الغلط ماصار شي يستاهل كل هاذا
عبد الله : شمس وين جوالج
مارديت عليه لاني بديت اصيح
سمعت صوت عبد الله :جوالج مع الي كنتي و ياه يابنت الاصول ..وسد الخط.. بدون مايسمع ردي
********************************************




<<<19>>>




ريما تطالعني والشماته باينه بعيونها:تو ...تو يا حرام اشقالج عبودي خلاج تصيحين..اكيد مسويه شي يسود الويه
وطت صوتها ونعمته:اصلن انتي وعبودي ما تصلحون حق بعض وعما قريب بيتصلح الوضع يا ماما
رديت عليها وان ارفع عبايتي بطلع :يتصلح الوضع والا انتي روحي صلحيه بنفسج ترا مايهمني
ام طلال:عيب يا شمس انتي ماتحشمين احد
امي ردت عليها بقوه: بنتج خلت فيها حشيمه والاانتي ماسمعتي اش قالت
مرت خالي (ام عهود) :ياجماعه البنت توها والد مايصير جذي
امي استأذنت وطلعنا وانا ماشوف قدامي من الدموع والفشله
قلت للسواق يرجع محل الهدايا الي كنا فيه وينزل يسأل عن الجوال
مجيد :مدام هزا كلام في حرمه يجي مع انتي شيل موبايل
هذي اكيد ريما العنز معليه اشبعي بالجوال والي جاب الجوال
امي : كلمي راشد يفصل الخدمه عن جوالج ويطلع لج شريحه يديده
شمس: بكلم عبد الله واقوله الي صار وهو يتصرف
اتصلت على عبد الله مارد فرجعت لامي جوالها
امي :انا بروح بيت خالتج حصه تجين وياي راشد بيجي هناك على طول وبرجع وياه
شمس:لا يمه مالي خلق حق شي برجع البيت احسن
******
فتحت المسنجر لقيت حنين اولاين ابتسمت
نحله ورديه
هلاااا وغلااا
نحله برونزيه
هلااااا حبيبتي شمس وحشتيني
نحله ورديه
انتي مسويه مقاطعه حق راشد ولا للكل مالج حس
بعدين سمعت ان راشد بيكم اليوم شلون مقاطعه يالدبه
نحله برونزيه
اسمحيلي اصحح معلوماتج راشد ياي اليوم ياخذ خالتي بس
لااكثر ولا اقل فهمتي
نحله ورديه
حنون ما دريتي اليوم اش صار
وكتبت لها كل شي
نحله برونزيه
المفروض تعطينه خبر قبل ماتطلعين لاي مكان
نحله ورديه
مادري ريموه العنز اشقالت له وخلته يصدقها
نحله برونزيه
يمكن خلت احد يكلمه ويقوله انج كنتي وياه ونسيتي جوالج عنده
نحله ورديه
واخوج يصدق اي شي ينقاله اذا مب واثق فيني ليش يتزوجني
نحله برونزي
حطي نفسج مكانه شبتسوين
نحله ورديه
والله لو هو يحبني مايصدق اي شي عني
نحله برونزيه
عبيد يحبج ويموت عليج يعني ماتدرين
نحله ورديه
ساعات احس انه مايحب الانفسه
نحله برونزيه
يوه شمس جهازج عسى مافيه صور لنا
نحله ورديه
لاحبيبتي انا لحقت اخزن فيه شي الله لايوفقها ريموه
يمكن عينج فيه حنون طلعت عينج حاره
نحله برونزيه
يلله شمس باي بروح اشوف خالتي قبل ماتطلع
نحله ورديه
بااااااي سي يو
فرفرت في النت شوي وبعدين فتحت الايميل
فيه رسايل من ايميل ماعرفته سويت له حذف من غير ماقراهم
ورسايل من فدا ومن هاديه رديت ارسلت لهاديه بس
دخل راشد مع امي وسلم :شمس ترى حجزت قاعه الـــ بعد شهر اش رايج
شمس :واو القاعه وايد حلوه
رشد :باقي الترتيبات نسقي انتي وحنين واي شي ينقصكم علميني
شمس:اكيد زواجك بخلي كل العالم تحكي عنه
راشد :لااااا تكفين اهم شي حنين تسوي الي تبيه
شمس:هههههههه شكل المقاطعه بانت نتايجها
امي: متى بتنقل شغلك للدمام
راشد :ان شاالله بعد الاجازه دوامي بيكون في شركه ـــــــــ
شمس:واحنا انشاء الله بعد الاختبارات نبد اتجهيزات
***********
ايام الاختبارات كنا نحضر المدرسه قبل الاختبار بنص ساعه
نجتمع ونراجع مع بعض والي مو فاهمه نحاول نشرح لها ونفهمها
هيفا كانت اكثر وحده ناقصها دروس لانها كثيره الغياب
هيفا :شمس معليه بكره تين مبجر الكيميا صعبه وانا مو فاهمه منها شي
شمس:هههه هيفا من صج الكيما يبيلها وقت مب ساعه
هيفا:مافي امل انجح السنه بس بسوي الي اقدر عليه
فكرت اكيد هيفا تقدر تساعدني وانتقم من ريموه
شمس:هيفا ابي اسألج عن شي
هيفا مبين عليها الاهتمام بلي اقوله :افا عليج شمس انا تحت امرج
طالعت فيها وانا اتخيل ريموه متوهقه بمشكله مع هيفا:يعني لو في وحده قاهرتني وابي ابعدها عن طريقي او ابي انتقم منها
هيفا حطت يدها على صدرها:انتي جيبي اسمها ورقمها وانا اوديها لج ورى المريخ ههههههههه
فتحت عيوني من الخرعه لايكون تبين تموتينها لاااااااااا مو لهدرجه حرااام
ابيج تدورين لها اممممم فضيحه تخليها ما ترجع تأذي احد
ويكون لها زي الدرس والعبره
هيفا: هههههههه بس جذي بسيطه وايد سهله وزي ماقلت لج احتاج اسمها ورقمها
والله ماخليها تتهنى بعيشتها
خفت من طريقه كلامها وتحسفت اني طلبت تساعدني:خلاص انتي عطيني رقمج وانا بعدين بدق عليج
هيفا :طيب سجلي *****05
رفعت حاجبي :اوب رقمج مميز وايد حلووووو وسهل
هيفا وبكل وقاحه: هههههههه هذي هديه من خويي الي في ـــــــــ عندي رقمين ثانين بس مو حافظه الا هاذا
خلصنا الاختباروطلعت بسرعه لان السواق ينطرني برى وقبل ما اطلع شقيت الورقه الي سجلت فيها رقم هيفا
ان شاالله مااحتاج لها
سمعت صوت من وراي:شمس
التفت جهه الصوت وانصدمت نايف ناصر :انت
نايف: صدقيني بتكون اخر مره تسمعين صوتي بس جاوبي على سؤالي
البنات تجمعوو صارو يطالعون فينا
نايف كمل كلامه ولا هامه احد:انتي ليش تسألين عني ومهتمه فيني
مارديت عليه تمنيت الارض تنشق وتبلعني
لفيت راسي ادور السيارةولا هو ماسك يدي
بسرعه رفعت يدي الثانيه وصفقته طراق على ويهه وركضت بين البنات ابي اوصل للسياره
بس قبل مااركب السياره وقفت في الشارع ورجعت كل الي في بطني وبقوه وما قدرت اوقف على ريولي
طحت على الارض وما حسيت بشي بعدها
************
عبد الله ماسك ريما ويضحك ونايف ماسكني وانا اطالع عبد الله واناديه ابيه يفكني من نايف
طبطبه خفيفه على خدي رجعتني للواقع:شمس ...شمس اصحي .بسم الله عليج
ابتسمت براحه من شفت امي:الحمد لله على سلامتج شمس يمه شفيج ...... يعورج شي تكلمي حبيبتي
قربت حنين:يلله عاد قومي وخلي الدلع عنج مافي فكه من الاختبارات
رفعت نفسي وانا احس بدوخه لمحت راشد واقف ورا مكتف يدينه ويطالع في
حطيت يدي على راسي وتسندت:انا من متى هني
حنين رفعت يدها تشوف الساعه:ثلاث ساعات وخمس دقايق
امي:اش صارلج يمه ليه تعبتي ...نايف يقول انج صرتي ترجعين وطحتي فجأه في الشارع
حاولت اكون طبيعيه:نا..نا..نايف منو ورفعت عيني اشوف راشد عاقد حواجبه
حنين:هههههه شفيج!!!!! لايكون فقدتي الذاكره نايف اخوي الي يابج من المدرسه مع سواقنا مجيد
شمس:ايه ...مادري.....اقصد نسيت؟؟؟
راشد حط يده في جيبه وطلع السبحه وقعد يحركها بتوتر :على العموم الدكتور قال بيكتب لج خروج بعد نص ساعه
دخلت الممرضه :سمس دكتر يجي الحين
ودخل الدكتور:السلام عليكم ازيك يابنتي دلوئتي
وحط السماعه على صدري وظهري وبعدين بطني:انتي حاسه بإيه بزبط
شمس: الحين بس دوخه
الكتور:حتخف بعد شويه
امي :البنت اش فيها يادكتور
الدكتور:مافيهاش حاجه دي زي البومب بس الترجيع ممكن من زياده الحموضه في المعده
وانا شايف انو دي عند فئه معينه حاله نفسيه يعني عند الاحساس بالخوف او التوتر واحيانا الفرح والحزن الكتير
واشر للممرضه تشيل ابره المغذي وكتب لي خروج وادويه وموعد بعد كم يوم
طلع راشد مع الدكتور
شمس:حنون انتي شجابج مو قلتي مقاطعه
حنين:والله انتي يالعله غرفتي قلب نايف مسكين اتصل علي وهو متخرع ويقول شمس طاحت ومادري شفيها ماتتحرك
قلت له يمر علي ويبناج الطوارئ وطبعاً اتصلت على راشد الي مر خالتي وجابها هني
نزلت راسي:انزين راشد شفيه زعلان
حنين:يمكن عشان ماطلع اسمه خخخخخخ
استغربت من كلامها: ماطلع اسمه ؟؟؟؟؟؟؟
حنين:ههههههه انتي ذكرتي اخواني عبد الله ونايف وطول مانتي مب في وعيج تهلوسين بهم
اكيد راشد بيغار هههههههه
********
امي لزمت الااخذ ميرنا معاي المدرسه :تأخذينها ولا مافي روحه للمدرسه
شمس:يمه مافي داعي كلها ساعتين ومب صايرشي معاي نايف
امي :نايف مايقدريسوي شي وانتي داخل المدرسه وبعدين ميرنا بيكون عندها الجوال اقدر اتصل في اي وقت اتطمن عليج
ضميت امي حبيبتي:ادري يالغاليه انج ماراح ترتاحين الالما تسوين الي تبين امري لله
خلي هاليومين يعدون على خير
صرت البس كل يوم عبايه وجزمه غير حركات تمويه حق نايف ناصر
البنات في المدرسه صارو يتكلمون وياشرون علي او يطالعون بعض اذامريت
في اخر يوم اختبارات انا واقفه البس عبايتي ومعاي ميرنا قربت مني بنت :شمس ابله هيا تبيج في مكتبها
طقيت الباب ودخلت:السلام عليكم
ابله هيا الوكيله رفعت راسها طالعتني ورجعت تطالع في الاوراق الي قدامها :شلونج الحين ان شاءالله احسن
هزيت راسي:الحمد لله
الوكيله:شمس انتي من البنات المميزات خلال السنه الي درستيها عندنا
وماشاءالله عليج متفوقه في دراستج ومحافظه على الصلاه
واخلاقج عاليه بشهادة جميع المدرسات بس الي حصل عند بوابة المدرسة يوم الاحد الي راح
وقدام الجميع ماينسكت عليه ....واصلن العقوبه كانت فصل لمده اسبوع
بس ماحبينا تضيع عليج سنه كامله ويضيع تعبج فكلمنا ولي امرج
انخطف لوني من قالت ولي امرج على طول فكرت بعبدالله:كلمتو عبد الله ليش
ابله هيا طالعت في الاوراق الي قدامها:الي مسجل عندي ولي امرج اخوج راشد وانا كلمته بنفسي وشرحت له الوضع
ياويلي مااخس من عبد الله الا راشد !!! الحين عرفت ليش راشد متغير علي
ابله هيا:اخوج طلب نقلج لمدرسه ــــــــ الاهليه ومدت يدها فيها ظرف بني
وهذي اوراق نقلج جاهزه
خذيت الظرف وطلعت... هذا الشي الي ماتوقعته من راشد الحمد لله اخيراًبفتك من هيفا واخوها
لحظات حزينه مرت علي وانا اودع صديقتي نسيم ومن شفت هيفا تقرب منا طلعت بسرعه
نايف ولد خالتي يستناني عند باب المدرسه مسكت يده:هلا نايف وين السياره
مجيد كان موبالسياره تلفت يمين يسار ادوره :هذا وين راح
نايف وهو يضرب هرن:شوفيه واقف يسولف مع الضابط
وضرب هرن مره ثانيه ركب مجيد السياره ومشى شوي ووقف عند الضابط من شفته ارتبكت
مجيد:سكراًسير انا بعدين سوي اتصال حق انتا
نايف ناصر:بكنسل المخالفه بس عشان خاطرك المره الجايه ماراح اسامحك فهمت ولا لا
لفيت ويهي جهت ميرنا ومسكت يدها وغمضت عيوني

وحاولت افكر باي شي ثاني(هذي الطريقه تخفف الم بطني)وما فتحت عيوني الالما وصلنا البيت
فكيت ميرنا وابتسمت لها:شكراًميرنا
ميرنا تبي تعرف السالفه:سمس انتي ليس سوي كدا
مشيت عنها :مالج خص يالملقوفه
**************
بووووووووو هههههههههه
حنين وقفت ماسكه قلبها من الخرعه :حرام عليج
شمس:طحنا عليكم شتسون وقربت من شاشة الكمبيوتر وقريت عديل الروح يرسل مقطع صوتي
ههههههههههه حنون تقصين على منو انتي
حنين تكمل كتابه وتقفل النت :اذا حضرت الشياطين فرت الملائكه
خبطتها على راسها انتي وراشد الملائكه والشياطين في نفس الوقت
حنين :عيل انتي وعبيد شنو
شمس:احنا ولا شي عندك ..... ورفعت شهادتي اوريها حنين
توني يايه من المدرسه واستلمت التقرير
حنين:ول ول امتياز ياالدافوره موب مبين عليج
سحبت الورقه من عندها : اذكري الله وقولي ماشاء الله بروحي موب ناقصه
حنين نطت جابت جوالها :عندي فكره
صورت التقرير وارسلته رسالة وسائط
رن جوال حنين :ول ول مسرع اتصل ردي انتي شمس وفتحت الخط وعطتني الجوال
شمس:هلاااااااا راشد ابشرك %98
تسارعت دقات قلبي من سمعت صوته مشتاقه له :مبروك شمس زين الي سمعنا صوتج
دمعت عيني غصبن عني ودي اقوله مشتاقه واحبك مووووت بس كرامتي ماتسمح
مسكت يد حنين وحطيت فيها الجوال:تصرفي وطلعت من الغرفة
خالتي في الصاله معاها رهف اشرت لي :تعالي حبيبتي
رهف لفت يدها على رقبتي: حبيبتي متى يجي عبد الله وتصيرين عروسه
خالتي: اكيد ناجحه باامتياز زي كل سنه
شمس:رهوفه روحي جيبي التقريرمن عند حنين
ركضت رهف وجابت التقرير ومعاه الجوال :شمس عبد الله يبيج
انحرجت ورديت بصوت واطي :هلاااااا
عبد الله :انتي ليش تسوين فيني جذي تبيني اركب اول طياره واجي ترى مو من صالحج
خفت ينفذ تهديده:لااا عبد الله تكفى لاتسويها
صار ويهي احمر من سمعت خالتي تضحك وترفع صوتها :عبد الله حرام عليك البنت ولعت
هههههه انا كم مره قايله لج حلو عليج الاحمرههههههه