الفصل العاشر
صباح "الأخ يا(اخ)"..
حب خميس ان تملك انين بالمحكمه,واستكثر يجيب لها مملك بالبيت..
اما انين تحس انها مثل الناقه يمشيها خميس على كيفه حتى انها ماقدرت تشوف عريس الغفله او تلمحه مع ان صوته مألوف وضحكته مألوفه لكن كرهها للموقف خلاها ترفض حتى تشوفه خفيه,,قالت للشيخ نعم اوافق وكلها وقلبها يقول لا مــــــــــــااوافق,,
وبعد ماطلعوا من المحكمه ركضت انين على السياره وكأنها ماتبي تسمع مباركته لها ..دخلت السياره وتحس انها صارت تحت رحمة سميره واخوها الى ان جات لها فكره وايقنت انها راح تسويها حتى لو كانت نهايتها..
ابتسم العريس وهو يشوف انين تركض وقال : ايش رائيك ياخميس اخد انين نتمشى شويا
خميس: لا الله يخليك تطلعوا لحالكم قبل حفلتكم انسوا, وانت مو قلت بتجي تجلس معاها المغرب
العريس: اكيد جاي,وبعدين كأنوا مافي ثقه يالنسيب
خميس: ايش الكلام دا الله يسامحك بس ماتدخل مخي التمشيات وهالحركات قبل الزواج
العريس: خلاص ماهي مشكله اشوفكم ان شاء الله المغرب
خميس:يصير خير"وركب السياره إلا ويسمع لشهقات انين وبكاها...طالعها بنظرة استحقار وقال:ابغى افهم ايش يبكيك,اللي زيك تحمد ربها انها لقت من يتزوجها
انين:اللي زيي!!ليه انا ايش سوييت ,انا ماغلطت الا يوم طلعت مره مع واحد, بس الله يشهد علي انو عمري ماتعديت حدود اكتر من كدا
خميس وبضحكة استهزاء:انتي بتلعبي علي وله على نفسك
انين:انت ليش حاطط في بالك اني مسويه بلاوي الدنيا!!
خميس بإستهزاء: لا ابدا انتي بريئه مره..
انتي عارفه ياانين .. والله العضيم اني نفسي امسكك واضربك وابرد قلبي فيك من عمايلك وسواد وجهك وقوة عينك اللي بتتكلمي فيها دحين
"خافت انين لأن نبرة صوته ارعبتها وسكتت اللين ماوصلوا البيت.
:::::::::::::::::
"قامت فاتن من النوم وتحس جسمها كله يوجعها وقامت تمط بيدينها وتناضر محمد اللي نايم بحقد,وراحت عنده تبي تصحيه بإزعاجها المعتاد لكن زين انها تذكرت حزنه على صديقه واكيد مانام الا متأخر,فنزلت وشافت اصااله قاعده بحديقة البيت وسرحانه وجت من وراها ...
وبــــــــــــــــــــــــــــــــــــــو
اصاله: الله يلعن الشيطان
فاتن:هههههههع هع
اصاله:متى بتعقلين بس؟؟متى
فاتن:هههههههههههعع ههع
اصاله:يابنت اعقلي
فاتن:يوه اصوله لاتسويين زحمه على كلمة بو ,وقولي لي فطرتي؟
اصاله:ايه الحمد لله ,اقعدي بقول لسنتيا تجيب لك فطور وقولي لي وشلون محمد اللحين؟
فاتن:يوه والله امس كسر خاطري تدرين وش اصعب شي يوم يكون الشخص متضايق؟
اصاله:وشهو بوجة نظرك يافلسوفة زمانك؟
فاتن:انه مايقدر يصيح,تتجمع بعيونه الدموع لكن مايقدر ينزلها
اصاله:لاحول ولا قوه الابالله.
فاتن:تراني بروح معك العزى و بعدها بروح ازور بنت عمتي
اصاله وهي تناظر لفاتن اللي اشتاقت لها:يصير خير,ماقلتي لي وشلون شهر العسل
فاتن:هههعع
اصاله:ما شاء الله شكله عسل ها
فاتن وتحك راسها :هههه ايه صراحه واو
اصاله:هههه الله يسعدكم يارب
فاتن وتبي تتهرب من أي اسئله ثانيه :امم ياسنتيا وين الفطور ,وله اقول لك ابي نسكافيه بس ..اصلا مابقى شي ونتغدى,ومره وحده اصحي محمد
اصاله: افطري قبل
فاتن: لا ماودي يله عن اذنك
اصاله:وين توني ماخلصت كلامي معك
فاتن:اخاف محمد يعصب اننا ماصحيناه برجع لك اوكي
::::::::::::::::
بالمستشفى"دوام داليا وسمر"
سمر:هلــــــــــــــو وين سرحانه اللي ماخذ عقلك
داليا:اه سمور تدرين وش افكر
سمر:ها وش تفكرين الله يستر
داليا:افكر اكلم فتونه اكيد راح تتصرف وتكلم اخوها بطريقتها
سمر:انتي يابنت انجنيتي؟؟
داليا:ليه مافي خجل بيننا وبين فتون عاتي اقول لها.
سمر:ادري عادي تقولين لفتون لكن انا اتكلم عن بدر نفسه,شفتي شلون عاملك وحتى يوم ارسلتي له ماعطاك وجه ورد عليك ,خلاص وش تبين فيه
داليا:كذا عناد ابيه
سمر:يالمجنونه هذا ارتباط مو عناد ,وله هو اللعبه اللي تبينها يوم انمنعتي منها
داليا:طيب خليني اشوف وجهة نظر فاتن على الاقل؟
سمر:يوم نتقابل معها اذا هي ماقالت شي عن بدر معناها فعلا شالك من باله فلا تسألينها,وإنسي سالفته من جد
داليا:طيب متى نقابلها الدبه ؟تقول اليوم بتروح عند بنت عمتها
سمر:ماادري ,اصلا احس ارتبطنا بهالشغل وماصرنا نعرعر بالرياض مثل اول
داليا:إي والله انك صادقه
"وجا مريض وقطع كلامهم ولهوا بالشغل"
:::::::::::::::
بأجواء ثانيه...
كانت قاعده فاتن بالعزى وتحسها اجواء جديده عليها ,,اللي تصيح واللي تتكلم عنه ,واللي تقول الاذكار وبين كل هذا يطلع صوت عالي مزعج جدا يقول"ارتاح اماشوفه حيل وياي ..مااقدر اعوفه تضيع دنياي.. يدلعني ياورده وادلعه الماي" إلا وتنتبه فاتن انه صوت جوالها وتاخذ شنطتها وتطلع من الفشله تركب مع سواقهم وتروح على ...
بيت جارح وخلود..
خلود سعاده الدنيا صارت بها يوم شافت فاتن: وحشتيني
فاتن:وانتي اكثر اشتقت لك موووووووت
خلود:وربي اتمنى جارح يسافر كل يوم عشان تجي لبيتي
فاتن:ههه,اللي يسمعك يقول ان كل يوم زايره بيت اهلي
خلود:والله مايرضى اني ازورهم الرجال دا مجنون رسمي
فاتن:وليه يعني وش فيها لازرتي اهلك
خلود:هوا حاطط ببالوا انكم راح تخربوا تفكيري وتقلبوني عليه
فاتن:وليه نسوي كذا مثلا؟؟!!
خلود:مو يقولك اللي على راسو بطحى يحسس عليها
فاتن:هههههههههههع ,ليه هو وشفيه؟
خلود:يااختي ماادري لو تشوفي كيف يعاملني يافتون تنجني,عاد انتي ممكن تطُخيه
فاتن:ليه وش يسوي لك ذا الجارح قولي لي وانا اوريك فيه
خلود:ههه لا الله يخليك لاتوريه عشان مايوريني
فاتن: يعني هو يعاملك شين؟
خلود:ماادري يافتون,من اول مايدخل البيت اللين مايطلع وهوا يدور أي شي عشان نختلف وطبعا دائما يطلعني انا الغلطانه,حاولت معاه بالطيب,بالكلمه الحلوه,حتى صايره ملكة إغراء على بالي.. لكن مافاد شي,,
انتي عارفه ساعات اشوف نفسي بالمرايا واقول اكيد اني مو حلوه ولافيني قبول ,واكيد اني ثقيلة دم ومايبغى يعيش معايا.
فاتن:دودي من جدك تتكلمين!!هي إصحي والله انك تجننين,وعمري ماقابلت بحياتي انسانه بطيبتك ولا بقلبك النظيف
خلود:اجل ليه بيعاملني كدا؟؟
فاتن:توك قلتيها اللي على راسه بطحا
خلود:ايش تقصدي؟؟
فاتن:انتي قولي لي هو طبيعي او فيه عيب او شي؟؟؟
خلود:ههه اه ياقلبي ممكن ماادري
فاتن:كيف ماتدري
خلود:يعني انا مااني متأكده ,لكن في شي مو طبيعي لأن تخيلي من يوم تزوجت ليومك دا ماجاني غير مرتين !!
فاتن:كــــــــيف؟؟
خلود:هوا دا
فاتن:غريبه
خلود:قبل فتره جا من برا ويقول انوا صار لوا حادث وبعدها صار يتعذر بوجع ضهروا وقبل مايفتح الباب اعرف انوا جا من صوت العكاز تك تك تك تك العماره كلها تعرف ان اخ جارح شرف
فاتن:هههههههههههههههههههههههههههههههع الله يرجك
خلود:وربي احس انوا يستهبل وبيسوي الشي دا بس كدا يستهبل
فاتن:ممكن ,شوفي زوجك ذا شكله فيه إنّا,وله صراحه ماقد سمعت عن وحده تتزوج وباللذات بداية زواجها ويصير معها كذا!!!انتي لو تقعدين بجمعتنا ويجوون صديقاتنا المتزوجات تنجنين من سواليفهم
خلود:يعني تقصدي انوا فيه بلا؟؟
فاتن:مافي غير كذا
خلود:طيب وايش اسوي
فاتن:شوفي هو ممكن فيه شي يعني تعب نفسي مو جسدي ,لأني اللي اعرفه ان الواحد يبي يتزوج عشان يرتاح ويستقر مو كل يوم يسوي له مشكله ويرفع ظغطه!!!
خلود:يالله خليها على ربك
فاتن: انتي مو قلتي انه مسافر؟؟
خلود:ايوا
فاتن: ممكن طيب انه مسافر للعلاج
خلود:تتوقعي؟؟
فاتن:ايه اتوقع
خلود بحزن:والله مااني عارفه
فاتن وتبي تطلعها من هالحاله:اقول زوجك جربتي معه كل شي على قول لك ,ومابقى الا العين الحمرا زلبيه ولا كلمك عطيه على راسه
خلود:ههههههههههههههههههههههههه,وربي انك عربجيه
فاتن:هههههههههع,وانا ادري عنه مانفع معه الذوق, ممكن ينفع معه كذا
خلود:لا ياقلبو انا مااقدر حتى ارفع صوتي بحضورو
فاتن:مشكلتك انك خوافه وله والله لو تزلبيه بيعرف اشلون يتصرف ويتعامل معك
خلود:خليك مني وقولي لي انتي كيف اخبارك ,وايش عامله
"وقالت لها فاتن عن المغامرات والجنون والأيام اللي عاشتها لكن ماحبت تضيق صدرها بسالفة حب محمد,وحبت انها تضحكها وتطلعها من جو الكأبه اللي معيشها اياها جارح"
::::::::::::::::::::::::
بيت خميس
سميره:خلصتي ياست انين وله لسه, يله اخويا يبغى يشوفك
انين :اف
قربت منها سميره وقالت:عارفه وربي لو كان لقيت لك عريس غيروا كان زوجتك اياه لأن حرام اخويا ياخد وحده ماتسوى زيك
ابتسمت لها انين وجات تطلع
سميره: على فين؟
انين: مو اخوكِ يستناني
سميره: ايوا
انين: وانا رايحه اشوفوا
سميره: تشوفيه وانتي لابسه كدا!!!
انين ابتسمت اكثر عشان تقهرها وقالت: انا حرا
" انين كانت لابسه شرط احمر وبلوزه علاقي ليموني ,وحاطه مكياج يحدد ملامحها الحلوه بجراءه واضحه وفاكه شعرها المقصوص على طوله...
رفعت راسها وهي تصلح شعرها وظغطت على الورقه اللي معها بيدها ونوت انها تسوي اللي ببالها ومشت خطوات ثقيله للمجلس ,استنشقت هوا وتمنت ان جارح يتاخر بالنوم ولا يخرب عليها اللي نوت به ودخلت"
"اما سميره راحت طبعا تقوم خميس عشان يهزء اخته"
وبالمجلس..
العريس كان جالس بالكنبه المعاكسه يعني معطيها ظهره فدخلت وعطته الكرت اللي كان معها من غير ماتناظر فيه وجلست بالكنبه المقابله له وحطت رجل على رجل وناظرت الجدار يعني ماحطت عينها عليه ابدا وقالت :دا الكرت من حبيبي واذا تبغى تاخد وحده زيي ربي يعينك ,مو انا تنقاية اختك,ههه يعني تنقايه ضااايعه ومنتهيه كمانا
"ناضرها بإستغراب بعد ماقرى الكرت وينتظرها تناظره وقال:تُحبيه
انين بدت تهز برجلها من التوتر:...
العريس:وليه وافقتي علي,ليه مارفضتيني!!
"ناضرت فيه انين وحست ان الكلام جمد بمكانه ,,صُعقت,انصدمت ومهي قادره تطلع حرف واحد وقالت وهي متفاجئه:د/احمد
"قام ضحك من قلبه وقرب جلس جنبها وقال:ايوا د/احمد اخو سميره وحبيبك على قولك
انين وعيونها على الارض: لا ااا مو قصدي مااقصد
احمد: هههه اجل حبيبتي تحب ها؟؟
انين تحس ان كل شي فيها رجف:....
قال:وين صوتك؟؟وين القوه اللي قبل شويه ؟؟
انين:..
"قام احمد واخذ الباقه اللي جايبها وبعض الهدايا اللي من ضمنها جوال وعطاها اياها..اخذتها منه بإحراج ولقت ان الباقه مثل الباقات اللي كانت دائم تجيها ولقت نفس الكرت اللي محتفظه فيه يعني هو,,فقلبها زادت دقاته ورجفتها بانت عليها وخانتها الجراءه والحروف,,فقال:
انا عارف ماحتقري وانا معاك بس ابغاك تكوني اكيده لما تقريه ان حروفي كلها من القلب .
"وقرب لها اكثر وقال لها بإذنها "ليه لابسه كدا؟؟انا مجنون خلقه يعني تبغيني اتهور دحين"
حست انين انها ماتقدر تقعد ولا ثانيه بعد هالاحراج وطلعت تركض على غرفتها..
ابتسم وناظر لها لين اختفت من قدام عينها .. على دخلة خميس
احمد:ايش كل دا نوم؟؟
خميس:ههه والله جيت تعباان وماصدقت احط راسي على المخده ,ايش ماجات انين؟؟
احمد:الا دحينا خرجت وانا كنت طالع
خميس:اهمم طيب اقعد اشرب معايا الشاي
احمد:بوقت تاني سلم لي على سميره
:::::::::::::::::
"دخلت فاتن البيت وكالعاده السكون القاتل ,وشافت اصاله بالصاله راحت جلست جنبها ضمتها وحطت راسها على صدرها وقالت:مساء الخير يااحلى اصوله
اصاله:يامساء النور حبيبتي,كيف كانت زيارتك
فاتن:حليوه سولفنا وضحكنا واسترجعنا طفولتنا وهبالنا يعني انبسطت وانتي كيف كان يومك؟
اصاله:اللحين حلو
فاتن وتسخف صوتها:ماتحرقنيش
اصاله:هههه,الا انتي يابنت ماعندك زوج تسئلين عن احواله تسامرينه تخففين عنه؟
فاتن:هعهعهعهع,وش اسوي ماتعودت
فتحت عينها اصاله....
فاتن:ههههههههههه,وينه اللحين؟
اصاله:جا قبل شوي قعد معي ساكت ماغير يقول ..ايه صح, امم...
ولايدري انا وش اسولف معه فيه
فاتن بعربجه:ههههه,طيب انا بقوم اطفشه ان عطاني وجه وان ماعطاني وجه نزلت اسولف معك وازلبه
اصاله:ههههه مجنونه رسمي
فاتن:هـع
"دخلت فاتن وتوها بتناديه بصوت مزعج الاتسمع للهدوء ولقت محمد
نايم على السرير,قربت عنده وقعدت تناظر فيه فتره ثم خذت البطانيه عشان تغطيه,فتح عينه ومسك يدها وظبط قعدته سحبها تقعد جنبه وقال:
خلك معي شوي ,مو راضي يجيني النوم
فاتن:طيب خلنا ننزل نقعد مع امك
محمد:لا ماودي,امي تتضايق لاشافتني بهل حاله,وانا مااقدر اجاملها وابين اني مرتاح
فاتن:اهمم
محمد:تحمليني هاليومين
فاتن ناظرته بعطف:طيب تكلم فضفض قول كل شي ممكن يريحك
محمد:ماابي اتكلم ولاودي اتذكر ابي انام لكن مو راضي يجيني النوم
"ناظر بفاتن لحظات وحط راسه على رجلها وضم بيده خصرها وغمض عيونه,فاتن حست ان جسمها كله اقشعر وان الوناسه اللي كانت حاستها انقلبت عليها وان ودها تشد شعر محمد وتقومه لكن ماقدرت يوم شافت وجهه البريئ وانه يحاول يغمض عيونه بقوه وكأنه يترجى النوم خلته ومامرت النص ساعه الا ونام,قامت بشويش وغطته زين وراحت على الجهه الثانيه ونامت.
::::::::::::::::::::::::::::
انين
صباح الابتسامه
قامت من النوم تحس براحه غريبه,من غير ماتقصد تبسمت شفاتها ومن غير ماتحس خذت الكرت من تحت مخدتها وقرت للمره الألف
(انونتي.. كنت دائما اشوفك واتمنى اتكلم معاك ولكن ماكنت عارف ايش لازم اقول..لكن بس اشوفك ارتاح ,وكل مااتذكرك احس بان الدنيا حلوه ..
انا مسجل رقمي بالجوال,كلميني )
ضمت الكرت وتمنت الدنيا توقف على هاللحضه على هالإحساس على هالسعاده وعلى هالمشاعر.
خذت جوالها ولقت صعبه تكلمه باللذات بعد اللي سوته امس فكتبت له
(انا اعتذر عن تصرفي امس ,بس ماكانت عارفه انو انت)
::::::::::::::::::::
"بعد المغرب محمد رجّع امه وفاتن من العزى وامه اصرت عليه يدخل ويقعد معها شوي..
أصاله:سنتيا وين القهوه
فاتن:انا بجيبها<<تتمصلح لأن عندها طلب
محمد:وشفيك يمه وجهك تعبان
فاتن من بعيد:تراها تحب
أصاله :ول اذنك مخليتها هنا وانتي هناك سبحان الله
محمد:يمه هذه كل شي فيها غير, لسانها طويل قرقرتها ماتنتهي اذنها خارقه ..
اصاله:لا حمود انا ماارضى على فتون "وبصوت واطي قالت صادق وهي تغمز له"
ابتسم محمد "وحس انه مشتاق لامه"
جت فاتن وهي تقول :عادي قول اللي تقوله انا احب شخصيتي واحب اضل مثل ماانا ,حتى بعض الاحيان "وقامت تحرك حواجها وكملت" احس اني معجبه بنفسي هعهعههههههههههههع
محمد:الحمد لله يارب والشكر
اصاله:خلصتوا وله لسه باقي
فاتن:مع انه هو اللي بدا,لكن علشان عيونك بسكت
اصاله:ماقلت لي متى بيبدا دوامك؟
محمد:السبت ان شاء الله
فاتن:اها يالواسطات..هب هليك توك جاي ولقيت وظيفه
اصاله:هههه طبعا لولدي واسطات الدنيا كلها
فاتن: الله واكبر ياولدها ,ترى يبيلي اشتري لي ملابس للكليه
اصاله:طيب انزلي السوق
فاتن :ايه بنزل بس ودي اصلا اروح بيت اهلي انام عندهم يومين منها اشوفهم لاني اشتقت لهم ومنها انزل معهم السوق
محمد:ليه يعني ماينفع تنزلين من غير ماتروحين عندهم
فاتن:انا ابي اروح لهم لأني مشتاقه لهم وبروح مره وحده السوق,مامداني اقعد معهم زين
اصاله:خلاص يامحمد كلها يومين تمر مثل الهوى
"قام محمد وهو متضايق وطلع بره البيت,اما فاتن نقزت حبت راس اصاله ووظبت اغراضها وركبت السياره واول شي سوته مرت على داليا وسمر عشان ينزلون السوق,عاد وهم بالسياره..
سمر:وينك من العصر ننتظرك
فاتن:ههههههههع كنت بالعزا
داليا: لاتكذبين اوما انتي تروحين عزا!!
سمر:إي والله ياخوفي تقول لهم (عزاكم فله ههههاي)
فاتن:اقول بلا خفة دم انا مجبره اروح لأنه صديق محمد واكثر شخص عزيز على قلبه,ومن كثر غلاته لو قالوا له نام عندنا ماقصر
داليا:هههه غيرانه تراه يقوم بواجب ,مالها داعي الغيره البايخه
فاتن:هههععههع ,بالعكس اتمنى ينام عندهم وانا ارجع بيت اهلي للأبد بيصير عندي وقت ادج وازور باقي البنات واجتمع معكم واعزم بدور قلبي واخليه يدفع واستعد للكليه برواق و..
داليا:خلاص بس كفايه عرفنا خلاااااااااااااااااااااااااااااااص
فاتن:هع وش فيك مااشتقتي لهذرتي
داليا:الا والله مشتاقين لك كلك على بعضك
سمر:جد يابنت نبي نعرف وش سويتوا وكيف كانت حياتكم متى نقعد معك
فاتن:ههه بتعرفون ايش !! انا قلت لكم عن كل شي
داليا:اقول لاتسويين لي فيها خجوله
فاتن: والله مااستهبل عليكم اصلا واحد يقولي لي وبطريقه ثانيه انا ماابيك وش تبون ردي؟؟
داليا:انا اشوف دامك صرتي فيها اركبي راسك واعقلي وتعوذي من الشيطان واكسبي زوجك
فاتن:ياعالم انتم ماتسمعون اقول لكم يحب وحده
سمر:بالله ماحبيتيه؟
فاتن:ادري انكم ماراح تصدقوني لكن بقولكم ,,اني طول عمري ودي يكون لي صديق بس مو عن طريق الحرام او اسوي شي من ورى ضهر اهلي,,ومع محمد حسيت ان هالشي صار
سمر:انتي فعلا مجنونه لو تخلين وحده ثانيه تاخذ مكانك
فاتن:هو يحبها قبل ماانا اعرفه اصلا, يعني انا اللي اخذت مكانها,وبعدين لاتنسون اننا اثنينا انجبرنا على هالزواج
سمر: داليا عطيني عطينــــــــــي
داليا:سلامات وش اعطيك؟
سمر:عطيني سكين منشار عصا ,ابصقع هالمهبوله ذي على راسها
فاتن:هههههههههههههع ههههههههععع هع
سمر:ههه اصلا في بنت تضحك كذا؟؟؟اكيد مابيحبها ولا تحبه !!والأكيد انه ندمان انه تعرف على هالعربجه اصلا
فاتن:هع وانتي الصادقه تدرون دائم وش يناديني؟
سمر:اكيد فتــــــــون
داليا:لألأ,فتونة قلبي
فاتن:هع اوما فتونة قلبي كثري منها دائم يناديني ابو فاتن
داليا وسمرناضروا ببعض وماسكتوا ضحك.
:::::::::::::::::
مكالمه من خلود لــ
جارح:نعم
خلود:مرحبا
جارح:ايه هلا,وش تبين؟
خلود:كيف الحال؟
جارح:اللحين داقه تسئلين وش احوالي!!وله تبين شي؟
خلود:ايوا بس حبيت اسلم عليك قبل لا اقول لك.
جارح:اخلصي خلود تراني مشغول
خلود:طيب انا كنت بقول لك ان زواج اختي بعد كم يوم وحابه اروح اساعدها هالأيام
جارح:لا لا مافيه روحه
خلود:جارح الله يخليك هي فرحه وحده لا تحرمني منها.
جارح:يعني تبيني اقطع سفرتي عشان اجي اسفرك
خلود:لأ مو لازم تقطع سفرتك,انت احجز لي بالنت وحخلي جارتنا وزوجها يودوني المطار
جارح:...
خلود:الله يخليك ياجارح الله يخليك
جارح:خلاص انا بحجز لك اللحين وبحول برصيد زوجها مبلغ خذيه زياده على اللي عندك
خلود:الله يخليك يارب,ويسعد قلبك
جارح:يله سلام
خلود:مع السلامه.
"ودقت على انين تبشرها انها بتحضر زواجها"
::::::::::::::::::::
اما بالسوق وهم طالعين
فاتن وهي مندمجه وتشرح من القلب وهي تقول : وبعدين وقفت على صخره من زود البثاره اللي فيني واطيح لكم هالطيحه قسم بالله انــ
معاكس:بسم الله على قلبك,ليت انا اللي طحت بدالك
داليا وسمر ضحكوا لأنهم دارين وش بيصير
فاتن رمت عليه كيس من اللي بيدها وقالت:الله ياخذك فجعتني وقطعت موضوعي وش تبي ها؟؟
تعال
تعــــــــــــــــــــال وشفيك انحشت تعال
سمر:خلاص راح وطي صوتك الله يلعن شيطانك فضحتينا
فاتن:خله قليل الحيى , يتهزء قدام العالم كفّوه
داليا: ههههههه
فاتن:يـــــــــــوه
سمر:وشفيك؟
فاتن:نسيت اجيب شي لخطوبة بدر
داليا وفتحت عينها:ها خلاص اااا بتخطبون له
فاتن:ايه ان شاء الله الإثنين الجاي
داليا:ومن هي هذه اعرفها؟
فاتن:لا مااتوقع ,لأنها صديقة عيوش اختي
سمر:يالله على البركه الف مبروك
فاتن:هي انتي وش فيك ماتباركين
داليا:ها ..ايه مبروك "وهي تحس بكبريائها يوجعها"
فاتن:الله يبارك فيكم حبيبات قلبي,وش رائيكم نروح الكفي اللي فتح جديد
سمر:يمه وش دراك انه فتح كفي للحريم
فاتن:هذه فووز ياحليلها اصلا ماتجيني اخبار جديده الا منها
داليا:لأ انا ماودي مانمت من الدوام على السوق ودي اروح البيت اريح
سمر وفاهمه مشاعر داليا : ايه خليها بيوم ثاني افضل.
فاتن:خلاص اجل نأجلها لعيونكم
:::::::::::::::::::::::::
جده
حلف خميس على احمد انه يجي بالليل يتعشى عندهم..
وهذا اللي صار ,كانت الجلسه على السفره هاديه..وكان احمد ينتظر الوقت يمر ويقعد مع انين لحالهم...
لكن سميره كعادتها ماتبي هالشي يصير تبي تخرب الموضوع وخلاص ..
قبل لاينتهون من العشى حظرت الشاي ,,واصرت تقعد معهم تصب لهم وتتكلم بأشياء تافهه ماتهم احمد ابدا ..
خميس: طيب حخليكم لحالكم
سميره بتناحه:طيب حبيبي راحتك
قام احمد يناظر لسميره يعني افهمي وقومي
سميره بإستهبال وتغابي: انين حبيبتي ماقلتي لي اشتريتي كُتب للطبخ؟؟
انين:وليه اشتري كتب للطبخ!!
سميره:حبيبتي انتي عارفه دائما لما تسوي حاجه تطلع يامالحه ياناقصه شي
احمد وهو مستغرب من سميره: ياسمسمه,مع الوقت حتتعلم ايش بك
انين ومقهوره من كذب سميره: خلي بكرا احمد يجي ويجرب ياكل من طبخي وهوا يُحم
احمد وهو يبتسم لانين: انا مو بس باكل اكلك
سميره وتبي تقطع كلامهم ونظراتهم: اقول لك احمد
احمد بملل:نعم
سميره:كيف دوامك ان شاء الله مرتاح
احمد:الحمد لله
وبعد السكوت المفاجئ اللي صار بالغرفه سمعت سميره صوت خميس ينادي عليها فاستأذنت وراحت له وهي مقهوره انها طلعت وخلت لهم الجو..
احمد وهو يتأمل انين :طيب ومتى حترفعي راسك ابغى اشوف عيونك
انين:...
احمد:انين
انين:نعم
احمد:حبي في سؤال محيرني ولا لقيت لو جواب
رفعت راسها انين بإهتمام:ايش هوا
احمد:انتي ليه حاولتي تنتحري ,ايش السبب؟؟
ارتبكت انين:...
احمد بطيبه : حبي قولي لي
انين و بخجل:كانت عندي ضغوط وماكنت لاقيه احد على الاقل احكي لو او ممكن يخفف عني او يساعدني , و اخواتي كل وحده تزوجت وعندها اللي يكفيها ,وبساعة غضب قررت هالشي وسويتوا
احمد:ووين سميره عنك ليه ماتتكلمي وتحكي لها
ناضرت انين بعيونه تبي تشوف هو صادق مايدري ان اخته سبب لكل مشكله او انه فعلا يسأل بحب"
احمد:ايش بك ليه ماتجاوبيني؟
انين:ممكن نغير الموضوع
احمد:طبعا اكيد,قولي لي وين حابه نقضي شهر العسل"وقرب جلس جنبها ومسك ايدينها"
انين:انت عارف لو دخل خميس وشافنا كدا حيسوي لي مشكله
احمد:يعني انتي حابه قربي منك بس خايفه من اخوك ها"وناضرها بخبث"
انين:لأطبعا ابعد شويا
احمد:هههه طيب جاوبيني
انين:مااعرف أي مكان
مد احمد يده وقرب جسم انين له وقال بإذنها:ودي نروح لمكان مافيه غير انا وانتي
حاولت توخره عنها وقالت:احمد من جد وخر شويه انا ماابغى مشاكل مع خميس
احمد:انتي زوجتي وحلالي وهوا مالو دخل ابدا بالي اسويه
انين:بس انا اخاف
احمد:لا تخافي وانا معاك
ناظرت انين بعينه وقالت بتردد:احمد ...ليه ,,ااا,, قصدي اش معنى انا,يعني ليه حبيت ترتبط فيني؟
احمد:وليه ماارتبط فيك؟انتي بنوته حليوه كل شي فيك مختلف وتدخلي القلب من غير استئذان واول ماشفتك قبل تلاث سنوات وانتي في بالي ولا قدرت انساك,, وللأسف صارت الشوفه بالمستشفى
"وفعلا انين كانت احلى وحده من خواتها شعرها فاتح وملامحها طفوليه عينها وسيعه وصوتها بريئ"
انين:طيب ايش اللي يخليك تتزوج للمره التالته ؟؟
احمد:اها يعني انتي ناويه تطلعينا من هالجو الحلو بموضوع زوجاتي
انين:ههه نفسي اعرف لأنوا شي غريب؟؟
احمد:شوفي تقدري تقولي اني سيئ الحظ,,وانا على فكره مطلق زوجتي الأولى واللي على ذمتي التانيه بس
انين:وليه طلقتها
احمد:كانت صغيره مره ودلوعة اهلها ,ماقدرنا نتفق بأي شكل من الأشكال
وكانوا اهلها بكل صغيره وكبيره بيتدخلوا, تعبت وقلت خليني اتزوج وحده قريب عمري من عمرها ,وبعد زواجي التاني طلبت الأولى الطلاق وهذا اللي سويتوا
انين:يعني ماكنت بحاجه لزواجك مني
احمد:من قال؟؟ انا احترم زوجتي التانيه ولا ناوي اطلقها لكن مو معناه اني سعيد او لا قي اللي ارتجيه من زواجي منها
انين:ايش قصدك؟
احمد:اقصد انها تشتغل ولو خيرتها بين الزواج والشغل راح تختار الشغل من كثر ماهي عمليه.
انين:ماكنت عارف قد ايش كنت شايله هم انك متزوج غيري
احمد:هههه لا تخافي انتي غير وابغى اكون بحياتك كمان غير ابغى اكون الأهم
انين:طيب يله وخر شويا
رجع احمد على ورا بجلسته واخذها بحضنه وغنى بصوته الحلو لأصاله"
ما دفنك الحزن ياقلبي .. انفض غباره وقم
باقي للفرح باقي وباقي لك امل بين البشر شخص بك يهتم
لم لم اشتات المشاعر وخل نروح .. نمشي في كل الطرق الين اجيك
كم رسمه الشوق في بالي وكم اه وكم بين البشر شخص بك يهتـــــــم"
وهذا هو اللي يجمع انين واحمد شخصين مالقوا اهتمام لاقين ببعض اللي ينقصهم ,متناغمين فوق الخيال,وشعورهم بين المحبه والوئام.
::::::::::::::::::::::::
بيت اهل فاتن
فاتن بصوتها العالي:يله يابرشلونه يله يله يله يله هدف وووووووووووووووووووووووووو ههه هع "وقامت تصفق وتنط من الفرحه" دخل الهدف دخل الهدف
بدر:هههههه الله يرجك امي وابوي نايمين بيقومون يدخّلون هدف بخشمك
فاتن:ههههههه,شف انت مهزوم مهزوم يعني الله يعينك على الرهان
بدر:ياحبي تونا بالبدايه وتراني انا اللي معطيك فرصه تدخلين علي الهدف وله انتي فاشله بالبليستيشن من يومك
فاتن: ايه طيب طيب العب بس وشف اللحين إن ما مردغتك مردغه عهعه
وما مداهم يهجدون إلا تدَخل فاتن الهدف الثاني وهنا قامت تصفر وتضحك على بدر وشكله المقهور..
قام بدر يحك راسه ويقول:ترى انا فيني النوم وله عمرك مادخلتي علي هدف اصلا
فاتن:ايه صح ومن اللي مدفعتك حق الرهان اللي راح 500 ريال
بدر:لا ذاك اليوم كنت ابي اتصدق وقلت انـــ..
وتقطعهم ام فاتن: وش فيه وش هالصراخ
قامت فاتن تناظر ببدر:يمه قلت له الله يهديه يابدر شف الساعه كم نام وبكره العب معك رفض ويوم قلت له وطي صوتك علاه اكثر
بدر: اه يالكذوب ,اتقي ربك انا اللي احايلك نأجل هالتحدي ورفضتي
ام فاتن: اقول يالبزر انت وياها استحوا على وجيهكم ابووكم نايم وقوموا ناموا يالمهبل
بدر:ههه لايكون خاطرك الا طيب يالغاليه اللحين باخذ بنتك هالمصرقعه وندخل ننام
فاتن تمثل البراءه :يله انا بروح انام تصبحون على خير "وقامت تتثاوب"
::::::::::::::
اما ببيت اصاله
دخل محمد للبيت لأنه بعد ماجاب لثالث يوم للعزى العشى, راح يغير جو بشوراع الرياض..
اصاله:هلا ياحبيبي وينك الله يصلحك مقفل جوالك اقلقتني عليك
محمد:لاتشغلين بالك ياالغاليه ليه مانمتي للان!!
اصاله:وشلون انام وانت ماجيت,وشفيك ياولدي وش اللي مضايقك ,ليه احس انك مو سعيد ولا تقولي السبب موت صديقك
محمد وهو يرمي نفسه على الكنب:ايه يمه وش بيكون غير كذا
اصاله:لاتكذب علي يامحمد انت فيك شي مو طبيعي,انا امك واعرفك زين
عدل محمد جلسته وهو يقول من قلبه :اه
اصاله:سلامتك من الاه وشفيك يابعدي؟
محمد:ماادري وش اقول لك يمه,ماادري من وين ابتدي,ماادري اصلا اذا مفروض اقول لك او لأ
اصاله قامت وجلست جنبه وربتت على ظهره بحنان وقالت:مااحد بهالدنيا هذه كلها يتمنى اللي فيك فيه ,غيري يانظر عيني
محمد: ...
اصاله: اذا ماراح تشكي لي وتقول لي ,بتقول لمن؟؟؟
محمد وكأنه ارتاح شوي :من وين ابتدي يمه ,من وين؟
اصاله: من أي مكان تحب,اهم شي قول ,,,ارتاح ..فضفض
"محمد ماصدق يسمع من امه هالكلمتين ,وكأنها عطته الضوء الاخضر يطلّع كل اللي بقلبه ,حكى لها كل شي من يوم طلب من فاتن تتزوجه عشان خاطرها اللين النهايه,,,
حاولت اصاله ماتنفعل عشان مايوقف ولكن يوم خلص,,, مسكت راسها وهي تقول"
ياكبرها يامحمد وهذه سوات تسويها ببنت الناس!!
محمد:يمه وش اسوي هذا اللي طلع معي ,تكفه لاتزعلين علي ,تراني تعبان خلقه
اصاله:وشلون ماتبيني ازعل!!! ومن هذه اللي تحبها اصلا
محمد: ممرضه اتعرفت عليها بالمستشفى
اصاله:وفاتن!!
محمد:ماادري يمه ماادري محتار ومااني قادر افكر
اصاله:طيب انا بسئلك وانت فكر
محمد:اسئلي لكن ساعديني اهم شي
اصاله:قلي اشتقت لحياتك بامريكا وبالأخص مع ذيك؟؟
محمد:كنت افكر فيها كثير باللذات بالبدايه
اصاله:اللحين وبهالوقت تحس انك تبيها وتبي تتزوج منها وتنتهي فاتن من حياتك؟؟
محمد:.....
اصاله:بتقدر يامحمد تحط عينك بعين فاتن وتقول لها انتي طالق؟؟
"ناضر محمد امه وهو يفكر"
اصاله: راح تخلي رضاي وسعادة فاتن وقلبها الكبير ورا ظهرك وراح تروح تعيش بسعاده مع هذيك؟؟ راح تقدر؟؟
"قام محمد وحب راس امه ابتسم لها بتعب وطلع ينام ممكن انه ارتاح يوم تكلم وممكن انه لقى اجابات امه وممكن يكون ضميره مرتاح وقدر يغمض عينه وينام ...
- وش راح يصير بين محمد وفاتن!! وهل ممكن الامور تنحط بالمسار الصحيح!!!
- سميره وحبها لصنع المشاكل ووش ممكن تخترع!!
- بدر وخطوبته القريبه وهل ممكن تتم!!
- شعور داليا وايش ممكن تسوي والامور طلعت من بين يدينها !!!
واكثر بالبارت الجاي..
دمتم كما تحبون
فتو
رد: رواية ضمني وخبني بين اضلعك كاملة بدون ردود 2015 من احداث واقعية
رد مع اقتباس
مواقع النشر (المفضلة)