رواية ضمني وخبني بين اضلعك كاملة بدون ردود 2015 من احداث واقعية

[موكاتشينو]

بارت 19





الرياض

وبعمارة جارح , كان زوج نسرين طالع لدوامه على دخول جارح من السوبرماركت للعماره..




زوج نسرين خالد:هلااا
جارح:هلا والله
خالد:وشلونك وش اخبارك يارجل
جارح:تمام الحمد الله .. بشرني عنك
خالد:انا الحمد لله ,الا انت وينك مااحد يشوفك ,تعال تقهوى على الاقل
جارح: ماتقصر وانا اخوك لكن اشغال, الله المستعان
خالد:الله يعين اجل اخليك تِدخل اغراضك لبيتك,واشوفك ها
جارح: بإذن الله
خالد:يله فمان الله
جارح:مع السلامه

:::::::::::::::::::::



اما بالمكتب ..
فيه جسد وروح تعبانه عليه..
فيه ضيق مع ان التنفس سليم,, وفيه شوق مع ان الحبيب قريب..

جات لمحمد رساله واول ماسمعها طلّع جواله من جيبه بتفائل لعل وعسى تذكرته فاتن ولعل وعسى طاب الخاطر ..
شاف جواله بفرحه .. ولكن خاب ضنه يوم شافها من رقم وهج..

(بباقات من الاخوه والصداقه اصَبح عليك.. جعل صباحك سعاده وخير..)

حس انها ارسلت وبانت بوقتها لأنه متضايق وهي مُستمعه جيده ..ارسل لها..
(ممكن ادق عليك)

دقت عليه بعدها على طول..
وهج:صباح الخير
محمد:اهلين , كيف الحال
وهج:انا تمام ,لكن انت اللي واضح من صوتك انك العكس
محمد:إي والله حالتي سيئه وفوق الوصف
وهج:تتؤتؤ ليه اكيـــــــــــد شي بينك وبين زوجتك,اصلا انت ماتشكي لي او تكلمني الا اذا تخاصمتم
محمد:اه ياوهج وهذه المره مو مثل كل مره انا اشك انها تمر بسلام
وهج:لا تقول كذا ترى يامعشر النساء نحب نتدلع عليكم
محمد:الموضوع لو هو عليها ,راح ينحل ,لكن اخوها دخل بالموضوع وهذا اللي ماكنت اتمناه.
وهج:طيب وابوها وينه عائش ؟!!
محمد:ابوها رجل محترم عقله موزون ,وممكن يفيدني لو اخوها ماتدخل
وهج:تصدق يامحمد انت انسان عجيــــب..ماشفت احد يحب مثلك ومع ذلك .. ماشفت احد يسوي مشاكل مع حبيبته قدك
محمد:انا بين نارين ياوهج ولاادري ايهم اختار,انا احب فاتن ولااقدر اطلقها ,ولكن سمعة عائلتي وامي بجهه ثانيه من الموضوع
وهج:سمعة عائلتك!!
محمد:حنا عائله معروفه جدا ,وباللذات اهل امي ..يعني ممكن المسئله توصل بأنهم يتبرون منها
وهج: تؤ تؤ لهذه الدرجه!!طيب احكي لي بالتفصيل عشان اقدر انصحك
محمد بعد تفكير :ليتني اقدر اقول لك..لكن اللي صار مااقدر احكيه
وهج:اجل اسمع,لو انك تحبها فعلا ماراح يقدر شي يفرقكم.

"حس محمد انه مكتوم مايقدر يحكي عن فضيحته ولا يقدر يفكر بوضوح ولا يقدر يتصرف بحريه..اعتذر من وهج وقفل, وقعد يفكر بحل "

راحت ذاكرته لكلام بدر واتذكر امه وسمعتها اللي ترتبط بسمعة العائله ككل ,وكيف ممكن خبر مثل كذا لو وصل لأهله من امه او ابوه ان ممكن الدنيا كلها تنقلب على راسه.. وانقطع تفكيره يوم سمع لصوت رساله وكانت من بدر.. مكتوب بها ...
(بكره اذا ماطلقت فاتن اوعدك باني انفذ اللي قلت لك عليه)"

::::::::::::




اما بيت اهل فاتن
جات عائشه من بيتها وطلعت على غرفة فاتن ..


عائشه بحيويه :صباح الخير
فاتن بكسل :هلا
عائشه:وش فيه وجهك انتي مانمتي ؟؟
فاتن وهي تضم بطانيتها :لا..مارضى يجيني النوم
عائشه: يوه يعني من امس وانتي صاحيه؟؟
فاتن: ايه
عائشه وتبيها تتنشط :طيب يله ,قومي ننزل ونفطر جميع وبعدها اكيد بتدوخين ويجيك النوم على طووول
فاتن:لا عيوش ماودي
عائشه بملل:انتي وبعدين معك الى متى هالوضع!!
فاتن:...
عائشه وتعرف ان اللين ماينفع مع فاتن فقالت:اذا عندك القدره تسامحيه سامحيه وارجعي لحياتك,واذا كنتي ماراح تسامحينه انسيه
فاتن:...
عائشه:توك صغيره وقدامك كل الفرص يافاتن.
فاتن:مااني قادره ياعيوش لا انسى ولا ارجع,انا قاعده اتعذب ليه مااحد فاهمني؟!
عائشه وبعد ماناظرت لفاتن فتره: تبين رائيي بكل صراحه
فاتن بيأس:قوليه ممكن يفيدني
عائشه:اول شي انا مااني مع اللي سواه محمد اوكي,, ولا اقول انه مبرر له...لكن يافتون انتي لك يد باللي صار وكنتي سبب فيه
فاتن وترمي البطانيه من عليها :لو كان قال لي انه بيخون ماكنت خليت الوضع كذا
عائشه:وشلون يقو لك انه بيخون انتي مجنونه!!!
فاتن: ...
عائشه: شوفي برائيي محمد يحبك لكن بنفس الوقت متسرع وغشيم
فاتن:يعني تبين اخلق له عذر
عائشه:ايه هذا اللي ابيه , لأني متاكده انك تحبينه وانك تبين حياتك معه تستمر
فاتن:ماراح اقدر انسى
عائشه:كل شي بالدنيا ممكن ننساه,كل اللي تحتاجينه فتره ووقت تبعدين ويبعد عنك والايام كفيله تبري الجروح
فاتن:يعني انتي معه
عائشه:اكيد لا ..انا معك عشان كذا انصحك تتأنين بتفكيرك.
فاتن بوجه حزين :لهذه الدرجه باين علي اني مااقدر اعيش بدونه
عائشه:فتون تكفه لاتسويين كذا بنفسك ,انتي قويه وانكسارك الآن يقطع قلوبنا,تعودنا عليك قويه وذكيه وصبوره
فاتن:انا ذكيه يوم كنت رافضه الزواج والحب,لكن اللحين انا اغبى وحده بالدنيا
عائشه:فتون وبعدين معك,لاتفكرين بنفسك وبس.. الوضع اللي انتي فيه مأذينا كلنا ,حتى امي تحس انها متضايقه ولا ودها حتى تشوف احد من كثر ماهي شايله همك
فاتن:اه انا تعانه ياعيوش والله تعبانه
قربت جنبها عائشه وضمتها بكل قوتها وبعدها ..نامت فاتن اخيرا بإستسلام ..
ممكن حست بالامان وممكن سمعت لكلام هي محتاجه تسمعه من زمان.

:::::::::::::::::




جده


مكالمه من وليد
خميس:ها ان شاء الله عندك اخبار حلوه
وليد:الحمد لله اليوم تأكدت ان هالرجال حيسافر لصفقه جديده برا
خميس:يعني تشوف اني ادخل على المناقصه الجايه؟
وليد:اكيد ادخل وانت متطمن
خميس:الله يبشرك بالخير ياشيخ
وليد:ههه الحمد لله والله يعوضنا عن خسارتنا اللي راحت,اهم شي الجاي
خميس:خلاص اجل بروح دحين على مكتب ابو سامي
وليد:خلاص اقابلك بعد نص ساعه هناك,يله سلام
خميس:مع السلامه

::::::::::::::::



نروح للرياض..
لبيت نسرين تحديدا ..



خالد: السلام عليكم
نسرين وهي تضم زوجها: لك يااهلا بألبي وحياتي وروحي انا
خالد وهو يحبها : ها حُبي وش الغداء تراني جيعـــــــان
نسرين:هلَّا يا البي راح يكون كل شي جاهز خمس سواني..


خالد دخل يغير ملابسه بسرعه وراح لها المطبخ: اقول نسرين
نسرين:شو البي
خالد:هي زوجة جارح رجعت من جده؟!!
نسرين:لأ لشو؟؟
خالد:غريبه اليوم وانا رايح على الدوام شفت جارح ومعه مقاضي للبيت وكأنه بيطبخ لعزومه كامله!!
نسرين:عن جد؟
خالد:هذا الرجال غريب,احس فيه شي مو طبيعي,بس اسمعي لايوصل لزوجته خبر,الله واعلم وش ظروفه
نسرين وانشغل بالها: اي اوكي,بس حبيبي لما اجيت كانت سيارتوا عند الباب
خالد وهو يقعد عل طاولة الاكل : اصلا هالايام دائماً سيارته عند الباب,خلنا منه... وقولي ياحلو
نسرين وتحاول ماتبين قلقها : شو حياتي
خالد:اليوم بتنومين الصغار بدري وله كيف؟
نسرين بدلع :ههه ولشو نومهم بدري
لؤي: بابا ليك فهودي عضا لللارا
خالد: عرفتي ليه نبيهم ينامون بدري.. ولد
وقف لؤي مكانه وكأنه مرتكب ذنب: نعم
خالد: كم مره اقولك تكلم سعودي
نسرين:ولشو يعني شو فيا لو حكا لبناني
خالد:انا ماابي الولد بلسان معووج وهو على ارضه
"نسرين ماعجبها كلامه وقامت تشوف بنتها لارا"
لؤي: اسف
خالد:لو اسمعك تتكلم لبناني ياويلك فاهم
لؤي:طيب
خالد:تعال هنا
قرب لؤي وهو خايف,قام خالد اخذه وضمه وقال له:انا ماابي احد يضحك عليك ويقول لك انت مو سعودي
لؤي: طيب انا ماما لبنانيه,مو سعوديه
خالد:طيب الواحد يتكلم بكلام ابوه مو كلام امه
لؤي ببرائه:طيب ليه مااخذت ماما سعوديه ,خلها تصير سعوديه عشان مااحد يضحك عليها
خالد وحس انه ورط مع ولده: عادي يابابا لو كانت ماما لبنانيه او سعوديه او هنديه ,اهم شي وش ابوك؟؟
لؤي:يعني اللي ابوهم لبناني عيب عليهم ؟؟
خالد وحس انه غبي: قم رح لأمك نادها اذلف,قم..
"قام لؤي وهو بباله اسئله كثيره وقدامه تناقضات كثيره مثل اللي نشوفها كل يوم ونسمع عنها كل يوم"

:::::::::::::::



تمر الساعات من اربع العصر الى ست المغرب الى وحده وثنتين والفجر..
العالم كلها نايمه,,ومرتاحه الا هي ذاكرتها خذتها لأحلى ايام ,,لأغلى واول حب ..
تذكرت سفرتها معه لماليزيا وتذكرت جنونه وخوفه من المرتفعات ,تذكرت يوم طاحت قدام الناس وجلس يفرك لها رجلها بكل حب وخوف..
ماكانت تحس بذيك الايام مثل هالاحساس,,ماكانت تقدّر قربها منه مثل ماهي الآن تتمناه ,,
تذكرت يوم دفته بالبحر ..خوفها عليه وخوفها على نفسها كان اكبر لكن لو انعاد هالموقف راح يكون خوفها عليه الآن هو الأهم..
تذكرت ضحكه عليها.. تريقته ,تعليقاته ,خفة دمه ضمت مخدتها وتمنت انها هو ..
تمنت يكون جنبها انها تسمع صوته تشوفه لو من بعيد , تمنت تنام ودعت انها تحلم فيه .. حست انها ماتبي تفكر من بعد هاللحظه بأي شي يبعدها عنه ,وانها راح تفكر فيه كحبيبها وروحها وخليلها والإنسان اللي سلب قلبها وتفكيرها وقوتها منها...

:::::::::::::::::




اما بجده

كان ينتظر هاليوم بفارغ الصبر ,كان نومه كله كوابيس واحلام مخيفه..
وماصدق يدق المنبه عشان يلبس ويروح يكسب المناقصه..

وليد: ها كيف المعنويات بعد ماكسبنا المناقصه؟؟
خميس:وربي كُنت على اعصابي ,بس الحمد لله ارتحت
وليد:ربي فكنا من دا اللي اسمو سامي وله كانت المناقصه دي حتروح علينا
خميس:الله يفكنا منو للأبد
وليد:طيب بهالمناسبه انا عازمك على الغداء
خميس:وانا عازمك على العشاء وخلي سميره اليوم تطرطع
وليد:ههههههههههههه
خميس:ههههههههههههههههه

::::::::::::::::::::::::



ولأننا بجده بنروح نشوف خلود..




تهاني: هههههههههههههههه
خلود:ايش بك تضحكي؟؟
تهاني:بالله عليكِ كم مره شفتي الفلم دا؟؟
خلود:اه ياتهاني انا مااني عارفه هي الرومانسيه انتهت بعهد عبد الحليم وله ايه؟؟
تهاني وهي تشوف ملامح خلود البريئه:للحين مادق عليكِ الباشا تبعك؟؟
خلود:ولا حيدق ,انا لو مااتصل عليه واسئل هوا مايسئل
تهاني:والله زوجك دا غريب ولاقد شفت زيوا بحياتي.
خلود:غريب وبس؟؟
تهاني:طيب اسمعي,ايش رائيك اقول لخميس يتفاهم معاه ؟؟ويشوف ايش اللي براسو؟؟
خلود:لا الله يخليك انا متأكده انو حيزيد الطين بله ,فكيني من وجع الراس
تهاني: طيب الى متى؟؟
خلود:مني عارفه,كل اللي اعرفوا اني حطول هنا اللين ترتاح نفسيتي بالمره ,وبعدها حرجع للهم
تهاني:وربي البيت بيتك لو تقعدي عندي العمر كلوا ,ححطك بعيني
خلود:وربي عارفه ياقلبي
تهاني:علي علي الصوت ,خلينا نسمع هي خاربه خاربه
خلود:هههههه


::::::::::::::::::::



اما بالرياض ..


دخل بدر على البيت وهو فرحان وطاير من الوناسه..
بدر:يمه وين فتون
امه:فوق طلعت عندها عايشه كالعاده ,, قبل نص ساعه ولا نزلت
بدر:ايه زين اجل انا طالع لهم
امه:خير وش السالفه
بدر:لحضه اول ببشر فتون
"وطلع يشوفها"


عائشه:بدر اششششششش انا ماصدقت انها نامت مثل امس ,وخر عنها
بدر وهو يسفه كلام عائشه :فتون فتونة قلبي
فاتن:تؤتؤ بدر انا تعبانه ابي انام
عائشه:وبعدين يابدر خلها شوي
بدر:قومي شوفي وش معي وانتي تصحصحين
فتحت فاتن عينها بكسل:وش هذه
بدر:هذه ورقة طلاقك مثل ماوعدتك
عائشه بصدمه:ايش
قامت فاتن ووقفت من غير شعور وخذت الورقه وتقراها بسرعه تبي تتأكد,ومامداها قرت الا وتطيح على الارض
عائشه:فتون فتون
بدر: روحي جيبي مويه بسرعه,,فتون فتون
عائشه:خذ رشها شوي
"فاقت فاتن وهي تحس ان جسمها كله يرجف سألت وهي منهاره طلقني؟؟
ناضرها بدر بابتسامه وهو يرفعها على السريروقال: اخيرا صح.. لكن يله الحمد لله على كل شي
عائشه: انت وش قاعد تقول يالمجنون
بدر: وش فيك ,وانا صادق كم شهر متزوجته ومتورطه فيه ,اخيرا جاها الفرج
عائشه:انت كيف عرفت!!
"صرخت بهم فاتن :خلوني واطلعوا بره
عائشه:وشلون اخليك وانتي بهالحاله
فاتن: قلت اطلعوا وخلوني,ماابي احد ماابيكم "ورمت بكاس القزاز اللي جنبها الجدار"
"طلعت عائشه وبدر لحقها ,ويوم قفل الباب قال: وش فيها فتون مو هذا اللي هي تبيه!!
عائشه:وش تبيها تسوي تفرح بطلاقها!!!!!!!!!!!
بدر:ايه عادي وش المشكله ,واصلا هي اللي طلبت مساعدتي بطلاقها
عائشه بعصبيه:طبيعي لانها كانت معصبه ومنفعله ولا هي قادره تفكر صح ,والمفروض انك ناصحها ومتأني
بدر:أي تـأني اصلا هو مو رجال ولا يستاهل فتون,خلها تشوف نصيبها مع غيره بلا كلام فاضي
هزة راسها عائشه بإستنكار ونزلت تقول لأمها الخبر.

:::::::::::::::::



اما ببيت اصاله



دخل محمد البيت يمشي ولكن كل شي فيه ساكن قعد على الكنب ..وتفكيره باللي سواه ,,
نار بداخله وقهر فوق الوصف يحس به ..وده يصيح مثل الأطفال ويجري على حضن امه ويبكي..
وده يغمض عينه ويلقى انه بقبره وكل شي منتهي حوله..
وده يصرخ وصرخ بأعلى صوته ..وده يشق ملابسه اللي تحتويه ,,وده يقتل وده يكسر وده يبيد كل اللي يفرّق بين القلوب...

بدخول امه اللي اول ماشافته خافت عليه وسرّعت خطوتها صوبه:حمود وش فيك حبيبي؟
محمد وكأنه بعالم ثاني:...
اصاله:حبيبي وش فيه خوفتني ,وش فيه وجهك كذا!!
محمد:....
اصاله: محمد صار لك شي..فاتن فيها شي؟؟!!
محمد وهو جامد بملامح مصدومه وبقلب مكسور:خلاص
اصاله:وش اللي خلاص وش صار
محمد:....
اصاله: تكلم وش صار ياولدي؟؟
محمد وهو مخنوق: طلقـتها
اصاله:وشي!!!!!! انت وش قاعد تقول انت بعقلك وله انجنيت
محمد:...


"محمد للآن مصدوم بنفسه هو مو داري كيف وليه ولكن هذا اللي سواه,كان يشوف امه معصبه وتقول كلام مو قادر يركز فيه سرحان بملامحها وعقله مو مصدق ..
كان يناضر بأمه اللي سكتت ولاعاد نطقت بحرف واحد بعد ما صدمتها دمعه من عينه.. بعدها طلع غرفته وهو مكتوم وضيقه الدنيا بصدره
ومن غير ماينطق باي شي ثاني اختفى من قدام عينها وتركها بهول صدمتها "

::::::::::::



ومامداه يمر على الخبر تسع ساعات ..الا وتصير هالمكالمه..
من فوز وهي شابكه بين ..



فوزيه:دريتوا وش صار؟؟
داليا:وش صار الله يستر من اخبارك
فوزيه:لا تستهبلين انتي باللذات اكيد تدرين
سمر:فوز وش عندك قولي اخلصي
فوزيه:تو جاني خبر ان محمد طلق فاتن
سمر:انتي وش قاعده تقولين
داليا: اعوذ بالله,من قالك هالشي!!!!!!!!!!
فوزيه:اصاله قالت لأمي وانا يوم سمعت الخبر قلت بكلمكم واخذ الخبر الاكيد لأن فتون ماترد علي
سمر:متى صار هالشي؟؟؟!!!!!!!!!!!!!
فوزيه:امي تعرف من المغرب بس ماادري متى صار مع فاتن
داليا:اجل بروح لبيتهم
سمر:مري علي بليز.
فوزيه:وانا بجي معكم
داليا: لا يابنات ماله داعي تجون, اصلا مااتوقع ان الخبر صحيح محمد يحب فاتن ومستحيل يطلقها
فوزيه:خلاص نروح ونشوف
داليا:لأ انا افضّل اروح لحالي اخاف تتضايق بوجودنا
سمر:اجل ردي لنا وش يصير معك طمنينا
فوزيه:لاتتأخرين بالرد وله ترى بطب عليكم ببيتها
سمر:لاحول ولاقوه الا بالله
فوزيه:ردي علي فاهمه
داليا:اف يله باي

"وفعلا راحت دالي لفاتن ولكن عند الباب لقت بدر يكلم بالجوال اول ماشافها قفل وسألها بملامح صلبه: انتي وش جايبك هنا؟؟
داليا:انا مااني جايه لك ,انا جايه لفتون
بدر:وفتون ماهي بالمزاج اللي يسمح لها تشوف احد,يعني بالعربي ..
ماراح تقابلك
داليا:حتى لو ماتبي تقابلني يكفي اشوفها واتطمن عليها
بدربسخريه:ههه لا حنونه اجل وتعرفين للواجب
داليا بقهر:اللحين انت وش تبي بالضبط,وخر عن الباب خلني ادخل
بدر:طيب افرضي مافيه احد بالبيت وش بتدخلين تسوين ,وله تبيني اقدم لك القهوه؟
داليا بتردد:مافيه احد البيت؟
بدربمكر:لأ مافيه احد غيري
داليا:اهمم طيب ممكن تقول لها لاجت ترد على مكالماتي بس ابي اتطمن عليها
بدر:لأ مو ممكن ,ماراح اوصل لها اي شي
داليا انقهرت وعطته ضهرها ومشت,,وقْفها صوته وهو يقول:انا ماادري كيف تجيك الجراءه وتجين لهالبيت وانتي تدرين اني فيه
داليا:الموضوع مايحتاج جراءه او غيرها ..انت طلبتني وماصار نصيب ,
وهالشي ماراح يأثر بعلاقتي بفتون مهما كان ,ليت تفهم هالشي زين

"وركبت سيارتهم,اما بدر انقهر منها وكان وده يستفزها اكثر ويسمع صوتها اكثر وتضل واقفه معه اكثر..ولكن هذا اللي صار"

:::::::::::::::::::::




ياليت الموضوع وقف لهنا وخلاص..
ولكن اللي صار وبعز ماكانت فاتن بقمة انهيارها جت لها هالرساله اللي توقعتها من محمد وفتحتها بسرعه ولقت مكتوب فيها..

(هلو فاتن..
مبروك على طلاقك ومع ذلك.. احب اقول لك اللي يعرف محمد مستحيل ينساه مستحيل ينساه مستحيل ينساه ...
و اللي يشم انفاسه ويقرب له ويسمع لنبظه وينام بحظنه مستحيل ينساه ..
اوه سوري.. ادري انتي عمرك ماجربتي حضنه هههههههههههه
لأنك اغبى انسانه شفتها بالكون تدرين وش اكتشفت..اكتشفت انكم انتم يالسعودين كلكم على بعضكم بقمة الغباء وانا افخر اني دمرت سعادتك وسعادته ,,
وبالنهايه ياحبي بلغي صديقتك الغبيه الشكر لأنها كانت تعطيني اخبارك وبالتفصيل الممل هههههههههههههههاي ,,باي ..


كاترين )

وقفت فاتن مصدومه وتحس انها ماتقدر تاخذ نفسها..
ثانيه واثنين وثلاث وخمس ثواني مرت وبعدها رمت الجوال بأقوى ماعندها على الجدار وقامت تصرخ بكل قوتها ,تحس بنبظات قلبها تزيد وتزيد وتحس ان الدنيا كاتمه عليها دخلت امها تضمها بقوه ولكن فاتن دفـتها عنها وهي تقول:
"لا احد يقرب مني ,,انا مافيني شي,وخرورا عني ...
اطلعوا من حياتي ماابيكم ,ماابي احد الله ياخذني وارتاح من كل شي..
خانني وباعني وانتم تتفرجون ,ليه سمحتوا له يسوي فيني كذا ؟؟ليه سمحتوا له يلعب فيني ليـه ؟؟؟
" ومسكت راسها وماحست بنفسها بعدها لأنها طاحت عليهم وللمره الثانيه..."

:::::::::::::::




















مر على هالاحداث شهر


فاتن بالبدايه كانت منهاره ,ولاكانت تقدر تاكل او تشرب او تنام من غير كوابيس...
كانت كل شوي تطيح على اهلها من الضعف اللي جاها ,وكل مالام احد بدر..
رد عليهم "بأنه اكثر واحد يحبها ويبي مصلحتها وبقرارة نفسه شك ان اللي سواه غلط يوم شاف حالة اخته اللي كسرت قلبه,وكان يوم عن يوم يحاول يطلعها من الحاله اللي هي فيها....

اما محمد كان يقوم ويروح شغله ويعيش حياته روح بجسد ميت ,فارقه التركيز وفقد الراحه ,والهم صاير باين عليه من غير مايتكلم.

اما اصاله كانت ماتدري هي لازم تواسيه او تواسي نفسها بفقدان فاتن اللي عوضتها شوي عن بنتها شروق.. واللي حست بأن الحياة دخلت للبيت بعد مادخلته ,وبخروج فاتن رجع البيت ساكن , ممل , وهادي ..مايملاه غير صدى الوحده والحزن "

:::::::::::::::




جده بيت تهاني

خلود:تسلم عليكِ فاتن
تهاني:الله يسلمك ويسلمها,كيف حالها دحينَ
خلود:احسن كتير عن اول,كانت يادوب يوم تسئليها تقول كلمه وتسكت,اللحين احسن
تهاني:احس بانوا طلاقها غيرها
خلود:كتير وفوق ماتتخيلي
تهاني :تصدقي انا مين اللي شاغلني وابغى اعرف اخباروا
خلود:مين؟؟
تهاني:احمد زوج انين الله يرحمها,انا ماسمعت عنوا شي ابدا
خلود:انا كأني سمعت سميره تقول انوا حينقل يشتغل بالرياض
تهاني:ياسبحان الله شوفي الفرق بينوا وبين سميره كيف
خلود:ايوا وربي فرق بين السماء والاض,خليني بس اقوم
تهاني :على فين ؟
خلود:حدخل النت ااكد حجزي
تهاني:وليه ترجعي وزوجك ماكلف على نفسوا بالكدب وقلك ارجعي
خلود:ايش تبغيني اسوي اخرب بيتي بإيدي, كفايه الفتره اللي قعدتها
هنا ,صار لازم ارجع
تهاني: على الاقل استني اللين يقولك ارجعي
خلود:يا تهاني انا ليَّ دحين اكتر من شهر ماكلمني الا اربع مرات ولا قالي فيها متى راجعه, تبغيه يدق عليَّ دحين يقولي تعالي
تهاني:انا مااني عارفه انتي ايش تبغي بواحد زي كدا معقد وماعندوا دم,وفوق دا كلوا مره يقولك مسافر ومره عندوا اجتماع ولما تتصلي على جارتك تقولك كداب لا هو مسافر ولاحاجه
خلود:تصدقي لو اقول لك, المُعقد واللي ماعندوا دم .. ارحم من اني انفصل منوا واعيش عند اخوكي وزوجتوا مرا تانيه.
تهاني:خليك روحي تستاهلي اللي يجرا لك
خلود:هههه حياتي, تهاني والله كلفت عليك وانا قاعده عندك
تهاني:قُلت لك البيت دا بيتك,بلا هبل
خلود:ربي لايحرمني منك
تهاني: ولا منك يارب

:::::::::::::::::::




زيارة داليا لفاتن


داليا بإبتسامتها : ها كيف الحلو اليوم
فاتن بكسل : يقولون عايشه
داليا وماتبي تحسسها بالضيق :لا احسن حتى الوجه احسن بكثير ,وه فديت عيونك
ابتسمت لها فاتن: غريبه وين سموره مااهي معك؟
داليا: جا لهم ضيوف وعلى قولها ممكن تصيب هالمره ههههههههههه
فاتن:اها الله يكتب لها اللي فيه الخير.
داليا:على فكره ماراح تكملين الكليه وله عاجبتك قعدة البيت؟
فاتن:ماراح اقدر اكمل هالترم ,ممكن اكمل الترم الجاي
داليا:يله هونيها وتهون ياقلبوا,اقول لك شي اخليك تضحكين
فاتن :...
داليا:اللحين في واحد .. يمديه يغلي وبيموت من القهر لأني عندك
فاتن:ومن هذا؟
داليا:كل ماجيت لكم بالغالب اني اقابله, وكل ماشافني سوى كذا..
"وقلدت بدر وهو معصب رافع حاجب والثاني نازل والخشم ينفتح وصوت الهوا وهو يسحبه من الغضب"
ضحكت فاتن على شكل داليا لأنها نعومه ويوم تسوي هالحركات مايليق عليها وقالت: والله انه يحبك,بس يله مافيه نصيب
داليا:كل ماجيت عصب ,ماتعود ولا طفش لنا اللحين شهر وهو على هالحاله
ابتسمت فاتن وكملت دالي:تصدقين وصّلني لدرجة انه خلاني احس اني جدار وماعندي احساس ههههههه
فاتن:ماعليه اعذريه وامسحيها بوجهي
داليا:كل شي يهون عشان فتون .. الله شفتي كيف قافيه احم احم
فاتن وهي متردده:اقول لك شي ولاتعصبين علي
داليا:هههههه فتون تخاف وع وع وع مايليق عليك ,قولي يابعدهم.
فاتن وتغير وجهها لحزن :اكلمك جد
دالي:قولي ياقلبوا انا اسمعك
فاتن: اه يادالي
داليا:سلامه قلبك وكلك من الآه
فاتن: بعض الاحيان اخذ الجوال وابي ادق عليه..
وبعض الأحيان مايجيني نوم اللين اضم صورته ,وبعض الأحيان انتبه لنفسي وانا اتخيل انه قدامي واتكلم معه .. وبالحقيقه اكلم خياله

"سكتت داليا من حزنها على فاتن ,انتهت كلمات المواساة ولا راضي ينتهي الحزن بقلبها"

فاتن:تدرين يادالي احس اني مسامحته على خيانته ولكن مااني قادره اسامحه على طلاقه لي بكل سهوله
داليا:....
فاتن: راح يهون علي لو انه تمسك فيني ماطلقني ببساطه ومن غير سابق انذار
داليا:انا فعلا مستغربه مثلك كيف طلق بكل بساطه؟وايش اللي صار وسرع الموضوع بهذا الشكل
فاتن وبدت تسرح :....
داليا:انسيه يافتون خلاص الآن لاهو اللي لك ... ولاانتي ممكن تكونين له كل شي انتهى ولازم ترجعين مثل اول
فاتن:احس اني انتهيت مع انفصالي عنه,انا وش اللي خلاني احبه ليتني ماحبيته ليت
داليا:فتون قدر الله ,لاتفكرين باللي راح ابدي من النهايه وعيشي حياتك
فاتن:قولك هو قدر ينساني؟
داليا:وش تفرق ياقلبوا ,اللي هنتي عليه وطلقك بكل سهوله,مايستاهل منك انك تشغلين بالك فيه وتفكرين فيه ابدا.
فاتن:مااقدر
داليا ناضرت بعين فاتن وقالت بإصرار:الا تقدرين ونص
فاتن: مااقدر
داليا: بحزم: انسيــــــــــــــــــــــــــه
ناظرت فاتن لداليا بهدوء
ولسان حالها يقول..

انساه !!!
قولي لي وشلون انســـــــاه..شرتي علي ساعديني..
وشلون يمل قلبي ذكراه؟؟؟
انســـــاه!!!!
تراه مذوب بقلبي حبه.. ومسقينيه مع غلاه

"واكتفوا بصمت الكلام..."

:::::::::::::::

[موكاتشينو]

اما محمد جت له هالمكالمه من..

وهج:مرحبا
محمد:اهلين.. كيف الحال
وهج:تمام وانت؟
محمد:الحمد لله احسن
وهج:اقول محمد لاتكون رجعت لكاترين؟
محمد:لا أي كاترين واي لخابيط,اصلا انا ودي اخنقها من كثر ماكرهتها,بس وش اللي جابها على بالك اللحين
وهج:ابد لك كم يوم ماكلمتني قلت يمكن رجعت لها
محمد:انا جد ماادري وشلون اشكرك ياوهج,انا بعد صديقي سالم ..
ماصرت اثق بأحد , ووجودك واستماعك لي خفف عني الكثير
وهج:لاتقول كذا محمد انا فعلا اعتبرك صديق ,ومتأكده لو مريت بنفس تجربتك كنت راح تصبرني وتوقف معي
محمد:الله لايقول تخسرين اللي تحبينه
وهج:امين يارب,انا لو حبيت بحب بكل مافيني ولا راح اقدر اعيش بعد اللي احبه
محمد:هني للي بتحبينه اجل,لأن تدرين وش اصعب شي
وهج:وشي
محمد:انك تحبين شخص او بالاصح حبيت وحده وعشقتها ولكن عمري ماحسيت انها تحبني ,عمري ماسمعت حبيبي منها ,يعني كأنه حب من طرف واحد
وهج:حاسه فيك ,اكيد شعور مألم وقاتل
محمد:اه,خلك مني وقولي لي وش اخبارك

:::::::::::::::::::::



جده
و صباح جديد


سميره: ياحبيبي ياحبيبي ايش الكشخه دي كلها,على فين؟؟
خميس: فين البخور جبتيه
سميره:حبيبي ايش هوا؟؟ انا خفت انت فين رايح بالزبط؟
خميس:هههههه احد معاه القمر يدور للنجوم,وين راح مخك!!
سميره:ايواايوا العب علي بكلمتين
خميس:ياحبي انا اليوم حاخد مناقصه كنت مااحلم فيها حتى
سميره:اها ومن وين لك الفلوس مو تقول ماعندي سيوله!!ماعندي سيوله؟؟
خميس:ههه اخذتها من نصيب البنات من شقة ابويا الله يرحموا
سميره:طيب اهم شي انك متذكر السفره اللي وعدتني فيها
خميس:طبعا متذكر يله حبي اشوفك في الليل
سميره:مع السلامه,واسمع
خميس:نعم
سميره:لاتروح عينك هنا ولاهنا سامع
خميس:هههه امرك شي تاني
سميره:سلامتك
خميس:ههه مع السلامه
سميره:باي

::::::::::::::::



اما ببيت اصاله اللي تنتظر محمد على الفطور
محمد:صباح الخير
اصاله:هلا حبيبي

""محمد كان يفطر ويناضر امه كل شوي""

اصاله:وش فيه كأن عندك شي تبي تقوله
محمد:صراحه يمه كنت افكر بموضوع وابي رائيك فيه.
اصاله:خير ان شاء الله وشهو الموضوع؟؟
محمد وهو يحك خشمه :كنت افكر ااا اني اتزوج
اصاله:ههههههههههههههههههههه الله يلعن ابليسك,اللي يشوفك يقول صادق
محمد:يمه اكلمك بجديه
اصاله: وشي!!!
محمد:وش فيك يمه
اصاله:والله ياولدي ماانت صاحي ,تعوذ من ابليس وكمل فطورك
محمد:يمه انا جاد ,وماامزح
اصاله:تبي تعرس واللحين
محمد:ايه مو انتي تقولين لي الحياه قدامك
اصاله:ايه بس انت اممم.. يعني صراحه ياولدي مايمديك نسيت فاتن
ضرب محمد بيده على الطاوله وقال بإنفعال: مو انا لازم اتزوج عشان انساها
اصاله:حبيبي هذه مهي طريقه للنسيان
محمد بإصرار:يمه انا بكلم البنت واخليها تعطيني رقم امها وكلميها,قلت لك انا ابي اتزوج
اصاله:...
محمد: وش قلتي؟
اصاله ناضرت له فتره وقالت:مثل ماتبي
محمد:خلاص انا بكلمها اليوم واجيب لك الرقم
اصاله:تكلمها!!!
محمد وهو يقوم:ايه انا اكلمها.

:::::::::::::



الماطار
مكالمــــــــــــــه



خلود:ياجارح فينك انا وصلت بس مااني شايفتك؟؟
جارح:وصلتي وين!!
خلود:انا بالماطار قلت لك امس
جارح:لاحول ولاقوه الا بالله انتي قلتي 8 الليل مو الصبح
خلود: يمكن انت ماسمعتي كويس
جارح:اف خلاص اقعدي وانتضريني بخلص شغله واجيك
خلود:طيب الله يخليك لاتتأخر
جارح:خلاص قلنالك اخلص شغله واجي
خلود:طيب
جارح:يله سلام

وهذا المشوار خلاها تنتظره اربع ساعات لوحدها ويوم جا وركبوا السياره
جارح:انتي وش اللي خلاك ترجعين بهالسرعه؟؟
انحرجت خلود:ليه ماتبغاني ارجع
جارح:لا بس انا عندي سفره الاسبوع الجاي وانتي بتقعدين لوحدك بالبيت
خلود:اهممم,ماعليه حستناك
جارح:...
ميلت خلود قعدتها عليه وتأملته شوي ثم قالت:كيف حالك
جارح:مثل ماانتي شايفتني زين
"سكتت بعدها خلود وهي تحس انه ماهو مرحب بها لا ببيته ولا بقلبه ولابدنيته كلها"

:::::::::::::



بالمستشفى مكان شغل داليا



د/اسعد يتكلم بإستعجال:سلام داليا في شي عندك اللحين؟؟
داليا:لأ تبي شي دكتور؟
د/اسعد:ايه انا كنت موصي امل تدل الدكتور الجديد مكتبه وتخدمه الفتره الجايه لين يتعرف على المستشفى, وتجي الممرضه اللي طالبها
داليا:اها وتبيني يعني اوريه المكان؟
د/اسعد:ايه ياليت انا عندي حاله ومتأخر عليها
داليا:اوكي مافي مشكله


"وتروح داليا بإبتسامتها المعهوده لإستقبال دكتورنا الغالي"


داليا:مرحبا دكتور
د/احمد:اهلا انتي امل
داليا:لأ انا داليا وراح ادلك مكتبك يادكتورماعليه دكتو من؟؟
د/احمد بتعالي من غير مايناظرها:انا دكتور احمد

"داليا تقول بنفسها ياشين النفس ..بس يلعن ابليسه جذاب وله ذا الطول وله هاللكنه ..ياماما خقــــــــــــاق"


د/احمد:بتوريني فين مكتبي وله حتجلسي تطالعي فيني لبكرا ؟!!
انتبهت داليا انها متنحه فيه: لأ اا في شي على خشمك
د/احمد: طيب امشي لو سمحتي وريني فين مكتبي
داليا وهي ماهي حابه اسلوبه: تفضل من هنا..
"ودلته"
د/احمد:افتحي الشباك,ودوري على ملطف للجو
داليا بملل قالت بلكنته:فَتحت الشباك لكن الملطف من فين اجيبوا؟!! د/أحمد:دوري حتى لو تروحي تشتري,ولاتسئليني اسئله "sorry" أسئله غبيه
داليا بلعت كلامه بقهر وبتأفف دورت بالأدراج ولقته فبخت منه وقالت :ها تحتاج شي ثاني
د/احمد بتعالي وطبعا من غير مايناظر لدالي:ايوا.. خدي الأوراق دي اللي مليتها ووديها للإداره وبسرعه لاتتأخري
"حست داليا انها خدامه لهالدكتور وبعد ماودت الأوراق مرت على دكتواسعد وقالت بقهر" : د/ اسعد بليز بليز يعني..شف أي احد غيري لهالدكتور هذا من جد مستفز وع وش هالكائن؟!!
د/أسعد ابتسم:ليه وش فيه دكتور احمد معروف عنه اخلاقه العاليه
داليا:اي مره صراحه, دكتور انا ماودي اساعده بشي ,شف امل وينها
د/أسعد:للأسف مااقدر اخدمك امل قبل شوي قالوا لي ان عندها ضروف عائليه وقدمت على اجازه
داليا:وشي!!
د/أسعد:يعني مافيه غير تتحملين شوي كلها اسبوع او اسبوعين
فتحت داليا عيونها مو مصدقه:اسبوع او اسبوعين لا لا لا كثير
د/أسعد: ماعليه داليا تحملي ويله خليني اشوف المريضه

"طلعت دالي وهي شوي وتصيح كيف بتقدر تتحمل تعالي هالشخص لأسبوع او اسبوعين ويوم وصلت لغرفته"

د/احمد وهو يقرا كتاب:انتي فين كنتي ..تتمشي!!
داليا:لأ كنـــ
د/احمد:مو مهم ,اسمعي زي ماانتي شايفه الغرفه مو مرتبه فأنا حطيت المكتب هنا والطاوله كذا وعليك الباقي
داليا:ماعليه!! يعني وش تبيني اسوي مثلا؟
د/احمد:ابغاك تنضفي الطاوله وتخليها تلمع وفي الأدوات هناك محتاجه ترتيب وطبعا الاغراض هذه خفيفه ابغاك ترصيها هنا
داليا وتحاول تكتم غيضها :يادكتور احمد هذه ماهي شغلتي فيه من ينضف ويلمع
د/احمد:خلاص ايش تنتضري روحي جيبه
طلعت داليا وهي تحس ودها تحطه بمفرمه وشافت جولي مسئوله للنضافه:جولي جولي
جولي:نعم دلولي
داليا:تعالي الله يخليك نضفي مكتب دكتور واحد حب جنجان
جولي:ههه في قرقر كتير
داليا:ليت قرقر الا.. في حب سوي هاتي جيبي كتير
ضحكت جولي على شكل دالي ونضفت المكتب اللي طلع منه احمد

""وهذا اول يوم له وسوى كذا بدالي ,, فما أقوول إلا الله يعينك ياداليا ماشفتي شي""

:::::::::::::::



جده
و ببيت سميره


سميره:حبيبي ايش بك تاخرت اليوم؟؟يله العشى جاهز
خميس:...
سميره:ايش بك حبيبي؟؟
خميس بضيق الدنيا :يا الله ياسميره احس اني حنفجر
سميره:بسم الله عليك ياقلبي ايش بك
خميس:راحت من بين ايدي مناقصه من ذهب
سميره:وليه مو كنت واثق بأنك حتاخدها؟؟
خميس:طلع لي بالبخت الزفت داك وخسرني هالملبغ كلوا
سميره:يعني مافي سفره؟؟
خميس وبأعلى صوت عنده:هذا اللي يهمك اقول لك خسران وحينخرب بيتي وانتي قاعده تفكري لي بالسفره
سميره:مو ياحبيبي انا طفشانه وابغى اغير جو شوية ..

""خلاها خميس ودخل غرفته وهو يبرطم ويسب من القهر اللي حسه اليوم"".

:::::::::::::::









- هل فعلا محمد مستعد يتزوج من وهج او غيرها ؟؟
- قولكم كيف بتكون اعصاب داليا مع د/احمد
- كيف ممكن يخفف بدر على اخته
- وقولكم فيه فعلاً صديقه لفاتن خانتها مع كاترين!!
- فيه مفاجعه بالبارت الجاي فــ
كونوا بالقرب
دمتم كما تحبون
فتومه.

[موكاتشينو]

بارت 20





رجعت خلود لبيتها وقفت عند الباب تحاول تجمع مافيها من قوه عشان تدخل..كانت تقول بنفسها انها ماراح تلاقي شي يدل على وجود حرمه ثانيه بحياته, ماراح تشوف غرض نسائي غريب ,ولاراح تشم ريحة ماتخصها..
حست برجلها ترجف ..ودها ماتنصدم ولا تعاني ولا تنطعن من زوجها..


اول مادخل جارح راح ياخذ له دش وخلاها بحيرتها ..
وهي دخلت تتفحص البيت بنظرها ,,كانت تشوف البيت على غير العاده مرتب شي ما..
كانت لو غابت اسبوع ترجع تلاقي ملابسه واصله للشارع..
فتحت المجلس اللي قالت لها نسرين انه كان مقفول..
كانت ريحة الشيشه اللي موجوده بالزاويا فايحه منه..ابتسمت وشافت ان ريحة الشيشه تسوى كثير عندها ولا انها تشم ريحة عطر نسائي..
دخلت على غرفتها..غرفة نومها اللي اول مادخلتها قلبها قبض,شمة ريحه العوده فيها ,والسرير اللي واضح انه نايم عليه وكان ينام عليه..بس ياترى كان فيه احد معه وله هو لحاله اللي كان عليه, قربت اكثر واكثر من السرير مدت يدها عشان تاخذ المخده وتشمها ,ولكن..
غيرت رائيها ..
ماتبي تكتشف ماتبي تشوف دليل خيانته,ماتبي تظطر تنصدم بالواقع..
بدت تنظف باليوم الاول والثاني والثالث ولكن بداخل قلبها فيه نقطه سودا وفيه حزن وفيه شك وفيه الم ماتقدر تنظفه وترتاح ولاتقدر تواجهه وترتاح,,
خلت الأمور مثل ماهي وكتمة بقلبها غصتها باللذات.. ان احساسها يقول ان في احد بحياته.




::::::::::::::



بيت اصاله



ام سلمان:خلاص تسلمين ياام محمد
اصاله:خذي لك بعد واحد
ام سلمان:والله ياوخيتي القيلون لاعبٍ فيني لعب,خلاص الله يجزاس الجنه
اصاله:وياك ان شاء الله
ام سلمان :اللحين سواقس مابيقدر يجيب سلمان بكره من الماطار
اصاله:المشكله السياره قالوا يبي لها يومين تصليح,بس لاتشيلين هم,بخلي محمد يروح يجيبه لو انه مو بالماطار بالصين.
ام سلمان:الله يجزاس خير , ادري اني بكلف عليكم
اصاله:افا عليك لاتقولين كذا
ام سلمان: إلا ماقلتي لي.. وشلون محمد بعد طلاقه؟
اصاله:اسكتي بس ولدي ذا انجن رسمي
ام سلمان:هــــــــو!! وليه ياكافي؟؟
اصاله:يحب فاتن وللآن متعلق بها , ومع ذلك له كم يوم وهو يزن على راسي يبي يعرس.
ام سلمان:وبعدين؟
اصاله: ابد اقنعني اليوم بعد المغرب أروح واشوف عروسته واقابل اهلها
ام سلمان: بيني وبينس افضل انه يبي يعرس ويعيش حياته... ومع زوجته الجديده بينسى فاتن .
اصاله:تشوفين كذا؟؟
ام سلمان:اي والله .. اذا معزم سايريه وزوجيه على سنة الله ورسوله,ليه التأخير والتردد !؟
اصاله:ياخوفي انه مايقدر ينساها ويفشلنا مع العالم
ام سلمان:لاتخافين وانا اختس ,زوجيه وشوفي ذريته,, ويابنت الحلال هذا كله جنون الشباب ,تشوفين اذا مانساها بعد ماتخطبين له مباشره
اصاله:...
ام سلمان:ماعليس منه بينسى وبيفرح بزواجه ولا كأن فيه شي اصلا
اصاله:ان شاء الله هذا اللي اتمناه
ام سلمان:وترى للآن مسألة الحرمه قائمه, اذا تبين اكلمها تجي تقرا على ولدس ادق عليها اللحين
اصاله:ههه لا ياعمري خلني من خرافاتك انتي والساحره اللي تعرفينها.. وتراك بتجين معي
ام سلمان:اجي معس وليه لأ,متى بتروحين لهم ؟
اصاله: بعد المغرب وش فيك فقدتي الذاكره؟
ام سلمان: هههه .. اقول
اصاله: سمي
ام سلمان:قولس عندها اخت اخذها لسلمان ولدي؟؟
اصاله:الله يقطع ابليسك يعني ماانتي جايه معي لله ها؟؟
ام سلمان:هههههه


::::::::::::::::




المستشفى




بعد ماقرر د/اسعد ان داليا تساعد د/ احمد, تغير وقت شغلها وصار من الساعه 4 الى الساعه 9 الليل وهالشي كانت كارهته داليا لأنها ماراح تقدر تقابل صديقاتها ولا تغير جو كعادتها ,مع ذلك راحت الشغل بروحها الحلوه وابتسامتها المعهوده اللي ماتفارقها...



داليا:مرحبا دكتور
د/احمد بعد ماناضر ساعته: ليه مكلفه على نفسك وجايه؟؟ كان تأخرتي كمان ساعه.
ناضرت داليا ساعتها:ماتأخرت دكتور الساعه اللحين 4 وخمس دقائق
د/احمد: طيب معناها .. مو من حقك تتأخري خمس دقائق
داليا بإتسامه:اوكي ,شي ثاني
د/احمد:روحي نادي لي المريضه امل يوسف
داليا:اوكي..


"وراحت داليا ومزاجها بدا يتعكر من هالأحمد,, وبعد مانادتها ودخلت المريضه,,
د/احمد بإبتسامه:تفضلي..ايش عندك
المريضه:والله يادكتور حلقي يوجعني مااقدر ابلع منه
د/احمد وبهدوء: ومن متى
المريضه:قبل اربع ايام بس اليوم وووو ......


" كانت تناظره داليا بإستغراب وتعجب ,باللذات يوم تشوفه يبتسم مع مريضته,ويتكلم بكل ادب واحترام!!!
واستغربت انه يقلب بسرعه عجيبه مع غيرها ,وبعد ماخلص الحاله الاولى..


د/احمد:ياانتي نادي لي المريضه موضي محمد,وجيبي لي كوب قهوه
ناضرته داليا بقهرواليد بالخصر:انا اسمي داليا,وثاني شي ممكن تطلب اللي تبيه بذوق لو سمحت؟


"د/احمد ناضر لداليا ولأول مره تطيح عينه بعينها ,وحس انها تذكره بروحه بقلبه بحبه , تعوذ من ابليس وقطع صمته صوت داليا اللي ارتبكت من نظرته :اا كيف تحب تشرب قهوتك ؟
د/احمد وهو يجمع تركيزه:اا من غير مبيض
داليا:اوكي


"وهنا انا ايش اقول لكم عن احمد بعد مافقد انين ..
لاهو اللي قادر يعيش حياته مثل اول ,ولا هو اللي قادر يعيش مع خسارته.
قرر انه يغير مدينته ,ويكمل شغله بمكان ثاني,,وهذا اللي سواه الهروب ..
ومع انه هرب اخذ معه ذكرياته واخذ معه حبه وفقدانه وتعاسته.
صار انسان متسلط ومتبلد, إلا على مرضاه.. كان الدكتور الاكثر كفائه واكثر تعاسه.



اما داليا راحت تجيب له القهوه وتذكرت انها مشتاقه لفاتن, فقامت تحاول تقلد فاتن بعربجتها ومشيتها بكل جرءاه مهي مكترثه باللي حولها,وجلست تِضحك على نفسها وتضّحك العالم اللي حولها.. وبعد ماجهزت الكوب حبت تحط له ذرة ملح وتعكر مزاج احمد مثل ماعكر مزاجها


::::::::::::::::::::



اما بيت جارح




ماراح ازعلوا ولا راح ازعجوا ,انا احبوا وراح اتكلم معاه بإحترام ,ولا راح اضايقوا,وحتحمل كلاموا حتى لو كان قاسي..
"كذا كانت تقول بنفسها خلود قبل لاتدخل المجلس على جارح وهو مندمج بالتلفزيون" .. فجلست جنبه وقالت


- جارح
جارح وهو منسجم بالأخبار:همم
خلود:ممكن اكلمك شويا
جارح:وش تبين اسمعك
خلود:لأ حبيبي ابغاك تركز معايا شويه
وطى جارح التلفزيون وقال بملل: نعم ..وش تبين؟
خلود قالت بتردد: امم اا انت كنت تحب وحده من حريمك اول؟
جارح:نعم!! اللحين هذه هي السالفه؟؟
خلود:لأ بس ابغى اعرف تمهيد لكلامي يعني
جارح بملل اكثر: لا.. يعني عادي
خلود:طيب انو ااا
جارح:تكلمي خلصينا
خلودبإنكسار :انت ليه حاطط حاجز بيني وبينك
ناظرها جارح بإستحقار وسكت
كملت خلود: يعني حبيبي انا اشوف انوا ضهرك صار احسن مع ذلك تطلب تنام بالمجلس بعيد عني
جارح وثار بعد جملتها وقال بعصبيه:يعني انا مثلا قاعد امثل عليك انتِ ووجهك؟؟
خلود خافت منه وقالت بخوف:لا وربي مو قصدي,بس انا كان نفسي نعيش زي العالم ونجيب لنا ولد وله بنت
جارح وقف وقال بصوت عالي :ليه انتي ووجهك شايفه انك مثل باقي حريم العالم!!!
خلود ودمعتها على خدها : انا اا
جارح: وبعدين من قال لك اني ابي بزاريين منك ها؟؟!!
خلود والصدمه على وجهها:يعني ماتبغانا نجيب عيال
جارح وبقسوه :لأطبعا انا ماابي شي يربطني فيك ابدا
خلود والحروف تطلع منها بخوف:يعني ماتبغاني
جارح وهو يطلع من المجلس :وش اللي ماابغاك وابغاك !! حريم فاضيه
خلود وهي تلحقه وتمسك ذراعه:جارح وربي اسفه ,انا ماابغى اضايقك لكن ابغى اعرف انت ايش تبغى مني وانا مستعده اسويه
جارح وبقلب بارد :كل اللي ابيه انك تحطين لسانك بفمك ولاتزعجيني ولا تكثر قرقرتك ,ودام اني ماقصرت عليك بشي وكل شي تبينه يجيك تنطمين ولا عاد اسمع حسك بالبيت


"خلود نزلت راسها والخوف منعها تنطق بحرف زياده,طلع جارح وانفجرت ببكاها اللي شهدت عليه كل تفاصيل البيت"


::::::::::::::::::::



نرجع للمستشفى




داليا بإبتسامتها : تفضل القهوه
د/احمد:خليها على الطاوله وجيبي لي هالأوراق
داليا:طيب
د/احمد شرب من القهوه وناضر لداليا :ليه طعمها كدا!! غريب
داليا بإستهبال :وش فيها!! ممكن لأنك ماتبي فيها الكفي ميت؟
د/احمد مسك القلم بيده ورجع بقعدته على الكرسي وقال بحزم:ذوقيها وشوفي..
داليا: ها .. لالا وع انا اقرف ومااحب اشرب من ورا احد
د/احمد:وانا مصمم انك تذوقيها
وقدام اصراره ونظرته المتسلطه ماكان قدامها الا تذوق وقالت:امم زينه بس ناقصها مبيض
د/احمد:صحيح مبين على وجهك انها طعمه, اجل كملي اشربيها لأنها ماعجبتني,صحه وعافيه
داليا:تؤتؤ
د/أحمد:ايش بك تفضليها
داليا وهي تفك من يدها الكوب بخفه : اوبـــــس,خساره انكب
د/احمد بإستخفاف :ذكيه ماشاء الله ,تفضلي مسحيها.
داليا ببرود: ماهي شغلتي ,بروح انادي جولي تمسحه
د/احمد:براحتك ,واحمدي ربك انوا مافي مرضى تنتضر, وله كان اجبرتك تمسحيه بنفسك
طلعت داليا من عنده وتغيرت ملامح الهدوء لمدت بوز:ياجولي جولي
جولي:يس دلول
داليا:تعالي شكلي بتعامل معك كثير ياجولي ,تعالي لمكتب دكتور زفت
جولي:هههه والله هزا دكتور انتي خليك في اسبوع مجنون كتير
داليا:تؤتؤمن جد شكل هذا اللي بيصير
جولي:ههه هههههههههههههه


::::::::::::::::




بيت اهل فاتن




بدر:السلام عليكم
امه:وعليك السلام هلا والله تعال اقعد معنا
بدر:اللحين بجي ,بس ابي اطلع اكلم فتون بموضوع
الام:فتون برا ماشفتها وانت داخل
بدر:لأ ماشفتها شكلها من ورا الحوش..
امه :ممكن
"وراح لقاها مسرّحه فمشى بخطوات خفيفه عشان ماتحس به "



بدر:بـــــــــــــــــــو
فاتن:تؤتؤ بدر وبعدين معك فجعتني
بدر:بسم الله على فتونة قلبي والله
ابتسمت له فاتن: خير وش هالفرحه اللي بوجهك
بدر:عندي لك مفاجئه
فاتن:اها وش هي؟
بدر:شوفي"وطلع تذاكر سفر"
فاتن:وين رايح؟
بدر:مو تبين تشوفين تميس ومهند باخذك معي بهالسفره
فاتن:هه لميس مو تميس
بدر:المهم ذيك اللي بذاك المسلسل اللي مابغى ينتهي
فاتن:وش اللي جاب السفره ببالك؟
بدر:عندي شُغل هناك وقلت لازم اخذك تغيرين جو , كم فتون عندي انا؟
فاتن:يسلم قلبك,والله انها جت بوقتها
بدر:خلاص اجل جهزي اغراضك ,وبكره ان شاء الله نركب طيارتنا
فاتن:اوكي
بدر:يله انا بروح اتقهوى مع امي وابوي واقولهم مره وحده عن سفرتنا
فاتن:اوكي


:::::::::::::




بعد المغرب
و ببيت العروس



اصاله:يشهد الله اني ارتحت لك ياام فيصل
ام فيصل:الله يسلمك ,هذا قلبك الطيب و اصلك النادر
ام سلمان:اقول ياام فيصل وين العروس وانا اختس نبي نشوفها
ام فيصل بكل طيبتها :ههه يله اللحين اخليها تدخل ,ترى بنتي خجوله وتستحي
ام سلمان:ايه ماشاء الله ..الله يحفضها


"وقامت ام فيصل نادت بنتها وهج ودخلتها عندهم , ومن اول مادخلت وهج تتصنع الحيى وتناضر الارض"



ام سلمان: ماشاء الله تبارك الله
اصاله:ما شاء الله
ام سلمان وهي تسلم عليها: هلا ببنيتنا الغاليه
اما اصاله تسلم عليها وهي تحاول تتذكر وين شافتها: هلا ببنيتي
وهج بحياء: هلا بك
ام سلمان: لا ماشاء الله يا ام فيصل بنيتس تدخل القلب
ام فيصل: الله يسلم قلبك ياام سلمان
ام سلمان:وش اسمك ياعمري
اصاله وهي تتذكر : انتي سمر صح؟؟
سمربخجل :ايه ..
ام سلمان:ماشاء الله يابنيتي بينجن عليس هالمحمد ,صح ياام محمد
اصاله بصدمه:ها أي اي
ام فيصل:الله يحييكم والله
ام سلمان تناظر لأصاله مستغربه سكونها: الله يجزاس خير ياام فيصل
ام فيصل: والله منورين بيتي,وزيارتكم هذه على العين والراس
"اما اصاله منصدمه من فرحة سمر اللي مبينه عليها وساكته"
ام سلمان وتحس فيه شي :اقول يا ام فيصل متى تصير الشوفه تدرين الولد والده متوفي واعمامه كلهم برا ,فبعد ماتصير الشوفه نطلبهم يجون صح ياام محمد
اصاله:...
ام سلمان وهي تغز بيدها اصاله: صح
اصاله:ااا إي صح
ام فيصل:والله انتم ناس تنحط على الجرح يبرى واللي تشوفونه هو اللي بيصير ان شاء الله
ام سلمان:على بركة الله اذن حددوا اليوم وعطونا خبر,وحنا جاهزين
ام فيصل: على وين تو ماشربتوا الشاي
اصاله: لأ ماعليه مره ثانيه لان محمد هو اللي جابنا وينتضرنا من اول بره
ام فيصل:مثل ماتحبون
ام سلمان:يله فمان الله
ام فيصل:مع السلامه



""وبالسياره""



ام سلمان: هــو وش فيس ياام محمد ساكته كأنس العرؤوس
اصاله:ابد مافي شي ,بس تذكرت شي وضايقني
محمد:لاتقولين يمه ان العروس ماعجبتك ؟
ام سلمان:وشي!!... لا والله انها مثل القمر شعرها اسود مثل الليل وعيونها وساع وحلوه, والسنون مرتصه مثل اللولو
اصاله بتوتر :خلاص ياام سلمان ,بتشعِرين بها
محمد:وش فيك يمه اذا ماارتحتي لهم قولي لي؟؟
اصاله:...
محمد:يايمه؟؟
اصاله:لا انا ارتحت لأمها
محمد:والبنت؟؟
ام سلمان:ماعليك من امك وانا امك , خذ مني توكل ورح شفها واملك بسرعه
محمد:ههه يصير خير,اقول ياخاله
ام سلمان:سم
محمد:اا
ام سلمان: ههههه اسئل لاتستح قول قول؟؟
محمد: لا مو حياء بس ااا هي يعني البنت اا..تشبه فاتن
اصاله وكأنها ماصدقت تثور عليه : انت وش فيك انجنيت؟
محمد:ليه يمه هو سؤال اا عادي
ام سلمان:وش ذا السؤال ياولدي؟؟يعني انت تبي بنات العالم تشبهها مثلا
محمد: لا .. بس ابيكم تقولون لي اذا فيها من فتون شكلها طريقتهاا اا
ام سلمان:لاحول ولا قوه الا بالله
اصاله:اقول خل عنك هالسالفه اللي مو بوقتها ورح دكتور نفسي اصرف لك
محمد:يمه الله يسامحك وش شايفتني مجنون
اصاله: إي مجنون رسمي بعد
ام سلمان:قولوا لا اله الا الله ياجماعه ,وانت ياولدي تعوذ من ابيلس وخلاص انسى سالفة فاتن
محمد: ياخاله وشلون انسى ؟! اذا كانت فاتن زوجتي
اصاله بعصبيه:كانت.. كانت زوجتك اللحين لو جاها نصيبها ممكن تعرس مثل أي بنت
محمد بعصبيه وهو يزيد سرعته : وشي!!!! تعرس!! ليه على كيفها !! والله لاقتله واقتلها هي بعد
اصاله:شفتي ياام سلمان ذا مو جنون وهبال بالله عليك؟
ام سلمان:وش ذا اللي تقوله ياولدي الله يصلحك
محمد وبعناد:ايه وانا صادق فاتن لي ,واذا كانت مو لي فهي مو لأحد غيري
ام سلمان:والله ياولدي اشوف ان امك معها حق,مفروض تأجل فكرة الزواج شوي
محمد:وليه ااجل انا رجل ابي اتزوج,وراح اتزوج
ام سلمان:اقول يامحمد, الحمد لله اني وصلت بيتي والله يعين امك عليك مع السلامه
اصاله:في امان الله ,اقول ياام سلمان
ام سلمان:سمي
اصاله:ابيك بكره تجين معي المعهد اسولف معك بموضوع كذا
ام سلمان:لاياحبيبتي ,بيجي ولدي ابي اطبخ له وانتضر جيته,دقي علي وبس
اصاله: خلاص اجل ادق عليك
ام سلمان:ان شاء الله,يله فمان الله
اصاله:معك الرحمن



::::::::::::::::




المستشفى



د/أحمد:ها باقي احد برا
داليا:لا خلاص اصلا انتهى الدوام "ووقفت داليا مكانها وهي تبي تسأل ولا تدري كيف"
د/أحمد:ايش بك واقفه ليه مارُحتي؟
داليا:ها اللحين بروح ,بس .. دكتور ممكن سؤال
د/أحمد وهو يوقع ورقه: لأ
كتمت غيضها داليا وهي تناظر فيه وهو سافهها
د/احمد: ها ايش بك ليه ما رحتي ,انتي ماحتبطلي سرحان فيا؟؟
داليا وهي مقهوره: ههه سرحان فيك "وطلعت وهي ودها تعطيه كف"
د/أحمد:لحضه ياانتي
رجعت داليا: للمره المليون ..انا داليا,نعم
د/أحمد:فين رايحه قبل لاتاخدي الملفات توديها
داليا:امم نسيت
د/أحمد:اسمعي بكرا ماابغى تأخير ,وتجيبي القهوه وانتي جايه المكتب ونادي جولي من بدري تنضفوا اوكي؟؟
داليا وتناظره بحقد:...
د/احمد: ولاتنسي أي شي وأفضل تاكلي زبيب عشان تقوّي ذاكرتك
"كتمت غيضها داليا وطلعت وهي ثواني ..ودخلت مره ثانيه تقول له


- دكتور ممكن اعرف متى راح تجي مساعدتك؟
قال وهو خارج : وقت ماتجي تجي


"كانت شوي وتصيح بس انقذها جوالها وبالأصح اتصال فاتن عليها بهاللحظه : سلام
داليا:اهلين قلبو,كيفك
فاتن:تمام وانتي وينك وش اخبارك
داليا:اسكتي يافتون ياهو واحد وع وع وع
فاتن:هع هذا الدكتور؟
داليا:ايه جنني , تصدقين ..كأن امي داعيه علي
فاتن:اف اف لهالدرجه
داليا:واكثر ,اسكتي بس..اللي يشوف شكله مايقول ان اخلاقه كذا,والمشكله انه مع غيري بمنتهى الادب والاخلاق
فاتن:هع شكله كارهك ,ياقلبي المحبه من الله هععع
داليا:من زينه وع وع وع عليه
فاتن:هع طيب اسمعي ,انا مسافره بكره
داليا:اوما , وين
فاتن: بروح مع بدر تركيا
داليا: ياهووووو من قدوا؟
فاتن:ههه اجل "من قدوا"
داليا:وش اسوي عداني هالجداوي يلعن ابليسه على كلامه يدوخ يافتونه يدوخ
فاتن:ههه,ليه يعني وش فيه كلامه؟
داليا: يهبل "ايوا.ياانتي,ايش بك,فينوا" هههههههههههههههه
فاتن:هع ياحليلك يادالي
داليا وهي تفكر: تدرين وش ودي فتون..
فاتن:ايش؟؟
داليا:ودي اسمعك تضحكين من قلبك مثل اول
فاتن:...
داليا: قلبوا وين رحتي؟؟
فاتن:اه يادالي اتمنى اقدر
داليا:ان شاء الله السفره هذه تغير نفسيتك للأحسن
فاتن:نقول ان شاء الله
داليا:اف على هالدكتور لو انه ماطلع لي مثل الجني.. كان مداني زرتك وودعتك ياقلبو,بس الوقت متأخر
فاتن:ههه معذوره والله ,الله يعينك عليه
داليا:لو انك مسافره مكه كان قلت لك ادعي لي هههههههاي
فاتن:هع,طيب انا لازم اقفل بحضر شنطة بدر
داليا:اوكي عنوني وانا باخذ هالملفات اللي كان بيموت هالعكر لو اخذها معه ووداها للإستقبال
فاتن:ههه اوكي
دالي:باي


" ويوم تلتفت وراها تبي تروح تلاقي د/احمد اللي كان وراها ينتضر تخلص مكالمتها ويقدر ياخذ جكيته اللي نساه ,,وبس شافته انقلب بياض وجهها لحمار وهي تحاول تتذكر وش قالت لفتون عليه"


د/احمد وهو يلبس الجكت:انتي فعلا امك داعيه عليكِ "وطلع"
"اما داليا ماقدرت ترد او تبرر فكل اللي سوته .. فطست ضحك من الإحراج وعليه"



::::::::::::




الساعه 8 الصباح



فتحت خلود عيونها وقعدت بكسل على السرير ودخل عليها جارح ..



جارح: خير ان شاء الله فيه حرمه محترمه تنام للساعه 8 الصباح؟؟
خلود وهي متعكره من جرحها لها امس: انا صاحيه,وربي صاحيه
جارح:وش صاحيه وانتي على السرير قومي نضفي بيتك اطبخي اغسلي
خلود بتملل:اللحين انت ايش تبغى ياجارح,ليه مارحت دوامك
جارح:لاااا اطرديني من بيتي احسن
خلود: لاحول ولا قوه الابالله
جارح:مو عاجبك كلامي ياسيده خلود
خلود: ياجارح تراني مصدعه ولا لي نفس للمشاكل
جارح:اصلا انتي بحد ذاتك مشكله
خلود: ياجارح ايش تبغى مني ماتبغاني خلاص طلقني وخليني اروح عند اهلي
جارح:اطلقك!! والله لو تموتين ماطلقتك
خلود: اجل ايش تبغى!!
جارح:ابيك مثل الحريم اللي يقومون ببيتهم وازواجهم
خلود وبدون شعور : ليه انت قايم بدورك كزوج؟؟
جارح:وش تقصدين ها؟
خلود بخوف واستدراك : اا مااقصد حاجه
جارح:لا تقصدين انا مني رجال ها ,هذا العشم بدل ماتقولين زوجي ضهره يوجعه الله يعينه ويقومه بالسلامه ,قاعده حضرتك تطلبين بحقك
خلود: وربي مااقصد,هي كلمه وطلعت
جارح:لاتقصدين اصلا انتي قليلة حيى ولاتربيتي
قامت خلود وهي مصدعه وتكت على التسريحه:الله يسامحك
جارح:ان شاء الله يسامحني انا ماقلت شي غلط ,انتي قليلة حيى ويبي لك تربيه
رمت خلود من القهر اغراضها على الارض:لو سمحت احترمني شويا
جارح:وشلون تبيني احترم انسانه مهي محترمه ها؟؟
خلود:جارح خلاص دامك ماتبغاني ,خليني اروح لأهلي
جارح:اذلفي اصلا اللحين بأطلع احجز لك
خلود:...
جارح:سمعتي؟؟
خلود بإنكسار: زي ماتحب
"وبعد ماخلق مشكله طلع كعادته مخلي قلبها الكسير"


::::::::::::::::::::




الماطار
وبعد ماشحن بدر شنطهم جا لفاتن وهو مبسوط..


بدر: ياسلام اللحين يافتونتي اخذك وامشيك وتشوفين الدلــ
فاتن:بدر
ومكمل بدر:وبوريك القصر اللي صوْرت به تميس ,واخذك البحر ..
وش رائيك تبينا نخيم ولا لأ
فاتن وتعلي صوتها:بدر..اوقف
بدر:ليه وش فيه هناك الكراسي بنقعد ننتضر
فاتن:لا انا ماراح اقدر امشي انقطع شبشبي
بدر:هههههه لاحول ولا قوه الا بالله اللحين وقتك يافتون
فاتن:وش اسوي
بدر:ابد لاتسويين شي غيري هالمشيه والبسي مثل البنات ذيك اللي لها وش اسمه كعب..
فاتن:اقول لا تتفلسف علي ها
بدر:طيب يله نروح نشوف ممكن يبيعون بمكان
فاتن:لا ما بقدر امشي رح انت وانا بأنتظرك هنا
بدر:خلاص اوقفي .. هنا ولاتتحركين



"ويوم راح بدر شافه اللي له قلب ينبض بإسمها..
وبداخله شوق يملى كبر قلبها..
شافه محمد اللي كان ينتضر سلمان,وكان يتأمل فاتن من بعيد,اخذته رجله لعندها من غير مايحس او يبي..
وقرب لفاتن و قال : فتون
انصدمت فاتن من شوفته ولا قدرت ترد,لكنها صدت عنه وتمنت يروح عنها
محمد وهو يقرب لها اكثر:حبي والله اشتقت لك
رجعت فاتن على ورى وهي مشتاقه له اكثر,ولكن وش تقول وقلبه ملاه الشك او اكثر
محمد:ليه ماتردين على اتصالاتي,ليه يافتون
فاتن وبصوت يرتجف:محمد عيب عليك اللي انت قاعد تسويه
محمد:اه يااني مشتاق لصوتك ,فتون وش رائيك نروح
"فاتن مابين الخوف وبين الشوق وبين الجرح,ساكته وتسمع جنونه"
كمل محمد: فتون خلينا نبعد عن الناس ونروح من هنا, نروح من الرياض كلها ها .. نروح؟؟وش قلتي؟؟
فاتن وهي تتذكر بدر:محمد انت وش فيك صاحي!!! الله يخليك رح من هنا لايجي بدر ويشوفك
محمد:مايهم يشوفنا, او لأ انتي زوجتي خليه يشوفنا وخلينا نروح من هنا ..تعالي فتون معي
"وسحب يدها ويبيها تمشي معه ماكان بعقله ولاكان يهمه احد ولا كان قاعد يفكر اصلاً..
الناس تجمعت بعد ماسمعوا فاتن وهي تصرخ عليه,, وبدر يوم شاف الناس مجتمعه جا مسرع يشوف اللي صار, ويوم شاف محمد هجم عليه وبدا الضرب من الطرفين..
محمد كان شايفه السبب بطلاقه وبدر يشوف انه سبب لحزن فاتن وانكسارها,, كل واحد حب يطلع غله وياخذ حقه من الثاني ,وكل واحد يبي يأذي الثاني اكثر..
اللين جو حراس الامن وفكوا بينهم واخذوهم للإدراه..
وبعد ماعرفوا الموضوع اعتذروا لبدر وخلوه يلحق طيارتهم.


اما فاتن قعدت بالارض تبكي بإنهيار وجسمها كله يرجف,خافت على بدر وخافت على محمد اكثر,جا لها بدر يحاول يوقفها ماقدرت توقف ساعدها تتكا عليه وركبوا طيارتهم,وهو مو داري وش يقول لها ,كان وده يصرخ عليها وبنفس الوقت رأف بشكلها ..
ماكان يدري هي متفقه معه او انها صدفه جمعتهم,قرر انه يثق بأخته مثل العاده, ويسكت وينسى الموضوع ..


:::::::::::::::::::




اما بالمعهد
دقت اصاله على ام سلمان



اصاله:ها جهزتي غرفة ولدك؟؟
ام سلمان:ايه اكيد وبخرتها ,هذا الغالي
اصاله:ههه الله يخليه لك يارب
ام سلمان:الللهم امين
اصاله:عموما انا كنت بكلمك على البنت اللي شفناها
ام سلمان:وش فيها والله انها قمر
اصاله:ماعليك بالشكل ياام سلمان,هذه البنت تدرين من هي؟؟
ام سلمان : لا والله انا مااعرفها ياوخيتي
اصاله: هذه البنت صديقة فاتن,ومو أي صديقه لأ غاليه عندها بالحيل
ام سلمان:سبحان الله,جد الدنيا صغيره وانا اختس
اصاله تفكر :...
ام سلمان: وش فيس؟؟
اصاله:هو قال لي انه كان يكلمها,يعني معقوله ماتدري انه زوج صديقتها؟؟!!
ام سلمان:اعوذ بالله من تفكيرس يا ام محمد ,اكيد ماتدري وبعدين تعالي هنا وشلون ولدس يكلمها؟؟
اصاله:والله ماادري عنه
ام سلمان: اجل هالبنت سمعتها زينه؟؟ مالقى غيرها من بنات خلق الله اللي سمعتهم مثل الذهب
اصاله:وش تبيني اسوي فيه ياام سلمان ؟؟ يعني انتي ماشفتي حالته اللي ماتسر
ام سلمان:اي والله انه فارط
اصاله:ماادري انا احترت وش رائيك اقول لمحمد وله مااقوله,وله وش السواة
ام سلمان:والله إن حالة ولدس حاله , بس شوفي البنت شايفتس امس وتبتسم وعادي عندها,ليه تخربين عليهم !!! ودامه هو راضي بها ويعرفها خليهم يتزوجون وبس
اصاله:يعني مااقوله
ام سلمان:وش تفرق وانا اختس,كله واحد
اصاله:الله المستعان
ام سلمان: هالأيام هذه كل شي تغير ومابقى شي على حاله
اصاله:على قولك


::::::::::::




مكالمه من خلود لأخوها



خلود وهي تصيح بإنكسار: خميس بكره ابغاك تستنناني في الماطار
خميس:نعم!! انتي حتجي جده!!
خلود:ايوا جارح مايبغاني
خميس:وليه ان شاء الله ايش سويتي من داهيه؟؟
خلود:حرام عليك وربي ماسويت ولاحاجه ,هوا اللي دائما يعاملني بشده ويتصرف معايا كأني خدامتوا
خميس:طيب وايش فيها يعني كل حرمه بتخدم زوجها ايش الجديد
خلود:ياخميس اقول لك مايبغاني قلي حوديك عند اهلك
خميس:اعتذري منوا وانتهينا
خلود:اعتذر على ايش ,وربي هوا مايبغى حتى يسمعني
خميس:يعني الرجال حيتبلى عليكِ ,انا دحين حدق عليه واشوف ايش الموضوع
خلود:طيب استناك ترد علي
خميس:يله سلام
ودق على جارح اللي مارد الا بعد مادق مره ثانيه..



جارح:هلا خميس
خميس: السلام عليكم, كيف الحال ان شاء الله تمام
جارح:لا والله مع اختك الله يصلحها مافيه راحه
خميس:ليه عسى ماشر إيش اللي صار؟
جارح:يااخي اختك لاتهتم بنفسها , ولا تنضف البيت,وكل هذا مايسوى شي جنب اللي سوته اليوم
خميس : وايش سوت كمانا ,بقى حاجه؟!!
جارح: ياحبيبي اليوم الصباح وصلت فيها انها كانت ترمي علي الاشياء اللي على تسريحتها
خميس:معقوله كل دا تسويه خلود
جارح:وش اقولك بس الله يصلحها انا صراحه تعبت معها,يااخي شف لك حل مع اختك
خميس:لاحول ولاقوه الا بالله,عموما انا حكلمها ومايصير ان شاء الله الا كل خير
جارح:يصير خير
خميس:اهم شي انت لاتزعل وكبر مُخك ترى كل الحريم عقولهم صغيره
جارح:والله صدقت بهذه
خميس:اجل انا اكلمها دحين واوريك فيها
جارح:يصير خير
خميس:يله مع السلامه
جارح:في امان الله


::::::::::::::::::::



المستشفى




جات داليا بكل نشاطها وحيويتها الساعه اربع الا عشر للمستشفى
وبخطوات سريعه تحضر القهوه بعد ماارسلت جولي تنضف المكتب وتحاول تسرع اكثر للمكتب الا ويقابلها د/أحمد وماتمالكت سرعتها وينكب جزء من القهوه عليه ..



داليا بإبتسامه وفشله:مساء الخير
د/احمد: مبين انوا مساء الخير
داليا وهي مستانسه بداخلها:اسفه ماكنت اقصد,هنا جولي صح ياجولي ,ترى جولي شاطره حتى بهالمواقف
جولي:هههه,عطيني معطف انا غسل بسرررررعه وبعدين جيب
د/احمد:لاحول ولاقوه الابالله" وقعد على مكتبه وشاف اول ملف وقال,تفضلي ست دينا نادي لي سميره محمد
داليا:اوكي,بس انا اسمي داليا (ناظرها نظرة"وش تفرق" فطلعت داليا ونادت على سميره ودخلت هي واياها عنده)


اول ماقعدت سميره فكت نقابها وقالت: اوه يادكتور
د/احمد:تفضلي من ايش تشكي
سميره اللي تتكلم بسرعه:يوه انا مااني قادره اتنفس ولا اشم حتى يوم اكل شي مااحس بطعمه ,تصدق يادكتور انــ
د/احمد وهو يقعد مقابلها عشان يكشف عليها:اها طيب يادينا قربي لي النور
داليا وتفوّتها:اوكي
وتكمل سميره:صراحه يادكتور انا تعبت من هالحال حتى من يأسي بعض الاحيان اجيب البصل اشمه اقول ممكن يفكــ..
د/احمد:طيب ممكن هدوء عشان اقدر اكشف عليك
وتكمل سميره بلامبالاه:طيب بس اول اشرح لك , انا رحت لدكتور قبل شهرين عطاني ...
"وجلست تقرقر وداليا ماقدرت تشوف وجه احمد وهو متضايق والحرمه تكمل الشرح فضحكت وصوتها على
د/احمد بصوت عالي سكتت بعده سميره:ديــــــــــــــنـــا قلت هدوء
"وبعد ماكشف عليها: اتطمني هي حساسيه مع الأدويه اللي بتاخذيها راح تكوني افضل
سميره:اما كل ذا وبس حساسيه
د/احمد بتجاهل:وهذه الوصفه تقدري تروحي دحين تاخذيها من الصيدليه ومراجعتك بعد اربع ايام
سميره بغير اقتناع: والله ماادري عنك, نشــــــوف
داليا بإبتسامه:ها انادي اللي بعدها






::::::::::::::::::




وطبعا بهالوقت دق خميس على خلود..


خميس بعصبيه :انتي ايش اللي مسويتوا في الرجال ها!!
خلود:وربي ماسويت حاجه
خميس:كيف يقول لي انك ماتهتمي بنفسك ولا تنضفي ها !! ايش هوا ليه متزوجك عشان يجيب لك خدم وحشم؟؟
خلود:صدقني يكدب عليك وربي من اول ماافتح عيني اللين انام وانا انضف زي المجنونه مع انوا الدنيا نضيفه
خميس:انتي تستهبلي عليَّ وله على نفسك ,وبعدين كيف اليوم ترمي الاشياء عليه ها؟؟ ايش بك انجنيتي!!
خلود:انا!!!
خميس:لأ انا
خلود:وربي مارميتها عليه رميتها على الارض
خميس:انا ابغى افهم انتي ناويه تتطلّقي وتجلسي بحلقي وله ايه؟؟
خلود:...
خميس:شوفي حركاتك دي إن مابطلتيها لأجي الرياض بس عشان اادبك واوريك كيف تحترمي زوجك وتقدريه فاهمه
زادت خلود ببكاها
خميس:هوا دا اجلسي صيحي ومثلي البراءه,وربي ياخلود ان ماصرتي حرمه واحترمتي نفسك لأغلط عليكِ سامعه
خلود بإنكسار:طيب
خميس:واللي يقول لك عليه سويه واهتمي فيه وبنفسك سامعه وله لأ؟
خلود:طيب
خميس:خليني اشوفوا يشتكي منك وربي ياويلك
خلود: طيب
خميس: هيا انقلعي "وقفل بوجهها الخط"
خلود:....


قفلت السماعه وزادت دموعها صرخات.


::::::::::::::::




المستشفى



وبعد ماانتهى دوام داليا دقت على فوزيه


داليا:فوووز كيف الحال
فوزيه:بخير عساك بخير
داليا: الحمد لله قلبي, بغيت اسئلك
فوزيه:هلا
داليا:مو قبل فتره تسئلين على طبيب انف واذن وحنجره
فوزيه:الا
داليا:انا عندي لك دكتور عجـــــــيب
فوزيه:لا ماابي دكتور ابي دكتوره
داليا:حبيبتي فوز هذا ممتاز
فوزيه:اكيد؟؟
داليا:ايه اكيد افا عليك
فوزيه:خلاص اجل انا كنت بجي ادخل للبشره تعرفين ملكتي قربت وابي اهتم بها
داليا:خلاص انتي بس تعالي وانا بدوْر بك المستشفى كلها
فوزيه:هه خلاص يصير خير
داليا: اجل انتظرك لاتتأخرين
فوزيه:لا لا خلاص بإذن الله اربعه اكون بالمستشفى
داليا:طيب حلو عشان تدخلين اول وحده
فوزيه:اوخص بتتوصين فيني
داليا: ههه ايه اكيد كم فوز عندي
فوزيه : اوكي
داليا:يله حبيبتي باي
فوزيه:باي
:::::::::::::::::::::










- كيف ممكن يكون ضمير سمر؟؟وهل ممكن يتم كل شي مثل ماخططت؟؟
- كيف راح تكون سفرة فاتن وبدر؟
- ممكن فيه قلوب تدق بالبارت الجاي؟؟
- وبالبارت الجاي راح نبدا نغير جو ونعرف معلومات عن تركيا..


كونوا بالقرب
دمتم كما تحبون
فتومه

[موكاتشينو]

بارت 21


تركيا



من اول ماوصلوا وبدر بحالة روقان وفرح مو طبيعيه, لأن الجو كان خيال والفندق اللي سكنوه كان مطل على منضر طبيعه وجزء من البحر يعني...
مكان ينسيك الهموم كلها.

بدر:فتونه يله خلينا نروح نتغدى برا
فاتن بهدوء:لا بدر.. رح انت وجيب لنا شي ناكله انا ماودي اطلع اليوم
بدر:اما عاد اقول, خلك من النكد وانا اخوك والله مايليق عليك الا الرجه
فاتن:ماعليه بدر بس اليوم ارتاح ,ومن بكره انا اللي بزعجك على الطلعه
بدر:...
فاتن:بليز
بدر: طيب نمشيها لك يافتون ,مثل ماتبين...
وخلاص اجل, انا مره وحده بزور نايف واعطيه الاوراق الخاصه بالشغل اللي طلبها مني
فاتن: اوكي..بس لا تتأخر؟
بدر:لا طبعا , ماراح اتأخر
فاتن:اوكي
بدر ويبيها تبتسم قال : مع اني ادري يا ابو الشباب انه لو تأخرت بتقدر تدبر امورك هههههههه وله؟؟
"ابتسمت له فاتن من غير نفس وطلع من الجناح ..
و ما كودت ان بدر خلاها لحالها طلّعت جوالها ودقت على اصاله بسرعه وهي متخوفه على محمد .. تبي على الاقل تتطمن عليه خاصةً ان الرجال ساعدوا بدر على الضرب فيه وشافت بعينها قد ايش تأذى,,دقت ودقت ولا ردت عليها اصاله فخافت اكثر ..وبدت تكلم نفسها بصوت عالي..


"معقول جرا له شي..لا ان شاء الله هي شوية كدمات ...
ايه اكيد مافيه شي مثل الحصان مافيه حتى جرح واحد ,, انا اللي فيني كل الجروح ..اه اصلا ليه اسئل عليه ؟؟ مفروض اني مادقيت..ليتني مادقيت
واحد مثل محمد مفروض مااسئل عليه..
قاسي
وخاين
وناكر العشره وفوق هذ كله طلقني بسهوله ,,
لا لا يافاتن مايستاهلك هالمحمد...
"وتذكرت صورته اللي محتفضه فيها راحت مسرعه وفتحت شنطتها ومحفظتها وطلعت الصوره وهي ناويه تحط حرتها فيها وتقطعها ..
مسكت الصوره بيدها واستنشقت شوية هوا وقطعتها من النص,,ولكن وجعها قلبها ولاقدرت تقطعها اكثر .. بلعت غصتها ورجّعت الصوره مكانها ونوت انها لارجعت بتلزقها وتحتفظ فيها,,
بهاللحظه سمعت صوت العصافير بالبلكون..راحت لمصدر الصوت وشافت الطبيعه واستنشقت من الهوا البارد وتنشطت من الهدوء حولها ابتسمت وعزمت انها لازم تكمل حياتها بعيد عن الذكريات بعيد عن الحب بعيد عن محمد ...

::::::::::::


الرياض


روج احمر وشعر سايح وعيون وساع بضلال برونزيه ..
فستان ابيض وعقد لولو يعني اميره او احلى بشويه..


هذه هي خلود بقلبها الأبيض بإنتضار جارح..
دخل جارح ويوم شافها قام يضحك لين جلس وحط رجل على رجل وقال:
يعني لازم يكلمك اخوك عشان تتزينين وتصيرين مره
خلود:...
جارح:كان من اول طيب
خلود:وايش الفايده ياجارح ؟؟
جارح: وش اللي وش الفايده؟!!
خلود: ايش الفايده اني اهتم بنفسي ,وانت اخر من يهموا دا الشي,انت حتى ماتجلس معايا ساعه وحده باليوم
جارح: ليه شايفتني فاضي!!!
انا انسان مشغول ,وله الفلوس اللي غارقه بها هذه من وين تجي ها؟
خلود:الفلوس مو كل شي,انا راضيه انك ماتعطيني حاجه,بس عطيني من وقتك شويا,,ساعتين تلاته وربي مو اكتر
جارح:ههه سبحان الله انتم يالحريم مافي اغرب منكم ,تبيني اخلي شغلي واقعد معك هنا بالبيت !! والله حاله
خلود:طيب على الاقل خلينا نروح مطعم او أي مكان بالرياض انا للحين مااعرف شوارعها
جارح:قلت لك مو فاضي,اذا تبين تتمشين دقي على اختي تجيك هي وسواقها
خلود:انا ماابغى اطلع مع اختك ابغى معاك
جارح:وانا مااني فاضي لك
خلود:طيب على الاقل خليني ازور بيت عمي
جارح:شوفي لو مافيه بنتهم روحي لكن ان فيه هالفاتن,لاتروحين ولاتجين
خلود:ابغى افهم ليه ماخد موقف منها؟؟!!
جارح:لأنها تعبي راسك بكلام تافه ولا له لزمه
خلود:انت مره غلطان فاتن غير كدا بالمره
جارح:المهم واضح كلامي ,اعصيه وشوفي وش يصير لك
خلود:طيب حاضر زي ماانت تبغى.
جارح:ارفعي صوت التلفزيون,اه ياظهري
خلود بخوف:يوجعك؟
جارح: يوجعني حتى افكر اسافر المانيا اشوف وش سالفته
خلود: المانيا !!
جارح:قومي جيبي لي قهوه راسي مصدع
خلود بإتسامتها :حاضر

:::::::::::::


المستشفى


اصاله:ها ياولدي وشلونك اللحين
محمد:لاتخافين يمه مافيني الا العافيه
اصاله:حسبي الله عليهم شباب هاليومين, زين انها جت على كذا,بس ياولدي مره ثانيه خلهم يسرقون السياره عادي ولاانهم يضرونك بهالشكل
محمد:خلاص يمه هم سرقوا اهم شي وما تفرق ان اخذو أي شي ثاني
اصاله:وشي!!! مو انت تقول انك مسكتهم قبل لايسرقون الكفر
محمد:ها ..ااايه يمه الله يصلحهم هالشباب
اصاله:يله لاتشيل هم انا دقيت على ام سلمان تسوي لك الحلبه ويوم نرجع البيت تشربها.,وماتشوف بعدها الا العافيه
محمد:يمه الله يجزاك الجنه وش حلبته
اصاله:انت وش دراك انا اللي اعرف,وبعدين انت لازم تقوم وتهتم بصحتك اجل وشلون بتروح تخطب من الرجال وانت تعرج!!
محمد:هههه ..اه
اصاله:سلامتك ياقلبي من الاه

::::::::::::::::



و بالمستشفى اللي تشتغل بها داليا



د/احمد جا قبل موعده بكثير وكان يقرا بكتاب ومندمج يوم دخلت داليا وبصوتها الرقيق تقول:مساء الخير
مارد فقربت داليا وبصوت اعلى: مساء الخير
د/احمد ناضرها وقال بإستياء:ياانتي سوري اا دينا وانا اقرا كتاب لاتزعجيني ابدا مفهوم
داليا وبفشله:اه اوكي,بس انا اسمي داليا
ناضرها من تحت نضارته الدقيقه وقال:ماتفرق
تفشلت بعد هالمره وقالت داليا:اوكي انا اعتذر
د/احمد:فين قهوتي؟
داليا:راح تجيبها جولي,تفضل هذه ملفات المرضى اللي جايين لك
د/احمد:اوكي نادي لي على اول ملف... فوزيه
داليا وبإبتسامتها :اوكي بنادي فوزيه.

"طبعا طارت داليا تنادي فوزيه لكن وهم رايحات للمكتب قالت
داليا :حبيبتي فوز
فوزيه:هلا
داليا:تصدقين احسن شي سوته لي فاتن,بانها عرفتني عليك
فوزيه:هههه يوه كأن فيه تضبيط امور
داليا:لا ااا بصراحه تعرفين الصديق وقت الضيق
فوزيه:ههه اقول وش عندك قولي
داليا:يعني اممم اطلبك طلبه؟
فوزيه:جربيني
داليا:اممم بصراحه الدكتور ذا عصبي علي ,لكن مع مرضاه غير
فوزيه:اها وش عندها دالي ؟!!! طاحت وله ايش؟؟
داليا:أي طحت ياقلبي!!
فوزيه:ها اجل فهميني
داليا:بعدين افهمك
فوزيه:لا والله اللحين تفهميني؟وش بينك وبينه وليه تهتمين فيه؟وليه تبيني اسئله؟
داليا: ول ول ول كل ذا تبيني اجاوبك عليه!!
فوزيه اللي وقفت: ولا راح اتحرك من هنا لين تقولين لي على كل شي
داليا:ههههههههههههههه فوز حياتي
فوزيه:يالبيه
داليا: قلت لك بقول لك لكن اللحين انا محتاجه مساعدتك
فوزيه: وش يظمني انك بتقولين لي بعدين ؟؟
داليا: هههه ليه انا العب عليك يعني؟؟
فوزيه: طيب امري لله وش تبين تعرفين؟؟
داليا: بس ابيك تسئلينه عن الدبله اللي لابسها ,لأن اللي قالوا لي عليه ان زوجته توفت
فوزيه:ههه اجل ماتحبينه ها علي انا هالحركات
داليا:يوه فوز وبعدين معك ,ترى بتزعليني منك
فوزيه: صادقه فتون يوم قالت خكريه,طيب اسمعي
داليا: ياقلبي انتي اللي اسمعي ,لو تأخرنا اكثر من كذا راح يقول لنا هالدكتور المجنون تأخرتوا وبيخليني انادي اللي بعدك
فوزيه: لا لا اجل يله دخلنا
داليا: اوكي عمري بس..شي ثاني قبل لاندخل
فوزيه: يالبيه
داليا وهي تبتسم:تراه يحب ان مرضاه يشرحون له كثير ويتكلمون كثير يعني اسئلي قد ماتبغي واستفسري على رااااحتك,وخلك على طبيعتك الحلوه
فوزيه:اها الله يبشرك بالخير يله اجل بسم الله
داليا:ههه يله



:::::::::::::::::::::


جده



وليد وهو يدخل على خميس: سلام
خميس:اهلا
وليد وهو طاير من الفرحه :ابشرك
خميس:خير ان شاء الله
وليد:قدرت اخذ موعد مع الرجال
عدل خميس جلسته: جد
وليد:ايوا افا عليك احنا بنلعب
خميس:طيب الحمد لله ,على الاقل اعرف عن نيتوا
وليد:ماتدري قد ايش احتجت لواسطات,المهم لازم تكون بالموعد عندوا ولاتتأخر ولادقيقه
خميس:طيب كويس,بس انت ماعرفت عنوا حاجه
وليد:لا طبعا
خميس:الله يستر
وليد:ان شاء الله خير لاتشيل هم
خميس:ان شاء الله وربي انا محتاج احط النقط على الحروف معاه
وليد: ربك يعين ,يله انا حبيت ابشرك .. بس لازم اروح عندي جوله
خميس: الله يجزاك خير ياوليد ,صراحه من غير وقفتك معايا ماكنت عارف ايش كنت حسوي
وليد: لاتقول كدا احنا اخوان

::::::::::::::::::::



نرجع لفوز
يوم دخلت مكتب د/احمد



د/احمد وهو يرتب الاوراق :ها اخت فوزيه من إيش تشتكي؟
فوزيه:انا يادكتور اعلى انفي يوجعني مــره
د/احمد: ومن متى؟
فوزيه:هذا الاسبوع الثاني
د/احمد وهو يقعد بكرسي الفحص :اها ,قربي لي النور يادينا
فوزيه:ههه لا مو دينا هذه داليا هههههههههههههه ماتعرف اسمها ههههه
د/احمد ناضرها بإستغراب:...
فوزيه: اقول لك .. داليا
د/احمد:ليه تعرفيها
"داليا تهز من وراه راسها بلا"
فوزيه:ايه .. لاااا لا انا لأني جيت هالمستشفى قبل كذا وقابلتها كم مره
د/احمد:اها,طيب خليني اكشف عليك ِ ممكن
فوزيه:ايه بس قلي اول لك كم بهالمجال؟؟
استغرب د/احمد: نعم
فوزيه:ايه انا قبل كذا رحت عند دكتور والله لايوريك عن حالتي بعدها "وناضرت لداليا وكملت"
كان بس وجع بسيط ومااخذت الادويه اللي كتبها لي, الا والالم يزيد واروح لك لإستشاري بمستشفى... وصراحه خطير بس اللحين مسافر
د/احمد بلا اكتراث:طيب ممكن دحين تخليني اكشف
فوزيه:ايه طبعا "ومامداه يمد يده الا قالت :ماشاء الله متزوج "وهي تناضر لدبلته"
د/احمد بملل: يااختي خليني اكشف دحين ترى عندي 4 ملفات يعني 4 حالات تنتضرني
داليا بشماته :لايادكتور 3 حالات بس
فوزيه تبتسم لها وتقول:يادكتور قولك متى بيروح الوجع ترى عندي مِلكه بعد فتره
د/احمد:ازا خلتيني اكشف دحين ممكن بعدها اقولك
فوزيه بإستغراب:اها طيب اكشف يادكتور وش اللي مانعك!!!! ,بس ماقلت لي انت متزوج؟؟
د/احمد وعشان يخلص منها رد:ايوا
فوزيه: اها مشاء الله عايشين هنا بالرياض
د/احمد والملل بان بوجهه : دحين جايه لأنك تعبانه ,او لأنك تبغي تتعرفي على سجلي؟؟؟
فوزيه:يوه يادكتور وسع صدرك وانا اختك ترى مافيه شي يستاهل
د/احمد: طيب ممكن اكشف دحين؟
فوزيه بتريقه:دحين؟؟
د/احمد:....

سكتت بعدها فوزيه مع ان ودها تضحك على شكله, وخلته يكشف وهو متوتر وطفشان .
اما داليا استانست بداخلها ان فوزيه خلته على اعصابه مثل مايسوي فيها وبنفس الوقت .. شكت انه قال متزوج عشان بس يسكت فوز.


::::::::::::::::::


صباح غير
صباح الدموع
صباح تركيا



قام بدر وهو يحس بنشاط كبير وحماس..ودخل على غرفة فاتن ولا لقاها وراح على البلكونه وشافها ماسكه كوب الكفي بوجهها الذبلان وبعيونها الحمرا من السهر وبحزنها اللي يطغى على كل شي فيها...

بدر:فتونه
فاتن بكسل:هلا
بدر:يله قومي اجهزي ترى الرجال ينتظرنا عشان يمشينا
فاتن: اللحين؟؟
بدر:ايه اللحين فتونه يله
فاتن:....
بدر: وش فيك شكلك مانمتي؟؟
فاتن : ها ااامم .. ماجاني نوم تعرف الجو حلو والقعده هنا ماتنمل.
جلس بدر بالكرسي اللي جنبها وقال بهدوء: انتي للآن متعلقه فيه؟
فاتن:ها ااا وش هو؟؟
بدر:فتون لاتستهبلين تكلمي معي مثل مااتكلم معك,فهميني وش وضعك؟؟
فاتن:...
بدر: يافاتن لاتحسسيني اني المذنب, تكلمي معي ليه كل هالحزن ؟؟
فاتن بتعب: وش تبيني اقول؟
بدر:انتي للآن تبينه؟؟
فاتن:....
بدر:بعد كل اللي سواه,بعد كل اللي عانيتيه منه؟؟
فاتن:...
بدر:فاتن تدرين عاد .. زين اني تصرفت بسرعه وله كان اتوقع انك بترجعين له..
فاتن:.....
بدر:صحيح اني ماكنت طايقه ولاحبيت طريقة ارتباطه فيك والسرعه اللي صار بها كل شي,مع ذلك احترمته لانه زوجك ..وصدقيني...
انا مو ندمان الآن على أي شي سويته لك
فاتن: خلاص يابدر
بدر بحزم :لا مو خلاص,انتي لازم تسمعيني للنهايه ,انتي فتونتي ,اختي حبيبتي عرضي وشرفي,لازم تعرفين اني سويت الشي اللي مفروض أي اخ يسويه لأخته..
دمعت فاتن وحاولت تتمالك رجفتها قدام بدر:....
مسك بدر يدها وناظرها بحنان: لو انه كان صاينك ,ومحافظ عليك.. كان حطيته فوق راسي مو بس احترمته,لكن يافاتن خلي العواطف عنك وفكري بعقل ,محمد ماخانك خيانه تُغتفرلأ,خانك بالزنى ..وانا مستحيل اخلي اختي مع انسان منحط لهالدرجه
فاتن ودموعها على خدها: كفايه
بدر:لا مو كفايه انتي لازم يافاتن ترجعين اقوى من اول ,مو معنى طلاقك انك انكسرتي,لأ ...
معنى طلاقك انك كسبتي كرامتك كسبتي دينك ,كسبتي صحتك وعافيتك
فاتن:.....
بدر:فاتن ,فتـــــــونتي,فتون وانا اخوك مافيه شي بالدنيا يسوى دموعك يا الغاليه
زادت فاتن من بكاها وقام بدر وضمها له بقوه وقال لها بإذنها : انا مستعد اخسر حياتي , مقابل اني اعطيك حياة كريمه مع انسان يستاهلك
"ظمته اكثر فاتن ولأول مره بعد طلاقها تحس براحه,تحس بطمأنينه,تحس انها تشوف ضوء,وتحس بدم يجري بعروقها
بكت وبكت وبكت, ودمعت عينه من حالها ,حب راسها ورجع ظمها اكثر وهو يحس بغصتها بقلبه.

:::::::::::::::::



اما محمد بعد ماطلع من المستشفى
اول شي سواه..دق على....


سمر: اهلين
محمد:كيف الحلو؟؟
سمر:تمام , ياقلبي ..طمني عنك وينك؟
محمد:ههه اشتقتي لي
سمر:اكيد..وخفت عليك بعد مو من عادتك تقطعني.
محمد:اه ياسوسو تعرضت لحادث بسيط , لكن حصل خير
سمر:بسم الله عليك ياقلبي سلامتك
محمد:الله يسلمك
سمر بخوف :عسى ماصار فيك شي؟؟
محمد:لا الحمد لله بسيطه,حتى اني دقيت ابي اعرف متى نجي انا وخالي
اشوفك,وبعد نتفق مره وحده
سمر:ههه ياعمري..وليه مستعجل
محمد:اكيد بستعجل احد يسمع هالصوت ,وبيشوف الزين كله ومايستعجل؟؟
سمر وتجس النبض:ووش دراك اني حلوه؟؟ امك الغاليه وصفتني لك؟
محمد: الكل مدح وارتاح لكم,باللذات ام سلمان ماشاء الله عليها قالت هالبنت ملاك
سمر:هههه
محمد:ماقلتي لي متى نجيكم؟
سمر بدلع :تو الناس قلبي بدري
محمد: لا الله يخليك مليت من الوحده, ابي زوجه,اهــ ابي حب ..ابي حضن يدفيني ,وقلب يحبني ويخاف علي.
سمر:بسم الله على قلبك ياحبي من الآه
محمد: اجل يله متى اجي؟؟
سمر: وش رائيك بالاسبوع الجاي
محمد:وليه ياسوسو التغلي ,خليها هالاسبوع
سمر:اممم اول شي تقول لي وبكل صراحه
محمد: وش اقول لك, وانا حاظر
سمر بدلع:انت خلاص نسيت زوجتك؟
محمد:...
سمر:قلبي رد علي
محمد سكت لفتره ثم قال:انتي تعرفين قصتي مع فاتن
سمر:اها
محمد: قولك اقدر انساها بهالسهوله؟
عصبت سمر:اجل ليه تبي نسرع ارتباطنا وانت للان مانسيت طليقتك
محمد انتبه لجوابه :مو قصدي ياسوسو بس انا ابي اتزوج عشان انساها ولاعاد تهمني ,ابيك تِنسِينِي اياها,ادري انك تقدرين
سمر:حمود قلبي انا انسانه غيوره مره , ودامك بتصير الوحيد اللي بقلبي ابي انا بعد اكون الوحيده اللي بقلبك
محمد بغصه:ماراح يصير الا اللي يرضيك بس انتي حددي لي يوم
سمر:راح احدد لك اذا وعدتني انك ماراح تذكرها من بعد اليوم,وراح تقدّر غيرتي ياحبي
محمد:....
سمر:اوعدني قلبي
محمد:خلاص سوسو ,يصير خير
سمربدلع اكثر :لأ ماابي ابيك توعدني,مو انا سوسو حبيبتك
محمد:ان شاء الله
سوسو:اكيد
محمد: اكيد, لاراح اذكرها ولااجيب سيرتها بعد,حلو؟
ابتسمت سمر وقالت:اجل تستاهل العجله وراح اقول لأهلي انك بكره بتجي
محمد: جد
سمر:اي جد ,كم حمود عندي
محمد:اه اجل ادق على خالي واخليه يفضى لي بكره
سمر: هههه ..اوكي

:::::::::::::::::::


نرجع لتركيا


مسك بدر الجوال وكان بيدق على نايف يعتذر منه على التأخير ويأجل طلعتهم بسبب نفسية فاتن.. إلا ويسمع من وراه صوتها..

- بدر
بدر وهو يلتفت لها :هلا
فاتن: يله
بدر وابتسم: نطلع ؟؟
فاتن: اجل اقعد واخلي تمشيات تركيا؟
قرب بدر عند فاتن اللي باين عليها التعب ومسك خدها: هذه فتون اللي والله مشتاق لها من زمان

"لبست عباتها ونقابها لأنه بدر معها ,وهو من الشخصيات اللي مايحب التفريط بالحجاب حتى لو كان بعيد عن ارضه ..
وهم نازلين بالاصنصير"

بدر:فتون انا قلت لك انه شريكي هو اللي بيمشينا؟
فاتن:وليه يعني !! انا ماودي نرتبط باحد.
بدر:ولا انا ولكنه حلف انه يمشينا واحرجني,وانا لو ماكنت اعرف قد ايش هو شخص محترم ,ماكان سمحت له بهالشي.

"ويوم نزلوا قابلهم نايف اللي كان ينتظرهم بمقهى الفندق"
وقال :وينك يارجل؟؟ مواعيدك مهي مضبوطه
بدر:وانا اخوك دام معي حرمه فمعناها لاقلت لك بقابلك 6.. اعرف اني بقابلك بعدها بساعتين .
بدر: هههه,لا..وانا اخوك لاتقول كذا الله يصلحك "ومشى قدامهم"
فاتن وتحاول توطي صوتها :كأنه مو عاجبك؟
بدر:لا افا عليك عاجبني ونص يله مشينا
ركبوا سيارة نايف وساق بهم مساعده مصطفى..
ومن اول مامشوا .. انبهروا بكثرة الطبيعه والجو الخيال..
كانوا يتأملون الشوارع والناس والأجواء بسكوت ماقطعه غير نايف يوم قال: شفت ذا يابدر
بدر:ايه مسجد صح
نايف:صحيح هذا مسجد السلطان احمد وهو اضخم المساجد هنا
بدر:ووش ذا اللي جنبه؟
نايف:هذا متحف اياصوفيا
بدر:احلف
نايف:ههه وش احلف عليه؟؟
بدر:اوقف اوقف دامه متحف.
فاتن وبصوت واطي:يوه يابدر اللحين بتنزل المتحف؟
بدر:اصلا وش بالدنيا احلى من المتاحف
"فاتن بنفسها..يالله صباح خير"
نايف: يااخي مااذكر رحنا مدينه إلا وتزو بها ذا المتاحف
بدر:ماشفتني بمصر ,كل يومين اروح لمتحفهم يااخي متحف عظيم
نايف:اجل وراه ماشفناك مُدرس للتاريخ!!
بدر:لا انا الأعمال الحره تستهويني اكثر ..اما التاريخ احبه كثقافه ومعرفه مو مهنه
نايف:اجل بتستانس هنا بوريك متاحف واثار كثيره باستنبول
"فاتن بنفسها:عز الله تمشيت,الله يلعن ابليسهم هالتحفتين"
بدر:ههه والله ودي بس ادري ان بعض الناس مايحبون المتاحف ,واخاف تدعي علي ههه
نايف :...
بدر: تدري انا وش فكرت, اننا نقعد هنا لبعد بكره ثم نزور انطاليا وبودم
نايف:رحتها قبل؟
بدر:لا صراحه انا دائم اجي هنا باستنبول ولاقد زرتها سياحه بس شغل
نايف:اجل انا معك برائيك , لأن لو رحت انطاليا وبودم, بتلاقي الطبيعه والجو عجيب وافضل من هنا
"فاتن حست بملل من سواليفهم باللذات يوم نزلوا للمتحف لأنها عكس بدر بحبها لهالاماكن.
وانقذها من التذمر اتصال من ..
فايزه اللي كانت عند اريج"



فوزيه:اجل تركيا ها؟؟
فاتن:هههه اهلين فووز
اريج:وليه ماقلتي يعني خايفه نكبحش >> نحسدك
فاتن:ههه لا والله بس السفره جات مفاجئه
فوزيه:علينا هالحركات
اريج:قولي لي كيف الجو؟
فاتن بكسل : خيال يابنات ليتكم معي
فوزيه:شكل صديقتك هي اللي بتجي وراك شهر عسل
فاتن بإستغراب:صديقتي من؟؟ وشهر عسل بعد!!
فوزيه:ايه لاتسوين انك ماتدرين انها تحب وبتعرس
فاتن:عن من تتكلمين؟؟
فوزيه:عن دالي
اريج:اما دالي تحب ؟؟
فوزيه:ايه طبعا هي ماوضحت بس افا عليكم انا افهمها وهي طايره
فاتن وتبي تمشي معها على الخط :طيب ومن سعيد الحظ؟
اريج:من جد من؟؟
فوزيه:الدكتور اللي تشتغل عنده
فاتن:طيب وينها هي مااهي معكم
اريج:لا من بعد ماتغير وقت شغلها عصريه ماصرنا نشوفها
فوزيه:ايه ماقلتي لي سافرتي مع مين؟
فاتن:مع بدر
فوزيه: بس
اريج:يعني من بيكون معهم يالملقوفه
فوزيه:ابوها امها أي احد ,انتي مالك دخل
فاتن:هههه انا ماادري كيف تروحون وتجون مع ببعض وانتم اربع وعشرين ساعه هواش
اريج:خلك منها بس قولي لي ..وش راح تجيبين لنا هدايه؟؟
فوزيه:ايه صح اهم شي الهديه
فاتن:هديتكم اهم مني؟
فوزيه:ههه لا والله اننا مشتاقين لجمعتك معنا, الفترات الاخيره صرنا نجتمع بدونك كله من هالمحمد
"دقت اريج فوزيه عشان تفهم ولاتجيب سيرته لكن وش يفهم او يسكت فوزيه"
وكملت فوز :بس ماادري يافتون وش اللي خلاك تسمعين كلامه ولا تجتمعين معنا ,اه هذا الحب وياليته يستاهل
حست فاتن بضيق وحاولت ماتبين:خلاص يافوز كل واحد راح بطريق
اريج:ماعليك من هالقرقاره المهم تمشّي ووسعي صدرك ولا تخلين مكان الا وتروحيه ولاتنسين تصورين الطبيعه
فاتن:يصير خير
اريج:يله حبيتي مع السلامه
فاتن: سلام
"وبعد ماقفلوا"
فوزيه:ليه خلصتي المكالمه كنت بقولها وش صار على البنت اللي ضايعه
اريج:انتي يابنت ماتعرفين تمسكين لسانك شوي
فوزيه:ليه وش قلت؟؟
اريج:لا ياعمري ماقلتي شي,البنت توها متطلقه وتجيبين سيرة طليقها كأنه امر عادي
فوزيه:اي عادي وش فيها فاتن مو اول وحده تتزوج وتتطلق,وبعدين فاتن قويه
اريج:ابــــــــــــــاي منش
فوزيه:اقول بس قومي خلنا ننزل السوق بأشتري اشياء ناقصتني
اريج:اممم مدري بستأذن من امي وبشوف

"اما فاتن ماكودت تهرب من افكارها.. لحقها اسم محمد وجرحه بهالطلعه بعد ..
كانت تمشي معهم ولكن ماهي حاسه بأي شي حولها, ولا طعم لأي
شي ..كل اللي كانت تحسه الملل باللذات بعد ماردت على البنات "

::::::::::::::::::::



بالمستشفى
نهاية الدوام

ولأن المرضى اللي عند د/احمد انتهوا وباقي وقت على نهاية الدوام راحت داليا تسلم على الصبايا اللي ماشافتهم من زمان بقسم التمريض ..وبعد ماشبرت الاسياب تشبير دخلت لمكتب احمد عشان تقول له عن اللي تبيه..
دخلت بخفتها المعهوده وتعجبت يوم شافت ملامح احمد الحزينه وهو يناظر لشي بيدينه..
ناضرته داليا لفتره ثم قالت:سلام دكتور
د/احمد يوم شافها تلخبط وقفل بسرعه المحفضه وحطها بجيبه...
فقالت داليا بجرءتها:هههه اتوقع لو انها صورة زوجتك ماكان ارتبكت وخبيتها اهممم حتى انت عندك هالحركات يادكتور
ناضرها د/احمد بإستغراب وقال: ما شاء الله من سامح لك تشيلي الكلافه؟؟
انحرجت داليا وقالت: صراحه يادكتور انت شخصيه معقده وانا انسانه متفائله ومااحب النكد ,بليز ابتسم وخل الامور بيننا اخويه
د/احمد:ليه انتي جايه هنا تشتغلي وله تُدقيها صحبه واخويه!!!
لفت وجهها داليالأنه ماعجبها الكلام وجات تطلع بس تذكرت سالفتها
داليا: دكتور
د/احمد وهو يرتب الاوراق اللي قدامه:...
داليا: دكتور
د/احمد:اسمعك
داليا: ترى بكره انا مني جايه
د/احمد:وليه ان شاء الله؟؟
داليا: عندي ظروف وراح اقدم على اجازه
د/احمد:ومين اللي بكرا ان شاء الله حيساعدني هنا؟
قالت داليا وهي طالعه:خلهم يشوفون لك وحده صبرها مثل ايوب
إبتسم د/احمد بعد ماطلعت وحس انها ملّت من معاملته الجافيه.


:::::::::::::::::::


الرياض


ماصدقت دخلت خلود للبيت وتحط الاشياء اللي شرتها بالارض من ثقل الأكياس
جارح:بدري ؟كان انتضرتي للساعه 12
خلود انفجعت من صوت جارح:ااامم متى جيت
جارح:انا من بعد العصر وانا هنا؟؟
خلود:طيب ليه ماقلت لي انك بالبيت انا توقعت انك كعادتك بالشغل
جارح:اصلا انتي منتي حرمه ,لاتعرفين متى اجي ولامتى اروح ولا اذا محتاج شي او لأ
خلود:ياجارح انا مستأذنه منك امس, وقلت لك اني بروح مع اختك السوق
جارح:ايه,بس مفروض راجعه بدري
خلود:ياحبيبي دوبها الساعه عشره ,هي ساعتين قضيتها ورجعت
جارح:هذا اللي بقى ترجعين الساعه 12 وله 1 بالليل
عَرفت خلود انه يبي يسوي مشكله فما حبت ترد على أي شي يقوله
جارح:وين قهوتي ها؟ وله بس فاضيه للأسواق وقلة الحيى
خلود:دحين اجيبها
جارح:لا ماعاد ابي شي انا من بعد العصر انتضر حضرتك تجين تسوين لي اياها
"خلود ماطلعت من البيت الا بعد العصر مع ذلك سكتت"
جارح:ماتردين لأنك عارفه انك غلطانه ماتردين,هذا انتم يالحريم فالحات بس هات فلوس وجب وود
خلود:....
جارح:وين شماغي الجديد اللي شريته؟
خلود:في الدولاب
جارح:لا مو موجود,شكلك والله ماتدرين وين الله حاطك
خلود:ياجارح انا حطيتوا بنفسي اجيبوا لك؟
جارح:لأ ماعاد ابي شي منك
"وطلع وقفل الباب بقوه وراه, ثم دخل مره ثانيه"
جارح:اسمعي بكره في عزومه عند الــ... ابيك تحجزين لك بمشغل زين وتلبسين من هالجديد فاهمه
خلود:حاضر
جارح: واسمعي دقي على أختي واعرفي منها عن عاداتهم وتقاليدهم لاتفشيلنا معهم,تراهم ناس مهمين.
خلود:حاضر
جارح وهو طالع:حاضر وحاضر وبالنهايه ماتكونين فاهمه شي.

[موكاتشينو]

صباح جديد
وصباح تركياا



كان بدر كعادته مروق,ومصحصح ..فإستلم فاتن نكت وهي قايمه من النوم متنحه, وطول الطريق كان يقول النكته ويضحك عليها وفاتن تناضر فيه وتحك راسها مافيها من التركيز شي...
اللين وصلوا عند نايف اللي كان ينتضرهم , وهو يجري هالمكالمه


نايف: خلاص كلها كم يوم واعوضك حبيبي
- والله ان عندي شغل
- ان شاء الله بجيب لك هديه كبيـره
- يله بابا اكلمك بكره ,نام بدري ها
- مع السلامه

بدر: هذا الشبل ماشاء الله ؟؟
نايف: ايه هذا نواف
بدر:كم عمره اللحين ولدك؟
نايف: تقريبا اربع سنوات,يله خلنا نركب هالمركب
ماحبت فاتن انها تركب المركب لأنها اصلاً تحس انها دايخه وقالت لبدر بصوت واطي:ماينفع نروح للجزر بطريقه ثانيه
سمعها نايف وقال:من غير المركب مانقدر نوصل للجزر
بدر:يلف فتون بطلي تناحه على هالصبح هههههه يله
"ضربته فاتن بكتفه وركبت...ومشى المركب"

بدر:ماشاء الله تبارك الله
نايف: منظر عجيب ها؟
بدر:أي والله, اللحين هذه اشجار صنوبر اللي محاوطتنا؟
نايف:ايه ..عاد كل مادخلنا اكثر كل ماكانت اغزر
"كانت تتأمل فاتن جمال الخضره وتحاول تبعد أي ذكرى من راسها"
بدر:فتون ...فتون,,,
فاتن:وشي
بدر:وش فيك مسرحه اقول لك شوفي هاللي يسبحون
فاتن:اها "وبدت تحس انها بتطيح ومال جسمها..مسكها بدر وقال: الله يلعن ابليسك يالدايخه اقعدي منتي وجه وقفه والله.
فاتن وتجمع عربجتها الباقيه: هي انت تراك تهزئني من الصبح وانا ساكته ها
بدر:هههههههههههههه وش اسوي لك ,من اول ماقمتي وانتي متنحه,لاتطيحين علينا ثم ننشب بك
فاتن وتحسه احرجها قدام نايف اللي مايناظر تجاهها:طيب يابدر
بدر وهو يبي يستفزها:هههههههه تأملي بس الطبيعه تأمليها والله ان بكره تتحسفين على تفويتها بهالتناحه
فاتن:انت بتحترم نفسك وله شلون
بدر وعاجبه ان فاتن بدت تتجاوب معه: لأ
فاتن وقامت لزاويه المركب ولحقها بدر:سلامات!!
فاتن: بطيح عشان تتوهق فيني ,وتنغث
بدر:هههههههههه اقول اعقلي وانا اخوك, اسفين امشي بس اقعدي لاتطيحين من جد
فاتن: يعني انت اسف
بدر:هههه ايه اسف
فاتن وهي تروح تقعد:ناس ماتجي الا بالعين الحمرا
نايف وهو مبتسم على هبالهم :ها اللحين بكره رايح على بورصه يابدر؟
بدر:أي ان شاء الله
نايف:خلاص روحوا واستمتعوا بها وبخلي مصطفى يروح معكم ,وانا اقابلكم ان شاء الله لاخلصتوا ببودوم
بدر:والله ماودنا نكلف عليك يانايف
نايف:لاتقعد تقول لي كلام الأفلام ,انا ان ماكان عندي شغل كان رحت معكم والله
"فاتن بنفسها تقول الحمد لله ان عندك شغل اف مااني قادره اخذ راحتي"

::::::::::::::::::





الساعه 7 المساء
ببيت سمر

انتظر وانتظر وانتظر تدخل سمر عشان يشوفها محمد..
وبعد ماطال انتظاره ..
دخلت عليه سمر بحلاوتها وجرءتها وابتسامتها..
انتظر وانتظر وانتظر يحس بالشعور اللي حس به اول مره يوم شاف فيها فاتن ...
لكن خذله شعوره ورسم ابتسامة مجامله رد على ابتسامتها فيها
ابو فيصل: وهذه بنيتي جعل الله يكتب لكم الصالح يارب
محمد وهو يركز بملامحها: وشلونك ياسمر
سمر بصوتها اللي يحبه: انا تمام الحمد لله
محمد: انتي اللحين ماتشتغلين ياسمر صح؟؟
سمر:اول كنت اشتغل بس اللحين خلاص,ولا ابي اشتغل
ابو فيصل:وش نبي بالشغل وانا ابوك ,المره مالها غير بيتها وزوجها
محمد:صحيح
سمر وهي تناظر لمحمد بحب:انا ماابي أي شي يشغلني عن زوجي
محمد وهو يبتسم لها برضى: وهذا العشم فيك
ابو فيصل وهو مو حاب هالنظرات بينهم: طيب يله اجل سمر قومي وانا ابوك ادخلي,خلهم يحظرون لنا الشاهي
سمر وماودها:اوكي "ومشت بكل انوثه لين طلعت"

" اما ابو فيصل اخذ محمد معه للمجلس اللي فيه خاله "

محمد:اقول ياعم
ابو فيصل:سم
محمد: انا مستعد لكل طلباتكم,بس ياليت اننا نعجل بهالزواج
ابو فيصل:والله ياولدي اننا نشتري رجال ,وانت تدري البنات ودلعهم
خال محمد:ياخوك خير البر عاجله يعرسون وبعد شهر العسل تجيب اللي تبيه
ابو فيصل:حتى ولو.. البنت محتاجه تجهز لزواجها
عم محمد:خلاص اجل خذوا لكم شهر ,وحنا علينا القصر والعشى واللي تبونه حاظرين.
ابو فيصل:يصير خير ان شاء الله انا اكلمهم ومايصير الا اللي الله كاتبه
خال محمد:خلاص انت شير عليهم ان يكون نهاية الشهر الجاي الملكه والزواج ,ورد علينا
ابو فيصل:يصير خير ان شاء الله.
خال محمد: على بركة الله,يله مشينا ياولدي
ابو فيصل: وين ياخوك تعش
خال محمد:لا الله يجزاك خير ماتقصر لكن اللحين بروح الماطار عندي سفرة شغل.
ابو فيصل:الله المستعان


اما سمر اللي كانت عند الباب تتنصت لكل اللي يدور, راحت لأمها
سمر: اقول يمه قولك بيمديني اجهز بشهر؟؟
امها:وشو؟؟ وليه شهر بس,وبعدين انتي وش دراك؟؟
سمر:ها امم اصاله ذك اليوم قايله ماسمعتيها؟؟
امها:لا وانا امك ماانتبهت,بس وش شهر مايمدي حتى اجهز فستاني
سمر:لايمه يمدي ان شاء الله
امها:والله يابنات الايام هذه لا فيه حيى ولاخجل,وش فيك طايره على الزواج
سمر تتدلع: يمه كل الامهات يتمنون زواج بناتهم وانتي تقولين كذا,وبعدين ابي اعرس مثل صديقاتي ولا هم احسن مني؟
امها:يخسون مااحد مثل بنيتي يارب تحفضها
حضنت امها وابتسمت ابتسامة رضا.

::::::::::::


قبل الفجر
وببيت احمد

اللي كان نايم بشقته فتح عينه يوم شم ريحه تغلغلت باعماقه..
ريحة عطرها اللي سحرة قلبه, ابتسم وفتح عينه اكثر ويوم مال على جهة يمينه شافها ..
فز من مكانه ثم رجع بعدم تصديق ومسك بيدينه البارده وجهها الدافي..
إبتسمت ثم فتحت عينها








احمد:انين؟؟؟
انين بإبتسامتها الطفوليه وبجمالها البريئ وبصوتها اللي ذاب فيه :حبيبي
احمد بفرح ووله :انين
انين:قلبها وروحها نعم
احمد وهو متيم يبي يروي عينه من شوفتها:....
انين: إشتقت لي؟؟
اخذ يدها وحطها على قلبه وقال لها تحسين بهذا ؟؟
"هزة راسها بــ إي"
احمد: تراه تعبان من بعدك..
ابتسمت له وحطت اذنها على قلبه وسمعت دقات قلبه ..وقالت: سلامة نبضك ياقلبي
رفع راسها وناضر لعينها وقال: راح اجيك
انين: تجيني!!
احمد: تعبت من فرقاك ,ولا انا قادر اعيش حياتي من دونك
انين وهي تضمه لصدرها:وايش كمان؟
احمد: ماعدت طايق زوجتي ولاحتى اولادي ولاحتى جده بكبرها
انين وهي تضمه اكثر: وايش كمان
احمد وهو يحس السعاده بكل اجزائه تسري:ابغى اجيك وارتاح
انين:حبيبي
احمد:نعم
انين:تبغى ترتاح ؟
احمد:ياليت
انين: ...
احمد:قولي لي ايش اسوي؟؟
انين: خلي قلبك يدق مره تانيه
حط عينه الذبلانه بعينها الساحره وقال بإنفعال: انا مااقدر احب مرا تانيه ,انا مستعد اخلي كل شي بهالدنيا والحقك,انا راح اجيك ..صدقيني قريب راح اجيكِ .
انين :تُحبني؟
احمد:اكتر
انين:تعشقني؟
احمد:اكتر
انين:اجل عيش حياتك ولاتعذبني
احمد بإنكسار:حياتي من بعدك ياانين ماهي حياة
انين:حياتك من بعدي ياقلبي ,بدايه لحياة جديده لك
احمد وهو يقرب وجهه لوجهها :لاتروحي
انين وهي تقرب له اكثر:تبغى سعادتي؟
احمد وهو يحبها بشغف:ابغاك انتي.. انتي سعادتي
انين:....
احمد:لا
- لا تروحي
- انين لا ياانين
- انين
- انين
قام من النوم ..
متعجب..
مستنكر..
خايف...
ويحس بضيق بتنفسه راح قدام المكيف ويحاول يستنشق هوا,ويحاول يستوعب حلمه اللي حسه مثل الواقع ..واللي للآن بسببه قلبه يدق بقوه ولاهو راضي ينتظم,سمع لصوت الاذان ..وحس بقلبه يوجعه..راح توضى وصلى وحس بشوية راحه بعدها.

:::::::::::::::::



تركيا تحديدا
بورصه
وهم بالسياره


بدر:ها يامصطفى وين تحب تودينا؟
مصطفى :المكان اللي انتوا عايزينوا,ايه رائيكوا نروح لحديقة لونا بارك
بدر : طيب حلوهالمكان ؟؟
مصطفى :هيَ حديقه كبيره جدا وفيها ملاهي واشجار وحتى فيها بحيره ومراكب .
بدر:وش رائيك فتون ؟
فاتن:عادي خلنا نروحها.
بدر:نروحها ليه لأ
فاتن وهي تناظر لبدر :تدري وش ودي؟
بدر:انتي تامرين وش تبين
فاتن: ودي باسكريم
بدر:من جدك اسكريم بهالبرد يالمجنونه
فاتن:تؤتؤ انا ودي باسكريم يعني وش اسوي
بدر:اقول يا ابو الشباب اعقل بس ترى العقل زينه
مصطفى وهو يضحك على نقاشهم:هناك فيه ايس بيتمطط
فاتن وهي تناضره بنص عين: ....
بدر:وشلون يتمطط يامصطفى
مصطفى : حتشوفوا دلوئتي, كيف بيحركوا الايس بعصايتين ويرئصوا بيها
فاتن: والله شكل ذا المكان فله
بدر وهو مبسوط ان فاتن بدت تتأقلم وترجع لطبيعتها المرحه:تصدقين انا ماودي اروح هالمكان
فاتن وهي تدور على جوالها بالشنطه:والله مو على كيفك بنروح يعني بنروح
بدر:يعني تتحديني
فاتن:ايه اتحداك يابدير
بدر:قلت لك لاتقولين بدير
فاتن:اصلا بدير او بدر او بدوري كلها بايخه
بدر:ههه بالله اسكتي الله يرحم والديك ,اسمك فاتن وانتي ام العربجه ماشفتي من الانوثه شي
فاتن:ياحبيبي انا فاتنه بأخلاقي وجمالي اللي مايحتاج لا احمر ولا اخضر مثل هالبنات
بدر وهو يقلدها :"فاتنه بأخلاقي" بالله لااحد يسمعك يقعد يضحك عليك أي اخلاق ياابو الشباب ,ماتذكرين الهندي ذاك اليوم بالسوق يوم سرسفتي لأمه يوم طيح اغراضك من غير قصد
فاتن:ايه لأنه كسر اشياء غاليه هو ووجهه
بدر:هههههههههههههه
فاتن :يعني اللحين مسكت علي هالموقف ,وماتتذكر المسكين اللي يوم كنا بالمستوصف وهو يناضر عادي ,مسكته من ياقته وصفقته...وهو مو بخبري ,يا ابو غيره سخيفه

"وماسكتوا ولا انتهى هالحوار الطويل اللين قال مصطفى بصوت عالي عشان يسمعونه": وصلنـــــــــــــا ياقماعه
ناضروا ببعض وضحكوا لأنهم ماحسوا بالطريق ولا انتبهوا لجمال الطبيعه ولا المناضر اللي حولهم قد ماكانوا مندمجين بالهواش

::::::::::::::












- هل ممكن تستمر علاقه محمد بسمر
- هل ممكن يرتاح خميس بعد مايقابل الشخصيه اللي ورا خسارته ؟؟
- وهل ممكن يدق قلب احمد؟؟
- مزيد من فضفضة القلب , وراح نبدا بكشف بعض الاقنعه
بالبارت الجاي
دمتم كما تحبون
فتومه