بارت 27
الرياض
يوم يومين وثلاث,مامرت عليه ولاسئلت كالعاده وكل مامر من عند الرسيبشن مايشوفها وكأنها تتهرب منه,,قام من مكتبه وهو متضايق وشافها من بعيد طالعه من غرفة الممرضات
د/احمد:داليا
"داليا وهي تسفهه وتكمل طريقها,ناداها بصوت أعلى"..
- داليا
اضطرت انها توقف وتحاول تبتسم قبل لاتلتفت له:نعم ,اوه دكتور احمد اخيرا عرفت اسمي
د/احمد:ههههه كيف الحال؟
داليا:تمام الحمد لله
د/احمد:مااعرف بس احسك متضايقه او زعلانه مني من داك اليوم
داليا:انا ..لا ابدا وش راح يضايقني اصلا؟؟ بس ماكنت اعرف ان عندك هوايه التوفيق بين العرسان
د/احمد:ههههه,ممكن نتكلم شويا بالمكتب
داليا:امم لا ماينفع عندي شغل
د/احمد:ماراح ااخرك عن شغلك هي 10 دقائق
داليا وحطت يدها على خصرها:لاتكون جايب لي عريس ثاني؟
د/احمد:هههه
"داليا استانست من وقفته معها بنفس الوقت ماتبي تبين بعد ما زعلها ومشت معه اللين وصلوا المكتب"
- نعم
د/احمد: امم صراحه مااعرف ابدا من فين.. لكن اتمنى اقدر اطلب منك طلب بس ماتفهميني غلط
داليا:لأ ماراح افهمك غلط ,امر
د/احمد:اتمنى اتكلم معاكِ بوقت مافيه شُغل وبهدوء
داليا:عن ايش؟
د/احمد:ماراح ينفع دحين كنت اتمنى لو اقدر اخذ رقمك
داليا بإستغراب:رقمي؟
د/احمد:ليت ماتفهميني غلط ,لكن اللي ابغى اقولوا ماينفع بربكة الشغل والوضع دا
داليا:يعني الموضوع مهم
د/احمد:بالنسبه لي انا مهم
داليا:اوكي ماعندي مانع اذا الموضوع مهم 0000000000,هذا رقمي أي شي ثاني
د/احمد:لا شكرا
"طلعت داليا وهي تحس ببعض الرضى..,والفضول الكبير اللي حست به..
ودها ترجع له وتسأله عن ايش بيكلمها ولكن ..خافت تلين قدامه ويطلع منها كل اللي بقلبها له..ابتسمت وكملت طريقها لمكتبها"
::::::::::::
دبي
كان نايف بموعده ياخذ جلسة علاج لضهره,اما فاتن بالغرفه ولأنها مشتاقه لداليا دقت عليها...
داليا: اخيرا يالعروس تذكرتيني؟؟
فاتن:ههعع وش اسوي هو لزقه ماراح لايمين ولاشمال,ماصدقت انه نزل ودقيت عليك
داليا: ههه ها كيف العرس؟؟ ان شاء الله زين تنصحيني فيه؟
فاتن:شي ممل ياشيخه ,خلك بنت ابرك لك
داليا: ههه اعوذ بالله.. الله لايقول ان شاء يعني اللين متى بقضيها عزباء!! ابي اعرس واتهنى واتدلع عند رجلي اه ياقلبي متى
فاتن:اف يالمايعه انتي وافكارك تخنقيني
داليا: ههههاي انتي وش عرفك بالحب والرمانسيه والدلع..وع عليك ياشيخه
فاتن:هأ خليتها لك
داليا:اممم تدرين وش صار معي قبل شوي
فاتن:وش صار؟؟
داليا:قبل شوي احمد طلب رقمي
فاتن:وليه ان شاء الله؟؟
داليا:ماادري ,بس احس انه راح يكلمني عن علاقتنا او شي من هالخصوص
فاتن:وليه يطلب رقمك طيب؟؟
داليا:عاتي
فاتن: لا مو عادي ياروحي ..ولو فرضنا مثلا السبب انه يبي يخطبك مثلاً ليه مايدق الباب ,ليه يكلمك ان شاء الله؟؟
داليا:ههههه انتي يالعربج وش تبيني اقول له لأ,وبعدين انا ماادري هو عن ايش يبي يكلمني؟؟
فاتن:انتي تعرفيني مااحب هالحركات ,واحسك غلطتي يوم عطيتيه رقمك
داليا: يافتون اهدي ياقلبي تراه رقم ,وبعدين هذا دكتوري واعرفه,متأكده انه مو راعي هالحركات
فاتن:والله ماادري عنك يالغبيه ..عموما اللحين عندي خط من اصوله بشوفها وش تبي وادق عليك
داليا:اوكي قلبو امبـه
فاتن:هع احطـــــي.
اهلين اصوله
اصاله وصوتها مكتوم:كيفك حبيبتي
فاتن:تمام,وشفيك وش فيه صوتك؟
اصاله:اه.. انا لي ثلاث ايام النوم مو راضي يجيني "وبكت"
فاتن:ليه سلامات وش فيه اصوله خوفتيني عليك,فيك شي ,محمد فيه شي
اصاله:محمد انا مااادري وينه الخدامه تقول له ثلاث ايام مارجع للبيت ورحت بلغت ولا فيه فايده للآن مااحد يدري عنه
فاتن وجسمها اقشعر وبخوف:ووين جواله عنه
اصاله:هو كان مقفله الله يهديه من قبل مايختفي وللآن مقفل
فاتن:طيب ماتعرفون رقم زملائه بالشغل او أي احد؟
اصاله وهي تبكي:شكل ولدي فيه شي اكيد فيه بلاء
فاتن وبخوف:لا لاتقولين كذا عليه ,لاتفاولين عليه الله يخليك
اصاله:اجل وينه ,وينه
فاتن وقلبها يوجعها:ليتني اقدر افيدك ياليت
اصاله:....
فاتن بقلق:الله يصبر قلبك,تكفه اصول لاجاك خبر عنه دقي طمنيني ,الله يخليك
اصاله:يصير خير ,يله حبيبتي مع السلامه
فاتن:مع السلامه
:::::::::::::::::::
جده
عند باب بيت خميس
تهاني:وانتي ايش دخلك؟
سميره:اختك دامها هنا ماتطلع ولاتروح او تجي الا بعد اذن خميس
تهاني: وانا قلت لك ماحروح الا واختي معايا,ليه انا انجنيت اخليها عندك يامفتريه
سميره:احترمي نفسك ولا تغلطي تراني محترمتك لأنك ببيتي
تهاني: هأ سلمي لي على الإحترام ,هيا ياخلود عجلي
سميره:كيفكم انا عطيتكم خبر وقلت لكم مفروض تاخدوا الإذن من خميس
تهاني: اخر مايهمني انتي وخميس
خلود :انا جاهزه
تهاني:هيا ,خلي لها البيت تشبع فيه ,ربي لايهنيها لا هي ولا هو
سميره وهي تقفل الباب بقوه:ههههههههههههه لاتنسي تدعي بوقت الإستجابه هههههههه
"راحت خلود تسكن عند بيت اختها,لأن سميره توعدتها ..طول ماهي عائشه ببيتها راح تأذيها ,ودامها ماتبي ترجع لزوجها لقت الحل انها تعيش عند اختها"
ويوم جا خميس وعرف قال :وليه ماقالوا لي
سميره:ايش اسوي ترجيتها ماتطلع قبل لاتاخد اذنك بس انت عارف اختك ماتسمع, وتعرف تهاني قليلة حيا ولاتقدّر
خميس:يله خليها تفكني من مشاكلها معاكِ ,كفايه اللي تحملتيه منها
سميره: كلوا عشان خاطرك يهون ياقلبي
خميس:يسلم لي قلبك ,انا رايق ومبسوط ولا ابغى حتى اتكلم عنهم
سميره: دووم ياربي هالإنبساط
خميس:عندي لك مفاجئه راح تطير عقلك
سميره:مفاجئه
خميس:ايوا
سميره:واااو طيب قول لي ايش هي؟؟
خميس وهو يعطيها الورقه: اقري
فتحت سميره الورقه بسرعه : ااا بيت؟!!!!!!!!!!!!!
خميس:ايوا اخيرا صار لنا بيت ملك
نطت سميره من الفرح وضمت خميس: اا ياربي مني مصدقه اخيرا
خميس:الحمد لله ربي عوضنا حق صبرنا
سميره:اخيرا حننفك من الايجار والقرف
خميس:هه الحمد لله
سميره:طيب متى حننقل ,متى حنسكن فيه؟؟
خميس:يبغى لنا شويا كمان لأنو دحين بالتشطيب
سميره:وااو من جد مني مصدقه
خميس:ههه دوم الفرحه ياقلبي
سميره:الله لايحرمني منك
خميس:ولامنك يااهم سموره بحياتي.
::::::::::::::::
بالمطعم
نايف بعد ماشرب العصير: فاتن
فاتن:...
نايف: تعرفين وش تعني كلمة اتلانتس؟
"فاتن مسرحه ولا هي معه تفكيرها كان يقول...
"" انا الغبيه اللي قلت له..اكيد نايف هو اللي سواها ,يوم كلمته ذاك اليوم وسألته عن محمد درى انه مزعجني اكيد فهم..
نايف ذكي وانا مااعرف اكذب اكيد بان علي.. وهو ورا اختفاءه
بس ياربي وشلون اكلمه؟؟؟"
نايف:اميرتي
- فاتن
فاتن: ها ..اااا نعم؟
نايف:وينك وش الي شاغل بالها حبيبتي؟
فاتن:اااا لا ولا شي بس امم شبعانه وودي اكلمك بموضوع
نايف وهو يبعد الصحن عنه:وانا شبعت .. تفضلي
فاتن:...
نايف:وش فيك فاتن؟؟
فاتن وهي متردده:...
قام نايف وجلس بالكرسي اللي جنبها وحط ايده على ضهرها
وقال :امري
فاتن وهي من اول تفكر كيف تسأل ومن وين تبدا:اممم اول شي بكلمك عن اصاله
نايف: من اصاله ؟؟ محتاجه مساعده محتاجه شي؟
فاتن:لا بس ابي اقولك يعني من هي.. ووش تعني لي
نايف بإهتمام: اهمم
فاتن: اصوله هذه انسانه عزيزه على قلبي,واحبها واقدرها مثل امي
نايف:حلو
فاتن:ولها فضل علي بعد ربي, ووقفت جنبي كثير
نايف: اهمم
فاتن: امس... ااامممم
نايف بهدوءه :حبيبتي تكلمي ,وش الموضوع
فاتن:صراحه ماادري من وين او كيف ابدا اخاف تفهمني غلط
نايف ابتسم ومسك بيدها:قلت لك انتي معي مفروض لاتخافين ولا تشيلين هم أي شي بالدنيا,انتي بس قولي وش تامرين عليه ويصير
فاتن وحست انها خافت اكثرقالت :يعني علي الامان
نايف:هههه عليك الامان تكلمي
فاتن:طيب شف,هذه الحرمه تصير اممم ام محمد
نايف:محمد!!! محمد من انا اعرفه؟
فاتن وبطنها وجعها:محمد ماغيره
نايف:...
وكملت فاتن:هي دقت علي مرعوبه تقول انه مختفي ولا تعرف له مكان له 3 ايام
نايف:...
فاتن: وو واخاف تكون تعرف عنه شي او
قاطها نايف وقال بجمود بوجهه: وانتي ليه تسئلين عنه؟ اختفى او مات وش تبين فيه؟
فاتن:لا انا والله مالي دخل فيه ان شاء الله يطير بس امه ,كسرت خاطري وو كنت ابيك تساعدها
نايف:وانا وش دخلني فيه ؟
فاتن:يعني انت ..
ااا..
يعني مممم يعني ماتعرف عنه شي
نايف وبدت ملامحه تقسى:وشلون اعرف عنه؟؟
فاتن بتوتر:لا ماقصدت بس يعني,لو او يعني انت تعرف معارف مهمه واهلك كلهم بمناصب ممكن يساعدونا نلاقيه
نايف: ومن قالك اني احب اطلب من احد شي,انا انسان مااحب اطلب ولا اذل نفسي
فاتن:نايف تكفه عشان خاطري هالمره بس
عصب نايف وقال: وانتي وش دخلك فيه,ليه مهتمه؟؟
فاتن وتحس بغباء:لأ انا مو مهتمه فيه اصلا هو تزوج وعاش حياته وانا بعد ..صدقني مو عشاني عشان امه
نايف:وانا مايهمني لاهو ولا امه ,امشي خلينا نروح
الفندق
فاتن:بس
نايف وبحزم:فاتن ,قلت مشينا "وقرب منها اكثر " لو سمعتك ذكرتي هالانسان مره ثانيه ماتلومين إلا نفسك
مشت فاتن معه وهي عندها نفس الإحساس ..بأن نايف له يد بالموضوع.
:::::::::::::::::::
الساعه 11 بالليل..
وهي تنتظر وتنتظر..
وَعدْها يتصل .. وتأملت يتصل ولادق للحين..
لا النوم ولاراحت البال راح يجيها وهي تنتظر إتصاله..
لكن ما إن جات الساعه 11 ونص الا وجوالها يدق..
فزت وانتضرت الرنه الثالثه وردت وهي تبلع ريقها...
- الو
د/احمد: سلام
داليا:هلا
د/احمد:لايكون ازعجتك او الوقت مو مناسب
داليا:لا عاتي بس خير ان شاء الله ,خوفتني يوم قلت الموضوع مهم؟
د/احمد:لا الموضوع فعلا مهم يادينا
داليا:تؤتؤ وبعدين
د/احمد:ههه داليا ولاتزعلي
داليا ابتسمت وقالت بثقل:خير ان شاء وش الموضوع؟
د/احمد:انا انسان مااحب لااللف ولا الدوران وحاب ادخل بالموضوع على طول
داليا وهي تبي تعرف وش موضوعه اكثر :اها تفضل
د/احمد:صراحه انا حبيت اتقدم لك ,لكن قبلها حبيت اوضح لك مشاعري واسبابها
داليا وهي تسمع لصوت دقات قلبها من اذنها وتحس انها دايخه من الصدمه :...
د/احمد:معايا؟؟
داليا وتحاول ماتبين قالت :اهمم
د/احمد: انتي ياداليا فيكِ اشياء كتيره من زوجتي الله يرحمها,,نفس طيبتك وقلبك الابيض ..رقتك وصوتك وحتى ابتسامتك
داليا وهي تهز راسها تبي تستوعب:كيف؟ قصدي وش تقصد؟؟
د/احمد:يعني حبيت اعتذر عن معاملتي معاكِ ببدايه الايام ... بس كنت احاول مااشوفك ولو شفتك ماكنت حابب اشوف ملامح انين فيكِ ,كنت ابغى ازعلِك وتعصبي وتبعدي عن الملامح اللي تِأسرني
"داليا حست بضيق بس ساكته تبي تسمعه للأخير"
د/احمد:حاولت بالأيام اللي راحت اني اشيلك من بالي واخليك تجربي حياتك وتعيشيها مع انسان افضل مني واحسن...
لكن ماقدرت..لا ابعدك ولا ابعد تفكيري عنِك .
داليا بضيق: ليتك مااعتذرت ولا قلت لي
د/احمد بإستغراب:انا كان لازم اوضح لك سبب قسوتي وتعاملي الفض معاكِ
داليا:وانا قلت لك ليتك ماقلت لي,, يااحمد انت للحين تحب انين وجاي تطلبني لأني اذكرك فيها!!!
وبكره بتقول لي انك تحبني وراح يكون السبب اني اشبهها..
وبعده بتتمنى تجيب مني ولد أو بنت.. لأني انا هي بنضرك.
د/احمد:لا ابدا الموضوع مو بالشكل دا
داليا: إلا يااحمد بهذا الشكل ,انت ماتحبني ولا تبيني انت تحب انين وتبي تعوضها فيني
د/احمد:صدقيني انتي فاهمه غلط
داليا:ابد انا فاهمتك صح"جمعت قوتها وقالت" اسمح لي انا مو هي ولا راح اكون هي
د/احمد:داليا انا ان ..
داليا وتقطع كلامه :انا اللي اعتذر انا رافضه هالشي وقلت لك قبل كذا انا ما ابي اتزوج "وقفلت السماعه,وتحس انها كسرت قلبها..
وانها كارهه نفسها..
وكارهه قلبها اللي حبه وتمنت انها سمعت كلام فاتن ولا عطته رقمها"
::::::::::::::::
اما فاتن
ملت من كثر التفكير ..
ملت من كثر مايخطر ببالها..
قالت راح تنساه.. وراح توفي وتخلص لنايف..
وقالت انها ماراح تفكر فيه ..
لكن بالحقيقه ..هو يهمها ,ويهمها امره ..
ملت وملت وملت .. وراحت تشوف وين نام نايف اللي زعلان منها..
ولقته نايم على الكنب وملامحه تتألم..
قربت منه وقالت:نايف
نايف:...
فاتن: نايف
"ولارد عليها وقلب جسمه عكسها"
فاتن:قم نام على السرير ضهرك راح يألمك زياده
"مارد عليها وحاول يغمض عيونه وينام"
فاتن وهي تناظره بملل : ماراح تقوم؟؟
نايف:...
"راحت وخلته طلعت على سريرها وهي ماتدري وش تسوي..
انتبهت ان فيه علبه صغيره على الكومدينه اللي جنبها .. إستغربت انها ماانتبهت لهالشي الا اللحين..
خذتها وفكتها لقت خاتم من افضل حجر هي تحبه وهو الزمرد .. ولقت فيه ورقه صغيره بداخل العلبه ..فكتها ومكتوب بها ..
اميرتي ..أحبك
بلعت ريقها ..وعرفت انها موجوده من قبل لايزعَل عليها ولكن ماانتبهت لوجودها..
قامت من على السرير وراحت له تناظر له من بعيد ولاتدري وشلون تتصرف..
لاهي ولاطبيعتها ولا من صفاتها التودد او الاعتذار ..
شافت ان اقصى شي ممكن تسويه انها تجيب شرشف وتغطيه ..
ومن بعدها راحت توضت وصلت وقامت تدعي باشياء كثيره ,,,
دعت انها تقدر تنسى محمد وتخلص لزوجها...
دعت ان ينفرج هم محمد وين ماكان..
ودعت بالاستقرار لأنها تعبت وتعبت وتعبت من كل شي حولها .
::::::::::::::
وفي الصباح
بالمستشفى
حب احمد يشوف داليا قبل لايدخل على مكتبه,لكن يوم انتبهت له قرب من مكانها ,قامت وراحت بالجهه الثانيه,كانت ماتبي تواجهه ولايعرف من وجهها جرحها وحبها
خلاها وراح لمكتبه,اخذ جواله وارسلها..
(اعتذر)
وبعدها حاول ينشغل بمرضاه وتمنى انها تمر عليه او انها تقبل اعتذاره لطريقته اللي وصل بها نيته.
اما داليا حاولت تتماسك وتقوى ولاتبي تخسر من كرامتها اكثر...
:::::::::::::::::::::
يتبع......
مواقع النشر (المفضلة)