مدونة نظام اون لاين

صفحة 9 من 9 الأولىالأولى ... 789
النتائج 41 إلى 45 من 45

الموضوع: رواية ضمني وخبني بين اضلعك كاملة بدون ردود 2015 من احداث واقعية

  1. #41

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية ضمني وخبني بين اضلعك كاملة بدون ردود 2015 من احداث واقعية




    بيت تهاني


    ايمن: ماما خالوا خميس جا دخلتوا المجلس
    تهاني وهي تناظر لخلود: غريبه!!
    خلود: الله يستر
    تهاني: انا حقوم اشوف ايش جابوا ,وانتي خليك هنا لاتدخلي
    ايمن: هوا قال نادي خالتك خلود
    خلود وبدت تخاف: اكيد جارح ,اكيد عنوا
    تهاني: وليش خايفه؟؟ خليكِ عند رائيك وبس
    خلود: ماابغى اروح لوا
    تهاني: انا معاك لاتخافي
    بلعت ريقها خلود ودخلت مع سميره له ..


    تهاني: اهلا بأخويا
    خميس: اهلا بيكِ ياهانم انتي واياها
    خلود:...
    خميس: انتي قال لك زوجك ارجعي وقلتي لوا لأ؟؟؟
    تهاني:ايوا هي ماتبغاه ,وانا قلت لك قبل كدا
    خميس:الموضوع دا مايخصك انتي ,فما لك دخل
    خلود: ااا انا قلت لها
    خميس:وليه ان شاء الله ؟؟ ناويه تطلقي حضرتك وله ناويه تقعدي هنا عمرك كلوا؟؟
    تهاني: قاعده ببيتي لاتخاف ماحتجي بيتك ,ولا حتطلبك ريال بيوم
    خميس:ومن قال اني حرضى على الوضع دا؟؟؟
    خلود:صدقني ياخميس ,فيه حاجه مااهي طبيعيه فيه
    خميس: اقول لك بلا افلام بايخه, وحضري نفسك وتعالي معايا وبكرا اقلعك للماطار
    تهاني: ماحتروح مكان معاك ولا حترجع لزوجها
    خميس بسخريه: ليه انا يهمني رائيك اصلا؟؟
    خلود:....
    خميس بصراخ: قومي فزي حضري اغراضك
    تهاني: قُلت لك ماحتروح معاك مكان
    خلود بخوف: خلاص ياتهاني
    خميس وهو يقوم :وربي ان ماقمتي بسرعه وجهزتي نفسك لأوريكِ شغلك
    تهاني وهي توقف: فين تروح معاك؟؟؟عند واحد مايعرف ربوا ولا يحترمها ولا يبغاها؟؟
    خميس: زوجها ان شاء الله يقتلها مااحد لو دخل فيها
    تهاني:ماحتروح معاك والله لو تقتلني
    ""قرب خميس من تهاني وعطاها كف ..على جية زوجها من الشغل ويسمع صراخهم.. فدخل يشوف اللي يصير""

    حمزه:خير ايش فيه؟؟؟
    خميس: جانا التاني
    تهاني: اطلع من بيتي ياخميس
    خميس:حطلع بعد مااخذ الحيوانه دي "وقرب لخلود بيسحبها من شعرها "
    مسك يده حمزه وهو يقول: إما انك تجلس بإحترامك او تطلع برا بيتي لو سمحت
    خميس: وخر انت مالك دخل
    حمزه: دامها ببيتي فهيَّ بضيافتي وماحسمح لك تغلط عليها
    خميس بعصبيه وهو طالع : وربي ياخلود لأأدبك انتي والزفته دي
    "وطلع من البيت تارك خلود بخوفها ودموعها وحسرتها "

    ::::::::::::::::

    طريق الماطار




    كانت كلماتها تدور بباله..
    ملامحها القاسيه ..اصرارها..قوة حروفها ..
    كل هذا يدور بباله..
    طلع من عندها وهو يحس انه خلى قلبه معها..
    وكان يردد
    اللي يحب لازم يضحي
    اللي يحب لازم يضحي
    اللي يحب لازم يضحي

    كان يرددها ويرددها لين وصل للماطار ودق على امه
    اصاله: هلا حبيبي وينك اللي يهديك؟؟
    محمد وبألم: تدرين ان فاتن تحب زوجها
    اصاله وقفت من الخوف عليه وقالت بفجعه:محمد انت وين؟؟
    محمد:لا تخافين يمه انا بخليها تعيش حياتها
    اصاله: محمد انت وين قول لي؟؟
    محمد يكمل بصدمته: انا استسلمت وطالع من حياتها
    اصاله بخوف عليه : محمد انت سافرت لها؟؟؟
    محمد بدون تركيز وبضياع قال : خلاص هي ماتبيني ..تخيلي يمه تحب غيري قالت ماابيك!! يمه شفت بعيونها حب له ماشفته لي ..
    ولا مره شفتها تناظرني بحب يايمه ولا مره ...
    تخيلي يمه تقول انها تكرهني ولا تبيني ..
    يمه فاتن تكرهني ماتحبني..
    اصاله وتحس ان قلبها يتقطع: حبيبي انا احبك, زوجتك تحبك واللي ببطنها يبيك ,حنا عائلتك ووش تبي فيها!!!
    محمد:...
    اصاله:حبيبي انت لا تزعل ,إنساها وخلها تعيش حياتها,وانت كمل حياتك ياقلبي
    محمد:يمه
    اصاله:عيون امك
    محمد:انا برجع امريكا
    اصاله وتحس بسكين طعنها :ليه بتسافر مره ثانيه؟؟
    محمد:ابي انساها يمه ابي انساها
    اصاله وتحاول تجاريه : خلاص حبيبي سافر كمل الماجستير اللي كنت تتمنى توصل له ,انساها بالنجاح ياعمري
    محمد:...
    اصاله:كل شي مع الايام تخف وطئته ,ومصيره يجي يوم وتنساها
    محمد:...
    اصاله:انا اللحين بقول لزوجتك تحظر اغراضكم وسافر ياقلب امك ,وانا بدعي لك,وانتظر رجعتك
    محمد:...

    "انتظرت انه يقول شي ,يرد عليها لكن حس ان مافيه بلسانه أي حروف ..
    قلبه ثقل عن جسمه ,وحس انه مخنوق...
    قفل السماعه ..
    وركب الطياره ساكت وهادء وسارح وقلبه يقول...


    معشوقتي
    برحل وبترك لك قلبي امانه يا محبوبتي
    بس بأمانه بأسئلك يعني خلاص!!
    انتي اللحين معشوقتي اللي هَواها ماهو لي؟
    ولا تهمك عشرتي..
    خلاص يعني خلاص؟؟
    برحل وبترك لك هواي بحظوري او بغيبتي
    اجل خلاص ..ماعاد ابي قلبي وحبي و هيبتي
    وبرحل واخليهم معاك..
    تدرين وش هي مُنيتي؟؟
    اسمعك تقولين لي..
    حبيبي..
    لبيه..
    وابيك..
    امزح..
    ارجع..
    عطيني كلمه واحده و اجيك والله بلهفتي
    معشوقتي ..
    مافي امل؟؟ إنتهى ؟؟وانتهينا ؟؟وانتهت قصه حزينه..
    مِت انا فيها وانتي تضحكي!!
    بس بأمانه ابسألك يعني خلاص؟
    ياهو نزيف بداخلي يصرخ وانتي تسمعي
    لا انا لِك.. ولا انتي لي..
    وضِعْتي من بين قِسمتي؟؟
    معشوقتي قدمت لك فيني تضحيه ..
    بس اذكري..
    ايامنا الحلوه وباقي الايام تجاهلي..
    يعني اذكريني يومي معاكِ بأحلى صورتي
    استودعك ربٍ بلا قلبي بحبك وذبت فيك.. وضعت فيك
    واخرها برجع وحدتي
    مع السلامه حبيبتي محبوبتي معشوقتي
    مع السلامه دنيتي

    ::::::::::::::::



    ثاني يوم بالمستشفى
    الرياض






    جمعت جرئتها وقوتها رفعت راسها وقررت تعرف وش تعني بالنسبه لأحمد ...
    وشافت ان الوقت المناسب هو اليوم.. بهالساعه..بهاللحظه..
    ملت انتظار رحمته ..
    وملت من مشاعر من طرف واحد ..
    تبي تعيش حياتها ,تبي تستقر ,وتبي تعرف هي وش تعني له بالظبط من دون اقنعه..
    مشت بخطواتها الواثقه وبقلبها الكبير والمتفائل.. ويوم وصلت لغرفة الدكتور احمد اللي كان بابها مردود.. وقفت يوم سمعته يتكلم مع واحد عنده ويقول له....


    - هههه بالعكس انا ماندمت على أي شي سويتوا بخميس.
    اللي معه:معقول؟؟
    احمد: تصدقني ازا قلت لك انوا من بعد ما ماتت عمري مانمت ليلي زي العالم...
    الناس كلها نايمه وانا مو قادر اغمض عيوني ,كل ماتذكرت انو خميس عائش وسعيد ومتهني احس بالدنيا تقفل على قلبي ..
    احس اني مخنوق ,احس بالقهر بالالم بالوجع ,انت ماتدري ايش تعني لي نهاية خميس
    اللي معه: بس مفروض دحين تهدى تقريبا خميس انتهى
    احمد:لأ لسه ماانتهى ,لسه عائش
    اللي معه :مافهمت ,احنا اتفقنا اننا نهي عليه ماديا مو شي تاني
    احمد وهو يرجع بكرسيه على ورا:مايكفيني
    اللي معه :ايش تقصد!!
    احمد:خميس لازم يموت زي ماكان السبب بموت انين
    اللي معه : احمد ايش بك !! لاتخلي ساعة غضب تنسيك انسانيتك,انين الله يرحمها ماتت ,لكن مو معناها انها لازم تنهي حياتك
    احمد:...
    اللي معه : لا تصير اناني يااحمد ولاتخلي الحقد يعمي عيونك وينهي عليك.
    احمد وهو يتذكر ضحكة انين: انا انتهيت لما انتهت حياتها


    "حست داليا ان كل شي بدا فيها يرجف رجعت خطواتها ماتبي تسمع اكثر من كذا ...
    انصدمت من تفكيره..
    حست بأنه شخص يشبه احمد ولكنه مو هو..
    انسان يفكر بتحطيم الناس..
    انسان يفكر بماضيه وكأنه حاضره..
    انسان يفكر بالقتل..
    انصدمت منه,توقعت انها كانت تعرفه ,لكن اتضح لها عكس هالشي ..
    بدت تخاف من تفكيره..وبدت تخف على نفسها منه.

    :::::::::::::::::::::

    دبي
    مر اليوم
    والثاني
    والثالث وحالة نايف..
    تسوء
    وتسوء مع الايام






    فاتن : ها يا بدر,مصطفى وش صار معكم؟
    مصطفى:اطّمني مِسكوا اللي عملوا كدا
    بدر اللي جا لفاتن من ثاني يوم للحادث: الشرطه شافت كاميرات المراقبه اللي كانت بالمواقف ,واتضح انهم اثنين من الحراميه آسيويين ويوم رفض يعطيهم نايف اللي بيده اعتدوا عليه
    فاتن:...
    بدر:بس اشوه انهم انحاشوا وخافوا يوم شافو سياره داخله,وله الله واعلم وش كان بيصير
    فاتن جلست والضيق لازمها:...
    مصطفى: الحمد لله انها جت على اد كدا
    فاتن:نايف ممكن يموت يا بدر ,وهذا كله ليه؟؟
    بدر: انتي ماتعرفين نايف..نايف قوي وانا متاكد انه بيقوم بإرادة الله
    مصطفى:ان شاء الله
    فاتن:بدر
    بدر:هلا
    فاتن:ابي اشوفه ,حاول معهم
    بدر: انتي داريه ان حالته ماتسمح للزياره
    مصطفى يقول لبدر: انت لازم تخليها تروح للفندق ترتاح
    بدر: فتون من جد لازم تروحين تنامين لك كم ساعه ,وبعدها انا اللي بجيبك
    فاتن:مااقدر ,صدقني ماراح اقدر
    بدر: صدقيني مستحيل يدخلونك عنده ,وبنفس الوقت وجودك هنا ماله أي داعي,لك ثلاث ايام تغفين على هالكرسي
    فاتن:قلت لك مااقدر
    بدر:استغفر الله العلي العظيم

    :::::::::::::::

    اخذ جواله يبي يدق على وليد إلا تجي له
    مكالمه من...





    جارح : ها ان شاء الله وصلك المبلغ؟
    خميس:ايوا الحمد لله من امس.
    جارح:طيب ماقلت لي وش صار معك ,مارديت لي خبر ياخميس؟
    خميس:والله مااني عارف ايش اقول لك ,بس اعصابي الايام دي على نار..إستنى عليَّ بس لبكرا اكون اتطمنت اليوم بأني كسبت المناقصه ,وبعدها انا مستعد اجيب لك خلود تبوس رجلك
    جارح:اكيد؟؟
    خميس:ايو اكيد طبعا ,اعتبروا وعد
    جارح:خلاص اجل يصير خير
    خميس:ان شاء الله

    ""بعدها دق خميس اللي على اعصابه على وليد""

    وليد: اهلا
    خميس: انت فين ؟؟متى ناوي تجي
    وليد:هههه ومن قال لك اني حرجع
    خميس: نعم؟؟
    وليد:بصراحه انا اشوف انك تسمعها مني ..احسن من انك تسمعها من غيري
    خميس: ...
    وليد:انا واحمد كُنا السبب ورا كل خسارتك ..ولسه اليوم بعد ماناخذ المناقصه كمان راح تشهر افلاسك
    خميس بصدمه:وليد ايش بك؟؟
    وليد:ههه انت اللي اش بك ,انا خلاص حسكن بالرياض وشغلي حيكون فيها
    خميس: ....
    وليد:اذا تبغى نصيحتي..دق على احمد واعتذر منوا لأنو ناوي لك على اكتر من كدا
    خميس ويحس لسانه انربط:دحين انت السبب ورا كل خسارتي؟؟
    وليد:ههه انت للحين مو مصدق,ياحبيبي التجاره شطاره ..وياتاكلني يا اكلك ماينفع احنا الإتنين نكون مع بعض
    خميس ويحس بثقل برجله: بس المناقصه دي كل مااملكوا فيها!!!
    وليد: ههه ايش تبغاني اقول لك .. hard luck "وقفل السماعه"

    ::::::::::::::


    الرياض

    قلق احمد على داليا يوم شاف انها ماداومت لها ثلاث ايام..
    اخذ جواله ودق عليها






    اما داليا يوم شافت رقمه .. ترددت ترد او لا ..
    وبعد مافكرت ردت عليه..


    - الو
    احمد:مرحبا
    داليا وهي مشتاقه لصوته:هلا
    احمد:سلامات ايش بك؟؟ لايكون تعبانه
    داليا:لا الحمد لله مافيني شي
    احمد:اجل ليه ماداومتي؟؟ اليوم تالت يوم لكِ!!
    داليا:انا نقلت اوراقي لمستشفى ثانيه امس
    احمد:وليه؟؟
    داليا:....
    احمد:ايش بك ياداليا,ايش صار
    داليا:....
    احمد:لا يكون ضايقتك بشي وانا مااادري؟؟ وربي اني اشوفك زي اختي واكتر
    داليا وهي تفكر باللي سمعته منه: لا ابدا
    احمد:اجل فين المشكله
    داليا:تبغاني اكون معك صريحه؟؟
    احمد:اكيد
    داليا:راح ادخل بخصوصياتك
    احمد:خدي راحتك
    داليا: بصراحه انا سمعت الكلام اللي كان بينك وبين ضيفك
    احمد ويحاول يتذكر: أي كلام!!
    داليا: عن خميس وانين
    احمد: ايش اللي سمعتيه بالظبط؟؟
    داليا وبصوت مكسور:احمد .. ممكن مفروض مااقول لك هالكلام ...
    لكن راح اقوله من غير مااحسب له حساب ,راح اقوله لانه ماراح تهمني علاقتي فيك من بعد اليوم
    احمد وبكل تركيزه:تكلمي ايش فيه
    داليا:انا ماتوقعت بيوم اني اصارحك بحقيقة مشاعري بمثل هالظرف,,
    ماتوقعت بيوم افضح لك اياها قبل ماانت تبتدي وتقول لي اياها ,,
    احمد:!!!
    داليا:احمد انا احبك ,حبيتك من يوم شفتك ..حبيت عقليتك ,وغموضك ,وقوة شخصيتك..
    احمد:....
    كملت داليا بجرئتها: تصدق.. حبيت حتى حبك لزوجتك واخلاصك لها ,حبيت تواجدي جنبك,,كنت احس بقلبي ينبض يوم اكون معك ,كنت احس بسعاده يوم اشوفك كل يوم
    احمد مصدوم: بس انـــ
    داليا:لا تكمل انا ادري انك ماتحبني وانك ماراح تحبني ,اصلا على قد ماكنت اتمناك وعلى قد ماكنت ابيك وعلى قد ماكنت اتمنى قربك ,على قد ماانا الان كارهه قلبي واعاتبه كل يوم كيف حبك
    احمد:....
    داليا: خليتني اكتشف انك انسان اناني ,قلبك اسود ممكن تأذي البشر من غير تفكير, خليتني اخاف منك ,واخاف اكون جزء من حياتك
    احمد:انتي ماتعرفي أي حاجه ,ماتعرفي قد ايش خسرت
    داليا تقاطعه:مافي عذر بالدنيا يخليك تسمح لنفسك بانك تنهي حياة شخص وتكسر قلب اختك وترملها وتخلي عيالها يتربون من غير اب
    احمد:خميس السبب بموت انين انا ماراح اقدر اسامحوا
    داليا:خميس مو هو السبب يااحمد,,الله اراد ان تكون نهاية انين بذاك اليوم بذاك الحادث وبهذيك اللحظه ,,الله اراد
    احمد:....
    داليا:..........
    احمد:انا تعبان,كل ما اتذكر كيف ماتت قدام عيني ,كل مااتذكر كيف كانت تضحك وتجري والمطر بالل جسمها ...
    كل مااتذكر صوتها وصرختها وانفاسها اللي تطلع قدام عيني ..
    اتعب اموت معاها ,احن لها
    داليا وهي تحس بحزنه:الله يرحمها ,لكن انت ليه حاس بالذنب؟؟
    احمد: لاني خليتها ماحظنتها ولا حافظت عليها ولاحتى حميتها من اللي صار
    داليا:تدري وين اساس المشكله؟؟
    احمد:...
    داليا: احمد لاتزعل مني ,لكن انت ايمانك بالله ظعيف,ايمانك بالقضاء والقدر ظعيف, لو انك سويت اقصى شي عندك ,لو انك ظميتها وحميتها من المطر ومن السياره على قولتك..
    ولو انك حميتها من الحادث نفسه ماكنت راح تقدر تمنع عنها الموت
    احمد:...
    وتكمل داليا: إنك تحس انك المذنب والسبب شي,وانك تكون السبب وراء نهاية عائله شي ثاني..
    وانك تتحول من شخص متعلم مثقف يشتغل بأرقى مجال يحاكي الانسانيه وتكون تفكر بقتل وموت نفس شي ثاني
    احمد وبإنفعال: تقولي كدا لأنك ماسمعتي ..لانك ماحسيتي ..ولاشفتي اللي شفتوا
    داليا:وش شفت؟؟
    احمد:انتي عارفه ايش سبب موتها ,وانها ماقدرت تقاوم او تنجو؟؟
    داليا:...
    احمد:اخوها كان يضربها ,تعرضت لرضوض براسها قديمه,وصارت مناطق كتيره بجسمها ضعيفه وماتقدر تقاوم اقل خبطه ..
    داليا وتسمع سرعة تنفسه :...
    كمل احمد:بس خبطه هو دا اللي كانت محتاجتوا عشان تموت
    داليا:لكن
    احمد:لكن خميس وسميره للحين ماشافوا شي مني ,ولازم يدفعوا تمن اللي سووه بأنين
    داليا:احمد
    احمد:...
    داليا:احمد اسمعني ..ولو مره وحده اسمعني ,بعقلك مو بقلبك..
    انين ماتت,لكن وش ذنب عيالك يعيشون ويذوقون اللي انت ذقته؟؟
    احمد:اه
    داليا:احمد الله موجود وحق انين ماراح يضيع ,وكل اللي انضلم بهالدنيا حقه عمره ماراح يضيع..
    وانت راح تكون ضالم مثلهم لو انك بتيتم اطفاله,موبس كذا..
    حتى عيالك راح تيتمهم وراح يدفعون الثمن غالي
    احمد:...
    داليا:انت مو مجبور تسمع مني او تنفذ,لكن مجبور انك تفكر بغيرك لأن الله ماخلقك لعبث,ولأن عندك مسؤليه راح يحاسبك عليها رب العباد


    :::::::::::::::






    قرائــــــــــــــــيــ..

    - سافر محمد لأمريكا واخذ معه الخذلان وانكسار الحب ..
    واخذ معه صفقته الفاشله من تعويض فاتن بسمر..

    - وضل نايف بالمستشفى بحاله سيئه ولافقدت فيه الامل فاتن ..

    - اما خلود وكل يوم وهي على سجادتها تدعي الله يفرج همها او يتغير جارح للاحسن, كانت ماتنام الليل الا ودمعتها على خدها.. كل اللي تبيه زوج..استقرار.. وعائله طبيعيه مو اكثر.



    وتمر الايام بسرعه ...
    وتمر الشهور و السنين اسرع...
    بالبارت الجاي راح نشوف احوال ابطالنا بعد 3 سنوات
    حابه اعرف توقعاتكم .. نظرتكم لمستقبلهم..
    - أي شي يدور ببالكم راح يهمني اعرفه..
    دمتم كما تحبون
    فتومه

  2. #42

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية ضمني وخبني بين اضلعك كاملة بدون ردود 2015 من احداث واقعية





    للبارت قبل الأخير..

    بارت 30




    عدت ايام وشهور وسنين
    ثلاث سنواتـــ من الظلم
    ثلاث سنواتـــ من الدراسه
    ثلاث سنواتـــ من النسيان
    ثلاث سنواتـــ من العمر مرت ومر بها..
    ضحكه ..وحب ..ودموع
    فرح..إنجاز.. وحياة جديده
    تعالوا نشوف وش صار مع ابطالنا بعد ثلاث سنواتـــ




    :::::::::::::::::





    ببيت الحب..
    هالبيت اللي عشان يبنيه بوجودها.. تحمل سنه من..
    الإشتياق..
    التنازل..
    والرفض ..
    والعذااب..




    داليا: حبي وبعدين يله عطني فستاني خلني البسه تأخرت
    ..: وين تأخرتي تونا الساعه سبع
    داليا وهي تحط يدها بخصرها :وبعدين
    بدر:اذا تبينه خففي شوي من مكياجك
    داليا:حبيبي انا رايحه حفله مو عزا
    بدر: حتى ولو انا انسان غيور..قللي
    داليا بإبتسامتها اللي يذوب فيها:بيبي
    بدر وهو يناظر عيونها:لبيه
    داليا وهي تقرب له: اقول لك شي
    بدر: اهم
    داليا:حتى انا اغير عليك..ولا ابيك توصّل احد او تجيب احد للحفله,,فإيش رائيك مانروح "وتسحب فستانها"
    بدر وهو بمكانه:ههههه تلعبين علي ها
    داليا وهي تلبس فستانها:بيبي جد انت عجيب وما ينفع معك الا كذا
    بدر: يعني تتعاملين معي بمكر اوكي يا دالي؟؟
    داليا تقرب له عشان يقفل لها السحاب:طيب وش اسوي انت عنيد
    بدر:انتي السبب
    داليا: انا السبب!!
    بدر: إي انتي السبب,أي شي يثير غيرتي تسوينه,واي شي يثير شوقي لك تسوينه مخليتني طول الوقت مشتاق لك وعلى اعصابي
    داليا:مو كأنك ظالمني؟؟
    بدر:لا ابد ماظلمتك
    داليا: حراام عليك لا تصير نكّار
    بدر ويبي يشوف ملامح الإنفعال بوجهها: ليه انا وش انكرت؟؟ انتي وش سويتي عشاني اصلا؟؟
    داليا: من اللي غيرت شُغلها عشان عيونك,ومن اللي صارت ماتطلع مثل اول حتى صديقاتي يضحكون على الحكره اللي حاكرني هي في البيت,مع ذلك راضيه ومستمتعه بعد ..
    وبعدين تعال هنا من اللي تتحمل جنونك غيري ها ؟؟ ومن اللي تـــ
    بدر:ههه بس بس ..خلاص ترى طبيعي اللي تسوينه ياقلبي انا معطيك حب ماكنتي تحلمين فيه
    داليا: بيبي بلا غرور
    بدر: هههه فديتك يادالي "اشر على قلبه وقال " هذا بيتك
    داليا بصوتها الناعم:اكيد؟
    بدر: اكيد
    داليا:طيب قد ايش تحبني؟؟
    بدر وهو يقرب منها ويحب رقبتها:قد ما سحرتي قلبي هالمسكين بحبك..
    قد العذاب اللي شفته لين صرتي من نصيبي..
    قد مافكرت بك وقد ماراح افكر بك ..
    داليا: هه بس؟؟
    بدر: ههه و قد مانَبَضت قلوب..وقد ماراح تنبض قلوب.. انا اضل احبك
    داليا وهي تلف عليه وتمسك بيدينها رقبته:تدري حبي اني مِتأسفه
    بدر:على؟؟
    داليا:السنه اللي ضاعت مني برفضك
    بدر: عادي ياحبي تدرين ليه؟
    داليا وعيونها بعيونه بهيام:ليه
    بدر بإبتسامه :لانك ياحبيبة قلبي غبيه
    داليا وهي تضرب بإيدها الناعمه صدره:بايخ
    بدر: هههه
    داليا:مثل اختك ماتقدر تكمل لحظه رومنسيه لازم تخربها
    بدر:هههههه
    داليا:يله لانتأخر
    بدر وهو يقعد لمستوى بطنها:اول بسلم على ولدي"ويبوس بطنها"
    داليا:ليه تقول ولد !! ان شاء الله بنت
    بدر:لا ان شاء الله ولد ويصير مثل ابوه بعد
    داليا:لا الله يخليك كفايه علي واحد مجنني ماابي ثاني
    بدر وهو يقوم:افا
    داليا وتمسك بيدينها وجهه:فديت اللي تضايقوا امزح حبي,انا لو خيروني بينك وبين رجاجيل الدنيا مااختار غيرك يااغلى واحب واعذب نصيب
    بدر:تحسبين اني بضمك وابوسك بعد هالكلام ؟؟
    "داليا تحرك راسها بالإيجاب"
    بدر:لا مافيه بعد اللي قلتيه.. يله
    داليا بتريقه:هههها ياربي بتجنني بهالرومانسيه
    بدر:ههههه
    داليا: اقول لك شي..
    بدر: قولي
    داليا وهي تلبس عباتها:هو شي واحد اللي اتمناه يخف بشخصيتك
    بدر: ووشهو عشان مااغيره
    داليا: ههه بيبي وبعدين؟
    بدر:طيب خلاص قوليه
    داليا: يوم تعصب اعوذ بالله من الشيطان..ماتسمع إلا لنفسك ولا تشوف احد قدامك
    بدر:طيب انتي لاتوصليني لهالدرجه من العصبيه معك.
    داليا: بيبي والله اني صايره اخاف منك
    بدر:بـــــو
    داليا: ههه وحِش
    بدر وهو يقربها للجدار ليه
    داليا: انا حبيبتك ,وشلون تعاملني مثلي مثل غيري ؟؟؟
    بدر:ومن قال هالشي؟؟
    داليا: تصرفاتك,يعني انت ماتتمالك اعصابك لاعصبت مني
    بدر: بالعكس والله اني احس اني صاير هادي مو مثل اول
    داليا:كل ذا وهادي!!
    بدر: ايه اصلا انتي غَيرتي فيني اشياء كثير..اللحين بتمشين قدامي وله نخرب هالليله
    داليا وهي تحبه: لا يله " ورمت طرحتها على وجهها"
    بدر ورفع حاجبه: سلامات
    داليا: هههه والله امزح ههه يمه
    بدر: لا الله يخليك بحجابك لاتمزحين معي
    داليا: ههه طيب يله يالنكدي
    بدر:نكدي نكدي عادي ولا انك ترجعين مثل اول
    داليا وهي تركب الاصنصير:خلاص
    بدر: خلاص يوم تعقلين
    داليا: بيبي يعني انا مجنونه؟؟




    "وش اقول لكم عن حياتهم مع بعض..
    تناقضات وجنون بحب ..واختلافات ..
    مع ذلك..
    داليا بذكائها قدرت تقدم تنازلات مُعينه للعنيد ..وهو قدّم تنازلات أكثر بسبب قلبه اكيد..
    ومشوا بمركبهم مثل ماتشوفون بجنون "

    :::::::::::::::::::



    الماطار





    راجو:والله بابا موهمد رياض كلو فرهان
    محمد: هههه إنت بعد علموك هالحركات ياراجو
    راجو:هههه والله كلامي مزبوط
    محمد:ههههه طيب حط الشنط ياابو كلام مزبوط
    سمر:فوفو اركبي اخلصي
    محمد:خليها انا اركبْها ,تعالي حبيبة بابا
    فوفو:بابا
    محمد:عيونه
    فوفو:كيف الوح عند ماما اثاده وثاعتي اكثرت
    محمد: يابعدهم مادريت الا اللحين وله كان شريت لك مية ساعه ,كم فوفو عندي؟؟
    سمر: ترى ياكثر الساعات اللي عندها بس بنتك تدلع
    محمد:دام فوفو تبي ساعه نشتري لها ساعه ,واصلا اذا فوفو ماتدلعت من يتدلع؟!!!
    فوفو:انا ااااااااااااااا
    سمر:والله مافيه شي بيخربها الا دلعك الزايد
    محمد:هههه فوفو غني لماما غني لها
    " قامت فوفو بفستانها البينك القصير والشريطه الرقيقه على راسها وبجزمتها السعنونه وترقص وهي تقول..
    (تلوعه يتلعني وانا اتتلع كولوا لي وث اثوي)"
    راجو ومحمد:هههههههههههههههههههههه اقعدي ماما لاتطيحين
    "سكتت سمر وهي طفشانه من الدلع اللي يخص به بنته وبس"

    :::::::::::::::::::

    جده
    بيت تهاني





    خلود:ها مادق اليوم؟؟
    تهاني:لأ
    خلود:اف ايش هوا ,الموضوع مايحتاج كل دي الشهور!!
    تهاني:انتي عارفه جارح اكتر مني
    خلود:طيب ايش قال لك حمزه يوم اخر مره كلموا؟؟
    تهاني:قال لوا افكر وارد عليك
    خلود:الله يفرجها ,وربي خلاص تعبت
    تهاني:ان شاء الله خير
    خلود:ان شاء الله

    ::::::::::::::::::::


    بالقاعه


    حفلة عباره عن الملكة والزواج مره وحده ..لبطله من ابطال روايتنا
    وكانت الحفله خاصه بس بأهل العريس والعروس وصديقاتها,ولكن اخوات العريس حبوا يعزمون صديقاتهم فسواها لهم اخوهم بالقاعه.. مع ان العروس ماكان ودها بالشي الكبير.






    فوزيه:يلعن شكلك يا دالي وش ذا الزين, شكلك حامل ببنت
    اريج: يااختي قولي ماشاء الله على الحرمه
    فوزيه:انتي بلا لقافه يالحظرميه,لازم تدخلين عصك بكل شي
    اريج بدلع:حظرميه وتاج راسش,رضيتي وله ابيتي
    داليا:ههههههه خلوكم فيني احسن
    اماني :سلام
    داليا: هلا وغلا والله زمان
    اماني: ههههه ماشاء الله يالعصلا كَبرت الكرشه ها؟؟
    داليا:ايه خلاص انتظر الفرج من الله
    اماني: ماشاء الله والله الايام تجري بسرعه
    اريج:اجلسوا بقهويكم
    فوزيه:والله انا ماابي قهوه ابي هالطقاقات يخلصون علينا ويجون,ابي ارقص وارقص وارقص
    اماني:هههههههههههه, عز الله شفنا استنزال اليوم
    داليا: هههههههههههه.. الله يتمم هالليله على خير يارب
    اريج:اليوم بايقع إلا خنبقه وبايقع الا غراام
    فوزيه:هههههههه اقول تكلمي عربي انتي ووجهك
    اماني:هههههههههه وبعدين معكم مابتعقلون؟
    فوزيه: ههه لا.. هذا عشم ابليس بالجنه
    داليا بمرح:انا ابي ارقص على هيفاء واتمطط انا واللي ببطني "وياابن الحلال"
    اريج:ههههههههههههههه
    فوزيه:عز الله صارت ولاده هنا بالكوشه
    اماني:ههههههههه
    داليا: اسكتوا اسكتوا العروس تدق علي
    "فوزيه نطت عند داليا وحطت اذنها على جوال داليا"


    داليا:هلا وغلا بحبيبة قلبي
    فاتن:ليه ماجيتي معي يالبايخه
    داليا:هههه هذه ثالث مره تعرسين استحي وش تبين فيني ,حرام عليك اعتقيني انا وكرشتي
    فاتن:ههههه اوه صح اسفين
    داليا:واصلا انتي ناسيه بدوري المجنون اللي حالف عالي مااطب مشغل
    فاتن:والله انتي اللي معطيته وجه
    داليا:اهــ الحب يافتون الحب
    فوزيه:هههههههههههههههههههه
    فاتن بلا مبالاه:تدرين وش احس؟؟
    داليا: بإيش ياقلبي؟؟
    فاتن:ان مثل العاده راح تصير مصيبه دامها اليوم حفلتي
    فوزيه:هههههههههههههههه
    داليا وهي تحاول تبعد فوز: ههه لا تخافين,ان شاء الله مابيصير الا كل خييير,بس انتي تعقدتي شكلك
    فاتن:وانتي الصادقه صرت اوسوس مثل المجنونه
    داليا وتبي تطلعها من هالجو:اقول انسي كل شي ياقلب دالي وتذكري"الليله ليلتك ياعروسه"ههههههههه
    فاتن:...
    داليا:ها بديتي ؟خلصتي؟ وش تسوين؟؟
    فاتن:ابد اللحين بسوي التسريحه,وانتي
    داليا: انا ياطويلة العمر اتفقت مع الصبايا كلهم نجي بدري على القاعه ونوسع صدورنا مع بعض
    فاتن:ههه من جدكم اللحين الساعه ثمنيه ونص!!
    فوزيه:ههه كانت فكرتي اصلا
    فاتن:هههه هالقاطه ماشاء الله تسمع
    داليا:اه مستغله ثُقلي ولازقه بالسماعه
    فاتن:ههههه يله اجل انبسطوا
    فوزيه:لاتخافين مستانسيين حتى اريج من كثر ماهي فالتها فاتحه خشتها من جينا
    اريج:ياثقل دمي يابعض الناس
    داليا:ههه الله يعيننا عليهم
    فاتن:ههعع اوك يله باي
    داليا:باي قلبي

    :::::::::::::

    ببيت اصاله
    استقبلت عائلة ولدها وهي ترحب وكانت بقمة السعادتها..




    اصاله:ياهلا وغلا بنور عيني,ونُور هالبيت
    محمد:هلا بك يالغاليه,وش لونك كيف صحتك؟
    سمر:هاي خاله وشلونك
    اصاله:تمام الحمد لله دامني شفتكم فأنا بأحسن حال,,هلا وغلا بفتونه
    سمر بقهر: اسمها فوفو مو فتونه
    "محمد يناظر لها ويبتسم على شكلها"
    اصاله: ههه كله واحد وانا امك
    فوفو: ثده انا ثفتك اول في الاب انتي ثح
    محمد:هههههه
    اصاله:ياقلب جده والله وعمرها ,ههه صحيح انا اللي دائم اكلمكم بالاب
    سمر:يله عن اذنكم بطلع ارتب اغراضي
    اصاله:اذنك معك ياقلبي
    محمد وهو يجلس براحه: ها يمه وش اخبارك
    اصاله: الحمد لله بخير ,وش ابي اكثر من كذا ,انت ياقلبي وش لونك وكيف فتونة قلبي؟؟ اشتقتي لي؟
    فوفو:ثويـــــــه مــــــــره
    محمد: هههه ماعليه يمه ترى الكلمات عندنا ضاربه,البارد حار والكثير شوي
    اصاله: حرام عليك لاتقول كذا قدامها
    محمد:فوفو انتي تزعلين من بابا؟
    فوفو:هؤ بابا ثلبي لوحي عُمني عياتي >>"قلبي روحي عمري حياتي"
    اصاله: هههه الله يلعن ابليسك وش معلم البنت؟!
    محمد:هههه
    اصاله:مبروك ياقلبي على الشهاده
    محمد:الله يبارك فيك يمه ويخليك لي ان شاء الله
    الخدامه: ماما اساله راجو جاب فستانك بحطوا فوق؟؟
    اصاله:طيب وجهزي لي الشنطه والجزمه
    محمد: على وين يالغاليه؟
    اصاله:عندي عرس, وللاسف مهم مره وله كان مارحته
    محمد:اها يعني تبدين العرس على ولدك؟؟
    اصاله: لا والله ,لكن العرس مهم وغير كذا انت اكيد تعبان وبتدخل ترتاح ,يعني مابشوفك الا بكره اذا الله عافاني
    محمد:اها,,, طيب ... ااااااممم
    اصاله:وشو
    محمد:ماقلتي لي وشلون الحب؟
    اصاله:لاحول ولاقوة الا بالله ,رجعنا على الهبال؟؟
    محمد:ههه يمه الله يهديك هو سؤال
    اصاله:بالله في احد عاقل يسئل سؤالك ؟؟
    فوفو: ماما اثاله حرام حمودي
    محمد:هههه شفتي كيف يمه حتى فتونه ,تقول لك عادي لو سئلت عن فتونتي
    اصاله:ايه خلاص اكتفي بفاتن وحده وإحمد الله ,مالك دخل بالثانيه
    محمد:الله يهديك يمه هذا وانا اقول لك وشلونها,اجل لو قلت لك بكلمها وش راح تسوين فيني؟؟
    اصاله:والله ترى راح ازعل منك يامحمد
    محمد:لا افا عليك ياام محمد امزح.
    اصاله:قل يمه
    محمد:هههه امي وتاج راسي بعد,الا زعلك,قومي جهزي نفسك وروحي استانسي ووسعي صدرك بالعرس
    اصاله:يله بقوم مع إن ودي اكل هالفتونه اكل هههه
    فوفو: ياكلو حبه حبه ياكلو اكل البرثومي
    اصاله:هههههههه والله ابوك ماعلمك غير الخبال
    محمد:ههههههههههههههههه الله يسامحك يمه
    اصاله وهي تبتعد:والله اني صادقه

    محمد:هههههه فوفو تعالي بقول لك شي
    فوفو وهي تعدل فستانها بنعومه:نحم بابا
    محمد:نلعب لعبه انا وانتي
    فوفو: يث يث
    محمد: طيب اسمعي اللعبه ..هي انك تروحين غرفة جده وتجيبين من عندها شي من غير ماتدري
    فوفو:تتحتاني
    محمد: اتحداك لو جبتيه ,انتي الفايزه
    فوفو ببراءه :والله؟؟
    محمد:ههه ايه والله انتي اللي بتفوزين
    فوفو:يث يث

    ::::::::::::::::

    اما بالقاعه

    ساره اخت العريس:اهلين..من انتم تقربون لعروستنا؟
    اماني:لأ حنا صديقاتها
    ساره : ما شاء الله وجايات من زمان قبل اهلها!!
    فوزيه: وانتي من؟؟؟
    ساره:انا اخت زوجها
    فوزيه: ماشاء الله تصدقين إنك تشبهين نجوى كرم
    اريج واماني وداليا يناظرون ببعض : !!!!
    ساره:ههه شكرا الكل يقول لي كذا
    فوزيه: ايه سبحان الله نفس العيون والجمال
    ساره:الله يسلمك,,عموما حياكم الله
    فوزيه: الله يحييك
    ساره: مليانه الدِلل عندكم؟؟
    اماني:ايه الله يسلمس
    ساره:يله عن اذنكم "وراحت"

    اماني:ههههههههههههههههههه
    اريج:اباي منش يالكذابه من وين لها تشبه نجوى كرم؟؟
    فوزيه:ههههههه وش اسوي ماشفتيها وشلون تبي تقل ذوقها معنا ,بس مدحتها قلبت 180 درجه
    داليا:هههه تصدقون معها حق ,حنا ماصدقنا مكان يجمعنا جينا قبل العالم
    اريج:ههههههههههه خلاص الساعه صارت عشره الا

    ::::::::::::


    بالمشغل





    فاتن تقول للكوفيره: ماعليه بس شوي برد على الجوال هذه ثالث مره تدق
    الكوفيره:خدي راحتك
    فاتن ترد وكالعاده تقرقر قبل لاتسمع : غريبه اصول داقه اللحين!! وش عندك؟؟ اكيد انك بعرسي وتنتظريني؟ ها كيف الاجواء عندك؟؟
    محمد بصدمه: عرس من؟
    فاتن وهي تتاكد من الرقم : هذا مو جوال اصاله؟؟
    محمد: فهميني وشلون عرسك؟؟
    فاتن بعد مااستوعبت:محمد!!!
    محمد:فهميني وش السالفه؟؟
    فاتن:مالك دخل ولو داريه انك انت اللي دقيت ماكان رديت عليك
    محمد:الو الو
    " عرف انها قفلت الخط وراح لأمه وهو بقمة غضبه"


    محمد:يمه يايمه
    اصاله:نعم نعم وش فيه!!
    محمد:من جد فاتن بتتزوج؟؟
    اصاله:انت وش دراك"وتشوف جوالها اللي بيده اللي جابته له فوفو"
    محمد:ردي علي هي ماهي على ذمة نايف؟؟
    "اصاله وهي كارهه بانه عرف ..ساكته"
    محمد:يمه ردي علي هي مو متزوجه من نايف!!
    اصاله:هذاك اول
    محمد:ليه وش صار؟؟
    اصاله:ابد بعد ما طلع من المستشفى المسكين على ذيك الايام,, قالوا له انه بعد الحادث صاير عقيم
    محمد:عقيم!!
    اصاله:الاصابات اللي جات له كانت على ظهره لين تأذى النخاع الشوكي
    وبعدها تأثرت نفسيته ,وحب انه مايظلم فاتن معه ويهدي لها حريتها من غير رضاها
    محمد:....
    اصاله وهي تلمح تكمل: نايف ما حب يكون معها نذل واناني يامحمد
    محمد وهو مو مستوعب :يعني هي اللحين خلاص عقدت رسمي؟؟
    اصاله:انت وش اللي براسك ها؟؟
    محمد وهو يتوسل لأمه: يمه تكفه احلفك بخالقك عقدت وله لأ
    اصاله وهي متردده : انا اللي سمعته انهم راح يعقدون بالحفل بيجيهم المملك شكله يقرب لهم,لكن احتمال انها ملكت وانا ماادري
    محمد وهو يطلع:الله لايقول
    اصاله:محمد تعال ..محمد

    ::::::::::::

    جده
    مكالمه من



    خميس: ياقلبي خلاص ارجعي لي
    سميره:لا ياخميس خلاص ماراح ارجع لك تاني
    خميس:صدقيني اوضاعي دحين تحسنت ,ودحين اقدر استأجر لك بيت ونرجع زي اول واحسن
    سميره: لا لا لا انا قاعده ببيت بابا معززه مكرمه ماابغى ارجع لك تشحططني ,وما اخُد منك إلا الوعوود
    خميس: صدقيني المره دي خلاص مو زي المره اللي قبلها
    سميره:والخرابيط حقتك اللي صاير تشرب لي اياها؟؟؟
    خميس:بطلتها
    سميره:وانا ايش ضمْني
    خميس:ياسميره ..انا تعبت منها وتعبت من الوضع دا ,ابغى ارجع لحياتي زي زمان
    سميره:قول لنفسك ,وانت كل شويه تدخل مجال وتخسر وترجع تتديين وبعدين تدخل مشروع وازا فشلت تقعد تشرب لي,وكلوا كوم ولما تجيني وانت بحاله مو طبيعيه
    خميس: قلت لِك خلاص انا تعبت من الوضع دا ,كل اللي ابغاه دحين تكوني جنبي
    سميره:وازا رجعت مره تانيه لحركاتك؟؟
    خميس: لاعاد ترجعي لي مره تانيه
    سميره:....
    خميس: ايش قلتي ؟؟
    سميره:مااني عارفه ايش اقول
    خميس:خلاص حبيبتي وعدتك
    سميره:...
    خميس:ها ترجعي لي؟
    سميره:شوف ياخميس وربي اخر فرصه اديك هيا
    خميس:خلاص وانا عند كلمتي
    سميره:نشوف

    ::::::::::::::::

    المشغل
    نرجع لفاتن بعد ماقفلت جوالها




    الكوفيره: شو بيكي عم تدمعي ,حبيبتي هيك راح ترخبطي الميك اب
    فاتن وتحاول تتمالك اعصابها: احم ...
    الكوفيره:طيب راح حط لوحدي ميك اب خفيف وارجع لإلك ,حاولي اد مافيكِ ماتدمعي

    "هزت راسها فاتن بالايجاب..وراحت عنها الكوفيره وهي ودها ..
    تصيح ..
    تصرخ..
    تبكي من قلب ..
    بِمُكالمته رجع الم بدأ يروح و يخف ..
    رجعت ذكرى كانت متناسيتها وعائشه..
    ردت عليه وسمعت صوته اللي حرك فيها ..
    شوقها ..
    وجنونها ..
    وذكرياتها..
    وكيانها اللي بدت تخسره من بعده...

    ::::::::::::::::

    بيت اصاله





    فوفو بعد مالعبت شوي تذكرت شي وراحت جري لأمها
    تقول : ماما ماما
    سمر: نعم وش فيه؟؟
    فوفو: تعالي اذولك سر
    سمر:لاتقولين لي سر ولا تقولين لي شي ..روحي العبي لين اخلص اللي بيدي
    فوفو: مامـــــا
    سمر: اف وش تبين يافوفو؟؟
    فوفو: والله بابا راح يثوف حمره
    سمر وتترك اللي بيدها :ايش؟؟ بابا راح يشوف حرمه؟؟
    فوفو: يث
    سمر: الله ياخذك انتي وأبوك وخري عن وجهي خليني اشوف امه


    - ياخاله .. خاله
    اصاله وهي على اعصابها: انا هنا بالغرفه
    سمر: جِد ولدك راح يقابل وحده؟؟
    اصاله وهي تناظر لفوفو: استغفر الله العلي العظيم
    سمر:واكيد طبعا هي الاخت الفاضله فاتن
    اصاله:...
    سمر بصوت عالي: أبي افهم ليه وشلون يقابلها هي مو متزوجه الله يااخذها؟؟؟
    اصاله:الله يصلحك ياسمر مو وقتك
    سمر: ابي افهم اللحين مو هالزفت متزوجه وله الفُجر زاد فيها؟؟
    اصاله: لاحول ولاقوه الا بالله ,ياسمر فاتن تطلقت اتقي ربك
    سمر وبصدمه:ايش!! فاتن متطلقه ومحمد راح لها؟؟
    اصاله:انا ماقلت كذا , اصلا انا ماادري وين راح
    سمر:الله ياخذه قليل الحيا عديم التربيه
    اصاله وهي منصدمه: سمر قدامي تقولين هالكلام!!؟؟
    سمر:ولدك ذا ماعرفتي تربينه زين ,كل اللي شاغل باله وماخذ فكره التعبانه هذيك بس والله ,اذا ماعقل وهجد لاعلم ابوي واعمامي يتصرفون معه
    اصاله وكل فكرها وين راح محمد: ياالله عفوك ورضاك
    سمر وهي مقهوره من سفهان اصاله لها : والله لأوريه ولدك ذا
    "وراحت لبست عباتها وطلعت"
    اما اصاله كانت تحاول تدق على فاتن ولاترد عليها وزاد الخوف بقلبها اكثر..
    ماصدقت ان ولدها بعد عنها وبدا ينساها..وماصدقت انه رجع لبيته ولها ,إلا وبدت معه مشاكله وتصرفاته المتهوره.

    :::::::::::::::::

    اما هنا
    وصل محمد اللي كلم ابو فاتن ووصف له مكان تواجده







    ابوها اللي كان ينتظره عند البوابه الخارجيه: خير ان شاء الله,اقلقتني يوم تقول ان موضوعك مهم ولا يتأجل؟!!
    محمد وهو يحب راس ابوها : طلبتك قل تم
    ابوها وهو متعجب من حاله: وش السالفه يامحمد وش فيه؟؟
    محمد:السالفه اني ماعرفت اعيش الحياه من ثلاث سنين
    ابوها:...
    محمد:والله ياعم اني تعذبت وندمت بما فيه الكفايه تكفه رجع لي روحي
    ابوها:تقصد بنتي!!!
    محمد:ياعمي تعبت وحرام اللي يصير فيني وفيها
    ابوها بخوف: ليه وش بينك وبين فاتن
    محمد:الله يشهد اني ماشفتها ولااعرف أي شي عنها الا بعد مارجعت من امريكا اليوم
    ابوها: فات الآوان يامحمد ,اللحين مااقدر اخدمك
    محمد وهو يحس انه مو قادر يوقف: تقصد انها ملكت؟؟
    ابوها:...
    محمد بإنكسار:خلاص؟
    ابوها: توها ماملكت ننتظرها تجي,لكن انا عطيت كلمه للرجال وكل شي جاهز,وكفايه ان اهلنا بدو يحظرُون الحفل
    محمد:تكفه ياعم لاتظلمنا مثل ماظلمنا غيرك,الله يشهد اني ماابي بالدنيا غيرها,واني بالتزم بالزواج وبشيل فاتن بعيوني وراح احترمها طول العمر
    ابوها:...
    محمد:انت اسئل فاتن وان كانت ماتبي ترجع لي فأنا اوعدك بختفي من حياتكم ولا راح تشوفني بعمرك
    ابوها: صراحه ماادري وش اقول لك
    محمد:ياعم طلبتك ,فاتن طليقتي وانا اولى بها من أي شخص ثاني ,انا اليوم وصلت واليوم ملكتها اكيد ان الله كاتب لنا نرجع لبعض وله هالصدفه ماراح تكون بهالشكل
    ابوها:استغفر الله العلي العظيم
    محمد:تكفه كلمها واسئلها وطاوع قلبك وظميرك ولاتظلمنا
    ابوها اللي يفكر بوضع بنته وانه مو من مصلحتها تتزوج كثير من رجال مختلفين:.....

    :::::::::::::

    يتبع......



  3. #43

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية ضمني وخبني بين اضلعك كاملة بدون ردود 2015 من احداث واقعية










    نرجع لحفل الحريم


    داليا: هههههههههههههه,بالله ام الموف ترقص بعقلها وله تستهبل
    اماني:ههههه الله يلعن شيطانس,اقعدي اضحكي لين تولدين علينا هنا
    ابتسام:ههههههههههه
    داليا:عاتي عشان يصير الحفل خُرافي
    اريج:ههه سمعي يابتي اذا بش ولاده بولدش هنا هنا.. ضحكي ضحكي
    فوزيه:هههههههه اقول مالقيتي غير هالرقيقه وبتفترين فيها
    اريج: انتي لاتتدخلي
    اماني:يله بدينا توم وجيري
    ابتسام:تصدقون يابنات احس ام المعرس طيوبه بس خواته وعماته كِشرات ويخوفون
    داليا:من جد ماشفتي اخته الوقحه اول ماشافتنا
    اريج وهي تقلدها: ماشاء الله جايات قبل اهل العروس؟؟؟
    ابتسام: هههه ام الفشله
    فوزيه:هههه ماعليك سكّتْها بتشبيهها بنجوى كرم
    ابتسام:ههههههههههههههه

    :::::::::::::::::::

    المشغل





    و فاتن اللي توها انتهت ..
    وكل شي فيها كاره الوضع..
    تمنت انها تموت وتنتهي من كل تضارب الشعور اللي تحس به داخلها ..
    تعب ..كره.. حب ..خوف..
    قطع تفكيرها اتصال ابوها...



    فاتن بتعب:هلا يبا
    ابوها:خلصتي
    فاتن:ايه توني خلصت
    ابوها:طيب اسمعي..انتي تعرفين طبعا انه ماابي غير سعادتك
    فاتن وتبلع ريقها:وش الشسالفه يبه؟؟ انصدم العريس وله انصعق هالمره؟
    ابوها:والله ما الومك ..كل مااعرستي صار شي لاحول ولاقوه الا بالله
    فاتن:...
    ابوها:عموما..ابي اقول لك ان القرار اللي راح تاخذينه بوقف معك فيه,ولا ابيك تشيلين هم أي شي
    فاتن:وش تقصد
    محمد بترجي: تكفه عطني فرصه انا اقنعها
    ابوها:خذي كلمي وامري لله



    محمد:فاتن
    فتحت عينها فاتن وبدا قلبها يضرب:محمد؟
    محمد:محمد اللي شاريك للحين ويبيك يابنت الناس ,انا توني رجعت ووالله ماكنت ادري انك مطلقه الا اليوم
    فاتن:...
    محمد:فاتن وشلون تبين ترجعين لنفس الغلطه مره ثانيه,ليه بتخلين الظروف تحكمنا وحنا نقدر نكون مع بعض, فيه فرصه نرجع لبعض يافاتن ولازم نستغلها
    فاتن وبدت ملامح الحزن تبان عليها:....
    محمد:خلينا نحس بالسعاده اللي انحرمنا منها كثير
    فاتن:...
    محمد:ممكن انك ماتحبيني مثل ماقلتي لي اول ولكن انا ...والله تعبت بفرقاك تعبت
    فاتن:وان كنت تبيني وشلون طلقتني,كيف هِنت عليك بكل بساطه ترسل لي ورقة طلاقي؟؟
    محمد:بدر حطني بخيارين ماقدرت اهرب منهم,كان إما طلاقك,او فضيحه لأمي وعائلتي كلها.. وانتي تعرفين حساسيه اسم امي واهلي
    فاتن:...
    محمد: فاتن انا كان لازم اختار بينك وبين امي
    فاتن:....
    محمد:فاتن انا مستعد لكل طلباتك,مستعد اطلق سمر ونعيش لحالنا ,وقابل بكل شروطك بس ارجعي لي
    فاتن:....
    محمد: فتون تخيلي حياتك مع غيري وتخيليها لارجعتي معي..
    فاتن:...
    محمد:ادري غلطت عليك كثير وغلطت بحقك اكثر ,مستعد اعوظك عن كل شي ,ومستعد اخليك سعيده طول العمر بس ارجعي لي


    ""بهذا الوقت كان خارج بدر من القاعه وشاف محمد واقف على جنب مع ابوه وجاء صوبه""


    بدر:انت وش تسوي هنا!!
    محمد:خذي ابوك وقولي له رائيك وانا حاضر
    انجن بدر:تكلم من؟؟يبه مخليه يكلم فاتن؟؟؟
    ابوها: وطي صوتك يابدر ... خلاص يافاتن سلام
    بدر:انت واحد لاعندك حيا ولا مروه ولا ذرة احساس ,وش اللي جايبك هنا ها؟؟
    محمد: والله الحشيمه لأبوك هالرجال المحترم اللي واقف قدامي,وله انت مااحد يتعامل معك بالزينه
    ابوه: خلاص يابدر هد وادخل القاعه
    بدر:ابي افهم وش يسوي ذا هنا؟؟ وش جايبه؟؟
    محمد: ليه خايف اخرب عليك بيعتك لأختك للمره الثانيه؟؟

    ""بدر هنا ماتمالك نفسه وبدى بمد اليد على محمد وكبر الموضوع مو مكترث لابوه او للناس اللي بدوا يتجمعون ,لين حاولوا اولاد عمه يفكون بينهم..
    وبعد مُعاناة فكوهم وابعدوهم عن بعض""

    ابو بدر وهو معصب: هذه سواتك اجل ها؟؟
    بدر:يايبه انت على عيني وراسي بس هالحيوان وش يجيبه هنا

    "وبعدها حاولوا اقارب بدر ياخذونه بعيد عن الرجاجيل لين يهدى لأن بدر طول ماهو على اعصابه ماراح يعدي اليوم..

    اما ابو فاتن اخذ ناصر اللي كان بيتزوج من فاتن وكلمه بعيد عن الحاظرين"




    ابوها:والله انا ياولدي ماادري وش اقول لك
    ناصر:خير ياعم وش الموضوع
    ابوها:بصراحه صار لفاتن ظروف ولاعاد تقدر تكمل هالزواج
    ناصر:ليه ياعم انا شاريكم واي مشكله ترى لها حل
    ابوها:والله والنعم فيك ,وان كان عندي بِكر ماكنت برضى لها غيرك ..لكن بصراحه طليقها جا ويبي يرجعها وانا اشوف انها ترجع له افضل واحسن
    ناصر:...
    ابوها وهو منحرج: والله ادري انها كبيره ولكن شاء الله
    ناصر :الله يصلحك ياعم يعني هالشي مااكتشفتوه الا اليوم,وش اقول للناس وش اقول لاهلي اللي حاظرين
    ابوها:والله اني مفتشل منك ,بس امسحها بوجهي

    "اما ناصر يوم شاف الرجال كبير ومفتشل وهو يكلمه"
    قال:لاحول ولاقوه الا بالله
    ابوها:....
    ناصر:يصير خير
    ابوها:الله يجزاك خير والله انك رجال ولد رجال والنعم فيك

    :::::::::::::::

    اما هنا وبعد طول انتظار
    جا له هالإتصال من






    جارح:السلام عليكم
    حمزه:اهلا وعليك السلام,ان شاء الله قررت؟؟
    جارح:ايه خلاص انا نويت اطلقها ولكن مثل ماقلت كل شي دفعته فيها يرجع,وكل شي شريته لها يرجع ,وفوق هذا تكلمون اخوها يرجّع الثلاثين اللي كتب لي فيها شيك وله دخلته السجن ,وبعد مايدفع انا اطلق
    حمزه:بس مو دا اللي اتفقنا عليه ,انا قلت لك بدفع من جيبي كل اللي انت صرفتوا عليها ,ولكن مسأله الفلوس اللي اخدها خميس دي بينك وبينوا
    جارح:انا اللي عندي قلته
    حمزه:بس انا مسؤؤل عن خلود مو عن خميس
    جارح:تبون الطلاق اتعبوا شوي"وقفل السماعه"
    حمزه:لاحول ولاقوه الا بالله..تهاني ياتهاني
    تهاني:نعم حبيبي؟؟
    حمزه:دحين دق جارح وقال انو حيطلق
    فتحت عينها تهاني: جد؟؟
    حمزه:ايوا
    تهاني وهي تضحك: الحمد لله يارب الله يبشرك بالجنه ياشيخ
    حمزه:لكن في مشكله
    تهاني:ايش هيَّ؟؟
    حمزه: الندل طلب فوق مهرها ودهبها 30 الف اخدها منوا خميس
    تهاني:ايش؟؟
    حمزه: انا مستعد ادفع 40 الف واعتبرها فدى عني وعنك ولكن 30 كمان صرااحه ماحقدر
    تهاني بحزن: حسبي الله ونعم الوكيل فيك ياخميس,مو كفايه انو مهرها كلو اخدو ولا استفادت الا بعشره كمان ياخد من الرجال فلوس؟!!!
    حمزه:عاد كلمي اخوكِ وله شوفي لكم دبره
    تهاني:حسبي الله ونعم الوكيل البنت لها 3 سنين تحلم بالطلاق ,ولما قال حيطلق توقف المسئله بس بسبب خميس!!!
    حمزه:دقي عليه وشوفي ايش حيقول لك

    ::::::::::::::::::::::

    و بحفل فاتن





    "راح ابوها يدور على بدر اللي كان بقمة العصبيه ولارضى يهدى"
    ابوها:قم ياسعود "ولد اخوه" دخّل الرجال يتعشون
    بدر: اللحين؟؟
    ابوها:وانت ادخل عند اعمامك واعتذر لهم وقول لامك ان كل شي انتهى خلها تعشي الحريم
    بدر:يبه وش الموضوع وليه اعتذر لهم؟؟
    ابوه:لأن كل شي انتهى
    بدر:مافي شي انتهى يبه فاتن ماراح ترجع لمحمد
    ابوه:انت تبي تمشي كلامك علي؟؟
    بدر:لا بس
    ابوه يقاطعه : انا ابوها وانا اللي احكمها وتمشي بشوري مو بشورك
    بدر:يبه فاتن ماراح ترجع لمحمد ,لا تخليني اذبحه
    مشى ابوه وهو يقول :لاحول ولاقوه الا بالله
    لحقه بدر: وين بتروح توني ماانهيت كلامي
    ابوه: انا بروح على البيت ,ولاراح اقدر ادخل عند الرجال
    بدر:هذا هو اللي يجينا ورا ذا الـكلب ,الله يسود وجهه
    ابوه:إلا هذه فعايلك خليت العالم كلها تدري عن تفاصيل مفروض مااحد يعرفها

    "انقهر بدر من كلام ابوه ودخل يعتذر من اعمامه وهو ناوي بس ينتهي يكلم فاتن ويتفاهم معها قبل لاابوه يتهور هالمره "

    ::::::::::::::

    اما عند الحريم






    فوزيه: بنات فيه شي مو طبيعي ..وش الموضوع
    اماني:اقول انتي باللذات اسكتي ولااسمع لس حرف
    داليا: صادقه فوز فتون ماترد,وفيه حركه مااهي طبيعيه
    فوزيه:شفتوا .. شوفوا اهل العريس راحوا ,صدقتوني اللحين
    ابتسام:ياقلبي يافتون مسكينه هالإنسانه
    اماني:الله يستر
    فوزيه قامت لعائشه:عيووش وش الموضوع وش السالفه؟!!
    عائشه:اه ماادري كل اللي قال لي اياه زوجي انه لازم نعشي الحريم وننهي هالليله
    فوزيه:طيب دقي على اخوك بدر
    عائشه:مايرد علي ,ماادري وش عنده الثاني ممكن مشغول مع الرجال
    يله عن اذنك فوز,لازم اشوف الضيوف وادخلهم على العشاء
    فوزيه:اوك
    ابتسام:ها وش قالت لك؟؟

    :::::::::::::::::

    دقت تهاني على خميس





    خميس:خير
    تهاني:سلام
    خميس:وعليك خلصي ايش عندك انا رايح اجيب زوجتي ولا فاضي لك
    تهاني:ماعليه عطيني خمس دقائق من وقتك ياباشا
    خميس:ايش تبغي؟؟فلوس ماعندي.
    تهاني:استغفر الله ياربي.. الله لايحوجني لا لك ولا لغيرك,انا اللي ابغاه حق جارح
    خميس:وايش هوا حق جارح إن شاء الله؟؟
    تهاني:التلاتين الف اللي اخدتها منوا لك كم سنه دحين مارجّعتها
    خميس:ومن قال لك انو انا عندي فلوس؟؟
    تهاني:دامك حترجع زوجتك,معناها جيبك صاير مليان
    خميس: ياحبيبتي اللي بجيبي لعيالي وزوجتي مو لك انتي وجارح
    تهاني:لكن دي فلوس الرجال ومالك حق فيها
    خميس:وانتي ايش دخلك؟؟!!
    تهاني:مو هوا ماحيطلق خلود الا بعد ماتدفع انت اللي عليك
    خميس:ايوا..اجل عساها مااطلقت
    تهاني:يااخي انت ماتحس؟؟ماتستحي؟؟ماتخاف من ربي
    خميس:اقُول لك بلا قله حيا ,وكلام فاضي انقلعي

    "وقفل السماعه,وخلاها بذهولها من لا إنسانيته الزايده واللي كل يوم تزيد عن اللي قبلها "

    ::::::::::::::::::::::::


    اما ببيت فاتن
    بعد ماجابها ابوها للبيت





    ابوسعد: ها يافاتن موافقه تتزوجين من محمد ال.....
    "فاتن وتحس ان الحروف صعبه عليها واقفه من ورا الباب ساكته..
    اما محمد كاتم نَفَسه يبي يسمع جوابها بالإيجاب,وهي واقفه مصدومه ومو مستوعبه تَسَارُع الامور"

    ابو سعد:يابنيتي يافاتن تقبلين تتزوجين من محمد ال....؟
    اخذت نفس فاتن وقالت بارتباك: ايه
    "ابتسم محمد وغمض عيونه وارتاح"
    ابو سعد: الحمد لله .. بارك الله لكما وبارك عليكما وجمع بينكما بخير
    ابوها:الله يبارك لكم ان شاء الله
    محمد وهو طاير من الفرحه:الله يبارك فيكم يارب
    ابو سعد: خلاص اجل يسوون التحاليل ويجيبونها لي عشان اقدر اعطيهم العقد
    محمد: باذن الله بكره اروح المستشفى
    ابوسعد:طيب ياابو بدر انا استئذن اللحين ,تدري مفروض اني نايم بهالوقت
    ابو بدر:الله يجزاك خير ماقصرت ونخدمك ياولد العم
    ابوسعد:يله في امان الله
    ابو بدر ومحمد:مع السلامه
    محمد: اقول ياعم
    ابو بدر:سم
    محمد:سم الله عدوك بس لو سمحت لي ..ممكن اشوف فاتن او اخذها انت وش تامرني فيه؟
    ابو بدر:ههه تاخذها ليه وانا ابوك!! هو زواج بالسر,لازم نعلن زواجكم بالاول,وتشوف لكم بيت تسكنونه
    محمد:صحيح طيب اجل بكره ان شاء الله اجيب الذبايح واذا تبون نستاجر ماعندي مانع,والبيت شغلته مافيه ابسط منها.
    ابوها:لا بلاها التكاليف والحفلات هذه.. انا مااحبها حياك بكره بعد العشاء خذ زوجتك والله يوفقكم .. بس ها
    محمد:والله لاحطها بعيوني
    ابوها: يصير خير
    محمد:طيب ياعم ممكن اشوفها
    ابوها:ايه اكيد بروح انادي لك عليها

    "ابتسم وجلس براحه تذكر امه فدق عليها"

    - هلا بأم محمد حرقتي جوالي من كثر اتصالاتك
    اصاله:وليه ماترد؟
    محمد:هههههه كنت املك
    اصاله:!!!!!!
    محمد:ههه يمه وشفيك وينك
    اصاله:شف يامحمد والله ثم والله لزعل عليك اذا فضحتنا ,كفايه وانا امك والله كفايه
    محمد:هههه يمه خلاص انا تزوجت على سنه الله ورسوله ,ورجّعت الحب لحياتي
    اصاله:انت بعقلك؟!
    محمد:ههه يمه انا لارجعت فهمتك اللحين خليني اشوفها واوعدك اشرح لك كل شي
    اصاله: زوجتك توها جايه من برا ولا ادري وين كانت بس تراها
    درت انك رحت تقابل فاتن
    محمد:هههههههه خلها تدري عادي
    اصاله:الله يصلحك بس يامحمد.
    محمد:سلام

    ::::::::::::::

    بالسياره





    ماجد:معقول
    فوزيه:ايه وليه مو معقول
    ماجد:طيب هو ليه دامه يبيها طلقها قبل؟؟
    فوزيه:احم ..احس بعض الناس صاروا ملاقيف؟
    ماجد:من عاشر القوم....؟؟؟ هههههههههه
    فوزيه:هههههههههههههه تدري ليه
    ماجد:ليه؟
    فوزيه:لانه خانها "وقربت منه " والله ثم والله ياولد اسماء اذا خنتني قتلتك
    ماجد:ههههههههههههههههههههههه
    فوزيه وتعدل قعدتها:اضحك وشوف اذا ماسويتها
    ماجد:ليه مستغني عن عمري؟؟
    فوزيه:ايه احسب.. بس انا عطيتك خبر ها
    ماجد:ههه والله العظيم انتم يالحريم شي غريب
    فوزيه:اقول وين عبود بس؟؟
    ماجد:نام وحطيته ببيت امي
    فوزيه:اجل حبيبي خلنا نتمشى شوي
    ماجد:اللحين حبيبي !!وقبل شوي بتقتليني!!
    فوزيه:تؤتؤ طبعا اذا فيها عينك بتروح يمين او شمال على طول قتل
    ماجد: اوكي شوفي من يوديك المطعم؟
    فوزيه:لاااا .. طيب خلاص لانروح المطعم عادي
    ماجد:هههههههههه مجنونه
    فوزيه:مجنونه ايه عادي بس اهم شي انت لي لوحدي
    ماجد:عشان هالكلمه هذه مابرجعك البيت الا بعد الفجر
    فوزيه:جد
    ماجد: كم فوز عندي انا؟؟

    :::::::::::::::

    اما هنا فاتن بحالة جمود





    تحس بأنها بحلم..هيأت نفسها انها اليوم بتكون ببيت شخص غريب عنها كل اللي تعرفه عنه.. انه شخص محترم وعاقل وناضج طلق مره وكانت هي بتكون زوجته الثانيه..
    واقعها يقول انها اليوم صارت زوجه لمحمد ..
    قلبها ينبض بشكل سريع..
    احساسها غريب بشكل ثاني..
    ناداها ابوها عشان تدخل عنده وتقعد معه..
    وزاد خوفها ..ماتدري ليه..
    هو حيا وله للآن ماهي مصدقه هالجنون..
    هو شوق..وله خايفه من العواقب وش تكون ؟؟


    مشت وكل خطوه تحس بأن انفاسها تضيق عليها..
    فتحت الباب برجفه وخطت اول خطوه وحست ان رجلها بدت تخدر ولاهي قادره تكمل المشي ..

    وشافها..
    عيونها..
    انفها ..
    عطرها اللي له ريحه خاصه بجسمها ..
    هي هذه..فاتن..
    اللي تملكت قلبه واشتاق لها ..


    مشى بخطوه سريعه لها ومسك يدينها وناظر بعيونها وقال:
    - هلا
    هلا بكل الحب ,هلا بأصدق حب ..هلا باللي من بعدها ماذاقت الراحه عيني ولا عرفت معنى الهنى .

    "كانت فاتن تناظر للتفاصيل بوجهه..ماكانت تتوقع انها للآن مشتاقه له ,ولاكانت تضن انها كانت بحاجته لهالدرجه ,ولاضنت انها بتهتم للكلام اللي بيقوله لها بيوم"

    محمد:اشتقت لك
    فاتن وهي للان مصدومه من كل شي :لو انك تأخرت ساعه كان يمديني على ذمة غيرك اللحين
    محمد:الله اراد والله كتب.. والاهم اني لحقت وصرتي لي,,لي انا مو لأي شخص غيري
    فاتن:...
    محمد: لو كان خذاك غيري كان قتلته
    فاتن وهي توخر يدينها منه:متى تبطل اجرام؟؟
    محمد:ههههه وش اسوي حبك خلاني مجرم,ماشي بدون العقل.
    فاتن:....
    محمد وهو يقرب لها:اه يافتونتي
    فاتن:...
    محمد:مشتاق لك شوق ماراح اقدر اوصفه بسنين
    فاتن:...
    محمد:احبك
    نزلت عينها فاتن وقالت: مااصدق
    "مسكها من خصرها وقربها اكثر له ,ودخل بهالوقت ..."








    بدر: انت !!!! وش تسوي هنا يالحقير؟؟؟ وخر عنها
    "بلعت فاتن ريقها ووخرت عنه"

    محمد:احترم نفسك لو سمحت فاتن اللحين زوجتي
    بدر: تحلم
    "راحت فاتن تركض تنادي ابوها"

    محمد: انت ليه ماتفكر بفاتن وسعادتها ؟؟ ليه تبي تاخذ عنها قراراتها ها
    بدر:وانت من تكون عشان تدخل بخصوصياتنا "وقرب له "
    محمد بإستفزاز:انا زوج فاتن ,انا الولي عليها ,انا اللي راح تمشي كلمته من بعد اليوم
    "بدرثارت اعصابه واخذ تحفة القزاز وكان بيضرب محمد إلا على دخلت ابوه اللي مسك يده"

    محمد:انت مجنون ما انت صاحي
    بدر:يبه وخر خلني ابوريه ذا ولد الــ... ووريه الجنون ,يايبه وخر انا ماابي ااذيك وخر عني
    ابوه: تعوذ من ابليس واعقل خلاص ماراح يفيد شي اللحين
    بدر:تقصد انه جد ملك عليها ها؟؟
    ابوه: ايه خلاص صايره زوجته على سنه الله ,اهدى شوي

    "زادت عصبيه بدر وقدر يوخر يد ابوه عنه وراح لمحمد اللي تصدى لضرباته لين فقد اعصابه وبدا للرد على الضربات اللي تجيه من بدر
    حاول ابوه يفكهم ولكن مافيه فايده ,كل واحد شايل على الثاني غل..
    دخلت فاتن وهي تصرخ تنادي على بدر,ولكن مافيه فايده لين دخّلَت نفسها بين محمد وبدر وجا لها من الضرب نصيب "


    بدر وهو يناظرها بحقد: رجعتي له يالغبيه
    فاتن: تكفه خلاص يابدر اهدى شوي واسمعني
    بدر وهو مقهور ويصرخ:نسيتي كيف خانك وبدّى عليك اللي ماتسوى؟؟
    محمد:شي مايعنيك لاتتدخل
    بدر وهو يحاول يوخر فاتن اللي متمسكه فيه بقوتها كلها لأنه مايبي يأذيها:وخري
    فاتن:تكفه يابدر تكفه
    ابوه وبعد ماثارت اعصابه من بدر قال بحزم: بدر والله ان ماعقلت واحترمت نفسك واحترمتني لــ
    بدر:وش راح تسوي !!! خلاص سويت اقصى شي ممكن تسويه لي
    ابوه: بدر اطلع من بيتي ,ولاعاد اشوفك هنا
    بدر ويحس بإهانه: بطلع لكن عمري ماراح اسامحك على اللي سويته بفاتن

    "وطلع وهو يحس انه انكسر وإنهان قدام اكثر شخص يكرهه..
    حست فاتن بأن قلبها يتقطع ودموعها بدت تنزل من غير ماتحس راحت ورا بدر وتقول له " : تكفه سامحني
    بدر وهو طالع من باب الشارع: بعتي نفسك برخيص يافاتن,والله انه مايسوى
    "راح من قدامها وحست انها فقدت السعاده اللي كانت تملى قلبها قبل دقائق"

    :::::::::::::::

    جده




    تهاني:خلاص ياخلود اهدي شويا
    خلود:لمتى راح اضل معلقه,,لمتى؟؟ ماصرت اقدر اطلع أي مكان او اقابل أي احد؟؟وربي تعبت.. مااقدر اشوف احد إلا ويسئلني ايش صار معاكِ؟؟
    ايش اقول لهم؟؟ عندي زوج مايخاف ربوا وعندي اخ اخس منوا ؟؟
    ايش اقول لهم؟؟اني عائشه مَلطشه واني انبَعت برخيص ؟؟وحعيش باقي عمري رخيصه؟؟ ايش اقول لهم؟؟
    تهاني:ان شاء الله حَتُفرج
    خلود:ياتهاني تلات سنين وانا معلقه ,لمتى حفضل كدا؟؟
    تهاني وهي تتذكر:امس كلمت عائشه اللي كانت عند فاتن لما باركت لها وقالت لي انو عندها شي حتقولي اياه عنك وعن زوجك.
    خلود بلا اهتمام: ايش هوا؟؟
    تهاني:مااعرف بس ممكن يفيدنا,دحين اكيد انهم بزواج فتون ومااهي فاضيه..بكرا ندق عليها ونشوف
    خلود:تهاني
    خلود:نعم
    خلود: مافي حل ولا بإيدي الا حاجه وحده
    تهاني:ايش هيَّ؟؟
    خلود: اني ارجع لجارح
    تهاني:ايش؟؟
    خلود:حَمُوت من كلام الناس ياتهاني حموت ,ليَّ تلات سنين عندك ولا مره قال لي خميس تعالي بيتي حتى بالكدب.. مو لأنو زوجك طيب معناها يحق لي اقعد على قلبوا طول العمر..
    تهاني:بلا هباله ياخلود
    خلود:انا اتكلم من جدي
    تهاني:خميس ندل ولا حيدفع لي ريال ,وزوجك مو مكلف انوا يدفع مهري والدين اللي على خميس
    تهاني:هوا حيسوي دا الشي بإرادتوا,انا حتى ماقلت لوا ,او طلبت منوا شي
    خلود:شفتي انوا زوجك ولد حلال وطيب,ليش يدفع تمن غلطة غيروا,انا خلاص فهمت الدرس من الحياه وفهمت انوا السعاده مو من نصيبي ولا مكتوبه ليَّ
    تهاني: خلود ربي ازا حب العبد ابتلاه,اصبري وصدقيني حتفرج
    خلود ودمعتها بخدها: صرت اكره الصبُر ..وربي صرت اكره الصبر
    تهاني:...
    خلود:انا لازم ارجع لوا


    ::::::::::::::::::::

    بيت اصاله





    محمد بأعلى صوته وهو داخل: من فينا هالليله ينام والشوق صاحي ماينام..كل منا ياحبيبي شايل بقلبه كلام ..من فينا هالليله ينام
    اصاله:ماشاء الله مروق ومخليني انا على اعصابي
    محمد وهو يضمها: وليه ياام محمد على اعصابك بسم الله على اعصابك يابعدهم
    اصاله: وخر عني اشوف,تكلم وش صار معك؟؟
    محمد:ابد يالغاليه تزوجت الحب واه مستانس يمه مرتاح
    اصاله:وسمر؟؟
    محمد:سمر وش فيها؟؟
    اصاله:وش ناوي تسوي معها؟
    محمد:السواة سواة فتونتي اللي تقول لي عليه بسويه لها,إلا هي وين؟؟
    اصاله:منتظره حضرتك بنت الناس ,جهزت لك عشاك المسكينه
    محمد:هههه وليه مسكينه ,انا تزوجت بالحلال وش المشكله وبروح الحين اقول لها
    اصاله:لا حشى ماانت صاحي
    محمد:أي والله اني مجنونها..وين فوفو
    اصاله:نامت
    محمد:طيب انا بروح اجل عند السمر
    اصاله:لاحول ولاقوه الا بالله

    ::::::::::::::::::::












    - ردة فعل سمر؟؟
    - خلود وهل ممكن ترجع للعذاب برجلها؟؟
    - وضمني وخبني بين اضلعك
    - وبدر هل ممكن بإيده شي؟؟
    - ونقله كبيره توضح لنا تفاصيل اكثر..


    مزيد من الجنون ..والمفاجئات ..بأخر بارت
    واللي يتوقع انه قدر يرسم النهايه.. فأقول له "ماخلصت مفاجئاتي ولا طاحت كل الاقنعه للآن"
    البارت الجاي محتاج تركيز ,ومزاج عاليــ




    كونوا بالقرب
    دمتم كما تحبون
    فتومه

  4. #44

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية ضمني وخبني بين اضلعك كاملة بدون ردود 2015 من احداث واقعية







    بارت 31
    والأخير







    ببيت اصاله




    دخل محمد للبيت بكل تفائل وفرح بالإنجاز اللي حققه الليله..
    تكلم مع امه اللي كانت تنتظره وخايفه عليه ..طمْنها وراح لزوجته اللي تنتظر بس تشوفه...



    سمر وهي تقرب له: وين كنت؟؟وليه ماترد علي؟؟
    محمد وهو بنفس حالة الفرح :اه ياسمر كنت بِحلم والله بحلم
    سمر:...
    محمد:وش فيك تناظريني كذا؟؟
    سمر:قابلت من؟؟
    محمد:تبين تعرفين قبل لا تقولين لي تعشى حبيبي؟!!تبي بارد؟؟تبي شي؟؟
    سمر:الاكل قدامك تبي تاكل كل
    محمد:لا لا انا شبعــــــــــــــــــــــان ههه امزح معك
    سمر وتعطيه العصير :اجل قول لي يله
    محمد ويشوف فاتن بمخيلته: اه
    سمر وهي على اعصابها: !!!!!!!!
    محمد وهو يحط كاس العصير على الطاوله: انا كنت عند الحب وابشرك بكره راح اعيش قصة حبي اخيرا
    سمر: ايش؟؟
    محمد:بكره ان شاء الله انا و فاتن
    سمر فتحت عينها:كيف؟؟
    محمد بحاله مجنونه: فاتن اللي كنت متزوجها قبلك,انا خلاص عقدت عليها ولكن بكره ان شاء الله.. راح نكون ببيت واحد .
    سمر وتحاول تستوعب : انت وش ااا يعني وش تقصد انت خلاص؟؟
    محمد وهو يرمي نفسه على الفراش:اه ياسمر والله اني اسعد مخلوق بهالدنيا
    سمر:قوم وكلمني اللحين من جدك بتتزوج علي؟؟
    محمد وهو يتغطى:اممم
    سمر:اقول لك قم كلمني بتتزوج علي يامحمد؟؟؟
    محمد وهو مرتاح مغمض عيونه ومبتسم :اشـــش
    سمر وهي تقرب له اكثر: محمد ترى ماراح اسكت ,مو انا اللي زوجها يتزوج عليها سامعني
    محمد:امم

    "انقهرت سمر وحست النار تشب داخلها,والأفكار الشيطانيه بدت تدب بمخيلتها"

    :::::::::::::::

    مكالمه بين





    داليا:ليه وش صار؟؟
    فاتن:اول قولي لي ماوصل للبيت للحين؟؟
    داليا:لأ للآن ماجا
    فاتن: ياالله..الله يستر لايصير له شي
    داليا:ليه وش صار عندكم؟؟
    فاتن:تضارب مع محمد .. وابوي طرده
    داليا:يوه
    فاتن:اف طيب دقي عليه شوفيه هو بخير
    داليا:اسمعي صوت الباب شكله وصل
    فاتن: طيب الحمد لله اهم شي انه طيب
    داليا:اكلمك بعدين
    فاتن:اوكي

    "دخل بدر لغرفة النوم وحط حرته بالباب ..ترددت داليا تدخل وله لأ..وفضلت تنتظر نص ساعه ثم دخلت له"



    داليا: حبيبي
    بدر وهو يناظر للجدار:انا لازم اوقْف هالمهزله.
    داليا:...
    بدر وهو يناظرها :لازم اسوي شي,ماراح اوقف وانتظرها لين تروح بيته
    داليا وتقرب له بحب :بيبي قلبي انتَ..دامها وافقت وابوك وافق خلهم براحتهم
    بدر وتجمع غيظه اللي هدا بالنص ساعه: وليه اسمح لأختي تاخذ واحد حقير,لاعنده دين ولا اخلاق؟؟
    داليا:...
    بدر:والله لأقتله ولا انه ياخذها
    داليا بخوف :بيبي بليز اهدى وبعدين فكر باللي راح تسويه
    بدر: ابي افهم كيف وافقت هالغبيه هذه عليه؟؟
    داليا:....
    بدر:اه يافاتن قهرتيني
    داليا وتحاول تهديه: بيبي ..اقول لك شي انا ماكان ودي اقوله لك ,او اعلم فاتن به..
    بدر:...
    داليا:انت تدري ان الناس قامت تتكلم عن فاتن كثير
    بدر:!!!
    داليا: الكل يتكلم بأنها تتزوج كثير وتتطلق كثير ,وقاموا يطلعون اشاعات مالها داعي عليها
    بدر:وليه يعني؟؟
    داليا:هذا مجتمعنا يابيبي عمرهم ماراح يقولون الرجال فيه العيب ,الكل يحطها براس المره وانا اشوف يعني ..انو ترجع لطليقها افضل من الغريب
    بدر:مستحيل ماراح ترجع له .. مستحيل

    "داليا وماتبيه يزيد بعصبيته سكتت ..وقربت منه خذت ايده وضمتها بيدينها وضلت معه بصمت وعقلها يوديها يمين وشمال..لين تعب بدر من التفكير ونام ..ساعتها ارتاحت وحطت راسها على صدره ونامت"

    :::::::::::::::::::



    ولكن هنا..
    بهاليوم الثاني..
    وبهالمكان وبهاللحظه مافيه مستحيل





    هنا..
    وبهالثواني..
    وبعد طول انتظار ..وبعد شوق وسهر وعتاب..
    بيتحقق الحلـــــــــــم..




    فاتن كانت مثل القمر..
    بمكياجها الناعم وروجها اللي مثل التوت..وفستانها الزهر اللي يرسم جسمها مثل لوحة الفنان ..
    كانت بسيطه ..وفاتنه ...وساحره
    اما محمد كان كاشخ ببشته والسعاده ماليه تفاصيل وجهه وكأنه بيتزوج للمره الاولى..
    ماصدق ان الرجال تعشوا نادى عليها وركبوا سيارتهم واخذها لبيتهم..
    واول مادخل محمد شال العبايه من على فاتن وضمها ودار بها لين حطها على السرير"


    فاتن: ماانت صاحي
    محمد وهو يبتسم لها قعد على الارض..ويحوس بجيوبه لين لقى الخاتم وجلس مثل مايسوون بالافلام وقال:تتزوجيني؟؟
    "قامت فاتن تضحك على عبطه,وملامح وجهه الغبيه "

    محمد وبإصرار: وش فيك فتون ردي علي تتزوجيني؟
    ترى ماابي غيرك بحياتي ..
    ولا احد يسوى مثلك بحياتي ..
    ولاحبيت قبلك بحياتي..
    ولا يِعْني لي احد غيرك بحياتي..
    تتزوجيبني؟؟


    ""قربت منه فاتن وهي حاطه عينها بعينه.. إبتسمت ..
    ومسكت بيدينها الدافيه وجهه وقالت""







    قرب وقال ممكن اطلبك بالحلال.. ودي يكون مسكني هو مسكنك
    حبيبي سمعت عن عشاق كان العشق فيهم بلاء
    وقربهم من بعضهم افود واسرع من الدواء
    لكن انا ...
    "هزت راسها "
    ادمنت حبك يالطيف
    لايكفي قربك ولا شوقي الشوق الخفيف
    مايهدى قلبي .. ولا البال ابد يستريح
    تدري شلون
    ضمني
    وخبني
    بين أضلعك
    وخل مكاني بداخل قلبك وخلني اجري بدمك
    ولا تخاف من ضيق الوريد ...
    لاراح يضيق بيوم فيني ..او يضيق بيوم بك
    بكل بساطه ..
    لا رَمَشت .. يمر رِمشك مَنظري
    ولا دق قلبك ماابي غير اسمع نبظه
    لاكان لغيري.. كيف يفرق لادق لي
    ولا جاني الشتا ..ابتلحــــف دفاوة قلبك وانام
    ولاجعت يكفيني حلاوة مبسمك دون الـــــكلام
    اه يااني اغير من نبض قلبك عليك
    وشلون قلبك لاناداه اسرع مني يلبيك
    خلاص اجل اكون مثل الجن واسكِنك
    كذا يكون مسكني هو مسكنك
    جسد واحد وما يجرى علي.. يجرى عليك
    ::::::::::::::::::::::



    اول ماجا الصباح دقت تهاني على عائشه, اللي كانت حاسه بأن
    الموضوع اللي بتكلمها عنه مهم أو على قولة المثل (الغريق يتعلق بقشه)..






    تهاني:ها حبيبتي كيف زواجكم
    عائشه:ههههه من الف ليله وليه
    تهاني:ماشاء الله ..ربي يسعدها
    عائشه:ههههههه
    تهاني:إيش بك؟؟
    عائشه:قصص فاتن بتنتشر بالمجلات والمسلسلات ,ماصار العرس امس
    تهاني:امانه !! ليه ايش بكم!!
    عائشه: ابد كل شي انقلب لدراما
    تهاني:لاحول ولاقوه الا بالله
    عائشه:ههه والله من جد اختي هذه حظها يفلق الصخر
    تهاني:...
    عائشه: خير حبيبتي؟؟
    تهاني: انا كنت ابغى اسئلك عن الموضوع اللي يخص خلود و جارح
    عائشه:ايه صح..شوفي انا وصّاني بدر مااقوله ,ولكن بصراحه اشوف انه جا الوقت اللي لازم تعرفون فيه الحقيقه
    تهاني:أي حقيقه!!
    عائشه: انا والله مابقول هالشي الا بعد ما قلتي لي عن نذالة خميس وحالة خلود النفسيه
    تهاني:ايش فيه ياعائشه خوفتيني
    عائشه:صراحه جارح مو سَوي ولازم تاخذون هالشي ضده وتستغله عشان تتطلق المسكينه.
    تهاني:ايش تقصدي؟؟انا مااني فاهمه حاجه
    عائشه:انا احكي لك من البدايه

    :::::::::::::::::::::


    بيت اصاله
    الساعه 12 الظهر







    اصاله:هلا سمر وين رايحه بهالوقت؟!
    سمر بإرتباك:ابروح ازور اهلي,اخوي بره ينتظرني
    اصاله:اها معك الرحمن ..إلا سمر
    سمر وقفت :نعم
    اصاله:وين محمد؟؟
    سمر:محمد اا راح ماادري عنه..عموما انا قافله غرفتي ماابي احد من الخدم يدخلها ..باي
    اصاله: معك الرحمن ,, بس فوفو تعالي بوسي جده
    جات لها فوفو وقالت: ثده ادولك ثر
    اصاله:ههه ايه قولي لي سر
    سمر:اخلصي بلا مصاخه
    فوفو:اطب.. "وقالت باذن اصاله" ( اكدب فود)
    اصاله:هههه طيب خلاص "وهي ماهي فاهمه شي"
    ههههه يا سنتيا تعالي شيلي الفطور..ياحليلك يا فوفو اكدب فود وش اكدب فود؟؟هههه
    الخدامه:ماما انا مافي شوف بابا مهمد ينزل اليوم
    اصاله:كيف؟!
    سنتيا:مافي انزل بابا مهمد
    اصاله:طيب روحي شوفي سيارته بره؟؟
    سنتيا:انا قبل شويا طلع زباله في شوف سيارة بابا بره

    "قامت اصاله دقت على جواله كم مره ولا رد عليها ..وتذكرت كلام فوفو وبدت تشك انه بخصوص ابوها ..
    اقشعر جسم اصاله وخافت وهي تطلع على غرفة سمر وتدق الباب..وتشك بكل دقه ان فوفو تقول ""تكذب فوق""

    :::::::::::::::

    نرجع لجده





    حمزه:اجل بشري خلود انوا كسبنا الطلاق من غير ماندفع ولا ريال
    تهاني:كيف؟؟
    حمزه:انا اصلا مجرد ماادق عليه واقول لوا اننا عرفنا اخلاقوا واننا حنروح المحكمه نطلب الطلاق ,حيقولي انو حيطلق
    تهاني:جد
    حمزه:اكيد ..اصلا جارح يشتغل مع ناس صيتهم عالي ولا حيقبل على نفسوا السمعه البطاله او حتى المحاكم
    تهاني بفرح :وربي فرْحتني لاتخليني انقل لخلود الخبر وهوا مو أكيد
    حمزه:ياحبيبتي حتى لو ماطلق بإرادتوا المحكمه تجبروا على طلاقها لاتخافوا ولاتشيلوا هم
    تهاني:انا حروح اقول لها




    "طلعت تهاني وهي بقمة سعادتها ,,تدور على خلود ولقتها قاعده مثل عادتها بكل هدوء وحزن وعقلها شارد ..
    قربت منها تهاني وجلست جنبها"


    تهاني: خلود
    خلود بعيونها التعبانه:نعم
    تهاني:خلاص لقينا الورقه الكسبانه اللي حتجيب ورقَتك ,غصب عنوا مو برضاه
    خلود:ليه ياتهاني
    تهاني:ايش؟؟اللي ليه؟!!
    خلود:ليه تفرحيني بحاجه صعبة زي كدا؟؟
    تهاني:لأنها حقيقه ,دحين حمزه قاعد يكلم جارح وانا متأكده انوا حيجي ويأكد لك اللي قلتوا
    خلود ودمعتها على خدها:انا تعبت
    تهاني وهي تضمها:وربي حاسه فيكِ
    خلود وتضمها اكثر: ياتهاني احس بالموت يُكتم على انفاسي ابغى اعيش ياتهاني ابغى اعيش
    تهاني وبدت تدمع: صدقيني ياخلود انتي انسانه طيبه وعمرك مانسيتي ربك هانت, وحتشوفي ان الفرج قريب
    خلود وصوت بكاها يعلى: يارب

    :::::::::::::::::::::

    نرجع لاصاله
    عند الباب





    اصاله وهي تدق بقوتها: محمد انت بالغرفه؟؟
    "صوت الهدوء التام ولا فيه حس "
    اصاله بعصبيه : وين راجو مو قلت لِك ناديه ؟؟
    سنتيا: انا نادي هوا اللحين هوا إجي


    ""وفعلا خمس ثواني وطلع راجو كسر الباب ودخلت اصاله..
    ولكــــــــــن لقت ..

    الغرفه مرتبه كثير ,الأشياء مكانها, ولا يظهر لمحمد أي اثر..
    ارتاحت شوي..
    و حبت تدخل بعد الحمام عشان تستريح..
    دقته كم مره ثم فكته ..
    واول مافتحت الباب شافت الدم بكل مكان , ومحمد طايح وهو ينزف ما يتحرك,ولا حاسس بشي, ولا يسمع لصوتها تناديه...
    قامت اصاله تصرخ وتصرخ وهي تبكي وتضمه..
    وهي تنادي بإسمه..
    وتردد تتمنى انه يفتح عيونه, يشوفها ,ويرد عليها..
    اما الخدامه قامت ترجف ووقف تفكيرها عن حسن التصرف.. فقام السواق شال محمد من حضن امه للمستشفى بسرعه ""..

    :::::::::::::::

    بيت اهل فاتن
    العصر..





    ""بالبدايه ويوم قامت فاتن من النوم بدري ..اول شي سوته شافت جوالها وتوقعت انها بتلاقي اتصالات من محمد او مسجات كعادته..لكن استغربت انها مالقت له ولا مسج او اتصال..
    تكدر خاطرها بس يوم تذكرت ليلة امس ابتسمت ورجع لها بعض الحماس لكن الخوف ضل بداخلها ..
    ساعه ..
    وساعتين..
    وثلاث..
    وزاد بها كل مامرت الساعات لين صيطر عليها.

    وبنفس هالوقت دخلت عائشه لغرفتها""..


    عائشه:سلام
    فاتن : وعليك السلام
    عائشه:بسم الله الرحمن الرحيم وش هالوجه المقلوب افرديها شوي وجع تراك عروس
    فاتن:يا عيوش فيه شي مو طبيعي
    عائشه:ليه وش صار؟؟
    فاتن:ادق على محمد ولا يرد ,حتى اصاله اللي عمرها مازلبتني ماترد
    عائشه:تعوذي من ابليس ,شوي وتلاقينهم دقوا عليك
    فاتن:اف ياعيوش انا اصلا النحس بعينه عمري ماتزوجت ومرت ليلتي على خير
    عائشه:ههههه تعوذي من ابليس وش فيك صايره تشائوميه ..قومي يله اجهزي ,امي تقول ملت منك وهي تقول لك اجهزي.
    فاتن:لا ماراح اسوي شي لين يردون علي
    عائشه:طيب دقي على بيتهم اكيد بترد الخدامه
    فاتن:دقيت ولا احد يرد ,اقولك انا متاكده ان فيه شي
    عائشه:لاحول ولاقوه الا بالله
    فاتن: المشكله بدر كارهه وله كان هو الوحيد اللي بيجيب لي الخبر ويريحني


    ::::::::::::::::::::::::

    بيت بدر وداليا






    قام وشاف الساعه .. وعرف انها راحت عليه نومه ولاقومته داليا.. فاخذ له شور سريع وكان بيطلع

    داليا: حبيبي وين رايح بهالوقت ؟؟
    بدر:بروح لبيت ابوي
    داليا وهي تمسك بيدينها بطنها اللي تحسها ثقيله: بيبي وش بتسوي هناك
    قرب لها بدر: لاتقلقين راح احل الموضوع بهداوه
    داليا:بس انا تعبانه
    بدر بلهفه:وش تحسين بتولدين؟؟
    داليا:ماادري
    بدر:يعني اوديك المستشفى؟؟
    داليا:لا لكن ابيك تكون هنا اخاف اتعب اكثر
    بدر: انا داري ان مافيك شي ,وخايفه علي من روحتي هناك لاتخافين
    داليا:بيبي طيب ريحني وقول لي وش بتسوي؟؟
    بدر:ولاشي بتكلم مع فاتن
    داليا بنظرة تكذيب:بيبي
    بدر:ههه صدقيني ماراح اسوي شي ,بعتذر من ابوي واتفاهم معه ,واتكلم مع فاتن وبس
    داليا:...


    ::::::::::::::::::

    المستشفى






    اصاله كانت على اعصابها ..
    اول ما جابوه دخلوه على طول لغرفة العمليات ..لأنه كان يحتاج لنقل دم..
    وهي للآن على نار..ماتدري وش صار معهم ولا تعرف عن حالته ..
    ماغير تأن بصوت مكبوت وكل من مر من عندها رثاء لحالها ودعا لها ..
    وماصدقت اصاله تشوف الدكتور جرّت رجلها له جر وقالت وهي خايفه


    - ها وش لون ولدي؟؟
    الدكتور:انتي امه؟
    اصاله اللي بقمة خوفها :ايه طمني الله يخليك وشلونه؟ قام ؟نجحت العمليه صح؟؟
    الدكتور:لاتخافين ياامي, الحمد لله تداركنا الوضع
    "سجدت اصاله بالارض وتحمدت الله وشكرته"
    الدكتور: طيب انا مظطر امشي بس ممكن ترسلين لي ابوه وله اخوه
    اصاله:هو ماله احد غيري ليه وش فيه
    الدكتور:طيب اعمامه ,خواله؟؟
    اصاله:ليه وش فيه يادكتور خوفتني؟؟
    الدكتور: انا طمنتك عن حالته,ولكن احتاج اتكلم مع اقاربه من الرجال
    اصاله :و ليه تبيهم!
    الدكتور:مجرد اجراءات
    ""وبعد ما خطى كم خطوه رجع وقال لها ..""
    - على فكره انا بلّغت عن الحاله لانه الموضوع واضح ان فيه انتحار
    اصاله:انتحار؟؟؟ مستحيل
    الدكتور:الجرح كان قطع بالوريد وكأنه حاول ينتحر
    اصاله:مستحيل محمد زواجه اليوم
    الدكتور:لكن هذا اللي استنتجناه ,وهذا اللي قدامنا
    اصاله وهي تفكر بحالة سمر الظهر:اقول دكتور ممكن اشوف محمد
    الدكتور:اللحين مستحيل, لاتنسين ياامي تخلين احد من اقاربه يجيني بمكتبي
    اصاله: ان شاء الله بكره,بس انا ابي اشوف ولدي اليوم
    الدكتور:يصير خير

    "وفعلا يوم جات الساعه 8 الليل بسب اصرارها..سمحوا لها تمره و تشوفه..
    وبدا يفوق محمد وهو يحس بالضعف والتعب"


    محمد:يمه
    اصاله: حبيب امك وقلبها وروحها
    محمد:تعبان يمه
    اصاله وتحس بقلبها يتقطع :سلامتك ياروح امك جعله فيني ولا فيك
    محمد:وش صار؟؟ فاتن؟؟
    اصاله:اهدا وانا امك لاتتعب نفسك
    محمد بصوت متقطع تعبان :انا تزوجت صح ؟؟ وينها ؟
    اصاله:ايه ملكت بس توك مااخذتها من بيتهم
    محمد:الا يمه الا امس..."ورجع نام "

    عرفت اصاله انه كان يحلم..وتذكرت فاتن ودورت شنطتها اللي اكتشفت انها نستها ولاجابتها معها ..
    ضمت ولدها وحبت راسه ..وراحت على البيت لأنهم منعوها تتنوم معه..وفكرت بانها اول ماتوصل لازم تدق وتعتذر لهم عن اليوم ..

    :::::::::::::::::::


    اما ببيت اهل فاتن






    بدر:شفتي هذا محمد اللي تبينه ؟؟حتى مادقوا يعتذرون
    عائشه:خلاص يابدر مو وقتك اللحين
    بدر: اصلا انا دعيت ان الله مايتمم هالعرس انا ماحبيت هالادمي ولا ارتحت له
    عائشه :بدر خلاص كفايه,شف فاتن وشلون متضايقه لاتزيدها ضيقه
    فاتن:خليه صادق انا اللي استاهل ,حتى اصاله مارفعت سماعه تعتذر عن ولدها
    عائشه:اكيد صار لهم شي ياجماعه وش فيكم
    بدر: لو سمحتي لاتدافعين عنهم
    عائشه:يوه يابدر حنا مانعرف ضروف العالم
    بدر بعصبيه: يعني وش صار لهم ماتوا موت جماعي مثلا ؟؟؟
    فاتن وهي تقوم من عندهم : انا خلاص ماراح ارجع له لو يموت
    عائشه:لاحول ولاقوه الا بالله
    امه الي قاعده جنب ابوها: بعد شوي راح يجون اقاربنا بالله وش راح نقول لهم؟؟
    ابوها:ابد ولا شي حياهم الله
    عائشه:اشوه ان اللي عزمتوهم الرجال بس
    بدر وهو يقرب ويجلس جنب ابوه:يبه
    ابوه:..
    بدر:يبه صدقني هالانسان هذا مايستاهل انك تزعل مني بسببه ,والله يايبه لو انه رجال كان شلته على راسي ,لكن فعايله مهي فعايل رجال
    ابوه:يعني زينه كل شوي اختك ماخذه لها واحد؟؟
    بدر:يايبه اختي ماغلطت ولا سوت شي بالحرام ,ليه نحط راسنا بالتراب وحنا ماغلطنا,الله اراد وكل شي صار لها مكتوب .
    ابوه:استغفر الله العلي العظيم
    بدر:يايبه فاتن مفروض انها ماترجع له
    ابوه:وليه ماترجع له!! كل انسان بهذه الدنيا يغلط ,اهم شي انه يتوب ويتغير
    بدر:يايبه وانت وش دراك انه تغير؟؟
    ابوه:يعني انا مااعرف بالرجال؟؟
    بدر:يابه انا ماقلت كذا ,بس انت حتى ماانتظرت يسوي التحاليل ويطمّنا على صحته ,هذا وهو كان برا له كم سنه توه راجع
    ابوه:....
    امه: يله الجرس يدق شكلهم الرجال جو
    بدر:....
    ابوه: قم دخل الرجال ,مو وقته هالكلام.

    ::::::::::::::::::


    ثاني يوم


    وأول ماجا الصباح ..
    دخل خال محمد عند الدكتور ..





    خال محمد: طمني يادكتور كيف حاله اللحين؟؟
    الدكتور: اتفضل يااخوي اقعد
    خاله: خير ان شاء الله
    الدكتور:بكل صراحه حالته للأسف سيئه جدا
    خاله:ليه وش فيه؟؟وش صار؟؟؟
    الدكتور: صِدق مهنيتي تفرض علي انقل لك خبر سيئ
    خاله: الله يستر وش فيه؟؟
    الدكتور:بصراحه ولدكم كان عنده "متلازمة نقص المناعه" بحاله حضانه من مده طويله
    خاله:وشي!!!انت وش قاعد تقول!
    الدكتور:اقول ان الايدز بدا يتنشط بجسمه بعد ماتعرض جسمه للظعف وفقد كميات الدم هذه كلها
    خاله وهو مو مستوعب: تقصد ان ولدنا مريض؟؟
    الدكتور:ايه بدا المرض ياخذ حاله نشطه بجسمه..ولكن تطمن
    وقف خاله وهو يضرب بيده الطاوله: انت مهبول؟؟وله جاهل ؟؟ الدكتور:هذا الكلام نتيجة الفحوصات والتحاليل اللي اجريناها
    خاله: والله انت شكلك حمار مو دكتور ..انت عارف حنا عائلة من؟؟؟
    وشلون بتعرف وانت مجرد شخص قاعد على مكتبه مايعرف شي عن العالم الخارجي!!!
    الدكتور وهو يناظر له بإستغراب:انا مقدّر الصدمه اللي انت فيها فلو سمحت لاتغلط وحاول تهدا لين مااخلص كلامي
    خاله: لا والله شكلك ماتعرف بالطب شي
    الدكتور: لو سمحت خلني اكمل كلامي
    خاله:ماابي اسمع زود ,اسمع انت .. التخاريف اللي قلتها قبل شوي لو قلتها لأحد إعرف انك حفرت لنهايتك

    "وطلع وهو بقمة العصبيه يدق على اخوه عشان ينقلونه لمستشفى افضل ويسوون له تحاليل جديده ..وخرج من المستشفى من غير حتى مايمر على اصاله "


    ::::::::::::::::::::

    ببيت
    بدر وداليا





    داليا تتألم :اه
    بدر: وش فيك؟؟
    داليا: بيبي اه
    بدر:وشو بتولدين؟
    داليا:ايه ايه اها وا
    بدر: طيب يله
    داليا: فوزيه قالت لاتروحين حتى يوم تتألمين ااا
    بدر:اللين متى؟؟
    داليا: لين احس بالطلق انتظم وصار ورا بعضه عشان مايبهذلوني
    بدر بتوتر : اها يعني فوزيه هذه دكتوره؟؟
    داليا: ااا لا لا
    بدر منحاس :طيب يعني اوديك وله لا؟
    داليا: اااا مااني قادره خلاص ودني
    بدر بربكه: عباتك عباتك يله
    داليا:مااقدر مااقدر
    بدر:ليه وش فيه؟
    داليا:اه مويه مويه
    بدر: اللحين وقتك تبين مويه
    داليا:لا المويه نزلت ااااا
    "قام بدر يدُور حول نفسه ولاعارف يتصرف شالها بعد ما رمى عليها العبايه ونزلها للسياره"

    :::::::::::::::::::::


    اما اصاله
    كانت عند محمد...





    اصاله: طيب فهمني وشلون صار هذا كله ؟؟
    محمد:ماادري يايمه كل اللي اذكره ,اني رجعت من بيت فاتن واول ماحطيت راسي على المخده نمت ومافقت الا هنا
    اصاله:اكيد سمر سوت كل ذا اصلا هي للحين مادقت ولا سألت
    محمد:وشلون ماحسيت فيها ,ولا حسيت بشي اصلا!!
    اصاله:ماادري عنها حسبي الله ونعم الوكيل,مع ذلك لاتجيب سيرتها للشرطه مانبي فضايح,امس كانوا بيستجوبونك لكن انت كنت بحاله مايعلم بها الا الله
    محمد:انا بس اقوم وترجع لي صحتي بعرف اتصرف معها
    اصاله: اه الحمد لله على سلامتك يا الغالي
    محمد: الله يسلمك بس..يمه فوفو
    اصاله:والله ان امها انجنت ولاهي سويه,انا بتصرف معهم واخذ البنت لاتشيل هم
    محمد:اللحين يمه تكفه لاتخلينها عندهم
    اصاله: اللحين؟؟
    محمد:طلبتك يمه لاتخلينها عندهم
    اصاله وهي تشوف وجهه التعبان :مثل ماتبي بروح لهم وامري لله

    ""وبعد ما طلعت دخل ابو بدر و فاتن اللي راحت توقف جنبه""



    - : سلامتك
    محمد وهو يبتسم:الله يسلمك ياكل الغلا
    ابوها: اجر وعافيه ان شاء الله, وش صار لك ؟؟
    محمد:الحمد لله انها جات على قد كذا
    ابو فاتن: ماتشوف شر وانا ابوك
    محمد:الشر مايجيك
    ابوها:يله انا بخليكم شوي,وبروح اتطمن من الدكتور عن حالتك
    محمد:الله يجزاك خير


    فاتن وهي تمسك يده :ماتشوف شر يارب
    محمد: الشر مايجيك ياحبي
    فاتن: من يوم دقت علي اصاله امس بالليل وانا ماقدرت ارتاح ولا اغمض عيوني
    محمد:اه يالحب اه
    فاتن وهي شفقانه على لونه المخطوف والتعب اللي باين عليه : سلامتك من الاه
    محمد: ههه اجل صرتي تعرفين تتكلمين!
    فاتن: هههع
    محمد: لكن الضحكه ماتغيرت
    فاتن:...
    محمد: تدرين حلمت باننا تزوجنا ..و لبستي الزهر..وخليت زملائي يزفونا بسياراتهم وحتى يوم وصلنا البيت شفت تفاصيل كل شي..
    فاتن: محمد اسكت ارتاح لاتتكلم
    محمد بتعب كمل: اول مادخلنا الشقه قدمت لك خاتم وسمعت من فمك كلمات هزت فيني كل شي يافاتن ..تصدقين
    فاتن وهي تتأمل عيونه:.....
    محمد:كانت لحظات مثل الحقيقه لمست فيها يدينك وشميت فيها عطرك
    ههه حتى انيــ
    فاتن وبدت تفوق من هيمانها: هي انت خلاص ها
    محمد:ههه وش فيك بكمل
    فاتن بعربجه: اقول خلاص لاتعميها ها, وارتاح لاتجهد نفسك
    محمد:اه والله مو مصدق اللي صار, سمر هذه ماهي هينه
    فاتن بإنزعاج: لاتذكرها لو سمحت
    محمد: والله ماتستاهل انك تغارين منها
    فاتن: ومن قال لك انها غيره ؟؟سمر هذه انسانه جاحده وخاينه ولاتستاهل الواحد يسوي لها حساب اصلا
    محمد باستغراب: ليه انتي تعرفينها؟
    فاتن وهي تناظر له بابتسامه: مو مهم اللحين ,لاقمت بالسلامه قلت لك كل شي

    :::::::::::::::::::


    ببيت اهل سمر





    ام سمر: انتي وش قاعده تقولين ,انا بنتي متربيه وبنت اصول وماتسويها
    اصاله: هذا اللي صار ياام سمر,وانا لازم اخذ فاتن معي
    ابو سمر: سمر ماشفناها من بعد ماسلمنا عليها يوم وصلت
    ام سمر: اصلا اليوم داقه علي وتقول لي انها زينه
    اصاله: معقول ما تدرون وين بنتكم؟؟
    ابو سمر: ...
    اصاله: ياابو سمر فاتن لازم اخذها, ولاراح اخليها مع سمر دقيقه وحده
    ابوها وهو يفكر : خلاص يصير خير
    اصاله: ومتى راح ترد لي خبر فاتن لو جرا لها شي ماراح نسكت لا انا ولا ابوها
    ابو سمر : يصير خير
    اصاله: راح انتظر اتصالك


    "وبعد ماطلعت"
    ام سمر: انت تدري وين بنتك وله لا؟؟؟
    ابوها : دقت علي امس وقالت انها بتروح لعمها ولاتبي احد يدري عنها
    امها:يعني معقول هي سوت مثل ماقالت ام محمد؟؟
    ابوها: الله يستر من بنتك وسواد وجهها
    امها :لا مو معقول انا بنتي ماتسويها
    ابوها :لاحول ولاقوه الا بالله..الله يستر بس.

    ::::::::::::::::::::::::::


    وبهذا الوقت كان المحقق
    بغرفة محمد اللي
    بالمستشفى






    المحقق: انت لو ما تعاونت معنا وقلت لنا وش صار بالظبط صدقني بنسجل الحادث عليك كعملية انتحار
    محمد:بس انا ماانتحرت
    المحقق: اجل وش صار؟؟ التحاليل تقول ان بجسمك كان منوم ومخدِر وشلون دخل لجسمك ؟؟
    محمد:...
    المحقق: انت ليه رافض تتعاون معنا؟؟
    محمد: ماابي الموضوع يكبر ويمس عائلتي
    المحقق: مافيه شي بيظرك اذا تعاونت,ولكن اذا حبيت تكتم الحقيقه ما اوعدك وقتها ان الموضوع يكون تحت تصرفنا.
    محمد:لكن انا مااذكر شي
    المحقق:انت المطلوب منك تقول لي وش صار من اللي تتذكره
    محمد:انا رجعت البيت وشربت عصير قدمت لِي اياه زوجتي وبعدها مادريت بنفسي الا بالمستشفى

    ::::::::::::::::::


    ببيت عم سمر





    امها:الله ياخذك تبين تنعدمين يعني؟؟
    سمر بعصبيه: وليه يتزوج علي؟؟ ليه انا وش ناقصني ؟؟ليه دائما يبديها ليه يحبها وانا لا؟؟
    ابوها: يعني انتي اللي مسويه بالرجال كذا؟؟
    سمر: ايه وكنت ابيه يموت يموووت
    امها: ياالله على المصيبه اللي حطيتي نفسك فيها
    سمر: ماراح ياخذ فوفو مستحيل ,بنتي ماراح اتخلى عنها خله يموت لوحده بعيد عن بنتي
    ابوها: اللحين انتي فكري بنفسك ,بالورطه اللي حطيتي نفسك فيها وخلي بنتك بحالها
    سمر: انا ماراح اعترف وراح اقول انه هو اللي منتحر,واصلا لو داريه انه ماراح يموت كان قطعته قبل لااطلع
    ابوها: وليه هذا كله؟!!! الشرع حلّل له بدل الوحده ثلاث ,اللحين كل ماوحده اعرس عليها رجلها تقتله؟؟؟
    سمر وبدت تنجن ازود: ايه تقتله انا بروح له واقتله ..بقتله
    عمها وهو يمسكها : انتي انجنيتي وله انهبلتي اقعدي لااقتلك اللحين انا .. واعقلي
    امها: حسبي الله عليك بنت بتفضحينا حسبي الله عليك بنت

    ""قام ابوها وهو بقمة توتره ينادي فوفو اللي كانت تصيح من صريخ امها""

    سمر: يبه ماراح تاخذ بنتي ,ماراح اخليها لهم ماراح تاخذها
    امها: خله يوديها ويترجاهم انهم مايبلغون عنك
    سمر: ماراح اعترف بشي خلوا بنتي لاتاخذونها

    "زادت فوفو من بكاها وهي تنادي على امها وتشوف ..عمها ماسك بسمر عشان ماتجيها..
    واخذ ابوها فوفو لجدتها وهو يتأمل انهم على الاقل يتنازلون عن حقهم
    بالقضيه"

    ::::::::::::::::

    يتبع.......


  5. #45

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية ضمني وخبني بين اضلعك كاملة بدون ردود 2015 من احداث واقعية



    وبعد مامرت 20 سنه





















    في لبنان
    وبمنتجع على البحر ...





    كانت تشوف منظر الطبيعه وتستنشق الهوى بهدوء وقاطعها صوت احمد وهو يقول: خلود
    خلود: ايوا
    احمد:انا رايح اجيب اغراض من السوبر ماركت اجيب لك حاجه؟؟
    خلود:لا شكرا
    احمد:اوكي
    "الا ويجيها اسامه"

    اسامه:اقول لِك
    خلود:ايش عندك؟
    اسامه: انا خلاص مااني قادر اكتر من كدا على العزاااب
    خلود: ايش بك؟؟
    اسامه: اخطُبوا لي ياهوو
    خلود:ههههه ياواد اعقل اول ,وبعدين فكر بالزواج
    اسامه:والله ياامي انا عاقل بس انتوا ماتعطوني فرصه
    خلود:هههه بالله عليك من فين جاي؟
    اسامه:وليه ياخلود تبغي تعرفي ليه؟؟
    خلود:انت بس جاوبني
    اسامه وهو يحك ضهره:من حمام السباحه
    خلود:بس انت ماتُحب تسبح
    اسامه:ايوا انا كنت بس اشرِف واشوف اللي تعرف تسبح واللي تحتاج مساعده تعرفي انا جنتل ,والصبايا هون رئيئات كتير
    خلود: رئيئات !! هيا فارق عن وجهي
    اسامه بوجه غبي:ههههه وربي ياامي انتي ما انتي فاهمتني
    خلود:هههههه قلت لك فارق
    اسامه:طيب انا رايح اشوف ازا احد يبغى مساعده على البحر ,تبغي حاجه ياخلود
    خلود:هههه روح الله يستر عليك روح,بس اسمع فين اختك؟؟
    اسامه:اه اختي مع حبيبة القلب بنت عمي الغالي ,اختي مع القطعه حقتي
    خلود:وربي انك صايع ,هيا انقلع
    اسامه: هههههههههههههههههههههه انتبهي على نفسك ياخلود ها, وعلى فكره ابويا كان بيسئل عنك
    خلود: دحين حروح عندوا,هوا فين؟؟
    اسامه:بالجلسات اللي فوق

    :::::::::::::::::::::::


    اما هنا
    بالرياض وببيت اصاله
    قامت من النوم بكل كسل..





    وراحت مثل كل يوم بهذا الوقت لِدرجها الخاص بالصور.. وطلّعت البوم صور محمد..
    وخذت لها صورة كان يضحك بها ضمتها ثم باستها ..ورجّعتها مكانها..
    وراحت لدولابها بعد مثل كل يوم..
    وخذت فنيلته االي كل ماخف عطره منها .. كل مارشتها من جديد ..
    ضمتها وتذكرت صوته وكأنها تسمعه..
    وتذكرت جنونه ..
    وحبه..
    وخفة دمه ..
    وتمنت انها تسمع ولو لمره وحده بس كلمة "امي" من لسانه..
    وماقدرت تمنع عينها من الدموع اللي ماجفت ولا راح تجف من فرقاه
    إلا يوم سمعت الباب يدق بقوه..
    مسحت دموعها وماامداها تلتفت إلا دخلت "


    فوفو تقول: هلووو ام محمد يسعد صباحك
    اصاله:صباح النور..وكم مره اقول لك قولي ياجده
    فوفو: هههه ام محمد ماعجزتي من هالجمله؟
    اصاله:ياالله صباح الخير
    فوفو:الملخص ياقلبي لانك تعرفين انا مره busy
    اصاله:استغفر الله يابزي وش تبين يابنت ولدي؟؟
    فوفو:ابي اقول لك اني اليوم بسوي party
    اصاله:لالا مافيه حفلات لأ
    فوفو تكمل:وترى عازمه تقريباً .. اممم 17 بنت
    اصاله:قلت لأ
    فوفو:وتراني عازمه ناس هااي
    اصاله:قلت لك مافيه حفله
    فوفو:وخلاص لاتشيلين هم تراني طلبت الكيك والمعجنات وكل شي جاهز وتمام
    اصاله:يابنت انتِ تسمعين انا وش اقول!!
    فوفو بحماس: واو لو تنزلين تحت وتشوفين التحظيرات والاشياء الي قلت للخدم يسونها تنبهرين كل شي ..جنان.. perfect
    اصاله:!!!!!!
    فوفو وهي طالعه:اوه على فكره ..لا أشوفك تنزلين بالحفله ,تراها خاصه بالصبايا اوكي"وطلعت"
    واصاله على وقفتها من جنون فوفو..فدخلت فوفو مره ثانيه وهي تعطيها كيس: نسيت هذا لك ياقلبي لأني داريه انك بتنزلين الحفل وصراحه ماابيك تفشلينا قدام الصبايا
    "وطعت وابتسمت اصاله على عفوية فوفو اللي تذكّرها بمحمد"


    :::::::::::::::::::::

    اما هنا
    بحديقة البيت الكبير..
    وبعد ماروت فاتن لولدها وبنتها تفاصيل معينه بالروايه
    كان هالحوار ..





    داليا: طيب وبعدين يمه وش صار كشفتوا على فوفو؟؟
    فاتن:ايه اول ماعـَرفت اصاله كشفت عليها وتطمنت انها الحمد لله سليمه
    عبد العزيز وهو يفكر بمنطقه ثانيه بالروايه : يمه
    فاتن:هلا
    عبد العزيز :خلاص انا قررت اتزوج وحده مثل داليا مو داليا اختي لا خاله داليا
    داليا: وليه وش فيني انا ياالتعبان؟؟
    عبد العزيز: ابي وحده دلوعه,مو مثلك انتي وخشتك..بس قسم لو تكشف وجهها علوم
    داليا:ههه اقول اقلب وجهك بس
    عبد العزيز:ياحول يابنت العربجيه ,ولد انتي؟!!
    فاتن:ياولد استح على وجهك
    عبد العزيز: تدرين يمه صديقي صالح يوم وصلناك ذاك اليوم وش يقول؟؟
    فاتن:وش يقول ياحسره
    عبد العزيز:يقول ممكن اصاحب امك دخلت مزاجي
    فاتن: والله اني داريه لو مارحت عن وجهي بأَفقع راسك بهالبياله,انت وهالشله اللي ماشي معها
    عبد العزيز:هههه لا بروح الله يخليك ,ابي احافظ على وسامتي .
    داليا: والله لو سمعك خالي بدر تقول "وسامتي" هو اللي بيفقع وجهك
    عزوز من بعيد: انتي بس قولي له ,وشوفي وش يصير لك
    داليا:ههههههههههههههههه
    "فاتن وهي تقول بنفسها يا الله ياعيالي مااخذتوا مني الا الهبال"

    داليا وهي تقرب لأمها :يمه دام ذكرنا خالي بدر ممكن اسئلك سؤال تجاوبيني بصراحه عليه
    فاتن:قولي والله يستر من اسئلتك
    داليا:بعد ماعرفتي ان خالي بدر هو السبب بتعجيل طلاقك من محمد زعلتي منه؟؟
    فاتن:انا كل ماتذكرت حمدت الله وشكرته ان عندي اخ مثل بدر
    داليا:معقول!!
    فاتن:ماما داليا ..انسان مثل محمد ما كان يقدر يعطي من كل قلبه..كان انسان ضعيف.. اندفاعه وزلاته مصيطره على عقله.
    داليا:الله يسامحه
    فاتن:قولي الله يرحمه ويغفر له
    داليا:وابوي..وش يعني لك بعد هالسنين؟
    فاتن:ابوك بعدهم كلهم..ابوك نبض قلبي ,وهدية الله لي..واحد مثله كان قال دامها رفضتني وفشلتني قدام اهلي وخربت ليلتنا مستحيل اجي واطلبها مره ثانيه..


    إلا على جيته ..قرب منها وحب راسها وقال : الله على هالكلام فاتنتي
    داليا:ماشاء الله بابا متى جيت ؟؟اسمع اجل الله جابك تعــ
    ناصر: لا بابا ولا ماما قومي من هنا يله ولا يكثر
    داليا:تؤ تؤ عاتي تكلموا وانا بسوي اني مااسمع
    ناصر:قومي لارميك بهالبياله
    فاتن:ههههههههههههههههههههههههع
    داليا: تؤتؤ حتى انت عدتك امي!!
    ناصر:هههه امك هذه اه منها بس ,قومي يله روحي شوفي لك شغله
    داليا:ههه طيب ممكن اروح اجيب هديه لحفلة الليله
    ناصر:مع من؟
    داليا:بشوف وين عزوز قبل لا يطس
    فاتن: خلها تروح نصور
    ناصر:خلاص اجل احطي
    داليا:ههههههههههههههههههههههههههههه



    ::::::::::::::::::::::::::




    نرجع للبنان





    راحت خلود للإنسان اللي تعشقه وشافته كعادته ماسك الجريده ويقرا بإندماج..

    خلود: حبيبي قالوا لي انك سئلت عني
    سالم:صحيح ..اصلاً انا مااقدر اقعد من غيرك
    خلود وتبتسم له: يابكاش
    سالم:ههههه حرام عليك
    خلود:ياشيخ!!
    سالم"وبصوت عالي وشين" : شايفي البحر شو كبير ..اد البحر بحبك
    خلود:هههه خلاص اسكت فضحتنا
    سالم: ايش اسوي عشان اثبت لك هههه
    خلود وهي تناظر لملامحه اللي تحبها :حبيبي
    سالم: ياعيونوا
    خلود:وشايف السما شو بعيدي بعد السما بحبك "بس هالمره بصوتها اللي كله انوثه مافقد مع السنين دفاوته وصدقه "


    د/احمد:عيني ياعيني ايش الحب دا ؟؟عيني عينك كدا قدام الناس!!
    خلود:هههههه
    سالم اللي هو اخو احمد من ابوهـ :عارف ايش احسن شي سويتوا بحياتك يااحمد
    احمد وهو يقعد معهم : اني عرفّتك على خلود وانك تزوجتها
    خلود:هههههه
    احمد: مليون مره تقولي هالجمله ,ومليون مره اقول لك ازعجتنا
    سالم وخلود: ههههههههههه
    احمد: اقول لكم انا على شي اول مره اقولوا
    خلود:اكيد
    احمد: عارف انوا اخت خلود ,الله يرحمها هي السبب بسعادتي دحين
    خلود باهتمام:كيف؟؟
    احمد:انا عمري ماكنت افكر ارجع من الرياض او حتى ارجع لام العيال سارا ,ولكن كانت دائما تجيني انين باحلامي .. وتعطيني رموز وكلام ماكنت اعرف تقصد مين بكلامها ..
    ومره جاتني غير كل مره, وقالت لي انو ساره تُحبني وتنتظرني وتبغاني واني لازم اعطي لعلاقتنا مجال يتصلح, وجابت ايدها اللي كانت بيضاء وتلمع بشكل غريب وحطتها على قلبي وقرت صور من القران متنوعه ..وبعدها حسيت انوا كل الحقد والكره اللي كان بقلبي خف.. وبديت اشوف الحياه قدامي اسهل ..فقررت ارجع جده لام عيالي اللي تحمَلت انانيتي كتير ,واخلي الماضِ ورايا.
    "دمعت خلود وقام سالم جلس جنبها وضمها"
    احمد: الله يرحمها
    خلود وسالم:امين

    :::::::::::::::::::::::

    جده

    ببيت من طين متهالك .. وبحي معروف انه للفقراء..
    كانت ببيتها وكعادتها تخيط ..لأنها الممول لهذا البيت ولأنها الرجل والمراءه فيه ,ولأنها مُجبره تصرف على رجالين ماكلين ..شاربين ..من غير ماتقدر تعترض..





    الآء وهي توها داخله للبيت: وربي اف خلاص ماعاد حروح المدرسه
    عبد الرحمن اللي جابها مشي: قلعتك على الاقل توفري علي َّالمشورا والمشي في الشمس
    هناء:هههه تستاهلي مااحد قال لك ماتنجحي.. العالم مأجزه ومرتاحه وانتي تعيدي الامتحان
    الآء: اقول لك بلا قرف واسكتي ها
    عبد الرحمن يكلم امه : هي انتي فين الفلوس اللي قلت لك ابغاها
    هناء: بلا قلة حيا واتكلم مع ماما زي الناس
    عبد الرحمن: انتي اخر وحده تتكلم ,وبعدين متى ان شاء الله حتديني حق الأشياء دي اللي تبيعيها ؟؟ ترى فلست
    سميره: بس انت وياها تراني مصدعه
    الآء بإستحقار : قاعده طول وقتك على دي المكينه ليه حتصدعي !!
    عبد الرحمن: من جد لا بتطلعي بالشمس ولا بتعملي حاجه بحياتك جالسه ومتهنيه
    هناء: انتوا وبعدين معاكم بلا قلة حيا
    الآء: على فكره انا لو رسبت كمان ..خلاص ماحكمل دراسه
    عبد الرحمن رجع يناظر امه: اقول لك هاتي فلوس خلصينا
    سميره: امس اديتَك
    عبد الرحمن: انتي حتْمني عليَّ بكم الريال اللي اديتيني اياهم
    هناء: ازا مو عاجبك اشتغل واصرف قد ماتبغى
    عبد الرحمن:انتي حتنطمي وله اجي امد ايدي عليك
    سميره: لاحول ولاقوه الا بالله,ياولدي انا يادوب اللي معايا يمشينا ثلاث ايام قدام
    عبد الرحمن: والله مو زنبي هاتي خلصينا اللي معاك
    هناء: واحنا ايش نسوي ساعتها نشحت؟؟!!
    الآء:هههههههههههههههههههههههههههههههههههههه اه ياقلبي مو احنا طول عمرنا بنشحت,وطول عمرنا بنفتح الباب نلاقي كرتون تونه وكرتون مناديل وكيس رز!!ايش فرقت؟؟
    عبدر الرحمن: خلصي ياانتي طلعي اللي عندك
    سميره:قلت لك ماحديك حاجه

    "مل عبد الرحمن وقرب لأمه يدور بجيوبها ويوم جات هناء تبي توخره عنها دفها وصقعت بالجدار وتعورت ..واما سميره عطته الفلوس اللي مخبيتها بصدرها وراحت تقوّم هناء من الارض وتشوف الآء اللي تضحك داخله غرفتها"

    هناء وهي تدمع :اه ياامي لمتى الوضع دا وربي تعبت
    سميره وهي تشوف بملامح بنتها ملامح خلود وبرائتها :...
    هناء: دحين حيجي ابويا وازا مالقى فلوس ايش حيسوي فينا كمان؟
    سميره وهي تكشف عن ساقها المورمه من الضرب ومزرقه:حنضرب منوا كالعاده وممكن يطردني كالعاده وبعدين يرجعني من عند جارتي عشان اشتغل واجيب لوا فلوس
    هناء وهي عاطفه على وجه امها الا مبالي: ليش ساكته ليه ماتشتكيه ياماما ,انتي ماشفتي امس ازا ماكنتي لحقتي علي كان دحين انا من ضحاياه ومعتدي عليَّ
    سميره وتبلع غصتها: اه يابنتي دوبوا طالع من السجن
    هناء: كنا مرتاحين وبأمان من غيروا,ياماما كلمي احد من خيلاني يساعدنا يشوف لنا دبره انا وانتي
    سميره: ههههه خيلانك!! ايش اللي فكّرك فيهم دحين
    هناء: لأنو مابقى لنا الا هما نلجئ لهم
    سميره بعيونها الحمرا من التعب : ياحبيبتي خيلانك بعد مامات بابا رموني على ابوكِ مع انو كان مطلقني ,هههه قالوا ماعلينا فيكِ وطليقك اولى بك
    هناء وهي تمسك فمها: ايش؟؟
    سميره: هأ..قومي قومي ادخلي سوي حلويات وحلي فم العالم وخلينا نجمع لنا كم ريال قبل لا ابوك يجي ويطلب فلوس للسم الهاري اللي ياخدو.

    ::::::::::::::::

    بحفله فوفو



    ناظرت اصاله للساعه وناظرت حولها وحست بالملل ..
    و صوت الازعاج والحياه اللي بحديقة البيت مغري بالنسبه لها .. فقررت تنزل..
    لبست الفستان اللي جابته لها فوفو وحست انه ما يليق بعمرها فصخته ولبست من عندها اللي ترتاح فيه ..ونزلت للحديقه ..

    واول ماشافوها ..
    سمعت الكل يقول
    Happy birthday to you
    Happy birthday to asala happy birthday to you


    مسكت بيدها فمها وناظرت حولها لقت مو بس صديقات فوفو اللي حاظرين ..
    لقت فاتن..داليا.. فوزيه ..اريج بين الحظور يناظرونها بحب وهم يصفقون وبعيونهم حب وحنان لها ..
    دمعت اصاله وقربت منها فوفو وحظنتها وقالت..
    - كل عام وانتي معي.. كل عام وانتي امي وابوي واهلي
    "بكت بعدها اصاله ودمعت عيون دالي وهي تشوف هالمنظر"
    فاتن:خلاص ياجماعه بتقلبونها مناحه
    فوزيه: اقول اقطعوا الكيك وخلونا ندخل من هالازعاج نسولف شوي
    يوه ياخاله مابغيتي تطلعين من غرفتك ,شوي وكنت بخرب عليك المفاجئه واطلع اجيبك
    "كل الصبايا ضحكوا على حماس فوز وهي تتكلم "

    اريج وهي تقرب لداليا وتقولها بصوت واطي: دالي
    داليا:هلا
    اريج:وين سمر ليه ماحظرت؟؟
    داليا:زوجها مانعها تقابل بنتها غير بالاماكن العامه
    اريج:وليه يعني؟؟
    داليا: انا ماادري اسئلي فاتن او الجزيره ,صراحه ماعندي التفاصيل
    فوزيه : كأني اسمع الجزيره
    اريج: اباي سمعتي تو؟؟
    فوزيه: ههه ايه سامعه كل شي مو بس الجزيره
    داليا:هههه اجل جاوبيها
    فوزيه وهي تقرب عندهم :ياقلبي سمر عندها زوج ماشفت اغبى منه بحياتي
    اريج:ههه ليه؟؟
    فوزيه:مايبيها تطلع ولا تستقبل احد ببيتهم ولا يبها تسوي شي بالحياه غير خدمته
    اريج: طيب وش ذنب بنتها ماتشوفها؟؟
    فوزيه: انا ادري ؟؟ هو انسان يفكر كذا
    اريج:مسكينه فوفو من جد كاسره خاطري
    فوزيه: انتي بلا لقافه ويله ندخل جوه ,سبحان الله حتى بنتك طالعه مثلك ملقوفه
    اريج: لا والله؟!! اللحين انا وبنتي الملقوفات ؟؟إلا انتي اللي جايبه بنتين وحده العربيه والثانيه..سي ان ان
    داليا: هههههههه


    فاتن وهي ماسكه يد اصاله :كل عام وانتي بخير يالغاليه
    اصاله:وانتي بخير ياقلبي
    فاتن: طلعت مو هينه فوفو
    فوفو: ههه كم جده عندي؟؟
    اصاله وهي تمسك خدودها: مع انك تعرفيني مااحب هالأعياد
    فوفو وهي تبتسم: ادري ولأن اليوم اصلا مو عيد ميلادك انا سويت هالحفله..بس عشان يجيبون لك هدايا وبخور وقماش ودلع ,قلت لهم انه عيد ميلادك ههههه
    اصاله بحب:يابعدي والله
    فوفو:كان ودي اشوفك سعيده مثل كذا وتضحكين
    اصاله وهي تضمها :والله ان وجودك هو اكبر سعاده لي ياقلبي

    :::::::::::::::::::

    بشوارع الرياض..
    وبالسياره






    جابر:اقول جارح الله لايهينك اوقف هنا ابي انزل احوّل فلوس
    جارح: ايه مافي مشكله ...تفضل
    جابر:ماراح اتاخر ها
    جارح:خذ راحتك

    رفع التكييف جارح ,وقام يناظر للشارع إلا ويشوف خدامه طالعه من البقاله وماسكه ولد صغير عمره مابين السبع والثمان سنوات وهي تضربه على راسه وتقوله :

    "اسمع الكلام يله ماما قول بسرعه مافي ابغى اسمع جن جان"

    نزل جارح من السياره وهو بقمة غضبه قرب للخدامه وقال لها: هي انتي
    الخدامه:خير ؟؟
    جارح وهو يتمالك اعصابه :ليه تعاملين الولد كذا ليه تضربينه؟؟
    الخدامه:هوا مافي اسمع كلام
    جارح وهو يناظر للصغير: لاتخاف ياابوي..اسمعي انتي
    الخدامه:ايش تبغى؟؟
    جارح:تبين كل نهاية شهر اعطيك 500 ريال فوق راتبك
    الخدامه فتحت عينها:ايوا بابا
    جارح:خلاص عامليه زين وانا اعطيك كل نهايه شهر هالمبلغ
    الخدامه:خلاص انا مافي اضرب
    قرب جارح لمستوى الولد وقال:انت وش اسمك
    - انا فهد
    جارح:خلاص فهد انا امرك كل فتره للمدرسه وانت قول لي اذا كانت تغلط عليك او تضربك ,ساعتها ما راح اعطيها الفلوس
    فهد:...
    جارح:واعطيك ال500 انت تعطيها هي وش رائيك
    فهد: ايه
    جارح:وين مدرستك؟
    فهد وهو يأشر: هذيك
    جا رح: اتفقنا
    فهد: يعني خلاص مابتضربني ولاتقول لي غبي؟
    جارح: لا مااحد راح يضربك ,وان ضربتك انا بجي لبيتكم واضربها وش رائيك؟

    ""ضم فهد جارح وابتسم وراح يكمل طريقه مع خدامتهم لبيتهم..
    اما جارح بدا الضيق يرجع لصدره ركب سيارته ومشى ناسي حتى صديقه اللي ينتظره..
    مشى وذاكرته راحت لشكله وهو صغير..
    لبيتهم الكبير اللي كان فيه وحيد وكلٍ بعالمه بعيد عنه ..
    راحت ذاكرته لأمه وابوه يوم يطلعون من البيت يخلونه مع الخدامه اللي يتذكر كل تفاصيلها..
    عيونها ..طولها .. قوتها.. نبرة صوتها ..ريحتها .. تذكَرها وهي تقول


    - حبيبي يله بسرئه بسرعه
    جارح اللي بعمر الست سنوات:اخاف
    الخدامه:يوووو انت مااسمع الكلام انا في اضرب موت انت
    جارح ومتجمعه بعيونه الدموع:وش اسوي؟؟
    الخدامه:يله بسرعه انت في فسخ هدووم
    جارح:لأ اخاف
    قامت الخدامه وضربته على راسه: انت تبغى ضرب؟؟
    جارح:لا
    الخدامه:خلاص اسمع كلام انا بسرعه
    وكان جارح من الخوف ينفذ كل اللي تطلبه منه..
    كسير وحيد..حزين ..خائف
    وهي ..
    جباره وكافره وماعندها قلب..
    اعتدت على طفولته على برائته على انسانيته ..اعتدت على روحه كل ما سمح لها الوقت وكل ماجات لها الفرصه..
    وضل هالشي سر.. مايعرف فيه الا هو وهي ..
    ماحس جارح بأي شي بسبب ذاكرته اللي خذت عقله وهو يسوق وصدم بشاحنه كبيره كانت قدامه..
    كان ينزف ومع ذلك صورة الخدامه بذاكرته مااهي راضيه تروح..
    كان يسمع صوت مثل الصدى يقول




    - قل لا اله الا الله.., يااخوي قل اشهد ان لا اله الا الله
    وجارح ساكت مربوط على لسانه مو قادر..
    كان يسمع
    ويبي يقول
    كل ماجا ينطقها .. يتذكر امل ..ساره.. يتذكر خلود وبكاها,,
    كل ماجا ينطقها.. يتذكر تعذيبه لهم
    وكل ماجا ينطقها..
    كل ماتذكر افعاله المشينه مع الرجال وعصيانه لربه وخوفه من الناس ..وبرود قلبه من الخوف من الله ..

    الرجال:لا حول ولاقوه الا بالله مات الرجال ياجماعه دقوا بسرعه على الاسعاف ..
    لاحول ولاقوه الا بالله
    انا لله وانا اليه لراجعون.. انا لله وانا اليه لراجعون


    ::::::::::::::::::::

    ثاني يوم
    بدر واولاده الثلاث
    طالعين من المسجد





    بدر: دام امكم تزور اهلها وش رائيكم نروح نتعشى بمطعم
    فيصل 20 سنه: والله ودي بمندي يبه
    بدر: براسك والله مندي مندي
    خالد7سنوات : لا ماابي مندي ,ابي من ماكدونلز
    سلطان 15 سنه: شب بس واحد مثلك مفروض مايقول ابي
    خالد:ليه يعني؟؟
    سلطان: حنا وإنَّا بعمرك حافضين ثمانية اجزاء من القران وانت للحين بالخامس يالزلابه
    بدر:صادق اخوك
    خالد: تؤ تؤ طيب مااقدر
    بدر:وليه ماتقدر انت ذكي
    خالد وهو يناظر بحقد لسلطان: ايه صح
    فيصل: خلاص يبه مو وقته اللحين نبي نوسع صدورنا اليوم إعتقوا ذا المسكين.
    بدر: اذا برّد قلبي بجوابه اللحين ,بعديها له
    سلطان: هذا وجه واحد يبرد القلب ههه ؟
    فيصل: سلطان وش فيك يااخي !! حرام عليك
    سلطاان: اقول بلا ميوعه وش حرام علي اصلا وضعه كله مو عاجبني يتدلع ويبي ومايبي ليه مو رجال هو؟؟
    بدر بحزم : سلطان خلاص اسكت
    سلطان: ابشر
    بدر: ها خالد وش تبي تصير لاكبرت؟
    خالد وهو يحك راسه ويناظر لسلطان اللي يبتسم شماتان فيه:...
    فيصل: ها خلّود وش بتصير؟
    سلطان: اكيد يبي يصير لاعب هذا اللي فالح فيه
    خالد وقف قدام سلطان وربع يدنه ورفع راسه وقال : ابي اصير امام الحرم
    بلع ريقه سلطان:...
    بدر:كفو كفو والله ولدي اللي فيكم ..واحد يدرس طب والثاني يبي هندسه هذا هو اللي فيكم والله
    فيصل: هههه وين صوتك ياسلطان يامهندس الزمان؟؟اشوف ماعلّقت
    سلطان: عاد انتم صدقتم ذا الزلابه !! خله يحفظ اللي عليه بالاول
    بدر: لا ان شاء الله انه بيجتهد ويحفظ واللي يبيه يامر عليه
    خالد وماصدق : يبه ودي بايبود
    بدر:اللحين نروح ونجيب لك واحد
    سلطان: يبه تراك مدلعه زياده عن اللزوم
    بدر: دامه بيصير إمام والله لو يبي المستحيل سويته له ..اركبوا السياره انتظروني ..بكلم امكم


    وفعلا دق بدر عليها..

    داليا:هلا
    بدر:ها رحتوا؟
    داليا:لا اللحين بنطلع
    بدر:طيب اسمعي دامك بتروحين تشوفين عروسة اخوك شوفي لي انا بعد عروس
    داليا وفتحت عينها:نعم؟؟
    بدر:وش فيك ابي اجدد شبابي ياام العيال
    داليا:وينك؟؟
    بدر:هه انا وش اقول وانتي وش تسئلين!!
    داليا:بدر انت وين؟؟
    بدر:ههه انا قدام المسجد
    داليا:تعال ابي اشوفك
    بدر:ليه؟؟
    داليا برقتها :ابي اشوف عيونك وانت تقولها
    بدر:هههه لا اجل من اللحين اقول لك ان عيوني بتقول لك "تراه كذاب"
    داليا:...
    بدر:اما انا افكر اعرس عليك ؟؟ليه انجنيت
    داليا:...
    بدر:دالي..
    داليا:....
    بدر:ام فيصل...ياالحب؟؟

    "قفلت داليا السماعه وقعد يضحك بدر عليها لين ركب السياره"

    وقال: تعرفون ياشباب وش اكثر شي امكم تحبه؟
    خالد:ايه تحب تجيب الكوفيرات بالبيت وتحط مره اصفر ومره احمر بشعرها
    سلطان:هههههههههه يازينك وانت ساكت
    فيصل:امي اكثر شي تحبه الورد
    بدر:لا امك ماتحب الورد
    فيصل:إلا.. بس انت يوم تجيب لها اياه تكون متضايقه منك وترميه ,ومن وراك تروح تجيبه وتقطف اوراقه وتحطها بعلبه عندها
    خالد:ايه امي دائم تفتح علبه الورد وتشمها
    بدر: والله ماانتم هينين
    فيصل: اكيد حنا عيال بدر
    بدر: كفو والله كفو.


    ::::::::::::::::

    جده





    شاف الساعه لقاها 10 الليل ..طلع من البيت الهادي اللي امه واخواته نايمات فيه ومشى لبداية الحاره وشاف صديقه مرزوق اللي قاعد يدخن ..
    مرزوق: ها يادحوم ايش الموضوع لك فتره ما دلعتنا معاك ؟؟
    عبد الرحمن:قولك ادق عليها؟
    مرزوق: طبعا دق عليها
    عبد الرحمن وهو يشوف ابوه اللي رايح على البيت وهو يترنح من الشرب:براسك دحين ادق بس عطيني جوالك
    مرزوق: بس جوالي ؟؟عيوني لك ياواد
    عبد الرحمن :المصالح يامرزوق اجل عيونك ليَّ هأ..
    مرزوق:ههههه


    عبد الرحمن: الو
    خلود: الو!
    عبد الرحمن:سلام ياعمه
    خلود:اهلين ..مين عبد الرحمن؟
    عبد الرحمن:ايوا ياعمه من غيري يسئل عنك
    خلود:تسئل عنك العافيه حبيبي ,طمني كيف حال ابوك واخواتك؟؟
    عبد الرحمن:اه ياعمه ايش اقول لك؟؟
    خلود:ليه ايش فيه؟؟
    عبد الرحمن:ابويا دخل السجن مرا تانيه وامي ضهرها يوجعها ماتشتغل وانا ادرس ولا قادر اشتغل لأنو اخر سنه لي جامعه والحاله حاله
    خلود:لاحول ولا قوه الا بالله ..خلاص انا حزيد المبلغ اللي ارسلوا لك كل شهر حلو؟؟
    عبد الرحمن: الله يجزاك خير ياعمه من غيرك وربي نضيع
    خلود:لاتقول كدا حبيبي انا بمثابة امك
    عبد الرحمن:طيب ياعمه ادق عليك ان شاء الله بوقت تاني
    خلود:ان شاء الله حبيبي مع السلامه
    مرزوق:هههههههههههههههههههههههههههههههههههه
    عبد الرحمن:ايش يضحك امك؟؟
    مرزوق: انت حتى المتوسطه ماكملتها هههههههههههههههههههههههه في اخر سنه جامعه مره وحده؟؟

    بهالوقت...
    دخل خميس اللي كان بقمة سُكره وانانيته.. لغرفة هناء والآء اللي عطاها 50 ريال عشان يستفرد بقمة الجمال والأنوثه هناء..
    طلعت وخلت اختها اللي خدرتها لأبوها ..
    خلتها وهو ماقصر بدناءته اعتدى على عرضه..اعتدى على شرفه ..اعتدى على الجسم اللي ماحس ولا هو بوعيه يشووف هالجريمه اللي تصير به..
    بمقابل خمسين ريال خلت ابوها يدمر اختها اللي كانت عون لها طول حياتها..


    قامت سميره من النوم وكأن احد خانقها ,راحت تشرب مويه وسمعت لحركه غريبه بغرفة البنات فتحت الباب وفتحت النور وشافت ابشع منظر ممكن يمر على أي ام ..وابشع منظر ممكن تشوفه عين..
    راحت للمطبخ مثل المجنونه تدور على احدّ سكينه عندها وراحت تجري عليه وهو مثل ماهو مستمتع بعرضه ..وطعنته بظهره مره واثنين وثلاث واربع..
    ولا برد قلبها ..
    اعتدى على احب بنت لها..اعتدى على اطيب عياله وانظفهم قلب..اعتدى على اللي ماترضى لها الأذى ..اعتدى على برائتها وانوثتها وضيعها..
    جلست سميره تصرخ وتصرخ وتصرخ وحست ان كل اللي صار بحياتها من اذى وذل وقهر وظلم بكوم ..واللي صار مع بنتها اليوم كوم ثاني..

    :::::::::::::::::

    بعيد عن هالعالم المتوحش ..بعيد عن جده..
    وبالرياض تحديدا..
    جات فوفو تزور فاتن





    فوفو:خاله فتون
    فاتن: هلا وغلا ومرحبا
    فوفو:ممكن اتكلم معك شوي
    فاتن: اكيد تعالي ندخل غرفتي قبل لاتطب علينا دلول
    فوفو: هههههه


    فاتن:ها حبيبتي خير ان شاء الله
    فوفو: انتي تعرفين ياخاله قد ايش انا اعزك واحب دلول وتعرفين انها اختي اللي كبرت وتربيت معها وكل وقتنا مع بعض
    فاتن:حبيبتي قولي لي وش فيه من غير مقدمات افا عليك بس
    فوفو:ابيك اول تعرفين اني انا ودلو واحد ووصراحه ماابيك تزعلين منها
    فاتن:الله يستر وش فيه؟؟وش سوت؟؟
    فوفو:اا دلول قالت لي عن ابوي واللي صار معكم
    فاتن:ايش؟؟وش قالت لك هالملقوفه؟؟
    فوفو:انا اللي سئلتها
    فاتن:وليه؟؟
    فوفو: كنت محتاجه اعرف عن ابوي اكثر وكنت ابي اعرف تصرفاته وسبب اشياء كثير مارضت جدتي تقولي عنها
    فاتن: اللئيمه وانا اقوول ليه تسئلني عن حياتي واللي صار معي وخلتني احكي لها كل شي
    فوفو بوجه حزين:ذاكرتي ياخاله صارت ماتِحمِل له الا ذكريات بسيطه, متمسكه فيها وتبي تروح عن خيالي
    فاتن وهي تناظر عيونها اللي تشبه عيون ابوها:وش قالت لك عن ابوك؟؟
    فوفو:كل شي انتي قلتي لها اياه
    فاتن وهي تمسك بيدينها ذراع فوفو: تبين تعرفين عن ابوك
    "هزت راسها فوفو"
    فاتن: ابوك مثل كل البشر يافوفو فيه الصفات الزينه وفيه الشينه..
    فوفو:....
    فاتن:اللي مفروض تعرفينه ان ابوك كان انسان طيب عمره ماجبرني على شي..وقدم لي تضحيه وحب وسعاده..
    ابوك يافوفو حاول قد مايقدر انه يحافظ على سمعة عائلتكم,وحتى لو كان غلط فهو كان يقدّر امه ويحترمها ,وبسبب خاطرها ضحى بيوم من الايام فيني
    فوفو ودموعها بعينها: يعني انتي ماتكرهينه؟
    فاتن:ابوك يافوفو من اجمل ذكرياتي ,ومن الاشياء اللي لاذكرتها ابتسمت
    فوفو:سامحتيه؟
    فاتن:من زمان
    فوفو:جد
    فاتن:فوفو حبيبتي ..لا تفكرين بالماض خلاص .. فكري بمستقبلك وبحياتك
    فوفو:وشلون ماافكر بالماض؟؟وشلون وانا اشوف اهل جدتي متبرين منها بسبب ابوي؟؟
    وشلون ماافكر بالماض وانا من غير ام .. ومن غير عزوه بسبب ابوي؟؟وشلون ماافكر بالماض وهو حاظري اللي عائشه بتأثيره
    فاتن:لا يافوفو لاتصيرين انانيه..لاتجحدين اللي قدمته لك والي اصاله قدمته لك ,فكري بهالإنسانه اللي قدمت لك عمرها وحبها وحنانها واحترامها..
    فوفو: و انتي
    فاتن:وش انا؟؟
    فوفو:انا خسرت ناس كثير بسبب فعائل ابوي وسُمعته ,ماابي اخسرك انتي ولا ابيك تتخلين عني ,خاله فتون انتي امي والله انتي امي
    فاتن وهي تضمها : حبيبة قلبي انا امك واللي تغليك وتخاف عليك وتبي تشوفك باحسن حال
    فوفو: احبك
    فاتن وهي تضمها اكثر :وانا بعد احبك ياسميتي
    فوفو وتمسح دموعها:ههههه جد ابوي مجنون
    فاتن:هههه ليه
    فوفو:وشلون قدر يسميني بإسمك؟؟
    فاتن: ههههع كان متفق هو وامك على اسم ,ويوم راح يسجلك حطك من وراها فاتن ,ولا قال لها الا بعد اربع شهور وهي كانت تناديك بالاسم اللي اختارته
    فوفو:ههههههههههههههه
    فاتن: اضحكي ياقلبي اضحكي..ترى الدنيا ماتسوى

    ::::::::::::::::::::


    هذه هي الحياه ..تاخذ وتعطي..
    فيها الحلو..وفيها المر..
    فيها الذكريات اللي تخليك ياتخطي لقدام بتفائل..ياتوقف مكانك وترجع لورا..
    هذه روايتي اللي كتبتها من بعد مااستفزني ظلم بعض العالم..
    من بعد مامريت بشي من احداثها..من بعد ما حسيت بمعناة اشخاص وشخصيات فيها..


    - كان ودي اقول لكل بنت تفكر قبل لاترتبط بإنسان وتهتم بمعرفه دينه واخلاقه ..
    - كان ودي اقول لكل رجل لاتظلم ولاتقسى ولا تتجبر لأن اللي خالقك موجود..
    - كان ودي اوضح ان الخيارات بالحياة موجوده وحنا اللي نختار الطريق بإرادتنا ..

    هذه روايتي اللي اتمنى نالت إستحسان البعض..
    تمـــــــــــــــــــــــــت


    ::::::::::::::::::::::::::::::::::::::::::














    اسمحوا لي اخذكم لهذياني الخاص بالروايه...
    اسمحوا لي ..اخذكم بأعماقيـــ.. واعبر عن بعض الصعوبات واحساسي.



    الفتره اللي كنت انزل فيها الأجزاء كانت فتره صعبه وكنت بعض الاحيان يوم اشوف البارت اقوول يا الله ناقصه كثير واشيل همه واتمنى الوقت يطول عشان اقدر ارتبه.
    ووقت النوم..وش اقولكم عن وقت النوم؟؟
    كان ممكن تخطر لي فكره وانا بنام اقوم واكتبها بسرعه ويوم ابي اغمض عيوني اشوف تفاصيلها قدامي ..كانت تمر علي ايام مااقدر انام فيها غير كم ساعه متفرقه

    **من اصعب الأحداث علي كان..

    1- بالبدايه موت انين..
    تخيلته قبل لااكتبه وكان وصفه ثقيل على قلبي باللذات ان هالانسانه انا اعرفها ,,لكن ابشركم بسم الله عليها عائشه هههه ..لكن لكل شخصيه اضفت لأحداثها من مخيلتي الكثير وبلورته مع الروايه ..



    2- ثاني موقف يوم درت فاتن بزواج محمد من سمر..وكأنها لقت طعنتين بدون سابق إنذار



    3- الجزء اللي وترني وانا اكتبه..كانت ليلة زواج فاتن من نايف..فعلا كان مشوق هالبارت بالنسبه لي وكان صعب اكتب نهاية وجوده من الروايه,ولكن هذه هي الحياة.



    4- اما اصعب شي فعلا بالروايه ..كان بكل مره اكتب الحوار بين..
    خلود وجارح,ياالله كنت اكتب وانقهر ودمي يغلي لأن قصة خلود ومعاناتها حقيقيه بتعامله بأخلاقه الدنيئه وتصرفاته .. ولكن بعد ماتطلقوا بديت بإضافة خيالي لنهايته


    ** كنت يوم اقرا عن ادوار الشر اقول انا مستحيل اقدر اكتب دور شرير,,ولكن كتبت دور سمر ,واتوقع أي كاتب راح يقرا دورها بروايتي يدري انه ممكن كنت اكتب عنها اكثر ولكن ماقدرت..


    ** وقبل لااكتب الروايه كنت اتمنى اقدر اكتب شخصيه نحبها ونكرهها ثم نحبها..وماتكون برتم واحد واتمنى اني قدرت اجسده بمحمد



    ** كان الكثير يرسل يلوم ويسئل ليه التاخير,زيدي بليز البارت ,فتو ليه كتبتي
    كذا؟؟ وووو
    كنت افرح لكن بنفس الوقت احس بالظغط لانهم يتوقعون بان اربع او خمس او اسبوع هو كثير لكتابة وطرح بارت .. مع ذلك اقول لكم اياها كان ترتيب البارت يحتاج لدقه ووقت كبير جدا
    مابين ترتيب الاحداث وتنسيقها
    مابين الاهتمام بالتفاصيل ..
    والوقت والزمن مابين ليل ونهار مابين بلده وبلده مابين حدث وحدث
    كان اخر تعديل ممكن يكون وانا كاتبته بالموضوع الجديد لتفادي أي خطا,ولكن انا اكيده انه في اخطاء لأن أي انسان مو معصوم منها السموحه قرائي..



    وبالنهايه..
    شاكره متابعتكم..دعمكم..وقتكم ..وحروفكم اللي عنت لي الكثير.. وان تصل نسبه المشاهده لأكثر من 30,000 فهو فعلا شي كبير بالنسبه ليــ


    البعض انتقد والبعض ارسل لي امسحها والبعض ارسل انزعاجه من تفاصيل فيها والبعض ارسل لي يمدح او يشجع..
    لكــــــــل من ارسل لي رائيه ..او نقده
    كل الإحترام والتقدير والشكر ..
    وشكر خاص لصديقاتي على ارض الواقع اللي دعموني وكانوا على تواصل دائم معي..
    اتمنى اني كنت عند حسن الظن ,واتمنى اكون وفْقت بــطرح
    "ضمني وخبني بين اضلعك".

    اختكم
    فتومه

المواضيع المتشابهه

  1. مشاركات: 82
    آخر مشاركة: 21-10-2014, 10:23 PM
  2. رواية شمس و سحاب كاملة بدون ردود 2015
    بواسطة موكاتشينو في المنتدى قصائد وخواطر
    مشاركات: 22
    آخر مشاركة: 21-10-2014, 09:52 PM
  3. رواية غموض رجل كاملة بدون ردود 2015
    بواسطة موكاتشينو في المنتدى قصائد وخواطر
    مشاركات: 22
    آخر مشاركة: 13-10-2014, 10:04 PM
  4. رواية شاب يبحث عن عمل كاملة بدون ردود 2015
    بواسطة موكاتشينو في المنتدى قصائد وخواطر
    مشاركات: 26
    آخر مشاركة: 13-10-2014, 09:58 PM
  5. رواية وصية الحقد كاملة بدون ردود 2015
    بواسطة موكاتشينو في المنتدى قصائد وخواطر
    مشاركات: 52
    آخر مشاركة: 10-10-2014, 09:09 PM

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •