السعوديه الشرقيه
صوت امواج البحر وريحه الرطوبه ماليه المكان ..
في الدور الثاني بالقصر ورى النافذه الزجاجيه ..
هواجس معصبه .. الي كانت خائيفه منه حصل : ايش تعيش معنا ..؟
بو ماهر : ايوه ياقلبي العنود مثكينه طلقها مبارك النذل ومالها غيري..
هواجس ابتسمت : اوكيه تعيش معنا حياها الله هي وينها هالحين ..؟
بوماهر ابتسم : كنت عارف ان قلبك طيب .. هي تحت مع عيالها ..
هواجس باستهزاء : مشاء الله وصلوا .. لا كويس .. خلاص انا بعطيهم الجناح الي كان فيه اهلي قبل لايتركونا براحتنا وينقلوا ..
شدت على "يتركونا براحتنا "علشان تنبه بو ماهر انها ضحت وتركت اهلها يطلعوا وهو يطلع بنته ..
بوماهر : اثبري ياقلبي علثاني كم ثهر .. على مايجهز بيتهم الي بالرياض ..و بنتي مالها الا انا
هواجس: علشانك ياقلبي مستعده اتحمل كل شي ..
بوماهر : بعدي والله اثيله ياهواجث ..
نزلت هواجس لعندهم وهي متنرفزه وشياطين قبالها لكن تعوذت من الشيطان وابتسمت لان بو ماهر معها : ياهلا و غلا بالعنود وعيالها حياكم الله
العنود جالسه و جوالها بيدها .. احتقرت هواجس : هلا فيك ..
نوف و اسير بنات العنود سلموا على سعود وباسوا راسه .. وطنشوا هواجس لانهم مقهروين منها .. هي بعمرهم تقريبا ..
هواجس توقعت المعاله المتعاليه هذي قالت بخبث : خذوا راحتكم بيتي واعتبروه مثل بينكم
اسير ونوف : بيتك ..؟
هواجس: ايوه ياحبيباتي بيت جدكم بيتي والا امكم ماقالت لكم اني زوجه سعودي ..
بوماهر ضحك يصرف الموضوع : هههه تفضلوا تفضلوا ..
العنود ناظرت بناتها مو عاجبها ..: والله هو يبتنا بعد والا ماقالولك ان زوجك يكون ابوي ..
هواجس جلست بجنب بوماهر : يوه الله يهداك يالعنود لاتقولي ابوي تكبري سعودي وهو شباب كانه اخوك مو ابوك ههههههههه
بو ماهر انبسط : هههههههه
نوف واسير والعنود احتقروها .. يكفي متزوج اي كلام بعد شايفه نفسها ..
نوف: اقول جدوا وين غرفنا تعبانين من الطياره نبغى ننام ..
هواجس وقفت : تعالوا معي اوصلكم لغرفكم ..
اسير : مو لازم حنا ندل تربينا هنا قبل لاتجي .. بس قولي اي جهه ..
هواجس : ياحليلك يا... الا وش اسمك ..؟
بوماهر ابتسم : هذي اثير واختها نوف ..
هواجس : ايوه ياثير انتي قلتي قبل لائجي .. وهالحين جئيت وغيرت كل شي .. تفضلوا وراي
مشت قدامهم بتنورتها البيج وبلوزتها السوداء...
وقفوا اسير نوف معصبين ناظروا بامهم : ماما
العنود : خلاص انتم اطلعوا معها وانا بتصرف ..
مشوا ورى هواجس معصبين وحاقدين عليها ...
العنود : يبه الله يهديك وش ذا
بوماهر براءه : وش فيك يابنت ..؟
العنود : سلامتك يبه بس هذي بنت الفقر وراها نافخه ريشها ومحد قدها ..
بو ماهر : العنود لاتزعليني منك هذي زوجتي
العنود : ايوه داريه انها زوجتك لكن من متى وانت تتعطي لزوجاتك وجه .. تراها مصدقه حالها بزياده .. والله بكره تبليك بزر ..
بو ماهر : لا لاتخافي حنا متفقين
العنود ناظرت بابوها من متى يعطي الحريم وجه او يثق فيهم ..
هواجس دخلتهم للجناح وهي تناظر الساعه باقي ساعتين وتطلع لمحل الورد تتفق على ورد ماسكت نور .. ورد الكوشه ..
نوف : اسمعي يالصرصوره انتي لاتنفخي ريشك كلها كم يوم ومطلقك
اسير : اوه لاتنبسطي جدي اكثر وحده طول معها سنتين فلا ترفعي نفسك عند الي اكبر من قدرك ..
هواجس: هههههه وليه خايفين وتهددوا دامه بيطلقني بعد سنتين على قولتكم .. ارتاحوا ولاتنرفزوا كثير مو كويس على اعصابكم ..
تركتهم وطلعت
دخلت لصاله بسرعه ودقت على ندى تعطيها التقرير : هلا ندوش
ندى بصوت مبحوح : هلا
هواجس : بسم الله وش فيه صوتك
ندى : طاقه بعرس هههههههه
هواجس: لا جد وش فيك ..؟
ندى : سلامتك امس انا ولمويه رقصنا وغنينا واستهبلنا ولحد هالحين مواصلين اكيد صوتي بيروح ويتركني
هواجس : هههه قسم بالله مانتي صاحيه .. طيب نامي ..ليه مواصله
ندى : لا انتظر مدبلج قصه حب حزينه ومايجي الا العصر واخاف افوته واليوم دوري اواصل ..
هواجس مات ضحك على هبال بنت عمها : ههههههههههه
ندى : بسرعه خلصينا ليه داقه
هواجس بحماس : صحيح ذكرتيني بنت الثين العنود تطلقت وطاحت بكبدي هالحين ..
وع عندي بالبيت تحت .. لكن لاتخافي عاملتها زفت
وحكت هواجس لندى كل شي ...: ها وش رايك خطيره
ندى معصبه : خطيره طل بوجهك .. ليه عملتي كذا ..؟
هواجس بخبث : ابغى اطلعهم من هنا باقرب فرصه ..
ندى : ليه ياهواجس مو حرام عليك مايكفي ان ابوهم طلق امهم واعصابهم مشدوده ..
هواجس بلامبالاه : وانا وش دخلني فيهم ..
نوره : انتي من متى تتشمتي بحد او تطردي حد من مكانه .. يكفي قطيعه الرحم الي بتسببيها ..بكره تتعذبي فيها
هواجس بحقد : لكن هم مغرورين بملكه يزيد ونور احتقروني وعاملوني مثل الحشره ..واذا مريت عند طاولتهم ضحكوا هم وصحباتهم بصوت مرتفع ..
ندى : مهما يكون انتي انحرمتي من حضن الاب والجد لاتحرمي هذولاء ..
هواجس ضميرها اشتغل وحست بالذنب لانها عاملتهم كذا ..: جد تحسي اني غلطانه
ندى بعتب: اكيد ويله فارقي قابليهم كويس ورحبي فيهم وهم كم شهر ومفارقينك مايضرك اذا عاملتيهم كويس
هواجس: احسها ثقيله على نفسي
ندى : اعتبريهم انا وعود وامهم امي
هواجس: بحاول
ندى: يله انقلعي قوليلهم وبلا احاول بلا بطيخ .. هذا الي قاصر تكوني قاطعه رحم
سكرت هواجس من ندى وهي منحرجه من حركاتها الي مالها داعي قصر واسع مايضرها كم غرفه ..
نزلت لتحت عند لعنود وبو ماهر ...
ابتسمت من جد ماتمثل كانت غبيه بالي تعمله ...
: يالله انك تحي العنود .. البيت نور
العنود عوجت فمها : اكيد انا دخلت بينور مو قبل كانه مقبره ..
هواجس ابتسمت وضغطت على نفسها : وش نفسكم على العشاء .. ايش حابين تاكلوا ..؟
العنود : الي يسمعك انتي بتطبخي انا اعرف اطلب من الطباخ ..
بوماهر وقف : انا طالع لثركه .. ها هواجث تبغيني اوثلك لبيت اهلك والا
هواجس : لا مو هالحين بعد ساعتين وبعدين انا بجلس مع ضيوفي
ابتسمت للعنود ..
العنود : حنا اصحاب بيت مو ضيوف اذا عندك مشاوير اقضيها
هواجس بسرعه مشت لعند بوماهر : لا عندي زوجي اهم مشوار باي
طلعت وهي ماسكه بيد سعود بدلع ..
بو ماهر ابتسم بحنان : هواجث حبيبتي ابطلب منك طلب
هواجس خافت لكن قالت بثقه : انت تامر مو تطلب
بو ماهر: مايامر عليك عدو ... بغيتك ماتدلعيني ثعودي وهالحركات قدام بنتي وعيالها
هواجس بدلع : يعني ماتبغاني ادلعك ..
بو ماهر: لا الي اقثده ..انا لي هيبتي قدامهم
هواجس : ابشر من عيوني الثنتين ماطلبت .. بس ماقلتلي وش حكت لك العنود لما طلعنا ..
بو ماهر : عادي باثياء كثيره
هواجس بخبث : حسيتها متضايقه ... خير ايش فيها تبغى ترجع لزوجها
بو ماهر : لا بث تقول اني معطيك وجه بزياده واني مفروض ماعمل كذا بعدين تجيبي بزر توهقيني ..
هواجس انقهرت من العنود وكانت تبغى تحذفها بالجزم لكن قالت بين اسنانها : بزر لا حنا متفقين
بو ماهر: انا قلتلها كذا وسكت
هواجس براءه مصطنعه : وهي ليه تسال وتقول كذا .. تضني اني استقلك او ماحبك .. كان قلتلها انك روحي وحياتي وقلبي .. ولو على خبزه نغيش راضيه فيك
بو ماهر ناظرها باعجاب تغيرت كثير بعد خطبت يزيد .. صارت البنت الشقيه والحيويه .. ترجعه لشبابه ...وتخاف عليه .. وهو بعد صار يموت فيها ويدلعها .. مثل ماهي تدلله
*****
شموخ اخذت كاس المويه وشربته وهي تحسه سم مو مويه ...
يالت الموت يجي جنبها وياخذها ويريحها من هذا العذاب ...
ظلام
حر
جوع
تحرشات ..
قل نظافه وغذاره ..
خلاص تعبت من هذا كله قربت تنجن جد و.. هي شهرين وزياده بهذا الصراع ..
اندق الباب ودخلت المرضه ومعها حد .. شموخ مارفعت راسها ضلت تناظر الكاس وتحسه متلي دموع مو مويه .. قبل امس ريان قال لها بيسافر يعني المرضه لوحده ...
فيصل ناظر فيها ماعرفها .. حتى الشعر غير الشعر البني الماع الي يعرفه .. ومستحيل شموخ الي يعرفها تكون بهذي الغرفه وهالمكان ..
لف على المرضه معصب : وين شموخ الخيال انا اسالك عن شموخ مو هذي
شموخ بس سمعت صوت فيصل رفعت راسها .. السح وانفتح على ايش تناظره او تفتكر فيه ..
لكن المكان والزمان ضدها ماتصورته يكون هنا ويعرف .. قالت بصوت مرتجف : فيصل ..
فيصل ناظر بعيونه الرماديه مصدومه : شموخ ..؟
ضنها مو هي لكن عيونها وجهها هو .. ملكه الجمال الاخاذ قباله .. وذبلانه ذايبه من الهم والمرض ..
وجهها نحيف بشكل برز عظامه كلها .. شفايفها بنفسجيه منفخه ومتقطعه .. وجهها اصفر مع حموره ..
لكن عيونها حاده وقويه وجذابه .. مع الهالات والجروح الي حولها لكن جذابه تذبح ..
مع كل هذا جميله فيها جاذبيه ..
شموخ شافت الصدمه بعيونه عقدت حواجبها : انت وش الي تعمله هنا
نبهه من تاملاته المصدومه صوتها الضعيف .. دق قلبه معها تعاطف كثير .. هو سبب كل هذا ...
حس انه انسانه غاليه عليه وفقدها ...: انتي الي وش مجيبك هنا ..؟
شموخ بلعت صوتها وسكت مالها رد ..ولاتقدر ترد
ضمت رجلها لصدرها وتكومت على نفسها .. من غير لاترد ..
فيصل بارتباك : انا خطبتك من امك قبل لايحصل كل هذا وكنت منتظر الرد .. ولما طولتي سالت عنك قالوا انك هنا .. فحبيت اسمع ردك ..؟
شموخ باستهزاء : لاتعب نفسك مع مجنونه .. والي خطبتها مات من زمان ..
فيصل سكت شوي : اليوم اخذت موعد مع عيال عمك وجدهم اخطبك منهم .. واطلعك من هنا .. لكن قبل كل هذا اضمن موافقتك ..
شموخ ارتجفت وهي تسمعه .. حست بقسوه الزمن وضحكته عليها .. لثالث مره تكون خسرانه بالدنيا هذي ..
لكن ليه ليه هي بس يصير معها كذا .. ماخطبها الا احقر رجال كانت تشوفه .. ولامت سذاجتها لما حبته فتره من الزمن ..
يطلعها من هنا دعت ربها ثير بصلوتها تطلع من هنا .. بكت بخشوع ورجاء تتخلص من هذا المكان ..
وكانت تضن انه بيكون عن طريق ريان وايده بيدها .. ريان لحد هلحين تفكر فيه وهو سافر يعيش حياته ..
لازم تعيش وتطلع من هنا ..
ردت بثقه وقوه وهي تناظر بعيون فيصل الي ينتظر ردها بلهفه : موافقه ..
وبكت نزلت دموعها وغطت وجهها داخل رجلينه ..
فيصل ابتسم : حلو .. حلو
سكت واستغرب بكيها .. ماقرب منها ولا رد عليه تركها وهو يقول : راجع ياقلبي راجع ..
ضلت شموخ تبكي وهي تحس انها ضعيفه مغلوب على امرها .. حتى بيت ماعندها ترجع له .. ولا حضن ام تنرمي فيه .. ولا اخو تفضفض له ..
وحيده وكلهم تركوها ..
توعدت الكل بداخلها ولازم تدفعهم الثمن واولهم ريان وفيصل ..
جلست على اعصابها خايفه وترتجف تنتظر رجعت فيصل مثل ماوعدها ...
*******
ندى : آآآآآآآآآه راسي يلف .. بموت دايخه فيني النوم ..
نجود وهي تناظر المدبلج مندمجه معه : ياحليها "هاين ".. تكشخ ..
ندى : راسي والله اشوفك ثنتين ...
نجود : ياشينه هذا "جوان " ماطيقه شايف نفسه
ندى حذفت عليها المناديل : انتي هيه انا احاكيك مع وجهك ..
نجود عصبت : قومي نامي وش اعملك ..؟
ندى : والمدبلج
نجود ء : يعني بذمتك انتي هالحين تناظريه .. لانتي تاركتني اناظره ولا انتي مناظرته..
ندى تثاوبت : المشكله اذا دخلت ماراح انام وانا عارفه ان شمس ولمى اليوم بيوصلوا ... حرام لازم نستقبلهم بالمطار مايعرفوا حد بالقاهره ..
نجود : لاتخافي تقول لمى بيجوا مع محارمهم يعني يدلوا
ندى: آآآف متى يجي اليل متحمسه للمى وسواليفها الهبله ..
نجود : وشمس ..؟
ندى رفعت كتوفها بلا مبالاه : شمس ماعرفها وكل المرات الي شفتها فيهم كانت مشغوله وماجلست معها
نجود : والله بتحبيها وبالذات ان فيها شوية عربجى يعني الرجال لنا
ندى تحس راسها يلف .. تثاوبت وغمضت عيونها : بنام ..
نجود : انقلعي داخل مو هنا
ندى نامت ولا درت عن شي ...
******
من الصباح ..
البيت مقلوب فوق تحت .. فيه كل اخوات تركي حتى سوسن اخته الي من شهر ولدت ترتب معهم .. وكل هذا لان وصول اهل القصيم بعد ساعات ..
تغدوا بسرعه ورجعوا ينظفو ا حتى بعد صلاة المغرب ينظفوا علشان اهل القصيم ..
سجى ماشاركتهم احتفال الترتيب كانت بغرفتها ... من كم يوم وهم كذا حتى تركي مختفي يا بالسوبر ماركت او محل الحلويات والمعجنات ..
وهذي اول مره من تزوجت سجى يدخلوا شي جاهز ..عيال الفقر ..
دخلت خالتهم دره مع ريم ..
خ. دره : قومي بس قومي بنظف الغرفه ..
ريم تفرش مفارش زياده : لو سمحتي سجى .. خذي اغراضك لغرفه تركي ورتبيهم لانوا اهلنا اكيد بيدخلوا لغرفتكم ..
سجى وقفت تناظرهم بتعالي : الي يبغى شي يحركه انا مو عبده عندكم حركوا الي تبغونه ..
خ. دره : يمه ريم خذي هالشنط الزايده وارميهم دامها مو راضيه تنظف ..
سجى بعصبيه : تخسين ترمينهم اتركوا اغراضي احسن لكم ..
ريم نزلت بسرعه وتركتهم ..
خ. دره احتقرت سجى وقالت بقسوه : اسمعي انتي حنين على وصول مع اهلها لاتفشلينا قدامها ... صحيح هو تزوجك لكن حنين زوجته بالمستقبل وهالبيت لها .. ولاتعملي حركاتك وضفي اغراضك وانقلعي
سجى بغرور : ماتنقلعي الا انتي ياعجوز النار.. واذا على ولدكم تركي تراه مو مالي ربع عيوني حتى .. يالفقر انتم
تركي كان واقف عند الباب وسمع حكي سجى لكن مسمع حكي خالته .. ريم نادته لان سجى مو راضيه ترتب معهم ..
قال بقسوه وهو متضايق من الحكي الي قالته ..: انا الي ميت بهواك .. خذي اغراضك ويله ضفي وجهك رتبيهم داخل ..
سجى لفت مرعوبه ماتوقعته واقف يسمع الحكي الي قالته : مابغاك مابغى اجلس معك بغرفه وحده
تركي : لاتضني اني مناظرك او بهتم لوجودك .. حالك بحال الكرسي .. ويله خذي الاغراض رتبيهم لاربيك هالحين
سجى ارفعت انفها وقالت بقرف : ماقدر الشنط ثقيله ..
خ. دره : ايوه يابنت المامي ماتقوي كم شنطه .. ماضيغك الا دلالك .. ريم الي هي ريم تقدر ترفعهم
سجى براءه : جد . ريم تعالي ارفعيهم بليز ماقوامهم ثقال
تركي حس انها قالتها براءه وعفويه مافهمت استهزاء خالته لها ..
ناظرها وهي ترتجف خايفه منهم كيف تحاول تتماسك وهي ماتقدر ومو قد الموقف ..
تعاطف معها ولان قلبه .. مثل كل مره ويرجع يقسيه
خ. دره : تستهبلي انتي .. ريم صغيره وانتي مراءه وش كبرك ارفعيهم وبلا دلع ..
تركي رفعهم بسرعه وقال مستعجل : ماعليك منها خالتي افرشي باقي الغرفه هم على وصول ..
- ناظر سجى بقسوه وانتي تعالي وراي بسرعه ..
دخل الشنط للغرفه ورماهم بقوه .. فتح دولابه .... وبحركه بسيطه من ايده كانت ملابسه بجهه ..: هذا المكان لك علقي ملابسك وبالارف ملابسك الثاني ..
سجى ناظرت بالدولاب المتوسط والصغير على ملابسها : بس هذا مايكفي كل شنطي ..
تركي : وش اعملك يعني انجر لك دولاب ثاني او اشتري لك .. دبري حالك ..
سجى بعصبيه : كيف وين احطهم..؟
دخلت نوره اخته بطنه الكبير بدون استاذن لان الباب مفتوح : وين يعني تحطيهم تحت السرير فوق الدولاب ماتعرفي تتصرفي
تركي ماتعجبه طريقه حكي نوره مع سجى مع كذا يسكت ومايحكي شي ..
سجى : من الذوق انك تدقي الباب قبل لاتدخلي
نوره : ومن الذوق ترتبي اغراضك بدون ماتطلعي تركي فوق يبهدلك ..
سجى فتحت شنطه بعصبيه ومتوهقه كيف بتعلقهم وهي ماقد فكرت بهالشي .. وكثير بتعب ..
: ارسلوا لي مفرش وغطاء انا مشغوله
تركي: ليكون حنا الميري الي بقصرابوك اخدمي نفسك بنفسك .. تعالي نوره بغيت اسالك
طلعوا وتركوها .. سكررت الباب بسرعه وراهم وبهدوء ..
غمضت عيونها علشان ماتبكي .. ليه تبكي على شي تافهه كل الي عمله صرخ عند خالته وريم ..
وهالحين عند نوره سكت لاهاناتها وطريقتها المترفعه الي تحاكيه فيها ..
وماتنسى الكف الي ضربها فيه علشان بنت اخوه البزر ..
ومحد يفكر يساعدها بتعليق كومه الشنط الي هنا ..
وغير هذا كله..
حضور الانسه حنين الي مربك تركي ومعذبها هي.. ليه متوتر وخايف كذا
اكيد ملكه جمال الي معذبه الجلف تركي ..
بعد ساعه تقريبا سمعت صوت سيارات وبواري سيارات .. وزعاريط من تحت وناس تضحك ...
كملت تعليق تحاول تطنش وماتهتم ..
اول من استقبلهم تركي .. وسلم عليهم
..طلع من التوتر لفوق بسرعه .. ولغرفته نسى ان سجى فيه ..
سجى وهي تعلق .. انفتح الباب بسرعه لفت شافت تركي داخل مستعجل وجهه متغير.. كان مبتسم وهو يدخل ايده بشعره بتوتر.. دقات قلبه سريعه لانه قابل حنين الغاليه وكانت عتبانه عليه
سجى استغربت من حالاه .. ليه مرتبك ويلهث كذا ..
ناظرها وانصدم لوجودها استوعب شوي واختفت ابتسامته : ماخلصتي ..
سجى حست ان الي فيه لانه شاف حنين سالته تتاكد : حنين وصلت
تركي بثقه ابتسم : جعلني افداها ايوه تحت ..
سجى حاولت تبان انها مو مهتمه .. وهي من داخل مجروحه وتنزف دموعها تحرق عيونها تبغى تنزل يتفداها قدامها ...
اكيد هذا بيبن انه يحبها وبيعاملها زفت قبالهم .. مثل قبال اهله ..
قالت تكابر : جد الناس مستويات وهذي مستواك
تركي : انتي انا رايق ومالي خلق حد يعكر مزاجي ..
سجى رجعت تكمل شغلها وحاولت تحس انه مو معها بالغرفه .. دموعها نزلت اول مالفت عنه تمسحهم ويعاندوها .. بكت لكن بدون صوت ولا كانها تبكي كاتمه انفاسها ..
تركي يرقعها : جئيت اقولك البسي وانزلي الجماعه يسالون عنك ..
سجى حاولت تقوي صوتها : الله اكبر على هالجماعه كلهم سوفاج ..
ناظر تركي بظهر سجى الضعيف والنعوم ..
كان يهتز بخفيف ويرتجف .. وتاكد انها تبكي بدون صوت في تطور قدرت تتحكم بشهقاتها وصوت بكبها ...
عرف ليه تبكي خمس شهور ثقيل عليها معها وطاقتها قريبت تخلص وهي معه .. تبغى ترجع لحياتها الي قبل باقرب فرصه .. وتبعد عن الهم ..
والي زاد همها اثنين وجود حنين هنا ونظرات الكل لهم ..
مشى لعندها ولفها له .. سجى اول حركه عملتها رفعت يدينها لوجهها تحميه .. ترتجف ..
تركي استغرب نزل يدينها وقال بحنان : وش فيك ..؟
سجى ارتجفت شفايها وهي تقول : تكفى لاتضربني ..
تركي استغرب وقال بصدق : لاتخافي مراح اضربك ..
سجى ماكانت مصدقته ..
تركي ناظر بالخوف ولرعب الي بعيونها .. : قسم بالله مراح اذيك ...
سجى ناظرته كانها طفله تتاكد من صدق حلفه .... دموعها وقفت شوي ومسحتهم ..
تركي ابتسم ياكد لها : اقسم بالله لاتخافي ..
سجى رجعت لورى ... .. ولمعت عيونها بالم وانكسار .. : اكرهك ..
تركي سكت مارد عليها ملامح جامده غير الحنان الي من ثواني..
اخذ نفس طويل وتنهيدت عذاب ..
بهدوء : بسرعه البسي وانزلي ..
نزل من عندها ..
**فيصل جلس بثقه ونافخ ريشه وكان البيت بيت ابوه : لكن ياعم بو سلطان انت مكان جدها مثل مافهمت..
سامي مستغرب : انت عارف انها بمستشفى المجانين
فيصل : الاعصاب لو سمحت .. ايوه عارف وماجئيت اخطب الا سال عن بنتكم وعارف كل شي ..وانا طالب القرب .ز وتراني خاطبها قبل لايتوفى ابوها الله يرحمه حتى اسالوا الوالده ..
سامي : صحيح امي تقول انك خاطبه قبل ..
فيصل : انا باخذها من المستشفى لبيتي .. واي مهر تامرون فيه انا حاضر
سامي بشويه عصبيه : اول شي مفروض تجي تخطب ومعك اهلك امك ابوك وثانيا حنا مو مواف
قاطعه بو سلطان : حنا موافقين .. ولو هي ذبيحه ماعشت
سامي : ايش ...؟
بو سلطان طنش سامي : انا البير هنا وانا المسول عنها
سامي : بس ياجدي مو على كيفك ..
فيصل وقف : توكلنا على الله الشيخ بالسياره اقدر ادخله
سامي بعصبيه : لا واثق ان حنا بنوافق الشيخ بالسياره ...
فيصل تركه وطلع ..
سامي عصب وصرخ على جده : يبه وش فيك ليه وافقت ..؟
بو سلطان بجديه : حرام عليكم مرميه شهرين بالمستشفى محد يدري عنها .. اتركوها تعيش حياتها مع الي راضي فيها
سامي بتفكير : وريان كيف ..؟
بو سلطان : انت ولي امرها هالحين ونقدر نملك بموافقتك ..
سامي (( والله لو درى ريان لينجن اليوم .. قسم بالله لايقتلنا واحد واحد ..
وانا وش دخلني طيارتي اليوم باليل ومايقدر علي ريان هو يرجع بعد كم يوم ))
: معك حق يا يبه توكلنا على الله ..
دخل فيصل بعد ماكان يتسمع على حكيهم .. ومعه الشيخ ويزيد وخالد .. شهود على الزواج ..
سامي باستهزاء : ومجهز الشهود بعد
فيصل : ههههه ابشرك ومجهز الحجز بالطياره لي ولها درجه اولى ..
بو سلطان ابتسم : الله يوفقكم ... تفضل ياشيخ علشان يمدينا نروح للعروس المستشفى توقع ...
سامي : لحضه اي طياره لك ولها ..
فيصل : باخذها معي ..
سامي : تراب ابوي ماجف ولا نجلاء تاخذها بدون طقطقه ولا ازعاج
يزيد بهمس : وراه هذا معصب ..؟
فيصل احتقر سامي : مادري عنه هو وجهه.. ماكان بنتهم مجنونه
يزيد : لا مجنونه ..ماكانك انت الي مهبل فيه عند ام محمد
فيصل عصب : اسكت لاتفضحنا انت وجهك رفع صوته اوكيه موافق اشرط الي تبغى .. انا شاري ..
******
ام نواف دخلت للمطبخ مبتسم : ها وعوده وش عندك بالمطبخ ..
وعود كانت تقطع الحلى من الصينيه وتحطه بالصحون
وعود : هلا وغلا يمه .. تعالي عامله لك حلى تاكلي اصابعك بعده ..
ام نواف : لي والا لجدتك وابوك ..
وعود ضحكت : هههه لا والله يمه الصدق الصدق عاملته لي .. اشتهيته وعملته ..
ام نواف : عليك بالعافيه .. بحنان اخذت الصحن الصغير منها ها يابنتي مامليتي مننا ونفسك ترجعي لرياض
وعود تضايقت : يمه شكلك انتي الي مليتي مني ..
ام نواف : لا يابنتي حشى بس شهرين وانتي عندنا ماحن قلبك
وعود تنهدت : ليه هو سال علشان يحن قلبي ... يمه كنك ماتدري حتى ماحاول يرجعني ..
ام نواف : لكن زوجه عمك تحاول ..
وعود تافت : زوجة عمي مو هو .. بعدين من قال اني برضى ارجع له بعد الي شفته منه
ام نواف : وش شفتي .. وش الي عمل لك احكي ريحي بالي
وعود : ولا شي ولاشي .. وين ابوي ويمه سعديه بالصاله ..والا بالسطح
ام نواف : الله يهديك يا يمه قولي امين ..
بو نواف : امين لكن مالها رجعه لعندها .. لحد مايعتذر .. اجل يرمي بنتي باليل لوحدها ترجع لشرقيه
ام نواف : بنتي الي طلعت من نفسها
بونواف : وليه هو يتركها .. بنتي عزيزه نفس وماترضى لنفسها المذله
وعود ابتسمت بفخر : الله يطول بعمرك يبه .. وعلشان هالحكي الحلو انا عاملت لك حلى من الي يحبهم قلبك
طلعت ام نواف معصبه : انت الي يعجبك ياحمد بنتك تطلق مره ثانيه وحده هاربه .. مايكفي ضاعت مني وحده بعد الثانيه ..
وعود ناظرت بامها تطلع لسطح معصبه : يبه لاتضايق نفسك امي ماتقصد واكيد هي معصبه وتخاف علي..
بو نواف : آف من امك من هربت المغضوب عليها وهي كذا ..
وعود : فتره وتعدي يبه ..يله بلا ماساه وخذ الحلى اطلع لام نواف ودلعها بعد الغداء
بو نواف: لا ياوعود من عرستي اختربتي هههههه
وعود استحت وشغلت نفسها باكل حلى الفراوله ... من اول مصحت من النوم مشتهيته .. وعملته لها ..
اكلته وطلعت معهم السطح .. ناظرت بال وهي فوق الطابوقه ...
حست ان ظهرها يالمها ورجلها تنمل ..
جلست بجنب جدتها قبل لاتطيح عليهم ..
الجده : يمه وعيده وش فيك ..؟
وعود : ها لا مافيني شي ...
الجده : ها وش تقولين
وعود صرخت باذن جدتها : مافيني شي يمه سعديه
الجده : لا والله ان فيك شي وجهك اصفر من فتره و اخلاقك مو عاجبتني ..
وعود تافت وصرخت :مافيني شي تتوهمين
ام نواف ناظرة بنتها : وعود وش فيك تعبانه اخذت للمستشفى
وعود وقفت : لا مافيني شي .. انا بنزل اكيد بدى اعادت برايم قسمه ونصيب
بسرعه نزلت قبل لايفوتها البرايم .. اول ماوصلت لاخر الدرج .. لاعت كبدها من الفراوله الي اكلتها ..واستفرغت كل الي اكلته ..
نزلت لها امها بسرعه : يمه وعود وش فيه .. ناظرت بالارض- الله يهداك ليه تركضي وانتي توك ماكله
وعود لاعت كبدها اكثر ومشت للحما : مادري نسيت ..
ام نواف : وين رايحه تعالي نظفيه
وعود دخلت للحما واستفرغت كل الي اكلته .. تحس بالعذاب .. آآآف من ايش هذا ياربي لاعت كبدي فجاءه ..
طلعت لعند امها معصبه : آف لاعت كبدي فجاءه يع ..
ام نواف : غريبه وش اكلتي هذ وماتغديتي
وعود : يمه الله يعافيك نظفيه انتي انا مو قادره اناظره برجع استفرغ
ام نواف : آآف منك يقولوا الي عندها بنات مرتاحه وانا آآآه ماعرف الراحه ..
وعود دخلت لصاله تتفرج على التلفزيون وتمدت على ظهرها قبال التلفزيون بالضبط
نواف : لا وعود انا اتابع مارتن ..
وعود بطفش : تابعه باليل
نواف ناظر بوعود حاقد و استغربت من بطنها الكبير ..: اقول وعود كرشك كبر بزياده ..
وعود ناظرت بطنها : ايوه حاسه مع اني والله ماكل كثير .. لكن من قلة الحركه
نواف بدفاشه ضغط على بطنها بقوه .. وعود صرخت وكان روحها بتطلع : آآآآآآآآآآآآآآآآآآآه ..وجع
نواف استغرب : وشدعوه ماعملت لك شي
وعود ماسكه بطنها يالمها وغرقه عيونها : يالم نويف مو كذا عاد ..
نواف : والله ماقصدت انا دايم اعمل هالحركه ماتتالمي كذا ..
ام نواف ادخلت على صرخه بنتها : انتبهي يمكن فيك الزايده ..
وعود : ايش الزايده اي زايده هذي ..؟
ام نواف : اي زايده بعد الزايده الدوديه
وعود : ياويلي لا يمه لاتخوفيني
ام نواف : تحسي جنبك يالمك ودايم عطشانه ..
وعود : لا يمه بلا سخافه خوفتيني
ام نواف : هههههه لاتخافي بس اتاكد ..
بعد ربع ساعه تقريبا حست وعود انها مشتهيه ليمون مع قشره ..
دخلت للمطبخ بسرعه ..
و تعوذت من الشيطان وفتحت لها ليمونه بدون قشر ..
لكن نفسها بليمون مع قشر وملح..
سكرت باب علشان ماحد يشوفها ..: ام لذيذ ام
نواف فتح الباب بسرعه : وعود البرايم
وعود رمت اليمونه بالصحن : طيب بجي
نواف : وع وش الي تاكلينه هذا
وعود: آآآف نوافوه مالي خلقك
نواف : مع قشر قرد انتي ..؟
وعود عصبت : نواف
نواف : من جدك وعود تاكلي هذا
وعود سحبته لعندها وقالت بهمس : نويف حبيبي انت لاتحكي لحد
نواف مستغرب : ليه ..؟
وعود انحرجت: فشله مابغى حد يعرف
نواف : اوكيه بس البرايم بدى وهذي الاعاده يعني بيروح عليك ..
طلعت وعود مع نواف وهي مستغربه من نفسها ..وتصرفاتها ..
*******
ربى ناظرت بامها : لا ياماما مو على كيفه هو مايرجعها .. انتي مفروض ماتسكتي
ام رياض تلعب بالستيك الي بصحنها : عارفه وانا حكيت معه يجي علشان هذا الموضوع ..
ربى : مع انو هذي الوعود ماتستاهل ريال بس حنا لنا اسمنا وماينفع يطلقها وهو ماخذ سنه معها ..
ام رياض : المسيحيه هذي هي راس البلاء
ربى بغرور : والله البلاء من ولدك الابله .. ماكفاه انك مانعه عنه الحلال وبعد يبغاك تحرميه من حلال جدي
ام رياض : ماعليك انا اتفاهم معه هالحين وغصب عنه يرجعها .. ويحاكيها قدامي بعد
ربى بعدت الصحن عنها : الحمد لله .. شبعت ..- وقفت انا طالعه قبل لايجي تامري على شي
ام رياض : لا سلامتك ..ولاتنسي حولي لرصيد تركي الدراهم
ربى : امس ارسلتهم .. باي ..
وهي طالعه بملابسها الجرياءه وعبايتها على كتفها صادفت رياض ..
رياض : هلا وغلا ربرب كيفك ..؟
ربى بدون نفس لفت الغطاء على شعرها : هاي ..
رياض : طالعه
ربى : ايوه انت شايف غير كذا .. يا ريتا جيبي الاب توب والحقيني على السياره ...
رياض دخل لعند امه وهو متضايق من تصرفات ربى .. ماكانت مغروره وتطنش مثل كذا ..: بو نجوار .. مامي ..
ام رياض بهدوء وقفت من الطاوله : بونجوار .. اسبقني لصالون بغسل والحقك ..
رياض (( الله يستر ماتدخلني لصالون الا وعندها شي .. ليكون بتحاكيني عن هذي الوعود ))
جلس رياض بالصالون ينتظر وصول امه ودق على كاترين لحد ماتخلص امه لانها راعية طويله
: هلا وغلا بالحلو
كاترين : اهلين رياز .. منيح انك دايت
(( كويس انك دقيت ))
رياض : تابريني انا شو بدك ...؟
كاترين : بدي تلاتين الف ...
رياض بطفش :من يومين معطيك خمسين الف .. وهالحين ثلاثين .. للسواره هذي المره والا لخاتم
كاترين بدلع : لا للماي
رياض: مامي خير وش تبي امك بثلاثين الف .. ..
كاترين : ي نسيت خبرك المامي بدى تجي لهون .. انا مشتاتلى
(( يوه نسيت اقولك .. ماما بتجي لهنا .. انا مشتاقه لها ))
رياض : المامي لا وش تبي ذي
كاترين : رياز شوبيك كلياتا شهر و بترجع لبيروت ..
(( رياض وش فيك .. كلهم شهر وبترجع لبيروت ..))
ام رياض دخلت : السلام عليكم
رياض : خلاص مثل ماتبغي يله هالحين مع السلامه ..
وعليكم السلام يمه ..
ام رياض بدون نفس : تحاكي المسيحيه الي ماتسمى .. قسم بالله محد مخسرك غيرها ..
رياض يغير الموضوع : ها يمه وش بغيتيني فيه ..؟
ام رياض : وعود ..
رياض تنرفز : استغفر الله ..
ام رياض : اسمعني ولا تقاطع حكي ..
********
نزلت سجى بعد ماتعدلت .. وقلبها يدق بسرعه خايفه من معاملة جماعة تركي لها ..
يكفيها معامله اهله الشينه ..
ابتسمت بخوف وهي تناظر بالحريم الكثار الموجودين بالصاله .. خافت منهم ..وبالذات ان الكل سكت لما دخلت : هاي
ناظرتها حنين بتفحص وهي مصدومه ان هذي زوجه تركي ..
فستان ملون بالوان كثيره ورايقه بين الاحمر والبرتغالي والبيج والاصفر ..
لحد نص فخذها .. وتحته بنطلون احمر استريج ..
شكلها ستايل وشعرها لنص ظهرها مع مكيجها الجذاب .. يكفي نعومتها الي تقطع القلب ..
وعيونه وسيعه برموش كثيفه ..
منافسه قويه لحنين من الاساس مافيه وجه مقارنه ..
ناظروها الحريم وماردوا .. رمشت سجى بعيونها اكثر من مره خايفه .. هذي بدايه الخير محد رد عليها ..
حنين ناظرت نوره وشذى بقهر كذبوا عليها وقالوا انها ازين من سجى ..
عجوز كبيره مره ابتسمت لسجى : يالله انك تحي هالقمر انتي حرمت وليدي تركي ..
سجى ناظرتها خايفه ومرتبكه : ايوه ..
ام تركي ابتسمت لسجى ومسكتها من ايدها : يمه سجى تعالي سلمي على خالتي مريم هذي تكون ام زوجي .. يعني جدة تركي ..
سجى ناظرت بام تركي مصدومه من متى تعاملها بهالحنان واليونه جد منافقه ..
سجى ماعرفت كيف تسلم عليها .. مدت ايدها وقالت بنعومه : هاي خالتو مريم ..
حنين من القهر الي فيها ضحكت بصوت مرتفع : ههههههههههههههههههه
لحقوها الباقي بالضحك : ههههههههه
سجى لفت على حنين مستغربه من هذي البنت الي تضحك بستهزاء ومن قلب ..
فيها شبهه من نوره اخت تركي مع ان هذي اسمن شوي ..
احتقرتها ولفت على جدة تركي ..
ام تركي ترقعها : هههه الله يهداك ياسجى مو كذا تسلمي عليها هذي الجده راس المال والخير والبركه .. تبوسيها على راسها وتناديها بيمه ..
سجى كانت بتعاند وتقول تخسى .. لكن قرت تنافق معهم وتمشى لاخرتها .. تغير جو وروتين ..
باست راس جدة تركي الي ريحتها مسك وعود ..
جدة تركي بحنان : جعلتس تبوسين الكعبه قولي امين ..
سجى ابتسمت : آمين ..
سلمت على الموجودين وام تركي تعاملها بحنان وطيبه ونفاق .. كانها جد تحبها وتخاف عليها ..
لما وصلت عند حنين .. ناظرتها سجى بحقد .. مزيونه ماعليها ملامحها صغيره عيونها وانفها وفمها .. حنطاويه .. لكن سمينه شوي ..
كرهتها سجى من قلب .. وحست ان الغيره تشتعل داخلها ..
مدت ايدها بتعالي : هاي
حنين نفس الشعور والمعامله .. : وعليكم السلام
جلست سجى بالكنبات الي مقبله حنين ونوره وشذى والجده .. وهي مقهوره ونفسها تطلع من المكان ..
وحده من عمات تركي : مابغينا نشوفتس ياسجى ..تشوقنا نعرف من قدرت تطلع تريكان من العزوبيه ..
سجى ماتعرف وش ترد بهالمناسبات بس ابتسمت ..
حنين على جنب مقهوره : الله يلعنتس انتي معها .. وين الشينه والي ماتنطاق
نوره : لاتلعني انتي وجهك وحنا وش يدرينا انك بتحسيها مزيونه ناظريها مافيها حلى
مها وحده من بنات جماعنهم : اي مافيها حلى والله ان تركي لو كان جد يشوفها راحت عليتس ياحنين
شذى : ولا يهمك حنون .. نسيتي تركي يموت فيك انتي ومايفكر بغيرك ..
حنين تنهدت : وهذا الي مصبرني ..
مها : هذي كانها طالعه من مجله ..
حنين متنرفزه : مها يالزفت ورى ماتسكتي ازين ..
نوره : مكياج مكياج ياحظي .. بتشوفيها بدون شي وبتلوع كبدك ..
حنين بحقد : ماظن لكن والله ماتركها تتهنى فيها ضنيتهاشينه طلعت عوبه وزوينه ..
جده تركي : بنيات وراكم تتصارون ..
نوره : سلامتك يمه .. اقول ياجماعه ماودكم تراحوا بعد السفر
مها: لا بعد العشاء
سجى كانت ساكته ومستغربه من الناس الي قبالها .. كل جهه من الحريم تسولف لوحدها البنات بجهه والمتزوجات جدد بجهه .. والعجز بجهه ..
هذا ماعندهم بجمعاتهم الراقيه لان اذا حكت وحده الكل يسكت ..
حاكتها وحده من المتزوجات وشكلها صغير : بسم الله عليتس ماهقيتس صغيره كذا
سجى : انا ..؟
ابتسمت بشاشه : ايوه شكلتس بالثانويه مو متخرجه من الجامعه ..
سجى : تسلمي
: انا يلدا بنت عمة تركي ..
سجى : هاي تشرفنا ..
سجى تحس صعب تتواصل معهم فيه حاجز.. تحسهم اقل من تفكيره ومستواها مستحيل يفهموا عليها ..
يلدا : ترى انا درست تركي وهو صغير .. ياحليله ماضنيته بيتزوج ..كبر بسرعه ..
سجى : بس انتي شكلك صغير ..
يلدا : هههه ايوه شكلي لكن انا اكبر خواتي ..وبكر امي ..
سجى : وين خواتك ..؟
يلدا اشرت على حنين : حنين و مرايم ..
سجى (( وع اخت حنين )): مشاء الله انتي ازينهم ..
يلدا : ههههه حرام عليتس حنين مملوحه ..
قبل لاترد عليها سجى سمعوا صوت حد يتنحنح عند الباب : يامراءه تغطوا ..
عرفت سجى انه صوت تركي لكن متغير فخم و خشن بزياده ..
ام تركي وهي تضيف بالقهوه : تغطوا يابناتي تركي بيدخل .. بعد ماتبرقعت كل وحده = ادخل تفضل يمه ..
سجى استغربت يتغطوا منه ليه وهو ولد عمهم ..
تركي دخل مبتسم وجهه ينور .. سجى قلبها دق بسرعه رهيبه ماقد شافته مبتسم كذا .. عيونه متجعده وغميزته واضحه و حست بضربات قويه بطنها كان يد تعصره
ويدينها ترتجف خافت تبان رجفتها ضمت يدينها لبعض وحطتهم بحضنها ..
تركي بحماس : هلا والله بالعمات والجده .. لو داري انكم بتجون كان من زمان عرست
عمته حنان : ههه الله يهنيك يالمعرس ..
تركي : تسلمين عمتو ا .. ناظر جدته - هلا والله هلا بيمه .. تو مانور البيت وتبارك ..
ناظرت سجى بسرعه بحنين تراقبها شافتها تناظر بتركي بتامل .. وتركي يدور عليها بعيونه ..
باس راس جدته وايدها : هلا يمه الغاليه ..
جدة تركي ناظرت بسجى : هلا فيك ... مبروك .. منك المال ومنها العيال ..
التفت تركي وين ماتناظر جدته .. شاف سجى بجلستها الدلوعه الراقيه .. وزينتها من زمان ماكشخت ..
مشى لعنده وعيونه بعينها .. وهو يجلس بجنب سجى قال : ها يمه وش رايك بذوقي ...؟
سجى ارتبكت من جلسته جنبها وقدامهم .. حست وجههاحمر وجسمها ارتفعت حرارته ..
تركي مايبغى يبين شي لجماعته وانه مبسوط وبالذات قبال حنين وجدته ..
وعجبه الوضع وبيحاول يستقله .. حس بارتباك سجى وابتسم لها بغرور ..
جدة تركي : لا ياتركي كامله ومالكامل الا وجهه .. يكفي انها بنت الرالي ..
وحده من عمات تركي : وانتي صادقه عرفت تختار ياتركي .. جمال ونعومه وطول ورشاقه ..
يلدا : حيلكم حيلكم .. البنت حمرت من الحياء ..
تركي حط ايده على كتف سجى براحه : لا عادي متعوده نانه على المدح ..
حنين : نانه .. من نانه مو اسمها سجى ..
تركي ماعرف هذا صوت مين ودور على مصدره ماقدر .. : من هذي الملقوفه .. اكيد سوير ههههه
سجى عرفت انه صوت حنين مع انها ماسمعت لها الا كم كلمه .. لكن مستحيل تنسى صوت عدوتها ..
حنين بالم : لا انا حنين بنت عمتك
تركي نشدت ايده شوي على كتف سجى ايتسم وهو يقول مرتبك : اوه حنين .. كيفك وكيف صحتك ..؟
حنين برود : كويسه .. قالت بضيقه واضحه - مبروك على الزواج
تركي بلع ريقه : الله يبارك فيك ..
سجى ناظرت في رقبته وهو يبلع ريقه ..مرتبك منها ..حست بالقهر ودموعها تجمعت بعيونها ..
ناظروا بوجه سجى المتغير والمتضايق هي العروس وكل حركه محسوبه عليها ..
سكتوا شوي الكل سكت ماحكى .. الجو توتر ..
جدة تركي : تريكان تعال تعال بجنبي ابغاك ..
تركي : ههه يمه بعد ماترتحي وتنامي اجي لعندك
عمة تركي : هالحين انت كم وحده تناديها يمه
تركي : ههههه كل العجايز بهالعايله اناديهم يمه ههههههه
ام تركي : افا والله افا
جدة تركي : وهو صادق العجايز عاده روحتس بنت بنوت ..
ام حنين : مالك حق ياتريكان ..
تركي : ليه وبايش
ام حنين : متزوج طرمه ماسمعنا حسها من جلست ..
تركي قرص سجى من خدها وكانها بزر : بعدي والله عروس وتستحي
سجى خدها حمر من قوه قرصته وابتسمت بعفويه : آآه
عمته حنان : ههههه شوي شوي على البنت .. عورك يابيتي
سجى : لا عادي
يلدا : مسكينه تعودت على دفاشت تركي
تركي : اوه العروسه يلدا هنا صرتي قديمه قرب سجى لعنده اكثر نانه الجديده هالحين ..
سجى مستغربه من تركي وكانه انسان ثاني ماتعرفه .. حست بالحسره على نفسها لو انه تزوجها بظروف ثانيه كان عاملها مثل كذا وبنفس الاستهبال ..
يلدا : ايوه لنا الله ..راحت علينا ..
جدة تركي : حبيبتي سجى وراتس ساكته .. يمه لاتستحي حنا مثل اهلتس ..
سجى : ايوه عارفه لكن ماتعودت احكي مع اي احد ..
ام حنين بحقد : حنا مو اي احد اهل زوجك وقريب بنكون عمام عيالك ..
تركي : لا عيال لاتفكروا .. انا اخاف على رشاقة زوجتي .. بذمتك يمه هذا جسم لعيال والا للعرض بدفيليا ..
جدة تركي : ليكون انتي مطاوعته بهالهبال ياسجى
سجى لفت على تركي ومن اول ماجلس بجنبها مالفت عليه الا هالحين .. ناظرها وبعيونه شي غريب مافهمته ..
ناظرت الجده تبعد من عيونه : ايوه انا الي مابغى توني صغيره على الهم ..
نوره احتقرت سجى لكن سكت تركي محلفهم كلهم مايبينوا شي قدام الجماعه ..
يلدا : صدقيني حكي بس تشوفي البزارين بتقولي ابغى ..
ام تركي : يله ياجماعه على العشاء ..
الكل وقف وراح لسفره يتعشاء ..
تركي ماسك بيدها .. قال بهمس : ابتسمي وسولفي يكفي فضايح ..
سجى ناظرته حتى تركي ينافق بس قبالهم : ماعرف انافق مثلكم ..
تركي : تتعلمي .. والله ياسجى اذا فضحتينا وعملتي حركاتك ماتلومي الا نفسك ..انا طالع لرجال مابغى اسمع شي يضايقني ..
عمته تهاني سحبت سجى منه : اترك البنت تتغدى ارحمها يارجال .. غمزت له *_^ مالومك بسم الله عليها قمر ..
تركي : ههههه عمتي الله يهداك
تهاني : تعالي يابيتي واتركي رجلتس الي ماعنده سالفه ..
اخذتها تهاني بجنبها بالسفره ومعهم عماته .. ام حنين وحنان ... وثلاث حريم ماحكوا بوجود تركي وشكلهم من جماعته من بعيد ..
: نو ثانكس ماحب الذبايح ..
تهاني : حرام عليتس في حد يعوف للحم
ام حنين : كلي بس كلي بلادلع ..
سوسن : لاتحاولي يا عمتي سجى ماتعودت على هالشغلات بيت اهلها مدلله ..
سجى : ايوه ماتعودت (( الله يكرم النعمه سوفاج ..سوفاج ))
حنان : خذي فواكه طيب ..
لمارا : سجى خالي تركي يقلك خذي البروستد هذا لك ..
حنين : الحمدلله والشكر في حد مايحب الذبايح
مها : هذي وش علمها بهالشغلات
سجى : ايوه ماعرف فيها تركتها لاهلها ..- احتقرتهم
ماكلت من البروستد كثير كانوا يحكون على راسها ومزعجين حتى بالاكل مايعرفوا يسكتوا .. غيير كذا جالسين بالارض .. رجلها المتها وخلصت بسرعه : الحمدلله ..
تركتهم ودخلت للمطبخ ..تهرب من المكان المخنوق .. ايوه بتختنق
ناظرت بالخدامات الكثير المالين المطبخ .. اكيد من القصيم .. تذكرت بيت ابوها كيف الخدم حولهم وهي لها خدامتين خاصين تحت شورها غير ميري ومرفوعه مشرفات الخدام ..
طلعت لفوق بسرعه قرفانه من كل شي خمس شهور وماتاقلمت معهم .. غريبه الانسان يتكيف بسرعه .. لكن الرفض الي بداخلها ..صارت تكرهم باقل حركه يعملوها ..
اخذت كنبه من المر الي فوق ودخلته الغرفه وسحبت غطاءها ومخدتها من غرفتها الي كلها مفروشه بدواشق ..وطردوها منها
وتمدت بتعب ونامت مجهود متعب بالنسبه لها ..
مواقع النشر (المفضلة)