وتكوني بغرفه لوحدك وهو غرفه لوحده وبكذا بتصرفاتك ودلعك وتقهري حبتين حتى يعترف لك بخطاء ويعتذر وبكذا تكوني كسرتي راسه

لمياء/ اخيرا في حد فاهمني
ملاك بتفكير/ يو بس أنا مابي اسوي كذا استحي
لمياء/ أجل خلي خجلك يرجع زوجك هذا الا تحبيه وتبغي تطلقي وتتفلسفي
ملاك/ اوف خلاص برجع بس ها انتي قدام تجلسي معاه وانا وراى ولايجي لسانه علي عشان لااعطي كلام يكرهني فيه
لمياء/ وي وي اكلتيه خلاص ثم

:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::
احياناً نبتعد ؟ دُون شتِم ، دُون نِقاش دُون عناء ! ابتعاد صَامت جِداً ، ابتعاد لا مَلامح لہ ذلِك النوع مِن الاِبتعَاد الذي يُسمّى ؛ اكتِفاء ?


ترتب الاغراض الا اشتروها ع الثلاجه كان جالس بالكرسي ويراقب حركاتها ويبتسم
ابراهيم/ اقول حبي
مياره/ قول
ابراهيم/ وش رايك احجز ونسافر نغير جو
مياره لفت له/ والله الصراحه ودي طفشت
ابراهيم يضحك/حياتي أنا الحين اروح احجز ونروح الاسبوع الجاي
مياره/ امممم بس قبلها وش رايك ننزل الرياض اهلي وحشوني تكفى برهومي
ابراهيم يسحبها لحضنه/ وانا كم مياره عندي خلاص قبل مانسافر بيومين نروح
مياره/ اخيرا رضيت علينا
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::


ليلة البارح سواليفك عطر ،
كنت ساكت أسمع جنونك واقول :
من يحبك صارت ايامہ مطر
لا جفاف ولا يباس ، ولا ذبول ~

سالم بعصبيه/ ناديه قلت لك طلبك مرفوض
ناديه/ ليش وش تبغى فيني خلاص عندك ساره
سالم بقهر/ انت وش تفهمي ماقدر ازعل امي وازعل خالتي وانتي قدرك يمنعني اطلقك
ناديه/ لي قدر عندك يَ سالم مااظن
سالم بطفش/ غيري الموضوع وحقوقك راح تجيك وبتعيش معاي زي ساره وانا الصراحه طفشت منك ومن ساره تر بتزوج الثالث لو ماعقلتو
ناديه/ أنا اتكلم بجد ماقدر اعيش مع واحد معتبرني جدار عنده
سالم/ ادري كنت غبي يوم كنت اتصرف معك كذا بس من اليوم بسوي جدول يوم عندك ويوم عند ساره وكل وحده لها حقوقه وكمان إذا شفت هبالكم مع بعض زاد كل وحده بيت

دخلت ع كلامه الاخير
ساره بتعب / أنا موافقه ولابعترض بجدولك وناديه ابيك تسامحيني ادري غلط عليك كثير وانتي زوجتيني بسالم بس أنا ابي كل وحده بيت حتى لو تاخد بيت جنب بعض اهم شيء مانعيش مع بعض عشان بتجي المشاكل والغيره والقهر

سالم اخذ نفس/ لمتى يعني ليش مانعيش ببيت واحد والكل يحب بعض

ساره تجلس بالكنب/ مااوعدك حنا مو خوات عشان نعيش بحب كل وحده ماخذه زوج التاني يعني لازم الغيره والخصام
ناديه/ خلاص إذا ماراح تطلقني ابي اعيش ببيت لوحدي
سالم/ اوك راح اسوي الدور التاني وتعيشي فيه انتي ويوم انام هنا ويوم أنا عند ناديه وكل وحده طلباته تجيها وكل يوم بالاجازه اطلع مع وحده فيكم واذا سافرنا كلنا مع بعض سامعين ولحد يتبهلل علي ويقول مابي اغار مابيها تروح معاي وكذا موافقين

ناديه وساره/ موافقين
سالم/ يلا بروح اشوف مين يسوي الدور التاني وبعدين تروحي السوق عشان تختاري الاثاث

:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::


متجمعين بالحوش يتقهوى طبعن الكل تجمعو
سهى وسالي ولمياء وخالد وملاك رجعت من كلام مياره ولمياء

ملاك/ هههه والله يَ خالتي ماعاد شفتي شيء الجو هناك يجنن والطلعه كانت حلوه بس ناقصتكم

الاب/ اهم شيء انبسطو
سهى/ اي والله يبه كانت سفره حلو وش رايكم نسافر يوم واحد سوى كلنا نجلس ع الاقل اسبوع
الام/ اي والله يابو خالد ودي
الاب/ خلاص ثم بس اشوف يوم فاضي كذا واخذ اجازه ونطلع
سالي/ احم اقول اخبار الجيران اشوف بنتهم كل شوي جايه هنا
لمياء/ هههههههههه مادريتي
سالي/ وش
ملاك/ خليك بكرشك بس
خالد/ الاخت لمو مخططه تتزوج ولدهم
الاب/ لا وبعد امها تقول نروح عندهم ونخليهم يشوفك احس صرنا اهل العريس

الكل/ ههههههههههه
الاب/ عاد خالد متى نشوف عيالك اخواتك بيولدو وانتو لسه

كانت منحرجه كثير وخالد طالع فيها ابتسم/ ان شاء الله يبه انت بس ادعي الله يرزقني
الام/ امين الله يرزقكم
لمياء/ اقول ليكون سهى وسالي بتولدو بنفس اليوم تر بنجلس عند سهى عشان الكبيره
سالي/ مافيك خير اصلا مو نفس الشهر هي قبلي صح
سهى/ اي
الاب/ الله يعينكم
سالي/ اقول يبه ودي نروح المزرعه ونفلها هناك
خالد/ خافي ع كرشتك قال تفلينها فيك حيل تلعبي اعقلي خلاص بتصيري ام
سالي/ خليت لك العقل لايكثر بس
الاب/ ماينفع عندي اشغال مره هالايام ماعندي وقت مره تاني

كانت الجلسه مع الجو حلوه وانبسطو الكل راح غرفته ينام من التعب الا بعض الناس
جلست بصاله ومعاها ثلاجة الشاي والفشار وفاتحه التلفاز تتابع فلم
نزل وكان عارف انها تسهر ماتحب تنام بدري
جلس جنبها طالعت فيه ورفعت الصوت عشان ماتسمع صوته
خالد/ خفضي الصوت ابيك بموضوع
ملاك تتاكل الفشار/ مااظن في موضوع بيننا مهم
قام طفى التلفاز ورجع جلس جنبها/ الا فيه
ملاك تاخذ نفس/ قول الا عندك ومالي خلق لسواليف الطويله
خالد/ الله الحين جلستي وسواليفي ماتطيقيها
ملاك/ لايكثر ممكن تتكلم والا بطلع غرفتي
خالد بكبرياء/ اوك اطلعي خلاص مافي
ملاك تاخذ كاسة الشاي والفشار/ يكون افضل ولاتتوقع ننام بنفس الغرفه
خالد/ ليش وين انام
ملاك/ نام عند صور الحبيبه
مسكها من يدها/ مو حبيبتي أنا ماحبيت بحياتي بس
ملاك يعني مايحبني ليش تقول لمو تغير تضحك علي جالسه نزلت راسها ماتبي تتدمع قدامه/ لاتحب وماعاد يهم إذا رجعت رجعت عشان شيء واحد وبعده راح ارجع بيت اهلي
خالد حس انه خربها بدل لايصلح/ أنا اقصد ماحبيت
ملاك/ لاتكمل مو طفله أنا ماتفرق معي يَ خالد وانت الا تبغى كذا ليش الحين جاي وتحاول تعدل إذا خالتي جبرتك أنا اكلم خالتي بنفسي

خالد/ لا مو امي جبرتني ومحد يجبرني بس
ملاك/ بس شو
خالد (ياربي لازم اعتذر اوف بعتذر واذا رضيت كان مارضيت بكفيها ماراح اترجاها) أنا حسيت نفسي اني غلط وزودتها معاك واسفه مابي اضايقك الحياه ماتسوى واذا قصدك الصوره تر طلعتها كلها وحرقتها كانت لحظة طيش وتحدي بيني وبينها وهي تشتغل معي بالشركه مديره زي
عشان كذا خرجاتنا مع بعض كثيره وسفراتنا واذا احبها كان تزوجتها من زمان بس مااحبها مجرد اخت وزميله بالشغل لأكثر
ويلا تصبحي ع خير
راح وخلاها تفكر وتحتار تصدقه رجعت غرفتها وقفلت الباب عليها تنام شوي خصوصا بكرا وراها قومه من بدري عشان بيجو الجيران وبيسهرو
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::

... أنا دونك قلبا يَنبض لكن لا يشعر ...

نرجع شوي وش صار لمهره يوم قابلت اهلها

طبعن كان الكل موجود خالد وملاك وابراهيم وابوها ومياره ولمياء ومازن قالت لي ابوها يدخله البيت بالقوه وافق
الكل جالس وساكتين يبغونها تبدا كان يطالع بحركاتها وارتباكها ودموعها وده يضمها يتذكر يوم يتطلب منه طلبات كثيره وكان يقول لها طلباتك ماتخلص ويتخاصمو والجو للي تسوي بالبيت ويوم تسوي له الاكل ويوم يطلعو يتمشو وحشتو اخته مهره الا مافي مثلها بالاخلاق والادب والجمال أحاول اكذب الناس واصدقك احاول يَ روح اخوك ادري محتاجتنا وادري اني محتاجك اه يارب اوقف معانا يارب يسر لنا

تتكلم بارتباك/ الكل يسمعني مابي حد يقاطعني
أنا ابيكم تسامحوني ماعرف يومي متى (اخذت نفس ورجعت تتكلم )مازن ماله ذنب باالا صار حمد كان مخطط لكل شيء
ابراهيم ومازن ومياره/ ؟؟؟؟؟؟؟
رجعت تاخذ نفس / وقالت السالفه كلها والكل ساكت مصدوم ابوها دموعه تتكلم من ضياع بنته
مهره/ وانا ابيكم تحللوني يكفي ابي انام يوم وانا مرتاحه مابي ابكي واصحى بهموم وضيق
قام ابوها سحبها بقوه لحضنها ويبكي/ لالا تكذبي علي مافيك مرض يمكن غلط طبي ماتروحي قبلي ماتروحي قبلي
ابراهيم بعصبيه/ الحقير الله لايسامحه الله لايوفقه ضيع اختي ضيع مهره
مازن بصدمه/ مين قال لك كذا وينه وين والله اذبحه اليوم
مهره دافنه وجهه بحضن ابوها/ لالا ماراج ارجع ليش تذبحو ماعاد ارجع مهره أنا مريضه بموت يبه بموت يبه الحقني تكفي مابي اموت مابي اتركم يبه والله اسفه يبه سامحني يبه الله يخليك
ملاك من الصدمه يغمى عليها شالها خالد وقامت معه لمياءوهي تبكي ماتتخيل مهره تموت يارب الطف عليها

مازن/ والله اروح اذبحه
مهره/ مات يَ مازن حمد مات صاحبه جاني وكلمني مات يطلب السموحه يطلب السموحه يطلب السموحه كانت تقولها وصوته مخنوق تبكي
ابراهيم حط يده ع راسه/ ياربي ليش كذا
الاب/ ادعي له وادعي لي اختك لاتعترض حكم الله قدر الله وماشاء فعل وبكي زياده
مازن/ بتزوجك ماتروحي لحالك
الاب/ لا انت مجنون
مازن بصراخ/ ماتروح لحالها اموت بعدها مهره اتزوجك ونموت سوي او اروح اعالجك اي نسافر واعالجك
مهره/ مابي مابي اتزوج مابي يكفي تانيب ضمير يكفي كذا
قامت
ابراهيم/ ع وين
مهره/ بروح البيت
الاب/ وهذا بيتك
مهره/ لامو بيتي هذا البيت انطردت منه مابي ارجع له
ابراهيم/ لا مو بكيفك بتجلسي هنا وغصبن عنك
مهره تزيد بالبكاء/ لاتضغطو علي تكفون خلوني بحالي هالايام مابي اشوف حد بس اوعدكم اجيكم بكرا
الاب/ خلاص ابراهيم وصلها وانتبه عليها
ابراهيم/ طيب
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::

كانت تذكر الموقف نزلت راسها ع المخده وتضرب بيدها ع السرير بقهر وتبكي
قامت صلت ركعتين وتقرا قران
تنازلت عن املاك مازن وتبرعت فيهم سوت منها مسجد ومنها اعطت دار الايتام خلصت صلاتها
ورجعت جالسه ع الكنب دق الباب خافت شافت الساعه 3 بالليل مين يجيها هالوقت
مشت بشويش شافت من فتحت الباب تفاجات وش يجيبه الحين فتحت الباب
مهره من وراى الباب/ وش فيك
مازن بحزن/ مهره تكفين ابي اكلمك اسمعيني
مهره/لحظه
راحت اخذت عبايتها وطرحتها وخلته يدخل
جلس ع الكرسي
مهره/ وش عندك
مازن/ خلينا نكشف يمكن يكون غلط تحليل
مهره بتعب/ مافي امل حمد عنده المرض وانا تعبانه اكيد اعراضه
مازن / تفائل بالخير يمكن حمد المرض ابتلاه ربي بعدك مو قبل ماراح ينقص شيء تكفين هذا طلبي لاترديني إذا للحين لي خاطر
نزلت راسه دمعت/ للحين تحبني
مازن/ اموت فيك مابيك تتركيني الله يخليك لاتتركيني
قامت واعطته ظهرها تبكي بصوت عالي كان بيقرب بس بعدته/ لاتقرب أنا مو زوجتك عشان تقرب مني مازن انت تعذبني بحبك أنا مابيك تحبني اعتبرني مت اعتبرني مو مهره
مازن رجع للخلف/ لا لا مستحيل لاتقولي كذا وبتزوجك وبنجيب عيال درزن ويشبهوني ويشبوهك
مهره/ اه يَ قلبي لاتقتلني أنا مقتوله مابي اموت مرتين ادعيلي ادعي يوم ربي ياخذ امانته اكون من اهل الجنه ادعيلي أنا خايفه خايفه يَ مازن خايفه اموت واتعذب بقبري وقتها ماينفعني شيء ابي اعيش ابي اعيش باقي حياتي ابي احس اني سويت شيء يخليني ماخاف كل شيء يتعبني قلبي وجسدي وتفكيري وابوي ابوي مادري سامحني وانت ظلمتك ابي تسامحني

حط يده ع راسه/ لالا انتي ماتموتي لاتقولي كذا الله يخليك الله ياخذ روحي قبلك مهره أنا ابيك والله ابيك

طاحت عليه بالارض صرخ وغطاها ورح المشفى
يوم شاف الدكاتره طولو عندها اتصل ع اهلها
ابوها ومراد وابراهيم جو

الاب/ بنتي وش فيها
مازن بخوف/ مادري ادعي يَ عم ادعي
الكل بدا يخاف ويقلق
طلع الدكتور بياس/ مين ابوها
ابوها وحس الموضوع مو بخير/ أنا
الدكتور/ تعال معي المكتب
ابراهيم/ اختي وش فيها دكتور
الدكتور اخذ ابوها ودخلو المكتب

الدكتور جهز الكلام/ بنتك تعبانه كثير وحالتها النفسيه متدهوره ومااستجابة للدواء وهي صحتها مو زينه لاتاكل ولاتشرب زي الناس وانا مقدر اعطيك امل بان حياته بتسمر الا بعد التحليل

كلام الدكتور صدمه حس بشي يخنقه وموقادر يقوم ناد له الممرضات ياخذو ويكشفو علي
ابراهيم/ دكتور وش فيه ابوي وش قلت له
الدكتور / ابوك الحين كشفت عليه حالته زينه بس صدمه واثرت عليه
مراد بنفاد صبر/ طيب اختي وش فيها
الدكتور/ (قال لهم السالفه)

ابراهيم نزل بالارض يبكي / لا لا تكذب بتعيش مهره قويه تحملت هالفتره لحاله
مراد يمسك نفسه ويهدي اخوه/ ادعي يأبراهيم ان شاء الله بترجع ان شاء الله

مر اسبوعين وانتشر خبر مهره بالمشفى الكل حزن ع حالها ملاك وسجى يبكو اغلب وقتهم يدعو لها ابراهيم ومازن ومراد راحو مكه يدعو لها ويسوى عمره ومهره مو راضيه تستجيب للعلاج وحالته تتدهور اكثر من اول وبس تبكي طلبت من الدكتور تشوف اهلها
وافق وخل اهلها يدخلو يوم شافتهم بدات تبكي مارضت تسكت وملاك شافت اختها ذبلت زادة بكاء سجى هداتها وقالت لخالد يجي ياخذ ملاك وبالقوه رجعت معاه لانه ابوها جبرها ترجع وترتاح سجى استاذنت لانه حامل ع الشهور الاخيره بتروح ترتاح وقالت لي ابوها يريح ينام بس رفض بيجلس جنب بنته ويقرا عليها قران

مازن حالته صارت حاله يبكي ويدعي ومايبيها تفارقه وطول الوقت يجي ويروح طلب من اخوانه يملك عليها عشان يقدر يدخل عليها بس قالو له هي رافضه ماتبغي
وقف عند بابها
مازن ببكي/ يهون عليك الله يخليك ارضي وخليني املك عليك ابي اشوفك مهره يكفي تقسي علي

مهره بحزن/ مازن ماقدر اسفه مابي اتزوج واظلمك معي أنا بموت
مازن / وانا مالي خاطر ماعاد يهمك قلبي أنا ابيك بكل مافيك أنا شاريك لاتكسري بخاطري الله يخليك

الاب/ يكفي يَ مهره الولد بيموت وانتي تقسي علي قلبك مو كذا هو راضي يبي يشوفك املكي عليه
مهره/ يبه ماراح تدوم املكه باموت
الاب بابتسامه/ وليش متشائمه الدكتور قال حالتك تحسنت كثير والتحاليل بتطلع اليوم وانت وش لك هو يبغى يملك راضي فيك
مهره/ خلاص موافقه
مازن يوم سمعها صرخ بصوت عالي واتصل ع الشيخ يجي الحين
الاب يضحك/ شفتي كيف فرحتي الله يقومك بسلامه وان شاء الله تعيشي مبسوطه
مهره بخجل/ اه ان شاء الله الله يسمع منك

طلعت التحاليل والشيخ جا وملك وراح واستغرب من الحاله البنت بالمشفى ويملكو ماحب يتدخل وراح الكل متوتر من النتيجه
الدكتور بيده النتيجه ومبتسم
الاب خف الخوف عليه/ دكتور طمني
الدكتور/ مبروك بنتك سليمه والحمدلله المرض كان خفيف مره وقدرنا بالعلاج يروح منها والحين بنتيجه سليمه بس تتداوم ع العلاج وتراجعنا بعد شهر عشان نطمن

الكل انبسط بالخبر وهي من فرحتها تبكي وتضحك وراحت تسوي عمره وتحمد الله ع حالها ومازن من الفرحه حدد الزواج وبيخلي مع مراد وبعد شهر زواجهم


خالد اعترف بحبه لملاك بعد ماشافها مو مهتم رجع لها واعتذر منها وسامحته وصار حياتهم حلوه وجابت تؤام ولد وبنت

اسم ولدها نواف والبنت نوف


سهى وسجى وسالي خلفو
سهى / بنت حلو واسمها ديمه
وسجى/ ولد واسمه فهد
وسالي/ ولد اسمه حاتم
مياره جابت ولد وبتين
الولد اسمه بدر والبنتين وحده وفاء والتانيه افنان
وحياتهم زي العسل مع ازواجهم


اما القمر لمياء طبعن اخوها ساعدها وخلى غازي يتزوج لمياء
وحبها بعد الزواج والحين هي حامل وكرهت الحياه من التعب تقول ياريتني ماتزوجت ههههههههههههه محد قال لها توافق صح يَ بنات ههههههههههههههههههههههه اصلا غازي تجنن منها
من كثر ماتبكي وتصرخ عليه كرهته الزواج

اما مازن ومهره مافي منهم مبسوطين ومهره جالسه تكمل دراسته تبغى طب ومازن قال لها بخليك مديره مع زينه بالمشفى بس انحجي وهي تشتهد تبغى نسبه عاليه

? سَرق?ُ مِن اِسمكِك اِجابهہ عِندمآا
سالونِي مَ الحياه.





:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::
وبكذا يَ حلوين روايتي انتهت والحمدلله اكتملت
اتمنى تنال ع اعجابكم ولاتنسوى تقيموني
واذا شفت تفاعل بروايتي هذه احتمال يكون في رواية تانيه

وتاني مره اقول كل عام وانتو بخير وعيدكم مبارك يَ حلوين واشكر المشاهدين ع متابعتهم لروايتي والصبايا ع الردود وسحر النعيمي
رواية والله لااخليه يدفع ثمن عمره

الكاتبه اسطورة النساء