البارت 86
(كتبته عشان حبيبتي ايام وهتعدي)
.................................................. .................................................. .................................
بعد فتره فتحت عيونها اول شي كانت تشوف ضباب بعدين وضحت الرؤيا لها طالعت حوالينها لقيت المكان قديم
ومليان غبار تذكرت طلب سالم بصوت عالي قالت : ياويلييييييييي راح الوقت وانا باقي مارتبت البيت .. بصعوبه
قامت كانت تمشي وهي تمسك بالجدران وطلعت من الغرفه وراحت المطبخ لقيت شكله كئيييييييييب مليان تراب و
الارضيه فيها سجاده باين مغبره ووسخه فتحت الدولاب طلع لها جراد بصرخه عاليه : يممممممممممممممه
ورجعت علئ ورئ بسرعه لقيت مكنسه وممسحه وصابون ومنشفه اخذتهم كلهم بسطل (وعاء) وجلست تنظف
كانت تحس بالوجع الي بجسمها وتحس انها بتتكسر من شدة التعب بس كل ماتتذكر منظر سالم وهو رافع العقال ويضربها
ترتجف وتكمل شغلها ..تناست وجعها غصب عنها وكملت شغلها وطول الوقت كانت علئ لسانها : استغفر الله
.................................................. .................................................. .........................
تجمعوا الممرضين بسرعه واعطوه ابرة مهدئه وبالقوه نام .. اخذ احد الممرضين جواله واول مافتحه لقي رسايل
واتصالات من (عبد الرحيم) اتصل بعبد الرحيم وبعد فتره رد عليه
الممرض : السلام عليكم
عبد الرحيم بفرحه وشوق ولهفه علئ اخوه وصديقه وكل دنيته : بندر وينك وين رحت وليه ماترد علي كل هالفتره
الممرض : اخ عبد الرحيم بندر اخوك ؟
عبد الرحيم باستغراب : مين انت ووين بندر ليكون صاير فيه شي تكلم
الممرض : اخوك صاير عليه حادث بس الحمدلله الحمدلله هو بخير وطيب
عبد الرحيم : أسألك بالله تجاوبني بصراحه بندر بخير ولالا
الممرض : والله هو بخيربس شوية تعب وصحي قبل شوي واعطيناه ابره مهدئه ورجع نام
عبد الرحيم ودموعه علئ خده : طيب بأي مستشفئ هو ؟
الممرض اعطاه الوصف
عبد الرحيم : جزاك الله خير
الممرض: امين يارب فمان الله
عبد الرحيم : فمان الله قفل عبد الرحيم وبسرعه قدم له علئ اجازه لمدة شهر وقدم اجازه مفتوح لبندر وراسل المستشفئ الي فيه بندر وارسلوا تقرير عن حالته وانه لازم يضل فتره عندهم عبد الرحيم اخذ التقرير واعطاه مدير
المستشفئ والمدير تفهم وضع بندر
عبد الرحيم بسرعه حجز بالنت علئ اول طياره متجهه للخبر وسافر هو وسمر للخبر
.................................................. .................................................. ..............................
صحيت من النوم وطول الوقت تستفرغ رايحه جايه علئ الحمام (اكرمكم الله ) تمددت علئ السرير : ياربي اشفيني
بعد دقايق فتح باب الغرفه ابو بسام وقرب عندها وجلس علئ السرير ومسك ايدها وطبع بوسه عليها : قومي
حبيبتي افطري جبت لك الفطور من برئ
بيلسان بخمول وكسل : مالي نفس
ابو بسام : يالله عشاني ياقلبي قومي
بيلسان جت تقوم واول ماوقفت حست بدوخه ومالت بس ابو بسام مسكها بسرعه وقال : بيلسان ايش فيكي خوفتيني
بيلسان بتعب: ولاشي شوية ارهاق
ابو بسام : طيب ومسكها بيدها ووصلها عند طاولة الفطور ولما شافت بيلسان البيض فكت يد ابو بسام : ليش تجيب
بيض
ابو بسام : انا طلبت من ضمن الفطور بيض لأنك عادي تاكلينه
بيلسان بأنفعال : لالالالالالالالالالالا مااحبه شيله عنيييييييييييييي
ابو بسام : بنت لاترفعين صوتك علي وش انا سويت عشان تصارخين واذا ماتبين تفطرين لاتفطرين احد لاقي نعمه ويردها
بيلسان لفت تبغئ تمشي وطاحت
ابو بسام بسرعه ركض لعندها وكان يضربها بكفوف خفيفه علئ خدودها : بيلسان حبيبتي ايش فيكي بيلسااااااااان
وبسرعه لبسها عبايتها وركض عالمستشفئ
.................................................. .................................................. ...............................
بسام : روان دقي علئ حنان شوفيها متئ بيجون احس طولو
روان : طيب واخذت جوالها واتصلت بحنان
روان : الو السلام عليكم
حنان : وعليكم السلام كيفك روان
روان : الحمدلله انتي كيفك
حنان : دوم يارب .. الحمدلله
روان : متئ بتجون ؟
حنان : يمكن نتأخر شوي
روان : بتتأخروون ليييه ؟
بسام كان يناظر فيها ويأشر لها بمعنئ ليه
حنان : عهود تعبت علينا شوي
روان : ليه ايش فيها سلامتها
حنان /:الله يسلمك مدري فتحت الباب لقيتها طايحه وعلئ الجدار دم
روان بخوف : يالطيييف ووش قالوا المستشفئ عنها
حنان : ماادري بس وداها خالد المستشفئ واول مايطمني اتصل فيكي
روان : ان شاء الله بالله طمنيني
حنان : ان شاء الله انتبهي لروحك فمان الله
روان : وانتي بعد فمان الله
اول ماقفلت بسام بخوف : وش في وش في حنون فيها شي
روان تطالع فيه بنص عين : لا مافيها شي
بسام : اجل ليه بيتأخرون
روان : عهود اخت ياسمين تعبت شوي
بسام : سلامتها وش فيها
روان : ماادري تقول حنان فتحوا عليها الباب لقيوها طايحه
بسام : لاحول ولاقوه الابالله الله يشفيها
روان : امين يارب
بسام : ومتئ بيجون
روان : هذا الي بيذبحني البنت باقي ماتطمنوا عليها وانت تقول متئ يجون !!!
بسام انتبه لنفسه : ماقصدت المهم ماعلينا تبين تطلعين شي
روان : لانفسي مسدوده
بسام : بكيفك وطلع فوق وجلس علئ جواله
.................................................. .................................................. ..........................
فالمستشفئ
خالد : طمني عليها يادكتور
الدكتور : الحمدلله وضعها مستقر وحالتها بسيطه سوينالها خياطه اربع غرز مكان الجرح وبعد 24 ساعه تقدر تطلع
خالد : الحمدلله
عهود كانت متمدده علئ السرير وراسها ملفوف بشاش ابيض
وكان خالد جالس عندها مرافق
.................................................. .................................................. ............................
وصلوا بيتهم وزياد علئ طوووووووووووووووول رمئ نفسه ونام
لينه كانت جالسه بالصاله وامال بحضنها وتمسح علئ شعرها لانهم طول الطريق نايمين فشبعانين نوم
.................................................. .................................................. ...........................
وصل الخبر واخذ جواله وطلع حي عهود من رقمها ومشئ الين وصل لحيها ووبمسافه بعيده شوي عن بيت عهود
وقال : الحين عرفت البيت بس كيف اتطمن عليها .. انا بنتظر طوال اليوم اذا ماجت بدق الباب والي فيها فيها انا طقيت من خوفي عليها
وجلس يتنظر بالسياره
.................................................. .................................................. ............................
رجع البيت قريب الفجر ولقي ياسمين متمدده علئ الكنبه الي فالصاله ونايمه وكان البيت نضيف بس مو مرررررررره
بس مقارنة بأول فرق (يعني كونها وحده والبيت كبير ومتسخ جداااا بالغبار فمحتاجه تنظفه اكثر من مره عشان ينظف او يكونون معاها مجموعه يساعدونها )
الحين صار شكل البيت مقبول وافضل من اول (البيت كان عباره عن صاله وحمامين اكرمكم الله وثلاث غرف
ومطبخ وقسم الرجال مجلس بحمامه وبعدين درج يطلع علئ فوق فيه 4 غرف نوم وحمامين )
ياسمين ماقدرت تنظف الا الدور الي تحت
جاء سالم ومعاه كم كيس
سالم : هييي انتييي
ياسمين : ....
سالم يهزها بيده
ياسمين بخوف فزت وفتحت عيونها علئ كبرها : نننعم
سالم : بسم الله عليك .. قومي خذي الاكياس ووديها المطبخ وسويلي اكل
ياسمين : الله يخليك والله اني تعبانه مااقدر
سالم : تراني جاي تعبان ومالي نفس امد ايدي عليك فروحي سويلي اكل مادام النفس راضيه
ياسمين وهي تبكي : والله تعبانه مااقدر
سالم : كذابه مافيكي الا العافيه وسحبها مع شعرها من الكنبه كانت الكنبه عاليه نوعا ما وهو يسحبها كانت تصيح
وطاحت علئ الارض وبانت اثار الضرب الي علئ رجولها سالم اول ماشاف العلامات فكها بخوف
ياسمين كانت تبكي علئ الارض
سالم بسرعه راح جاب لها كوب وصب لها مويه ومد لها : أشربي
ماردت عليه وكانت تبكي
وبكت الين نامت وهي ماتدري عن نفسها
.................................................. .................................................. ............................
بخوف كان ينتظر برئ : طمنيني يادكتوره ايش فيها ؟
الدكتوره بفرح : المدام حامل
ابو بسام : حااامل
.................................................. .................................................. .............................
شال سالم وطلعها فوق ونومها علئ السرير وغطاها وشغل لها المكيف ونام بجنبها
.................................................. .................................................. ...........................
اول ماوصلوا عبد الرحيم وسمر راحوا بسرعه علئ المستشفئ وبعد ماسألوا عن بندر راحوا غرفته ولقيوه
فقسم العنايه المركزه كانوا يناظرون له من خلف الزجاج
.................................................. .................................................. ...........................
انتهئ البارت اتمنئ يكون نال علئ اعجابكم
مواقع النشر (المفضلة)