رواية تعبت اشكي بصمت كاملة بدون ردود 2015

[موكاتشينو]

( البارت السادس عشر )

جلس يسترجع الموقف الي صار معه ويسترجع كلام البنت وبكائها والحيره والاستغراب والعطف كان سيد الموقف
وقال :لازم اتصل عليها وافهم الموضوع حبه حبه وشغل سيارته كانت أفلون سودا ومراتبها جلد باللون الترابي الفاتح ومشئ لمكان هادي ووقف السياره واتصل علئ هالبنت الي شاغله تفكيره بغرابتها
.......
مسكت الجوال وشافت الرقم جتها صدمه جتها حاله من الخوف كانت مشاعرها واحاسيسها متلخبطه ماتدري تفرح ولاتبكي وماتدري الي يصير لها حقيقه ولا حلم ..وفتحت الخط بدون ماتتكلم
سالم بينه وبين نفسه ياربي وش اقول لها الحين انا جملتين علئ بعض مااعرف اقول الحين اكلم بنت :بدون رد
وضل الصمت سيد الموقف لدقائق قليله
وقفلت ياسمين الخط
.......
طلع برئ الغرفه وكله حزن وألم علئ حال حبيبة الروح علئ حال ام بنته وولده الي ضيعه بيدينه طلع مايدري فين يروح يحس بوجع فصدره يحس انه مخنوق الف فكره تدور براسه
مره يقول :ياربي يعني معقول هدئ تتركني انا وريتاج وتروح بيت اهلها
ومره يقول : ياربي يمكن تطلب الطلاق
ومره يقول : شكل هدئ كرهتني مو شكلها الا اكيد انها كرهتني بعد الي صار والدليل ماحبت تناظر فوجهي وكرهت كل شي يربطها فيني حتئ ريتاج ماتبغئ تشوفها لانها تذكرها فيني وفالي سويته فيها
ومره يقول : لالالا مااتوقع تكره بنتها هدئ حنونه من يوم يومها
أففففففففففففففففف ياربي وش اسوي الحين
قطعت عليه حبل افكاره لما قالت : بابا نوح عد ماما (بابا نروح عند ماما )
بس مارد عليها
ريتاج : بابا .. بابا
سعد بعصبيه : اففففففففففففف خلاص كافي بابا وبابا ماتعرفين تسكتين يعني ؟؟
ريتاج جلست تبكي الين نامت بالسياره بالمقعد الخلفي (طبعا هم كانوا يمشون بالسياره )
مشئ لمن وصل للبيت وشال ريتاج وطفئ السياره ودخل البيت وحط ريتاج بغرفته هو وهدئ ولحفها وشغل لها التكييف وباسها علئ راسها : سامحيني يابابا والله ماكان قصدي ارفع صوتي عليكي بس والله مو بيدي
وطلع من الغرفه صلئ ركعتين وجلس يدعي ربه انه يشفي هدئ وترجع المياه لمجاريها
.........
فتح الباب لقي لينه طايحه علئ الارض والنقاب مبعد عن وجهها شاف ملامحها الطفوليه حزنه شكلها مشئ بسرعه ونزل النقاب علئ وجهها وقرب يبي يشيلها قالت له : ابعد عني مااحتاجك
:يالينه سامحيني والله كنت معصب وعندي ضروف اجبرتني اسوي شي انا اكره اني اسويه
واعذريني انا لاعصبت اصير شخص ثاني
لينه : انا اصلا صرت اخاف منك ومااحبك
زياد لالالا تخافين تكفين والله انك غبي يازياد البنت كانت تحبك وانت كرهتها فيك : لينه يالغاليه ماتوصل لدرجة الخوف
لينه من بين دموعها : الا توصل
زياد : لينه ياقلبي لاتبكين ترئ دموعك غاليه
دق قلبها بسرعه لما سمعت هالكلام وبدت تمسك يدينها بقوه دليل التوتر
زياد حس فيها بس ماحب انه يبين لها : لينه يالغاليه انا من اول يوم لقيتك فيه الين الحين عمري قليت ادبي معك ؟
لينه تهز راسها بلا
زياد : عمري طلبت منك شي يغضب الله سبحانه وتعالئ؟
لينه هزت راسها :لا
زياد : عمري طلبت منك تكشفين عن وجهك ؟
لينه : لا
زياد : يالينه يالغاليه انا لو اخوف صدق كان سويت معك اشياء مو زينه بس انا ماسويت كذا تدرين ليه ؟
لينه ببرائه : ليه ؟
ابتسم زياد علئ برائتها : لأني اخاف الله فيكي واعتبرك مثل اختي (قال هالكلمه عشان يحسسها بالامان فقط )
لينه :شكرا
زياد : عفوا ... ويالينه انا صح اعصب بس ماتوصل لدرجة انك تخافين مني يعني لاتنسين كل الايجابيات الي سويتها لك
وتركزين علئ هالشي السلبي فيني ممكن؟؟
لينه بينها وبين نفسها والله انه صادق المفروض ماازعل لان اكيد عصب من شي ضايقه حيل ولو جيت للحقيقه هو ماقصر معي لو واحد ثاني كان أذاني من زمان ورماني ..
زياد : لينه فين رحتي
لينه :هاا مععك
زياد : طيب سامحتيني ؟؟
لينه بحياء ماقدرت ترد وسكتت
زياد: السكوت علامة الرضا صح ولالا؟؟
لينه بينها وبين نفسها يوووووه يازياد وربي اني انحرجت حسيت كأنه جاي يخطبني (لان هالجمله اكثر شي تنقال فوقت الخطوبه) (هههههه من برائتها وحبها لزياد راح تفكيرها علئ طول ع الخطبه ههههههههه )
زياد ماحب يحرجها اكثر وقال : طيب يادبه تراني جوعان
لينه : وانا كمان بس علئ فكره البيت فاضي
زياد :ليه ماقلتيلي من زمان ؟؟
لينه بعفويه : كنت ماخذه علئ خاطري منك يالفيل
زياد : هههههههههه فيل مره وحده فديت الي ماخذين علئ خاطرهم مني
لينه قلب وجهها الوان :كش عليك يالدب
زياد : هههههههه ... البسي الصندل حقك عشان نروح (الله يكرمكم )
لينه : طيب
وراح زياد ياخذ محفظته ومفتاحه ونضارته ولما جاء يبي يطلع شاف لينه تلبس صندلها وتقول : ياربي صندلي كله غبار وحتئ ملابسي لها فتره علي ماغيرتها
زياد : جهزتي لينه
لينه : ايه يلا
زياد مسك العربيه حقت لينه وجلس يمشي فيها الين نزلها من الشقه ولما قرب من السياره فتح لها الباب وشالها
كانوا في بنتين يمشون بالشارع وشافوا زياد يشيل لينه
البنت الاولئ : الله شوفي ياحضها
البنت الثانيه : ماشاء الله شكل زوجها يحبها .. طبعا كانت اصواتهم عاليه سمعها كل من زياد ولينه لينه كانت منزله راسها وماسكه ايدينها بقووووووووووووه
زياد واضح عليه الاحراج خدوده مالت للون الاحمر وتساقط الرشح من جبهته .. وحط لينه علئ المقعد وقفل باب السياره
واخذ كرسي لينه المتحرك وحطه بشنطة السياره
وركب شغل المكيف علئ اعلئ درجه وقال : الجو حر اليوم (يصرف هههههههه)
لينه بضحكه خفيفه : اييه
وشغل السياره ومشوا
............
: بسم الله ماشاء الله دنتي بأيتي زي الفل
هدئ بتعب : الحمدلله
الممرضه : لوسمحتي ممكن دلوقتي تديني ايدك
هدئ مدت يدها والممرضه اعطتها الأبره
الممرضه : بالشفاء ان شاء الله بس بصي لازم ياستي تاكلي كويس أوي عشان تخفي
هدئ : مالي نفس
الممرضه : ماينفعشي كدا لازم تغصبي نفسك علئ الاكل عشان تعوضي الدم الي فقدتيه
هدئ نزلت دموعها وتذكرت الي صار
الممرضه : استهدي بالله ياستي وربنا يعوضك قولي الحمدلله
هدئ :لااله الا الله والحمدلله علئ كل حال
وجابت لها الممرضه الاكل وجلست هدئ تاكل زبادي
الممرضه : بالهناء ان شاء الله
هدئ : جزاك الله خير
.......
صحيت من النوم وطلعت برئ الغرفه لقيت أبوها جالس علئ الكنبه ونايم
دقته مع يده : بابا
صحي بخوف : ها في شي ؟؟هدئ فيها شي ؟؟
فتح عيونه شاف بنته : نعم يابابا ؟
ريتاج : ديانه (جيعانه )
زياد ياربي انا مااعرف اطبخ خير شر : وش تبين تاكلين يابابا؟
ريتاج : الي ماما تانت تثويها لي (الي ماما كانت تسويها لي )
زياد : ايش الي ماما كانت تسويها لك ؟
ريتاج : حبذتين فود بعض وذوا حاذه حلوه (خبزتين فوق بعض وجوا حاجه حلوه هههههه تقصد توست محشي )
زياد : ياربي سويتها لغز يابابا ... طيب بقوم اسويلك ... وقام دخل المطبخ واخذ صامولي وحشاه بجبن سايل
وجاب لها عصير فواكه مشكله واعطاها اياه
ريتاج بدت تاكل شوي تركت الصامولي
زياد : اشبك يابابا ماتاكلين
ريتاج : مو هادا هو الي ماما تسويه
زياد : طيب انتي كليه الحين ولما نروح عند ماما اسالها ايش تسوي لك اتفقنا
ريتاج هزت راسها بأيوا
.............
انتهئ البارت ان شاء الله يكون عجبكم حاولت يكون طويل ومنوع قدر الامكان
لان مثل ماذكرت عندي ضروف تمنع اني اكتب البارتات بسرعه
وتقبلوا مروري
اتمنئ توقعاتكم (فضلا وليس أمرا )
بخصوص زياد ولينه كيف بيكون يومهم ؟؟؟
ياسمين وسالم ايش بيصير معهم ؟؟
هدئ بتضل زعلانه لمتئ ؟؟

[موكاتشينو]

البارت السابع عشر

ياربي ماادري ايش فيني مسوي اني ابتكلم وهاذي اخرتها ولاحرف قدرت اقول .. سكت شوي وقال : بتصل عليها مره ثانيه ولازم هالمره اتكلم واتصل
,,,,,,,,
اخذ بنته وغير لها ملابسها ولبسها بنطلون برمودا ابيض وبلوزه كاروهات اخضر وابيض ومشط لها شعرها ولبسها طوق ابيض ولبسها الصندل حقها (الله يكرمكم )
:بابا نوح نثتلي لماما ولده (بابا نروح نشتري لماما ورده )
سعد : مو ورده بس لو بغيتي اجيب لها باقة ورد حاظر علئ امرك
ريتاج : وواااوا (وحلاوه )
سعد : كمان بنجيب لها حلاوه ... وشال ريتاج ونزلوا تحت ركبوا السياره ومشوا راحوا اشتروا الورد والحلاوه
وتوجهوا للمستشفئ
........
:ممكن اعرف ايش شعورك تجاهي ؟
حست بأحرااااااج شديييد ياربي وش فيه هاذا : مدري
ضحك عليها وحس باحراجها : كيف ماتدرين ؟
:اف منك ياهشاموه قلت لك ماادري وبس
هشام : اف مني انا الله يسامحك
عهود : كسرت خاطري
هشام : ياعمري عليكي من يوم يومك حنونه
عهود خدودها حمرررررررر : هشاموه وبعدين معك .. صدقني لو انت قدامي بعطيك كف
هشام : طيب احبك
.............
اخذت الجوال وشافت نفس الرقم يتصل من جديد .. مسكت الجوال وجلست تناضر فيه من بعيد
: ياربي ارد ولالا ؟ ارد ولالا ؟ .. لالالاخلاص ماني راده
انتضرت الين قفل بدون ماترد عليه
سالم : ياربي وش فيها ماترد ؟؟ ... ورجع اتصل مره ثانيه
دق الجوال ودق قلبها معه .. مسكت الجوال وردت
ضلوا ساكتين لمدة خمس دقايق وبعدين
: الو
......(بدون رد )
: الو
بصوت متردد وفرحان لكن الخوف كان اكثر من الفرح لانها عارفه ان هالحب ماراح يستمر :اااالوو
تأثر لما سمع صوتها حس بخوفها وحب يهدي الموضوع : مين معي
ياسمين : ..... (بدون رد )
سالم : طيب كيفك
ياسمين :أأألحمدد لله
سالم : الله لايغير عليكي
ياسمين :..... سكتت فتره وبعدين قالت : أأنا أأأقصدد مممع السسسلامه
سالم : لحضه بس
لكن ياسمين قفلت بسرعه وقفلت جوالها وحطت راسها علئ المخده ونزلت دموع من عيونها : ياربي الي تمنيته صار بس ماراح يتم والله ماراح يتم وجلست تبكي بصوت قوي الين نامت
.......
دخل المستشفئ بهيبته وريحة عطره الي ملت المكان وأناقته ونضاراته الشمسيه الفاخره وماسك بنته بيد وماسك باقة الورد بيد وراح غرفة هدئ
......
كاانت جالسه تحس بتعب وألم وارهاق تحس مو قادره تتحرك تحس كأنها جسد بدون روح التفتت يمين لقيت أم مع ولدها الصغير ونزلت دمعتها : الله يهنيها ويعوضني كنت بجيب لريتاج اخت تسليها بس الله يسامحك يا سعد
والتفتت يسار ولقيت حرمه ماعندها اطفال وجالسه تتعالج نزلت دمعتها : اللهم لك الحمد والشكر انا عندي ريتاج
غيري ماعنده لاريتاج ولا شي (اللهم أرزق جميع المسلمين بالذريه الصالحه يارب )
شوي تفاجأت بأن المريضات يسحبوا الستاير حقتهم (طبعا اذا سحبوها معناته في زوار ) وسرحت شوي
...................................
دخل هو وبنته ولما وصل لها شاف حبيبته ودنيته وروحه وام بنته الغاليه بحاله تقطع القلب كان وجهها شاحب واصفر وكانت من تحت عيونها لون بني غامق وباين انها كانت تبكي وكانت المغذيه بيدها الناعمه
قطع عليها سرحانها لما سمعت صوت طفله تقول : ماما
التفتت ولقتها ريتاج ابتسمت لها بابتسامت تعب وألم : هلا ياماما
سعد : الحمدلله علئ سلامتك يالغاليه
هدئ ما ردت عليه وانشغلت مع بنتها : كيفك ياماما
ريتاج :كويثه (كويسه )
هدئ : دوم ياقلبي ... أكلتي ياماما ؟
ريتاج تناظر بأبوها :ثوي
سعد : ريتاج مارضيت تاكل زين لان اكلي مااعجبها
هدئ : ريتاج ياماما ان شاء الله بس اطلع من هنا اسويلك الاكل الي تحبينه خلاص
ريتاج :حلاث (خلاص) ... ماما ثوفي ايث بابا ذاب لك (ماما شوفي ايش بابا جاب لك )
هدئ بينها وبين نفسها (من يوم يومك يا سعد كريم وطيب بس افعالك وعصبيتك تكرهني فيك ): لا هاذا انتي مو بابا
ريتاج :الا بابا
هدئ بعصبيه شوي : قلت لك ياماما انت مو احد ثاني
سعد بينه وبين نفسه انا صرت احد ياهدئ الله يسامحك يانور عيوني وانا مقدر الي انتي فيه
هدئ : لوسمحت حابه اجلس انا وريتاج لحالنا
سعد بينه وبين نفسه يالله لهدرجه كارهتني ياهدئ :اوك براحتك
هدئ :طبعا براحتي وجلست تسولف مع ريتاج
سعد طلع برئ ويحس ان الدنيا مو حلوه ابدا يحسها كأيبه اغلا انسانه علئ قلبه صارت تعامله بهاذي الطريقه كرهته
وماصارت تحبه مثل اول .. جلس علئ الكراسي الي برئ ورجع راسه علئ الجدار وغمض عيونه وجلس يتذكر الايام الحلوه الي كانت مع هدئ
.................................................. ..........
: ايش فيك وقفت هنا ؟؟
:بعد شوي بتعرفين
لينه: بالله قولي ليه جايبني هنا ؟؟
زياد: انتي ليه ملقوفه اصبري شوي
وقف السياره ونزل الكرسي المتحرك وقربه من باب لينه وفتح الباب وشالها قدام الناس وسط ذهولهم واعجابهم
ونزلها وحطها علئ الكرسي واتجهوا لمول من المولات (بدون ذكر اسماء )
ولينه ماوقفت عن الاسأله
زياد قرب من فستان طويل لونه بنفسجي غامق وكان الفستان هادي حيل واكمامه طويله
: لينه كم مقاسك
لينه : البس s
زياد : هههههه ياحليلك ياالطفله
لينه / هييي لاااتقول عني طفله انا مو طفله
زياد : هههههه طيب يالطفله ولاتزعلين بس قوليلي تبغين الفستان البنفسجي ولا اجيب لك لون ثاني
لينه : زياد هاذا شكله غالي
زياد ياحبني لك : الغالي يرخص لك
لينه انحرجت :شكرا
زياد :العفو ,,,,, لو سمحت اخوي ممكن تجيب لي نفس هالفستان لكن مقاس s
وجاب له الموظف طلبه
وراحوا مشيوا واخذ لها فستان ثاني لونه وردي فاتح وبالوسط فيه حزام لونه اسود ومن اعلئ الصدر له فيونكه
وعليه جاكيت جينز بدون أكمام ومن الظهر في شكل فراشه بلون الوردي شفافه وكان الفستان تحت الركبه
لينه : زياد انت صدق بتشتريلي هاذا ؟
زياد ابتسم علئ طيبتها وبرائتها وفرحتها من اتفه شي عكس بنات عمه المغرورات الي مايعجبهم شي : ايه صدق
وكل شي نفسك فيه بشتريه لك
لينه : شكرا بس الله يخليك هاذا اخر فستان وخلينا نروح
زياد : لاما بنروح
وراح قسم البجايم وجاب لها بجامتين وحده مرسوم عليها غيوم بالون السماوي وهي رماديه
ووحده برمودا مرسوم عليها دب صغنون معه قلب لونها عودي
وحاسب زياد بالاغراض ولما طلعوا شاف لينه متوجه نضرها لمحل الالعاب :تبين تدخلين
لينه كان ودها تدخل بس استحت من زياد : لالا ماابغئ
زياد بحركة نذاله : طيب انا بدخل وانتي انتضريني برئ
لينه : بدخل معك والله بدخل
زياد ماسك نفسه مايبي يضحك قدامها : وليه ان شاء الله
لينه بعصبيه انت الي ليه تبغئ تدخل هنا ؟
زياد : بشتري عروسه
لينه مع نفسك اصلا العرايس للبنات مو لك
زياد : اها يعني انتي تبين عروسه صح وقبل شوي تقولين لي لا ماابي ادخل وجلس يقلدها وهو ميت ضحك
لينه :كش عليك يالدب
واخذ لينه الزعلانه شوي ودخلت المحل واشترت عروسه واشترت مكعبات واشترت الوان ورسومات عشان تلونها
وكانت فرحانه فيها مره تبي ترجع البيت باقرب وقت عشان تلعب فيها
وزياد حس بفرحتها وعرف نقطة ضعفها بنفس الوقت
واخذها واشترئ لها شرشف صلاه واشترئ لها عباية رأس وسيييييعه
لينه تناظر فزياد : زياد هاذي كبيره علي ووسيعه كيف البسها ؟؟
زياد : ازين انها كبيره ووسيعه
لينه : بس عبايتي مافيها شي
زياد : ادري ياليونه ان مافيها شي بس انا احب اغطيكي كامل مااحب احد يشوفك غيري انا
لينه فرحت حيييييييييييييييييييل بغيرة زياد عليها وحست ان الي يسويه لها من خوفه عليها ومن حبه لها ابتسمت وسكتت
وزياد لاحظ ابتسامتها وفرحها ويدعي بقلبه الله لايغير علينا الا للاحسن يالينه : ها تبينها ولا ارجعها
لينه: اذا انت تبغاها لي باخذها
زياد : لا انتي الي براحتك انا مابفرض عليكي شي (قال هالجمله عشان يبي يشوف ردة فعلها )
لينه : لا اصلا انت مافرضت علي شي والي يعجبك انا يعجبني
زياد بينه وبين نفسه والله احبك واحب طباعك وادبك واخلاقك واحب فيكي انك ماتجادلين بختصار اشوفك وقت الجد جديه وبنفس الوقت داخلك طفله حنونه : الله لايحرمني منك( قالها من قلب )
لينه بصوت واطي : امين
وراحوا السوبر ماركت واشتروا اغراض للبيت من (خضروات وفواكه ومكرونه ورز ولحوم وبهارات ولوازم الحلا والخ)
زياد : يعني بتقنعيني الحين انك تعرفين تطبخين
لينه : ايوا الحمدلله اعرف وادري انك اذا اكلت اكلي بتاكل اصابعك وراها
زياد : بشويش علينا يالواثقه
لينه : هههههههههه .... وراحوا يمشون واخذوا (قدور وملاعق وشوك واطباق واباريق ...الخ من لوازم المطبخ )
وبالاخير لما طلعوا أشتروا عشا كان عباره عن (مشويات )وراحوا البيت وتعشوا
زياد : لينه انتبهي لنفسك زين انا ضروري اروح بيت جدي لانه بيزعل لو ماجيته
لينه بضيقه :بتتاخر
زياد :سامحيني يالينه لازم ابات اليوم كله هناك
لينه : طيب
زياد : لاتفتحين الباب لاي احد .
لينه : طيب
.............
طلع زياد وركب سيارته ووقف بمكان هادي وجلس يتذكر هاليوم الحلو الي مره عليه هو ولينه ويحسه كأنه حلم
: ياربي والله تعلقت فيكي يالينه واحاول اتهرب منك باي طريقه لان الشيطان شاطر وماابي اسوي شي لاقدر الله يغضب ربي انا صح حبيتها بس بس بس بس لازم اتصل علئ ابوها واطلبها منه لاني حيل متعلق فيها وبنفس الوقت تعبت من حالتي هاذي اروح بيت جدي واجيها ولما اروح هناك اخاف عليها واشيل همها
يارب فرجها من عندك ..... مسك الجوال واتصل علئ ابو لينه
: الو
زياد : السلام عليكم ياعم
محمد : وعليكم السلام تفضل
زياد :ياعم متئ ترجع من السفر ابيك بموضوع ضروري
محمد : مو فاضي ارجع قول موضوعك الحين
زياد : اتشرف اني اطلب يد لينه بنتك علئ سنة الله ورسوله
محمد : وانا موافق
زياد طار من الفرحه : طيب ماتبي تسأل عني
محمد : مني فاضي لها السوالف
زياد تضايق من اسلوب محمد حيل : منت خايف علئ بنتك مني
محمد : مااخاف عليها وانت زوجها
زياد : يعني ممكن اطلع انسان مو زين واضربها او مااعيشها زين او
محمد : خلاص متئ بتطلبونها
زياد : بس اكلم اهلي ونجي نتقدم لها رسمي
محمد : اذا جيتوا كلم اخوي لاني موكله علئ البنات ومن ضمنهم لينه
زياد : ليه مابتجي ؟
محمد : لو كانت بنتي كان جيت
زياد : وانت وش تصير لها ؟
محمد : انا اصير صديق ابوها لما صار له الحادث عطاني كل املاكه وقالي اربي لينه وعطاني اوراقها الثبوتيه
زياد : وانت بدورك زورت الاوراق وسجلت لينه باسمك عشان املاك ابوها صح
محمد ارتبك من كلام زياد وبدأ يحس بالتوتر : هااا اااقصصصد لالا مو كذا اانا مازوورت شي
زياد عرف ان كلامه صح ميه فالميه : اسمع بعد ثلاث ايام ابيك ترجع من السفر وتجي تاخذ لينه وتوديها بيتك
وتكون موجود معها الين اجي انا واهلي ونخطبها منك
محمد : لاتكلمني بصيغة الامر واحترمني
زياد : انت الي احترمني وتعال علئ الموعد ولا تعرف ايش بيصير
محمد خايف بس يبي يعرف ايش بيسوي زياد : ووشش بتسسوي حضرت جننااابك
زياد : شي بسيط جدا باخذ لينه وبوديها المستشفئ يسوون لها dna وبعدين نروح المحكمه ونشتكي عليك
محمد كانت حالته ماتنوصف خايف ومتوتر ويحس بتعب وبصوت كله تعب وخوف قال : خخخلاص بجيي وتعال اخطبها بس لاتسوي الي قلت عنه لو سووويتت بناتي ماادري ككيف بعيشهم
زياد : لو انك عدلت مع لينه ماكان هاذا حالك وقفل
.................................................. .................................................. .............................
انتهئ البارت اتمنئ يكون نال علئ اعجابكم
وتوقعاتكم اذا سمحتوا

[موكاتشينو]

البارت الثامن عشر

ماقدرت تنام من شدة الفرحه مسكت اول كيس وشافت البجايم الحلوه الي اشتراها لها زياد وضمت البجايم بفرحه
صح فبيتها كانت تروح السوق وتاخذ ملابس بسيطه بس ماكانت تفرح فيها لان محد بيشوفها اغلب وقتها كانت بغرفتها
وناظرت علئ الكيس الثاني وشافت الفستان البنفسجي والفستان الوردي وجلست تتأملهم وتلمسهم بيدينا الناعمه
وتركت الفساتين من يدها واخذت الكيس الي فيه الالعاب وفتحته مثل الطفله وكانت مبتسمه طول الوقت وفرحانه بالالعاب الي معها : يالله ياليتك يازياد ما رحت لبيت جدك كان الحين لعبنا بالالعاب الجديده
وحطت الالعاب علئ جنب حركت كرسيها وراحت توضت وصلت الوتر ورفعت ايدينا لسماء : يارب انك تشفيني
يارب انك تشفيني وتشفي جميع مرضئ المسلمين يارب انك تغفر لامي وابوي وتغفر للمسلمين والمسلمات الاحياء منهم والاموات يارب تصير حياتي حلوه يارب تعوضني عن الي شفته فبيت ابوي يارب انت قادر علئ كل شي سبحانك يارب حقق لي السعاده يارب
.................................................. .................................................. ...........
دخل سعد لقي ريتاج جالسه بحضن هدئ وهدئ جالسه تظفر لها شعرها ابتسم سعد علئ منظرهم
سعد :احم احم
هدئ سوت نفسها ما تشوفه
سعد انحرج وبضيق : ريتاج قومي عن امك خليها ترتاح
هدئ : خليكي ياماما انا مرتاحه
سعد : ريتاج يلا حبيبتي نروح جاء بيكمل كلامه بس هدئ قاطعته
هدئ بغضب وزعل وضيقه من سعد : انت وبعدين معك ليش تبغئ تاخذ بنتي مني مو كفايه حرمتني من اخوها
او اختها تبغئ تحرمني منها بعد وجلست تبكي بصوت عالي وتحضن ريتاج ..(وريتاج طبعا طفله ماتفهم شي كل الي شافته امها تبكي وبكت معاها )
.................................................. ....................................
:بسم الله الرحمن الرحيم ماادري ايش فيني احس جتني ضيقه فجأه
حنان : تعوذي من الشيطان يمه وان شاء الله بتروح
أم محمد : اعوذ بالله من الشيطان الرجيم .. أنا بقوم اتوضأ واصلي ركعتين وان شاء الله برتاح
حنان : ان شاء الله يمه ..
وانتضرت الين صلت امها وانتهت من الصلاه وطبعت بوسه علئ راسها : اشوفك علئ خير يمه انا بروح مع زياد اشتري اغراض للمشغل
أم محمد : طيب يمه الله يحفظك
حنان : امين يارب
وراحت مع زياد وجلسوا يتمشون شوي قال زياد : اقول ليوون كيفك وش اخبارك لك وحشه يادبه
حنان بينها وبين نفسها (ياربي هو قال ليون ولا أنا سمعته غلط )
زياد : ليون وين رحتي
حنان ( الا الا قال ليون مره ثانيه ) : ليون ها ؟؟ مين ليون
زياد توه يتذكر اف اف انا وش قلت ياربي الحين تمسكها علي : انا اقصد حنون ليون الاسمين قريبين من بعض
وبعدين احس احلا عليكي اسم ليون من حنون صح
حنان : لا ياشيخ انا احب اسمي ومابغيره
زياد الحمدلله ان الموضوع مشئ عليها لو ندئ كان مسكتها علي الين مية سنه: ههههههه خلاص ولايهمك حنون حنون
حنان : ايه كذا
ملاحضه (حنان أنسانه طيبه وشفافه ومن النوع الي مايتصيد الزلات علئ الانسان وحتئ لو شافت سر لاحد ماتفشيه
يعني بأختصار مبدأها بالحياه حديث الرسول صلئ الله عليه وسلم : من ستر مسلم فالدنيا ستره الله بالاخره "هاذا بما معنئ الحديث ")
.................................................. .................
جلست تحت علئ التلفزيون وامها معها كانت حاطه علئ قناة دبي تتفرج عيونها صح مع التلفزيون بس عقلها رايح مكان ثاااااااني رايح مع كلمة احبك الي قالها لها هشام
عهود بينها وبين نفسها : يااالله وربي كنت اتمنئ انه يحبني والحمدلله الله حقق لي هالشي ويارب يكون هشام من نصيبي سبحان الله احسه هو فتئ احلامي كل الصفات الي تمنيتها لقيتها فيه انسان طيب وخلوق ووقت الجد جد ووقت المزح مزح وما عمره جرحني ابد يارب يارب انك تكتبه لي
أم خالد : عهود تروحين معي لجارتنا
عهود سرحانه وماسمعت كلام امها
أم خالد : عهود حبيبتي
عهود انتبهت لنفسها : امري يمه
ام خالد : الامرلله ياعمري اشبك اقولك بتروحين معي لبيت جارتنا
عهود : لايمه مالي نفس
أم خالد: ترئ البنات بيجون
عهود : وااااااو اجل جايه جايه دقايق بس اغير ملابسي
أم خالد : هههههههه طيب بسرعه ياويلك تتاخرين وبعدين صحي اخر العنقود حبيبتي
عهود : ياسلام ايش معنئ هي حبيبتك وانا لا
ام خالد : باستها علئ خدها وقالت : اه منك ومن دلعك يالغيوره يلا روحي صحيها
عهود : ههههههه ابشري يااحلا ام بالدنيا
وطلعت فوق تبغئ تصحي اخر العنقود
.................................................. .................................................. .................
دخلت محل الصبغ واختارت ثلاث الوان للمحل كان ابيض ووردي وتفاحي واخذت ستكرات للمحل وكراسي وطاولات
وراحوا المشغل حقهم وكان زياد مع العمال وجلسوا يصبغون الجدران بلون الابيض ويحطون فيه خطوط وردي وتفاحي ورسمة فراشه من فوق ومن تحت وصبغوا الكراسي تفاحي والطاولات وردي وطلع شكل المشغل كيوت حيييل وناعم وبسيط مافيه تكلف كثير بالالوان(حلات الشي ببساطته )
زياد : بشري ياخاله أعجبك
حنان : الله يعطيك العافيه يازياد تعبتك معي
زياد : ولا يهمك كم عندي حنون انا
حنان : وحده يالدب
زياد: هههههههههه طيب باقي تبغين شي للمشغل ؟؟
حنان : ناقصني اغراض كثيره بس خليها وقت ثاني
زياد : خلينا نروح الحين عشان نخلص بسرعه
حنان : طيب بس لاتقولي بسرعه بسرعه
زياد : الا بقول
حنان : ايش
زياد /اقصد لالا مابقول
حنان : طيب مشينا .... وراحوا لأحد المولات واشتروا منه مكياج وفرش واستشوارات وبكلات وشباصات ..الخ من لوازم المشغل
وزياد اخذ من كل شي تاخذه حنان وحده اخذ مكياج واخذ استشوار واخذ بكلات واخذ شباصات واطواق وامشاط
وحطها بكيس بسرعه قبل لاتشوفه حنان وحاسب فيها وحطها بشنطة السياره
ورجع لحنان وكملوا باقي الاغراض وحاسبوا فيها ورجع حنان للبيت
زياد : ياخاله خلي جدي يوديكي بكره للمشغل بس تحطين فيه الاغراض الي اشتريتها لأني تأخرت علئ صديقي
حنان : طيب ولايهمك وسامحني تعبتك واخرتك
زياد : لاولايهمك ياخاله ونزلها عند البيت ونزل الاغراض وطيران ركب السياره ومشئ
.................................................. .................................................. ..........
بعد ماخلصت صلاه دفت الكرسي وراحت المطبخ وغسلت الارضيه وحطت شوية ديتول وعقمت الارضيه
وارفف المطبخ والمجلئ (او المغسله او حوض الغسيل الي تسمونه ) وطلعت القدور الي اشترتها هي وزياد
وغسلتها بشوية مويه وحطتها بالدولاب وطلعت الشوك والملاعق والسكاكين وحطتها بالدرج
وطلعت الاكواب ونفس الطريقه حطتها بالدرج الثاني وفتحت الثلاجه ومسحتها بمويه وديتول وحطت فيها الخضراوات والفواكه فالدروج الي تحت وحطت الحليب والعصير فوقها بشكل مرتب والتونه والتوست فالرف الي فوق والدجاج واللحم ماقدرت عليها لان الفريزر بعيد عليها وحطت ورق العنب فالرف الي فوق رف التوست
وكرتون معجون الطماطم حطته فالرف الي بجمب باب الثلاجه والشيبسات نفس الشي فالرف الي بجمب باب الثلاجه وطلعت لها بصله وزيت عافيه وطماطم ومعجون طماطم ولحم ورز وسوت كبسة لحم مع سلطه قطعت السلطه بشكل حلو بشكل يجذب للاكل وحطت الرز واللحم بصحن متوسط الحجم بيضاوي وجهزت كوبين فيها لبن وجات تبغئ تروح الحمام (أكرمكم الله ) عشان تتحمم وتغير ملابسها لكن وقفها صوت الباب المفاتيح عرفت ان زياد جاي ابتسمت وعدلت نقابها
.................................................. ....................................
كان هو عند الباب : ياربي في ريحة طبخ ترد الروح معقوله من عندنا لالالا مااتوقع
فتح الباب ودخل لقي لينه قباله ابتسم وقفل الباب : السلام عليكم ورحمة الله وبركاته
لينه : وعليكم السلام ورحمة الله وبركاته .. سبحان الله جيت بوقتك
زياد : ليه
لينه : مو انت تحديتني بموضوع الطبخ
زياد توه يستوعب : ليكون انتي الي طابخه ؟
لينه بفخر : طبعا
زياد : مو قادر يمسك نفسه جيعااااااااان الدب مره وراح ركض علئ المغسله وتفاجأ بنضافة المكان والاسطح الي تلمع وريحة الديتول الي معبيه المكان التفت يمين لقي صحن محطوط فيه رز ولحم ويمين الصحن صحن صغير فيه سلطه بشكل رهيييييب فتح الصنبور وهو مبتسم وغسل ايدينه وشال الصحن
لينه : زياد انتضر خذ السفره
زياد : ولا يهمك واخذ السفره منها وحطها علئ الارض وحط صحن الرز وصحن السلطه واكواب اللبن
(زياد يحب هالحياه يحب البساطه ولينه نفس الشي )
لينه : زياد لو سمحت ممكن تغرف لي (لأنها متقدر تجلس معه ع الارض الا بمساعدة احد بتنزيلها من علئ الكرسي وهي ماحبت تحرج زياد وتتعبه اكثر فطلبت يغرف لها فصحن ثاني )
زياد : ابشري يالدبه ههههه وراح جاب لها صحن من المطبخ وغرف لها وجلسوا ياكلون
زياد ياكل بشراهه واعجبه طبخ لينه حييييل ماكان يتوقع انها تعرف تطبخ كذا
بعد ماشبع : حركات ياليونوه يالطفله طلعتي طباخه وانا مدري ههههههه
لينه بعصبيه شوي : مع نفسك يالدب القطبي بعد ماعبيت بطنك جاي تتريق
زياد : خلاص حقك علينا والله طبخك مره روووووعه وعجبني كثيييييير
لينه انحرجت ونزلت عيونها : شكرا
زياد : ههههه عفوا ياخجوله
لينه : زيادوه كش عليك وحركت كرسيها وراحت الغرفه وقفلت الباب وجلست تناظر وجهها بالمرايه لقيته احمرررر
وقلبها يدق بسرعه
زياد راح غسل ايدينه وشال السفره وفتح الثلاجه وانصدم من الي شافه : ماشاء الله عليكي يالينه
الله لايحرمني منك
راح ودق الباب لينه بصوت مستحي وخايف : ممممين
زياد : جني يعني مين يالينه ههههههه
لينه : كش عليك يالدب
زياد :تعالي انا بالصاله
لينه : طيب وعدلت نقابها وطلعت من الغرفه وتوجهت لصاله
زياد : لينه
لينه : نعم اخوي
زياد لايالينه وش الي اخوي : ممكن ماتقولين اخوي لان هي طرف الموضوع
لينه قلبها دق بقوه ومسكت ايدينها بقوه : لييه
زياد : لاني يا لينه اتشرف اني اتزوجك انتي موافقه علي ؟؟
.................................................. .................................................. .................
طلعت فوق صحت اخر العنقود مره وثنتين وثلاث بس ماصحيت عاد راحت غرفتها تحممت (أكرمكم الله )
ولبست تنوره ميني جينز وعليها بلوزه لونها ابيض ربع دانتيل ورشت عليها عطر لنك أسود ولبست حلق لونه ابيض دائري وسلسال ناعم فيه فيونكه صغيره ولمت شعرها ببكله ولبست طوق وحطت كحل فرنسي وروج احمر
ولبست عبايتها والصندل الابيض الفلات كان من قدام فيه ورده بيضا صغيره واخذت شنطته وجوالها وطلعت
: يمه مارضيت تصحئ الطفله
أم محمد : صحيتيها زين
عهود : صحيتها ثلاث مرات بس هي ما رضيت تصحئ
أم محمد : طيب يلا مشينا
وراحوا عند جارتهم
.................................................. .................................................. ...........
صحيت من النوم غسلت وجهها وتوضت وصلت وفتحت جوالها لقيت 20 مكالمه لم يرد عليها كلها من نفس الرقم
بخوف وقلق : ياربي ايش يبغئ
شوي جاها اتصال من نفس الرقم ... ياسمين : ياربييييييييي بس هالمره لازم ارد
فتحت الخط كالعاده بدون رد
: الو
ياسمين : ااالو
عنده هو ضاع الكلام مايدري ليش : كيف الجو عندكم
ياسمين استغربت : حر وانت
سالم : حر بس شوي برد
ياسمين كيف شوي برد والجو مره حار : اها
سالم ياربي وش فييني معد عرفت اتكلم : طيب كيفك
ياسمين : حمددلله
سالم : مين انتي
ياسمين :........ بدون رد
سالم : الله يخليكي مين انتي
ياسمين تجمعت الدموع بعيونها : الله يخليك اعفيني من هالسؤال
سالم : ليه طيب
ياسمين : لو قلت لك انا مين بيحصل شي
سالم : ان شاء الله مايحصل شي بس قولي ؟
ياسمين جلست تبكي
سالم :لالا الله يخليكي لاتبكين والله تراكي تقطعين قلبي بالله لاتبكين (قالها بصدق لانه مايحب يسمع صوت احد يبكي )
ياسمين زاد بكائها وسالم ماكان يسمع الا صوت الشهقات حقتها
سالم اااه وربي انك تعذبيني بدموعك حرام عليكي : تكفين يابنت الناس لاتبكي ماتبغين تقولين اسمك لاتقولينه بس لاتبكين
ياسمين هدت شوي وسكتت
سالم : امسحي دموعك
ياسمين بحركه بريئه : مسحتها مثل ماطلب منها
سالم : مسحتيها
ياسمين هزت راسها بايه بعدين انتبهت وقالت : ايه
وسكتوا فتره بعدين قال لها : تدرسين
ياسمين : ايه وانت
سالم : لا موظف
ياسمين : ماشاء الله الله يوفقك
سالم :ويوفقك بعد
ياسمين : شكرا .. عن اذنك مع السلامه
سالم مايبيها تقفل بس مايبي يبين يحسسها انه ثقيل عليها : اذنك معك مع السلامه
بس قفل وحط راسه ع المخده وجلس يتخيلها ويتخيل صوتها الحنون وصوتها الصغير يحسها بريئه ويحس يبي يكلمه اليوم كامل ماحبها بس في شعور غريب تجاهها يبي يسمعها كل شوي وبس
عندها هي كانت تنط وتناقز ومبسوطه حيييييل مو مصدقه : مثل ماتوقعته طلع طيب مره لدرجة انه مايبي دموعي تنزل الله يسعدك ياسالم دوووووم
شوي دق جوالها انشودة حبيتك من قلبي وما انسئ ايامك مسكت الجوال وطالعت فيه لقته نفس الرقم استغربت
: ياربي غريبه توه مكلمني
ردت : الو
سالم مايدري ايش يقول : الو تعشيتي
ياسمين : اي عشا الحين العصر
سالم ياربييييييييي وش فيني اقلها كان قلت تغديتي : طيب اقصد تغديتي وبعدين غدا وعشئ كلها واحد
ياسمين قالت بعفويه : الحين انت ليه معصب يالدب
سالم يمه منها هالنتفه وش دراها اني دب : احترمي نفسك اول شي مو معصب ثاني شي يالنتفه مو دب صح لي كرش شوي بس مو دب
ياسمين : انا نتفه ها
سالم ماقدر يمسك نفسه ومات ضحك : هههههههههههههههههه
شوي ياسمين نفس الشي : ههههههههههههههه
سالم : كيف عرفتي اني دب
ياسمين : انت فضحت نفسك انا قلتها صدفه وانت قلت عندي كرش شوي ههههههههه
سالم : طييب ياالنتفه
ياسمين : وش دراك
سالم : انتي فضحتي نفسك وبعدين باين من صوتك انك طفله
ياسمين : افففففففففففففففففف منكم كلكم ياويلك تقولي طفله مره ثانيه
سالم بيموت ضحك عليها بس ماسك نفسه : طيب حقك علينا
ياسمين : انا بنزل تحت اكل لازانيا موت قهر يالدب
سالم : حرام عليكي الا الازانيا اموت فيها
ياسمين : طيب ببقيلك
سالم ياحليلك يالطفله طلعت طيبه : طيب بقيلي
ياسمين : طيب مع السلامه
سالم : مع السلامه
وقفل جواله وهو حيل مستانس يحس كأنه يعرفها من زمان وارتاح لها حيل
وهي فرحتها ماكانت تقل عن فرحته وكانت مبسوطه حييييل ونزلت تحت حطت لها بصحن لازانيا وحطت الملعقه بالصحن وجلست تناظر بالصحن وضحكت وكملت اكلها
.................................................. .................................................. .............
انتهئ البارت اتمنئ يكون اعجبكم
ولاتحرموني توقعاتكم

[موكاتشينو]

البارت التاسع عشر

:عاش من شافك ياام خالد وين هالغيبه
ام خالد : عاشت ايامك يالغاليه .. ابد والله من لما جات الاجازه ومعد طلعنا من البيت
ام فهد : والله انك صادقه ماصدقنا علئ الله تنتهي الاختبارات قلقنا علئ البنات
ام خالد : الحمدلله والله يوفقهم دنيا ودين
ام فهد : اقول يام خالد فين اخر العنقود ؟
ام خالد : فالبيت صحتها اختها بس هي نايمه ..ان شاء الله المره الجايه بجيبها معي
ام فهد : لا خليها نايمه احنا بنداهمكم فالبيت هههههههه
ام خالد : حياكم الله ههههههه
.................................................. ......................................
: كيفك عهوده عاش من شافك يالخبله ههههههه
عهود : الحمدلله بخير عاشت ايامك يالذكيه ههههههه... تطورات والله صايره تعرفين تطبخين
هيفاء : احم احم احم طبعا
عهود : خفي علينا ترئ كل الي مسويته قهوه وشاهي والبيتزا حطيتي الحشوه بس
هيفاء : اقلها سويت شي ههههههه
.................................................. ...........................................
خلصت اكلها وقامت غسلت الصحن حقها والملعقه وراحت تتفرج علئ التلفزيون
كانت تتابع ازياء قطع عليها صمتها صوت المسج يعلن عن وصول رساله مسكت الجوال وفتحت لقيت مكتوب
(كلي اللازانيا زين ترئ اهم شي صحتك )
ياسمين : ياعمرررررررررررريييييييي الله يخليك لي وجلست تقفز وترقص مستانسه
وارسلت له رساله
.................................................. .................................................. ..................
يعقوب : السلام عليكم
خالد : وعليكم السلام ورحمة الله وبركاته
يعقوب : ها بشر وصلت
خالد :أأيي ااقصد باقي شوي واوصل
يعقوب استغرب :عالعموم اذا وصلت طمني
خالد : ان شاء الله .. مع السلامه
يعقوب : مع السلامه
.................................................. .................................................. ....................
: حبيبتي هدئ اهدي الله يخليكي اهدي والله ماكان قصدي اخذها منك بس لان وقت الزياره انتهئ وشي طبيعي بيطلعونا
كانت علئ نفس حالتها حاضنه بنتها ودموعها تنزل وكل ماقرب سعد يبي ياخذ ريتاج كانت تصارخ ابععدددد وتبكي
خلي بنتي
سعد اااه ياربي اذا هاذا اولها ينعاف تاليها البنت خلاص معد طايقتني يارب حلها من عندك وسامحني: لاحول ولاقوة الابالله
.................................................. .................................................. .....................
نزل من الدرج كان لابس شورت لتحت الركبه لونه زيتي غامق وفيه جيوب ولابس تيشيرت بني فاتح نص كم
قصة الصدر دائريه وكانت ريحة المسك الابيض معبيه المكان (عطره ) ونظاراته العواكس وجواله الايفون بيده
: خير ان شاء الله يالطفله وش مجلسك هنا لحالك
ياسمين : احترم نفسك ترئ عندي اسم وبعدين امي وعهود راحوا وانا مارحت معهم
هاني : ليه ؟
ياسمين : كنت نايمه
هاني : طيب انا بطلع
ياسمين لفت ع التلفزيون وقالت احد مسكك طيب هههههههه
هاني : هههههه طييييب يالطفله حسابك بعدين مع السلامه
ياسمين : دقيقه فين بتروح
هاني : سويلم بيجي ياخذني يلا باي وطلع
عندها هي تحس الدم توقف بجسمها وتركت التلفزيون وطلعت فوق فتحت الشباك ولمحته بس كان راكب السياره
: ياربببببببببببببببببببببببببببببببببببببيي منك ياهنوي الغبي كان تكلمت من بدري
ورجعت تحت تكمل الازياء الي تشوفها
.................................................. .................................................. ......................
تحس قلبها يدق بقوه وبسرعه ماكانت مصدقه الي جالس يصير بينها وبين نفسها (ياربي معقوله زياد بيتزوجني ياربي يعني هو صدق يبغاني مثل ماانا ابغاه ):.....(بدون رد )
زياد ياربي ايش فيها :لينه حبيبتي ايش ردك
لينه تجمدت من الكلمه الثانيه بينها وبين نفسها (انا حبيبتك وانت روحي وقلبي ودنيتي وكل مااملك ): ااايش
زياد : لينه ايش فيكي اقولك انتي موافقه اني اتزوجك علئ سنة الله ورسوله صلئ الله عليه وسلم ؟؟؟
لينه قالها مره ثانيه يعني معناته مو حلم يعني معناته انا وزياد راح نتزوج الحمدلله يارب ومن شدة فرحتها
حطت ايدينها الناعمه الصغيره علئ وجهها وجلست تبكي بصوت عالي
زياد خاف وتفاجاء من ردت فعلها (ياربي انا وش سويت الحين ياربي معقوله يكون فيها شي لاقدر الله وهي خايفه ولا ايش السالفه بالضبط ): لينه بالله لاتبكين خلاص اذا ماتبغيني ماراح اتزوجك بس لاتبكين
لينه بس سمعت كلمة ماراح اتزوجك قالت بدون ماتحس علئ نفسها وهي علئ نفس الوضعيه حاطه ايدينها علئ عيونها ومن بين الدموع قالت : لالالالالالالالالالالالالالالالا لاتقول ماراح تتزوجني انا ابغاك يازياد اهئ اهئ اهئ بصوت عالي
زياد ياعمري عليكي وعلئ احساسك المرهف : يعني تبغيني ؟
لينه سكتت
زياد قرب منها ومسك يدينها وبعدها عن عيونها وشاف عيونها الحمر الممتلئه بالدموع : ياحياتي عشاني لاتبكين
لينه اتلخبطة مشاعرها خوف علئ فرح علئ حياء وزادت دموعها
زياد : ياقلبي بالله لاتبكين والله اتضايق اذا بكيتي .. قام زياد وانحنئ وحط ايده الاولئ ورئ ظهر لينه والثانيه تحت رجولها وشالها وجلس علئ الكنبه وجلسها فحضنه وحط يدينه ورئ ظهرها وشدها الين صارت بحضنه
عندها هي كانت تحس ان خدودها صارت طماطم وبنفس الوقت مبسوطه وفرحانه ان الشخص الي كانت تتمناه بيصير زوجها قريب
زياد كان فرحان اكثر منها ..البنت الي حب اسلوبها وحبها وحب طيبتها ونظامها وبساطتها تكون زوجه له باذن الله
: لينه لهدرجه تحبيني ؟
لينه بدون ماتدري عن نفسها : ايه
زياد : يابعد روحي انتي ... (بعدها عن حضنه وشالها وحطها بغرفتها )
يلا انا بروح
لينه : فين ؟
زياد حب يخجلها شوي : بروح قبل ما اتهور الي يشوف القمر هاذا مايقدر يمسك نفسه
لينه : كش عليك يالدب
زياد : ههههههههه طيييييييييبب ان شاء الله اليوم بكلم اهلي عشان يخطبونك ويصير خير يالينوه
لينه : لابالله وش يصير خير
زياد : هههههههههه
.................................................. .................................................. ..............
: انا بنزل السوبر ماركت تبي شي ؟
:جيب اي شي علئ ذوقك
: طيب
نزل من السياره وراح السوبر ماركت اخذ اثنين كود رد وثلاثه تويكس واثنين باونتي وحاسب فيها ورجع
فتح الباب وركب جاء يبي يقفل الباب بس وقفه صوت هاني وهو يقوله
هاني : حركات والله ياسويلم مين الي مرسلك الله لايحرمني منك ها ويغمز له بعينه
سالم غار عليها كثير مايبي احد يتكلم عنها او يشوف حتئ رسايله .. وبعصبيه عكس اسلوب سالم : انت باي حق تفتش جوالي كذا
هاني استغرب من وضع صديقه : سالم ياخوي وش فيك ترئ السالفه مزح
سالم انتبه لنفسه : اسف ياهاني ماكنت اقصد والله بس لاني كنت متضايق شوي
هاني : تتضايق واخوك موجود .. قولي ايش فيك ؟؟
سالم ياربي اقوله ولالا اقوله ولالا اقوله ولالا : لاابد بس مشاكل عائليه
هاني حس بان سالم مايقول الصدق بس ماحب يحرجه : ااها ماتضيق الا تفرج ياخوي .. وجلسوا يتمشون
وياكلون ويشربون عصيراتهم
.................................................. .................................................. ..................
: اف ياربي وش هالطفش لو دريت ان الوضع كذا كان رحت مع امي من زمان وقفها صوت التلفون
راحت ركض : الوووو
زياد : اهلين بالطفله
ياسمين : كنت بهاوشك بس لانو لي فتره عنك بمشيها لك
زياد : حركات يالنتفه ههههههههه
ياسمين اول ماقال يالنتفه تذكرت سالم وسرحت بعيييييد
زياد : الو .. الو .. الو
ياسمين : ها قصدي هلا
زياد : وين رحتي ؟؟
ياسمين : ولا شي انت كيفك وكيف حنون وجداني
زياد : ماعليهم بخير الحمدلله ومابقئ شي ع المشغل وينتهي
ياسمين : واااااااااااااااااو فله عشان بروح ان شاء الله عند خالتي
زياد : ان شاء الله الا قوليلي فين امي
ياسمين : عند جارتنا
زياد : طيب متئ تجي؟؟
ياسمين : ممكن بعد شوي لانها راحت من العصر
زياد : اوك اذا جت خليها تكلمني
ياسمين : طيب
.................................................. .................................................. ......................
: وانتي علئ اي اساس ان شاء الله تختارين ابيض وتفاحي ووردي
حنان : اصلا الالوان حلوه وهاديه وفرايحيه وكل من شافها قالوا حلوه وهاديه
ندئ : لا موب حلوه كأننا برياض اطفال
حنان : ليه وش الالوان الي تبينها حضرت جنابك ؟
ندئ : الناس تختار الوان غامقه احلا من هالسخافه الي حاطتها
حنان : يعني الالوان الهاديه والبسيطه صارت سخافه .. سلامة تفكيرك اذا عندك تفكير وطلعت ترتب المشغل
ندئ تضااااااايقة حييييل وبصوت عالي : مع نفسك شايفه نفسك مدري علئ ايش وتبي تمشي الكل علئ كيفها
حنان سمعت بس طنشت
.................................................. .................................................. ..........................
الممرضه :لوسمحت اخوي لازم تطلع لان وقت الزياره انتهئ
سعد : يلا ياريتاج لازم نروح (كان يقصد بالكلام هاذا ياهدئ فكي ريتاج لازم نروح بس ماحب يحرج هدئ قدام الممرضه )
هدئ بتعب واضح عليها : لوسمحتي ابغئ الدكتور يجي
الممرضه : طيب
سعد : ليه ؟؟ حبيبتي يوجعك شي ؟؟
هدئ مركزه نضرها علئ ريتاج وبس
سعد : لو سمحتي ردي في شي يوجعك ؟
هدئ : مالك دخل
سعد : وبعدين معك كلميني باحترام انا زوجك
هدئ :.... (ساكته)
سعد : سمعتي
هدئ : ايه سمعت بس قريب ان شاء الله بينتهي كل شي
دخل الدكتور
السلام عليكم ورحمة الله
هدئ : وعليكم السلام ورحمة الله
سعد لسئ مو مستوعب الي قالته هدئ ايش يعني قريب ان شاء الله بينتهي كل شي يعني معقوله ياهدئ تتركيني
وياخذك احد غيري والله لذبحه لو يلمسك انتي لي انا بس ..(كل هاذا كان حديث سعد مع نفسه وافكاره )
هدئ: لو سمحت يادكتور ابغئ تسويلي خروج
دكتور : بس لسئ باقي لك يومين عن موعد الخروج وحالتك غير مستقره
هدئ : ضروفي ماتسمح لي يادكتور ولازم اطلع من هنا
دكتور : اوك بس لازم توقعين ويويقع زوجك وانكم تتحملون مسؤولية الخروج
هدئ :طيب انا بوقع انا ماعندي زوج اصلا
سعد : وانا مني مالي عينك
هدئ : للاسف مو
جات تبي تكمل كلامها بس الكف الي جاها من سعد الجم لسانها وماحست بنفسها الا وهي مغمئ عليها
وسحب ريتاج منها وهي جالسه تبكي واخذها
اما الدكتور كان مصدووووووووووووووووووووووووم من الي شافه يحس انه بمسلسل
.................................................. .................................................. ..........................
فتحت الباب بزعل :طييييييييييييب ثاني مره لو تروحون وماتاخذوني ماراح اكلمكم
ام خالد : ههههههه ابشري ولايهمك
عهود : والله يافاتك فلللللللله استانسنا
ياسمين : يمه شوفيهااااااااااا
عهود : ههههههه
ام خالد : عهودوه اتركي اخر العنقود عنك .. وقربت ياسمين وضمت امها
: يمه ترئ زياد اتصل وقال يبغئ يكلمك
ام خالد : طيب دقيلي عليه
ودقت عليه
ام خالد : الو السلام عليكم ورحمة الله هلا بالغالي
زياد : وعليكم السلام ورحمة الله هلا بتاج راسي
ام خالد : كيفك وكيف اهلي بشرني عنهم
زياد : ابشرك يمه الحمدلله كلنا تمام وبخير وانتو كيفكم
ام خالد : الحمدلله احنا بعد بخير ونعمه
زياد : الحمدلله ... يمه
ام خالد : سم يمه
زياد : سم الله عدوك ... انا اتصلت عشان اكلمك بموضوع
ام خالد : قول ياحبيبي وش فيك ؟؟
زياد : يمه انا قررت اتزوج
ام خالد طارت من الفرحه : والله هاذي الساعه المباركه الي اسمع فيها هالخبر لك ولاخوانك ان شاء الله
وان شاء الله من بكره ادورلك بنت الحلال الي تستاهلك
زياد : لالالا يمه بنت الحلال موجوده لقيتها بس انتو تعالوا اخطبوها لي
.................................................. .............
انتهئ البارت اتمنئ توقعاتكم

[موكاتشينو]

البارت العشرون

:لوسمحتي .. كان يضربها بكفوف خفيفه علئ وجهها بس ماصحيت
: نيرس .. نيرس
الممرضه : يس دكتور
الدكتور : Give me a needle and Oxygen (اعطيني ابره واوكسجين )
الممرضه : ok
وراحت جابت له الابره والاوكسجين وحط الاوكسجين علئ فم هدئ وحط الابره فالمغذيه وطلع من الغرفه
وتوجه لمكتبه ودخل وقفل الباب وجلس علئ الكرسي المقابل لطاوله وجلس يتذكر الي صار
(معقوله في ناس كذا ؟؟ صح البنت غلطت بالتعامل مع زوجها بس ماتوصل لدرجة انه يضربها لاحول ولاقوة الابالله
شكل البنت شايفه العجب ولا ماكان هاذا تصرفها وردة فعلها .. بس الله يعينها وييسر امرها ومسك اوراق المرضئ وجلس يراجعها )
.................................................. .................................................. .................
: اثاريك منت بهين يازيادوه
زياد : هههههههه
ام خالد : بس قولي مين هالبنت وكيف عرفتها
زياد ياربي وش اقولها الحين : انا اعرف ابوها وطلبتها منه
ام خالد : ماشاء الله والبنت حلوه ؟
زياد : ايه ماشاء الله عليها
ام خالد : وكم عمرها ؟
زياد انحرج من سؤال امه : يمه البنت صغيره
ام خالد : وليه بتاخذها وهي صغيره بنت جارتنا ام فهد ماشاء الله عمرها مناسب لعمرك وتربيت ام فهد معروفه ماشاء الله
زياد ياربي دخيلك يايمه لاتفكرين كذا : يايمه ضروف تجبرني اتقدم لهل البنت وبعدين انا احبها
ام خالد : اي ضروف ؟
زياد : يمه البنت مقعده
.................................................. .................................................. .......................
كان جالس ومصغر الصفحه وجالس يلعب بجواله شوي جاته رساله
: وحشتنيييييييييييييي
اول ماشاف الرساله ابتسم حيل : وانتي اكثرررررررر احبك موت ياروحي
عهود بحياء : وانا
هشام : وانتي ايش ؟
عهود : مدري
هشام : اجل بطلع الحين انتبهي لنفسك مع السلامه
عهود : لالالالا احبك خلاص اجلس
هشام : بنات مايجون الا بالعين الحمرا
عهود : ^_^
هشام : وه بس الله لايحرمني
عهود بحياء : امين
وجلسوا يكملون سوالفهم ووناستهم ببعض الين الفجر
.................................................. .................................................. ...............................
كانت بغرفتها تختار احلا الملابس عندها ومن بين فساتينها وجلابياتها طلعت جلابيه مخصره لونها عودي غامق
وفيها نقش من عند الصدر باللون الذهبي وتحت الصدر في حزام ذهبي وقصة الصدر مربعه والاكمام طويله من نهايتها علئ شكل فرنسي وتعطرت بعطر (اللور من شانيل ) ومشطت شعرها الي يوصل الين كتوفها لونه بني غامق
وحطت الغره علئ كامل جبهتها ولبست طقمها الذهب وتبخرت بعوده وحطت روج احمر غامق ورسمت حواجبها
وسوت كحل فرنسي وكثرت المسكارا ولبست كعبها العالي

عنده هو كان جايب اغراض للبيت ووقف عند الباب يدق علئ الباب
اول ماسمعت صوت الباب قامت ركض وحطت شيله علئ وجهها وفتحت الباب : هلا خالد
خالد منزل عيونه بالارض ومنحرج منها ومن ريحة عطرها وبخورها القوي : هلا فيكي يااختي ام وليد
وحط الاغراض عند الباب وجاء يبغئ يروح بس وقف لما سمع صوت ام وليد تقول
بصوت كله دلع ورقه : مااقدر ادخلها لحالي ثقيله
خالد صبر جميل والله المستعان : طيب وليد صاحي
ام وليد بقوه دليل علئ الغضب : لا
خالد : طيب سويلي طريق ياختي عشان ادخل الاغراض
أم وليد فرحت : طيييب
ومشت قدامه وغصب عنه لمح جسمها وخاف يصير شي بينهم لاقدر الله فترك الاغراض فبداية الصاله ولف بسرعه وطاحت منه المحفظه بس ما انتبه لها يبي يمشي بسرعه
انتبهت ام وليد علئ خالد انه يبي يروح : خالد خالد
خالد ياربي : اخلصي وش تبين ؟
ام وليد : خذ محفظتك
خالد : اي محفظه محفظتي معي
ام وليد : طيب لف شوفها وشالت الغطوه عن وجهها
خالد لف وشاف انسانه قمه فالجمال والروعه وباين انها صغيره بالعمر ماكأن عندها ولدين العيون كبار ومرسومه رسم وجسمها جميل وخشمها مسلول وشفايفها تلمع خالد جلس يناظر فيها بدون مايحس علئ نفسه

عندها هي كانت طايره من الفرح انه خق عليها وعرفت نقطة ضعه :وبحياء مصطنع تغطت وقالت : ااناا اسفه
ما كان قصدي

خالد توه ينتبه لنفسه : اناا الي اسف واخذ المحفظه وبسرعه طلع

ام وليد : هههههههههههههه تستاهل اكثر من كذا

ركب سيارته وجلس يفكر وش هالجمال الي شفته عليها ماكنت اصدق انها بهالحلا كله وبعدين ليه تتعمد تسوي معي كذا انا كرم اخلاق مني اني اجيب اغراض البيت لها ولاولادها بعد وفاة صديقي الله يرحمه

اخذ جواله واتصل عليها : اسمعي ياام وليد انا بجيب لك سايق يصير يجيب لكم اغراضكم وطلباتكم
ام وليد خافت : ليه طيب
خالد : بدون ليه
ام وليد : لو حاولت انك تتركنا انا وعيالي صدقني لاسويلك مصيبه لاصارت ولا استوت
خالد : خافي الله يابنت الناس ليه تبين ترمين شرك علي انا ماقصرت معكم فشي وانتي تبيني اغلط معك لاسمح الله
ام وليد تضايقت شوي : لاوالله ماابيك تغلط معي بس انت اجبرتني اسوي كذا ياما حاولت المح لك وامهد لك
بس انت ماكنت تعطيني فرصه
خالد : وليه كل ذا ؟
أم وليد/ انت ماتبي الغلط ولا انا ابي الغلط اجل تزوجني لاني حبيتك
خالد انصدم من كلامها وش هالاسلوب مره مافي حياء : من جدك انتي ولا تستهبلين
ام وليد : ليش استهبل انا مثلي مثل اي بنت ابي احد يفهمني ويقدرني
خالد : المعذره منك ياختي مو انا الي اسوي كذا بارملة صديقي
ام وليد : انت قلتها بلسانك ارملة صديقي يعني صديقك مات وبعدين انا شفت العجب من صديقك تزوجني غصب وانا صغيره وعيشني بقهر وظلم كبرني عن عمري بكثير ولما شفتك حسيت بطيبتك مع اولادي وكيف حبوك وصاروا يقولون لك بابا تمنيتك لي بس امنيه لااكثر ولا اقل وانا اعتذر فمان الله ياخوي

وقفلت وجلست تبكي وتمسح الروج والكحل ونامت وهي علئ هالحاله

خالد راح الشقه حقته وجلس يتذكر كل الي صار ويفكر بينه وبين نفسه ياربي الي قالته صح ولالا
هي فعلا مظلومه ولالا انا لازم اسال وليد واحمد بطريقه غير مباشره وافهم منهم بدون مايحسون
.................................................. .................................................. ........................
: سليم
سليم : هلا يمه
ام سليم : وديني عند خالتك هدئ اتصل عليها لي يومين ماترد
سليم : طيب يمه
واخذها وراحوا عند بيت هدئ ودقوا علئ الباب
.................................................. .................................................. ..............
: يلا نشوفك علئ خير
هاني : ان شاء الله يالله فمان الله ونزل من السياره وراح البيت
وسالم راح بيتهم دخل سلم علئ امه وراح تمدد علئ السرير وجلس يتذكر المسج الي جاه الله لايحرمني منك
(ياربي وش هالغيره الي جتني عليها معقولها هاذا حب ولا انانيه ولا طمع ولا ايش بالضبط ؟؟
وجلس يتذكر كلامها وابتسم : احسها بنت بريئه وعلئ نياتها
وارسل لها رساله وقفل جواله ونام
.................................................. .................................................. .................
فتح الباب واثار التعب باينه عليه وانصدم لما شاف سليم وامه جايين وبارتباك : ههلالا تفضلوا
سليم وامه دخلوا ... كيفك ياسعد وش اخبارك
سعد : بخير الحمدلله
سليم : وين خالتي
سعد وش اقوله ياربي : أأأيه هي طلبت مني تتتروح عند صديقتها لانها مريضه وجللست معها
سليم : اوك اجل نستأّذن واذا رجعت خليها تزورنا
سعد : ان شاء الله
سليم اخذ امه وطلعوا
.................................................. .................................................. .....................
دخل الغرفه وشافها جالسه تناظر لشباك وسرحانه توجهت انظاره لخدها وشاف اثار الكف باين علئ خدها الناعم
كسرت خاطره
الدكتور : السلام عليكم
هدئ : حطت الشيله علئ وجهها وعليكم السلام وديني عند اهلي
الدكتور استغرب من طلبها : بس مااقدر
هدئ بدموع وخوف : الله يخليك وديني اخاف يجي سعد ويرجع يضربني الله يخليك وزاد بكاها
الدكتور ياربي : يااختي والله مااقدر صعب علي بس لك اقرباء هنا
هدئ : ايه بس مامعي ارقامهم
الدكتور : طيب تعرفين مكان بيتهم
هدئ : ايه وجلست توصف له المكان
الدكتور : طيب انا بكلمهم يجون ياخذونك
هدئ : جزاك الله خير ياخوي
.................................................. .................................................. .........................
ام خالد بصدمه : مقعده من جدك تتكلم ولاتمزح
زياد بتوتر : اتكلم جد يمه
ام خالد : ايش الي يجبرك ترتبط بوحده مقعده وانت مافيك شي والف بنت تتمناك
زياد : يايمه ياحبيبتي انا ماابي الالف انا خلاص اخترت هالبنت وابغاها
ام خالد : مني موافقه ... وقفلت السماعه بوجهه
.................................................. .................................................
انتهئ البارت اتمنئ توقعاتكم
ام وليد هل هي صادقه ؟؟ ولا سوت كذا عشان خالد يحن عليها ؟؟
زياد ايش بيسوي مع امه الي رافضه تزوجه لينه ؟؟
عهود وهشام الئ وين بيوصلون ؟؟
وسالم هل حب ياسمين او الي سواه غيره وحب لتملك فقط ؟؟