البارت السادس


عهود صحيت وبعد ماصلت وافطرت راحت تشوف جدولها عشان تذاكر الماده الي عليها: ياربي ايش هالماده الغثيثه مو فاهمه فيها ولا حرف علشان اذاكرها قفلت الكتاب وهي حدها متضايقه وفتحت لاب توبها علئ الموقع وكتبت بنات تراني متضايقه حدي
كله بسبب هالاختبار المعقد جدا .. وجلست تتصفح الكتاب وتقرا بعض من هالماده لعلئ وعسئ تفهم شي
....
خالد صحئ يعقوب وقال له : يعقوب يلا قوووم
يعقوب : مارد عليه
خالد : يعقوب يا تقوم معي يابسافر لحالي
يعقوب : علئ وين ان شاء الله ترئ كل الي معك يومين بس وين تبغئ تروح
خالد: بروح اخذ عمره تجي معي ؟؟
يعقوب : اوك بس دقايق اغسل وجهي واجهز اغراضي واجي
خالد : اوك انا بنزل اودي السياره للورشه واشيك عليها .. واذا خلصت دق علي
يعقوب : طيب
.....
ياسمين صحيت من النوم وبعد ماغسلت وتوضت وصلت فتحت الشباك وشافت هاني وسليم بس معهم واحد غريب
:ياربي مين هذا الثالث لايكون سالم لالالا مااتوقع
ونزلت تحت سلمت علئ امها وخالتها وجلست تاكل لها تفاحه وتسولف معاهم
ام سليم : اقول ياام خالد سليم وهاني فين
ام خالد : جاهم سالم وقالوا بيطلعون معه
ياسمين : كح كح كح بقوه الين دمعة عيونها وهي تكح
أم خالد : بسم الله عليكي حبيبتي وتضربها مع ضهرها بشويش
وأم سليم جابت لها مويا : اشربي حبيبتي
وشربت المويا ياسمين وبعدين قالت لها ام خالد : يابنتي ثاني مره اكلي بشويش لاتغصين
ياسمين : حاضر يمه .. انا بروح اغير ملابسي
ام خالد : زين بس لاتتاخرين
ياسمين : طيب .... وطلعت بسرعه فوق وراحت غرفتها وبعدت الستاره عن الشباك لكن للاسف راحوا: ياربيييييي
وجلست علئ التسريحه وهي تتذكر شكل سالم ...(كان شكله طويل تقريبا بطول اخوها هاني ومتين شوي مو مره شوي بس وشعره الين اذنه ولونه اسود غامق وكان عنده بيبي فيس وعيون نعاسيه بس للاسف ياسمين ماقدرت تشوف الا طوله
وشكله علئ خفيف ماكانت تدري ان في بينهم مواصفات مشتركه )
صحيت من سرحانها علئ صوت نغمة الجوال وكانت (يالله يارحمن ياذا الجلالي ياحي ياقيوم ياذا الكمالي يامدبر الاكوان شين ورئ شيء ... لمشاري العفاسي)
ياسمين : الو
ليلئ : هلا السلام عليكم
ياسمين : وعليكم السلام ورحمة الله وبركاته
ليلئ : كيفك يادبه
ياسمين : هههههه بخير يانحيفه
ليلئ: ههههههه يثلمو .. بديتي تذاكرين
ياسمين : يب الحمدلله
ليلئ : ماشاء الله عليكي انا في كم باب مو فاهمته
ياسمين : حابه اشرحها لك
ليلئ: لاياقمر مامتي بتشرحها لي
ياسمين : اكيد ولالا .. ترئ عادي اشرح لك مافيها شي
ليلئ: ماتقصرين ياقلبو بس اكيد امي بتشرحها لي
ياسمين : طيب سلمي علئ اهلك وفمان الله
ليلئ : يوصل وانتي كمان
ياسمين : تيب بايو
ليلئ : بايو
.....
بعد ماجاب اغراض البيت الي طلبتها امه راح وفتح الاب وجلس يطلع علئ موضوعات زهرة البنفسج وشاف ان عندها
اختبار صعب ومو عارفه تذاكره
قال لها :السلام عليكم ورحمة الله وبركاته
عهود بينها وبين نفسها ياربي هذا مره ثانيه : وعليكم السلام تفضل اخوي في شي ؟؟
قال: ايه في شي بخصوص الاختبار الي عندك ايش الماده
عهود : ليه
قال : انا عندي خلفيه الحمدلله وحاب اساعدك بالي اقدر عليه
عهود : ياخوي ماابغئ منك شي بس خليني بحالي
قال : يابنت الناس انا هشام محمد ال..... وهذا اسمي الكامل لو ضريتك بشي اشتكي علي انا حاب اساعدك لوجه الله
عهود كانت بترفض بس خافت انها ماتحل زين بالاختبار وتتوهق :طيب بس مابينا تعارف تقولي اختي وانا اقولك اخوي
هشام ارتاح : وقال طيب عشان مانضيع الوقت يااختي جيبي كتابك وقوليلي ايش الماده
عهود : Headway plus
هشام فتح عالنت وشاف الكتاب وشاف اول صفحه : وقال لها يلا يااختي افتحي اول صفحه
عهود : فتحت اول صفحه
هشام : بدأ يشرح لها ويفهمها بطرق سهله
عهود : ابتسمت وكانت تحس ان شرحه اسهل بكثير من شرح الدكتوره حقتهم
..........
أم سليم كانت جالسه هي وام خالد شوي قالت ام سليم : اقول ياأم خالد ايش رايك بسليم
أم خالد فهمت قصد ام سليم انها تبي سليم لياسمين وعارفه رد ياسمين لانها مره من المرات كانت جالسه ومعاها ياسمين
أم خالد : ياقلبي يا ياسمين كبرتي وصرتي قموره ونصيبك جاهز لا وبعد يموت فيكي وضحكت
ياسمين : يمه بدري وبعدين عن مين تتكلمين
أم خالد : سليم
ياسمين : من جدك يمه تتكلمين سليم احبه مثل هاني وخالد وزياد ومستحيل اتزوجه
أم خالد انصدمت من الرد : قالت ليه طيب
ياسمين : كيف ليه يمه انا من زمان احبه مثل اخوي ولا عمري فكرت فيه غير كذا وزعلت وطلعت غرفتها
أم سليم : أم خالد أم خالد
أم خالد : هلا سمي
أم سليم : سم الله عدوك وين سرحتي
أم خالد : لالامعك امري
أم سليم : اقول ايش رايك بسليم
أم خالد : زينة الشباب بس ليه
أم سليم : مسويه نفسك ماتدرين ان سليم يبغئ يخطب ياسمين
ام خالد : لسئ بدري عليها تو الناس
أم سليم : خطبه بس بدون ملكه
أم خالد أرتبكت وقالت : اسمعي ياأم سليم ياسمين تحب سليم مثل اخوانها وما تفكر فيه كزوج
أم سليم : الحين تفكر فيه مثل اخوها بس بعد الزواج بيفهمون بعض وبتحبه
أم خالد : انتي أختي وحبيبتي وعلئ عيني وراسي وولدك سليم معزته وغلاته مثل غلات عيالي بس انا مااقدر اجبر بنتي
علئ شي هي ماتبغاه
أم سليم : تخلين البنت تمشي كلمتها عليكي
أم خالد : يرضيكي اغصبها تتزوج سليم وبعد تخرب حياتها والبنت تتعقد وتجيني مطلقها وانا اكون السبب فهاذا الشي
يرضيكي تشوفينها مطلقه
أم سليم : انا عارفه ولدي زين ماراح يطلقها لانه يحبها
أم خالد : أدري انه يحبها بس لو تزوجها يبغئ حقوقه كزوج والبنت تشوفه زي اخوها وبتجيني كل يوم ياتشتكي ياتبكي يامسويه بنفسها شي
أم سليم بضيق وزعل : بكيفك والله يوفق الجميع
أم خالد : ام سليم لاتزعلين والزواج قسمه ونصيب
أم سليم : صدقتي
.....
خالد : ألو يعقوب يلا انزل تحت انا خلصت
يعقوب :طيب ونزل السياره وتوكلوا علئ الله ومشوا علئ طريق مكة المكرمة
......
سالم :أقول ياهاني متئ ناوي تتزوج ونفتك منك ههههههه
هاني : اذا انت يالدب تزوجت
سالم : حرام عليك انا دب
هاني : ايه شوف خدودك وكرشتك هههههههه
سالم : والله اني ما اكل كثير بس الشكوئ لله ههههههه
سليم : أن شاء الله انا اسبقكم كلكم
هاني / ومين تعيست الحض
سليم / الا قول سعيدة الحض
سالم : الله يهني سعيد بسعيده ههههههه
شوي سليم بعد عنهم لان جاه اتصال من امه :هلا يمه
أم سليم وبصوتها ضيق: هلابك
سليم : يمه فيكي شي
أمه : لاحبيبي بس اشتقت ارجع لبيتنا بالطايف الجو بالخبر تعبني حيل
سليم أستغرب من كلام امه : وقال لها بس يمه ماصار لنا الا اسبوع بس وانتي كنتي مخططه نجلس شهر
أم سليم : ياولدي صح اني قلت بس الجو هنا تعبني مره ابغئ ارجع الطايف جوها يجنن الحين
سليم : علئ امرك يمه بس متئ تبغين نرجع الطايف ؟؟
أم سليم : اليوم الفجر
سليم : علئ امرك
سليم : اقول شباب برجع البيت
هاني : سلامات تو الناس
سالم : اجلس يابن الحلال وش معجلك
سليم : والله مستعجل الوالده تبغئ نسافر الطايف الفجر يعني بعد كم ساعه يبغالي ارجع وارتب اغراضي واشيك علئ السياره واغير لها زيت ومن هالكلام
هاني : تتكلم جد انت ولا تمزح
سليم / ايه والله امي تعبت من حر الخبر تبغئ ترجع لطايف والله يخليك لاتضغط عليها خليها علئ راحتها
هاني : براحتكم وتنورونا فأي وقت
سليم سلم علئ هاني وسالم وتودع منهم ورجع البيت جهز اغراضه وامه جهزت اغراضها
بعد ماودعت البنات وامهم وأخذ سليم الشنط وحطها بالسياره وشغل السياره بعد ركوب امه وسموا بالله وسافروا لطايف
...........
بعد ماصلئ وانتهئ راح السوبر ماركت يقضي أغراض لثلاجه لانها فاااااضيه أخذ توست وجبن كرافت وفواكه وحليب وليز وكورن فليكس وعصير فراوله كبير وحاسب فيها وطلع لشقه فتح الباب وحط الاغراض بالمطبخ
واتجه لغرفة البنت ودق الباب مره وانتظر ورجع مره ثانيه ودق الباب بس ماردت عليه
زياد قال بينه وبين نفسه (معقوله تكون نايمه لحد الحين ) انتظر شوي ورجع دق الباب وماردت خاف لايكون صار لها شي وفتح الباب بسرعه وقرب من السرير لقاها حاطه وجهها علئ المخده مسك كتفها ولفها وسند راسها علئ المخده
وكانت تتنفس ببطىء اخذ يدها وحط اصبعه علئ مكان العروق ولقيها تنبض قال : الحمدلله رب العالمين رجع يدها مكانها
وانتبه ان النقاب ماكان عليها وشاف ملامح وجهها ( كانت ملامح وجهها ملامح جدا بريئه بشرتها كانت صفرا من شدة التعب وعيونها كانت كبار ورموشها طويله ومن تحت عيونها سواد دليل علئ التعب والارهاق أنفها كان مسلول متوسط الطول وشفايفها كانت نفس الشي متوسطة الحجم ) ..زياد جلس يناظر فيها ويقول : سبحان الله من ملامحها باين انها صغيره بالعمر الله يسامح اهلها كيف تركوها بالبر لحالها قام ونزل النقاب علئ وجهها وصارت باينه بس جفونها
هز كتفها بهدوء وقال لها : يااختي يااختي لو سمحتي قومي
البنت : همممم شوي بنام
زياد ابتسم علئ حركتها وقال : لامافي نوم .. ترئ الساعه صارت 4 العصر وانتي باقي نايمه
البنت قامت بسرعه :ايش اربعه العصر وانا لسئ ماصليت
زياد بينه وبين نفسه ( ماشاء الله عليكي الله يحفظك لاهلك ): الحين تقومين وتتوضين وتصلين (نسي انها مشلوله )
البنت بضيق : مااقدر الا اروح الحمام (الله يكرمكم ) الا مع الشغاله
زياد انحرج حيل لانه قال لها تقومين وهي ماتقدر تقوم : انا اسف سامحيني
البنت ببرائه : علئ ايش
زياد بينه وبين نفسه (الحمدلله انها ما انتبهت لكلامي ):هااا لالاولاشي

قال طيب دقيقه انتظري راح للمطبخ ولقي قدر أو وعاء (شكله دائري ونازل لتحت يعني يستوعب كميات مياه كبيره ) وراح وصب فيه مويا الين امتلاء وشاله ودخله لها الغرفه : هذا القدر توضئي فيه
البنت حست بحزن لانها تمنت انها تقوم تتوضأ بنفسها وماتحتاج لأحد يساعدها :شكرا
زياد قال لها : العفو والقبله جهة اليمين
البنت : طيب
طلع زياد وقفل الباب
البنت : فكت نقابها وبدأت تتوضأ ولما خلصت لفت نفسها جهات اليمين وصلت ولما خلصت جلست تستغفر وتدعي ربها
.....
عهود : الله يجزاك الف خير ياخوي ويسعدك دنيا واخره ويحقق لك كل امانيك
هشام أستانس حيييييل : امين يارب وياكي يااختي وماسويت الا الواجب
عهود : طيب اخوي انا بروح انام عشان عندي اختبار بكره
هشام : الله يجعله سهل لك فمان الله
عهود : امين يارب فمان الله
.......
عند خالد ويعقوب وصلوا مكة المكرمة بعد ماراحوا الميقات ولبسوا الاحرام وراحوا للكعبه وبدأوا مناسك العمره بجميع خطواتها ولما انتهوا من العمره شربوا من مياه زمزم
خالد : يعقوب انا ابغئ انام تعبان انت سوق ودور فندق ننام فيه
يعقوب : طيب .... وراح دور له علئ فندق واستاجر شقه فيها غرفتين وحمام (يكرم القارئ) ونزل هو وخالد من السياره وراحوا الفندق طلبوا باستا اكلوها وناااااااااااااامووووا .......(الله يتقبل منكم العمره ويرزقنا امين يارب)
..........
صحيت من النوم وصلت الفجر وصحت اختها ياسمين تصلي وتراجع لها كم كلمه قبل الاختبار
وبعد ماخلصوا مراجعه غيروا بجايمهم
ياسمين لبست المريول ورفعت شعرها ببكله
عهود لبست تنوره جنز وبلوزه ورديه منقطه بأبيض أكمامها دانتيل وردي غامق
ياسمين وعهود نزلوا وسلموا علئ ابوهم وامهم وجلسوا يفطرون
أبو خالد : ها ياياسمين انتي وعهود ذاكرتوا زين
البنات : ايوا الحمدلله
أم خالد : الله يوفقكم يارب ويرزقكم بالدرجات العالية بالدنيا وبالاخرة
البنات : امين يارب وطبعوا بوسات علئ راس امهم وابوهم وراحوا مع هاني يوصلهم علئ طريقه
هاني : ساعه حضرت جنابكم
عهود : وين ماطولنا
ياسمين : هو الي متأخر
هاني: سبحان الله طلعت انا الي متأخر الحين
البنات جلسوا يضحكون
هاني خلاص اسكتوا معي مكالمه : هلا وغلا وعليكم السلام ورحمة الله وبركاته كيفك ياسالم
ياسمين تركت الكتاب الي بيدها وحست انها سرحااانه من سمعت هالاسم
هاني : اوصل اهلي للمدرسه والجامعه وبمرك .. أوك ما بتأخر ,, مع السلامه
هاني : ياسمين يلا انزلي وصلنا
ياسمين مو معه
هاني : ياسمينوه يلا انزلي ترئ بيختبرون وانتي مابتختبرين
ياسمين نزلت من السياره من دون ماتقول ولا كلمه وراحت
هاني : وش فيها ذي
عهود / شكل الاختبار مأثر عليها ههههههه
هاني / ههههههه صدقتي وكملوا طريقهم
.....

أنتهئ البارت اتمنئ توقعاتكم ؟؟