((البارت الرابع عشر وصل ))
......

طلع لشقه فوق والعصبيه مجننته وهموم الدنيا فوق راسه هم البنت الي معه وهم ابوها غريب الاطوار وهم نفسه طلع المفتاح وفتح الباب ودخل ,,,,(عندها هي ) كانت جالسه تتفرج من الشباك وكانت سرحانه وما انتبهت له لما دخل
عنده هو دخل وشافها تتفرج مع الشباك وماكانت متغطيه كان شعرها باين ومعطيه زياد ظهرها
بعصبيه غير متوقعه من زياد : انتي تستهبلين ولا ايش
لينه ببرائه حطت الحجاب فوق شعرها وعدلت النقاب ولفت عليه
زياد : ماشاء الله ماشاء الله منتظرتني بس أطلع من هنا وأنتي حضرت جنابك تروحين وتفتحين نقابك وتجلسين قبال الشباك
لينه تجمعت الدموع بعيونها (ليه يازياد ليه حسيتك انت الامان انت الحنان انت العوض كله من بعد الشي الي شفته بالدنيا تطلع انت والزمن علي ) .... لينه بدون رد
زياد : هي أنا اكلمك ردي علي
لينه نزلت دموع من عيونها حااااره وجلست تبكي من دمعه وحده نزل سيل من الدموع ومن البكاء الصامت تحولت الئ صياح وصراخ
زياد ياربي ماأدري ايش أسوي مشكلتي اني لما يعصب أطلع حرتي بأقرب انسان ألقاه قدامي (الله يهديك يازياد وش ذنب لينه)
لينه من بين دموعها : رجعني بيتنا علئ الاقل هناك انحبس بغرفتي 24 ساعه ما اشوف احد ولا احد يسمعني كلام يوجع
زياد متضايق علئ حاله وحال لينه ومايبيها تروح لانه يفرح بشوفتها بس لازم يكون عصبي مايبي يضعف قدامها : اسمعي رجعه لبيتكم مني مرجعك فهمتي ولالا
لينه صارخت فيه : انت ماتحس علئ دمك اقولك خلاص رجعني بيتنا ولا انا بطلع من هنا
زياد أنجرح من كلمة لينه بس سكت لأنه جرحها أكثر : طلعه من هنا أنسي وأنا بقفل الباب وريني شطارتك وشلون بتطلعين ..وطلع من عندها كسر قلبه صراخها ودموعها مايتحمل يشوفها تبكي يعتبرها طفلته يعتبرها جزء منه
بس خايف من أشياء كثير دفعته يعصب غصب عنه عليها ...خايف من ربه لأن هم مع بعض بدون وجه شرعي
صح تتغطئ عنه وماصار بينهم الا كل خير بس ولو تعتبر مو محرم له
وخايف عليها من ابوها واخواتها وتصرفاتهم الوحشيه معها ومايدري ايش بيكون مصير لينه معه
.........
: كانت تركض بسرعه خايفه من سعد ركضت بخوف كل الي همها تدخل داخل الغرفه وتقفل علئ نفسها الباب وتحتمي من عصبيته الزايده متجاهله المصير الي ينتظرها
:عنده هو.. تضايق منها ومن تصرفها لانها ماوقفت وانصتت لكلامه ولأنها تجاهلته ... كان يركض وراها وتفاجأ بطيحتها
كانت طيحه قويه حس انه بغيبوبه وما صحي الا علئ صرخة هدئ
......
بصوتها الباكي بصوتها الخايف المتردد الي يكسر الخاطر :اااللو
أنصدم من ردها توقعها ولد وحتئ اسلوبها كان أسلوب ولد كيف تطلع بنت معقوله ورد عليها بصوته الرجولي :الو
عندها... كان قلبها بيطلع من مكانه وكانت دموعها تنزل بدون توقف الشخص الي تتمناه كلمها وسمعت صوته بس ياترئ
هل بتدوم الفرحه ؟؟
سالم : نعم ليش تتصلي فيني كل شوي ولما أرد تقفلي وتقولي أنك غلطانه
ياسمين : ااانااا غلللطااانه (أهئ أهئ )
سالم صح انكسر خاطره لانها تبكي بس وش يسوي لازم يعرف وش تبغئ منه : لاتكذبين قولي الصدق وبعدين الغلطان يغلط مره أو بالكثير مرتين بس مو كل شوي
ياسمين :.....(بدون رد بس شهقات )
سالم : لاحول ولاقوة الا بالله انتي بتتكلمين ولا أتفاهم معك بطريقتي الخاااااااااصه ؟؟؟
ياسمين خافت انه يشتكي علئ رقمها : مااا أأأقدر أأأقوللك ميييين أننا
سالم بتوتر: لييه طيب
ياسمين :ظظظظروووفي تتتمنعني .. بس الله يخخخليك لالالاتشتكي وووربي ما أبغئ مشاكل لا لي ولا لك
سالم : دام كذا لاتتصلين واعطيني وعد مااشوف رقمك عندي
ياسمين زاد بكائها (لللليش ياسالم ليييييش تبغئ تحرمني منك والله مااقدر أوعدك لاني بخلف وعدي لك ):أاأنا أأأسفه مااا اقدر اااوعدك بشششي
سالم يموت ويعرف مين هالبنت وليه ماتقدر توعده : ليه ان شاء الله
بكت بقوه ومن وسطت شهقاتها قالت : والله ماااااقدر ماتبغئ ترد علي لالالالاترد بس يكفي اااني أأأتصل عللليك ....وقفلت الخط
وتركت سالم وفوق راسه مليون علامة استفهام ؟؟؟؟؟
.................
قرب منها وحط راسها علئ رجوله جلس يعطيها كفوف خفيفه علئ خدها :هدئ هدئ بسم الله عليكي ..هدئ الله يخليكي اصحي والله ماكنت بضربك
أنا كنت بخوفك بس ياعمري قومي والله ماراح أعيدها بس قومي وقرب منها وبدأ يــسويلها تنفس أصطناعي ومافاد نزل راسها بهدوء وحطه علئ الارض وقام ركض للمطبخ وجاب كوب عباه بالمويا ولما رجع عند هدئ طاح الكوب من يده
لما شاف الدم حولها (أكرمكم الله ) ركض بسرعه للغرفه وطلع عباية هدئ وحجابها ولما طلع من الغرفه لقي ريتاج تبكي وتقول ماما ماتت ... زياد : لالالا ياحبيبتي ماماتت بس هي تعبت شوي .. زياد قرب ولبس هدئ العبايه وطاح الحجاب منه علئ الارض وكان بقمة الحوسه زوجته طاحت ومعها نزيف وبنته تبكي وخايفه وهو مو عارف ايش يسوي؟؟؟؟؟؟؟؟؟
..........
جت تبغئ تلحق زياد عشان مايقفل الباب عليها لكن طاحت من الكرسي الخاص فيها وحطت راسها علئ الارض وصارت تبكي وتبكي وتبكي الين استسلمت لنوم ونااااااااامت
.......
بعد الي صار طلع من البيت يتمشئ علئ رجوله وجلس يفكر و دارت براسه مليون فكره (ياربي معقوله هاذي تكون تقرب لي لالالا مااتوقع طيب معقوله تكون بنت جيرانا لالالالا استغفر الله ماابغئ اظلم أحد بس والله البنت كسرت خاطري حتئ من صوتها صوت طفله .. ياربي طيب ايش معنئ انا بالذات أف ياربي استغفر الله بس سمع صوت الاذان
الله أكبر.. الله أكبر ... الله أكبر ..الله أكبر
أشهد أن لااله الا الله.. أشهد أن لااله الا الله
أشهد أن محمد رسول الله .. أشهد أن محمد رسول الله
جلس يردد ورئ الاذان ولما انتهئ صلئ علئ النبي عليه الصلاة والسلام ودخل المسجد يصلي
...............
شالها وركبها بالسياره وطلع بسرعه وأخذ ريتاج ومشئ سعد بسرعه جنونيه للمستشفئ
سعد : ريتاج بابا شوي بنزل ماما يعالجونها وبجي لاتنزلين من السياره
ريتاج ببرائه : ماما ترجع
سعد رد عليها بسرعه :أيه
ونزل فتح الباب وشال هدئ ودخلها الطوارئ وجاء يبغئ يدخل معاها لكن منعوه الاطباء
جلس علئ الكراسي يحس رجوله ماتشيله خايف علئ هدئ وضميره مأنبه لأنه هو السبب بالي صار لها
مرت ساعه وساعتين ولحد الحين مافي أحد طلع وطمنه علئ حالة هدئ كان منزل راسه وحاط يدينه علئ راسه
شوي حس بأحد يدقه :لوسمحت ياخوي
سعد قام بسرعه يحسب بيطمنونه عن حالة هدئ : ها بشر أيش صار عليها
الرجال : أذكر الله ياابن الحلال
سعد : لااله الا الله
الرجال : انت صاحب السياره الجمس اليوكن الذهبي الي برئ ؟؟
سعد :أيه في شي
الرجال : لاأبد بس في بنت جالسه تبكي هناك
سعد تذكر بنته ريتاج :شكرا وقام بسرررررعه عند السياره وفتح الباب ولقي ريتاج عيونها حمرا وأنفها أحمر من كثرة البكي حضنها سعد وشالها بسرعه وقفل السياره وجلس يمشي فيها ويمسح علئ راسها :سامحيني يابابا نسيتك لحالك
بالسياره ريتاج : بابا دوووانه (جوعانه )
سعد : حاضر يابابا وراح أقرب سوبر ماركت وقضالها (شيبسات علئ حليب فراوله علئ فطيرة جبن )ورجعوا للمستشفئ
سعد حط ريتاج بحضنه وفتح لها حليب الفراوله ووفطيرة الجبن : يلا حبيبتي كلي
ريتاج تهز راسها بلا
سعد : ليه حبيبتي
ريتاج :ثبث (شبس )
سعد : لايابابا اول شي كولي فطيرة الجبن بعدين الشبس خلاص
ريتاج :حلاس... وجلس سعد يوكلها وعقله وفكره مع هدئ وايش صار فيها وايش سبب النزيف الي عندها (أكرمكم الله )
وصار لها ساعتين زياده ومحد طلع وطمنه ريتاج نامت بحضن أبوها .. شوي طلع الدكتور
سعد شال ريتاج وبسرعه قام :بشر يادكتور
الدكتور : حالتها خطيره لأنها فقدت الجنين وفقدت كميات من الدم ..أدعيلها
سعد : لحضه لحضه أي جنين ؟؟
الدكتور : المدام كانت حامل وللاسف اجهضت
سعد لحد الحين مو مستوعب هو ذبح ولده بيده حس كأنه جسد بدون روح حس أنه أنسان سيء كره نفسه فمابالكم هدئ أكيد مابتطيقه بعد الي سواه فيها
......
انتهئ البارت حبيته يكون طويل شوي وحبيت انوع لكم بالاحداث وان شاء الله يكون عجبكم
وتوقعاتكم لاهنتم
هدئ كيف بتكون حالتها الصحيه والنفسيه ؟؟
سعد ايش ردت فعله ؟؟؟
زياد ولينه لمتئ بيضلون كذا ؟؟
ياسمين وسالم هل راح يكونون سعيدين ولالا ؟؟؟