مدونة نظام اون لاين

صفحة 2 من 9 الأولىالأولى 1234 ... الأخيرةالأخيرة
النتائج 6 إلى 10 من 41

الموضوع: رواية احبك حب يا مجنون كاملة بدون ردود 2015

  1. #6

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية احبك حب يا مجنون كاملة بدون ردود 2015

    الــــــــــــــــــــــجــــــــــــــــزء الــــــــ(4)ـــــــــــرابــــــــــــــــــع

    في الجامعه عند الشباب كتنوا مجتمعين سوالف وضحك غير طبيعي شوي جاهم واحد يسأل:وين فهد ومهند؟؟؟
    الشباب مستغربين ويناظرون بعض رد فهد:نعم انا فهد
    الولد:الدكتور صالح يبيك انت ومهند الحين
    مهند على فهد وقال:وش يبي بعد ماسوينا شي
    فهد:مدري قم بس خل نروح له ونشوف وش عنده وصلوا للمكتب ودقوا الباب ودخلوا
    الدكتور صالح كان معصب:ليش تأخرتوا؟؟؟؟
    فهد:ما تأخرنا من جانا الولد اللي ارسلته وعلى طول جينا
    الدكتور صالح:لي نص ساعه راسله توه يوصل لكم؟؟؟
    مهند:لانه بالاساس مايعرفنا فصار يدور علينا ومن جانا جيناك
    سكت الدكتور صالح بعدين قال:بكره اختباركم العملي فهد ومهند مصدومين كمل الدكتور بكره الساعه 9 اذا مالقيتكم عندي بتاخذون صفر
    فهد:والبحث؟؟؟؟؟
    الدكتور صالح:البحث لنظر بس يله اشوفكم بكره وطلعوا الشباب وهم معصبين وخرب جوهم بسبب اختبارهم اللي بكره(تتوقعون ينجحون بالعملي ولا لا)
    ##############################
    نرجع لبيت ابوي(ابو عبدالرحمن)
    لما جاء عمي عبدالله وناصر وجلسوا مع ابوي وجدي وبعد السوالف
    قال عمي عبدالله:ياسليمان انا جاي اخطب بنتك ساره لولدي ناصر وش قلت؟؟؟
    ابوي:هذي الساعه المباركه وين بتلقى احسن من ولد عمها بس الشور لها
    عمي عبدالله:اكيد انت شاورها ورد لنا خبر
    ابوي:ان شاءالله
    (ناصر كان خايف ساره ترفضه مثل مارفضت غيره بس محد خلاه يوافق يتقدم لها الا قلبه لانه يحب ساره ولما تزوجت اول مره تعب ناصر وتنوم في المستشفى تقريبا حول الشهر وهذا اللي مخليه ماتزوج للأن)
    (تتوقعون ساره توافق ولا بتكسر قلب ناصر مره ثانيه؟؟؟)
    ##############################
    وفي بيت عمي سلمان (ابو نواف)
    كانوا البنات مجتمعين عند نوره عشان يشوفون صور الملكه
    نوره:بنات الظاهر مابتجي الصيفيه الجايه الا وكل وحده فبيت رجلها
    دلال:لاياحبيبتي انتي بس احنا لا صح بنات؟؟؟
    سمر:صحين
    باقي البنات:قولوا والله؟؟؟
    سمر ودلال:والله وطقوا ايدينهم في بعض
    دانه:اقول روحوا مناك انتوا ماتبون بكيفكم
    دلال:اقول وين صوره وجود ماشفتها؟؟
    نوره:هذي هي بسم الله عليها طالعه قمر
    دلال:ترى عمي قايل يبي يشوف الصور هو تحت؟؟
    نوره:مدري بس لحظه اهات روحي شوفي ابوي فيه ولا لا؟؟؟
    نزلت اهات ولقت عمي وتأكدت ان الشباب برى نزلوا البنات وجلسوا مع عمي ووروه الصور ولما شافهم
    قال عمي سلمان:ماشاء الله كلكم عرايس
    قالت سمر:ملاك ابي مويه روحي جيبي لي
    ملاك:لاوالله قومي انتي ما في احد الشباب برى
    سمر:متأكده؟؟
    ملاك:ايه
    راحت سمر المطبخ واخذت كاس وصبت مويه وكانت معطيه ظهرها لباب المطبخ الخارجي دخل زياد وشاف وحده وعلى باله نوره فقال:هلا والله بقلبي شخبارك؟؟؟
    سمر من سمعت الصوت وهي ترجف ماتدري وش تسوي قرب زياد ولف سمر وكان يقول:نوره ليش ماتردين؟؟؟وانصدم نا اللي واقفه قدامه سمر
    وسمر ضغطت على الكاس وانكسر بيدها وانجرحت مسك زياد يدها وقال:اسف ماكنت ادري انه انتي على بالي نوره وسمر من الالم والخوف صارت تبكي
    زياد:سمر خلاص بس امسحي ايدك بشوف الجرح اذا كبير ولا لا؟؟؟
    سمر توها استوعبت ان اللي واقف قدامها زياد فطلعت تركض شافتها نوره ومسكتها وقالت:يدك وش فيها؟؟؟
    سمر تاخذ نفس:انكسر الكاس في يدي بروح فوق عشان اعقم الجرح وطلعت بسرعه
    دخلت نوره المطبخ وكان زياد واقف مكانه وفي يده دم قالت نوره:وش فيها يدك انت بعد؟؟وبعدين وش جابك الحين؟؟؟؟
    زياد انتبه على نفسه وطلع من المطبخ ولا رد على نوره زياد مبعد استوعب انه شاف سمر لا ومسك يدها وانجرحت وطلع جلس بالمجلس
    فوق عند سمركانت نفس حاله زياد وكانت تاركه يدها تنزف وكانت تفكر ليش كان خايف علي ؟؟؟اللي صار عادي بس ليش كان خايف علي وش وراك يازياد وجتها نوره وقالت:سمر يدك تنزف
    انتبهت سمر وقالت:مارضى يوقف ما ادري وش اسوي فيه؟؟؟
    نوره :طيب بروح انادي دلال ونزلت نوره بسرعه ونادت دلال
    دلال:وش فيك؟؟؟
    نوره:تعالي بس وسحبتها لفوق وصلوالغرفه وكانت ايد سمر باقي تنزف دلال من شافتها راحت على طول ورفعت يدها عشان يوقف النزيف
    قالت دلال:نوره جيبي شنطتي وسمر بدت تدوخ جلستها دلال وجابت نوره الشنطه وطلعت دلال المعقم والشاش حاولت توقف النزيف وبعد ربع ساعه وقف النزيف
    بدت دلال تعقم الجرح ولفته وكانت تسولف مع سمر عشان ماتفقد وعيها ونوره راجت وجابت عصير شربت سمر وشوي بدت تصحصح
    سئلتها دلال:من ايش انجرحتي؟؟
    سمر:انكسر الكاس بيدي
    دلال تناظر توره يعني اللي تقوله صح اشرت لها نوره انه صح ونزلت نوره وتركتهم
    دلال:سمر من ايش انكسر الكاس بيدك؟؟؟
    سمر:كنت افكر وضغطت على الكاس وانكسر
    دلال:مو علي ياسمر انتي كنتي خايفه او مصدومه من شي صح؟؟؟
    سمر:لارد
    دلال:اذا ماتبين تقولين براحتك ماقالت سمر شي
    وعلى الساعه 10 كلن راح بيته
    ##########################
    مر شهر ماصار فيه أي جديد بأحداث ابطالنا الا انهم بدوا يتجهزون للاختبارات(خلوني اوصف لكم حالاتهم وهم يذاكرون)
    في بيت عمي عبدالله
    دلال كانت جالسه على الرض تذاكر والكتب والاوراق منثوره حولها واللاب مفتوح
    فهد كان متربع على السرير وجنبه كاس كوفي وبيده الكتاب ويذاكر
    نوف كانت تذاكر وكنها تتكلم في مايك
    ############
    في بيت ابوي(ابو عبدالرحمن)
    مها كانت تذاكر وتمشي في الغرفه رايحه جايه
    دانه كل شوي لها وضعيه ماتثبت على شي شوي منسدحه شوي جالسه شوي تمشي المهم انها تذاكر
    #################
    في بيت عمي سالم(ابو خالد)
    خالد كان يذاكر في الحوش وشلون مدري بس اهم شي انه يذاكر
    مهند كان يذاكر بالغرفه وبين وقت ووقت يكلم فهد عشان يفهمه بعض الاشياء
    عايشه نفس حاله دانه حالتهم صعبه الله يعينهم
    #########################
    في بيت عمي محمد(ابو سلطان)
    سمر تذاكر بحوسه مثل حاله دلال بس هي بدون اللاب
    هيام كانت حالتها غريبه ماتذاكر الا وهي منسدحه الله يعينها
    #################
    وفي بيت عمي سلمان(ابو نواف)
    نواف مدري كيف ينجح وهو يذاكر في الصاله عند التلفزيون والازعاج
    نوره كانت مثل مها تذاكر وهي تمشي وشوي وتشبر البيت
    زياد كان شبه يذاكر شوي يذاكر وشوي يفكر بسمر الله يستر لايرسب الله يعينه ويصبره على ماابتلاه
    اهات وملاك كانوا بنفس الغرفه يذاكرون وملاك كل شوي رايحه تسئل عن شي والمصيبه ان كل وحده بقسم اهات شالت اغراضها وطلعت للمختبر حقها وجلست تذاكر هناك
    #################
    وفي السكن
    روبي كانت تذاكر في الغرفه بس كانت تذاكر وكأنها تتكلم في المايك الله يهديها
    وعبير كانت بغرفتها وحولها حوسه كتب واوراق وكاس كوفي واللي تبون بس المهم انها تذاكر
    وجودكانت تذاكر بالصاله معها كاسه شاهي وحاطه السماعات باذنها ومعليه على الصوت وتذاكر
    #########################
    وهذا حال ابطالنا قبل الاختبارات وصح ساره وافقت على ناصر وناصر طاير من الفرحه وملكتهم باول اسبوع اجازه بعد زواج نوره
    بدت الاختبارات اليوم السبت اول ايام الاختبارات الكل كان خايف اللي مادته صعبه واللي يكره هالماده وحالات كثيره
    دخلوا القاعه الساعه8 الكل بدون استثناء والساعه 10:30طلعت دلال وكانت مبتسمه والساعه10:45طلعت سمر ودانه ونوره وبرضوا مبتسمين والساعه 11طلعوا مها ونوف وروبي وكانوا شبه مبتسمين والساعه 11:15طلعوا هيام واهات وملاك وعايشه والساعه 11:30طلعوا وجود وعبيروكانوا مبتسمين البنات على اول يوم حلو زين
    ##########################
    نروح لشباب دخلوا الساعه 8قاعاتهم والساعه 11طلع فهد مهندورائد وابتسامتهم شاقه الحلق والساعه11:15 طلع سلطان مبتسم والساعه 11:30طلع زيلد ونواف وكانوا الظاهر حالي زين والساعه 12طلع خاد وكان شبه مكشر الشباب على اول يوك فيه حلو وفيه لا
    رجعوا كلن بيته يذاكرون لاختبار يوم الاثنين
    #######################
    وفي السكن وجود وهي تذاكر كانت نفسيتها زفت من بعدما رجعت من البيت حاولت تعدلها بس مافي فايده
    عدى اول اسبوع حلو على البعض وشين على البعض بس اللي قاهرني زياد شلون يحل وهوشبه يذاكر ماشاءالله عليه
    بدى الاسبوع الثاني والبنات والشباب بدت طاقتهم تنفذ وخصوصا اللي عندهم نظري وعملي
    يوم الاثنين من الاسبوع الثاني وجود كان عندها عملي بالتشريح وكانت تنتظر هالاختبار والله يستر واهات وفهد ومهند ورائد بعد عندهم عملي الله يعينهم وان شاءالله يحلون زين
    فجر الاثنين وجود مانامت ماتدري ليش المهم الساعه2 دقت على دلال تصحيها وبعدين دقت على باقي البنات وراحت تسوي لها شاهي عشان تصحصح
    صحت دلال وراحت تصحي فهد دقت الباب
    فهد:ادخل
    استغربت دلال فتحت الباب وقالت:غريبه صاحي مو بالعاده
    فهد:العملي مسوي عمايله اول مره احس اني خايف من اختبار
    دلال:الله يوفقك
    فهد:امين بس انتي وش اللي مصحيك الحين؟؟؟
    دلال:انا قايله لوجود تصحيني عشان اراجع مادتي دسمه اليوم
    فهد:اها كيف اختباراتها؟؟؟؟
    دلال:تقول حلو بس مدري عنها
    فهد:طيب اليوم وش عليها؟؟؟
    دلال:عندها عملي اظن تشريح
    فهد:مثلي الله يعينها ويوفقها ويوفقك
    دلال:امين ويريح قلبك وطلعت
    ###################
    في الجامعه:
    دخلت وجود وعبير الاختبار ووجود وهي تشتغل حست بدوه وحاولت توازن نفسها وكملت شغلها وطالعت الساعه باقي لهم ساعه الا ربع شوي ورجعت حست بدوخه انتبهت لها عبير وكانت تكلم وجود بالعيون وتسئلها:وش فيك؟؟؟
    ردت وجود عليها بنفس الطريقه:مافيني شي وكملوا شغلهم وطلعوا على الساعه 11 وفي بعض البنات كانوا طالعين من الاختبار ومن ضمنهم دلال
    ودلال من شافت وجود راحت تركض وسئلت:بشري كيف الاختبار؟؟؟
    وجود وهي تبتسم:الحمدالله حلو
    دلال:ليش وجهك كذا فيك شي؟؟؟؟
    وجود:لابس شويه تعب
    دلال:متأكده؟؟؟
    وجدو ماعاد تقدر توازن نفسها وطاحت ومسكوها دلال وعبير وبعد ربع ساعه صحت وجود وكانوا عبير ودلال فوق راسها عدلت وجود نفسها انتبهت لها دلال
    دلال:وجود انتي بخير؟؟؟
    وجود:ايه بخير بس كيف وصلت هنا؟؟؟
    عبير:اغمى عليك وجبناك هنا وطلعت
    قالت دلال:وجود وش فيك انتي من قبل الاختبارات وانتي فيك شي؟؟؟؟؟
    وجود:مافيني شي
    دلال:وجود مو علي انا دلال مو وحده من البنات
    سكتت وجود بعدين قالت:بس تعب اختبارات
    دلال:دوري كذبه غيرها اللي فيك مو تعب اختبارات اللي فيك شي اكبر من الاختبارات وتعبها؟؟؟؟؟؟؟؟؟؟
    وجود:اهــ يادلال وش اقولك
    دلال:وجود قولي لاتخوفيني
    قالت وجود لدلال كل شي من بدايه قصتها مع وليد لين الحين
    ودلال كانت مصدومه وقالت:كل هذا جواك وساكته طلعت وجود الدفتر ومدته لدلال
    قالت دلال:وش هذا؟؟؟
    وجود:افتحي وشوفي
    فتحت دلال الدفتر وكانت تقراه لين وصلت لصفحه اللي كتبتها وجود يوم وفاه وليد قرتها وبعدين فتحت الصفحه اللي بعدها وكانت اخر شي كتبته وجود بالدفتر بعد ملكه نوره وقرتها وسكرت الدفتر مندهشه من الكلام اللي مكتوب بالدفتر
    دلال:طيب ليش ماقلتي لي؟؟
    وجود:مالقيت فرصه بعدين كنتي بتتعبين معي خصوصا وسكتت شوي بعدين كملت خصوصا لما عرفت انه يلعب علي وانه يحب غيري واللي تعبني اكثر وفاته تذكرين لما دخلت المستشفى لمده شهر وعليها؟؟
    دلال:ايه
    وجود:هو السبب ويوم الاربعاء اللي جيت فيه للبيت صادف انه نفس يوم وفاته وهذا اللي ما خلاني انام وهذاك اليوم كنت في البلكونه ابكي على نفسي وحبي اللي مايستاهله وبعدها قررت اقفل قلبي للأبد وماعاد اثق بأي احد
    اقول لكم قصه وجود مع وليد(وجود كانت تحب ولد خالتها وليد وهو كان يحبها تموا سنه ونص عايشين قصه حب ووليد كان اكبر منها بسنه يعني كبر فهد وجود حبته بكل مافيها حبته لدرجه الجنون بس للأسف هو كان يلعب عليها لانه يحب بنت عمه وبعد سنه ونص جاء وقال لوجود انا كنت العب عليك كنت اتسلى فيك لأني انا احب بنت عمي وبعدها بسبوعين مات بحادث ومن بعدها وجود صارت شي ثاني صارت تتحدى وتواجه وهذاكله كان درس صحاها على اشياء كثيره)
    دلال كانت تقول في نفسها:الله يعينك يافهد لو عرفت بهذا كله وش بيصير فيك؟؟
    قالت وجود:دلال مابي احد يعرف بالموضوع انا بنساه ان شاءالله
    دلال:ان شاءالله واذا بغيتي شي قولي لي اوك
    طلعت دلال وهي تفكر 7سنوات وهي كاتمه كل هذا وساكته لو انها انا كان مت من زمان الله يصبرها ويساعدها على نسيانه انتهت اختبارات لطلاب الجامعه وبدت اختبارات لطلاب الثانويه
    #########################
    يوم السبت كانوا البنات يضفون اغراضهم وماجت الساعه 5العصر الا وهم خالصين ماكان ودهم يفارقون هالمكان صار بيتهم وودعوا بعض وعبير وروبي بكوا طلعوا البنات وسكروا الباب وسكروا صفحه حلوه من حياة كل وحده ولما وصلوا تحت ودعتهم سعاد وكانت تبكي ودعوها وطلعوا كل وحده ركبت سيارتها وجود مع السواق وعبير مع اخوها حمد وروبي مع بندر
    وفي سياره حمد ركبت عبير وهي تبكي سئلها حمد:وش فيك؟؟؟؟
    عبير:لارد
    وقف حمد السياره ولف على عبير وسئلها:وش فيك تبكين؟؟؟
    عبير:في البيت اقولك
    حمد:بتخليني على اعصابي لين نوصل البيت
    عبير:الموضوع تافه
    حمد:تافه وكل هذا البكي؟؟؟
    عبير:حمد خلاص بالبيت اقولك
    ##############################
    وفي سياره بندر ركبت روبي وهي تبكي خاف بندر وسئلها:وش فيك؟؟؟
    روبي:مافيني شي
    بندر:كل هالدموع ومافيك شي خلينا نوصل الشقه ونتفاهم
    ######################
    وعند وجود من تغطت ودموعها تنزل وصلت البيت وماحبت احد يشوفها بالوضع راحت على طول عند المسبح فصخت عبايتها وحطت اغراضها في الغرفه وجلست عند المسبح ساعه ولما جت الساعه6:15قامت ودخلت الغرفه وغسلت وجهها وحطت شوي مكياج عشان يخفي التعب اللي واضح بوجهها والبكي اللي قبل شوي حطت عبايتها على يدها وشنطتها بيدها الثانيه ودخلت البيت كانوا كلهم مجتمعين بالصاله من فتحت الباب الكل لف دخلت وجود وصكت الباب وكانت مبتسمه قالت:السلام عليكم
    قام فيصل على طول وضمها وقال:وحشتيني موت
    ضمته وجود وقالت:وانت اكثر بس ممكن تخليني اسلم على الباقين عشان مايهزؤون فكها فيصل وسلمت على الكل وجلست وجلس جنبها فيصل ومن الجهه الثانيه بدر وسوالف وضحك ولما جت الساعه 8قامت وجود مسكها بدروقال:على وين؟؟؟
    وجود:بروح اودي اغراضي فوق وارتبهم
    بدر:ربع ساعه واجيك طيب
    وجود:طيب


    يتبع......




    تكمله البارت الرابع
    ،
    وفي بيت ابو حمد
    وصلت عبير وسلمت على اهلها وطلعت غرفتها جلست على السرير بعد ماشافت غرفتها ماتعني لها الكثير بس حبتها دق الباب
    عبير:ادخل
    فتح حمد الباب ودخل وقال:ممكن اتكلم معك؟؟؟
    عبير:اكيد حياك
    جلس حمد وقال:لي شكتي تبكين لما ركبتي؟؟؟
    عبير:ماكان ودي اطلع من السكن
    حمد:وليش ان شاءالله؟؟؟؟
    عبير:جيت غربيه تعرفت على وجود وصرنا بغرفه وحده وتعرفت على روبي ودانه ودلال وسمر وعايشه واها وملاك وهيام ونوره ونوف وسعاد حبيتهم عاملوني على اني وحده منهم مو وحده غريبه حبيتهم والغرفه ماكانت لي كانت للكل كنا نجتمع وقت الضحك وقت البكي وقت الخوف وقت الجنون وبكت
    استغرب حمد تعلقها بالسكن والبنات بس ماقال شي وضمها
    وكملت عبير:تعودت عليهم صاروا خواتي اللي ماجابتهم امي نسوني اني انتقلت من بلد لبلد حسسوني اني في ديرتي وجالسه مع اهلي وتضايقت لما انتهت السنه ولما ودعت البنات كنت اقول في نفسي عادي بتشوفينهم بس لما جيت اودع وجود وروبي وسعاد ماقدرت ابي اغمض عيني وافتحها والقى نفسي بالسكن بينهم نتهاوش على فلم ولا على عشا وصارت تضحك
    سئلها حمد:لهدرجه حبيتيهم؟؟؟
    عبير:واكثر ويمكن لما تعرفهم انت بعد بتحبهم بس ان شاءالله بشوفهم الاسبوع الجاي
    ########################
    وعند بندر وروبي طول الطريق وهم ساكتين ولما وصلوا لشقه دخلوا وسلمت روبي على رائد ودخلت غرفتها وصكت الباب
    دق الباب روبي:مين؟؟
    بندر:انا افتحي
    روبي:انا بنام
    بندر:روبي افتحي الباب شوي بس
    روبي:بندر بنام تعبانه من يومين مانمت بعدين نتكلم تركها بندر وراح جلس في الصاله
    سئل رائد:وش فيها؟؟؟
    بندر:مدري من طلعت من السكن وهي تبكي ولماسئلتها قالت بعدين اقولك ومن وصلنا دخلت الغرفه وتقول تعبانه بنام
    رائد:لما تهدا كلمها واعرف وش فيها
    بندر:ان شاءالله
    وجوى عند روبي انسدحت وصارت تبكي ونامت من البكي
    ########################
    وفي الكوفي اجتمعوا الشباب فهد ومهند وزياد
    فهد:اف ياذا الاختبارات مابغت تخلص
    مهند:من جد بغت تطلع روحي بالعملي
    زياد:الله يستر بس وننجح
    فهد:ان شاءالله انا ضامن كل شي الا العملي حق صالح الله يستر منه
    زياد:اقول متى تطلع النتايج؟؟؟
    مهند:اتوقع الاسبوع الجاي وسكت يفكر
    طقه فهد:وين رحت؟؟؟
    مهند:قريب
    فهد:تبي تعرف اخبارها؟؟؟
    سكت مهند
    قال زياد:انت ليش تسأله ياخي قوله هو مستحي منك لانها اختك
    فهد:وش قلت يامهند؟؟؟
    مهند:اللي يريحك
    ودق جوال فهد وكان بين فهد ومهند وكان خالد رد فهد:هلاوالله
    خالد:هلا فيك شخبارك؟؟
    فهد:تمام انت شخبارك؟؟؟
    خالد:عايش بس انتم وينكم؟؟؟
    فهد:بالكوفي ..........ليه بتجي؟؟؟
    خالد:اجل ليه اسألك؟؟؟
    فهد:اقصد لحالك؟؟؟
    خالد:لانواف معي
    فهد:اوك اجل احنا ننتظركم
    وصلوا خالد ونواف وجلسوا يضحكون واصواتهم كانت عاليه جاهم النادل وطلب منهم يقصرون اصواتهم ولا يطلعون برى حاسبوا وطلعوا وراحوا لبيت نواف وزياد وكملوا السهره هناك
    #####################
    انتهى الاسبوع الاول من الاختبارات الثانويه واليوم الخميس وجود كانت صاحيه من بدري طفشانه مثل حال كل البنات لانهم امس ماجتمعوا فتحت وجود اللاب ودخلت تشوف النتايج طلعت ولا لا بعد عشر دقايق صرخت:يس وطلعت من الغرفه تركض فتحت غرفه دانه مافي احد راحت غرفه مها مالقت احد نزلت تركض وتصارخ :مها دانه وينكم؟؟؟
    طلعوا مها ودانه بوجه وجود قالت مها:وش فيك؟؟؟
    وجود:نجحنا
    دانه:كذابه؟؟؟
    مها:وش نتيجتي؟؟؟
    وجود:تعالوا فوق وشوفوا وطلعوا فوق يركضون ووجود ارسلت للبنات وباركت لهم بالنجاح وصلوا الغرفه ودق جوال وجود وكانت دلال وردت:هلاوالله وغلا
    دلال:هلا بك زود ياقلبي الا من جدك طلعت النتيجه؟؟؟؟
    وجود:ايه ونجحتي ادخلي الموقع وشوفي النتايج
    دلال:طيب اخليك بشوف نتيجه فهود واكلمك بعدين
    وجود:اوك وسكرت صرخوا عندها مها ودانه وقاموا ضموها ونزلوا تحت وهم يركضون عشان يأكدون لأهلهم
    #############################
    وفي بيت عمي عبدالله(ابو ناصر)
    طلعت دلال من غرفتها ونزلت بسرعه تصوت فهد فهود وصلت تحت وشافتهم كلهم بالصاله فهد من سمع صوتها يحسب ان فيها شي ونل بسرعه وقال:دلول وش فيك؟؟؟
    دلال وقفت تاخذ نفس بعدين قالت:نجحتوا مبروك
    فهد:انتم نجحتوا انا وش دخلني؟؟؟؟؟
    دلال:ياغبي نتيجتك طلعت ونجحت وقربت منه وقالت ترى ابي البشاره عشان اعطيها وجود
    لف فهد من سمع اسم وجود وقال :نعم وجود؟؟؟
    دلال:ايه هي اللي قالت لي ان النتايج طلعت
    ابتسم فهد وقال:باركي لها بالنيابه عني وطلع فوق
    ##########################
    وفي بيت عمي محمد(ابو سلطان)
    سمر من وصلها المسج نزلت تحت وتصرخ :يمه يبه ولما وصلت الصاله قالت امها:وش فيك تصارخين على الصبح؟؟؟؟
    سمر:نجحنا
    عمي محمد:من جدك؟؟؟
    سمر:ايه توها وجود قالت لي ونزلت هيوم وشافت سمر وصرخوا وضموا بعض
    #########################
    وفي بيت عمي سلمان(ابونواف)
    نوره كانت جالسه في الصاله ومعها زياد ونواف وفجئه صرخت :واو
    زياد ونواف تخرعوا قال نواف:يالمجنونه وش فيك تصرخين؟؟
    الا سمعوا صوت صراخ من الدرج وقاموا يشوفون وش فيه
    وكانوا اهات وملاك ومن شافوا نوره قالوا نجحنا وضموها
    زياد ونواف قالوا :الحمدالله والشكر مجانين
    قال نواف:شكلكم تحلمون صح؟؟؟
    اهات:لاياغبي النتايج طلعت
    زياد:قولي والله؟؟؟
    ملاك:قسم وبعد هالكلمه ماشافوا الا غبره زياد
    ##########################
    وفي بيت عمي سالم(ابو خالد)
    عايشه كانت بالغرفه وكان مهند جالس معها ويسولف يبي يعرف اخبار سمر بس مافي امل وشوي الا صرخت وضمت مهند ومهند جالس مصدوم
    قالت عايشه:نجحت
    مهند جالس مايدري وش السالفه وقال:نعم؟؟؟
    عايشه:نجحت وبعدين قالت ترى النتايج طلعت
    مهند توه استوعب وقال:اجل مع السلامه
    #####################
    وفي شقه بندر
    كانوا جالسين في الصاله وروبي من وصل المسج ما استوعبت وسكرت المسج وحطت الجوال بعدين اخذت الجوال
    سئلها رائد:وش فيك؟؟؟؟
    روبي:ولا شي ودقت على وجود
    ردت وجود:هلاوالله شخبارك؟؟؟
    روبي:هلا بك زود تمام اخبارك انتي؟؟؟؟
    وجود:دوم الحمدالله مبروك النجاح
    روبي:تدوم انفاسك ايه
    وجود:وشو اللي ايه؟؟
    روبي:مدري
    وجود:يابنت اصحي شوي انتي نجحتي
    روبي تستوعب انها نجحت وقامت وصرخت وطاح منها الجوال وكانت تنطط وراحت لغرفتها
    قام بندر واخذ الجوال وقال:الو
    وجود تقول في نفسها:الله ياخذك ياروبي وقالت:الو روبي وين؟؟؟؟
    ابتسم بندر وقال:مدري عنها قامت تصرح وتنطط وراحت الغرفه
    وجود:طيب مع السلامه اكلمها بعدين
    بندر:لحظه
    وجود تقول الله يستر:نعم؟؟؟
    بندر:انتي وش قلتي لها؟؟؟
    وجود:بس عشانها نجحت مع السلامه وسكرت
    ابتسم وقام يصوت:روبي روبي
    جت تروبي بسرعه وقالت:نعم
    بندر:وين طسيتي؟؟؟؟
    روبي:ليش؟؟؟
    بندر:ذبيتي الجوال وصديقتك على الخط
    شهقت روبي واخذت الجوال من يده
    قال بندر:سكرت وصح مبروك النجاح
    روبي صارت تضحك استغربوا رائد وبندر
    قال رائد:ليش مبروك؟؟؟
    بندر:نجحت قم شف نتايجك طلعت ولا لا؟؟؟؟
    روبي تضحك مر من عندها رائدوقال:الحمدالله والشكر وطقها على راسها
    سئلها بندر:ليش هالضحك؟؟؟
    روبي ولا كن احد يكلمها تضحك
    طقها بندربخفيف عشان تنتبه سكتت بس مارفعت راسها ورجع سئلها:ليش هالضحك؟؟؟
    روبي:افكر وش بتسوي وجود فيني
    بندر:ليش؟؟؟
    روبي:عشاني تركت الجوال وهي على الخط
    بندر:بس؟؟؟
    روبي:ايه
    مد بندر يده ورفع راسها كانت تبكي انصدم توها تضحك ضمت روبي بندر على طول بدون أي كلمه
    سئلها بندر:ليش تبكين؟؟؟
    روبي:تمنيت امي تكون معي وبكت بندر ماعرف وش يسوي غير انه ضمها يهديها
    ##########################
    وفي بيت ابو حمد
    عبير من عرفت بالخبر فرحت وبلغت اهلها بس ما اهتموا لها وحتى كلمه مبروك ما قالوا لها وحمد كان سهران برى وبعد ساعه تقريبا جا حمد وطلع فوق ولما جا يطق الباب على عبير سمعها تبكي
    دخل بسرعه وقال:عبير وش فيك؟؟؟؟
    عبير مسحت دموعها وقالت:مافيني شي بس متضايقه شوي
    راح حمدوجلس جنبها وقال:ممكن اعرف وش اللي مضايقك؟؟
    عبير:بس عشاني اشتقت للبنات وصح تراني نجحت
    حمد:بس اوديك لهم ماطلبتي شي والله الف مبروك حبي وعقبال التخرج ان شاءالله
    عبير:الله يبارك فيك لاخل الزياره الاسبوع الجاي احسن
    حمد:براحتك انا بروح انام
    عبير:نوم العوافي وطلع ورجعت عبير تبكي
    انتشر خبر النجاح في كل العايله واتفقوا البنات يسون حفله بس بعد الاختبارات
    #######################
    ويوم الجمعه اجتمعوا جدي وعمامي وابوي في بيت عمي سلمان وقررو بعد الاختبارات نجتمع بالمزرعه انتشر الخبر وبدى الكل يجهزون للمزرعه لأنهم بيجلسون فيها شهر ونص انتهت الامتحانات على خير وانتهى عرس نوره وكان حلو والله يوفقها مع تركي وناصر ملك على ساره بدون حفله لانهم مايبون
    اليوم الاربعاء يوم الروحه للمزرعه
    وجود ودلال ماناموا نزلت وجود عند جدها وجلست تسولف معه وسئلها:ليش مانمتي بعد الصلاه؟؟
    وجود:لاني بروح معك المزرعه الحين
    جدي:ليش الحين ؟؟
    وجود:احلى الحين عشان اخذ راحتي بعدين الشباب فيه
    جدي:اجل قومي اجهزي خلني اكلم عمامك واشوف من بيروح كلم جدي عمامي محدب يروح الا عمي عبدالله وطبعا دلال
    بعد ما استأذنت وجود من ابوها طلعت مع جدها وكانت الساعه4:30الفجر تحركوا للمزرعه وهم بالطريق شافت وجود سياره فهد واستغربت وش جابه
    ارسلت مسج لدلال(انتي بتجين ولا لا؟؟)
    دلال من رن الجوال عرفت مين وفهد لف على طول طلعت دلال الجوال وفتحت المسج وقرته وضحكت وردت(الا انا بالسياره اللي وراك ياغبيه)
    ردت وجود(انتي جايه مع عمي؟؟؟)
    دلال(لامع فهد ليش؟؟؟)
    اتصلت سمر بوجودوردت:هلا
    سمر:هلافيك انتم طلعتوا للمزرعه؟؟؟
    وجود:بالطريق ليش؟؟
    سمر:ابيكم تاخذوني
    وجود:مايمدي احنا بعيدين مره
    سمر:خلاص اشوفكم بعدين وسكرت
    ارسلت وجود لدلال (بس اسأل لاني ماشف سياره عمي)
    دلال(ايه جاه شغل ضروري بيجي بعد شوي)
    وجود(اوك اشوفك)
    وصلوا المزرعه الساعه5:15 ودخلوا من قسم الحريم كان فيه طريق لسياره وعلى اليمين فيه خيمه للجلسه وعلى اليسار ثيل وورد شوي بعدين فيه زي النهر وعليه جسر وبعدين فله كبيره تصميمها كان حلو والباقي كان شجر وورد وبعد مسافه طويله فيه باب يدخل على قسم حاطينها للجمعات وفيه غرفه وحده والباقي ثيل واشجار للجلسه وهذا مكان تجمع البنات دايم وفيه مراجيح(ملاهي) وبعد مسافه في باب يدخل على قسم الرجال امشي شوي فيه على اليمين مجلس لرجال بعد شوي على اليسار فله لشباب وبعدها شوي لف يمين ياخذك على الاسطبل الخيول وفي طريق ثاني الأسطبلاللي هو من ورى المطبخ في القسم النسائي اللي يطلع من الباب الخارجي للمطبخ بعد مسافه يوصل للأسطبل بدون محد يشوفه
    دخلوا المزرعه ووقفوا السيارات ونزلوا جت دلال تسلم على وجود وبعد السلام قال جدي:ادخلوا جوى وضفوا البيت قبل محد يجي
    قالت وجود:بعدين ياجدي محد بيجي الحين نبي نروح للخيل مشتاقه له موت
    فهد من سمع كلمتها وصار يناظر فيها وهي كانت معطيته ظهرها
    قال جدي:يله بس مانطول
    دلال:اوك يله فهد
    فهد ماكان معهم كان يفكر بكلمه وجود مشتاقه له موت طقته دلال
    وقالت:يله
    فهد:وين؟؟؟
    جدي:الظاهر منت معانا اللي ماخذ عقلك يتهنى فيه
    ابتسم فهد وقال:ايه والله يتهنى فيه وهو يناظر وجود
    قالت دلال:يله نروح الاسطبل
    فهد:يله وركبوا بسياره وراحوا الاسطبل وطبعا وجود كانت لابسه لبس خاص بالخيول وصلوا هناك ولما نزلوا دخلت وجود الاسطبل وراحت لخيلها(الشامخ)مثل ماسمته
    فتحت له الباب وراحت ضمته وبعدها دخل فهد ودلال وفهد من شافها ضامه الخيل استغرب
    قالت دلال:لايروح بالك بعيد هذا اللي هي اشتاقت له
    ابتسم فهد وقال:وش دراك باللي براسي؟؟؟
    دلال:عيونك فاضحتك
    فهد:خلاص طيب غيري الموضوع جت
    جت وجود والخيل بيدها
    قال فهد:لحظه وجود
    وقفت وجود وكان فهد واقف بوجهها على طول نزلت عيونها وقالت:نعم؟؟
    فهد:ليش مطلعه الخيل؟؟؟؟؟
    رفعت وجود عيونها وقالت:فيه شي؟؟؟
    فهد:بس اسأل
    وجود:مالك شغل ودلال كانت تضحك وزادت ضحك لما وجود فشلت فهد
    قال فهد:براحتك وصح مبروك على النجاح ادري متأخر بس توها تجي الفرصه
    وجود:الله يبارك فيك ومبروك لك وسحبت خيلها وطلعت
    لف فهد لدلال وقال:خلاص ماصار ضحك اسكتي
    سكتت دلال ولحقت وجود ووجود اخذت الفرصه وجود فهد داخل الاسطبل وركبت الشامخ وقالت لجدها:يله اركب معي
    جدي:لامابي
    وجود:يله بنتمشى شوي ونرجع
    جدي:قلت لا
    وجود:جدي بس نشوف الشروق ونرجع مانطول
    جدي:طيب اذا تأخرنا بطقك
    ضحكت وجود وقالت:من عيوني مانتأخر بس يله فهد ودلال كانوا حاضرين هذا كله راح فهد وطلع خيل وركب هو ودلال وجدي معي
    كانوا يمشون شوي بعدين بدت وجود تزيد سرعه الخيل نوعا ما صار شبه يركض
    قال جدي:وجود امشي مثل الناس ولا انزل واخليك
    هدت وجود وقالت:خلاص بهدي كل شي الا انك تنزل
    فهد كان مستانس وطول الوقت وعيونه على وجود
    قالت دلال:كن السالفه عجبتك؟؟؟؟؟
    فهد:وشو؟؟؟؟
    دلال:تراها شوي وتكفخك يعني لاعاد تناظرها
    فهد:وش دراها؟؟؟
    دلال:شلون تعرف مادري بس لو تميت تناظرها اقرب شي عندها بتطقك فيه
    فهد:احلى يا سر المهنه فداها خلها تطقني
    دلال:هيه يالحبيب انتبه ترانا مولحالنا جدي فيه يعني اعقل
    فهد:طيب خلاص
    مشوا شوي بعدين وقفوا لما بدى الشروق نزل جدي من الخيل وفهد بعد
    وجود كانت جالسه على الخيل تشوف الشروق وفجاءه لفت على فهد وفهد كان يناظرها نزل عيونه على طول ورجعت وجود تطالع الشروق ودلال ميته ضحك قربت عند وجود اللي كانت في قمه التوتر
    قالت وجود:فهيدان وش فيه يناظرني؟؟؟؟
    قالت دلال:يحش فيك؟؟؟
    وجود:نعم؟؟؟
    دلال:يقول انك الى الان ماتركتي هبالك حتى مع جدي
    وجود:هذا انا مافي امل اتغير بس من كثر مايناظرني وترني بغيت انزل عليه واكفخه دلال صارت تضحك
    وجود تناظر دلال ليش تضحك هي ماقالت شي يضحك وفهد من سمع دلال تضحك على طول لف
    قال فهد:وانتي طول يومك تضحكين
    دلال وكلامها مقطع:كيفي خلني اضحك
    والساعه 7:30قال جدي:يله نرجع
    وجود:بس شوي ياجدي
    جدي:لك ساعه بس تقولين شوي قومي يله
    قامت وجود وقالت:يله مشينا وركبت الشامخ وقالت يله ياجدي
    قال جدي:انا بروح مع فهد خوذي دلال
    وجود:اللي يريحك وركبت دلال مع وجود ورجعوا ونزلت وجود من الشامخ ودخلته الاسطبل ولحقها فهد بس ماقال شي
    ولما جت الساعه1جتمعت العايله كلها واجتمعوا
    البنات في القسم اللي بالنص
    قالت ملاك:بنات وش رايكم نسوي بكره حفل لنجاحنا
    هيام:ايه حلو وفي المزرعه يعني بناخذ راحتنا الكل وافق
    قالت وجود:بنات فيكم طاقه؟؟؟
    البنات:ايه
    وجود:تبون تلعبون؟؟؟
    سمر:توني بتكلم بس سبقتني عن نفسي ايه وانتوا؟؟
    البنات:ايه
    قاموا البنات يلعبون حبشه ومويه ثلج لين تعبوا وجلسوا
    قالت عايشه:ابي مويه تعبت من ساعه واحنا نلعب
    نوف:احد فيكم يروح يجيب مويه بنموت من العطش
    قالت وجود:انا بروح مين يروح معي بسرعه قبل لااهون
    عايشه:يله انا بروح معك
    قالت ندى:سوو سباق بينكم مين اللي يوصل للبيت اسرع
    مها:وشلون نعرف اللي فازت
    دانه:كل وحده وضميرها
    سمر:يله واحد اثنين ثلاثه
    تحركوا وجود وعايشه سباق لين وصلو البيت بوقت واحد اخذوا المويه ورجعوا ركض مثل ماراحوا وبرضوا وصلوا مع بعض عطوا البنات مويه ودق جوال وجود وقامت من عند البنات
    قامت وجود من عند البنات وجلست على المرجيحه معطيه البنات ظهرها
    وجود:طيب هدي نفسك خلاص
    :تعبت ياوجود ماعاد اقدر احس اني من الشارع مو بنتهم
    وجود:عبير وش هالكلام انتي اهدي ولا اجيك الحين
    عبير:لارد
    وجود:حبي لاتزعلين هم يحبونك
    عبير:واضح يحبوني اشوفهم يسئلون عني ولا كأني بالبيت محد يفكر بعبير الا حمد الله يخليه لي
    وجود:امين بس انتي اهدي ترى والله اجيك الحين
    عبير:لاخلاص بهدى بس تدرين ودي اكون معكم بالمزرعه
    وجود:بس ماطلبيتي شي بتجين انتي واهلك بعد
    عبير:ايه في الحلم
    وجود:لاياحبي يومين وانتي عندنا هنا انتي ماتدرين ان ابوك يشتغل عندنا بالشركه وهو صديق ابوي
    عبير:قولي والله؟؟؟؟
    وجود:والله وكلها يومين وتجين المزرعه عندنا
    جت اهات من ورى وجود ودفت المرجيحه وصرخت وجود
    وقالت وجود لعبير:اكلمك بعدين وسكرت وقامت تلاحق اهات ويصارخون وصاروا يدورون على البنات وهم يصارخون
    دق الباب من جهه الرجال سكتوا البنات ووجود لازالت تلحق اهات بس على الصامت وطق الباب مره ثانيه بس مافي رد من البنات
    دق جوال وجود وكان عمي فيصل ردت:هلا
    عمي فيصل:هلافيك انتم وينكم؟؟؟؟
    وجود:ليش؟؟؟؟
    عمي فيصل:الحين اسألك وتردين علي بسؤال انا اطق الباب ليش ماتفتحون؟؟؟
    وجود:انت اللي تطق الباب؟؟؟؟؟
    عمي فيصل:وجود وش فيك؟؟ ايه افتحي الباب
    وجود:طيب وسكرت وقالت للبنات عمي فيصل بيجلس معنا وفتحت الباب ودخل عمي فيصل وسلم على الكل
    وقال:وش فيكم تصارخون؟؟؟؟
    ندى:نلعب ووجود واهات الى الان يتلاحقون
    لف وشافهم وقال:وهذولا وش فيهم يلعبون لحالهم؟؟؟؟
    دلال:عادي شي طبيعي
    سمر:عمي تلعب معنا؟؟؟
    عمي فيصل:امممم اوكي يله قامت ندى تصوت:وجوود اهاات تعالوا جو وجود واهات وقالوا لهم ان عمي فيصل بيلعب بدوا اللعب وكان وناسه وماوقفوا الا لما اذن الظهر جلسوا هلكانين ماعاد فيهم طاقه وعمي راح يصلي رجعوا البنات البيت وكان فيه سباقات مين يدخل الحمام(عزكم الله)عشان ياخذون شور
    انتهى اول يوم كان وناسه وضحك وهبال وحلو على الكل
    ##############
    اليوم الثاني
    الكل قام عشان يصلي الفجر ورجع نام الا دلال وسمر ووجود ماناموا واتفقوا يروحون عند الاسطبل طلعوا من الباب الخلفي للمطبخ ومشوا لين وصلوا عند الاسطبل
    قالت دلال:خلونا نرجع تخيلوا يشوفنا احد
    وجود:اذا خايفه ارجعي
    دلال:ارجع لحالي؟؟
    سمر:ايه
    دلال:لا
    وجود:اجل كملي معنا ودخلوا الاسطبل ووجود راحت لشامخ وطلعته شوي وسمعوا صوت يقرب دخلت وجود الشامخ وتخبوا ورى اكل الخيل وكان الشامخ يناظر المكان اللي هم متخبين فيه
    انفتح الباب ودخلوا زياد ومهند وفهد وكانوا يضحكون
    قال زياد:ياخي ماعاد صرت اعرف انام
    مهند:مولحالك بس احنا مومثل حالك احنا اخف
    فهد:تكلم عن نفسك يس يازياد الظاهر انها جننتك بنت العم
    وعند البنات منصدمين من الكلام وكملوا يسمعوا الباقي
    زياد:ايه والله ياخي تجيني حاله بعض الاحيان احس انها معي واكلمها
    مهند:كل هذا سوته فيك بنت عمي محمد والله موهينه
    سمر من سمعت بنت محمد خافت تبيهم يقولون الاسم
    قال فهد:زياد هبلت فيه سمر وانت مو مثله
    سمر من سمعت اسمها انصدمت ان زياد يحبها
    قال زياد:اقول مهند تراك منت اهون مني يعني بتقنعني ان دلال مهي مجننتك؟؟
    دلال مثل حاله سمر واكثر واللي صدمها اكثر ان مهند يحبها مثل ماتحبه وهي على بالها ان مهند مايحبها وصار ميت عليها
    قال مهند:اهـ بس خلني ساكت احسن
    فهد:تصدقون محد مرتاح فيكم كثري
    مهند:ليش ان شاءالله؟؟؟
    زياد:لايكون تكلمها وحنا ماندري؟؟؟؟
    ضحك فهد وقال:اليوم شفتها وسولفنا مع بعض وجلسنا مع بعض وزين ماتهورت ورحت قلت لها حسي فيني خلاص
    مهند:حركات من ورانا يافهود؟؟
    وعند البنات دلال عرفت عن مين يتكلم وسمر ووجود يسمعون لباقي الكلام
    قال فهد:اهـ لو اقدر اقولها اني احبها بس مابي اعرف انها تحبني ولا لا؟؟
    زياد:انت من جدك؟؟
    فهد:ايه يعني هي بتفكر فيني ولو فكرت ماراح تحبني انا كل اللي ابيه انها تكون بخير لو تكون مع غيري
    مهند:فهد وش تقول؟؟
    فهد:اقول الصدق هي ماتحبني وانا مابجبرها تحبني واذا جاها نصيبها ووافقت الله يوفقها صح بتعب كثير بس المهم انها بخير
    زياد:كل هذاسوته فيك وجود؟؟؟
    فهد:اهـ بس واكثر يازياد
    مهند:الله يعينك ويعينا معاك
    وعند البنات وجود من سمعت كلام فهد ودموعها تنزل ليش ماتدري واللي زاد الطين بله انه يحبها(يمكن لانه صادق بكلامه او لأنها ماعاد تثق في الحب) استغربوا البنات دموع وجود بس ماقالوا شي
    راح فهد عند الشامخ والشامخ هاج نوعا ما
    قال زياد:حتى خيلها مثلها عنادي
    فهد:ان شاءالله بروضه واروض قلب صاحبته
    وجود من سمعت كلامهم ابتسمت بنص دموعها ودق جوال سمر اللي نست تحطه على الصامت ومن دق والشباب يدورون الجوال بالاسطبل سمر من الخوف رمت الجوال على وجود وحطته وجود صامت والشباب باقي يدورون وفهد كان واقف عندهم لو لف كان شافهم بس نادوه الشباب
    قال فهد:تصدقون اني احسها معي هنا
    مهند:كنك بديت تنجن؟؟؟
    فهد:اتكلم من جد المكان فيه ريحه عطرها
    زياد:ياحركات تعرف عطرها بعد
    قال فهد:اجل تحسبني مثلك وطلعواالشباب ومن طلعوا الشباب اخذوا البنات نفس وقاموا عشان يرجعون للفله وكل وحده مصدومه من اللي سمعوه دخلوا القسم الوسطي وجلسوا
    قالت دلال:انتم مصدقين ان مهند يحبني مثل ما احبه؟؟؟
    قالت سمر:زياد يحبني انا من جدكم ولا تستهبلون؟؟؟ اكيد تستهبلون
    قالت وجود:انا ما استاهل كل هالحب يافهد ليتك ماحبيتني
    وبعدها راحوا ينامون بس ما اتوقع ينامون بعد الاعترافات الخطيره اللي سمعوها من الشباب


    انــــــتــــــــــــــهـــــــــــــــــى الــــــــــجــــــــــــزء الــــــــــــرابـــــــــع
    1\وش تتوقعون يصير بالمزرعه غير الاعترافات اللي صارت
    2\تتوقعون وجود بتحب فهد بعد اللي سواه فيها وليد؟؟؟
    وباقي ابطالنا وش بيصير فيهم كل هذا بنعرفه بالجزء الخامس


  2. #7

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية احبك حب يا مجنون كاملة بدون ردود 2015

    الجــــــــــــــــــــــــــــــزء الـــــ(5)ـــــــــــــــــخـــامـــــــــــس
    ،
    الساعه 9 الصباح الكل في المزرعه كان صاحي وسمر ووجود ودلال كان مزاجهم زفت كانوا بالمطبخ يجهزون الفطور خلصوا وارسلوا للرجال واخذوا الحريم ووجود اخذت كاس شاهي ودلال وسمر اخذوا كوفي وراحوا جلسوا على الجسر وكل وحده لاهيه بهمها شوي الا البنات كلهم مجتمعين عندهم
    وسئلت عايشه:ليش ما افطرتوا؟؟؟
    سمر:ما نشتهي
    عايشه:كلكم ماتشتهون؟؟؟
    سمر:ايه
    قالت وجود:بنات ترى عبير بتجي
    نوف:قولي والله؟؟؟
    وجود:والله بس باقي روبي ودق جوالها وكانت روبي كلمتها وسكرت بعدين دقت على عمها محمد
    رد عمي محمد:هلاوالله
    وجود:هلافيك
    عمي محمد:شخبارك؟؟
    وجود:تمام بس ابي منك طلب اذا ممكن؟؟؟
    عمي محمد:امري
    وجود:مايامر عليك ظالم بس عندكم في الشركه محامي اسمه بندر صح؟؟
    عمي محمد:ايه وش دراك؟؟؟
    وجود:اذا ماعليك امر ابيك تعزمه للمزرعه
    عمي محمد:ليش؟؟؟
    وجود:اخته صديقتي واخوه صديق الشباب
    عمي محمد:جايبه السيره الذاتيه له
    وجود:عمي اخلص بتعزمه ولا لا؟؟
    عمي محمد:طيب خلاص ادق عليه وارد لك خبر سكرت منه
    سئلتها ملاك:بتجي؟؟؟؟
    وجود:ان شاءالله
    دانه:انا بروح اجيب لي شاهي احد يبي؟؟
    وجود:ايه جيبي لي معك
    دانه:اوك وراحت دخلت المطبخ وهي منطربه تغني وماانتبهت ان في احد بالمطبخ دخلت وطلعت كاسين ولما لفت انصدمت بشخص واقف يطالعها دانه بعد خمس ثواني مافيا لا غبارها اما الشخص واقف مكانه ولما انتبه لنفسه اخذ الللي يبي وطلع وهو مبتسم
    ######################
    وعند بندر كلمه عمي وعزمه واقنعه لانه كان رافض راح بندر ودق باب الغرفه
    روبي:ادخل
    بندر:الحلوه وش تسوي؟؟؟
    روبي:اسلي نفسي باللاب
    بندر:طيب قومي جهزي نفسك عشانا بنروح المزرعه
    روبي:أي مزرعه؟؟؟
    بندر:دق علي واحد من الربع وعزمني يله اجهزي
    روبي:لايكون اللي تشتغل عندهم هم اللي عازمينك؟؟؟
    بندر:ايه
    روبي:يس
    بندر:وش عندك كل هذا فرحه؟؟؟
    روبي:بروح عند البنات
    بندر:أي بنات؟؟
    روبي:صديقاتي
    بندر:ايه المهم اجهزي انا بروح اقول لرائد
    روبي:اوك
    ###########################
    وفي المزرعه
    البنات جالسين مع جدهم وعمامهم وسوالف وضحك
    قالت ملاك:جدي بكره بنسوي حفل لنجاحنا هنا عادي؟؟
    جدي:ايه عادي خوذو راحتكم
    دلال:طيب نبي نروح السوق نجيب اغراض للحفله؟؟
    عمي محمد:خلاص جهزوا انفسكم العصر عشان الشباب يودونكم
    اهات:يس يسلموا عموا
    وجود ماكانت معهم ابدا جا عمي فيصل وجلس جنب وجود وماحست فيه الا لما حط ايده على يدها وكانت يدها بارده ولفت وجود على طول
    قال عمي فيصل:اللي ماخذ عقلك
    ابتسمت وجود وقالت:محد ماخذه انا معكم
    عمي فيصل:واضح بس بغيت اقولك شي
    وجود:قول
    عمي فيصل:ياحظه اللي بيفوز فيك وبقلبك
    ابتسمت وجود وقالت:وش طاري هالكلام؟؟؟
    عمي فيصل:مدري من عرفتك كان ودي اقولك هالكلام ارتاحت وجود
    قالت نوف:عمي محمد مين بيودينا بالضبط من الشباب؟؟؟
    عمي محمد:ليشم ين بيروح فيكم؟؟؟
    ندى:اممم وجود و دلال وسمر ونوف ودانه وملاك بس
    عمي محمد:خلاص انا بتفاهم معهم انتهت الجمعه ورجعوا البنات جوا ومشى الوقت للعصر
    جهزوا البنات ودق عمي محمد وقال لهم يطلعون طلعوا البنات وكانت وجود اولهم وانصدمت لما شافت فهد قدامها على طول نزلت راسها وغطت عيونها وسمر ودلال نفس الحاله لما شافوا زياد ومهند وكان معهم فيصل ولد ساره وهذا اللي ريح وجود وخالد ونواف وسلطان ركبوا البنات سياره وحده مع خالد ونواف والباقين بسياره ثانيه
    وصلوا المول وانقسموا البنات سمو وجود ودلال مع بعض وكان معهم فيصل فهد مهند زياد ودانه وملاك ونوف كان معهم نواف وخالد وسلطان
    دخلوا البنات محل لزينه ودخلوا الشباب معهم وقفت وجود عند الزينه وكانت محتاره بين كم لون
    جاها فهد وقال:اللي بالنص حلو
    لفت وجود تشوف مين اللي يتكلم وشافت فهد ولفت وقالت :مشكور
    قال فهد:العفو بس ليه كل هذا؟؟؟
    وجود تقول في نفسها ليش مايروح لدلال وقالت:بنسوي حفل نجاح
    فهد:اها لكم بس صح؟؟؟
    وجود:لاحتى لكم واخذت لون بس غير اللي قاله فهد وقالت عن اذنك وراحت للبنات وقالت لهم انها بتروح عشان تتفق مع المحل على الكيك وقبل ماتطلع دقت على جوال فيصل وطلعت راح لها فيصل واخذ الاكياس من يد وجود ويبده الثانيه مسك يد وجود ومشوا
    فهد ميت من القهر قال لمهند:ليش يمسك يدها؟؟
    مهند:ولد اختها
    فهد:حتى ولوالمفروض مايمسك يدها
    مهند:حالتك صعبه هي وولد اختها متفاهمين انت وش دخلك؟؟سكت فهد وهو معصب
    دخلت وجود محل هدايا وكانت تختار هدايا ولما خلصت قالت للكاشير وكانت حرمه:ابيك تغلفينها بس حطي على كل علبه ورقه مكتوب عليها وش هي الهديه وجهزي لي كروت بروح واجيك بعد تقريبا ساعه الا ربع
    طلعت وراحت محل الحلويات عشان تتفق معه على الكيك واتفقت معه على كل شي وانه يوصلها بكره للمزرعه واخذ هذا منها وقت ساعه ورجعت لمحل الهدايا وسئلت الكاشير: خلصت تغليف
    قالت:ايه
    اخذت وجود الكروت وصارت تكتب على كل واحد وتقول لها حطي الكرت على الهديه وهي تكتب اخر كرت سمعت صوت يقول:خلصتوا؟؟
    رفعت وجود راسها وكان فهد وقالت:ايه خلصنا واخت الكيس وراحت عند فيصل وطلعوا وفيصل كان ماسك ايد وجود اليمين وفهد يمشي جنبها من اليسار وهذا الشي موترها ولما شافوهم البنات
    قالت سمر:شوفي وجود وفهد لايقين على بعض صح؟؟
    دلال:ايه ودق جوالها وكانت روبي ردت دلال:هلا والله
    روبي:هلا فيك وينكم؟؟
    دلال مسافه الطريق واحنا عندكم
    روبي:طيب لاتتأخرون
    فهد كان وده يروح يفك يد وجود من يد فيصل بس ماسك نفسه
    وخالد كان رايح معهم جسم بس عقله مع البنت اللي شافها في المطبخ يبي يعرف من هي وقال لما نرجع بسأل عايشه وبعرف البنت مين
    وصلوا المزرعه وسلموا على البنات وراحوا يودون اغراضهم وخصوصا وجود راحت تودي الهدايا عشان محد يشوفها
    جلسه البنات كانت حلوه ضحك وسوالف وغنا وعدى اليوم وهم مايدرون
    ######################3
    وعند الشباب
    نواف وخالد كانوا جالسي لحالهم قال نواف:خالد وش فيك اليوم منت طبيعي؟؟؟
    خالد:مافيني شي
    نواف:العب على غيري انت من الصبح وانت مو طبيعي فيك شي؟؟؟
    خالد:تدري عادي ادري ان بناتنا حلوات
    نواف:وش طرى عليك؟؟
    خالد:اليوم شفت وحده بالمطبخ واخذت عقلي بس ابي اعرف من هي ؟؟؟
    نواف:لهدرجه؟؟؟
    خالد:واكثر ياخي كل شوي اتذكر شكلها اخذت عقلي من اول مره
    نواف:الله يعينك لايكون طحت بالحب؟؟
    خالد:ليه وش فيه الحب؟؟
    نواف:عذاب وموت
    خالد:ليه مجرب؟؟
    نواف:لابس اشوف الناس
    خالد:مو كل الناس مثل بعض وقاموا راحوا عند الشباب
    وهناك كانت الخيمه كلها ضحك فهد ومهند وزياد ورائد كانوا فاصلين وهبلو بكل اللي بالخيمه وانتهى اليوم حلو على الكل
    ######################
    وعلى الساعه 3:30 البنات كانوا صاحين بس منسدحين(وجودوروبي وسمروعبيرودلال)
    دقت دلال وجود وقالت:البنات بيون يروحون الاسطبل
    وجود:طيب نروح بعد شوي
    دلال:والشباب اخاف يصير وسكتت
    وجود:ابكلم عمي ويقوله يقول لشباب لايروحون الاسطبل كلمت وجود عمها وقالت له قاموا البنات وبدلوا وطلعوا للأسطبل
    وجود من فتحت باب الاسطبل على طول انعاد شريط قبل يومين في نفس هالوقت دخلت بسرعه وفتحت الباب لشامخ وطلعت بسرعه والشامخ لحقها ولحقتها دلال
    قالت دلال:وش فيك؟؟؟؟
    وجود:مافيني شي بس طلعوا لكم خيول وانا استناكم هنا طلعوا لهم خيول وشافوا الشروق ورجعوا الساعه 6وناموا وصحوا الساعه 9وبعد الفطور البنات اجتمعوا عشان يفكرون كيف بيعدلون مكان الشباب
    قالت ندى:الحين كيف نسويه؟؟؟؟
    نوف:مدري كيف فكروا بطريقه
    عايشه:عطوهم وهم يصلحونه
    دانه:تخيلوا لااحنا نصلحه بس فكروا بطريقه
    وجود:عادي انتم ليش شايلين هم اكلم احد عمامي وانتهى الموضوع
    سمر:وش بتقولين له؟؟؟
    وجود:عادي بقوله اننا بنعدل المكان عشان الحفله وعمي بيرضى
    دلال:تتوقعون يرضى؟؟
    مها:اكيد خلاص شوفوا نصلح حقتنا بعد شوي بعدين نروح نصلح حقتهم عشان لما نخلص نجهز
    البنات:اوكي
    عبير:طيب متى بتصلحون حق الشباب؟؟؟
    وجود:بعد اذان العشاء نصلي ونروح على طول
    مر الوقت وفي العصر بدوا البنات يجهزون مكانهم وخلصوا لما اذن المغرب ماباقي الا الكيك والاكل راحوا البنات يجهزون اغراضهم عشان من يخلصون تجهيز مكان الشباب يجهزون على السريع اذن العشاء وصلوا البنات وراحوا قسم الرجال بعد ما تأكدوا ان الشباب فضوا المكان
    دخلوا البنات وبدوا شغل ودخلت مها الفله عشان تدور طاوله صغيره بس مالقت بالدور الاول طلعت فوق تدور طاوله وهي بالصاله لما لفت التوت رجلها وكانت بتطيح بس احد مسكها واختل توازنه وطاح وطاحت مها فوقه بس ان رجلها التوت وصرخت اهــ
    حمد من سمع صرختها حاول يقومها وقامت مها على طول قام حمد وقال:انا اسف ما كنت ادري ان فيه احد هنا
    مها ماتدري وش تسوي وحمد ارتبك لما سمع احد ينادي :مها يله بسرعه
    حمد على طول نزل وطلع من باب المطبخ الخلفي ومها واقفه مكانها ولما جت تمشي وجعتها رجلها وصوتت على وجود جت وجود تركض
    وقالت:وينك تأخرتي؟؟؟؟
    مها:طحت على رجلي وتوجعني
    راحت وجود تشوف اذا كسر ولالا وصارت رضه خفيفه قالت:طيب تقدرين تمشين؟؟؟؟؟
    مها:الحين لا
    وجود:طيب وشالتها بعد معاندات من مها ونزلت فيها لعند البنات وحطتها ورجعت جابت الطاوله
    قالت دلال:بنات وين الكاسات؟؟؟
    عايشه:بروح اجيبه وراحت عايشه للمطبخ تجيب الكاسات وجهزتها في صينيه وكانت شايلتها ولما لفت صقعت الصينيه بشخص وبغت تطيح الكاسات بس مسكها رائد وكانت عيونه على عايشه وعايشه سحبت الصينيه وطلعت بسرعه للبنات ووجهها احمر من الاحراج وحطت الصينيه
    دق جوال وجود وكان محل الحلويات وصلوا وراحت وجود لقسم الحريم ولبست عبايتها وحطوا الكيك وطلعوا نادت وجود بعض البنات عشان يساعدونها في شيل الكيك ودخلوا حق الشباب وحطوها وصار كل شي جاهز الا العصير نسوه
    راحت روبي قسم الحريم ودخلت المطبخ وكانت تطلع العصير من الثلاجه ودخل نواف ومعه امه وروبي وقفت مصنمه من الصدمه ونواف مانزل عيونه من روبي وام نواف واقفه تتفرج بعدين سحبت نواف وطلعته برى البيت كله ورجعت للمطبخ لروبي تتأسف منها ودخلت المطبخ ولق تروبي جالسه على الكرسي ودق جوالها وانتبهت ردت :الو ايه جايه طيب خلاص اخذت العصير وراحت بسرعه واتصلوا عليهم واعطوهم خبر
    راحوا البنات يجهزون ولما جهزوا نادوا الكل الجد والعمام بدت الحفله وكانوا البنات مشغلين الاستريوا ومعلين الصوت وبعد تقطيع الكيك راحوا عمامي وجدي وجوا امهاتنا
    #########################3
    وعند الشباب نفس الحاله بس بدون استريوا وميوزك كان سوالف وضحك
    انسحبت وجود من الحفله وطلعت فوق وطلعت كيس الهدايا وفرزت هدايا البنات عن الشباب ونزلت وبيدها كيسين ودخات عند البنات وصرخت:بنااات الكل لف عليها وبدت تعطي كل وحده هديتها ولما خلصت نطوا عليها البنات وصراخ وكملوا الحفله دقت وجود على عمها فيصل وجا عند الباب وعطته وجود الكيس وقالت له يعطي كل واحد هديته لانه مكتوب على كل وحده اسم عمي فيصل ما عارض راح وصار يوزع الهدايا ولما سألوه من مين؟؟؟ قال لهم انها من (سليمان ابو عبد الرحمن)
    الكل استغرب بس فهد لما اخذ الهديه شاف الكرت كان يقول في نفسه:انا شايف هالكرت بس وين مدري؟؟؟ فتح الهديه وكانت ساعه بعدين فتح الكرت يقرا المكتوب فيه وهو يقرا تذكر وجود وقال:ايه هي
    رائد:وشي اللي هي تكلم مين انت؟؟؟؟
    فهد:لاماعيك ودق على دلال
    دلال:هلا
    فهد:ابعدي عن الازعاج عشان اعرف اكلمك
    دلال:دقيقه بعدين قالت هلا وش بغيت؟؟؟؟
    فهد:بسألك الهدايا اللي جابها عمي فيصل من مين؟؟؟
    دلال:من عمي سليمان ليش؟؟؟
    فهد:انتي متأكده؟؟؟
    دلال:ايه
    فهد:خلاص مع السلامه
    استمرت الحفله للفجر وكانت حلوه كل واحد رمي همه وفرح بهاليوم وناموا
    ##########################3
    وبعد يومين الساعه 8 الصبح الكل كان صاحي وحمد راح لواحد من ربعه يبيه وبندر ورائد راحوا لابوهم لانه طالبهم
    الساعه 9تعب جدي ونقلوه المستشفى كل الرجال راحوا معه وجود كانت حاسه ان فيه شي دقت على عمها فيصل وسئلته:انتم وين؟؟؟
    عمي فيصل:حنا وسكت
    وجود خافت:عمي وش فيك انتم وين؟؟؟
    عمي فيصل:احنا بالمستشفى
    وجود:ليش؟؟؟
    عمي فيصل:ابوي تعب وجبناه المستشفى ولسه الدكتور ماطلع من عنده
    وجود:انتم بأي مستشفى؟؟؟
    عمي فيصل:في مستشفى ال.............
    وجود:طيب مع السلامه
    نزلت وجود ومعها عبايتها وشنطتها سئلتها امها:وجود وين رايحه؟؟؟
    وجود:جدي تعبان ووده المستشفى بروح لمه
    امي (أم عبدالرحمن؟):احنا ندري اجلسي بيطمنا ابوك
    وجود:لا انا بروح لجدي
    أم عبدالرحمن:ومين بيوديك؟؟؟
    وجود:مدري أي احد بس المهم اروح عند جدي
    أم عبدالرحمن قالت:لحظه ودقت على ابوي وسئلته وقال انهم كلهم بالمستشفى ومايحتاج احد يجي
    قالت وجود:انا بروح وطلعت راحت عند الخيول وطلعت الشامخ وركبت عليه وطلعت من المزرعه البنات ماصدقوا كلام وجود لما قالت بروح
    وجود من طلعت علىى الشارع العام دق جوالها ودت:هلا
    دلال:وينك؟؟؟؟
    وجود:اباخذ تكسي وبروح للمستشفى
    دلال:وجود انتي من جدك؟؟؟
    وجود:ايه مع السلامه وسكرت ونزلت من الشامخ وركبت تكسي والشامخ رجع للمزرعه ولما شافته دلال راحت عند الحريم وقال لهم ان وجود راحت بتكسي
    وعند وجود كانت نظرات راعي التكسي مو مطمنتها وهي بنت لحالها طلعت السكين من شنطتها وحطتها على رقبته وقالت:بسرعه على مستشفى ال.... ولا يمين ولا يسار وعيونك قدام يلا وصلت المستشفى وقبل ماتنزل ذبت بوجهه عشره ريال ونزلت ودخلت المستشفى وسئلت عن حاله الطوارى اللي جت قبل شوي قالوا لها وراحت بسرعه وكانوا هناك كلهم يستنون الدكتور يطلع راحت وجود عند ابوها وقالت:جدي شلونه؟؟
    ابوي:انتي وش جابك؟؟؟
    وجود:جدي شلونه؟؟؟؟
    ابوي:مبعد طلع الدكتور الكل كان مستغرب شلون وصلت وجود للمستشفى وبعد انتظار نص ساعه طلع الدكتور الكل اجتمع عنده والولهم وجود وقالت:جدي شلونه؟؟
    الدكتور:المريض حالته صعبه احنا سوينا اللي علينا والباقي بيد رب العالمين
    وجود:طيب نقدر نشوفه؟؟؟
    الدكتور:اكيد بس بدون انفعالات وراح دخلوا عمامي وابوي ووجدو جالسه برى طلعوا ودخلوا الشباب ما عاد فهد كان جالس ولما طلعوا الشباب
    قال خالد:فهد وجود جدي يبيكم
    انصدمت وجود وشلون عرف انها هنا بس قامت ودخلت ودخل بعدها فهد راحت وجود من الجهه اليمنى وفهد من الجهه اليسرى مسكت وجود يده وقالت:الحمدالله على سلامتك
    جدي:الله يسلمك وبعدين قال انتي شلون جيتي؟؟؟
    وجود:جيت مثل الناس لاني ما اخلف وعدي وعدتك ما اخليك وهذا انا معك
    قال جدي:بس انا هالمره ماراح اوفي بوعدي وراح اخليك للأبد
    فهد:بسم الله عليك ياجدي لاتقول كذا
    وجود:بسم الله عليك بعدوينك ان شاءالله
    لف جدي على فهد وقال:فهد وصيتي وجود وجود امانه في رقبتك يافهد حافظ عليها فهد انصدم من كلام جده وقال:انت اللي بتهتم فيها ان شاءالله ووجود في عيني بس خلاص لاتتكلم الكلام يتعبك
    لف الجد على وجود وقال:وانتي بعد ما اوصيك بفهد ووصيتي الثانيه لك لاتخلين عيالي يفترقون بعد موتي خليهم يد وحده حافظي عليهم وتراهم يدرون بوصيتي الاولى وجود ماكانت عارفه وش تقول تمت ساكته وتناظر جدها ثواني وفارق الجد ناصر الحياه وجود كانت مصدومه من الوصيه واللي صدمها اكثر وفاه جدها المفاجئه فكت يده وغطت وجهه وقالت:انا لله وانا اليه راجعون وسمعت صوت ولما لفت شافت فهد طايح على الارض راحت بسرعه عنده كان مغمى عليه جلست عند راسه وحاولت ترفعه بس ماقدرت رفعت راسه وحطته بحضنها وحاولت تصحيه وكانت تشوف نبضه طلعت العطر وحاولت وبدى يصحى فتح عيونه وكان يسمع صوت بس مبعد ميزه
    كانت وجودتكلمه:فهد انت تسمعني فهدصحى وارتاحت وجود عدل نفسه وكان يناظر السرير قالت وجود:عظم الله اجرك فهد مارد عليها قالت:تقدر تقوم ولا انادي لك دكتور
    فهد:لا انا بخير طلعوا من الغرفه الكل اجتمع عليهم
    سئل ابوي:شلونه الحين؟؟؟
    قالت وجود:جدي يطلبكم الحل فهد جلس على اول كرسي عنده ووجود على طول راحت عند عمها فيصل وضمته لانه كان شبه منهار وحاولت تهديه ولما هدى راحت لأبوها وقالت:يبه قوموا خلصوا اجراءت الدفن (اكرام الميت دفنه) عشان تصلون عليه الظهر ولا العصر
    ابوي:طيب
    وجود:انا بروح للمزرعه عشان الكل يرجع للبيت
    عمي محمد:مين بيبلغهم؟؟؟
    وجود:انا بس بروح بعد شوي وراحت عند عمها فيصل وكانت تهدديه لانه رجع يبكي وهي تهدي فيصل انتبهت لفهد كان شبه صاحي راحت قالت لنيرس تجيب الدكتور جاء الدكتور وكشف على فهد وقال ان اللي فيه صدمه هدى فيصل وقامت وجود بتروح للمزرعه وقالت لأبوها وقال ابوها:خذي معك فيصل وفهد
    قال فهد:لا انا بجلس هنا
    عمي عبدالله:رح للمزرعه وجب الحريم وتعال
    فهد:طيب وهم طالعين مدت وجود عصير لكل واحد وقالت:اشربوا
    فهد:مابي
    وجود:مو على كيفك توه مغمى عليك لازم تشرب اخذوا العصير وشربوه غصب عنهم
    وصلوا للمزرعه ودخلوا قسم الحريم دخلتهم وجود في الخيمه الخارجيه وقالت:ارتاحوا هنا على بال ما اعطيعهم خبر ونجهز
    عمي فيصل:طيب
    دخلت وجود الفله وقاموا البنات واجتمعوا عليها قالت دلال:جدي شلونه؟؟؟
    وجود:جدي يطلبكم الحل صاحوا البنات وسمر ودلال طاحوا على الرض جلست وجود تهدي فيهم بعدين قالت:ترحموا عليه مو تبكون وبعدين يله كل وحده تجيب عبايتها بنرجع للبيت الكل طلع فوق يجيب عبايته وسمر قالت لدلال انها بتجيب عبايتها ودق الباب فتحت وجود الباب
    قال عمي فيصل:وجود الحقي فهد مو راضي يصحى مدري وش فيه طلعت وجود تركض ودلال وراها دخلت وجود الخيمه ومسكت يد فهد تشوف نيضه وبعدين قالت:جيبوا مويه جابت دلال مويه ورشت على وجهه بس ماصحى بخت عطر وحطته عند خشمه بدى يصحى وجود كانت تعطيه كفوف بس على خفيف عشان يصحى صحى فهد وقامت وجود وقالت:يله مشينا
    قام فهد وقالت وجود:وين مفتاح الجمس؟؟؟
    عمي فيصل:هنا
    وجود:عطني اياه وطلعت الكل ركب باقي فهد ووجود ودلال وعمي فيصل
    قالت دلال لوجود:فهد مايقدر يسوق
    وجود:حتى عمي مايقدر بس معليش خليه يركب ورى وانتي معه
    دلال:مين اللي بيسوق؟؟
    وجود:انا
    ركبوا وساقت وجود مع اعتراضات الكل بس ماسمعت كلام احد وهم بالطريق دق جوال فهد وكان مهند ردت دلال:الو
    مهند:هلا فهد وينك؟؟؟
    دلال:فهد تعبان احنا شوي ونوصل البيت
    مهند:وش فيه تعبان؟؟؟ اقولك خلاص انابستناكم قدام البيت
    دلال:طيب مع السلامه
    وصلوا البيت الكل نزل واخر من نزل كان فهد ودلال ووجود وصل مهند قالت وجود لمهند:زين انك جيت
    مهند:ليش؟؟؟
    وجود:عشان تاخذ فهد المستشفى
    فهد:ماراح اروح أي مكان
    وجود:مهند اخذه وروح اخذ مهند فهد وراحوا للمستشفى
    دخلت وجود البيت الكل في الصاله كان يصيح من شافتها دلال قامت وضمتها وتصيح وتقول:وجود يعني خلاص ماعاد نشوف جدي
    وجود كانت واقفه عادي ماردت على دلال وصارت تهديها وبعدين نظفت المجالس وراحت للمطبخ وصلحت القهوه لرجال وودتها المجلس ودق عليها عمها محمد وردت:هلا
    عمي محمد:وجود انتم بالبيت؟؟
    وجود:ايه ليش؟؟؟
    عمي محمد:انا دقيت على ناس يجيبون كراسي للعزاء ياليت تهتمين فيهم وفي ترتيبهم
    وجود:لاتشيل هم بس متى بتصلون على جدي؟؟؟؟
    عمي محمد:العصر ان شاءالله بس انتي بخير؟؟؟؟
    وجود:انا بخير بس انت انتبه لنفسك وللباقين
    عمي محمد:ان شاءالله وسكرت وبعد شوي دق الجرس ولبست وجود عبايتها وطلعت لهم ولما خلصوا اذن العصر دخلت وجود الصاله وقالت:قوموا توضوا عشلن نصلي على جدي الكل قام وبعد الصلاه شغلت وجود القران بكل البيت وشوي وصلوا الرجال وكل شي كان جاهز وبعد وقت وصل المطعم بالغداء دق عمي محمد على وجود وردت:هلا
    عمي محمد:انتم طالبين غاء من المطعم؟؟؟
    وجود:ايه لرجال والحريم اذا وصل ادفع لهم وخل الشباب يدخلونه المطبخ
    عمي محمد:انتي متى امداك تتفقين معهم؟؟؟
    وجود:بعدين اعلمك مع السلامه
    لما اذا المغرب دلال صارت تصبر نفسها وصارت مع وجود بس كانت كل شوي تبكي
    بعد اذان العشاء الكل طلع عشان يصلون ماعاد فهد كان تعبان وصلى بالبيت لبسوا وجود ودلال عباياتهم وطلعوا للمجلس عشان يجيبون القهوه اللي عقب الرجال ولما دخلوا كان فهد منسدح ومانتبهوا له وصاروا يجمعون الاغراض ولما خلصوا صرخت دلال لفت وجود وشافت دلال وافقه عند شخص بس ماتدري منهو راحت بسرعه ودلال كانت تصيح وماسكه يد فهد كان شبه صاحي على وشك اغمى اخت وجود مويه ورشت على وجهه وصارت تكلمه :فهد انت تسمعني وشوي وصحى ومن صحى ضمته دلال قالت وجود لدلال:خذيه لغرفه الضيوف خليه يريح هو من الصبح تعبان
    دلال:طيب
    ثاني ايام العزاء كانت وجود وسمرودلال في المطبخ ووجود مشغوله
    قالت سمر:وجود انتي ليش مابكيتي على جدي؟؟؟؟
    وجود:مو ضروري ابكي
    قامت سمر ومسكت وجود من كتوفها وقالت:انتي وحده ماعندك احساس لو عندك احساس كان بكيتي على جدي هذا وانتي اغلى وحده عنده انتي ماعندك قلب وعطت وجود كف وطلعت فوق
    قالت دلال لوجود:وجود سمر نفسيتها تعبانه لاتاخذين على كلامها
    قالت وجود:ماصار شي
    انتهت ايام العزاء ومر اسبوع وجود كانت مهتمه بالكل الا نفسها وماكانت تنام والا ساع ه او اقل في ايام العزاء ويوم الخميس اجتمعوا عمامي وطلبوا يقابلون وجود راحت لهم وجود كانت مخفيه تعبها بمكياج خفيف راحت عندهم وسلمت عليهم
    سئل عمي عبدالله:شلونك وجود؟؟؟
    وجد:دامكم بخير انا بخير
    قام عمي محمد وجلس جنب وجودوقال:من زمان ماشفناك
    وجود:موجوده بس مشغوله شوي
    عمي سالم:وجود:احنا نبي نكلمك بموضوع
    وجود:امرو
    عمي سلمان:مايامر عليك ظالم بس نبي نسألك وش قالك ابوي قبل مايتوفى؟؟؟
    وجود:نفس اللي قاله لكم قاله لي وكان صوت جدها يرن في اذنها وهو يوصيها
    عمي عبدالله:وجود ممكن تقولين وش قالك بالضبط؟؟؟؟؟
    وجود:وصاني على فهد
    عمي محمد:بس؟؟؟
    وجود:ايه بس
    عمي سلمان:ابوي ترك لك صندوق عند سليمان متى ماحسيتي انك تقدرين تفتحينه اطلبيه من ابوك
    وجود استغربت من سالفه الصندوق وقالت:ان شاءالله وكل اللي براسها انها تكلم فهد وتقوله مايقول لهم بس كيف تكلمه وبعد تفكير دقت على بيت عمها عبدالله وكانت تدعي ان فهد هو اللي يرد
    دق التلفون ورد فهد:الو
    وجود:الو السلام عليكم
    فهد عرفها:وعليكم السلام لحظه اناديها
    وجود:لحظه فهد
    استغرب فهد وقال:خير؟؟؟
    وجود:انا ابي اكلمك
    فهد:امري
    وجود:مايامر عليك ظالم بغيت اقولك اذا سألوك عمامي عن وصيه جدي لاتقول لهم ان جدي وصاني عليهم
    فهد:طيب وش اقول لهم؟؟
    سكتت وجود بعدين قالت:قول انه وصاك علي ووصاني عليك بس ممكن تنفذ هالطلب؟؟؟
    فهد:اكيد من عيوني
    وجود:مع السلامه

    ـ
    بانتظار توقعاتكم وان شاء الله ينال اعجابكم






    تكمله البارت الخامس
    مر شهر على وفاه الجد
    فهد وزياد ومهند توظفوا وفهد كان كل تفكيره كيف بينفذ الوصيه اللي محد يدري فيها غيره ووجود وعمامه
    ووجود صارت وحده ثانيه صارت تحب تجلس لحالها حتى الاكل ماتاكل مثل الناس صارت انسانه بارده بعد ماكانت دايم تضحك ومرحه كل همها كيف تنفذ الوصيه حاولوا البنات فيها بس بدون فايده وسمر اعتذرت من وجود علي سوته والكلام اللي قالته بس مافاد هالشي في وجود (تتوقعون فهد ووجود ينفذون الوصيه ولا لا؟؟؟؟ والصندوق وش بيكون فيه؟؟؟؟)
    اجتمعوا العمام وقرروا يطلعون مخيم عشان يغيرون نفسيات الكل واولهم وجود انتشر الخبر بالعايله وعمي عبدالله ارسل (زياد مهند خالد ونواف وسلطان ) عشان يجهزون المخيم الكل عجبته فكره المخيم عشان يغيرون نفسياتهم الا وجود كانت رافضه
    راحت وجود عند ابوها وقالت:يبه انا مابي اروح المخيم
    ابوي:ليش؟؟؟
    وجود:بس مالي خلق مخيمات
    ابوي:يعني كلنا نجلس عشانك؟؟؟
    وجود:موقصدي كذا انتم روحوا وانا بتم بالبيت
    ابوي:مع مين ؟؟؟؟؟
    وجود:لحالي
    ابوي:لا ياتروحين معنا يانجلس كلنا؟؟؟؟
    وجود:عن اذنك وجت بتطلع
    ابوي:وش اخترتي؟؟؟؟؟
    وجود:بروح اجهز عشان المخيم
    وهي طالعه الدرج كان فيصل نازل قال:وينك جالس ادورك؟؟؟؟
    وجود:وش بغيت؟؟؟
    فيصل كان مستغرب اسلوبها:بجلس معك
    وجود:تعال دخلوا الغرفه ووجود طلعت شنطه البر وبدت تحط اغراضها
    فيصل كان يناظرها وقال:وش فيك؟؟؟
    وجود:مافيني شي انت وش بغيت؟؟؟؟؟
    فيصل منصدم من الاسلوب وقال:خلاص عن اذنك
    وجود انتبهت لنفسها ونادت:فيصل لحظه وراحت لمه وجلسته وجلست جنبه وقالت:امر حبيبي
    فيصل كان ساكت بعدين قال:ليش تغيرتي؟؟؟؟
    وجود:ماتغيرت
    فيصل:الا متغيره كثير الكل ملاحظ وانا لي اسبوعين مو بالبيت ما سألتي عني
    وجود:وهذا اللي مخليك متضايق مني ومارديت علي البارح؟؟؟؟
    فيصل:بصراحه ايه
    وجود:حتى لو انا متغيره مو تخليني على اعصابي ادق وماترد وانت تدري اني اخاف عليك سكت فيصل ونزل راسه
    وجود:فيصل اذا في شي مضايقك مني تكلم قول انا مابزعل منك؟؟؟
    لكن فيصل تم ساكت
    وجود:فيصل لاتسكت قل شي لكن فيصل تم ساكت
    قامت وجود وقفت قدامه ومدت يدها ورفعت راسه واللي صدمها انه كان يبكي خلته يوقف وضمته قال فيصل:ليش تخليني الكل خلاني حتى جدي بس انتي لاتخليني تكفين
    وجود مصدومه من كلامه وقالت:انا ما خليتك
    فيصل:الا خليتيني وامي لاهيه عني مع زوجها وكان يزيد بالبكي
    وجود:خلاص حبي انا سفه انا مقصره معك بس خلاص اهدى وبعد ثلث ساعه هدى فيصل وقال:وجود
    وجود:عيونها
    فيصل:اوعديني انك ماتتغيرين علي
    وجود:اوعدك بس ابيك توعدني انك اذا شفت مني أي شي تقولي
    فيصل:اوعدك من عيوني
    وجود:تسلم لي عيونك خلاص يعني رضيت علي؟؟؟
    فيصل:وانا اقدر ازعل عليك باسته وجود على خده وقامت
    فيصل:وين؟؟؟؟
    وجود:بجهز اغراضي للمخيم
    فيصل:تبين مساعده؟؟؟؟
    وجود:اممم عطني الشنطه اللي جنبك (كانت تفكر انا لازم ارجع وجود الاولى اذا مو لنفسي لغيري غيري محتاجني خلاص من بكره برجع وجود اللي الكل يعرفها ان شاء الله)
    #############################################
    بدى يوم جديد والكل كان جاهز عشان المخيم الكل بسيارته الا البنات كانوا في الجمس مع عمي محمد وفهد اخر بيت مره بيت سليمان ولما جا عمي وقال لأبوي:نبي البنات عندي بالسياره وابوي وافق
    وجود كانت بترفض بس غيرت رايها نزلوا البنات وهم رايحين للجمس انتبهت وجود لشخص جالس قدام بس ماتدري منهو ومااهتمت ركبوا البنات وطول الطريق سوالف وهبال وضحك ولما وصلوا المخيم والبنات كانوا مستانسين ان وجود رجعت تسولف وتعلق مثل قبل وهم جالسين يعدلون انفسهم وكل وحده تدور شوزها فتح فهد باب الشنطه ووجود كانت بوجه ومن شافها راح على طول نزلوا البنات وراحوا لقسمهم كانت فيه خيمه للجلسه وخيمه للحريم الكبار وخيمه للبنات وخيمه مطبخ وقسم الشباب كان فيه خيمه للجلسه وخيمه للعمام وخيمه لشباب دخلوا البنات وحطوا اغراضهم وطلعوا واجتمعوا مع الحريم وسوالف وشوي ودق جوال دلال وردت:هلا
    عمي محمد:هلا فيك تعالي مع البنات عندنا القسم
    دلال:شكلك تستهبل صح؟؟؟
    عمي محمد:وش فيك؟؟
    دلال:والشباب؟؟؟
    عمي محمد:طردتهم عشانكم
    دلال:خلاص بنجي راحوا البنات وجلسو يسولفون ويستهبلون
    قالت سمر:عمي طلبتك
    عمي عبدالله:تم بس وش تبين؟؟؟؟؟
    البنات كانوا عارفين طلب سمر قالت سمر:بنركب الدبابات بعد المغرب
    عمي سالم:لا
    اهات:بس عمي قال تم
    عمي سالم:اذا بتركبون بناتي مايركبون
    عمي محمد:سالم وش فيك؟؟؟ خلهم يركبون
    عمي سالم:محمد اسكت بس
    قالت نوف:خلاص محنا راكبين بس اليوم العشاء على الشباب
    عمي محمد:ماطلبتوا شي
    وجود:بنات قوموا نلعب كيرم
    هيام:مابي
    دلال:هيه يلا بسرعه
    طلعوا وجود ودلال بسرعه وهم طالعين من القسم مهند كان جاي مسرع وصقع بدلال وبغت تطيح بس مهند مد يده ومسكها مع خصرها واختل توازنه وطاح وطاحت دلال فوقه ووجود كل اللي سوته انها سحبت دلال بسرعه وراحوا للقسمهم ودلال كانت تسب في مهند والموقف ووجود كانت ميته ضحك
    ولما جوا الباقين صاربعضهم يلعب كيرم وبعضهم يسولف وبعضهم ماسكين القيتار ومنطربين والحريم كانوا يسونا لغدا طفشوا البنات وطلعوا يتمشون وهم يتمشون فجئه صرخت دلال والكل لف عليها
    قالت ندى:وش فيك تصارخين؟؟؟؟
    دلال:مافي شي بس كنت اجرب صوتي ووجود وسمر يضحكون على التصريفه
    مها:قولي والله؟؟
    دلال:قسم ليش صوتي مو حلو؟؟؟
    دانه:يجنن بس يبيلك شوي تكفيخ عشان يتعدل
    دلال:تخسين انتي تطقيني
    دانه:وش قلتي؟؟؟وكانت نظراتها رعب بالنسبه لدلال
    دلال:اقول السلام عليكم كيف الحال؟؟؟
    دانه:ايه على بالي
    قالت هيام:بنات طفش ابي اسوي شي
    سمر:وش رايكم نسوي مقلب بعمي محمد ولا سلمان؟؟؟
    دلال:ايه عشان ترجعون مو للبيت للمقبره
    وجود:لامو لهذي الدرجه بس الموقف لو بتسونه يبيله تفكير
    اهات:اممم خلونا نجلس نفكر
    مها:لقيتها
    البنات:وشهي؟؟؟
    مها:ناخذ جواله ونحطه مع اغراض احد الشباب وش رايكم؟؟؟
    سمر:حلوه بس بيدورونه وبيلقونه على طول
    وجود:لا ماراح يلقونه
    دلال:كيف ؟؟؟؟؟ اتفقوا البنات ورجعوا المخيم عشان يتغدون
    بعد الغداء اخذوا الشباب الدبابات وعمامي راحوا يقيلون في خيمتهم وعمي محمد كان في خيمه الشباب تأكدو البنات انه غفى ودخلوا القسم واللي بينفذون هم وجود وسمر والباقي حراسه لأي شي طارئ
    دخلوا البنات الخيمه وشافوه نايم وحاط الجوال جنبه وجود ناظرت سمر وابتسموا لبعض اخذت وجود الجوال وحطته سايلنت وصارت تدور بالخيمه مكان تحطه فيه جذبتها شنطه على جنب راحت لمه ونادت سمر وقالت:بحطه هنا
    سمر:لا
    وجود:ليش؟؟؟
    سمر:هذي شنطه سلطان اخوي
    وجود:اوكي طيب دوري غيرها لفوا وجذبتهم شنطه سودا وسوادها جذاب راحوا عندها وعلى طول فتحوا الشنطه بيشوفون الشنطه لمين لقو ورقه مكتوب عليها زياد وكلام بس ما هتموا دخلت سمر الجوال بين اغراضه وتأكدت انه مو باين وطلعوا من الخيمه وهم يضحكون واشروا للبنات ورجعوا لقسمهم وجلسوا مع الحريم وهم ميتين ضحك
    سئلتهم (أم سلطان نوره):وش فيكم تضحكون؟؟ضحكونا معكم
    دلال:مافينا شي
    أم سلطان(نوره):كل هالضحك ومافي شي؟؟؟
    ندى:الا فيه سوينا
    وقطعتها وجود وقالت:كنا نلعب وتعرفين هبالنا وطاحوا البنات فوق بعض واحنا نضحك عليهم
    أم سلطان(نوره):عسى ماتعورتوا بس؟؟؟
    سمر:ابد سليمه يمه
    مها:بنات انا منطربه ابي احد يغني؟؟
    دانه:ولا يهمك وبدت تغني(الاماكن كلها مشتاقه لك)
    مها:خلاص صوتك نشاز لاتغنين دلول ولا سمر ولا وجود وحده فيهم تغني
    سمر:بغني بس جيبوا القيتار جابوا القيتار وصاروا يغنون ومنطربين ورقص وبعد شوي هدوا واذن العصر صلينا وجاعمي محمد عند باب المخيم وصوت:أم سلطان
    سمعوا البنات صوته وطلعت له ندى وقالت:هلا عمي بغيت شي؟؟؟
    عمي محمد:نادي أم سلطان
    ندى: ان شاء الله ونادتها
    جت أم سلطان(نوره):هلا محمد بغيت شي؟؟؟
    عمي محمد:هلا والله بغيت اسألك جوالي عندك؟؟؟
    أم سلطان(نوره):هلا بك زود لامو معي كان معك
    عمي محمد:مالقيته دقي عليه وانابروح ادوره
    أم سلطان(نوره):ان شاء الله ودخلت عند البنات وهي تدق على جوال زوجها
    سألت وجود:وش فيك تدقين على مين؟؟؟
    أم سلطان(نوره):ادق على محمد مضيع جواله
    وجود:وين مضيعه؟؟؟
    أم سلطان(نوره):مدري عنه يقول كان نايم ولمى صحى مالقاه
    وجود:غريبه وين راح؟؟؟؟؟
    أم سلطان(نوره):مدري
    جا عمي ودخلناه الخيمه سأل:شفتوا جوالي يابنات؟؟؟
    البنات:لا
    عمي محمد:مدري وين راح؟؟
    دلال:انت دورته زين ياعمي ؟؟؟
    عمي محمد:ايه دورت
    هيام:انت متى اخر مره شفته؟؟؟
    عمي محمد:قبل الغداء لما كانوا الشباب موجودين
    نوف:طيب مو مع الشباب؟؟؟؟
    عمي محمد:ما اتوقع
    وجود:طيب يوم تشوفه الشباب كانوا ضافين الخيمه ولا كان حوسه؟؟؟؟
    عمي محمد:لا كان حوسه
    دانه:طيب دور بأغراضهم؟؟؟؟؟
    عمي محمد:صح بس تعالوا معي
    مها:مافي احد هناك
    عمي محمد:لا راحوا البنات مع عمهم مسوين بريئين وصاروا يدورون وبعد ساعه قررو يطلعونه لقت وجود الجوال ونادت عمها:عمي تعال
    جا عمي محمد وقال:خير؟؟؟
    وجود:هذا جوالك؟؟؟
    عمي محمد:ايه وين لقيتيه؟؟؟
    وجود:في هذي الشنطه بس مدري شنطه مين؟؟؟؟؟
    قال عمي محمد:هذي شنطه زياد بس وش جاب جوالي مع اغراضه؟؟؟
    دلال:يمكن دخله بالغلط
    عمي محمد:لو بالغلط ليه محطوط سايلنت؟؟؟
    اهات:يمكن بيسون فيك مقلب؟؟؟
    عمي محمد:يمكن طيب انا اوريهم وجا بيطلع
    قالت ملاك:لحظه عمي
    لف عمي محمد وقال:نعم!!!!
    ملاك:وش بتسوي فيهم؟؟؟
    عمي محمد:بهزئهم وبكسر روسهم
    سمر:لايبه عندي فكره احسن
    عمي محمد:قولي يا أم الافكار
    سمر:نسوي فيهم مقلب باليل ونخوفهم
    سكت عمي وبعدين قال:مثل ايش يعني؟؟؟؟
    وجود:هم اساسا وش يخوفهم؟؟؟؟؟؟؟؟؟
    عمي محمد:امممم عبدالله
    وجود:وشو عبدالله؟؟؟؟؟
    عمي محمد:يخافون من اخوي عبدالله وسالم
    وجود:اها طيب وش نسوي فيهم؟؟؟فكرو يابنات
    وجود:لقيتها
    عمي محمد:وشهي قولي؟؟؟
    وجود:بس تبي مخاطره وقلب قوي
    عمي محمد:قولي
    وجود:نسوي................... ولما انتهوا
    قالت دلال:عمي لاتنسى العشاء بكره عليهم
    عمي محمد:طيب من عيوني
    راحوا البنات عشان يجهزون لمخططهم
    وعمي محمد من رجعوا الشباب هزء زياد وفهد ومهند
    ولما جت الساعه 10 في الليل البنات جاهزات ودقوا على عمهم محمد وعطوه خبر انهم جاهزين وقال اوكي
    وعند الشباب كانوا جالسين سوالف وضحك واللي يلعب بالجوال واللي منسدح واللي سرحان موسعين صدورهم يعني وفجئه سمعوا صوت دباب وكان الصوت قريب سلطان كان واقف بره يكلم وشاف الدباب بس مايدري من راكبه ودخل للعيال وقال:في احد سرق دباب وذب جواله وطلعوا الشباب بيلحقون الحرامي بعضهم ركبوا الدبابات وبضهم رجليه وبنفس الوقت دخل عمي محمد الخيمه واخذ كل جوالاتهم وعطاها البنات وعند الشبا كانوا يلحقون الولد وهو ضيعهم في زحمه الدبابات ولما فقدوا الامل يلقونه صاروا يدورون على الهادي وبعد ربع ساعه لقو الدباب وهم راجعين بس ماعليه احد دورو يمين يسار مالقوا احد والولد اللي كان راكب الدباب كانت وجود[كانت لابسه بنطلون جنز وتيشيرت موف ورابطه الجكيت على خصرها وكانت رافعه شعرها ولابسه كاب ونظاره طبيه عشان ماتنكبش] بغوا الشباب يمسكونها لانهم محترفين بالدبابات بس كانت وجود اذكى منهم المهم تركت وجود الدباب ورجعت تمشي ولما بقى لها شوي وتوصل للمخيم شافت الشباب الباقين عند باب المخيم وشلون بتدخل وقفت على جنب تستناهم يروحون الا وتشوف الباقين جاين من بعيد ومعهم الدباب اللي انسرق بعدت شوي ولبست الجكيت وسوت نفسها تمشي عادي والبنات جوا ميتين عليها خوف صار لها ساعه الا ربع ووجود مارجعت ولا اتصلت
    نرجع لوجود بعدت شوي ووقفت والشباب تموا برى فكرت انها تلف وتدخل من الجهه الثانيه بس لو بتلف لازم تمر من عندهم قوت نفسها ومشت دخل بعض الشباب وبعضهم لا وهي تمشي من قدامهم ناداها خالد:لو سمحت اخوي؟؟؟
    جمدت وجود مكانها جا خالد لين عندها وقال:لو سمحت اخوي انت اسمك عبدالعزيز؟؟؟؟
    حاولت وجود تخشن صوتها قدر ماتقدر وقالت:لا اخوي انت الظاهر انك مشبه علي
    خالد:اسف اخوي بس دامي اكلمك خلنا نتعرف ؟؟؟
    جافهد وقال:خالد وش تسوي؟؟؟؟
    وجود تقول في نفسها(هذا اللي ناقصني انا فهد)
    قال خالد:كنت مشبه على الاخو وقلت خل اتعرف عليه
    فهد:ايه نتعرف عليه وش ورانا
    قال خالد:ماقلت لي وش اسمك؟؟؟
    تورطت وجود وقالت:سيف اسمي سيف
    خالد:حي الله سيف انا خالد ومد يده
    هنا انكبت وجود من جد بس مدت يدها واللي ريحها ان ايدها كانت ملفوفه وقالت:الله يحيك اخوي
    خالد:وهذا فهد مد فهد يده ووجود مدت يدها ومن صافحته حست بكهرب بكل جسمها وقالت :عن اذنكم انا بسير للأهل (وماكانت تدري كيف طلع الكلام معها)
    خالد:انت اماراتي؟؟؟
    سيف:هيه جاين زياره وبنروح
    خالد:ماامداكم تجلسون هنا؟؟
    سيف:امبلا امدانا حنا ياين من فتره بس نزور الاهل وبنروح
    فهد:سيف معليش على اللقافه بس انت متزوج؟؟؟
    سيف:هيه ودق جوال واشوى انها مغيره نغماتها ولا كان فهد عرفها كانت حاطه شعر لفزاع وقال سيف:عن اذنكم الحرمه تتصل تأخرت عليها عن اذنكم وراح سيف ماصدق
    وجود على طول ركض لين وصلت ودخلت خيمتهم ومن شافوها قاموا
    قالت سمر:وش فيك تأخرتي؟؟؟
    وجود:الشباب كانو واقفين عند باب المخيم ولما جيت بلف مسكوني
    دلال:عسى ماعرفوك؟؟؟؟
    وجود:لا الحمد الله المهم بروح ابدل واجي
    وعند الشباب دخلوا وفهد كان يقول لخالد:تدري اني ارتحت له مدري ليش؟؟؟
    خالد:حتى انا ياحليله بس كلامهم حلو صار يتكلم اماراتي(بسير عند اهليه)
    فهد:كنه عجبك
    وطلع عليهم زياد وقال:شباب جولاتكم معكم؟؟؟
    فهد وخالد:لا جوى
    زياد:اجل قولوا عليها السلام مالقينا الجوالات
    فهد:من جدك؟؟؟؟
    زياد:ايه مافي شي وش نسوي الحين والشباب يقولون ماشافوا احد يدخل المخيم ابد
    خالد:انتم دورتوا زين؟؟؟؟
    زياد:ايه
    فهد:طيب يمكن مقلب من البنات؟؟؟؟
    خالد:انت صاحي هم وين وانت وين
    فهد:بدق واتأكد
    خالد:كيف بتدق؟؟؟
    فهد:باخذ جوال ابوي بدون مايدري راح فهد واخذ الجوال ودق على دلال
    استغربت دلال ان ابوها يدق عليها هالحزه وردت:هلا وكان عندها صوت المسجل شغال ومعلين الصوت
    سأل فهد:انتم وين؟؟؟
    دلال:في خيمتنا ليش؟؟؟
    فهد:انتم ماجيتوا القسم حقنا؟؟؟؟
    دلال:نجي وش نسوي احنا جالسين هنا موسعين صدورنا
    فهد:طيب خلاص مع السلامه
    سئله زياد:وش صار؟؟؟؟
    فهد:مشغلين الراديوا وموسعين صدورهم ولا فكروا فيكم
    خالد:قايل لك بس ماتسمع
    انتهى اليوم حلو على البنات وشين على الشباب ووجود كانت خايفه ان فهد وخالد يدورون سيف


    يتبع........

  3. #8

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية احبك حب يا مجنون كاملة بدون ردود 2015

    تابع.....


    المهم بدى اليوم الثاني وتهزءو الشباب عشان جوالاتهم اللي انسرقت والشباب كان اول يوم بدون جوالات لا والعشاء عليهم وبعدها عمي محمد مسوي سهره للبنات و الشباب
    بعد المغربرجعوا البنات جوالات الشباب عن طريق عمهم محمد
    دخل الخيمه وقال:انتم وين ذابين جوالاتكم؟؟؟
    فهد:امس انسرقت
    عمي محمد:انسرقت ولا انتم ماتشوفون؟؟؟
    خالد:انسرقت
    عمي محمد:مو هذي جوالاتكم؟؟؟
    نقزوا الشباب وقال زياد:وين لقيتهم؟؟؟
    عمي محمد:لقيتها مرميه عند باب المخيم
    بعد العشا اللي نصه احترق اجتمعوا البنات والشباب البنات نعهم القيتار والشباب معهم العود جلسوا قدام بعض وكانت وجود قائده البنات وفهد قائد الشباب والعم محمد كان الحكم
    قال عمي محمد:بنلعب كم لعبه واللي يفوز يأمر الفريق الثاني وهو ينفذ بدون نقاش الكل وافق وكمل بنلعب كم لعبه بس بنبدا بلعبه الاغاني الفريق يقول اسم المغني والفريق الثاني يغني للمغني أي اغنيه وبنبدا من فريق البنات هم اللي يغنون
    قال عمي سلمان:انتم هنا وانا ادور عيلكم
    عمي محمد:حياك جالسين نلعب وبنشوف مين اللي بيفوز
    عمي سلمان:يله مين يبدا
    عمي محمد:البنات
    قال زياد:راشد الماجد
    غنت وجود:
    انا السما واللي يبي يشوفني فوق.......هذا مكاني رغم صعبات الاقدار
    اسمس شموخ وفعلي يبين الذوق.......طبعي كسبته من بعد مجد الاحرار
    ماني من اللي يشتكي الوقت والعوق.....وان مال حظه كثر القول بأعذار
    ما ابيع راسي في مضاريبه السوق.......الدار داري والهوا عندي انار
    قالت دلال:تركي
    غنى فهد
    ماعندي شي اقوله الا اشتقت لك.....لو ثاني تسألني بقول اشتقت لك
    لاشفتك انساني واصير اتأملك......أنت الوحيد اللي يخليني بذهول
    ومن بدى فهد يغني عزفت وجود على القيتار وفهد كان يقصد بالاغنيه وجود وان شاء الله فهمت
    قال عمي محمد:شوفوا محد بيغني غير فهد ووجود لفوا كلهم عليه وقالوا:نعم!! قال عمي محمد:انتم قولوا لهم الاغنيه وهم يغنون
    قال زياد:منصور زايد
    قالت دلال لوجود الاغنيه وغنت وجود
    ياللبي في بالي ياغالي حلالي حلالك......كلي لك حتى عمري فدالك
    حب قلبي وخله في بالك.........ترى ماعندي شي يغلى عليك
    كل شي بغيته لقيته خذيته .......ياروحي وانا ساكت بجروحي
    ولا همي اساي ونوحي......هذا كله عشان اموت فيك
    قالت دانه:محمد عبدو
    نط مهند عند فهد وقاله الاغنيه
    غنى فهد
    اميره الورد ليه الورد مفتونك.......ليه بحياته يحاول يشبه الوانك
    كمن فراشه تمنت تلمس اغصانك.......والورد ياما تمنى يعيش بأغصانك
    [الاغاني اللي من الشباب كان كل واحد يهدي اغنيه للي يحبها اما البنات كانت اغانيهم عاديه بس اللي يعرف بيفهم انها اهداءات]
    قال نواف:عبدالمجيد عبدالله
    غنت وجود
    ياماحاولت الفراق وماقويت......كنت ابي انساك لكن مانسيت
    ماعصاني قلبي بعمره ولكن.....الاكيد اني انا اللي ما اشتهيت
    قالت اهات:عبدالقادر الهدهود
    غنى فهد
    بلاني وخلاني بحبه انا اعاني.......حبيبي لاتنساني دخيلك لاتنسى
    انا اللي عشق ودك ولا ادري.......متى ودك تهون علي صدك دخيلك وتنسى
    طلبتك بلا الزعل اذا بقلبك لي محل.........ولا يسوى اللي حصل على قلبي تقسى
    ترى فراقك اتعبني حبيبي ويذبحني.........متى تحن وترحمتني واشوفك وتنسى
    عمي فيصل:يوسف العماني
    غنت وجود
    خلاص اسكت ولا كلمه وش اللي بس تبي تبين
    تخون الحب عليك الله عاى بالك امر هين
    تخيل لو اسويها تعديها وتسامحني
    لواحلف ماتعديها وامام الناس تفضحني
    قالت سمر:حمود ناصر
    نط زياد عند فهد وقاله الاغنيه
    وغنى فهد
    في بالي دايم دايم في بالي.....مهما تمر اليالي ياغالي بموتي ما انساك
    احبك تدري شمعنى احبك ...يعني رقبتي بذنبك وقربك اخيه على فرقاك
    انساك هذا كلام انساك....روحي بعدها معاك ياويل ويلي ويل
    بداك قلبي علي بداك.....خلاني راح وياك ياويل ويلي ويل
    قال عمي محمد:بس محد فاز متعادلين
    عمي سلمان:طيب انت احكم
    عمي محمد:طيب انا بقول قصيده واللي يقول اسم الشاعر اول يفوز
    الكل :اوكي
    عمي محمد:ابعتذر عن كل شي ......الا الهوى ماللهوى عندي عذر
    ابعتذر عن كل شي......الا الجراح ماللجراح غير الصبر
    قالت وجود وعبدالرحمن :بدر بن عبدالمحسن
    عمي محمد:طيب
    سمرت بصحبه حروف القوافي.........احملها تناهين خوافي
    اشكل بالحروف الوان صوره....احركهامن المعنى بصافي
    اشيل الحرف من معنى لمعنى.....واجاري مازهر واظهر بخافي
    والى مني عطيت الحرف ونه.......بها الحرف على النجمات طافي
    الكل كان ساكت قالت سمر :خالد الفيصل
    عمي سلمان:صح البنات فازو
    عمي محمد:فيه لعبه ثانيه بناخذ من كل فريق شخصين وبنسئلهم اسئله واذا جاوبوا فازو واذا لا خسروا اختار عمي محمد من البنات مها وسمر ومن الشباب زياد وخالد
    وبدأ عمي محمد يسأل خالد:وش الاسم المفضل عند مها من اسماء الشباب؟؟؟؟
    خالد:امممم بندر؟؟
    لف عمي محمد على مها وقال:صح ولا لا؟؟
    مها:ايه صح
    قال عمي محمد يله مها الدور لك:وش اكثر شي ينرفز خالد؟؟
    مها:انه يكلم احد ومايناظره
    عمي محمد :ها ياخالد صح؟؟؟
    خالد :صحين
    سأل عمي سلمان خالد:من اقرب البنات لمها؟؟؟
    خالد:دانه
    عمي محمد:هايامها صح؟؟؟
    مها:لا
    فازت مها على خالد وجا دور زياد وسمر
    قال عمي محمد نبدا مع زياد وقال:سمر تسمع شعر بس مين الشاعرها المفضل؟؟؟
    زياد:خالد الفيصل ويقولها بكل ثقه
    عمي محمد:صح ياسمر؟؟؟
    سمر:صحين
    عمي سلمان :سمر وشو لون زياد المفضل؟؟؟
    سمر:الاسود
    ابتسم زياد وسأله عمي سلمان :صح؟؟
    زياد:صح
    عمي محمد:زياد مين اقرب وحدة لسمر من البنات؟؟؟
    زياد:وجود ودلال
    عمي سلمان:سمر السؤال لك وشو الشي اللي يضايق زياد في ملاك؟؟؟
    سمر:امممم
    ودق جوال وجودوخالد وفهد على طول لفوا لان النغمه موغريبه عليهم ردت وجود عادي
    جاوبت سمر عشان تمشي الموضوع وقالت:لقافتها ودفاشتها
    عمي محمد:صح يازياد؟؟؟
    زياد:صح
    عمي محمد:ناخذ مسابقه جديده اللي هي ودق جوال وجود فهد وخالد لفو طالعوا بعض شكوا في الموضوع كمل عمي كلامه وقال اللعبه هي ابتكلم مع شخص واحد من كل فريق بلهجه معينه واللي يعدي بيفوز فريقه يله كل فريق يختار واحد
    فريق البنات اختاروا وجود والشباب اختاروا فهد بدا عمي مع فهد وصار يتكلم معه بالبحريني وشبه عدى ووجود تكلم معها اماراتي وكانت ماشيه
    فهد وخالد من سمعوا وجود تتكلم اماراتي قالوا بصوت عالي:سيف!!!
    لف عمي محمد وقال:سيف وشو؟؟؟؟ ووجود مسويه قويه وهي ميته خوف من جوى
    قال خالد:سيف نسيناه
    فهد:اتوقع انه سافر والكلام كان موجه لوجود وبعدها عرفوا الشباب ان اللي صار كاه موقف من البنات وطبعا البنات فازوا وبعدها تفرقوا والشباب يدورون مقلب يسونه في البنات بس شلون لقوا فكره وقرروا ينفذون على السريع
    ################
    عند زياد كان فاتح الشنطه يدور شي ولقى خاتم استغرب حق مين وصار يقلب باللخاتم جاه مهندوقال:وش فيك؟؟؟
    زياد:لقيت هالخاتم !!!
    مهند:حق مين؟؟؟؟
    زياد:مادري؟؟
    مهند:هات اشوف اخذ الخاتم وصار يقلب فيه وشاف مكتوب جوى اسم وقال:زياد شف مكتوب هنا اسم
    اخذ زياد الخاتم ولما قرى الاسم انصدم
    مهند:حق مين؟؟؟
    زياد:سمر!!!!!!
    مهند:وش جابه هنا؟؟؟!!!
    زياد:مادري ؟؟لحظه اجل هم
    مهند:وشو اللي هم؟؟؟؟
    زياد:تتذكر لما ضاع جوال عمي محمد ولقاه بشنطتي
    مهند:ايه
    زياد:البنات هم اللي مسوينها

    #######################
    وعند البنات كل وحده بعالم اللي يلعبون باصره واونوا وكيرم وبليستيشن ودلال كانت سرحانه ووجود كانت حاطه السماعات تسمع اغاني وتقرى روايه وسمر كانت تدور خاتمها بس مالقته
    فجأه سمعوا اصوات وخافوا بس ماسوا شي شوي الا سمعوا صرخه مع ضربه قويه خافوا البنات وطلعوا برى الخيمه كلهم الا وجود كانت منطربه وكمنسجمه مع الروايه كانت منسدحه وفاكه شعرها
    فهد كان متفق مع الشباب انه يدخل يخرع البنات ولما دخل الخيمه ما شاف احد ولما لف بيطلع شاف وجود منسدحه وتغني(عسى ربي لعبد المجيد) وقف فهد يناظر وجود وخق عندها وجود حست ان احد يناظرها ولفت وانصدمت لما شافت فهد كل اللي سوته اخذت اقرب شي عندها وذبته عليه(وكان اقرب شي عندها مخده)ذبتها وبعدها ما شاف الا غبارها
    طلع فهد وهو مبتسم في عالم ثاني ووجود طلعت عند البنات وهم كانوا ميتين ضحك قالت وجود:طيب اوريكم لو ان مافي احد نايم بس خلوا الصبح يطلع واوريكم
    انتهى اليوم حلو على الكل وطبعا الشباب فتنوا على البنات انهم اللي ماخذين الجوال ومخبينه انتهى اسبوع المخيم والكل رجع بيته مع ان ماكان ودهم يرجعون بس حكم القوي على الضعيف
    روبي وعبير كانوا يزورون بعض وروبي كانت تزن على راس بندر يتزوج وهو يقول طيب بعدين وروبي كانت تبي عبير لبندر وبندر يبي وجود(تتوقعون ياخذ مين وجود ولا عبير؟؟؟)
    #######################3
    عدت باقي الاجازه بدون احداث جديده وبدت السنه الدراسيه الجديده
    اول يوم بالدراسه الكل كان رايح مواصل وعند البنات بالجامعه لما شافوا بعض صراخ وصاروا يضمون بعض كأنهم ماشافوا بعض طول الاجازه وحتى سعاد كانت معهم وطبعا على طول بدوا دراسه
    ###########################
    وعند الشباب بالجامعه :لما اجتمعوا كان سوالف وضحك وهبال كالعاده ودخلوا محاظراتهم ورائد كان فيه النوم وحط راسه ونام
    الدكتور ماجد انتبه له وقال:رائد قوم جاوب على السؤال
    فهد ومهندطقوا رائد بنفس الوقت صحى رائد وقال:وش فيه؟؟؟
    مهند يبي يضحك بس ماسك نفسه وقال:الدكتور يكلمك
    قام رائد وقال:معليش دكتور ماسمعتك
    الدكتور ماجد:اكيد مو كنت نايم؟؟
    رائد:لا بس كنت حاط راسي على الطاوله فيني صداع
    الدكتور ماجد:طيب جاوب على السؤال؟؟ وقاله
    تورط رائد بعدين شاف قدامه ورقه مكتوب فيها الاجابه قال رائد بدايه الحل ووقف
    قال الدكتور ماجد:كمل
    رائد:هذا اللي اعرفه
    الدكتور ماجد:تفضل بس انتبه لي
    لما جلس رائد قال:ليش خطك مو واضح؟؟؟
    مهند:احمد ربك طلعتك من الورطه اللي طحت فيها
    رائد:المره الجايه وضح خطك
    مهند:طرار ويتشرط لا وبعد فيها مره ثانيه
    رائد:ثانيه وثالثه وعاشره
    الدكتور ماجد:رائد ومهند ترى بتنطردون سكتوا الشباب وكملوا المحاظره
    ##################################
    خلونا نروح لناس ماتطرقنالهم بالروايه (ريتاج)بمدرسه الثانويه
    كانت ريتاج جالسه مع قروبها(اسماء ومنيره واروى ووئام ووعد)
    كانوا جالسين سوالف وضحك شوي قالت وئام:بنات قوموا نتمشى
    اسماء:انا مافيني
    وئام:عجازه جدتي اسماء مين تجي معي؟؟؟
    ريتاج :انا وقامت
    قالت منيره:كان ودي اجي معكم بس بجلس مع اسماء واروى حرام اخليهم لحالهم
    وئام:مالت عليكم وراحت تتمشى هي وريتاج وكانوا يسولفون ويضحكون
    فجأه سمعوا وحده صرخت:ريتاج
    ريتاج من سمعت الصوت عرفت مين قالت وئام: ياالله صباح خير
    جت البنت عند ريتاج وضمتها وقالت:حبي وحشتيني
    ريتاج:هلا سحر وانتي اكثر
    فكتها سحر وقالت:شخبارك ريتاج؟؟وينك قاطعه لاتسألين ولا شي؟؟؟
    ريتاج:انشغلت وصارت لنا ظروف
    سحر:اجل معذوره
    قالت وئام:يعني السلام بس لريتاج وانا واقفه جدار قدامك
    ضحكت ريتاج على كلام وئام لانها ماتحب سحر
    قالت سحر:هلا والله سوري ماشفتك من شوقي لريتاج
    وئام:اهلين وشوي بعدين راحت سحر قالت وئام:شلون مستحملتها ؟؟؟
    ريتاج:عادي عامليها على قد عقلها
    وئام:حلوه عجبتني
    (قصه سحر مع ريتاج سحر كانت صديقه ريتاج من اولى متوسط ولما صاروا ثالث متوسط قالت لها انها معجبه فيها وتبي تخاويها وريتاج ماتحب هذي السوالف وماعطتها وجه وصارت تعاملها كزميله لااكثر ولا اقل بس سحر الى الان تحاول فيها وهم الحين ثاني ثانوي وباقي الاحداث تعرفونها بعدين)وكملوا البنات يومهم سوالف وش سوو؟؟ووين سافروا؟؟وانتهى حلو
    #################
    وفي بيت عمي(سالم ابو خالد) كان خالد وعايشه جالسين بالصاله وخالد كان يبي يعرف اخبار دانه بس متردد وصار يحوس بالصاله شوي يلعب بالجوال وشوي يفتح جريده لفت عايشه وقالت:خالد وش فيك تحوس كنك مقروص؟؟؟
    خالد:مافيني شي
    عايشه:كل هاللي مسويه ومافيك شي؟؟؟
    خالد:في وضوع مقلقني شوي
    عايشه:موب شوي الا واجد انت شايف نفسك كيف؟؟؟
    خالد:عيوش ليش ماتسكتين
    عايشه:هذا جزاي قلت يمكن اساعدك
    خالد: تساعديني ايه افصد لا
    عايشه:براحتك متى مابغيتني انا هنا سكت خالد
    ####################
    وفي بين ابوي(سليمان ابو عبدالرحمن)
    كانوا ريناج وبدر ووجود وفيصل وجود كانت تتابع فلم هندي ومتحمسه لأبعد درجه وبدر كان معها وكانوا جالسين قدام التلفزيون على الارض من الحماس
    شوي الا قال بدر:ريتاج سكتي جوالك
    ريتاج:طيب وحطته سايلنت كانت تسولف مع وئام وسحر شوي تضحك بعدين تسكت راحت عند وجود وسئلتها:وجود عندك رسايل حلوه
    وجود:عندك الجوال وشوفي
    اخذت ريتاج الجوال ورجعته سألتها وجود :لقيتي اللي تبين؟؟؟
    ريتاج:لا مالقيت
    وجود:طيب قولي لي وش تبين وانا اعطيك
    ريتاج:ابي ارد على هالرساله ومالقيت
    وجود:وريني عطتها ريتاج الجوال وقرت وجود الرساله وقالت:هذي صديقتك؟؟؟
    ريتاج:زميله بس
    وجود:زميله بس وهذي رسايلها؟؟؟
    ريتاج:وجود ليش ماتكملين الفلم احسن لك
    وجود:بعرف الموضوع منك بعدين
    ريتاج:يصير خير
    رجعت وجود تتابع الفلم وجابوا اغنيه (Guzarish) من الفلم(Ghajini) وجود كانت الاغنيه تعجبها مره وكلماتها حلوه خلص الفلم الساعه 7:30 وراحت وجود عند ريتاج ودقت الباب
    ريتاج:مين؟؟
    وجود:انا
    ريتاج:تعالي دخلت وجود
    وكانت ريتاج تكلم وقالت:لا شدعوى وئام ماتسوي كذا
    سحر:الا وئام تبي تفرق بينا
    ريتاج:سحر وش هالكلام محدب يفرقنا وبعدين سكري الموضوع واشرت لوجود تصوت نادتها وجود بعدين قالت ريتاج: سحر اختي تناديني عن اذنك وسكرت وقالت مابغت تسكر
    وجود:وش فيك؟؟؟
    ريتاج :ابسألك انتي لما كنتي في المتوسط والثانويه جوك بنات بيخاونك؟؟؟؟
    ابتسمت وجود وقالت:ايه واى الحين ليش؟؟
    ريتاج:طيب البنات تعرفينهم ولا لا؟؟؟
    وجود:معرفه سطحيه والاغلبيه ما اعرفهم بس ليش؟؟؟؟
    ريتاج:اوف وقالت لها عن سحر
    وجود:طيب عامليها عادي مثل غيرها وحاولي تستفزينها بعض الاحيان قدر ماتقدرين
    ريتاج :ليش؟؟؟
    وجود:يمكن تغير اسلوبها معك وعلميني وش يصير معك
    ريتاج:لوك
    #####################
    وفي بيت (ابو حمد)
    حمد كان جالس بغرفته يفكر بالبنت اللي اخذت عقله ودقت عبير الباب
    حمد:ادخل
    دخلت عبير وقالت:شخبارك؟؟
    حمد:بخير
    عبير:بس اللي اشوفه غير
    حمد:ليش وش شايفه؟؟؟
    عبير:انت قول لي؟؟؟
    حمد:مافي شي بس ضغوطات شغل
    عبير:بس شغل؟؟؟
    حمد:ليه في شي ثاني؟؟؟؟
    عبير:في موضوع بكلمك فيه
    حمد:وشو؟؟؟؟
    عبير:امي بتخط بلك وش رايك؟؟؟؟
    سكت حمد بعدين قال:في وحده في بالها يعني؟؟؟
    عبير:بصراحه ايه
    حمد:وانتي وش رايك؟؟؟؟
    عبير:انا مو موافقه على البنت
    حمد:ليش منهي؟؟؟؟
    عبير:بنت خالي احمد
    حمد:ومن قال لو اني بتزوج باخذ وحده من العايله
    عبير:يعني؟؟؟
    حمد:من العايله لا بس اذا ن برى ايه
    عبير:يس
    حمد:انتي في راسك شي صح؟؟؟
    عبير:في راسي بنت بس انت وافق؟؟؟
    حمد:اذا من برى العايله ايه
    عبير:اجل باي وطلعت تقول لأمها وامها وافقت على البنت
    ###############################
    وفي يوم جديد في الجامعه عند البنات
    الصبح اهات كانت تذاكر عشان عندها كوز والبنات حولها يسولفون قامت اهات
    سئلتها نوف:وين؟؟؟
    اهات:أي مكان اهم شي بعيد عن ازعاجكم
    ندى:براحتك وراحت اهات وبعد شوي الكل دخل ماظرته الا وجود وعبير ودلال
    ودق جوال عبير وكان حمد ولما سكرت قالت:بنات بنخطب لحمد
    وجود:ماشاء الله ومنهي سعيده الحظ؟؟؟؟
    عبير:بقولكم بس اتقولون لأحد
    وجود ودلال:اكيد
    عبير:بنخطب له مها
    دلال:أي مها؟؟؟؟
    عبير:مها اخت وجود وبنت عمك ياذكيه
    دلال:حركات بنصير نسايب
    عبير: انتي وش دخلك المفروض وجود هي اللي تقول مو انتي
    وجود كانت تضحك قالت دلال:اضحكي مو انتي اللي تفشلتي وبعدها كل وحده راحت محاظرتها

    ،

    صباح / مساء الخير حبايبي
    اخباركم ؟؟؟هذا تكمله البارت لعيونكم والباقي البارت المره الجايه
    ان شاءالله
    بس اتمنى اشوف ردوركم وتوقعاتكم

  4. #9

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية احبك حب يا مجنون كاملة بدون ردود 2015

    تابع.......


    وبعد مرور اسبوع دقت أم حمد وخطبت مها لحمد قالت أم عبد الرحمن لزوجها وقال :ان الرجال ماعليه كلام كلمي البنت وشوفي رايها
    يوم الخميس كانت مها بغرفتها جالسه تلعب باللاب دق الباب
    مها:ادخل دخلت امها
    مها:هلا والله بأمي وينك ماتنشافين؟؟
    أم عبدالرحمن:انا اللي ما انشاف ولا انتي؟؟ومين المفروض يقول هالكلام لثاني؟؟
    ابتسمت مها وقالت:تعرفين الشغل وحوسه
    قالت أم عبدالرحمن:والله وكبرتي وصرتي عروس
    مها تناظر امها واتدري وش السالفه
    قالت أم عبدالرحمن:فيه ناس خطبوك وابوك موافق والرجال مافيه شي ينعاب واللي باقي رايك؟؟؟
    مها ساكته ووجهها الوان
    قالت أم عبدالرحمن:ماتبين تعرفين منهو؟؟
    مها:لارد
    أم عبدالرحمن:بكيفك وقامت بتطلع
    قالت مها :لحظه يمه
    أم عبدالرحمن:نعم؟؟
    مها:منهو؟؟؟؟
    أم عبدالرحمن:اخو صديقتكم عبير حمد وطلعت ومها باقي مصدومه مبعد استوعبت
    (نسيت اقول لكم مها توظفت بشركه العايله يعني تعرف حمد والاكثر ان هو نفسه اللي صار لها موقف معه قبل فتره)وافقت مها وتمت الخطبه رسمي ويوم الشوفه
    حمد ماكان يدري ان البنت اللي خطبوها له هي نفسها اللي ماخذه عقله
    عندمها كانت ميته خوف ووجود ودانه كانوا يهدونها شوي وشوي يهبلون فيها
    جت أم عبدالرحمن وقالت:يله يامها انزلي ابوك يستناك تحت
    مها:لاخلاص يمه مابي مابي
    أم عبدالرحمن:اقول انزلي لايجي ابوك وينزلك
    نزلت مها وهي تحاول تهدي نفسها ودانه ووجود ميتين ضحك عليها وهي تتوعد فيهم اخذت العصيروراحت ورى ابوها
    فتح ابوها الباب ودخل ودخلت بعده مها وحمد وقف كان يناظرها ومنصدم انها نفس البنت اللي اخذت عقله عطته مها العصير وماشاف الا غبارها ودانه ووجود كانوا يطلون عليهم من شباك المجلس الخارجي وكانوا يضحكون على شكل حمد المتفاجىء
    رجعت مها جوى وتحس قلبها شوي ويطلع من مكانه ولما شافت دانه ووجود كانوا ميتين ضحك على شكل مها وصارت تلاحقهم وطلعوا الحوش وملاحق ووصلوا عند المسبح ودانه وهي تركض طاحت في المسبح ووجود ميته ضحك ولما جتها مها انحاشت للغرفه وسكرت الباب وهي تسمع مها تتوعد فيها
    ###########################
    وعند حمد طلع من بين ابو عبدالرحمن وهو طاير من الفرحه وصل البيت وصار يصوت:عبير عبور وينك؟؟
    جت عبير تركض وقالت:وش فيك؟؟؟
    شالها حمد وصار يدور فيها وعبير تصرخ ولما نزلها سئلته :وش فيك؟؟؟
    حمد:انتي احلى اخت بالدنيا احبك
    عبير:كل هذا سوته فيك مها
    حمد:اهـ يامها
    عبير:احلى هذي شوفه وكذا اجل بعد الزواج وش بتسوي؟؟؟
    حمد:ماراح يصير فيني عقل
    عبير:انت من زمان مافيك عقل
    تحددت ملكه مها وحمد بعد شهرين
    ########################
    وفي بيت (عمي عبدالله ابو ناصر)
    فهد كان جالس بغرفته ويفكر بوجود وكيف ينفذ وصيه جده ودق باب غرفته
    فهد:ادخل
    فتح الباب ودخل عمي عبدالله وفهد من شاف ابوه تعدل بجلسته وقال:حياك يبه
    عمي عبدالله:الله يحيك وش جالس تسوي؟؟؟
    فهد:كنت اذاكر توني مخلص
    عمي عبدالله:تذاكر!!!وين كتبك؟؟؟
    فهد:ها توني وديها
    عمي عبدالله:كيف الشغل؟؟
    فهد:الحمدالله وسرح
    عمي عبدالله:فهد وهزه
    انتبه فهد وقال:هلا
    عمي عبدالله:وش رايك؟؟؟
    فهد:ها وسكت
    قال عمي عبدالله:وش اللي شاغلك؟؟؟
    فهد:ضغوطات الدوام والدراسه بس
    عمي عبدالله:بس؟؟؟
    فهد:ايه بس
    عمي عبدالله:ووجود؟؟؟
    سكت فهد بعدين قال:وش فيها؟؟؟
    عمي عبدالله:مافيها شي بس انت اللي فيك
    فهد:انا مافيني شي
    عمي عبدالله:براحتك انا كنت بتطمن عليك بس وقام بيطلع
    فهد:يبه
    عمي عبدالله:نعم؟؟
    فهد:ابي اخذ رايك بشي تعال اجلس
    جلس عمي عبدالله وقال:وش عندك؟؟؟
    فهد:انا وسكت
    عمي عبدالله:تكلم وش فيك؟؟؟؟
    فهد:انا بتقدم لوجود
    عمي عبدالله:هذي الساعه المباركه
    فهد:بس انا متردد
    عمي عبدالله:دامك تحبها وتبيها توكل على الله
    فهد كان مصدوم ان ابوه يعرف انه يحب وجود
    عمي عبدالله:وش فيك مصدوم انا ابوك واعرفك وبعدين ترى عيونك فاضحتك
    نزل فهد راسه وسكت
    قال عمي عبدالله:متى تبي تخطبها؟؟
    فهد:متى ماتبي
    عمي عبدالله:متى ما ابي انا ولا انت يامعرس
    فهد:أي معرس يمكن ماتوافق علي
    عمي عبدالله :ويمكن توافق تفائل يافهد وبعدين يمكن هي تحبك مثل ماتحبها وطلع
    فهد كلام ابوه ريحه ونام وهو يفكر بوجود
    ##########################
    بدى يوم جديد وكان يوم الاربعاء
    في مدرسه الثانويه عند ريتاج وقروبها
    وئام واروى وريتاج ومنيره واسماء كانوا فاصلين من الصبح وفي الفسحه نزلوا وهم يضحكون ويستهبلون وكل هذا بسبه اختبار الرياضيات
    ريتاج ووئام كانوا مع بعض يتمشون ويضحكون وسحر كانت جالسه تناظرهم وجت وجدان تركض وضمت ريتاج وسحر ماتت قهر
    وبعدها وجدان صارت تمشي مع وئام وريتاج وضحك غير طبيعي جت سحر تسلم سلمت على ريتاج وريتاج سلمت عليها ببرود ونادوها البنات وراحت وتمت سحر مع وئام ووجدان سحر كانت مستغربه من ريتاج وكيف تعاملها بهالبرود انتهت الفسحه
    في الفصل كانت وئام وريتاج ووعد طول يومهم يضحكون ومن الهستره الزايده صاروا يرقصون بالفصل ويدقون ووناسه وبالطلعه ريتاج كانت جالسه مع قروبها وهبال
    جت سحر ونادت ريتاج وقالت لها انها تبي تتمشى معها وريتاج ماعارضت راحت معها
    كانوا يتمشون عادي وريتاج كانت ميته من الضحك
    قالت سحر:ريتاج وش فيك اكلمك وانتي تضحكين؟؟؟؟
    ريتاج كانت تضحك وماتقدر تتكلم والشي اللي يضحك ريتاج ان وئام ورى سحر تسوي حركات
    سحر عصبت وقالت:ريتاج خلاص ماصار ضحك ولما جت بترد صوت سواقها فقالت:مع السلامه وراحت بسرعه وهي ميته ضحك
    ######################3
    بعد المغرب الكل اجتمع في بيت(ابو عبدالرحمن)
    كان البيت ازعاج ووناسه والبنات كانو ماسكين تعليقات على مها لان مابقى على ملكتها الا اسبوعين والكل كان محيوس لان الملكه بقاعه
    ###############################
    وعند الشباب كان نفس الشي هبال وضحك ماعاد فهد اللي كان يفكر(لأنه قال لابوه يخطب له وجود)
    قال مهند:اللي ماخذ عقلك يتهنى فيه
    فهد ابتسم وقال:امين
    مهند:وش فيك انت مو طبيعي؟؟؟؟
    فهد:قلت لبوي يخطب لي وجود
    صرخ مهند:قول والله؟؟؟؟
    كل اللي بالمجلس لفوا قال عمي محمد:وش فيكم؟؟؟؟
    فهد:مافينا شي ياعمي يعني ماتعرف هبال مهند ولف على مهند وقال:فضحتنا الله يفضحك
    مهند:ياخي ماني مصدق
    فهد:لاصدق
    ##########################
    وعند عمي عبدالله وابوي سليمان
    قال عمي عبدالله:سليمان انا بخطب بنتك وجود لولدي فهد
    ابوي (سليمان):هذي الساعه المباركه بس اخذ راي البنت وارد لك خبر
    عمي عبدالله:خير ان شاءالله
    ############################
    عند البنات كانوا يبون ايسكريم بس مين يجيب لهم
    مها:وحده فيكم تكلم اخوها وتقوله
    سمر:سلطان بيقول مو فاضي لكم
    اهات:حنى نواف وزياد بيذلونك
    عايشه:حتى خلود ومهند
    دلال:وفهد على حسب المزاج
    دانه:حتى بدور وعبدالرحمن يعني لاتفكرون
    وجود:نقول لعمي محمد وهو يدبرها
    البنات:صح
    وجود:بس وحده فيكم تكلمه انا مو مكلمته وبعد هواش دقوا عليه وكلمته سمر وبعد عناء وافق وراح هو وفهد
    وهم في محل الايسكريم قال عمي محمد:فهد وش فيك؟؟؟
    فهد:مافيني شي بس لاني ماريحت بعد الدوام
    اخذوا طلبهم وراحوا وصل للبنات طلبهم ولما كانوا ياكلون كانت متوتره مو عارفه تاكل
    سئلتها وجود:وش فيك؟؟؟
    روبي:مافيني شي ليش؟؟
    وجود:كل هالتوتر ومافيك شي؟؟
    روبي:بصراحه من جلسنا وام نواف عيونها علي
    وجود:عادي تبيك لنواف
    روبي حمر وجهها وطقت وجود وقالت:يا خايسه
    انتهت الجمعه الحلوه على الساعه 2:30 الصبح
    ###########################
    يوم الخميس وجود ودانه ودلال وسمر كانوا طالعين السوق يخلصون باقي اغراضهم ومارجعوا الا بعد العشاء واجتمعوا في بيت وجود وكانوا بالغرفه يتناقشون ويعدلون بعض الاغراض دق جوال وجود
    وجود:هلا يبه
    ابوي(سليمان):انتي وين؟؟
    وجود:انا بغرفتي بغيت شي؟؟؟
    ابوي(سليمان):ايه تعالي عندي
    وجود:اوكي
    راحت وجود غرفه ابوها ودقت الباب
    قالل ابوها:ادخل
    دخلت وجود وسلمت
    ابوي:تعالي اجلسي جلست وجود جنبه
    قال ابوي:وجود انتي كبرتي ماشاءالله عليك وصرتي عروس وبصراحه ولد عمك فهد خطبك
    وجود كانت تناظر في ابوها مصدومه ولما انتبهت نزلت عيونها
    قال ابوي:فهد رجال ماينعاب وولد عمك وانتي عارفته وانا ما اقو لك هالكلام لانه ولد اخوي لابس اللي فهمته من عمك ان فهد شاريك وانا موافق والراي بالاخير رايك
    وجود كانت ساكته وتسمع كلامه ولما خلص قامت وقالت :عن اذنك
    طلعت من عنده ورجعت عند البنات وعقلها مو معها كانوا البنات يكلمونها بس هي مو معهم ابد جتها سمر وطقتها على يدها وقالت وجود:ها هلا وش بغيتي؟؟؟
    سمر:وش فيك رحتي بحال وجيتي بحال احد صار له شي؟؟؟؟
    وجود:لاماصار شي
    دلال:اجل انتي ليش لونك مخطوف كذا
    وجود:مافيني شي المهم انتوا خلصتوا من السوق؟؟
    دلال:ايه خلاص ماباقي الا الهدايا
    وجود:الهدايا يوم الاحد تصير جاهزه وبعدها طلعوا البنات ووجود تحاول تشغل نفسها بضف الغرفه عقب الحوسه اللي قبل شوي ولما خلصت
    جوبدر وعبدالرحمن يسولفون معها بس هي مو معهم ابد كل تفكيرها بفهد
    انتهى يوم الخميس وفهد خايف من رد وجود ،ووجود مصدومه من خطوه فهد
    وفي هاليوم لا وجود نامت ولا فهد


    يتبع.......

  5. #10

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية احبك حب يا مجنون كاملة بدون ردود 2015

    تابع.......


    يوم الخميس الساعه 9 الصبح نزلت وجود تحت تصلح لها شاهي عشان تصحصح شافتها امها وقالت:وجود وش مصحيك الحين؟؟؟
    وجود:مانمت اصلا
    امي(أم عبدالرحمن):ليش وش فيك؟؟؟
    سكتت وجود قالت امي:عشان موضوع فهد؟؟؟؟
    وجود:ايه
    امي:ليش انتي ماتبينه؟؟؟
    وجود:مو ما ابيه بس متردده احس بدري
    امي:انتي خايفه من شي؟؟؟؟
    وجود قامت ورجعت جلست ومعها كاس الشاهي وقالت:مدري يمكن خايفه يمكن متردده وابوي فاجئني لما قالي امس
    امي:انتي تحبين واحد ثاني؟؟؟
    ابتسمت وجود نص ابتسامه وقالت:ولا افكر احب بس مدري احس بدري وبس
    امي:انتي استخيري وبترتاحين وخذي راحتك وانتي تفكرين
    وفي بيت عمي محمد(ابو سلطان):كانوا سمر هيام طفشانين وجالسين بالصاله جاء سلطان وجلس معهم
    قالت سمر:سلطان انت فاضي؟؟؟
    سلطان:ايه ليش؟؟؟
    سمر:طفشانين نبيك تطلعنا
    سلطان:اممم اوكي قوموا اجهزوا طلعوا البنات مع سلطان وتمشوا ومارجعوا الا بعد المغرب
    يوم الثلاثاء الكل كان مجتمع في بيت عمي سلمان عشان التجهيز للملكه وكانا ينقشنون وكان ماباقي الا وجود روبي وسمر وشوي طلبوا الرجال قهوه راحا البنات للمطبخ يصلحون القهوه والشاهي طلعت سمر وبقوا وجود وروبي ودخلوا فهد نواف المطبخ وهم يسولفون وروبي من سمعت الصوت تخبت بين الثلاجه والدولاب ووجود كان معها طرحتها تغطت فيها الشباب واقفين
    قالت وجود:برى لو سمحتوا واذا بتدخلون استأذنو الشباب طلعوا على طول بدون نقاش
    طلعت روبي تاخذ نفس وقالت:ليش قلتي لهم كذا؟؟؟
    وجود:وش تبيني اقول لهم المهم شوفي اللي عندك خلص
    روبي:ايه وراحوا لصاله وقالوا لأهات :دقي على واحد من اخوانك يجي ياخذ القهوه والشاهي
    اهات مدت يديها وقالت:وشلون اكلمهم؟؟؟
    اخذت وجود الجوال وقالت:ادق على مين؟؟؟
    اهات:زياد دقت وجود قالت اهات:تعال المطبخ وخذ القهوه والشاهي
    زياد:طيب وسكر وقال لفهد:تعال وهم يمشون للمطبخ
    قال زياد:ماردوا عليك؟؟؟
    فهد:لا بس ليش جايبني معك؟؟؟
    زياد:عشان تساعدني
    خلصوا البنات ولما جت الساعه 1 كل واحد راح لبيته
    وفي بيت ابوي(ابوعبدالرحمن)
    وجود مانامت نزلت تحت وجلست عند التلفزيون بس عقلها بعيد وماحست ببدر اللي دخل الصاله الا لما حط يده على كتفها لفت وجود بسرعه واستغربت لما شافت بدروقالت:وش اللي مصحيك الحين؟؟
    بدر:انتي تدرين كم الساعه؟؟؟؟
    شافت وجود الساعه وانصدمت انها 4الفجر وقالت لبدر:عندك اختبار؟؟؟
    بدر:ايه بس انتي ليش مانمتي؟؟؟
    وجود:ايه نمت وصحيت
    بدر:صدقتك قومي ريحي شي قبل الدوام طفت وجود التلفزيون وطلعت فوق وكانت تفكر(هي استخارت وارتاحت بس باقي تفكر كانت بترفض بس تذكرت الوصيه وقالت انها بتقول لهم رايها)ودخلت غرفتها وانسدحت على السرير بترتاح شوي وقفلت جوالها
    بكره الصبح الكل راح دوامه وفي الجامعه عند البنات
    وجود كانت بالمحاظره ودلال تدق عليها وجوالها مغلق وهي ماشافتها الصبح شافت دانه وسئلتها:وجود داومت اليوم؟؟؟؟
    دانه:ايه مداومه ليش؟؟؟
    دلال:ادق عليها جوالها مغلق
    دانه:يمكن بالمحاظره
    وبعد ساعه طلعت وجود من المحاظره ومن شافتها دلال راحت لها ركض
    وجود:وش فيك دلول؟؟؟
    دلال:ليش قافله جوالك؟؟؟؟
    وجود:مالي خلقه
    دلال:مالك خلقه وانا اللي اجلس على اعصابي
    وجود:معليش وش بغيتي مني؟؟؟
    دلال:تعالي ابيك بموضووع
    وجود:اللي هو؟؟؟؟ صاروا يتمشون وقالت دلال:ليش ماقلتي لي ان فهد خطبك؟؟؟
    وجود:ليش هو ماقال لك؟؟؟
    دلال:الحين اسألك تجاوبيني بسؤال لا ماقالي
    وجود:اذا هو ماقالك تبيني اقولك
    دلال:حتى لو انتي اقرب وحده لي المفروض قلتي لي
    وجود:على بالي عندك خبر عشان كذا مافتحت الموضوع
    دلال:طيب وش قرارك بتحين اخوي ولا بتذبحينه؟؟؟
    وجود:الا قررت بس لحد يدري بقراري
    دلال:ليش؟؟
    وجود:بقلهم بس بعد ملكه مها
    دلال:وشو قرارك؟؟؟
    وجود:انا موافقه
    صرخت دلال وضمت وجود
    قالت وجود:فضحتيني الله يفضحك
    دلال:ماني مصدقه وافقتي واخير مبروك يامرت اخوي
    وجود:الله يبارك فيك وعقبالك بس لاعاد تقولين مرت اخي مره ثانيه عشان ما اغير رايي
    دلال:امين .ان شاءالله
    الكل رجع بيته بعد يوم متعب لان اليوم جمعه العايله وبكره ملكه مها وحمد عدى هاليوم باتجهيزات الاخيره
    اليوم الخميس اليوم المنتظر بالنسبه لحمد والفرحه مو شايلته <<هذا وهي ملكه اجل لو زواج وش بيسوي المهم
    الساعه 10 الصبح وجود كانت صاحيه بس منسدحه على السرير دق الباب قالت وجود وهي مستغربه انه جاي عندها:تعال يبه وعدلت نفسها
    دخل ابوي وقال:صباح الخير
    وجود:صباح النور
    ابوي:غريبه نايمه للحين؟؟؟
    وجود:لا صاحيه من بدري بس اريح امر يبه بغيت شي؟؟؟
    (كانت عارفه ليش جاي بس كانت تستغبي)
    ابوي:وش رايك؟؟؟
    وجود:رايي في ايش؟؟؟
    ابوي: في خطبه فهد لك انتي موافقه ولا لا؟؟؟ كستت وجود
    قال ابوي:وش أرد على عمك؟؟؟
    وجود:قول لهم اني وسكتت
    ابوي:انك ايش؟؟؟
    وجود:موافقه
    ابوي:الف مبروك
    وجود:الله يبارك فيك
    ابوي:انا بروح ابلغ عمك وطلع
    ابتسمت وجود وقالت في نفسها(اسفه فهد بعذبك معي )وقامت اخذت شور ونزلت تحت وكان الخبر انتشر راحت للمطبخ وسوت لها شاهي واخذت كاسها وراحت لصاله ومن شافها بدر على طول قام وحضنها وقال:الف مبروك حبي
    وجود:شوي شوي بغيت تكب الشاهي الله يبارك بعمرك
    بدر:يعني في بيتنا عروسين
    عبدالرحمن:طيب وخر خلنا نبارك لها وخر بدر وضم عبدالرحمن وجود وكملوها سوالف وفرحه ابوها واخوانها فرحتها
    وفي بيت عمي عبدالله(ابو ناصر)
    فهد كان بغرفه دلال جالسين ودق الباب دلال:ادخل
    دخل عمي عبدالله الغرفه وقال:ماشاء الله جالسين هنا وانا لحالي تحت
    دلال:حياك معنا يبه
    عمي عبدالله:لا انا جاي ابارك لفهد وبروح عندي شغل
    ابتسمت دلال وقال عمي عبدالله:فهد ترى وجود وافقت
    قام فهد ووقف قدام ابوه وقال:من جدك؟؟؟
    عمي عبدالله عطاه نظره وقال:مبروك
    فهد رد بدون وعي:الله يبارك فيك
    طلع عمي فهد واقف مكانه مبعد استوعب قالت دلال:يااخوي تراها وافقت مارفضت
    فهد:يعني هي وافقت وصرخ وضم دلالالفرحه مو سايعته
    جو ندى ونوف على صرخه قهد وقالو:وش فيه؟؟؟؟؟
    دلال:ابد بس فهد خطب وجود وهي وافقت توه ابوي قالنا بس
    ندى:والله الف مبروك فهود
    فهد:الله يبارك فيك وعقبالكم وطلع من الغرفه وراح غرفته يدق على مهند اللي بسابع نومه ازعجه لين صحى
    مهند:الو نعم؟؟؟
    فهد:نعامه ترفسك قوم
    مهند:وش عندك على هالصبح يافهد؟؟؟
    فهد:وافقت علي
    مهند:منهي؟؟؟؟
    فهد:مهند صحصح معي وجود وافقت
    مهند توه يستوعب وقال:قول والله؟؟؟
    فهد:انا مو مصدق ان وجود وافقت يعني بتصير لي وصار يصرخ
    مهند:ياخي خلاص عرفت بس اذني ابيها والف مبروك
    فهد:من حلاتك وحلاه اذنك الشرهه علي اللي ابيك تفرح معي والله يبارك بعمرك وعقبالك
    مهند:ان شاء الله يارب
    فهد:اقول قوم يله بلا كسل
    العصر الكل في المشغل ماعاد وجود ودلال وسمركالعاده وقالت وجود لبدر يجي ياخذهم من البيت ولا ياويله المهم خلصوالبنات بعد المغرب
    [وجود كانت لابسه فستان قصير لين الركبه لونه تفاحي ووردي توب وكان فيه شك يس بسيط وكان ماسك على جسمها ولبست شوز كعب ربط على الساق ومسويه تسريحه حلوه بس بسيطه عشان تخفي طول شعرها وحاطه مكياج حلو لاخفيف ولا ثقيل وسط وصايره تطير العقل]
    [دلال كانت لابسه فستان طوبل لونه نحاسي على ذهبي كان ماسك من عند الصدر وفيه شك ومن ورى نص الظهر طالع وماسك عند نهايه الظهر وفيه كسره معطيته شكل حلو وحاطه مكياج نحاسي وتسريحتها حلوه وطالعه قمر]
    [دانه كانت لابسه فستان لونه ازرق مثل زرقه البحر وكان ماسك من عند الرقبه ومن تحت الصدر كله شك وعند الخصر فيه حزام بس نحيف ومن ورى نص ظهرها طالع وكانت مسويه بوف وباقي الشعر مفكوك ومكياجها كان ثقيل]
    [سمر كانت لابسه فستان قصير لونه ابيض وفيه حزام لونه ذهبي ونازل من الحزام زي السلاسل وكان القماش نفسه فيه شك بسيط ومكياجها كان ذهبي خفيف وتريحتها عاديه]
    [عبير كانت لابسه فستان اونه احمر توب كان عادي بس ماسك على جسمها وطالع عليه شي وتسريحتها ومكياجها كان شوي ثقيل بس حلو عليها]
    [روبي كانت لابسه فستان لونه اصفر ووردي كان سيور وقصير من قدام وطويل من ورى وشوزها كان كان كله ربط على الساق وكانترافعه شعرها بوف والبافي بالفير ومكياجها ناعم]
    [هيام وملاك كانو لابسين فستان فصير لونه نيلي ماسك من كتف احد فيه شويه شك ومكياجهم وتسريحتهم ثقيل نوعا ما]
    [عايشه وندى كانو لابسين نفس بعض فستان طويل لونه برتقالي وتفاحي سيور وفيه على جنب كسرات معطيه منظر حلو للفستان ]
    [نوره كانت لابسه فستان فضي طويل وسيور وكان فيه شك وماسكعلى جسمها ومن عند الخصر فيه زي الزياده معطيه منظر حلو للفستان ومع التسريحه والمكياج طلعت قمر]
    [اهات ونوف كانولا بسين نفس الفستان بس بألوان مختلفه كان توب ومن تحت الصدر كله كسرات وعند الخصر فيه حزام عليه ورده والوانهم وحده موف فاتح والثانيه احمر بس فاتح ]
    [واخيرا العروسه معا كانت لابسه فستان وردي كان ماسك من كتف واحد ومن عند الصدر كله شك وكان قصير من قدام وطويل من ورى وشوزها كان كعب وتسريحتها حلوه ومكياجها ثقيل صايره تطير العقل<<<الله يعين حمد]
    وجود ودانه كانوا ماسكين القاعه وجود كانت رايحه للستيج ونادتها
    نهله(أم ناصر):وجود
    لفت وجود قالت:لبيه
    أم ناصر:لبيتي حاجه ماشاء الله صايره عروس
    ابتسمت وجود وقالت:وياك
    أم ناصر:قريتي على نفسك؟؟؟؟
    وجود:ايه
    أم ناصر:الله يحفظك لاهلك لفهد ان شاء الله
    وجود قلب جهها لاوان الطيف ابتسمت جت دلال وقالت:وجود انتي هنا وانا ادورك في كل القاعه
    وجود:جيت اتأكد من الاضاءه للكوشه
    أم ناصر:دلول قريتي على نفسك
    دلال:ايه دق جوال أم ناصر وكان فهد لما سكرت قالت:وجود وش رايك تملكون الليله انتي وفهد؟؟؟
    وجود:لا ماينفع
    دلال:حرام عليك ارحمي فهد ووافقي طقت وجود دلال وقالت :عن اذنكم برح لمها وانحاشت هي تتوعد في دلال
    بدت الحفله وكل من شاف وجود بارك له كل ماتناست الموضوع ذكروها
    طلعت عند مها ترتاح شوي وجاء ابوها وخلى مها توقع وقال لوجود:ماودك نملك الحين؟؟؟
    وجود في نفسها(لهدرجه تبون الفكه)قالت:لا بعدين
    طلع ابوي وبعدها جو عمامي واستلما مها واستلموا وجود معها
    ووعند الرجال:حمد وفهد كانا طايرين من الفرحه ومهند وزياد طايحين استهبال عليهم وهم جالسين راح عمي فيصل وجلس عند فهد وقال:فهد وش عندك مستانس؟؟
    فهد:ليش حرام استانس؟؟!!
    عمي فيصل:لاموحرام بس اسأل صح مبرك عقبال ما اشوفكم سوا ان شاءالله
    فهد:الله يبارك بعمرك امين الله يسمع منك
    وعند البنات جا وقت الزفه كانت مها بسم الله عليها قمر والزفه كانت حلوه بعد الزفه البنات كانوا فالينها ومهبلين في مها شوي وقالوا بيدخل حمد مها كانت ترتجف ومن شافت حمد داخل وبعد ربع ساعه طلعوا فوق عشان التصوير وحمد ماقصر في مها انتهت الملكه
    دخلوا عمامي وجلسوا مع البنات ووجود كانت سرحانه جاها عمي فيصل وقال:وجد
    وجود:هلا حبي
    عمي فيصل:حبي لاخلي هالكلام لفهد انا مابي هالكلام
    وجود انقلب وجهها الوان وسكتت قال عمي فيصل:يله تعالا نتصور يابنات
    طلعوا البنات معه وصورو ولما خلصوا الكل طلع ولما جت وجود تطلع قال عمي فيصل:لحظه وجود
    وجود:وش فيك؟؟؟
    عمي فيصل:تعالي اجلسي جلست وجود وسكت عمي فيصل
    قالت وجود:بتتكلم ولا اروح
    عمي فيصل:افا ليش تكلميني كذا زعلانه؟؟؟
    وجود:لا بس حركتك بايخه انا دايم اكلمك كذا
    عمي فيصل:خلاص اسف بس لاتزعلين
    وجود:مازعلت بس احرجتني قدام الكل لو مافي احد كان اهون بس الكل موجود وسكتت
    عمي فيصل:تدرين عاد ياحظ فهد فيك وبقلبك ناوا البنات على وجود وقامت قالت:نكمل الكلام بالبيت وطلعت
    لما طلعوا كانوا وجود ودانه ومها بيروحون مع عمي فيصل ركبوا البنات شوي الا جا عمي فيصل عند وجود وفتح الباب وقال:تعالي بسرعه
    وجود:وش فيه؟؟؟
    عمي فيصل:تعالي وسحبها نزلت وجود معه وهي ماسكه عباتها عشان ماتنفتح لان فستانها قصير
    وجود وهي تمشي معه سألت:وش فيك؟؟؟
    عمي فيصل:فيصل طاح
    وجود:ش فيه ؟؟؟ قبل شوي مكلمني مافيه شي صارت تمشي بسرعه وصلت عنده
    كان على الارض الشباب مجتمعين عنده جلست وجود بسرعه ومسكت يده تشوف نبضه وقالت:هو اكل شي؟؟؟؟
    نواف:لاما اكل يقول مابي
    حاولت وجود تصحيه وشبه صحى قالت:عمي تعال ساعدني لازم نوديه المستشفى
    عمي فيصل :طيب يله
    فهد:عمي روح انت ود البنات البيت وجا مسك يد فيصل ويده الثانيه مدها على ظهره وبالصدفه صارت يده فوق يد وجود وهي على طول شالت يدها وقالت:بروح معكم
    عمي فيصل:وجود وش هالكلام؟؟؟؟
    وجود:ماراح اخلي فيصل لحاله
    فهد:انا دلال معي خلاص مشينا ركبوا السياره هم بالطريق كانت وجود تحاول في فيصل مايغمى عليه وفهد طول الوقت وعينه عليها وصلوا المستشفى وكشف الدكتور على فيصل
    قال الدكتور:سوء تغذيه بنعطيه مغذي وبعدها يقدر يروح
    راحت وجود عند فيصل وقالت:حسابك بالبيت وطلعت برى جتها دلال وقالت شلونه؟؟؟
    وجود:الحمد الله احسن معليش حبي تعبتكم معي
    دلال:لاتعب ولا شي وبعدين في ناس مستانسين انك معنا
    طقت وجود دلال وقالت:اسكتي لا اطلع حره فيصل فيك
    دلال:لاخلاص
    بعد ساعه ونص رجعوا البيت وكانت الساعه 5:30
    وجود ودت فيصل غرفته وقالت له:ريح الحين بروح وبعد شوي بجيك راحت وجود غرفتها وبدلت فتحت دفترها وكتبت
    [لا اعرف ماهذه الاحاسيس التي تجعلني عاجز عن كل شي امامك
    انا لااحبك ولا اكره كانا احترمك فقط لكن لماذا اهديتني شيء لست قادره على حفظه؟؟؟؟ انت تحبني اعرف ذالك ولكنني لاابادلك نفس المشاعر لان قلبي اتعظ من تجربه حب واحده اتنمى ان لا اكون مصدر لتعبك في المستقبل وان اكون مصدر فرحك دائما] وقفلت الدفتر وانسدحت
    صباح الجمعه الكل عرف عن فيصل ووجود مانامت كانت عند فيصل ولما جت الساعه 10الصبح ناداها ابوها راحت لمه وهي مالها خلق شي
    دخلت عند ابوها بمكتبه وقالت:سم يبه
    ابوي:تعالي اجلسي
    جلست وجود وقالت:امر
    ابوي:فيصل وش فيه؟؟؟
    وجود:سوء تغذيه بس
    ابوي: زين بس هو راح المستشفى؟؟؟؟
    وجود:ايه وديناه البارح
    ابوي:وديناه؟؟مع مين؟؟؟
    وجود ماتدري وش تقول لابوها وقالت:مع عمي فيصل وبعدها طلعت من عند ابوها وراحت عند عمها فيصل ولما دخلت عنده كان يحط لمساته الاخيره على وحده من لوحاته
    قالت وجود:عمي ابي اكلمك شوي
    عمي فيصل:قولي وش عندك انا اسمعك
    وجود:ابوي سألني من ودى فيصل المستشفى وقلت له انا وانت
    عمي فيصل:وليش ماقلتي ان فهد هو اللي موديكم ؟؟؟؟
    وجود:عني عن الهباله بس اذا سألك قوله ان انت اللي وديتنا وياليت تقول لفهد بعد
    عمي فيصل:فهد كلميه انتي وقوليله
    وجود:عمي خلاص عاد وبعدين انت بعقلك تبيني اكلمه
    عمي فيصل:ايه عادي خطيبك
    وجود:عمي ابرد ماعندك احرماعندي انا اللغلطانه اللي جايه عندك اصلا وكانت بتطلع الا مسكها مع يدها وقال:تعالي خلاص بس كنت بنرفزك شوي
    وجود:ابد مو وقتك
    سحبها ووقفهاو قال:غمضي عيونك
    وجود:ليش؟؟؟
    عمي فيصل:غمضي ويس غمضت وجود عيونها وصار يمشيها لين وقفت قدام لوحه وقال:افتحي عيونك
    فتحت وجود عيونها وانصدمت باللي قدامها كان راسمها وجود ماعرفت وش تقل ومن غير شعور طاحت دموعها اللي كانت محبوسه من فتره طويله شافها عمي فيصل ووجود مسحتها بسرعه قالت:لهدرجه انا حلوه؟؟؟؟
    عمي فيصل:قمر بسم الله عليك من حقهم الناس خاقين عندك
    وجود:لامولهدرجه انت مبالغ
    عمي فيصل:خلاص نسأل فهد
    وجود:لالاتسأله
    عمي فيصل:يحق له فهد ميت عليك وجود شوي وتختفي من الحيا وكمل لو اني مو عمك كان تزوجتك
    وجود هالوقت مابقى منها شي ضمته وقالت:الله لايحرمني منك وباسته مع خده وطلعت لورى البيت وجلست عند المسبح
    كانت ضامه رجولها وحاطه دقنها على ركبها وتفكر:انا الللي سويته صح ولا لا؟؟؟؟حرام اعذبه معي بس انا ماسويت كذا الا عشانهم كلهم
    التفكير كان شاغلها وماحست بعمها فيصل يجلس جنبها جلس جنبها ومد يده وحاس شعرها
    انتبهت وجود ولفت وقالت:اللحين مالقيت تحوس الا شعري وفكته عشان تعدله ولما فكته انصدم عمي فيصل وقال:ماشاء الله هذا شعرك ولا موصله؟؟؟
    وجود:لا هذا شعري
    مد يده وسحب شعرها وجود:أي عمي وش تسوي؟؟؟
    عمي فيصل:اتأكد اذا شعرك ولا لا؟؟؟ ضحكت وجود على هباله عدلت شعرها وسكتوا شوي
    قال عمي فيصل:ليش بكيتي لما شفتي الرسمه؟؟؟ كنت احسب انك بتفرحين موت بكين
    وجود:بالعكس فرحت بس من الفرحه سبقتني دموعي قبل كل شي بس تدري احسك مبالغ بالرسم هانا مو لهدرجه حلوه
    عمي فيصل:انتي موحلوه انتي قمر ليش منتي مقتنعه بهذا الشي؟؟؟
    وجود:انا مقتنع هاني حلوه بس مو لهدرجه ولاتمدح واجد بيكبر راسي ترى
    عمي فيصل:نسأل احد عشان نتأكد؟؟
    جا بدر وقال:تتأكدون من ايش؟؟؟
    عمي فيصل:حلو بدر جا يله قومي قامت وجود وراحوا مع بدر غرفه عمي فبصل
    شاف بدر الرسمه قال عمي فيصل:وش رايك؟؟؟
    بدر:ابداع بس
    عمي فيصل:بس ايش؟؟؟
    بدر:مو كنك لاعب بالرسمه شوي وجود احلى من كذا
    عمي فيصل لف على وجود وقال:شفتي عاد اختك تقول اني مبالغ بالرسمه انا مو حلوه كذا
    بدر:طيب تبون احد يعطيكم الراي الصح
    عمي فيصل:ايه
    بدر:نوري فهد الرسمه ومامداه يكمل الا وجود قالت:لا فهد لا
    بدر:ليه هو بيحكم احسن مني ومن عمي
    وجود:قلت لا واذا وريتوه الرسمه ياويلكم انا الغلطانه اللي جالسه معكم
    عمي فيصل :روحي اجلسي عند المسبح وفكري بفهد ها
    طقته وجود وقالت:اروح لفيصل احسن منكم وطلعت لفيصل
    اليوم السبت بدايه يوم دراسي جديد في (مدرسه ريتاج)
    في الفصل كانت ريتاج ووئام وارى منطربين شوي وقاموا يلعبون بالفصل واجتمع الفصل كله بعضهم يغني وبعضهم يرقص وبعضهم يدق وكانوا فالينها وفجئاءه انفتح الباب والبنات جمدوا بأماكنهم وصارت وحده من صديقاتهم صرخوا عليها وكملوا وبعد شوي هجدوا
    قالت وئام:ريتاج الى الان وسحر ناشبه لك؟؟؟؟
    ريتاج :ايه ليش؟؟؟؟
    وئام:بالفسحه بتعرفين بس لوسويت لك كذا وسوت حركه بيدها انتبهي
    ريناج :اوك
    بالفسحه كانت ريتاج ووئام يتمشون جتهم سحر وسلمت وصارت تسولف معهم شوي الا جت بنت قالت:ريتاج
    لفت ريتاج وقالت:لبيه
    البنت:ممكن شوي
    قالت ريتاج:طيب ولفت لوئام ووئام ماقالت شي راحت ريتاج وسحر واقفعه مع وئام دقايق وجت ريتاج
    قالت وئام:وش تبي؟؟لايكون قالت لك؟؟؟
    ريتاج:ايه قالت لي
    وئام:وش قلتي لها؟؟؟شوفي كيف طايره من الفرحه
    ريتاج:تبي تخاويني؟؟؟
    سحر:وانتي وش قلتي؟؟؟
    ريتاج:وافقت
    وئام:من جدك انتي؟؟ سحر كانت مصدومه ماقالت شي
    ريتاج:ايه ليش؟؟؟؟
    سحر:مو انتي ماتخاوين؟؟؟
    ريتاج:كنت
    وئام:تدرين انها من اول تقول لي قولي لها بس انا رافضه
    سحر:يعني انتي تعرفين؟؟؟
    وئام:ايه
    سحر:ريتاج انتي من صدقك وافقتي تخاوينها؟؟؟؟!!!!!!!
    ريتاج:ايه
    عصبت سحر وقالت:عن اذنكم وراحت ومن راحت ووئام ميته ضحك وكملوا يومهم حلو


    انــــــــــــــتــــــــــهــــــــــى الــــــــــجــــــــــــزء الــــــــخــــــــامـــــــس

المواضيع المتشابهه

  1. رواية الفقر ماهو عيب يا ولد الأكابر كاملة بدون ردود 2015
    بواسطة موكاتشينو في المنتدى قصائد وخواطر
    مشاركات: 15
    آخر مشاركة: 22-10-2014, 09:53 PM
  2. رواية شمس و سحاب كاملة بدون ردود 2015
    بواسطة موكاتشينو في المنتدى قصائد وخواطر
    مشاركات: 22
    آخر مشاركة: 21-10-2014, 09:52 PM
  3. رواية غموض رجل كاملة بدون ردود 2015
    بواسطة موكاتشينو في المنتدى قصائد وخواطر
    مشاركات: 22
    آخر مشاركة: 13-10-2014, 10:04 PM
  4. رواية شاب يبحث عن عمل كاملة بدون ردود 2015
    بواسطة موكاتشينو في المنتدى قصائد وخواطر
    مشاركات: 26
    آخر مشاركة: 13-10-2014, 09:58 PM
  5. رواية وصية الحقد كاملة بدون ردود 2015
    بواسطة موكاتشينو في المنتدى قصائد وخواطر
    مشاركات: 52
    آخر مشاركة: 10-10-2014, 09:09 PM

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •