رواية احبك حب يا مجنون كاملة بدون ردود 2015

[موكاتشينو]

تابع........


اما في شقه بندر كانت عبير بالغرفه الثانيه تقفل شنطتها وكانت لابسه{ بجامه برمودا والبلوزه سيور} دخل عليها بندر وهو يقول:عبير عندك وسكت
عبير كانت واقفه ماتدري وش تسوي وعشان تصرف الموضوع قالت:وش بغيت؟؟؟؟
بندر:ها ايه اسألك شاحن جوالي عندك؟؟؟
عبير:لا عندك بالغرفه
بندر:مالقيته
عبير:اوكي دقايق واجي اطلعه لك
بندر:بسرعه لاني محتاج الجوال وهو بيتقفل [عبير كانت بتبدل وتجي بس بندر ماعطاها مجال وطلعت وراحت الغرفه الثانيه وبندر وراها وهو كان قاصد يسوي فيها كذا لان شكلها عجبه طلعت عبير الشاحن ولما عطته الشاحن باسها على خدها وقال:مشكوره حياتي عبير
استحت عبير منه ومن حركته وقالت :العفو
اما بندر كان مستانس ومخطط ان في هالسفره ان شاءالله بيتعدل وضعهم للأحسن وقبل ماتروح قال:عبير
عبير ي نفسها{وش عنده بعد؟؟}وقالت:لبيه
ابتسم بندر وقال:لبيتي حاجه بس بغيت اسألك ناقصك شي تبين شي؟؟؟؟
عبير:وياك لامشكور كل شي عندي ودخلت غرفتها وهي مستغربه من ابندر اللي كل يوم حال
جلس بندر بالصاله وكلمه عمي سلمان بندر ماعارض قال انه بيكلم روبي ويرد لهم خبر وقام وبدل وراح عند عبير بالغرفه ودخل لين وصل عندها عند السرير قال:انا بطلع تبين شي؟؟؟
عبير:سلامتك بس انتبه لنفسك
بندر:من عيوني وباسها وطلع وراح لشقه رائد وروبي وهو مبتسم صارت عبير عنده شي ثاني وصار كل ما جاء بيطلع بيسوي هالحركه ويطلع
دخل الشقه ولقى رائد وجلس سولف مع رائد وقال له على الموضوع بس رائد قال:الراي رايها روح قول لها
دق بندر باب غرفتها
روبي:تعال يارائد
دخل بندر وقال:انا مو رائد
رفعت روبي راسها وقالت:هلا والله بندر
بندر:هلا فيك
وبعد السوالف العاديه قال بندر:في واحد تقدم لك سكتت روبي وكمل بندر:والرجال ماعليه كلام وانا اعرفه شخصيا بس الراي رايك
بس روبي كانت ساكته رفع بندر راسها وقال:ماتبين تعرفين مين هو؟؟؟؟
بس لارد من روبي بندر:براحتك بس فكري بالموضوع وردي لي خبر بعدين قال متأكده ماتبين تعرفين من هو؟؟؟
روبي كانت تبي تعرف بس مستحيه من بندر قام بندر بيطلع تكلمت روبي وقالت:مين هو؟؟؟
لف بندر وابتسم وقال:نواف ولد سلمان واتوقع انتي تعرفينهم وطلع اما روبي كانت مصدومه لانها متوقعت ان نواف بيخطبها لان اللي واصلها انه مايبي يتزوج
عدى الوقت ولما جت الساعه 11 نزل هيف من سياره ماجد للأستراحه وكان قد تعرف على واحد منهم وعزمه على الاستراحه دخل وانصدم من وضعهم ومن البنات الموجودات وكان بالنسبه لهم عادي جا اللي يعرفه وبعد السلام دخله جوى عشان يسلم على اكبر الشله سلم عليه هيف وهو مبتسم وجلس معهم وهو يدور على فيصل بس مالقاه جت عنده بنت كانت لابسه تنوره قصيره مره وبدي توب ومفتح على جنب اشمئز هيف منها بس لازم يتحمل قربت لمه ومعها كاس عطته واحد اخذ هيف الكاس وهي جلست جنبه ودق جواله حط الكاس وطلع برى يكلم وكان ماجد المهم
هيف:هلا
ماجد:هلا فيك ها بشر؟؟؟
هيف:الله يسعدك ياخي انقذتني مدري كيف مستحملين الا جاه واحد وحط يده على كتف هيف اللي صرف الموضوع بكل براعه وقال:خل عنك الكلام الفاضي ياخي مدري انت شلون مستحمل كل هذا
ماجد فهم عليه وقال:وش اسوي غصب عني خلاص اخليك وطمني
هيف:اوك ان شاءالله ولما لف كان واحد من الشباب سكران وهذا ريح هيف وصار يتمشى بالاستراحه وهو يفكر وشاف ولدين مع بنت ما اهتم وراح ولما وصل عند غرفتين وهو كان راجع سمع واحد يقول:انا قايل لك من الاول لازم ادمره هيف في نفسه{منهو اللي بيدمره؟؟؟}
البنت:بس انا ما اقدر
الرجال:تقدرين غصب عنك وصرخت البنت اما هيف من سمع صرختها بعد بسرعه ورجع الخيمه خلونا نتركك هيف ونروح لندن
عند وجود وفهد كانوا جالسين قال فهد:وجود قومي نروح نتمشى؟؟؟
وجود:مالي نفس روح انت
فهد:انتي من جدك:
وجود:ايه من جدي انا مابروح روح لحالك
فهد:الحين بالله عليك هذا شهر عسل؟؟؟
وجود:ومين لاعب عليك وقايل لك انه شهر عسل هو مسمى صح بس الواقع غير ورجعت تكمل الروايه بالجوال
اما فهد عصب وطلع وهو طالع صفق بالباب
وجود:انت اللي جبت كل هذا لنفسكك تحمل وذبت الجوال وراحت للبلكونه وشافته وهو طالع وفهد كان معصب من برود وجود وعدم اهتمامها ومهو اعارف كيف يراضيها وينهي اللي بداه وهذا حالهم غير انهم يطلعون للبحر ولا المول وفهد من طلع مارجع الا الساعه 6




اما في الرياض كانت الساعه 4 الفجر الكل صاحين عشان بعد الصلاه يمشون وبعد الصلاه كلن ركب سيارته وطلعوا على اساس يلتقون عند المحطه وقفت السيارات واتفقوا البنات يجتمعون بسياره وحده ولما قالوا للكبار ماعارضوا اجتمعوا البنات في جمس ابوي الا عبير والشباب اجتمعوا بجمس عمي محمد وسياره عمي عبدالله اجتمع فيها مع ابوي والباقين توزعوا المهم ان اللي بيسوق بالبنات (نواف ومهند)
بدوا يمشون والبنات حطوا بينهم وبين الشباب جلال عشان ياخذون راحتهم فتشوا وكانوا في البدايه هادين شغل مهند الراديوا بس ما كان فيه اغاني حلوه
مهند:بنات معكم اشرطه اغاني ؟؟؟
ردت دلال لانها تحسبه نواف :ايه عندنا بس تبون لمين؟؟؟
مهند اللي استانس ان دلال ردت عليه قال:وش اللي عنكم؟؟؟
دلال:فيه قديم وفيه جديد
مهند:لمين بالضبط؟؟
دلال:ميامي راشد الماجد رابح صقر راشد الفارس عبدالمجيدعبدالله ماجد المهندس تركي فهد الكبيسي عادل محمود حمود ناصر ومنصور زايد وواجد من تبي؟؟؟
مهند:امم عطيني فهد الكبيسي
دلال:اوك وعطوه الشريط وشغلوه
وبعد نص ساعه بدت حاله الهستيريا عند دلال وسمر لانهم ماناموا وصاروايضحكون ويستهبلون على كل وحده
اما في سياره بندر
بندر:معليش ماخليتك تركبين معهم لاني بتم لحالي واخاف انام على الطريق
عبير:لا عادي
بندر:يعني مازعلتي؟؟؟؟
عبير:لا سكت بندر وشغلوا المسجل لانهم ساكتين
نرجع لسياره البنات اللي فجئه وبعد مرور ساعه هدوء لانهم ناموا الا دلال وسمر اللي طلعوا الكميرا وصاروا يصورون البنات وهم نايمين فوق بعض بعدين ضحكوا
نواف:هم وش فيهم ساعه هادين وساعه لا؟؟؟
مهند:عادي مبعد صار شي شوف انت
اما دلال وسمر لما خلصوا تصوير صاروا يهبلون بالبنات اخذت سمر منديل وقربت عند نوف وصارت تمشي المنديل على خدها ونوف كانت توخره والبنات ميتين ضحك عليها ولما عصبت تحسبها ذبابه كانت بتطقها وطخ عطت نفسها طراق وكل هذا والكميرا شغاله صحت نوف وقالت:وش صاير؟؟؟
سمر:مافي شي ارجعي نامي احسن لك رجعت غمضت
اما دلال طلعت صرصور بلاستك وحطته على يد روبي وصارت تحركه حست روبي بشي على يدها بس قالت يمكن اتوهم شوي بس ماراح تحس بشي يمشي على يدها ولما فتحت شافت الصرصور وصرخت:يمه صكت دلال فمها وهي تضحك
نواف ومهند:خير وش فيكم؟؟؟
سمر اللي تحاول تكتم ضحكتها:لا مافي شي
فكت دلال روبي وشالت الصرصور
روبي:ياخايسه خوفتيني زين مانطيت من السياره
سمر:لهدرجه الصرصور يخوفك ياروبي
نواف من سمع اسمها يبي يعرف وش صار قالت روبي:واكثر بعد خلونا نوصل واوريكم اجل انا تخرعوني بصرصور
ضحك نواف قال مهند:خير اخوي تضحك لحالك؟؟؟؟
نواف:مالك شغل
روبي:زين كذا فضحتوني مع عيال عمكم
سمر:عادي المفروض تعودتي عليهم
روبي:اص ولا كلمه انتي وياها
دلال:يختي احنا مجتمعين عشان نفلها وانتم كل وحده حطنت راسها ونامت لو دارين كان كل وحده مع اهلها بسيارتهم احسن
روبي:معليش بس انا مانمت البارحه
دلال:مو لحالك
مهند:بنات عندكم شاهي ولا قهوه؟؟؟
سمر:ايه
مهند:اذا ممكن صبولنا مانبي ننام
سمر:طيب
نرجع الاستراحه عند هيف اللي طلع من عندهم بعد اذن الفجر وانصدم لما شاف ماجد يستناه راح عنده ومن ركب قال:انت ليش مارحت؟؟؟؟؟
ماجد:مو رايح ومخليك وش صار؟؟؟؟
هيف :زين اني استحملتهم لين الحين الله يعيني بس الا صح انا ماشفت فبصل هو ماجاء
ماجد:الا موجود
هيف:ماشفته بس جوى منتهين الله لايوريك كيف
ماجد:الله يعينك ويساعدك تتحمل لين تنتهي المهمه
هيف:امين يله نروح عشان ترتاح وراك سفر بعد شوي وانت ما ارتحت
ماجد:عادي كل شي يهون عشانك
هيف:تسلم
نرجع لسياره الشباب رائد وزياد كانوا طفشانين طلع زياد جواله وصور خالد اللي كان سرحان بس شكله اليم ولما وراها رائد صاروا يضحكون بعدين كملوا على الشباب الباقين ولما خلصوا صاروا يضحكون بهستيريا
قال عبدالرحمن:ضحكونا معكم
زياد:متأكد؟؟؟؟
عبدالرحمن:ايه
زياد:افتح بلوتوثك فتحه وارسل له زياد صورته
عبدالرحمن:ياخايس امسحها يله
زياد:يصير خير امسحها
عبدالرحمن:انا لحالي؟؟؟
زياد:لا الكل
عبدالرحمن:شباب ترى زياد ورائد صوروكم وكمل وهو يشرح لهم صاروا الشباب يتهاوشون ويقولون لهم يمسحون الصور بس مامسحوها وجلسوا يضحكون وتوعدوا فيهم الشباب بس يوصلون
اما عند البنات سمر ودلال صحوهم كلهم سولفوا شوي يعدين سكتوا طلعت دلال دفتر وقالت:كل وحده تطلع دفتر وقلم بسرعه طلعوا البنات وبدوا يلعبون (حرف انسان نبات)من الحماس
قالت رروبي:ستوب ستوب وقفوا وبدوا يقولون
اما سمر ودلال كانوا شي ثاني حيوان بحرف (ع) عنب ونبات عنز وجماد نمسا
مهند ونواف كانوا يسمعون وميتين ضحك ارسل مهند مسج لدلال ولما وصلها شافت الاسم وما استوعبت قالت سمر:افتحي نشوف وش عندها؟؟؟
فتحت دلال المسج كان مكتوب فيه{ تسكت حروفي واسكت لك بلد مايقى بعدك مساحه للكلام وكتب دوم الضحكه ياعمري}
قالت دلال:هذي من جدها ولا تستهبل؟؟؟
سمر:اتوقع ان عقلها طار ولا لوفيها عقل ماتسوي كذا
مهند كان يسمع بس مايدري عن مين يتكلمون المهم سمر ودلال صاروا يلعبون (اكس او)ومن الحماس صرخوا اهم وملاك من الجهه الثانيه
نواف:بنات ترانا بالشارع
ملاك:نواف كم باقي ونوصل؟؟؟؟
نواف:تقريبا نص ساعه او ساعه الا ربع عدى الوقت بسرعه ووصلوا ولما كانوا ينزلون في الفندق اللي حاجزين فيه سمعت دلال مهند يقول:فهد وش فيك معصب؟؟؟ فهد بتتكلم ولا شلون؟؟
خافت دلال ان صار شي بينه وبين وجود وصارت تتباطى وسمعت مهند يقول:تستاهل انت اللي جبته لنفسك تحمل هي مالها ذنب بالموضوع
طلعوا غرفهم كانوا البنات والحريم مع بعض الشباب مع الكبار الله يعينهم المهم من دخلوا كل واحد حط راسه ونام الا سمر ودلال كانوا يكلمون ماجد اللي كان توه ماسك خط
بعد 3 ساعات وصل ماجد واللي معه وسمر ودلال راحوا ينامون وماصحوا الا العشا بس ماطلعوا وطلبوا لهم عشا الساعه 11



يتبع..........

[موكاتشينو]

تابع......


اما في لندن كانت الاجواء مطر وجود كانت صاحيه وكانت الساعه 9 الصبح طلعت في البلكونه وصارت تلعب بالمطر ترفه عن نفسها وصار لها وعليها وهي بالمطر ولما تعبت جلست برى وكانت مبلله بالكامل والهوا كان بارد ولما دخلت كانت الساعه 10:45 راحت الغرفه تبدل ولما طلعت
فهد:انتي مجنونه؟؟؟
وجود:ماقلت شي جديد
انصدم فهد من ردها وقال:وش مطلعك بالمطر؟؟؟؟؟
وجود:عادي مو اول مره اطلع بالمطر
فهد:وشو اللي عادي بعد كذا بتتعبين
وجود:اذا تعبت ماطلبتك تهتم فيني
فهد:مين جاب طاري الاهتمام بس انا خايف عليك
سكتت وجود وراحت وقفت عند باب البلكونه
فهد:لاتطلعين
وجود:اطلع ولا لا مالك دخل وكانت تقول بنفسها[انا مابي اجرحك واضايقك بس مابي اذل نفسي لك و كل شي الا كرامتي]
نرجع لرياض الساعه 1:45 كانوا البنات مجتمعين يسولفون
قالت:دلال:بنات وش رايكم نكلم وجود
البنات:اوك ولما دقوا عليها ماردت ورجعوا يسولفون ويضحكون
طلعت أم نواف وقالت:بنات اسكتوا نبي ننام ولا روحوا غرفتكم قاموا البنات على غرفتهم ونامواالساعه 2:30 وماصحوا الا الساعه 11:30 ولما صحوا خذوا تهزئه محترمه وقرروا اليوم يروحون الكورنيش العصر الكل وافق وسمرودلال دقوا على ماجد واتفقوا معه
العصر وهم طالعين كان اخر من نزل من البنات{سمرودلال ونوف} ولما فتح الاصنصيل وكانوا بيركبون طلع منه واحد وصقع في نوف اللي قالت :وجع ماتشوف
لف هاني بسرعه الصوت مو غريب عليه طالعها وهي ما نتبهت ركبت الاصنصيل وهاني نزل بسرعه من الدرج عشان يتأكد هي نفس البنت ولا لا؟؟؟ولما وصلوا وصل هو وتأكد لما شاف مهند رجع فوق وهو متشقق من الوناسه
عبدالمحسن:انت فيك شي؟؟؟
هني:لا ليش؟؟
عبدالمحسن:لانك طلعت مبوز ورجعت متشقق وبتطير من الفرحه
هاني:شـ وسكت
عبدالمحسن:وشو كمل كلامك؟؟؟
هاني:ولا شي
اما تحت عند البنات تجمعوا في سياره وحده واللي ساق فيهم {رائد وزياد} وكان الجو هبال وضحك وكانوا مشغلين ميامي اللي اعطت جو أكثر
وصلوا الكرنيش وتوزعوا يتمشون البنات كانوا مع بعض رواحوا يلعبون والشباب تفرقوا
ولما كانوا البنات يتمشون شافوا المراجيح وراحوا يلعبون ركبت نوف وحده وصارت تلعب شوي سمعت صوت واحد يقول:شوف هذي البزر لفت نوف تشوف وانصدمت من الولد وكان ودها تذب عليه شوزها وتكفخه بس ما امداها كملت لعب
اما عبير كانت واقفه معطيه البنات ظهرها وتناظر البحر وماحست الا بشخص ما سكها مع يدها وساحبها ولما لفت قالت:وش فيه؟؟؟؟؟؟؟
بندر:تعالي بسرعه أبيك
عبير:وش فيه؟؟؟
بندر:تعالي بس راحت عبير معه ولما بعدوا شوي وقفت عبير تاخذ نفس لانه كان يمشي بسرعه
عبير:وش فيه؟؟؟
بندر:مافيه شي
عيبر:كل هذا ومافي شي!!!!
بندر:اشتقت لك سكتت عبير لانه اول مره يقولها بوجهها
بندر:وش فيك ساكته؟؟؟
عبير:مافيني شي بس برجع للبنات
بندر:اسف بس انا أبي امشي معك
سكتت عبير قال بندر:بتمشين معي ولا لا؟؟؟؟
عبير بتردد:ايه ابتسم بندر وهم يمشون كان بندر يسولف وكان بينهم مسافه
بندر:عبير فيه جنبك قطوه
عبير ماشافت بس بسرعه قربت عنده ولما شافته ابتسم لفت ماشافت شي وقالت بدلع رباني:كذاب خوفتني
بندر:وش اسوي فيك ساكته مدري وش فيك؟؟؟؟
بعدت عبير وقالت:ماعندي شي
مد بندر يده وسحبها لمه وحاوطها من كتوفها بيده وقال:ليش بعدتي عني؟؟؟
عبير:مو بعيده
بندر:حرام عليك حسستيني ان فيني جرب
ضحكت عبير وقالت:بسم الله عليك
بندر:وعليك ياروحي وكملوا مشي
وعمي محمد لمح ماجد بس يحسب انه مشبه والساعه 11:30 رجعوا الفندق
اما في الرياض في الاستراحه كان هيف يسولف مع عمي فيصل ولما كانوا يسولفون جو بنتين وحده جلست جنب عمي فيصل والثانيه جنب هيف اللي منقرف منها
قالت البنت:حبيبي ليش ماتشرب؟؟؟
هيف:متى صرت حبيبك ؟؟؟؟كيفي بشرب بس سديتي نفسي
البنت:حرام عليك انا اسد النفس
هيف:حرمت عليك عيشتك لا مو انتي ابتسمت البنت كمل هيف:جنيتك
ضحك عمي فيصل لانه اساسا سكران انتبه هيف للبنت تعطيه شي بس قطع عليه البنت لما جت قدامه وقالت:ليش لهدرجه انا مو حلوه؟؟
هيف في نفسه{ياذي اللزقه وش تبي}وقال:ومن قال لك انك حلوه
البنت:ليش؟؟؟
هيف:لانك مو حلوه تدسين النفس زعلت البنت وراحت بس للأسف ان عمي فيصل والبنت اللي معه طلعوا وهيف كان كاره نفسه وتمنى يأذن الفجر عشان يطلع من هالقرف
بدى يوم جديد في الشرقيه اليوم بيروحون البحر(شاطىء نصف القمر)
جهزوا انفسهم ولما جت الساعه 3:30 طلعوا ولما وصلوا وهم ينزلون الاغراض عبدالعزيز شاف نواف وراح يسلم عليه وبعد السلام والسوالف انتشر الخبر ان جدتي وعمامي هنا عصب عمي عبدالله لانهم جو يسلمون
دخلوا الشباب يسبحون العصر والبنات يصورونهم ويستهبلون عليهم وبعد العشا على الساعه 9 ظلمت الدنيا فصخوا البنات عبيهم عشان بيسبحون ولما دخلوا كانت المويه باره واي وحده تدخل لازم تصرخ المهم دخلوا وبعدوا عشان ياخذون راحتهم وكان معهم {لستك} كانوا يلعبون فيه كانت وحده تجلس عليه وهم يدورون فيها لين يدوخونها بعدين انطربوا وصاروا يصفقون وبعدين لعبوا بعلبه الببسي على اساس انها كوره طائره واسمعي الهبال والضحك
راح ماجد يسأل عن البنات وقالوا له انهم يسبحون والساعه 11 طلعوا البنات بعد هواش وراحوا يبدلون بدورات المياه ولما رجعوا لبسوا عبيهم وتغطوا بالطرح وشالوا جزمهم الله يكرمكم بيدينهم وركبوا سياره وحده واشكالهم تحفه المهم اللي ساق فيهم عمي محمد وسلمان اما البنات خدروا بعد اللعب في المويه ويحسون انفسهم مكسرين ولما وصلوا الفندق نولوا وجزمهم الله يكرمكم بيديهم وكل وحده معها غرض ويسحبون انفسهم كل واحد راح شقته
عند البنات كانوا يتهاوشون على الحمامات الله يكرمكم عشان يسبحون بعد الملح وكانت حالتهم صعبه
اما في شقه عمي ماجد قال عبدالعزيز:شفتوا كيف الصدف جمعتنا
هاني:بس ياننا فليناها اليوم
عبدالمحسن راح عند ماجد وقال:انت تدري صح؟؟؟
ماجد:ادري عن ايش؟؟
عبدالمحسن:اللي صار مو صدفه
ماجد:وليش متأكد؟؟؟
عبدالمحسن:نفس الفندق ونفس الدور وطلعه الكورنيش امس واليوم البحر كل شي مخطط له صح؟؟؟
ماجد:لا وبعدين ربه صدفه خير من الف ميعاد
عبدالمحسن:عندي احساس انك تدري عن كل شي ليش مدري
ماجد:وش رايك تروح تنام احسن
اما عند شبابنا زياد:اليوم كان وناسه
نواف:هذي الصدف ولعبتها ولا مين يصدق انهم معنا بنفس الفندق لا ونفس الدور
خالد:اهم شي نستانس بس لاحظتوا ان عمي عبدالله كان معصب ؟؟؟
مهند:ايه حتى ابوي بس اللي مستانس عمي سلمان
رائد:الله يجيب اللي فيه الخير يله بس ننام تصبحون على خير
عند البنات كانت نوف تفكر بشي تسويه بهاني جوها دلال وسمر
سمر:وش فيه الحلو زعلان؟؟
نوف:مو زعلانه بس افكر
سمر:ومن سعيد الحظ اللي تفكرين فيه؟؟؟
نوف:طيب سعيد الحظ الا الله يعينه طاح بيدي
دلال:ومنهوا ها؟؟
نوف:هذا ولد عمي اللي صقع فيني بالاصنصيل امس واستهبل علي لما كنت العب
دلال:ايه هاني
سمر:وش فيه؟؟؟
نوف:أبي أرد له حركته
سمر:تبين مساعده؟؟؟
نوف:ماعندي مانع
سمر:تبينه قوي ولا خفيف؟؟؟
نوف:اكيد قوي
دلال:شكلك حاقده عليه
نوف:مره
سمر:مابعد العداوه الاالمحبه
نوف:نعم!!!
سمر:ما اكلمك اكلم نفسي
اتفقوا البنات على شي وناموا
في الرياض مافي جديد الا ان هيف بدى يعرف منهو راسهم الكبير ومتحمل القرف وجالس معهم
اما في لندن كانوا اذا اجتمعوا تهاوشوا وهذا حالهم فهد يبي يعدل اللي خربه ووجود كل شي عندها الا كرامتها وتستنى هالشهر يخلص بسرعه
نرجع للخبر عند الشباب بعد صلاه الفججر دق بندر على عبير اللي كانت بتنام بس استغربت اتصاله وردت
عبير:الو
بندر:السلام عليكم
عبير:وعليكم السلام
بندر:قومي اجهزي بنطلع
عبير:الحين!!؟؟؟
بندر:ايه الحين استناك لاتتأخرين علي وسكر
رجعت عبير تدق عليه ولمارد قالت:انت من جدك؟؟؟
بندر:ايه يله بسرعه استناك برى قامت عبيروبدلت
سألتها سمر الملقوفه:وين على هالصبح؟؟؟
عبير:بندر يبيني مدري وش عنده؟؟؟
روبي:ياحركات شكله ناوي يخطفك مننا
دلال:لا ياحبي ينسى لين نرجع الرياض بعدين يسون اللي يبي بتكون معه
عبير:اقول مع السلامه طلعت وراحت مع بندر ركبوا السياره
عبير:بندر وين بنروح؟؟؟
بندر:اولا صباح الحب ثانيا ليش مستعجله بتعرفين بعد تقريبا ربع ساعه وصالوا عند البحر استغربت عبير ليش جاين هنا ونزلوا وجلسوا على التراب وهم ساكتين
بندر:انا اسف
عبير:نعم!!!!؟؟؟؟
بندر:انا اسف
عبير:ليش تتأسف ؟؟؟؟؟انت ماسويت شي
بندر:اما ماسويت شي
عبير:بندر لاتتكلم بالالغاز
بندر:اول شي قبلتي اعتذاري؟؟؟
عبير:ماراح اقبله الا اذا عرفت السبب
اخذ بندر نفس وقال:على كل شي سويته من ملكت عليك لين اليوم
عبير:بس انت ماسويت شي
بندر:عبير لاتقولين ماسويت انا سويت وسويت كثير من ملكنا وانا ما اهتم فيك حتى مافكرت اشوفك ولا اكلمك ولما كلمتك من البدايعه عشاني كنت احس بالذنب بعدين بديت اتعود عليك ولما تم الزواج ودخلتي بيتي كانت معاملتي شوي عليها شينه بس انتي كنتي احسن مني وعاملتيني زين لو أي وحده مكانك كانت طلبت الطلاق من 2 يوم من ايام الملكه
عبير:انا ما حاسبتك لانك ماتعرفني وطول فتره الملكه انا اساسا كنت مشغوله بوجود وماكنت متحسسه من الموضوع اما بعد الزواج ماراح اكذب عليك وقولك مازعلت انا شلت بخاطري من تصرفاتك وانصدمت لان اللي وصلني عنك غير بس سكت وبعدين تعودت صار عندي عادي
بندر:اسف والله اسف بس عبير سكتت
بندر:اقولك شي تدرين انك خلال هالفتره خليتيني اتعلق فيك واحبك
ناظرته عبير قال بندر:ايه حبيتك ومستحيل افرط فيك بس أبي منك تسامحيني ونبدى صفحه جديده وحياه جديده
سكتت عبير وبندر ماقال شي بس اللي سواه انه انسدح بحضنها وسحب يدها وصار يلعب بأصابعها
وعبير كانت كلمه بندر تتردد براسها (احبك) وتقول بنفسها {انا حبيتك بس ماتوقعتك تحبني وابتسمت وبما انها كانت فاتشه شافها (لانه كان شبه فاضي)
قال بندر:وش عندك تبتسمين؟؟؟
عبيرماكانت معه صوت :عبير
عبير:لبيه
ابتسم بندر:لبيتي حاجه قلبي بس وش عندك تتبسمين وافقتي؟؟؟
عبير:وياك تذكرت شي وابتسمت
بندر:يعني يتخليني استنى كثير لين تردين علي؟؟؟
عبير:لازم افكر
بندر:فكري براحتك بس حطي ببالك اني مابخليك لأحد غيري وانا حي
نخليهم ونرجع الفندق عند روبي اللي ماجاها النوم من التفكير بموضوع نواف وطلعت الصاله تفكر وماحست الا يد على كتفها وصرخت
صكت ملاك فمها وقالت:اص فضحتينا
روبي:خرعتيني
ملاك:لهدرجه اخوي ماخذ عقلك
نزلت روبي راسها قالت ملاك:فكري زين ومهما كان ردك بنتم مثل ما احنا وسكتت لانها تذكرت عبدالعزيز
قالت روبي:تحبين؟؟؟
جت عايشه من وراها وقالت:ايه تحب لفوا الاثنتين
قالت ملاك:مين قال؟؟؟
عايشه:عيونك امس مانزلت عنه لهدرجه
ملاك:ومو انا لحالي حتى غيري
عايشه :خلك من غيرك احنا فيك بس هو يدري عنك؟؟؟
ملاك:اذا كان اللي تحبينه يدري عنك اللي احبه بيدري عني
عايشه :وش دخلني في الموضوع
ملاك:انتي تحبين رائد صح؟؟؟؟
عايشه:لا ما احبه
وروبي كانت متفرج وتسمع كلامهم بعدين قالت:انتي مين؟؟؟
ملاك:عبدالعزيز بعدين خلك مننا وفكري بنواف وردي خبر لنا خلينا نستانس
روبي:ان شاءالله وعقبال ما اشوف كل وحده مع اللي تحبه
ملاك وعايشه:امين
الا طلعت أم نواف وقالت:صباح الخير
البنات:صباح النور
أم نواق:شخباركم بعد البارح؟؟؟
ملاك:مكسرين بس فينا نشاط شلون مدري
روبي:هذي الحاله ماتصير الا بالسفر لانه وناسه ووسعه صدر
عايشه:صادقه روبي الا اليوم وين بنروح؟؟؟؟
أم نواف:مدري عنكم؟؟؟
ملاك وروبي:بنروح الملاهي اجل
عايشه:أي ملاهي؟؟؟
ملاك وروبي: ملاهي الامير محمد بن فهد
عايشه:الله وناسه بس من الحين احنا لحالنا والشباب لحال
روبي:صح عشان ناخذ راحتنا
أم نواف: ما اتوقع لانهم بيتمون معكم
رجعت عبير واجتمعوا البنات بغرفتهم قالت عايشه :الشباب بيجون معنا
ملاك:من جد قلق الا معنا
سمر:وش رايكم نسوي فيهم مقالب؟؟؟
دلال:انا معك
نوف:اصلا كلنا معك واتوقع حتى جود وامجاد
هيام:طيب وش بنسوي؟؟؟
سمر:نسوي واتفقوا




وعند ماجد دق عليه هيف وبعد السلام قال هيف:ماجد انتم تعرفون واحد اسمع حسن؟؟؟
ماجد:لا ليش؟؟؟
هيف:امس سمعتهم يتكلمون ان حسن هو بينتقم من فيصل
ماجد:لا ما اعرفه ومحد عندنا بالعايله اسمه حسن
هيف:والله مدري يمكن هو صديق فيصل بس هو يعرف عايلتكم زين
ماجد:مدري والله المهم انت شخبارك وكيف عايش معهم؟؟؟؟؟
هيف:عايش ماعلي ماني قادر اتحمل القرف اللي هم فيه بس الله يصبرني
ماجد:هيف اذا ماودك اتركهم وبس
هيف:لا ياحبيبي هذا الشي لازم اسويه
ماجد:الله يريحك
هيف:الا وش صار مع اهلك؟؟؟
ماجد:الحمدالله كل اللي خططت له سمر صار بس فيه شويه تغيرات
هيف:شكل سمر قريبه منك حيل؟؟؟
ماجد:تقدر تقول بس وجود أكثر
هيف:هم بنات مين من اخوانك؟؟؟؟كان سؤاله عشوائي بعدين قال:اسف مدري شلون سألت
ماجد:لا عادي وجود بنت اخوي سليمان وسمر وناداه عبدالمحسن
ماجد:هيف اكلمك بعدين طيب وقفل
هيف قفل وكان يقول مانادوك الا لما جيت تقول سمر بنت مين من اخوانك سكت بعدين قال:انت اساسا وش عندك مهتم فيها مو من عوايدك
نرجع لماجد ناداه عبدالمحسن لان جدتي تبيه
ماجد:سمي يمه
جدتي:دق على سمر خلها تجي مع البنات
ماجد:بس عبدالله
جدتي:ماعليك منه هم يدبرون انفسهم ولفت على الشباب وقالت:لااشوف واحد منكم هنا اذا جو البنات
عبدالحسن:افا احنا وش بنسوي بس بنسلم عليهم ونسولف معهم شوي
جدتي:لا خلهم يفتشون ويجلسون معكم احسن
عبدالمحسن:مافي مانع عادي
ذبت عليه البياله وقالت:ياللي ماتستحي
عبدالمحسن:لاتعصبين ياجده انا امزح
جدتي روح انت ومزحك الماصخ وبهذا الوقت ماجد كلم سمر اللي قالت انهم بيجون بعد ربع ساعه
وبعد ربع ساعه دق الباب قام ماجد وفتح وقال:هلا والله
سمر:هلا فيك شخبارك؟؟وسلمت وبعدين سلمو عليهم الشباب
عبد العزيز عيونه مانزلت من ملاك وهاني نفس الحاله بس كان يلعب على نفسه ويقول:لازم افشلها بعدين قال:وحشتيني وانتبه لنفسه بس محد سمعه الا عبدالمحسن اللي كان جنبه ميت من الضحك
قالت جدتي:ماودكم تطلعوت ولا مطولين؟؟؟؟
عبدالمحسن:ياجده خلينا نسلم
جدتي:كنك ناوي اقوم عليك
عبدالمحسن:لا خلاص يله وطلعوا
ولما كانو ا واقفين برى قال عبدالمحسن:شوي شوي على انفسكم بغيتوا تاكلونهم بعيونكم لفوا عليه الاثنين وهو حط رجله وهو ميت من الضحك
اجتمعوا كلهم عند جدتي ودقوا على وجود وكانت بلندن الساعه 6:30 المغرب ردت وجود بعد الاتصال الثاني
وجود:هلا والله وغلا
سمر:هلا فيك يالعروسه شخبارك؟؟؟؟
وجود:بخير دامكم بخير
سمر:دوم هذي جدتي بتكلمك
وجود:تدوم انفاسك اوك
جدتي:هلا بنيتي شخبارك؟؟؟
وجود:انا بخير شخبارك انتي ؟؟؟؟
وجود: بخير مانافصني الا شوفتك والله مكانك خالي
حاولت وجود تصرف الموضوع عشان ماتبكي وقالت:حتى انتم واحشيني بس كلها كم اسبوع ان شاءالله وانا عندكم ولو قلتي تعالي الحين اجيك
لف فهد يوم سمع كلامها كملت وجود :ياجده حطيه سبيكر عشان اكلم البنات
عطت جدتي الجوال لسمر اللي حطته سبيك واما وجود طلعت للبلكونه وصارت تكلمهم وفهد انقهر من حركتها
اما عند البنات بعد المكالمه كانوا يسولفون وبعد ساعه دق عمي سلمان على ملاك وقال:ارجعوا شقتكم بسرعه عبدالله بيجي عندكم
ملاك:طيب وسكرت وقالت للبنات :بنات يله بسرعه على الشقه عمي عبدالله بيجي عندنا
سمر:وش يبي؟؟؟
ملاك:مدري
سمر:اجل يله بسرعه وقاموا يلبسون عبيهم كلهم تغطوا الا ملاك ضاع نقابها وتغطت بطرحتها وطرحتها ثقيله وطلعوا وهم يمشون بسرعه دق جوال ملاك ولما جت بترد طاح الجوال على الارض ونزلت يتاخذه بس في يد انمدت واخذته وبنفس الوقت على نزله ملاك طاحت طرحتها وعبدالعزيز شافها ونزل عيونه ومد الجوال ولف وهو مبتسم اما ملاك تدور الشقه بس وصلت ولما دخلت الصاله دق الباب
قالت هيام:مين؟؟؟
عمي عبدالله:افتحي انا عمك
اختبصوا البنات لانهم مبعد فصخوا عبيهم فصخوها بسرعه وذبوها على الكنبه وغطوها بالمخدات وفتحوا الباب ودخلوا عمامي كلهم سلموا البنات ولما جلسو عمامي جلس عمي عبدالله على الكنبه اللي فيها العبايات
صرخت اهات قال عمي سالم:وش فيه؟؟؟؟
دلال:مافي شي بس رجلها شدت
سمر:عمي عبدالله تعال هنا
عمي عبدالله:ليش وش فيه هنا
ملاك:مافيه شي تعال هنا عشان تصيرون قبالنا
قام عمي عبدالله وغير مكانه وارتاحوا البنات وعمي سلمان مبتسم لانه عارف
عند عبد العزيز كان واقف مكانه مبتسم جاه ماجد وقال:وش فيك لحالك اخوانك وين؟؟؟
عبدالعزيز:ها هنا بروح لمهم الحين
عدى الوقت بسرعه والساعه 4 تحركوا للملاهي ولما وصلوا الشباب والبنات تركوا الكبار وراحوا والتقوا مع ماجد واللي معه عند لعبه(الصحن الدوار)
ماجد:وش رايكم نلعب هاذي اللعبه؟؟؟
البنات:اوك الكل ركب وكان ترتيبهم مركبه شباب بعدين بنات ولما بدت العبه اسمعي الصراخ من كل الجهات
هاني:وجع ازعجتونا اسكتوا
نوف كانت بالمركبه اللي وراه وقالت:سكت الليي جنبك بعدين تكلم
هاني عرف صوتها وقال:انتي احد كلمك
نوف:اقول لاتتفلسف واسكت
سكت هاني وهو محتر وعبدالمحسن جنبه ميت ضحك وسمر جنب نوف تهديها
نوف:احسن يستاهل
وفي الجهه الثانيه جالسين مهند وزياد
قال مهند:زياد تذكر ذيك اللعبه اللي الهندي حاسنا فيها
زياد:وهي تنسي
مهند:ليش مايجي هنا ويسوي فينا خير
زياد:يمكن تلقى هنا احسن منه وش دراك
مهند:كل شي جايز خلصت اللعبه ونزلوا ناس مستانسين وناس معصبين زي نوف وهاني اللي ودهم يكفخون بعض مشوا الشباب قدام البنات
نوف:نفسي امسكه واكفخه لين ابرد حرتي
سمر:اهجدي عشان نسوي اللي اتفقنا عليه
نوف:طيب
وفجئه وقف ماجد بدون انذار وصقعوا فيه الشباب الا هاني اللي كان بيمسك نفسه بس طاح على ورى والبنات يضحكون عليه
قال هاني:ماجد وش فيك وقفت؟؟؟ حستنا الله يهديك
ماجد:مافي شي بس تعالوا نلعب الاعصار هناك
زياد:قل والله؟؟؟
ماجد:قسم ليش فيكم شي؟؟؟؟
عبدالرحمن:ابد سلامتك بس صقعنا في بعض
ماجد:بس اقول امشوا نلعب وراحوا عند اللعبه والله ركب فيها{ماجد ,سمر,عبدالمحسن,امجاد,عبدالرحمن,خالد,دانه} كانوا متوزعين كذا
امجاد كانت بتغير مكانها بس ما امداها ولما ركبوا
قال عبدالرحمن:هلا والله ببنت عمتي
نزلت امجاد طرحتها على عيونها وقالت:هلا فيك
عبدالرحمن مسوي يمون:شخبارك؟؟؟؟
امجاد:بخير
عبدالرحمن:دوم وليش ماتسألين عني؟؟؟؟
امجاد بنفسها :من متى المعرفه الاخ مطيح الميانه وماردت
عبدالرحمن:وش فيك خايفه؟؟ وهنا بدت اللعبه بس ماردت كمل:طيب وش اسمك؟؟؟؟
امجاد عصبت ولفت عليه وطارت طرحتها وقالت:انت ليش ماتسكت خلاص ادوشت راسي اما عبد الرحمن كان بيتكلم بس شاف عيونها وسكت وامجاد لما خلصت كلام انتبهت لنفسها وعدلت طرحتها
عبدالرحمن:انتي نفسك اللي بالمزرعه ووقفت مركبتهم ونزلت امجاد بسرعه
اما عند ماجد وسمر
سأل ماجد:الا وجود ماقالت لك وش بنسوي بموضوع فيصل؟؟؟؟
سمر:عجزت فيها تقول لما ارجع تعرفون
ماجد:طيب فيصل كذا بينتهي
سمر:والله مدري عنها المهم صديقك وش مسوي معهم؟؟؟
ماجد:هيف مسكين الله يعينه موقادر يستحمل القرف اللي هم فيه
سمر:طيب خلاص يطلع ويرتاح
ماجد:ما يقدر لانها مهمه
سمر:الله يعينه بس اهله مايسألون عنه؟؟؟؟
ماجد:اهله متوفين من كم سنه بحادث
سمر:كلهم؟؟؟
ماجد:كلهم مابقى له احد وهو عايش لحاله بالبيت
سمر:وهو كيف عايش؟؟؟؟
ماجد:طول يومه بالشغل او معي ولا مع الشباب ومايرجع البيت الا وقت النوم
سمر:الله يعينه ويصبره ووقفت عربيتهم ونزلوا
اما اللي ماركبوا كان هاني يناظرون نوف وناوي عليها وهم بيروحون للعبه الثانيه اذن المغرب فتفرقوا وهم يمشون مر هاني جنب نوف قال:اعلمك كيف تضحكين علي ومشى وفي الجهه الثانيه عند عبدالرحمن يبي يكلم امجاد بس مايدري كيف؟؟وامجاد عايشه بتوتر وماتدري وش تسوي
رجعوا بعد الصلاه يكملون لعب ولعبوا التصادم(السيارات) كانت العبه شي وكل واحد يضحك على الثاني وبعد العشا ركبوا السندباد(السفينه)
جلسوا(خالد ورائد وبدر وبندر)ومن الجهه الثانيه(دانه وعايشه وملاك وهيام) والباقي بالنص بدت العبه ولما ارتفعت الشباب كانوا يناظرون بالارض وصرخوا مع بعض الكل لفوا يناظرهم ولما شافوا وجيههم صاروا يضحكون عليهم وهذا حالهم طول اللعبه ولما نزلوا
عبدالعزيز:الحين اللي صار قبل شوي صدق ولا تستهبلون؟؟؟؟
رائد:لا كنا نستهبل
مهند:قل والله تستهبلون ها؟؟؟
خالد:ايه عشان نسوي جو
عايشه:من جد سويتوا جو ولا احلى
خالد:اقول اسكتي احسن لك
سمر:اقول يله لا يروح الوقت واحنا نسولف ومشت مع البنات وخلوا الشباب
زياد:مو كنهم سحبوا علينا؟؟؟
عبدالمحسن:مو كنهم الا اكيد
ماجد:خلوا السوالف وتعالوا نلحقهم
دخلوا البنات بيت الرعب والشباب لحقوهم بسرعه وتوزعوا الشباب عند البنات اللي كانوا متوزعين كل واحد راح عند بنت عند سمرودلال صاروا معهم مهند وزياد وكل وااحد يمشي جنب ينت
قال زياد:سمر وينك ماعاد تسئلين ولا ماعاد نهمك؟؟؟؟
سمر اللي خافت وقالت:بسم الله من وين جيت انت؟؟؟
زياد:بسم الله على قلبك توني جاي بس مارديتي علي ليش ماتسألين عني؟؟؟؟
سمر:انا اسأل عن الكل
زياد:انا اسألك عني مو عن الكل
سمر:انت وعمي واحد
سكت زياد بعدين همس لها:من جد وحشتيني
سمر وقفت لما سمعت كلمته وهوابتسم
اما مهند دق على دلال اللي رن جوالها وطلع اسم (ليان) انصدم مهند وقفل ورجع دق طلع نفس الاسم قفلت دلال بوجهه
قال مهند:انا ليان
ماردت دلال رجع ودق وطلع نفس الشي ضحك بعدين قال:ويلوموني فيك بس ليش ماتردين على مسجاتي ؟؟؟
دلال:اقول رح بس ومشت
اما في جهه ثانيه عبدالعزيز وملاك الاوضاع عندهم عاديه مع شويه توتر اما عند عايشه ورائد
رائد:واخيرا شفتك
عايشه فتحت عيونها من الصدمه ومن جرئته ومشت بسرعه قال رائد:ما صدقت القاك وتروحين استني ولحقها
اما عند بندر وعبير بندر عرفها فمشى قدامها ومد رجله عبير ماشافته بس بغت تطيح مسكها شهقت عبير قاال بندر:سلامتك جاك شي؟؟؟(مسوي بريء مايدري)
عبير عرفت الصوت وقالت:لا ماصار شي وحاولت توقف بس رجلها التوت وتوجعها
مسكها بندر مع يدها وقال:تقدرين تمشين؟؟؟
عبير:شوي
بندر:متأكده تقدرين تمشين لحالك؟؟؟؟
عبير:ايه فكها بس ماعرفت تمشي
بندر:لحظه وشالها
عبير:بندر نزلني اقدر امشي
بندر:ماراح انزلك لين اتأكد ان رجلك مافيها شي
عبير:نزلني يابندر اللي برى وش بيقولون؟؟؟
بندر:مالي دخل بأحد انا وزوجتي عبير حمرت وسكتت وكملوا طريقهم
اما عند نوف وهاني اللي كان يمشي ورى نوف وقال:هلا والله بأم عيون بنت عمي
وقفت نوف وصقع فيها لانه منزل راسه يلعب بجواله وقال:وجع وش فيك؟؟؟
نوف:وجع يوجعك ان شاءالله ومشت
ابتسم هاني وقال:لسانك طويل والله
نوف:وش رايك تنطم مو احسن
عصب هاني وقال:هي ياأم عيون لاترفعين صوتك
نوف:اقول انت ليش ماتروح عند الشباب وتفكني من وجهك
هاني:ترى طواله اللسان مو عندي
نوف:انت ماتخلي الواحد يستانس من يشوفك تنسد نفسه ومشت وخلته
اما عند عبدالرحمن وامجاد
عبدالرحمن يمشي جنبها ومتردد بعدين قال:انتي امجاد صح؟؟؟ سكتت امجاد
عبدالرحمن:اذا انتي امجاد تكلمي اذا انتي نفس البنت اللي شفها بالمزرعه قولي لاتخليني ضايع أكثر
امجاد:لا شكلك مشبه علي
عبدالرحمن:انا متأكد انك انتي اللي شفتها بالمزرعه
امجاد:قلت لك مو انا وكملوا العبه وهم ساكتين
طلع الكل من اللعبه الللي مستانس واللي متضايق واللي متوتر واللي مستحي وحالاتهم حاله
بندر طلع ودور اقرب كرسي حط عليه عبير ورفع رجلها يشوف اذا فيها شي ولا لا؟؟؟قال:توجعك؟؟؟؟
عبير من الحيا نست الالم وقالت:لا بخير
بندر ابتسم :دوم اذا توجعك نجلس
عبير:لا مايوجعني شي بروح للبنات ولما راحت عند البنات مسكوها تعليقات عليها
وبعدها وقفوا عند لعبه المظله وقال ماجد:مين يركب معي؟؟؟
الكل بصوت واحد:محد
ماجد:وش سوت لكم اللعبه محد يبي يلعبها؟؟؟
مهند:لها معنا موقف
ماجد:ان شاءالله حلو؟؟؟؟
زياد:اكيد حلو
ماجد:انا بركب واللي بيجي معي حياه راح ماجد وراحوا معه امجاد ودلال وسمر وبعدها راحوا لاخر لعبه (الشلال)الكل ركب وصاروا يتوزعون بحيث يكونون مرتاحين وبدون موافق ولما بدت اللعبه انواع الصراخ وطلعوا بعضهم كله متسبح وبعضهم نصه ولما كانوا واقفين دق جوال ماجد اللي رد
ماجد:هلا والله شخبارك؟؟
هيف:بخير انتم شخباركم؟؟؟
ماجد:دوم بخير لحظه سمر خوذي الكاب حقي ايه انت وش مسوي؟؟؟؟
هيف من سمع اسم سمر ابتسم وقال:ماعلي بس انت متأكد ماتعرفون واحد اسمه حسن شكل الرجال يعرف اهلك
ماجد:مانعرفه وكملوا سوالف
رجعوا الشقه وكل واحد حالته حاله بعضهم غلب عليه التعب ونام وبعضهم لا
عدت 3 اسابيع رجعوا الاهل من الشرقيه وكانت السفره حلوه
روبي وافقت على نواف اللي طاير من الفرحه كل شخص صار له تغير في 3 اسابيع
مهند قرر يخطب دلال وزياد بيخطب سمر
هاني كل ماشاف نوف تهاوش معها مع انه اعترف لنفسه انه يحبها
عبدالعزيز يبي يكلم اهله يخطبون له ملاك بس متردد
بندر وعبير بدوا حياه جديده وحلوه ومستانسين
عبدالرحمن تعلق بأمجاد أكثر ويبي باي طريقه يكلمها فيها
هيف تعلق بسمر بدون وعي منه
الساعه 3 الفجر يوم الاربعاء هبطت طياره في مطار الملك خالد بالرياض نزلوا من الطياره وخلصوا الاجرائات
قال فهد:الحمدالله على السلامه
وجود:الله يسلمك
فهد:بطلب منك طلب ممكن؟؟؟
وجود:ايه
فهد:قدامهم احنا مابينا الا كل الخير وزي العسل
وجود:ان شاءالله
ومشوا اخذوا تكسي ووصلوا بيت عمي عبدالله على الساعه 5:30 ص نزلوا اغراضهم ودخلوا البيت وهم يمشون بالحوش فكت وجود عباتها بعدين قالت:لحظه وراحت ورى البيت كانت دلال جالسه هناك وتفكر جتها وجود من ورى وضمتها دلال ولما لفت كانت بتصرخ بس وجود لحقت عليها وحطت يدها وضموا بعض وفهد كان واقف ورى ويناظرهم ولما فكت دلال وجود
دلال:متى جيتوا وليش ماقلتوا لنا؟؟؟؟؟؟
وجود:تونا واصلين ومخلينها مفاجئه
دلال:احلى مفاجئه
فهد:ماودك تسلمين علي راحت دلال وضمته وبعد السلام دخلوا جوا وسلموا على عمي وزجته وبعد السوالف رقوا جناحهم يرتاحون
دخلت وجود واخذت شور بعد السفره المتعبه ولما طلعت كان فهد بوجهها
فهد:نعيما
وجود:الله ينعم عليك ودخل فهد ياخذ شور اما وجود انسددحت على السرير تبي تنام طلع فهد بعد الشور والغرفه كانت بارده ومظلمه شغل الاضاءه الخفيفه وشاف وجود وجلس يطالعها
وجود:فهد بغيت شي؟؟؟؟
عرف فهد انها صاحيه وقال:سلامتك
وجود:اذا خلصت طفي النور معك طفى فهد النور ونام
اما في بيت عمي محمد كانت سمر تسولف مع ابتهال اللي تحاول فيها تبي تشوفها وسمر رافضه

[موكاتشينو]

تابع.......


اما في الاستراحه كان هيف جالس مع عمي فيصل يسولفون الا دق جوال عمي فصيل وكان عمي محمد
هيف:جوالك
عمي فيصل:عارف الاهل مابي ارد ولا اقولك رد انت وقول اني بدوره المياه (الله يكرمكم)وكانت الساعه 2:30
هيف:وش دخلني كلمهم انت يمكن فيه شي؟؟؟؟؟
عمي فيصل:مافي شي رد يله وعطاه الجوال
رد هيف:الو
سمر:الو عمي فيصل
سكت هيف الصوت مار عليه بس مايدري وين
سمر:الو عمي انت معي؟؟؟؟؟
هيف:الو
سمر:عمي وش فيك؟؟؟؟
هيف:ليش في شي؟؟؟
سمر:عمي انا سمر وش فيك؟؟؟؟
هيف في نفسه(لاحقتني لهنا ياسمر)وقال:عمك مو هنا اذا جا قلتله يكلمك
سمر:وانت مين؟؟؟؟؟؟وليش ترد على جواله؟؟؟؟
هيف: انا هـــ انا علي
سمر:واذا كنت بس ماترد على جوال غيرك وقفلت بوجهه
عمي فيصل:وش عنده محمد؟؟؟
هيف:هذي وحده اسمها سمر تبيك؟؟؟
عمي فيصل:وش عندها ذي بعد؟؟؟؟ المهم ياعلي ماتبي كاس؟؟؟؟
هيف:لا شكرا باخذ لي بعد شوي (هو بوجوده هناك صار يشرب بس بكميه قليله مره عشان مايشكون فيه)
في بيت عمي سالم
مهند راح عند خالد وجلسسوا يسولفون
منهد:خالد انتب تخطب دانه ولا لا؟؟؟؟
خالد:ليش؟؟؟
مهند:اسألك ترد علي بسؤال؟؟؟
خالد:اول ليش؟؟؟؟
مهند:بقول لابوي يخطب لي دلال
خالد:طيب وش دخلني؟؟؟؟
مهند:يعني عادي؟؟؟
خالد:خذ راحتك قام مهند وباس خالد على خده
خالد:كل هذي الفرحه الحين اجل لو وافقت وش بتسوي؟؟؟
مهند:منت لاقيني على الارض بروح للقمر وارجع
خالد:الله يوفقك
مهند:امين
وفي بيت عمي عبدالله كانوا جالسين بصاله كلهم ودخلوا وجود وفهد واللي ماسلم سلم وجلسوا
دلال:الحين ليش مجلسها جنبك خلها تجي عندنا شوي
فهد:انا حر كيفي ومد يده ووحاوطها مع خصرها وقربها لمه ولما انشغلوا بالسوالف
قربت وجود منه وقالت:فك يدك وخر فهد يده اما البنات ماسكينها تعليقات عليهم وعلى الغداء وجود ما اكلت الا سلطه عشان عمها ولا هي مالها نفس
قال عمي عبدالله:احد يدري انكم جيتوا؟؟؟؟؟
فهد:لا بس انتم
عمي عبدالله:كلمتي ابوك ياوجود؟؟؟؟؟
وجود:لا ماكلمتهم بروح لمهم بعد شوي
فهد استغرب وقال:ايه اذا خلصتي قومي اجهزي عشان اوديك
وفي السياره كان الجو هادي
فهد:حركتك بايخه
وجود:ماسويت شي
فهد:واضح
وجود:فهد مالي خلق هواش اللي فيني يكفيني سكت وفهد ولما وصلوا دقوا الجرس
فيصل:مين؟؟؟
مسك فهد يد وجود اللي قالت:افتح
فتح فيصل الباب ولف بسرعه بيكمل لعب صكت وجود الباب وفكت نقابها وقالت لفيصل قبل مايدخل:ماتبي تسلم علي؟؟؟؟
لف فيصل وقال:وجود وجا يركض وضمها ولما فكها قال:وحشتيني موت
وجود:حتى انت وانت اكثر وبعدين وش عندك راجع جوى بسرعه؟؟؟؟
فيصل:بكمل اللعبه
فهد:منت مسلم علي؟؟؟؟
فيصل:اسف بس من شفتها نسيت كل شي وسلم على فهد اللي ترك ايد وجود ومسكها فيصل
فيصل:حياك بنادي ابوي واجي ومشت معه وجود
اما فهد كان معصب ويتحلطم وقال:وحشتيني موت من شفتها نسيت كل شي والله لو انك زوجها وهي بعد وانت اكثر اف وانا من تزوجنا كلمه حبيبي بالغلط مافيه اف
الا دخل عبدالرحمن:هلا والله فهد الحمدالله على السلامه
فهد:هلا فيك الله يسلمك
عبدالرحمن:معليش تأخرنا عليك بس كنا نسلم على وجود
فهد:لا عادي انتم شلونكم؟؟؟
عبد الرحمن :نزقح اخبارك انت؟؟؟
فهد:الحمدالله الا دخل ابوي وقام فهد وسلم عليه وبعد ساعه تقريبا قال فهد:ابي اسلم على خالتي شوف لي درب
عبدالرحمن:دقيقه ولا اقوك دق على وجود وقول لها مشوار اروح
فهد:زول ودق على وجود اللي ردت عليه بعد الرنه 5
وجود:هلا
فهد:هلا حبي ابي اسلم على خالتي شوفي لي طريق
وجود:دقايق وادق عليك
فهد:اوك وبعد خمس دقايق دقت وجود عليه وراح المجلس
دخلت وجود وقالت:دقايق وتجي امي ولما جت بتطلع مسك فهد يدهالفت عليه وقالت:فكني
فهد:حرام عليك خلاص
وجود:قلت لك فكني الا على دخله امي اللي قالت:وش فيكم؟؟؟؟
فهد سحب وجود وصار شبه حاضنها وقال:سلامتك وسلم عليها وهو باقي ماسك وجود اللي كانت بداخلها حرب وتضارب مشاعر ماتبي مشاكل بس كرامتها فوق كل شي
قال امي:الله يديم المحبه بينكم
فهد:امين طلعت امي
وبعدت وجود عن فهد بسرعه وقالت:ان سويت هالحركه مره ثانيه ياويلك وطلعت وخلته راحت غرفتها اللي اشتاقت لها حيا
اما فهد طلع لوين مايدري بس متضايق دق على مهند
مهند:هلاوالله فهود
فهد:تعال الكوفي ابيك
مهند:فهد شفيك انت بلندن مو بالرياض
فهد:ياغبي انا بالرياض تعال الكوفي وفي الكوفي بعد السلام
مهند:تستاهل انت اللي جبته لنفسك
فهد:الحين جايبك عون تصير فرعون
مهند:الغلط منك وترى يحق لها وهي من الاول قالت لك وانت مشيت الموضوع هي كانت صريحه معك من الاول بس انت لاتحتمل على تصرفك اللي سويته
فهد:اتوقع فتره وتطلب الطلاق
مهند:بصراحه يحق لها
فهد:انا الغلطان اللي داق عليك مالت
مهند:خلنا الحين من وجود لو رحنا عندهم فرفش مو تقعد مبوز
عطاه فهد نظره وقال:انا في ايش وانت بأيش
مهند:صح
فهد:وشو؟؟؟
مهند:بخطب دلول واخير
فهد:دق على زياد خله يجي
مهند:قل والله مالت عليك وعلي معك وقام
فهد:وين؟؟؟
مهند:دق على زياد يجلس معك
فهد:اقول انثبر احسن لك لااطلع حرتها فيك
مهند:اجل اسف وجلس ودق على زياد وجا وصاروا يسولفون وفهد يحاول يتناسى وجود ووضعهم
اما وجود كانت بغرفتها طلعت دفتها وكتب فيه
{اشعر انني اريد البكاء ولكنني لا اعرف سبب ذالك ربما لاني لم اتوقع هذا التصرف منك انت لم اكن اعرف انك بهذه القساوه لا اعرف لمن ابوح لكل مايهدم سعادتي وثقتي بك وبغيرك ولكن للأسف لم تكونوا اهل لهذه الثقه }وقفلت الدفتر عل دخله اخوانها وفيصل وخواتها مسحت دمعتها بسرعه وابتسمت
بدر:وش تسوين جالسه لحالك؟؟؟؟
ابتسمت وجود وقالت:اشتقت لغرفتي
دانه:واحنا؟؟؟؟؟
وجود:اكيد اشتقت لكم وجلسوا يسولفون لين اجتمعت العايله تحت نزلوا وبعد السلام راحوا وجود وسمر ودلال ورى البيت
وجود:وش صار؟؟؟
سمر:انا امس دقيت عليه من جوال ابوي بس مارد علي
وجود:اجل؟؟؟
سمر:رد عل واحد اسمه علي
دلال:الكل يسأل عنه ومايرد على مكالمات احد
وجود:لحظه اكلم ماجد نشوف متى نخلص من هالموضوع
وبهالوقت كان ماجد مع هيف رد ماجد على وجود
ماجد:هلا والله
وجود:هلا فيك
ماجد:الحمدالله على السلامه
وجود:الله يسلمك الابسألك وش صار على عمي فيصل؟؟؟
ماجد:ارتاحي شوي بعدين نتكلم بالموضوع
وجود:ماجد خلصني
ماجد:على حطه يدك بس زاد ادمان
وجود:طيب متى يخلص الموضوع؟؟؟
ماجد:دقيقه هيف متى يخلص القرف اللي انت فيه؟؟؟
هيف:كلها اسبوعين ان شاءالله وينتهي كل شي الا اسألهم يعرفون واحد اسمه حسن؟؟؟
ماجد:يقول اسبوعين
وجود:حلو
ماجد: صح تعرفون واحد اسمه حسن ؟؟؟
سكتت وجود ماجد:وجود انتي معي؟؟؟
وجود:حسن ايش ؟؟؟؟
ماجد:هيف تعرف حسن ايش؟؟؟؟
هيف:ايه حسن ال.....
ماجد:حسن ال.....
وجود:متأكد؟؟؟؟؟
ماجد:ايه
وجود:هو الوحيد اللي ماخطر في بالي الخايس
ماجد:تعرفينه؟؟؟
وجود:من متى تعرف عن هالخايس؟؟؟؟
ماجد:من فتره بس مادريت انكم تعرفونه
وجود:خلاص اكلمك بعدين وسكرت
دلال:وجود من حسن؟؟؟؟وخايس وش السالفه؟؟؟؟
وجود:تذكرين اللي ضرب فهد قبل قتره
سمر:ايه وش فيه؟؟
وجود:هو الحمار نفسه
دلال:وليشي سوي لك هذا؟؟؟؟ قالت لهم وجود السالفه كلها
سمر:حقير من جد
دلال:وجود وش بتسوين؟؟؟؟
وجود:مابسوي شي الشرطه اللي بيسون
سمر:كيف؟؟؟
وجود:كلها اسبوعين وينتهي الموضوع ورجعوا البنات جوى وكملوا اليوم عادي
ويوم الاحد دق ماجد على وجود وقال:انتي بتطلعينه ولا بتخلينه عندهم؟؟؟
وجود:مدري شوي وارد لك خبر
بعد المغرب كانت وجودجالسه مع فهد وقالت:فهد بكلمك بموضوع
فهد ماصدق انها تتكلم معه قال:قولي
وجود:بس تساعدني؟؟؟؟؟
فهد:اكيد بس وشو الموضوع
وجود:بس ماتعصب
فهد:ماراح اعصب بس تكلمي حرقتي اعصابي
قالت له وجود الموضوع من الاول للأخر قام فهد معصب وهو يقول:انا اوريه الحمار احد يسوي اللي سواه
مسكته وجود وقالت:فهد تكفى كلها كم يوم وينتهي الموضوع وانا قلت لك عشان تساعدني
فهد:وليش ماقلتي من الاول؟؟؟
وجود:ماكنت ابي اضيق صدوركم وانتم فرحانين
فهد:يعني اللي صار عاجبك؟؟؟؟
وجلست تمشي بالحوش تاخذ هوا بعد اللي صار وفهد هدى شوي بعدين قام يدورها لين لقاها واقفه عند الورد راح لمهاوضمها من ورى وقال
فهد:اسف
وجود:بعد عني
بعد فهد وقال:اسف مامسكت اعصابي
وجود:خلاص انسى الموضوع
فهد:لا مابنساه انا بساعدك
وجود:قلت لك خلاص مايحتاج
فهد:خلاص وجود اعتذرت
وجود:اعتذرت عن ايش عصبيتك ولا كلامك اللي قلته ومشت
مسكها فهد وقال:اسف قسم بالله مدري وش صار لي من سمعت كلامك وراح اساعدك
اليوم يوم المداهمه وسمر بتقابل ابتهال استئذنت سمر من ابوها واعطاها الموافقه وبتروح معها هيام وطبعا وجود ودلال عندهم خبر
راحت سمر وهيام على االساعه 8:30 مع السولق وصلوا الاستراحه وكانت عاديه فتحت لهم ابتهال وبعد السلام فكوا عبيهم وجلسوا مع البنات اللي استغربوا لبسهم
اما في جهه ثانيه من الاستراحه كانوا الشباب مجتمعين
سأل هيف واحد:وش فيكم اليوم مو بالعاده؟؟؟
رد واحد من اللي جالسين:اكيد جايبين صيده جديده هذي عاداتهم
حس هيف بضيقه فجئه بس ماقال شي
ولما جت الساعه 1 قالت سمر:احنا نستأذن
ابتهال:تونا بدري
سمر:مقدر اتأخر يله البسي عباتك لبست هيام عباتها وهي تبي تطلع بسرعه اما سمر كانت تسولف مالبست عباتها وقفت وهي تقول:المره الجايه اجلس اكثر الا دخل عليهم حسن
حسن:على وين مبعد جلسنا معكم؟؟؟
وفي مكان ثاني الساعه 10 كانت دلال جالسه بغرفتها وتتذكر مهند لما درى انها مسجله اسمه(ليان) وتذكرت الموقف اللي صار لهم لما خرب الاصنصيل وهم فيه
دلال:يمه وش فيه وقف؟؟؟؟
مهند:مدري وصار يضغط على الازرار بس مافي فايده شوي الا يتحرك ورجع وقف
دلال:يمه
دلال:شكله خرب
مهند:الظاهر بعدين قال:الحين مالقيتي اسم غير ليان تسميني فيه؟؟؟
دلال انصدمت احنا وين وهو وين وقالت:هذا وقته
مهند:هذا انسب وقت ردي على سؤالي
دلال:جوالي وانا حره مالك دخل
مهند:تدرين وش اتمنى ؟؟؟ ماردت عليه دلال لانها خايفه
مهند:اتمنى تكونين لي ولف عليها وقال:لو تقدمت لك بتوافقين؟؟؟؟؟
وانفتح باب الاصنصيل بس كان معلق بين دورين
مهند:تنطين ولا اشيلك؟؟؟؟وكان مبتسم
دلال:لا بنط ونطوا وبعدها
قال مهند لدلال قبل ماتروح:انتظر ردك؟؟؟ وقطع تفكيرها دخول فهد عليها
دلال:انت ليش ماتطق الباب خرعتني
فهد:ابيك بموضوع
دلال:اللي هو؟؟
فهد:في واحد تقدم لك
دلال:طيب
فهد:بصراحه ابوي موافق عليه وانا بعد باقي انتي
الا على دخله وجود وهي تقول:اخيرا لقيتك امر
فهد:ما يامر عليك ظالم بس كلميها بالموضوع
وجود:الحين لك ساعه تحت بكلمها ومدري ايش اخر شي تقول لي كلميها
فهد:انا وانتي واحد
وجود:طيب ممكن تتركنا لحالنا طلع فهد وقفل الباب وراه
دلال:كلامه صدق؟؟؟
وجود:ايه
دلال:انا ما ابيه
وجود:طيب عرفت يمين هو؟؟
دلال:قلت ما ابيه
وجود:براحتك اقول لفهد يقول لمهند انك ماتبينه
دلال ما ستوعبت الكلمه الا لما فتحت وجود الباب قامت تركض وقالت:وش دخل مهند بالموضوع؟؟؟
وجود:ياحلوه مهند هو اللي متقدم لك بروح اقول لهم دلال ماتبيه
مسكتها دلال وقالت:وين رايحه مجنونه انتي؟؟؟؟
وجود:انتي قلتي ماتبينه
دلال:ماكنت ادري انه مهند
وجود:طيب فكري واستخيري وعطينا رايك
خلونا نرجع الاستراحه عند سمر وهيف
دخل حسن وقال:على وين مبعد جلسنا معكم
ابتهال:وينك تأخرت كانت بتروح
سمر كانت تدور عباتها بس مالقتها لان البنات اخذوها ولما جت بتنحاش مسكها لي
سمر:فكني ياحقير فكني
هيام من الخوف ماتدري وش تسوي ولما جت بتنحاش مسكوها الشباب برى ودخلوها الخيمه وحاولوا يفكون عباتها وبهذا الوقت الشرطه حاصرت الاستراحه
اما هيف سمع صراخ وشاف الشباب مجتمعين راح عندهم بسرعه وشافهم ماسكين هيام راح بسرعه وفكها الا على دخول الشرطه اللي مسكوا الكل
هيام وهي تكلم هيف:تكفى تكفى اختي لما رفع هيف راسه انصدم بالمسدس اللي على راس سمر وسمر ما كانت خايفه كانت تطق فيه ووقفت لما شافت الشرطه
قال حسن:اذا قربتوا بذبحها
صدقت هيام وقالت:سمر لا هيف يتردد براسه (سمر كيف جت هنا )سحب هيام وطلعوا ووداها سيارته وهي تبكي ودق على ماجد وقاله يجي وخلاها بالسياره وقفل عليها ورجع جوى لسمر اللي كانت تواجه الموت
دخل وقال:حسن اترك البنت
حسن:علي انت وش تبي؟؟
هيف:اترك البنت ياحسن
حسن:مستحيل اخليها لك ياعلي
هيف:علي مين انا الضابط هيف
حسن:اها كذا طيب لو قربت بتموت البنت
سمر كانت تدور شي تتغطى فيه وهيف بعد كان يدور شي يغطيها وشاف عبايه على جنب اخذها وذبها على سمر اللي مسكتها وبعد عنى قدرت تلبسها
هيف:حسن فك البنت
حسن:ماراح وضربته سمر مع رجله والتفت قدرت تنحاش منه لعند هيف
حسن:يعني تبين تموتين؟؟؟
سمر كانت خايفه من جوى بس برى العكس كانت واقفه بالزاويه لان الشرطه محوطه البيبان اللي بالغرفه رفع حسن المسدس على سمر وسمر كانت مغمضه عيونها وتتشهد صوب حسن سمعت الصوت صرخه:اهــ فتحت عيونها وانصدمت بهيف طايح على الارض وجهه قلبه كلها دم والشرطه قدروا بعدهاا يمسكون حسن اللي انحاش بس مسكوه وصل ماجد الاستراحه يدورهم وانصدم لما شاف شكل هيف على الارض وسمر الللي يدينها دم راح عند هيف وساعده وطلعوا من الاستراحه وراحوا سياره هيف ماجد اخذ المفتاح وركب هيف جنبه وسدح الكرسي وكانت سمر وراه وهيام من شافتها ضمتها وهي تبكي
هيف وهو يتكلم بصعوبه:ماجد ود اهلك للبيت
سمر:لا روح المستشفى
ماجد:صح انت اول
هيف:لا هم اهم مني هم اهلهم يستنونهم انا ماعندي اهل
سمر:ماجد روح المستشفى قبل مايغمى عليه نزف دم كثير
هيف كان يناظر سمر وبعدها بدقايق اغمى عليه وصلوا المستشفى ودخلوه غرفه العمليات على طول
ماجد:قوموا اوديكم البيت
سمر:ماراح اتحرك من هنا لين اتطمن عليه
ماجد:بس ابوك
سمر:قلت لك ماني متحركه اذا هيام بتروح بكيفها بس هيام رفضت الساعه 5:30 وهيف مبعد طلع من العمليات والبنات مارجعوا
الا طلع الدكتور ماجد:ها دكتور بشر؟؟؟
الدكتور:الرصاصه موقعها خطير بس الحمد الله قدرنا نطلعها الحمدالله بس يمكن يصحى ويمكن لا لان الضربه قريبه من قلبه حيل احنا سوينا اللي علينا والباقي على الله وهو الحين بالعنايه وراح
اما سمر كان يدور براسها{كان بيموت عشانك والحين بين الحياه والموت ان صار لك شي ماراح اسامح نفسي }
اما في بيت عمي عبدالله عند وجود وفهد دق جوال وجود ولما ردت كانوا الشرطه تسألها متى بتاخذ عمها قالت لهم:خلوه عندكم انا اليوم مشغوله ولما سكرت
فهد:مين داف على هالصبح؟؟؟
وجود:الشرطه مسكوهم
فهد:طيب وش بيبون؟؟؟
وجود:اخذ عمي فيصل
الساعه 5:30 سمر وهيام توهم يرجعون وعلى دخلتهم الصاله الا عمي كان نازل تخبوا البنات ورى الكنبه جلس عمي وشغل التلفزيزن والبنات انكبوا
عمي محمد:ام سلطان بروح لسمر هي صاحيه؟؟
ام سلطان:مدري روح وشوف
رقى عمي والبنات على اعصابهم فتح عمي باب غرفه سمر
انـــــــــــــتــــــهـــــــــــى الـــــــــــجـــــــــــزء الـــــــــــتـــــــــــاســــــــــــــع:
1\وجود وفهد بتستمر حياتهم كذا ولا بينفصلون؟؟؟؟
2\ عبدالرحمن كيف بيكلم امجاد ؟؟؟ولو لقى فرصه وشبيقول لها؟؟؟؟ودلال بتوافق على مهند؟؟؟؟؟
3\ هيف وش بيصير فيه يموت ولا لا؟؟؟؟عمي فيصل وش بيصير فيه؟؟؟؟؟
4\ هاني وعبدالعزيز بيتحركون ولا المشاكل بتوقف بطريقهم؟؟؟؟؟

[موكاتشينو]

الــ(10)ـــــــــــــجـــــــــــــزءالـــــــــــ ـعــــــــــــاشــــــــــــــــــــر:الأخــــــيـ ـــــر

في شقه بندر الساعه 10:30 كان جالس يسولف مع عبير وروبي وقال:روبي ترىالرجال يبي الملكه قبل تبدى الدراسه

روبي تخرعت وقالت:نعم!!!!!؟؟؟

غمز بندر لعبير وقال:ايه مستعجل مره

روبي:انتم تستهبلون باقي شهر على الدراسه مايمديني اجهز

بندر:لا يمديك ان شاءالله الكل بيساعدك وبعدين هذي ملكه مو زواج

روبي:لاقول له مافي يأخرها شوي

ضحك بندر وقال:وش فيك عصبتي استهبل عليك

ذبت روبي عليه المخده وقالت:خايس

الا دق جواله استغرب الرقم بس رد وانقلبت ابتسامته وقال خلوه يخيسعندكم وسكر

روبي:وش فيه؟؟؟؟

بندر:مالك دخل انتي الثانيه وقام دخل الغرفه لحقته عبير عشان تهديهبعد ماعرف اللي صار

##################

اما في بيت عمي مبارك كانت جدتي وعمتي فاطمه والشباب يسولفون وامجادسرحانه وهذا حالها من عرفها عبدالرحمن كانت جدتي تكلمها بس امجاد ماردت عليها رمتعليها الفنجال تخرعت امجاد وقالت:خير وش فيه؟؟؟

جدتي:يامال الصمخ ان شاءالله لي ساعه اكلمك ليش ماتردن؟؟؟؟

امجاد:ما انتبهت وش بغيتي؟؟؟

جدتي:انتي لك فتره منتي طبيعيه وش فيك تعبانه؟؟؟؟

امجاد:طفشانه ابي اجتمع مع البنات خالي عبدالله ليش يسوي كذا؟؟؟

عمتي فاطمه:اسكتي ولا انقلعي غرفتك

وفي غرفه الشباب كان هاني منسدح على السرير ومبتسم

عبدالمحسن:وش عنده العاشق الولهان

هاني:انت تكلم مين؟؟؟

عبدالمحسن:اكلم خيالك اللي بجنبك اكيد اكلمك

هاني :وش بغيت؟؟؟

عبدالمحسن:وش عندك صاير هادي هالفتره؟؟؟؟

هاني :مافيني شي ومن قالك اني صاير هادي؟؟؟

عبدالمحسن:اصلا من رجعنا وانت طول يومك سرحان ياخي اعترف وقول انكتحبها وارتاح

هاني:ماكنت ادري بعد كل اللي صار بحبها ولما تعصب تصير شي

عبدالمحسن:واخيرا اعترفت مابغيت

هاني :وبدون شعور حبيتها تدري اني مره ناديت امي بأسمها بغيت اروح وطي

عبدالمحسن:عاشت بنت العم والله هبلت فيك

هاني:وازيدك من الشعر بيت غيرت رقمي عشانها

عبدالمحسن:تركت هبالك الله يجزاها خير بنت عمي عقلتك والله يجعلها مننصيبك

هاني:امين

#########################

اما في بيت ابوي(سليمان) الوضع كان هادي الا على صرخه عبدالرحمن الليسبحه بدر بمويه بارده وهو سرحان وصاروا يلاحقون بعض وعبدالرحمن الا يكب على بدرالا على دخله ابوي وانكبت المويه عليه

صرخ فيصل قال ابوي:وجع انتم وش تسون؟؟؟؟

بدر:والله مو قصدنا كنا نلعب وجت بالغلط عليك

ابوي:هذا اللي شاطرين فيه اللعب وخروا بس لا اقوم اكوفنكم وبعدها مافي الا غبارهم طلعوا الحوش كملوا لعبوبعدين بالمسبح

############################

اما في المستشفى عند ماجد كان جالس عند العنايه يستنى أي خبر عن هيفاللي حالته مو مستقره

اما في بيت عمي عبدالله دلال ماكانت مصدقه ان مهند تقدم لها

اما عند وجود وفهد

فهد:وش بتسوين بعمي فيصل؟؟؟

وجود:خليه الليله هناك وبعدين يصير خير

فهد:طيب وش بتقولين لهم لو سألوا عنه؟؟؟

وجود:سافر عند خواله

فهد:صح ترى يوم الثلاثاء في عزيمه لنا

لفت وجود عليه وقالت:نعم؟؟؟؟

فهد:ايه ابوي وعمامي مسوينها

وجود:ليش مسوينها؟؟؟

فهد:زواره ورجعتنا بالسلامه

وجود:يصير خير

فهد:الا وش قالت دلال؟؟؟

وجود:تقول بتفكر وترد لنا خبر

فهد:هي تحب مهند؟؟؟؟

وجود:مدري

جا فهد قدامها وقال:من جدك ماتدرين

وجود:اجل العب عليك

فهد:شكلك تعبانه فيك شي؟؟؟

وجود:مافيني شي

فهد:بس باين على وجهك تعبانه

وجود:يمكن بعد المكيف امس

فهد:قايل لك بس ماتسمعين الكلام

وجود:فهد خلصت كلام راسي يوجعني ممكن تسكت

فهد:تبين اوديك المستشفى؟؟؟

وجود:لا بروح اريح وبعد شوي انا بخير

فهد:اللي يريحك وراحت ترتاح بالغرفه وفهد نزل تحت

#########################

اما في بيت عمي محمد:جلس في الصاله وشغل التلفزيون والبنات انكبوا

عمي محمد:بروح لسمر هي صاحيه؟؟؟

ام سلطان:مدري روح شوف

رقى عمي فوق وفتح الباب الا تناديه هيام:يبه

لف عمي وقال :نعم

هيام:صباح الخير شخبارك؟؟؟؟

عمي محمد:صباح النور بخير

هيام:الا يبه تعال شوف غرفتي مافيها كهرب

عمي محمد:غريبه ليش؟؟؟

هيام:مدري تعال شوف وسحبته

وبهالوقت راحت سمر لغرفتها ودايركت اخذت ملابس ودخلت تاخذ شور كلام هيف يدور براسها{هم اهلهم يستنونهم اناماعندي اهل}وكانت تقول:لو صار لك شي انا السبب انا لازم اتطمن عليه وبعد الشور

جتها هيام وقالت:ابوي يبيك بالمكتب

سمر:وش يبي؟؟؟

هياام:مدري بس حطي بوجهك شي يخفي التعب اللي واضح

نزلت سمر عند ابوها بالمكتب فتحت الباب ودخلت قال عمي:وينك مابينتياليوم؟؟؟؟

سمر:كسلانه شوي

عمي محمد:انا بكلمك بموضوع

سمر:اللي هو؟؟؟؟

عمي محمد:في واحد تقدم لك وانا بصراحه موافق عليه وهو ماينرد باقيموافقتك

سمر كانت ساكته قال عمي محمد:اللي تقدم لك زياد ولد عمك

رفعت سمر راسها مصدومه وقالت:زياد!!!

عمي محمد:ايه زياد قامت سمر وطلعت من المكتب وتقكيرها مشوش بين هيفاللي بين الحياه والموت وبين موضوع زياد اللي طلع لها طلعت غرفتها وطفت النورتحاول تنام

######################

بعد المغرب في بيت عمي عبدالله كانوا كلهم مجتمعين بالصاله

دلال:يبه ابي اروح السوق

عمي عبدالله:ليش؟؟

دلال:بجيب لي شي عشان عزيمه المعاريس

عمي عبدالله:خلاص روحوا وانتي وجود منتي رايحه معهم؟؟؟

وجود:ان شاءالله فهد ناظرها وسكت

قالت نوف:وجود دلال شوفوا لفوا وصرخت دلال وابتسمت وجود

عمي عبدالله:وش عندكم ؟؟؟؟

وجود:لا سلامتك عمي مافي شي اما فهد عصب وراح فوق بعد عشر دقايق لحقته وجود ولما جابت عباتها

فهد:على وين ان شاءالله؟؟؟؟

وجود:بطلع مع البنات السوق

فهد:بتطلعين بدون شوري؟؟؟

وجود:انت ماقلت شي لما كنا تحت

فهد:مافي روحه

وجود:طيب ورجعت عباتها وقالت لدلال انها مابتروح معهم لانها تعبانهشوي

رجعت فوق وانتبهت لفهد معصب بس ماتدري وش السبب ولما جت بتدخل الغرفهقال فهد:روحي معهم

وجود:موب رايحه

فهد:قلت لك روحي

وجود:وانا لعبه عندك ورحي ولاتروحين وبعدين لاتنافخ انا اكلمك زينكلمني زين

فهد:بتروحين؟؟

وجود:لا مابي شي بروح اتابع البرنامج عصب فهد ودخلت وجود الغرفه وجلستتتابع البرنامج شوي الا دخل فهد وصار يحوس بالغرفه

وجود:فهد ممكن تهدى بسمع البرنامج

فهد:مو لازم

سكتت وجود ومن ازعاجه قفلت التلفزيون وانسدحت على السرير وقالت:ياليتتطفي النور اذا خلصت

نروح المستشفى اشتغلت الانذارات والدكاتره بسرعه على العنايه المركزهوماجد خاف هيف فيه شي وبعد ساعه ونص طلع الدكتور وقال:الحمدالله صحى وهو بخير

ماجد:الحمدالله الله يبشرك بالخير ودخل عنده بعد مانقلوه لغرفه عاديه

اما سمر مانامت بين هيف وزياد وتبي تكلم البنات بس مافي وقت




يتبع..........

[موكاتشينو]

تابع.......



اليوم الثلاثاء سمر تطمنت على هيف وارسلت له باقه ورد وبدت تفكربموضوع زياد

اليوم العزيمه الكل كان متجهز وعند وجود لما خلصت مكياج وتسريحه لبست{فستان اسود قصير كم وكم لا وعلى الكم فيه زي البروشات معطيه منظر حلو ولبست عليهحزام احمر وشوز احمر كعب}وطلعت شي

اما فهد توه جاي من برى دخل وما انتبه لها راح يبدل ولما خلص ماعرفيصك الكبك والقلابي رفع راسه وقال:وجود تعالي وسكت وصار يناظرها

وجود:لبيه وشافته ماسك كمه راحت لمه وهي توها متعطره سحبت ايده وقفلتالكبك وقربت اكثر عشان تقفل االقلابي وفهد ماعاد يقدر يسيطر على نفسه فمد يدهوحاوطها مع خصرها حست وجود برجفه بس حاولت ماتبين له ولما قفلته بعدت بس كان هوماسكها قالت وجود:فهد فكني بس فهد كان متخدر ومو قادر يتحكم بنفسه قرب منها وباسهاعلى رقبتها اما وجود التنفس عندها وقف وماعاد تحس بأطرافها حتى كلام مو قادره تتكلمبعد فهد عنها وقال:متى بتحنين علي؟؟

بعدت وجود عنه بسرعه وهي نفسها مضطرب ودقات قلبها زايده ووجهها احمرومتوتره من قربه قالت:يله تأخرنا واخذ عباتها وطلعت

اما فهد كان يقول:متى بتحنين علي وارتاح وراحوا

وخلال العزيمه كانت وجود تحاول تخفي اثر حركه فهد اللي معلمه علىرقبتها وسمر ودلال كل وحده بعالم وحتى امجاد لانهم حضروا العزيمه وماكان فيها شي مميز لان كل واحد بهمه

وصح عمي فيصل وديناه المستشفى للعلاج من اللي كان ياخذه واللييدرون(وجود سمر دلال فهد ماجد)بعد العزيمه لمارجعوا وجود اخذت اغراضها ونامتبالغرفه الثانيه وهذا الشي خلى فهد يعصي والله يستر

################################

يوم الاربعا الكل اجتمع ومع الازعاج انسحبوا (وجود وسمر ودلال)لغرفهوجود وجلسوا ساكتين

وجود:بتتكلمون ولا شلون؟؟؟؟

دلال:ماكنت متوقعه بيتقدم لي والحمدالله انا موافقه

وجود:الله يهنيكم حبيبتي وانتي؟؟؟

سمر:مدري متلخبطه بين زياد اللي تقدم لي ومن جهه ثانيه هيف مو راضييطلع من راسي

دلال:طيب فكرتي بموضوع زياد؟؟؟

سمر:فكرت

وجود:طيب

سمر:راضيه بس اخاف يتحقق الحلم

دلال:سمر لاتربطين حياتك بالحلم توكلي على الله

سمر:مدري يمكن ارفضه

وجود:سمر لاتتسرعين ولا تخلين الحلم يهدم حياتك

سمر:لو برفضه من خوفي عليه ولو وافقت كل وقتي بتم خايفه يصير فيه شي

وجود:فكري وين ولا تتسرعين قدامك وقت

سمر:طيب انتي وش فيك؟؟؟

وجود:مافيني شي

سمر:العبي على غيرنا شكلك مبين تعبانه صح دلول؟؟؟

دلال:صحين

وجود:مافيني شيي بس عشاني مانمت البارحه

سمر:متأكده؟؟؟

وجود:اكيد

سمر:طيب ابي اشوف هيف

دلال:نعم؟؟؟؟

سمر:اللي سمعتيه

وجود:ليش؟؟

سمر:بشكره على اللي سواه معي

وجود:وكيف؟؟؟

سمر:عشان كذا ابيكم تساعدوني اروح له قبل مايطلع من المستشفى

وجود:يصير خير

دلال:ماراح تزورين عمي؟؟؟

وجود:ولا افكر اذا بتروحون انتم بكيفكم

سمر:نخلص اللي احنا فيه بعدين يصير خيرونزلوا تحت وهم يركضون ولماوصلوا عند البنات جلسوا يغنون ويستهبلون ويرقصون وبدت حاله الهبال المعتاده وفجئهانفتح الباب وسكتوا البنات ولفوا كلهم على الباب الا دخل

######################

اما في بيت عمي مبارك ما كان بالبيت الا عمتي فاطمه وامجاد

وقالت عمتي:امجاد روحي نظفي المجلس قبل يجون خوالك ويلقون المجلس حوسه

امجاد:طيب وراحت المجلس وحطت السماعات في اذنها وشغلت اذاعه(الف الف alifalif) وبدت تشتغل

دق الجرس وراحت عمتي ولمى فتحت كان عبدالرحمن سولفت معه شوي بعدينقالت :حياك تفضل المجلس من هنا

اما في لمجلس امجاد كانت منطربه تغني شوي ترقص وهي تضف اخذت المخدهوصارت ترقص على اغنيه{اول احساس الغرامبلقيس} انفتح باب المجلس وجذب عبدالرحمن الصوت اللي يغني[ اشتقت لك كثر اشتياقالغصن لأسراب الحمام واشتاق لك كثر النجوم اللي على اطراف الفلك يااول احساسالغرام واخر احساس الغرام] دخل وانصدم باللي ترقص مع المخده وقف وتم يناظرها امجادماكانت منتبهه ولما لفت كانت تغني[ عشقتك عشق وصلني الى حد الهيام قدام عيني ومنكثر حبي اقوم اتخيلك]وسكتت بعدين قالت:الحمدالله والشمر قمتي تتخيلينه وكملت[ياروحي صايم لو زعل غيرك على هذا الكلام انا تراني كلي لك وصدق المشاعر كله لك]اما عبدالرحمن كان مبتسم وقال :انا كنت متأكد انك انتي لفت امجاد على الصوت ووقفتمصدومه عبدالرحمن:واخيرا عرفتك واعترفتي اما امجاد من استوعبت ماشاف الا غبارها اماهو واقف مبتسم

امجاد طيران على غرفتها وقفلت الباب وجلست على السرير وهي ضامه المخدهومو مصدقه اللي صار

#######################

نرجع لجمعه البنات قطع عليهم هبالهم فتحه الباب ودخلت ام سلطان ولماشافت اشكالهم قالت:وش فيكم؟؟؟؟

نوف:سلامتك بس خرعتنا

ام سلطان:على بالي صار لكم شي المهم عمانك يبونكم بالمجلس اللي برىروبي يله تعالي معي راحت روبي معها

والبنات طلعوا عند عمامهم وبعد السلام والسوالف العاديه قال عميسالم:الا يابنات عمكم فيصل ماتدرون عنه؟؟؟؟

وجود وسمر ودلال قلبت وجهيههم قات دلال:الا من كم يوم مكلمنا

عمي عبدالله:وينه فيه؟؟؟وليش مايدق علينا ولا محنا اخوانه؟؟؟

سمر:هو وده بس هومايصحى الا اذا انتم نمتم

عمي سالم :مايضره لو قام ساعهبالنهار وكلمنا اصلا هو وينه ليش ماتنادونه يجلس معنا الحين؟؟؟؟

سمر دعست على رجل وجود عشان تنقذهم رفعت وجود راسها وقالت:هو مسافرعند خواله

عمي سلمان:متى سافر؟؟؟؟

وجود:مدري بس لما كلمني قبل امس يقول انه عندهم ويمكن مايرجع الا علىبدايه الدراسه

عمي محمد:هذا على كيفه يتصرف؟؟؟

وجود:ماسوى شي غلط راح لاهله

عمي عبدالله:المفروض يستأذن مو يسوي الشي بعدين يقول تراني سويت وجودفهمت فصده وكانت بترد عليه بس دق جوالها وطلعت عشان ترد

وجود:نعم

فهد:بسم الله وش فيك معصبه؟؟؟؟؟

وجود:مافيني شي

فهد:انتي جالسه مع مين؟؟؟

وجود:جالسه مع عمامي بغيت شي؟؟؟

فهد:تهاوشتي مع ابوي اكيد

وجود:فهد اخلص وش تبي الحين؟؟؟

بدى فهد حركاته وقال:عيون فهد بس اشتقت لك

وجود ومن غير شعور قلب وجهها احمر وقالت:فهد عن الاستهبال وقول وشعندك بروع عند عمامي يستنوني

فهد:انا ما استهبل هذا اللي عندي اكيد احد عنده حبي ومايبيها

وجود:مع السلامه وقفلت ورجعت جوى

############################

اما عند عبدالرحمن كان واقف ومبتسم دخلت عمتي وقالت:عبدالرحمن وش فيكوافق ليش ماجلست؟؟؟

عبدالرحمن:ها وشو؟؟؟؟

عمتي:اقول يش ماجلست؟؟؟؟

عبدالرحمن عشان يصرف الموضوع قال:هاتي عنك واخذ منها القهوه وجلسوايسولفون شوي بس عبدالرحمن عقله مع امجاد وابتسم فجئه

قالت عمتي:وش عندك تبتسم؟؟؟

عبدالرحمن:ابد سلامتك بس بروح الحين تاخرت على الشباب

عمتي:براحتك طلع عبدالرحمن وعقله وقلبه عند امجاد

##########################

اما عند الشباب كانوا مجتمعين بالخيمه وكانوا يستهبلون على بعض

قال خالد:والله حركات كلكم بتتزوجون

نواف:احد ماسكك روح تزوج

رائد:وش لك بوجع الراس يازين العزوبيه

بدر:حلوه مو دايم خصوصا لاكنت تحب

فهد:اقول اسكت انت وياه بتتزوجون غصب برضاكم

مهند:لا يافهد اكيد برضاهم بس مسوين يعني اني

رائد:الا وين عبدالرحمن ما اشوفه؟؟؟

بدر:مدري عنه طلع وماقال شي

نواف:غريبه مو من عادته

بدر:شوي ويرجع

رائد:الله ياني بستهبل عليكم استهبال

نواف:انت جرب وشف وش بيصير فيك

رائد:من الحين تهديد

نواف:اعقل عشان ما اهددك

مهند:شباب طفشان ابي اضحك

زياد:بس ماطلبت شي رائد قوم معي قاموا رائد وزياد ومسكوا مهند وصاروايدغدغونه اما مهند صار يصارخ وانحاش منهم وهم لحقوه

قال بدر:شباب وش ريكم نطلع البر كم يوم؟؟؟

نواف:فكره حلوه بس متى تبون؟؟؟

خالد:خلونا ناخذ مخيم ونروح كلنا ونادي جدتي وعمامي

فهد:حلوبس شلون على ابوي؟؟؟

بدر:هذي المشكله

فهد:لقيتها خلوها علي بس يبيلنا نقول لشياب

نواف:وش لون بتحلها؟؟؟؟

فهد:ماعليكم اهم شي بتلقونهم معنا الا دخلوا مهند وزياد ورائد ميتين ضحك

فهد:الحمدالله والشكراقول قوموا نقولهم

مهند:وش السالفه؟؟ وتقولون لمين؟؟؟؟؟

نواف:تعال معنا وتعرف وراحوا عند الكبار

##########################3

نرجع للبنات مع عمانهم رجعت وجود وجلست

عمي عبدالله:وجود

وجود:لبيه

عمي عبدالله:دقي على عمك فيصل بكلمه

وجود:ان شاءالله سمر ودلال انصدموا من الطلب ومن اجابه وجود دقت وجودورد واحد:الو

وجود:السلام عليكم

الدكتور:وعليكم السلام

وجود:اخوي عطني فيصل

الدكتور:بس فيصل نايم

وجود:مشكور اخوي ادق عليه وقت ثاني وقفلت وقالت:نايم

عمي عبدالله:ومين اللي كلمتيه؟؟؟

وجود:ياخاله ياولده

ابوي:الا صح جهزوا انفسكم يوم السبت بنروح المخيم

دلال:من جدك عمي؟؟؟

ابوي:ايه وقولوا للحريم وجهزوا انفسكم

قامت وجود وقالت:عن اذنكم واحت لورى البيت تحس بضيقه وماتدري وش تسويوماحست الا لما احد غطى عيونها قالت:دلال وخري عن حركاتك اللي مالها داعي بسماوخرت كملت دلال ولاسمر ترى اللي فيني يكفيني عن الاستهبال

وخر فهد يدينه وجلس قدامها ومسك يدها وقال:وشو اللي مضايقك ياقلبي؟؟؟

سحبت وجود يدها وقالت:مافيني شي انت وش جابك هنا؟؟؟

فهد:الا فيك ادق عليك ماتردين شوفي كم الساعه؟؟؟؟

لما شافت وجود الساعه كانت 3:30 الفجر قالت:اوف عدى الوقت بسرعه

فهد:طيب يله عشان نروح قبل مايصحى عمي ويشوفنا هنا

وجود:طيب دقايق ولما قامت مسك فهد يدها

فهد:ابتسمي لما تكشرين ماتصيرين حلوه ابتسمت وجود غصب عنها وراحت تجيبعباتها



يتبع.......