الــــــــــــــجـــــــــــــــــزء الـــــــــ(3)ـــــــــثـــــالــــــــــــــــث
عند الشباب دخلوا الجامعه (فهد،مهند،نواف،زياد،خالد،سلطان،)
وكانوا مستعجلين لانهم متاخرين على المحاظرات
بدايه فهد ومهند ورائد اخذوا تاخير ساعه وتهزيء ودخلوالمحاظره وفهد كان مسرح يفكر بوجود طقه مهند يقوله :انتبه ترى الدكتور عيونه علينا (تخصص فيزياء)
وعند نواف وزياد اخذوا تاخير ساعه وفوقها تهزءه محترمه بس عوضوها بالاختبار اللي كان عندهم(تخصص طب وتحليل جنائي)
وخالد هو الوحيد من حسن حظه ان الدكتور متأخر (تخصص قانون)
خلصت المحاظرات وطلعوا كل واحد يبي ينام بس لانهم ماناموا الا الساعه 3 الفجر باقي لهم محاظرات وراحوا جلسوا بالكفتيريا وشوي وجاهم خالد وعبدالعزيز فهد ومهند كانوا يستهبلون فاصلين ماعليهم شرهه اتفقوا انهم يولعون جرس الانذار وراحو وسو اللي اتفقوا عليه وصارت حوسه بالجامعه وخلص اليوم وهم هلكانين كل واحد يدور فراشه
##############################
وفي نفس هذا اليوم انتقلت وجود وروابي لسكن ودخلوا غرفتهم وحطوا اغراضهم وطلعوا لان عندهم محاظرات ولما شافوا البنات سلموا
قالت وجود:بنات انا انتقلت لسكن عصبوا البنات وهاوشوا وجود بس قدرت عليهم الا سمر زعلت منها وماكان عند وجود وقت لان محاظرتها بتبدا وراحت وتركت البنات
وهي داخله قاعتها سئلتها بنت:لو سمحتي اختي هنا محاظره التشريح؟؟؟
وجود باستغراب:ايه هنا انتي طالبه جديده؟؟؟
البنت:ايه انا عبير
وجود ابتسمت:هلاوالله انا وجود
عبير ابتسمت:هلافيك اسمك غريب بس لو سمحتي المحاظره متى تبدا ؟؟؟
شافت وجود ساعتها وقالت:بعد عشر دقايق شكلك مستعجله؟؟
عبير:ايه بروح اشوف اذا في السكن غرفه فاضيه
وجود:ولا يهمك تخلص المحاظره واروح معك
عبير:مشكوره بتعبك معي
وجود:لا عادي بالخدمه
#############################
بعد مرور اسبوع كانت عايله سليمان مجتمعه المغرب ماعاد عمي فيصل وفيصل
ابوي:ترى يوم الاربعاء عندنا عزيمه محد رد عليه بعدين قال تراني اكلمكم وبعدين فيصل وين؟؟
دانه فيصل مين عمي ولا ولد ساره؟؟
ابوي:فيصل ولد ساره
دانه:مدري اتوقع انه يذاكر فوق وسكتوا
(وهذا حالهم من طلعت وجود لسكن والبيت هادي وحتى اذا اجتمعوا كانت وجود دايم تستعبط على الكل والحين كلهم ساكتين كلهم فاقدينها واكثرهم فيصل ولد ساره لدرجه انه ينام بغرفتها) قطع عليهم افكارهم والهدوء صوت الجوال رد
ابوي:هلا والله الحمدالله بخير انتي شخبارك؟؟
الكل التفت عليه لانهم عرفوا انه يكلم وجود لانها كل يوم تكلمهم هذا الوقت
################################
وفي مكان ثاني كانوا فهد ومهند وزياد مجتمعين في الكوفي
فهد ومهند كانوا يستهبلون على الرايح والجاي وزياد باله بعيد طقه فهد:اللي ماخذ عقلك يتهنى به ابتسم زياد وسكت
نط مهند عنده وقال:ماوارى هالابتسامه الا شي كبير قول وش عندك؟؟؟
زياد:يعني الواحد مايبتسم الاوراه شي؟؟
فهد:مو شي الا اشياء زيود لاتخبي قول خلاص
قام زياد وطق فهدوقال:زيود اصغر عيالك انا
ضحك مهند وقال:قول وخلصنا ياخي
زياد:وش اقول؟؟
فهد:قول انك تحب
تفاجىء زياد وسكت
مهند:ترانا كلنا نفس المعاناه يعني لاتخبي
زياد:انتم من جدكم؟؟
فهد:ايه وغرقانين لين شوشتنا
مهند:منهي؟؟
زياد:سمر بنت عمي محمد وانتوا؟؟؟
مهند:دلال بنت عمي عبدالله
فهد سرح يفكر بوجود طقه مهند:نكلمك احنا
فهد:هلا
زياد:منهي اللي خلتك مثل المجنون؟؟؟؟
فهد:وجود بنت عمي سليمان
مهند قال لفهد:وش رايك نسحب على زياد ونخيله يحاسب
ابتسم فهد ابتسامه شيطانيه وطلعوا بدون مايحس فيهم زياد وبعدين دقوا عليه شاف المتصل فهد ولف مالقى احد عرف انهم سحبوا عليه دفع الحساب وطلع وهويتوعد فيهم
انتهى اليوم حلوعلى البعض حزين على البعض
################################
مع بدايه يوم جديد الساعه 5:30 كانت وجود صاحيه بدت تتعدل نفسيتها شوي وسوت لها شاهي وجلست بالصاله تفكر كيف تراضي سمر اللي زعلانه منها من اسبوع وتفكر في دلال تحب شخص مايدري عنها وتفكر وتفكر بكل شي قطع عليها تفكيرها صوت عبير:صباح الخير وجود
ابتسمت وجود:صباح النور
اعرفكم على عبير انسانه حبوبه طيبه لكنها عنيده سمارها حلو طويله وجسمها حلو شعرها لين كتوفها ملامحها هنديه وجنسيتها بحرينيه انتقلت هنا عشان ابوها غير شغله وجو الرياض
جلسوايسولفون شوي بعدين دق جوال وجود وكان فيصل على طول ردت لانه امس مارد عليها وكانت خايفه عليه
وجود:هلاوالله حبي
فيصل:هلافيك شخبارك؟؟
وجود:اخباري مثل اخبارك شخبارك انت؟؟
فيصل:انا ماشي حالي
وجود:نعم!!!!
فيصل:اقول انا بخير بس ناقصني شوفتك
وجود:ان شاءالله قريب بس انت وينك ادق عليك امس ماترد؟؟؟ خوفتني عليك
فيصل:كنت اذاكر
وجود:العب غيري أنا وجود يافيصل
فيصل:كنت عند المسبح
وجود:تصدق اني اشتقت لهاالمكان ولبلكونتي
فيصل:قولي والله
ضحكت وجود:والله انك واحشني موت ياقلبي
سكت فيصل بعدين قال:انا تأخرت مع السلامه
ضحكت وجود:مع السلامه بس انتبه انفسك وسكرت
سألتها عبير:وجود انتي مملكه؟؟؟
ضحكت وجود وقالت:لا هذا ولد اختي
عبير:اها على بالي تكلمين زوجك ووجود من سمعت كلمه زوجك وهي ميته ضحك ولاسكتت وعدى اليوم حلو على وجود ورضت عليها سمر
#######################
وعند الشباب في الجامعه
زياد من شاف فهد ومهند طار عليهم وكفخهم وقال:انا تسون فيني كذا وكمل كفخ ومهند وفهد ميتين ضحك وشوي جاءرائد وشاف زياد يطق فهد ومهند وصار يطق مع زياد وشوي الا وقال مهند: رائد انت من سمح لك تطق ؟؟؟
رائد:فزعه مع زياد
فهد:لاوالله والفزعه ماتجي الا علينا
رائد:من زمان ودي اكفخكم وتوها تجي الفرصه وماتتعوض وتوهم بيطقون رائد الاعبدالعزيز جاي بسرعه وكان يصوت فهد مهند ولفوا ولما وفق اخذ نفس بعدين قال:الدكتور صالح يبيكم
فهد:مين؟؟؟!!!!
عبدالعزيز:صالح دكتورنا
مهند:وش يبي؟؟!!
عبدالعزيز:مدري انتم وش مسوين؟؟؟هو مايطلب احد الا اذا مسوي مصيبه
فهد ومهند يناظرون بعض عارفين ليش ناداهم وقالوا :الله يستر وراحوا لدكتور صالح (وش بيسوي فيهم الدكتور صالح بنعرف بعدين؟؟)
#########################
وفي الثانويه
عبدالرحمن وبدر وعمي فيصل وسعود ونايف كانوا في حصه رياضيات
وكانو نايف وعبدالرحمن يسولفون انتبه لهم الاستاذ وقال:عبدالرحمن اطلع على السبوره وحل المسأله
رفع عبدالرحمن راسه وهو مصدوم وقال:انا
الاستاذ:في احد غيرك هنا اسمه عبدالرحمن؟؟ فيصل وبدر وسعود كانوا يضحكون طلع عبدالرحمن لسبوره وهو مايدري وش السالفه كتب القانون وبعدين قال:ياستاذ انا مافهمت
الاستاذ:مافهمت وجالس تسولف مع نايف
عبدالرحمن:كنت اسأله عن المسأله
الاستاذ:خلاص ارجع بعدين قال:تعال ياسعود حل المسأله وانكب سعود وعدى عليهم حلو
#########################
مر شهر على وجود في السكن وطول هالشهر مازارت وجود اهلها وتحسنت نفسيتها ورجعت وجود مثل ماكانت واحسن ودلال كانت تحاول تتجنب حبها لمهند وفهد يبي يعرف أي شي عن وجود ودلال ما عطته أي معلومه زياد هايم بسمر لحد الجنون لكن سمر ماتدري ومهند يحب دلال ويحسب انها ماتحبه وهي ميته فيه وبندر واعجابه بوجود بيغير شي بحياه وجود ولا لا هذي احداث ابطالنا خلال هالشهر
#############
وفي بيت عمي عبدالله(ابوناصر)
دلال كانت جالسه بغرفتها تذاكر ودق الباب
دلال:مين؟؟
فهد:انا
دلال:ادخل
فهد:دخل وشاف حوسه دلال على الارض والاب مفتوح وقال:انتي وش تسوين؟؟
دلال:اذاكر
فهد:احد يذاكر بهذي الحوسه؟؟
دلال:انا عندك مانع
فهد:لاعندي فتون
دلال:سخيف اخلص وش عندك؟؟؟
فهد:امممممم
دلال:اللي بعده اخلص
فهد:بسألك عن شي وابيك تجاوبيني وبدون استفسار
دلال:راح اجاوبك بس لازم استفسر
فهد:يعني؟؟
دلال:بستفسر بعدين اجاوبك
فهد:لازم يعني؟؟؟
دلال:اجل ماراح اجاوبك
فهد:لاخلاص وجود شخبارها؟؟؟
دلال:بخير
فهد:مرتاحه في السكن؟؟؟
دلال مستغربه من الاسئله:الحمدالله
فهد:طيب ليه ماتزور اهلها؟؟؟
دلال:اول ممكن اعرف سبب الاهتمام الزايد بوجود؟؟؟
فهد:بنت عمي واسأل عنها
دلال:والباقي مو بنات عمامك؟؟
فهد:الا بس هم عند اهلهم مومثلها
دلال:انت من قبل تروح السكن وانت اهتمامك فيها غير انت تحبها؟؟؟
سكت فهد وقام بيطلع بس دلال مسكته وقالت:يعني تحبها؟؟
فهد:ايه
دلال:وليش ماتكلمت من اول
فهد:اتكلم عن ايش؟؟؟
دلال:يعني الحين دقيقه يعني كل هالفتره اللي فاتت وانت تاخذ اخبارها مني وكل شي قبل مايصير عشان كذا في المستشفى وسكتت ثم رفعت راسها وقالت انت شفتها صح؟؟؟
فهد:لارد
دلال:فهد تكلم انت شفتها؟؟؟
فهد:ايه لما تهاوشت مع عمامي وطلعت تبكي وصقعت فيني
دلال سكتت وفهد جلس على السرير وقال:انا بس ابي اعرف اخبارها مابي شي ثاني وطلع وخلى دلال باللي هي فيه
##########################
وابتدا يوم جديد للكل
بعد الدوام كانت روابي بتروح بيتها بتجيب لها بعض الاغراض واخذت وجود معها وصلوا بيت روابي نزلت ودقت الجرس وكلمتها مرت ابوها من ورى الباب وقالت لها:انتي مالك شي هنا كل شي ذييناه رجعت روابي لسياره ودموعها بعيونها
سئلتها وجود:وش فيك؟؟؟
روابي:مافي شي
وجود:ليش مادخلتي؟؟؟؟؟؟
روابي:قالت لي مرت ابوي انهم ذبوا كل اغراضي
وجود مصدومه:انتي متأكده؟؟؟!!!!!
روابي:لا
وجود:طيب انزلي نتأكد
نزلوا وروابي تسأل وجود وش بتسوي ووجود تقولها بتشوفين ودقت الجرس وفتح لها اخو روابي وقال :نعم
طالعته وجود وقالت:هذا بيت ابو بندر
حسن:ايه
مسكت وجود ايد روابي ودخلت البيت وهو يصرخ وراهم ودخلوا غرفه روابي وسكروا الباب روابي بتموت من الخوف وراحت تدور اغراضها وسمعوا صوت مفتاح وراحت روابي تركض للباب ولقته تقفل وجلست تبكي عند الباب
راحت لها وجود وقالت:ماعندك نسخه في المفتاح روابي هزت راسها بلا
قالت لها وجود:قومي بنطلع
ورابي:وشلون نطلع والباب مقفول
وجود وخري عن الباب وطلعت سكينه من شنطتها وفتحت الباب وطلعوا وهم يمشون بيطلعون الا سمعت صرخه روابي لان اخوها مسكها وهي تصيح
وجود:فك البنت
حسن:ماراح افكها هذي اختي وبتم بالبيت
مشت وجود لين وصلت عنده وعلت صوتها:قلت لك فكها
مد حسن يده ولف يد وجود بحركه سريعه وروابي صرخت:اتركها وكانت تبكي
لف حسن على روابي وصرخ عليها وهي سكتت من الخوف ووجود في هذا الوقت رفعت رجلها وضربت حسن مع بطنه بركبتها
فكها حسن وفك روابي سحبت وجود روابي ولما جو بيطلعون تحرك حسن وضرب وجود بيده مكان العمليه الضربه كانت قويه بس الموقف نسى وجود وجعها كل اللي تفكر فيه كيف يطلعون من هنا فرفعت رجلها بحركه سريعه وضربته بصدره وطلعوا بسرعه على السياره وروابي كانت منهاره تبكي وجود تهديها
وقالت لسواق يحرك ودق جوال روابي وعلى طول ردت لانه كان بندر
بندر:هلاوالله روبي شخبارك؟؟ روبي كانت تبكي
بندر وهو خايف:روابي وش فيك؟؟؟ زاد بكاها وطاح الجوال منها رفعت وجود الجوال وكانت متردده تكلمه ولا لاوبعد تردد رفعت الجوال
وجود:الو
بندر:روبي وش فيك تكلمي؟؟؟؟
وجود:انا صديقه روابي
بندر:وش فيها روابي؟؟؟
وجود:كنا في بيتكم وصارت هوشه مع حسن وضرب روابي
بندر:نعم!!! انتوا وينكم؟؟؟؟
وجود:دقيقه وعطت السواق عشان يوصف له مكانهم وبعد ربع ساعه هدت روابي
روابي:وجود انتي فيك شي شي يوجعك؟؟؟
وجود وهي تحاول تغير الجو:صباح الخير توك تسألين
روابي بخوف:ليش فيك شي؟؟؟
وجود:بس نكبتيني مع اخوك
روابي:صح نسيته وش صار؟؟؟
جت وجود بتتكلم الا بندر وصل دق على شباك روابي فتحت روابي الشباك
بندر:السلام عليكم
وجود وروابي:وعليكم السلام
بندر:روابي جاك شي حسن سوى فيك شي وكان معصب وبعدين قال وش موديك البيت اصلا؟؟؟
روابي:تجاهلت اول سؤال وبعدين قالت كنت ابي كم غرض
بندر:كان جيتي لي الشقه
روابي:أي شقه؟؟؟
بندر:انتي من طلعتي طلعت انا ورائد في شقه واغراضك كلها عندي
روابي:وليش ماقلت لي؟؟؟
بندر:نسيت يلا تعالي معي الشقه وخوذي اغراضك
روابي:اوك
قالت وجود لروابي:روحي انتي معه انا برجع السكن
روابي:لا رحنا مع بعض نرجع مع بعض
وجود: بس ياروابي
روابي:لابس ولا شي وراحوا شقه بندر ودخلوا كانت الشقه روعه ويبين ان ذوقه راقي المهم دخلوا غرفه روابي وبعد ماخلصت اغراضها طلعت تشوف بندر
وسألها بندر:وش صار؟؟؟؟ وقالت له روابي كل شي حتى عن وجود اللي انطقت وطقت عشانها ولما جو يطلعون شكر بندر وجود
ردت وجود:روابي اختي ومابينا فرف وطلعوا لسكن وكانت وجود تتناسى الالم
وتركوا بندر يفكر بوجود المره الاولى لما اقنعته بكلمتين عشان روابي تنتقل السكن والحين دافعت عن اخته واكلت ضرب وصار يكلم نفسه وبقول:يالبى قلبها من عرفتها وانا ضايع هذي وهي كلها كلمتين اجل لو هي من اهلي كان الحين هي زوجتي وانتبه لنفسه وش زوجتك انت بعد وراح الكوفي عند ربعه (تفكيره بوجود نساه عصبيته واللي كان ناوي يسويه بحسن)
###########################
اذا لقيت تفاعل كملت البارت
رواية احبك حب يا مجنون كاملة بدون ردود 2015
أم ناصر) انسانه طيوبه عسل بس فيها شويه عصبيه
رد مع اقتباس
مواقع النشر (المفضلة)