السلام عليكم ورحمة الله وبركاته
أبوي في ليلة العيد ماجا إالا متأخر وتعبان ويقول الله يعين بكره ذبح وصلخ
وأجيك انا مسوي نفسي ذيب قلت إزهلها يبا عندك ولد
قال أبوي كفووووووووو ياولدي
<<<<<<<< طار بالعجه :D
قالي لي أبوي خذ أخوك الصغير معك خله يشوفك وانت تذبح الضحيه …. عشان يقوى قلبه …. ويتعلم منك …. والمشايخ ينصحون بها الشي
انا لي يومين مانمت ... ما عمري ذبحت في حياتي ... وفي هالعيد قررت اني اذبح الضحايا ....
<<<<< ملقوووووووووف z58
أنا كنت ناوي أوديها عند قصاب وأقول أنا اللي ذابحها
بس إنتكبت مع أخوي الصغير
دخلت الحوش واخوي معي .... قلت له شف وأنا أخوك .... اول شي لازم تمسك الخروف مع قرونه وتجره الين المسلخ .... ومسكت الخروف ..... لكن ابن الكلب مابقى الا شوي واصيح عنده ابغاه يتحرك للمسلخ مافيه فايده .....
قلت لأخوي ... ترا مهوب لازم الواحد يذبح في المسلخ ... يقدر الواحد يذبح في المكان الي يمسك فيه الخروف .... وفريت رقبة الخروف ابسدحه في الارض .... وبقدرة قادر صرت انا الي تحته .... والتفت الين اخوي يضحك .....
قمت .... ونفضت هدومي .... ومسكت الخروف .... بتقولون ما اسرع ما مسكته مره ثانيه .... اقول اصلا هو ما تحرك أتفه ماعنده انا ..... مسكته بقرونه .... وحاولت افر رقبته عشان يتمدد مافيه فايده ....
قلت لأخوي الي قاعد يناظرني نظرة فخر ..... اسمع وأنا اخوك ترا مهوب لازم يذبح الخروف وهو متمدد على الارض ... يصلح نذبحه وهو واقف .... تركت الخرف الي يقال لي كنت ماسكه .... وطلعت الدفتر ابو اربعين وقعدت اقرا الأذكار .... واكثر ما اعجبني ان الخروف واقف ما انحاش .... وكان حاله يقول عسى ماتعبت في القرايه بس ....
خلصت قرايت الأذكار .... وجبت السكين ..... وحاولت اذبحه وهو واقف ..... يوم توني حاط السكين على رقبته ..... تركني وراح يشرب .... منتهى قلة الادب
التفت لأخوي وقلت له ... شف وأنا أخوك ترا مهوب لازم يذبح الخروف مع رقبته .... بس اهم شي تسمي .... واجي امشي شوي شوي وهو قاعد يشرب مويه ....وقلت بسم الله واطعنه مع ظهره ..... وقام يهابد ويصايح .... بس معاد قدرت امسكه .... ومع ان الدم له خرير الا ان شكله يبي له وقت الين يموت .....
التفت لأخوي .... وهو يناظرني نظرة فخر .... وقلت له شف وأنا أخوك خل نروح للبيت هالحين ونام انا تعبت .... ونرجع العصر الينه ميت ....
وانا في السياره التفت على أخوي وهو مبسوط ويمثل حركاتي يوم اطعن الخروف ... وقلت له اسمع وأنا اخوك .... لا تقول لأبوي وش صار ولا لأي احد ..... والا والله معاد اجيبك معي ...
وانا في نيتي اني آخذ حجج كل سنه عشان افتك من الضحايا ....
الــفــائــده مــن الـمـوضـوع/
1. لا تقعد تهايط وتسوي نفسك ذيب عند أبوك وأنت ماعندك إلا الدجــه :D
2. قبل تذبح الخروف حط مع الماء اللي يشربه منوم عشان تذبحه بدون معاناه
3. إذا جا بعد صلاة العيد حاول تصرف عمرك ولاترجع البيت عشان مايقولك أبوك إذبح الضحايا
تــحــيــاتــي
الـــمــحـــامـــي
مواقع النشر (المفضلة)