كنت اتوقع انه مضيعة للوقت لكن مع منتداكم؟؟؟؟؟؟
--------------------------------------------------------------------------------
السلام عليكم
أنا اليوم جايتكم بموضوع من واقع حياتي اللي هو بدايتي مع النت(بدون ضحك)
في بداياتي كان شغلي الشاغل هو أني افتح لي ايميلات في كل موقع ادخله مواقع ماتخطر على البال (طبعا هذا كله قبل اكتشاف الماسنجر يعني ماكنت أعرف شيء اسمه ياهو أو هوتميل يعني بدون فايده وصار عندي تقريبا حوالي 22 ايميل (وماني عارفه ليه)
أما فمرحلتي الثانيه زي كل الناس حبيت أكتشف وأشوف وش الشات ودخلت الشات وطبعا صار وقتي يضيع بدون ماأحس والأكيد بدون أي فايده كنت أتوقع ان النت كله كذا دردشه وكل الناس فيها واستمريت على هالحاله يمكن لمدة سنه كامله وكان وقتي ضايع بهالخرابيط (لايفوتكم للحين مدري وشو الماسنجر)
وفيه مرة من المرات كنت رايحه لمحل فيه نت وكانوا كل اللي فيه أطفااااال وحزروا ايش كانوا يدخلون شات ولاتفوتكم الأسامي (مخاوي الليل –أسير الشوق الخخخخخخخخ) وغيرها من الأسامي اللي ماتخطر على بالك انها تكون لبزران طبعا بعدها جتني الصدمه واكتشفت اني طول هالمدة أدردش مع بزران ياللهول :11ar: (بس يالله خيره خلتني أفتك من هالشات اللي كان مضيعه للوقت )
وبعدها اكتشفت الماسنجرر اللي صار شغلي الشاغل وماخليت أحد أعرفه والا مااعرفه الا وأضفت ايميله عندي لحد مامتلا الماسنجر وتصير لي أحيانا مواقف اني اكتب كلام فلان لفلان طبعا من كثره هالعالم المجمعه عندي كل من هب ودب ومن كل الجنسياااااات كنت أدخل النت وعلى طول على المسنجر وسواليف وضحك طول المدة وبعد مدة جتني حالة الطفش وحسيت ان النت (على ماكنت أظن) سخافه ومافيه أ~ي فايدة وتركته لفترة لكني كنت أشوف ناس كثير مستمرين ودايما على النت فحبيت اني أسألهم وش يدخلون فكانوا يقولون لي منتديات(الى الان ماعندي أي فكرة عنها )
وحبيت اني ادخل وأشوف وش اللي يقولون وفعلا حسيت ان فيها ناس كبار وفاهمه وان الوقت مو هدر فيها
وطبعا ماخليت منتدى الا وسجلت فيه بدون مشاركات مجرد اني اقرأ كنت حابه ألقى منتدى أرتاح فيه وأكون لي صداقات وبنفس الوقت أنا احب الشعر ونفسي القى ناس تساعدني على هالهوايه وتنقدني
وأخيرا وبعد عناااااء طويل قالت لي وحدة من صاحباتي على منتداكم وفعلا لقيت نفسي فيه بصراحة وعلى فكرة تراني عضوة جديده وهذا ثاني موضوع أشارك فيه بس ان شاء الله شوي شوي وبكثف مشاركتي أهم شي اني لقيت راحتي فيه مابغيت وبصراحه منتدى رائع خلاني أغير فكرتي عن النت لقيت فيه ناس واعيه وتقدر وتفهم (بعذري تعقدت من حقين الشااااات) وان شاء الله اني بكون بين اهلي واخواني يكفي اني عقلت وتركت الشااااات وفكرة الدرازن اللي بالماسنجر واضافه كل ماهب ودب طبعا كله بفضل الله ثم هالمنتديات
وأنا حبيت اكتب لكم الموضوع للفايده والاستفادة
اختكم : عذبة سوالف
مواقع النشر (المفضلة)