[glow=FFFF66]انا ناويلك بنيّة تعلّم قلبك الاخلاق
ابيك تعرف وش تعني خيانة شخص في شرعي
تحملتك كثير وشلت لجلك حمل ما ينطاق
واخلصت العطا لجلك وتدري بالعطا طبعي
ويا ما كان لك عندي بحر من عشق واشواق
ولو لاموني بحبك يعاند قولهم سمعي
امانة .. ليه كنت تقول بأني شمعة العشاق ؟
وبأن كل حدود الكون ما يوصل حد ربعي
وبأن العشق لي وحدي بليا موعد ينساق
وكل من كان ضميان رويته من صفا نبعي
وبالآخر تجي تكتب نهاية حبنا بفراق
وتتمادى مع غدرك وتملي كأسك بدمعي
ألا يللي حرقت القلب وصار الوقت بك حراق
أبد ما ينطفي جمري .. وحتى بالصلاة بدعي
إلين الله يقدرني واعلّم قلبك الاخلاق
عشان تعرف وش تعني خيانة شخص في شرعي !!
مـــنـــــــقـــــــول[/glow]
مواقع النشر (المفضلة)