[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=1 line=0 align=center use=sp num="0,black"]


يابـنـت قلـبـي خـذالـه بـالـهـوى دوره=
متـخـرجٍ جامـعـي يابـنـت مـــن قـــده
لو هزه الوقت ماأرخى للعرب زوره=
قد ذاق مـن حـر وقتـه صـادق الصـده
حطي .. رحالك.. ترى دنياك منزوره=
لاتـعـتـلـي هـامـتــك دنــيــاك مـنـلــده
انـتـي علـيـه شكيـتـي الـهـم وبـحـوره=
وانا غريـق البحـور وصـار للـي مـده
وراك مـا تنقذيـن اللـي قضـى شـوره=
ضيّع شواطيك فـي جـزره وفـي مـده
يـسـج قلـبـي عـلـى طـريـاك يـانــوره=
يغـيـب فـكـري عـلــى مـافــات واردّه
أعيد وقتٍ مضى بالصوت والصـوره=
أخـرجــه وانـسـقـه يـابـنـت واعــــده
قمـت اتخيـل زمـان الـورد وزهــوره=
لاجيـت يمـك أسـوق الـرجـل محـتـده
لاشفـت عينـك أقـول العيـن مكسـوره=
أثـر الغـلا فـي عيونـك واصــلٍ حــده
تقـبـل عـلـيـه جبـيـنـك يلـتـمـع نـــوره=
يضحك حجاجك قبل سنـك يجـي رده
أضيع في روضـتٍ بالحسـن مذكـوره=
إفياضهـا تــروي الـلـي لاحـقـه شــده
ياحيـلـة الله وفـيـك النـفـس مـجـبـوره=
حسبي على من عظيم الحـب قـد هـده
نـاسٍ سعـت بينـنـا ماهـيـب مشـكـوره=
لارحم أبو مـن تسبـب ولا رحـم جـده
واليـوم كـنـي سكـنـت بــراس تـنـوره=
وأنتـي سكنتـي علـى ماقيـل فـي جـده
أظروف فرقاك منهـا الـروح مقهـوره=
بيـض الليـالـي علـيّـه جــات مـسـوده [/poem]