الغيبــــــــــــــــــوبه

**العشب الازرق** · 14-09-2005, 11:15 PM

هــــــــــــــــذي مــــــــــــــــن ضمــــــــــــــــن القصايــــــــــــــــد اللــــــــــــــــي اعجبتنــــــــــــــــي وهــــــــــــــــي قصيــــــــــــــــده للشاعــــــــــــــــر/ سالــــــــــــــــم سيــــــــــــــــار العنــــــــــــــــزي مــــــــــــــــن اروع شعــــــــــــــــراء الكوويــــــــــــــــت القصيــــــــــــــــده بعنــــــــــــــــوان الغيبــــــــــــــــوبه وهــــــــــــــــي تتكلــــــــــــــــم عــــــــــــــــن الاخ ان شاللــــــــــــــــه تستمتعــــــــــــــــوون بهالنــــــــــــــــقل :

[poem=font="Simplified Arabic,4,white,normal,normal" bkcolor="transparent" bkimage="backgrounds/37.gif" border="none,4,black" type=0 line=0 align=center use=ex num="0,black"]
بنادق مهجتي معبى فشقهاوالغلا نيشان
ابطلق روحي في قلب القصيد وانبض ابياته
ابذبح حزني من اقصى الشعور لاول الاخوان
واسيّل عمره وتشرب عيون العمر دمعاته
وحيد ولا معي الا اخوي بداخلي غفيان
ترفرف ضحكته واطلق نعاسي لصبح ضحكاته
في بالي ارقد وادري حزين وشارد وبردان
وانا انثر برده من فوق الخيال وجمر سجاته
ينام ينام واعقد بعين الاغاني جمرة التحنان
ينام ينام واعقد بعين البدايه كل نهاياتي
يدور القلب تتفت ضلوعه يطحنه حرمان
يجوع القلب يحضني في جوعي واكل فتاته
واطل من الالم احضن حياة الشارع الولهان
يلملم حسرتي ويكسر وجودي بشوق اضائاته
تعبت تمليني طعون تصب من خنجر الخلان
تعبت استنزف عيوني دموع العين طعناته
ياخيي اقعد الدنيا رمت من تحتي النيران
وهذا العمر مايحمل بجوفي الا انكساراته
ياخيي ليه تغيب وليه تتركني وانا شفقان
لقرم يقلب جبال الهموم بعزة ثباته
اعرفه لاوصل كنه صقر من صفوة الويلان
يكش جلد السما ان شافت مخاليبه وهداته
رجال تربط حزام القبيله وتنفلت شجعان
واخوي يربط رجال القبيله حزام هقواته
كريم ماهو من يبني فعايل صيته الديوان
في صدره دلته وهيله وفناجيله وتمراته
اذا كان الكرم حمس الهلا في مهجة الضيفان
اخوي من حمس قلبه لضيفه وصب فزعاته
وكم تكفى انرمت بين البشر ممزوعة الوجدان
اخوي قبل لاترمى عليه يقط نخوووووووووواته
حزين السيف بكفوف الاودام طافي ذبلان
بعد مانام دم اللي سقى فعله ومضاته
ياخيي اقعد وقّعد خضوعي بداخل الشريان
تنام ولا بقى همن قطف من دمي غفواته
غريبه شلون يكسرك الغياب ويطلبك نسيان
ودفتر جيتك ياخّي طوى من عمري صفحاته
يجيني مادري ولكن اعرفه لاوصل جيعان
قسم وان جاني لانحرني لجوعه تحت خطواته
وصل زوله هذاك اللي وصل مايشبهه انسان
هذاك اللي وصل شايل عذاب العمر واهاته
وجيت اللحين ياخيي بعد ماشالتك امتان
بعد ماودهم غسل الجسد عن كل نزواته
ابد لاينغسل هذا الشهم مغسول بالفرسان
اخوي من غسل روح الجسد في طهر نياته
ايا دفان دخيل الله لاتدفنه يادفان
دخيلك خلني ادفن في بالي جمر بسماته
واهف بسماته من هذا المكان لاخر الاحزان
وانا اطحن موته في جوع الكلام واخبز سكاته
انام شلون لاصار الاخو جايع وانا شبعان
اخوي اللي كسر قلبه لجوعي وجاع لحظاته
اخوي اللي يمزمزني معاليقه اذا عطشان
اخوي اللي فنى عمره من اجل اطلع مسافاته
يدين القبر ضميني وسط حضن الاخو نعسان
ابرقد دام لي قلبن دفن وياه نبضاته
اكيد انه وسط قبره سمع طق الخطاوي الان
الا ياليت انا المدفون وانا اسمع دق خطواته ......................[/poem]

واللــــــــــــــــي ماعجبــــــــــــــــه خطــــــــــــــــي يقــــــــــــــــدر يسمعــــــــــــــــها علــــــــــــــــى الرابــــــــــــــــط هــــــــــــــــذا :
http://www.dwaihi.com/poem/22syar3.ram

الــــــــــــــــف شكــــــــــــــــر............................

**عــــقــداللــؤلــؤ** · 15-09-2005, 12:28 AM

دام نبضك
يسلمممو اخوي على القصيده الرائعه

اختكـ/عقوددهـ

**العشب الازرق** · 15-09-2005, 02:00 AM

الــــــــــــــــف شكــــــــــــــــر عقــــــــــــــــد علــــــــــــــــى مــــــــــــــــرورك . والــــــــــــــــف شكــــــــــــــــر علــــــــــــــــى اطرائــــــــــــــــك .اتمنــــــــــــــــى مانحــــــــــــــــرم هالحضــــــــــــــــووور يــــــــــــــــارب .

الــــــــــــــــف شكــــــــــــــــر لــــــــــــــــك ........................

تقبلــــــــــــــــي تحياتــــــــــــــــــــــــــــــــي ...................