ماحب نـوع الفشخـره والدعايـات
ماحب نـوع الفشخـره والدعايـات
والي على نفـس النمـط لا يجينـي
ودي يجي بينـه وبينـي مسافـات
ويبطـي قسـم بالله لا يحتريـنـي
الثوب لـه (خبنه)وعـدّة مقاسـات
وانـا مقاسـي غيـر يامبتليـنـي
طيبه وعزت نفس فينـي ونخـوات
وفزعت يساري ماتسـاوي يمينـي
واحب كل الناس (باالذات باالـذات)
من قـال عنهـم خالقي((والدينـي)
واما الشعر لي فيه (صوله وجولات)
((من بحر حبك لين بحرالهجينـي))
وبيني وبين اللـي يلينـي مسافـات
ياطـول درب الـي وراي ويليـنـي
شاعر تراقصلي طيـور وفراشـات
ونجم السما يلعب على حرف سينـي
ساحر ومتفلسف ولي سبع بصمـات
((بس الغـرور الله بينـه وبينـي))
راوي واجيد اسلوب فـن الروايـات
تسمع جماهيري تـردد ((ياعينـي)
اغوص في البحر الحمر والمحيطـات
وجو السما هو بس مـن يحتوينـي
تميزي في رسـم نهـج الخيـالاات
كن الشعـر مخلـوق منـي وفينـي
انثر حروف الشعر واروح بسكـات
واجمع حروفه بين قبضـت يدينـي
تصريح شاعر له مسـار وحكايـات
((ماهمني شبل الاسد والحصينـي))
والا انت يلي لك بروحـي مسـارات
مابيـن شريانـي ومابيـن عينـي
خذيتني بسلوب(( بسمه وغمـزات))
وتوهتني مـن قُبلتـك فـي جبينـي
حسيت في حبـك ملـذه وسكـرات
وحسيت انك بـس مـن يهتوينـي
وسويت لك في وسط جوفي مسارات
ولا قلت لك فـي يـوم لا تجرحينـي
لا والله الـى حطـي القلـب كيـات
وان كان ودك ((تحرقين احرقينـي))
ثم جمعينـي وسـط قلبـك حبيبـات
ثم انثريني فـي الهـوى واجمعينـي
ثـم ارفعينـي ليـن حـد المجـرات
وفي ضرف لمحة عين لك رجعينـي
وفي شعرك الدافي ابو خمس خصلات
مابين خصـلات الشعـر سهرينـي
ومابين نبع (الثغـر خلينـي اابـات)
وبين البرد والجمر(( لا تحرمينـي))
سويبي اللـي يعجبـك كـل لوقـات
مانـي بقايلـك خـلاص اتركيـنـي
حـرام حُـرم الـدم ماقـول أاهـات
مادام انـك صـدق بتمـوت فينـي
معشوقتي لو طالعت فـي المرايـات
كن المرايـه سولفـت ((كسرينـي)
لو تجمعون اهـل الدلـع والعبايـات
((راحو وطي ياشيب راسي وعيني))
ماهو بدالـك كـل لحضـه وحـزات
سويـه فينـي فـي بقايـاا سنينـي
بس افهمي ان لي مع الناس ميـزات
وميزه وحيده ((وقفـي وافهمينـي))
من قال لي (قُدباي) باقول (بايـات)
ماني بقايـل مثـل غيري(اخذينـي)
وســـلامـــتـــكـــم
منقوله
رد مع اقتباس
مواقع النشر (المفضلة)