هذي قصة صارت احداثها وانا موجود المهم اللي صار اني طالع من الثانوية رايح للبيت على نفس خطي للبيت كان فيه ثانوية بنات المهم انا مار في الحارة رايح للبيت الا وهذيك السيارة اللي داخله علي بسرعة مو طبيعية الا وجمس الهيئة وراه المهم طردتهم الشاب اللي كان على السيارة الاولى كان معه وحده وكان يبي ينزلها قدام باب الثانوية علشان ينزل خويته وتهرب بين البنات اللي طالعات من الثانوية ورجال الهيئه ما يعرفونها البنت ما يمديها تفتح الباب الا والمطوع لاقطها بكف يوم نزلت سكرت الباب وراها والشاب قفل ازرار السيارة وهرب وتركها اللي قهر كل الموجودين والحاضرين ان جمس الهيئه وقف ونزل وترك الشاب يهرب والبنت ضربوها قدام الخلق والله حتى الغطوه على راسها نزلوها وفضحوها اكثر من فضيحة خويها لها وفشلوا فيها كثر ماهي متفشله وتركوا الشاب يروح في امان الله لا طردوه ولا بلغوا عنه ولا شيء
سؤال بريء : الحين الشاب ركب البنت ولعب لعيها وضحك عليها ورماها وانحاش والبنت ضعيفه مهما كانت تبقى بنت عقلها صغير كيف يفضحون البنت ويسترون الشاب ويخلونه يهرب؟
مواقع النشر (المفضلة)