جريـمة قتـل...ارتكبـها سعودي وايـلي
السلام عليكم ورحمة الله وبركااته ..
انا بعترف بشي.. وقدامك ..لاني ماقدرت اتحمل اكثر من كذا ..ضميري مو مرتاح ..وحاس بذنب كبير علي .. بعترف قدامك والي يقدر يوصل الخبر للحكومه اكون شاكر له .. نعم في يوم من الايام قتلت ثلاث اشخاص .. وفعلا ماتوا ونقلوا الى مقابرهم دون علم احد .. كل انسان يخطي وهأنا اخطيت ..لاني بدأت لااطيق نفسي ولا الذين حولي .
السالــفه
كنت رايح لمطعم الساعه 3 ليلا ..دخلت في المطعم الا واشوف شايب عمره ممكن الستين تقريبا .. اشتري من المطعم وينتظر التركي يرجع باقي الحساب لشاايب .. لما قال الشايب عطني الباقي صرخ التركي في وجه وقال مالك شي ..يعني بلفه .{اخذ الباقي غصب عنه} والكل ساكت انا مادري كيف سكت بس فعلا سكت .. مافيه احد تكلم الكل ساكتين وخايفين على انفسهم .. المهم ناديت التركي وقلت له عطني الشي الفلاني والفلاني ..الخ
بعدها طلعت من المطعم الا في شاب يقول لي وقف ..وقفت قلت امر ياطيب . قال اسمع انت كذا وكذا..كلام كبير ..قلت كيف .قال الي سمعته ..فعلا تخانقنا انا ويااه .. وكان معي شي حاد ماذكر وشو بالضبط ..ضربته فيه ومات .. كان معي ثلاثه من اخوياني اخذوه ورموه في مكان خالي مو بعيد عن المطعم .. بعدها بساعات دفناه ..ورجعت للمطعم ولا ادري وش ابي .. وانا طالع الا طلعوا لي شخصين منهدين علي في عصي ومادري ايش كان معهم بعد .. تضاربت انا وياهم .. ونفس الشي كان معي شي حاد وقتلتهم.. ماتوا الثلاثه قدام الكل .. ولااحد قال لي ليش سويت كذا .. جم اخوياني ودفنوهم بعد .. وارجع للمطعم واخذ الي ابيه واروح للبيت .. مع العلم ماحد قال لي وش سويت وليه .. ولا بلغ عني ولا اي شي
هذه السالفه .. مو بصحيح هذا حلمي قبل امس .. كتبت الموضوع لاني اول ماصحيت جاء في بالي شي .. وهو الامن .. حسيت اني كنت فاقد هالكلمه
فعلا نحن نعيش في امن كبير .. يعني على غرار القصه الي كتبتها ..في البدايه جاء شايب ولا قدر ياخذ فلوسه الباقيه ليش .. حكم القوي على الضعيف... بس في الواقع كل واحد يقدر يأخذ حقه لاننا في السعوديه حتى الاجنبي يأخذ حقه .. ولله الحمد .. وفي نفس القصه ايضا اني قتلت ثلاث شبان ولا احد قال لي وش سويت.. ولكن في الواقع تقول لنا السعوديه .. العين بالعين والسن بالسن .
اذكر احد المدرسين لي اياام الثانويه ..سوداني الجنسيه كان يقول لي انا ماشفت امن في العالم كله مثل ماشفت في السعوديه .. قلت ليش ..قال انا قبل اياام جاي من امريكاا يقول والله العظيم اطفال في عمر 15 معه رشاش ومسوي له عصابه ويقتلون ويهربون .. ويسرقون والامن مامنه فايده .. لو كانوا في السعوديه ماكانوا كذا اصلا .
حتى الان الاجناب الذين يشتغلون في السعوديه يقولون اكثر شي نكسبه في السعوديه قبل الاموال هي نعمة الامن .. في السعوديه امن لم يروه في بلدانهم . في بلدانهم يسكرون ويشربون ويزنون.. ويقتلون في الشوارع . ولكن هنا يتغيرون ..لانهم في بلد الحرمين الشريفين
نعم نحن نعيش في امن... لم تشهد بلاد العالم امن الاسلام الذي منه الله علينا .. لو تشاهدوا بلدان العالم الامن لقلتوا انريد ان نكون في السعوديه حتى ولو على قطعة من الخبز
احمدوا ربكم على هذه النعم التي تفتقدونها ويحس بها غيركم .. اشكروا ربكم .. الذين جعلم الانسان السعودي اذا خرج من بيته ساعات لايفكر في اهله ولا اولاده ..لانه يعرف ان لاحد يضر به شي ... فهذه نعمه من نعم الله ..
اتمنى اني وصلت شي مما في داخلي .. ولكم التحيه والتقدير مني
بقلـــم سعوودي وايلي
مواقع النشر (المفضلة)