ابسئلك بالنسبة لك من أكون؟
قلت: بجاوبك وتخيل
بجاوبك بصدق وبين لك المكنون
أنا موبس احبك..
أنا موبس أعشقك..
انا فيك مجنون..
تدري لو بيدي ماتعيش في ذا الكون
لو بيدي أحطك وسط العيون.
وغمض عليك الجفون.
شايف هذه الأرض اللي عليها البشر يمشون.
لوبيدي مايطأها قدمك المزيون
لوبيدي أشيلك براحة أيديني وأوصلك مشاويرك وين ماتكون
وأبني لك بيت من الحنان والضلوع.
وأشيل عنك الهم وأمسح من فوق خدك الدموع
وخلي حياتك كلها سعادة وفرح وشجون
تدري إني أحسد اللي معك يجلسون
أحسد خواتك وأمك
وأحسد الملابس اللي تضمك
وأحسد الضحكة اللي ترتسم فوق فمك
حتى بوقت الحزن أحسد الدمعة لطاحت فوق خدك
ياعمري لازم كل البشر يدرون
من تكون ومن أكون
لازم أنهم يدرون
إنك أجمل رجال الكون
وكل اولاد جيلك مستواك مايوصلون
حتى لو يحاولون
حتى لو يجتمعون
مايساوون شعره في رمش العيون
إنت قمر إنت ملاك إنت لؤلؤ مكنون
إنت أمير تأمر وأنا أقول ياعون
إنت الوحيد اللي علي تمون
إطلب القلب والروح مني والعيون
كلي فداك كل شيء لجلك يهون
ومع هذا أنا لك ممنون
أما أنا فأنا إنسان مايعشقك بعقل يعشقك بجنون
إنسان يموت فيك ويوعدك مايخون
إنسان يحبك حب أطفال شفت الأطفال لاحبوا وش يسوون
لافارقوا اللي يحبونهم يبكون
ولا لقوا اللي يحبونهم يفرحون
ولا تولعوا في شيء مايتنازلون عنه مهما يكون
ياحياتي لازم تدري
إنك حياتي وحبي وعالمي والكون
إنت بالنسبة لي نظر العيون
وأنا من دونك ويش أكون
بس بطلبك طلب من إنسان فيك مفتون
إنك ثانيه ماتسأل سؤال يزيدني فوق جنوني جنون
مواقع النشر (المفضلة)