مواقف مضحكه على البنات لا تفوتكم
الموقف الاول
بنت تعودت هي وخواتها اذا مر واحد منهم بجنب الثاني مد رجله ليسقطه على الأرض
يوم تزوجت البنت وفي الأسبوع الأول من الزواج بعد ما خلص الزوج من وجبة الغداء وراح يبي يغسل
يديه مدت البنت اللي هي الزوجة رجلها مو قصدها تبي تمززززح لا ناسيه اقول مدت رجلها كالعادة
قدام المسكين زوجها على غفلة منه وطاااااااااااااح الزوج ونكسرت يده
والبنت من شدة الاحراااااااااااااج اللي صاااار راحت بيت اهلها
يا شين بعض المزززززززح
**********
الموقف الثاني
وهذا واحد تقدم يبي يخطب أخت صديقه وافق أخوها بس الخاطب اشترط أنه يشوفها حسب الشرع
كلم الأخ أخته ان صديقه يبي يشوفها قبل لا يملك عليها طبعآ رفضت البنت عشااااااانهااااااا خجوله جدآ
وامام هذا الرفض قام الأخ وضبط الموقف بحيث ان صديقه يشوف العروس من غير ماتشعر بوجود الخاطب
قام الأخ واشترى بعض الأغراض ودخل السيارة بحوش البيت ونادى أخته عشان تنزل الأغراض من
السيارة - والخاطب ما شاء الله عليه قاعد مبقق هالعيون ويبصبص من شباك مجلس الرجال
جت البنت وشالت كرتووون البيبسي وقامت تركض وتدور بالكرتون ( وتفحط ) كأنها تسوق سيارة ! ! !
ومادرت البنت الا في ليلة الزواج يوم علمها الزوج وقعدت المسكينه تبكي من شدة الخجل
الحقيقة مووووقف لا تحسد عليه
********
الموقف الثالث
واحد تزوج على زوجته - ومن الحرة اللي فيها - جت في ليلة عرسه وخذت ثيابه اللي يبي يلبسها
ومسحت عليها قشر برشوم - والبرشوم - فاكهه لها أشواك قوية وماتنشاف
قووووية والله هذي الزوجة
********
الموقف الرابع
وهذي وحده تقول في اول ايام زواجي طلب مني زوجي افتحلة علبة بيبسي 00 قمت وفتحت العلبة قدام
وجهه 00 ويا للهووول طااااش البيبسي على وجهه وملابسه والجدار وانا مع خوفي جتني حالة
هسترية من الضحك وهو المسكين يضحك بس من غير نفس
********
الموقف الخامس
وهذي وحدة خجوووله مررره مررره ويوم تزوجت كانت تخجل حتى تتكلم مع زوجها وكانوا الحريم
يلومونها على هالخجل الزايد عن حده 00 وقالن لها لازم تحكين مع زوجك وتمزحين معه وتدفينه
بيدك مثلا 00 وعاد هي صممت هالمرة تكسر حاجز هالخجل الزايد
ومرره من المرات هي وزوجها بالسطح يوم جاء الزوج بينزل من الدرج إلا وهي تسرع وتدفه على غفله
منه وهي تبسم 00 تدحرج المسكين وترن ترن مع هالدرج لين وصل آخر درجه وهو بعد ماستوووعب
وش اللي صاير 00
واول ماشطحت نطحت
********
الموقف السادس
زوجه ليلة عرسها بعد ما خلصت من وضع المكياج وضبطت التسريحة 00 جت تبي تطلع عند الحريم
والرزة على المنصة 00 شافت بعض - الحمرة - في يدها راحت دورة المياة وفتحت حنفية الدش وماده
ايدينها تبي تغسل الحمرة ومادرت إلا والدش يصب على راسها 00 واختربت التسريحه واخترب مكياجها
إحرااااااااااااااااج
********
الموقف السابع
وهذي زوجه بعد تقوول في الاسبوع الاول من زواجي حلمت أني ألعب مع إخواني وقام أخوي الصغير
وأخذ حاجة من أغراضي وقمت الحقه الين مسكته وقمت أضربه وأصفقه وأصفقه 00 يومني صحيت
أثريني ماسكه زوجي وقاعده أصفق في المسكين كفوف
لا تعليق !!
********
الموقف الثامن
وهذي وحده تقول موقف محرج جدآ صار مع احد صديقاتي تقول 00
صديقتي هذي انخطبت وطبعآ جاء العريس وأبوه وأخوانه لأهل البنت عشان يتفقون على لوازم الفرح
المهم اللي حصل مع صديقتي وخواتها يبغون يشفون العريس وكانوا في غرفة مجاورة لمجلس الرجال
يفصل بينهم باب سحاب
تقول صديقتي هذي وخواتها متجمعات خلف الباب ومطفين النور وكل وحدة تدفع الثانية تبغى تشوف
وفي وسط هذه المعمعة والدافع والمدفوع لشوفة العريس ولكثرة الضغط انكسر الباب السحاب مادرت
العروس وخواتها الا هن وسط مجلس الرجال
موووقف صعب ومحرج
مواقع النشر (المفضلة)