الغياب الي قهرني
]بسم الله الرحمن الرحيم
الغياب اللى قهرني يمكن انـك مـا دريتـه
والغياب اللى ذبحني يمكن انـك فيـه داري
غبت من ليلي حسايف والعنا كلـه سريتـه
الوله دمي ونبضي وكل شوق جـاك سـاري
ما بقى دمع بعينـي فـي غيابـك مابكيتـه
وروح تبكي في يميني وقلب يبكي في يساري
ياعذابي من غيابك في غيابـك مـا قويتـه
ارتجف برد الوله واحترق و الشـوق نـاري
مات شعري في غيابـك لا ولاحتـى رثيتـه
ولا رثا فجري ظلامي ولارثا ليلـي نهـاري
الجفاف اللى بعمري ليـت بطيوفـك رويتـه
يا رذاذ العمر قلي وش بقـى غيرانكسـاري
كل شوكٍ في خريف البعد لعيونـك وطيتـه
ما رحمني شوك بعدك لا ولا شوك صحـاري
ما طويت اليأس منـك لا ولاحتـى طويتـه
ولو يفوت العمر فدوة بس يبقى فيك شـاري
أسقني شربة حروفك ولو تبا قلبـي عطيتـه
بس يكفيني غيابك بـس ياطـول انتظـاري
انت يا مقصد حروفي وانت بس اللى عنيتـه
وانت يافرحه وجودي وانت يا زود افتخاري
ان كتبت الشعر لجلك كل عالي لـك رقيتـه
وان قصدت الشعرغيرك ااه ياسهل انحـداري
وان تغزلت بجنابك كل غالـي لـك جنيتـه
لك نزيف جروح قلبي ياوطن عمـري وداري
رد مع اقتباس
مواقع النشر (المفضلة)