&
&
&
&
&
الله يسعد اوقاتكم بكل خير
عندما يئن الزمن على ماضي الذكريات
عندما يئن القلب على ذكريات الزمان
فإنه حتماً يستذكر ماضياً لن يعود
ولكنها الذكرى تبقى .. حتى لو كانت اليمه
هنا نستذكر معاً هذه القصيده
[poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تعيّنت الديار اللّي من الايام مهجوره = لقيت الدار كاسيها الخضار وفارشٍ فيها
تهيّضني ديارن من حقوق الوسم ممطوره = وعلّت من شراب السيل واخضرّت اراضيها
وسج الفكر في جوّن عليل وفاحت زهوره = وهاج الحرف من فكري قصيده من لياليها
على جال الغدير نشاهد فنون الحيا صوره = مشاهد منظرٍ فاتن عن الدنيا ومافيها
على ضوّ القمر جالس واسامر للقمر نوره = الا يازين دارن والقمر نوره يضوّيها
ديارن في عزاز الطيب مبنيّه ومعموره = عزيزه ... ماوطاها الهون قاصيها ودانيها
ديار مولّعٍ فيها الحيا .. وديار مدهوره = مبيّدها الدهر ومن القحط جردن مفاليها
نلوم النفس واثر النفس منهيّه وماموره = نعيش بواقع الدنيا ... ودنيا وين تاليها
تعذّبني نزول الدمعه من العين مقهوره = ويفرحني ضحوك السن والبسمه وامانيها
ذكرت الشوق والماضي ووقتٍ طالني جوره = على مركب بحور الشوق وسنيني موانيها
تكسّربي مجاديف الزمان بغبّة بحوره = تلاطم بي هياج الموج مبحر في شواطيها
اسجّ الفكر في بحرٍ عميق وتاه بابوره = عواصف تخلف اليمّه ... على كيفه تمشّيها
غدى شوقي كسير وزادت اشواقه من كسوره = يزايدها مرور الوقت واحساسي يعنّيها
نفوس تضيق من ضيقي كدر ونفوس مسروره = تفرّحها هموم الناس .. لاكثرت بلاويها
عساها للكدر وتموت مغبونه ومدحوره = تذوق الهم من كاس الهموم اللّي يروّيها
اشوف النفس مذنوبه وبعض نفوس ماجوره = تعيّن من هواها خير ماذاقت شقاويها
الا ياناسي الاحباب يبقى للزمن دوره = واذكرك بزمانٍ فات ... تكحلها وابعميها
نعرفك جملة المجرور باسم الحرف مجروره = علامة جرّه الكسره وظاهرها بتاليها
يدورنّ الليالي والاماني دورة الكوره = تدحرجها السنين بحاضر الدنيا وماضيها
اخذت من الزمان دروس وسط الفكر محفوره = وكل دقّه بتعليمه تجوّدني باياديها
ودامنّي بديت اذكر زمانٍ طالني جوره = حسافه منّي الذكرى .. حسافه جبت طاريها[/poem]
وسلامتكم
نواف المطيري
مواقع النشر (المفضلة)