هجــــــــــــــاء في جهــــــــــــــــازي
ضاعت قصيده والسبب فيها االلاب توب حسبي الله عليه فكان هذا جزاؤه اللذي يستحقه ..............
[poem=font="Simplified Arabic,4,black,normal,normal" bkcolor="transparent" bkimage="backgrounds/33.gif" border="none,4,gray" type=0 line=0 align=center use=ex num="0,black"]
كنت ابكتب لي قصيده وأشتكي من الانتهاز
لكن ان الحظ سيء والقدر ما فيه حيله
و كانت حروفي تناثر جبتها بأحلى طراز
لجل تشفي ما جرى لي لو بأبياتٍ قليله
كنت ابكتب عن حبيبٍ عشته أيامٍ عزاز
كنت انا وياه قصة ليلةٍ في إثر ليله
بس يا حيف القصايد ما تخلي الابتزاز
جابت اقصاي وخذتني مع هواجيسٍ طويله
ارتسم عشرين بيتٍ مثل صف الارتكاز
واحتوى همي وحلّق في ترانيمٍ جميله
كانت حروفٍ تلاعب بالمعاني والمجاز
اعتقدها عنكبوتٍ تنسج خيوطٍ نحيله
لو وصفها سيبويه بوصف كان الإمتياز
لكن ان العين تبصر والأيادي ما تجيله
بس هي هالحين راحت ما نفعني الاعتزاز
في قصيدٍ ضاع مني أعجز ابحث عن مثيله
والسبب كان بضياعه علةٍ فيها جواز
حاسبٍِ آلي مخرّف ما عرف شعري موديله
مابيدّي غير اقول قبح الله هالجهاز
لا مدحته قام يزحف وان هجيته وش حليله[/poem]
الف شكــــــــــــــــــر........................
رد مع اقتباس
مواقع النشر (المفضلة)