كيف تشتاق لمن خذلك!!
وكيف تحن لمن قتلك!!
بل كيف تكتبُ على سكين ذابحِكَ (( أحبك)) !!
واللي خلــــق روحي .. واللي كتب عــــمري
وسواني ظلمة لــــيل .. وانت القـــــمر سواك
حاولت أذيب الشوق .. باحزاني وصــــــبري
أعصي الهوى مرات .. بس ما قــدرت أنساك
تفضحني ادموعــــي .. بعيــــوني من تجري
من ينذكــر إسمــــــك .. أو من يمر طــــرواك
أتمـــــثل النـــــــسيان .. واتهــــــرب بفــكـــري
أخفــــي الألــــــم والآه .. ينهشــــني بذكــــراك
أدري انـــــك الخاطي .. والــراضي بهجـــــري
تنــــدم على وصـــلي .. واندم علـــى فرقـــــــاك
ورغــم انــــك الـــقاسي .. بحوالـــــي ما تـــدري
صرت أســـــأل الدنيا .. ويـــــن الزمــــن وداك؟
أدعي بعســـــاك الخير .. يا أغلى من عــــــمري
وعــسى اللي خـــــلاني .. في غربه ما خــــــــلاك
إرتــــاح وصـــــدرك لا .. يـــنزف مـــثل صدري
إتســــلى بجـــروحي .. واتهنى في دنيـــــــــــاك
وان زادت اهمومـــــــك .. اضحك على قـــــــدري
وان دنـــــــــيتك ضاقت .. بيـع الل دوم أغــــــلاك
اذبحني بغــــــــــدرك .. واسكن على قــــــــــبري
حتى بعد موتـــــــــــي .. روحي ترى تفــــــــــداك
إطعن وخل النـــــــــاس .. تتـشمــــت بأمـــــــــري
ولا تنــزعج من خــــوف .. إنـــي أرد ويــــــــــــــاك
ميــــــت انا ودمـــــــي .. البــــاقي من حبــــــــري
خــــط على سكـــــينك .. والله العظـــــــيم أهـــواك
ولكم اجمل تحية .....
من ,,,,,,
اختـــــــــكم ,,,,
الحلم الضايع ,,,,
مواقع النشر (المفضلة)