§¨ من صباح الخير و من مساء الخير ¨§
السلام عليكم ورحمه الله وبركاته
هذى بعض المسجات
وان شالله ما تكون قديمه ..
...
...
قالوا تحبه قلت الكل يشهد
مجنون في حبه ولا اطيق فرقاه
يسوى عيوني وكل امه محمد
مسكنه قلبي ولا افرح بلياه
هو الوحيد اللي غلاه مؤكد
مايسر قلبي غيره لا عدمناه
.*.*.*.
مثل النسيم العذب تجرح سكوني..
تسرق بقايا ضحكتي وسط الاصحاب
احاكي اصحابي وهم يسمعوني..
وقلبي معاك وكل االكون عندي اغراب
وعنك يحاول بعضهم يسألوني..
متى وكيف ووين اصبحتوا احباب
.*.*.*.
بعض البشر بس ترسل له لهلي
وبعضهم من فرحته فيك يردها لك ثنتين
وبعضهم يتثاقل من باب التغلي
والبعض مبدأه صد وتعلي
ومن نساني ربي عني مغنيني
(( شف نفسك بين الاجناس وقلي ))
.*.*.*.
في ذمتــــــــــــــــــــــك
منهو سرق منك النوم؟
من فيه بالعالن سهرت عشانه
منهو عيونه تهتني فيك كل يوم
ومنهو غذا قلبه بقلبك مكانه
من يعشقك بجنون ما يلحقه لوم
ومن تعشقه صار سيد زمانه
.*.*.*.
دامك على هالحال تردد الموال
تزعج بصوت الشوقويزيد حره
انا اشهد انك ضايق الفكر والبال
بعد الحبايب ربي يكفيك شره
الله يعينك كل ماجاله مجال
عينك تحبس الدمع وبالقلب حسره
.*.*.*.
ابطي وتبطي ويبطي
..حبك بقلبي..
اسال وتسأل ويسأل
..شوقنا عنا..
امشي وتمشي ويمشي
..زولك بدربي..
اروح وتروح ويروح
..الزعل مننا..
.*.*.*.
ابعتذر باسم الشعر والقوافي
ان كان بحقك عن الوصل قصرت
ولو هي بكيفي والذي مايشافي
لا انقل لك الفرحه هوى وين ما رحت
لكن وعد مني وانا انسان وافي
تبقى اعز الناس ان جيت وان رحت
.*.*.*.
لا تشتري من حاولوا يخسرونك
ولاتخسر اللي فكر بيوم يشريك
مافيه اجمل من صديق يصونك
ولافيه اقسى من قريب يعاديك
واكبر قهر لاصار ناس يبونك
وانته تبيهم بس..
{حظك لعب فيك}
.*.*.*.
اتحرى من زماني ساعتين:
ساعه وداعه
وساعه"جيته"
واحترق في كل ساعه مرتين:
خوفي "ينسى"
او تطول غيبته
وبس يقبل تعتريني رجفتين
رجفة "الفرحه"
ورجفة هيبته
مات قلبي يالخلايق موتتين
يوم "شفته"
ويوم روحي حبته
.*.*.*.
خزنت لك بالقلب عشرة ملايين ,,
ماهو رصيد فلوس لكن موده ,,
زكاة حبك تغني كل المساكين ,,
من الساحل الشرقي الى حد جده ,,
وأمشي معك والله على العسر واللين ,,
الموت والمقســــــــوم محد ٍ يرده ,,
.*.*.*.
من وين ابتدي؟
احساسي يمك غريب!
عندي شعور بحيرتي
وتغلبني مره غيرتي
ودي اجي مثل الطفل (احضنك)
وانسى دنيتي ..
مرات ودي املكك ..
ومرات ودي اعشقك
ومرات يغلبني الوله
ومن كل قلبي افقدك ....
.*.*.*.
انا لست احد سلاطين الحب
ولاملكاً من الملوك
ولا املك عصا سحريه كي
اجرك "لمحبتي"
ولكنني ((عاشق)) مرهف الاحساس
ولا أملك ما يملكه غيري من مال او جاه
لا املك سوى " كف "
لو يصك وجهك تعرف ان فيه احد مشتاق لك ..
.*.*.*.
لاغبت عني..
دمعه العين تبكيك!!
وان جيت يمي..
خافق الحب حياك!!
موج البحر..
ونسمه الليل تغليك!!
وشلون ما يغليك
شخص ٍ تمناك!!
مهما تهب الريح..
والغيم يخفيك..
لابد يوم.. تشرق..
الشمس بلقاك..!!
.*.*.*.
ماخاب ظني ولا فقدت الرجا فيك
دايم وظني بخوتك في مكانه
مبطي وانا من بادي الوقت شاريك
معك على قسى الزمان وليانه
اغليك واضمن من يخاويك يغليك
لك من صميم القلب كل امتنانه
.*.*.*.
اكذب عليك ان قلت مانيب مشتاق
لا والله الا قطّع القلب شوقي
ياواحد ترخص لعينه الاعناق
حبه سرى في القلب داخل عروقي
في غيبتهكل الفضا بخاطري ضاق
والعين في شوفته ولهى شفوقي
.*.*.*.
"ماعاد لي"
قلب ٍ ضلوعي تضمه..
وش كثر راح من الشقا وش بقى كم..
اللي رضع من ثدي الايام همه..
يموت قلبه ما تعافى من الهم ..
ياليت لي جرح وينشاف دمه..
مير البلى من جرح ماسال دم!!
.*.*.*.
انا قلبي من كثر شوقي ملا صدري..
وانا صدري من كبر قلبي نفذ صبره..
من (صباح الخير) لين الشمس ما تسري..
ومن (مساء الخير) لين نصير في بكره..
والغلا في داخلي مثل النهر يجري..
ليتك تدري بغلاك داخلي وش كثره ؟؟
.*.*.*.
حقك مانوفيه بالقيل والقال
انتي اكبر وحقك مواجيب وافعال
لو بغيتي اجيب لك قاصي الجنوب شمال
جبته لعيونك وكدت به العذال
وبجيبتي له كدت العذال
لو بغيتي القمر جبته فـ الحال
يابنت وش تبين بالقمر وانتي له صوره وتمثال؟
القمر ناقص مره بدر ومره هلال
وانتي دايم بدر ياعسانا ما ننحرم منه اطلال
.*.*.*.
مشتاق مدري كيف اعبر عن الشوق؟!!
ان انها تكفيك مشتاق .. فانا مشتاق
وان كانها عيت تجاريك بالذوق
قلي واجي من قاصي الشوق بعناق
.*.*.*.
كلمه احبك غاليه بين الاحباب
لاقالها خلي احس بغلاها
اعطش لها دايم وادور لها اسباب
ابيه ينطقها يردد صداها
كن العسل من شفته فوقها ذاب
زود على كلمه احبك حلاها
ياليتني وياه على صفحه كتاب
قصه غرام وكل عاشق قراها
.*.*.*.
تصدق منيتي شوفك
ولكن الزمن ضدي
سرق من عيني الفرحه
وانا مخبي لك بقلبي
(كلام يطول في شرحه)
ابي لو شفتك بعيني
وجت ايدك على يديني
ابحكي لك
ابشكي لك
واذا تسمح لي..!!
اببكي لك
بقول لك يابعد عمري .. انا لك وش كثر مشتاق
.*.*.*.
ودك تعرف غلاك وشقد؟!
انا اسالك وجابني بجد..
هي السما تنتهي بحد؟!
او البحر ينتهي بسد؟!
او الرمل تلقى له عد؟!
لا لقيت جواب او رد..
وقتها.. بتعرف غلاك اشقد
.*.*.*.
سلالالالالالالالالالام
مواقع النشر (المفضلة)